All posts by admin5

25-0209 Ebigendererwa Omukaaga Eby’Okukyala Kwa Gabulyeri Eri Danyeri

Obubaka: 61-0730E Ebigendererwa Omukaaga Eby’Okukyala Kwa Gabulyeri Eri Danyeri

PDF

BranhamTabernacle.org

Omugole Omusanyufu Omwagalwa,

Tutadde amaaso gaffe eri Eggulu mu kusaba n’okwegayirira okuzuula olunaku n’essaawa yennyini gye tulimu.

Nga bwe kitabangawo, tutudde wamu mu bifo eby’omu ggulu, okuva mu nsi yonna, nga tuwulira Katonda ng’Ayogera era ng’Atubikkulira ekigambo kyE ng’Ayita mu mubaka wE malayika ow’amaanyi. Omubaka malayika ow’oku nsi Kitaffe gwe yasindika eri Omugole wE mu lunaku luno olw’oluvannyuma okubikkula Ekigambo kyE.

Gabulyeri ye malayika agenda eri abantu ba Katonda abalonde, Abayudaaya. Wabula eri Omugole We ow’amawanga, Merukizeddeeki yennyini yajja n’Ayogera ng’Ayita mu mubiri gw’omuntu ow’oku nsi mu malayika ow’oku nsi ayitibwa William Marrion Branham, asobole okwogera n’okubikkula Ekigambo kyE KYONNA eri Omugole wE omwagalwa ow’oku mutima.

Yasiima ne Kikwatibwa ku lutambi, ne kiterekebwa, ne kikuumibwa, bw’atyo Omugole yandibadde n’Emmere Ye ey’omwoyo, Emmaanu eyakwekebwa, ku ntoli z’engalo zaabwe buli ddakiika ya buli lunaku okutuusa ku nkomerero y’ebiseera.

Omuntu waffe ow’omunda ajjudde okufukibwako amafuta okw’ekitalo nga bwe tuwulira Eddoboozi lya Katonda nga litubikkulira Ekigambo kyE. Engeri gy’Ayanja Ekigambo kye tusobole okulaba butangaavu ddala n’okutegeera amakulu gaakyo. Kiri mu kubikkula essaawa yennyini gye tubeeramu, kiri mu kutubuulira kye tuli n’ebigenda okubaawo mu bbanga ttono ddala; Okukwakkulibwa kwaffe okujja mu bbanga ttono.

N’okuba Akubikkulira Omugole we ebigenda okubaawo wano ku nsi nga tuli naye ku kijjulo ky’embaga ey’obugole. Engeri gy’Alizibula amaaso amazibe ag’abantu be abalonde; abo be yaziba amaaso ku lw’Omugole we omunnamawanga.

Mikwano, nkimanyi nga bwe tukooye ennyo ensi eno era nga tuyaayaanira okujja kwe okututwala, naye ate leka tusanyukire era tweyanzize mu bigenda mu maaso mu kiseera kino mu maaso gaffe gennyini.

Leka tuyimuse emikono gyaffe, emitima gyaffe, amaloboozi gaffe, tusanyuke. Tetukoma ku kwesunga bwesunzi by’agenda okutukolera mu bbanga ttono ddala, wabula tusanyuke olw’ebyo by’Abikkula n’ebyo by’Atukolera kati KATI.

Atugamba nti tuli Mugole we eyategekerwawo ali mu kwegatta wamu nayE n’Ekigambo kyE. Atukakasa emirundi n’emirundi, tuli mu Kwagala kwE okutuukiridde nga tusigala n’Eddoboozi lyE, Ekigambo kyE, malayika wE. Atuwadde OKUKKIRIZA mu kumanya n’okutegeera kye tuli:

EKIGAMBO KYE EKIRAMU MU MUBIRI.

Tetulina kye tutya; Tewali kyeraliikiriza; Tewali kya kunakuwalira. Ekyo nkimanyi ntya? KATONDA BW’ATYO BWEYAGAMBA! KALE LEKA TUSANYUKE, TUSABE, TWEBAZE; EKIGAMBO EKIRAMU KIBEERA ERA KIWANGAALIRA MU FFE. YE FFE ZZADDE LYE EDDANGIRA ESSUKULUMU.

Mazima nzikiriza nti Mukama naye alina okuba nga acamuka mu kumanya nti ekiseera kituuse era twetegese okuyita mu kusigala nga tuli ba mazima era abeesigwa eri ekigambo kyE.

Okufaananako n’akalenzi akato akaatunula mu ndabirwamu omulundi gwako ogwasooka, naffe tutunula mu Kigambo kyE, nga tulaba kye TULI. Mukama…YE NZE. Nze Omugole Ekigambo Wo omulamu. Ye nze gwe walonda GGWE. Ndi mu Ggwe, Oli mu nze, tuli Omu.

Tuyinza tutya obutajaguza n’okubeera abantu abasinga essanyu abaali babaddewo ku nsi? Abatukuvu ne bannabbi bonna abaatusooka baali baagala okuba abalamu mu lunaku luno n’okulaba ebisuubizo bino nga bituukawo. Naye olw’Ekisa kya Katonda, yateekawo FFE wano.

