Obubaka: 65-0822M Kristo Abikkuliddwa Mu Kigambo Kye Ye.

• 24-0908 Kristo Abikkuliddwa Mu Kigambo Kye Ye
• 23-0219 Kristo Abikkuliddwa Mu Kigambo Kye Ye.
• 21-1024 Kristo Abikkulibwa Mu Kigambo Kye
• 21-0530 Kristo Abikkuliddwa Mu Kigambo Kye Ye
• 19-1013 Kristo Abikkuliddwa Mu Kigambo Kye Ye
• 17-1112 Kristo Abikkuliddwa Mu Kigambo Kye Ye

BranhamTabernacle.org

Branham Tabanako Abaagalwa,

Nga galina omukisa amaaso gaffe; kubanga galaba. Nga galina omukisa amatu gaffe; kubanga gawulira. Bannabbi n’abantu abatuukirivu beegomba nnyo okulaba ssaako n’okuwulira ebintu bye tulabye n’ebyo bye tuwulidde, naye ne batayinza. Ffe TULABYE ERA TUWULIDDE EDDOBOOZI LYA KATONDA.

Katonda Mwene Yasalawo okuwandiika Baibuli ye ng’Ayita mu bannabbi be. Katonda Mwene era Yasalawo okubikkulira ebyama byE ffenna mu kiseera kino eky’enkomerero eri Omugole we ng’Ayita mu nnabbi wE. Bye bikula bye, Ekigambo kye ekitegeezeddwa, ekibireetera okuba nga byonna biri kitundu ku Ye.

Omulembe gwaffe bwe gwatuuka, Yaleetera nnabbi wE okutuuka mu kiseera kye kimu. Yamuluŋŋamyanga era Yamwogererangamu. Eyo ye yali ngeri gye Yategekerawo era gye Yateekawo ey’okukikolamu. Okufaananako Baibuli, Kigambo kya Katonda, so si kigambo kya muntu.

Tuteekwa okuba ne Abusoluuti, ekintu ekimu ekisukkulumu; Ekigambo ekisembayo. Abantu abamu bagamba nti Bayibuli ye Abusoluuti waabwe, so si ebyo ebyayogerwa ku ntambi; gy’oli zo zoogera ebyawukana ku Yo. Kyewunyisa nnyo engeri Katonda gy’Akwese Okubikkulirwa okw’amazima okw’Ekigambo kyE eri bangi nnyo, naye n’Akubikkula era n’Akulambulula butangaavu nnyo butyo eri Omugole we. Abalala mu ngeri ennyangungu tebayinza kukyebeera, bazibiddwa amaaso era tebalina Okubikkulirwa okujjuvu okw’Ekigambo kya Katonda ekibikkuliddwa.

Katonda Yayogera mu kigambo kyE (Baibuli) ng’Ayita mu nnabbi we n’Atugamba nti, “Katonda, oyo edda mu bitundu ebingi ne mu ngeri ennyingi Eyayogeranga eri bajjajjaffe mu bannabbi, ”. Bwe kityo, bannabbi ba Katonda be baawandiika Bayibuli. Teyali bo, wabula Katonda ng’Ayogera ng’Ayita mu bo.

Yagamba mu lunaku lwaffe nti Ajja kututumira Omwoyo we ow’amazima atuluŋŋamye mu mazima gonna. Oyo talyogera ng’asinziira ku bibye nga ye; wabula buli ky’anaawulira, ky’alyogera: era alitulaga ebigenda okujja.

Obubaka obuli ku ntambi ge mazima ga Katonda agabikkuliddwa. Tebwetaaga kuvvuunula kwonna. Ye Katonda nga Yevvuunulira Ye Mwene Ekigambo kyE ng’eno bw’Akyogera ku ntambi.

Tewali kugoberegana mu bigambo mu ebyo abasajja abalala bye boogera, okujjako ebyo byokka Katonda by’Ayogera. Ebyogerwa ku ntambi lye Ddoboozi lyokka ERITALIKUKYA. Abantu bakyuka, ebirowoozo bikyuka, enzivuunula zikyuka; Ekigambo kya Katonda tekikyuka. Ekyo ye Abusoluuti w’Omugole.

