Ubutumwa: 57-0419 Ugutungana
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
All posts by admin5
23-0406 Guteranya Ingaburo Yera
Ubutumwa: 57-0418 Ingaburo Yera
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Giti-Mugeni washumbushijwe,
Uyu mwaka wose, ndindiranye igishika impera y ‘indwi igihe nshobora kureka kugiriranira imigenderanire n’isi vy’ukuri , nkazimya ibikoresho vyanje vyose, ngasenga umusi wose, nkumviriza Ijwi ryiWe rivugana n’umutima wanje, nkagira Isangira ryera hamwe naWe, kandi vy’ukuri nkegurira ubuzima bwanje igikorwa ciWe. BURI MUNSI wotegerejwe kuba umunsi wa pasika kuri twebwe, ariko iyi mpera y’indwi ni iy’ umwihariko cane, akaryo kubashwe ; umwanya wiharije kubwo Umugeni kugira ngo aje hamwe maze Asenge. BIRANEZEREJE CANE bagenzi. Ntevye kwibera jenyene hamwe n’Imana mu kibanza c’akabanga, hariya muri Mpwemu, nitegereza mu maso hiWe ; nifatanije n’Umugeni wa Kristo kw’isi yose, twicaye ahantu ho mw’Ijuru. Izina ry’Umwami Rishimwe ! Vy’ukuri ni impera y’indwi yari yitezwe cane kandi yubashwe mu buzima bwacu.
Yooo, reka duhagarikire hano akandi kanya gatoyi. « Ahantu ho mw’Ijuru. » Rero, ntabwo ari, aho ari ho hose hanze, kiretse ahantu ho mw’Ijuru. Dukoraniye « mw’Ijuru, » Bisigura igihagararo c’uwizera. Bisigura Yuko, namba ndi ahantu h’amasengesho, wewe uri ahantu h’amasengesho, ishengero riri ahantu h’amasengesho, hanyuma tuba twiteguriye kwakira Ubutumwa, rero tuba dukoraniye hamwe ubwacu nk’abera, basohotse, bakabatizwa muri Mpwemu Yera, bakuzuzwa imihezagiro y’Imana, bahamagawe, batoranijwe, bicaye ubu ahantu ho mw’Ijuru, turi ab’Ijuru mu bugingo bwacu. Impwemu yacu yadutumye twibera ahantu ho mw’Ijuru. Yooo, mwenedata ! ng’ivyo, ahantu ho mw’Ijuru ! Yooo, hoshobora kuba iki iri Joro, hoba iki iri joro igihe twoba twicaye ahantu ho mw’Ijuru, hanyuma Mpwemu Yera akinjira mu mutima wahindutse mushasha ugacika icaremwe gishasha muri Kristo Yesu ? Ivyaha vyose munsi y’Amaraso, mu gutazira gutunganye, twadugirije ibiganza Imana, hamwe n’Imitima yacu yadugijwe, twicaranye na Kristo Yesu ahantu ho mw’Ijuru, dusengera hamwe ahantu ho mw’Ijuru .
Woba warigeze kwicara aho hantu ? Yoo, naricaye gushika aho nuzura umunezero hanyuma mvuga nti, « Imana ntiyigeze indeka ngo mve hano. » Ahantu ho mw’Ijuru gusa muri Kristo Yesu !
Aduhezagiza iki ? Ugukira indwara kuvuye mw’Ijuru, ukumenywa mbere, uguhishurirwa, ukwerekwa, ubushobozi, indimi, insobanuro, ubwenge, ubumenyi, imihezagiro yose yo mw’Ijuru, umuhezagiro utovurwa kandi wuzuye ubwiza , umutima wose wuzuye Mpwemu, tugendagendera hamwe, twicaranye ahantu ho mw’Ijuru, ata ciyumviro na kimwe kibi kiri muri twebwe, ata n’itabi , ikanzu ngufi, iki, kirya canke ikindi, nta n’iciyumviro kibi, nta muntu n’umwe arwanya uwundi, umuntu wese avugana urukundo n’amahoro, umuntu wese arahuje umutima n’inama mu kibanza kimwe, « Rero giturumbuka haje igihinda kivuye mw’Ijuru nk’umuyaga w’inkomezi. » Ng’ivyo, « Yaduhezagije imihezagiro yose ya Mpwemu. »
Mwami Yesu akira ugutazira kwacu kuri iyi pasika y’impera y’indwi. Nutureke twinjire ahantu ho mw’Ijuru muri Kristo Yesu ; reka twinjire ahera h’ahera. Nta ciyumviro na kimwe kibi, nta gusamara na kumwe, kiretse uguhuza umutima n’inama, ahantu hamwe ; rero reka haze igihinda kivuye mw’Ijuru nk’umuyaga w’inkomezi muri buri nzu zose zacu. « Ingo Mwami Yesu », turiteguye kuKubona imbona nkubone.
Kuko Umugeni yarashumbushijwe biciye mu Muco wo ku kagoroba w’Ubutumwa bw’igihe cacu ; biciye mu Butumwa bwa Malaki 4. Turagushimiye Mwami kubw’ ukugaragara kwa Kristo kwose mw’ishengero ryiWe atari ishengero ryubatswe n’amaboko, ariko ukugaragara kwose kwa Kristo yiyerekanira mu muntu , umuhanuzi wawe, kubwo ibimenyetso bihambaye n’utwumiza, hanyuma yarahishuye Ijambo ryose ry’Imana ubugira kandi kandi ubu Ririko riraba mu Mugeni wawe wo kw’isi yose. Warakoze kutureka kugira ngo tubeho maze tubone Uwu Muco wo ku kagoroba uhambaye, bijanye n’ubuvugishwa.
*Hanyuma Umuco wo ku kagoroba waziye iki ? Ni akahe kamaro k’Umuco wo ku kagoroba ? Gushumbusha. Whew! Murabitahura ? [Ikoraniro rivuze riti,” Amen.”-Umwanditsi] Umuco wo ku kagoroba ufise intumbero imwe nk’iyo Umuco wo mu gatondo wari ufise, gushumbusha ivyari vyarakuweho n’ibihe vy’umwiza, kubwa Roma. Imana Igiye kuzoshumbusha, mu kwatsa Umuco wo ku kagoroba(Iki?) Gushumbusha Ijambo ry’Imana ryose ubugira kandi, Ukugaragara kwose kwa Kristo mw’ishengero ryiWe. Ikintu cose yagikoze, neza na neza uko yari yaragikoze, niko bizoba ubugira kandi mu gihe c’Umuco wo ku kagoroba. Murabona ivyo nshatse kuvuga? Yooo, mbega ivyo si igitangaza? [“ Amen.”] Kandi kugira tumenye yuko tubaye hano ngo tubibone ubu, Umuco wo ku ka goroba , neza na neza bijanye n’ubuvugishwa.
Umugeni w’ukuri ntahagarikira ku gutsindanishirizwa n’ukwizera, naho Azi yuko ivyaha vyiwe bimeze nk’uko umenga ntavyo yakoze; ntahagarikira ku kwezwa, naho yogejwe maze ashirwa iruhande kubwo igikorwa, ntahagarikira kuri Pentekoti, naho yaronse Umubazito wa Mpwemu Yera , ariko Arabandanya yerekeza kw’IJAMBO RY’IGIHE CACU: Malaki 4, Ijambo ubwaryo ryihaye umubiri ubugira kandi mu kiremwa muntu. U, “Nzoshumbusha niko Uhoraho Agize,” Ibizozana Ukwizera kw’Izamurwa ku Mugeni. Kandi Iryo Jambo ryagaragajwe Riza GUSA mu kwumviriza Amabande, Izina ryiWe ry’Igitangaza Rishimwe.
Umwe muri bo , Martin Luther, yatanguye kwatsa Umuco. Harabayeho Umuco mutoyi, inkomezi ntoya gusa z’ugutsindanishirizwa n’ukwizera.
Munyuma haje Wesley, ahambaye ,ukwezwa.
Inyuma ya Wesley, haje abakomeye kumusumba, aba pentekoti, umubatizo wa Mpwemu Yera mu wundi muhanuzi ahambaye. Murabona?
Ariko mu minsi ya nyuma, ya Malaki 4, Eliya ategerezwa kuza afise Ijambo ry’Ukuri. “ Ijambo ry’Umwami ryaje ku muhanuzi.” Mu gihe c’imico yo ku ka goroba , ategerzwa kuza, gushumbusha no kugarukana. Iki? “ Kugarukana imitima y’abana ku kwizera kw’Imana.” Umuco ugira kane!
