All posts by admin5

24-0602 Urubuto Ntiruraganwa N Igishishwa

Ubutumwa: 65-0218 Urubuto Ntiruraganwa N Igishishwa

pakua – m4a

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Rubuto Cami rwa Aburahamu,

Ndarungitse intasho kw’isi yose, ku Bakoranira hamwe, bumviriza mu buryo bw’umuhora, bagaburira ubugingo bwaBo kuri Manu nshasha Ikoroka Ivuye mw’Ijuru. Muri ikiguzi c’Amaraso ya Yesu Kristo ubwiWe.

Mwami Yesu, ndasaba ko Uhumekera amajambo muri rino joro ku gutwi kwose kwumviriza kuri munsi y’ugusamirana kuvuye ku Mana. Kandi namba hariho bamwe ng’aha, canke bumviriza, mu gihugu cose.

Imana Iriko Irasiga amatwi y’umwe wese muri twebwe, mu gihe twumviriza kw’isi yose kandi twumva ugusamirana kuvuye ku Mana kw’Ijwi ry’Imana Rivugana natwe, Ukwo Niko Uhoraho Agize.

Turi Ishengero ry’Imana ry’inkomoko, Ryavutse ubwa kabiri Ryizeye Ijambo RYOSE ry’Imana imbere y’ikintu ico ari co cose, tutaravye ico ari co, kuko ni Ijwi ry’Imana ry’ukuri Ritavanze Rivuga.

Imana Iriko Irigaragaza muri twebwe, Ishengero Mugeni RyaYo. Ntituri ibitwazi vy’Urubuto, TURI URUBUTO CAMI. Ukwuzura kw’Ubuzima bwaYo Bwari muri Yo, Bwarivyaye ubwabwo ubugira kandi muri TWEBWE, Ishengero Mugeni ry’ukuri, ry’inkomoko, Rizana Ijambo Ryose ry’Imana mu kunengesera kwaRyo no mu nkomezi zaRyo.

Ntihashobora gusubira kuba ibindi bihe vy’ishengero inyuma y’iki. Turi kw’iherezo, beneData na bashikibanje. Turi ng’aha. Twarashitse. Imana Ishimwe!

Turi kw’iherezo. Twarashitse. Umugeni Yaramenye abo Turi bo. Ni igihe c’Umugeni Rubuto. Ibishishwa vyarapfuye. Ibishishwa vyarumye. Turi Ijambo Ry’Imana Ryavutse ku nkumi Ryagaragajwe, Yesu Kristo Wawundi ejo, uno munsi no mu Bihe Bidashira.

Ntituzokorwako. Ntihazobaho ugukorwako n’amaboko y’abantu muri TWEBWE. TURI Ukuvuka kutanduye kw’Umugeni. Dutegekwa n’Imana kuguma turi mu kuri kw’Ijambo Rinoboye Ritononywe.

Urubuto Rutegerezwa kwicara mu Nyonga z’Umwana, Mpwemu Yera, Ijwi ry’Umwana w’Umuntu, ku buryo Rushobora kwera. Kandi kuri twebwe, hariho UBURYO BUMWE BWONYENE: GUFYONDA TUKAVUZA MAZE TUKUMVA IJWI RY’UMWANA W’UMUNTU UBWIWE.

Kandi ndavuze ko hariho Ishengero Ryatoranijwe ahantu hanaka muri iyi si, Risohoka, kandi Ryigira kure y’ivyo bintu, kandi ukugaragara kw’Imana kwatumye Rimera magabo. Turi mu bihe vya nyuma.

Turi Inkukuma z’Imana. Nta myumvikano iri muri twebwe. Dushobora kurya Manu nshasha yonyene. Turi nk’inyana mu ruhongore. Turya Imfungurwa Zabitswe zonyene twahawe.

Turabona Inkukuma z’Imana kw’isi yose zishaka irya Manu nshasha. Bazobandanya kurondera gushika baYironse. Barushirizaho kugurukira hejuru. Namba atayo muri iki kiyaya, bazoduga hejuru gatoya. Bashaka Ijambo ry’Imana Rishasha Rivuye mw’Ijwi ry’Imana. Amerekero y’abo y’Ibihe Bidashira aruhukira kuri Ryo. Aho umuvyimba uri, niho Inkukuma zikoranira.

Impwemu yiWe Yaraje kuri twebwe gukora ibintu bimwe nk’ivyo Yakoze. Ni Ukugaruka kw’Urubuto ubugira kandi. Turi Urubuto Cami rw’Ukwizera kwa Aburahamu rufata ikintu cose kinyuranye n’Ijambo ry’Imana maze rukacita nk’aho kitariho. Ntidukekeranya canke ngo dushire ahatariho Ijambo Rimwe ry’Imana, kuko twizeye ko ari UKO NIKO UHORAHO AGIZE. Yesu Kristo Wawundi ejo, uno munsi, no mu Bihe Bidashira.

