Category Archives: Uncategorized

24-1020 Efeso Hamea Ƒe Agbenɔɣi

Gbedasi: 60-1205 Efeso Hamea Ƒe Agbenɔɣi

Xɔe ɖe mɔ̃ dzi – mp3
Xɔe ɖe mɔ̃ dzi – amr

BranhamTabernacle.org

Ŋugbetɔ Vavãtɔ Lɔlɔ̃tɔ,

Ɣeyiɣi wɔnuku kae nye si me míele esi Eƒe Agbe le sisim hele ʋuʋum le mía me kple to mía me, hele agbe nam mí. Eya Manɔmee la, agbe aɖeke manɔ anyi o. Eƒe Nya lae nye míaƒe gbɔgbɔ ŋutɔ.

Le viviti tiɖitiɖi ƒe ŋkeke vɔ̃ɖi sia me la, míenye Eƒe agbenɔɣi ƒe hatsotso mamlɛtɔ si fɔ ɖe tsitre; Eƒe Ŋugbetɔ vavã si le ŋkeke mamlɛa me si aɖo to Gbɔgbɔ la ko, Mawu ƒe Gbe na míaƒe ŋkekea.

Alesi míelɔ̃a be míase Wòagblɔ na mí be, “Na Nyea la, wotsɔ mi sɔ kple sika dzadzɛ si woƒo. Miaƒe dzɔdzɔenyenyee nye Nye dzɔdzɔenyenye. Miaƒe nyenyewo nye Nye ŋutikɔkɔe nyenyewo. Miawoe nye Nye Ŋugbetɔ Vavãtɔ lɔlɔ̃tɔ.”

Esi wòdze abe míaƒe aʋawɔwɔwo le sesẽm ɖe edzi kwasiɖa sia kwasiɖa ene la, ɖeko míezia Play dzi be míase Wòaƒo nu na mí vividoɖeameŋutɔe alea eye wòagblɔ na mí be, “Migatsi dzi o, miedze na Nye nyanyui la. Mienye atsyɔ kple dzidzɔ nu. Melɔ̃a ŋkuléle ɖe miaŋu esime miele futɔ dzi ɖum to miaƒe dodokpɔwo kple agbe sia me tetekpɔwo me.”

Mekpɔ wò lɔlɔ̃ ƒe dɔ; wò agbe ƒe yɔyɔ kɔkɔ wònye be Nàsubɔm. Menya do ŋgɔ na xexeame ƒe gɔmeɖoanyi be àde dzesi Nye dɔla sesẽ si Madɔ be wòanye Nye Gbe na wò; alesi womaflu wò ne amegãxi nyanyrawo va ƒo xlã wò hele agbagba dzem be yewoagblɔ be ɖeɖefia sɔsɔe le yewo si o. Màtra ɖa tso Nye Nya la gbɔ o, le ɣeyiɣi aɖeke me o, MENYE KPLE IOTA ÐEKA O. Ànɔ Nye Nya, Nye Gbe gbɔ.

Àkpɔ alesi Weinti Vavã la kple alakpa weinti siwo dze egɔme le Eden-bɔa me woatsi ɖe du le agbenɔɣiawo katã me la adze sii esi mele Nye Nya la ɖem fia wò.

Nusi dze egɔme le gɔmedzehamea me ayi edzi le agbenɔɣi ɖesiaɖe me. Alesi le hame ƒe agbenɔɣi gbãtɔ me la, Satana ƒe alakpa weinti la adze gege ɖe eme gɔme, eye wòaɖu hameviwo dzi to eƒe nicolaitane gbɔgbɔ me. Gake aleke gbegbe melɔ̃e be wò, Nye Ŋugbetɔ tiatia la, koe womaflu o.

Kwasiɖa sia me la, Mana Nye Nya la me akɔ ƒã le mewò to da la ƒe nuku ƒe nyaɣaɣla gã la ɖeɖefia me. Maɖe nu siwo dzɔ le Eden-bɔa me la afia mi tsitotsito; ale si Satana ƒo eɖokui ɖe ameƒomea me.

Anye dzidzɔdodo susu ale gbegbe ne ède dzesii be wotsɔ Nye, Agbeti si le Eden-bɔa me, si ŋu womate ŋu ate ɖo vaseɖe fifia o le Adam ƒe gegea ta la, na mi azɔ, Nye dziɖulawo.

Esia anye wò fetu. Mana Mawu ƒe paradiso ƒe mɔnukpɔkpɔ wò; hadede Kplim ɣesiaɣi. Woma ma wò ɖa tso Gbɔnye gbeɖe o. Afi si mayi la, wò, Nye Ŋugbetɔ la ayi. Nusi nye Tɔnye la, mamã kpli wò, Nye lɔlɔ̃tɔ.

Alesi míaƒe dziwo le du dzi le mía me esime míele nya siawo xlẽm. Míenya be Eƒe ŋugbedodowo me vava le aƒe tum kabakaba, eye bebli hafi míate ŋu alala. Neva eme be míaɖabla awɔ ɖe Eƒe Nya dzi eye míato esia me aɖo kpe míaƒe dzedze be míakpɔ gome le Eƒe ŋutikɔkɔe me dzi.

Medi be makpe mi be miava wɔ ɖeka kpli mí esime míele míaƒe Hame ƒe Agbenɔɣi Adreawo nusɔsrɔ̃ gã la dzi, afisi Mawu le Eƒe Nya la ɖem fia mí to Eƒe mɔ si wona mí, Eƒe dɔla gbedeasitsɔla adrelia dzi.

Nɔvi. Joseph Branham

Kwasiɖagbe ƔETRƆ ga 12 me, le Jeffersonville ƒe game dzi.
60-1205 Efeso Hame Ƒe Agbenɔɣi La

24-1013 Patmo Ŋutega La

Gbedasi: 60-1204E Patmo Ŋutega La

Xɔe ɖe mɔ̃ dzi – mp3
Xɔe ɖe mɔ̃ dzi – amr

BranhamTabernacle.org

Nya Deblibo Ŋugbetɔ Lɔlɔ̃tɔ,

Nukae le edzi yim le Ŋugbetɔa me le xexeame godoo? Míele gegem ɖe Gbɔgbɔ la me, míele tsotsom hele ɣli dom be, “Ŋutikɔkɔe! Aleluya! Mikafu Yehowa!” Mawu le míakɔm hele Eƒe Nya la ɖem fia Eƒe Ŋugbetɔ la.

Nusiwo míexlẽ hese le míaƒe agbemeŋkekewo katã me la le dzedzem azɔ. Agbegbɔgbɔ gã aɖe le edzi yim. Nya la le kekeli klẽm na mí wu tsã.

