Nsango: 65-0919 MPOSA

BranhamTabernacle.org

Molingami Mwasi Moponami,

Koyanganisama monene ya suka ezali kosalema mpo ya Konetolama. Molimo Mosanto azali koyeisa Mwasi na Ye ya Libala elongo longwa na bikolo nyoso; longwa na libongo ya elimwelo ya ntango kino na libongo ya ebimelo ya ntango, longwa na ngambo ya likolo kino na ngele, longwa na matumu manei ya mokili.

Azali koyanganiza biso elongo na bisambo na biso mpe na ba ndako na bison a nzela ya miula ya mongongo malamu mingi. Ezali kutu malamu koleka motindo ya eyokeli na radio. Ezali kokangisama na nzela ya telephone.Tozali kotia biyambelo to biyokelo, to eloko mosusu oyo ezali, kati na eteni ya ndako, mpe ezali kaka ndenge moko lokola nde tozali na eteni ya ndako moko elongo na mosakoli na Ye. Ezali nzela epesami na Nzambe mpo na lelo kosangisa mpe koyeisa Mwasi na Ye ya Libala elongo na” Oyo Elobi Nkolo”.

Esili koleka mibu tuku mitano na motoba, Nzambe abandaki manaka na Ye ya koyanganisa Mwasi na Ye ya Libala elongo mpo bakoka koyoka Ye kosolola na bango na nzela ya mwanje na Ye ya nguya bato nyoso na mbala moko. Asali kutu ete basali na Ye ya ntomo mitano batiki koteya mpe bayanganisa bato na bango elongo, mpe batii ekanganeli ya eyokelo na bisambo na bango, lokola Alingaki ete Mwasi na Ye ya Libala bayoka Mongongo na Ye bango nyoso na mbala moko. Etandelo na Ye monene ebandi. Etikala kokoka boye te kati na lisolo ya mokili. Mosakoli na Ye ayebaki yango mpe atondaki na kosepela. Sasaipi Nzambe akokaki bongo kosola na Mwasi na Ye ya Libala bango nyoso na ntango moko. Bakokaki komiyokela bango moko, wana ezali Nzambe kosolola na bango ye penza, mpe ekozala na bosenga ya ndimbola te.

Lelo, mokili ezali kati ya kokamwa. Mpo na nini bato longwa na zingazinga ya mokili, nan tango ndenge na ndenge ikeseni; 12:00 sima ya nzanga, 2:00 sima ya nzanga, 8:00 sima ya nzanga, katikati ya butu bakoyangana elongo bango nyoso na ntango moko koyoka liteya oyo bakoki koyoka ntango nse ntango. Kobendama ezali nini?

Emonisameli bango ete oyo ezali manaka ya Nzambe, nzela epesami na Nzambe mpo ya kosangisa bango kati na molimo. Ezali Nzambe kobelema kosolola na Mwasi na Ye ya Libala bango nyoso na mbala moko.

Eloko mosusu te kasi Mongongo na Nzambe, Liloba na Ye, Etinda oyo, esololami na mosakoli na Ye nde ekokaki kosala yango. Ezali na moto moko te, soko eloko moko mosusu te, oyo Mwasi ya Libala akoki kozala na boyokani likolo na yango bango nyoso.

Moto moko akoki koloba ete “ Nayokaka mobateli na ngai wana ezali ye kotangela ngai maloba ya Etinda oyo mpe koteya Liloba kaka ndenge ndeko Branham alobaki ete asala.”. Nkolo akumisama. Yango ezali bikamwa  mpe yo opambolami mingi kozala na mobateli oyo azali kotikala na Liloba. Abengami ete abatela etonga elogo mpe kopesa bino mpe kotalisa bino na Liloba, kasi yango ten de nazali kolobela. Bozali na lotomo ya kozala na Etemelo, liloba ya suka. Maloba oyo biso nyoso TOKOKI KOZALA NA BOYOKANI LIKOLO NA YANGO, Ata moto abengama soko ete apakolama na motindi nini, ezali na liloba ya moto moko te oyo ebongi be, mpe lotomo ya moto ata moko te ekosangisa Mwasi na Libala.

“Oyo wana ezali kaka likanisi na yo mpe ndenge yo omoni makambo. Kokisa yango na Liloba, Ndeko Joseph”.

Mpo soko bozwi bato mibale, bokozala na makanisi mibale. Mpe esengeli ekoma na etemelo ya suka, mpe etemelo na ngai ezali Liloba, Biblia. Mpe lokola mobateli awa na kati ya lingomba, etemelo na ngai ezali Liloba, mpe nalingi…Nayebi ete bino, bandeko na biso, bozali lokola nde kotalela ngai ete nazali etemelo na bino mpo na…ntango nyoso nazali kolanda Nzambe, lokola Paulo alobaki kati na Makomi, “Bino bobila ngai, lokola ngai nazali kobila Klisto”.

Na bongo, ntango mosakoli azali kosolola, ezali Etemelo mpo na Mwasi na Libala. Etinda na ye ezali liloba na ye te, soko ete ezali ndimbola na ye ya Liloba te. Ezali Nzambe kolimbola Liloba na Ye moko na nzela epesami na Ye moko kosala bongo : Na nzela ya mosakoli na Ye.

Soko bolobi ete bondimi Etinda oyo. Soko bolobi bondimi maloba oyo alobi awa. Soko bolobi mpe bondimi ete bozali Mwasi na Libala ya Klisto, na bongo oyo ezali likolo na bande esengeli ezala Etemelo na bino.

Na bongo, eloko nini mosusu ekokoka koyeisa Mwasi na Libala ya Klisto biso nyoso elongo soko Etemelo na biso te ? ELOKO MOKO TE. Ba bande ezali Mongongo na Ye, Liloba na Ye, Etemelo na biso. Mosakoli ayebisaki biso ete mosakoli ya lelo azali Molimo Mosanto. Molimo Mosanto aponaki moto MOKO, mongongo MOKO komonisa Liloba na Ye epai na ye mpe mongongo nde ezali kosangisa Mwasi na Ye ya Libala na nzela ebongisami na Ye lelo, NA BOFINAKA PLAY.

Nazali komeka kosala nyoso na ngai kotikala kaka na Liloba, mpo baoyo batiamaki na maboko na ngaimpo na Nzambe, mpo ete ba mpate balingi biloko ya ba mpate, kaka. “Ba mpate na ngai bakoyoka Mongongo na ngai.” Mpe oyo wana nde tozali kobika na yango, Liloba nyoso ekobimaka…Te ete nyoso…Kaka te ete Liloba moko awa mpe na mbisa; kasi Liloba nyos’oyo ekobimaka na monoko ya Nzambe, yango nde esengelaki babulami babika na yango

Esengelaki tobika na Liloba nyoso ekobimaka na monoko ya Nzambe. Monoko ya Nzambe oyo endimisami mpo na lelo nde nini? Ngai ? Nazali mwanje ya 7 ya Nzambe Motindami te, mobateli na bino mpe azali ye te soko moto ata nani ; ezali Nzambe kosalela mongongo ya WILLIAM MARRION BRANHAM.

Tokosambisama na Mateya YE ASOLOLAKI kati na bande. Ezali te na nzela ya ndimbola ya moto soko nani mosusu to na boteyaka oyo ye alobaki, kasi na nzela ya Liloba LIKOLO NA BANDE. Ata topakolama na Molimo Mosanto ndenge nini, tokoki kozala na mabunga. Nazali koloba te ete motei songolo pakala azali ya lokuta to na mabunga ; biso nyoso tobengami koteya, mpe kolakisa, mpe kotikala na Liloba, kasi kobengama na biso ezali ete totalisa bino EPAI NA LILOBA, mpe LILOBA MOKO KAKA OYO EBONGI BE MPE ENDIMISAMI ezali likolo na bande.

