Category Archives: Uncategorized

22-1023 Zitaki Azini Omvitaki #4

Adripi Joseph Leleturi

1. Ma eri mi ‘yo kini mi a’i E’YO DRIA O’dukoti ‘diniri ovuzu ‘DI OPI ‘YONI.

Engazu ele asi mani alia azini esele rua manini driari si M A’I ‘DA RA. Eri O’duko Munguniri mgbari i e’yo nzeria tivu bivu Eri ma Amuro ni ri i.

Mungu nze e’yo trai Eri ma nabi vusi ani ‘yozu:

Ani ma ‘yo, Ru Yesu Kristoni si! Mi o’ba afa azi aluni ku. Mi ‘du ku, mi egata miniki ‘bazu drinia. Mi ‘yo lu afa ovupi ‘yozaru tepu ‘da pi ma dria ri i. Mi’ye lu ko’bo afa Munguni azi ‘yezaruri i. Mi o’ba Eri dria ku.

Mi ka ‘yo kini mi a’i O’dukoti sawa-asizani ‘di ra, le mi indi ma a’i E’YO DRIA ri i ani ovuzu Eri ma Amuroru beni. Sitani ni o’bi Eri ma dri otra azi ngaza vusi ani ‘yo kini, “Adripi Branhamni andra e’yo dori pivu ‘daki oluria kaniku ‘yoria kini ’emi ovuki ‘ba enya onyiru ndeni suru ma aari be’ dini, kaniku ‘Ma ovu E’yo Siza be ‘dani ku, te mamu mini afa Mani ega driniari lu’ dini; Leni mini eseleni ‘da a’izu indi ‘dini ku.   Orindi Alatararuri ni ‘dia ama dri cezu amani vazu E’yo ru ngoi azini E’yoruku ri ngoi yari.” ‘DA SITANI ALUALU ANDRA E’YO NZEPI EVANI RI I ANI ANDRA ‘YOZU, ADA ADARU….  ERI ‘YONI KINI E’YO DRIANI ‘DINI KU. Eku nilerariru ce?

Eyi lu ko’bo ada andra erini AZI yini ‘yezaruku ri ‘ye. Eri ‘yo andra kini MI ‘YO AFA OVUPI ‘YOZARU tepu pima driari i, ovuni mini mi egataki kaniku vazaki o’bazu Eri dria ‘dini ku. Awini andra ‘yoku ye kini, “afa driaki PELU esele azi ‘di’i kaniku ‘da’i, azini mi ocepi ni nga lu emini kini sawa ‘di ma aa andra Orindi Alatararuri e’yo nzeriani azini sawa ‘di ma aa Eri ama ma’i e’yo nzepiri ri i.” Ma lu oparafia wereru yitia oni amboruri pi ma eselea ri i.

2. Mini egarisi Adripi Branham i azini/kaniku eri ma tepu ki driaruri ki ‘dini ku?

Adripi Branham ovuni ma Driaruri i ku te O’dukoti erini olu tepu ma dria ni ma Driaruri i ni.

‘Ba kakauki ‘yo kini ‘da enzoru, Bibiliani Driaruri i ni. Ma agyi, Bibilia azini O’dukoti tepu ma driari ki afa alu ri i. ‘Da oaza O’dukotini mgbari i. O’dukoti tepu pi driari ki e’yo efi eceza Bibiliani ri i. Eyi alu azini alurule.

E’yo adaru kpi ri, 1: Bibilia ni E’yo i. 2: E’yoni emu nabi vu.  3: Nabi ni LU ‘ba E’yo ma efi ecepi geri Mungunisi ri i. 4: Ama nabi, William Marrion Branham, ni E’yo ovupi e’dazaru o’du amanisi ri i azini ovu andra ti epezaru E’yo efi ecezu. 5: Mungu ma E’yo leni e’yo efi eceza ku. Afa Erini nze Eri ma nabi vusi tepu ma driari NI E’YO EFI ECEZA ERI MA E’YONI RI I. 

Bibilia ‘yo amani kini Eri andra mu emu dika ani oazu ruati alia ko’bo Erini andra ‘ye Iburahimu be azini Yesu Kristo be ri le. Eri ‘yo andra kini I ovu afa kakau pie luzaru amani. Eri ‘yo andra kini Eri ta nga e’yo dria nileku ovupi zizaru Eri ma E’yo alia ‘diki ece. Eri ‘uo andra kini eri leni e’yo efi ecezaku. Awini andra ‘yo kini eri mu ongulumu azi ma ti epe ani Eri ma ‘baki etrazu tualu ‘dini ku, ERI MA NGULUPI NI TA NGA ‘BAPI MA DRI CI NI ERI MA NABI VUSI KO’BO ERINI DRIO ‘YE’BO RI LE.  E’YO ERINI CANI RU OJA KU.

3. Mi a’i kini ocepi ma aviki tepuki yi ma kanisa pi alia ‘dini?

Ocepi alu alu ma yi geri erini amazu Opini ima dri cezu ‘yezu risi, kanisa alu aluni ovuzu driwala inibe risi. Ma a’ira, azini enga eri ‘yo pale kakau’bo alitara ma dria, kini ocepi ma ‘baki Adripi Branham i vule yi ma alitara pi ma dria tepu pi ma avitasi. Ma awini nga ‘yo kuye kini ma kuki e’yo oluta ja ‘dini ku, ma avikilu tepuki i. Te eyi e’yo rutruzu egazaru cini ayu O’duko Munguniri avizu aniku kanisa yini pi alia.

