Gbedasi: 65-0725E Nukae Nye Hehe La Le To La Dzii?
Aƒeme Hame Ŋugbetɔ Lɔlɔ̃a,
Mina míakatã míaƒoƒu ɖedu aɖase Gbedeasi 65-0725E Nukae Nye Hehe La Le To La Dzii? Kɔsiɖagbe sia le ŋdɔ ga 12 me, Jeffersonville ƒe game.
Nɔvi. Joseph Branham
Gbedasi: 65-0725M Amesiaminawo Le Nuwuwuɣi
Alẽ Kpo Ƒoƒula Lɔlɔ̃awo,
Mekpɔ kɔɖiɖi alegbegbe henye akpedala na Aƒetɔ la be ele miadometɔ ɖe sia ɖe ƒom nu ƒu ɖe Mawu ƒe Alẽ Kpo me kɔsiɖa sia kɔsiɖa, afisi woɣla mí ɖa le míaƒe adzame teƒe me le, míele nuɖum hele agbenɔm le Nuɖuɖu Ɣaɣla ma ŋu. Yesu Kristo ƒe Ɖeɖefia, si le kpeɖom hele Eɖokui ɖem fia mí ye.
Eɣla Eɖokui alebena bubuwo Nakpɔe Gã gake Womakpɔe o, gake na mí, Eƒe Ŋugbetɔ tiatia la, míele Ekpɔm emekɔ ƒã hele Nya ɖe sia ɖe dzi xɔm le sesem. Míenɔ anyi kple Eƒe Nya kpakple Eƒe nyagblɔɖila esime wonye nu Ɖeka kple numa ke.
Eye ne ènye Mawu-vi la, ànɔ anyi kple nyagblɔɖila si le Biblia sia me. Nya lae.
Nyagblɔɖila geɖe siwo wosi ami na egbea la gblɔna be “Gbɔgbɔ Kɔkɔe wòle be mianɔ anyi kpli, menye nyagblɔɖila o.” Abe gbaɖegbe nyagblɔɖilawo ene la, ne biabia aɖe le míasi la, ele be ŋuɖoɖo nyuie aɖe nanɔ anyi nɛ. Ele be míayi ƉE NYA LA GBƆ be míakpɔ nusi nyagblɔɖila si do ŋgɔ na mí la gblɔ.
Gake Kristo, Gbɔgbɔ, vavãtɔ la li eye eyae nye Nya si zu ŋutilã abe alesi Wòdo ŋugbe be yeawɔe la ene.
Kristo Gbɔgbɔ vavãtɔ ƉEKA si ƒe ŋugbe Wòdo, Maleaxi 4, Luka 17, Amegbetɔ Vi la si le Eɖokui ɖem fia le amegbetɔ ŋutilã me.
Ẽ, amesiaminawo li. Ẽ, woɖo yɔyɔ aɖe. Ẽ, Gbɔgbɔ Kɔkɔe vavãtɔ la le wosi. Ẽ, susu nyuietɔ kple tameɖoɖo nyuietɔ le wosi.
Ekema aleke wɔ ge míala anya nusi nyo kple nusi menyo o mahã?
Mide dzesii bena, woɖi nu ɖeka. Wosi ami na wo ɖekae. Ke mide dzesii bena, “Miatsɔ woƒe kutsetsewo…”
Meléa fu nusiawo gbɔgblɔ gake gaƒoƒo la yi boo eye ɣeyiɣi la ŋu va le yiyim. Nusi amegãxi nyanyra mawo siwo ŋuti Paulo na toklã hame la le, kple alakpa amesiaminawo siwo nɔviŋutsu Branham gblɔ be wole vava ge la le gbɔgblɔm hele gbeƒã ɖem la yenye esi. Wole míadome le afisia tututu, tututu ko abe alesi wogblɔe ene.
Leta aɖe si mawunyagblɔla aɖe ŋlɔ ƒe akpa aɖe yenye esi. Woƒe kutsetse le agbagba dzem be yewoatsɔ ɖikeke aƒu gbe ɖe Mawu ƒe nyagblɔɖila dzi. Wonana toklã wotɔwo be míenye nyagblɔɖila subɔlawo to nyagblɔɖila kple Play Zizi yomedzedze dzi.
Miɖo to alesi gbegbe wònye beble nu la.
Evem bena gbɔgbɔvɔ̃ sia geɖe míaƒe gbedeasi la me wɔebe fifia míele William Branham ƒe mawunyawo gbeƒãɖeɖewo yɔm be MAWU ƑE GBE YE. William Branham menye Mawu ƒe Gbe ŋutɔ ŋutɔ o ke boŋ ame aɖe si Mawu zã ƒe gbe ye. Biblia megblɔ kpɔ be enye Mawu ƒe gbe o, ke boŋ ɖe Biblia de dzesi eyama abe dɔla 7lia ƒe gbe ene ye. (Nya. 3:14; 10:7).
Mina míayi ɖe NYA la gbɔ eye míana Mawu ƒe nyagblɔɖila wòaklo nu le alakpa nufiafia sia dzi.
Ne medze agɔ le miadzi le esia gbɔgblɔ me la, mitsɔe kem, gake, mese be ate ŋu ve dɔme na ame faa, gake, MENYE MAWU ƑE GBE NA MI.
Azɔ ameka dzi ye miaxɔ se, alakpa nyagblɔɖila sia si wosi ami na, alo MAWU ƑE DƆLA KPLE GBEDEASITSƆLA ADRELIA SI DZI WOƉOKPEA? Aleke miate ŋu abɔbɔ nɔ anyi ɖe mawunyagblɔla aɖe si axɔ numawo tɔgbe dzi se alo fiana wo dzi se mahã te? Anyo na mi wu be miage ɖe Nya la me esime ɣeyiɣi kpɔtɔ li.
Gbedeasi ƒe habɔbɔ la wɔ vodada dziŋɔ aɖe le William Branham wɔwɔ Mawu me esime wotsɔe wɔ tɔɖoƒe ta! William Branham menye tɔɖoƒe la kpɔ gbeɖe o. Mawu ƒe Nya lae nye tɔɖoƒe la .
Amen, Mawu ƒe Nya la NYE míaƒe Tɔɖoƒe. Amekae Nya la va naa, wòa alo EYAE? Amekae nye MAWU ƑE NYA ƒe gɔmeɖela mawumetɔ laa, wòa alo EYAE mahã? Ameka dzi ye Dzo Lilikpo ɖo kpe be enye Ale Aƒetɔ La Gblɔ Esi, wòa alo EYAE mahã?
Elabena ne ame eve le miasi la, nukpɔsusu evewoe anɔ miasi.
Míehĩa ame eve alo woƒe nukpɔsusuwo o, nusi Mawu ƒe nyagblɔɖila gblɔ le nyaƒoka dzi ko míehĩa.
Ke ele be wòava tɔɖoƒe mamlea gbɔ, ke nye tɔɖoƒe yenye Nya la, Biblia.
Yenye ma, tututu ko abe alesi nègblɔe ene la, Biblia yenye eya kple míaƒe Tɔɖoƒe, gake emegbe la egblɔ be:
Menyae be mi, míanɔviawo, miekpɔnam be menye miaƒe tɔɖoƒe ɖe ƒomevie.
Ke lala vie, esia le ɖiɖim be etsi tre ɖe nusi NÈGBLƆ ŊUE. Egblɔ be míekpɔna ye be yenye míaƒe Tɔɖoƒe.
Zi geɖe alesi medzea Mawu yome, abe alesi Paulo gblɔe le Ŋɔŋlɔa me ene be, “midze yonyeme abe alesi medzea Kristo yome ene.”
Ɖee wome si ami na ema oa? Ɖee menya nusi ŋu wònɔ nuƒom le oa?