Lokola Mwasi na Klisti, tozali na makambo mingi oyo esengeli tozala na matondi mpo na yango :

Tokokaki nde kosalela mai ya mokanda soko ezalaka ete Mbu etondi na yango

Mpe soko ezalaka ete etando ya likolo esalemi kozala esika ya kokoma

Ezalaka ete njete nyoso na mabele ezali ekomeli

Mpe moto nyoso azwi mosala ya mokomi mikanda

Kokoma bolingo ya Nzambe na likolo

Mbe mai ma mbu makokaoka ;

Soko ete esika ya kokomela elingaki kozanga

Ata ko etandami longwa na etando moko kino mosusu

Tobelemi kozala na poso monene ya Matondo ya koleka na bomoi na biso.

Lipati ya Bilei ya Molimo kotondisa bomoto na biso. Lipati epai wapi Mwasi na Libala akosangisama mpe kofanda elongo kati na bozali ya Moi kokemba.

Nzambe akosolola nab iso na nzela na motindami na Ye mpe koyebisa biso:

·       Tozali Mwasi na Ye Aponami.

·       Tozali na nkombo na biso kati ya Buki ya bomoi ya Mwana na Mpate

·       Tozali na masumu te.

·       Tolongisamaki liboso ya bozalisi ya mokili.

·       Tozali baoyo babengami kobima mpe baponami.

·       Tozali baoyo etandelo ya Nzambe mobimba ezalaki kozila.

·       Tozali Mwasi na Libala mpeto, ngondo, na lisumu te ya Mwana na Nzambe na bomoi.

·       Tobongi be liboso na miso na Ye.

Suka ezali te mpo ya kokoma oyo nyoso Molimo Mosanto akomonisa mpe kosalela biso.

Koloba na ntina na Eyenga ya Matondo!!!

Nayokaki kopusama kati na Molimo na ngai kouta na Nkolo ete tokaba poso mobimba, kobanda Mokolo na Lomingo oyo, mpo na kozongisela Nkolo matondi.

Natii awa kalenda na mikolo, ntango ya mateya oyo tokozala koyoka.

Lokola bokoki komona, Mokolo na Lomingo tokoyangana elongo na ngonga na biso ya momeseno 2:00 sima na nzanga, ntango ya Jeffersonville, koyoka Liteya Mposa 65-0919.

Mokolo ya Liboso-ya Misato nakolinga ete toyoka Mateya 3 Ndeko Branham ateyaki ya kolandana, na 1965. Tokotia yango na The Voice Radio na 9:00 na ntongo mpe lisusu na 7:00 sima ya nzanga ntango ya Jeffersonville.

Nayebi ekozala pasi mpo na ebele koyoka mbala moko kokokana na bitandelo ya misala mpe mikumba , kasi nazali kolikia ete bokozala na makoki ya kopona moko kati na ban tango wana mpe koyoka elongo moko na mabota na bino.

Na bongo Mokolo ya Minei, 25/11, nakosepela ete biso nyoso toyangana elongo na ngonga ya 2 sima ya nzanga, ntango ya Jeffersonville, mpo ya kobanda suka ya poso ya bikamwa ya Eyenga ya Matondo wana ekozala biso tokangani na biyokelo lisusu koyoka Mongongo na Nzambe komemela biso Liteya ya biso ya liboso ya suka poso:Lisanga Lizangi Komonana ya Mwasi na Libala ya Klisto 65-1125.

Ezalaki lipamboli ya ndenge mosusu mpo na ngai komona ete, ekozala sima na mibu 56, na mokolo wana, nde Nzambe asololaki na nzela ya mosakoli na Ye, komemela biso Mateya oyo ya kolandana. Ezalaki mpe mbula 56 longwa na mbotama ya Ndeko Branham na 1909, kino 1965, nde ateyaki Mateya oyo.

Tokokaki kosala nini soko toyebaki ete Ndeko Branham akozala na Shreveport, LA na suka ya poso oyo mpo na komemela biso Mateya maye? Eloko moko te…Nalingi naloba ete eloko moko te ekokaki kopekisa biso kokende. Nzambe azali na etandelo mpo na Mwasi na Ye ya Libala lelo, mpe ELOKO MOKO TE ekopekisa biso.

Nazali kobondela ete bozala na nse ya kozila na etingia monene mpo ya poso ya kafukafu tokozala na yango elongo na Nkolo; na botondaka Ye, na bosanzolaka Ye, mpe na bokumisaka Ye mpo na nyoso Ye asali, mpe mpo na nyoso oyo Ye akosala mpo na biso MWASI NA YE MOPONAMI.

Ndeko. Joseph Branham

Nsango: 65-0911 Nguya Na Nzambe Ya Kobongola

BranhamTabernacle.org

Balingami ba Mpongo, tika ete toyangana elongo mpe toyoka Liteya 65-0911 Nguya Na Nzambe Ya Kobongola Mokolo ya Lomingo oyo na ngonga ya 2 sima ya nzanga, ntango ya Jeffersonville.

Ndeko Joseph Branham

Makomi ya kotanga:

Genese Mokapo ya 4

Yisaya 9:6 / 14:12-14

St. Matayi 5:6 / 24:24

St. Yoane 1:1

Baloma 12: 1-2

2 Batesaloniki 2:3-4

Baebele 10: 26-27

Emoniseli Mokapo ya 3

Nsango: 65-0829 Edene Ya Satana

PDF

BranhamTabernacle.org

Molingami Mwasi ya Libala oy’Angengelami ,

Lokola mokolo ezalaki eumeli koleka, tozalaki tokangani na bikanganelo ya biyokeli, mpe Ayaki na ba ndako na biso mpe abikaki elongo na biso. Kati na bikolo, eteni na nzoto ya Klisto, oyo mosakoli na Ye apesamelaki ndingisa ya koleisa,tofandaki elongo moko na bisika ya Likolo, wana ezalaki Ye kosolola na biso na nzela ya mwanje na Ye ya nguya oyo Atindaki; kongengisa mokili na nzela ya Molimo Mosanto na Ye na nzela na ye, kobenga Mwasi na Ye abima.

Nzambe Atindaki na mokapo ya 18, mwanje ya nguya, sima ya libombami wana koyebana, mwanje na nguya, to, motindami….

Nzambe Atindaki mwanje, motindami ko (sala nini?) kobimisa,”Bobima!” Motindami ya ntango!…

Bobima na kati na ye! Nzambe atindaki ebele…mwanje na nguya, to, motindami. Mpe pole na ye ezalaki na litumu moko ya kobombana te, epalanganaki kongengela mokili mobimba…kongengela mabele, mpe kobimisa mwasi na Ye ya Libala longwa na ye…

Sasaipi, boyebi ete yango ezali solo.Motindami moko atindamaki longwa na Lola, kobimisa baton a Nzambe kolongwa na Babilona. Mpe pole na ye engengisaki mabele, Molimo Mosanto monene.

Poso eleki motei moko ayebisaki eyanganelo na ye ete nalingaki ete bato bandima ete ndeko Branham azalaki mwanje ya Emoniseli 18, kasi atalisaki ete oyo wana ezalaki mwanje kouta na Likolo, mpe ete ekokaki kozala ndeko Branham te. Soko ndeko asalaka kaka oyo mosakoli AYEBISAKI ye ete asala, kotala yango na Liloba elongo, kasi lisosoli na ye TE, MBE AKOKAKI KOYOKA NA SOLO PENZA ETE, EZALAKI NDEKO BRANHAM NDE ALOBAKI ETE AZALAKI MWANJE YANGO.

…Botala, oyo ezali mwanje ya Pole, bokanisa, mwanje ya suka, ezali mwanje na eleko ya lingomba ya Laodikia. Ezali motindami ya Laodikia, oyo wana ezali ya suka, pamba te mokapo oyo elandi mbala moko ezali mokapo ya 19, oyo ezali Mwasi na Libala oyo azali koya.