Mamu fe nabi ma ‘yo geri mani ma amazu ocepi mupi O’duko ‘da avipi kanisa eyini pi ma aa kuri ma dria ni.

Sawa ‘disi, Adripi Junior Jackson ovu andra driwala be ci ‘da gazu si. Le ima kanisa…’Ba nde leki dria e’yo nze andra ndundusi azini afa azi ‘da pie ongulumu ma aa. ‘Da ocoko Adripi Junior vuri ki; ‘da-da eri ni. Te Junior Jackson a’i O’dukoti ‘di ra lu alu rile ko’bo…ama azi asipi ‘di pivu cirile.  Eri ama azi.
    

4. Mi a’ira kini olu’ba ma kuki di e’yo oluza ja ‘dini?

Yo, ma ‘yo nga ini ‘dale ku ata ma a’i ‘dale ku indi. E’yo lu amani kini, azini Adripi Branham enga ovu ndiriru O’dukoti Zita & Omvita pivu ‘diyi ma dria, olu’ba pini muzu drile.

Ma ama lu ma dricezaru, kanisa manini, rueceta azi mbelea ‘dileni ‘yezu; kaniku geri waraga nisi sawa ‘disiria, azini di avizuri ekpazu ani Mungu ma O’duko ovupi e’dazaru’bo andruni ri erizu. Ma ‘yo pale kakau’bo kini ma ovu azi ngaza amborutu ndeni ri be wudukuru dria, ma O’duko Munguniri ece kanisa mani ri dri Sabatu alualu vusi.

5. ‘Baki yo kini mi ama mi ka inzita Branham Tabanakulua riki esezu geri oliarisi ku kini mi ovu di Amuroni ku ‘dini?

Ma awini ‘da ‘yo TUAKUYE kaniku ata e’yo egazu drinia ‘dale, ma adripika azini amvipika la. ‘Ba ci e’yo azi ‘daleni ‘yopi ri ni onzi ‘daa. Ocepi Branham Tabanakuluari ru, ma ama ma dricezaru teou Adripi Branhamvu riki avizu. Ma a’ira O’duko ‘da i afa lu ci mupi Amuro etrapi tualu ri i.

Mani ta ‘yo oko ‘bori le, Ma a’ira kini afa dria ovupi tepu pi ma driari ni ‘Di Opi ‘Yoni azini le e’yo efi eceza ku. Ma eco amena ‘yo E’yo dria mani eriri ni ra. Ma a’ira kini William Marrion Branham i andra ti epezaru Amuro azi omvezu amve. Pari mani azi ngaza geri towi siri pi ma alia ri ‘baki e’dazu ‘ba o’dukoti ojipi ‘da vu ani di avizuri ekpazu beni. Afa azi angiri ndeni aga O’duko ‘da erizuri ra ni yo. Odu osuza ndeni ri tepu pi ma dria, ani le di ma ma fe kanisa mani ni afa azi nduni i ka a’dusi?

Sabatu alu alu vusi ma wudukuru ai O’dukoti Opi ni ‘ba asi mani ma aa avizaru kanisa mani niri erizu. ‘Ba dria ovu aizaru ra erizu sawa aluri alia.

Ma afa Adripi Branhamni ‘yo tepu pi ma driari ayu ma dri cezu.

Ama ovu di sawa ‘disi otita foni ni ri be, eri onyiru tu, ambamba. ‘Ba ecokidi ra rizu aku yi pi alia kaniku yi ma…rutrazu yi ma paria pi alia ra, yi ma kanisa pi alia, azini angu azi ‘diyi pie ani inzita ki erizu ra. ‘Da si ma awa’difosi.

Sawa ‘disi, ocepi, ale mi ma ni kini, kini, ‘di lu ongulumu maniri dri amani e’yo ‘diki ‘yozuri. Azini ma ovu driwala be ci ‘da ‘yezu, a’disikuni ma ovu ‘bazaru Orindi Alatararuri si kabilo ‘dipi ma orule gazu.

O’dukoti ‘di i, azi O’dukoti azi dria mani e’yo nzezu drinia riki, yi ongolumu maniri pini. Ovuni ongulumu mini ri pini ku pelu eyi ka la Eri aira ria.  Te Eri ‘ba ‘dia ri pini.

Ani ‘da wudukurusi ara. ‘Baki enga sawa inini aziasi inisi, suru okuru ‘diyipi aa, yi sawa zizani ‘da ma ta mba sawa aluria. ‘Mgbaria, ‘ba mudri pale alifu azini alifu pale alifu ni ki e’yo ziria sawa alu ri alea. Munguni lera ki eri ra; emi lu ‘Bu ni epiria e’yo zizasi, enera, ani le Ma eri ra.

