Gbedasi: 64-0823E Biabiawo kple Ŋuðoðowo #2

PDF

---

• 24-0505 Biabiawo kple Ŋuðoðowo #2
• 22-1009 Biabiawo kple Ŋuðoðowo #2
• 18-0211 Biabiawo kple Ŋuðoðowo #2

BranhamTabernacle.org

Ɖetugbui Le Aƒe Dzadzɛ Lɔlɔ̃a Si Woɖe,

Mawu lɔ̃a mí alegbegbe be Ena Eƒe nyagblɔɖila ɖo míaƒe biabiawo KATÃ ŋu na mí, heɖo Ŋuɖoɖoawo nyaƒoka dzi. Ne míehĩawo la, nusi ko wòle be míawɔ lae nye be AXƆSE AƉAZI PLAY.

Ɖee Gbɔgbɔ Kɔkɔe la le asinyea?

Gbɔgbɔ Kɔkɔe ƒe kpeɖodzi vavã la, esime Mawu ɖe fia wò eye nèkpɔe be, ALE AƑETƆ LA GBLƆ ESI ye eye nèlɔ̃ xɔe.

Ekema Ele asinye Aƒetɔ, esime Nèɖe Gbedeasi sia fiam eye melɔ̃ Xɔe abe Ale Aƒetɔ La Gblɔ Esi ene!

Gake, edzea ko be megena akpa… hã kae ku ɖe nye tsɔme si vayi ŋu?

Menye nusi nènye, nusi nènye va yi, alo naneke kuɖe eŋu o, nusi Mawu wɔ na wò fifia ye. Kpeɖodzi lae nye ema.

Aƒetɔ, Mèle nye tsɔme si vayi dzi kpɔm o eye Mèle nye vodada geɖe, geɖewo kpɔm fifia gɔ hã o, gbe nye ko sem Nèle; Ŋutikɔkɔe Aƒetɔ, GBƆGBƆ KƆKƆE LA LE ASINYE.

Nɔviŋutsu Branham, menyae be nègblɔ be menye wòenye kpe ɖeka le aƒuata o, gake amekae anɔ mɔ fiam Kristo ƒe Ŋugbetɔ le nuwuɣi laa?

To Mawu ƒe kpekpeɖeŋu me la, mexɔe se be mele mɔ fiam Yesu Kristo ƒe Ŋugbetɔ la.

Nu geɖewo le nye dzi dzi, nuka wòle be mawɔ?

Nububu aɖeke mele vevie fifia o wu be woaƒo ƒu Mawu ƒe viwo katã ɖe du aɖagblɔ be, “Mina míadzo.”

Akpe na wò Aƒetɔ, ye wɔm míele tututu. Nububu aɖeke mele vevie na mí wu o negbe Wò Nya la. Wò Gbɔgbɔ Kɔkɔe le mɔfiam mí to Wò nyagblɔɖila dzi eye míele ƒu ƒom ɖe du le Wò Nya ŋu tso xexeame, eye míele gbesɔsɔ be míadzo.

Biabia geɖewo le asinye, mehiã mɔfiame, kpekpeɖeŋu, kple ŋuɖoɖowo. Afika makpɔ wo lee?

Mele afisia be madze agbagba be makpe ɖe mia ŋu, elabena melɔ̃a mi. Mienye vinyewo si medzi na Kristo. Mele miadometɔ ɖe sia ɖe ta biam se. Mele miata biam se le zã sia me; mebiana miata ɣesiaɣi; mebiana miata kokoko, eye ema abe nɔvinyeŋutsu kple nɔvinyenyɔnu ene.

Míawo hã míelɔ̃na wò Nɔviŋutsu Branham. Míenyae be Mawu dɔ wò ɖa be nafia mɔ mí aɖakplɔ mí. Míedzro Esia kpɔ kple Nya la ke Esɔ ɖe fli dzi pɛpɛpɛ.

Amekae nye fofonye le Nyanyuie la mee?

Vinyewo mienye; me—menye mia fofo le Nyanyuie la me, menye fofo abe alesi woanye fada o, menye—menye mia fofo le Nyanyuie la me abe alesi Paulo gblɔe le afima ene.

Míenyae be Gbɔgbɔ Kɔkɔe la Ye le wòkplɔm be nàkplɔ mí, Nɔviŋutsu Branham. Èle egblɔm ko abe alesi Paulo gblɔe le Biblia me ene be, miadze nusi nègblɔ yome tututu, esime Wònye nyateƒe, eye mele be míatrɔ nu sue ɖeka alo kakɛ ɖeka o.

Nuka wòle be nàwɔ Nɔviŋutsu Branham?

Medi mi na Kristo, ke azɔ, me—meɖe mi na Kristo; egɔme yenye be mede mi agosɔ me kple Kristo abe ɖetugbui la aƒe dzadzɛ ene. Migaɖe dzi le ƒo nam o, migaɖe dzi le ƒo nam o! Mikpɔtɔ nye ɖetugbui le aƒe si le dzadzɛ.

Eɖe mí na Kristo abe ɖetugbui le aƒe dzadzɛwo na Eƒe Nya la. Míate ŋu eye míete ŋu le ahĩa dze ge kple amebubu gɔ hã o. Míedzroa nu sia nu si míesena kple esi míewɔna to Wò Nya si wodzraɖo di dzi.

Nukae nye nu vevitɔ si mate ŋu awɔ be manye Eƒe Ŋugbetɔ la, Nɔviŋutsu Branham?

Nɔ anyi kple Nya la.

Woate ŋu aƒo ŋuɖoɖowo katã ta kpli na míaƒe biabiawo kple nya siawo be:

MINƆ ANYI KPLE NYA LA.

Gbedeasi Sia Nye Nya la na míaƒe ŋkeke la. Nɔviŋutsu Branham nye Mawu ƒe Gbe na míaƒe ŋkeke la. Edze be nu sia nu nasɔ ɖe fli dzi kple Nya la. Nya la mehiã gɔmeɖeɖe aɖeke o. Ne míe ZI PLAY LA, WONA NUSIWO KATÃ MÍEHĨA LE AFIMA, LE NYAƑOKAWO DZI.