Bandeko mibali mpe basi, nayinaka koloba makambo oyo mpe natalisa yango polele, pelamoko ndeko Branham azali koloba ete, “Nazali kososolama mabe mingi”. Nalingi koloba te ete batei nyoso nde bazali koloba makambo oyo, soko ete nandimaka ete batei nyoso nde bazali ya lokuta, to soko ete bakokaki koteya te. Te. kasi ebele monene bazali kozimbisa bato wan’ezali bango kotia litomba monene koleka ma lotomo na bango na nzela ya  koteya Liloba na esika ete bafina play elongo moko na bato mpe bayoka PENZA PENZA oyo mosakoli alobi.

Soko y’obongisamaki na Nzambe liboso, ozaki komona yango. Ndenge ya kobombela yo yango ezali te. Okotala mpe okoloba ete, « Ezali na yango kaka polele liboso na miso na ngai ! Nazali kotala yango polele polele. Namoni yango. Yang’oyo, Liloba, Liloba nyoso, Liloba likolo na Liloba. Emonisami liboso na ngai mpe bomoto na ngai mobimba ezingami na kati na yango. »

Tika napesa bino eteni moko ya maloba oyo ya mosakoli, bandeko na ngai batei, yango ezali kaka elimbweli ya oyo ngai, mpe Lingomba oyo Nkolo apesi ngai koleisa, tondimaka mpo na oyo etali koyoka ba bande kati ya losambo.

Mpe soko oyo ezali kotiama na kati ya bande ; epai na batei na esika soko wapi, soko na ntango nini, oyo ezali te kolobamela bino mpo ya kozangela malakisi na bino limemya, oyo ezali kutu kolobamela mpate na bino te. Liteya oyo, mpe mateya mosusu nyoso oyo nazali koteya, ezali kolobamela eyanganelo na ngai. Ezali mpo na eyanganelo na bino te bobele ezala ete balingi koyanba yango. Kasi etindameli bato oyo awa.

Bato bazali kosomba ba bande oyo. Kati na Mokili mobimba bato bazali kosomba yango mpe koyoka yango. Mbala nzike bazali kokoma mikanda. Mpe ntango nyoso nalobaka na bango soko bazali bato ya lingomba moko, « Bomona mobateli na bino ».

Bazali kotalela ngai lokola mobateli na bango na lingomba ya mboka, na bongo nazali koloba na bango ete, « NANDIMAKA KOZWA BA BANDE MPE KOFINA PLAY. Ndeko Branham azali mobateli na biso. Tozali bailingomba na ye ».

Sasaipi, mobateli, nalingi yo oyeba ete, ete, oyo ezali kaka epai na eyanganelo na ngai nde nazali koloba makambo oyo. Mpe nazali na makoki ya kosala bongo, mpo ete  natiami na Molimo Mosanto kozala mokengeli likolo na ba mpate oyo. Mpe mawa na ngai soko nazangi koyebisa bango oyo nandimi kozala solo, mpe nzela nayebi ezali koyela. Kasi ezali mpo na mokili te soko mpo na mangomba mosusu te. Bosala oyo nyoso Nzambe alobi na bino bosala. Nakoyanola mpo na bino te, lokola bino mpe bokoyanola te mpo na ngai. Kasi moto na moto na biso tokoyanola liboso na Nzambe mpo na lotomo la biso.

Nakoyanola liboso na Nzambe mpo na lotomo apesaki ngai. Na mosisa moko na moko ya bomoto na ngai nandimi ete esengeli boyoka Mongongo na Nzambe na nzela ya mateya oy’ebombamaki kati na ba bande kati na biyanganelo na bino. Ezali nzela Nzambe apesi lelo mpo na kokembisa Mwasi na Ye ya Libala. Ezali nzela nse moko mpo na Mwasi ya Libala koyanganisama mpe kobonga be.

Liteya oyo tobelemi koyoka Mokolo ya Lomingo eteyamaki mpe etiamaki na bande mpo na LELO. Ezali Bilei ya Molimo na Ntango elongobani. Tika ete tofungola mitema na biso mpo ete Molimo Mosanto akoka kopakola biso koyoka oyo Ye azalaki kokebisa biso na ntina na yango ete tozala kotalatala na mikolo oyo ya suka.

Ayebisaki biso ete milimo nyoso mibale ikomonana polele na mokolo oyo ya suka. Ayebisaki biso ekozala pene pene penza, na ndenge ete ekozimbisa ata baponami soko nde ekokoka. Mokolo yango oyo.

Botala ntango Yesu ayaki, bomoni, Satana azalaki kati na e bolo wana ya balakisi ya bayuda, mpe na ba labi, mpe na ba nganganzambe, komeka koyebisa bango ete babatela mobeko ya Mose, nzokande Liloba  yango penza ezalaki koyebisa bango ete na mokolo wana, Mwana na Moto akomimonisa, bomoni, ete Akomiyebisa Ye penza. Na bongo bazalaki komeka, ntango nyoso bazalaki basambeli, mpe likolo na mobeko ya Mose…Bomoni eloko asalaki? Azalaki komeka koyebisa bango ete, “Eteni wana ya Liloba ezali na yango kaka solo, kasi moto oyo azali Ye te.” Bomoni ndenge azali mozimbisi? Nde mokolo yango penza ya kozimbisa

Biso TOKOKI KOZIMBISAMA TE, tozali Mwasi ya Libala. ToZALI bana na Nzambe. Tozali eteni ya etani ya Nzambe oyo ezalaki na kati na Ye, tokomi mosuni pelamoko Ye akomaki mosuni, na ntina ete tokoka kozala na boyokani moko na mosusu lokola libota ya Nzambe awa na mabele. Tozali kokanisa yango sasaipi te, kasi tozalaki kuna. Ayebaki yango. Mpe alingaki tokoma bongo na ntina ete akoka komama biso, kosolola na biso mpe kolinga biso, kopesa biso mbote na maboko, KEMBO !!!

Ezali lisusu te oloba ete, « NABANZA NAZALI MWASI NA LIBALA. NALIKII NAZALI MWASI NA LIBALA. » TOYEBI ETE TOZAli MWASI NA YE YA LIBALA.

Molimo Mosanto azali na mosala kati na biso. Ezali bomoi, ko tutuka te ; ezali elembeteli moko ya mosuni te, kasi ezali Moto, Yesu Klisto, Liloba na Nzambe oyo efandi kati na mitema na biso, koyeisa liloba moko na moko ya eleko oyo na bomoi.

Totombeli yo boyei bolamu komibakisa na biso kati na biyokeli ya mipepe mpe na singa Mokolo na Lomingo na ngonga ya 2 sima ya nzange, ntango ya Jeffersonville, wana Molimo Mosanto Azali kongengela biso na Liloba na Ye oyo esololamaki na nzela ya mwanje na Ye, mpe komemela biso Liteya Edene ya Satana 65-0829

Ndeko Joseph Branham.

Makomi ya kotanga

2 Timote 3 :1-9

Emoniseli 3 :14

2 Batesaloniki 2 :1-4

Yisaya 14 :12-14

Matayi 24 :24

Nsango: 65-0822e EKONGOLELI YA MOT’OYO AKANISAKA

BranhamTabernacle.org

Balingami Bandimi ya Biblia,

Mokolo nini ya kembo oyo tozali kobika kati na yango. Mitema na biso ezali kopela moto kati na biso wana ezali Ye kosolola na biso mokolo na mokolo na molai na nzela. Klisto asili komimonisa epai na biso na nzela ya Liloba ya Ye. Ezali emoniseli ya Yesu Klisto, Liloba Ye moko Amikomisi mosuni. Ezali Mongongo ya Nzambe kobenga Mwasi na Ye ya Libala.

Tozali na etemelo, liloba ya suka, moboko ;ezali Liloba ya Ye, Biblia. Sasaipi soko “Biblia” ezali etemelo ya biso, tika tomona soko mosakoli alobaki Biblia nde nini.

Alobaki ete Nzambe akomaki Biblia kaka na nzela ya basakoli na Ye. Yango ezalaki nzela na Ye kosala yango. Yango ezalaki nzela azalaki na yango mpo ya komema Liloba ya Ye epai ya bato: Na nzela ya bibebu ya basakoli na Ye. Liloba na Ye eyaki kaka epai ya mosakoli.