Nuka ŋue Mawu ƒe nyagblɔɖila nɔ nuƒom na mí le le kɔsiɖa si va yi me ko mahã ?
Míekpɔ bena ne amea ɖe va, eye Mawue dɔe, woɖoe ɖi tso Mawu gbɔ, kple ALE AƑETƆ GBLƆ ESI vavãtɔ la, gbedeasi la kple gbedeasitsɔla la wozua ɖeka.
Egblɔ be miate ŋu ama wodome o, wonye nu ɖeka, gake wòya ɖe nèle gbɔgblɔm be míawɔea?
William Branham metovovo le amegbetɔ si ŋu ku le ɖeke gbɔ o, elabena enye ame si nu vena, abe alesi Eliya hã nɔ ene.
Amen, ame ko wònye kakaɖedzitɔe, gake eyae nye AME SI Mawu tia be wòaɖe Eƒe Nya katã fia, eye wòakplɔ mí ayi ɖe Ŋugbedo Nyigba la dzi. Eyae nye amesi Mawu gblɔ na be, na amewo naxɔ dzi WÒ se.
Nu ɖeka ma ke, amesiaminawo, amesiwo le Pentekoste ƒe Nyanyuia gblɔm fia, gake wogbe egbeŋkekea ƒe Nya ƒe ŋugbedodo si dzi woɖo kpee, “Yesu Kristoe nye eyama ke etsɔ, egbe, yiɖe mavɔmavɔ me.”
Aleke míawɔ anya vovototo la ne wonye amesiwo Gbɔgbɔ Kɔkɔe si ami na vavã mahã? Ena mí kpɔɖeŋuwo alebe míate ŋu nya alakpa nyagblɔɖilawo le nyagblɔɖila vavãtɔ la gbɔ.
Bileam kple Mose. Mixa kple Zedekia. Yeremia kple Hanania. Le nɔnɔme ɖe sia ɖe me la eveawo nye amesiwo Mawu si ami na, gake nukae wògblɔ na mí be míawɔ, MINƆ ANYI KPLE NYAGBLƆƉILA SI DZI MAWU ƉO KPE LA. Eyae nye mɔnu ƉEKA be ame nàkpɔ kakaɖedzi godoo be yele Mɔ si Mawu na la yome dzem, eye be nèle Eƒe lɔlɔ̃nu deblibo me.
Amea ɖe ko menye te ɖe eŋu esime Wòle ewɔm. Gbea ɖe ko menye si Wòzã, tsɔ gblɔ Esia. Menye nusi menya lae o; nusi meɖe asi le ɖokuinye ŋu na lae, bene Eya naƒo nu to menye.
Nusi ko dim kple hĩam Ŋugbetɔ la le yema. Gbe Ɖeka. Nyagblɔɖila ɖeka. Gbedeasi ɖeka. Gbedeasitsɔla ɖeka.
Oo, Fofo, alegbegbe míele akpedam ɖe Wò amenuveve kple nublanuikpɔkpɔ na mí la ta. Ègblɔ na mí be naneke meli si mele bɔbɔe na Wò o. Naneke meli si mele bɔbɔe na mí o. Elabena nusianu le bɔbɔe na amesiwo xɔese, eye míe XƆESE.
Va wɔ ɖeka kpli mí Kɔsiɖagbe le ŋdɔ ga 12 me, Jeffersonville ƒe game, esime Mawu ƒe Gbe si wotia le míasi le agblɔ nusianu na mí kuɖe Amesiaminawo Le Nuwuwuɣi 65-0725M ŋu.
Nɔvi. Joseph Branham
Gbedasi: 65-0718E Gbɔgbɔme Nuɖuɖu Le Eɖuɣi
Sikakula Lɔlɔ̃awo,
Ɖeɖefia ƒe tometsi vudo aɖe li si le fiafiam le míame wu tsã. Míese Gbedeasi sia le míaƒe agbea katã me, eye míexɔna Nya ɖe sia ɖe dzi se kokoko, gake FIFIA Ezu nu si woɖe ɖe go le míame wu tsã.
Fifia yenye ɣeyiɣi la, fifia yenye azãgbe si dzi míele Mawu ƒe nuɣaɣla siwo woɣla ɖe xexeame ɖum le. Nusi kom amewo le la yenye nusi ta míele gbedom ɖa ɖo. Nusi amewo yɔna be “bometsitsi” la, míeyɔna be “Gã!”
Mawu ɖe fia mí be mɔ ɖeka ko wona be woanye Eƒe Ŋugbetɔ, ZI PLAY.
Gake akpe na Mawu, Nuɖuɖu ɣaɣla la le mía si, nye gbɔgbɔme Nuɖuɖu, si ŋuti míele agbe ɖo le Yesu Kristo ƒe ɖeɖefia ƒe dɔmenyonyo kple amenuveve me le ŋkeke mlɔe siawo me, esi le kpe ɖom Ye ŋutɔ ɖokui dzi le Eƒe dukɔ la titina.
Kple Gbedeasi ɖe sia ɖe si sem Ŋugbetɔ la le la, Eɖoa kpe edzi na mí bena Enye Yeƒe Lɔlɔ̃nu Deblibo. Menye nusi míe SUSUNA be Ele gbɔgblɔm ye o, nenema ke Menye nusi míe SUSUNA be Enye eƒe gɔmeɖeɖe ye o, nusi gblɔm Wòle la TUTUTU YE ke gblɔeɖe la bubuwo mate ŋu Kpɔe o; wogbã ŋku na wo. Mawu Ɣlae. Wole Ekpɔm gã, gake womele Ekpɔm o. Na míawo ya la, NUSI KPƆM MÍELE KOE MA.
Abe alesi míeƒoa ƒu kɔsiɖa ɖe sia ɖe la, mele sɔsɔm na mí be míase nusi gblɔ ge Wòala na mí kple aɖe fia mí o. Kɔsiɖagbe sia la, Mele sikakɔ̃ ɣaɣla sue aɖewo na ge mí o, Ele sikakuƒe la na ge mí eye WÒAWOE awoe agawoe alebe wòakpɔ egbɔ nyuie be Esu míasi.
• Nyagblɔɖila la nɔ Mawu ƒe Ŋku me ale gbegbe! Nubabla Xoxoa me ƒe nyagblɔɖilawo, alo ɣeyiɣi ɖesiaɖe tɔ ko, ne wonɔ agbe le Mawu ƒe Ŋku me ʋuu vaseɖe esi wozu Nya la, ekem woƒe Gbedeasi la nye Nya la Ŋutɔŋutɔ. Eye, miɖo ŋku dzi be, egblɔ be, “ALE AƑETƆ GBLƆ ESI.”
• Míekpɔ bena ne amea ɖe va, eye Mawue dɔe, woɖoe ɖi tso Mawu gbɔ, kple ALE AƑETƆ GBLƆ ESI vavãtɔ la, gbedeasi la kple gbedeasitsɔla la wozua ɖeka.
• Ekema ne amea ɖe va kple ALE AƑETƆ GBLƆ ESI la, eya kple Gbeadeasi la wole ɖeka.
• Dziƒo ɖe gbe ƒãe, Biblia ɖe gbe ƒãe, Gbedeasi la ɖe gbe ƒãe, wo katã nenema pɛpɛpɛ.
• Nyagblɔɖila, Nya la, Gbedeasi la; gbedeasitsɔla la, Gbedeasi la, kple Gbedeasi la, wole ɖeka.
• Ame ɖesiaɖe kple eƒe gbedeasi la ɖeka ko wole.
Sika Kuƒe Ƒe Nya gblɔm mielea.
