Adripi Branham Leleturi,

Ma ai asi manisi dria mi Mungu ma ‘ba o’dukoti ojipi malaika Azirizuriru ti epele Eri ma Amuro omvezu amve ri’i.  Mi O’duko Munguni ‘Di Opi ‘Yoni be wudrikuru ni ri’i. Ma aira mi ‘ba Erini pe e’yo zizaru dria Bibiliani riki ecezu eri vu ri’i. Ma ai E’yo dria mini ‘yo tepu pi driari ra.

Ma ovu zita azi mani ta le mi zizu anini be asi mania ci. ‘Ba kakau niki indi, o’duko kakauni pie, afa ndundu kakauni ki ‘yopi le ama ma ‘ye a’duni ani ovuzu Amuro Kristoniri’iru beni yari riki. Ma le ovu Eri ma Ale kililiruri alia. Ma le ovu Aita kililiruri be. Ma ovuni ‘ba azi cini ni ma rua onzi ku, te ma le afa mini ‘yori eri’i.

A’duni nga Amuroni eji tualu ani amani ‘Duta Uru Aita alia amani le ri feni?

Ma aira kini, Ovi-gaza Aziri ‘da pi vusi, nga ovu ecezaru o’du asizu ‘diyi pi alia ani Amuroni ejizu tualu aita ‘duta ururini ri isuzu.

Adripi Branham, Ovi-gaza Aziri ovupi trotro e’yo aziri zizaru ‘diyi beri ovuki ecezaru ‘bo ro?  Yi andra ecezaru A’buza Aziri pi alia, te ovuki ni nga nizaru ama dri Ovi-gaza piru ku ya?

Yo, yi andra ecezaru A’buza Aziri ri pi alia; ‘da Ovi-gaza ki a’du ma dria yari. Yi andra mu eceza…Ovi-gaza Aziri andra yi ma o’duko engapi ani ‘ba azi ni andra vazu eri a’duni yari ku riki…Yohana ni eri andra a’duni yari ra, te ovu andra atrizaru ci eri sizu. Eri ‘yo, “Te malaika azirizuri, o’du eri ma o’dukoni ria, e’yo aziri zizaru Ovi-gaza Aziri ri pini ri nga ta ovu ecezaru.” Azini malaika azirizuri ni ‘ba o’dukoti ojipi Ayi Kanisa Azirizuri ni ri’i.  

Diza ma ovu Munguvu. Ma omvita o’da’i.  E’yo ziaru Ovi-gaza Aziri ri pini ri ovu ecezaru’bo. Eri O’duko Munguni tepu pi dria ri’i azini sawa ‘disi di Amuroni eciria tualu azini amani AITA ‘DUTA URURINI, amani leri fe.

Awa’difo mini, Adripi Branham, zita maniri omvizu risi. Ani ta ra kini omviza zita mani andra ovuzu eri be ma asia ri niri ni ta ovu tepu ma dria.

Dria mani le niri ‘da’i. Ma nga mu drile Avizuri Ekpazu o’du driasi ani ata AITA ‘DUTA URURINIRI isu angiri.

Mi emu Aita ‘Duta Ururiniri isuzu amabe Sabatusi sawa azia etusi (12pm), Jeffersonivili saa si (7pm Ugandaa), amani: Zita Azini Omvita A’buza Pi Driari  63-0324M eriria.

Adri. Joseph Branham i