Mosakoli azalaki na makanisi na ye ntango nyoso likolo ya oyo Nzambe alobaki; ezali te oyo moto akanisaki, oyo bokonzi ekanisaki, kasi oyo Nzambe akanisaki! Azalaki kaka kobimisa makanisi ya Nzambe kati na Liloba. Ntango Nzambe amonisaki ye makanisi na Ye, ye abimisaki yango polele na nzela ya Liloba likomami.

Na bongo, Biblia mobimba ezali makanisi ya moto te, ekomamaki mpe na moto te, ememamaki na moto te, ekoki mpe ata moke te kolimbolama na moto. Ezali Liloba ya Nzambe elimbolami na Nzambe Ye moko, Molimboli ya Ye moko. Liloba ya Ye.

Sikoyo basakoli oyo balobaki ete, “Ezali ngai te, nazali na eloko ya kosala kati na yango te, kasi ezali OYO ELOBI NKOLO.” Na bongo Biblia ezali OYO ELOBI NKOLO na nzela ya basakoli. Basakoli oyo basololaki mpe bakomaki Liloba kaka te, kasi azalaki mpe ye kaka nde molimboli ya Liloba yango ekomamaki.

Boye, Biblia ezali makanisi penza ya Nzambe ekomami na basakoli. Mosakoli kaka nde molimboli ya moko ya Biblia longwa na Nzambe. Etinda, Liloba, Biblia mpe motindami bazali nse eloko moko. Na bongo, tokosambisama na nzela ya ndimbola ya Biblia elobami na mosakoli.

“Otindamaki lokola mokambi. Mpe Nzambe akoya. Mpe ntango akoya, Akosambisa yo kokokana na oyo olakisaki bango, ya liboso, bakota to bakota te. Tokokota kokokana na malakisi na yo.”

Autaki koloba nini? Akosambisama liboso na nzela ya oyo alakisaki biso. Tokokoka kokota kaka kokokana na malakisi na Ye. Na boye ezali na litomba kosolola kaka oyo ezali likolo na ba bande lokola tokosambisama na nzela na LILOBA NA YE LIKOLO NA BANDE; oyo ezali ndimbola ya Biblia. Bongo okotia kondima na yo mpo na seko na seko nayo likolo ya oyo moto moko boye alobi?

Mpe bango nyoso ba gangaki na motema moko ete, « Toyebi yango ! Tozali kopema na kondimisama. »

Na bongo, Mwasi na Libala azali kopema likolo na liloba nyoso mosakoli alobaki, oyo azalaki molimboli ya makanisi ya Nzambe ekomamaki na basakoli, mpe na mikol’oyo ya suka elobami na Nzambe Ye moko na nzela ya bibebu ya mosakoli na Ye.

« Okolakisa biso epai na Ye, mpe na sima tokozonga biso nyoso na mabele lisusu, kobika libela. »

O bandeko mibali mpe basi, bolamuka liboso ntango eleka. Kobenga na Ye ya suka oyo. Bofungola mitema na bino mpe bomona ndenge bokozala koyoka Mongongo ya Nzambe likolo ya Bande. Soko tokosambisama na Etinda Nzambe asololi na nzela ya motindami na Ye likolo na bande, ndenge nini bozanga komona ete ezali na litomba mpe nzela moko kaka ya kozala alima mpe semba na Liloba na Ye, ezali na bo yokaka Mongongo ya Nzambe likolo ya bande.

Iyo, Nzambe abengaki ntomo 5 ya bateyi, kasi esengeli batia litomba na boyoki ba bande koleka lotomo na bango. Nazali koloba te ete mobateli na yo akoki koteya te soko kolakisa te. Nazali koloba te ete botika kokende na losambo ; esengeli bokende na losambo, kasi wana mobateli na bino azali kotia ba bande te, Mongongo ya Nzambe oyo bokosambisama na nzela na yango, naino mpe liboso na bino mpo koyoka, bozali na ekongoleli ya mabe.

Bomituna bino penza, ntango moteyi azali koyebisa bino ete, esengelaki kaka boyoka ba bande na ba ndako na bino kasi na losambo te, likambo yango ezali penza na ntina ? Nandimi te ete bokondima kozimbisama kino na ndenge wana. Mongongo penza oyo bokosambisama na nzela na yango esengelaki eyokama kaka na ba ndako na bino mpe kati na losambo te ? Ndeko Branham atikala koloba te ete boyoka ba bande kati na losambo, kasi esengelaki boyoka kaka ngai lokola mobateli na bino ntango bozali koya na losambo. Bozali penza ata na ndambo ya emoniseli ?

Eloko nini nde ekokaki kozala na motuya koleka ntango boyei elongo na losammbo na bino kokumisa Nkolo, kokola kati na lisosoli ya Liloba, kobelema na Nzambe, koleka kokembisama na boyokaka Mongongo moko KAKA…KAKA ya Nzambe endimisami.

Bokoki kobanza Yosua ayebisa bana na Isalaele, Nayebi ete tozali na maloba penza penza oyo Mose alobaki, kasi Mose aloba soko moke te ete soko toyangani totanga makomi na ye. Nazali kokamba bino sikoyo mpe nakoyebisa bino maloba ya Mose.

Mpe sima na yango atangaki maloba ya mobeko, mapamboli mpe bilakeli mabe, kokokana na nyos’oyo ekomami kati na mobeko.

Ezalaki na liloba ata moko te kati na nyos’oyo Mose alakaki, oyo Yosua azangaki kotanga liboso na koyangana na libota na Isalaele, elongo na basi, na bana mike, mpe na bapaya oyo bazalaki kati na bango.

Na maloba mosusu, soko Yosua azalaka na masini ya kokotisa maloba na bande na mokolo na ye, ntango azalaki koyanganisa bato elongo mbe akokaki KOFINA PLAY .

Malaki ya 4 ayaki na OYO ELOBI NKOLO, mpe bokosambisama na maloba nyoso elobamaki likolo ya ba bande. Etinda oyo nde ekongoleli ya bino. Boyoka mpe bobika, boboya mpe bokufa.

Ndenge nini tozwa libaku mabe nzokande seko na seko na biso etiami na mondenge ? Tozali na bosenga tozala koyoka Liloba ntango nyoso, na ba ndako na biso, na kati ya mituka na biso, ntango tozali kosukola bilamba, na bolakisaka bana na biso, na bosukolaka mituka na biso, na botambolaka likolo na ngomba, mpe mingi nakoleka, wana eyangani biso na mangomba na biso.

Miyoka somi komibakisa na eteni ya Mwasi na Ye ya Libala, oyo ANDIMI LILOBA NYOSO likolo na bande, wana ezali biso koyoka Liteya : EKONGOLELI YA MOTO OYO AKANISAKA 65-0822E, Mokolo ya Lomingo na ngonga ya 2 sima ya nzanga, ntango ya Jeffersonville. To Boyikisa mobateli na bino mpiko atiaka bande kati na losambo na bino mpo ete bino mpe bokoka koyoka Mongongo yango oyo ekolakisa bino epai na Nkolo na biso Yesu Klisto, mpe na sima tokozonga na mabele lisusu kobika libela. LIKAMBO KOLEKA OYO WANA NA MALAMU EZALI TE

Ndeko Joseph Branham

Nsango: 65-0822m KLISTO AMONISAMI KATI NA LILOBA YA YE MOKO

BranhamTabernacle.org

Molingami Mwasi ya Libala oyo alamukisami,

Tozwa nano esengo boye liboso te, to kosepela mingi na bomoi na biso. Tozali na Kolamukisa na nzela ya Emoniselindenge tozwa nano liboso te. Mokili ezali kopanzana. Bato bakoti penza mobimba kati na kobungisa mayele. Tozali komona makambo oyo toyoki pene na bomoi nab iso mobimba kokokisama penza liboso na miso ya biso.