Ne Ɖeɖefia aɖe le miasi kura la, mexɔe se be ena ema me kɔ ƒã be; Gbedeasi La kple gbedeasitsɔla la ƉEKA wole. Ɖee miele nusi wògblɔ la sema…ƉEKA!! Ekema miate ŋu ama gbedeasitsɔla ɖa le Gbedeasi la gbɔ o, mawunyagblɔlawo.
Elebe miade GBEDEASITSƆLA la miaƒe hame la me ɖe du kple Gbedeasi si wòtsɔ va ne menye nenem o la mielɔ̃ le GBEDEASI LA KATÃ xɔm o. MÍENYE ŊUGBETƆ LA O.
Oo! Zi ɖeka ake la, awɔ Gbedeasi la kple gbedeasitsɔla la woazu nu ɖeka. Gbɔgbɔme Nuɖuɖu la sɔ gbe, eye Eɖuɣi lae nye fifi laa.
Na mí, amesiwo xɔ Mawu ƒe gaƒoƒo sia si me míele agbe le la, gbedeasitsɔla si Wòdɔ ɖo ɖa, Nya ɖe sia ɖe si wògblɔ dzi se la; nusiawo nye Nuɖuɖu ɣaɣla.
Alegbegbe míelɔ̃na Gbedeasi siae, eye ne nènya susu ko be, “Aleke geɖe aganɔ anyi ɖo mahã?” La Eɖoa tatsyɔkpe aɖe Edzi esime wògblɔna amesi míenye azɔ la na mí.
Ɖe miekpɔ Mawu gbagbe la ƒe dziɖuɖu le Ŋugbetɔ Hame gbagbe la me oa? Dɔlélawo kpɔ dɔyɔyɔ, amekukuwo fɔ ɖe tsitre, gbafawo zɔ azɔli, ŋkuagbatɔwo kpɔ nu, eye Nyanyui la ɖe zɔ le Eƒe Ŋusẽ me, elabena Gbedeasi la kple gbedeasitsɔla la wole ɖeka. Nya la le Hamea me, le ame me.
Nya Ma le MÍA ME. Míenye Gbedeasi la. Míeɖo dziɖuɖu. Míakple Gbedeasi Sia MÍELE ƉEKA!! Nuƒom miele kuɖe nufiafia dzi ɖaa ɖaa ɖa ŋua.
Ŋugbetɔ la nye Ŋugbetsɔsrɔ̃a ƒe akpaa ɖe, numa ke Hamea hã nye na Kristo. “Dɔ siwo wɔm Mele la miawo hã miawɔe.”
Míenye Ŋugbetɔsrɔ̃ la ƒe akpa aɖe!!
MÍENYE NU ƉEKA KE ABE KRISTO ENE!!
Miesusui be ele ɖiɖim nyuie azɔ , eye wòle miaƒe dzi yram esime miele numegbe siawo xlẽm alo, milala vie ko sẽ ɖe esime miase Mawu ƒe Gbe wòagblɔ wo na mi tso nuɣi dzi yiɖe tome Kɔsiɖagbe sia le ŋdɔ ga 12 me, Jeffersonville ƒe game, esime míase: 65-0718E Gbɔgbɔme Nuɖuɖu Le Eɖuɣi.
Wokpe mi be miava wɔ ɖeka kpli mí. Ne miate ŋui o la, MIZI PLAY ɣesiaɣi, Gbedeasi ɖe sia ɖe, le afi sia afi, ke miase Mawu ƒe gbedeasitsɔla wòatsɔ Mawu ƒe Gbedeasi vɛ na mi.
Nɔvi. Joseph Branham.
Nenema kee nye egbe, bena Agbe-Bolo si ɖeviwo ɖuna la, kplɔa Mawu ƒe Gbedeasi la ɖo, ale be wòana woatsi agbe le kuɖiɣi.
Ŋɔŋlɔ siwo woaxlẽ
Fiawo I 17:1-7
Amos 3:7
Yoel 2:28
Maleaxi 4:4
Luka 17:30
Yohanes Kɔkɔe 14:12
Gbedasi: 65-0718M Agbagba Dzedze Be Woawɔ Dɔ Aɖe Na Mawu Si Menye Mawu Ƒe Lɔlɔ̃nu O
Gbedasi: 62-1231 Aʋawɔwɔ
Nutomegbadɔ Ƒe Alẽha Lɔlɔ̃a,
Medi be míagaɖo Kɔmuniɔ zi ɖeka ake le míaƒe aƒewo me le Ƒe Yeye la ƒe Zodragbe, Dzome 31lia. Nufiamewo kuɖe alesi woawɔ axɔ wein, kple alesi woaɖa Kɔmuniɔ bolo ŋu la woateŋu akpɔe le linkawo me le gɔme. Takpekpe la ƒe odio ƒe link si dzi woato axɔe ɖe mɔ̃ dzi la anɔ gbesɔsɔ le madidi me le míaƒe website la dzi. Alo, miate ŋu aƒo takpekpe la ƒe odio le Lifeline ƒe app dzi.
Na dumevi siwo le Jeffersonville nuto me la.
miate ŋu ava Kɔmuniɔ̃ ƒe wein la Fiɖagbe, Dzome 30lia, le ɣetrɔ ga 1 kple ɣetrɔ ga 4 dome, le VGR ƒe avɔgbadɔ la te.
Míele 62-1231Aʋawɔwɔ La se ge, adze egɔme le ɣetrɔ ga 5 ƔEDZEƑE ƒe game le Memleɖagbe, Dzome 31lia dzi. Ne nɔviŋutsu Branham tsɔ Dzoɖagbe Ƒe Gbedeasi La vɛ la, míele nyaƒoka tɔ ge te eye neglo la míaɖo miniti 10 ƒe Subɔsubɔ Hawo esime míanɔ dzadzraɖo wɔm na Aƒetɔ la ƒe Fĩenuɖuɖu la. Emegbe la míagazi nyaƒoka dzi le afisi Nɔviŋutsu Branham dze Kɔmuniɔ̃ takpekpe la gɔme le. Le nyaƒoka sia dzi la, mewɔ takpekpe la ƒe afɔkɔklɔ ƒe akpa ŋutidɔ o, míele ewɔ ge hã o.
Esime míele tɔtrɔm ɖe ƒe bubu me le Eƒe Dɔ me la, mina míagbugbɔ kɔ míaƒe agbewo ŋu na Eyama yeye to Nya la sese me gbã, ke emegbe la akpɔ gome le Eƒe Fĩenuɖuɖu me. Gomekpɔkpɔ xɔasi kae nye esi míegaɖo ake be míawɔ míaƒe aƒewo me Gbedoxɔ be míado woezɔ na Fiawo dzi Fia be wòava awɔ ɖeka kpli mí.
Mawu nayra mi,
Nɔviŋutsu Joseph
Gbedasi: 65-0711 Akpe Ŋu
Ŋugbetɔ Rebekah Lɔlɔ̃a,
Fofo dɔ Eƒe dɔtsɔla Eliezer Nuteƒewɔla ɖo ɖa, be wòadi Yeƒe Ŋugbetɔ Rebekah la. Míede dzesi eyama, Eƒe dɔla adrelia kple gbedeasitsɔla, William Marrion Branham, amesi Wòde dɔ asi na be: Wòayɔ, Aƒo ƒu, Akplɔ eye mlɔeba la Wòafia mí, Eyama.
Ena Eƒe Ŋusẽ si gbɔagbe nu kɔ ɖe mía dzi le agbɔsɔsɔ me eye wòna míede dzesi míaƒe tsitrenɔƒe, míaƒe teƒe, kple míaƒe dɔdeasiwo, esime míenye dukɔ aɖe si woyɔ, hemã ɖa tso le xexeame gbɔ, si kɔ eɖokui ŋuti na Mawu. Ele mɔfiam mí hele míakplɔm yina le nusiwo míewɔna kple gblɔna me, hele bubu kple ŋutikɔkɔe hem va na Eƒe Ŋkɔ.
