Miɖo ŋku dzi, mele esia gblɔm na nye hatsotso la ɖeɖeko. Eye amesiwo le yanu le egodo la, mele esia gblɔm na nye ŋutɔ yonyemedzelawo ɖeɖeko. Woawo ɖeɖe tɔe nye Gbedeasi sia, kple nusi gblɔ ge mala le afii.
Osɔfo ɖesiaɖe, eya, esia nye etɔ, ẽ ɖe, enye lãhawo ƒe kplɔla, miɖe asi le eŋu wòawɔ nusi wòdi be yeawɔ. Ema le eya ŋutɔ kple Mawu gbɔ. Nunɔla ɖesiaɖe, mawunyagblɔla ɖesiaɖe la, ele wò ŋutɔ gbɔwò, nɔvinyeŋutsu.
Mele nu ƒom le Jeffersonville afii ɖeɖeko, teƒe ɖeka si li magblɔ esia le, elabena esia nye nye lãha la. Eyae nye lãha si Gbɔgbɔ Kɔkɔe tsɔ nam be wòase egɔme be manye dzikpɔla na, eye Eyama abia nyam ɖe eta. Eye amesiawo sinye tɔnye siwo trɔ dzime le afii tso anyigba la ƒe afisiafi, siwo mekplɔ vɛ na Kristo.
Tatsyɔkpe kae nye si na Akpedavɔsa ƒe kɔsiɖa ƒe nuwuwu. Mele akpe dam be mele alẽha sue ma si dzi wòkpɔtɔ le kpɔkpɔm la me kple miadometɔ ɖe sia ɖe. Teƒe bubu aɖeke meli si míate ŋu ayi o.
Fofo la dɔ hɔ̃ gã aɖe si le dzodzom ɖe mí be wòakplɔ Yeƒe Ŋugbetɔ la. Gbe geɖewo le siwo doa ŋusẽ dukɔ la hegblɔa Nya siwo Eƒe nyagblɔɖila gblɔ la, gake GBE ƉEKA koe li si wodɔ be wòakplɔ Eƒe Ŋugbetɔ la aɖawɔe ɖekae.
Nya siwo Mawu ƒe nyagblɔɖila gblɔ le nyaƒoka dzi la nye míaƒe Tɔɖoƒe. Wose míagɔme baɖa elabena míele gbɔgblɔm be míexɔ NYA ƉE SIA ƉE dzi se, gake Mawu ƒe nyagblɔɖila ye de se na mí be míawɔ ema tututu.
Nenema ke gblɔm nye hã mele, le Yesu Kristo ƒe Ŋkɔ me: Migatsɔ nu ɖeka kpe, aɖe, ade miaŋutɔ ƒe susuwo Eme o, miawo la migblɔ nusi wogblɔ le nyaƒoka mawo dzi, miawo la miwɔ nusi tututu Aƒetɔ Mawu de se na mi be miawɔ dzi; migatsɔ Kpee o!
Nyɔ̃ xexeme. Ɣeyiɣi la tu aƒe. Nya Siwo Mawu ƒe nyagblɔɖila ɖe gblɔ la, MAWU DE SE na mí be; míaxɔwo se, agblɔwo aɖawɔwo dzi, nusi TUTUTU wògblɔ le nyaƒokawo dzi. Menye nusi gblɔm mele o, menye nusi miaƒe nunɔla alo mawunyagblɔlawo gblɔ o, gake nusi Mawu ƒe nyagblɔɖila gblɔ ɖe NYAƑOKA DZI.
Naneke megale vevie wu be woase Gbe Ma le nyaƒoka dzi o, NANEKE O. Wole ʋɔnudrɔ̃ge mí kple nusi woɖe gblɔ ɖe NYAƑOKAWO DZI. Menye nusi megblɔ o, gake nusi EYA GBLƆ.
Mele NYUIETƆA KEKEAKE dim na mi. Nye nya ʋeawo li be yewoa do ŋusẽ mi, tututu ko abe alesi kplɔla ɖe sia ɖe awɔ ene, be miaxɔ Nya ɖe sia ɖe dzi se. Nyemele miafiam: be miake ɖi le nane si sem míele le nyaƒoka dzi, be vodadawo le nyaƒokawo dzi, ele be miaɖo tom tututu ko abe alesi wòle be miaɖo to nyagblɔɖila hã ene o. Meŋlɔna nya ʋewo na mi be mado ŋusẽ mi be MIANƆ ANYI KPLE NYA GƆMEDZEDZETƆ LA, MIZI PLAY. Medi be mianye Nya Ŋugbetɔ maƒoɖi, si le dzadze.
Mawu na wolé Eƒe Nyawo ɖe mɔ̃ dzi le ŋkeke sia dzi alebena nuwɔwɔ ɖe sia ɖe si le agbe la hã nase Eƒe Gbe. Le Paulo ƒe ŋkekewo me la, agbalẽŋlɔlawo koe nɔ wosi be woaŋlɔ nusi wònɔ gbeƒã ɖem la, esi nye Biblia. Gake EGBEA, Mawu di be wòaga LOLOWU ŋutɔ gɔ hã. Míate ŋu azi play eye míase Yesu Kristo si fɔ ɖe tsitre kple míaŋutɔ ƒe towo wòaƒo nu na mí, tso nuɣi dzi yi ɖe to me.
Ŋkeke kae nye esi me míele agbe le. Kple xexeame si le gbagbam nyateƒetɔe ƒoxlã mí keŋkeŋ la, teƒea ɖe le míasi si wona mí si míate ŋu ayi aɖagbɔ ɖe me ko. Ele míasi le NYAƑOKA dzi. Míenɔa anyi ɖe míaƒe hɔwo ƒe fafa me heɖuna azã le Nuɖuɖu Si Wodzraɖo Ɖi esi wodzraɖo ɖe nudzraɖoƒe la dzi. Míaƒe nyagblɔɖila ate ŋu anɔ adzɔge ɖaa, gake míekpɔtɔ le ŋku ɖom dzi be nusiawo nye nyateƒe, eye míele wɔwɔm ko abe alesi Mawu de se na mí be míawɔ ene, MINƆ ANYI KPLE NYAƑOKAWO.
Miva ɖu Akpedavɔsa ƒe azã nyuietɔ kekeake si mieɖu kpɔ Kɔsiɖagbe sia le ŋdɔ ga 12 me, Jeffersonville ƒe game, esime Mawu ƒe Gbe aɖe Gbedeasi: Srɔ̃ɖeɖe Kple Srɔ̃gbegbe 65-0221M gblɔ na mí.
Ale gbegbe míelɔ̃na be míase be woyɔ míaƒe ŋkɔwo. Be míasusu ko bena, míawoe nye Amesiwo Wògbɔna na. Fiaƒome Ŋugbetɔ na Fiaƒome ŋugbedodo ƒe Vi. Eƒe Abraham ƒe Fiaƒome Nuku si nyota sinye nyateƒe hewɔ nuteƒe na Nya ɖe sia ɖe.
Míewɔ ahasi, alo dze ahĩa ŋutɔ gɔ hã, kple Nya bubu aɖeke o; ɖeko míelé míaɖokuiwo ɖi dzadze henɔ anyi kple Nya ɖe sia ɖe.
Nyɔnu Kristotɔ nyuie geɖewo le xexeame egbea, nyɔnu wɔnuteƒewo; gake Aƒn. Yesu Kristo ɖeka koe li. Míawoe nye Amesiwo le Aƒe me yi ge kple Eyama. Míenye Eƒe Srɔ̃nyɔnu tiatia la.
Egblɔ na mí bena Yeaga trɔ gbɔva ake, tututu abe alesi Yeva tsã ene. Ke eyae nye ema nɔ tsitre, hele Eɖokui ɖem fia le amegbetɔ ŋutilã me, nɔ Nya la xlẽm hele gbɔgblɔm na mí bena, “Egbe sia wowu Ŋɔŋlɔ sia ŋu le miaƒe ŋkuwo me,” ke míede dzesi Eyama, eye míezu Eƒe Aƒn. Yesu Kristo Ŋugbetɔ la.
Woɖe fia mí be Mawu ƒe V-i ma ke si va le ɣedzeƒe heɖokpe Eɖokui dzi abe Mawu si woɖe ɖe go le ŋutilã me ene lae, nye Mawu ƒe V-i ma ke le ɣetoɖoƒe kpadzi, Si de dzesi Eɖokui le Eƒe Ŋugbetɔ la dome. Vi la ƒe fĩeɣi Kekeli la va ɖo.
Azɔ ne mabia nya aɖe kuɖe nane ŋu la, ele be ŋuɖoɖo vavã nanɔ anyi. Nane ate ŋu anɔ anyi si ate ɖe eŋu; gake elebe ŋuɖoɖo vavã, tẽ aɖe nanɔ anyi na biabia ɖe sia ɖe. Ke, eyata, biabia ɖe sia ɖe si doa mo ɖa le míaƒe agbewo me la, elebe ŋuɖoɖo nyuie, nyateƒetɔ nanɔ anyi nɛ.
Le míaƒe ŋkeke me la biabia geɖewo kple nyahehe geɖewo le amewo do me.
Aleke gbegbe wòle vevie be woaɖo to Mawu ƒe nyagblɔɖila ƒe nyaƒokawo?
Aleke gbegbe wòle vevie be woase aɖaxɔ Nya ɖe sia ɖe dzi see?