Nane le dzi dzi na wò si nèhĩa ŋuɖoɖo naa? Va wɔ ɖeka kpli mí Kɔsiɖagbe sia le ŋdɔ ga 12 me, Jeffersonville ƒe game, esime míaxɔ míaƒe Ŋuɖoɖowo katã esime míase: 64-0823E – Nyabiabiawo Kple Ŋuɖoɖowo #2

Nɔvi. Joseph Branham

Gbedasi: 64-0816 Kpe Ɖoɖo Eƒe Nya Dzi

PDF

• 24-0421 Kpe Ɖoɖo Eƒe Nya Dzi
• 22-0925 Kpe Ɖoɖo Eƒe Nya Dzi
• 21-0509 Kpe Ɖoɖo Eƒe Nya Dzi
• 17-1029 Kpe Ɖoɖo Eƒe Nya Dzi

BranhamTabernacle.org

Anyigba Ƒe Dze Lɔlɔ̃awo,

Esime wòdze ko be Mate ŋu anyo wu o la, Edona Nyaƒoka ƒe Ɖeɖefiawo ƒe Agba na mí. Teƒenɔnɔ le mía si tso ameɖoɖi me. Susuma tae míetso ɣedzeƒe kple ɣetoɖoƒe, dziehe kple nyiehe ɖo, be míase Nya gbagbe si woɖe ɖe go la.

Esime Mawu wɔ xexea la, míenɔ Eƒe susu me. Esime míaƒe nutsola yi edzi nɔ asibidɛ fiam mí henɔ gbɔgblɔm na Fofo la be, “Wowɔ esia, wowɔ esia, wowɔ esia,” la míaƒe Aƒetɔ Yesu ƒe Ʋu tsyɔ míadzi. Ne míele gbedom ɖa la, Mawu mekpɔa mí o, míaƒe gbe ko wòsena to Yesu ƒe Ʋu la dzi.

Satana mate ŋu aɖefu; alo, ate ŋu ate kpɔ, gake mate ŋu alé Kristotɔ si wogbugbɔ dzi o. Elabena, Mawu, tso xexeame ƒe gɔmeɖoɖoanyi ke la, kpɔ eyama do ŋgɔ, hedɔ Yesu ɖo ɖa be wòaxɔe aƒle, ke Ʋu la ƒoa nu le eƒe teƒe. Aleke wòate ŋu awɔ nuvɔ̃ esime Mawu ŋutɔ gɔ hã, mateŋu akpɔe o mahã? Nu ɖeka si Wòsea yenye miaƒe gbe. Ekpɔa miaƒe teƒenɔnɔ. Amen! Nyateƒee. Mikpɔea?

Mawu ƒe nyagblɔɖila gblɔ nusiawo na mí. Menye eyae nɔ nuƒom o; ɖeko wònɔ Mawu ƒe susuwo ɖem gblɔ, Eƒe nusiwo wòle be woava la ƒe nyenyewo. Ele eƒe nu zãm be yeatsɔ ɖewo agblɔ. Ke esime wògblɔ wo vɔ la, ele be woava me. “Dziƒowo kple anyigba nu woava yi, gake Nye Nya mada ƒu kpɔ o.”

Eɖo kpe Eƒe Nya dzi na mí zi gbɔ zi geɖe. Ɖee Meɖo kpe edzi na mí be yenye: Amegbetɔ Vi la si do ŋutilã le míadome oa? Ɖee Meɖo kpe edzi na mí be: Míaƒe nyagblɔɖila wu Ŋɔŋlɔ ɖe sia ɖe si woɖe gblɔ kuɖe eŋu oa? Ɖee Meɖo kpe edzi na mí be: Míenye Eƒe Ŋugbetɔ oa? Ɖee Meɖo kpe edzi na mí be: Gbɔgbɔ Kɔkɔe ƒe kpeɖodzi vavã la le mía si oa?

Nukae vɔ̃m míele azɔ? Eɖo kpe edzi na mí, ne míele tsitre ɖe Egbɔ la, Anɔ tsitre ɖe míagbɔ. Eƒe Nya mate ŋu adaƒu o.

Amesiwo katã xɔ Gbedeasi sia kple agbenɔɣi sia ƒe gbedeasitsɔla dzi se la woakpɔ ɖeɖe. Amesiwo katã womexɔ Gbedeasi la kple eƒe gbedeasitsɔla dzi se o la, woatsrɔ̃ kple xexeame.

Miɖo to nyuie hame. Geɖewo alegbegbe sea egɔme baɖa, alo womeɖo Nya la ƒe Ɖeɖefia ɖeke o. Wosea be míetea gbe ɖe amea dzi akpa. Ne miexɔe se vavã be Nɔviŋutsu Branham nye Mawu ƒe nyagblɔɖila la, ekema miʋu miaƒe dzi kple luʋɔ aɖase nusi gblɔm Ale Aƒetɔ La Gblɔ Esi la le.

Nukae ahe Ŋugbetɔ la ɖe duu? Nukae awɔ Ŋugbetɔ la ɖeka be wòazu Ɖeka kple Mawu?

“Le ŋkeke ma me la woaɖe Amegbetɔ Vi la ɖe go.” Nuka? Be wòatsa Hame la ɖe Ta ŋu, awɔ ɖeka, Ŋugbetɔ la ƒe srɔ̃ɖeɖe. Ŋugbetɔsrɔ̃ la ƒe yɔyɔ ava to esia me tututu, esime Amegbetɔ Vi la aɖi va aɖa va eye ava le amegbetɔ ŋutilã me be yeawɔ eveawo ɖeka. Ele be Hame la nanye Nya la, Eya nye Nya la, ke eveawo le ɖeka wɔm, eye, be woawɔ ema la, ahĩa Amegbetɔ vi la ƒe ɖeɖefia ƒe ɖeɖeɖego.

Ahĩa Amegbetɔ vi la ƒe ɖeɖefia ƒe ɖeɖeɖego. Menye wò tamesusu o, menye wò nugɔmesese o, menye wò susuwo alo wò mawunyagbɔgblɔ o. Amegbetɔ vi la awɔ Ŋugbetɔ la kple Ŋugbetɔsrɔ̃ la ɖeka, ke ele eme vam FIFI LAA.