6. Eri onzi muzu kanisaa?

Ma awini ‘da ‘yo tuakuye kaniku a’i vini ‘dale ku. Ma ka ta ‘da a’ira ma ta ‘di ovu kanisa be a’dusi? Branham Tabanakulua ama ovu andra inzita pie 3 wiki alualu vusi kpere eca di mani ewaewa ovuzu inzita pie kalafe ‘dasi wiki alualusi azini azi ngazu VGRaa. Ama ovudi ‘da vutia inzita be pale 2 wiki alualusi Tabanakulua kpere ecodi ku ‘baki trazu dria. Ani amuki di jo amani andra ayu ‘ba oderuru pini ri alia, andra ovupi angu avita ‘yezuri i ri.

Opi ‘ba andra asi mania e’yo azi nzezu Sabatu aluni ma o’butisi. A ‘yo di ata eyi ka kanisa ‘di mi ma ti opici o’su alu, acakini ni nga afa azi ece aluniku ama ocepi ni ecozu ra e’yo nzezu amani angu ci amani oazuria risi. Emba alu ma vutia, ama ovu andra azo COVID ru andra kanisa ki opipi wudukurusi ara ci ‘di be.

Ma ama andra ma dricezaru sawa ‘dasi, eri ta oa driwala onyiruni angu avitani ‘da ojazu, amani andra jo inzitaniri le risi. Ani, ama engaki oa ayikosi aku amanipi alia, ecizaru azini Mungu ma nabi ni eriria tepu ma dria esele azi Amuroni ni be wudukuru si ara, kanisa jo ni ovuzu ojazaru ria.

Ama di lu sawa ‘disi jo nde deria, te lu ko’bo andra Adripi Branham ni ovuzu Branham Tabanakulua ‘diari le, angu amani si mutukaki ‘bazuri cani di ku ‘bo. Le di lu ama ma ziki e’yo ani nezu Opi ni mu ama dri ce ngoni yari.

Anira kini zita kakau, kakau niki ci asi ‘bapiniri pi alia. Afa kakau mani ‘yo ovupi vazaru onzi riki. Adripi Branham ka andra ovu vazaru onzi, ma di mu ovu tu ngole?

Ma eco ovu onzi ra afa mani ‘yori ma aa. Ma ecota ‘do ki ‘yo cika kaniku ovu mgboru cika ra geri mani yi ejizu risi. Te afa ci MANI NIRA eri ‘yeke ri alu, O’DUKOTI ‘DI KILILIRU.  Leni mi eri e’yo mavu kaniku afa mani ‘yori vu ‘dini ku, te le MI MA EKPA AVIZURI AZINI A’I E’YO DRIA RI.

Pale alu dika, Ma mi ai ruecizu Branham Tabanakulu be Sabatu ‘disi sawa azia etusi, Jeffersonvili saa si, amani: Zitaki Azini Omvitaki #4 64-0830E eriria.

Adri. Joseph Branham i

22-1009 Zitaki Azini Omvitaki #2

Aliria Alaru Ovupi Azizaru’bo Leleturi, 

Mungu le ama tu amba amba ani Eri fe di Eri ma nabi omvi ama zitaki DRIA, azini omvita ndeki ‘bazu tepu ma dria. Akaki avani ta ya ani, afa lu ci le ama ma ‘yeki ri A’IZU AZINI AVIZURI EKPAZU.

Ma ovu di Orindi Alatararuri be ya?

Sadini Orindi Alatararuri niri, Mungu ka eri ece midri’bo azini mika eri ne ovuzu, ‘DI OPI ‘YONI azini a’ira ri’i. 

Ecekini ma ovu Eri be ci Opi, Mini O’dukoti di ecezu mani’bo risi azini ma a’ira Erini ovuzu ‘DI OPI ‘YONI!

Te, eri e’da kile ma e’de ambamba?…dika tedi nga ‘yeza mani elipi’bo riki di?

Ovuni mi a’duni, mi enga ovu a’duni yari ku, kaniku ‘da ovu afa azi ‘yezaruni be ku, eri afa Munguni ‘ye mini sawa ‘disi ‘bori i.  Sadini ni di be ‘da.

Opi, Mi neni ma ‘yeza vule ‘dale rikiku azini mine ata ma nzota pale palesi ‘diki sawa ‘disi ku, Mi lu ma o’duko eri i; Diza Opi, MA OVU ORINDI ALATARARURI BE CI.

Adripi Branham, anira i’yo kini mi ovuni lu okparafia yitia ciari i ku, te a’dini nga Amuro Kristonini geri e’da sawa asizuriarisi ni?

Azakoma Munguni risi, Ma a’ira kini ma Amuro Yesu Kristoni rini geri e’daria.

Ma ovu afa kaka pie asi mania, mama ‘ye di a’duni ya?

Afa azi sawa ‘disi orodrirutu ni yo pe lu anzi Munguniki ejizu tualu ani ‘yozu, “Amuki” ri i.  

Awania Mini Opi, ‘da di be lu amani ‘yeri i. Afa azi orodriru amanini yo pelu E’yo Mini ri i. Orindi Alatararu miniri ni amani geri e’da Mi nabi vusi ani ama di ama traria E’yo Mini ageyia engazu wudukurusi ara, azini ama gonde di muzu.