Nukae nye míaƒe Tɔɖoƒe laa? Nusi wògblɔ le nyaƒoka dzi Yea, alo ɖee Gbɔgbɔ Kɔkɔe kplɔa ame sia ame be woatso nyame agblɔ nusi nye kple nusi menye Nya la oa.
Ɖee wòle be ame aɖe nanɔ míasi, alo amewo ƒe hatsotso, be woaɖe Egɔme na mí titotitoa?
Ɖee Nya la le gbɔgblɔm be ne Wòdɔ nyagblɔɖila Eliya ɖa vɔ la, Adɔ amewo ƒe hatsotso aɖe si Wòle be wòaɖe Egɔme na mia?
Ɖee míehĩa ame aɖe be wòaɖe Nya la gɔme na mí alo aɖe Egɔme na mí titotitoa?
Ɖeko wòle be míase nyaƒokawo le míaƒe aƒewo, ʋuwo, kple amidzeƒewo me, eye miaɖoto mawunyagblɔla ne míeyi sɔlemea?
Ɖee wòle be míaƒo nyaƒokawo le míaƒe hameawo mea?
Mawu ƒe Gbe Wònye na míaƒe ŋkeke alo oa?
Azɔ, ne nyabiase wònye le Biblia ŋu la, ekema ele be ŋuɖoɖo nanɔ esi le Biblia ŋu. Mate ŋu ava tso amewo ƒe hatsotso aɖe gbɔ, tso subɔsubɔ teƒe aɖe ƒomevi gbɔ, alo tso nufiala aɖe gbɔ, alo tso kɔmahatsɔŋkɔ aɖe gbɔ o. Ele be wòava tẽ tso Ŋɔŋlɔ la me…
Eyata ne míedi be míakpɔ ŋuɖoɖo nyuietɔ na míaƒe biabiawo la, ele be míayi ɖe Ŋɔŋlɔawo gbɔ. Emegbe la, ele be míatso nya me, kuɖe amesi nye Ŋɔŋlɔawo ƒe mawume gɔmeɖela la ŋu. Ɖee ame sia ame tsoa nya me na eɖokuia?
Menye nyagblɔɖila gɔme ɖeɖeko yenye be woaɖe Nya la gblɔ o, gake hã be woagblɔ nya ɖi do ŋgɔ, kple Nya la gɔmeɖela Mawumetɔ, Mawume Nya si woŋlɔ ɖi.
Eyata ne nyagblɔɖila nye Ŋɔŋlɔawo ƒe gɔmeɖela Mawumetɔ la, ekema nusi nyagblɔɖila ma gblɔ la nye Mawu ƒe Nya si gɔme woɖe vɔ xoxo na Eƒe Ŋugbetɔ la, ETƆ ƉE AFIMA.
Esia metea ame ɖe aga le mawunyagblɔla gbɔ, alo le tsitrenɔƒe si ta Mawu yɔwo la gbɔ o. Mawu yɔ wo be woalé Nya ma si Mawu ƒe nyagblɔɖila ɖe gblɔ ɖi le woƒe alẽha la ƒe ŋkume. Ele be woatsɔ asi fia gbedasitsɔla ma kple gaƒoƒo la ƒe Gbedeasi la.
Ele bena woadrɔ ʋɔŋu Nya ɖe sia ɖe si woɖea gbeƒã kple Nya siwo Mawu ƒe nyagblɔɖila gblɔ le nyaƒoka dzi. Womateŋu trɔ, alo woaɖe NYA ƉEKA, gɔme ŋutɔ gɔ hã o. Mawu ƒe Ŋɔŋlɔawo la Eƒe nyagblɔɖila ƉEƉEKO ye ɖena wogɔme.
Azɔ, wodometɔ ɖe sia ɖe, ẽ ɖe, miate ŋu akpɔ woƒe tamesusu, eye nyemate ŋu abufɔ wo o. Wodometɔ ɖe sia ɖe gblɔna be yewonye nyateƒe la, nyateƒe la le yewosi. Ke ele be amesiwo nye hamemawo me tɔwo la naxɔ ema dzi se, elabena woda woƒe—woƒe dzeƒe, dzeƒe Mavɔ, ɖe hame ma ƒe nufiafia dzi. Ke wotovovo alegbegbe, eɖe le kemea gbɔ, sẽ ɖe esime wòwɔ biabia vovovo alafa asieke kple edzivɔwo.
Ne Gbedeasi sia si Mawu ƒe nyagblɔɖila ɖe gblɔ menye miaƒe Tɔɖoƒe o, gake enye be nusi ameaɖe alo amewo gblɔna nye Nya la, ekema miaƒe dzeƒe Mavɔ la le dzudzɔm ɖe nusi GBLƆM WOLE la dzi.
Nye nyawo le dzedzem ko abe ɖe wotsitre ɖe mawunyagblɔla ɖe sia ɖe kple wokatã ŋu ene. Nyemetsitre ɖe woŋu o. Mexɔese be Mawu ɖo ame vavãwo ɖe Eƒe Hamea kple ɖe Eƒe Alẽhawo dzi be woalé Gbedeasi sia ɖi le woƒe ŋkuwo me. Mexɔese be woɖea gbeƒã Gbedeasi sia hexɔnɛ edzi sena. Gake nukata womagbugbɔ Nɔviŋutsu Branham va woƒe nyagblɔtiwo dzi abe Gbe si le vevie wu be woase ene mahã ? Nukata wole woƒe subɔsubɔdɔ tsɔm le sɔsɔm, hã be ele vevie ko abe, Gbe ma ene mahã?
Maleaxi 3 bena, “Madɔ Nye gbedasitsɔla ɖo ɖe Ŋgɔnye be woadzra mɔ la dzi ɖo.” Eye amesi wodɔ ɖo ɖa be wòdzra mɔ la dzi ɖo la, de dzesi Eyama, teƒe la. “Eyae nye Ema! Vodada aɖeke mele eme o. Eyae nye Ema! Mekpɔ dzesi la le Eyome dzem. Menyae be Eyae nye ema; Kekeli aɖe si le ɖiɖim tso Dziƒo heɖi gbɔna Eyama dzi.” Enɔ eteƒe, Eyama wònye.
Ekema, nɔvinyeŋutsu, medi be mabia wò nane, esime mele kpakpam. Míate ŋu agblɔ esia. Le Maleaxi 4 me la, ɖee womedo hɔ̃ bubu aɖe ƒe ŋugbe na míawo hã, Dzo Lilikpo aɖe adze eyome, atsɔ fia hame si le tsaglalatsam egbe sia bena Enye Hebritɔwo 13:8, “eyama ke etsɔ, egbe, yiɖe mavɔmavɔ me ” mahã? Ɖee womedo bubu si adzo tso gbedadaƒo me ƒe ŋugbe na mí oa?
Nukae do wòle be míanɔ kpɔkplɔm? Kekeli ƒe Alilikpo ma. Amekae nye Dzo ƒe Alilikpo ma? Hɔ̃ mae, Maleaxi 4. Ameka ƒe tame Dzo Lilikpo ma nɔ be woaɖo kpe amesi wònye la dzii? William Marrion Branham ye.
Ɣesiaɣi si míeƒoa ƒu la, ele be míale Gbe ma ɖe amewo ŋkume. Elebe míaɖo Mawu ƒe Gbe GBÃ. Menye be míasubɔ amema o, gake be míasubɔ Mawu si le ame ma me.
Ame si Mawu tia be wòakplɔ Yeƒe Ŋugbetɔ lae ma. Amema yenye amesi Mawu tia be wòaɖe Yeƒe Nya gɔme. Amemae Mawu tia be yeaɖe Yeƒe nyaɣlaɣlawo katã fia. Amemae nye amesi Mawu gblɔ na be, “Na amewo NAXƆ DZI WÒ SE” , MENYE AME BUBU AƉE ALO NUSI AME BUBU AƉE LE GBƆGBLƆM O, WÒ, WILLIAM MARRION BRANHAM. Amemae nye amesi le míafia ge Yesu Kristo.
Ŋutsu ɖe sia ɖe alo nyɔnu ɖe sia ɖe si tsɔa nane kpena nusi megblɔna la, mexɔ nusi gblɔm mele la dzi se o.
Va eye nàzu Aƒn. Yesu Kristo kpli mí Kɔsiɖagbe sia le ŋdɔ ga 12 me, esime míase Mawu nyaŋuɖela si wotia wòaƒo nu aɖagblɔ : Subɔsubɔ Teƒe Si Mawu Tia 65-0220 na mí.
Nɔvi. Joseph Branham
Mose V 1:3 Mose II 12:3-6 Maleaxi Ta 3 kple 4 Luka 17:30 Romatɔwo 8:1 Nyaɖeɖefia 4:1
Hame ka mee nàte ŋu ayi aɖanyae ɖikeke ƒe vɔvɔ̃li aɖeke manɔmee, be Nya ɖe sia ɖe si sem nèle la nye Ale Aƒetɔ La Gblɔ Esi? Afiaɖeke o, negbe ko èle Mawu ƒe Gbe sem wòle nuƒom na wò le nyaƒokawo dzi.