Míele Srɔ̃ɖeɖe Kɔnu aɖe me fifia kple Ŋugbetɔsrɔ̃ la eye míele dzodzo ge le madidi me yi ɖe míaƒe Srɔ̃ɖeɖe Nuɖuɖu kple míaƒe Srɔ̃ɖeɖe Mɔzɔzɔ la me.

Nya la kple Hame la le ɖeka zum. Nukake Amegbetɔ vi la wɔ la, Eyae nye Nya la, Hame la wɔa numa ke.

Míate ŋu anɔ agbe to Nya ɖe sia ɖe si doa go tso Mawu ƒe Nu me ɖeɖeko dzi! Mawu ɖo kpe edzi be míaƒe nyagblɔɖila nye Mawu ƒe nyaŋuɖela na egbe. Aleke míenya be enye Mawu ƒe Nya laa? Egblɔe nenema, emegbe la Eɖo kpe Edzi kple Eƒe Nya la.

Míenye Hame-Ŋugbetɔ si dzra eɖokui ɖo le ŋkeke mamleawo me. Amesiwo woyɔ do go tso le mamleawo katã me; xevi ma si ƒo ʋu si ƒo ʋu kple Eƒe Ʋu la.

Fofo, míaƒe dziwo le kpodzom, eye nye dzi le ƒoƒom, ne mele susu bum kuɖe ema ŋu henyae be Wò Nyawo le eteƒe, Wodometɔ aɖeke mate ŋu adaƒu o.

Mawu ƒe mɔ ɖeka si Wòta ɖi na egbe lae nye esi. Eyae nye mɔ ƉEKA si dzi woanɔ be womatrɔ Nya ɖeka o. Miɖo ŋku dzi be, Gbɔgbɔ Kɔkɔe la ate ŋu ava aɖasi ami na ame, gake kokoko la, ekpɔtɔ le Mawu ƒe Lɔlɔ̃nu godo. ELE BE Mía NƆ ANYI KPLE NYA GƆMEDZEDZETƆ SI DZI WOƉO KPE LA.

Ne edzro wò be yeanɔ anyi kple Nya ma aɖase Mawu ƒe Gbe kpli mí la, mele wòkpem be nàwɔ ɖeka kpli mí Kɔsiɖagbe sia le ŋdɔ ga 12 me, Jeffersonville ƒe game esime míase: KPE ƉOƉO EƑE NYA DZI 64-0816.

Mele na wò be nàwɔ ɖeka kpli mí alo ŋutɔ gɔ hã nàse nyaƒoka ɖeka ma ke le game ɖeka ma ke dzi kpli mí o, gake mele yɔyɔ wɔm na mi be, miɖo to Mawu ƒe nyagblɔɖila.

Nɔvi. Joseph Branham

Ŋɔŋlɔ siwo woaxlẽ do ŋgɔ na takpekpe la:

Mateo Kɔkɔe 24:24
Marko Kɔkɔe 5:21-43/ 16:15
Luka 17:30/ 24:49
Yohanes 1:1/5:19/14:12
Romatɔwo 4:20-22
Tesalonikatɔwo I 5:21
Hebritɔwo 4:12-16/ 6:4-6/ 13:8
Fiawo I 10:1-3
Yoel 2:28
Yesaya 9:6
Maleaxi 4

Gbedasi: 64-0802 Dziƒo Ŋugbetɔsrɔ̃ Kple Anyigba Dzi Ŋugbetɔ La Ƒe Tsɔme Ƒe La

---

• 24-0414 Dziƒo Ŋugbetɔsrɔ̃ Kple Anyigba Dzi Ŋugbetɔ La Ƒe Tsɔme Ƒe La
• 23-0312 Dziƒo Ŋugbetɔsrɔ̃ Kple Anyigba Dzi Ŋugbetɔ La Ƒe Tsɔme Ƒe La
• 22-0918 Dziƒo Ŋugbetɔsrɔ̃ Kple Anyigba Dzi Ŋugbetɔ La Ƒe Tsɔme Ƒe La
• 21-0502 Dziƒo Ŋugbetɔsrɔ̃ Kple Anyigba Dzi Ŋugbetɔ La Ƒe Tsɔme Ƒe La
• Hɔ̃wo Le Ƒuƒom Ɖedu
• 19-1103 Dziƒo Ŋugbetɔsrɔ̃ Kple Anyigba Dzi Ŋugbetɔ La Ƒe Tsɔme Ƒe La
• 17-0924 Dziƒo Ŋugbetɔsrɔ̃ Kple Anyigba Dzi Ŋugbetɔ La Ƒe Tsɔme Ƒe La

BranhamTabernacle.org

Nyagblɔɖila Ƒe Xɔlɔ̃ Lɔlɔ̃awo,

Nye dzi le fiafiam kple dzidzɔ ne mele susu bum kuɖe míawo si le ƒu ƒo ge ɖe du Kɔsiɖagbe sia be míase Mawu ƒe Gbe wòaƒo nu na mí. Dzidzɔ gã wu aɖeke mele nye agbe me wu be manɔ Gbɔgbɔ Kɔkɔe la ƒe ŋkume aɖase Eyama wòaƒo nu na Eƒe Ŋugbetɔ la, tso nuɣi me yi ɖe to me o.

Nububu aɖeke mele xexe sia me si hea dzidzɔkpɔkpɔ kple ŋutifafa va nam o, negbe Eƒe Nya la. Ne menya se, “Ŋdi Na Mi Xɔ̃nyewo,” ko la ɖeko menɔ anyi, hevona, henona tsi tso Agakpeme Tsivudo la me esime Wòle Agbe Mavɔ ƒe Nyawo nam. Be mabui be, Mawu dɔ eyama ɖo ɖe NYE KPLI WÒ, eye míenye XƆLƆ̃WO kple Mawu ƒe nyagblɔɖila kple gbedeasitsɔla la.