Liteya moko na moko tozali koyoka ekoki penza na ntango mpe kaka oyo tozali na bosenga ya koyoka. Ezali Bilei ya Molimo na Ntango Elongobani. Tosepeli ete ezali makanisi ya moto moko te, soko ete ezali maloba ya moto moko te, ezali Maloba ya Nzambe kosolola na nzela ya Moto moko, kobenga Mwasi na Ye ya Libala ete abima.

Tokoki koloba uta na bozindo ya mitema na biso ete:

·       Etinda oyo ezali Yango Elobi Nkolo Yawe

·       Ezali nzela ya Nzambe epesami mpo na lelo.

·       Ezali na bosenga ya ndimbola te.

·       Ezali Maloba mazangi kokwea.

Koyoka kolandana ya mateya eleki oy’eleki ezalaki penza likambo monene na bomoi na ngai. Nalingi kaka kokabola eteni na yango moko na moko na moto nyoso. « Oyokaki mpe esika oyo…Natikala koyoka yango ndenge wana liboso te…Nayoki bande wana mbala 4 kati ya mwa mikolo mileki kasi natikala kosimba yango te ndenge nasimbi lelo. Etinda oyo ezali penza nde ya eleko bebe koleka ndeng’ezalaki ntango eteyamaki esili koleka mibu 56 ».

Ezali te na eloko eleki esengo ya mpeto ya koyeba ete ozali koyoka Mongongo ya Nzambe ya peto oyo endimisami. Bosenga ya koloba omikengela ezali te. Ntina ya kotungisama ezali te, oyo ekokani nde na Liloba. Yango ezali nde makanisi na ye to ndimbola na ye? Esengeli nakende kotala yango elongo na Liloba.

Biso te, oyabiso likambo ezali kaka komisembola pepele, mpe koloba AMEN na Liloba moko na moko, lokola toyebi ete eloko nyoso tozali koyoka ezali OYO ELOBI NKOLO YAWE.

Ekoka na yango kaka te koleka oyo na malamu mpe na petee.

Nazalaki kobondela mpe koluka Nkolo mpe Azali kokamba ngai kokoba na Mateya oyo ya suka mosakoli na Ye alobaki. Nayebi ete toyokaki Mateya oyo esili koleka kaka mwa ba sanza, kasi ntango nyoso tozali koyoka yango Azali komonisa biso makambo mosusu mpe mosusu mingi.

Ntango nazali kokanisa na ntina ya Mwasi ya Libala, koyangana elongo longwa na mokili mobimba, kozila na etingia kobanda Liteya na bango koyoka Nzambe kosolola na bango na nzela ya bibebu ya mosakoli na Ye, natondaka na esengo koleka. Akomonisa biso nini lelo?

Kolamukisa monene ezali kosalema na mokili mobimba. Mwasi na Libala azali ko ganga na bolobaka ete:” Tolingaka koyoka ba bande. Tolingaka kofina Play. Tolingaka koyangana na Mwasi na Libala zingazinga ya mokili mobimba”.

Tozali koyangana mpe kofanda elongo na bozali ya Mwana, kokemba, kobelema mpo na Konetolama. Nalingi na natindela bino ebiangeli ete boya kokemba elongo na biso na ngonga ya 2 sima ya nzanga, ntango ya Jeffersonville, wana ekoyoka biso Nzambe kosolola na Mwasi na Ye ya Libala mpe komemela biso Liteya, Klisto Amonisami Kati na Liloba ya Ye Moko 65-0822M

Ndeko Joseph Branham

Makomi ya kotanga liboso ya koyoka liteya:

Esode 4:10-12

Yisaya 53:1-5

Yilimia 1:4-9

Malaki 4:5

St. Luka 17:30

St. Yoane 1:1/ 1:14/ 7:1-3/ 14:12/ 15:24/ 16:13

Bagalatia 1:8

2 Timote 3:16-17

Baebele 1: 1-3/ 4:12/ 13:8

2 Petelo 1:20-21

Emoniseli 1:1-3/ 10:1-7/ 22:18-19

Nsango: 65-0815 MPE OYEBI YANGO TE

BranhamTabernacle.org

BA MPONGO BAZALI KOYANGANA

Balingami ba Mpongo oyo bazali koyangana,

O, eleko nini oyo, ntango nini oyo! Eloko etikali te oyo ezangi kosalema. Ba Mpongo ya Nzambe bazali koyangana zingazinga ya nzot’oyo ebomami. Lisakoli ezali kokokisama. Etikala kozanga ata mbala moko te, mpe ekozanga te, mpo na biso, baoyo tobongisamaki liboso mpo tomona yango, tozali komona yango.

Banda Tata azwa mosakoli na Ye na ndako, Mwasi na Ye ya Libala nano ayanganisama zingazinga ya Mongongo na Ye liboso te ndenge ezali lelo. Aponaki nzela ekokaki ete Liloba na Ye liya na yango, mpe yango ezalaki na nzela ya basakoli na Ye, baoyo babongisamaki mpe batiamaki na mosala liboso. Mpe biso tozali na kosepela, mpe tondimisami, ete yango ezali Yesu Klisto komiyebisa, komitalisa kati na lisakoli.

Ndenge nini ezalaki ete Akambaki bana na Isalaele kati na lisobe, kati na mobembo na bango, lokola elilingi ya bat’oyo babengami lelo kobima. Tala Ye oyo awa, na nzela ya bilembeteli ya bolukiluki ya zebi, kino Amitalisi penza liboso ya zebi. Mpe na nzela ya bikela na Ye penza mpe na nzela ya lisakoli na Ye, makambo oyo esakolamaki mpo na Ye et’esalema na mikolo oyo, kosala Ye azala Yesu Klisto lolenge moko lobi, lelo, mpe libela, ekokisami penza penza. Yango ekoka te ete epelisa mitema na biso na moto kati na biso ?

Lokola bayekoli wana na mokolo wana, tobongisamaki mpo na Bomoi. Eloko moko tozali na yango kosala ezali kaka koyebisa Mongongo na Ye. Mpe Mongongo yango ezali penza makanisi na Ye mabimisami. Tondimi yango nyoso. Tosengeli te kokokisa eloko soko nini na nzela ya zebi, to kotuna Mosadukai soko Mofalisai, to moto ata nani na ntina na yango the. Alobaki yango mpe biso tondimi yango. Ba mpate na Ye bazali koyoka Mongongo na Ye, kosolola na nzela ya mosakoli na Ye.

Etinda oyo ezali Mongongo ya Nzambe likolo ya bande. Ezali emoniseli mobimba ya Yesu Klisto, Kondimana ya kala mpe Kondimana ya sika etiami elongo. Sekele nyoso efungolami polele. Tokobakisa eloko soko kolongola eloko likolo na yango te. Tozali kosala kaka ndenge Apesaki biso motindo tosala, KOTIKALA NA LILOBA

Yango nde likambo. Ezali moto wana ya katikati. Oyo ya kati wan’ekoyanolaka Liloba, ekotingama na Liloba, ezala eloko nini.

Asakolaki mpe ayebisaki biso makamb’oyo esengelaki kokoma. Mokili mobimba ekoyangana kati na bolema, mpe ekokoba kozinda, mpe kozinda, mpe kozinda, kino bakokoma libondo ya bato ya ligboma.

Alobaki ete ntango ebelemi eapai wapi tokomona eloko moko kokoma, eloko moko ekosalema. Mpe Mateya nyos’oyo ezalaki kaka kotia etemelo mpe moboko mpo na Etinda mokuse mpe ya nokinoki oyo eko ningisa bikolo nyoso. Nandimi ete tozali komona makambo yango kosalema sik’awa penza.

Mpe nayebi ete sima nan gai kolongwa na mabele oyo, ba bande mpe buku iye ikokoba kobika, mpe ebele kati na bino bilenge bana bokokuta, na mikolo mikoya ete, yango ezali penza SOLO, mpo ete nazali koloba na Nkombo ya Nkolo. 

