Category Archives: Uncategorized

22-0904 O’du Miniri Amazu O’dukoti Eriniri Be

BranhamTabernacle.org

‘Ba Ovupi Elizaru’bo Leletu ‘Diyi,

Ale ‘ba dria ma niki ama ayikosi ambamba a’dusi yari!!

Ama aiki E’yo Opini ri ‘bo. E’yo ecezaru’bo andra ovupi nzezaru Mungu ma nabi Malaki 4 vu risi ri i. Ama Amuro Yesu Kristo vu ri i. Ama ‘Ba awipi a’itasi Eri ma O’duko ovupi ecezaru ra ri vuri ki. Ama ‘Ba Erini Nyoro aje amborusi ri fezu ri ki, E’yo Eceza adaru Eri ma O’dukotini azini Eri ma ‘ba o’dukoti ojipi rini ri.

Mungu ‘du Ima nabi ma E’yo ani Amuro azi e’yo dria were ndumba erini wereru ri pie ri a’ipirari elizu ‘bo. Eri eli ama amve’bo, Erini andra azi Imu ‘ye rile. Ama kabilo Munguni ki, azini lu O’duko Munguniri eri i! “Kabilo Maniki O’duko Mani eri,” amani Avizuri Ekpazu ria.

Ama ovu e’dazu surusi ndulu; e’dozu New Yorkia, engazu Massachusettsia, cazu Bostonia, Mainia, Tennessia, Gorgia, Alabamaa, azini surusi ara. Engazu Afrikaa cazu Mexikoa, Mundu angua cazu Australia, ama ama traria tualu, O’dukoti Alu ma vutia, O’duko Aluni, ani Eri Amuro ni eciria tualu ‘Duta ‘buari ni.

Ama nabi i, Mungu ma ‘ba o’dukoti ojipiri i, Mvi ‘Bani i Ima ngulupi eceria ruati alia, treria, “Sitani, mi e’dami geri maniasi, Ma ovu O’dukoti Opini ribe. Ma Opi ma ‘Ba o’dukoti ojipiri i. Ma ovu E’yo andruni ovupi e’dazaru ‘bo ri be. Ma ovu ‘bazaru andra drio Eri ma Amuro omvezu amve azini drini cezu.”

Ma ‘ba aziki eseria amve, yi elizu engazu afa ‘diyi pivusi. Yi esezu amve; e’dazu yini. E’yo Sizasi, kini Munguni pasoria ‘dia ‘di; eceza Aci Piriruri ni risi.”

Mungu ama andra ra kini ‘baki ci nyaku ma dria ovupi ‘bazaru andra drioru Idrini riki. Ama andra ra kini eri ‘di ndra sawa ni ri i Eri ma ‘ba o’dukoti ojipiri ma ti pizu Amuro Erini omvezu amve, ani Eri ‘ye andra eri ra.  Ama ‘Ba Eri amapi’bo riki. Ama ‘Ba Erini andra nira yi ngamu E’yo driari a’ipira riki. .

Iburahimu ama andra ra ‘da andra Mungu i e’yo nzepi ibe engazu ruati ‘ba adani aa si ri. Ama andra Eri ma eceta ra ani omve andra Eri O-P-I, Elohimu i, ani Opi co andra tusu eri ma dria ra. Ama amaki ra kini eri andra ovuzu o’du ‘dasiri le, eri nga vini ovu ‘dale indi sawa Mvi ‘Bani ni ngazu ovuzu e’dazaru risi, Elohimu i, e’yo nzeria ruati ‘ba adani aasi.

Ama Eri ma eseleni, azini Eri ma Mvini, ani ama nga awi Eri be ‘dani ‘dani. Ovuni ama omveta kaniku ma petasi ku, te Eri ma petasi. Ama ovu andra afa azi be ‘yezaruku eri be. Eri ‘Ba andra ama pepi ‘denga wudukuru ma vuti ovuni ‘bazaru ku ri i.

Mika tro e’yo olu ngole ti, afa mini ‘yeri ngo’i yaru ti, eri cani niku, econi ovu e’dazaru ku, econi ovu ecezaru ku; lu Eri ‘yopi kini, “Ma Diza nyakuni ri i”, E’yo i ri vusi. Ani le Okpo a—a—azi ma emu di ra, Orindi Alatararuri Ma ngulupi i, eri fezu nizu, kaniku, eri e’dazu, kaniku eri ecezu, kaniku afa Erini ondri eri mu i ‘ye o’du ‘disi ri fezu ecezaru. Diza ondreni ri ni ‘da ofuni. Sawa Ngo’i ya!