Ma ovu zita kaka pie, ale driceza, azakoma azini omvitaki ra. Ma ‘da esu ngua ya?

Ma ‘dia o’bizu mi azakozu, agbari mani mi le ra risi. Emi ma anzi mani ti Kristoni riki. Ma emi alualu ri dria. Ma ri emi ondre ‘disi; Ma ri emi sawa dria alia; Ma emi ri sawa dria si, ani ‘da kile ma adripiru azini amvupiru.

Aleki vini mi indi Adripi Branham. Aniki ra Mungu epe andra mi ti ama dricezu azini geri e’dazu amani. Ama andriki Eri E’yo si ‘bo azini Eri otizaru kililiru.

A’di i ata mani ri i ni E’yo Bari ma alea?

Emi anzi maniki; Ma–Ma emi ata E’yo Bari aleari i, ovuni ata ko’bo erini ovu atalole ri’i ku, Ma–Ma ata emini E’yo Bari ma alea ri’i ko’bo Pauloni ‘yo diari le. 

Anikira Eri Orindi Alatararuri i mi dri cepi ama dri cezu ri’i, Adripi Branham. Mi ‘yoria lu ko’bo Pauloni ‘yo Bibilia rile, afa mi ‘yori ma vuti bizu ko’bo, Erini ovuzu e’yo adani risi, ani erini lezu ama ma ojaki ndumba alu kaniku afa siza wereru ndeni aluni ku risi.

Mi ta mu a’du ‘ye ya Adripi Branham?

Ma ti emi Kristoni ‘bo, ani sawa ‘disi, Ma-Ma azi mi ‘bo Kristoni; ‘da mi emizu Kristoni aliaria alaruri ru ri i. Ifeki ma e’deku! Ifeki ma e’deku! Emi oaki aliria alaruriru.

Mi azi ama Kristoni aliria pi ru E’yo Erini ri ni. Ama ecokiniku, azini cakini nga ku ruazizu azi nduni be.. Ama afa dria amani eri azini ‘yeri andrii Mi E’yo tambazaru ci risi.

Afa orodriru ndeni mani eco ‘ye ani ovuzu Eri ma Amuroruri a’duni, Adripi Branham?

Mi oa lu E’yo be.

Omvita dria zita amaniri pini ri ecoki ovu etrazaru e’yo ‘diyiki si:

MI OA LU E’YO BE.

O’dukoti ‘di NI E’yo o’du amaniri niri. Adripi Branham ni O’duko Munguni o’du amaniri niri i.  Le afa dria ma ovu otizaru E’yo be. E’yo nde leni e’yo efi ecezaku. Akaki AVIZURI EKPA, AFA DRIA AMANI LE RIKI OVU FEZARU ‘DAA, TEPUPI MA DRIA.

Mi ovu afa azi be asi mini alia mini omvitani lezuri i ya? Mi emu ruecizu amabe Sabatusi sawa azia etusi, Jeffersonvili saa si, amani ama omvita driariki esuria amani: 64-0823E – Zitaki Azini Omvitaki #2 eriria.
    

Adri. Joseph Branham i

22-1002 Zita Ki Azini Omvita Ki

Branham Tabanakulu Leleturi,

Mi ka eco emu kanisaa ‘diaku, mi ma esu kanisa azi angu azia; emu alenia. Mi ka eco tepuki eri amabe ku, mi eri tepuki angu azia. Tepuki avizu azini erizuri eri afa oridriru ndeni olu’ba azi, embapi azi, ‘ba ti peleri azi, nabi azi, ‘ba E’yobari olupi azi kani mini eco ‘yeri.

‘Di angu mani akuari’i; ‘di angu mavu aku amboruri i; ‘di angu amani ama otizu alenia ri i. Sawa ‘disi, mi bi ‘da omi mini alia a’du katro pari ‘duni yari ti. Sawa ‘disi, mi ka ovu ondua be, mi nga afa azi va ra. A’du katro pari ‘duni yari ti, ‘di angu amavu aku amboruri i, ‘dia ogogo! Ani emba ‘da ma ta omia azini mi ego dri ro tepu ‘di vu o’du azisi, kini mi eri andra ma ra e’yo ondriria nabiru. Muke, mi ma ega ‘da’i!

Nabini andra a’du ‘ye ya?  Nyaka tambaria. Nyaka tambaria ani ama nga ovu Afa azibe nyazaru ci beni, ani ama nga ovu Afa azibe nyazu drinia beni. Ama Eri esu ama tepu pi dria rizaru anzu ama kurujo piniri alia.

‘Yo andra kini jo erojoru suru alesi nduluri lu werearu alu, erojo azi wereru aluni. O’ba afa nyazaki ‘da kakau; Alama, Driaruri, A’buzaki, Ayi Kanisani Aziri Riki, Aku Droziri i, E’yo Erini Ecezuri, dria amani, ani ama eco ta lu oa ani ‘dia azini erizu erini muzu ‘bori ma vutia.

Eri e’da kile mu andra driori le, te ama kiri egara, afa ‘diki ada. ‘Di idri azi le ama ma aciki a’duleni.

Eroki TRE. Nyaka azi nduni Mungu Ma ngulupini ‘yo kini eri E’YO KILILIRU ondi azi kokoni yo.