Ingo mukoranire kw’Ijambo, mu mazu yanyu, ku mpera y’indwi ya Pasika kandi mureke dusenge Umwami. Zimya Amaterefone yanyu kiretse gufata amafoto , kwumviriza umutsima wa buri munsi, no kuvuza Bande biciye muri application ya Table, ku rubuga rwa Lifeline canke ku kiraro co kuvomako ubutumwa.
Nipfuje yuko twese twokoranira hamwe twisunze urutonde rukurikira:
KU WA KANE
• Mw’ijoro ryo ku wa Kane niho Umwami Yesu Yasangira n’Abigishwa biWe irya nyuma, mu guhimbaza Pasika imbere y’Ukuvayo kw’abana b’Isilayeli. Mbega akaryo duhawe ko kwifatanya n’umwami mu mazu yacu, imbere y’impera y’iyinga yejejwe, hanyuma tukaMusaba kugira Aduharire ivyaha vyacu, hamwe no kuduha ivyo dukeneye vyose mu rugendo rwacu.
Mana, suzuma imitima yacu ubu. Hoba hariho Amaraso hariya , Mwami? Asangwa atayariho, turasavye yuko-yuko Woyashiraho ubu, shiburira kure Ivyaha vyacu hanyuma ubipfuke, kandi bizotandukana natwe, Mwami, ivyaha vy’iyi si, kugira ngo dushobore kwera no kugaragara kuri Data wa twese ubu igihe dufashe u-umubiri n’amaraso yasesetse y’Umwagazi w’intama y’Umwana w’Imana, Umukiza wacu.
Reka twese dutangure isaha icumi na zibiri z’umugoroba, kw’isaha yo mu karere k’iwanyu, hanyuma twumvirize Ingaburo Yera 57-0418
Mu gukurikira ubwo Butumwa, tuzokoranira mu miryago yacu mu mazu yacu hanyuma dufate ingaburo y’Umwami.
Tuzoronka vuba ikiraro co kuvomako bande n’igikorwa c’Ingaburo Yera, canke, Bizoshirwa kuri Voice Radio.
KU WA GATANU
Mureke tuze tugende gusengera hamwe n’Imiryango yacu isaha zitatu zo mu gatondo , hamwe kandi no kw’isaha zitandatu z’umuhingamo, Dutumire Umwami kugira abane natwe hanyuma yuzuze inzu zacu Mpwemu Yera mu gihe tuMwishikaniye.
Ese ivyiyumviro vyacu vyosubira inyuma hariya kuri wa munsi w’I Karuvariyo, inyuma y’imyaka 2000 iheze, maze tubone Umukiza wacu amanitswe ku musaraba, hanyuma twishikane twebwe ubwacu nk’uko twama tubikora bigahimbara Data :
Rero turabona yuko vyaMwerekanye mu buryo butunganye. Umuconzi rero yari afise Ijambo ryerekanywe mu gikorwa c’akaroruhore ubugira kandi, Yise Umwana wiWe, Imana, Imanuweli. Nimwiyumvire gusa, yuko umuntu yasemereye gushika aho Imana Igarakarira Ubwayo hariya, muri urya Mubiri, hanyuma yahindutse, We n’Imana bahindutse Umwe. “ Jewe na Data turi Umwe. Data Aba muri jewe. Ivyo ndabikora minsi yose bigahimbara Data.”
Vyocura iki iyaba Umukristo w’uno munsi yogize Igishingantahe nk’ico? Wobaye igikorwa c’akaroruhore hano I Yuma, kw’ibarabara. Asangwa uri umugore amesura hariya inyuma aho bamesurira, woguma uri igikorwa c’akaroruhore ku Mana, Igihe ushobora kuvuga uti,” Ivyo ndabikora minsi yose bigahimbara Imana,” hanyuma isi yose irashobora kubona i-igikorwa ca Yesu Kristo kigaragarira muri wewe.
Hanyuma kw’isaha zitandatu n’igice z’umuhingamo, tuzokoranira hamwe mu mazu yacu twumvirize, Ugutungana 57-0419.
Hanyuma reka dusubire gukoranira hamwe isaha icenda z’umuhingamo mu kwibuka Ukubambwa kw’Umwami wacu.
KU WA GATANDATU
Reka ubgira kandi twese dukoranire hamwe mu masengesho isaha zitatu zo mugitondo n’isaha zitandatu z’umuhingamo hanyuma dutegure imitima yacu kubwo ibintu bihambaye Azokorera muri twebwe,
Mwami! Ndakwinginze, Mwami! Yooo,noshobora kuririmba cane. Noshobora kuvuga Ubutumwa cane. Noshobora gusemerera cane. Noshobora kuvuza induru cane. Ariko sinzokwigera nsenga cane. Ewe Mana, Nsuzuma wongere ungeze.
Nariko ndavuga akanya gaheze, kuvyerekeye ibidengeri bifise ibwina harehare, ukungene vyerekana inyenyeri ; dushiremwo ubwina bwawe, Mwami, nk’uko Dawidi umuhanuzi yavuze ati, « Ndongorera iruhande y’amazi adasuma, » Atari amazi asuma. Amazi adasuma, ndongorera hariya, Mwami. Numpe ugutekereza.
Hanyuma kw’isaha zitandatu n’igice z’umuhingamo, twese tuzokoranira hamwe twumvirize IJAMBO : Uguhambwa 57-0420.
Mbega ukuntu uwu uzoba ari UMUNSI UTEYE IGOMWE kubwo Umugeni wiWe kw ‘isi yose.
Rero reka dusubire gukoranira hamwe mu masengesho isaha icenda z’umuhingamo mu kwibuka ukubambwa kw’Umwami Yesu.
KUW’IYINGA
Mbega umunsi utunganye mu kwumviriza no kwifatanya n’Ugushumbushwa kw’Igiti-Mugeni. Reka ubwa mbere tuvyuke kare nk’uko Mwenedata Branham yabikoze ca Gitondo igihe akagenzi kiwe , akanyoni gatukura mu gikiriza, kamuvyura isaha icumi n’imwe z’igitondo, muze dushimire Umwami kuko Yazuye Yesu mu bapfuye :
Isaha icumi n’imwe iki gitondo, akagenzi kanje gafise igikiriza gitukura kagurukiye kw’idirisha hanyuma karamvyura. Vyabonekana yuko umutima wako mutoyi wariko uradidagizwa, uvuga uti, « Yazutse. »
Isaha zitatu zo mu gitondo muze dukoranire hamwe ubugira kandi mu murongo w’amasengesho, dusengeranire hanyuma twitegurire kwumviriza Ijwi y’Imana.
Isaha zitandatu n’igice ku muhingamo tuzokoranira hamwe mu kwumviriza Ubutumwa bwacu bwo kuri Pasika : Ugushumbushwa kw’Igiti-Mugeni 62-0422.
Inyuma y’iki gikorwa, muze dusubire dukoranire hamwe kubw’amasengesho, mukuMushimira kubwo IMPERA Y’IYINGA Y’IGITANGAZA YADUHAYE HAMWE NAWE N’UMUGENI WIWE WO KW’ISI YOSE.
Kuri benedata na bashiki bacu bo mu mahanga, nko mu mwaka uheze, Nipfuza kubatumirira kuza kwifatanya natwe kubwo ibi bikorwa kw’isaha ya Jeffersonville, kubwo ivyo bihe vyose vy’amasengesho kuri uru rutonde hamwe no kuri Bande yovugijwe kuw’iyinga mu gitondo. Nabonye yuko, uko biri kwose, ukuvuza Bande ku wa Kane, ku wa Gatanu, no ku wa Gatandatu ku muhingamo kw’isaha ya Jeffersonville vyogorana cane kuri benshi muri mwebwe, Rero mwiyumve amahoro mu kuvuza ubwo Butumwa kw’isaha iyo ari yo yose y’umusi yoborohereza. Ariko, nokwipfuza ko twese dukoranira hamwe kuw’iyinga isaha zitandatu n’igice z’umuhingamo kw’isaha ya Jeffersonville, twumviririze hamwe Ubutumwa bwacu bwo kuw’iyinga.
Kandi nipfuje kubatumirira n’abana banyu kuba mu bikorwa vya Creations no gushira mu ngiro ivyamaze kwigishwa, hamwe n’ibibazo vya Young Foundation, ivyohimbara umuryango wawe wose . Twibaza yuko muzobikunda kuko vyose bijanye n’IJAMBO tuzoba turiko turumviriza iyi mpera y ‘iyinga.