Naneke meli, le afia ɖeke, si ate ŋu ama mí ɖa tso Ema gbɔ o, NANEKE O. Míele dedie Mavɔmavɔtɔe ɖe Mawu ƒe Fiaɖuƒe me. Fofo tu Eƒe Nutrenu ɖe míadzi yiɖe míaƒe dzeƒe ƒe nuwuwu.
Abosam le míaƒom ŋkeke kple zã. Ele nusianu gblɔm na mí, hele nyatsɔm ɖe mía ŋu, hele agbagba dzem be yeawɔ mí be míasusu be míenye Ŋugbetɔ ma o. Etsɔa nu ɖe sia ɖe ƒua gbe ɖe míaƒe mɔ dzi be yeadze agbagba aɖe míaƒe susu ɖa, abe dɔlele kple vevesese, gake míele toɖom eyama o. Ŋusẽ Ma si Gbɔagbe nu le míame AZƆ eye wotre mía ŋu hetu mí ɖe Nya ma dzi. Míele kpodzom le míaƒe kposɔ dzi, le du sim yiɖe Eyama gbɔ le míaƒe mɔ dzi yiɖe míaƒe Srɔ̃ɖe Nuɖuɖu gã la me.
Ŋu mele míakpem le nusi míexɔ se la me o; ke boŋ la, miedi be xexeame nanyea be, MÍENYE NYAƑOKA DUKƆ SI XƆ NYA ƉE SIA ƉE SI EƑE NUTEƑEWƆLA ELIEZER NYAGBLƆƉILA LA GBLƆ DZI SE amesi Wòdɔ ɖo ɖa be wòayɔ do go eye wòaɖa kplɔ YEƑE ŊUGBETƆ REBEKAH. Míetsɔna ɖeke kpenɛ alo ɖea Nya ƉEKA le eme o. Gbedeasi Sia nye míaƒe Tɔɖoƒe.
Aleke ame aɖe si yɔ fũ kple Gbɔgbɔ Kɔkɔe la, yɔ fũ kple Mawu ƒe Ŋusẽ, kple Mawu ƒe lɔlɔ̃ le eƒe dzi me, ate ŋu aƒo nu na ame aɖe eye matɔ asi nane kuɖe Gbedeasi la ŋu si wòse le Nyaƒoka dzi teti koe nye esi mahã?
Ne nèle go dom kple amesiwo gblɔna be yewonye nuwuɣi ƒe xɔsetɔwo le nuwuɣi ƒe Gbedeasi sia me la, àte ŋu aƒo nu kpli wo miniti ʋea ɖewo ko eye nàte ŋu agblɔ afisi wole tsitre ɖo le nyaƒokawo ƒoƒo ŋu. Loo wonye Nyaƒoka Dukɔ alo womenye o.
Ewɔ mo yaa ŋutɔ be wobu nɛ be ŋukpe ye wònye, alo be egblẽ ŋutɔ gɔ hã, ne nègblɔ be yeƒona nyaƒokawo le yeƒe hame alo aƒeme. Wokpɔ nɛ be enye Nya la ƒe futɔ ke menye Mɔ si Mawu na o. Womebua wò o elabena ègblɔna be yenye “Nyaƒoka Tɔ”.
Wohena nya ɖe Mawunyagblɔla siwo ƒoa nyaƒokawo le woƒe hameawo me ŋu, eye woyɔna wo be kuviatɔwo gɔ hã. Eye ne nèle nyaƒoka ɖeka ma ke sem le game ɖeka ma ke dzi la, enyo, mènye mawunyagblɔla ŋutɔ gɔ hã o, ènye kɔmahatsɔŋkɔ, alo ame subɔla.
Mesusui be ame mawo katã siwo do ŋgɔ na mí siwo tsaka kple telefoni le woƒe hamewo kple aƒewo me, le toɖom Nɔviŋutsu Branham wokatã le game ɖeka ma ke dzi la, ele be woawo hã woanye kɔmahatsɔŋkɔe. Ele be woanɔ Mawu ƒe Ɖoɖo la godo yemae. Ŋu mekpe wo o NENEMA KE MÍAWO HÃ MELE MÍAKPEM O.
Le miniti ʋea ɖewo me teti ko ne ènya ƒonu na amewo ko la, woana nànya afisi wole tsitre ɖo enumake be: Ẽ, Míezina Play. Ẽ, míesena nyaƒokawo Kɔsiɖagbe le míaƒe Hamewo alo aƒewo me. Ẽ, nyaƒoka ɖeka ma ke, le game ɖeka ma ke dzi.
Tsyo bubuwo ya gblɔa be, “Míedena sɔleme Kɔsiɖagbe ŋdi, Kɔsiɖagbe zã me, kple Kuɖagbe zã me. Pastɔ nyuie aɖe ŋutɔe le míasi; enana eme kɔna na mí ƒã hekɔna titotito be míase egɔme. Eɖena Gbedeasi la gɔme alebena mate ŋu se Egɔme. Elebe subɔsubɔdɔ nanɔ asiwò be nànye Ŋugbetɔ. Nɔviŋutsu Branham megblɔ kpɔ be miƒo nyaƒokawo le hame me o.”
Nukae gblɔm miele be enye nu vevietɔ la? Nusi gblɔm mawunyagblɔlawo lea, nusi gblɔm Nɔviŋutsu Joseph le, alo nusi gblɔm Mawu ƒe Gbea ŋutɔ le le Nyaƒoka dzie mahã? Nukae nye miaƒe Tɔɖoƒe laa? Nusi le Nyaƒoka dziea, alo nusi gblɔm ame bubu aɖe le ye mahã?
Subɔsubɔdɔ la dzeanyi, eye wòle nya la me. Míehĩawo. Gake kae nye VEVIETƆ LA, mawunyagbɔgblɔ alo Nyaƒokawo mahã?
Ne Nyaƒokawo menye nu vevietɔ le wòŋutɔ wò agbea me, le wò hame ƒe agbe me o la, ekema nane gblẽ. Èdo le Mawu ƒe Ɖoɖo Lɔlɔ̃nu Deblibotɔ la me. TRƆ GBƆ VA FLI ME.
Ne ame aɖe do go Mawu kpɔ; menye le seselelãme si wokpa wɔ, dzodzo aɖe, alo subɔsubɔ ƒe nufiafia, alo katekismo alo dzixɔse, alo nuɖoanyi aɖe si wòlɔ̃ abe a—akɔfafa aɖe na eŋutɔ o, gake ne wòva ɖo teƒe aɖe abe alesi Mose wɔe ene, le gbedadaƒo ƒe megbe, zɔ yi do go Mawu Ŋusẽkatãtɔ ŋkume kple ŋkume, eye nèkpɔ Mawu ƒe Gbe le nuƒom na wò, tututu kple Nya la kpakple gaƒoƒo la ƒe gbedeasi la, nane li si wòwɔna na wò! Mikpɔea, ŋu makpe wò le Eŋu o, Ewɔa nane na wò.
Le míaƒe ŋkeke me la, wodze kɔnu ƒe xɔmetsovɔ la. Dzo Lilikpo lae nye esi le tsitre, le Nya la ɖem ɖe go na ŋkeke sia. Mawunyenye si dzi agbetɔ ŋutilã tsyɔ. Shekina Ŋutikɔkɔe hena míaƒe egbe. Mawu le tsitre hele nuƒom le míaƒe ŋkume, agbetɔ ŋutilã tsyɔ edzi.