Mi ka ta le nya amabe ra, ama mi ai ruecizu amabe, Sabatu ‘disi Sawa azia etusi Jeffersonvili saa si amani emuria Table vu ani ‘nyazu Eri ma omu le.

Zita Ki Azini Omvita Ki 64-0823M

Adri. Joseph Branham i

22-0925 E’yo Erini E’dazuri

Ai Nyakuni Leleturi,

Sawa erini e’dazu kobo Eri cani di eca cikakuri alia, Eri amadri E’yo Eceza Tepudria Amboruni ki fe. Ama ovuki paso ‘ba paria engazu ovuzu ‘bazaru drioruri vuri be ci. ‘Da di asisile amani engazu kala etuni efuria azini kalaa etuni ‘deria, oruleru azini andraleru ri’i, E’yo idriru ovupi e’dazarurari erizu.

Munguni andra wudukuru ‘obazuria, ama andra Eri ma egata ma alia. ‘Ba ama topiri ka drimva e’da amavu azini lu Atani, “yi ‘yeki ‘di’i, yi ‘yeki ‘di’i, yi ‘yeki ‘di’i, Ari ama Opi Yesu vuri ni ama a’buci Amani Munguziria, Mungu neni ama’i ku, Eri lu ama o’duko eri Ari Yesuni aliasi.

Sitani cani orata fe ‘dini ku; kaniku eco obeta fe ra, te cani Kristayo osipi o’diruri ebi ku. A’disikuni, Mungu i, engazu eti ‘baza wudukuru vurisi, ne andra eri okoru, ani epe Yesu ma ti eri onzezu, azini Ari nidi e’yo nze eri ma paria. Eri ecodi ezata ‘ye ngoni ngoni esu dere ovuni nezaruku, ata Mungu neku indi? Eri ata cani… Afa lu ci Erini eriri mi o’dukoni. Eri afa pasopi mi pariari ne’i. Amena! ‘Da ada. Enera?

Mungu ma nabi lu amadri afa ‘diki ra. Eri andra eri’iku e’yo nzepi ri; eri lu Mungu ma egataki eceria, Eri ma arakala afa mupi emupiri pivu ri i. Eri tile iniri ayu eyi ecezu ani. Ani erini eyi ‘yozu ‘bori ma vutia, le ma ecaki pari yini ‘duzura. “’Buki nyakube nga alira, te E’yo Mani cani nga e’deku.”

E’da Ima E’yo amani’bo palesi palesi dika. E’dani nga amaniku ya: kini Mvi ‘Bani ovu ‘dazaru ruatisi ama eselia ri? E’dani nga amaniku ya: kini Ama nabi fe E’yo Siza dria ovupi nzezaru eri ma driari ecaki eyi paria ri? E’dani nga amaniku ya: kini Ama Eri ma Amuro i ri? E’dani nga amaniku ya: kini Ama ovuki sadini Orindi Alatararurini adaruri be ri?

Ama di orisi a’dudria? E’da amani’bo kini, akaki paso Eri ma ageyia, Eri nga paso ama ageyia. Eri ma E’yo cani e’deku.

‘Ba dria O’dukoti di aipi ‘ba o’dukoti ojipi ayi ‘diniri beri nga ovu pazaru. ‘Ba dria O’dukoti di azini ‘ba o’dukoti ojipiri a’ipikuri, nga drijara wudukuru be.

Emi eri enyia kanisa. ‘Ba abari eyi vata enzoru nibe, kaniku yi ovuki E’yo Eceza E’yoniri beku. Eyi ama kini ama epi ambaamba agu nde ma dria. Mi ka adaadaru a’i Adripi Branhamni Mungu ma nabini, mi nzi di asi mini azini idri mini ani ‘Di Opi ‘Yoni ni ‘yo ngoni yari erizu beni.

A’duni nga Amuro eji tualuni? A’duni nga Amuro oku ecazu Alu Mungube ni?

“O’du ‘dasi Mvi ‘Bani i nga ovu ecezaru.” A’du? Kanisa ecizu Drivu, ecizu tualu, ‘duta Amuroni ri i. Omveta Izioniri nga emu ‘divusi, sawa nga Mvi ‘banini emuzu vaa azni emuzu ruati ‘ba adani aa iri ‘diki ecizu tualu ria. Le Kanisa ma ovu E’yo nde i, Eri E’yo nde i, ani iri ‘diki rueci tualu, azini, ‘da ‘yezu, eri nga e’data Mvi ‘banini i ecezuri ‘du’i.

Eri nga e’data Mvi ‘banini i ecezuri ‘du’i. Ovuni omi mini ku, ovuni vata mini ku, ovuni egata miniki ku vini oluza miniki ku indi. Mvi ‘Bani i nga Amuroki eci Iziobe ni, ani eri di pari ‘duria SAWA VAA ‘DISI.  

Ama di sawa ‘disi Omu O’kubizani alia Izio be ani mbeleru ama nga mu mura Ondreta ama Okubizaniri alia azini Anyu amani alia.

E’yo ki Kanisa be eca alu. Afa ci Mvi ‘banini ‘ye’bori, Eri andra E’yo nde ‘i, kanisani vini afa aluri ‘ye.