Míesenɛ le míaƒe luʋɔwo ƒe gogloƒe me ŋutɔ. Nane to vovo, nane le edzi yim. Míele sesem le mía ɖokui me be Gbɔgbɔ Kɔkɔe la le ami sim na mí, tsɔ Eƒe Nya yɔ míaƒe dziwo kple susuwo me fũ.

Míate ŋu ase Eƒe nuƒoƒo na mí be: Menya be futɔ la le avu wɔm kpli mi wu tsã ŋutɔ, gake migavɔ̃ o ɖevi suewo, TƆNYEE MIENYEE. Metsɔ Nye lɔlɔ̃, dzideƒo kple ŋutete na mi. Miɖe Nya la gblɔ ko, eye Mawɔe. Meli kpli mi ɣesiaɣi.

Le míaƒe Yesu Kristo ƒe Nyaɖeɖefia ŋuti nusɔsrɔ̃ gã me la, míele mɔ kpɔm vevie kwasiɖa sia kwasiɖa na nusi Wòaɖe afia mí le emegbe. Eƒe Nya koe nye míaƒe sitsoƒe, ŋutifafa kple akɔfafa. Míeɖoa to nyuie zi gbɔ zi geɖe geɖe. Xexlẽme ɖesiaɖe si míexlẽa la, míedina be míado ɣli ahakpa abobo sesiẽ esime Nya la le ʋuʋum le míaƒe ŋkume. Kɔkɔdzɔe ƒe Xose la le ɖiɖim ɖe Ŋugbetɔ la dzi , eye wòle míaƒe luʋɔwo me yɔm fũ

Mibu eŋu kpɔ, teƒe bubu aɖeke meli le xexeame si nàte ŋu ayi o, negbe le wò asibidɛwo nu tututu, be nàse Mawu ƒe Gbe aƒo nu na wò eye wòaɖe Eƒe Nya la afia.

Alesi Mawu ɖe nutsyɔnu la ɖa, hee ɖe megbe, eye wòna Yohanes kpɔ eme eye wòkpɔ nusi hame la ƒe agbenɔɣi ɖesiaɖe le wɔwɔ ge, eye Wòŋlɔe ɖe Agbalẽ me Heɖoe ɖe mí. Emegbe esime ɣeyiɣia ƒe blibonyenye va la, Mawu dɔ Eƒe dɔla adrelia sesẽ la ɖa be Wòaɖee agblɔ, eye wòaɖe nusi katã Wòdi be yeagblɔ la afia.

Yohanes ŋlɔ nusi wòkpɔ, gake menya eƒe gɔmesese o. Yesu menyae gɔ̃ hã esime Wònɔ anyigba dzi afisia o. Ame aɖeke le agbenɔɣiawo katã me menya o, vaseɖe egbe, ɣeyiɣi sia, dukɔ sia, MÍ, Eƒe Ŋugbetɔ.

Alesi Wòɖee fia mí be akaɖi adre mawo nɔ agbe kple kekeli hem tso agba gã ma ƒe nunɔamesiwo me. Egblɔ alesi wo dometɔ ɖesiaɖe tsɔ eƒe amikawo nyrɔ̃ ɖe eme la na mí. Hame ƒe agbenɔɣi ƒe dɔla ɖesiaɖe nɔ dzo me kple Gbɔgbɔ Kɔkɔe la kple eƒe amika si nyrɔ ɖe Kristo me, nɔ Kristo ƒe agbe tututu hem eye wònɔ Kekeli ma nam hamea. Ke azɔ, míaƒe ŋkeke mamlɛa ƒe gbedeasitsɔla, gãtɔ kekeake le gbedeasitsɔlawo katã dome la, ɖe agbe ma ke kple Kekeli ma ke ɖe go to agbe si woɣla kple Kristo le Mawu me dzi.

Emegbe míaƒe dɔla sesẽ la gblɔ na mí be menye ɖeko gbedeasitsɔla ɖesiaɖe ɖo teƒenɔnu le afima o, GAKE MÍA DOMETƆ ƉESIAƉE HÃ, Mawu ƒe xɔsetɔ vavãwo. Woɖe mía dometɔ ɖesiaɖe hã ƒe teƒenɔnu le afima fia wòwɔ nuku ŋutɔ. Mía dometɔ ɖesiaɖe le nu hem tso dzɔƒe ɖeka me ke abe gbedeasitsɔlawo ene. Wotsɔ mí katã nyrɔ̃ ɖe agba ɖeka ma ke me. Míeku na mía ɖokui eye MÍAƑE agbe ɣla ɖe, kple Kristo Yesu mía Aƒetɔ la me.

Alesi wòdea dzi ƒo na mí to gbɔgblɔ be ame aɖeke mate ŋu aɖe mí le Mawu ƒe Asi me o me. Womate ŋu atrɔ asi le míaƒe agbe ŋu o. Míaƒe agbe si wokpɔna la le bibim hele keklẽm, le kekeli kple Gbɔgbɔ Kɔkɔe la ƒe ɖeɖeɖegowo nam. Míaƒe agbe ememetɔ, si womekpɔna o la ɣla ɖe Mawu me eye Aƒetɔ la ƒe Nya la nyia mí.

Aʋaawo nu sẽ ŋutɔ. Futɔa le dziku dom wu tsã, hele agbagba ɖesiaɖe dzem be yeaɖe dzi le mía ƒo, ate mí ɖe anyi, gake mate ŋu awɔe o. Mawu ŋutɔ ƒoa nu na mí to amegbetɔ ƒe nuyiwo dzi eye wògblɔna na mí be, MÍENYE EƑE ŊUGBETƆ, AMESIWO WÒTIA, eye Eɖua abosam dzi ƔESIAƔI.

Míaƒe Aƒetɔ Deblibo, si le Eƒe Nya Deblibo la gblɔm, le Ŋutifafa Deblibo nam, Eƒe Ŋugbetɔ Deblibo la.

Abe kokoko ene la, míele xexeame kpem be woava nyrɔ̃ woƒe amika ɖe AGBA GÃ la me, Gbedeasi sia, si wodzra ɖo helé ɖi na Ŋugbetɔ la. Míanɔ ɣli dom sesiẽ ahanɔ abobo kpam le ƔETRƆ ga 12 me, Jeffersonville ƒe game dzi, esi míanɔ Mawu ƒe Gbe sem wòaƒo nu aɖe nusi dzɔ le: Patmo Ŋutega La 60-1204E me afia.