Elɔ̃a mí alegbegbe be Edɔ Eƒe nyagblɔɖila ɖo ɖe mí be wòagblɔ nu sia nu na mí kuɖe míaƒe Tsɔme Ƒe la ŋu. Ekpɔ dzidzɔ alegbegbe be yeagblɔ nu sia nu na mí kuɖe Eŋu, ŋutɔ gɔ hã le nɔnɔme deto me wu alesi wògblɔe na Yohanes. Eɖe fia mí, menye dzogoe ene ƒe dukɔ aɖe o, gake tohɔ ƒe dukɔ aɖe, afisi Alẽvi la anɔ ta me eye anye xexeame ƒe Kekeli le.

Ena míenya be wole mɔawo do ge kple sika eye aƒe siwo me míanɔ la anye ahũhɔ̃e sika tɔ. Ele nu sue ɖe sia ɖe wɔm tututu ko le míatɔ ŋu, nusi míalɔ̃ ko. Megblẽ naneke ɖi mawɔmawɔ o. Xɔtuɖaŋunyala Mawumetɔ la Tae na MÍ, Eƒe Lɔlɔ̃tɔwo ko.

Agbe ƒe atiawo Anɔ afima, eye woatse ku vovovo wuieve. Du la ƒe agbowo manɔ dodo le zã me o, elabena zã mele afima o, Anye míaƒe Kekeli.

Amekawoe le afima nɔ gee?

Amekawoe do go ɖe anyigba yeye la dzi kple nyagblɔɖila Noa ? Amesiwo ge ɖe eme kple eyama le aɖakaʋu la me ye. Esɔ gbea? Amesiwo do go zɔ edzi woe ma. Mikpɔea? Amesiwo ge ɖe eme kple Noa, to eƒe gbedeasi dzi, woenye amesiwo do go zɔ anyigba yeye la dzi le nyɔnyrɔ̃ le tsi me megbe.

Ele nuƒom na MÍ xɔ̃nyewo! Míele míaƒe egbe ƒe Aɖakaʋu la me; Eƒe Nya, Gbedeasi Sia, kple míaƒe nyagblɔɖila Noa la. Ke le go kemea le Anyigba ma dzi la, le Du ma me afisi Alẽvi la nye Kekeli le la, anya MÍ. Míenye eƒe dukɔ, eƒe dzonuwo le fiakuku la me. Míeva tso Ɣedzeƒe kple Ɣetoɖoƒe, va Du si wotsu ɖe dzogoe ene dzi me. Du Ma si Abraham nɔ didim.

Esime mekpɔ Nya la le kpeɖom Eɖokui dzi la, menyae, ɖikeke ƒe vɔvɔ̃li aɖeke manɔmee be, nye fiakuku ƒe dzonuwo woaklẽ wu nu ɖe sia ɖe le xexeame, le Gbemagbe.

Ɖee míate ŋu adze eŋuti bubu ŋutɔ gɔ hã…Mawu ƒe nyagblɔɖila gblɔ be, YENYAE, ɖikeke ƒe vɔvɔ̃li aɖeke manɔmee, be MÍ enye dzonuwo le eƒe fiakuku me, eye míaklẽ wu nu sia nu le xexeame gbemagbe. Aleluya… Ŋutikɔkɔe…Woakafu Aƒetɔ la ƒe Ŋkɔ.

Xɔ̃nyewo, ne míesusu be enyo fifia, esime míenɔ anyi ɖe du tso xexea katã me, le toɖom hele Eƒe Nya ɖum le nyaƒoka siawo me la, nukae wòanye ne míele Du ma me Kplii!

Mawu ƒe nyagblɔɖila anye míaƒe aƒelika si ate ɖe mía ŋu wu. Míaɖu nu tso ati mawo me kple eyama, eye míazɔ le mɔ mawo dzi ɖe du. Míalia sika mɔ mawo dzi ayi ɖe vudo la gbɔ, ano tsi tso vudo la me, azɔ ayi ɖe Mawu ƒe paradisowo me, kple Mawudɔlawo siwo anɔ agbasam le anyigba dzi, anɔ hawo dim.

Oo, Ŋkeke kae wòanyee!! Ehĩa míatɔ sinu ɖe sia ɖe. Mɔ la dze be esesẽ, ɣeaɖewoɣi la esesẽa, gake, oo, anye nu sue aɖe alegbegbe ne mekpɔ Eyama, sue alegbegbe. Nukae anye ŋkɔ baɖa kple nu siwo wogblɔ, nukae ema anye ne mekpɔ Eyama le Mawu ƒe Du nyakpɔ, nyakpɔ ma mee?

Xɔ̃nyewo, mele sɔsɔm nam be makpɔ, eye manɔ Du ma me o. Medi vevie be manɔ afima kple míaƒe Aƒetɔ kple Ɖela, Eƒe nyagblɔɖila, kple miadometɔ ɖe sia ɖe.

Made Du nyakpɔ ma me kokoko
Nye Aƒetɔ dzrae ɖo ɖi na Etɔwo;
Afisi agbenɔɣi la ƒe Ɖeɖekpɔlawo katã
Dzia “Ŋutikɔkɔe!” le Fiazi Ɣi la ŋu.
Ɣeaɖewoɣi la Dziƒo yiyi dzro nam vevie,
Ke makpɔ eƒe ŋutikɔkɔewo le afima;
Dzidzɔ kae wòanye ne mekpɔ nye Ɖela,
Le sika Du nyakpɔ ma me!

Mele xexeame kpem be wòava tu mí, nyagblɔɖila ƒe xɔ̃lɔwo, esime míaƒoƒu ɖe du le Eƒe Fiazi la ŋu be míase Mawu ƒe Gbe wòaƒo nu na mí le ŋdɔ ga 12 me, Jeffersonville ƒe game, esime míase Eyama wòagblɔ nu sia nu na mí ku ɖe : Dziƒo Ŋugbetɔsrɔ̃ Kple Anyigba Dzi Ŋugbetɔ La Ƒe Tsɔme Ƒe La 64-0802 ŋu. Mate ŋu ado ŋugbe na mi be, anye Ŋkuɖoɖodzi Ŋkeke le miaƒe agbe me.