Tetusobola kulinda:

Brrrrr! Owange! Whew! Mu ngeri endala, omulabe bw’amala okugobwa, enkomerero y’okusobya eba etuuse, okuyingiza obutuukirivu obutaliggwaawo kuba kutuuse, Sitaani aba asibibwa mu bunnya obutakoma, n’okumanya kwa Mukama kulijjula ensi ng’amazzi bwe gajjula ennyanja. Amiina! Ekitiibwa kibe eri Katonda! Kijja muganda wange, kijja!

Nga okufukibwako amafuta kwa kiktalo okugenda okubaawo Ssande ku saawa 6:00 (mukaaga) ez’omuttuntu, mu budde bw’ e Jeffersonville (z’essaawa bbiri ez’ekiro e Uganda), nga tukuŋŋaana okuva mu nsi yonna okuwulira malayika wa Katonda, Eddoboozi lya Katonda eri Omugole, nga lituleetera Obubaka: Ekigendererwa Eky’emirundi Omukaaga Eky’okukyala kwa Gabulyeri eri Danyeri 61-0730E.

Owol. Joseph Branham

25-0202 Ebiragiro Bya Gabulyeri Eri Danyeri

Obubaka: 61-0730M Ebiragiro Bya Gabulyeri Eri Danyeri

PDF

BranhamTabernacle.org

Abamaliridde Okutuuka ku Kigendererwa Abaagalwa,

Nga Ntuuko za butiti za njawulo ze tubaddemu nga tuyiga ku Mirembe gy’Ekkanisa Omusanvu, n’oluvannyuma Katonda n’Atubikkulira n’ebisingawo mu Kitabo ky’Okubikkulirwa kwa Yesu Kristo. Engeri essuula essatu ezaasooka mu Kubikkulirwa gye zaali Emirembe gy’Ekkanisa, n’oluvannyuma engeri Yokaana gye yasitulibwa mu ssuula ey’okuna n’ey’okutaano ng’atulaga ebintu ebyali bigenda okujja.

Mu ssuula ey’omukaaga, yabikkula engeri Yokaana gye yagwa okuva mu ggulu n’akomawo wansi ku nsi okulaba ebintu ebigenda mu maaso ebigenda okuva mu ssuula ey’omukaaga okutuuka mu ssuula ey’ekkumi n’omwenda ey’Okubikkulirwa.

Nga Omugole ajja kuba wa mukisa nnyo ku Ssande nga tuwulira Eddoboozi lya Katonda nga lyogera okuyita mu malayika we ow’amaanyi ow’omusanvu n’Atubuulira ebigenda okuddako okubikkulwa.

Ndi musanyufu nnyo okulangirira nti kati tugenda kutandika okuyiga okukulu okwa Sabbiiti Ensanvu Eza Danyeri. Nabbi yagamba nti kujja kusibira munda Obubaka obusigadde nga tetunnagenda mu Bubonero Omusanvu; Amakondeere musanvu; Obubi Obusatu; omukazi mu njuba; okugobera ebweru sitaani omumyufu; emitwalo ekkumi n’ena mu enkumi nnya egyateekebwako akabonero; byonna bibaawo wakati mu kiseera kino.

Ekitabo kya Danyeri ye kalenda yennyini ey’omulembe n’ekiseera kye tulimu, era ne bwe kinaalabika ng’ekizibu kitya, Katonda ajja kukitumenyeramenyera Akitufuulire  ekyangu.

Era Katonda akimanyi nti ekyo kye nnoonya kati, nsobole okubudaabuda abantu be era mbabuulire ebiri okumpi okubaawo, ebibinja byombiriri abali wano enkya ya leero, n’abali ebweru okuyita mu nsi ez’enjawulo eyo entamb zino gye zijja okugenda, mu nsi yonna, nti tuli mu kiseera eky’enkomerero.

Yeffe bantu ba Katonda abalonde abeegomba era abasaba ku lw’olunaku olwo n’essaawa eyo. Era amaaso gaffe gatunudde mu Ggulu, era nga tutunuula nga tulindirira Okujja kwe.

Ffenna ka tubeere nga Danyeri twolekeze amaaso gaffe mu Ggulu, mu kusaba n’okwegayirira, nga bwe tumanyi okuyita mu kusoma Ekigambo n’okuwulira Eddoboozi lye, nti okujja kwa Mukama kusembera mangu; tuli ku nkomerero.

Tuyambe Kitaffe twambulenga buli ekizitowa, buli kibi, buli butakkiriza obutono obwegatta naffe. Kati ka tuluubirire okutuuka awawakanirwa awali empeera ey’okuyita okwa waggulu, nga tumanyi nti ebiseera byaffe bitono.

Obubaka bugenze wonna. Buli kimu kiwedde kati; tulindirira era tuwummudde. Ekkanisa esibiddwako envumbo. Ababi beeyongera okukola ebibi. Amakanisa geeyongera okubeera ag’ekkanisa, naye abatukuvu bo beeyongera okusembera okumpi naaWe.

Tulina Eddoboozi ly’oyo ayogerera waggulu mu ddungu, nga liyita abantu okudda ku Bubaka nnakabala; okudda ku bintu bya Katonda. Tutegeera olw’Okubikkulirwa nti ebintu bino bigenda mu maaso.