Nɔvi. Joseph Branham

24-1006 Yesu Kristo Ƒe Ɖeɖefia

Gbedasi: 60-1204M Yesu Kristo Ƒe Ɖeɖefia

Xɔe ɖe mɔ̃ dzi – mp3
Xɔe ɖe mɔ̃ dzi – amr

BranhamTabernacle.org

Mawu ƒe Aʋakɔ Si Dzi Womeɖuna O Lɔlɔ̃tɔ,

Míawoe nye amesiwo Fofo tia eye wòtsɔ Eŋutɔ ƒe NYAGBLƆÐI NYATEƑETƆ la na; Eƒe HAME NYATEƑETƆ ɖeka kolia. Amesiwo Wòtia be woawɔ Eƒe DƆ GÃWO WU. Elabena to Eƒe Gbɔgbɔ me la, míate ŋu ade dzesi Satana ƒe antikristo gbɔgbɔ ahatsi tre ɖe eŋu. ŊUSẼMANƆŊUTƆ ye wònye le MÍA ŋkume, elabena míenye Eƒe Aʋakɔ si Dzi Womeɖu na o.

Satana léa fu ɖeɖefiawo katã, GAKE MÍELƆ̃ NƐ; elabena míenye Mawu ƒe Nya si woɖe fia lɔ̃lawo. Esi Eƒe Ɖeɖefia vavãtɔ le míaƒe agbe me ta la, dzomavɔ ƒe agbowo mate ŋu aɖu mía dzi o; míeɖua futɔ la dzi. Abosam ɖe sia ɖe le míaƒe afɔ te. Míele Ðeka Kplii eye míate ŋu aɖe Nya la agblɔ, elabena míenye Eƒe Nya.

Aƒetɔ la tsɔe da ɖe nye dzi dzi be míasrɔ̃ eye míase Hame ƒe Agbenɔɣi Adreawo. Ele Ŋkuɖodzi Kwasiɖawo nye ge na mía dometɔ ɖesiaɖe. Anɔ Eƒe Nya la ɖem fia mí wu tsã, to Eƒe ŋusẽ si ɖua dzi la dzi.

Fifiae nye ɣeyiɣia. Fifiae nye azãgbea. Anɔ agbe gbɔm mí, anɔ dzi dem ƒo na mí, to Dzodzodede ame me to Ɖeɖefia me nana mí dzi, eye Ade dzo míaƒe luʋɔwo me!!

Yesu Kristo ƒe Ɖeɖefia nye Nyagblɔɖigbalẽ si gɔme ameha aɖe si si nyagblɔɖi ƒe gɔmesese le koe ate ŋu ase, MÍ, Eƒe Ŋugbetɔ ye. Ehĩa Ɖeɖefia NYATEƑETƆ la be mianya be miele Mawu ƒe Gbe xlẽm hele esem tso Eƒe dɔla gbedeasitsɔla tiatia la gbɔ, si le nufiame si gbɔ dzɔdzɔmetɔ ŋu nam mí.

Enye Yesu Kristo ƒe Ɖeɖefia si wotsɔ na Yohanes na agbenɔɣi ɖe sia ɖe ƒe Kristotɔwo. Eya koe nye agbalẽ ɖeka kolia si le Biblia katã me si Yesu Ŋutɔ ŋlɔ, to eɖokui dzedze na agbalẽŋlɔla aɖe me.

Nyaɖeɖefia 1:1-2, “Yesu Kristo ƒe nyaɖeɖefia, si Mawu tsɔ nɛ, be wòafia nusiwo lava ve me kaba la, eƒe dɔlawo la, enye esi; eye wòto eƒe mawudɔla, si wòdɔ ɖa la, dzi heɖe wo me fia eƒe dɔla Yohanes, amesi ɖi ɖase le Mawu ƒe nya kple Yesu Kristo ƒe ɖaseɖiɖi ŋuti, abe alesi wòkpɔ nuawo katãe ene.

Nyaɖeɖefia ƒe agbalẽa nye Mawu ƒe susu siwo tututu Mawu Ŋutɔ ŋlɔ. Gake Edɔe ɖa eye wòna Eƒe dɔtsɔla Yohanes Nyae to Eƒe dɔla dzi. Yohanes menya Eƒe gɔmesese o; ɖeko wòŋlɔ nusiwo wòkpɔ kple nusiwo wòse.

Gake egbea la, Mawu dɔ Eƒe dɔla sesẽ la ɖe anyigba dzi be wòaɖe Nyaɖeɖefia Gã sia afia Eƒe Ŋugbetɔ, ale be míate ŋu axlẽ nu siwo dzɔ le hamea ƒe agbenɔɣiwo katã me ahase wo. Míate ŋu akpɔ Eƒe alẽha sue si nɔ nyateƒe me eye wòwɔ nuteƒe na Nya la le agbenɔɣi ɖesiaɖe me.

Mawu ƒo nu to Eƒe dɔla dzi eye wògblɔ be le ŋkeke mamlɛ siawo me la, ne yeƒe hame adrelia ƒe agbenɔɣi ƒe dɔla ƒe Gbe adze gbeɖiɖi gɔme la, aɖe Mawu ƒe nya ɣaɣlawo afia abe alesi woɖee fia Paulo ene. Amesiwo axɔ nyagblɔɖila ma le eya ŋutɔ ƒe ŋkɔ me la axɔ nyagblɔɖila ma ƒe subɔsubɔdɔa ƒe viɖe nyui.

Ŋutikɔkɔe, míenye Mawu ƒe Play Zizi Ŋugbetɔ si xɔ nyagblɔɖila ma le eya ŋutɔ ƒe ŋkɔ me, eye míele viɖe si dona tso eme la xɔm. Míexɔe se be enye Mawu ƒe Gbe si le nu ƒom hele Eƒe Ŋugbetɔ la kplɔm.

Oo Hame, nusi míaxlẽ ahase le kwasiɖa siwo gbɔna me. Le Eya gbɔ la, míele abe Eƒe sika DZADZE ene. Nusi Wònye la, míenye. Míenye Eƒe Weintsetse Vavãtɔ la. Míeɖu dzi. Wowɔ mí bliboe, woɖo mí anyi, wodo ŋusẽ mí. Wotia mí to Eƒe Lɔlɔ̃ si Tiana ame me. Naneke meli woavɔ̃ o. Míawoe nye hatsotso si se gbedeasitsɔla la kple eƒe Gbedasia eye Míexɔe henɔ agbe ɖe Eŋu.

Kwasiɖa sia kwasiɖa míanɔ gbɔgblɔm be, “Ðe míaƒe dzi mele bibim le mía me esime wòle nuƒom hele Eƒe Nya la ɖem fia mí le mɔa dzi oa”.