Nɔvi. Joseph Branham

Mateo Kɔkɔe 19:28
Yohanes Kɔkɔe 14: 1-3
Efesotɔwo 1:10
Petro II 2:5-6 / Ta 3lia
Nyaɖeɖefia 2:7/ 6:14/ 21:1-14
Mose III 23:36
Yesaya Ta 4lia / 28:10 / 65:17-25
Maleaxi 3:6

Gbedasi: 64-0726E Tsido Siwo Gɔme Ŋɔ

PDF

• 24-0407 Tsido Siwo Gɔme Ŋɔ
• 22-0911 Tsido Siwo Gɔme Ŋɔ
• 21-0425 Tsido Siwo Gɔme Ŋɔ
• 19-1117 Tsido Siwo Gɔme Ŋɔ
• 17-1022 Tsido Siwo Gɔme Ŋɔ
• 16-0626E Tsido Siwo Gɔme Ŋɔ

BranhamTabernacle.org

Agakpeme Tsivudo Nola Lɔlɔ̃awo,

Wometsa mí ɖe eŋu o, Nya ƒe kutsetse gɔmedzedzetɔ la ƒe akpa aɖe míenye. Gbɔgbɔ Kɔkɔe Ŋutɔ, na nua tsi, ɖo kpe edzi, heɖe Eɖokui ɖe go na mí. Míelɔ̃ xɔe le Eƒe blibodede me, le Eƒe kpeɖodzi kple Ɖeɖefia kuɖe nusi Wònye la ŋu ƒe ŋusẽ me, hezu Eƒe akpa aɖe. Ewu agbe na mí.

Gbɔgbɔ Kɔkɔe la Ŋutɔ ƒo nu to nugo, bɔbɔ eɖokui madzemadze dzi hegblɔ be, “Nye Fiatikplɔ, Nye Nya, yenye esi Xɔe heyi ŋgɔ, eye tsɔ Gbedeasi la na.” Etsɔ Eƒe Nya la hetso mí ɖa, be yeawɔ mí Eƒe Ŋugbetɔ la.

Eɖefou na nunɔlawo be wokpɔ amewo le dzodzom ɖa le hameawo me hele yiyim le nyaƒokawo ƒom. Wogblɔ be, “Ne miadometɔ aɖe yi takpekpeawo me la, woanya mi do go, míaɖe mi do go ɖa le míaƒe ɖoɖowɔha me”.

Woƒe Ŋuɖoɖo yenye be: miate ŋu aɖe asi le mía ŋu fãa, míele dzodzom alekeke hã! Míele mɔzɔzɔ me kple Aƒetɔ Yesu, míaƒe Agakpe si woƒo la, hele mawudɔlawo ƒe Nuɖuɖu ɖum, Mana si wodzra ɖo ɖi tso dziƒo, hele tsi nom tso Agakpe la me. Mele be míaxa nu kuɖe nusi nom míele ŋu kpɔ gbeɖe o, Menye nububu aɖeke o negbe NYA DZADZE la.

Nyɔnyɔ̃ nɔa míasi kokoko si le edzi yim. Míaƒe Tsivudo le fiafiam ɖaa ɖaa ɖaa, ɖaa ɖaa ɖaa. Nuwuwu aɖeke meli Nɛ o. Tsi nono fafɛ, nyuie aɖe sua míasi ɣe sia ɣi si Míezia Play. Míeziɔ ɖe Eŋu eye míele agbenɔm le Edzi. Nu ɖeka si wòle be miawɔ la yenye be miade afima aɖano tsi.

Míele agbe le Tómetsi ma gbɔ gbesiagbe! Mele kpɔ gbeɖe be míahe, akudo, agbɔ tsi, alo nu ɖe sia ɖe o; mikpɔ gome le Eƒe mɔ si wòna me, vovotɔe ko. Miate ŋu atsɔ miaƒe nuɖoanyi ametɔwɔwɔeawo katã ne miedi fãa, miaƒe vudo ƒaƒã xoxoeawo katã; na míawo ya la, míeva Eƒe Tsivudo dzadze gbɔ. Míaƒe Dzidzɔ ye. Míaƒe Kekeli kple Ŋusẽ ye.

Enye Tsi si mano. Enye nye Agbe. Enye nye Gbedala. Eyae nye nye Ɖela. Enye nye Fia. Nusianu si ke hĩa nam la, mekpɔe le Eyama me. Nukaŋuti magadi be mayi nu bubu gbɔ mahã?

Na míawo ya la afi bubu aɖeke mele be míayi o negbe Tsivudo si Mawu na la gbɔ. Míexana nu kpɔ gbeɖe na nusi míano o. Míeɖoa ɖovuvu xoxoea ɖe si tsiɔna nu si ate ŋu ana nudzodzoewo nato eme va yi, gake agblẽ tsi ƒaƒã ɖi o. ƉEKO MÍEXƆA AGAKPEME TSI DZADZE LA KPLE TOMENUWO KATà KPLE NUNYIAME SIWO MÍEHĨA.

Ekaɖe edzi na mí be: Vinye suewo, migaxanu ake o, Gbɔgbɔ Kɔkɔe la ƒe kpeɖodzinu akuakua le miasi. Miɖo kpe edzi Nam be miexɔ Nya ɖe sia ɖe dzi se. Miexɔ Esia, TƆNYEE MIENYE. MÍELE ƉEKA. SRƆŊUTSU KPLE SRƆNYƆNU.

Míawo ta Megbɔna ɖo le ɣeyiɣi ɖeka me, le aɖabaƒoƒo ɖeka me. Mele Aƒe yeye aɖe dzram ɖo ɖi na mi. Mialɔ̃ Nye dɔwɔwɔ mamleawo. Menyae be esẽnu ɖe miadzi fifia ŋutɔ, eye mieɖo dodokpɔ kple tetekpɔ geɖewo eye miaƒe agbãwo kpe. Gake migaŋlɔ be o, naneke meli si ŋu miaxanu le o, metsɔ Nye Nya na mi. Nye Nya ye mienye. Mewɔ nu sia nu na mi vɔ. Miɖe Nya la gblɔ eye migakeɖi o. Mieɖo Nye xɔse, kɔ kpeɖe eŋu la Nye nyagblɔɖila na mi eƒe Xɔse.