Ama ecolu oa idriru E’yo dria efupi engazu Tile Munguni ri alia risi! Mungu e’dara kini ama nabini Mungu ma Tile andruni ri i. Ama ni ngoniru eri E’yo Munguni ri? Eri ‘yo ‘dale ni, ani di ecedi Eri ra E’yo Erini si.

Ama Kanisa-Amuroru ovupi ‘bazaru gonde o’du asizu ‘diyi ma alia ri i. Ovupi omverazu amve engazu azi ‘diyipi vusi dria ri i; aria o’bezaru ovupi o’bezaru Eri ma Arisiri i.

Ata, ama asiki omburia, azini ma asini gbaria, maka e’yo ega ‘da dria ria azini nizura kini Mi E’yoki adari ria, yi ma azi aluni cani e’deku. 

‘Di Mungu ma geri fe andruni lu aluri i. Eri LU geri ci ri i E’yo aluni ojazuku ri i. Emi egara, Orindi Alatararuri eco emura ani o’du osuzu ‘ba azi ma dria, te eri kiri ovu Ale Munguni ma aasi amve. Le ama AMA OAKI E’YO OVUPI ECEZARURA ANDRA OKORI BE.

Mikata le oa E’yo ‘dabe ra azini O’duko Munguniri eri amabe ra, ma mi ai ruecizu amabe Sabatusi sawa azia etusi, Jeffersonvili saa si, amani: E’yo Erini E’dazuri 64-0816 ni eri ria.

Leni mi ecimi amabe ka kaniku ata tepu aluri erizu sawa aluria amabe ka ‘diniku, te ma ‘yo mitia, mi eri nabi Munguni ri’i.  

Adri. Joseph Branham i 

E’yo siza lazaru inzita ma drilia riki:

E’yo Ba Matayoni 24:24

Marako 5:21-43 / 16:15

Luka 17:30 / 24:49

Yohana 1:1 / 5:19 / 14:12

Rumi 4:20-22

I Tesalonika 5:21

Ebrania 4:12-16 / 6:4-6 /13:8

I Opi 10:1-3

Yoeli 2:28

Isaya 9:6

Malaki 4

22-0911 Afajo Yini Ruacopiteri

Mesegi (O’dukoti): 64-0726E Afajo Yini Ruacopiteri

BranhamTabernacle.org

‘Ba Yi A’di Vupi’i Leletu ‘Diyi,

Ama ovuki ni ecezaru ecieciku, ama esele E’yo adaru okokele ‘dani ofu ri’i.. Orindi Alatararuri ma Ngulupi, fe nizu’bo, ece’bo azini ede Ima ngulupi nizaru amani ‘bo. Ama aiki Eri’bo eri ma treru ma aa, okpo Eri ma ecetani risi azini E’yo Eceza Eri a’duni ya risi, ani ama ecaki di Eri ma esele ru. Eri Idri ma drilea amaniria.

Orindi Alatararuri ma nulupi nze e’yo trai afajo azi ele, drifupiku ni vusi ani ‘yozu, “Ma lote ni ‘di’i, Ma E’yo’i, mi ‘du Eri ani mimu drile, ani O’dukoti ejizu beni.” Eri ‘du E’yo Erini ani ama elizu amve, Amuro e’dezu Idri.

Eza’di atalu pima dri onzi nezu ‘bapini kanisaki kuzu ani muzu tepuki avizu i. Eyi ‘yo, “Mi ka tiecita ‘da pima aa mu ra yani, mi nga ovu drozaru amve, ama nga mi dro amve engazu ama amuti ma aasi.”

Eyi ma omvita vule ri: Emi eco ata amaku amadri ra, ama mu sakaru! Ama mu aci nde alia ama Opi Yesu be, ama Kata ovupi gbazaruri, malaika ma Nyaka nyazu, Mana engapi ovupi tambazaru oruri’i, azini yi mvuzu engazu Kata nde vu. Le ama ma ‘yeki oriku ama a’du mvu ya risi, Eri afa azi nduni’iku te lu E’YO KILILIRU i.

Ama ovu sawa dria ava engaza azi be muria drile. Ama A’dini sawa dria egburia tre azini tre, azini tre azini tre. Asiza azi Erinini ‘yo.

Ama yi alaru azini ambizari mvu sawa dria amani Avizuri Ekpazuria Ama ama ri Eri ma dria azini oa Eri si. Afa lu ci mini ‘yerari lu muzu ‘daa ani eri mvuzu beni.

Ama oaria A’di ‘da ma ageyia o’du dria! Leni amaniku afa azi esezu, gazu, yazu kani afa cini ‘dileri; mi ‘dulu engazu Eri ma geri ferivu, tokoru. Mi eco mi otita ‘ba a’dani e’de mini le ‘diki dria ‘du ra, mi yi tiza okuru ‘diyi pie dria; amani ria, ama emuki’bo A’di alaru Erini rivu. Eri ama ayikoni. Eri ama Dizani azini Okponi. 

Eri Yi mani ri’i. Eri ma Idrini. Eri ‘Ba ma atipiri’i. Eri ‘Ba ma papiri’i. Eri ma Opi ni. Afa dria mani le ‘diyiki esuzaru Eri alea. Ma ta ‘di le mu afa azi ndunivu a’dusi ya?

Amaniria angu azi nduni muzu ‘yo te lu kpi Mungu ma A’di ferivu. Ori ‘yezuku amamu a’du mvu ‘yari si. Bongo azi okuru afa ndrazuni ‘bazu ku ani erini mbumbu amboru riki atrizu beni, te suni ondiruri kuzu ‘daa. AMA LU YI ALARU ENGAPI A’DI VU AFA ONYIRU AZINI NYAKA ESELE DRIA AMANI LERI BERI ESU’I .

Eri fe ama dri ‘bile embaza dika ‘bo: Ma anzi nyiri ri la, emi ‘ye ori ‘dikaku, emi ovu sa’dini Orindi Alatararurini ada adari be ci.  Emi e’daki Mani’bo kini emi a’iki E’yo driari ra. Emi aiki Eri’bo, EMI AMANI AMA ALU. AGUPI KI OKU BE.

Ma emuria mini sawa wereni alia, mileni ija rile. Ma emi dri Aku azi o’diruni e’deria. Emi nga Ma drimvu onyiruri ki lera.

Anira kini eri sawa ‘disi ewaru emi dria, azini emi ovuki obeta azini o’bita ndunduni pie azini emi teriki nzizaru. Te emi avikiniku kini, emi ovuki afa azibe ku ori ‘yezu, Ma fe emidri E’yo Mani’bo. Emi Ma E’yo i. Ma ‘ye afa dria emini ‘bo. Mi nze E’yo azini mi a’baku. Mi ovu a’ita mini be, o’bazaru Ma nabi fe andra mini ima A’ita indi.

Ma le ta mini ruecizu ama’be Sabatu si Sawa azia etusi (12PM), Jeffersonvili saa si, 64-0726E Afajo Yini Ruacopiteri erizu, azini yi mvuzu engazu A’di Egbipi egbiegbi divu erini e’buria E’yo Kililiru afa azi eri ndrazuku ri lepi ribe ria. 

Adri. Joseph Branham i

Zaburi 36:9

Yeremia 2:12-13

E’yo Ba Yohanani 3:16

E’yo Eceza Chapta 13 zuri

22-0904 O’du Miniri Amazu O’dukoti Eriniri Be

BranhamTabernacle.org

‘Ba Ovupi Elizaru’bo Leletu ‘Diyi,

Ale ‘ba dria ma niki ama ayikosi ambamba a’dusi yari!!

Ama aiki E’yo Opini ri ‘bo. E’yo ecezaru’bo andra ovupi nzezaru Mungu ma nabi Malaki 4 vu risi ri i. Ama Amuro Yesu Kristo vu ri i. Ama ‘Ba awipi a’itasi Eri ma O’duko ovupi ecezaru ra ri vuri ki. Ama ‘Ba Erini Nyoro aje amborusi ri fezu ri ki, E’yo Eceza adaru Eri ma O’dukotini azini Eri ma ‘ba o’dukoti ojipi rini ri.

Mungu ‘du Ima nabi ma E’yo ani Amuro azi e’yo dria were ndumba erini wereru ri pie ri a’ipirari elizu ‘bo. Eri eli ama amve’bo, Erini andra azi Imu ‘ye rile. Ama kabilo Munguni ki, azini lu O’duko Munguniri eri i! “Kabilo Maniki O’duko Mani eri,” amani Avizuri Ekpazu ria.

Ama ovu e’dazu surusi ndulu; e’dozu New Yorkia, engazu Massachusettsia, cazu Bostonia, Mainia, Tennessia, Gorgia, Alabamaa, azini surusi ara. Engazu Afrikaa cazu Mexikoa, Mundu angua cazu Australia, ama ama traria tualu, O’dukoti Alu ma vutia, O’duko Aluni, ani Eri Amuro ni eciria tualu ‘Duta ‘buari ni.

Ama nabi i, Mungu ma ‘ba o’dukoti ojipiri i, Mvi ‘Bani i Ima ngulupi eceria ruati alia, treria, “Sitani, mi e’dami geri maniasi, Ma ovu O’dukoti Opini ribe. Ma Opi ma ‘Ba o’dukoti ojipiri i. Ma ovu E’yo andruni ovupi e’dazaru ‘bo ri be. Ma ovu ‘bazaru andra drio Eri ma Amuro omvezu amve azini drini cezu.”

Ma ‘ba aziki eseria amve, yi elizu engazu afa ‘diyi pivusi. Yi esezu amve; e’dazu yini. E’yo Sizasi, kini Munguni pasoria ‘dia ‘di; eceza Aci Piriruri ni risi.”

Mungu ama andra ra kini ‘baki ci nyaku ma dria ovupi ‘bazaru andra drioru Idrini riki. Ama andra ra kini eri ‘di ndra sawa ni ri i Eri ma ‘ba o’dukoti ojipiri ma ti pizu Amuro Erini omvezu amve, ani Eri ‘ye andra eri ra.  Ama ‘Ba Eri amapi’bo riki. Ama ‘Ba Erini andra nira yi ngamu E’yo driari a’ipira riki. .

Iburahimu ama andra ra ‘da andra Mungu i e’yo nzepi ibe engazu ruati ‘ba adani aa si ri. Ama andra Eri ma eceta ra ani omve andra Eri O-P-I, Elohimu i, ani Opi co andra tusu eri ma dria ra. Ama amaki ra kini eri andra ovuzu o’du ‘dasiri le, eri nga vini ovu ‘dale indi sawa Mvi ‘Bani ni ngazu ovuzu e’dazaru risi, Elohimu i, e’yo nzeria ruati ‘ba adani aasi.

Ama Eri ma eseleni, azini Eri ma Mvini, ani ama nga awi Eri be ‘dani ‘dani. Ovuni ama omveta kaniku ma petasi ku, te Eri ma petasi. Ama ovu andra afa azi be ‘yezaruku eri be. Eri ‘Ba andra ama pepi ‘denga wudukuru ma vuti ovuni ‘bazaru ku ri i.

Mika tro e’yo olu ngole ti, afa mini ‘yeri ngo’i yaru ti, eri cani niku, econi ovu e’dazaru ku, econi ovu ecezaru ku; lu Eri ‘yopi kini, “Ma Diza nyakuni ri i”, E’yo i ri vusi. Ani le Okpo a—a—azi ma emu di ra, Orindi Alatararuri Ma ngulupi i, eri fezu nizu, kaniku, eri e’dazu, kaniku eri ecezu, kaniku afa Erini ondri eri mu i ‘ye o’du ‘disi ri fezu ecezaru. Diza ondreni ri ni ‘da ofuni. Sawa Ngo’i ya!

Eri ne andra ama e’yo niza alia amani aliria eri ma drilea. Ama pari alu alu Amuro ni andra ovuzi okokelesiri ma alia, Alifa i azini Omega i.  Eri andra neria aziriki furia amve ‘ba nduza ma aliasi, ani eru di andra o’biria Eri esezu vule, te ma ‘ba trepi kini, “Ama ava li Eri ma driari ki.”

Mi ne, “Ekile Yane pini andra Yambere be agati otizu Musa be rile,” eri nga emu kpi ra, eyi ma aziki. Ovuni, sawa ‘disi, eri ovuni ‘dia e’yo nze Methodisti pi ma dria, Baptisti pie ku; eyi e’da ‘da ma aasi amve. Enera? “Te ekile Yane pini andra Yambere be agati otizu Musa be anzini Aaroni be rile, eyi nga vini ‘dale indi; agupi omi pini ovuzu ezazaru ‘bo E’yo adari vusi ri ki,” sikidi yi kalaa aiza azini embata kanisani ri pi alia, Bibilia ri ma dria.

Le ama ma ovuki milesi ani oazu E’yo adaru, ovupi e’dazaru ‘bo o’du amani ‘dini ri be ngole. Le o’du dria ama ma egaki azini amaki E’yo ni emu a’divu yari ra. ‘Ba lu alu ovupi ‘ba E’yo ma efi ecepi geri Munguni siri a’di i? Eyo o’du amaniri niri a’di i?

Orindi Munguniri, ovupi E’yo Munguni ri, “E’yo Mani ri Orindini azini Idrini,” ni nga Amuro ni pari Erini alia. A’disiku, Eri nga pari Erini amara E’yo ma aa, ani Eri ‘di Kristo alia, nga Eri ‘ba Eri ma paria.


Mi ovu aizaru emuzu Mungu ma O’duko lu alu ovupi e’dazaru ra o’du amani rini ri erizu, ani mi ama pari mini ri E’yo alia azini mi ovu ‘bazaru pari minia amani Elohimu ni eriria e’yo nzeria Eri ma nabi vusi azini amani O’dukoti: O’du Miniri Ngo’i Yari Amazu O’dukoti Eriniri Be 64-0726M ni ejiria, sawa azia etusi (12PM), Jeffersonvili saa si.
 

Adri. Joseph Branham i

E’yo siza lazaru O’dukoti nde ma drilia riki:

Hosea: Capta 6

Ezekieli: Capta 37


Malaki: 3:1 / 4:5-6


II Timoteo: 3:1-9

E’yo Eceza : Capta 11

Mungu. Mi ‘ba ma aa ava engaza Mi fe ma ma ovu ava engaza nde i. Mi fe ama ma alu alu ma ovuki ava engaza nde i, ava engaza nde ma aa. Mi ‘ba ma, Opi, abiri tazu, Mi ‘ba ma yi vico vazu. Mi o’ba ma aa, Opi, afa ovupi lezaru ma aa ri. Mi fe ma ma, e’dozu sawa ‘disi drile, ovu Mini; ovuzu ati’bo ‘bazaru ‘yeke cika ri i, ati’bo azi cika ‘dileni, tusu coza engazu Mivu cika ni be; ecozu ceka, inzita cika ni be, asi egbe cika ni be, ale azi ngazu cika ni be, angu nezu ndeni afa orodriruri pivu, afa vule alipi’bo riki avizu, e’yo efikoko riki. Ma ma mi ma alama oveta Kristoni oru ri vu.  Amena.
        Atalo. William Marrion Branham i