Mana Mukunzi, ntituRitere umugongo, kubw’ubusazi bw’isi, ariko tuMwakire iri joro n’umutima wacu wose. Mwami, Rema muri jewe impwemu nziza, Impwemu y’Ubugingo, ku buryo ntegerezwa kwizera Amajambo YaWe Yose, kandi nakire Yesu Ijambo, Wawundi ejo, uno munsi no mu Bihe Bidashira kandi nizere uno munsi umugabane wagenewe iki gihe. Ubikore Mwami, ndabisavye mw’Izina Rya Yesu.

Ndipfuza kubatumira kuza kwumviriza Ijwi ry’Imana Ryagaragajwe Ryo mu gihe c’iherezo mu gihe Iduha Imfungurwa z’Inkukuma, isezerano ry’Imana. Bisaba ukwizera kutanduye kw’iri Jambo ry’Imana kugira ngo ube Umugeni waYo.

MweneData Joseph Branham.

Igihe: Isaha zitandatu ku mutaga kw’isaha ya Jeffersonville (Isaha icumi na zibiri ku mugoroba mu Burundi).

Ubutumwa: 65-0218 Urubuto Ntiruzoraganwa n’Igishishwa

Ivyanditswe:

Uwera Matayo 24:24
Uwera Luka 17:30
Uwera Yohana 5:24
Uwera Yohana 14:12
Abaroma 8:1
Ab’i Galatiya 4: 27-31
Abaheburayo 13:8
1 Yohana 5:7
Ivyahishuriwe Yohana 10
Malaki 4

Ariko igihe uhejeje kuvuga uti, “Jewe na Data turi Umwe,” n’ibi bindi bintu, rero igishishwa kija kure yaVyo. Ariko Ishengero Mugeni ry’ukuri, ry’inkomoko Rizozana Ijambo ry’Imana Ryuzuye, mu kunengesera kwaRyo no mu nkomezi zaRyo, kuko We ni Wawundi ejo, uno munsi no mu Bihe Bidashira.

65-0218 – “Urubuto NtiRuzoraganwa n’Igishishwa.”
Rev. William Marrion Branham.

Yesu Kristo Wawundi ejo, uno munsi no mu Bihe Bidashira, Impwemu Iza ku Mugeni gukora nyene ivyo We Yakoze. Murabona? Ni Ukugaruka kw’Urubuto ubugira kandi.

65-0218 – “Urubuto NtiRuzoraganwa n’Igishishwa.”

Rev. William Marrion Branham.

24-0519 Ibibazo n Inyishu #4

Ubutumwa: 64-0830E Ibibazo n Inyishu #4

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Muryango w’Amabande,

Nshaka kuvuga mwebwe, umuryango wanje, n’umuryango uri mw’isi aho tu… aho amabande yacu aja.

Abo ni twebwe, Umuryango w’Amabande w’umuhanuzi, abana biwe bakwiragiye mw’isi, abo yavyariye Kristo. Abo Data Yahaye Uguhishura kwiWe Bwite muri iyi minsi ya nyuma.

Ndashaka kubakoraniriza hamwe bose muri iyi minsi, murabona, Data Azobikora, hanyuma rero tuzo—tuzogira Imuhira aho tutazotegerezwa gusubira kuja hirya no hino.

NDASHAKA KUBABONA BOSE BARI HAMWE. Biriko birashika ubu nyene. Ubu Butumwa, Ijambo RyiWe, aya Mabande ariko arakora neza na neza ivyo : gukoraniriza Umugeni hamwe, kudushira hamwe nk’UMUNTU UMWE kw’isi yose. Nta na kimwe kiretse Ijwi RyiWe ; Ijwi Ry’Imana ku mabande, rishobora gukoraniriza Umugeni WaYo hamwe.

Kandi mwebwe, iyo mwuzuye Mpwemu, ng’ico kimwe mu bimenyetso vyiza gusumba ibindi nzi : muba mu rukundo na Kristo kandi mwizeye Ijambo Ryose Avuga ko ari Ukuri. Murabona ? Ico ni ikimenyamenya ko mufise Mpwemu Yera. Kandi ubuzima bwanyu bwuzura umunezero, kandi—kandi yooo Mana Wee, ikintu cose kiba gitandukanye (murabona ?) n’uko vyari bisanzwe. Uwo ni Mpwemu Yera.

Imitima yacu, ubwenge n’ubugingo vyuzuye rwose umunezero, urukundo n’Uguhishura, dushobora kwigumya bigoranye. Ubutumwa bwose twumviriza buzana Uguhishura kurushirije. Tubona abo turi bo n’ivyo dukora kugira ngo tube mu Bugombe bwiWe Butunganye. Nta na kimwe gishobora kudukura ku co Imana Yashize mu mitima yacu. Gufyonda tukavuza ni Inzira Imana Yatanze y’iki gihe. Nta gucacisha, nta kwizigira, nta kubaza Mpwemu Yera tuti, “Mbega ivyo mpejeje kwumviriza n’Ijambo Ry’Ukuri ?” “Mbega ndakeneye kubisuzumisha Ijambo ?”