Tika ete toyoka mpe tozala na bokengi penza na liloba moko na moko ya ndoto nyos’oyo mosakoli alobeli biso. Ndenge bamonaki ye kotelema likolo ya libanga oyo ezalaki longwa na ebimelo nan tango kono elimwelo na yango, kati na songe mopotu koulana na piramidi. Ndenge azalaki likolo na punda ya motindo ete batikala komona eloko ya ndenge wana liboso te kati na bomoi na bango; punda monene ya pembe, na kunza ya katikati pembe ebandi na moto kino ekiti na mokongo mpe edjembeli nse.

Ndenge lipata ya pembe ekitaki mpe ememaki ye mpe elongolaki ye. Na bongo sima ya mwa ntango moke, efandisaki ye na moto ya mesa mpe azalaki pembe pee lokola mbula pembe. Azalaki kotelema wana mpe alobaki na bokonzi. Kotatabana ezalaki te likolo na yango. Moto nyoso asosolaki polele oyo elobaki ye.

“Nakoleka na nzela oyo mbala moko lisusu!”

Na ndimi ete tozali komona yango kokokisama lelo. Mateya oyo ezali koleka na nzela moke yango mbala moko lisusu. Nzambe azali kobenga ba Mpongo na Ye elongo uta na mokili mobimba. Bazali koyangana zingazinga na Liloba na Ye, Mongongo na Ye, Etinda oyo.

Mokili ezali bolumbu, na makambo ya mawa, na bolozi, na lolanda, mpe eyebi yango te. Kasi Mwasi ya Libala alatisami na Liloba, atondi na kembo kati na Molimo, atondi na esengo na nzela ya Ngolu na Ye, mpe tokoki komona mpe koyeba tozali banani: MWASI NA YE YA LIBALA.

Ayebisaki biso ete kokokana na ndenge ayebaki, amonaki eloko moko te oyo ekokaki kopekisa koya ya Nkolo Yesu, libanda ya komilengela ya LINGOMBA NA YE.

Ba Mpongo, tika ete tomilengela. Nazali kobenga bino ete boya koyangana na biso zingazinga ya mosuni oy’ebomami Mokolo ya Lomingo na ngonga ya 2 sima ya nzanga, ntango ya Jeffersonville, koyoka Mongongo ya Nzambe mpo na mokolo na biso kolengela biso mpo na koya ya Konetolama oy’ebelemi awa ezali biso koyoka: 65-0815 Mpe Oyebi Yango Te.

Ndeko Joseph Branham

Emoniseli 3: 14-19

Bakolose  1: 9-20

Nsango: 65-0801E MAKAMBO MAMONISAMI POLELE NA NZELA YA LISAKOLI

BranhamTabernacle.org

BA MPONGO BAZALI KOYANGANA

Molingami Moseka moke, Etonga moke, Mwasi-Liloba ya Klisto,

Tozali Mwasi na Ye ya Libala tozali kozila Mobali na biso ya Libala mpe kosepela na bopemi na Ye ya Bokonzi ya mbula nkoto. Tokoyoka Mongongo nse moko. “Ba mpate na Ngai bayebi Mongongo na Ngai. Bakolanda mopaya te. » Mongongo na Ye ezali nini ?

Mongongo ya moto nyoso nde Liloba na ye. Mpe yango nde oyo, Biblia. Ezali na liloba moko te ekobakisama na yango to kolongolama na yango. Kotikala kaka na Mongongo yango. « Bakolanda mopaya te », ebongiseli.

Mongongo wana ezali Mongongo ya Ye, esololaka kati na bande na nzela ya Molimboli ya Liloba na Ye ya bonzambe, ye mosakoli na Ye, William Marrion Branham. Ezali Yesu Klisto kosolola na nzela ya bibebu ya moto. Maloba ya moto, makanisi ya moto, to ndimbola ya moto etali biso te, kaka Mongongo oyo endimisami na mokolo ya biso nde etali biso. Ezali OYO ELOBI NKOLO.

Nzambe Asalelaki maboko ya mosakoli na biso. Nzambe asalelaki miso na ye kati na bimononeli. Akokaki koloba eloko mosusu te bobele oyo azalaki kotala. Akokaki koloba eloko mosusu te, mpo ete Nzambe Azalaki na bokonzi mobimba na lolemo na ye, mosapi na ye, mpe enama moko moko ya nzoto na ye ezalaki na nse ya kopusama na Nzambe. Tokamwa te ntina Biblia elobi ete basakoli na Ye bazalaki ba nzambe; bazalaki eteni ya Nzambe! Azalaki Liloba ya Nzambe etalisami mpo na mokolo ya biso.

Biblia oyo elobi liboso, na nzela ya lisakoli, mokolo mpe ntango tozali kobika kati na yango. Motindo ya makambo nini nde ekozala kokoma. Ezali koloba yango penza polele polele, mpe etikala te kozanga ata na eleko moko. Baoyo babongisami komona yango, bakomona yango. Ezali Liloba ezali komikangisa na Liloba.

Na eleko moko na moko bato bazali kotika bato kotia ndimbola ya bango kati na Liloba oyo, mpe ezali kosala ete babetama na kufa miso liboso na likamb’oyo ekomi. Likambo yango moko esalemaki na ba Falisayi mpe na ba sadukayi.

Bayebisaki bato,”Tozali bapakolami ya Nzambe. Bosengeli na biso toyebisa bino oyo Liloba elobi. Bosengeli na biso ete tolimbola yango mpo na bino.”

Ndeng’ezalaki na mokolo wana ezali mpe ndenge moko lelo. Esika ya lipengwi ezali nde ete bapakolami na Molimo Mosanto. Bazali na ebiangeli kouta na Nzambe koteya Liloba. Esengeli bayebisa bato eloko nini mosakoli alobaki, kasi ebele monene kati na bango BAZALI KOTIA NDIMBOLA NA BANGO MOKO LIKOLO NA YANGO na boyeisaka lotomo ya bango na litomba monene koleka ata Mongongo ya Nzambe yango penza.

Botala boni bazali kokangisa bato zingazinga ya lotomo ya bango, zingazinga ya ndimbola ya oyo mosakoli na Nzambe alobaki, kasi bakokoka kaka te kosala bongo.

Bazali komibomba sima ya bato mpe kobangisa bango wana bazali komilongisa koboya koyoka bande na mangomba ya bango na bolobaka ete,” Bato wana bazali kopesa lokumu likolo ya moto mpe bazali kosambela ye kasi Yesu Klisto te. Ezali ebongiseli koyoka bande bato nyoso na ntango moko longwa na esika moko. Ndeko Branham aloba ata mbala moko te ete esengeli koyoka bande kati na bisambo”, na bongo bazali kokima ntina penza, balingi na bango kaka te koyoka bande kati na mangomba na bango. Lotomo ya bango, lisosoli na bango, ebiangeli ya bango ezali na litomba monene koleka koyoka ba bande kati na losambo. Bakomeka soko moke te, NDENGE EZALI TE, kasi misala na bango ezali koloba mpo na bango.

Mosali ya solo oyo azali na lotomo, oyo abeti tolo koloba ete andimi oyo ezali Etinda ya solo ya ntango na suka, Mongongo ya Nzambe mpo na mokolo ya biso, akozwa kokima esika ata moko te azanga koyoka ba bande kati na losambo na bango. MEKA ELOBELO WANA NA LILOBA YO MWASI NA LIBALA.

Nalobá ata mbala moko te ete moto nyoso ayoka bande na ngonga ya 2 sima ya nzanga, ntango ya Jeffersonville, soko bongo te ozali Mwasi ya Libala te, NALOBA YANGO SOKO MOKE TE. Natikalá kosambela moto te. Ezali Yesu Klisto nde azali kozwa kembo nyoso. Nazali kobondela Nzambe kati ya moto lokola LILOBA eyebisaki biso tosala. Boni bazali bazimbisi mpe bakufi miso. Tanga kaka makomi ndeko na ngai, ezali na yango wana.