Mawu ƒe hɔ̃wo míenye eye míele ƒoƒose aɖeke wɔ ge le Nya ɖeka dzi o. Mana yeye ko dim Míele le takpekpe ɖe sia ɖe me eye Mezu na yeyewu wu Esese teŋ tso Mawu Ŋutɔ gbɔ o. Míedzona yi yame ʋĩ ʋĩ esime míesena Gbedeasi ɖe sia ɖe. Zi geɖe alesi míadzo yi yame ʋĩ la, nenema ke míate ŋu akpɔ nu wu. Ne Mana aɖeke mele hame sia me o la, Mawu ƒe hɔ̃wo kɔkɔna yi dzi vie wu sẽ ɖe esime Woakpɔe.
Alegbegbe míaƒe dziwo dzo kpɔ kple dzidzɔ esime míese Mawu nɔ nuƒom na mí henɔ gbɔgblɔm na mí be míenye Eƒe, Mawu ƒe Hame, si wogbugbɔ dzi, akuakua, si xɔna Mawu ƒe Nya ɖe sia ɖe dzi se le nu sia nu ƒe ŋkume, meka nusi wònye o, elabena míenye eƒe Nya Ŋugbetɔ si le aƒe tsimatɔe la.
Ʋunyaʋunya aɖe tɔgbe li le amewo dome egbea. Abe alesi wònɔ le Yesu ƒe ŋkekewo me ene, amemawo siwo yɔ woɖokuiwo be xɔsetɔwo la nɔ nusi nunɔla gblɔ kuɖe Ŋɔŋlɔa ŋu ƒe gɔmeɖeɖe tsɔm. Wonɔ ame ƒe gɔmeɖeɖe kuɖe Nya la ŋu xɔm nɔ sesem. Susuma tae wodaƒu be yewoa kpɔ Mawu ƒe Nyateƒe la, elabena Mawu ƒe Nya ƒe gɔmeɖeɖe ametɔwɔwɔea geɖewo nɔ anyi akpa. Mawu mehĩa ame aɖeke be wòaɖe Yeƒe Nya gɔme o. Enye Eŋutɔ Ƒe Gɔmeɖela.
Ɖee nèxɔe se be ɖe nènɔ agbe le Yesu ŋɔli la, anye ne nàxɔ Nya ɖe sia ɖe si Wògblɔ dzi se, meka nusi wò nunɔla gblɔ oa? Ɖee nàgblɔ na wò nunɔla be toɖoɖo Yesu lae nye nuvevietɔ si nàte ŋu awɔa? Ɖee nàto na Eyama be Yesu ƒe Nyawo mehĩa gɔmeɖeɖe aɖeke oa? Ɖee Yesu ƒe gbeƒãɖeɖe nyaƒokawo nɔ wosi ɖe, ɖee nàgblɔ na wò nunɔla be èle didim wòazi play alebena nàte ŋu ase nusi Yesu gblɔ tututu kple alesi Wògblɔea?
Enyo, ema menye wò agbenɔɣi o; esiae nye wò agbenɔɣi, wò ɣeyiɣi yenye esia. Biblia gblɔ be, Enye eyama ke etsɔ, egbe, yiɖe mavɔmavɔ me. Nusi wɔm nèle hele gbɔgblɔm fifia la nye nusi nàwɔ le afima le ɣeyiɣi ma me.
Míexɔe se be Mawu ƒe V-i ma si va le ɣedzeƒe heɖokpe Eɖokui dzi abe Mawu si woɖe ɖe go le ŋutilã me la, nye Mawu ƒe V-i ma ke le ɣetoɖoƒe kpadzi si le dzesi dem Eɖokui le mía dome. Míexɔe se bena egbe sia wowu Ŋɔŋlɔ sia ŋu le míaƒe ŋkume.
Mexɔe se vavã be esiae nye amenuveve ƒe la, yubili ƒe ƒe la. Ne nèdi be yeakpɔtɔ anye kluvi eye mèxɔe se be Gbedeasi sia nye Ale Aƒetɔ La Gblɔ Esi o; Ne Gbedeasi sia menye wò Tɔɖoƒe o; Ne nèxɔe se be ehĩa amegbetɔ be wòaɖe Gbedeasi si la gɔme; Ne nèxɔe se be egblẽ be woaƒo nyaƒokawo le wò hamea me la; ekema ele be woakplɔ wò eye woaɖe do ɖe tome na wò kple nuŋɔnu, ke ekema ele be nàsubɔ kluviƒetɔ ma le wò ŋkeke mamleawo me.
Gake Hame Ŋugbetɔ akuakua vavãtɔ la le Mawu ƒe Nya blibo la dzi xɔm le sesem le Eƒe blibodede me kple le Eƒe ŋusẽ me. Míawoe nye Hame Tiatia si le eɖokui ɖem do go ɖa hele aga tso numawo gbɔ, eye Mawu ƒe ɖeɖeɖego he míaƒe susu va. Míenye Abraham Ƒe Gbɔgbɔme Fiaƒome Nuku ma.
Míenye akpedala bena èle afisia be yease vivi le kadodo sia me kpli mí, esi míele mɔkpɔkpɔ me be Mawu le míana ge le takpekpe sia me.
Eyata míele wòkpem be nàva wɔ ɖeka kpli mí Kɔsiɖagbe sia le ŋdɔ ga 12 me, Jeffersonville ƒe game esime míase 65-0219 Egbe Sia Wowu Ŋɔŋlɔ Sia Nu Míele mɔkpɔkpɔ gã aɖe me na nusi Mawu le wɔwɔm le takpekpe siawo me. Vi La ƒe Fĩeɣi Kekeli va ɖo.
Nɔvi. Joseph Branham.
Yohanes Kɔkɔe Ta 16lia Yesaya 61:1-2 Luka Kɔkɔe 4:16
Míele afisia. Míeva ɖo. Ɣeyiɣi la tu aƒe. Tsro la ma eɖokui ɖa tso le Nuku la gbɔ. Míele Vi la ƒe Ŋkume, le tsitsim. Míanɔ Ŋkume ma me sẽ ɖe esime míaƒe hatsotso sue la natsi alegbegbe na Kristo, sẽ ɖe esime míazu abolo le Eƒe kplɔ̃ dzi. Akpe na Mawu!
Míenye ɖetugbui le aƒewo na Nya la. Míate ŋu eye míele asi ka ge nu bubu aɖeke ŋu o. Kple Gbedeasi ɖe sia ɖe si míesena la, eme fa hele yeye; Mana yeye si ge tso Dziƒo ko.
Gake ena mí toklã bena le nuwuɣi la Gbɔgbɔ eve siawo woaɖi wonɔewo alegbegbe be, aflu ametiatia ŋutɔ gɔ hã, ɖee wòle bɔbɔe ɖe. Alea la, edze be míanɔ ŋudzɔ le gbɔgbɔ ma ŋu esime wòle dzedze ge abe Ŋugbetɔ la ŋutɔ ene.
Mide dzesi alesi wòɖii la. Mateo gblɔ be, Mateo Kɔkɔe 24:24, gblɔ, bena, “gbɔgbɔ eveawo le ŋkeke mamleawo me,” hametɔwo ƒe hame gbɔgbɔ, kple Ŋugbetɔ la me tɔwo ƒe Ŋugbetɔ Gbɔgbɔ “woaɖi wonɔewo alegbegbe sẽ ɖe esime wòaflu Ametiatia ŋutɔ la ɖee wòle bɔbɔe ɖe.” Nenema gbegbe woɖi wonɔewo yema.
Egblɔ be hametɔwo ƒe GBƆGBƆ kple Ŋugbetɔ la me tɔwo ƒe GBƆGBƆ woagogo wonɔewo ŋutɔ alegbegbe. Egɔme yenye be hametɔwo ƒe gbɔgbɔ agblɔ be yewoxɔ gaƒoƒo la ƒe Gbedeasi la dzi se alebena woate ŋu agogo wonɔewo NENEMA GBEGBE.
Manye Metodistetɔ, Baptistetɔ, Presbiteriatɔ, alo ŋutɔ gɔ hã Pentekostetɔ o; wodidi le Nya la gbɔ alegbegbe eye wogbe nu le Gbedeasi la gbɔ ŋutɔ gɔ hã. Woadometɔ ɖeke meɖo gbɔgbɔ aɖe si gogo Ŋugbetɔ la o.
Satana tee kpɔ, eye wòdze edzi nɛ ŋutɔ, be yeanye ameflula alegbegbe. Ŋutɔ gɔ hã tso gɔmedzedzea me la, ɖeko wògblɔ be, “Kakaɖedzitɔe la,” alea wònɔ gbɔgblɔm na Xawa be Xawa be nezã eƒe susuɖeɖe hã bena ele be wòaɖo to ye ke menye Nya la ɖeɖeko o. Nu ɖeka pɛ ko wodo se nɛ be wòawɔ: nɔ anyi kple Nya la.
Nuwɔnawo:
Ne biabia aɖe le asiwò la, ele be Ŋuɖoɖo aɖe na nɔ anyi nɛ. Numae nyagblɔɖila gblɔ na mí. Ele be ŋuɖoɖo la nava tso Nya la me. Nya la nyagblɔɖila ɖeɖeko wòvana na. Nyagblɔɖila yenye Nya la ƒe gɔmeɖela ɖeka si li. Ne ŋutsu alo nyɔnu aɖe na wò ŋuɖoɖo la ele be wòanye nusi nyagblɔɖila gblɔ vɔ xoxo. Mate ŋu anye woƒe gɔmeɖeɖe, susu alo nugɔmesese o. Ele bena woaglae kple Nya si nyagblɔɖila si dzi Mawu ɖo kpe ɖe gblɔ dzi. Menye nyagblɔɖila kpeɖe nane nu ye o, nusi nyagblɔɖila gblɔ ɖeɖeko ye.