Jjangu otwegatteko Ssande eno ku saawa 6:00 (mukaaga) ez’omuttuntu, mu budde bw’ e Jeffersonville (z’essaawa bbiri ez’ekiro e Uganda), nga Katonda Atubikkulira Ekigambo kye, nga tutandika okuyiga kwaffe okukulu okw’Ekitabo kya Danyeri.

Owol. Joseph Branham

61-0730M – Ebiragiro Bya Gabulyeri Eri Danyeri

25-0126 Okubikkulirwa, Essuula ey’okutaano Ekitundu 2

Obubaka: 61-0618-Okubikkulirwa, Essuula ey’okutaano Ekitundu 2

BranhamTabernacle.org

Abawummudde Abaagalwa,

Mazima ddala zino z’entuuko z’obutiti ezisinze obulungi mu bulamu bwaffe. Okujja kwa Mukama kunaatera okutuuka. Tussibbwako akabonero Omwoyo Omutukuvu; Envumbo ya Katonda ey’okusiima nti buli kintu Kristo kye Yafiirira kyaffe.

Kaakano tulina omusingo ogw’obusika bwaffe, Omwoyo Omutukuvu. Bwe bukakafu, ekitundu ku muwendo gw’eky’amaguzi ekikuweebwa mbagirawo, okutukakasa nti tusembezeddwa mu Kristo. Tuwummulidde mu bisuubizo bya Katonda, nga tugalamidde mu bbugumu ly’Omusana gwE; Ekigambo kye ekyakakasibwa obutalekaawo kabuuza, nga tuwuliriza Eddoboozi lyE.

Gwe musingo ogw’obulokozi bwaffe. Tetuli beeraliikirivu oba tugenda kusomoka tutuuke Eyo oba nedda, TUGENDA! Ekyo tukimanya tutya? Katonda bwe yagamba! Katonda yakisuubiza era tufunye omusingo. Tumaze okuGufuna era Kristo atusembezza.

Tewali ngeri yonna gye tuyinza kuKivaako…n’okuba, tutuuse! Kye tulina okukola kwe kulindirira; Asse wansi era ali mu kukola mulimu gw’Omununuzi Ow’omu lulyo kaakano mu kaseera kano. Tulina omusingo gwakyo mu kiseera kino. Tulindiridde bulindirizi kaseera mw’akomerawo okutunona. Olwo, mangu ago, nga kutemya kikowe ffenna tujja kuba tugenze ku Kyeggulo Eky’Embaga Ey’Obugole.

Okulowooza obulowooza ku byonna ebitulindiridde mu maaso. Obwongo bwaffe tebusobola kubinnyonnyoka byonna. Lunaku ku lunaku Ayongera okubikkula ebisingawo ku Kigambo kyE, ng’Akakasa nti ebisuubizo bino ebikulu byaffe.

Ensi esasika; omuliro wano na wali, musisi wano na wali, n’akavuyo buli wamu, naye bakkiriza nti balina omulokozi omupya agenda okutaasa ensi, n’okuleeta omulembe gwabwe ogwa zaabu. Ffe twafuna dda Omulokozi waffe era tubadde tubeera mu Mulembe gwaffe ogwa Zaabu.

Kaakano Atuteekateeka okufuna nate era okubikkulirwa okusingawo nga bwe tuyingira mu ssuula ey’okutaano ey’Okubikkulirwa. Ateekateeka wano embera y’ekifo awagenda okubembulwa Envumbo Omusanvu. Ddala nga bwe Yakola mu ssuula 1 ey’Okubikkulirwa, nga Ayerula ekkubo omugenda okuyita Emirembe gy’Ekkanisa Omusanvu.

Akabanga akakyasigaddeyo mu Ntuuko z’obutiti zino kagenda kubeera katya eri Omugole? Ka tulengereyo kko katono tulabe:

Kati, sirina budde. Nakiwandiise, omulamwa ogumu ku kyo wano, wabula mu lukuŋŋaana lwaffe oluddako nga tetunnayingira mu kino…Oboolyawo bwe nva mu luwummula lwange oba ekiseera ekirala, njagala okufuna sabbiiti zino ensanvu eza Danyeri nzisibire bulungi mu kino wano, era nzirage wezikituusiza ku Jjubileewo ya Pentekooti, era nkikomyewo bulungi ddala n’ebibo.. omusanvu ebyo, envumbo omusanvu ezo okubembulwa wano nga tetunnagenda, n’okulaga nti kibeerawo ku nkomerero, zino…

Nga kiseera kya kitalo nnyo Mukama ky’Ategekedde Omugole wE. Okwebikkula mu Kigambo kyE gye tuli nga bwe kitabangawo. Okutuzzaamu amaanyi nti tuli balonde be b’Ali mu kujja okunona. Okutugamba nti tuli mu kwagala kwE okutuukiridde nga tusigala n’Eddoboozi lyE, n’Ekigambo kyE.

Tuli mu kukola ki? Mpaawo na kimu, mpozzi Okuwummula obuwummuzi! Okulindirira! Tewakyali kukakaalukana, tewakyali kubungeetera mu kubuzaabuzibwa, TUWUMMULIDDE KU KYO!