Ne èdi be yease Eƒe Gbɔgbɔ Kɔkɔe ƒe amisisi la le ɖokuiwò me, axɔ Mawu ƒe Nya la ƒe Ɖeɖefia geɖe wu, eye èdi be yeanɔ anyi ɖe Vi la ŋkume eye yeatsi, aɖaxɔ Kɔkɔdzɔe le Xɔse me la, va wɔ ɖeka kpli mí Kwasiɖagbe le ƔETRƆ ga 12 me, Jeffersonville ƒe game dzi , esime míele míaƒe nusɔsrɔ̃ gã la gɔme dzem le: Yesu Kristo Ƒe Ɖeɖefia 60-1204M ŋu.

Nɔvi. Joseph Branham

Medi be made dzi ƒo na mi be miase, alo axlẽ, kwasiɖa sia kwasiɖa le Hame Ƒe Agbenɔɣiwo ƒe Agbalẽ me, ta si míase Kwasiɖagbe ɖesiaɖe.

Nuɖuɖu Kɔkɔe ƒe Subɔsubɔdɔ

Nɔviŋutsuwo kple Nɔvinyɔnuwo,

Medi be míagawɔ Kɔmuniɔ̃ kple Afɔkɔklɔ bubu le Kwasiɖagbe sia, Anyɔnyɔ 29 lia dzi, ne Aƒetɔ la lɔ̃. Abe alesi míewɔe va yi ene la, made dzi ƒo na mi be miadze egɔme tso ƔETRƆ ga 5, le miaƒe nutoa me ƒe game dzi. Togbɔ be Nɔviŋutsu Branham gblɔ be apostoloawo ɖua Kɔmuniɔ̃ ɣesiaɣi si wova kpe ta hã la, elɔ̃a ewɔwɔ le fiẽsi me, eye wòyɔe be Aƒetɔ la ƒe Fiẽ Nuɖuɖu.

Gbedasia Kple Kɔmunĩɔ Takpekpea anɔ Gbe ƒe Radio dzi, eye kadodo aɖe hã anɔ anyi na faɛl si woate ŋu awɔ kɔpi na na amesiwo mate ŋu akpɔ mɔ na Gbe ƒe Radio le Kwasiɖagbe fiẽ o.

Le xɔsetɔ siwo le Jeffersonville nutoa me gome la, míagakpɔ Kɔmunĩɔ wein si anɔ anyi be woava xɔ. Eteƒe madidi o gbeƒãɖeɖe aɖe ado si me woagblɔ teƒea, ŋkekea kple gaƒoƒoa le.

Mele mɔ kpɔm godoo be míawɔ ɖe ɖoɖo xɔasi sia si Aƒetɔ la gblẽ ɖi na mí la dzi. Mɔnukpɔkpɔ ka gbegbee nye si wònye na mí be míadzra míaƒe aƒewo ɖo ahaʋu míaƒe dziwo na Fiawo dzi Fia be wòage ɖe eme aɖu nu kpli mí le Eƒe Kplɔ̃ ŋu.

Mawu neyra mi,
Nɔviŋutsu Joseph

Instructions for Baking Bread / Making Wine

Instructions to obtain Communion Wine / Feet Washing Bins

24-0922 Satana Ƒe Eden

Gbedasi: 65-0829 Satana Ƒe Eden

Xɔe ɖe mɔ̃ dzi – mp3
Xɔe ɖe mɔ̃ dzi – amr

BranhamTabernacle.org

Mawu ƒe Nyenye Lɔlɔ̃tɔ,

Míawoe nye mía Fofo si le Dziƒo la ƒe nyenye ŋutɔŋutɔ; elabena míenɔ Eyama me le gɔmedzedzea me. Míeɖo ŋku edzi fifia o, gake míenɔ afima kplii, eye Enya mí. Elɔ̃ mí ale gbegbe be wòwɔ ŋutilã na mí, ale be Wòate ŋu atsa ka kpli mí, aƒo nu kpli mí, alɔ̃ mí, ana mí asi gɔ hã.

Gake Satana va eye wòtro gbo Mawu ƒe Nya gɔmedzetɔa, Eƒe Fiaɖuƒe, kple Eƒe ɖoɖo si wòwɔ na mí. Etsaka ŋutsuwo kple nyɔnuwo eye wòkpɔ dzidzedze le xexe sia si me míele la gbototro kple edziɖuɖu me. Etsɔ anyigba wɔ eƒe fiaɖuƒe, eƒe Eden-bɔ.

Enye gaƒoƒo si me beble kple alakpanuwɔwɔ le wu ɖesiaɖe. Abosam ɖo ayemɔ ɖe sia ɖe si wòate ŋu; elabena eyae nye ameblela gãtɔ. Ele be Kristotɔ la nanɔ ŋudzɔ egbea wu alesi wònɔ wu le agbenɔɣi ɖesiaɖe me.

Gake le ɣeyiɣi ma ke me la, enye ŋutikɔkɔetɔ kekeake le agbenɔɣiawo katã dome, elabena míele Ƒe Akpe Ðeka gã la ŋgɔ. Míaƒe Eden-bɔa gbɔna kpuie, afisi lɔlɔ̃ deblibo kple Mawu ƒe lɔlɔ̃ gɔmesese deblibo anɔ mía si le. Míanɔ agbe eye míanɔ dedie kple Eyama le míaƒe Eden me le Mavɔmavɔ me.

Yesu gblɔ alesi wòle be míakpɔ nyuie le egbe sia me na mí le Mateo 24 me. Eklã mí be anye ŋkeke si dzi beble le wu ɖesiaɖe, “ egogo ale gbegbe be aflu Mawu ƒe Ametiatiawo ŋutɔ ɖe wòle bɔbɔe”; elabena abosam ƒe ayedzedze ana amewo axɔe ase be yewonye Kristotɔ, evɔ womenyee o.

Gake agbenɔɣi sia hã ana Eƒe Nya Ŋugbetɔ dzadzɛ si woma, eye womate ŋu, aflu o; elabena woanɔ Eƒe Nya gɔmedzetɔa gbɔ.

Gake agbenɔɣi sia hã ana Eƒe Nya Ŋugbetɔ dzadzɛ si woma, eye womate ŋu, aflu o; elabena woanɔ Eƒe Nya gɔmedzetɔa gbɔ.

Abe Yosua kple Kaleb ene la, míaƒe Ŋugbedodonyigba la le dzedzem abe wo tɔ gɔ hã ene. Míaƒe nyagblɔɖila gblɔ be Yosua gɔmee nye, “Yehowa-Ðela”. Etsi tre ɖi na nuwuɣia ƒe kplɔla si ava hamea me, abe alesi Paulo va abe kplɔla Gɔmedzetɔ ene.