Adzrom be miawɔ ɖeka kpli mí Kɔsiɖagbe le ŋdɔ ga 12 me, Jeffersonville ƒe game, aɖase 64-0726E Tsido Siwo Gɔme Ŋɔ, aɖano tsi tso Agakpeme Tsivudo la me esime wòle Nya Dzadze si mehiã nutsiɔnu aɖeke o fiam.

Nɔvi. Joseph Branham

Psalmowo 36:9
Yeremia 2:12-13
Yohanes Kɔkɔe 3:16
Nyaɖeɖefia Ta 13lia

Gbedasi: 64-0726M Mide Dzesi Miaƒe Ŋkeke Kple Eƒe Gbedasi

---

• 24-0324 Mide Dzesi Miaƒe Ŋkeke Kple Eƒe Gbedasi
• 22-0904 64-0726m Mide Dzesi Miaƒe Ŋkeke Kple Eƒe Gbedasi
• 21-0418 Mide Dzesi Miaƒe Ŋkeke Kple Eƒe Gbedasi
• Hɔ̃wo Le Ƒuƒom Ɖedu
• 19-1110 Mide Dzesi Miaƒe Ŋkeke Kple Eƒe Gbedasi
• 17-1015 Mide Dzesi Miaƒe Ŋkeke Kple Eƒe Gbedasi
• 16-0626M Mide Dzesi Miaƒe Ŋkeke Kple Eƒe Gbedasi

BranhamTabernacle.org

Ame Lɔlɔ̃awo Siwo Wolã Ɖa,

Medi be ame sia ame nanya nusita dzi le míadzɔm alegbegbe ɖo!

Míelɔ̃ xɔ Aƒetɔ la ƒe Nya. Nya si woɖe fia si woɖe gblɔ, to Mawu ƒe nyagblɔɖila Maleaxi 4 tɔ la dzi. Míenye Yesu Kristo ƒe Ŋugbetɔ la. Míawoe nye Amesiwo ti nuteƒewɔlawo na Eƒe Gbe si dzi woɖokpe la. Míawoe nye Amesiwo Wòna Adzagba xɔasi la, Eƒe Gbedeasi kple Eƒe gbedeasitsɔla ƒe Ɖeɖefia vavã la.

Mawu tsɔ Eƒe nyagblɔɖila ƒe Nya hetso Ŋugbetɔ aɖe si xɔa nya sue ɖe sia ɖe kple kakɛ ɖe sia ɖe dzi se. Elã mí ɖa abe alesi, wòdo ŋugbe be Yeawɔe ene. Míenye Mawu ƒe alẽwo, eye Mawu ƒe Gbe ɖeɖe ko míesena! “Nye alẽwo sea Nye Gbe,” esime míele Play Zim.

Míetso keke dua katã me; tso New York, tso Massachusetts, yi Boston, Maine, Tennessee, Georgia, Alabama, kple dua me ƒo xlã. Tso Afrika yi Mexico, Europa yi Australia, míele ƒuƒom ɖe du, le Gbedeasi Ɖeka, Gbe Ɖeka te, ke Ele Ŋugbetɔ la wɔm ɖeka hena Kɔkɔdzoe la.

Míaƒe nyagblɔɖila, Mawu ƒe gbedeasitsɔla, Amegbetɔ Vi la le Eɖokui ɖem fia le ŋutilã me, le ɣlidom be, “Satana, go ɖa le mɔ dzi nam, Fia la ƒe Gbedeasi le asinye. Menye Fia la ƒe Gbedeasitsɔla. Nya si dzi woɖo kpe na egbe la le asinye. Woɖom ɖi be mayɔ Eƒe Ŋugbetɔ la do go aɖakplɔe.”

“Mele dukɔ aɖe hem do go, le wokpam tso nusiawo me. Le wohem do go; be mafia wo, to Ŋɔŋlɔawo dzi, be Mawu le tsitre ɖe afisia; kple Dzo Lilikpo la ƒe kpeɖodzinu.”

Mawu de dzesi be amewo le anyigba dzi siwo Wòɖo ɖi na Agbe. Ede dzesi be ɣeyiɣia yenye esi be yeadɔ Yeƒe gbedeasitsɔla ɖo ɖa be wòayɔ Yeƒe Ŋugbetɔ la do go, ekema Ewɔe. Míawoe nye Amesiwo de Dzesii. Míawoe nye Amesiwo Wònya be woaxɔ Nya ɖe sia ɖe dzi se.
Abraham de dzesi be Mawu nɔ nuƒom na ye le amegbetɔ ŋutilã me. Ede dzesi Eƒe dzesi heyɔ Eyama be A-Ƒ-E-T-Ɔ, Elohim, eye Aƒetɔ la yrae. Míede dzesi be abe alesi wònɔ le ŋkeke ma me la, nenema ke wòanɔ esime woanɔ Amegbetɔ Vi la ɖem ɖe go, Elohim, si anɔ nuƒom to amegbetɔ ƒe ŋutilã me.

Míenye Eyama, kple Eƒe Vi la ƒe akpa aɖe, eye míanɔ anyi kple Eyama yiɖe mavɔmavɔ. Menye to míaƒe yɔyɔ alo míaƒe tiatia dzi ye o, gake to Eƒe tiatia dzi ye. Míeɖo naneke awɔ le eme o. Eyae nye Amesi tia mí do ŋgɔ na xexeame ƒe gɔmeɖoɖoanyi ke.

Meka alegbegbe nèɖea gbeƒã o, nukake wɔm nèle o la, mate ŋu atsi o, mate ŋu aɖe ɖe go o, womate ŋu aɖo kpe edzi o; negbe ko to Eyama Si gblɔ be, “Nyee nye xexeame ƒe Kekeli,” Nya la dzi. Eyata elebe Ŋusẽ aɖe nava, Gbɔgbɔ Kɔkɔe la Ŋutɔ, be wòana be nu natsi, alo be yeaɖo kpe edzi, alo aɖe fia, alo awɔ be nusi Wògblɔ ɖi la nava me le ŋkeke sia me. Fĩeɣi ŋɔli Kekeli lae wɔa numa. Ɣeyiɣi kae nye esi!