Jjangu owummulemu-kko wamu naffe Ssande eno ku saawa 6:00 (mukaaga) ez’omuttuntu, mu budde bw’ e Jeffersonville (z’essaawa bbiri ez’ekiro e Uganda), nga bwe tuwulira Eddoboozi lya Katonda ERYAKAKASIBWA OBUTALEKAAWO KABUUZA nga lituleetera Obubaka:

61-0618 – “Okubikkulirwa, Essuula ey’okutaano Ekitundu II”.

Owol. Joseph Branham

25-0112 Okubikkulirwa, Essuula ey’okuna Ekitunda III

Obubaka: 61-0108 Okubikkulirwa, Essuula ey’okuna Ekitunda III

BranhamTabernacle.org

Abataggwaawo Abaagalwa,

Kye kiseera tuggyeko eky’okumutwe kyaffe eky’omu lutalo tusseeko endowooza yo ey’omwoyo, ‘kubanga Katonda Yeetegekera okuwa Omugole wE Okubikkulirwa kw’Ekigambo kye okusingawo.

Ajja kuba atubikkulira ebyama byonna eby’edda. Ajja kutubuulira ebigenda okubaawo mu biseera eby’omu maaso. Abalala bonna mu Baibuli bye baalaba obulabi oba bye baawulira obuwulizi, Ajja kubikkula buli katunnumba akatano mu Kigambo kyE era n’amakulu gaaKyo gyetuli.

Tugenda kuwulira era tutegeere amakulu g’obubonero bwa Baibuli: Ebiramu, Ennyanja y’Endabirwamu, Empologoma, Ennyana, Omusajja, Empungu, Entebe y’Ekisa, Abakuumi, Abakadde, Amaloboozi, Seliyoni, Zuunu.

Tujja kuwulira era tutegeere byonna ebikwata ku bakuumi b’endagaano enkadde. Yuda: Omukuumi w’Ebuvanjuba; Efulayimu: omukuumi w’ebugwanjuba;Lawubeeni: Omukuumi w’Ebukiikaddyo; ne Daani: Omukuumi w’Obukiikakkono.

Tewali kintu kyonna kiyinza kusembera wantu wonna okumpi n’entebe eyo ey’okusaasira nga tekisomose bika ebyo. Empologoma, amagezi g’omuntu; Ente: embalaasi enkozi y’emirimu; Empungu: Obwangu bwe.

Nga Eggulu, ensi, wakati, n’okwetooloola wonna, baali bakuumi. Era nga waggulu waabo bwe waaliwo Empagi ey’Omuliro. Tewali kyakwatanga ku ntebe eyo ey’okusaasira nga tekisoose kusomoka bika ebyo.

Kati waliwo abakuumi b’Endagaano Empya: Matayo, Makko, Lukka ne Yokaana, nga bagenda butereevu mu maaso. Omulyango ogw’ebuvanjuba gukuumibwa empologoma, omulyango ogw’ebukiikakkono gukuumibwa empungu ebuuka, Yokaana, omubuulizi w’enjiri. Awo omusawo ku ludda luno, Lukka, omuntu.

Enjiri ennya zikuuma Omukisa gwa Pentekooti na buli Byawandiikibwa okuwanirira ddala bye baayogera. Era kati Ebikolwa by’abatume bikakasa leero n’Enjiri ennya nti Yesu Kristo jjo, leero, n’emirembe gyonna aba bumu.

Omufukeko amafuta wa Katonda owa nnamaddala bw’ayogera, Libeera Eddoboozi lya Katonda! Tuba twagala kuleekaana buleekaanyi nti, “Mutukuvu, mutukuvu, mutukuvu, eri Mukama!”

Tewali ngeri yonna gy’oyinza kugivaako. Mu butuufu, tetusobola kukivaako, kubanga Tekijja kutuvaako. Tuteekeddwako akabonero okutuusa ku lunaku lw’okununulibwa kwaffe. Tewali kintu kya mu maaso, tewali kintu kyonna kiriwo, kabi, enjala, ennyonta, okufa, oba EKINTU KYONNA, tekiyinza kutwawula ku kwagala kwa Katonda okuli mu Kristo Yesu.

Nga ensi tennatondebwa amannya gaffe gaateekebwa ku kitabo ky’Omwana gw’endiga eky’Obulamu okulaba Ekitangaala KINO, okufuna Eddoboozi Lino, okukkiriza Obubaka Buno, okufuna Omwoyo Omutukuvu olw’olunaku lwaffe n’okuMutambuliramu. Omwana gw’endiga bwe yattibwa, AMANNYA GAFFE ne gawandiikibwa ku Kitabo mu kiseera kye kimu Erinnya ly’Omwana gw’Endiga we lyawandiikibwayo. EKITIIBWA!!

Bwe kityo, tewali kiyinza kutwawula ku Bubaka buno. Tewali kiyinza kutwawula ku Ddobozi eryo. Tewali kiyinza kutuggyako Okubikkulirwa kw’Ekigambo Kino. Kye kyaffe. Katonda Yatuyita n’Atulonda era n’Atutegekerawo. Buli kimu kyaffe, kyaffe.