Zabolo AYEBI ete moteyi nyoso, to likita ya bateyi, bakokoka SOKO MOKE TE koyanganisa Mwasi ya Libala; bazali ata koyokana kati na bango te. Kaka lokola ba Metodisti, ba Batisti, ba Presbiteria mpe bato ya Kitela, ndenge nini moko na kati na bango to lisanga ya bango bakokoka koyanganisa Mwasi na Libala…ata ndenge nini EKOKOKA TE.

ELOKO MOKO KAKA OYO EKOYANGANISA MWASI NA LIBALA EZALI MONGONGO YA NZAMBE LIKOLO YA BANDE…MPE EZALI KOSALA YANGO.

Monguna ayini yango, nde ntina azali komeka kobebisa yango, kasi ekokoka kosala yango te…KEMBO!

Lokola momeseno, ntango nyoso, na suka ya eleko, bazali komizwa kati na mobulungano na nzela ya ba teolojia mpe ba nganganzambe kino ekokoma libebi. Ntango nyoso ndimbola ya bango ezali mabe, ata mbala moko ezanga kozala mabe te, mpe ata mbala moko te Liloba ya Nzambe ezanga kozala solo. Oyo wana nde bokeseni. 

Nzela ezali kaka moko mpo ya kondimisama, kotikala na Liloba, Mongongo ya Nzambe likolo ya ba bande. Tanga Biblia na yo, ekoyebisa yo makambo nini nde esengeli emonana na mokolo oyo. Ekoyebisa yo na ntina na mwanje na Ye ya Nguya oyo esengeli aya na mokolo oyo. Ekoyebisa yo otikala na Mongongo yango, kotikala na motindami na Ye oyo aponami.

Soko Satana ayinaka buku moko ya Biblia, ezali nde buku ya Emoniseli. Ekomamaki na Klisto Ye moko. Na bongo kokokana na molimo yango, esengeli Klisto Ye moko atia litomba mingi likolo na mwanje na Ye ya 7.

Sima na makamb’oyo Namonaki mwanje mosusu kokita na nse kouta na likolo, azalaki na nguya monene; mpe mabele engengaki na kembo na ye.

Klisto Ye moko alobaki ete mabele nyoso ENGENGAKI NA KEMBO NA YE. Alobaki te ete engengaki na “KEMBO NA NGAI”. Bongo kokokana na kososola na yo, ozali kofunda Klisto Ye moko wana ezali Ye kotia litomba mingi likolo ya motindami na Ye ya 7.

Motindami ya mabele azalaki penza pene na Klisto Ye moko, Yoane amekaki kosambela ye, MBALA MIBALE, kasi alobaki ere, « TE!, Sambele Nzambe. » Yango penza nde biso tozali kosala, kosambela Nzambe. Tozali kotia litomba mingi likolo ya moto te, tozali kaka kosala oyo KLISTO LILOBA ALOBAKI… « mabele engengaki na kembo na ye ». Yango ezali kopesa biso Kolamukisa na nzela ya Emoniseli.

Nzambe azali kopona ndenge ya Ye Moko, na bobongisaka makambo liboso, aponaki basakoli mpo na eleko moko na moko. Botala yango. Azali kobongisa lolenge ya mosakoli wana ete akokana na eleko yango. Bomoni, Azali kobongisa motindo na ye ya kosala makambo, nyos’oyo azali kosala. Azali kokembisa ye azala na boyekoli to azala na boyekoli te. Azali kokembisa makabo, lolenge nini akoteya kati na yango, makabo oyo akozala na yango. Mpe Etinda mpo na eleko moko wana, Nzambe abongisaki liboso ete eloko moko wana ekoma mpe ezali na eloko mosusu te ekokoka kozwa esika na yango.

Koyoka bande moko, ezala bande nini, Mokolo ya Lomingo, ezali na eloko moko te ekokoka kozwa esika na yango. Soko y’olingi komibakisa na eyanganelo ya Branham wan’ezali biso koyoka bande, miyoka somi mpe totombeli yo boyei bolamu komibakisa na biso Mokolo ya Lomingo na ngonga ya 2 sima ya nzanga, ntango ya Jeffersonville, wan’ekoyoka biso : Makambo Mayeisami Polele na nzela ya Lisakoli 65-0801E

Ndeko Joseph Branham

Makomi :

Genese : 22 : 17-18

Njembo : 16 :10 / Mokapo ya 22/ 35 : 11/ 41 : 9

Jekalia : 11 :12 / 13 :7

Yisaya : 9 :6/ 40 :3-5/ 50 :6 / 53 :7-12

Malaki : 3 :1 / Mokapo ya 4

St. Yoane 15 : 26

St. Luka : 17 :30 / 24 :12-35

Baloma : 8 :5-13

Baebele : 1 :1 / 13 :8

Emoniseli : 1 :1-3 / Mokapo ya 10

Nsango: 65-0801m NZAMBE YA EKEKE OYO MABE

BranhamTabernacle.org

Balingami Mwasi ya Libala Kolamukisa na nzela ya Emoniseli,

Eloko nini nd’ezalaki kokoma zingazinga ya mokili na suka ya poso oyo eleki ? Nini nde ezalaki kosalema ? Ntina ya makelele oyo ezalaki nini ? Mwasi ya Libala uta na mokili mobimba ayanganaki zingazinga na Liloba, kosala ngomba longwa na na mabele ya lima mpe ya pembe, zelo mpe njete. Koyangana zingazinga ya mioto ya libota, na boyembaka nzembo ya masanzoli mpe ya lokumu na Nkolo. Ezala bana ezala mikolo, ndenge moko, balati bilamba ya likolo ekomami maloba ete KOLAMUKISAMA NA NZELA YA EMONISELI. Bautaki longwa na Michigan kino na Florida, longwa na Maine kino na California, longwa na Amerika ya likolo kino Amerika ya ngele, na Poto, na Africa, Asia, Australia, matumu manso ya mokili. Bazalaki koyoka longwa na biyokeli ya bango kati ya ba ndako na bango, koyoka Mongongo ya Nzambe kosolola na bango mbala moko.

Kobendama ezalaki nini ? Momboto ya Nzambe oy’ebongisamaki liboso, oy’ekoki kosala eloko mosusu te kasi kaka kolanda Etinda ya ntang’oyo, oyo bandimi Liloba moko na moko oyo elobami na monoko ya Nzambe, bayanganaki elongo kati na masanzoli, na lokumu, mpe kati ya kosepela likambo monene oy’ekomaki na mokolo na biso likolo ya Ngomba ya Elimwelo ya Ntango.

Ezalaki Nzambe kokokisa Liloba na Ye. Nde ntina ya makelele nyoso oyo. Botala, ezali Nzambe kokokisa Liloba ya Ye Lilakamaki lisusu, ya Emoniseli 10: 1-7, “Mpe na mokolo ya koyula Etinda ya Mwanje ya sambo, Libombami ya Nzambe likosila kokoka”.

Ezalaki Nzambe koloba lisolo ya ntango. Ezalaki Nzambe kokokisa lisakoli. Ezalaki eyano ya lisakoli ya mosakoli mpe tolingaki kofanda wana kozwa mpe koyoka eloko nyos’oyo Asalaki na nzela ya mosakoli na Ye.

Koloba mabe ya mozangi kondima mpe ya bandimi ya katikati etali biso te. Tokoswana na bango te. Tozali na eloko moko ya kosala, yang onde  kondima mpe kozwa eteni moko na moko na yango ndenge tokokoka. Tozali koyangana poso na poso lokola lisanga moko koyoka Mongongo ya Nzambe, wana ezali biso kozila koya ya Masiya.

Ntango monene nini oyo tozali kobika kati na yango. Komona likomi kokokisama na bomoi na biso penza. Kasi Akebisaki biso kati na Liloba ya Ye ete bapakolami ya lokuta bakozala pene penza na ndenge ete bakozimbisa ata baponami SOKO ekokoka. Kasi Lokumu ezonga epai na Nzambe, ekokoka te kozimbisa Mwasi na Ye ya Libala, mpo ete bakotikala na Mongongo yango ya Nzambe oyo Endimisami mpe bakobongola litono moko soko moto ya likambo moko te. Bakobakisa kolimbola ya bango moko te likolo na yango, kasi kaka KONDIMA LILOBA MOKO NA MOKO.