Si twebwe. Ivyo twumviriza kumabande NI IJAMBO. Iryo Jambo twumviriza ni ryo JAMBO RYONYENE Ryagaragajwe na Mpwemu Yera ubwiWe, Inkingi y’Umuriro, ko ari Uko niko Uhoraho Agize ku Mugeni.

Namba umuntu munaka atubwiye ati, « Hariho vyinshi vyavuzwe kumabande yari mweneData Branham gusa avuga, atari Ijambo Risizwe. Yari umuntu gusa. Mpwemu Yera Yaraturongoreye ku co ari co Ijambo kandi ivyo yari mweneData Branham gusa yavuga. »

Si kuri twebwe. Twizera gusa ivyo umuhanuzi yatubwiye kutazokwigera twibagira.

Ndashaka ko mutazokwigera mwibagira iryo Jambo. Ivyo Mose yavuze, Imana Yaravyubahirije, kuko Ijambo Ry’Imana Ryari muri Mose.

Ntituzokwigera twibagira ivyo umuhanuzi yavuze, kandi turaVyizeye ; kuko Vyanditswe n’ikaramu y’icuma mu mitima yacu. Ivyo yavuze kumabande, Imana YaraVyubahirije, kandi turaVyizeye.

Nta teka rihambaye nko kwicara no kwumviriza Ijwi Ry’Imana Rivugana natwe. Izoba Iriko Iravugana n’Umugeni WaYo kuri uyu w’iyinga isaha zitandatu ku mutaga, kw’isaha ya Jeffersonville, (isaha icumi na zibiri ku mugoroba mu Burundi), kandi Yishura ibibazo : Ibibazo n’Inyishu 4, Ubutumwa Bwavuzwe kw’igenekerezo rya 30 ku mugoroba, ukwezi kwa myandagaro, umwaka wa 1964. Ndipfuza kubatumira gufatanya natwe. Ni ingingo mutazokwigera mwicuza.

MweneData Joseph Branham.

24-0505 Ibibazo N Inyishu #2

Ubutumwa: 64-0823E Mituna Mpe Biyano #2

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Mugeni w’Ijambo Ritunganye,
Turindiriye gusa Ukuza kw’Umwami. Tugumiza amatara yacu asukuye, yuzuye Amavuta, twumviriza Ijambo Rihishuwe umurango n’ijoro. Dusenga, buri saha ; atari buri munsi, buri saha. Tuguma gusa twiteguye mu kugumamwo, kandi twizeye, IJAMBO RYOSE.

Turindiriye, buri mwanya, abasinziririye mu mukungugu w’isi ko babanza kwikangura. Mu kanya gatoya, tuzobabona ; ba dawe, ba mawe, abagabo bacu, abagore bacu, beneData na bashikibacu. Ng’abo, bahagaze neza imbere yacu. Tuzomenya muri uwo mwanya, ko twashitse, ko igihe cashitse. Ukwizera kw’Izamurwa kuzokwuzura ubugingo bwacu, ubwenge bwacu n’imibiri yacu. Hanyuma iyi mibiri yacu ibora izokwambara ukutabora mu Buntu bw’ukuzamurwa bw’Umwami.

Hanyuma rero tuzotangura kuba hamwe. Twebwe Abakiri bazima kandi dusigaye tuzohindurwa. Iyi mibiri ipfa ntizobona urupfu. Ako kanya, hazoba nko gukubura hejuru yacu… tuzohindurwa. Tuva mu mutama tuja mu musore, tuva mu mutamakazi tuja mu nkumi.

Haheze akanya, tuzoba turiko turatembera nk’iciyumviro hamwe n’abo bamaze kuzuka. HANYUMA… IMANA ISHIMWE… tuzozamuranwa nabo gusanganira Umwami mu kirere.

Mbega igihe kigiye kuza ku bwacu. Umwansi AGERAGEZA kutugumiza dusinzikaye, dufise agahinda, kandi twihebuye, ariko Imana Ishimwe, ntabishobora. Dufise Uguhishurirwa rw’Uwo Ari We; Uwo Yarungitse kudusohora; abo turi bo, atari abo tugiye kuba, ABO TURI BO UBU. RERO Vyaramase mu BUGINGO, UBWENGE N’IMPWEMU VYACU, kandi nta na kimwe gishobora kubidukurako. Tubizi gute? Imana niko Yavuze !

Uru si Urusago rwacu, ni urwawe rwose, Satani, urashobora kurwegukira. Nta gice carwo dushaka kandi ntitukirukeneye. Dufise Ahantu ho kuba muri Kazoza hatwubakiwe. Kandi hagati aho, Satani, twararonse itangazo, HARATEGUYE. Urwubako rwaraheze. Ivyo guheraheza vyose biri mu mwanya wavyo. Kandi tugufitiye ayandi makuru, VUBA CANE, Agiye kuza kutujana ku buryo dushobora kuronka imyaka 1000 yuzuye y’Inkinga hamwe naWe, kandi ntutumiwe, kandi ntuzoba uhari.

Mbega ibintu vy’ubwiza ubu Butumwa Buduhishurira igihe cose Dufyonda Tukavuza. Imana UbwaYo Yaramanutse, kandi Yavugiye mu kanwa k’umuntu ku buryo Yashoboye kutubwira ibi bintu vyose. Yaradutoye kandi Yaduhaye Uguhishura KWUZUYE kwaYo UbwaYo.