Waliwo engeri emu yokka ey’okufunamu bino byonna. Oteekwa okunaazibwa n’amazzi g’Ekigambo. Olina okuwulira Ekigambo nga tonnayingira munda Eyo. Era waliwo engeri emu yokka gy’oyinza okutuukiriramu Katonda, eyo kwe kuyita mu kukkiriza. Era Okukkiriza kujja nga tuwulira, okuwulira Ekigambo kya Katonda, ekyo ekimulisibwa nga kiva Awatukuvu w’awatukuvu buteerevu okuyingira mu mubaka w’omulembe.

Kale, wano, malayika w’omulembe gw’ekkanisa ayakirwako ekitangaala ne kirabirwa mu mazzi ago Omusajja ono ky’Ali munda muno, ng’Ayakirwako okusaasira kwe, Ebigambo bye, okusalawo kwe, Erinnya lye. Byonna nga birabirwa mu gano wano w’oyawukanyizibwa nga okikkiriza. Okifuna?

Tolekerawo awo kuwuliriza ntambi, just stay with It. Sigala busigazi naKyo. Kyekebejje nga okozesa Ekigambo olabe oba Kituufu. Lye Kkubo lya Katonda ly’Ataddewo kulw’olwaleero.

Jjangu otwegatteko mu ntuuko z’obutiti zino nga twegatta wamu okuva mu nsi yonna tuwulire Eddoboozi lya Katonda nga libikkulira Omugole wE Ekigambo kyE nga bwe kitabangawo. Tewali kufukibwako mafuta okusinga okunyiga zannya n’okuwuliriza Eddoboozi lyE.

Okuva mu buziba bw’omutima gwange, nsobola okugamba nti: Ndi musanyufu nnyo nti nsobola okugamba nti ndi Omu Ku Bo na buli omu ku mmwe.

Owol. Joseph Branham

Obubaka: 61-0108 – “Okubikkulirwa, Essuula ey’okuna Ekitundu III”.

Obudde: Ssaawa 6:00 (mukaaga) ez’omuttuntu, mu budde bw’ e Jeffersonville (z’essaawa bbiri ez’ekiro e Uganda)

25-0105 Okubikkulirwa, Essuula ey’okuna Ekitundu 11

Obubaka: 61-0101 Okubikkulirwa, Essuula ey’okuna Ekitundu 11

BranhamTabernacle.org

Omugole W’Ekkanisa Y’Awaka Omwagalwa,

Leka ffenna tukuŋŋaane wamu tuwulire Obubaka, 61-0101 Okubikkulirwa, Essuula ey’okuna Ekitundu II Ssande eno Ssande eno ku ssaawa 6:00 (mukaaga) ez’omuttuntu, mu budde bw’ e Jeffersonville (z’essaawa bbiri ez’ekiro e Uganda).

Ow’oluganda Joseph Branham

24-1231 Okumeggana

Obubaka: 62-1231 Okumeggana

BranhamTabernacle.org

Omugole Omwagalwa,

Nneesiga nti buli omu ku mmwe yabadde ne Ssekukkulu ennungi wamu ne mikwano gyo n’ab’omu maka go. Nga nneeyanzeege nnyo leero okumanya nti Mukama waffe Yesu talemedde mu kisibo ng’ensi bw’eMulaba leero, wabula Mulamu era Ali mu masekkati g’Omugole wE, nga Yeebikkula okuyita mu ddoboozi lyE nga bwe kitabangawo, MUKAMA ATENDEREZEBWE.

Nga bwennamaze edda okulangirira, nandyagadde okuddamu okuba n’Okussa Ekimu mu maka gaffe oba mu makanisa gaffe ku lunaku lw’Olusooka Omwaka, Desemba nga 31. Kulw’abo abaagala okulwetabamu, tujja kuwuliriza Obubaka, 62-1231 Okumeggana, n’oluvannyuma tugendere ddala mu lukuŋŋaana olw’Okussa Ekimu, Ow’oluganda Branham lw’ayanjula ng’akomeka Obubaka.

Kulw’abakkiriza ab’omu kitundu kino, tujja kutandika olutambi ku ssaawa 1:00 (emu) ey’omu kawungeezi. Wabula, eri abo abali mu bitundu ebyawukanamu mu ssaawa, nsaba mutandike Obubaka mu ssaawa ezibasaanira. Oluvannyuma lw’Ow’oluganda Branham okuleeta Obubaka bwe obw’Omwaka Omuggya, tujja kuyimiriza olutambi ku nkomerero y’akatundu namba 59, era tubeere n’eddakiika nga 10 ez’ennyimba ezizannyibwa ku nnanga nga bwe tulya Ekyeggulo kya Mukama waffe. Olwo tujja kuddamu tutandikire wetwakomye ku lutambi ng’Ow’oluganda Branham aggalawo okusaba. Ku lutambi luno, alekayo ekitundu ky’olukuŋŋaana eky’okunaaza ebigere, kye tujja okulekayo naffe.

Endagiriro ku ngeri ey’okufunamu wayini, n’engeri y’okufumbamu omugaati ogw’Okussa Ekimu osobola okubisanga ku mikutu gino wammanga. Osobola okuluzannyira ku mutimbagano oba okuluwanulayo olutambi lw’eddoboozi okuva ku mukutu, oba osobola okumala gazannya lutambi oluli ku Voyisi Leediyo ku apu ya Layifulayini (olugenda okuzannyibwa mu Lungereza ku ssaawa 1:00 (emu ey’omu kawungeezi) mu budde bw’e Jeffersonville.)