Nya la nɔ Mose si. Azɔ miɖo ŋku dzi, esime woɖe Nya la ɖe go vɔ megbe la, Mose gazu Mose ake. Mikpɔea? Gake esime Nya sia nɔ eme be woatsɔe ana la, enye Mawu; enyo, meganye Mose ake o. Aƒetɔ ƒe Nya na agbenɔɣi ma nɔ esi.
KRISTmas Kae nye esi mí Rebekahwo le ɖoɖo ge Kɔsiɖagbe sia. Le ŋkeke blibo la me, le game vovovowo dzi le ŋkeke la katã me. Míele míaƒe Eliezer se ge wòayɔ Eƒe Ŋugbetɔ la do go eye míele gbɔgblɔ ge na Eyama be Ŋu mele mía kpem o.
Aƒetɔ la nàna mi KRISTmas dze anyi aɖe, si yɔ fũ kple “EƑE AMEGBƆNƆNƆ.”
Nɔvi. Joseph Branham
Gbedeasi: 65-0711 Akpe Ŋu
Ŋɔŋlɔ la: Marko Kɔkɔe 8:34-38
Nɔviŋutsu Kple Nɔvinyɔnu Lɔlɔ̃tɔwo,
Esime Kristmas dze Kɔsiɖagbe dzi ƒe sia me ta la, mese le nye dzi me be nyemagatia game aɖeke na mí be míase Gbedeasi la gbemagbe o. Ƒome geɖewo ɖo ɖevi suewo siwo tsina dzodzodzoe alegbegbe be yewoaʋu yewoƒe nunanawo le Kristmas ŋdi me, ke asesẽ na wo ŋutɔ be woanɔ anyi aɖase Gbedeasi la alo be woana woalala sẽ ɖe game aɖe megbe.
Ke, kokoko, le Kristmas la, mienya, ɖevi suewo, miate ŋu agblɔe na wo woase eme o. Wo, ɖeko, enye Kristmas ɣeyiɣi na wo. Ke womatsɔ woƒe afɔwui suea aku nu ŋu o, nane anɔ anyi. Kɔnue, ŋutɔ gɔ hã le míaƒe dukɔ la me, bena wokuna afɔwui aɖe, kple nububu aɖe ŋu. Tsyo, mewɔe, esime menye ɖevi, ke—ke togbɔ be e—edzo ɖa le Ŋɔŋlɔa gbɔ, mɔ dodo la gbɔ abe alesi wòle. Kokoko la, ɖeviwo le, wosena ɖevi bubuwo gblɔa be, “Enyo, mexɔ esia na Kristmas. Mexɔ esia.” Ɖevi sueawo nɔa tsitre ƒo xlã, kpɔa nu, minyae. Miawo, miate ŋu ana woase egɔme o. Mikpɔea? Eyata, ɖeko, Kristmas le afisia be yeatsi anyi ye. Ẽ ɖe.
Bubuwo hã woate ŋu adi boŋ be yewoanyɔ kaba aɖase Gbedeasi la, esime ɖoɖowo le wosi kple ƒometɔ bubuwo emegbe le ŋkeke ma ke dzi ta. Eyata metso nyame bena ƒome ɖe sia ɖe netia game si asɔ nyuietɔ wu kple woƒe ɖoɖowɔɖi hena Gbedeasi la sese. Míele Gbedeasi la ƒo ge le Lifeline dzi le game etɔ̃ vovovowo dzi le Kristmas Ŋkeke dzi: Ŋdi ga 9 – Ŋdɔ ga 12 – Ɣetrɔ ga 5. Meɖe kuku megase le ɖokuiwòme be ele be nàse le game siawo ƒe dometɔ ɖeka dzi o, gake tia game nyuietɔ la na wò kple wò ƒomea. Nu vevietɔ lae nye, ZI PLAY.
Ate ŋu aɖi kokoe aɖe tɔgbe, ŋdi sia, be medo nye awuʋlaya le kpeadzi, gake dzidzɔm alegbegbe be ma- matsɔ awuʋlaya nyuie ma si hame la nam afia. Mekpɔ nɔviŋutsu Neville le dzi le afisia etsɔ, kple kotu nyuie ma le eŋu, esɔ kplii nyuie alegbegbe, ke mesusu be, enyo, me—me…enyo alegbegbe, eye esi ƒuƒoƒea le nuƒom kuɖe eŋu ta la, mesusu be, “ɖeko mado nye awuʋlaya atsɔ va kpea dzi.” Ɖeko me…
Mienya, mexɔe se be míetsina kpɔ gbeɖe o. Míe kokoko…Ke nyemedi be matsi o. Kae kuɖe ema ŋu, nɔviŋutsu Luther? Kpao, nyemedi kpɔ gbeɖe be matsi o. Ɖeko míele didim be míakpɔtɔ anyi ɖeviwo ɖaa.
Aƒetɔ la nena mi mɔkeke dzeanyi aɖe si yɔ fũ kple Eƒe Amegbɔnɔnɔ.
Nɔvi. Joseph Branham
Gbedasi: 65-0418E Ɖee Mawu Trɔ Susu Kuɖe Eƒe Nya Ŋu Kpɔa?
Mesia-vi Lɔlɔ̃awo,
Mawu ƒe Amesiaminawo míenye; amesiwo wosi ami na kple Eƒe Gbɔgbɔ ma ke, to dɔwɔwɔ mawo ke dzi, to Ŋusẽ ma ke dzi, to dzesi mawo ke dzi. Edzo tso hɔ̃ dzi yi hɔ̃ dzi, tso Nya dzi yi Nya dzi, sẽ ɖe esime woaɖe Yesu Kristo ƒe blibodede ƒe ɖe go le míadometɔ ɖe sia ɖe ƒe ŋutilãwo me, le ŋutilãme, gbɔgbɔme hiahĩa, alo nu ɖe sia ɖe si míehĩa la ta. Ŋusẽ Ma si gbɔagbe nu la le agbe hele anyi le míame. Mawu ƒe Mesiaviwo míenye.
Kɔsiɖa sia kɔsiɖa Ɖeɖefia kuɖe Gbedeasi sia ŋu; amesi míenye, afisi míetso, kple afisi yim míele la, zua gã ga zua gã ɖe dzi wu. Míebiana míaɖokuiwo se kple mɔkpɔkpɔ gã aɖe be, aleke Wòateŋu aga nye ŋutikɔkɔetɔ wu? Aleke eme Agate ŋu akɔ wu mahã? Gake kple nyaƒoka yeye ɖe sia ɖe si míesena la, Mawu ƒoa nu na mí tso nuɣi dzi yiɖe to me heɖea Eƒe Nya geɖe fia na mí wu, hekana ɖe edzi AMESIWO MÍENYE.
Xɔsetɔ ɖe sia ɖe ƒe dzimedidi yenye be yeanɔ Mawu ƒe LƆLƆ̃NU DEBLIBO me. Míedina kpɔ gbeɖe be míanɔ Eƒe Lɔlɔ̃nu si ŋu woɖemɔ le me o. Míaƒe dziwo gbãna eye woguduna ne míese be míewɔ nane si madze Eyama ŋu o. Míenyae be Lɔlɔ̃nu Deblibo le Mawu si, eye ɖeko míedi be míanɔ EƑE ƉOƉO LƆLƆ̃NU DEBLIBOTƆ LA ME.
Le nye agbe me la, mexɔ tsitrenɔƒe sesẽ aɖe le gbɔgblɔme be mexɔe se be nu vevietɔ kekeake si Ŋugbetɔ la dometɔ ɖe sia ɖe ate ŋu awɔ, hamevi kple mawunyagblɔla siaa nenema ke la, yenye be WOAZI PLAY. Mexɔe se be Eyae nye Mawu Ƒe Gbe ƉEKA si dzi woɖo kpe na míaƒe Ŋkeke si me wòle be miase Nya ɖe sia ɖe aɖawɔ ɖe edzi le.