Kubwo urutonde rw’impera y’iyinga, amakuru ajanye no gutegura igikorwa c’Ingaburo Yera , ibikoresho bizokenerwa kubwo imigambi ya Creations, Ibibazo vya Pasika, n’ayandi makuru, raba ku biraro biri munsi.
Ni iteka ntangere kubwanje ryo kubatumira n’umuryango wanyu kuza kwifatanya n’Umugeni wo kw’isi yose kubwo impera y’iyinga izoba yuzuye UGUSENGA,UGUTAZIRA N’UGUKIRA INDWARA. Kandi ndizeye vy’ukuri yuko izoba ari impera y’iyinga izohindura ubuzima bwawe ibihe n’ibihe.
MweneData Joseph Branham
Igikorwa ca audio
Munsi hari Ubutumwa bw’impera y ‘indwi ya Pasika. Uwa Kane w’ingaburo Yera/igikorwa c’Ukwozanya ibirenge kiri mu gice muzovoma.
KU WA KANE – Isaha cumi na zibiri z’umugoroba (Isaha yaho iwanyu)
(IGICE CA BANDE) Guteranya Ingaburo Yera 57-0418
KU WA GATANU– Isaha zitandatu n’igice z’umuhingamo (Isaha yaho iwanyu)
Ugutungana 57-0419
KU WA GATANDATU– Isaha zitandatu n’igice (Isaha yaho iwanyu)
Uguhambwa 57-0420
KUW’IYINGA- Isaha z’itandatu n’igice z’umuhingamo (Isaha ya Jeffersonville)
Ugushumbushwa kw’Igiti-Mugeni 62-0422
23-0402 Izamurwa
Ubutumwa: 65-1204 Izamurwa
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Jambo kw’Ijambo,
Amashengero menshi ari mu ruzazane, ntafise ico afata nico areka, yataye umutwe,yazazaniwe, yavangiwe, ari murudubi kandi arazazaniwe ku biriko birashikira aba “ Bantu ba Bande” kw’isi yose buri uwa Mungu.
Ni Ubumwe butaboneka bw’Umugeni wa Kristo, yicaye mu nyonga z’Umwana , yeze, adutegura. Umukwe wo mw’Ijuru wacu yamye atubwira ivyerekeye urugo rwo muri kazoza tuzobanamwo naWe.
Mu mayinga makeyi aheze yaratubwiye ati , « Iyi si si muhira iwanyu, ni Edeni ya Satani, kandi nzoyirimbura n’umuriro. Uri umukunzi wanje uwo nahisemwo imbere yuko isi ishirwaho kugira ngo ube Umugeni wanje. Rero, kuri uwu wa Mungu ngiye kuzokubwira kuvyerekeye ukuza kw’Izamurwa ko kuri hafi. »
Turi munsi yuko kwitega guhambaye. Turashobora kuvyumva. Ibintu biriko birashika ningoga.
Ivyo Bibiliya yavuze gusa ko vyoshitse muri iki gihe, biriko birashika, ku munsi ku munsi. Yemwe, biriko biriyegeraniriza ningoga hariya, muri ubwo bugaragwa, kandi ibintu biriko birashika, ntashobora no kubikurikirana. Turi hafi y’Ukuza kwa Yesu, twiyungire hamwe n’Ishengero ryiWe, aho Ijambo Rihinduka Ijambo.
Ibi vyose biriko birashika kubwacu, Umukenyezi wiWe yatoranijwe, Umugeni w’iki gihe. Ni twebwe twenyene tubona ibi bintu bihishurwa.
Yadutoranirije iki gihe kandi nta wundi muntu ashobora gufata ikibanza cacu. Ubu turi abahungu n’abakobwa bagaragajwe kugira ngo dushobore gufatanya naWe ; Ivyo nivyo ashaka.
TURI Ijambo kw’Ijambo, akabuto ku kabuto, Ubugingo ku Bugingo hamwe n’igihagararo gitunganye c’Umugeni w’Umwami Yesu Kristo.
Ufise ico ukenye, kivuge. Uri Ijambo kw’Ijambo. Ntiwitegereze umwijima udukikuje mw’isi , indwara, akaranda, ubwicanyi, ukwihebura, ubusazi bw’abantu batazi yuko ari abagabo canke abagore. TURI UMUGENI, Umugeni yatoranijwe, yejejwe, Umugeni yagaragajwe w’Umwami Yesu Kristo.
Ntihagire ico mutinya. Munezerwe kandi muhimbarwe. Igihe kiri hafi. Twiteguriye kuva muri iyi nzu y’akaranda, IMANA ISHIMWE !!!
Muze mwitegurane natwe kubwo Izamurwa, uyu w’iyinga isaha zitandatu ku muhingamo, isaha ya Jeffersonville. Ntimuzoguma uko mwari muri.
MweneData Joseph Branham
Ivyanditswe vyo gusoma imbere yo kwumviriza Ubutumwa :
Zaburi 27 :1-5
23-0326 Ubumwe Butaboneka Bw Umugeni Wa Kristo
Ubutumwa: 65-1125 Ubumwe Butaboneka Bw Umugeni Wa Kristo
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi mupfasoni watoranijwe,
Mbega wotanga iki ng’ Umwami Yesu Yinjire mu nzu yawe kuri uwu w’iyinga, akicara ku musezero wawe, Akwitegereza mu maso yawe maze Akavugana nawe adaciye ku ruhande?
Ntiwoshoboye kuvuga . Ntiwoshaka kuvuga. Ico woshaka gukora gusa kwobaye ukuMwitegereza hanyuma ugakoma induru. Wogira ubwoba mbere no kwugurura umunwa wawe. Woshoboye kuvuga iki ? Muvyiyumviro wokwiyumviriye uti, Mwami, simbereye no kuba hano kubwaWe mu nzu yanje. Ndi umuntu wo hasi cane. Naragutetereje kenshi, Mwami, ariko Mwami , ndagukunda cane.
Rero wotahura mu mutima wawe, Arazi neza na neza ivyo niyumvira, nta kintu na kimwe comunyegezwa, Arazi amabanga yose yo mu mutima wanje.
Mu gihe witegereza mu Maso yiWe y’igiciro, woshobora kubona urukundo n’impuhwe. Yoshobora kuvugana nawe mbere atanuguruye n’umunwa wiwe. Wokwiyumvira uti, ni We ari kumwe nanje vy’ukuri hano , mu nzu yanje.
Umutima wawe wonezerwa birushirije, nk’uko ubona ko yaragiye kukubwira ibintu bitangaje. Ubwo nyene, Iryo Jwi wumvise ryavuze riti, « Mukunzi wanje, ntugire ikibazo, izina ryawe riri mu Gitabu canje c’Ubugingo c’Umwagazi w’intama. Si Igitabu canyu c’ubumwe busanzwe ca kera, ariko ni Igitabu canJe gishasha c’Umugeni. Ni Urupapuro rwemeza ubukwe hagati yanJe nawe.
Mukunzi wanJe, s’uko wahariwe ivyaha vyawe n’ukunanirwa vyonyene, ariko kuri jeWe, WAREJEJWE. Mu maso yanje, Ntiwigeze ukora ikintu kibi na kimwe.
Uri umuhungu wanje n’umukobwa atagira icaha , w’ingeso nziza kandi w’agaciro. Uhagaze uri intungane ; Umugeni wanje atanduye yogejwe n’amazi y’Amaraso yanje bwite .
Imbere yuko hanabaho ukwezi, inyenyeri, canke akavunji, wari umuhungu wanje n’umukobwa wanje. Muri ukugaragara kuboneka kw’ibingize vyari muri jeWe uhereye kw’ itanguriro.
Akabuto ndemangingo kawe ka mpwemu kari muri jewe kuko uri icagaragajwe c’ibingize, ivyiyumviro vyanJe,mbere wari muri jeWe imbere yuko isi ishirwaho.
Uri Umugeni wanJe wa Mpwemu Yashizwe mu nyonga z’Umwana, yeze, kubwo kwumviriza Ijambo ryanJe. Rero waratanguye kugira umuvyuro, uragaruka kandi uriko wiyuzuza n’Ijambo ryanje. Uri umupfasoni Umugeni wanje yatoranijwe.