Nga tusemberera omwaka omulala ogw’okuweereza Mukama waffe, leka tumulage okwagala kwaffe nga tusooka kuwulira Eddoboozi lyE, n’oluvannyuma tulye ekyeggulo kyE. Nga kino kinaaba kiseera kya kitiibwa era kitukuvu nga bwe tuddamu okuwaayo obulamu bwaffe eri Obuweereza bwE.

Katonda abawe omukisa,

Ow’oluganda Yusufu

24-1229 Okubikkulirwa, Essuula ey’okuna Ekiunda 1

Obubaka: 60-1231-Okubikkulirwa, Essuula ey’okuna Ekiunda 1

BranhamTabernacle.org

Abatukuvu Abambaziddwa Ebyambalo Ebyeru Abaagalwa,

Bwe tuwulira Eddoboozi lya Katonda nga lyogera naffe, waliwo ekibaawo munda mu mmeeme yaffe. Obutonde bwaffe bwonna bukyusibwa n’ensi etwetoolodde erabika ng’egenda esangukawo.

Omuntu ayinza atya okulaga ebigenda mu maaso mu mitima gyaffe, mu birowoozo byaffe, ne mu mmeeme zaffe, ng’Eddoboozi lya Katonda bwe libikkula Ekigambo kyE na buli Bubaka bwe tuwulira?

Okufaananako ne nnabbi waffe, tuwulira nga tukwatiddwa waggulu mu ggulu ery’okusatu (heavens) era omwoyo gwaffe gulabika nga guva mu mubiri guno ogufa. Tewali bigambo bisobola kulaga kye tuwulira nga Katonda Atubikkulira ekigambo kyE nga bwe kitabangawo.

Yokaana yateekebwa ku kizinga Patumo era n’asabibwa okuwandiika bye yalaba era abiteeke mu kitabo ekiyitibwa Okubikkulirwa, bwe bityo bibe nga bijja kugendera ddala okuyita mu mirembe. Ebyama ebyo bibadde bikwekeddwa okutuusa lwe byatubikkulirwa okuyita mu mubaka we malayika ow’omusanvu gweYalonda.

Awo Yokaana n’awulira Eddoboozi eryo lye limu waggulu we era n’asitulibwa mu ggulu ery’okusatu (heavens). Eddoboozi eryo lyamulaga emirembe gy’ekkanisa, okujja kw’Abayudaaya, okuyiwa ebibonyoobonyo, Okukwakkulibwa, Okudda nate, Emyaka Olukumi, n’Amaka Agataliggwawo ag’Abalokoleddwa bE. Yamutwala waggulu ekintu kyonna ng’omuzannyo bweguliba nga bwe Yagamba nti Ajja kukola n’Akyegezaamu nga Yokaana alaba.

Naye Yokaana yalaba ani bwe yalaba okwegezaamu okwo? Tewali yali amanyi ddala okutuusa leero.

Ekintu kye yasooka okulaba mu kujja okwo yali Musa. Yakiikirira abatukuvu abaafa abaali bagenda okuzuukizibwa; emirembe gyonna omukaaga egyebaka.

Naye Musa teyali yekka nga ayimiridde awo, wabula n’Eriya naye yali awo.

Ani yali Eriya oyo eyali ayimiridde?

Naye Eriya yali awo; omubaka w’olunaku olw’oluvannyuma, n’ekibinja kye, eky’abo abakyusiddwa emibiri gyabwe, Abakwakkuddwa.

EKITIIBWA…ALERUUYA…ani Yokaana gwe yalaba ng’ayimiridde awo?

Tewali mulala okuggyako omubaka malayika wa Katonda ow’omusanvu, William Marrion Branham, wamu n’EKIBIINA KYE EKY’ABAKYUSIDDWA EMIBIRI GYABWE, EKIKWAKKUDDWA…BULI OMU KU FFE!!

Eriya yakiikirira ekibinja ekiriwanyisibwa mu ndabika. Jjukira nti Musa ye yasooka, n’oluvannyuma Eriya. Eriya yali wa kubeera omubaka w’olunaku olw’oluvannyuma, nti ye n’ekibinja kye okuzuukira kulibaleeta…kulibaleeta oku…kale, kulibaleeta okukwakkulibwa, kye ntegeeza. Musa yayingizaawo abalijjira mu kuzuukira ate Eriya n’ayingizaawo ekibinja eky’Abalijjira mu kukwakkulibwa . Era, awo, bombi abo baali bakiikiriddwa awo wennyini .

Yogera ku kumaamula ekibikkako ku kintu ekibadde ekibikkeko, okubikkula, n’Okubikkulirwa.

Kiikino wano! TuKirina bulungi kiri naffe kati, Omwoyo Omutukuvu, Yesu Kristo, aba obumu jjo, leero, n’emirembe gyonna. Oli mu ku…Kiri mu kukubuulira enjiri, Kiri mu kukuyigiriza, Kiri mu kugezaako okukuleetera okulaba ekituufu n’ekikyamu. Ye Mwoyo Omutukuvu yennyini nga Ayogera ng’Ayita mu mimwa gy’omuntu ow’oku nsi, ng’Akolera emirimu gye wakati mu bantu ab’oku nsi, ng’Agezaako okulaga okusaasira n’ekisa .