Megblɔ be mexɔe se be ehĩa be mawunyagblɔlawo nagbugbɔ de Nɔviŋutsu Branham woƒe nyagblɔtiwo dzi eye woaƒo nyaƒokawo le woƒe hameawo me, esime Wònye Gbe ɖeka vevietɔ kekeake si wòle be amewo nase.
Mexɔ nyaheɖeamenu geɖe le nye agbe me le tsitrenɔƒe sia xɔxɔ me ɖe nusi mexɔe se be enye Eƒe ɖoɖo kple Lɔlɔ̃nu Deblibo ta. Wose egɔme baɖa eye wogblɔ bena nyemexɔ Efesotɔwo 4 ƒe mawunyagblɔla atɔ̃awo dzi se o.
Meɖe gblɔ zi geɖe, geɖe be alakpae. Nyemegblɔe kpɔ o, nenema ke nyemexɔe se kpɔ o. Geɖewo tsaka nye nyawo hegblɔ nusiwo nyemegblɔ gbeɖe kpɔ alo xɔse na amewo, gake elebe woakpɔmɔnɛ.
Elebe Biblia Nya ƒe nyateƒe aɖe nanɔ anyi. Ne miele gbɔgblɔm be miexɔ Gbedeasi sia dzi se la, ekema elebe míaxɔ nusi nyagblɔɖila gblɔ, esime Enye Mawu ƒe Nya ƒe gɔmeɖeɖe ŋutɔ ŋutɔ la. Elabena enye Nya ma ƒe gɔmeɖela ƉEKA la.
Ne ɖe wòle be mabia miadometɔ ɖe sia ɖe be, “Amekae di be yeanɔ Mawu ƒe Lɔlɔ̃nu Deblibo me mahã la?”
Miadometɔ ɖe sia ɖe agblɔ be, “Ẽ, emae nye nye dzimedidi.” Alea la ele be míakpɔ nusi nyagblɔɖila gblɔ be enye Mawu ƒe Lɔlɔ̃nu Deblibo dzi.
Mana nànya: Ne Gbedeasi le nyaƒoka dzi menye wò Tɔɖoƒe o, eye mèxɔ Nya ɖe sia ɖe dzi se o la, DZUDZƆ LETA SIA XEXLẼ. Na nyea la, menye xɔsetɔ o, alea la menye tɔwò ye o. Nusi Mawu gblɔ le nyaƒoka dzi ko mate ŋu anɔ anyi kpli.
Nusi Wògblɔ ye dim míele; menye nusi hame la gblɔ, nusi Ɖokta Jones gblɔ, nusi amebubu aɖe gblɔ o. Míele nusi ALE AƑETƆ LA GBLƆ ESI gblɔ la dim, nusi Nya la gblɔ.
Elebe míabɔbɔ míaɖokuiwo ɖe Eƒe Lɔlɔ̃nu kple Eƒe Nya te. Mele be míakeɖi le Eŋu o. Ɖeko wòle be Míaxɔe se. Migadze agbagba be miakpɔ mɔ aɖe le Eŋu o. Mixɔe Ko abe alesi Wòle.
Geɖewo alegbegbe dina be yewoato akpa nɛ aɖato mɔ bubu aɖe ayie. Ne miewɔe la, Mawu anɔ miayram, gake miele dɔ wɔm le Eƒe Lɔlɔ̃nu si ŋu woɖemɔ le me, ke menye le Eƒe Lɔlɔ̃nu, deblibo Mawumetɔa me o. Mawu aɖemɔ na wò be nàwɔ nane, eye ayrawò ŋutɔ gɔ hã le ewɔwɔ me, gake kokoko la menye Eƒe Lɔlɔ̃nu deblibo ye o.
Mawu dɔ Eƒe dɔla kple gbedeasitsɔla adrelia ɖo ɖe anyigba be wòayɔ Yeƒe Ŋugbetɔ do go. Míexɔe se be Amegbetɔ Vi la wònye le Eɖokui ɖem fia le amegbetɔ ŋutilã me. Mawu ƒe Gbe ŋutɔ ŋutɔe Wònye wolé ɖe mɔ̃ dzi hedzraɖoɖi na Eƒe Ŋugbetɔ la.
Mawu Ŋutɔ gblɔna eƒe nyagblɔɖila be, “ne nena amewo xɔ dzi WÒ se la, naneke matɔ ɖe mɔwò dzi o.” Eyae nye amesi Mawu tia be wòakplɔ Yeƒe Ŋugbetɔ la. Ame aɖeke mate ŋu axɔ eƒe teƒe o. Meka Kora neni siwo woatso, alo Datan neni o la, William Marrion Branham ye Mawu yɔ be wòakplɔ Yeƒe Ŋugbetɔ la. Esiae nye Mawu ƒe ɖoɖo kple Eƒe LƆLƆ̃NU DEBLIBO.
Ne amewo medi be yewoazɔ le Eƒe lɔlɔ̃nu deblibo me o la, lɔlɔ̃nu si ŋu woɖemɔ le la le Eyama si Aɖemɔ na mi be miazɔ le eme.
Azɔ, Mawu nye nyuie…Edɔa Eƒe Nya ɖa. Ne miedi be miaxɔ Eƒe Nya dzi se o la, ekema Ede dɔwɔƒe vovovo atɔ̃ Eƒe Hame la me: Gbã, apostolo, nyagblɔɖilawo, nufialawo, pastɔwo, nyanyuiegblɔlawo. Woli hena Hame la ƒe blibodede.
Alea la, wofɔ̃ subɔsubɔdɔ la ɖe tsitre ko elabena amewo le agbenɔɣiawo me la medi be yewoaxɔ Mawu ƒe ƉOƉO LƆLƆ̃NU DEBLIBOTƆ la o; Eƒe Nya si Eƒe nyagblɔɖila ɖe gblɔ. Ɖeko wòle be míaxɔ Nya si Mawu ƒe nyagblɔɖila gblɔ dzi se gblɔeɖe. Míehĩa amebubu aɖeke alo nu bubu aɖeke o.
Ekema subɔsubɔdɔ la ƒe dɔ yenye be woahe amewo GBƆ va Eƒe Ɖoɖo Lɔlɔ̃nu Deblibotɔ gbɔ, si nye: MINƆ ANYI KPLE NYAƑOKAWO, ELABENA MAWU ƑE LƆLƆ̃NU DEBLIBO YE. Ekema milé ƉOƉO LƆLƆ̃NU DEBLIBOTƆ ma me ɖe asi le woƒe ŋkume ɣesiaɣi to: PLAY ZIZI me.
Elebe miatrɔ gbɔ va aɖadze egɔme le afisi mietɔ edzi le, alo afisi miegblẽ ɖi le, eye miaxɔ Mawu ƒe Nya ɖe sia ɖe.
Eyata nuka wòle be miawɔ be mianɔ EƑE LƆLƆ̃NU DEBLIBO Me: Mizi Play.
Nuka wòle be pastɔwo woawɔ be woanɔ Eƒe LƆLƆ̃NU DEBLIBO me: Mizi Play.
Nukae Mawu ƒe nyagblɔɖila wɔna ne wòyi takpekpeawo me mahã? Ɖeko wòdoa gbe ɖa ɖe dɔnɔwo ta, kple nuwo nenema tɔgbea? Agblɔ nyawo le nɔnɔme godo aɖe me be alẽaviawo nasee, elabena míenya nusi ke gblɔm wòle. Le nyagbe bubu me la, ɖeko wònye akpom le tɔƒodeti la ŋu. Efiawo dzesiwo abe dzesidede ene, eye wònya woƒe dziwo me ƒe nyaɣaɣlawo, be yeatsɔ nyɔwo ko. Gake emegbe la egblɔ nusi nu vevietɔ kekeake la nyi:
kaka miava nya la, nyaƒoka aɖe ge ɖe woƒe aƒe me. Edzɔ vɔ yenye, ekema. Ne enye alẽvi la, elɔ̃na ɖe dzi tututu. Ne enye gbɔ̃tsu la, etua fɔ nyaƒoka la do go.