Kaleb tsi tre ɖi na amesiwo wɔ nuteƒe na Yosua. Abe Israel-viwo ene la, Mawu tsɔ Eƒe Nya dze wo gɔme abe ɖetugbui leaƒe ene; gake wodi nane si to vovo. Míaƒe nyagblɔɖila gblɔ be, “nenema ke ŋkeke mamlɛa ƒe hame sia hã le.” Eyata, Mawu meɖe mɔ na Israel wòyi ŋugbedodonyigba la dzi o vaseɖe esime wònye Eŋutɔ ƒe ɣeyiɣi si wòɖo ɖi.

Amewo zi Yosua, woƒe kplɔla si Mawu tsɔ na wo la dzi, eye wogblɔ be, “Anyigba la nye mía tɔ, na míayi aɖaxɔe. Yosua, tɔwò vɔ keŋkeŋ, ànya bu wò dɔdeasi la. Ŋusẽ si nɔ asiwò tsã la megale asiwò o. Tsã la, èsea nu tso Mawu gbɔ eye nènyana Mawu ƒe lɔlɔ̃nu, eye nèwɔa nu kaba. Nane gblẽ le ŋuwò.”

Yosua nye nyagblɔɖila si Mawu dɔ, eye enya Mawu ƒe ŋugbedodowo. Míaƒe nyagblɔɖila gblɔ na mí be:

“Mawu tsɔ kplɔlanyenye bliboa de Yosua siwo me elabena etsi anyi kple Nya la. Mawu ate ŋu aka ɖe Yosua dzi, gake menye ame mamlɛawo ya dzi o. Eyata agadzɔ ake le nuwuɣi sia. Kuxi ma ke, zizi mawo ke”.

Abe alesi Mawu wɔe kple Yosua ene tututu la, Etsɔ KPLƆLANYENYE BLIBO la de Eƒe dɔla nyagblɔɖila, William Marrion Branham siwo me; elabena Enya be Yeate ŋu aka ɖe edzi, gake menye ame bubuwo o. Ele be Gbe Ðeka, Kplɔla Ðeka, Nya mamlɛ Ðeka nanɔ anyi le ɣeyiɣi ma, kple FIFIA.

Melɔ̃ alesi nyagblɔɖila la gblɔ na mí be ame akpe akpe geɖewo anɔ anyi siwo ase nyaƒokawo. Egblɔ be nyaƒokawo NYE SUBƆSUBƆDƆ. Mía dometɔ aɖewo anɔ anyi siwo atsɔ nyaƒoka (eƒe subɔsubɔdɔ la) age ɖe aƒewo kple hamewo me be míalé Mawu ƒe Nuku si woɖo ɖi la.

Esi míetrɔ gbɔ va gblɔ bena, Aƒetɔ, míewɔ ɖe wò sededewo dzi, eye ame aɖewo nɔ anyi siwo míekpɔ esime míeƒo nyaƒoka la woxɔe se. Fifia míeɖe gbeƒã ema, le xexeame godoo, ɖe Àde bubu eŋua?

Agblɔ be: “Numae medɔ mi ɖa be miawɔ.”.

Mawu ade bubu eŋu. Wò aƒe mamu gbeɖe o. Ne Mawu na dzesi be yeatsrɔ̃ nu bliboa la, wò ƒomea katã, wò nunɔamesiwo katã, anɔ dedie le wò aƒe me. Àte ŋu anɔ tsitre ɖe afima. Mehiã be nàkpɔ nu to fesre o, ɖeko nàzi Play dzi esime aʋaa le edzi yim.

Wokpɔ Wò nyawo eye meɖu wo eye wò nya va zu nye dzi ƒe dzidzɔ kple dzidzɔ le menye, elabena woyɔ wò ŋkɔ ɖe ŋunye, Oo Yehowa Mawu zebaot.

Mele miakpem be miava wɔ ɖeka kpli mí esime míaɖu Mawu ƒe subɔsubɔdɔ gã, si le agbe, si nye nuwuɣitɔ, Kwasiɖagbe sia le ƔETRƆ 12:00 me , Jeffersonville ƒe game dzi, esi míele nusianu sem tso: Satana Ƒe Eden 65-0829 ŋu.

Neva eme be míanɔ agbe vaseɖe Aƒetɔ la ƒe Vava gbe, ne wòle bɔbɔe. Neva eme be míawɔ nusianu si le míaƒe ŋusẽ me, kple lɔlɔ̃ kple gɔmesese, gɔmesese be Mawu le xexeame dzrom, egbea, le alẽ ɖesiaɖe si bu la kpɔm. Eye neva eme be míaƒo nu kpli wo kple lɔlɔ̃ ƒe gbedodoɖa kple Mawu ƒe Nya, be míate ŋu ake ɖe mamlɛtɔ ma ŋu, ale be míate ŋu ayi Aƒe, eye míado le Satana ƒe Eden xoxo sia me le afisia, Aƒetɔ.

Nɔvi. Joseph Branham

Ŋɔŋlɔ siwo woaxlẽ hafi ase Gbedeasia:
Timoteo II, 3:1-9
Nyaɖeɖefia 3:14
Tesalonikatɔwo II 2:1-4
Yesaya 14:12-14
Mateo 24:24

24-0915 Amesi Bua Ta Me Ƒe Nutsyɔnu

Gbedasi: 65-0822E Amesi Bua Ta Me Ƒe Nutsyɔnu

Xɔe ɖe mɔ̃ dzi – mp3
Xɔe ɖe mɔ̃ dzi – amr

BranhamTabernacle.org

Aƒenɔ Yesu Kristo lɔlɔ̃tɔ,

Mawu gbagbe la ƒe gbɔgbɔ, gbɔ ɖe mía dzi. Na míatsɔ Wò Nutsyɔnu eye míanɔ agbe le Ete, Aƒetɔ. Gbɔ Gbɔgbɔ Kɔkɔe la ƒe ya nyui la ɖe míaƒe dzɔfitowo kple míaƒe luʋɔwo me gbesiagbe. Wò Nya la dzi koe míate ŋu anɔ agbe ɖo; Nya ɖesiaɖe si dona tso Wò nu me na agbenɔɣi sia si me míele.

Míeɖɔ Wò Dziƒonuwo kpɔ eye Wò Nya le míaƒe dziwo me. Míekpɔ Wò Nya si woɖe ɖe go le míaƒe ŋkume, eye míaƒe luʋɔ bliboa xatsa ɖe Eme. Xexe sia, kple Xexeame ƒe nuwo katã ku na mí.