Yeffe Abatukuvu abambaziddwa Ebyambalo Ebyeru malayika wE be yalaba nga bava mu nsi yonna okulya Omugaati ogw’Obulamu. Yatusaba obufumbo ne tuMukkiriza era tuli mu bufumbo naye era tuwulidde okunywegera kwe okw’omusajja gw’okkirizza okuwa obufumbo mu mutima gwaffe. Tweyamayo ffe gy’ali, era eri Eddoboozi lye lyokka. Tetukikozeeko emabega, era tetujja kukila eky’okweyonoona n’eddoboozi eddala lyonna.

Omugole yeetegekera okugenda waggulu nga Yokaana bwe yakola; okugenda mu Maaso ga Katonda. Tujja kusitulibwa mu kaseera ako nga Ekkanisa Ekwakkulibwa. Ekyo nga kuwuzuumya buwuuzumya emmeeme yaffe!

Kiki ky’agenda okuddako okutubikkulira?

Okusala kw’emisango; ejjinja erya sadio, na ki kye likiikirira; kitundu ki kye lyazannya. Yasepi, n’amayinja gonna ag’enjawulo. Bino byonna agenda kubikulukusa abiyise mu Ezeekyeri, abikomyewo mu Olubereberye, abizzeeyo ebussuka mu  Okubikkulirwa, kkirira wansi mu masekkati ga Baibuli, bisibire wamu kaganda; amayinja gano gonna ne zi lanji ezo ez’enjawulo.

Ye Mwoyo Omutukuvu y’omu, Katonda y’omu, nga Alaga obubonero bwe bumu, ebyewuunyo bye bimu, ng’Akola ekintu kye kimu ddala nga bwe Yasuubiza. Ye Mugole wa Yesu Kristo nga Yeetegeka ng’awulira Eddoboozi lyE.

Tukwaniriza okutwegattako nga tuyingira mu bifo eby’omu ggulu ku ssaawa 6:00 (mukaaga) ez’omuttuntu, mu budde bw’ e Jeffersonville (z’essaawa bbiri ez’ekiro e Uganda), okuwulira Eriya, omubaka wa Katonda eri omulembe guno ogw’oluvannyuma, ng’abikkula ebyama ebibadde bikwekeddwa mu mirembe gyonna.

Owol. Joseph Branham

Obubaka: 60-1231 Okubikkulirwa, Essuula ey’okuna Ekitundu I

  • Bambi mujjukire Obubaka bwaffe obw’omwaka omuggya, ku Lw’okubiri ekiro: Okumeggana 62 -1231. Tewali ngeri ndala esinga eno ey’okutandika omwaka omuggya.

24-1222 Kirabo kya Katonda Ekisabike

Obubaka: 60-1225 Kirabo kya Katonda Ekisabike

BranhamTabernacle.org

Mukyala JÉSUS omwagalwa,

Oh Omwana gw’endiga gwa Katonda, Ggwe Ekirabo kya Katonda ekikulu ekisabike eri ensi. Otuwadde Ekirabo ekisinga obukulu ekyali kitoneddwa, Ggwe Mwene. Nga Tonnatonda mmunyeenye eyasookawo, nga Tonnatonda nsi, omwezi, ensengekera y’enjuba, Watumanya era n’Otulonda tubeere Omugole wO.

Bwe Watulaba mu kaseera ako, Watwagala. Twali nnyama ya mubiri Gwo, eggumba ly’eggumba lyo; twali kitundu ku Ggwe. Engeri gye Watwagala era nga Oyagala okussa nga ekimu naffe. Wayagala ogabane naffe Obulamu Bwo Obutaggwaawo. Twamanya olwo, twali ba kubeera Mukyala Wo JÉSUS.

Wakiraba nti tujja kulemererwa, bwekityo ne kikwetaagisa okuteekawo engeri ey’okutuzzaayo mu mbeera yaffe embereberye. Twali twabula era nga tetulina ssuubi. Waaliwo engeri emu yokka, Walina okufuuka “Ekitondeddwawo Ekiggya”. Katonda n’omuntu baalina okufuuka Omu. Walina okufuuka ffe, tusobole okufuuka Ggwe. Bw’Otyo, Wateeka enteekateeka yo enkulu mu nkola emyaka enkumi n’enkumi emabega mu lusuku Adeni.

Obadde weegomba nnyo okubeera naffe, Omugole-Ekigambo Wo atuukiridde, naye Wasooka kumanya nti olina okutuzzaayo  mu mbeera yaffe embereberye eri byonna ebyali bibuze mu lubereberye. Walindirira n’olindirira n’olindirira okutuusa leero okumaliriza enteekateeka Yo.

Olunaku lutuuse. Akabinja ako akatono keWalaba mu lubereberye kali wano. Omwagalwa wO akwagala Ggwe n’Ekigambo Kyo okukira ekintu kyonna.

Kyali kiseera Ggwe okujja okwebikkulira mu mubiri gw’omuntu ow’oku nsi nga bwe Wakola ne Ibulayimu, era nga bwe Wakola ng’Ofuuse Ekitondeddwa ekiggya. Engeri gye weegomba olunaku luno osobole okutubikkulira ebyama byo byonna ebikulu ebibadde bikwekeddwa okuva ku kutondebwawo kw’ensi.