Alẽvi ye nènye alo gbɔ̃tsu ye nènyea? Mawu ƒe hatsotso sue la tu ɖe Nya ma dzi. Míele Eƒe Lɔlɔ̃nu Deblibo me to Play Zizi dzi abe alesi wònɔ, kple wòle, Eƒe gɔmedzeɖoɖo la.
Minɔ anyi kple Eƒe Nya la tututu, elabena nusi avado le nuwuwu lae ma, Nya la, Nya ɖe Nya dzi. “Amekake aɖe Nya ɖeka le Eme, alo atsɔ nya ɖeka Akpee la!”
Ele be wòanɔ anyi, Nya ma.
Meda akpe na Aƒetɔ la alegbegbe be menya, to gbɔgbɔme Ɖeɖefia me be, mele Eƒe Lɔlɔ̃nu deblibo la me le Eƒe Nya ŋu. Nyemele nye gɔmeɖeɖe tsɔm le Ekpem, alo nye nugɔmesese tsɔm le Ekpem o, gake mele nusi nye ALE AƑETƆ LA GBLƆ ESI kple Eƒe Lɔlɔ̃nu Deblib la sem kple nyeŋutɔ nye towo.
Mele miakpem be miava aɖadinu kpli mí Kɔsiɖagbe sia le ŋdɔ ga 12, Jeffersonville ƒe game, esime míase: Ɖee Mawu Trɔ Susu Kuɖe Eƒe Nya Ŋu Kpɔa? 65-0418E. Nyakɔ̃ nyakɔ̃ geɖewo le Gbedeasi sia me alegbegbe, miele KESINƆTƆ zu ge le Eƒe Gbɔgbɔ Kɔkɔe la me ne míekpa.
Nɔvi. Joseph Branham
Mose II ta 19lia
Mose V 22:31
Mateo Kɔkɔe 28:19
Luka 17:30
Nyaɖeɖefia ta 17lia
Gbedasi: 65-0418M Ɣe La Ƒe Dodo Yee
Dzodoŋusẽ La Ƒe Gbedɔxɔ Lɔlɔ̃a,
Agbetɔ di vevie kokoko le eƒe dzi me be yeanɔ abe Abraham ene esime wònɔ anyi ɖe eƒe aƒeme le ga 11 lɔƒo.
Ewu mo dzi hekpɔ ŋutsu etɔ̃ gbɔna eyama gbɔ kple ʋuʋu dedi le woƒe awuwo ŋu keŋ. Esi du kaba yi wogbɔ, hegblɔ be, “Nye Aƒetɔ.” Melxizedek Gã Lae nye ema, nɔ tsitre ɖe eŋkume, le amegbetɔ ŋutilã me le nuƒom.
Kɔsiɖagbe Sia la, didi vevie ma le míaƒe dziwo me ava me na míadometɔ ɖe sia ɖe. Míawo katã míele ƒuƒoge ɖe du le xexea katã me, anɔ toɖom Melxizedek gã ma ke wòaƒo nu na MÍ. Ame aɖe si si tɔ me le o, nɔ mele o, ŋkeke ƒe gɔmedzedze aɖeke alo agbe ƒe nuwuwu o, Mawu, en morfe, le nuƒom na mí to agbetɔ ƒe nuɣiwo dzi, tututu ko abe alesi Wòwɔe gbemagbe na Abraham ene.
Mɔnu aɖeke meli be woase Gbe ma o negbe nè ZI PLAY. Ɣeyiɣi aɖeke menɔ anyi kpɔ le ŋutinya me be wowɔ Ŋugbetɔ la ɖekae tso xexea katã me be wòase Melxizedek ƒe Gbe wòaƒo nu le ɣeyiɣi ɖeka ma ke me tututu o. Mawu le Eƒe Ŋugbetɔ la wɔm ɖekae kple Gbe ma.
Mawu ƒe Nya, nɔ mía si, hena ƒewo. Azɔ Nya la ƒe Mawu ye su mía si, mikpɔea, eye le afisia tututu la ele Eƒe Nya ƒe agbe ɖem ɖe go. Alea enye nyateƒe, dzesi gã mamleawo siwo ƒe ŋugbe wodo na Hame la do ŋgɔ na Aƒetɔ la ƒe Vava la dometɔ ɖeka.
Kɔsiɖagbe sia la, Ŋugbetɔ la le Easter ƒe Gbedeasi aɖe xɔ ge le Dzome me; ke Gbedeasi kae nye esi se ge míala.
Gbededɔwɔwɔa. Dzodoŋusẽa. Ŋusẽ si gbɔagbe nu. Kristo si wofɔ̃ ɖe tsitre. Mawu ƒe Viwo siwo woɖe ɖe go. Gbɔgbɔ ma ke si nɔ Kristo me la le mía me. Agbe ma ke, ŋusẽ mawo ke, viɖe mawo ke, siwo nɔ Eyama si la, le míasi. Nyenye ƒe agbalẽ la. Nuku gbãtɔ si tsi la wonyè le amewo ŋkume. Azɔ míenye ŋutilã tso Eƒe ŋutilã me, ƒu tso Eƒe ƒu me; Agbe tso Eƒe Agbe me, Ŋusẽ tso Eƒe Ŋusẽ me! Míenye Eyama!
Yesu Kristo si fɔ ɖe tsitre la; Melxizedeka Ŋutɔ, le ɣli do ge sesĩe aɖagblɔ na MÍ be, “Mena wolé nye Gbe ɖi ɖe mɔ̃ dzi hedee nyaƒoka dzi alebe Mate ŋu ahe mi va Gbɔnye, eye maƒo nu na mi tututu ko abe alesi Mewɔe na Abraham ene. Medi be miawo la miase tẽ tso Gbɔnye.”
Mienye Nye Hame si woɖo ɖi, si dzi woda asi ɖo do ŋgɔ! Miaƒe ŋutilãwo nye Dzodoŋusẽ la ƒe gbedoxɔ, elabena tso gɔmedzedzea me la mienye Gbededɔwɔwɔa ƒe akpa aɖe.
Nya si zu ŋutilã la ƒe Mawume ɖeɖefia lae nye ma. Ne Enye ŋutilã le ŋkeke ma me to Vi la, Ŋugbetɔsrɔ̃ la dzi la, Enye ŋutilã egbe to Ŋugbetɔ la dzi. Mikpɔea?
Ŋusẽ ma si Gbɔna Agbe nu la le agbe le mía me. Mele be míavɔ̃ NANEKE o. Gbɔgbɔ Ma ke si nɔ Eyama me la, le mía me azɔ eye Ele agbe nam míaƒe ŋutilã kuku la. Míele mɔ kpɔm be ele nenema o, MÍENYAE BE NENEMAE. Míewɔe vɔ, Ewɔe na mí.
Emegbe la, be woaɖo tatsyɔkpe ɣetrɔ la dzi la, Melxizedek gale nuƒo ge zi ɖeka ake aɖagblɔ be;
Amesiawo, siwo nye Fiaɖuƒe la ƒe havi dumeviwo, Ŋusẽ si gbɔagbe nu si nɔla, Gbɔe agbe na wo, Aƒetɔ, fifi laa. Eye Gbɔgbɔ la nedzo tso hɔ̃ dzi yi hɔ̃ dzi, tso Nya la gbɔ yi Nya gbɔ, sẽ ɖe esime woaɖe Yesu Kristo ƒe blibodede la ɖe go le ŋutilãwo me ɖeka ɖeka, hena kodzogbeme, gbɔgbɔme, alo hĩa ɖe sia si wohĩa la, esime míeda míaƒe asiwò ɖe míanɔewo dzi. Le Yesu Kristo ƒe Ŋkɔ me.