Nabbi atuwa ekyokulabirako ekya liifali (omusazi w’empaka) okuba abusoluuti mu muzannyo gw’omupiira. Ekigambo kye kiba kya nkomeredde. Tosobola kukiteekako kabuuza. Bw’ayogera, ky’aba ayogedde, ky’ekyo, ekyo nga kiwedde. Kaakati liifali ono aba n’ekitabo ky’amateeka ky’alina okugoberera. Kimubuulira kifo ki omupiira weguba oba wegusimulwa, ddi lw’oba nga toli mu bulabe na ddi lw’oba osazzizza layini y’awatali bulabe; amateeka g’omuzannyo gw’omupiira kyegagamba.

Asoma n’ayiga bwankaliriza ekitabo ekyo kisoboke okuba nti bw’ayogera, n’akola ensala ye, eryo lye liba etteeka, ekyo kye kigambo eky’enkomeredde. Oteekwa okwekuumira kw’ebyo by’ayogedde, awatali kibuuzo, awatali kukuba mpawa, kyonna ky’ayogera, eyo y’engeri gye kirina okuba era tekiyinza kukyusibwa. Ekitiibwa.

Ow’oluganda Branham teyagambako nti tolina kubuulira, oba okuyigiriza; okwawukana ku ekyo, yagamba nti okubuulira, n’okuwuliriza abasumba bammwe, naye Eddoboozi lya Katonda ku ntambi lirina okuba nga ye Abusoluuti yammwe.

Wateekwa okubaawo enkondo ey’okwesibirako; mu ngeri endala, ekintu eky’enkomeredde. Buli muntu alina okuba n’eky’enkomeredde ekyo. Kye kigambo ekisembayo. Katonda Ataddewo ekifo kimu kyokka aw’okufunira ekyo, Eddoboozi lya Katonda ku ntambi. Kwe kuvvuunula okw’obwakatonda okw’Ekigambo kya Katonda. Kye KIGAMBO EKISEMBAYO, AMIINA, OYO BW’ATYO BW’AYOGERA MUKAMA.

Yesu Mwene Yagamba nti tubayita “bakatonda,” abo abaayogeranga Ekigambo kyE; era baali bakatonda. Yagamba nti bannabbi bwe baafukibwangako omwoyo gwa Katonda, baaleetanga Ekigambo kya Katonda kyennyini-nnyini. Kyali Kigambo kya Katonda nga kyogerera mu bo.

Kyova olaba nnabbi waffe yali muvumu nnyo. Yakwatibwako Omwoyo Omutukuvu okwogera Ekigambo kya Katonda eky’obwa nnantakola-nsobi. Katonda yali Amulonze olw’omulembe gwaffe. Yalonda Obubaka bwe yali agenda okwogera, wadde obutonde bwa nnabbi waffe n’ebyo ebyali bigenda okuyitawo mu mulembe gwaffe.

Ebigambo bye yayogera, engeri gye yeeyisaamu, biziba abalala amaaso, naye bituzibula amaaso. N’okuba yatuuka n’okumwambaza mu kika ky’olugoye lwe yayambalanga. Obutonde bwe, ebiruubirirwa bye, buli kimu mu ngeri ddala nga bwe yalina okuba. Yalondebwa butuukirivu ddala ku lwaffe, Omugole wa Katonda.

Eyo y’ensonga lwaki, bwe TUJJA AWAMU, eryo lye Eddoboozi lye twagala OKUSOOKA okuwulira. Tukkiriza nti tuba tuwulira Ekigambo Ekirongoofu ekyayogerwa okuva mu mubaka wa Katonda omweroboze era omulonde.

Tukimanyi abalala ekyo tebasobola kukiraba wadde okukitegeera, naye yagamba nti yali ayogera na kibiina kye kyokka. Teyalina buvunaanyizibwa ku abo Katonda be Yawa abalala okusumba; yali avunaanyizibwa ku kika kya Mmere ki gy’atuliisa kyokka.

Y’ensonga lwaki tugamba nti tuli Branham Tabanako, kubanga yagamba nti Obubaka bwali eri abantu be bokka mu Tabanako, ekisibo ekitono ekyayagala okufuna n’okuwuliriza entambi. Yali ayogera eri abo Katonda be yali amuwadde okukulembera.