Yari Ijambo Ryihaye umubiri, si Ijambo ry’igihe ca Mose, Mose yari Ijambo ryo muri kirya gihe ; si Ijambo ry’igihe ca Nowa, Nowa yari Ijambo ryo mu kirya gihe; atari igihe… Ijambo ry’Igihe ca Eliya, Eliya yari rirya Jambo rya kirya gihe; ariko Yari Ijambo ry’igihe c’uwo mwanya, kandi baba mu bihe vyaheze.

Uriteguye ?… Ng’ibi biraje. Ni igisasu cigwiza kabiri kandi kiremereye, kandi turaBikunda cane!!

Ico kintu nyene kirisubiriza! Ni ikimenyamenya ca Mpwemu Yera, igihe Imana Iguhishurira kandi ukabibona, UKO NIKO UHORAHO AGIZE hanyuma ukavyemera. Si ico uri, ico wari uri, canke ikintu na kimwe kuri ivyo, ni ico Imana Yagukoreye ubu. Ng’ico ikimenyamenya.

Haleluya, Yarinjije umusumari. UBU tuMwumvirize Awutsindagira.

Yaduhaye ikimenyamenya ca Mpwemu Yera, Yohana 14. Yavuze Ati, « Mfise ibintu vyinshi vyo kubabwira. Simfise umwanya wo kubikora, ariko igihe Mpwemu Yera Azoza, Azobabwira, Azobibutsa ibintu Nababwiye, kandi Azobereka ibintu bigiye kuza. » Ntimubibona ? Ng’ico ikimenyamenya. Ni ukuvuga ibigiye kuba kandi bi… kugira Insiguro ivuye ku Mana y’Ijambo Ryanditse. None, ivyo si ikimenyamenya c’umuhanuzi ?

Mpwemu Yera ni umuhanuzi w’igihe cose. Ni umuhanuzi w’igihe cacu. Ijambo Riza GUSA kuri uyo muhanuzi. Ni Imana Ivuga kandi Yihishura ubwaYo biciye mu muhanuzi waYo. Ni Ijambo ry’igihe. Ubu Butumwa, KU MABANDE, ni insiguro itunganye y’Ijambo, hamwe n’ukugaragara kw’Imana.

« Igihe ibitunganye bizozira, ivy’ibice bice bizovanwaho. » Rero ibi bintu vyose vyo gusimbagurika nk’umwana, kugerageza kuvuga mu ndimi, n’ibi bintu vyose bindi, Igihe ibitunganye… Kandi dufise uno munsi, ku mfashanyo y’Imana, insiguro itunganye y’Ijambo rifise ukugaragara kuvuye ku Mana ! Nuko ivy’ibice bice bizovanwaho. « Igihe nari umwana, navuga nk’umwana, natahura nk’umwana ; ariko igihe naba umugabo, nashize kure ibintu vy’ubwana. » Amen!

Ibitunganye vyaraje, insiguro itunganye y’Ijambo. GUFYONDA TUKAVUZA. Ivyo vyonyene nivyo Umugeni Akeneye, kandi ni vyo vyonyene Ashaka.

Muze kandi Mufyonde Muvuze hamwe natwe kuri uyu w’iyinga isaha zitandatu ku mutaga, kw’isaha y’i Jeffersonville (isaha icumi na zibiri ku mugoroba mu Burundi), kandi mwumvirize IJAMBO RITUNGANYE, RIFISE INSIGURO ITUNGANYE, N’UKUGARAGAZWA KW’IMANA mu gihe twumviriza:

64-0823E Ibibazo n’Inyishu#2

MweneData Joseph Branham.

24-0428 Ibibazo N Inyishu 1

Ubutumwa: 64-0823M Ibibazo N Inyishu 1

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Bakunzi Bumviriza Amabande ;

Sinshobora nyene kubivuga bikwiye, nta NA KIMWE kuri twebwe gihambaye nko kwumviriza Ijwi ry’Imana biciye mu ntumwa mumarayika yagaragajwe w’igihe cacu. Uguhishura gukurikirana n’Uguhishura Umwami Ariko Araduhishurira. Nta kurandira kuri Ivyo. Ubutumwa Bwose ni nk’aho tutigeze tuBwumva mbere. Ni Ijambo Rizima, Manu Nshasha, Imfungurwa Z’Imana Zabikiwe Umugeni WaYo, kandi ico dutegerezwa gukora gusa ni UGUFYONDA TUKAVUZA.

Twumviriza vyose vyerekeye Ukuzamurwa KWACU kugiye kuza vuba. Tugiye… IMANA ISHIMWE TUGIYE MU Mazimano y’Ubukwe. Yadutoranirije kuba Hariya mu Kumenya kwaYo mbere, kandi nta na kimwe kigiye kubihagarika. Ijambo ng’aha Rifatana n’umuntu, kandi abo babiri bacika Umwe. Rigaragaza Umwana w’umuntu. Ijambo n’Ishengero bicika Umwe. Ico Umwana w’umuntu Akora cose, Yari Ijambo, Ishengero Rikora co kimwe.