Wenyumiriza nnyo mu Mugole Wo. Engeri gy’Onyumirwa ennyo okumussaawo n’ogamba Sitaani nti, “Ne bw’ogezaako okubakola ki, tebajja kuseguka; tebajja kwekkiriranya ku Kigambo kyaNge, Eddoboozi lyaNge. Bano ye MUGOLE-EKIGAMBO ATUUKIRIDDE wange.” Bandabikira bulungi nnyo. Batunuulire butunuulizi! Okuyita mu bigezo byabwe byonna n’okugezesebwa, basigala nga beesigwa eri Ekigambo kyange. Ndibawa ekirabo ekibeerera emirembe gyonna. Byonna bye ndi, mbibawa. TUJJA KUBA OMU.

Kye tuyinza okwogera kyokka kiri nti: “JÉSUS, TWAGALA. Ka tukwanirize mu maka gaffe. Tukufukeko amafuta era tukunaaze ebigere n’amaziga gaffe era tubinywegere. TuKubuulire nga bwe tuKwagala.”

Byonna bye tuli, tubikuwa Ggwe JÉSUS. Ekyo kye kirabo kyaffe gy’oli JÉSUS. Tukwagala nnyo. Tukusuuta. Tukusinza.

Mpita buli omu ku mmwe okutwegattako Ssande eno ku ssaawa 6:00 (mukaaga) ez’omuttuntu, mu budde bw’ e Jeffersonville (z’essaawa bbiri ez’ekiro e Uganda), era oyanirize JÉSUS mu maka go, mu kkanisa yo, mu mmotoka yo, wonna w’oyinza okuba, era ofune Ekirabo ekisinga obukulu ekyali kitoneddwa omuntu; Katonda Mwene ng’Ayogera era nga Assa Ekimu naawe.

Owol. Joseph Branham

60-1225 Ekirabo kya Katonda Ekisabike

EKIRANGO KY’ENJAWULO

Omugole omwagalwa,

Mukama akitadde ku mutima gwange okuddamu okuba n’Obubaka obw’enjawulo n’olukuŋŋaana olw’Okussa Ekimu mu kiro ekisembayo ng’Omwaka omuggya tegunnatandika omwaka guno nate. Kisingawo bukulu ki kye tuyinza okukola, mikwano, okusinga okuwulira Eddoboozi lya Katonda nga Lyogera gyetuli, nga tulya ku kijjulo kya Mukama waffe, n’okuddamu okuwaayo obulamu bwaffe eri obuweereza bwe nga bwe tuyingizaawo omwaka omuggya. Nga kinaaba kiseera kitukuvu okuggalira ensi ebweru, n’okwegatta n’Omugole olw’olukuŋŋaana luno olw’enjawulo mu Kigambo, nga bwe tugamba okuva mu mitima gyaffe, “Mukama, tusonyiwe ensobi zonna ze tukoze okuyita mu mwaka gwonna; kaakano  tusembera gy’Oli, nga tusaba oba onootukwata ku mukono n’otuluŋŋamya omwaka guno ogujja. Leka tukuweereze okusinga bwe twali tukikoze, era bwe kuba nga kwe kwagala Kwo okw’Obwakatonda, ka gubeere omwaka gw’Okukw     akkulibwa okukulu okugenda okw’okubaawo. Mukama, twagala bwagazi kudda waka tubeere naawe okuyita mu Butaggwawo.” Siyinza kulinda kukuŋŋaana okwetoloola Nnamulondo Ye olw’olukuŋŋaana luno olw’enjawulo olw’okwewongawo obuggya, Mukama atenderezebwe.

Kulw’abakkiriza mu kitundu kya Jeffersonville, njagala olutambi lutandikibwe ku ssaawa 1:00 (emu) ey’omu kawungeezi mu budde obw’omu kitundu kyaffe. Obubaka n’olukuŋŋaana olw’Okussa Ekimu mu bulamba bwalwo lujja kuba ku Voyisi Leediyo mu kiseera ekyo, nga bwe tukozenga emabega. Tujja kubaawo n’obuta bw’envinyo ku Lwokusatu Omwezi Ogw’Ekkumi N’ebiri Ennaku Z’Omwezi 18, okuva ku ssaawa 7:00 (musanvu) ez’omu ttuntu – 11:00 (ez’omu kawungeezi), osobole okubucima ku kizimbe kya YFYC.

Kulwa mmwe abeera ebweru w’ekitundu kya Jeffersonville, nsaba mubeere n’olukuŋŋaana olwo olw’enjawulo mu kiseera ekibasaanira. Tujja kuba n’akayungiro akayinza okuwanulibwayo nga kaliko Obubaka n’olukuŋŋaana olw’Okussa Ekimu mangu ddala.

Nga bwe tusemberera Oluwummula lwa Ssekukkulu, njagala okukwagaliza ggwe n’ab’omu maka go Entuuko z’Oluwummula ENNYUVU era ENTEBENKEVU, era MMERI KRISTOmaasi, ejjudde essanyu lya Mukama waffe Yesu eyazuukira…EKIGAMBO.

Katonda abawe omukisa,

Ow’oluganda Yusufu

Ensibuko : https://branhamtabernacle.org/en/bt/F6/110067