Tso hɔ̃ gbɔ yi hɔ̃ gbɔ, Nya gbɔ yi Nya gbɔ, wole Yesu Kristo ƒe blibodede ɖe ge ɖe go le míaƒe ŋutilãwo me ɖeka ɖeka. ŊUTIKƆKƆE!!
Esia ate ŋu ava me to PLAY ZIZI ko dzi, eyata miva wɔ ɖeka kpli mí aɖakpɔ gome le yubili nuɖuɖu le Nuɖuɖu Si Wodzraɖo Ɖi me, esime míase Gbe Ma, Kɔsiɖagbe le ŋdɔ ga 12, Jeffersonville ƒe game, wòahe Gbedeasi, Ɣe La Ƒe Dodo Yee 65-0418M vɛ na mí.
Nɔvi. Joseph Branham
Ŋɔŋlɔawo
Mose III 23:9-11
Mateo 27:51/ 28:18
Marko 16:1-2
Luka Kɔkɔe 17:30/ 24:49
Yohanes Kɔkɔe 5:24/14:12
Dɔwɔwɔwo 10:49 / 19:2
Romatɔwo 8:11
Tesalonikatɔwo I 4:16
Hebritɔwo 13:8
Nyaɖeɖefia 1:17-18
Gbedasi: 65-0221E Amekae Nye Melxizedek Sia?
Mawu Ƒe Susu Lɔlɔ̃a,
Mekpɔmɔ be miele gbesɔsɔ na Kɔsiɖagbe sia. Mele nuƒom kuɖe alesi míaƒe dziwo le bibi ge le mía me esime Wòanɔ nuƒom na mí le mɔa dzi le míaƒe aƒewo kple hameawo me ŋu…MILALA KO!
Le ɣleti mamle sia me la Egblɔ na mí be míakpɔ gbɔ nyuie be míaɖo tɔdziʋu nyuietɔ la me…eye míele eme. Egblɔ na mí be Mawu ƒe Nuku vavã la manyi dome kple tsro la o… emegbe la Egblɔ be, MÍENYE NUKU MA. Emegbe la, míese kple míaƒe towo, Mawu ƒo nu to ame dzi heɖe gblɔ na mí bena, Egbe Sia, Wowu Ŋɔŋlɔ Sia Ŋu le míaƒe ŋkuwo me tututu.
Egblɔ na mí le Kɔsiɖagbe si dze eyome bena míele Teƒe Si Mawu Na Hena Subɔsubɔ me, eye esi míele eme ta, míewɔ ahasi kple Eƒe Nya O. Alea la, míenye Eƒe Ŋugbetɔ Nya Dzadze si le Aƒe la.
Kɔsiɖagbe sia, Ele míakatã nu ƒo ge ɖe du zi ɖeka ake aɖa ƒonu to Eƒe dɔla gã nyagblɔɖila dzi aɖagblɔ na mí bena, NYEE NYE MELXIZEDEK SIA, ke mele Ɖokuinye ɖem fia wò le agbetɔ ŋutilã me, tututu abe alesi megblɔe be mawɔe ene le Nye Nya me.
ŊUTIKƆKƆE! Ɖee mietsi dzodzodzoea? Ɖee woyra mi Gbɔgblɔ mele eŋu oa? Enyo, GEƉEWU GALI GBƆNA GƆ HÃ. Ele ŋutinya gã sia nuwuge.
Mibu eŋu kpɔ ko, MÍE nɔ Mawu ƒe susuwo ŋutɔ me tso gɔmedzedzea me. Ƒe akpe ene hafi Yesu nava anyigba dzi, kple ƒe akpe geɖewo hafi miava anyigba dzi la, Yesu, le Mawu ƒe Susu me la, ku ɖe míaƒe nuvɔ̃wo ta. KE EMEGBE LA, wode MÍAƑE ŊKƆWO Alẽvi la ƒe Agbe Gbalẽ me.
Ɖee ema le yiyim ɖe miaƒe susu me nyuiea? Mawu ɖo míaƒe ŋkɔwo hedewo Alẽvi la ƒe Agbe Gbalẽ la me do ŋgɔ xexeame ƒe gɔmeɖoɖoanyi anyi ke. Enya míaƒe ŋkuwo, míaƒe kɔkɔme, nukake míenye. Míenɔ Eƒe susume tso gɔmedzedzea me….le Mawu ƒe susume! Ekema, nu ɖeka si míenye lae nye Mawu ƒe Nya si woɖe gblɔ. Esime Wòsusui vɔ la, Eɖee gblɔ, ke míawoe nye esi.
Esesẽ be woase egɔme. Mawu le nusiawo katã gblɔm na mí. Elɔ̃ mí alegbegbe eye wòdi be yeakpɔ egbɔ nyuie be Míasee tẽ tso Yeŋutɔ gbɔ, alea la Ena Wolée ɖe mɔ̃ dzi alebena le Kɔsiɖagbe, Dzome 4, 2022 dzi la, Yeagate ŋu ahe Yeƒe Ŋugbetɔ la ɖe du aɖagblɔ na mí be: “Mewɔ esia katã na mi. Medi be Míasee tẽ tso Gbɔnye. MELƆ̃A MI. NYE ŊUGBETƆ MIENYE. MEGBƆNA NA MI LE MADIDI ME ŊUTƆ.”
Ematae míenyae be ne míele zɔzɔm le Mawu ƒe Ŋkume la, nane le mía me le gbɔgblɔm na mí bena míetso afiaɖe, eye míegbugbɔ yina to Ŋusẽ ma si le míahem dzi.
Mawu ɖe amemo ɖa le nua katã dzi eye míele Ekpɔm. Mawu, en morfe, wotsɔnumo nɛ le Dzo Lilikpo la me. Mawu, en morfe, le Ŋutsu aɖe si woyɔ be Yesu me. Mawu, en morfe, le Eƒe Hame la me. Mawu le míata me , Mawu li kpli mí, Mawu le mía me; Mawu ƒe ƒuƒoƒo ɖeka.
Naneke meli si wòle be míavɔ̃ kura o. Naneke si ta wòle be míatsi dzimaɖi o, ku ŋutɔ gɔ hã. Ne míedzo le afisia la, míekuna ŋutɔ gɔ hã o. Ne anyigba gbadɔ sia gblẽ la, bubu le míasi XOXOXO si le míalalam, En morfe.
Metsidzi be mase Eyama wòaƒo nu na mí eye wòaɖe nusiawo katã fia mí Kɔsiɖagbe sia le ŋdɔ ga 12 me, Jeffersonville ƒe game. Miva wɔ ɖeka kpli mí le teƒe ɖeka si miate ŋu ase MAWU ƑE GBE si dzi woɖo kpe wòagblɔ na mi tso nuɣi dzi yi ɖe to me amesi Wò NYE, amesi míe NYE, kple afisi míeyina. MIZI PLAY.
Amekae Nye Melxizedek Sia? 65-0221E
Nɔvi. Joseph Branham
Ŋɔŋlɔ siwo woaxlẽ
Mose I ta 18lia
Mose II 33:12-23
Yohanes Kɔkɔe 1:1
Romatɔwo 8:1
Korintotɔwo II 5:1
Tesalonikatɔwo II 4:13-18
Timoteo Gbãtɔ 3:16/ 6:15
Hebritɔwo 7:1-3/13:8
Nyaɖeɖefia 10:1-7 / 21:16