Ubu urafitaniye ubumwe bwa Mpwemu nanJe. Umubiri wawe uriko urahinduka Ijambo. Kandi Ijambo ririko rirahinduka umubiri, rigaragara kandi ryemezwa. Ivyo nababwiye gusa vyoshika muri iki gihe, biriko birashika , ku munsi ku munsi. Ijambo ririko rirahinduka Ijambo.
Mufise uguhishurirwa kw’ukuri kubwo iki gihe ca nyuma : Ugukoranira hamwe kw’Umugeni wanje kubwo ubu Butumwa. Nta kindi gihe nabisezeraniye. Nabibasezeraniye wewe muri iki gihe : Malaki 4, Luka 17 :30, Yohana 14 :12, Yoweli 2 :38
Tugiye kuzogira umunsi mukuru wo gushima uwu w’iyinga igihe nzobabwira ibindi vyinshi. Nzomarana namwe amasaha, mfatanya namwe kandi ngirira umusi mukuru hamwe n’Ijambo ryanje. Nzobemeza yuko mu kugumana n’Ijambo ryanje, umuhanuzi wanje, Ijwi ryanje, gufyonda ukavuza, muba muri mu bugombe bwanJe butunganye.
Narababwiye mw’Ijambo ryanJe, ko mpagaze ku rugi kandi ndiko ndadodora. Igihe Umuntu wese yokwumva IJWI ryanje maze akugurura urugi, nzokwinjira aho ari hanyuma dusangire. Kandi azobana nanJe. Kandi benshi ntibazokwumviriza hanyuma ngo bugurure urugi, ariko kubwo uguhishura kwanje mutegerezwa kwugurura urugi rwanyu hanyuma mumpe ikaze ninjire.
Ntibemera kuvuza Ijwi ryanje mu mashengero yabo. Iyaba boretse Mpwemu Yera agasuzumisha ivyiyumviro vyabo n’Ijambo, bovyemeye. Nimureke Kristo, Ijambo ryasizwe, Risuzume agatimanama kanyu. Reka Yinjire muri mwebwe, Arabe namba arivyo canke atarivyo.
Narababwiye yuko idini ritazobatuma mwiyunga, ntibashobora no kwemeranya n’Ijambo rimwe canke abiri muri Bibiliya. Noba narigeze kubabwira yuko azoba ari umugwi w’abantu ? Oya ! Nababwiye ko yari umuntu umwe w’Ubutumwa kandi mwarumvirije hanyuma murumvira.
Kuko batokwumvirije maze ngo bemere umugambi wanje w’inkomoko uhereye ku ntango, narungitse abo bavugabutumwa, abigisha, intumwa, abungere, n’abahanuzi. Ariko bari barungitswe kugarukana abantu baberekeza ku mugambi wanje utunganye w’inkomoko, umumalayika wanje w’inkomezi. Kuko ni Ijwi ry’Imana kuri mwebwe.
Ni abasizwe, ariko ndafise gusa INTUMWA MUHANUZI IMWE YO KUBARONGORA. MPWEMU YERA NI UMUHANUZI. Sinababwiye incuro nyinshi, IJAMBO RYANJE RYAVUZWE BICIYE MURI WE KO RIDAKENEYE INSOBANURO, NTIMWONGEREKO CANKE NGO MUKUREKO IKINTU NA KIMWE YAVUZE, NI MUVUGE GUSA IVYO YAVUZE KURI BANDE ? Uwo ni umuhanuzi, Mpwemu Yera abarongora.
Ni we natumye kubahamagara kugira ngo mwitwe Umugeni wanje. Niwe azobamenyekanisha kuri Jewe. Niwe twahagararanye maze ndamwereka ico muzoba, Umugeni wanje. Narababwiye ibimwerekeye vyose mw’ihishurirwa, igihe navuga , Jewe Yesu narungitse UMUMALAYIKA WANJE kugira ngo abashingire intahe y’ibi bintu MU MASHENGERO. Ni JEWE, ndiko ndakoresha gusa umubiri wiwe n’Ijwi ryiwe kugira ngo rivugane namwe. »
Mbega igihe c’igitangaza turiko turagirira hamwe na We. Ntitwegeze tunezerwa canke duhimbarwa birushirije mu buzima bwacu. Niko ukwo Biri. Ibi nivyo twamye turindiriye mu buzima bwacu bwose.
Ntagukekeranya na gutoyi kuri mu mitima yacu canke mu vyiyumviro vyacu. Kuko mu Butumwa bwose twumviriza, atubwira ko turi mu bugombe bwiWe butunganye. Hariho gusa Ijwi rimwe rizobahuriza hamwe,ribatunganye, hanyuma ribashire hamwe…Jewe, MU GIHE JEWE MVUGA BICIYE MU MUHANUZI WANJE. SI AMAJAMBO YIWE, NI AMAJAMBO YANJE. NI INZIRA YANJE YATEGUWE.
Imeza irateguwe. Yuzuye amashu, n’imboga zitwa zitwa navet, hamwe na radi… IJAMBO KW’IJAMBO, KW’IJAMBO. Tuzogira umunsi mukuru w’amashimwe kuruta uko twawuze mbere. Hazobaho Yubile kw’isi yose mu gihe Umugeni azoba akoraniye hirya no hino y’amameza yabo kugira bumvirize Ijwi ry’Imana rivugana nabo. Inzu zacu n’amashengero yacu azoba yuzuye Ukubaho kwiwe. Ntaco tuzoba dufise tuvuga kiretse, ugutazira , za Halleluya , Izina ry’Umwami Rishimwe.
Ni muze mube igice c’umuryango w’igikorane c’amashimwe y’Umugeni, mu gihe Azoba Ariko Aratugaburira. Ntimucerwe, mu gihe tuzotangura umusi mukuru kuw’iyinga, neza na neza isaha zitandatu ku muhingamo kw’isaha y’ i Jeffersonville ( Akaba ari isaha cumi na zibiri mu Burundi). Azoba ari ho Ari nk’uko Yabimbwiye ko yohabaye.
NDAJE kandi nzoba ndiko ndababwira ivyerekeye Ubumwe butaboneka bw’Umugeni wa Kristo.
Ubutumwa bwavuzwe kw’igenekerezo rya 25-11-1965
Tuzosubira kubonanira hariya ku Meza.
MweneData Joseph Branham
K’UWO BATAZIRA: Umupfasoni yatoranijwe
23-0319 Uguhitamwo Umugeni
Ubutumwa: 65-0429e Uguhitamwo Umugeni
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Umwe mu Muliyoni,
Narakurindiriye igihe kirekire. Uri Umukunzi wanje wo ku mutima, kandi ndagukunda cane. Nk’uko nabigusezeraniye, narakwubakiye inzu nshasha aho tuzobana ibihe bidashira. Nakugiriye ibintu neza na neza uko ubikunda.
Ubu ndashobora kukwitegereza maze nkabona yuko uri Icitegererezo nyaco canJe. Ufise Kamere yanje, umubiri wanje, amagufa yanje, Impwemu yanje, ikintu cose canje
nyene, neza na neza. Wahindutse umwe hamwe nanje.
Narungitse Umumalayika wanje w’inkomezi kw’isi kugira ngo agukure muri Edeni ya Satani. Namurungitse kugira ngo ashobore kugaragaza ivyiyumviro vyanJe , Ibingize, hanyuma ababwire ibintu bigiye kuza. Nakoresheje umunwa wiwe n’ijwi ryiwe kugira ngo abishire ahabona. Amaze kubivuga naciye ndabishitsa, kuko Ijuru n’isi bizovanwaho, ariko Ijambo ryanje kuri mwebwe ntirizonanirwa.
Naramenye igihe mwanyumva mvuga, nkoresheje Ijwi ry’Umumalayika wanje, ibwina mu mutima wanyu mwomenye, yuko atari we, ariko ko Yari jewe ndiko ndavugana namwe. Yari jewe ndiko ndabarungikira ikete ry’Urukundo, ndababwira y’uko nabatoranije kugira ngo mube Umukunzi Mugeni wanje.
Mu maso yanje, Nta n’umwe ameze nkawe, nta numwe ashobora gufata ikibanza cawe. Wagumye uri umwizigirwa kandi uri mu kuri kuri jeWe.Igihe ndakwitegereje, umutima wanje wuzura umunezero.
Igihe nakubwira,kuba magabo mukunzi, kuvyo wumviriza, kuko hazobaho benshi basizwe bakoreshe amajambo yanje, ariko ari ab’ibinyoma. Mwaratahuye insiguro yanje kubwo uguhishurirwa kandi mwagumye muri abizigirwa kw’Ijwi ryanje.
Naranezewe cane igihe mwasengera ubwoko ki bw’ ishengero mukoraniramwo, narababwiye kugira uguhitamwo kwiza, kandi narabahaye uburorero bw’Ishengero ritunganye uko riba rimeze. Muribuka igihe navuga yuko yose afise impwemu maze muhitemwo ishengero ritunganye.
Kandi narababwiye kuba magabo k’uco umwungere wanyu ari. Rero murashobra kwiyumvira ukuntu umutima wanje wuzuye umunezeero igihe nababona mugumanye n’umwungere nabarungikiye kugira ngo abazane kuri Jewe. Mwaramenye yuko yari Mpwemu Yera ari mu muhanuzi wanje kugira ngo abarongorere kuri Jewe.
Ndibuka umunsi mwari munezerewe kandi muhimbawe cane igihe nahamagarira umumalayika wanje ahantu hejuru cane kugira nshobore kumwereka ico muri. Twari duhagaze hariya tubitegereza igihe mwari muhagaze imbere yacu mutambuka gisirikare nk’abasoda b’abakristo bari ku murongo imbere yacu.
Yaranezerewe ukuntu mwari mwambaye mwese inyambaro yanyu bivanye naho muturuka nka Swisse, Ubudagi no kw’isi yose. Umwe wese n’umushatsi muremure utunganijwe neza. Amajipo yanyu yagenda arikwega hasi. Naranezewe kandi ndahimbarwa no kuberekana mwese kuri We, kugira ashobore kugaruka maze abatere intege hanyuma ababwire yuko yababonye hariya.
Ijisho ryose ryari kuri Twebwe. Igihe abakobwa bakeyi, ku murongo w’inyuma batangura kuraba ahandi hantu, Yarasemereye ati, « Ntimukore ivyo ! Ntimuve mu murongo ! »
Igihe nabibabwira nariko ndababikira imfungurwa zobabeshaho, mwaramenye vy’ukuri ivyo nariko ndavuga. Mwashatse kuba Umugeni nkumi Jambo atunganye wanje. Sinigeze mbona muriko murafyinata n’uwundi muntu. Yari jewe buri gihe, Ijambo ryanje. Ryantumye nezerwa cane.
Narabatoranije mwebwe kugira ngo mube Umugeni wanje. Ndabakunda , nk’uko namwe muNkunda. Ntimucike intege, nimugire umwete, munezerwe, muhimbarwe, igihe kiri hafi cane aho Nzoza kubajana. Mbega igihe ciza tuzogira.
Ku bandi mwese, IHANE, isi iriko irarangira. Umusi umwe Los Angeles izotibukira ibwina mu kiyaga, nk’uko nababwiye yuko bizoba. Uburake bwanJe buriko buraziriringa kubwaco. Sinzogumizaho ico kirundo c’umusenyi igihe kinini. Muzodwibira mukiyaga ibwina , hanyuma mwibire gushika mu kiyaga c’i Salton. Bizoba bibi gusumba wa musi wanyuma w’ukurimbuka kw’igisagara Pompeii .
Ngiye kuzohonya iyi si n’umuriro vuba. Nzokwica ikintu cose kiri kuri yo hamwe n’ikiri munsi yayo. Murabona ibiriko biraba kw’isi yose, nk’uko nabibabwiye. Murabona Umugeni wanJe yiyunga n’Ijambo ryanje, nk’uko nabibabwiye.
Ubu niwo mwanya. Ubu nico gihe. Nimwitegure ubwanyu!
Igihe c’Uburake bwiwe kiri kw’isi. Ni muhunge mu gihe hakiriho igihe co guhunga, hanyuma muze muri Kristo.
Muratumiwe kuza kwifatanya natwe, igice c’Umugeni wiwe, mu gihe twitegurira ukuza kwiWe, mu kwumviriza Ijwi ry’Imana Rivugana natwe hanyuma Rituzanira Ubutumwa: Uguhitamwo Umugeni 65-0429E uyu w’iyinga isaha zitandatu ku muhingamo, Isaha ya Jeffersonville(Isaha cumi na zibiri z’umugoroba mu Burundi).
MweneData Joseph Branham
Itanguriro 24:12-14
Yesaya 53:2
Ivyahishuriwe Yohana 21:9
23-0312 Ahantu Umukwe Wo MwIjuru NUmugeni Wo Kw Isi Bazoba Muri Kazoza
Ubutumwa: 64-0802 Ahantu Umukwe Wo MwIjuru NUmugeni Wo Kw Isi Bazoba Muri Kazoza
- 24-0414 Ahantu Umukwe Wo MwIjuru NUmugeni Wo Kw Isi Bazoba Muri Kazoza
- 23-0312 Ahantu Umukwe Wo MwIjuru NUmugeni Wo Kw Isi Bazoba Muri Kazoza
- 22-0918 Ahantu Umukwe Wo MwIjuru NUmugeni Wo Kw Isi Bazoba Muri Kazoza
- 21-0502 Ahantu Umukwe Wo MwIjuru NUmugeni Wo Kw Isi Bazoba Muri Kazoza
- Inkukuma Zirakoranira Hamwe
- 19-1103 Ahantu Umukwe Wo MwIjuru NUmugeni Wo Kw Isi Bazoba Muri Kazoza
- 17-0924 Ahantu Umukwe Wo MwIjuru NUmugeni Wo Kw Isi Bazoba Muri Kazoza
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Mugeni wo kw’isi,
Malaki 4 ni Ijambo ry’Imana, kandi ryavyaye uko ubwoko bwaryo buri, TWEBWE, Umugeni waYo. . Ni Mpwemu Yera, Umuntu wa Yesu Kristo, mu gikorwa, atsimbataye mu mitima yacu. Tugirwa bazima n’Ijambo RYOSE Avuga, kuko, « Intama zanje zumva Ijwi ryanje ; uwo zitazi ntizomukurikira. »
Mbega ukuntu aya mezi aheze yabaye ay’igitangaza, mu gukurikira Umuhanuzi I Jeffersonville. Imana yavugiye mu Mumalayika wayo w’inkomezi maze atugaburira ku mfungurwa zibistwe zivuye MU KIGEGA GITOYI mu gihugu cose. Ni Manu ihishijwe, y’Umugeni waYo gusa.
Kuri buri Butumwa twumviriza, turafatanya hanyuma tukanezerererwa hamwe ; « Ndazi yuko numvirije ubu Butumwa incuro nyinshi mbere, ariko SINIGEZE ndabwumviriza nkuko ndabwumviriza ubu. » Ni isoko vyukuri y’amazi mazima abiragirira imbere muri twebwe. Twokwiyuzuza bigoranye twebwe ubwacu. Ni ivyo vyose dushaka kuvugako. Ntitwigeze tumenya vy’ukuri mu buzima bwacu, ico turi hamwe naho turiko turaja.
Ntakwiyumvira ukundi :
« Gusa sindabizi. Narakoze ibintu vyinshi biteye ubwoba mu buzima bwanje. Naratetereje Imana kenshi. Bigaragara yuko NAMA nkora ibintu bitaroranye. »
Ntakwizigira ukundi :
« Ndizera vy’ukuri yuko ndi Umwana w’Imana. NDASHAKA kumuba. Ndasaba kuba we. »
Iyo minsi yose yararenganye YARARENGANYE Ubu TURABIZI. Imana Ishimwe!!
Mbega tubimenya gute? Imana yavuganye natwe Idaciye ku ruhande biciye mw’Ijwi ryaYo kuri bande, Itubwira kandi yongera Itubwira iti,”Ndi muri mwebwe, namwe muri muri Jewe. Turi UMWE. Nabatoranije imbere yuko isi ishirwaho. Muri akara ko mu mubiri wanje, akagufa ko mu magufa yanje.”
Ese ingene Ubutumwa Imana Yatubwiye kuri uwu w’iyinga bwari butunganye bw’ukuntu iyi si tubayemwo Atari rwacu, ari Edeni ya Satani. Ukuntu yahenze Eva kuva ku ntango mukumutuma yibaza kandi akekeranya IJAMBO RIMWE. Yikuyeko umwitwikiro wera w’Imana, hanyuma yiyambika umwitwikiro w’ubumenyi, hanyuma amaso yiwe yaruguruwe maze abona yuko yari amenya.
Satani yononye Ijambo ry’inkomoko, kandi ubu yaramuhumishije kugira agume ari amenya akandi atabizi. Yahindutse umwamikazi wa satani kandi iyi si ni ubwami bwa Edeni bwiwe.
Ku w’iyinga, Umukwe wacu wo mw’Ijuru ashaka kwibutsa Umugeni wo kw’isi wiwe aho inzu yacu yo muri kazoza izoba iri hamwe n’ukuntu izoba imeze. “Yewe Mukunzi, rero narakubwiye ivyerekeye iyi si n’ukuntu ari Edeni ya Satani, Nshaka kukubwira UBUGIRA KANDI kubijanye n’inzu yawe yo muri kazoza hamwe nanJe.
Nshaka kubabwira mw’ido nido. Ndazi yuko mwanyumvise ndabivuga kenshi, ariko rindira, iki gihe biza gusa nk’uko mutigeze munyumva ndabibabwira mbere.
Nshaka kuvyinjira mu mizi. Nshaka kubahishurira yuko muri mu bugombe bwanje butunganye mu kugumana n’Ijambo ryanje n’Umuhanuzi wanje. Nshaka kubaha ikigereranyo c’ivyo muriko murakora ubu nk’ikigereranyo gitunganye c’umurwa mushasha muzobamwo.
Vy’ukuri tugiye kwinjira mu kintu kinaka. Ngiye kwongerako akantu gatoyi, kandi ndazi muzoGatahura. Muzobana nanJe kuri wa mugwa. Umuhanuzi wanje azoba ari umwishikira wanyu. Azoba ari umubanyi wanyu. Muzogendera mu mabarabara y’inzahabu hanyuma munywe kw’isoko yanJe. Muzogendera muri Paradiso y’Imana, hamwe n’Abamalayika bagendagenda mukirere bongera baririmba indirimbo zihayagiza uwo murwa.
Muzoba muri utubuyenge mu gitsibo c’Umuhanuzi wanJe. Muzokayanganira ikintu cose mw’isi, kuri urya munsi. Hariho vyinshi nzobahishurira ku w’iyinga. Mbega igihe gitangaje tuzogirira hamwe.”
Aradufitiye vyinshi mu kigega mu ndwi nkeyi zizokurikira, Ataje hanyuma ngo adutware imbere y’ico gihe. Indwi ku yindi, atubwira, abo turi, aho turiko turaja, uko bizoba bimeze hariya. Azoturongorera ku ndwi ya Pasika y’ubwiza tutigeze tugira, ata kindi twuzuye kiretse ugutazira no kuMusenga.
Mbega igihe kinezereje. Turiko turabona ubuvugishwa bushitswa imbere y’amaso yacu. Tubona Ijambo rigaragazwa MURI TWEBWE. Ukuza kwiwe gushobora kuba igihe ico ari co cose. Duhagaze ku muryango dufise Umugwi w’amashurwe mubiganza. Dushobora kwumva umuhindo w’amafarasi maze umusenyi ukanyerera mumakurudumu.
Umukogote wa kera uzohagarara vuba. Tuzova muri uwu mubiri ushaje hanyuma dukorokere mu biganza vyiwe. Azotwitegereza hanyuma avuge ati,” Vyose birarangiye, mukunzi, Ngira ndagutware ubu mu nzu yawe yo muri kazoza.”
Muratumiwe kuza kwifatanya muri iyi minsi ihambaye isi itigeze kubona. Inkukuma zizoba zikoraniye hamwe kw’isi yose mu kwumviriza Ijwi ry’Imana Rivugana n’Umugeni waYo kandi Rimubwira ivyerekeye: Ahantu Umukwe wo mw’Ijuru n’umugeni wo kw’isi bazoba muri kazoza 64-0802, Isaha zitandatu ku muhingamo, Isaha ya Jeffersonville(Hazoba ari isaha icumi na zibiri z’umugoroba mu Burundi)
MweneData Joseph Branham
Kwibutsa: Ntimwibagire uguhinduka kw’igihe c’ici.
Ibisomwa vyo gusoma imbere y’ukwumviriza Ubutumwa :
Matayo 19:28
Yohana 14:1-3
Abanyefeso 1:10
2 Petero 2:5-6/ Igice ca gatatu cose
Ivyahishuriwe yohana 2:7/6:14/21:1-14
Abalewi 23:36
Yesaya igice ca 4 cose /28:10/65:17-25
Malaki 3:6
23-0305 Edeni Ya Satani
Ubutumwa: 65-0829 Edeni Ya Satani
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Bakunzi Bane Banje,
Muri igice canje, So wanyu wo mw’Ijuru. Mwari muri jewe uhereye kw’itanguriro. Ubu ntimuvyibuka , ariko mwari kumwe nanje hariya. Nari naripfuje kubamenya kuko nashaka ko tubonana , mvugane namwe, mbakunze maze ndabaramutse .
Nk’umwana wanje , uri igice canje, wambaye umubiri, nk’uko nanje nagizwe umubiri,rero dushobora gufatanya umwe n’uwundi nk’umuryango w’Imana hano kw’isi. Iyo niyo yari intumbero yanJe kandi ivyo nivyo nashatse uhereye kw’itanguriro.
Nashizeho Itongo muri Edeni kubwanyu kugira ngo dushobore gufatanya, ariko umwansi wanJe yararyinjiyemwo buhorobuhoro n’uruhendo, hanyuma aganza iyi si kubwo ugusobanura nabi umugambi wanje kuri mwebwe.
Ni igihe c’uruhendo mubayemwo, ariko kandi ni igihe c’ubwiza gusumba ibindi bihe vyose, kuko muhanganye n’inganji y’imyaka igihumbi ihambaye ubugira kandi; muhanganye na Edeni ubugira kandi.
Impwemu yanje si ikintu kinaka mwigishijwe. Ni ikintu kinaka natoranije kubwo ukumenya mbere kwanje muri mwebwe kubera ukuboko kwanje kw’inkomezi. Ubu uguhamagara kwanje kwanyuma kuriko kuragenda gucakira Umugeni; “ Nimusohoke muri bo , mube abitandukanije.”
Iki gihe ntibariko batsimbataza Ijambo ryanje mu mitima y’abantu, bariko bagerageza kwiyerekana bobo ubwabo. Amashengero ariko aragerageza gutsimbataza inyigisho z’ishengero mu mitima y’abantu. Umuntu wese avuga ati,” Nakoze iki. Jewe, jewe, iryanje, idini ryanje, jewe, iri.” Bariko bagerageza kwiyerekana bobo ubwabo kandi si Ijambo ryanje ryavuzwe biciye mu muhanuzi wanje.
Ntimutegerezwa gutahura buri kintu cose mvuga, mutegerezwa gusa kucizera kuko ari uko nakivuze kandi ivyo biba bitunganye ibihe vyose.
Mpwemu Yera wanje ari ku gikorwa muri mwebwe. Ni Ubugingo muri mwebwe, si ibishobisho ; si ubwoko bw’icemezo c’umubiri, ariko ni Umuntu, JEWE, Yesu Kristo, Ijambo ry’Imana , ryashizwe mu mutima wawe, kandi yahaye ubuzima Ijambo ryose ry’iki gihe. Ni Mpwemu Yera wanje ari ku gikorwa muri mwebwe bijanye n’Ijambo.
Umugeni wanje wa mbere yarananiwe kubwo kwumviriza ivyiyumviro vya Satani , ariko narabacunguye jewe ubwanje, ariwe Jambo Yihaye umubiri. NTIMUZONTETEREZA. Muri Umugeni Nkumi Jambo atazokwumviriza ivyiyumviro vya Satani. Muzogumana n’Ijambo ryanje.
Inyuma y’inganji y’imyaka igihumbi, hazobaho ugushiraho Edeni ubugira kandi; Ubwami bwanJe buhambaye buzoba bwagarukanywe. Naraburwaniye mpanganye na Satani mw’itongo ry’Igetsemane, hanyuma ntsindira Edeni yanje ndayigarukana. Rero nagiye kubategurira Edeni nshasha mw’Ijuru. Nzobagarukako ubugira kandi vuba cane, rero ntimuhagarike imitima yanyu .
Hariya ntihazokwongera kubaho ikiyaga , kuko ijuru rya mbere n’isi ya mbere bizoba vyakuweho. Nzoyigira nshasha kubw’umubatizo w’umuriro uzokwica umugera wose, indwara zose, akaranda kose, n’ikintu cose c’umwanda cigeze kubaho kw’isi.
Izoturika, hanyuma hariya hazoza Isi Nshasha. Ijuru rya mbere n’isi ya mbere bizoba vyakuweho. Hariya hazobaho Yerusalemu nshasha imanuka ivuye iwanJe mw’Ijuru. Nzoba ndi kumwe namwe hariya, bahungu banje n’abakobwa mwebwe ibingize vyanje vy’ukuri . Tuzofataniriza hamwe mu gutungana, n’amaso yanyu azohumishwa kuri buri caha cose.
Ndaje kuri mwebwe nk’uko nabisezeranye yuko nobikoze. Narababikije Ijambo ryanje. Ijambo ryanje ryarafashwe kuri bande rero ntihazobaho ugutahura nabi , nta kibazo , kiretse Ijambo ryanje ritunganye kuri mwebwe; kuko Ni niko Uhoraho Agize.
Nimugumize agatimanama kanyu gatunganye. Gumiza Imitima yanyu itwikiriye. Gumiza amaso yanyu ahishijwe ibintu vy’isi kugira muhinduke umuntu munaka ahambaye.
Ntimwibagire, nzokatira Mu burengero hanyuma ngaruke ubugira kandi, umwe muri iyi misi. Gushika ico gihe , Jana Izina ryanje; rizobaha umunezero kandi ribaremeshe, Rijane, aho muja hose, mu gufyonda mukavuza.
Ntimugiriranire imyumvikano n’Ijambo na rimwe. Ijambo ryanje kuri bande ntirikeneye insobanuro. Muri igice canje, ibingize. Iyi Si ni Edeni ya Satani, ariko narabateguriye Edeni nshasha aho tuzomarana namwe ibihe bidashira. Gushika ico gihe, Mwiyunge n’Ijambo ryanje. Mukundane.
Ingo mwifatanye n’abo muri Branham Tabernacle kuri uwu w’Iyinga kw’isaha zitandatu z’umuhingamo, isaha ya Jeffersonville (akaba ari isaha imwe hano mu Burundi), maze munyumvirize biciye mu muhanuzi wanje nahisemwo hanyuma ahishure Ijambo ryanje mu gihe mwumviriza ; Edeni ya Satani 65-0829
KubwiWe,
MweneData Joseph Branham
Ivyanditswe vyo gusoma:
2 Timoteyo 3:1-9
Ivyahishuriwe Yohana3:14
2 Ab’I Tesalonike 2:1-4
Yesaya14:12-14
Matayo24:24
23-0226 Akayungiro K Umuntu Yiyumvira
Ubutumwa: 65-0822e Akayungiro K Umuntu Yiyumvira
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Bakunzi Koraniro rya MweneData Branham,
Nashaka gutumira isi yose kwifatanya natwe ku buhinga bwa Telefone kuri uwu w’iyinga kw’isaha zitandatu ku muhingamo, Isaha ya Jeffersonville (akaba ari isaha imwe y’ijoro hano mu Burundi), nk’uko twebwe Inkukuma dukoranira hamwe, buri birometero kwadarato 519 muri rimwe mu mashengero y’umuhanuzi. Tuzoba turiko turumviriza Imana Ivugira mu ntumwa mumalayika w’Indwi waYo kandi Itubwira.
Ubu Butumwa, n’ubundi Butumwa navuzeko, bwerekeye ikoraniro ryanje . Si ubwo ikoraniro ryawe kiretse bashaka kubwakira. Ariko bwerekeye aba bantu hano.
Iriko Iravugana natwe, , ikoraniro ryaYo, IMANA ISHIMWE. Si kuri mwebwe muvuga muti,” MweneData Branaham ni umuhanuzi, ariko si umwungere wanje. Umwungere wacu avuga yuko kuvuza Bande mw’Ishengero bitajanye n’Ijambo ry’iki gihe.” Umwungere wacu atubwira yuko dutegerezwa kumwumviriza. Bijanye n’Ijambo , aba ariko araturongora kubwa Mpwemu Yera ubu.”
Umuhanuzi abwira mwebwe n’umwungere wanyu.
Ku bakozi b’Imana abo ari bo bose, mu kibanza ico ari co cose, umwanya uwo ari wo wose, ibi ntivyerekeye inyigisho zanyu, ibi ntibinerekeye intama zanyu.
Ntidushaka gutongana namwe BeneData na Bashikibacu. Turabatahura, Si ivyanyu, ariko ni ivyacu, twebwe twizera yuko Mpwemu Yera yashizeho Intumwa Mumalayika w’indwi waYo kugira ngo atubere umwungere kandi aturongore, Ishengero ryiWe. Twizera yuko kuvuza Amabande ariyo NZIRA YONYENE Y’UKURI. Muri mukuri kandi muriko mukora ivyo Umuhanuzi yababariye gukora:
Kandi nama ndabisunga, namba ari abanywanyi b’ishengero rinaka, ”Nimurabe umwungere wanyu.”
Mutegerezwa gukora uko umwungere wanyu avuze.
Rero ubugira kandi umuhanuzi abwiye umwungure wanyu, kugira gusa atahure neza.
Rero, Mwungere, nshaka yuko umenye ivyo, ibi bintu ndabibwira gusa ishengero ryanje. Kandi ndafise uburenganzira bwo gukora ivyo, kuko nashizweho na Mpwemu Yera kugira ndagire izi ntama.
Yaturungikiwe kugira atwitwararike , intama zayo; abo Imana Yashize mu MWITARARIKO WAYO. Mpwemu Yera ni umwungere wacu kandi aturongora buri munsi kubwo Ijwi ryiWe ryagaragajwe.
Ibi nivyo Umwami ariko araturongora gukora. Ntitubarwanya canke umwungere wanyu, canke uko murongowe n’Umwami gukora. Umuntu wese ategerezwa gukora uko yumva arongowe n’Umwami gukora ibijanye n’Ijambo.
Dufise akayungiro kamwe, UBU BUTUMWA. Ikintu cose twumviriza gitegerezwa gucishwa muri ako kayungiro. Iryo Jwi twumviriza kuri Bande niryo jwi gusa dufitiye icizere ijana kw’ijana yuko ari NIKO UHORAHO AGIZE.
Murizera yuko ukwo gusirwa kuri kuri abo bantu yuko ari ugusirwa kwa Mpwemu Yera? Ego, mugenzi, Mpwemu Yera w’ukuri w’Imana kuri uwo muntu ariko naho bimeze uko, abo ni aba nyakinyoma.
Amerekero yacu y’ibihe bidashira yisunga ivyo WE YAVUZE KURI BANDE, Atari ivyo uwundi muntu canke umugwi w’abantu bavuga. Rero, ntidushobora, kandi ntituzokwumviriza uwundi. Ni gute uwundi muntu yobahatisha?
Nimuze mwifatanye natwe kugira ngo mubone wa munsi ko uriko uregereza.
Abantu barashobora kwicara mu mazu yabo canke … yabo bagakoranira mu bibanza vyabo , amashengero yabo, n’ibindi hanyuma bakumviriza igikorane.
Ivyo, Bagenzi , bijanye n’umuhanuzi w’Imana, Atari insobanuro y’uwundi muntu y’ivyo Bibiliya ivuga, ariko adukoraniriza hamwe, hirya no hino y’Ijambo kugira ngo tubone yuko wa munsi uriko uregereza.
Ni akahe kamaro k’ubwato butarimwo Imana? Ni ikarato y’ibiti gusa, imeza z’amabuye.
Nimuze mwifatanye natwe igihe twumviriza akayungiro kateguwe n’Imana, mu gihe atuzanira Ubutumwa: Akayungiro k’Umuntu Yiyumvira 65-0822E.
MweneData Joseph Branham
Suzuma ivyo muriko murarwanira. Suzuma igituma muri hano. Suzuma igituma muja kw’ishengero. Ikibatuma mu… Ni vyiza kuja kw’ishengero, ariko kuja kw’ishengero vyonyene; sivyo bizogucungura
23-0219 Kristo Yihishura mw’Ijambo ryiWe bwite
Ubutumwa: 65-0822m Kristo Yihishura mw’Ijambo ryiWe bwite
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Busho buto bwanje,
Ndabaramukije hamwe na mwebwe muri kuri ubu buhinga bwa Terefone,bikaba ari vyiza, vyiza cane. Ndashimira Umwami yuko mushobora kwicara mu mazu yanyu, mugakoranira mu bibanza vyanyu, amashengero yanyu, hanyuma mukumviriza Igikorwa. Aho ari ho hose Ijwi ryanje rizanana, uwo mugwi mutoya uragahezagirwa.
Uyu munsi, nshaka kubandikira ikete ritoya ry’urukundo rivuye ku mutima kugira ngo ndabatere intege. Muri abo Imana Yatoranije kugira mube Umugeni waYo imbere yuko isi
ishirwaho ; mwebwe mwumviriza izi Bande. Narababwiye incuro nyinshi, izi Bande ni izanyu gusa, muri ishengero ryanje. Sinjejwe ivyo Imana Yahaye abandi bakozi b’Imana kugira ngo barongore intama ; njejwe ubwoko bw’imfungurwa ndabagaburira. Izi Bande ni izanyu, ishengero ryanje gusa, ico Imana yampaye nk’umwungere. Ni Manu ihishijwe, uwundi ntashobora kuyakira.
Rero, namba abantu bamwe bashaka kuvangatiranya ibimfungurwa hamwe n’ibindi bintu hariya, bareke baronke uguhishurirwa kuvuye ku Mana hanyuma bakore ivyo Imana ibabarira gukora, bagabure kuvyo bipfuza. Nzokora ico kintu nyene. Ariko Ubu Butumwa ni ubwanyu gusa.
Ndiko ngerageza uko nshoboye kugumana n’Ijambo, kuri mwebwe mwanshizwe mu biganza vyanje n’Imana, kuko intama zikeneye imfungurwa z’Intama. « Intama zanje zumva Ijwi ryanje. » Kandi ivyo nivyo bitubeshejeho, Ijambo ryose ryavuzwe. Atari Ijambo rimwe na rimwe ubu n’ikindi gihe, ariko Ijambo ryose rivuye mu kanwa k’Imana. Ivyo nivyo mwebwe abera bibabeshejeho.
Umuntu wese arafise ikintu kinaka agumije. Ikintu kinaka gitegerezwa kuba inkingi, mu yandi majambo, icishimikizo ca nyuma. Kandi umuntu wese ategerezwa kugira icishimikizo ca nyuma canke icishimikizo ntanyiganyizwa. Kuri jewe, hamwe no kuri abo nizigiye yuko ndiko ndongorera kuri Kristo, kandi kubwa Kristo, Bibiliya ni icishimikizo ca nyuma.
Rero, turatahura yuko Imana Yarungitse abahanuzi baYo. Ubwo nibwo buryo Ifise bwo kuzana Ijambo ryaYo ku bantu, biciye mu kanwa k’
umuhanuzi waYo. Ubu muri iyi minsi ya nyuma, Yasezeranye ubwaYO kugaragarira mu kunengesera ubugira kandi, mu mubiri waYo , mu Mpwemu.Ni Imana ubwaYo mu nyuguti, mu muhanuzi, Yigaragariza mu mubiri.
Ntegerezwa kwibera vy’ukuri mu nyonga z’Umwanditsi mfise ikaramu niteguriye buri gihe kwandikai ico ari co cose Yovuga. Ivyiyumviro vyanje vyisunga ivyiyumviro vyiWe; Atari ivyo umuntu yiyumvira, ivyo igihe ciyumvira, ivyo ishengero ryiyumvira, ivyo ubwami bwiyumvira . Ivyiyumviro vy’Imana vyonyene gusa! Ngaragaza gusa ivyiyummviro vy’Imana mu buryo bw’Ijambo.
Igihe Imana impishuriye ivyiyumviro vyaYo, ndabibagariza mw’Ijambo ryo kuri Bande nti,” UKWO NIKO UHORAHO AGIZE.” Ntabwo ari ,” UKO Niko jewe ngize.” Ni,” UKO NIKO UHORAHO AGIZE!” Noshobora gusa kubisobanura uko Umwanditsi anyemereye kubibasobanura; kuko ni Ijambo ry’Imana Ritananirwa.
Hariho abandi benshi bagerageza kunyigana, nk’abapatiri, n’abandi. Hanyuma bakora iki? Bazana uruzazane, nta kindi. Ntiboshobora kubikora. Imana Yarandungitse, umuhanuzi waYo, kugira ngo ndongore Umugeni ; si uwundi muntu, canke si n’uwundi mugwi w’abantu.
Amajambo mvuga, kandi uko nkora, bizohumisha abandi, ariko bizokwugurura amaso y’abandi. Anyambara mu bwoko bw’ikanzu nokwambaye, kamere yanje, ivyipfuzo vyanje, ikintu cose gusa uko ntegerezwa kuba. Yarampisemwo vy’ukuri kubwanyu . Abandi bohagarara hanyuma bakitegereza maze bakavuga bati,” Rero, sinshobora. Hariho… Si-sinshobora kubona.” Ni impumyi.
Izobihishurira abo Yobihishuriye. Imeze ukuntu kuburyo yinyegeza ubwaYo mu Vyanditswe, ku munyabwenge w’umunyatewolojiya. Ishobora gusa kwinyegeza ubwaYo, Ikibera hariya mu Vyanditswe, kandi bagashobora kuharaba umusi wose hanyuma ntibaYibone; bakitegereza ubuzima bwabo bwose , yamara ntibaYibone. Ishobora gusa kwinyegeza ubwaYo, Yibereye hariya.
Ikintu ngirakamaro ubu ni abo bakiriye Ubutumwa mu mitima yabo, bategerezwa kwibera mu nyonga z’Umwana, kugira ngo bere. Fyonda muvuze hanyuma mureke Umwana Aturire ukutera kwose muri mwebwe, mu kubagira Abakristo babushitse.
Igihe yaza ubwa mbere, yari umuntu. Igihe yaza ubwa kabiri; afise imigabane ibiri, yari umuntu. Igihe yaza mw’ishusho ya Yohana Umubatizi, yari umuntu. Yasezeranye kuza muri iki gihe kandi ngo Abeho Yongere Yihishure ubwiWe ubugira kandi
mu muntu; Umwana w’umuntu agerereye mu mubiri w’umuntu.
Ubu turi mu gihe c’Ijisho, c’ubuvugishwa , ca Malaki 4. Nta kindi kintu gisigaye gushika kiretse We ubwiWe Ategerezwa kuza guhagarara muri vyo, kuko ico nico kintu canyuma .
Nimwumvirize mwa myagazi y’intama yanje mitoya mwe, mwebwe abo Imana Yampaye kubera umwungere. Nta gihe gisigaye. Agiye kuza vuba kuri mwebwe, Umugeni waYo. Nimugumane n’izi Bande, ntizikeneye insobanuro.
Ndatumiye mwebwe Nkukuma ntoya kuza kwifatanya nanje hamwe n’ikintu kimwe gusa kizoshobora guhuriza hamwe Umugeni waYo kuri uwu w’iyinga, isaha zitandatu z’umuhingamo , isaha ya Jeffersonville(isaha imwe y’ijoro hano mu Burundi). Muzokwumviriza NIKO UHORAHO AGIZE mu gihe Imana Ivuga Iciye muri jewe maze Igahishura : Kristo Yihishura mw’Ijambo ryiWe Bwite 65-0822M.
Mwibuke, GUMANA N’IGIKORWA CA BANDE. FYONDA UVUZE BURI MUNSI.
MweneData Branham.
Ivyanditswe vyo gusoma imbere yo kwumviriza Ubutumwa:
Kuvayo 4:10-12
Yesaya 53:1-5
Yeremiya 1:4-9
Malaki 4:5
Luka 17:30
Yohana 1:1/1:14/7:1-3/14:12/15:24/16:13
Ab’I Garatiya 1:8
2 Timoteyo 3:16-17
Abaheburayo1:1-3/4:12/13:8
2 Petero 1:20-21
Ivyahishuriwe Yohana 1:1-3/10:1-7/22:18-19
23-0212 Kandi Ntavyo Uzi
Ubutumwa: 65-0815 Kandi Ntavyo Uzi
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Mugeni Urindirijwe,
Kandi ndazi ko inyuma y’uko nzoba maze kugenda mva muri iyi si, aya mabande n’ibi bitabu bizobandanya kubaho, kandi benshi muri mwebwe bana batoya, muzobona mu minsi izoza, ko ari neza na neza ukuri, kuko ndabivuze mw’Izina ry’Umwami.
Ni muze mukoranire hamwe na twebwe Inkukuma, kuri uyu w’iyinga isaha zitandatu kw’isaha ya Jeffersonville (isaha imwe y’ijoro mu Burundi), mu guhe tuzokwumiriza Ubutumwa –Kandi Ntavyo Uzi Bwavuzwe kw’Igenekerezo rya 15, Ukwezi kw’Umunani Umwaka w’1965.
MweneData Joseph Branham