Imbere yuko mbandanya, mutegerezwa kuba mushaka kubisoma ubugira kandi !! Ni gute dushobora kureka umurwanizi ngo aducinyize ? Mwumvirize ivyo turindiranye igishika. Mwumvirize abo turi bo. Mwumvirize ibiriko biraba UBU.

Turiko turaja hehe ? Mu Mazimano YACU y’ubukwe twatoranirijwe n’Ukumenya kwaYo mbere, aho TWEBWE, Ijambo ryaYo n’Ishengero, bicika UMWE NA WE, kandi ico Umwana w’Umuntu Yakoze cose, DUKORA CO KIMWE !!

Rero twarumvise vyose vyerekeye Aho tuzoba muri Kazoza. Imana Umugezi Yatunganije Igisagara CACU Gishasha, aho Izobana NATWE, Umugeni WaYo. Yaracubatse kandi Yashize ikintu cose gitoya neza na neza ku rugero RWACU ; neza ivyo TWEBWE twokwipfuje. Ahantu hatazokenerwa umuco, kuko Umwagazi w’Intama Uzoba Umuco Wacu. Aho umuhanuzi azoba iruhande yacu ; azoba umubanyi wacu. Tuzorya kuri biriya biti, tuzogendera muri ariya mabarabara y’izahabu gushika kw’isoko maze tunywe. Tuzogendera muma paradizo y’Imana, hamwe n’Abamarayika bagurukira hejuru y’isi, baririmba indirimbo. Imana Ishimwe ! Haleluya !

Yemeza Ijambo RyaYo kuri twebwe ; Yo, Inkingi y’Umuriro, Yafashwe ifoto hamwe n’intumwa mumarayika waYo kugira ngo Yemeze kandi Ibwire isi Iti, « Ni MuMwumvirize. » Ntidutegerezwa gukekeranya Ijambo na Rimwe, kuko si ijambo ry’umuhanuzi, ni Ijambo ry’Imana Ryavuzwe ku Mugeni Wayo. Rero Yatubwiye, ko dufise ubuserukizi buvuye ku gutoranywa, buturemesha. Yo ntitubona, Yumva gusa ijwi ryacu biciye mu Maraso ya Yesu. Turatunganye mu maso yaYo.

Ubwina buhamagara ubundi bwina nk’uko bitigeze biba mbere, kandi Data Ariko Aratwuzuza n’Ijambo ryiWe Rihishuwe. Ikintu cose dukeneye kumenya carafashwe ijwi kandi caraduhawe. Mu bisanzwe nta kurangira kuri ubu Butumwa bw’Ijambo Rizima. Nta na kimwe gihambaye gusumba kumenya ko TURI Umugeni WaYo. Ivyizigiro mu kumenya ko kwumviriza rirya Jwi, Gufyonda Tukavuza, ari Ubugombe bw’Umwami butunganye ; Umugambi waYo Yatanze.

Hari vyinshi cane bigiye kuza ! Ni Ijambo Ritarangira ry’Amazi Mazima ku Mugeni WaYo. Ntitwigeze tugira inyoka nk’uko mu buzima bwacu bwose, ariko ntitwigeze tumarwa inyota nk’uko mu gihe tunywa kandi tunywa uko dushaka kwose.

Ku munsi w’iyinga wose, Umugeni aranezerwa cane kuba akoraniye hamwe n’igice c’Umugeni kw’isi yose, kwumviriza ico Agiye guhishura gikurikira. Yatubwiye ko namba tudashobora kuza ng’aha kuri iri Shengero, muje kw’ishengero ahanaka ; mujeyo.

Ntidushobora twese gukoranira imuhira ku muhanuzi ; icicaro ciwe gikuru aho yashizwe, ariko dushobora guhindura amashengero yacu, canke Amazu yacu mw’amashengero, aho tumushira kuri alutari. Aho dushobora kugaburirwa IJAMBO RITUNGANYE NK’UKO RYAHISHUWE.

Nta koraniro rihambaye gusumba, nta gusigwa guhambaye gusumba, nta hantu hahambaye gusumba nko kuba twicaranye hamwe ahantu ho mw’Ijuru, twumviriza Ijwi ry’Imana.

Ndabatumiye kuza kwumviririza hamwe natwe Ijwi Ry’Imana Ryagaragajwe kuri uyu w’iyinga isaha zitandatu ku mutaga kw’isaha y’i Jeffersonville (isaha icumi na zibiri ku mugoroba mu Burundi), mu gihe Ivugana natwe ubugira kandi biciye mu ntumwa mumarayika waYo, kandi Yishura ibibazo vyose dufise ku mitima yacu, kandi Itwemeza ko turi Umugeni WaYo.

MweneData Joseph Branham.