Ekpɔ mí le ŋutega me esime míeto eŋkume va yi. Míenɔ tsitrenɔƒe ɖeka ma ke si me Ŋugbetɔ la nɔ le gɔmedzedze me, Alfa kple Omega la. Enɔ ɖewo kpɔm wonɔ go dom le fli me, henɔ agbagba dzem be yeahe Eyama gbɔ va, gake míawoe nye amesiwo nɔ ɣli dom sesĩe be, “Míele dzudzɔm ɖe Edzi.”

Mide dzesi, “Abe alesi Yanes kple Yambre hã wotsitre ɖe Mose ŋu ene la,” ava me nenema tututu, woadometɔ aɖewo. Menye, azɔ, mele nuƒom kuɖe Metodistetɔ, Baptistetɔ ŋu, le afisia o; womele nɔnɔmetata la me o. Mikpɔea? “Gake abe alesi Yanes kple Yambre wotsitre ɖe Mose kple Aaron ŋu la, nenema ke woawo hã woawɔ; amesiwo ƒe susu gbe nu le Nyateƒe la gbɔ,” tro gbo yi ɖe hamea ƒe nuɖoanyiwo kple nufiafiawo me, le Biblia ƒe teƒe.

Aleke gbegbe elebe míakpɔ gbɔ nyuie ŋutɔ be míanɔ anyi kple Nya vavã, si dzi woɖo kpe na míaƒe ŋkeke la. Ele be míaɖo ŋku dzi ɣesiaɣi aɖade dzesi amesi Nya la vana na. Amekae nye Nya la ƒe gɔmeɖela mawumetɔ ɖeka si li laa? Amekae nye Nya la na míaƒe ŋkeke laa?

Mawu ƒe Gbɔgbɔ, si nye Mawu ƒe Nya la, “Nye Nya nye Gbɔgbɔ kple Agbe,” aɖo Ŋugbetɔ la Eƒe nɔƒe. Elabena, Ade dzesi Eƒe tsitrenɔƒe le Nya la me, ekema Ele Kristo me, aɖo Eyama Eƒe nɔƒe.

Wokpe wò be nàva se Mawu ƒe Gbe ɖeka si dzi woɖo kpe na míaƒe ŋkeke la, eye nàde dzesi wò tsitrenɔƒe le Nya me eye woaɖo wò nɔwòƒe esime míase Elohim wòaƒo nu to Eƒe nyagblɔɖila dzi eye wòahe Gbedeasi: Mide Dzesi Miaƒe Ŋkeke La Kple Eƒe Gbedeasi 64-0726M vɛ na mí, le ŋdɔ ga 12 me, Jeffersonville ƒe game.

Nɔvi. Joseph Branham

Ŋɔŋlɔ siwo woaxlẽ do ŋgɔ na Gbedeasi la:

Hosea: Ta 6
Xezekiel: Ta 37

Maleaxi: 3:1 / 4:5-6

Timoteo II: 3:1-9
Nyaɖeɖefia: Ta 11

Mawu, wɔ nyɔnyɔ̃ aɖe le menye. Na be manye nyɔnyɔ̃ la. Na míadometɔ ɖe sia ɖe nanye nyɔnyɔ̃. Wɔ nyɔnyɔ̃ le menye Wɔm, Aƒetɔ, be dɔ newum, nà be tsikɔ newum. Wɔ nusi, hĩam la le menye, Aƒetɔ. Wɔm be, tso gaƒoƒo sia dzi la, be manye tɔ Wò; dɔtsɔla si gatsɔ eɖokui na wu, dɔtsɔla si nyo ɖe dzi wu, si xɔ yayra tso gbɔ Wò wu; si ga ɖo nutete wu, si ga bɔbɔ eɖokui ɖe anyi wu, si ga nyo dɔme ɖe dzi wu; si le didim be yeaga wɔ dɔ wu; maganɔ nusiwo nyo la dim wu, aɖaŋlɔ nusiwo va yi la be, kple esiwo menyo o. Nà be masi du ayi ɖe Kristo ƒe yɔyɔ gã la gbɔ. Amen.

Bub. William Marrion Branham

Gbedasi: 64-0719E Ayi Ɖe Asaɖa Godo

---

• 24-0317 Ayi Ɖe Asaɖa Godo
• 22-0828 Ayi Ɖe Asaɖa Godo
• 21-0411 Ayi Ɖe Asaɖa Godo
• 17-1011 Ayi Ɖe Asaɖa Godo
• 15-1216 Ayi Ɖe Asaɖa Godo

BranhamTabernacle.org

Hɔ̃ Lɔlɔ̃awo,

Mina míakatã míaƒoƒu ɖe du aɖase Gbedeasi 64-0719E Ayi Ɖe Asaɖa Godo Kɔsiɖagbe sia le ŋdɔ ga 12 me, Jeffersonville ƒe game.

Nɔviŋutsu Joseph Branham

Gbedasi: 64-0719m Kpẽwo Ƒe Azã

---

• 24-0310 Kpẽwo Ƒe Azã
• 22-0821 Kpẽwo Ƒe Azã
• 21-0328 Kpẽwo Ƒe Azã

BranhamTabernacle.org

Play Zizi Ŋugbetɔ Lɔlɔ̃a,

Kɔsiɖagbe sia Kɔsiɖagbe la míeƒoaƒu ɖe du hesea Subɔsubɔdɔ Gbagbe gãtɔ kekeake le xexeame ƒe ŋutinya me. Míele ŋutikɔkɔe kekeake ƒe ɣeyiɣi me tom esime míele godom ɖe du be míase Mawu ƒe Gbe! Yesu Wònye, Mawu ƒe Vi la, si le Eɖokui ɖem fia to Ŋɔŋlɔawo dzi, si le Ŋɔŋlɔ si woɖo ɖi va se ɖe egbe wɔm, abe alesi wònɔ le Eƒe ŋkeke me, kple ŋkeke bubuwo me be wòanɔ, AGBE. Ke be woaxɔ Edzi se, lae nye Gbɔgbɔ Kɔkɔe ƒe kpeɖodzi.