Míenye Wò agbekui Nya si nɔ Wò me tso gɔmedzedzea me ke, míele tsitre ɖe afisia, hele Wò Agbe nuku hem. Wò nuku le míaƒe dziwo me to Wò nunyadaɖi me. Èɖoe ɖi na mí do ŋgɔ be míagahe nu bubu aɖeke o, negbe Wò Nya, Wò Gbe, le nyaƒokawo dzi ko.

Ŋku ƒe agbenɔɣi la va ɖo; naneke megasusɔ o negbe Wò Vava na Wò Ŋugbetɔ la. Míaƒe nutsyɔnu enye Wò Nya, Maleaxi 4, Ale Aƒetɔ la Gblɔ Esi.

Na míaƒã Wò Nya ɖe míaƒe dziwo me, eye míaɖoe be míagatrɔ ɖe ɖusi alo miame o, ke boŋ míanye nuteƒewɔla Nɛ le míaƒe agbemeŋkekewo katã me. Fofo, ɖiɖi Agbe Gbɔgbɔ Kɔkɔe la ɖe mía dzi, eye nàna Wò Nya la nagbɔ agbe na mí, alebe míaɖe Wò ɖe go.

Míaƒe dziwo ƒe didi enye be míanye viŋutsu kple vinyɔnu vavãwo na Wò. Míele anyi ɖe Wò Gbe ŋkume, míele tsitsim, hele mía ɖokui dzram ɖo ɖe míaƒe Srɔ̃ɖe Nuɖuɖu si míaɖu kpuie kpli Wò la ŋu.

Dukɔwo le gbagbãm. Xexeame le kakam. Anyigbaʋuʋuwo le California ʋuʋum abe alesi Nègblɔ na mí be adzɔ ene. Míenyae be magadid kura o, míenya eƒe akpa si didi agbadroƒe alafa wuiatɔ̃; keke agbadroƒe alafa etɔ̃ alo ene, anyrɔ̃, ɖewohĩ agbadroƒe blaene ayi anyime ayi ʋe gã ma me le afima. Ƒutsotsoewo aʋu yi keke Kentucky nutome, eye ne wowɔe la, aʋuʋu xexeame ale gbegbe be nusianu si le edzi la amu dze anyi.

Wò toklã mamlɛtɔ le dodom. Xexeame le gbegblẽ me keŋkeŋ, gake le ɣeyiɣi mawo katã me la, Wò Ŋugbetɔ le ɖiɖim ɖe eme le Wò kple Wò Nya me, bɔbɔ nɔ anyi ɖekae le dziƒo nutowo me esi Èle nu ƒom na mí, eye nèle akɔ fam na mí le mɔa dzi.

Aleke gbegbe míeda akpee, Fofo, be míate ŋu “Zi Play” ko eye míase Wò Gbe wòaƒo nu na mí, ade dzi ƒo na mí ahagblɔ na mí be:

Mègavɔ̃ o Alẽha sue. Nusiwo katã menye la, miawo hã mienye domenyilawo na. Nye ŋusẽwo katã nye tɔwò. Nye ŋusẽkatãnyenye nye tɔwò esi mele tsitre ɖe wò titina. Menye be mahe vɔvɔ̃ kple gege vɛ o, ke boŋ lɔlɔ̃ kple dzideƒo kpakple ŋutete. Wotsɔ ŋusẽwo katã na Nam eye wò wòle be nàzãe. Ɖe Nya la gblɔ eye mawɔ edzi. Emae nye Nye nubabla eye mate ŋu adaƒu gbeɖe o.”

Oo Fofo, NANEKE mele mía si míavɔ̃ o. Èna Wò lɔlɔ̃, dzideƒo kple ŋutete mí. Wò Nya la le mía me be míazã ne Míehiãe. Míeɖenɛ gblɔna, eye Àna wòava me. Wò Nubablae, eye Mate ŋu ADAƑU GBEÐE o.

Kukuawo ƒe nyagbewo mate ŋu aɖe alesi míesena le mía ɖokui me afia o, Fofo, gake míenya be Èkpɔa míaƒe dziwo kple luʋɔwo me; elabena Wò akpa aɖee míenye.

Aleke gbegbe míeda akpee nye si be Èna mɔnu xexeame be wòase Wò Gbe le nuwuɣi sia me. Kwasiɖa sia kwasiɖa la, Èkpea xexeame be woava wɔ ɖeka be woase Wò dɔla gbedeasitsɔla esime Nànyi mí kple Alẽwo ƒe Nuɖuɖu si wodzra ɖo be wòalé mí ɖe te vaseɖe esime Nàtrɔ ava na mí.

Míelɔ̃a Wò Fofo.

Nɔvi. Joseph Branham

Gbedeasi : 65-0822E Amesi Bua Tame Ƒe Nutsyɔnu

Game: ƔETRƆ ga 12, Jeffersonville ƒe Game

Ŋɔŋlɔawo: Mose IV 19:9 / Efesotɔwo 5:22-26

24-0908 Woɖe Kristo Fia Le Eŋutɔ Ƒe Nya Me

Gbedasi: 65-0822M Woɖe Kristo Fia Le Eŋutɔ Ƒe Nya Me

Xɔe ɖe mɔ̃ dzi – mp3
Xɔe ɖe mɔ̃ dzi – amr

BranhamTabernacle.org

Branham Ƒe Agbadɔ Lɔlɔ̃tɔ,
Aleke gbegbe woyra míaƒe ŋkuwoe; elabena wokpɔa nu. Aleke gbegbe woyra míaƒe towoe; elabena wosea nue. Nyagblɔɖilawo kple ame dzɔdzɔewo di vevie be yewoakpɔ nu siwo míekpɔ kple esiwo míese, gake womewɔe o. MÍEKPƆ HESE MAWU ƑE GBE SIA.
Mawu ŋutɔ tiae be yeaŋlɔ Yeƒe Biblia to Yeƒe nyagblɔɖilawo dzi. Mawu ŋutɔ hã tiae be yeaɖe Yeƒe nyaɣaɣlawo katã afia Yeƒe Ŋugbetɔ to Yeƒe nyagblɔɖila dzi. Enye Eƒe nyenyewo, Eƒe Nya si wòɖe gblɔ, si na Nua katã zu Eƒe akpa aɖe.
Esi míaƒe agbenɔɣia ɖo la, Ena Eƒe nyagblɔɖila va ɖo le ɣeyiɣi ma ke me. Egbɔ ɖe eme eye wòƒo nu to edzi. Enye Eƒe mɔnu si woɖo ɖi do ŋgɔ eye wònae be wòawɔe. Abe Biblia ene la, Mawu ƒe Nyae wònye, ke menye amegbetɔ ƒe nya o.