Eri ne andra ama e’yo niza alia amani aliria eri ma drilea. Ama pari alu alu Amuro ni andra ovuzi okokelesiri ma alia, Alifa i azini Omega i.  Eri andra neria aziriki furia amve ‘ba nduza ma aliasi, ani eru di andra o’biria Eri esezu vule, te ma ‘ba trepi kini, “Ama ava li Eri ma driari ki.”

Mi ne, “Ekile Yane pini andra Yambere be agati otizu Musa be rile,” eri nga emu kpi ra, eyi ma aziki. Ovuni, sawa ‘disi, eri ovuni ‘dia e’yo nze Methodisti pi ma dria, Baptisti pie ku; eyi e’da ‘da ma aasi amve. Enera? “Te ekile Yane pini andra Yambere be agati otizu Musa be anzini Aaroni be rile, eyi nga vini ‘dale indi; agupi omi pini ovuzu ezazaru ‘bo E’yo adari vusi ri ki,” sikidi yi kalaa aiza azini embata kanisani ri pi alia, Bibilia ri ma dria.

Le ama ma ovuki milesi ani oazu E’yo adaru, ovupi e’dazaru ‘bo o’du amani ‘dini ri be ngole. Le o’du dria ama ma egaki azini amaki E’yo ni emu a’divu yari ra. ‘Ba lu alu ovupi ‘ba E’yo ma efi ecepi geri Munguni siri a’di i? Eyo o’du amaniri niri a’di i?

Orindi Munguniri, ovupi E’yo Munguni ri, “E’yo Mani ri Orindini azini Idrini,” ni nga Amuro ni pari Erini alia. A’disiku, Eri nga pari Erini amara E’yo ma aa, ani Eri ‘di Kristo alia, nga Eri ‘ba Eri ma paria.


Mi ovu aizaru emuzu Mungu ma O’duko lu alu ovupi e’dazaru ra o’du amani rini ri erizu, ani mi ama pari mini ri E’yo alia azini mi ovu ‘bazaru pari minia amani Elohimu ni eriria e’yo nzeria Eri ma nabi vusi azini amani O’dukoti: O’du Miniri Ngo’i Yari Amazu O’dukoti Eriniri Be 64-0726M ni ejiria, sawa azia etusi (12PM), Jeffersonvili saa si.
 

Adri. Joseph Branham i

E’yo siza lazaru O’dukoti nde ma drilia riki:

Hosea: Capta 6

Ezekieli: Capta 37


Malaki: 3:1 / 4:5-6


II Timoteo: 3:1-9

E’yo Eceza : Capta 11

Mungu. Mi ‘ba ma aa ava engaza Mi fe ma ma ovu ava engaza nde i. Mi fe ama ma alu alu ma ovuki ava engaza nde i, ava engaza nde ma aa. Mi ‘ba ma, Opi, abiri tazu, Mi ‘ba ma yi vico vazu. Mi o’ba ma aa, Opi, afa ovupi lezaru ma aa ri. Mi fe ma ma, e’dozu sawa ‘disi drile, ovu Mini; ovuzu ati’bo ‘bazaru ‘yeke cika ri i, ati’bo azi cika ‘dileni, tusu coza engazu Mivu cika ni be; ecozu ceka, inzita cika ni be, asi egbe cika ni be, ale azi ngazu cika ni be, angu nezu ndeni afa orodriruri pivu, afa vule alipi’bo riki avizu, e’yo efikoko riki. Ma ma mi ma alama oveta Kristoni oru ri vu.  Amena.
        Atalo. William Marrion Branham i

22-0821 Omu Guka Pivuri

Amuro Mi EkpaPlay Ni Leleturi,

Sabatu alualusi ama ama traria azini Azi Ngaza Idriru amboru ndeni a’di wudukuru vuriari eriria. Ama ovu sawa dizaru ndeni ri be amani ama drifuria tualu O’duko Munguniri erizu! Eri Yesu, Mvi Munguni ri i, Ima ngulupi eceria E’yo Siza kisi, fezu E’yo siza ovupi ‘bazaru okoru o’du ‘dini ri, IDRIRU, ko’bo erini andra ovuzu o’du Erini si, azini o’du azi ‘diyi kisi ri le. Ani Eri a’izuri eri sadini Orindi Alatararuri niri.

Sadini adaru ovuzu Orindi Alatararuri beri ovuni lu muzu kanisaa Sabatu alualusiri i ku; Eri mini a’izu kini “Ma Eri’i,” E’yo o’du mini riniri ‘i. E’yo andruri a’duni? Mungu ma nabini E’yo andruri niri’i ani eri o’bi ‘baki egizu vule E’yo vu, ani Amuro ni nga Ima Agupi, Ima Onyia, E’yo ovupi ecezaru ‘bori ni beni.

Eri ma ngupuli ma idri, eri ma ngulupi ma aziki E’yo o’du ‘diniri e’da azini ece.

Eri Orindi Alatararuri i Kanisa ma alia vule; Kristo ma Ngulupi i, e’dazaru ruati ‘ba adani ma aa, sawa ondreni risi, lu ko’bo Erini andra azi Eri mu ‘yeri le. Anira kini ‘da ni fe eyini are were ci, te le mi ma la eri aliru eselenia ani mi nee, ‘dani nga fe e’da ‘da ma ovu nezaru kilili.

Ama Ori opiru Iburahimuni ri i, Amuro i. Eceta asizu Iburahimuni andra nee dere mva azizari ecani nga kuri andra a’duni? Mungu i, wura ‘ba adani ma aa, andra ecopi egata ‘ba ada piniri nipira ri.  Agu aluni, ovuki mudrini iri ku, agu aluni.

Anira ‘ba kakau ma egataki ndu ‘davu si, te Anira eri ‘di’i. Anira. Ovuni agbari ma ‘yoria mi eri ‘yoria ‘dini ku; agbari, Ma awini eri esu ma ngulupi vuku. Ma egata ovuni ma ngulupini ku.  Afa tro ovuni ‘yozaru mani ri ngo’i yari ti, Eri ka ovu onzi, ecekini eri onzi. Te ovuni ‘di ma eri ‘yo ma ngulupisi ku, Ma afa ‘Ba azi ni ‘yori lu. ‘Ba azi oa’da i Mungu e’yo nzepi amabe ‘bo azini afa Erini ‘ye’bo ‘diki ‘yepi dria ri’i, azini e’dapi’bo ri ‘i, enera,ani anira kini eri ‘yeke.

Ama Mungu gbari ma egata erirua; ovuni ‘ba ada ma egata niku, te Mungu i. Ama nabi ni ‘ba E’yo ovupi sizaru ‘di ecepi ri’i..

Avakira kini tepu pi ma avita aku eminia kaniku kanisa eminia ri ovuki ‘ba dria pini ku, te amani ria, Eri GERI LU CI RI’I.  . Aleki tu O’duko Munguni erizu o’yoria kpi ama be. Alekini e’yo efi eceza azi ku kaniku e’yo amviza azi; eri Mungu i e’yo nzepi amabe tivu bivu ri i.

Sabatu ‘disi ama nga mu Mungu i eri e’yo nzeria azini luria ama dri I e’da andra Ima nabi ni ama e’da ngole yari kala ‘da ma dria. Geri andra Amuro ‘dani angu  nezu kpi eri vu, e’yo nzezu eri be azini amani andra pa soria eri be tualu ri’i. Ama andra kililiru aciria Opi ma drilia.

Ani di Mungu nzedi e’yo ra Eri ma nabi vusi azini ondri di e’yo pale alu dika ani ‘yozu:

Azi ‘diyi ecoki ‘do ovu indi suru ‘di alesi, wudukurusi ara, tepu ‘dini muzu drifuzu eyi be aku yini aa kaniku kanisa yinia riki. Ama ta zi Opi, kini inzitani muria drile, pari-pari…kaniku tepu ni ovuzu avizuria, kaniku ama tro pari ngoleri alia ti, kaniku-kaniku oaza ngoleria ti, Mungu amboru ‘Buniri ma ru asikai ama asi piniri o’buti ‘disi fo, azini ‘ba azakoma lepiriki atizu, mi fe yi dri afa ci yini ava ta ri fo.

Mi ka Tepu ki eri, azini a’i kini Eri 
O’duko Munguni o’du amaniri siri ‘dini, afa ci mini avata ri, Munguni nga mu e’yo nze Eri ma ‘ba o’dukoti ojipiri vusi ani ‘yozu, “Mi fe yi dri afa ci yini avata ri.”

‘Da ecolu i ‘ye PLAY EKPAZU risi ma agyi..

Mi ka le Mungu eri E’yo nze azini Eri ma ngulupi ma E’yo eceria, Ima ngulupi eceria ruati ‘ba adani ma aa si, ani afa ci mini avatari esuzu beni ra, mi emu ruecizu amabe Sabatu ‘disi sawa azia etusi (12PM), Jeffersonvili sawa si, amani eriria Munguni e’yo nzeria amabe amani: Omu Guka Pivuri 64-0719M ni eriria.

Adri. Joseph Branham i

E’yo siza lazaru O’dukoti nde ma drilia riki:

‘Ba Levini 16
‘Ba Levini 23:23-27
Isaya 18:1-3
Isaya 27:12-13
E’yo Eceza 10:1-7
E’yo Eceza 9:13-14
E’yo Eceza 17:8

22-0814 Azi-Ngale-Onyiruturi

Azi-Ngale-Onyirutu Leleturi

Ma eco emi dri waraga si andru emi egazu afa andra ama ocepi ni ‘yo ama alu aluni Sabatu ajerisi ku ngoni ngoni?

Te nizu kini angu ci mani ecozu muzuria….Ma ovu nga ongulumu azi be nyaku dria, mani e’yo nizu drinia ra, pa sopi mabe ko’bo ongulumu ‘dileni be ku.   Mungu ma fe ama ma ovuki awazaruku abamba, kpere, Suru nga emupi ‘da ma aa, ama ma ovuki tualu fo; eri ziza mani ri i.

Ongulumu azi yo nyaku ma dria ebipi Mungu ma nabi be, azini O’dukoti Munguni nze tepu dria ri be amaleni yo. Ani agbari amani ‘ye ra risi, acakini nga ovu awazaruku eri be azini ama Opi Yesu Kristo be Suru o’diru emupi ‘da ma aa. Eri cani eca cika aga ‘da ra ku!

‘Di o’du amboru tu idri amanipi alia riki. Ama ovuki dria dria apizarura ovuzu ‘ba azazaki Kristoni azini Eri ma Odukoti sawa asizani rini. Ovuzu omvezaru nati ni agbari amani E’yo dria tepu ma driari a’izura risi azini ‘yozu, MI EKPA PLAY risi.

Ama Kanisa alu azini lu cia rini. Ama efiki Eri alia andra efi efiku, ama ovu andra osizaru alenia. Wiki alu aluvusi ama emu tualu engazu wudukurusi ara ani ale fezu Kristoni ani ‘yozu, “Kirikiri, Yesu alemitu doni ya!”

Mi eco ‘do ovu nati ni wudukuru ni ra, te Ata fe amani E’yo Eceza Ima ngulupini ri o’du amani ma alia ‘bo, Mungu i inyiriko be rua, azini Eri ese di ama, Eri ma Amuro i, Erivu ‘bo.

Aleki lu tu Eri ‘bazaru ele ngole yari, te sawa aluri alia, Eri vini aliru tu ngole yari. Te le ama ma ovuki E’yo Eceza be Eri nezu, ani AMA OVU ‘DA BE CI.

Mungu zi andra Ima ngulupi a’buza ‘ba adani aa, Eri ma Kanisa aa, Ima ngulupi ecezu a’ita minisi azini a’ita mani si, tualu, emuria tualu, esele Munguni ri sizu. Ma cani afa azi ‘ye ku mikokoru; mi cani afa azi ‘ye ku makokoru; vini afa azi ‘ye ku Mungu kokoru. Ani, tualu eri esele ‘da e’de dria, ecita ‘da’i. Mungu epe andra ma ti e’yosi; mi ka eri a’ira; ani ‘daa eri di i ye. Eri lu ‘da, enera, ovu airazu kililiru ‘bo.

Ama ko’bo agupi andra mupi geri yinia engazu Emau o’du ‘dasi rile. Ama Eri eri e’yo nze amabe etuzu. Ani ama ‘di ‘daa Eri ai aku amani pi alia ani ama ti ni ovu opizaru Eri be a’dule beni. Ani ‘daa Eri di afa azi Erini lu eco ‘yeni ri ‘ye, ‘da Mukati Idri ‘dani ‘daniri niri anyozu ri. Ama Eri ama lu coti. Ani ‘di ama ‘di ‘yo, ama asi vekita kuye ya Erini ta e’yo nzeria amabe gerikoa ria.

Wiki alu alu vusi ama ama tra asi’baza angiri ni pie, osuria, “Eri mu amani wiki ‘disi a’du lu azini eceya” siri si. Ama esele elazaki ale ama eselia azini e’yo nze drinia wikisi zuu. “Mi eri andra Eri raya Erini ‘yozu”:

‘Du andra mani eli alifu su Ma Azi-Ngale-Onyiruturi edezu; te sawa ‘disi ma engadi ogogo eli alifu iri ma aa Azi-Ngale-Onyiruturi ma azi ede, Mi’i, Ma Amuro’i. Ma ‘ye Eri ‘bo geri Erini iojapiku rivurisi, geri alu alu Mani andra Ma Azi-Ngale-Onyirutu okori edezurisi, E’yo Mani risi.  ‘Da geri Mani Ma Azi-Ngale-Onyiruturi edezu ri’i, a’disikuni mi ecolu ovu Azi-Ngale-Onyirutu kililiruri Eri ka ovu E’yo kililiru ri’i ria.”

Ma adripi mi ma egani onzi ‘disi ku, te mi ega nga e’yo minati azi wereni si. Eri ka andra Erivu o’baza adaruri ‘du, Amuro edezu Eri dri, awini andra o’baza azi nduni e’deku. Eri ‘du andra esele o’baza andra okokele niri niri’i. Ani Eri ka andra ovu E’yo’i, le di Amuro ma ovu a’duni? Le ma ovu E’yo andra oko adaru ‘da’i, Mungu idriru E’yo alia ri’i.

Mi ka e’yo nze yubilee nyaka abi tre ri ma dria yaani.  Ama esele o’baza adaru okokele ‘davu ri’i. Ama esele E’yo adaru okokele ‘davu ri’i. Munguni oaria ama aa. Ama Eri ma Azi-Ngale-Onyiruturiki. Ama ongolumu ruebipi Eri ma nabi be riki.  Ama awazaruku Eri ma nabi be azini ama Opi Yesu Kristo be. Ama ALU Eri be.

Mika le mi asi ma vee mi ma aa ko’bo eri ni ‘ye ama aa rile, mi emu ruecizu amabe Sabatu ‘disi sawa azia etusi (12PM), Jeffersonvili sawa si (Sawa alu ondersi Ugandaa) esele azi Amuroniri ni emuria tualu azini Eri aizu aku yini pi alia, azini kanisa yi pi alia, amani eriria Munguni e’yo nzeria azini E’yo Idri ‘dani ‘daniri niri ki eceria ama dri, Erini amani O’dukoti: Azi-Ngale-Onyiruturi 64-0705 ni ejiria.  

Adri. Joseph Branham i

E’yo siza lazaru inzita ma drilia riki:

Isaya 53:1-12

Malaki 3:6

E’yo Ba Matayoni 24:24

E’yo Ba Marakoni 9:7

E’yo Ba Yohanani 12:24 / 14:19

22-0807 Yarundu i

BranhamTabernacle.org

Amuro Diza Opini Amboruri Be leleturi,

Ama asiki idri amani pie ndra engazaru angu oru od’iruni pi alia amani andra ama traria engazu wudukurusi ara, O’duko Munguni eriria e’yo nzeria Eri ma ‘ba o’dukoti ojipi ri vusi ani ama asi embazu pale alu dika, ama a’diki yari.  

Eri Ima ngulupi a’bu andrusi, afajo nyakuani alia, Diza Opini amboruri be. Amveleru eri e’da kile ‘ba kelele gbapi ‘diyik, godiri azi oku ‘dileni, te alialeruri ni Diza Amboru Opini ri zi.

Diza Mungu vu! Ama alialeru Diza Amboru Opiniri zi i ni. Amuki a’buza ma ngukua ‘bo ani ama ecodi Kristoni ne gboru ra.

Andrusi, Mungu ocini i ‘ba a’da ma alia ku, Eri I oci ‘ba a’da vusi. Oci andra i Agu azi ma aa ‘dasi, Yesu i. Sawa ‘disi, Eri i Oci ‘ba a’da Erini pe asisile ‘di ni ri ma aasi. Mungu i, e’data ‘ba a’da ni si; Oga Ima ngulupi engazu e’data Munguru risi e’data ‘ba a’daru ri ru.

Mungu ma Ngulupi e’da andra e’data ‘ba a’dani si, Iburahimu ma ori nyaku nyaku ri ni, de nga anzuta ecani nga andra ku, Yesu ‘yo andra eri nga mu ovu afa alu ri i Ori opiru ‘dini dere nga Mva azizaruri ego nga dri ku.

Mungu e’da pale alu dika e’data ‘ba a’dani risi ‘bo, Erini andra azi Eri mu ‘ye ri le. Eri Mungu i ovupi zizaru a’buza ruati omvele William Marrion Branham ma aa ri’i. Pele mi mu a’buza ‘da ma ngukua Munguni nezu ndo, azini ‘ba a’dani ku ‘dini, Mi ece otita Munguni dria ri ‘bo.

‘Ba azi ki ‘yo, “Emi Adripi Branham ni ‘ba mungu ni”. Muke, amani egarisi ‘da nu mu muke. Anikira eyi lu ‘da o’bi ama onzo. Anikira ama awikini ‘da ‘yezu kuye. Te aniki vini ra kini yi awikini eri vaa kuye, a’disikuni yi godiri ma kalaa azi ‘da ma dria, awikini nga emu a’buza ma ngukua kuye.

Ama eco gboru ‘yo ra, “Muke, ‘da ovuni reetuku engazu E’yo Munguvu rivusi Eri ‘daleku ya?” Aleki lu fe yini nizu kini ama ovuki ni avezaru ku. Aniki pari amani pa sozu ri ra. Aniki o’bo zozu amani e’deriki ra, vini oli ama vupi ri pie. Aniki ama bakaki a’duniki yari ra, azini ma nati ki a’duni yari pie. Azini aniki pari amani pa sozu ri ra

Munguni andra ovuzu e’dazaru wudukurua ria, Eri andra zizaru a’buza azi ma ngukua, inyiriko Agu azi omvele Yesu i di ma ngukua. Eri andra a’buza azini zizaru inyiriko agu azi omvele Musa i di ma ngukua, azini eyi andra munguki, ovuni Mungukiku; te yi andra Mungu i, Mungu alu ri i, lu Ima a’buza ojaria, afa alu riki ‘yeria sawa driasi, E’yo ejiria.

Ama ovu izaru E’yo rua, O’dukoti i azini nabi sawa ni ri i, azini eri ma seria alenisi azini ama jiria ama Aku ‘Buari ma aa. Ama yarunduki wudukuru ‘dini, te Mungu epe amani Nati azi mati Eri ma Amuro esepi a’baza ‘di ma asi amve, Indikindi Munguni ma aa ri. Ama nati oovupi izaru E’yo rua riki. 

Mungu i, inyiriko be Eri ma rua! Eco eku nati azile ra, wudukuru nu, te eri ‘ba driaki ese I vu.

O’dukoti di Mana engapi ‘Bua ri, a’I’ba pi ma Nyaka ovupi lu amani ri i, ani Eri Eri ma Amuro eseria Eri vu. Diza Opini Amboruri, mukati ecetaruri ma dria, Eri ma tambazu ruezazu risi.    

Mungu fe Geri azi ra andru ni, O’dukoti di i azini Eri ma ‘ba o’dukoti ojipi ri i; Mungu i a’buzaru inyiriko be Eri ma rua. Sawa disi eri Mungu i Ima ngulupi ziria ama aa, Eri ma Amuro, lu O’duko Munguni kililiru ovupi ecezaru Aci Piriruri siri nyapi ri i. 

Ama ovukini azin-ngaza geri towisi ri pi ma rua onziku, Mungu leku, Mungu omve yi ra azi ngazu. Yi afa Orindi Alatararurini yi ma dri cezu ‘yezuri ma vuti bi azini ‘ye. Ama lu ‘ye Orindi Alatararurini ama dri cezu ri le ani Eri ama dri ce azini amani e’da awizu tepu pie lu.  

Ani, sawa ‘disi, Mi eri E’yo ma dria ri. Mi bi Eri. Azini-azini mi ka eri ‘du tepu pi dria, kaniku afa cini, ani di mi oa Embata tepuni ri be. Mi ‘yoni afa azi ku te afa tepuni ‘yo ri i. Mi ‘yo lu ko’bo afa tepuni ‘yo ri’i.  

Amani ria, GERI LU ALU: “E’YO DRIA” “AFA NDUNIKU PELU AFA TEPU PI NI ‘YORI I,” “KO’BO AFA TEPU PI NI ‘YORI” ERIZURI, ERI PLAY EKPAZU RISI ANI TEPU KI ERIZU RI I.

Ani ama mi ai emuzu afa lu tepu pini ‘yori erizu Sabatu ‘disi sawa azia etusi (12PM), Jeffersonville saa si, ani mi eca Yarundu ni amabe amani O’dukoti di eriria: Yarundu i 64-0614E

Adri. Joseph Branham i

I Korinito 1:18-25

II Korinito 12:11

22-0724 Mine Angu Kala Yesuvu

BranhamTabernacle.org

Diza Yi E’dapi’bo Leletu ‘Diyi,

Ama ma etraki ama dria tualu O’dukoti 63-1229E Mine Angu Kala Yesuvu ni erizu Sabatu ‘disi sawa azia etuala si, Jeffersonvili sawa si.

Adripi Joseph Branham i

E’yo siza la ruoturia e’yo oluza nde erizu riki:

Kalafe 21:5-19

Isaya 45:22

Zekaria 12:10

E’yo Ba Yohanani 14:12

22-0710 ‘Ba A’i’baru Esele Na Riki

BranhamTabernacle.org

‘Ba A’ipira Leleturi,

Mi ega nga lu e’yo drinia, Mungu, afa dria o’bapi azini ‘bapi ma ovuki otizaru ‘yekeri, emu andra vaa azini ovu andra e’dezaru ruati alia ama eselia, ama onzezu. ‘Daa di Eri ovudi inzita be amani too Eri ma Indikindi inzitarurisi, ani Eri ni Pa sozu ‘dia nyaku ezataru ‘di ma dria o’du asizu ‘diyi ma alia, ani Ima E’yo e’dazu ovuzu ada, a’disikuni le’ira ecekokoru Erini pasozu E’yo ‘da ma ngukua.  

Orindi Alatararuri ‘ba E’yo ‘da idriru amani ‘bo. Ece di idri be ‘bo. A’itasi ama eri ne. Anikira eri ada a’disikuni E’yo ‘yo eri ‘dale, azini Orindini E’yo ‘da ‘ba idriru ama dri. Sawa ‘disi ama ovu ejizaru tualu E’yo Muguni ovupi e’dazaru ruatisi ri vusi, lu ko’bo nabi ni andra ‘yo Eri mu ovu ri le.   

‘Ba a’ipirari a’i Eri ra, a’i (a’duni?) E’yo’i. Ovuni a’izani ku; E’yo’i! Ovuni dini ni ku; E’yo’i! Ovuni afa azi ‘ba azini ni ‘yo ri i ku; afa E’yo ni ‘yo ri i! Sawa ‘disi, mi ega di ra, ‘da ‘ba a’ipira ri i. ‘Ba a’ipirari vu zita yo. ‘Ba a’ipirari cani ‘yo, “Eri eco ovu ngoniru?Eri ma efi ka ta ovu ecezaru mani ra dini!” ‘dale ku. ‘Da ‘ba a’ipiku ri. Uh-huh. Eri ‘ba a’ipira ri’i, erini, Eri ka tro ovu ngole ti, “Eri ka ovu E’yo i, Eri E’yo i! ‘Da ada.” ‘Da ‘ba a’ipirari i.   

Le mi ma a’i e’yo dria e’dapi azi koko indi, azini afa dria ovupi ‘yozaru ‘Daa ri i. Le ma ovu ada. Mi ka ‘yo “Ma a’i ‘da ku. Azi riki Munguni, azi riki ‘ba adani, azi riki lu a’diko dorini riki” dini. Muke, ece kini mi ‘ba a’ipiku ri i. ‘Ba a’ipirari vu zita yo. ‘Ba a’ipirari ni Eri a’ira, ka tro eku ngole tii kaniku ‘ba azi ka tro ovu e’yo be nzezau drinia ngoniari, Eri e’da ewakku ewaku Erini ovuzu ‘yezaru ngoni ‘yari ti, AMA A’IKI ERI RA!

‘Ba dria ‘dia indi ri, ‘ba dria ‘di eripi tepua si ri; azini ata o’du azisi ma ka nga wudukuru ‘di kura ya ani, tepu ‘diki nga oa dri le. ‘Da ada. Enera? Ani mi kilasi ‘da pi ma aluni ma alia. Le mi ma ovu eyi ma aluni ma aa.

Ama oaria o’du asizu ‘diyi ma alia ani le mi ma ne nga idri mini ri ani nezu kilasi ‘ba pini mini aazu alenia ri ngo’i yari beni. Mi di ‘yo kini, “Ma a’ira Mungu epe andra nabi azi andra Aci Piriru ri ni e’dani ‘dileri ma ti ra” ‘dini? ‘Yo andra amani kini ama ma a’iki E’yo ma driari. Afa KO’BO ovupi tepu pima dria ri ‘yozu i azini E’yo aluni ojazu ku. Ama ma e’yoni nga ovu lizaru afa ERINI ‘YO risi, ovuni afa azi ‘ba azi ni ‘yo kini ‘yo andra ‘daleri si ku, kaniku afa azi ‘ba azini ‘yo kini eri ni andra ‘yori ma efi ‘dini risi ku, te afa ‘yozaru tepu pima dria risi.  

Kaniku, mi di mu mu tualu Kora azini Datani pie, azini yi ‘yopi kini, “Eri ovuni ‘ba lu alatararu ri a’dule ku. ‘Ba aziri ovuki vini omvezaru ra afa erini andra ‘ye ‘diki ‘yezu. Mi e’yo epi ambamba Mungu ma nabi ma dria. Orindi Alatararuri ni ama dri ceria sawa ‘disi ni. ‘Di di ayi nduni’i” ri pie.  

Mi kilasi ‘da pi ma aluni ma alia. Mi ma oaza sawa vaa ‘disi ri alia, sawa mi omi ni vaa di alia, emi ‘dia ma eripi e’dapi ci ‘di pini, azini emi ngapi ovupi ‘ba tepu ‘di eripi e’dapi ‘dia ku ri pie, mi pasoza omini tepu ‘di erizu de ‘bori ma vutia ri ni nga ece mi dri kilasi mini ovuzuri ngo’i yari ni. Eri lu mini kpi mi ‘di ngua yari, mi ‘di a’i’ba E’yo ni ri i ya ani mi mu oa Eri be mi ka tro ta fu amve, kaniku tepu ‘da ma ti opici ri i rini.

Ru Opini ri ma ovu inzizaru, ama ‘BA A’IPIRA adaru ri ki, ovuni ‘ba azi ‘ba azi nduni pini omiomi ri ki ku; ovuni afa azi nduni si ku, te Orindi Alatararu ece amani E’yo ma Ngulupi ni ni. Ama E’yo i neria ovuria ‘bazaru gboru, ecezaru azini ‘bazaru e’dazaru ci.

Ama ovu ‘bazaru o’bita pi alia obeta pivu si, njila elifura ru pie, etu driza enzamatarani ri pie, te asi feza alu ama asini ri afa E’yoni ‘da gba lu i. Ama sawa ‘disi ngonde fizu afa ‘ba sipi ri alia. Ama Mungu ma anzi ki, ovupi e’dazaru kililiru Eri ma E’yo si riki. Ama eceta idriru riki, azini E’yo Munguni ri ni oaria ama aliasi. Obeta ki emi ama oyazu, ama ‘bazu ele vutia ‘dale, nezu ama nga paso ngua yari. Te acakini mu ovu yazaru ku, ama pa so E’yo dria ma dria. 

Mi eri nga Erini luria ama dri ama a’di’ki yari.

Mi ma ega lu ra kini esele mini dria riki andra ‘dia, sawa Munguni wudukuru ofuzu e’yo nzezasi risi. ‘Ba andra mi ruati vaa ‘dia ‘dasi. Azini afa azi ecopi eri ndupi te ni yo pelu Mungu i.

Afa azi ecopi Eri ndupi mivusi te ni yo. ‘Ba azi cani pari mini ri ‘du ku mi ka tro ovu wereru ngole yari ti. Mi ‘yo, “Ma lu oku akuani.” ‘Ba azi cani pari mini ‘du ku! Mungu i, eri ma kari amboru ri alia, oti Ruati Kristoni ri kililiru ‘bo. Kpere afa azi yo capi pari mini ri ‘dupi ra ri i.

Diza…Haleluya…Mungu ma Nyaka tambazaru ciri erizu ri ni ‘di ecaria angiri azini ANGIRI TU. Akaki Munguni eri e’yo nzeria Eri ma ‘ba o’dukoti ojipi pele’bo ri vusu dika dika luria ama dri ama a’diki yari ‘dini, A’ita amani riki eca angiri angiri tu. Ayiko adaru nizura kini: 

  • Ama “’BA A’IPIRA ADARU” riki
  • Ama “YI MA AZIKI”
  • Ama “AMURO I”

Ma le ta mi AI PLAY EKPAZU ma be, Branham Tabanakulu be, azini esele Amuroni engazu wudukurusi ara ri pie sawa azia etusi (12PM), Jeffersonvili sawa si (Sawa alu ondresi Ugandaa), amani muria ama traria tualu engazu kala Etuni efuria, Etuni ‘deria, Oruleru azini Andraleru: ‘Ba A’i’baru Esele Na Riki 63-1124E erizu. ‘Di afa Orindi Alatararuri ni ama dri cezu ‘yezaru ri i. Amani ria, ‘di otita Munguni ri i. 

  • Mi ekpa Play: Tepu ci Munguni ‘ba asi minia ri.
  • Mi ekpa Play: Mi eri sawa ci mini pezu ria.
  • MI EKPA PLAY: ‘Di ma o’dukoti mini ri i.

Adri. Joseph Branham i.

E’yo Ba Yohanani 6:60 – 71

22-0703 Ma Nga Yesu Omvele Kristo’i ‘Disirisi ‘Ye Ngoni Ya?

BranhamTabernacle.org

Aji Leletu ‘Diyi la, ama ma etraki ama dria tualu O’dukoti 63-1124M – Ma Nga Yesu Omvele Kristo’i ‘Disirisi ‘Ye Ngoni Ya? ni erizu Sabatu ‘disi sawa azia etusi (12PM), Jeffersonvili Sawa si (Sawa alu ondresi Ugandaa). 

Adripi Joseph Branham i