Kpeɖodzi vavãtɔ la be Gbɔgbɔ Kɔkɔe le amesi la me eyae nye sɔleme dede Kɔsiɖagbe ɖe sia ɖe ko o; eyae nye be nàxɔe se be “Nyee nye Eyama,” Nya la na miaƒe ŋkeke. Nukae nye Nya la egbea? Mawu ƒe nyagblɔɖila yenye Nya la na egbe eye eyae wòle be wòagbugbɔ amewo va Nya la gbɔ, alebena Ŋugbetɔ nanya amesi nye Eƒe Srɔ̃ŋutsu la, anya Eƒe Zɔxɛ la, Nya si woɖe fia la.

Eŋutɔ ƒe agbe, eŋutɔ ƒe dɔwɔwɔwo, ɖea ŋkeke sia ƒe Nya fiana heɖoa kpe edzi.

Gbɔgbɔ Kɔkɔe Wònye trɔ gbɔ va Hame la me ake; Kristo, Ŋutɔ, si woɖe fia le amegbetɔ ŋutilã me, le fĩeɣi ŋɔli, tututu ko abe alesi Wòdo ŋugbe be Yeawɔe ene. Menyae be ema ƒomevi ya tia gbɔgbɔ ɖe ƒo na wo vie, gake ele be miaxlẽ fliawo me aɖakpɔ ɖa, emae wɔa nɔnɔmetata si gbɔna la.

Míenye Abraham ƒe fia Ƒome, Ŋugbetɔ la. Dzesi mamle si Abraham kpɔ gbeɖe hafi vi si ƒe Ŋugbe wodo la va nye nuka? Mawu, le amegbetɔ ƒe nɔnɔme me, si ate ŋu ade dzesi amewo ƒe susuwo. Ame ɖeka menye wuieve o, ame ɖeka.

Menya be ame geɖewo metsɔ ɖe le eme na ema o, gake menyae be esiae wònye. Menyae. Menye esime Mele egblɔm ta miele egblɔm ɖo; elabena me nyeŋutɔ gbɔnye wòtso o. Nye—nye susu menye nyeŋutɔ tɔnye o. Nukake Wònye si gblɔe nam la, ne Mele eteƒe o la, ekema mele eteƒe o. Gake nyemele egblɔm le ɖokuinye si o, mele egblɔm to nu si Amebubu gblɔ dzi ye. Amebubu ma lae nye Mawu si ƒo nu na mí hewɔ nusiawo si Wòwɔ la, heze, mikpɔea, eyata menya be ele eteƒe.

Míele Mawu ŋutɔ ƒe susu sem; menye ame aɖe ƒe susu o, gake Mawu tɔ. Míaƒe nyagblɔɖila yenye amesi ɖea Nya si woŋlɔ ɖi fiana.

Míese egɔme be nyaƒokawo ƒoƒo le miaƒe aƒewo me alo le miaƒe hameawo me la menye ame sia ame tɔ o, gake na míawo ya la, Eyae nye MƆNU ƉEKA la. Míelɔ̃a be míase Mawu ƒe Gbe wòaƒo nu na mí teŋ. Míehĩa nyagɔmeɖeɖe alo nyaŋuɖeɖe aɖeke o; enye Mawu si le nuƒom to nuɣi dzi yi ɖe to me na mí.

Kɔsiɖagbe sia la míele Mawu se ge wòaƒo nu aɖagblɔ alesi Wòfia nukpɔkpɔ aɖe si do ŋgɔ kuɖe mía ŋu fia Eƒe nyagblɔɖila le go kemea dzi. Alesi gbegbe Ŋugbetɔ ma nɔ eyama kpɔm teŋ, nɔ nuƒom nɛ, eye míenɔ tsitre ɖe du kple eyama. Míenɔ zɔzɔm le blibodede me le Aƒetɔ la ƒe Ŋkume.

Emegbe la Mawu ƒo nu to Eƒe nyagblɔɖila dzi ga gblɔ nya ɖi zi ɖeka ake hegblɔ be:

Ameaɖewo woate ŋu anɔ dukɔawo me, le xexea katã me, si nyaƒoka sia ado go le woƒe aƒewo me alo hameawo me gɔ hã. Míele gbedom ɖa, Aƒetɔ, be esime takpekpe sia le edzi yim, le—le…alo wòle nyaƒoka sia ƒom la, alo tsitrenɔƒe kake mee míanɔ ɖewomahĩ, alo—alo nɔnɔme me la, Dziƒo ƒe Mawu gã la nede bubu míaƒe dziwo ƒe movevieɖoɖo ŋu ŋdi sia, eye wòayɔ dɔ hĩatɔwo, aɖana wo nusi hĩawo.

Ne nèle Nyaƒokawo sem, hehɔe se be Enye Mawu ƒe Gbe na míaƒe ŋkeke la, ekema nukake nàte ŋu ahĩa la, Mawu anɔ nuƒom to Eƒe gbedeasitsɔla dzi aɖagblɔ be, “Na wo nukake ye wohĩa.”

Ema ate ŋu ava me negbe to PLAY ZIZI dzi ko xɔ̃nye.
Ne nèdi be yease Mawu wòaƒo nu aɖaɖe Eŋutɔ ƒe Nya gɔme, wòaɖe Eɖokui fia to amegbetɔ ƒe ŋutilã me, eye nàxɔ nukake nèhĩa la, va tu mí Kɔsiɖagbe sia le ŋdɔ ga 12 me, Jeffersonville ƒe game, esime míase Mawu wòaƒo nu na mí esime míase: Kpẽwo Ƒe Azã 64-0719M.

Nɔvi. Joseph Branham

Ŋɔŋlɔ siwo woaxlẽ do ŋgɔ na Gbedeasi la sese:
Mose III 16
Mose III 23:23-27
Yesaya 18:1-3
Yesaya 27: 12-13
Nyaɖeɖefia 10:1-7
Nyaɖeɖefia 9:13-14
Nyaɖeɖefia 17:8