Ele be Tɔɖoƒe, si nye nu mamlɛtɔ nanɔ mía si; Nya mamlɛtɔ. Ame aɖewo gblɔna be Bibliae nye yewoƒe Tɔɖoƒe, ke menye nusi wogblɔ le nyaƒokawo dzi o; abe ɖe wogblɔ nya tovovo aɖe ene. Ewɔ nuku ŋutɔ alesi Mawu ɣla Eƒe Nya ƒe Ɖeɖefia vavãtɔ ɖe ame geɖe, gake Eɖee fia eye wòna Eme kɔ na Eƒe Ŋugbetɔ alegbegbe. Ame bubuwo mate ŋu awɔ naneke o, woƒe ŋku gbã eye Mawu ƒe Nya si woɖe fia ƒe Ɖeɖefia bliboa mele wo si o.

Mawu ƒo nu le Eƒe Nya (Biblia) me to Eƒe nyagblɔɖila dzi eye wògblɔ na mí be, “Esime Mawu, ƒo nu na fofoawo le blemaŋɔli to nyagblɔɖilawo dzi zi geɖewo le nya ƒomevi geɖewo me la, ”. Eyata, Mawu ƒe nyagblɔɖilawoe ŋlɔ Biblia. Menye woawoe o, ke boŋ Mawue nɔ nu ƒom to wo dzi.

Egblɔ le míaƒe ŋkekea me be yeaɖo Yeƒe nyateƒegbɔgbɔ ɖe mí be wòafia mɔ mí ayi nyateƒewo katã me. Maƒo nu tso eɖokui ŋu o; ke nu sia nu si wòase la, eyae wòagblɔ, eye wòafia nu siwo gbɔna la mí.”

Gbedasi si le nyaƒokawo dzi la nye Mawu ƒe nyateƒe siwo woɖe ɖe go. Mehiã gɔmeɖeɖe aɖeke o. Enye Mawu Ŋutɔ si le Eƒe Nya la gɔme ɖem esime Wòle Egblɔm le nyaƒokawo dzi.

Dziyiyi aɖeke mele nusi ame bubuwo gblɔna la me o, nusi Mawu gblɔna la me koe. Nusi wogblɔ le nyaƒokawo dzi koe nye Gbe ɖeka si MATRƆ GBEÐE o. Amewo trɔna, susuwo trɔna, gɔmeɖeɖewo trɔna; Mawu ƒe Nya metrɔna gbeɖe o. Ŋugbetɔ la ƒe Tɔɖoƒe ye.

Nyagblɔɖila la tsɔ kpɔɖeŋu aɖe na mí be kpẽkula nye tɔɖoƒe le bɔlƒoƒo me. Eƒe nyae nye mamlɛtɔ. Màte ŋu ake ɖii o. Nusi wògblɔ la, eyae nye ema, etɔ. Azɔ segbalẽ aɖe le kpẽkula si si dzi wòle be wòato. Egblɔa afisi teƒewo le na bɔlu alo vodada, ɣeyiɣi si miele dedie kple ɣeyiɣi si miedo le tome; nusi nye se siwo le bɔlƒoƒo ŋu.

Exlẽa agbalẽ ma hesrɔ̃nɛ ale be ne ele nu ƒom, eye wòwɔ eƒe nyametsotso la, emae nye se la, emae nye nya mamlɛtɔ. Ele be nànɔ anyi kple nusi wògblɔ, nyabiase aɖeke o, nyaʋiʋli aɖeke o, nya sia nya si wòagblɔ la, nenemae wòle be wòanɔ eye womate ŋu atrɔe o. Ŋutikɔkɔe.

Nɔviŋutsu Branham megblɔ be mele be miaɖe gbeƒã, alo afia nu o; ke boŋ egblɔ be woaɖe gbeƒã, eye miaɖo to miaƒe kplɔlawo, gake ele be Mawu ƒe Gbe si le nyaƒokawo dzi nanye miaƒe Tɔɖoƒe.

Ele be blaɖenu sɔti aɖe nanɔ anyi; ne míagblɔe bubui la, nu mamlɛtɔ aɖe. Ele be nu mamlɛtɔ ma nanɔ amesiame si. Enye nya mamlɛtɔ. Teƒe ɖeka koe Mawu na be woakpɔ ema, eyae nye Mawu ƒe Gbe le nyaƒokawo dzi. Enye Mawu ƒe Nya la gɔmeɖeɖe mawumeto. Enye NYA MAMLEA, AMEN LA, ALE AƑETƆ LA GBLƆ ESI LA.

Yesu ŋutɔ gblɔ be míeyɔa wo be “mawuwo,” amesiwo gblɔ Eƒe Nya; eye wonye mawuwo. Egblɔ be esi wotsɔ Mawu ƒe Gbɔgbɔ si ami na nyagblɔɖilawo la, wotsɔ Mawu ƒe Nya la tututu vɛ. Mawu ƒe Nyae nɔ nu ƒom to wo dzi.

Esia tae nyagblɔɖila la dzideƒo nɔ esi alegbegbe ɖo. Gbɔgbɔ Kɔkɔe la ʋãnyae wògblɔ Mawu ƒe Nya si me vodada mele o. Mawu tiae na míaƒe agbenɔɣia. Etia Gbedasi si wòagblɔ, míaƒe nyagblɔɖila ƒe dzɔdzɔme kple nusiwo ava yi edzi le míaƒe agbenɔɣia me gɔ̃ hã.

Nya siwo wògblɔ, alesi wòwɔ nue, gbãa ŋku na ame bubuwo, gake ʋua míaƒe ŋkuwo. Edo awu si ƒomevi wòdo gɔ̃ hã nɛ. Eƒe dzɔdzɔme, eƒe didi vevie, nusianu abe alesi wòle be wòanɔ ene. Wotiae bliboe na mí, Mawu ƒe Ŋugbetɔ la.

Esia tae, ne MÍEVA ƑOƑU LA, Enye Gbe si míedi be míaɖo GBÃ be míase. Míexɔe se be míele Nya Dzadzɛ si wogblɔ tso Mawu ƒe dɔla tiatia kple si wotɔ asi la gbɔ sem.

Míenya be ame bubuwo mate ŋu akpɔe alo ase egɔme nenema o, gake egblɔ be yeƒe hamea koe yele nu ƒom na. Nusi Mawu na amebubuwo be woakplɔ la mekpɔ ŋkume nɛ o; Nuɖuɖu si ƒomevi wòtsɔ nyina mí koe kpɔ ŋkume nɛ.

Esia tae míegblɔna be míenye Branham ƒe Agbadɔ, elabena egblɔ be Gbedeasia nye yetɔwo le Agbadɔa me tɔ, alẽha sue si di be yeaxɔ nyaƒokawo ahase wo. Nu si Mawu tsɔ nɛ be wòakplɔ la ye wònɔ nu ƒom na.