Azɔ susuɖeɖe ƒe suku eve woe li
1: Ele be miase Nya ɖe sia ɖe le nyaƒokawo dzi esime Woawoe nye Gbedeasi vevietɔwɔ siwo wòle be miase.
2: Mele be miaxɔ nya ɖe sia ɖe dzi se le nyaƒokawo dzi o, ke mawunyagblɔla fifia la ɖo gbedeasi vevietɔwo siwo wòle be miase.
Tɔtrɔ geɖe, geɖewo li na susu evelia: Gbɔgbɔ Kɔkɔe akplɔm alo nye pastɔ be wòagblɔ nusi nye kple nusi menye Nya la o na mí. Míehĩa geɖe wu nusi Nɔviŋutsu Branham gblɔ le nyaƒoka dzi ɖeɖeko. Ele be mawunyagblɔla nanɔ asiwò be wòaɖe Nya la gɔme alo wòaɖe egɔme na mi titotito. Mawunyagblɔla manɔmee la màte ŋu anye Ŋugbetɔ la o.
Nu tovovo geɖewo gali wu, gake mele bɔbɔe be woaŋlɔ wokatã o. Gake tɔtrɔ alo nu tovovo aɖeke mele gbãtɔ la me o. Gblɔe ɖe la enye, XƆ NYA ƉE SIA ƉE DZI SE.
Abe xɔsetɔwo le nuwuɣi Gbedeasi sia me ene la, elebe miabia nya siawo miaɖokui:
1: Ɖee nèxɔe se be nusi nyagblɔɖila gblɔ le nyaƒokawo dzi nye wò Tɔɖoƒea, alo nèxɔe se be Gbɔgbɔ Kɔkɔe to dzi wò alo wò pastɔ dzi ye?
2: Ɖee nèxɔe se be mawunyagblɔla atɔ̃awo ɖo gbedeasi vevietɔwo siwo Ŋugbetɔ la hĩa be wòasea, alo Gbedeasi la le nyaƒokawo dzi ye?
Ne wò pastɔ, gbeƒãɖela, nufiala, nyanyuiegblɔla alo nyagblɔɖila mele egblɔm na wò be nyaƒokawo sese woenye GBEDEASI VEVIETƆWO siwo wòle be nàse o la, enye ALAKPATƆ, KPLE GBƆGBƆ SI NYAGBLƆƉILA NA MÍ TOKLà BE AVA LA.
Ne wògblɔna be WOAWOE NYE Gbedeasi Vevietɔwo si nàte ŋu ase, gake ekpɔtɔ le nyaƒokawo ƒoƒo le eƒe hamea me gbem la, NANE GBLẼ. Ne wòxɔe se vavã be nyaƒokawo ƒoƒo yenye nu vevietɔ si nàte ŋu awɔ la, ekema aƒo nyaƒokawo GBÃ, emegbe la aɖe gbeƒã ne wòse be wokplɔ ye.
Kpɔɖeŋu gblɔe:
Ne megblɔ na wò be, tsi dzadze nono nye nu vevietɔ ɖeka si nàte ŋu awɔ na wò lãmesẽ, eye ƉEKA koe li si dzi woda asi ɖo heɖokpe edzi be enye tsi nono dzadze…gake esime nèva nye aƒe me hena fĩeɣi nuɖuɖu la, nyemena tsi ma si dzi woda asi ɖo wò o. Megblɔ na wò be, “àte ŋu ano tsi ma si le aƒewò me gake le nye aƒe me la, ele be nàno nusi mena wò la.”
Ne tsi ma nye NU VEVIETƆ si mate ŋu ana wò hena wò lãmesẽ, esi ana wò agbe la, ekema nu gbãtɔ si nage mala wò ne nègeɖe nye aƒe me lae nye tsi dzadze mae.
Ɖee tɔnye medzɔ o esi mele gbɔgblɔm be, “MIƑO NYAƑOKAWO LE MIAƑE HAMEAWO ME, eyae nye nu nyuietɔ si nàte ŋu awɔ na tɔwòwo. Ale Aƒetɔ la Gblɔ Esi wònye.”
Alo, wotɔ ye medzɔ o esi wole gbɔgblɔm be, “Egblẽ be woaƒo nyaƒokawo le hamea me, Nɔviŋutsu Branham megblɔ kpɔ be woaƒo nyaƒokawo le miaƒe hamea me o. Míegblɔna na amewo be woaƒo nyaƒokawo le woƒe aƒewo me, le miaƒe ʋuwo me, ɣe sia ɣi, GAKE le hamea me la NYEE wòle be woaɖo to.”
Gbɔgbɔ kae le wòkplɔm mahã? Ɖee nèle gbɔgblɔm be, “nusi wogblɔ le nyaƒokawo dzi nye Tɔɖoƒe kple nu vevietɔ si mate ŋu asea”? Alo, ɖee nègblɔna be, “Nyaƒokawo ɖeɖe mesu o. Menye nye Tɔɖoƒe ye o eye menye nu vevietɔ be woase o, mawunyagblɔla yea”?
Azɔ Nuku ƒe ɣeyiɣi yenye esi, alo Ŋugbetɔ ƒe ɣeyiɣi. Tsroawo ku. Tsroawo ƒu kplakplakpla. Enye Nya si le aƒe ƒe ɣeyiɣi, esi ŋu womeka asi o. Enye ɖetugbui le aƒe, miɖo ŋku dzi, Nya si le aƒe ƒe ɣeyiɣi.
Va se Mana yeye si ge tso Dziƒo Kɔsiɖagbe sia le ŋdɔ ga 12 me, Jeffersonville ƒe game, esime míase: 65-0218 Nuku La Menyi Domenyila Kple Tsro La O.
Alegbegbe míaƒe dziwo dina ŋkeke sia vevie kɔsiɖa ɖe sia ɖe esime míate ŋu wɔ ɖeka ɖe du tso xexea katã me be míase Mawu ƒe Gbe wòagblɔ Agbe Mavɔ ƒe Nya na mí. Nububu aɖeke menana kɔɖiɖi míaƒe luʋɔ hetsina míaƒe tsikɔwuame ŋu o negbe Mawu Ƒe Gbe. Ègblɔna mí, Fofo, bena nuŋeŋe ƒe agble gã la tsi, ɖi, eye nuku la le gbesɔsɔ azɔ hena nukuƒoɣi la. Nuku la le Vi la ƒe Ŋkume azɔ hele tsitsim na Mawu Ƒe Fiaɖuƒe la.
Míele tsitre, Fofo, le kakaɖedzi me kuɖe nusi míenya be enye Nyateƒe la dzi; Wò Gbe le nyaƒoka dzi yenye GBE ƉEKA si ana mí Wò Ŋugbetɔ la, míade bliboe.
Esesẽ esime míanɔviŋutsuwo kple nɔvinyɔnuwo se míagɔme baɖa alegbegbe. Míeɖea kuku na wo heƒona koko na wo be womega si ɖa le Eƒe Ŋkume o, gake be woasi va Eƒe Ŋkume.
Míenyae be ŋutsu geɖe siwo wosi amina li siwo Nètia heɖo be woakpɔ Wò alehawo ta, amesiwo lɔ̃na Gbedeasi sia kple woƒe dzi blibowo, gake Fofo, wodaƒu esime womeɖo Wò Gbe si dzi woɖo kpe le nyaƒoka dzi woƒe ŋkume o. Wodaƒu be yewoa gblɔ na wo be ame-ɖeka ƒe Gbedeasi yenye esi hã bena Ètia amea be wòakplɔ Wò Ŋugbetɔ la. Wodaƒu be woagblɔ na wo be Wò Gbe yenye Gbe ƉEKA si ate ŋu awɔ Wò Ŋugbetɔ la ɖekae aɖana wòade blibo.
Ele be “Mado ɣli sesĩe tsitre ɖe eŋu.” Ado ɣli sesĩe tsitre ɖe nu sia nu, kple ame sia ame, si tsitre ɖe Wò Nyaƒokawo ƒoƒo ŋu le woƒe hameawo me. Ado ɣli sesĩe tsitre ɖe woƒe dɔwɔwɔ ŋu, ado ɣli sesĩe ɖe woƒe hame ŋu, ado ɣli sesĩe ɖe woƒe nyagblɔɖilawo ŋu, ado ɣli sesĩe tsitre ɖe woƒe mawunyagblɔlawo ŋu, ado ɣli sesĩe tsitre ɖe woƒe nunɔlawo ŋu. Ele be mado ɣli tsitre ɖe nua katã ŋu!
“Woaga gblɔe, meɖi va be mawɔ ɖeka kple mi ameawo . Mienyae bena, mexɔe se bena magblɔ nusi mawɔ la na mi.” Nu sue aɖe koe le asinye le afisia si mexɔe se be mate ŋu wɔe…ahe míakatã va ɖe du, aɖawɔ esia, ema, alo kemea.”