Ubutumwa bwo kuw’iyinga : Ibibazo n’Inyishu 1, Ubutumwa Bwavuzwe kw’igenekerezo rya 23 mu gitondo, ukwezi kwa myandagaro, umwaka wa 1964

24-0421 Ukwemeza Ijambo RyaYo

Ubutumwa: 64-0816 Ukwemeza Ijambo RyaYo

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Shengero Mugeni,

Umwana w’umuntu Yaraje maze Yihishurira Umugeni WiWe mu mubiri w’umuntu. YaraBivuze, TuraVyizera, kandi YaraVyemeje. Turi Ishengero Mugeni Wiwe turiteguye ubwacu mu kwumviriza no kwizera Ijambo Ryose Riva mu kanwa kiWe.

Hazoba Izuka ry’abapfuye. Azovyemeza. Hazoba Izamurwa ry’Ishengero. Azovyemeza. Hazoba Inganji y’Imyaka Igihumbi. Azovyemeza. Hazoba Amajuru Mashasha n’isi nshasha. Azovyemeza, kuko Ijambo RyiWe niko Ryavuze.

Turi bamwe mu bazoba hariya. Azovyemeza. Turi bamwe bagizwe igice c’Ijambo RyiWe. YaraDutoranirije kuzoba Hariya. Hagiye kuba Izamurwa mu kumenya kwiWe ibintu bitaraba kandi nta na kimwe kigiye kubihagarika, tugiye kuba hariya !

Satani Yaragerageje igihe kirekire gutuma abantu bakekeranya Ijambo Rimwe gusa Ryavuzwe. Ntimubikore. Mwizere gusa Ijambo Ryose. Mutegerezwa kwizera Ijambo Ryose kugira ngo muzobe hariya. Si ijambo ry’umuhanuzi, ni Ijambo ry’Imana Ryafashwe amajwi kandi Ryabitswe ku ma Bande.

Umuherezi mukuru, umusenyeri, umukaridinari, umwungere ? « Imana ! Ijambo Ryose Riva mu kanwa k’Imana. » Tumenya gute ko ari Ijambo ry’Imana ? Niko Ivuga, hanyuma Ikavyemeza? Yemeza Ijambo RyaYo.

MUTEGEREZWA kwizera Ijambo Ryose Riva mu kanwa k’Imana. Yaremeje ko ari Ijambo RyaYo ku mabande. Yaremeje ko William Marrion Branham ari intumwa mumarayika waYo ; Ijwi ry’Imana ry’iki gihe cacu. Abatizera bose Ubutumwa n’intumwa bazohona.

Ubu, sindiko ndabwira neza na neza rino koraniro. Ibi vyafashwe amajwi, murabona, kandi Bija kw’isi yose. Muratahura, bantu bo mw’isi, ko Ijambo Rimwe, Ijambo Rimwe, si iryungane rimwe, si igice kimwe, Ijambo Rimwe, ni Ryo Ryonyene Eva atizeye.

Yo Ni Ijambo kandi turi igice c’Ijambo ryaYo. Ni yo mpamvu turi ng’aha, gushimangira ikibanza cacu mu buzima. Kwizera Ijambo Ryose. Kugumana n’Ijambo. Kwereka Umugeni Ijambo Ryose Riri kuma Bande.

Mu gihe cacu, Umwana w’umuntu Yarahishuwe. YARIFATANIJE n’Ishengero ku Mutwe ; Yafatanije ubukwe bw’Umugeni. Umuhamagaro w’Umukwe waraje. Umwana w’umuntu Yaraje mu mubiri w’umuntu gufataniriza abo babiri hamwe. We Ni Ijambo. Turi Ijambo RyiWe, kandi abo babiri bafatanirijwe hamwe.

Bizosabwa ukugaragara kw’uguhishurwa kw’Umwana w’muntu… Si umukuru w’ishengero… Yesu Kristo Azomanuka mu mubiri w’umuntu muri twebwe, kandi Azotuma Ijambo RyiWe Riba Iry’ukuri rwose ku buryo Rizofatanya Ishengero na We nk’umwe, Umugeni, hanyuma rero baje Imuhira mu Mazimano y’Ubukwe. Amen.

Ukugaragara kw’Ijambo kuzofatanya Umugeni. Kugaragaza Umwana w’umuntu ubugira kandi, si abanye tewolojiya b’ishengero. Umwana w’umuntu ! Ijambo n’Ishengero bicika kimwe. Ico Umwana w’umuntu Yakoze cose cari Ijambo. Twebwe, Umugeni wiWe, tuzokora co kimwe.

Twafatanijwe na Mpwemu Yera, Ijambo RyiWe, Ijwi RyiWe, kandi twiteguriye kuja mu Mazimano y’Ubukwe. Ijambo Ryaradufatanije, kandi abo babiri bacitse UMWE.

Tuvuga AMABANDE, AMABANDE, AMABANDE. Mutegerezwa kuvuza amabande mu mazu yanyu, mu mashengero yanyu. Turanegurwa ko dushimikira cane ku kuvuza amabande. Ni kuki tuvuga ivyo ? Ni Nde Avugana NATWE ku mabande ?