Egblɔ be, “ne amewo di be yewoatsaka nuɖuɖu kple nu vovovowo le afima la, xɔ ɖeɖefia la tso Mawu gbɔ eye miwɔ nusi Mawu gblɔ na mi be miawɔ. Nye hã mawɔ nu ma ke. Gake Gbedasi siawo, siwo le nyaƒokawo dzi la, hame sia ɖeɖeko tɔ wonye.”

Aleke Wòwɔe wòle bɔbɔe nyateƒetɔe na Eƒe Ŋugbetɔ be wòakpɔ Mawu ƒe Gbe ahasee eye wòawɔ ɖe Eƒe mɔfiamewo dzi.

Ne èdi be yeawɔ ɖeka kpli mí be míase Gbe ma la, mía katã míaɖo to le game ɖeka dzi Kwasiɖagbe sia le ƔETRƆ ga 12:00 me, Jeffersonville ƒe game dzi:

65-0822M- Woɖe Kristo Fia Le Eŋutɔ Ƒe Nya Me”.

Ne màte ŋu awɔ ɖeka kpli mí o la, mele dzi dem ƒo na wò be nàse Gbedasi sia ɣesiaɣi si nàte ŋui.

Nɔvi. Joseph Branham

Ŋɔŋlɔ siwo woaxlẽ hafi ase Gbedeasia:

Mose II, 4:10-12
Yesaya 53:1-5
Yeremya 1:4-9
Maleaxi 4:5
Luka Kɔkɔe 17:30
Yohanes Kɔkɔe 1:1 / 1:14 / 7:1-3 / 14:12 / 15:24 / 16:13
Galatiatɔwo 1:8
Timoteo II, 3:16-17
Hebritɔwo 1:1-3 / 4:12 / 13:8
Petro II, 1:20-21
Nyaɖeɖefia 1:1-3 / 10:1-7 / 22:18-19

24-0901 Eye Mènyae O

Gbedasi: 65-0815 Eye Mènyae O

Xɔe ɖe mɔ̃ dzi – mp3
Xɔe ɖe mɔ̃ dzi – amr

BranhamTabernacle.org

Nɔviŋutsu & Nɔvinyɔnu Lɔlɔ‌tɔwo,

Minɔ Kristo gbɔ kplikplikpli. Mina maxlɔ‌ nu mi azɔ, abe Nyanyui la ƒe subɔla ene, tso esia ŋu. Migatsɔ bometsitsi aɖeke o. Migasusu naneke le susu me o. Minɔ afima tututu vaseɖe esime ememe sia naku seke ɖe Nya la ŋu, be miele Kristo me tututu, elabena ema koe nye nusi ava…Elabena, míele agbenɔɣi si me amebleble le wu ɖesiaɖe si me míenɔ kpɔ la. “Able Ametiatiawo ŋutɔ ɖe wòle bɔbɔe” esi amisisi le wo si ta la, woate ŋu awɔ nusianu abe wo dometɔ mamlɛawo ene.

Fofo, Èxlɔ‌ nu mí be míele agbenɔɣi si me beble le wu le ɣeyiɣi ɖesiaɖe me. Gbɔgbɔ eve siwo le xexeame la woaɖi wonɔewo ale gbegbe be, aflu ame tiatiawo gɔ hã, ɖe wòle bɔbɔe. Gake kafukafu na Aƒetɔ la, manya wɔ be woaflu mí, Wò Ŋugbetɔ o; míanɔ Wò Nya la gbɔ.

Míenye Wò Nuwɔwɔ Yeye, eye womate ŋu aflu mí o. Míanɔ Wò Gbe gbɔ. Míade dzesi eye míalé ɖe Nya ɖesiaɖe ŋu, meka nusi ame aɖe agblɔ o. Mɔ bubu aɖeke meli o negbe Wò Mɔ si nèta la ko; Ale Aƒetɔ la Gblɔ Esi nyaƒokawo dzi.

Esi Wò nyagblɔɖila nɔ anyigba dzi afisia la, enya alesi gbegbe wòle vevie na Ŋugbetɔ la be wòase Nya ɖesiaɖe si wogblɔ, eyata ewɔ Wò Ŋugbetɔ la ɖekae to telefon dzi katsatsa me. Eƒo mí nu ƒu ƒo xlã Wò Nya Si Wogblɔ ƒe Gbe si dzi woɖo kpe la.

Enya be amisisi aɖeke meli si lolo wu Wò Gbe o.

Le egodo le telefon sia ƒe yaʋalawo dzi la, Gbɔgbɔ Kɔkɔe gã la nayi ɖe ƒuƒoƒe ɖesiaɖe me dzro. Neva eme be Kekeli Kɔkɔe ma ke si kpɔm míele le hamea me le afisia tututu la, Nedze ɖe ame ɖesiaɖe dzi,

Nusianu si Wò Ŋugbetɔ hiã na Wò Vava la, Wò dɔlae gblɔe, dzrae ɖo eye wòɖee fia Wò Ŋugbetɔ; emae nye Wò Nya. Ègblɔ na mí be ne nya aɖe le mía si la, míayi ɖe nyaƒokawo gbɔ. Ègblɔ na mí be William Marrion Branham ye nye Wò Gbe na mí. Aleke nyabiase aɖe ate ŋu anɔ Wò Ŋugbetɔ ƒe susu me be aleke gbegbe wòle vevie be woaɖo Wò Gbe abe Gbe vevitɔ kekeake si Wòate ŋu ase? Ɖeke meli, na Wò Ŋugbetɔ o Aƒetɔ.

Wò nyagblɔɖila gblɔ drɔ‌e aɖe na mí afisi wògblɔ le be, “Magato mɔ sia dzi zi ɖeka ake.” Míenya nusi gɔme wònye o, gake Aƒetɔ vavã la, Wò Gbe gale yaʋala sia ƒe mɔa dzi tom zi ɖeka ake egbea, le nu ƒom, eye wòle Wò Ŋugbetɔ yɔm tso xexea katã me.

Míele kpewòm be nàva wɔ ɖeka kpli mí, Branham ƒe Agbadɔ la, Kwasiɖagbe le ŊDƆ ga 12 me, Jeffersonville ƒe game dzi, esi míase Mawu ƒe Gbe le yaʋalawo dzi wòatsɔ Gbedasi: 65-0815 – “Eye Menyae O” vɛ na mí

Nɔvi. Joseph Branham

Ŋɔŋlɔ siwo woaxlẽ:

Nyaɖeɖefia 3:14-19
Kolosetɔwo 1:9-20