Ele be mado ɣli sesĩe tsitre ɖe eŋu, esime Wò Nya ɖeɖeko, si Wò nyagblɔɖila ɖe gblɔ, koe ate ŋu ahe MÍ ƉE DU. Aleke wɔ woƒe mawunyagbɔgblɔ ate ŋu awɔe? Wokatã womelɔ̃a ɖe dzi na wonɔewo o eye wokpɔa ŋu wòtoavo le wonɔewo gbɔ, negbe nu ɖeka ko, dzi wokatã wolɔ̃ ɖo yenye…NYAƑOKA MAƑOMAƑO LE WOƑE HAMEAWO ME. Aleke ema ate ŋu ava me ɖo, Fofo? Ègblɔ na mí be elebe TƆƉOƑE ƉEKA, si nye Wò Nya la, na nɔ míasi. Ègblɔ na mí be Wò Nya la vana na Wò nyagblɔɖila, ƉEƉEKO. Ègblɔ na mí eyae nye ame ƉEKA si ate ŋu ɖe Wò Nya la gɔme. Ègblɔ na mí be Mawunyagblɔla ɖe sia ɖe, hamevi ɖe sia ɖe, amegbetɔ ɖe sia ɖe, ate ŋu AGBLƆ NUSI WÒGBLƆ LA ƉEƉEKO. Eƒe Gbe yenye GBE ƉEKA si dzi Wò Dzo Lilikpo la ɖo kpe be Enye Ale Aƒetɔ La Gblɔ Esi.
Nyemele gbɔgblɔm be wonye alakpatɔ alo mele be woagblɔ mawunya o. Nyemele gbɔgblɔm hã be Aƒetɔ la meli kpli wo o, alo wome si ami na wo eye womeyɔ wo be woagblɔ mawunya o, gake elebe mado ɣli sesĩe tsitre ɖe woŋu esime womedi be yewoaƒo nu na yewotɔwo bena nyaƒokawo sese yenye nu vevietɔ kekeake si woate ŋu awɔ o.
Be woatrɔ nya sue ɖeka alo kakɛ ɖeka la nye ku. Èna mɔ aɖe Wò Ŋugbetɔ la be woase Ale Aƒetɔ La Gblɔ Esi kple woŋutɔ ƒe towo. Aleke wɔ be womete ŋu le mawunyagblɔm na wotɔwo bena Enye Gbedeasi vevietɔ kekeake si wòle be woase o hã? Eye nye Gbedeasi ɖeka si me mate ŋu aɖe AMEN ɖe Nya ɖe sia ɖe dzi le, esime menye ame aɖe ƒe Nya, alo ame ƒe gɔmeɖeɖe kuɖe Wò Nya ŋu o, enye Wò Nya Dzadze la.
Ègblɔ bena Gbedeasi la kple gbedeasitsɔla la wole ɖeka. Wò nyagblɔɖila Ɖee gblɔ eye Wò la àna Wòava me. Wò Nya si Wò nyagblɔɖila ɖe gblɔ la mehĩa gɔmeɖeɖe AƉEKE o esime wònye Amegbetɔ Vi la si le nuƒom tẽ na Eƒe Ŋugbetɔ la.
Elebe maɖe kuku na amewo be, mitrɔ gbɔ va miaƒe gbã lɔlɔ̃ la gbɔ. Mitrɔ gbɔ va nusi mienya be enye ALE AƑETƆ LA GBLƆ ESI gbɔ. Ne èle ɖokuiwò biam se be mɔ kae yatsɔ alo nukae yawɔ la, va, ge ɖe tɔdziʋu la me kpli mí le zã sia me. Míeyina ɖe Niniwe, be míado ɣli sesĩe. Dɔ aɖe kpɔ ŋkume na mí le Mawu ƒe ŋkume, emae nye Gbedeasi sia le nyaƒoka dzi.
Míexɔe se be Aƒetɔ la ƒe Vava tu aƒe, ke Ŋugbetɔ aɖe le Esi su ge, ke míele dzadzraɖo wɔm. Míele nububu aɖeke dim o negbe Mawu ƒe Nya dzadze la si Eƒe nyagblɔɖila ɖe gblɔ. Míele Ŋutikɔkɔe me yim, va geɖe míaƒe tɔdziʋu la me.
Ne nèxɔ Gbedeasi sia dzi se be enye Nyateƒe, hedze be woanɔ agbe ɖe eta, dze be woaku ɖe eta la, va wɔ ɖeka kpli mí Kɔsiɖagbe sia le ŋdɔ ga 12 me, Jeffersonville ƒe game, esime míase Gbedeasi aɖe si dzi míexɔ se be ele vevie kple kpata na mí be míase: Ame Aɖe Si Le Sisim Ɖa Le Aƒetɔ La Ƒe Ŋkume Gbɔ 65-0217.
Mienye nye alẽviwo. Aleke wɔ ɖo? Miawoe nye Aƒetɔ la ƒe Alẽvi siwo Wòɖe mɔ nam be manyi.
Nɔvi. Joseph Branham.
Ŋɔŋlɔ siwo woaxlẽ
Yona 1:1-3 Maleaxi 4 Yohanes Kɔkɔe 14:12 Luka 17:30
1. *Mese wò nègblɔ be nèxɔ Gbedeasi sia ƒe NYA ƉE SIA ƉE dzi se be enye ALE AƑETƆ LA GBLƆ ESI.*
Tso nye dzi ƒe gogloƒe me kple nye ametia ƒe afi ɖe sia ɖe me la MEXƆE SE. Enye Mawu ƒe Gbe ŋutɔ si le nuƒom tso nuɣi dzi yi ɖe to me na Eƒe Ŋugbetɔ la.
Mawu ƒo nu to Eƒe nyagblɔɖila dzi hegblɔ bena:
_Nenema ke nye hã mele egblɔm, le Yesu Kristo ƒe Ŋkɔ me! Migatsɔ ɖeka kpee o. Migaɖe, de miaŋutɔ miaƒe susuwo Eme o. Miawo la migblɔ nusi wogblɔ le nyaƒoka mawo dzi ko. Miawo la miwɔ nusi Yehowa Mawu la de se na mi be miawɔ ko tututu. Migatsɔ Kpee o._
Ne nèle gbɔgblɔm be yèxɔ nuwuɣi ƒe Gbedeasi sia dzi se la, ele be wòhã nàxɔ NYA ƉE SIA ƉE dzi se alebe nànye Eƒe Ŋugbetɔ. Satana le agbagba dzem be yeatsyɔ nu Edzi to mawunyagblɔla dzi hegblɔna bena, “Esime Nɔviŋutsu Branham nɔ adedada ŋutinyawo bɔm alo le gbɔgblɔm be ‘nuɖala nyuietɔ kekeake ye le miasi le dua me’, alo be ‘Nyemeɖo Ŋɔŋlɔ aɖeke na ema o, gake magblɔ nusi susum mele la na mi la;’ Mele be miaxɔ akpa ma dzi se o. Gbɔgbɔ Kɔkɔe la le afisia be yeakplɔ mí be míase nusi nye kple nusi menye Nya la o gɔme.” ABOSAM MA KE SI ƑO NU NA XAWA HEGBLƆ BE KAKAƉEDZITƆE, LA… MENYE NYA ƉE SIA ƉE WÒDI BE YEAGBLƆ O LA YEMA. Eɖi nane si mienyaa?
Wole nusi wòde SE na wo be womegawɔ o la wɔm tututu. Egblɔ be MIGBLƆ NUSI WOGBLƆ le nyaƒokawo dzi, menye be miade miaƒe susuwo alo nugɔmesesewo Eme o. Megblɔ be, “nu sia nu NEGBE akpa sia kple akpa ma, ke wò pastɔ ava gblɔ na wò ɣe si ɣi ye wònye Gbɔgbɔ Kɔkɔe le nuƒom kple ɣe si ɣi ye nye koe Wònye” o. Kpe sue ɖeka ko nyea menye le aƒuata le kpe gã siawo dome.
2- *Ɖee nèsusuna be Nɔviŋutsu Branham kple/alo eƒe nyaƒokawo nye tɔɖoƒe laa?*
Nɔviŋutsu Branham menye nye Tɔɖoƒe o gake Gbedeasi si wòɖe gblɔ ɖe nyaƒoka dzi la nye nye Tɔɖoƒe kakaɖedzitɔe.
Ame geɖewo gblɔa be mele eteƒe o be, Biblia yenye Tɔɖoƒe la. Xɔ̃nye, Biblia kple Gbedeasi si le nyaƒoka dzi la wonye nu ɖeka ma ke. Emae nye Gbedeasi la ƒe dzɔdzɔme ŋutɔ ŋutɔ. Gbedeasi la si le nyaƒokawo dzi la nye Biblia ƒe gɔmeɖeɖe. Wole ɖeka henye nu ɖeka ma ke.
Ame sia ame nya bena, 1: Biblia nye Nya la. 2: Nya la vana na nyagblɔɖila. 3: Nyagblɔɖila yenye Nya la ƒe gɔmeɖela mawumetɔ ƉEKA. 4: Míaƒe nyagblɔɖila, William Marrion Branham, yenye Mawu ƒe Nya si woɖe ɖe go na míaƒe ŋkeke eye woɖoe ɖa be wòaɖe Nya la gɔme. 5: Mawu ƒe Nya mehiã gɔmeɖeɖe aɖeke o. Nusi gblɔm Wòle to Eƒe nyagblɔɖila dzi le nyaƒoka dzi la YENYE EƑE NYA LA ƑE GƆMEƉEƉE.