Rero, mwibuke, ni Yesu Yavugana na Aburahamu hariya, yashobora guhishura ivyiyumviro biri mu bwenge bwa Sara ari inyuma yiWe. Ntiyari Yesu, NtiYari bwavuke. Ariko yari Umuntu mu mubiri w’umuntu, Aburahamu yise “Elohimu, Ushobora Vyose Ahambaye”.

Namba wizeye ko Umwana w’umuntu Yahishuwe mu gihe cacu ; Imana Ivugira mu kanwa k’umuntu, ni gute uwo ari we wese atoshobora kubona akamaro ko kuzana iryo Jwi nk’IJWI NGIRA KAMARO GUSUMA AYANDI MUTEGEREZWA KWUMVIRIZA ?

Sindiko ndanegura abandi batabona kandi batizera ivyo twizera, ni beneData na bashikibacu, ariko NDAHAGIJWE CANE, NDUJUJWE CANE, NDEMEZWA CANE ko ibi ari uburyo Imana Yatanze ku Mugeni WaYo. Nta kindi nshobora gukora. Kubwanje n’inzu yanje, Gufyonda tukavuza ni bwo BURYO BWONYENE.

Rindi rimwe ndatumiye isi kuza no kwifatanya natwe kuw’iyinga isaha zitandatu ku mutaga kw’isaha y’i Jeffersonville (isaha icumi na zibiri mu Burundi), mu gihe tuzokwumviriza : Ukwemeza Ijambo RyaYo, Ubutumwa Bwavuzwe kw’igenekerezo rya 16 myandagaro umwaka wa 1964.
MweneData Joseph Branham.

Ivyanditswe vyo gusoma imbere y’igikorane:

Uwera Matayo 24:24
Uwera Mariko 5:21-43
Uwera Mariko 16:15
Uwera Luka 17:30
Uwera Luka 24:49
Uwera Yohana 1:1
Uwera Yohana 5:19
Uwera Yohana 14:12
Abaroma 4:20-22
1Ab’I Tesalonike 5:21
Abaheburayo 4:12-16
Abaheburayo 6:4-6
Abaheburayo 13:8
1Abami 10:1-3
Yoweri 2:28
Yesaya 9:6
Malaki 4

24-0414 Ahantu Umukwe Wo MwIjuru NUmugeni Wo Kw Isi Bazoba Muri Kazoza

Ubutumwa: 64-0802 Ahantu Umukwe Wo MwIjuru NUmugeni Wo Kw Isi Bazoba Muri Kazoza

Kuvoma Ubutumwa

Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle

Mukunzi Munyu w’Isi,

Yooo, Mukundwa Mugeni, mbega igihe turiko turagira, twicaranye hamwe ahantu ho mw’Ijuru, imbere y’Ijambo, Ririko Riraduhingura, tumenya abo turi bo, aho tuva, n’aho tugiye.

Kumenya, bivuye ibwina mu mitima yacu, ko UBU turi abahungu n’abakobwa b’Imana. Atari tuzoba, UBU turi. Turi ibigize ivyiyumviro vy’Imana.

Iyo Satani aduteye, kandi agerageza kutwereka amakosa yacu, kahise kacu, n’ibitunanira ku munsi ; iyo agerageza kudusambura mu bwenge bwacu n’impwemu yacu n’ibinyoma vyiwe, turamwibutsa gusa maze tukamubwira tuti « Imana, kuva kw’itanguriro ry’isi, yambonye mbere ; ivyo ni vyo Satani, JEWE, kandi Yarungitse Yesu gucungura JEWE. » BAM !

« Ubu rero Satani, mvako, kuko Amaraso y’Umwana waYo Avugira JEWE. Sinshobora gukora icaha. Ikosa ryanje, ego, amakosa yanje menshi, ntashobora no kubonwa n’Imana. Ikintu conyene Yumva ni ijwi RYANJE nsenga kandi ndaMutazira, kandi ikintu conyene Ibona ni ubuserukizi BWANJE. »

Ubuserukizi bwacu budukoranya kuva mu buseruko no mu burengero, uburaruko n’ubumanuko, butwungira hamwe munsi y’Ijambo Yaronkeje Umugeni waYo ku mabande. Ni co kintu conyene Izokwubahiriza ; kuko ni Inzira yaYo Yatanze.

Ni igiki Igiye kutubwira no kuduhishurira hanyuma ? TwaraYumvise Ivugira mu muhanuzi waYo kenshi cane kandi Itubwira ivyerekeye uko Imuhira hacu hashasha hazoba hameze, ariko iki gihe bigiye kuba nk’uko tutigeze twumva ikintu na kimwe kuri Ho mbere.

Imana Umuremyi Yashushanije ibi kubw’Umukunzi waYo. Murabona ? Yooo, mbega uko aho hantu hategerezwa kuba hameze, igihe, Kamere y’Imana, Imana Umuremyi Yahashushanirije ibigize Imana vyatoranijwe mu buryo bw’Imana n’Imana We—We Nyanduruko y’Ubuzima bw’Imana ! Ico Gisagara kizoba gisa n’iki ! Muvyiyumvire!