Yagamba nti, “abantu bwe baba baagala okutabika emmere n’ebintu ebweru eyo, mufune okubikkulirwa okuva eri Katonda mukole Katonda by’Abagamba okukola. Nange nja kukola ekintu kye kimu. Naye Obubaka buno, ku ntambi, bugendereddwa kkanisa eno yokka.”

Nga ddala akifudde kyangu nnyo eri Omugole we okulaba n’okuwulira Eddoboozi lya Katonda n’okugoberera ebiragiro bye.

Bwoba oyagala okutwegattako okuwulira Eddoboozi eryo, tujja kuba tuwuliriza byonna mu kiseera kye kimu Ssande eno ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), ku: 65-0822M – “Kristo Abikkulibwa Mu Kigambo Kye Ye Mwene”.

Bw’oba tosobola kutwegattako, nkukubiriza okuwuliriza Obubaka buno buli lw’osobola.

Owol. Joseph Branham

Ebyawandiikibwa by’olina okusoma nga tonnawulira Bubaka:

Okuva 4:10-12
Isaaya 53:1-5
Yeremiya 1:4-9
Malaki 4:5
Omut. Lukka 17:30
Omut. Yokaana 1:1 / 1:14 / 7:1-3 / 14:12 / 15 :24 / 16:13
Abaggalatiya 1:8
2 Timoseewo 3:16-17
Abebbulaniya 1:1-3 / 4:12 / 13:8
2 Peetero 1:20-21
Okubikkulirwa 1:1-3 / 10:1-7 / 22:18-19

Obubaka: 65-0815 So Tokimanyi

• 24-0901 So Tokimanyi
• 23-0212 So Tokimanyi
• 21-1017 ra Nga Takimanyi

BranhamTabernacle.org

Ab’oluganda & Bannyinaffe Abaagalwa,

Musigale kumpi ne Kristo. Ka mbalabule kati, ng’omuweereza w’Enjiri, ku kino. Temutwala obusirusiru bwonna. Temukuba kafaananyi ku kintu kyonna. Musigale busigazi awo wennyini okutuusa nga kino ekiri mu munda w’ekiri munda kisudde ennanga mu Kigambo, n’oba nga oli ddala mu Kristo, ‘kubanga ekyo kye kintu kyokka ekigenda…Kubanga, tuli mu mulembe ogusinga obulimba gwe twali tuwangaaliddemu.“ Gwandirimbye Abalonde bennyini oba nga kiyinzika,” olw’okuba baliko amafuta, basobola okukola ekintu kyonna ng’abalala bonna.

Kitaffe, Watulabula nti tuli mu mulembe ogusinga obulimba ogwali gubaddewo mu biseera byonna. Emyoyo ebiri mu nsi gyali gya kusemberegana nnyo, gyandirimba abalonde bennyini,oba nga kiyinzika. Naye Mukama Atenderezebwe, tekiriyizika kutulimba ffe, Omugole wo; tujja kusigala n’Ekigambo Kyo.

Ffe tuli Bitonde Byo Ebiggya, era tetuyinza kulimbibwa. Tujja kusigala n’Eddoboozi Lyo. Tujja kuyitaba buli Kigambo era tuKyelippeko, awatali kufaayo ku muntu yenna ky’ayogera. Tewali kkubo ddala okuggyako Ekkubo Lyo lye Wateekawo; Bw’Atyo Bw’Ayogera Mukama ku ntambi.

Nabbi Wo bwe yali wano ku nsi, yamanya obukulu ennyo obuli mu Omugole okuwulira buli Kigambo ekyayogerwa, n’olwekyo yagatta Omugole wo ng’akozesa omukutu ogweyungibwako ogw’essimu. Yatukuŋŋaanyiza ku Ddoboozi lyo ery’Ekigambo Ekyogere eryakakasibwa obutalekaawo kabuuza.

Yakimanya nti tewali kufukibwako mafuta kusinga Eddoboozi Lyo.