Biblia gblɔ na mí bena Agatrɔ va ake aɖanɔ ŋutilã me tututu ko abe alesi Wòwɔe kple Abraham kple Yesu Kristo ene. Egblɔ be nu geɖewo kpɔtɔ le Ye si be yeagblɔ na mí. Egblɔ be Yele nyaɣaɣla gã siawo katã siwo woɣla ɖe Yeƒe Nya la me ɖe ge afia. Egblɔ be mehĩa gɔmeɖeɖe aɖeke o. Megblɔ kpɔ be yele hatsotso aɖe ɖo ge ɖa be wòakplɔ Yeƒe dukɔ aɖawɔe ɖeka o, EYA ŊUTƆ AKPLƆ DUKƆ LA TO EƑE NYAGBLƆƉILA DZI ABE ALESI WÒWƆNE KOKOKO ENE. EƑE NYA MATE ŊU TRƆ O.
3. *Ɖee nèxɔe se be elebe pastɔwo naƒo nyaƒokawo le woƒe hameawo mea?*
Ele be pastɔ ɖe sia ɖe nàwɔ abe alesi wòle sesem be Aƒetɔ le ye kplɔm be yeawɔ ene, esime wòle be hame ɖe sia ɖe le eɖokui si ta. Mexɔe se, eye megblɔe zi geɖe le nyagblɔti la dzi, be elebe pastɔwo woagbugbɔ Nɔviŋutsu Branham va woƒe nyagblɔtiwo dzi to nyaƒokawo ƒoƒo dzi. Nyemegblɔ kpɔ be elebe woadzudzɔ mawunyagbɔgblɔ aɖaƒo nyaƒokawo ɖeɖe ko o. Gake wole taflatsɛ ɖe sia ɖe si woate ŋu asusu alebe womaƒo Mawu ƒe Gbe le woƒe hameawo me o dom.
Mana mɔ nyagblɔɖila wòagblɔ alesi mele sesem kuɖe pastɔwo siwo medi be yewoaƒo Gbe ma le woƒe hameawo me ŋu.
_Azɔ, dzena le Nɔviŋutsu Junior Jackson si be malɔ̃ ɖe edi o. Edi be yeƒe hame…Ameawo katã di be yewoado aɖe yeye kple nuwo le nyaselawo dome. Nɔviŋutsu Junior ƒe nyawoe ma; ema—ema ka eŋutɔ. Gake Junior Jackson xɔ Gbedeasi sia dzi se nenema ke abe…alesi míadometɔ ɖe sia ɖe wɔnɛ ene. Enye míadometɔ ɖeka._
4- *Ɖee nèxɔe se bena ele be mawunyagblɔlawo woadzudzɔ mawunyagbɔgblɔa?*
Kpao, nyemegblɔe kpɔ o nenema ke nyemexɔe se hã o. Nya la le egblɔm na mí, eye Nɔviŋutsu Branham ƒe nya me kɔ nyuie le B kple Ŋ [Biabiawo Kple Ŋuɖoɖowo. Tala] ƒe Gbedeasi siawo ŋu, bena mawunyagblɔlawo woayi dzi.
Ɖeko mesea be wokplɔm, hena nye hame la, be mawɔ kpɔkplɔ yiɖe me kpata aɖe; alo to nye leta dzi fifia gbɔ, ke emegbe la mezia play hesea Mawu ƒe Gbe ƉEKA si dzi woɖo kpe na egbe. Megblɔe zi geɖe bena subɔsubɔdɔ gãtɔ kekeake ye le asinye le xexeame, elebe maƒo nu aɖo Mawu ƒe Gbe nye hame la ƒe ŋkume Kɔsiɖagbe ɖe sia ɖe.
5- *Amewo le gbɔgblɔm be èsea be ne amewo mele Branham ƒe Agbadɔ la ƒe takpekpeawo dem le ka me o la womenye Ŋugbetɔ la o oa?*
Nyemegblɔe GBEƉE kpɔ alo ŋutɔ gɔ hã susui kpɔ o, nɔvinyeŋutsuwo kple nɔvinyenyɔnuwo. Amekake agblɔ nu ma ƒomevi la tɔ me dzɔ o. Abe Branham Ƒe Agbadɔ ƒe pastɔ ene la, mesea be wokplɔm be maƒo Nɔviŋutsu Branham ƒe nyaƒokawo. Mexɔe se be Gbe ma yenye nu ɖeka si awɔ Ŋugbetɔ la ɖekae.
Abe alesi megblɔe do ŋgɔ ene la, mexɔ nu sia nu si le nyaƒokawo dzi se be wonye Ale Aƒetɔ La Gblɔ Esi ke womehĩa gɔmeɖeɖe aɖeke o. Mate ŋu aɖe amen ɖe Nya ɖe sia ɖe si sem mele la dzi. Mexɔe se be wodɔ William Marrion Branham be wòayɔ Ŋugbetɔ aɖe do go. Nye teƒe le mawunyagblɔla atɔ̃awo dome yenye be matsɔ asi fia gbedeasitsɔla ma ke emegbe la mazi play. Nu gã aɖeke melolo wu be woase Gbe ma o. Amisisi gãtɔ kekeake le nyaƒokawo dzi, eyata nukata madi be matsɔ nububu na nye hame laa?
Kɔsiɖagbe ɖe sia ɖe la mekpea xexeame be nèɖo to Gbedeasi si Aƒetɔ do nye dzi dzi be maƒo na nye hame la. Wokpea amesiame be wòaɖo to le ɣeyiɣi ɖeka me.
Mezãna nusi Nɔviŋutsu Branham gblɔ le nyaƒokawo dzi abe nye mɔfiala ene.
_Ke kaƒomɔ̃ ƒe nuwɔna sia le míasi fifia, esi nyo ŋutɔ, ŋutɔ. Amewo woate ŋu anɔ anyi le woƒe aƒewo me tututu alo woƒe…aƒo ƒu le woƒe nɔƒewo, kple wotɔeawo, aɖaɖoto takpekpe la. Mekpɔ ŋudzedze le ema ŋu._
_Azɔ, pastɔ, medi be wò nànyae be, ema, la nye hamea ko megblɔa nusiawo na. Ke dzena le asinye be mawɔ ema, elabena Gbɔgbɔ Kɔkɔe la ɖom anyi be makpɔ alẽ siawo ta._
_Gbedeasi sia, kple Gbedeasiawo ƒe susɔeawo katã siwo ŋu meƒoa nu le la, yina na nye hame la. Menye wò hame tɔ ye o negbe ko wodi be Yewoaxɔe. Gake amesiawo siwo le afisia ye Wòyina na._
_Ke xexeame godoo yenye ma. Ke amewo fɔ̃a le zã ga wuieve me, le du xoxoeawo me, wolea gbedodoɖa ƒe kɔsɔkɔsɔ ma anyi le ɣeyiɣi ɖeka me. Le nyateƒe me la, akpewo kple akpe akpe ewowo le gbedom ɖa le ɣeyiɣi ɖeka me. Enye dzizizi na Mawu be wòase godoo; ɖeko miele—miele agbadom na Dziƒo kple gbedodoɖa, mikpɔea, eyata elebe Wòase._
6- *Ɖee wògblẽ be woade sɔlemea?*
Nyemegblɔ nya ma kpɔ gbeɖe o alo nyemexɔe dzi se o. Ne mexɔ ema dzi se ɖe nukata hame le asinye ɖo? Le Branham ƒe Agbadɔ me la takpekpe 3 míewɔna tsã le kɔsiɖa ɖeka me sẽ ɖe esime wòva sesẽ nam akpa be maɖo takpekpe geɖe le kɔsiɖa sia kɔsiɖa me eye magawɔ dɔa le VGR. Tso ema dzi la míeva ɖo takpekpe eve kɔsiɖa sia kɔsiɖa le Agbadɔ la me sẽ ɖe esime ɖeko megate ŋu va su na amewo xɔxɔ o. Alea míeʋu yiɖe míaƒe xɔtutu si míezãna na míaƒe sɔhewo tsã me, esi nye kamedeƒe tsã.
Aƒetɔ la dee nye dzi dzi be magblɔ nya aɖe Kɔsiɖa aɖe ŋdi gbe. Megblɔ be ne wodo hame sia ƒe ʋɔtruwo ŋutɔ gɔ hã gbeɖeka la, míada ɖeke ƒu kura o esime míaƒe pastɔ ate ŋu aƒo nu na mí le afi sia afi si míele. Dzinu ɖeka megbe la, míekpɔ COVID si tu hameawo le xexeame kpeɖo.
Mese be wokplɔm be le ɣeyiɣi ma me la, anye gomekpɔkpɔ nyuie aɖe be míagbugbɔ trɔ asi le kamedeƒe la ŋu, esime míehĩa gbedɔxɔ aɖe. Alea, míele dzidzɔ kpɔm le míaƒe aƒewo me, wɔ ɖeka hele Mawu ƒe nyagblɔɖila sem le nyaƒoka dzi kple Ŋugbetɔ la ƒe akpa aɖe le xexeame kpeɖo, esime wogbugbɔ le asitrɔm le hame la ŋu.
Ɖeko míele xɔtutu la nuwum, gake tututu ko abe alesi esime Nɔviŋutsu Branham nɔ afisia le Branham ƒe Agbadɔ la me ene la, míegasɔgbɔ wu ʋutɔɖoƒe yeye si míetu la vɔ xoxo. Ɖeko wòle be míado gbe ɖa aɖakpɔ alesi Aƒetɔ la akplɔ mí ɖa.
Menyae be biabia geɖe, geɖe wu le amewo ƒe dziwo dzi. Nu geɖewo li siwo megblɔ si gɔme wose baɖa. Ne wose Nɔviŋutsu Branham gɔme baɖa ɖe, aleke gɔ̃ wòanye na nyea wu? Ate ŋu anye be tɔnye madzɔ le nusi megblɔ me o fãa. Mate ŋu agblɔ wo woanyo wu alo ana wome nakɔ wu le alesi metsɔ wo fia me lee? Gake nu ɖeka aɖe li si MENYA be ele eteƒe, GBEDEASI SIA DEBLIBO. Mele be nàɖotom alo nusi gblɔm mele o, gake ELE BE nà ZI PLAY AƉAXƆ NYA ƉESIAƉE DZI SE.
Zi ɖeka ake la, mele wòkpem be nàva wɔ ɖeka kple Branham ƒe Agbadɔ la Kɔsiɖagbe sia le ŋdɔ ga 12 me, Jeffersonville ƒe game, esime míase: _Biabiawo Kple Ŋuɖoɖowo #4 64-0830E._
Mawu lɔ̃a mí alegbegbe be Ena Eƒe nyagblɔɖila ɖo míaƒe biabiawo KATÃ ŋu na mí, heɖo Ŋuɖoɖoawo nyaƒoka dzi. Ne míehĩawo la, nusi ko wòle be míawɔ lae nye be AXƆSE AƉAZI PLAY.
Ɖee Gbɔgbɔ Kɔkɔe la le asinyea?
Gbɔgbɔ Kɔkɔe ƒe kpeɖodzi vavã la, esime Mawu ɖe fia wò eye nèkpɔe be, ALE AƑETƆ LA GBLƆ ESI ye eye nèlɔ̃ xɔe.
Ekema Ele asinye Aƒetɔ, esime Nèɖe Gbedeasi sia fiam eye melɔ̃ Xɔe abe Ale Aƒetɔ La Gblɔ Esi ene!
Gake, edzea ko be megena akpa… hã kae ku ɖe nye tsɔme si vayi ŋu?
Menye nusi nènye, nusi nènye va yi, alo naneke kuɖe eŋu o, nusi Mawu wɔ na wò fifia ye. Kpeɖodzi lae nye ema.
Aƒetɔ, Mèle nye tsɔme si vayi dzi kpɔm o eye Mèle nye vodada geɖe, geɖewo kpɔm fifia gɔ hã o, gbe nye ko sem Nèle; Ŋutikɔkɔe Aƒetɔ, GBƆGBƆ KƆKƆE LA LE ASINYE.
Nɔviŋutsu Branham, menyae be nègblɔ be menye wòenye kpe ɖeka le aƒuata o, gake amekae anɔ mɔ fiam Kristo ƒe Ŋugbetɔ le nuwuɣi laa?
To Mawu ƒe kpekpeɖeŋu me la, mexɔe se be mele mɔ fiam Yesu Kristo ƒe Ŋugbetɔ la.
Nu geɖewo le nye dzi dzi, nuka wòle be mawɔ?
Nububu aɖeke mele vevie fifia o wu be woaƒo ƒu Mawu ƒe viwo katã ɖe du aɖagblɔ be, “Mina míadzo.”
Akpe na wò Aƒetɔ, ye wɔm míele tututu. Nububu aɖeke mele vevie na mí wu o negbe Wò Nya la. Wò Gbɔgbɔ Kɔkɔe le mɔfiam mí to Wò nyagblɔɖila dzi eye míele ƒu ƒom ɖe du le Wò Nya ŋu tso xexeame, eye míele gbesɔsɔ be míadzo.
Biabia geɖewo le asinye, mehiã mɔfiame, kpekpeɖeŋu, kple ŋuɖoɖowo. Afika makpɔ wo lee?
Mele afisia be madze agbagba be makpe ɖe mia ŋu, elabena melɔ̃a mi. Mienye vinyewo si medzi na Kristo. Mele miadometɔ ɖe sia ɖe ta biam se. Mele miata biam se le zã sia me; mebiana miata ɣesiaɣi; mebiana miata kokoko, eye ema abe nɔvinyeŋutsu kple nɔvinyenyɔnu ene.
Míawo hã míelɔ̃na wò Nɔviŋutsu Branham. Míenyae be Mawu dɔ wò ɖa be nafia mɔ mí aɖakplɔ mí. Míedzro Esia kpɔ kple Nya la ke Esɔ ɖe fli dzi pɛpɛpɛ.
Amekae nye fofonye le Nyanyuie la mee?
Vinyewo mienye; me—menye mia fofo le Nyanyuie la me, menye fofo abe alesi woanye fada o, menye—menye mia fofo le Nyanyuie la me abe alesi Paulo gblɔe le afima ene.
Míenyae be Gbɔgbɔ Kɔkɔe la Ye le wòkplɔm be nàkplɔ mí, Nɔviŋutsu Branham. Èle egblɔm ko abe alesi Paulo gblɔe le Biblia me ene be, miadze nusi nègblɔ yome tututu, esime Wònye nyateƒe, eye mele be míatrɔ nu sue ɖeka alo kakɛ ɖeka o.
Nuka wòle be nàwɔ Nɔviŋutsu Branham?
Medi mi na Kristo, ke azɔ, me—meɖe mi na Kristo; egɔme yenye be mede mi agosɔ me kple Kristo abe ɖetugbui la aƒe dzadzɛ ene. Migaɖe dzi le ƒo nam o, migaɖe dzi le ƒo nam o! Mikpɔtɔ nye ɖetugbui le aƒe si le dzadzɛ.
Eɖe mí na Kristo abe ɖetugbui le aƒe dzadzɛwo na Eƒe Nya la. Míate ŋu eye míete ŋu le ahĩa dze ge kple amebubu gɔ hã o. Míedzroa nu sia nu si míesena kple esi míewɔna to Wò Nya si wodzraɖo di dzi.
Nukae nye nu vevitɔ si mate ŋu awɔ be manye Eƒe Ŋugbetɔ la, Nɔviŋutsu Branham?
Nɔ anyi kple Nya la.
Woate ŋu aƒo ŋuɖoɖowo katã ta kpli na míaƒe biabiawo kple nya siawo be:
MINƆ ANYI KPLE NYA LA.
Gbedeasi Sia Nye Nya la na míaƒe ŋkeke la. Nɔviŋutsu Branham nye Mawu ƒe Gbe na míaƒe ŋkeke la. Edze be nu sia nu nasɔ ɖe fli dzi kple Nya la. Nya la mehiã gɔmeɖeɖe aɖeke o. Ne míe ZI PLAY LA, WONA NUSIWO KATÃ MÍEHĨA LE AFIMA, LE NYAƑOKAWO DZI.
Nane le dzi dzi na wò si nèhĩa ŋuɖoɖo naa? Va wɔ ɖeka kpli mí Kɔsiɖagbe sia le ŋdɔ ga 12 me, Jeffersonville ƒe game, esime míaxɔ míaƒe Ŋuɖoɖowo katã esime míase: 64-0823E – Nyabiabiawo Kple Ŋuɖoɖowo #2
Ne miate ŋu ava afisia le agbadɔ la me o la, mikpɔ hame aɖe le afiaɖe; miyi ɖe eme. Ne miate ŋu ase nyaƒokawo kpli mí o la, mise nyaƒokawo le afiaɖe. Nyaƒokawo Ƒoƒo kple wosese nye nu vevietɔ si mawunyagblɔla, nufiala, apostolo, nyagblɔɖila, nyanyuigblɔla aɖe alo miawo, miate ŋu awɔ.
Nye nɔƒe yenye esia; nye tanɔƒe yenye esia; afisia yenye afisi míexɔ anyi nɔ ɖo. Azɔ, milé esia ɖe susume meka nusi le dzɔdzɔm o. Azɔ, ne miedze nunya la, mialé nane. Meka nusi le dzɔdzɔm o la, esiae nye míaƒe tanɔƒe, afisia tututue! Ke milé esia ɖe susume eye mitrɔ gbɔ va nyaƒoka sia gbɔ gbeɖeka, be miese be menɔ nyagblɔm ɖi. Esɔ gbe, miɖo ŋku ema dzi!
Nukae nyagblɔɖila nɔ wɔwɔm? Nuɖuɖu Dzram ɖo. Nuɖuɖu Dzram ɖo alebe Nane nanɔ míasi be míaɖu, alebe Nane nanɔ míasi be míatsɔ aɖu azã. Ele Míasi le míaƒe nyaƒokawo dzi le míaƒe xɔ ƒe ya fafɛ me.
Egblɔ be nuɖuɖudzraɖoƒe sue ɖeka koe li le dua katã me, nuɖuɖudzraɖoƒe sue ɖeka. Eɖoe ɖi ko le agbɔsɔsɔ me; Dzesi La, Tɔɖoƒe, Nutrenuawo, Hame Ƒe Agbenɔɣi Adreawo, Tsɔme Ƒe La, Kpe Ɖoɖo Eƒe Nya Dzi, wokatã na mí, alebena míanɔ afisia ko aɖasee esime wòdzo.
Edze ko abe ele didiƒe boo ɖa le míagbɔ ene, gake míekpɔtɔ le ŋku ɖom edzi, nusiawo nye nyateƒe. Agbe aɖe yenye esia si me wòle be míawo ɖeka míazɔ le.
Avawo yɔ FŨU. Nuɖuɖu bubu aɖeke megali si dzi Mawu Ŋutɔ Ɖo kpe be enye NYA DZADZE dɔlékui aɖeke manɔmee o.
Ne nèdi be yeaɖu azã kpli mí la, míele wòxɔm, Kɔsiɖagbe sia le ŋdɔ ga 12 me, Jeffersonville ƒe game esime míate ɖe Kplɔ̃ La ŋu aɖaɖu fĩeɣi nuɖuɖu abe Eƒe amekpekpe ene.
Esime wòdze ko be Mate ŋu anyo wu o la, Edona Nyaƒoka ƒe Ɖeɖefiawo ƒe Agba na mí. Teƒenɔnɔ le mía si tso ameɖoɖi me. Susuma tae míetso ɣedzeƒe kple ɣetoɖoƒe, dziehe kple nyiehe ɖo, be míase Nya gbagbe si woɖe ɖe go la.
Esime Mawu wɔ xexea la, míenɔ Eƒe susu me. Esime míaƒe nutsola yi edzi nɔ asibidɛ fiam mí henɔ gbɔgblɔm na Fofo la be, “Wowɔ esia, wowɔ esia, wowɔ esia,” la míaƒe Aƒetɔ Yesu ƒe Ʋu tsyɔ míadzi. Ne míele gbedom ɖa la, Mawu mekpɔa mí o, míaƒe gbe ko wòsena to Yesu ƒe Ʋu la dzi.
Satana mate ŋu aɖefu; alo, ate ŋu ate kpɔ, gake mate ŋu alé Kristotɔ si wogbugbɔ dzi o. Elabena, Mawu, tso xexeame ƒe gɔmeɖoɖoanyi ke la, kpɔ eyama do ŋgɔ, hedɔ Yesu ɖo ɖa be wòaxɔe aƒle, ke Ʋu la ƒoa nu le eƒe teƒe. Aleke wòate ŋu awɔ nuvɔ̃ esime Mawu ŋutɔ gɔ hã, mateŋu akpɔe o mahã? Nu ɖeka si Wòsea yenye miaƒe gbe. Ekpɔa miaƒe teƒenɔnɔ. Amen! Nyateƒee. Mikpɔea?
Mawu ƒe nyagblɔɖila gblɔ nusiawo na mí. Menye eyae nɔ nuƒom o; ɖeko wònɔ Mawu ƒe susuwo ɖem gblɔ, Eƒe nusiwo wòle be woava la ƒe nyenyewo. Ele eƒe nu zãm be yeatsɔ ɖewo agblɔ. Ke esime wògblɔ wo vɔ la, ele be woava me. “Dziƒowo kple anyigba nu woava yi, gake Nye Nya mada ƒu kpɔ o.”
Eɖo kpe Eƒe Nya dzi na mí zi gbɔ zi geɖe. Ɖee Meɖo kpe edzi na mí be yenye: Amegbetɔ Vi la si do ŋutilã le míadome oa? Ɖee Meɖo kpe edzi na mí be: Míaƒe nyagblɔɖila wu Ŋɔŋlɔ ɖe sia ɖe si woɖe gblɔ kuɖe eŋu oa? Ɖee Meɖo kpe edzi na mí be: Míenye Eƒe Ŋugbetɔ oa? Ɖee Meɖo kpe edzi na mí be: Gbɔgbɔ Kɔkɔe ƒe kpeɖodzi vavã la le mía si oa?
Nukae vɔ̃m míele azɔ? Eɖo kpe edzi na mí, ne míele tsitre ɖe Egbɔ la, Anɔ tsitre ɖe míagbɔ. Eƒe Nya mate ŋu adaƒu o.
Amesiwo katã xɔ Gbedeasi sia kple agbenɔɣi sia ƒe gbedeasitsɔla dzi se la woakpɔ ɖeɖe. Amesiwo katã womexɔ Gbedeasi la kple eƒe gbedeasitsɔla dzi se o la, woatsrɔ̃ kple xexeame.
Miɖo to nyuie hame. Geɖewo alegbegbe sea egɔme baɖa, alo womeɖo Nya la ƒe Ɖeɖefia ɖeke o. Wosea be míetea gbe ɖe amea dzi akpa. Ne miexɔe se vavã be Nɔviŋutsu Branham nye Mawu ƒe nyagblɔɖila la, ekema miʋu miaƒe dzi kple luʋɔ aɖase nusi gblɔm Ale Aƒetɔ La Gblɔ Esi la le.
Nukae ahe Ŋugbetɔ la ɖe duu? Nukae awɔ Ŋugbetɔ la ɖeka be wòazu Ɖeka kple Mawu?
“Le ŋkeke ma me la woaɖe Amegbetɔ Vi la ɖe go.” Nuka? Be wòatsa Hame la ɖe Ta ŋu, awɔ ɖeka, Ŋugbetɔ la ƒe srɔ̃ɖeɖe. Ŋugbetɔsrɔ̃ la ƒe yɔyɔ ava to esia me tututu, esime Amegbetɔ Vi la aɖi va aɖa va eye ava le amegbetɔ ŋutilã me be yeawɔ eveawo ɖeka. Ele be Hame la nanye Nya la, Eya nye Nya la, ke eveawo le ɖeka wɔm, eye, be woawɔ ema la, ahĩa Amegbetɔ vi la ƒe ɖeɖefia ƒe ɖeɖeɖego.
Ahĩa Amegbetɔ vi la ƒe ɖeɖefia ƒe ɖeɖeɖego. Menye wò tamesusu o, menye wò nugɔmesese o, menye wò susuwo alo wò mawunyagbɔgblɔ o. Amegbetɔ vi la awɔ Ŋugbetɔ la kple Ŋugbetɔsrɔ̃ la ɖeka, ke ele eme vam FIFI LAA.
Míele Srɔ̃ɖeɖe Kɔnu aɖe me fifia kple Ŋugbetɔsrɔ̃ la eye míele dzodzo ge le madidi me yi ɖe míaƒe Srɔ̃ɖeɖe Nuɖuɖu kple míaƒe Srɔ̃ɖeɖe Mɔzɔzɔ la me.
Nya la kple Hame la le ɖeka zum. Nukake Amegbetɔ vi la wɔ la, Eyae nye Nya la, Hame la wɔa numa ke.
Míate ŋu anɔ agbe to Nya ɖe sia ɖe si doa go tso Mawu ƒe Nu me ɖeɖeko dzi! Mawu ɖo kpe edzi be míaƒe nyagblɔɖila nye Mawu ƒe nyaŋuɖela na egbe. Aleke míenya be enye Mawu ƒe Nya laa? Egblɔe nenema, emegbe la Eɖo kpe Edzi kple Eƒe Nya la.
Míenye Hame-Ŋugbetɔ si dzra eɖokui ɖo le ŋkeke mamleawo me. Amesiwo woyɔ do go tso le mamleawo katã me; xevi ma si ƒo ʋu si ƒo ʋu kple Eƒe Ʋu la.
Fofo, míaƒe dziwo le kpodzom, eye nye dzi le ƒoƒom, ne mele susu bum kuɖe ema ŋu henyae be Wò Nyawo le eteƒe, Wodometɔ aɖeke mate ŋu adaƒu o.
Mawu ƒe mɔ ɖeka si Wòta ɖi na egbe lae nye esi. Eyae nye mɔ ƉEKA si dzi woanɔ be womatrɔ Nya ɖeka o. Miɖo ŋku dzi be, Gbɔgbɔ Kɔkɔe la ate ŋu ava aɖasi ami na ame, gake kokoko la, ekpɔtɔ le Mawu ƒe Lɔlɔ̃nu godo. ELE BE Mía NƆ ANYI KPLE NYA GƆMEDZEDZETƆ SI DZI WOƉO KPE LA.
Ne edzro wò be yeanɔ anyi kple Nya ma aɖase Mawu ƒe Gbe kpli mí la, mele wòkpem be nàwɔ ɖeka kpli mí Kɔsiɖagbe sia le ŋdɔ ga 12 me, Jeffersonville ƒe game esime míase: KPE ƉOƉO EƑE NYA DZI 64-0816.
Mele na wò be nàwɔ ɖeka kpli mí alo ŋutɔ gɔ hã nàse nyaƒoka ɖeka ma ke le game ɖeka ma ke dzi kpli mí o, gake mele yɔyɔ wɔm na mi be, miɖo to Mawu ƒe nyagblɔɖila.
Nɔvi. Joseph Branham
Ŋɔŋlɔ siwo woaxlẽ do ŋgɔ na takpekpe la:
Mateo Kɔkɔe 24:24 Marko Kɔkɔe 5:21-43/ 16:15 Luka 17:30/ 24:49 Yohanes 1:1/5:19/14:12 Romatɔwo 4:20-22 Tesalonikatɔwo I 5:21 Hebritɔwo 4:12-16/ 6:4-6/ 13:8 Fiawo I 10:1-3 Yoel 2:28 Yesaya 9:6 Maleaxi 4
