Amuro E’yoru Kililiru Leleturi,

Mungu efe okpo Ini asizuri ‘bo. Epe Ima aji amboruri ma ti vaa ama ogozu vule Aita oko ama atapivu rivi. ‘Di ayi ajivuri. Anyapa ki di dika yo. ‘Ba o’dukoti ojipiri ki di dika yo. Ongulumu azi agupi pini ni di dika yo. Eri dedi i dria ‘da. Ama asizaa. O’duko E’yo Eceza 10:7 vuri eca ‘bo azini ayu Ima nabi ajiru amboruri Ima Amuro omvezu amve ‘bo.

Emi ka ama ocepi ni eri Sabatusi si, Mungu ma aji amburori’i, emi ta mu eri eri ‘yoria emini Erini andra ‘yoria amani: 

“Emi ongulumu ngapi mupi Ovi-gaza Aziriri ki ‘dupi ri; E’yo Munguni ma ada ri’i, ani esizu azini lizu azini ata vini ‘buki opizu ci. Emi eco ‘di ti opi ra, kani ‘da ‘yezu, afa ci emini leri. Ari’boni ovu ‘dizaru E’yo efupi engazu emi tileari si, a’disikuni eri ma si ci aga sei si irileiriri ra. Emi eco ta onyukunyu nzi be kilo billioni turu alifu alifu niki omve ra emi ka ta le ra ria. Afa ci emini ‘yori, eri mu i ‘yera, a’disikuni Eri E’yo Munguni emupi engazu tile Munguniasi ri’i. Eri E’yo Eriniri’i, te Eri o’dudria ‘ba ada ayu i Eri ngazu”.

Ma eco orodri Avizuri Ekpazuri niri ece ngopi; aji Munguni ti eperi erizuri riya? O’dukoti ‘di orodriru ambamba, kililiru tu…KILILIRU TU, ani kpere Eri ecota api ani Malaika azisi Eri fezu vunia ‘dini ni ku. ‘Ba azi nduni ni yo, ongulumu azi agupi pini nduni ni yo, ‘BA AZI YO Erini ecota Eri fezu vunia ri, LU ERI MA NABI AJIRU AMBORURI’I.

Ma ecoki e’yo nze Eri dria ra, Eri emba ra, ata Eri olu ra, te O’DUKO LU ALU ovupi “‘Di Opi ‘Yoni” beri, ani le emi ma ai E’yo driari. O’duko lu alu emini ecozu emi asiza ‘dani ‘daniri ‘bazu drinia ri. O’DUKO lu ALU Munguni pe Ima Amuro ma dri cezu ri, azini ERI MA AMURO’I A’DULE NGA OVU E’YO ECEZA ‘DA BE NI.

Nabi ajiruri lu alu Erini andra pe de nga wudrikuru ma eti ovuni ‘bazaruku IMA E’YO DRIARI ecezu VUNIA RI….WILLIAM MARRION BRANHAM i, ani eri’i, azini eri’i a’dule, Mungu ma ‘ba o’dukoti ojipi ajiru o’du ‘dini ri’i. Eri’i, azini eri’i a’dule, tini ni andra ovuzu epezaru Mungu ma Amuro dri cezu ri.

Omveza mani, kaniku omveza olu’ba cini niri, eri lu afa aluni: EMI DRI CEZU ERI VU, MUNGU MA AJI AMBORURI’I. ‘Ba Erini andra peri. ‘Ba Erini andra ece Aci Piriruri siri i. ‘Ba Erini andra pe sawa Erini Buku nde nzizu, ani A’buza niki onyozu, ani tini epezu vaa nyakua, Eri ecezu ama, ‘ba Eriniri pi dri ri’i.

E’yo erini andra nze tepu ma driari ovuni E’yo eri ma ngulupini riki ku, yi Egata Munguni mgba ovupi nzezaru azini o’duko ‘duzaru tepu ma dria Eri ma Amuroni eri beni riki, azini lu EMI’i, ERI MA AMURO’I ovu E’yo Eceza ‘da be ni.

Amuro la, mi ega nga lu e’yo drinia. Ama ecaki ‘bo. Dria ‘da. Onita ondaza scienceni ri ece Eri ra. Eceta E’yoniri ece Eri ra. Ama ‘di ‘dia! Azini E’yo Eceza ‘di enga Mungu vu, azini Eri E’yo Adani. Ani abari emini Eri amazura risi, AMA Eri ma agianzi azini ezoanzi ovupi ogozaru vule ‘bo riki.

Abaza azi dika yo. Zita azi ki dika yo. AMA ERI MA AMURO E’YORU KILILIRU’I. Ama amaki ama a’diki yari ra. Ama ‘ba, Yikii Mungunisi, Erini fe Ima aji ma ne dria bongo emve ma aa riki.

Emi esu asi okpo Amuro la. Ama di ogogo ‘Daa. Ama ma ecoki Eri ama ra. Eri ada adaru amani sawa ‘disi ndeni aga driori ra. Ari’bo ngu ama onzi, TE MUNGU LE AMA RA. Eri ovuni lu ama be a’dule ku, ERI AMA AA. AMA ERI MA E’YO OVUPI ‘BAZARU RUATISI RI.

Eri ece Sitani dri, AMA ECOKINI, AZINI CAKINI NGA E’DE KU.  Ovupi indiri lu AITANI azini abatani. Ama ovuki LU AITA be. Ovuni ma ngulupi pi ma aaku, ERI MA E’YO AA, ani ERI cani e’deku. A’dusi? AMA E’YO I Mungu ‘yo ni!!

Emi peni andra Eri’i ku, PE ANDRA EMI I. Sitani eco afa cini ‘ye emi rua ngoni ru, MUNGU PE ANDRA EMI NI. Pe andra emi a’disikuni ERI NI ANDRA RA emi cani ta nga e’de ku E’yo Eriniri aizu.  Sitani ni ‘yo emi dri, “te emi e’dera, e’dera e’dera”… mi ‘yeke, ma e’dera ruati mani alia, te ma ‘BAZARU ALIRU, azini ma cani nga e’deku E’YO DRIARI aizu.

Ama obetaki esi azini ali o’bitapi alesi Munguni, ani Eri eco ani E’DA IMA, AZINI AMA ARI’BONI RA…AMA ERI MA AMURO E’YORU KLILIRURI’I.

Orindi Alatararuri ma efi aku emini ki, kanisa emini pie, kaniku angu ci emini ovuzu Sabatu ‘disiri sawa azia etusi (12pm), Jeffersonivili saa si (7pm Ugandaa), amani Mungu ma aji amboruri eriria E’yo Eceza egizu: A’buza Towiri 63-0322 dri fo.

Adri. Joseph Branham i
    

E’yo Siza lazarᴜ de nga O’dukoti nde ovu erizaruku ki:

Danieli 9:20-27
‘Yeta 15:13-14
Rumi 11:25-26
E’yo Eceza 6:9-11 / 11:7-8 / 22:8-9