Okufuluma ebweru ku mayengo g’essimu eno, leka Omwoyo Omutukuvu ow’ekitalo agende okuyingira mu buli kibiina. Leka Omusana Omutukuvu gwe gumu gwe tutunuulira wano wennyini mu kkanisa, leka gugwe ku buli omu ne bonna, 

Buli Mugole Wo kye Yeetaaga olw’Okujja Kwo kyayogerwa, ne kiterekebwa era ne kibikkulwa malayika Wo eri Omugole wo; ekyo kye Kigambo Kyo. Watugamba nti bwe tuba tulina ekibuuzo kyonna, tugende ku ntambi. Watugamba nti William Marrion Branham ye yali Eddoboozi lyo gye tuli. Wayinza watya okubaawo ekibuuzo mu birowoozo by’Omugole Wo ku mugaso ogw’okuteeka Eddoboozi Lyo mu kifo kyaLyo ng’Eddoboozi erisinga obukulu ly’Asobola okuwulira? Tekiriiwo Mukama, eri Omugole Wo.

Nabbi wo yatubuulira ekirooto mwe yagamba nti, “Nja kuvugira mu mukululo guno omulundi gumu omulala.” Tetumanyi ekyo kye kitegeeza, naye mu butuufu Mukama, Eddoboozi lyo Liri mu kuvugira mu mukululo ogwalekebwawo omukutu ogw’oku ssimu guli omulundi omulala leero, nga Lyogera, era nga Liyita Omugole Wo okuva mu nsi yonna.

Muyitibwa okujja okutwegattako, Branham Tababako, Ssande ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), nga bwe tuwulira okuyita mu mayengo g’oku ssimu Eddoboozi lya Katonda nga Litureetera Obubaka: 65-0815 – “So Tokimanyi .

Owol. Joseph Branham

Ebyawandiikibwa by’olina okusoma:

Okubikkulirwa 3:14-19

Abakkolosaayi 1:9-20

Obubaka: 65-0801E Ebyokubaawo Ngabitangazibwa Obunnabbi

• 24-0825 Ebyokubaawo Ngabitangazibwa Obunnabbi
• 23-0205 Ebyokubaawo Ngabitangazibwa Obunnabbi
• 21-1010 Ebyokubaawo Ngabitangazibwa Obunnabbi
• 20-0223 Ebyokubaawo Ngabitangazibwa Obunnabbi
• 18-1104 Ebyokubaawo Ngabitangazibwa Obunnabbi
• 17-0129 Ebyokubaawo Ngabitangazibwa Obunnabbi

BranhamTabernacle.org

Empungu Abaagalwa,

Awali Ennyama ensu, awo empungu weziri mu kukuŋŋaanira. Budde bwa kawungeezi, era obunnabbi buli mu kutuukirira mu maaso gaffe. Emitima gyaffe giri mu kututyemuka munda yaffe anti tumuyise okujja mu masinzizo gaffe, mu maka gaffe, n’obusiisira bwaffe eby’ebitosi ebweru mu nsiko. Agenda kwogera naffe era abikkule Ekigambo kyE. Tulumwa enjala n’ennyonta y’okufuna ebisingawo ebya Katonda.

Yeerobozza engeri Ekigambo kyE gye kinajjanga gye tuli; eyo kwe kuyitira mu nnabbi we, oyo gwe Yateekateekerawo era n’Amwawulirawo. Yalonda William Marrion Branham okubeera omusajja w’omu ssaawa eno okukwata abantu be be Yeeroboza ab’essaawa eno, FFE, Omugole We.

Tewali musajja mulala asobola kutwala kifo kye. Twagala nnyo engeri gy’ayogeramu; hain’t, tote, carry, fetch, ye Katonda nga Ayogera eri amatu gaffe. Katonda, ng’Ayogera ng’Ayita mu mimwa gy’omuntu ow’oku nsi, ng’Akola ekyo kyennyini kye Yagamba nti Ajja kukola. Ekyo kimala eggobe mu kibya!

Katonda Yatambuza emikono gye n’amaaso ge mu kwolesebwa. Yali tasobola kwogera kintu kirala okuggyako bye yali atunuulidde. Katonda Yalina obuyinza obujjuvu ku lulimi lwe, olugalo lwe, ne buli kitundu ky’omubiri gwe kyali kitambuzibwa  kiragiddwa Katonda mu bujjuv. Ye yali akamwa ka Katonda kennyini.

Katonda Yakimanyirawo nti mu mulembe guno ekkanisa egenda kutabulwa. N’olwekyo, Yategekerawo nnabbi We olw’omulembe gwaffe, okukoowoolayo n’okukulembera Omugole We omulonde ng’Akozesa Ekigambo kye ekyakakasibwa obutalekaawo kabuuza.

Mu nteekateeka ye ennene, era Yali Akimanyi nti Yali Agenda kutwala nnabbi we eka nga Okujja Kwe tekunnabaawo, kale n’Asiima Eddoboozi lye Likwatibwe ku lutambi era Literekebwe, bw’atyo Omugole We omulonde bulijjo Abeerenga ne Bw’ati Bw’Ayogera Mukama ku ntoli z’engalo zaabwe. Olwo tebajja kuba na kibuuzo kyonna. Tewajja kwetaagisa kuvvuunula kwonna, okujjako Ekigambo embeerera ekirongoofu kye banaasobolanga okuwulira buli kiseera.

Yali akimanyi nti mu nnaku ez’oluvannyuma wajja kubaawo amaloboozi mangi n’okutabulwa kungi.

Wiiki essatu ezisembyeyo ayogedde naffe n’alaga ekifo ky’essaawa gye tulimu. Yatubuulira ku bannabbi ab’obulimba abaali bagenda okujja balimbe abalonde, oba nga kiyinzika.

Engeri katonda w’omulembe guno gy’azibyemu amaaso g’abantu. Engeri Katonda yennyini gy’Ayogedde okuyita mu bunnabbi Bwe nti ebintu bino byali bya kubeerawo mu mulembe guno ogwa Laodikiya. Yatugambye nti tewali kisigadde kitannakolebwa.

Yeeyanjudde mu maaso gaffe nga Akozesa ebintu ebyaMulagulwako nti by’Alikola mu lunaku luno. Ebikolwa bye byennyini bitukakasizza nti Aba bumu jjo, leero, n’emirembe gyonna. Lye Ddoboozi lya Katonda, nga Lyogera eri, era nga Libeera mu, Omugole we.

Okkiriza nti Obubaka buno bwe Abaebbulaniya 13:8? Kye Ekigambo ekiramu? Ye Mwana w’Omuntu oli nga Yeeyoleka mu mubiri? Olwo obunnabbi bujja kubaawo ku Ssande eno singa okkiriza era n’ogonda.

Waliwo ekintu ekigenda okubaawo mu nsi yonna ekitasobokangako mu byafaayo by’ensi. Katonda Ajja kuba Ayogera ng’Ayita mu mimwa gy’omuntu ow’oku nsi, ng’Ayogera eri Omugole we okwetoloola ensi yonna bonna mu kiseera kye kimu. Ajja kutuleetera okussa emikono gyaffe ku bannaffe tusabiragane nga bw’Atusabira ffenna.

Ggwe ebweru eyo ku mikutu gy’essimu, bw’oba okkirizza n’omutima gwo gwonna, ng’abaweereza bwe bakussaako emikono, n’abaagalwa bo nga bakussaako emikono, bw’okkiriza n’omutima gwo gwonna nti kiwedde, kiwedde.

Kyonna kye tulinako obwetaavu, Katonda Ajja kukituwa singa tunaakkiriza bukkiriza… ERA TUKKIRIZA. FFE MUGOLE WE OMWESIGWA . Kijja kubaawo. Empagi y’Omuliro ejja kubeera yonna gye tunaaba tukuŋŋaanidde era ewe buli omu ku ffe kyonna kyetulinako obwetaavu, BW’ATYO BW’AYOGERA MUKAMA.

Leka Ekitangaala Ekitukuvu kye kimu kye tutunuulira wano wennyini mu kkanisa, leka Kigwe ku buli omu, era leka bawonyezebwe mu kiseera kino. Tunenya omulabe, sitaani, mu Kubeerawo kwa Kristo; twogera eri omulabe, nti awanguddwa oku—okubonaabona mu kifo kyaffe, okufa kwa Mukama waffe Yesu n’okuzuukira kwe okw’obuwanguzi ku lunaku olw’okusatu; n’obujulizi Bwe obukakasiddwa nti Ali wano mu masekkati gaffe ekiro kyaleero, nga mulamu, oluvannyuma lw’emyaka lukumi mu lwenda. Leka Omwoyo wa Katonda omulamu Ajjuze buli mutima okukkiriza n’amaanyi, n’amaanyi agawonya agava mu kuzuukira kwa Yesu Kristo, oyo Alagiddwa ky’Ali kati nga Ateegezebwa Ekitangaala kino eky’ekitalo ekiri mu kwetooloolera mu kkanisa, mu Kubeerawo Kwe. Mu Linnya lya Yesu Kristo, kituwe olw’ekitiibwa kya Katonda.

Oli Mugole We. Tewali kiyinza kuKikuggyako, TEWALI. Sitaani awanguddwa. Oyinza okuwulira nga olina kajiiko bujiiko ku Ye, ekyo kyokka kye weetaaga, KYA NNAMADDALA . YE YE. OLI WUWE. EKIGAMBO KYE TEKIYINZA KULEMWA.

Kikkirize, Kikkirize, Kyenywerezeeko, Tekisobola kulemererwa. Tolina maanyi naye olina obuyinza Bwe. Gamba nti, “Nkitwala Mukama, kyange, Ggwe okimpadde era sijja kukkiriza Sitaani kukinzigyako.”

Nga kinaaba kiseera kikulu kyetunaabaamu. Tewali kifo kirala kye nnandyagadde okubeeramu. Omwoyo Omutukuvu ajja kuba Atwetoolodde. Okubikkulirwa okusingawo nga kutuweebwa. Emitima egimenyese nga gitungibwa. Buli omu nga Awonyezebwa. Tuyinza tutya obutagamba nti, “Emitima gyaffe tegyabadde nga gitutyemuka munda yaffe, era teguli mu kutyemuka kaakano, okumanya  nti kati tuli mu Maaso ga Yesu Kristo eyazuukira, ekitiibwa n’ettendo bibe eri oyo emirembe gyonna.”

Owol. Joseph Branham

Twaniriza ensi okutwegattako ku:

Obudde: Ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda)

Obubaka: 65-0801E Ebigenda Mu Maaso Ng’Obunnabbi Bwabirambulula

Ebyawandiikibwa by’olina okusoma nga tonnawulira Bubaka:

Olubereberye: 22:17-18
Zabbuli: 16:10 / Essuula 22 / 35:11 / 41:9
Zekkaliya 11:12 / 13:7
Isaaya: 9:6 / 40: 3-5 / 50:6 / 53:7 -12
Malaki: 3:1 / Essuula ey’okuna
Omut. Yokaana 15:26
Omut. Lukka: 17:30 / 24:12-35
Abaruumi: 8:5-13
Abebbulaniya: 1:1 / 13:8
Okubikkulirwa: 1:1 -3 / Essuula 10

Obubaka: 65-0801M Katonda W’Omulembe Guno Omubi

• 24-0818 Katonda W’Omulembe Guno Omubi
• 23-0129 Katonda W’Omulembe Guno Omubi
• 21-1003 Katonda W’omulembe Guno Omubi
• 20-0216 Katonda W’Omulembe Guno Omubi

BranhamTabernacle.org

Abatuukiridde Abaagalwa,

Eddoboozi lye tuwulira ku ntambi lye Ddoboozi lye limu eryafulumya Ekigambo kye mu Lusuku Adeni, ku Lusozi Sinaayi, ne ku Lusozi olw’Okufuusibwa. Livuga leero n’Okubikkulirwa kwa Yesu Kristo okujjuvu era okw’enkomeredde. Liri mu kukoowoolayo Omugole We, nga Limuteekateeka olw’Okukwakkulibwa. Omugole ali mu kuLiwulira, nga aLikkiriza,  nga Abeerawo okusinziira ku Lyo, era Yeetegese nga Ayita mu ku Likkiriza.

Tewali muntu ayinza kuLituggyako. Obulamu bwaffe tebusobola kwerijjirwako. Omwoyo we Abumbujja era Agaba ekitangaala ng’Asinziira mu ffe. Atuwadde Obulamu bwE, Omwoyo gwE, era Ali mu kwolesa Obulamu bwe mu ffe. Tukwekeddwa mu Katonda era tuliisibwa Ekigambo kyE. Sitaani tayinza kutukwatako. Tetuyinza kusigulwa. Tewali kiyinza kutukyusa. Olw’okubikkulirwa, tufuuse OMUGOLE-EKIGAMBO wE.

Sitaani bw’agezaako okutukkakkanya, tumujjukiza bujjukiza engeri Katonda gy’Atulabamu. Bw’Atunula wansi okutulaba, ky’Alaba kyokka ye zaabu OMULONGOOFU. Obutuukirivu bwaffe bwe butuukirivu BWE. Ebikula byaffe bye bikula byE byennyini eby’ekitiibwa. Ebimanyisa ensi kyetuli bisangibwa mu Ye. Ky’Ali, kati kye tulabisa. By’Alina, KATI BYE TWOLESA.

Nga Ayagala nnyo okugamba Sitaani nti, “SiMulabamu nsobi yonna Omukyala oyo; ATUUKIRIDDE. Eri Nze, Ye Mugole Wange, ow’ekitiibwa munda ne kungulu. Okuva ku lubereberye okutuuka ku nkomerero, Ye Mulimu Gwange, era Emirimu gyange gyonna giba Mituukirivu. N’okuba, mu Ye amagezi gaNge agataggwawo n’ekigendererwa mwe biwunzikirira”.

“Muzudde nga asaanidde, Omugole Wange omwagalwa. Nga zaabu bw’agoomezebwa ebimukuba, Agumidde okubonaabona olw’okuba nga Nze. Teyekkiriranyizza, tavunnamye, newankubadde okumenyeka omwoyo, wabula agoomezeddwa okufuuka ekintu ekisikiriza. Okugezesebwa kwe n’ebimugezesa mu bulamu buno biMufudde Omugole wange Omuganzi”.

Ekyo tekiwulikika nga Mukama yekka? Amanyi bulungi engeri y’okutuzzaamu amaanyi. Atugamba nti, “Temugeza ne muggwaamu amaanyi, wabula muddeemu amaanyi”. Alaba okufuba kwaffe okw’okwagala gy’Ali. Alaba bye tulina okuyitamu. Alaba entalo ze tulina okugumira buli lunaku. Nga bw’Atwagala ng’Atuyisa mu buli emu ku zo.

Mu Maaso Ge tutuukiridde. Abadde Atulinze okuva ku ntandikwa y’ebiseera. Tajja kuleka kintu kyonna kututuukako okuggyako nga kibaawo olw’obulungi bwaffe. Akimanyi nti tujja kuvvuunuka buli kizibu Sitaani ky’atuteeka mu maaso. Ayagala nnyo okumukakasa nti tuli Mugole wE. Tetuyinza kusigulwa. Ffe b’Abadde Alinze okuva ku lubereberye. Tewali kiyinza kutwawula ku Ye n’Ekigambo kyE.

Yatuweereza omubaka wE malayika ow’amaanyi asobole okwogera naffe kamwa ku kutu. Yasiima Kikwatibwe ku lutambi waleme okubaawo ebibuuzo byonna ku bye Yayogera. Yasiima Kiterekebwe Omugole We asobole okuba n’eky’okulya okutuusa lw’Alijja okumucima.

Si nsonga  oba abalala batutegeera bubi era ne batuyigganya olw’okugamba nti tuli “Bantu ba Ntambi”, tusanyuka, kubanga kino ky’Atubikkulidde okukola. Abalala balina okukola nga bwe bawulira nga bakulembeddwa okukola, naye ku lwaffe, tuteekwa okwegatta wamu wansi w’Eddoboozi limu, Eddoboozi lya Katonda eryakakasibwa obutalekaawo kabuuza ku ntambi.

Tetusobola kugenda mu buziba bwa kintu kirala kyonna. Tetusobola kutegeera kintu kirala kyonna. Tetusobola kukola kintu kirala kyonna. Tetusobola KUKKIRIZA kintu kirala kyonna. Tetuwakanya abakkiriza abalala kye bawulira nga bakulembeddwa Mukama okukola, naye kino Katonda ky’ATUKULEMBEDDE FFE OKUKOLA, era wano we tuteekwa OKUSIGALA.

Tuli bamativu. Tuli mu kuliisibwa Eddoboozi lya Katonda. