Gbedasi: 65-0801e Nudzɔdzɔ Siwo Mekɔ To Nyagblɔɖi Me

BranhamTabernacle.org

Hɔ̃wo Le Ƒuƒom Ɖedu

Kristo Ƒe Ɖetugbui le Aƒe, Nya, Ha, Ŋugbetɔ Lɔlɔ̃a,

Míenye Eƒe Nya Ŋugbetɔ si le míaƒe Nya Ŋugbetɔsrɔ̃ kple Eƒe ƒe Akpeɖeka srɔ̃ɖemɔkeke lalam. Gbe ɖeka ko se ge míala. “Nye alẽwo sea Nye Gbe. Womakplɔ ame tutɔ aɖe do o.” Nukae nye Eƒe Gbe?

Ame ɖesiaɖe ƒe gbe nye eƒe nya. Ke eyae nye Esi, Biblia, mele be woatsɔ nya ɖeka Kpee alo woaɖe eɖe le Eme o. Minɔ anyi kple Gbe ma ko. ” Womadze ame tutɔ yome o,” kɔmahatsɔŋkɔ.

Gbe ma nye Eƒe Gbe, si le nuƒom le nyaƒoka dzi to Eƒe Nya gɔmeɖela mawumetɔ ɖeka, Eƒe nyagblɔɖila, William Marrion Branham dzi. Yesu Kristo wônye le nuƒom to amegbetɔ ƒe nuɣiwo dzi. Míetsɔ ɖeke le me na ame ƒe nyawo, ame ƒe susuwo alo ame ƒe gɔmeɖeɖe o, Gbe ɖeka si dzi woɖo kpe na míaƒe ŋkeke la me ko míetsɔa ɖe le na. ALE AƑETƆ GBLƆ ESI wônye.

Mawu ʋã míaƒe nyagblɔɖila ƒe asiwo. Mawu ʋã eƒe ŋkuwo le ŋutegawo me. Mate ŋu agblɔ nububu wu nusi kpɔm wôle o. Mate ŋu agblɔ naneke o, elabena Mawu ɖo kpɔkplɔ blibo ɖe eƒe aɖe, eƒe asibidɛ dzi, eƒe ŋutinu ɖesiaɖe le Mawu ƒe gbeɖeɖe ŋu. Mewɔ mo yaa be Biblia gblɔ be Eƒe nyagblɔɖilawo nye mawuwo o; wonye Mawu ƒe akpa aɖe! Enye Mawu ƒe Nya si ɖem wole ɖe go na míaƒe ŋkeke la.

Biblia sia gblɔ, ŋkeke kple ɣeyiɣi si me míele agbe le, to nyagblɔɖi dzi do ŋgɔ. Nudzɔdzɔ si ƒomeviwo avadzɔ. Egblɔe ɖi do ŋgɔ le ŋɔŋlɔa nu tututu, ke meda agbenɔɣi ɖeka ƒu kpɔ o. Amesiwo woɖo ɖi be Woakpɔe la, le Ekpɔ ge. Nya la wônye le ɖeka wɔm kple Nya la.

Le agbenɔɣi ɖesiaɖe me la, ameha ɖe asi le amewo ŋu wotsɔ woŋutɔwo ƒe gɔmeɖeɖe kpe Nya sia, ke ewɔe be ŋku gbã na wo na nudzɔdzɔ si va me la. Numa ke wôwɔ na Farisitɔwo kple Zadukitɔwo.

Wogblɔ na amewo be, ” Míenye Mawu ƒe amesiaminawo. Miehĩa mí be miagblɔ nusi gblɔm Nya la le na mi. Miehĩa mí be míaɖe Egɔme na mi.”

Abe alesi wônɔ le ŋkeke ma me la nenema ke wôle egbe. Akpa si blea ame lae nye be wosi ami na wo kple Gbɔgbɔ Kɔkɔe la. Woxɔ yɔyɔ tso Mawu gbɔ be woaɖe gbeƒã Nya la. Ele be woagblɔ nusi nyagblɔɖila gblɔ, gake woadometɔ geɖewo TSƆA WOƑE GƆMEƉEƉE KPEE esime wotsɔa asixɔxɔ na woaƒe subɔsubɔdɔ wu Mawu Ƒe Gbe ŋutɔ.

Mide dzesi alesi wodi be yewoaƒo amewo nu ƒu ɖe du ɖe woƒe subɔsubɔdɔ ŋu, ɖe woƒe gɔmeɖeɖe kuɖe nusi Mawu ƒe Nyagblɔɖilawo gblɔ ŋu, gake ɖeko womete ŋu le ewɔge o.

Woɣla na ɖe megbe hedoa vɔvɔ̃ na amewo atsɔ tso afia na wɔna sia be womele nyaƒokawo ƒom le woƒe hameawo me o le esia gbɔgblɔ me be, “Amemawo tea gbe ɖe amea dzi glo hele eyama subɔm ke menye Yesu Kristo o. Kɔmahatsɔŋkɔ wônye be woase gbedeasi ɖe du le ɣeyiɣi ɖeka tso teƒe ɖeka. Nɔviŋutsu Branham megblɔ kpɔ be woaƒo nyaƒokawo le hamea me o”, alea la wole sisim le susu vavãtɔa la gbɔ, gblɔe ɖe la ɖee womedi be yeawoaƒo nyaƒokawo le woƒe hameawo me o. Woƒe subɔsubɔdɔ, woƒe nugɔmesese, woƒe yɔyɔ, le vevie wu nyaƒokawo sese le hamea me. Womakatse agblɔ ema o, GBEƉE, gake woƒe nuwɔnawo le nuƒom le wo teƒe.

Gbeƒãɖela vavã nyateƒetɔ ɖesiaɖe, si gblɔa be yexɔe se be esia nye nuwuwuɣi ƒe Gbedeasi vavã, Mawu Ƒe Gbe na míaƒe ŋkeke la, makpɔ taflatse ado ɖe wɔna sia ta be yemele nyaƒokawo ƒom le yewoƒe hame me ta o. MIDO NYAGBƆGBLƆ MA KPƆ̃ KPLE ŊUGBETƆ NYA LA.

Nyemegblɔ kpɔ be edze be amesiame naɖo to le ga 2 woale me, Jeffersonville ƒe ga me, loo menye Ŋugbetɔ o, GBEƉE. Nyemesubɔ ame kpɔ gbeɖe o. Yesu Kristo ye le ŋutikɔkɔea katã xɔm. Mele Mawu si le ame la me subɔm abe alesi NYA LA gblɔ na mí be míawɔe ene. Alegbegbe wonye ameblelawo kple ŋkugbagbãtɔwo nenema. Xlẽ Ŋɔŋlɔawo ko nɔvinyeŋutsu, ele afima tututu.

Abosam NYAE be gbeƒãɖela ɖesiaɖe, alo gbeƒãɖelawo ƒe hatsotso, mana Ŋugbetɔ la nawɔ ɖeka kpɔ GBEƉE o; womelɔ̃a ɖe dzi na wonɔewo gɔ hã o. Tututu ko abe alesi Metodistetɔ, Baptistetɔ, Presbyteriatɔ kple Pentekostetɔ ene la, aleke wodometɔ ɖeka alo woƒe ƒuƒoƒo awɔ Ŋugbetɔ la ɖekae… Gblɔeɖe la MATE ŊUI O.

NU ƉEKA SI AWƆ ŊUGBETƆ LA ƉEKA YE NYE MAWU ƑE GBE LE NYAƑOKA DZI… KE ELE EWƆM HÃ!

Futɔ la léfui, eyata ele agbagba dzem be yeatsrɔ̃e, gake mele me va ge kura be wôawɔe nenema o…. ŊUTIKƆKƆE!

Abe koko ene la, le agbenɔɣi la ƒe nuwuwu la, wogena ɖe afẽ me to woƒe mawuŋunusrɔ̃lawo kple nunɔlawo dzi alegbegbe afẽ ko wônyea kokoko. Kokoko la woƒe gɔmeɖeɖe gblẽa, ɣeyiɣi aɖeke menɔ anyi kpɔ si wôgbe gbegblẽ kpɔ o. Ke ɣeyiyi aɖeke hã menɔ anyi kpɔ si Mawu ƒe Nya tɔ gbe dzɔdzɔ kpɔ o. Vovototo lae nye ma.

Mɔnu ɖeka koe li kakaɖedzitɔe be, woanɔ anyi kple Nya la, Mawu ƒe Gbe le nyaƒokawo dzi. Xlẽ wô Biblia, agblɔ nudzɔdzɔ siwo ava me le ŋkeke sia me na wô. Aƒo nu na wô tso Eƒe dɔla sesẽ si wôle be wôava le ŋkeke sia me na wô ŋu. Agblɔ na wô be na nɔ anyi kple Gbe ma, nɔ anyi kple Eƒe gbedeasitsɔla tiatia la.

Ne Satana léafu Biblia ƒe Agbalẽ aɖe la, Nyaɖeɖefia ƒe agbalẽ ye. Kristo Ŋutɔe ŋlɔe. Ekema le gbɔgbɔ ma ŋu la, Kristo Ŋutɔ te gbe ɖe Eƒe dɔla adrelia dzi glo.

Ke le nusiawo megbe la mekpɔ dɔla bubu aɖe ɖi tso dziƒo, ŋusẽ gã aɖe le esi ; ke eƒe ŋutikɔkɔe klẽ ɖe anyigba dzi.

Kristo Ŋutɔ gblɔ be EƑE ŊUTIKƆKƆE KLẼ ƉE anyigba dzi. Megblɔ be ” Nye Ŋutikɔkɔe” klẽ ɖe edzi o. Ekema le wô nugɔmesese ŋu la, ɖee nèle nya tsɔm ɖe Kristo Ŋutɔ ŋu be ele gbe tem ɖe Eƒe dɔla kple gbedeasitsɔla 7lia dzi glo lo.

Anyigba dzi gbedeasitsɔla ma te ɖe Kristo Ŋutɔ ŋu alegbegbe be, Yohanes tee kpɔ be yeasubɔe, ZI EVE, gake egblɔ be, “KPAO !, subɔ Mawu.” Nusi wɔm míele tututue ma, míele Mawu subɔm. Míele gbetem ɖe ame la dzi akpa o, nusi KRISTO NYA LA GBLƆ ko gblɔm míele…. “eƒe ŋutikɔkɔe klẽ ɖe anyigba dzi”. Esia na mí Dzoxɔxɔ To Ɖeɖefia me.

Mawu wɔa Eŋutɔ Eƒe tiatia, to nyanyaɖi dzi, tia nyagblɔɖilawo na agbenɔɣi ɖesiaɖe. Mide dzesii. Ewɔa be nyagblɔɖila ma ƒe dzɔdzɔme sɔa kple agbenɔɣi ma. Mikpɔea, Etia eƒe nuwɔna, nusianu si wôwɔna. Etia eyama eɖanye eyi suku loo meyi o. Etia eƒe nunanawo, nɔnɔme si me wôle gbeƒã ɖe ge le, nunana siwo le eyama si nɔ ge. Azɔ Gbedeasi la na agbenɔɣi ma tututu la, Mawu ɖo numa tututu da ɖi be wôadzɔ ke nububu aɖeke mate ŋu xɔ eƒe teƒe o.

Ƒo nyaƒoka aɖe, nyaƒoka ɖesiaɖe, Kɔsiɖa gbe, naneke mate ŋu xɔ Eƒe teƒe o. Ne nèdi be yeawɔ ɖeka kple Branham Ƒe Agbadɔ esime míele nyaƒoka sem la, wôezon ke míele wôkpem be nàwɔ ɖeka kpli mí Kɔsiɖagbe sia le ga 2 woale me, Jeffersonville ƒe ga me, esime míase : Nudzɔdzɔ Siwo Mekɔ To Nyagblɔɖi Me 65-0801E.

Nɔvi. Joseph Branham

Ŋɔŋlɔwo:
Mose I: 22:17-18
Psalmowo: 16:10/Ta 22/35:11/41:9
Zaxarya 11:12/13:7
Yesaya 9:6/40:3-5/50:6/53:7-12
Maleaxi 3:1/ Ta 4lia
Yohanes Kɔkɔe 15:26
Yohanes Kɔkɔe 17:30/24:12-35
Romatɔwo:8:5-13
Hebritɔwo :1:1/13:8
Nyaɖeɖefia :1:1-3/Ta 10

Gbedasi: 65-0801m Agbenɔɣi Vɔ̃ɖi Sia Ƒe Mawu

BranhamTabernacle.org

Ʋanyaʋanya to Ɖeɖefia Me Ƒe Ŋugbetɔ Lɔlɔ̃a,

Nukae nɔ dzɔdzɔm le xexea katã me le kɔsiɖa si vayi me ƒe nuwuwu? Nukae nɔ me vam? Nukae nye hôwɔwɔ mawo katã? Ŋugbetɔ la tso xexea katã me wɔ ɖeka ɖe du, henɔ towo wɔm kple akalo, anyikɔ, ke kple atiwo. Wonɔ ƒuƒom ɖe dzowo ŋu, nɔ subɔsubɔ kple kafukafu hawo dzim na Aƒetɔ la. Ametsitsiwo kple sɔhɛwo, do dziwuwo siwo dzi woŋlɔ ɖo be Stimulation By Revelation(Ʋanyaʋanya To Ɖeɖefia Me). Wotso Michigan yi Florida, tso Maine yi California, tso Nyiehe America yi Dziehe America, Europa, Afrika, Asia, Australia, anyigba ƒe dzogoe ɖesiaɖe me. Wonɔto ɖom to ka me le woƒe aƒewo me, nɔ Mawu Ƒe Gbe sem wônɔ nuƒom nawo teŋ.

Nukae nye hehe la? Mawu ƒe Nuku si woɖo ɖi si mate ŋu wɔ nububu aɖeke wu adze gaƒoƒo la ƒe Gbedeasi yome o, siwo xɔ Nya ɖesiaɖe si woɖe gblɔ to Mawu ƒe nu dzi, woƒo ƒu ɖe du le kafukafu, subɔsubɔ, kple nudzɔdzɔ gã ƒe azãɖuɖu si va me le míaƒe ŋkeke me le Sunset To la dzi me.

Mawu wônye nɔ kpeɖom Eƒe Nya dzi. Numae nye howɔwɔ sia katã. Mide dzesi, Mawu wônye le Eƒe Nya si ƒe ŋugbe wodo nuwum ake, kuɖe Nyaɖeɖefia 10: 1 yi 7 ŋu, ”ke boŋ le mawudɔla adrelia ƒe gbeɖeɖeŋkekewo me, esime wôagblɔ gbedeasi la, woawu Mawu ƒe nya ɣaɣla la nu.”

Mawu wônye nɔ ŋutinya wɔm. Mawu wônye nɔ nyagblɔɖi nuwum. Enye ŋuɖoɖo na nyagblɔɖila ƒe nyagblɔɖia. Ke míedi be míanɔ afima axɔ aɖase nusianu si Wôwɔ to Eƒe nyagblɔɖila dzi.

Míetsɔ ɖeke le me na dzimaxɔsetɔ kple amewɔɖokuixɔsetɔwo ƒe nyahehe o. Míele nyaŋuɖem kpliwo o. Nu ɖekae le mía si be míawɔ, eyae nye be míaxɔse aɖalé Eƒe ɖesiaɖe si míate ŋu. Míeƒoa ƒu ɖe du abe kpe ɖeka ene be míase Mawu ƒe Gbe, esime míele lalam kpɔ Mesia ƒe Vava.

Gaƒoƒo gã kae nye esi me míele agbe le. Be míakpɔ Ŋɔŋlɔa wôawu nu le mía ŋutɔwo ƒe agbe me. Gake Ena mí toklã le Eƒe Nya me be amisisi alakpatɔ agogo nua alegbegbe be, able Mawu ƒe ametiatia ŋutɔ gɔ hã Ne wôle bɔbɔe. Gake woakafu Mawu, manɔ bɔbɔe be woable Eƒe Ŋugbetɔ la o, elabena wole anyi nɔ ge kple Mawu Ƒe Gbe gɔmedzetɔa ma, si woɖe ɖe go kple si dzi woɖokpe eye wole nu ɖeka teti alo nu sue aɖe ke ɖe ge le me o. Womele woaŋutɔwo ƒe gɔmeɖeɖe tsɔ ge Akpee o, gake gblɔeɖe la woaxɔ NYA ƉESIAƉE dzi ase.

Aleke gbegbe wôdze be míakpɔ nyuie ne wôgogo NENEMA GBEGBEE. Míele míaɖokuiwo biam se be, ɖee wôanye kɔmahatsɔŋkɔ hameawoa? Ɖeko wôdze be wote ɖe aga akpa eye womegogo ŋutɔ gɔ hã o. Ameka nye ge wôala?

Azɔ, hame fafɛwo ko, ŋkumenuwɔlawo, siwo kpẽ le woɖokuiwo me, kple etɔeawo, mawuŋunusɔsrɔ̃ ametɔwɔwɔea me tɔ, ema mawɔe o; Ametiatia makpɔ ema gbɔ kura o.
Gake ele dzi le afima heɖi nuvavãtɔ la kloe.
Asiɖeɖe le Nya ɖeka ŋu koe nye nusiwo katã wôle be miawɔ.

Egblɔ be Xawa medo kpɔ gbeɖe hegblɔe kple lɔlɔ̃nu faa ko be yemexɔ Mawu dzi se o. Vodada dzi wôxɔ se. Satana lɔ̃ ɖe dzi be Enye Mawu ƒe Nya, gake kuxi lae nye be etsɔ eŋutɔ ƒe gɔmeɖeɖe Kpee ke ena wôxɔ alakpa dzi se eye wobufɔe kple esia.

Woɖe nutsyɔnu la ɖa. Woʋu toxɔ la le ta me. Woklo nu le Ŋɔŋlɔawo dzi. Wotsɔ Ɖeɖefia la na Ŋugbetɔ la. Enye Yesu Kristo eyama ke etsɔ, egbe yiɖe mavɔmavɔ me.

Emawɔe be Satana do dziku ɖe míaŋu alegbegbe. Edzi be míake ɖi le amesi míenye ŋu. Míele dodokpɔwo kple tetekpɔ siwo sesẽ wu esiwo me míeto kpɔ me tom. Míebiana míaɖokuiwo se ɣeaɖewoɣi be, nukata nusiawo katã esiawo katã le dzɔdzɔm ɖe mía dzi?

Susu si tae lae, nye be woadoe kpɔ, Eƒe Ŋugbetɔ la. Eyae nye be… Esime wole Eɖem ɖe go, le edom kpɔ, le kpeɖom dzi, le ɖem fia Satana.

Ŋutikɔkɔe!!! Míaƒe dodokpɔwo kple tetekpɔwo nye Eyama ko si le Satana fiam be MÍENYE YEƑE ŊUGBETƆ SI WOƉE ƉE GO.

Míele ekpɔm azɔ, agbenɔɣi vɔ̃ɖi sia li be woaɖe fia, Satana, be Mele abe Xawa ene o, be Eyama menye nyɔnu ma tɔgbe o. Ke woado Eyama kpɔ kple Eƒe Nya la, Ŋugbetɔ la, abe alesi wodo Adam ƒe ŋugbetɔ la kpɔ kple Nya la ene. Ke Adam ƒe ŋugbetɔ xɔ Nya ƒe ɖesiaɖe dzi se, nuwo katã, gake etsaka le ŋugbedodo ɖeka dzi.

Gake míawo la míatsaka le Nya ɖeka dzi alo akplɔ woƒe kɔnuwo ɖo o, woaƒe gɔmeɖeɖewo kuɖe Nya ŋu, míele anyi nɔ ge kple NYA GƆMEDZETƆA.

Ne nyaƒokamɔ̃ le míasi la, míaƒo ameha aɖe ɖe nu ƒu ɖe du, aɖaƒoe, aɖase nyuie, tututu ko abe alesi wôgblɔe na mí be míawɔe ene!

Tututu ko abe alesi kodzogbeme ƒe agbea la kple dzesidedewo va na wô to fofowô dzi le kodzogbeme la, nenema ke Mawu ƒe Gbɔgbɔ, si woɖo ɖi do ŋgɔ na xexeame ƒe gɔmeɖoɖo anyi hã le.

Alegbegbe míede akpe be Mawu ƒe Gbɔgbɔ, míaƒe dzidzi la, woɖoe ɖi do ŋgɔ na xexeame ƒe gɔmeɖoɖo anyi ke bena Gbedeasi Sia Ƒe Ɖeɖefia Vavã nasu míasi.

Miawoezɔ̃ va be miaxɔ Ʋanyaʋanya To Ɖeɖefia ma ke me kpli mí Kɔsiɖagbe sia le ga 2 woale me, Jeffersonville ƒe ga me, esime míase: 65-0801M Agbenɔɣi Vɔ̃ɖi Sia Ƒe Mawu.

Nɔvi. Joseph Branham

Ŋɔŋlɔ siwo woaxlẽ:

Mateo Kɔkɔe ta 24lia/27:15-23
Luka Kɔkɔe 17:30
Yohanes Kɔkɔe 1:1/14:12
Dɔwɔwɔwo 10:47-48
Korintotɔwo I 4:1-5/ ta 14lia
Korintotɔwo II 4:1-6
Galatiatɔwo 1:1-4
Efesotɔwo 2:1-2/4:30
Tesalonikatɔwo II 2: 2-4/2:11
Hebritɔwo ta 7lia
Yohanes I Ta 1/3:10/4:4-5
Nyaɖeɖefia 3:14/13:4/ ta 6-8 kple 11-12/18:1-5
Lododowo 3:5
Yesaya 14:12-14

Gbedasi: 65-0725e Nukae Nye Hehe La Le To La Dzii?

BranhamTabernacle.org

Gbedasi: 65-0725m Amesiaminawo Le Nuwuwuɣi

PDF

BranhamTabernacle.org

Hɔ̃wo Le Ƒuƒom Ɖedu

Ŋugbetɔ Tiatia Lɔlɔ̃a,

Susu si tae, Yesu gblɔ be, womaflu Ametiatiawo o la, enye be wonye Nya la. Womate ŋu anye nu bubu aɖeke o. Womate ŋu ase nu bubu o. Womenya nu bubua ɖeke o.

Nu gã bubu aɖeke meli le agbe me wu be ame na nya bena Mawu tia Eƒe nyagblɔɖila do ŋgɔ na xexeame ƒe gɔmeɖoɖo anyi bena wòagblɔ Nya siawo o. Emegbe la, Eɖemɔ be woalé Eƒe Gbe ɖi, ale be mí, Eƒe Ŋugbetɔ si woɖo ɖi la, míate ŋu agbɔ va dzi aɖase Eƒe Gbe si wolé ɖi hedzraɖo ɖi, elabena Edi be míanya be:

• Míenye Nya la.
• Womate ŋu flu mí o.
• Míate ŋu anyi nu bubu aɖeke o.
• Míate ŋu ase nu bubu aɖeke o.
• Míenya nu bubu aɖeke o.

Enyae be míava hĩa dzideƒo egbea wu ŋkeke ɖe sia ɖe le ŋutinya me. Aʋawo anɔ ŋu sẽm wu gbeɖe tsã. Woade Eƒe Ŋugbetɔ la dodokpɔ me. Gake nèɖe ko Wòate ŋu aɖo ŋku amesiwo Eƒe Ŋugbetɔ la nye na wo la, woate ŋu dzɔdzi le woaƒe dziwo me esime woanyae be yewonye Eƒe lɔlɔ̃tɔwo le Eƒe Lɔlɔ̃nu deblibo me.

Nukakee Satana daa ɖo ɖe mí la, nukake me wòle be míato la, azɔ míenyae be, Ele Ŋugbetɔ Aɖe Tiam, ke míawoe nye Ŋugbetɔ ma. Ŋu mele míakpem le míaƒe Ɖeɖefia ŋu kuɖe Nya la ŋu o. Míele Agbagba Dze Ge kpɔ gbeɖe be Míatsɔ Dɔ Na Mawu Mawu Ƒe Lɔlɔ̃nu Manɔmee o. Na míawo ya la, enye Gbɔgbɔme Nuɖuɖu Le Eɖuɣi. Míede dzesi be Amesiaminawo Le Nuwuwuɣi Le anyi nɔ ge, gake míele ANYI NƆ ge KPLE NYA LA.

Ne kakaɖedzi kpɔkpɔ sia ke adzro wò la, va tu mí Kɔsiɖagbe le ga 2 woale me, Jeffersonville ƒe game, aɖase : 65-0725M Amesiaminawo Le Nuwuwuɣi.

Nɔvi. Joseph Branham

Mateo Kɔkɔe 5:44-45/7:21/ 24:15-28

Luka Kɔkɔe 17:30 / 18:1-8

Yohanes Kɔkɔe 14:12

Efesetɔwo 1:5

Timoteo 3:1-8

Hebritɔwo 6:1-8 / 11:4

Revelation 10:1-7 / 16:13-14

Maleaxi 4:5

Fiawo I 22:1-28

Yeremia: Ta 27 & 28

Gbedasi: 65-0718e Gbɔgbɔme Nuɖuɖu Le Eɖuɣi

PDF

BranhamTabernacle.org

Hɔ̃wo Le Ƒuƒom Ɖedu

Alẽ Lɔlɔ̃awo Tso Mawu Ƒe Alẽkpɔ Me,

Le ŋkeke siwo me míaƒe Aƒetɔ Yesu nɔ anyigba dzi afisia le ŋutilã me la, ɖikelawo kple dzimaxɔsetɔwo gblɔ na Eyama be:

Va sẽ ɖe ɣekaɣie nàna míakeɖi mahã?
Ne wòenye Kristoa la, na eme nakɔ na mí ƒãa.

Zi ɖeka ake la, Ele nu ƒo ge na eme wòakɔ ƒãa nyuie na mí aɖagblɔ na nyahelawo kple Eƒe Ŋugbetɔ la siãa be, “Menye ame si tso Mawu gbɔ, si wodɔ tso Mawu gbɔ, si Mawu ɖo, kple ALE AƑETƆ LA GBLƆ ESI vavã. Menɔ Eƒe ŋkume eteƒe didi ŋutɔ, maƒo nu na mi abe Mawu Ŋutɔ ene.

Medi be ɖikeke aɖeke meganɔ me o, eye be miaxɔe se be, menye Mawu ƒe gbedasitsɔla na mi. Gbedeasi si gblɔm mele, kple gbedasitsɔla, le ɖeka. Edɔm ɖo ɖe mi be manye ALE AƑETƆ LA GBLƆ ESI, Nya ɖe Nya dzi.

Miɖo ŋku dzi, Mawu ƒe Nya gblɔ be Mele naneke wɔ ge o sẽ ɖe esime Wòaɖe fiam gbã o. Amewo di be woatsɔ woŋutɔwo ƒe gɔmeɖeɖe kpe ɖe nusi gblɔm mele ŋu, gake Nya siwo gblɔm mele na mi mehĩa gɔmeɖeɖe o. Miawo la migblɔ nusi gblɔm mele KO.

Medi be mianya hã be Nya ma ke si ɖem mele gbɔgblɔm na mi la, hã le agbe le mía me. Mawu gbagbe la ƒe atsekpakpa le mia me. Mienye Hame Ŋugbetɔ gbagbe la.

Ne medzo vɔ megbe, gake hafi kuɖiɣi la nadze egɔme la, Mawu na mi ɣlaɣlaƒe aɖe be miaɣla hafi ʋɔnudɔdrɔ̃ na ƒo anyigba dzi. Mianɔ afima anɔ lalam, anɔ Nuɖuɖu ɣaɣla sia si Wòanɔ gbegblẽm ɖi na mi la ɖum. Mianɔ agbe nɔm le Yesu Kristo ƒe Ɖeɖefia ƒe dɔmenyonyo kple Nublanuikpɔkpɔ ŋu esime Wòanɔ kpe ɖom Eɖokui dzi na mi gbesiagbe.

Na miawo ya la, Anye gbɔgbɔme Nuɖuɖu le eɖuɣi. Ana dɔme aɖu ame mamleawo. Awu na wo akpa. Gake na miawo, Eƒe Alẽawo la, anye Agbe ƒe Abolo, Yesu Kristo eyama ke etsɔ, egbe, yiɖe mavɔmavɔ me.

Miga ŋlɔ be o, Manyi mi le “AFIMA”; menye le afi bubu o, “AFIMA”. Amewo aɖu fewu le mia ŋu aɖagblɔ be miedze aɖaʋa, gake nusi yɔm wole be aɖaʋa kple kutsu la, Mawu ayɔe be Gã.”

Egblɔ na mí be subɔsubɔdɔ gã si Mawu na ye la nye kpɔɖeŋu deblibo si sɔ kple Eliya ŋɔli. Esime kuɖiɣia yi na nu wu ge vɔ la, Eyɔ eyama do go hekplɔe yi ahosi aɖe ƒe AƑE me sẽ ɖe esime kuɖiɣi la wu nu.

Egblɔ be ahosi la mebɔ kple dzimaxɔsetɔwo alo xɔ lã la ƒe dzesi le kuɖiɣi la me o, eyata Wòyɔ Eliya be wòaxɔ eyama ɖe agbe. Enɔ gbesɔsɔ na ku esime tatali suea ɖe koe susɔ nɛ, nu sue ɖeka aɖe si ŋu wònɔ kukum ɖo.

Eliya yɔ eyama do go be, “Tsɔe nam, gbã gbɔ, Elabena ALE AƑETƆ LA GBLƆ ESI, wɔze la maɖi ƒuƒlu o eye amigoe la hã maɖi gbɔlo o, vaseɖe gbesigbe Yehowa Mawu adɔ tsi ɖe anyigba dzi.”

Elena eyama be wòatsɔ Mawu ɖo gbãƒe. Elena eyama be wòaxɔ se aɖaku ɖe Nya ɖe sia ɖe si gbedeasitsɔla gblɔ ŋu. Enyae be gbedeasitsɔla kple eƒe Gbedeasi la le ɖeka. Elebe Nya siwo wògblɔ nɛ la nava me, elabena Ale Aƒetɔ La Gblɔ Esi wonye.

Nenema kee nye egbe, bena Agbe-Bolo si ɖeviwo ɖuna la, kplɔa Mawu ƒe Gbedeasi la ɖo, be woalée ɖe asi ale be wòana woatsi agbe le kuɖiɣi.

Nya Ma ke va na mí hele mía me eye míele Mawu ƒe Nuɣaɣla siwo woɣla ɖe xexeame ɖum. Eɖe fia mí be Gbedeasi la kple gbedeasitsɔla le ɖeka. Gbɔgbɔme Nuɖuɖu la sɔgbe, ke Ele azãgbe la me azɔ.

Miawoe ga zɔ va ŊKUƉODZI ŊKEKE BUBU ME NA ŊUGBETƆ LA. Míalé míaƒe Amigoe la sesiẽ, eye anɔ yɔyɔm gbã go. Emegbe la míalé Wɔze la, ke Ayɔ taŋ. Míanɔ anyi ɖe du tso xexea katã me ɖe Dziƒo nutowo me, esime woaɣla mí ɖe míaƒe ɣlaɣlaƒe, anɔ dzidzɔ kpɔm le Mana ɣaɣla ŋuti esime Mawu anɔ kpe ɖom Eɖokui dzi na mí.

Va ƒo ƒu kpli mí le Alẽkpɔ la me Kɔsiɖagbe le ga 2 woale me, Jeffersonville ƒe game, esime míase Mawu ƒe gbedeasitsɔla wòahe Mawu ƒe Gbedeasi: Gbɔgbɔme Nuɖuɖu Le Eɖuɣi 65-0718E vɛ na mí.

Míawo si dɔlla ɖeka kple peni enyi pɛ koe nye ga le mía si na agbadɔ sia ƒe tutu la, ʋudzraɖoƒeɖolawo tso nya me xoxo be teƒe sia ava zu yewo ƒe ʋudzraɖoƒe. Gake hã ezu alẽkpɔ na Mawu ƒe Alẽwo kokoko.

Nɔvi. Joseph Branham

Ŋɔŋlɔ siwo woaxlẽ

Fiawo I 17:1-7
Amos 3:7
Yoel 2:28
Maleaxi 4:4
Luka 17:30
Yohanes Kɔkɔe 14:12

Gbedasi: 65-0718M Agbagba Dzedze Be Woawɔ Dɔ Aɖe Na Mawu Si Menye Mawu Ƒe Lɔlɔ̃nu O

---

• 24-0721 Agbagba Dzedze Be Woawɔ Dɔ Aɖe Na Mawu Si Menye Mawu Ƒe Lɔlɔ̃nu O
• 23-0101 Agbagba Dzedze Be Woawɔ Dɔ Aɖe Na Mawu Si Menye Mawu Ƒe Lɔlɔ̃nu O
• 21-0905 Agbagba Dzedze Be Woawɔ Dɔ Aɖe Na Mawu Si Menye Mawu Ƒe Lɔlɔ̃nu O

BranhamTabernacle.org

Hɔ̃wo Le Ƒuƒom Ɖedu

Mawu Ƒe Gbe Ƒe Hame Lɔlɔ̃a,

Míenye Eƒe Mawu Ƒe Gbe Ƒe Hame, Eƒe Nya Ŋugbetɔ lɔlɔ̃tɔ, eye bebli hafi míate ŋu alala be míase nusi Fofo le gbɔgblɔ ge aɖaɖe fia mí Kɔsiɖagbe sia.

Mawu Ƒe Gbe Gbagbe la le míaƒe asibidɛwo nu. Ne míenya ka asii kple míaƒe asibidɛ la míate ŋu ase Mawu si le Agbemavɔ ƒe Nyawo gblɔm, to amegbetɔ ƒe nuɣiwo dzi. Le asibidɛ ɖeka nu la Eƒoa nu na mí heɖea nyaɣlaɣlawo katã siwo nɔ ɣlaɣla tso xexeame ƒe gɔmeɖoɖo anyi ke fia mí.

Le asibidɛ ɖeka nu la Eɖoa biabia ɖe sia ɖe si le míaƒe dziwo dzi ŋu. Le asibidɛ ɖeka nu la Egblɔa nusianu si wòle be míanya na mí. Le asibidɛ ɖeka nu la míate ŋu se Mawu ƒe Gbe wòaƒo nu na mí aɖana mí Kɔkɔdzoe le Xɔse me. Le asibidɛ ɖeka nu la míate ŋu ase Mawu wòaƒo nu aɖagblɔ na mí be, miekpɔ dɔyɔyɔ.

Ne futɔ la le gbɔgblɔm na mí be míenye Mawu ƒe Ŋugbetɔ o, gegevi koe mienye la, le asibidɛ ɖeka nu la míezina play hesena Fofo ƒoa nu na mí henana mí kakaɖedzi be, “MIENYE nye Ŋugbetɔ tiatia. Meɖo mi ɖi do ŋgɔ na Xexeame ƒe Gɔmeɖoɖo anyi ke.”

Ne míeɖiɖi le gbɔgbɔme eye futɔ la le ƒoƒom ɖe míadzi le akpa sia akpa la, le míaƒe asibidɛ ɖeka nu la míate ŋu ase Eyama wòaƒo nu na mí aɖagblɔ ko be, “ŋdi na mi Xɔ̃nyewo,” ke Gbɔgbɔ Kɔkɔe ƒe ŋutifafa ayɔ xɔa me taŋ.

Ne míese FUTƆ LA GBLƆ be ame do ko kplɔm míele hele gbe tem ɖe edzi akpa la, le asibidɛ ɖeka nu la míesea Mawu ƒe Gbe wògblɔa na mí be:

Egblɔ nam be ne mena amewo xɔ dzi nye se. Esia wɔ saga nam be elebe magblɔ esia, “Ɖee miexɔ dzi nye sea?” Egblɔ be, “Meɖee wòle be miaxɔ Mawu dzi sea?” Edze be miaxɔ ema dzi se. Edze be miaxɔ Mawu dzi se aɖaxɔ Kristo dzi se, aɖaxɔ Gbɔgbɔ Kɔkɔe dzi se. Ke ne miexɔ wokatã dzi se vɔ la, Mawu di be miaxɔ dzi nye se.

Ne futɔ la le agbagba dzem be yeagblɔ na mí be, “Mele Ŋɔŋlɔa me o eye mele eteƒe be woakpe ɖedu le ɣeyiɣi aɖe me tututu aɖase nyaƒokawo o la,” le asibidɛ ɖeka nu la míesena Mawu ƒe Gbe wògblɔa na mí be:

Ke na hame sia, eye na nyaƒokawo, amesiwo le esem to nyaƒokawo dzi, kple na amesiwo le ka me le dukɔa ƒe afi vovowo me la, medi be miase esia nyuie ŋutɔ, ke migadae ƒu o.

Ne futɔ la le gbɔgblɔm be Nɔviŋutsu Branham gblɔ bena minɔ anyi kple Nya la, menye kple nyaƒokawo o la, le asibidɛ ɖeka nu la míesena Mawu ƒe Gbe WÒDOAƔLI SESIẼ hegblɔa bena:

Nenema ke nye hã mele egblɔm, le Yesu Kristo ƒe Ŋkɔ me be: Migatsɔ nu ɖeka kpee o, migatsɔ o, de mia ŋutɔ ƒe susuwo Eme o, miawo la migblɔ nusi wogblɔ le nyaƒoka mawo dzi ko, miawo la miwɔ nusi Aƒetɔ Mawu de se na mi be miawɔ ko; migatsɔ Kpee o!

Gbe Ma le gbɔgblɔm na mí gɔ hã alesi Míasɔe kple Nya la alebe míegawɔ vodada o.

Miaƒe dzizizi atɔ̃awoe ma. Elebe wòanye mɔ ma dzi.
•Eƒe ɣeyiɣi.
•Eƒe azã gbe.
•Ame si Wòtia la.
•Edze be wòava na nyagblɔɖila la.
•Edze be nyagblɔɖila la nanye nyagblɔɖila si dzi woɖo kpe.

Yesu Kristo ye nye míaƒe Nyagblɔɖila.

Nya si dzi woɖo kpe na gaƒoƒo la! Nya si dzi woɖo kpe le Mose ƒe ŋkekewo me nye Yesu. Nya si dzi woɖo kpe le Yesaya, Eliya, Yohanes, wokatã ƒe ŋkeke me la, nye Yesu. Ke Nya si dzi woɖo kpe egbe la nye Yesu, eyama ke etsɔ, egbe, yiɖe mavɔmavɔ me.

Le asibidɛ ɖeka nu la míate ŋu azi play aɖase Yesu Kristo Ŋutɔ wòaƒo nu aɖaɖe fia mí be:

•Ɣeyiɣi lae nye esi,
•Azã gbe lae nye esi,
•Ame si Metia ye nye esi,
•Nye nyagblɔɖila ye nye esi,
•Woɖo kpe nyagblɔɖila sia dzi wu Nye nyagblɔɖila bubu ɖe sia ɖe.

Egbe la, menye Dziƒo Mawu la ɖeɖeko ye le nuƒom na mí o, gake Ele mía me, xɔ anyi nɔ, hele Eƒe Agbe nɔm to mía me. Egbɔ míaƒe nugɔmesese ta.

Mina míadzra míaɖokuiwo ɖo. Game la tu aƒe. Míekpɔ Ŋɔŋlɔ la eme vam gbesiagbe. Gbedeasi la le abe egbe ƒe nyadzɔdzɔgbalẽ ene:

“Ɣeyiɣi la ƒe tɔtɔtɔtɔ, xaxa le dukɔwo do me, anyigba ʋuʋuwo le teƒe vovovowo, atsiaƒu le adãwɔm, vɔvɔ̃ ɖe to ɖe amegbetɔ ƒe dzi ŋu.”

Dzɔdzɔmea ŋutɔ gɔ hã le egblɔm na mí egbe, esime míekpɔ dukɔwo le gbagbãm, anyigba le to yim, nuŋɔŋlɔ le gli la ŋu.

Míele Ŋugbetɔ la kpɔm kple nɔnɔme si me Wòle la. Ke míenyae, to dzɔdzɔme la dzi, be Hame la le dzradzraɖo wɔm hena dzodzo.

ŊUTIKƆKƆE, míele dzradzraɖo wɔm hena dzodzo. Le asibidɛ ɖeka ko nu la àte ŋu adzra ɖokuiwò ɖo. Melewò kpem be nàva tu mí Kɔsiɖagbe le ga 2 Woale me, le Jeffersonville ƒe game, aɖase : Agbagba Dzedze Be Woawɔ Dɔ Aɖe Na Mawu Si Menye Mawu Ƒe Lɔlɔ̃nu O 65-0718M.

Nɔvi. Joseph Branham

Mose Atɔ̃lia 4:1-4 / 4:25-26
Kronika I 13
Kronika I 15:15
Psalmowo 22
Marko Kɔkɔe 7:7
Yoel 2:28
Amos 3:7
Maleaxi 3
Mateo Kɔkɔe 11:1-15
Korintotɔwo I 13:1

Gbedasi: 65-0711 Akpe Ŋu

---

• 24-0714 Akpe Ŋu
• 22-1225 Akpe Ŋu
• 21-0829 Akpe Ŋu

BranhamTabernacle.org

Hɔ̃wo Le Ƒuƒom Ɖedu

Branham Ƒe Agbadɔ Lɔlɔ̃a,

Míede akpe alegbegbe be Eɖo mí ɖi be míatia hame nyuietɔa si me míade míaƒe ƒomeawo.

Ne ele be matia hame aɖe la, matia Nyanyuie Blibo, hame vavãtɔ, si tuna ɖe Biblia dzi, ne meyina eɖe tia ge be makplɔ nye ƒome ayiie.

Míede akpe alegbegbe be míele amesi nye míaƒe kplɔla gblɔm na xexeame, hã be míewɔna nu tututu abe eyama ene.

Ne èle ŋku ɖe hame ma ƒe agbenɔnɔ ŋu la, Nàlé ŋku ɖe kplɔla la ŋu sẽ ko, ke enuenu la miakpɔ be hame la wɔa nu abe kplɔla la ene.

Míede akpe alegbegbe be meka afisi míele le xexeame o la, Ekpea kpli mí.

Edo ŋugbe be yeakpe kpli mí le afisiafi si ame eve alo etɔ̃ woƒo ƒu ɖo. Nyateƒee. Afimae xɔsetɔ vavã ƒe mɔkpɔkpɔwo dzudzɔna ɖo, ɖe Mawu ƒe Nya si dzi woɖo kpee le Nyateƒe la me dzi.

Míede akpe alegbegbe be míexɔ Eƒe nyagblɔɖila, kple Nya ɖe sia ɖe si wogblɔ dzi se.

Ne miexɔ dzinye se be menye Mawu ƒe nyagblɔɖila la, miɖo to nusi megblɔ na mi la.

Nuka wòle be Eƒe nyagblɔɖila na ɖe gbeƒãa?

Gbedeasi debliblo aɖe, si gbugbɔ va Nya la gbɔ,

Nuka ŋutie woɖoe ɖaa?

“Yi nàkplɔ Ŋugbetɔ ma vɛ! ” Emae nye dɔdeasi. Emae nye nusi ta mele afisia ɖo. Emae nye nusi mele agbagbadzem be mawɔ, ye nye be mayɔ Ŋugbetɔ aɖe dogoe.

Ne míedo le fli la me ɖe?

Ke emae nye nusi wòle be mawɔ, alé Ŋugbetɔ ma ɖe fli me.

Azɔ nukae le Fofo la si le nudzraɖoƒe na Eƒe Ŋugbetɔ la?

Meyi na ɖe aƒe me, awɔ nye adzɔgbewo yeye ake, eye magagbugbɔ dze egɔme yeyee. Ke emae nye nusi ɖom míele ɖi be míawɔ, ema tae mele afisia ɖo.

Woakafu Aƒetɔ la, ɣekaɣie míadze míaƒe subɔsubɔ yeyeawo gɔmee?

Ke azɔ, ne Aƒetɔ la lɔ̃ la, Kɔsiɖagbe ŋdi si gbɔna la míadze subɔsubɔ gɔme. Ke mi katã mikpe ɖe ŋunye, eye míado gbeɖa, elabena enɔ nye dzi me be madze agbagba… Wogblɔ be, “Enyo, míate ŋu ayi ɖe Louisville alo míate ŋu aɖi yi New Albany.” Gake elebe takpekpe la nava me le Jeffersonville. Mayi ɖe Louisville kple New Albany, le game vovovowo dzi, gake elebe esia nanye afisia le Jeffersonville.

Míele gbesɔsɔ Fofo. Wò Hɔ̃wo anɔ ƒuƒom ahenɔ toɖomee. Nukae adzɔ le ɣeyiɣi sia mee?

“… Mehĩa xɔse geɖe wu.” Ema tae mele aƒe azɔ ɖo eyae nye be nye xɔse na—na ga do gã ɖe dzi wu.

Woakafu Aƒetɔ la, ema dim míawo hã míele Fofo, XƆSE naga do gã ɖe dzi wu. Míenyae be xɔse tsoa nusese me, Wò Nya sese me, ke Wò Nya vaa na nyagblɔɖila la.

Gbedeasi sia, Mawu Ŋusẽwokatãtɔ ƒe Ŋusẽ, kaka ɖe xexeame ƒo xlã, gake azɔ mamã ƒe ɣeyiɣi le eme vam. Mawu le Ŋugbetɔ aɖe yɔm, ke abosam le hamea ɖe yɔm. Míenye Gbedeasi Sia, Eƒe Nya, Eƒe Ŋugbetɔ ƒe akpa aɖe!

Kakaɖedzi su mía si eye míenya nusi gblɔm míele. Ŋu mele míakpem be míexɔ Gbedeasi Sia kple Eƒe Gbedeasitsɔla dzi se o, elabena wole ɖeka. Ŋu mele míakpem be míagblɔ be: “míexɔ Nya ɖe sia ɖe dzi se” o. Ŋu mele míakpem be míagblɔ be: “Míeƒona Nyaƒokawo le míaƒe hamea me” o. Ŋu mele míakpem be míagblɔ be: “Míenye Nyaƒoka Dukɔ” o.

Esesẽ na mí be míase egɔme be xɔsetɔ ɖe sia ɖe, alo mawunyagblɔla atɔ̃awo ɖe sia ɖe, si gblɔa be yexɔ Gbedeasi sia dzi se, hegblɔa be Nɔviŋutsu Branham nye Mawu ƒe nyagblɔɖila kple gbedasitsɔla la, ava xɔse emegbe aɖagblɔ na amewo be egblẽ eye mele Nya ŋu be woaƒo Mawu ƒe Gbe si ŋutɔ dzi woɖo kpe le woƒe hamea me o.

Mina míanɔ edzi, vovoɣi li alo vovoɣi meli o, aka mo, agbe nya, kple…le dzigbɔɖeanyi kple nufiafia katã me. Elabena ɣeyiɣi le vava ge, esime womaxɔ nufiafia, si le blibo la o; ke boŋ, le alesi tome fiẽ wo nu la, woaƒo nufialawo nu ƒu na wo ɖokui le woaŋutɔwo ƒe nudzrodzrowo la nu; Eye woaɖe to ɖa le nyateƒe la ŋuti eye woatrɔ ayi gliwo gbɔ.

Esi kuɖe Mawu ƒe Nya vavã, tsimatɔe, si dzi Mawu ɖo kpe, Mawu ƒe Gbe si dzi woɖo kpe ŋu la, Edze na ko abe ɖe wòle fuɖem na hatsotso kemea gɔ hã ene. Wokpɔa fuɖeɖe le Eŋu hexɔe se be Etsi tre ɖe Nya ŋu be woanye Nyaƒoka Hame.

Ke na míawo la, Nu vavã Ye wònye. Ŋu mele míakpem o. Esime míexɔ Ɖeɖefia Ma la, nane xɔ anyi nɔ ɖe mía me, ke azɔ naneke mate ŋu axɔ Eƒe teƒe o. Dzidzɔ wònye na mí be woayɔ mí be Wo Dometɔ Ɖeka, Nyaƒoka Ƒe Hame, Nyaƒoka Ƒe Hatsotso, Nyaƒoka Dukɔ.

Míele miakpem be miava se Mawu ƒe Nyaƒoka subɔsubɔdɔ kple Branham ƒe Agbadɔ la, Kɔsiɖagbe le ga 2 woale me, Jeffersonville ƒe game, esime míele ƒuƒom le mɔkpɔkpɔ gã aɖe me; hele míaƒe adzɔgbewo ɖem yeyee, ahe dze egɔme yeyee, le Ashamed 65-0711 [Akpe Ŋu] sese me.

Nɔvi. Joseph Branham

Marko Kɔkɔe 8: 34-38

Gbedasi: 65-0429E Ŋugbetɔ Aɖe Tiatia

PDF

---

---

BranhamTabernacle.org

Hɔ̃wo Le Ƒuƒom Ɖedu

Mawu Ƒe Ŋugbetɔ Tiatia Lɔlɔ̃a,

Fofo tia Eƒe Ŋugbetɔ doŋgɔ na xexeame ƒe gɔmeɖoɖo anyi ke. Edi Ŋugbetɔ aɖe si aɖe Yeŋutɔ ƒe ade tututu ɖe go. Edi Ŋugbetɔ aɖe si ahe Eƒe susu va esime Wòale Nya me ɖe asi.

Ŋugbetɔ aɖe si adzra eɖokui ɖo na Eyama alegbegbe kple Eƒe ŋugbedodo Nya la, sẽ ɖe esime Susu si tututu nɔ Eyama me la, anɔ wo me. Woanye Yeŋutɔ ƒe ŋutilã ake, ƒuwo ake, Gbɔgbɔ ake, nusianu ma ake, woatui ɖo tututu alegbegbe be woame eveawo katã woazu Ɖeka.

Edi be yeame Yeŋutɔ ƒe de ɖe wo me, elabena ɖeko wôlebe Wòanɔ abe Eyama ene. Elala tso esime Wòde Eƒe Adam kple Xawa gbãtɔ anyigba dzi be yeaɖɔ Yeƒe Ŋugbetɔ debliboa ɖo. Enɔ agbasam le Eyama dzi, hele Egbugbɔm va Eƒe ɖeɖeɖego deblibo gbɔ; elabena woanye Eƒe Ŋugbetɔ Nya si woɖe Gblɔ la.

Esime Wòkpɔ Eyama la, Ekpɔ dzidzɔ alegbegbe, azɔko Ŋugbetɔ aɖe si mele ŋku ŋɛ ge aƒu Nya Ɖeka dzi o su Eyama si. Ŋugbetɔ aɖe si make ɖi vie le Ŋu kura o, gake Atsɔe ko abe alesi Wòle ene. Woagblɔ na xexeame be Mehĩa gɔmeɖeɖe aɖeke o, elabena Mawu Ƒe Gbe Dzadzɛ ye Wònye.

Esime Wòkpɔ Eƒe Srɔ̃nyɔnu deblibo lɔlɔ̃tɔ suea la, Ekpɔ ŋudzedze le Eyama ŋu alegbegbe, ɖeko wôle be Wôatsɔ Eyama afia. Eyata Wòyɔ Eƒe dɔla 7lia sesẽa, alebe wòate ŋu akpɔ Eyama do ŋgɔ. Edi be eyama Nakpɔe, Hetsɔe fia eyama, alebe wòate ŋu agblɔ alesi Wòdze tugbe ɖo. Alebe Wòate ŋu ado dziƒo na Eyama aɖana Wòanya be Yenya amesi Wònye ko.

Eyata Wòkɔ Eƒe dɔla gã hedae ɖe teƒe kɔkɔ aɖe alebe wòate ŋu akpɔ Eyama do ŋgɔ. Esime wòkpɔe la, Mawu ƒe Gbɔgbɔ ƒo nu na eyama hegblɔ be, “Ŋugbetɔ lae nye Ekem.” Eɖe ŋku, eye wòkpɔ MI le afima. Eƒe dzi dzɔdzi.

MIA dometɔ ɖesiaɖe do miaƒe de du me wu tso afisi mietso va: Switzerland, Germania, xexeame ƒo xlã, du ɖesiaɖe me. Ɖa didi legbe ŋutɔ si wobla nyuie ɖe megbe, awu ƒe abɔwo, kple kpoyokpoyoawo didi yi gɔme nyuie. Ke MIA katã mienɔ azɔlizɔha ƒe gbeɖiɖi ŋu, “Kristo ƒe asrafowo, miɖo ta Ŋgɔgbe abe aʋa me ene. ” Esime wòkpɔe la, Míedze azɔli dzi ɖo ta dziŋgɔliwo me; Nya lae Míenye.

Akpe na Wò Fofo. Alegbegbe esia dedzi ƒo na míaƒe dziwo egbea. Míelɔ̃ Wò kple Wò Nya kple nusiwo katã le mía me. Míexɔ Nya ɖesiaɖe dzi se. Gbedeasi sia sɔ kple mí ta abe asiwui kple asi ene.

Míedi be míanye Wò Ŋugbetɔ Nya Deblibo. Míenya mɔnu bubu aɖeke si míate ŋu ato awɔe le o negbe míanɔ anyi kple wò Nya la, Mana si wodzra ɖo ɖi sia si nègblẽ ɖi na Wò Ŋugbetɔ la alebe Wòadzra Eɖokui ɖo.

Míele ekpɔm be ɣeyiɣi la tu aƒe. Xexeame le ʋuʋum le mîate kple Anyigbaʋuʋuwo. Wò dɔla ŋkutsalawo li ƒo xlã vɔ. Xexeame trɔ ta agu. Aʋawo, ʋliʋli, amewuwu, dɔlekuiwo kple dɔlelewo le afisiafi. Futɔ la le adãdzi madzudzɔmadzudzɔe, hele agbagba dzem be yeawɔ fu Wò Ŋugbetɔ la, gake Srɔ̃wònyɔnu Lɔlɔ̃a si Nètia la LIKE hele Wô Nya me lém ɖe asi.

Kpeɖe mía ŋu Fofo be míega do le fli me o. Na míaƒe ŋku nanɔ dzi Wò be míaɖa lé Wòa Asi Matrɔmatrɔ la. Do míaƒe XƆSE ɖe dzi, tsɔ nusi hĩa mí la na mí. Va nɔ anyi kple Wò Ŋugbetɔ Kɔsiɖagbe sia, le ga 2 woale me Jeffersonville ƒe game, esime mîaƒo ƒu ɖe Wò Gbe na egbe ŋu aɖase Wò naƒo nu: Ŋugbetɔ Aɖe Ƒe Tiatia 65-0429E.

Esiae nye míaƒe gbedodoɖa Fofo:

Oo Dziƒo Mawu, kpɔ nublanui na nuvɔ̃ xexeame kple nuvɔ̃ mewo, Aƒetɔ, siwo míenye le fiẽ sia dzro. Mawu, medze agbagba be manɔ tsitre ɖe gbagbaƒe le Mawume nublanuikpɔkpɔ biam, bena Nàƒo nu na ameha sia fiẽ sia eye Nàhe Wò Ŋugbetɔ ƒe susu vɛ, Aƒetɔ, bena woazɔ menye ɖe dzesi alo kredo aɖe nu o, ke boŋ ɖe Aƒetɔ Yesu ƒe Nyanyuiea ƒe gbeɖeɖe nu. Na wòava me dzro, Oo Mawu. Na woanyae, le zã sia me, bena Wòe nye Mawu, eye Wò Nya lae nye Nyateƒe. Esime, míetsɔ vevienyenye, le amesiawo ŋku me, le amewo ƒe susu hem va Wò Nya la gbɔe.

Nɔvi. Joseph Branham

Ŋɔŋlɔ Siwo Woaxlẽ:

Mose Gbãtɔ 24:12-14
Nyaɖeɖefia 21:9

Gbedasi: 65-0429b Nuku La Manyi Dome Kple Tsro La O

BranhamTabernacle.org

Hɔ̃wo Le Ƒuƒom Ɖedu

Ŋutilã Tso Eƒe Ŋutilã Lɔlɔ̃a,

Dzidzɔm alegbegbe be Mawu metrɔa Eƒe Susu kuɖe Eƒe Nya ŋu o. Enye Eyama ke etsɔ, egbe yiɖe mavɔmavɔ me.
Alesi Wòwɔ nuwo le gɔmedzedzea me la, Ele ewɔm nenema ke egbea. Mawu, Ŋutɔ ɖe eɖokui ɖe go le amegbetɔ ŋutilã me, to Yesu Kristo ƒe Ʋu la me, be yeakɔ agbea ɖe ŋuti alebe Wòateŋu ɖe Eɖokui ɖe go le eyama me.

Míaƒe gbedasitsɔla ɖo Ŋɔŋlɔ la ƒe dzesidodo kuɖe eɖokui ŋu le míado me egbe. Gbɔgbɔ Kɔkɔe la, Ŋutɔe, le Eŋutɔ Ƒe Gɔmeɖeɖe wɔm. Mehĩa be woagadzo le amesia dzi ayi ɖe ame kemea dzi be woakpɔ nyateƒea alo gɔmeɖeɖea o; Gbɔgbɔ Kɔkɔe la na Eƒe Hame la Efesotɔwo 4, wokatã le ame ɖeka me, Eƒe nyagblɔɖila si dzi woɖo kpe la.

Apostolo: Apostolo gɔmee nye “amesi wodɔ,” alo “dɔgbedela.” Dɔgbedela menye.

Nyagblɔɖila: Ɖee miexɔe se be menye Mawu ƒe nyagblɔɖila?

Nyanyuiegblɔla: “Wɔ Nyanyuiegblɔla ƒe dɔ. Ɖe wò subɔsubɔdɔ ƒe kpeɖodzinuwo fia nyuie eŋuti nakɔ. Ɣeyiɣia aɖe ava va esime womele nufiafia nyuie la tsɔ ge o.”

Kplɔla: Mieyɔm be, “Miaƒe kplɔla”; ke miegblɔe nyuie, elabena yae menye.

Nufiala: Medi be maƒo nu le Nya ŋu, alo mafia Kɔsiɖasuku nufiafia, le Dzesia ɖe ƒe Nya ŋu.

Sɔsɔminasɔe= Menyae be mi, mía nɔviŋutsuwo, míekpɔnam abe míaƒe tɔɖoƒe si nusi…zi alesi medze Mawu yome, abe alesi Paulo gblɔ le Ŋɔŋlɔa me ene la, “Mizu srɔ̃nyelawo abe alesi menye Kristo srɔ̃la ene.”

Gbedeasi sia nye míaƒe Tɔɖoƒe, alea míedzea eyome abe alesi wòdzea Kristo yome ene.

Nyemegbe be Efesotɔwo 4 ƒe amewo si Mawu yɔ li si nye amesiwo Mawu ɖo heyɔ be woawu dɔwɔƒe mawu ŋu; to Eƒe Amenuveve me la, menye wodometɔ ɖeka. Gake suewo míenye, Mawu ƒe dɔla nyagblɔɖila yae nye GÃTƆ la.
Na amesiwo le xexeame siwo yɔa “Branham ƒe Agbadɔ” la be yewoƒe “ha gã me” la: míaƒe kplɔla, míaƒe subɔsubɔdɔ gbagbe, míaƒe Tɔɖoƒe, míaƒe Efesotɔwo 4 la katã le Nyaƒoka dzi. Míexɔe se be Enye gɔmedzedze ƒe subɔsubɔdɔ si nɔ Eyama si esime Wònɔ afisia le anyigba dzi.

Ŋutifafa kae nye esi, dzudzɔ kae nye esi, mele be míavɔ̃ alo anɔ ŋudzɔ alo azã nutsyɔnu kpɔ gbeɖe, ne míele Nya la sem o. Enye Mawu ƒe Nya si dzi woɖo kpe heda asi ɖo, mana yeye si míesena ɣesiaɣi eye nusi wòle be míawɔ koe nye be míanɔ anyi aɖadzɔdzi esime míaƒe dziwo anɔ bibim le mía me esime Wòle nuƒom na mí le mɔa dzi.

Ke amesiwo katã Fofo Nye tsɔ Nam la, woava. Nye alẽwo, Nye ahɔnɛwo sea Nye Gbe. Womadze ame tutɔa ɖeke yome o.” Ke nukae nye Mawu ƒe Gbe la? Mawu ƒe Nya ye wònye. Nukae nye ame ɖesiaɖe ƒe gbe ne menye eƒe nya o mahã? Mawu ƒe Nya wònye; woase Mawu ƒe Nya.

Ekema GEƉE WU kpɔtɔ li na Eƒe Hame la. Menye ŋkeke sia kple eƒe gbedasitsɔla, Nya la na egbe koe, míedena dzesi o, gake dzidzɔ gãtɔ kekeake si wona ŋutsu la va me mlɔeba. MÍENYE Eƒe Gbɔgbɔ ƒe akpa aɖe, Ŋutilã ƒe akpa aɖe; ŋutilã tso Eƒe Ŋutilã me, ƒu tso Eƒe ƒu me; Nya tso Eƒe Nya me, Agbe tso Eƒe Agbe me, MÍENYE Kristo ƒe Ŋugbetɔ la!

Ŋutikɔkɔe!! Woakafu Aƒetɔ la ƒe Ŋkɔ!! Aleluya!! Eƒe Ŋugbetɔ de dzesi Eɖokui hele Eɖokui dzram ɖo kple Eƒe Nya la.

Numae wɔm Hame la le egbea, elabena Yesu ye nye Nya la eye Eyae Ŋugbetɔsrɔ̃ la, ke Ŋugbetɔ la nye Srɔ̃a ƒe akpa aɖe. Eyata Nya si ŋu wòle be woawu ŋkeke sia la nye akpa ma ke na Nya si ŋu wòle be woawu le Eƒe ŋkeke me, ke enye Nya ma ke, numetoto ma ke, agbe ma ke.

Va eye nawɔ Nya ma ke ƒe numetoto, numetoto ma ke, Agbe ma ke Kɔsiɖagbe sia ga 2, woale me Jeffersonville ƒe game, aɖase: Nuku La Manyi Dome Kple Tsro La O 65-0429B.

Nɔvi. Joseph Branham

Ŋɔŋlɔ Siwo Woaxlẽ:

Mateo 1:18-20/ 24:24
Luka 17:30
Yohanes Kɔkɔe 5:24
Galatiatɔwo 4:27-31
Mose I 2:15
Yesaya 9:6
Maleaxi 4

Gbedasi: 65-0427 Ɖee Mawu Trɔa Eƒe Susua?

BranhamTabernacle.org

Hɔ̃wo Le Ƒuƒom Ɖedu

Lɔlɔ̃nu Deblibo Ŋugbetɔ Lɔlɔ̃a,

O Mawu lɔlɔ̃a, míele Wò lɔlɔ̃nu faa dim o, Fofo. Na míazɔ le Wò lɔlɔ̃nu deblibo me. Megana ko— míatsɔ Nya ɖeka le afisia kple afima ko, aɖawɔ Esia asɔ kple nuɖoanyia ɖe alo dzixɔsea ɖe, alo nane o. Na míatsɔ Nya la abe alesi Wòle ene, axɔ Nyanyuie blibo la dzi se, nusiwo katã Yesu fia mí be míawɔ.

Esiae nye míaƒe didi gãtɔ kple deto kekeake, be míanɔ Mawu ƒe lɔlɔ̃nu deblibo me. Míedi kpɔ gbeɖe be míawɔ nusi medze Eyama ŋu o, bɔŋ be míadze Eyama ŋu le nusiwo katã míegblɔna hewɔa me. Míedi be míanye Evia ŋutsuviwo kple nyɔnuviwo siwo woxɔ Viwoe heɖe ɖe go.

Afikae kpɔm míele be míele Eƒe lɔlɔ̃nu deblibo me hele Eyama ŋu dzem mahã? Edze be míayi Eƒe Nya gbɔ, elabena míenyae be Eƒe Nya nye Nyateƒe kple agbe. Eƒe Nya nye nenema ke ɣesiaɣi, Eƒe ɖoɖo nye nenema ke ɣesiaɣi, elabena Mate ŋu trɔ o.

Nya la gblɔ na mí be, alesi Wòwɔ nuawo zi gbãtɔ la, Awɔ wo nenema ke ɣesiaɣi. Anɔ nenema ke ɖaa. Eƒe taɖodzinu nye nenema ɣesiaɣi. Eƒe nuwɔnawo nye nenema ke ɖaa. Alesi Wòwɔna nuwo, alesi Wòyɔna dɔ amewo, alesi Wòkplɔ na Etɔwo la, nenema ko Wòanɔ ɖaa.

Biblia gblɔ na mí le Eƒe Nya matrɔmatrɔ me be Aƒetɔ la ƒe Nya vaa na Eƒe Nyagblɔɖilawo ɖeɖe ko. Meɖefia hanunɔla alo bibliasukudela aɖe Kpɔ gbeɖe o, Eƒe nyagblɔɖilawo ɖeɖe ko. Egblɔ hã be Yemewɔ naneke kpɔ sẽ ɖe esime Yetsɔe fia Yeƒe nyagblɔɖilawo gbã o.

Ame di kokoko be nuɖoanyi ametɔwɔwɔea, amewo ƒe hatsotso nakplɔ yewo. Gake ema menye Mawu ƒe mɔ kpɔ gbeɖe o, Edɔa kplɔla si Mawu yɔ kokoko ɖa, amesi woɖo nyagblɔɖila kple Nya la be wòatsɔ kplɔ Eƒe dukɔ. Woɖo kpe nyagblɔɖila ma dzi hetia eyama be wòanye woƒe kplɔla hena gaƒoƒo la.

Mawu tia hena tsitrenɔƒe kplɔla geɖe bubuwo si woɖo heyɔwo fũ kple Gbɔgbɔ Kɔkɔe la; ke woƒe teƒewo le wosi, gake Ena toklã kplɔla mawo be, “mite ɖe aga le Dzo Lilikpo ma gbɔ.” Nukae Dzo Lilikpo ma wɔna…EKPLƆA DUKƆ LA LE ŊKEKE KPLE ZÃ ME SIAA.

Emegbea Nya la gblɔ na mí be, “Abe alesi wònɔ le Sodom ƒe ŋkekewo me la, nenema ke wòanɔ le ŋkeke siwo me woaɖe Amegbetɔvi la afia le.” Le Eƒe Nya ŋu le Maleaxi 4, kple Ŋɔŋlɔ geɖe bubuwo me la, elebe wòatrɔ gbɔ Eƒe Hame la me le ŋutilã me; le amewo dome, le amegbetɔwo dome, to nyagblɔɖila nyenye ƒe mɔnu dzi.

Aleke míawɔ anya nyagblɔɖila siae? Aɖo kpe amesi wònye dzi kple Nya la. Anya dzi me nyaɣlaɣlawo ŋutɔ gɔ hã. Aɖe Nya katã afia amewo. Dzo Lilikpo la aɖo kpe Eyama dzi be nekplɔ Ŋugbetɔ la. Mawu ana ŋutɔ gɔ hã be woaɖe Ye foto kple Yeƒe nyagblɔɖila.

Ameaɖewo woanɔ abe Yohanes le Patmos ƒukpo dzi ene eye woadze agbagba be yewoasubɔ eyama, gake agblɔ bena, “kpɔ ɖa megawɔe o, elabena wò hadɔla, kple nyagblɔɖilawo dometɔ ɖeka menye, de ta agu na Mawu ko.” Ŋugbetɔ la anyae be mele be woasubɔ eyama, ame la o, bɔŋ be woasubɔ Mawu LE AMEMA MEE.

Anyae be yee nye amesi Mawu tia be wòaɖe Nya siwo medanaƒu kpɔ o la gblɔ. Anyae be yee nye dɔla kple gbedasitsɔla 7lia si Mawu tia. Xexeame akpɔ aɖase Mawu ƒe Gbe wòaƒo nu to Ye dzi eye yeakpɔ Adam gbã si woɖɔdo blibotɔ.

Akplɔ Ŋugbetɔ la kple Dzo Lilikpo la. Anɔ yeƒe nyanyananawo xɔm tso Logos la gbɔ aɖanɔ tsɔm na Ŋugbetɔ la le woƒe mɔdzi yina Ŋugbedonyigba dzi. Ɖeɖefia asu Ŋugbetɔ la si eye anyae be esiae nye gbedasitsɔla si Mawu na la. Mɔ si Mawu nae ma. Esiae nye Mawu ƒe LƆLƆ̃NU DEBLIBO.

Va tu mí Kɔsiɖagbe le ga 2 woale me, Jeffersonville ƒe game, aɖase : Ɖee Mawu Trɔa Eƒe Susua? 65-0427.

Nɔvi. Joseph Branham

Mose Enelia 22:31