Biratugora kwigumya. Umunezero wacu n’igishika biri ku gasongero. Imitima yacu yihutira kwumva Imana Ivugana natwe Idaciye ku ruhande kandi Itubwira ko ubu Iriko Irakora kandi Itunganya Imuhira iwacu hashasha ku buryo dushobora kubana naWe mu Bihe Bidashira.

Ni ikihe kindi tuzokwumva, kandi ni ikihe tuzohishurirwa kuw’iyinga, mu gihe Yatubwiye twese ku vyerekeye Ugutoranywa, Ubuserukizi, Ububwiriza, Umunsi w’Umunani, Umusozi Wera, Piramide, Ikoraniro Ryera ?

Turashobora gushira ubwenge bwacu ku biriko biraba ubu nyene ? Imana Iriko Irakoraniriza hamwe Umugeni WaYo kw’isi yose ku buryo Ishobora kutubwira uko Imuhira iwacu hashasha hazoba hameze. Igiye kutubwira ido n’ido. Mbega igihe c’ubwiza tuzogira.

Ku rundi ruhande, intambara zacu ntizigeze zirushiriza kuba izigoye. Satani ariko araduhonda nk’uko bitigeze biba mbere. Ibitero vyiwe ntivyigera na rimwe bigabanuka canke bigende.

Ariko IMANA ISHIMWE, UKWIZERA Ijambo ryaYo kwacu ntikwigeze kuba hejuru gusumba. UKWIZERA kwacu mu kumenya abo turi bo kwashinze inanga vyimbitse mu Bugingo bwacu, ku buryo tudashobora kunyiganyizwa.

NTA NA KIMWE dufise co gutinya ; NTA NA KIMWE co kudutera ingorane. Data Aratwitwararika bikwiye. Araturongora kandi Ayobora INTAMBUKO ZACU ZOSE. Adufashe mu Kiganza ciWe. Satani ni umuhumvyi gusa w’iherezo riri hafi, kandi arabizi. Niwe afise ubwoba, arazi ko ahanganye n’Ijambo ry’Imana Ryavuzwe ry’Umugeni kandi aneshwa igihe cose.

TURI IJAMBO. Twari muri We kuva mbere. Ntitugiye kuba muri We umunsi munaka, TURI MURI WE UBU. Namba turi Ijambo, rero dushobora KUVUGA IJAMBO, NAMBA TUZOBA TWIZEYE VYONYENE… KANDI TURIZEYE.

Ikintu ni kimwe, uri uwizeye (IJAMBO) canke uri uwukekeranya (ATARI IJAMBO). Nta gace mu mubiri wacu katizera Ijambo Rimwe. Ni ivyo ! Duhejeje kwemeza Satani : ko turi Ijambo. Dushobora kuba turi urusato munsi y’ikirenge, ARIKO NAHO BIRI UKO TURI IGICE C’UWO MUBIRI !!! Rero iyo urya mubeshi asugereje umwe muri twebwe, Umugeni Aja hamwe kw’isi yose maze TUKAMUKUBITA kandi TUMUKUBITISHA Ijambo.

Iyo indwara ije kuri umwe muri twebwe, dukoranira hamwe maze TUKAMUKUBITA ! Iyo umwe muri twebwe ageze ku kwumva ko adendebukiwe no gucika intege, twese dukora iki? TURAMUKUBITA!

Tugiye i muhira, Mugeni. Igihe kirashitse. Umugeni Yariteguye. Turi mu Bwato. Yarugaye urugi kandi turi imbere mu mutekano. Turashobora kwumva umudiho kubw’Umugeni amanuka mu nzira kugira ngo Ahure n’Umukwe.

Tuzoba turi mu nkinga yacu y’imyaka 1000, hanyuma tuzojana hamwe, na We i muhira iwacu Hazoza.

Ntimuhacikwe, bagenzi. Hariho uburyo bumwe bwonyene bwatanzwe kandi bwagaragajwe n’Imana. AMABANDE. Ni Inkingi y’Umuriro Ivuga kandi Irongora Umugeni WaYo.

Ico wokora cose, shira rirya Jwi imbere yawe n’umuryango wawe kuri uyu w’iyinga. Ukwizera kuzanwa n’ukwumva, kwumva Ijambo, kandi Ijambo Riza ku muhanuzi. Mpwemu Yera ni Umuhanuzi w’igihe cacu Avugana n’Umugeni WaYo muma Bande.

Urahawe ikaze kwifatanya natwe kuri uyu w’iyinga isaha zitandatu ku mutaga, kw’isaha ya Jeffersonville (isaha icumi na zibiri ku mugoroba mu Burundi), mu gihe igice c’Umugeni kizoba gifatanijwe hamwe n’ukwumviriza, bose mu mwanya umwe,, Imana Ivugira mu mumarayika waYo w’inkomezi kandi atubwira vyose vyerekeye : Ahantu Umukwe Wo mw’Ijuru n’Umugeni Wo Kw’Isi Bazoba muri Kazoza, Ubutumwa Bwavuzwe kw’igenekerezo rya 2 ukwezi kw’umunani umwaka wa 1964.

MweneData Joseph Branham.