Boni esengeli na biso kozala na bokebi mingi soko ezali PENE MINGI. Tozali komituna ekozala nde mangomba ya bibongiseli ? Baoyo wana emonani ete bazali mosika mingi, bazali kutu pene te. Ekozala ko nde ba nani ?

Sasaipi , soko ezali kaka mangomba ya malili, ya lolenge ya kosambela ya libanda mpe ya zololo, mpe bongo na bongo, oyo ya kiteolojia ebongisami na moto, oyo wana ekokaki te Baponami ; baponami bakoka ata kotala yango na miso te ; kasi ezali  wana likolo, pene ya kokokana na eloko ya solosolo. Kotika kaka liloba moko nde eloko okosala.

Alobaki ete Ewa abimaki te mbala moko mpe kobanda koboya kondima Nzambe na nko. Ezalaki libunga nde andimaki. Satana andimaki ete ezalaki Liloba ya Nzambe kasi likambo ezalaki ete atiaki ndimbola na ye moko likolo na yango mpe esalaki ye mwasi kondima lokuta mpe akweisamaki na yango.

Ezipelo elongolami. Piramidi efungolami. Makomi matikami polele. Emoniseli epesameli Mwasi ya Libala. Ezali Yesu Klisto lolenge moko lobi, lelo mpe libela.

Yango ezali kokomisa satana kozala na kele makasi epai na biso. Ayebi akomi na suka ya ye. Alingi biso tobeta ntembe na oyo biso tozali. Tozali koleka na mimekano mpe bitumba ya makasi ndenge toleka nano na yango liboso te. Mbala mosusu tozali komituna mpo ya nini makambo ya motindo boye ezali kokomela biso?

Ntina na yango, ezali komeka Ye, Mwasi na Ye ya Libala. Ezali ko…Wan’esili ye kotalisama, kopimama, kokokisama, kondimisa ye liboso ya satana.

Kembo!!! Mimekano mpe bitumba na biso ezali kaka Ye kolakisa satana ete TOZALI MWASI NA YE YA LIBALA ATALISAMI.

Tokuti sik’oyo ete eleko mabe oyo ezali mpo ya kotalisa satana, ete azali lokola Ewa te , ete Azali te elilingi ya mwasi moko boye. Mpe Akopimama na nzela na Liloba na Ye. Mwasi ya Libala, lokola Mwasi ya Adama amekamaki na Liloba ya Nzambe. Mpe mwasi na Adama andimaki Liloba eteni moko moko na yango, kasi abulunganaki likolo ya elaka moko.

Kasi biso tokobulungana te likolo na liloba moko to kokende sima na mimesano ya bango, ndimbola na bango ya Liloba, tokotikala na LILOBA YA EBANDELI.

Soko tozali na masini ya koyokela bande, tokoyanganisa etonga ya bato elongo, tokofungola elobeli, mpe tokoyoka na bokengi, kaka ndenge ayebisaki biso tosala !

Kaka lokola bomoi oyo ya nzoto wana bilembeteli bizali kouta longwa na koyikana uta na tata na yo, mpe bongo Molimo ya Nzambe azali, oyo ebongisamaki liboso ya kozalisama na mokili.

Boni tozali na botondi koyeba ete koyikana na biso ebongisamaki liboso ya kozalisama na mokili kozala na Emoniseli ya Solo ya Etinda oyo.

Totombeli yo boyei bolamu koya kozwa Kolamukisa na nzela ya Emoniseli yango moko elongo na biso Mokolo ya Lomingo na ngonga ya 2 sima ya nzanga, ntango ya Jeffersonville, wan’ekoyoka biso : 65-0801M NZAMBE YA EKEKE OYO MABE.

Ndeko Joseph Branham

St. Matayi mokapo ya 24 / 27 :15-23

St. Luka 17 :30

St. Yoane 1 :1 / 14 :12

Mis 10 : 47-48

1 Bakol4 :1-5 / Mokapo ya 14

2 Bakol4 :1-6

Bagal1 :1-4

Baef 2 :1-2 /4 :30

2 Bates 2 :2-4 / 2 :11

Baeb Mokapo ya 7

1 Yoa Mokapo ya 1 /3 :10 / 4 :4-5

Emoniseli 3 :14 / 13 :4 / Mikapo 6-8 mpe 11-12 / 18 :1-5

Mas 3 : 5

Yisaya14 :12-14

Nsango: 65-0725e KOBENDAMA LIKOLO YA NGOMBA EZALI NINI?

BranhamTabernacle.org

Balingami ba MPONGO, tika ete biso nyoso toyangana elongo mpe toyoka Liteya 65-0725E Kobendama Likolo Ya NGOMBA Ezali Nini? mokolo ya Lomingo oyo na ngonga ya 2 sima ya nzanga, ntango ya Jeffersonville.

Ndeko Joseph Branham

Nsango: 65-0725m Bapakolami Na Ntango Ya Suka

PDF

BranhamTabernacle.org

Molingami Mwasi ya Libala Moponami,

Ntina Yesu alobaki ete, baponami bakozimbisama te, ezali mpo ete bazali Liloba yango. Bakoki kozala eloko mosusu te. Bayebi eloko mosusu te.

Ezali na eloko eleki monene na mokili te koleka koyeba ete Nzambe aponaki mosakoli na Ye liboso na bozalisi ya mokili kosolola maloba oyo. Na bongo Alingisaki ete Mongongo na Ye etiama na bande, mpo ete biso, Mwasi na Ye ya Libala oy’abongisamaki liboso, tokoka kozonga na yango koyoka Mongongo na Ye oy’etiamaki na ba bande mpe ebatelamaki, mpo ete Alingaki biso toyeba ete :

·       Tozali Liloba.

·       Tokoki kozimbisama te.

·       Tokoki kozala eloko mosusu te.

·       Tokoki koyoka eloko mosusu te.

·       Toyebi eloko mosusu te.

Ayebaki ete tokozala na bosenga ya koyikisasma mpiko lelo koleka mokolo mosusu nyoso kati na ntango.

Etumba ekongala lokola engali nano liboso te. Mwasi na Ye ya Libala akotiama na emekeli. Kasi soko Akokaki kokanisela Mwasi na Ye ya Libala oyo bango bazali, bakokaki kosepela na mitema ya bango na boyebaka ete bazali balingami na Ye ya motema kati na mokano na Ye.

Ata ezala eloko nini oyo satana azali kobwakela biso, ezala tozali kobika makambo ya ndenge nini, sik’oyo toyebi, Azali kopona Mwasi ya Libala, mpe tozali Mwasi yango ya Libala. Tozali koyoka nsoni te na Emoniseli na biso ya Liloba. Tokomeka soko moke te kosalela Nzambe mosala nzoka nde libanda na mokano ya Nzambe. Mpo na biso, ezali Bilei ya Molimo na Ntango Elongobani. Tososoli ete ekozala na Bapakolami na Ntango ya Suka, kasi biso TOKOTIKALA NA LILOBA.

 Soko bokolinga kondimisama oyo moko, boya komibakisa na biso Mokolo na Lomingo na ngonga ya 2 sima ya nzanga, ntango ya Jeffersonville, koyoka : 65-0725M Bapakolami Na Ntango Ya Suka.

Ndeko Joseph Branham

St. Matai 5 :44-45 / 7 :21 /24 :15-28

St. Luka 17 :30 / 18 :1-8

St. Yoane 14 :12

Baefese 1 :5

2 Timote 3 :1-8

Baebele 6 : 1-8 / 11 :4

Emoniseli 10 : 1-7 /16 :13-14

Malaki 4 :5

I Mikonzi 22 : 1-28

Yilimia Mikapo 27 & 28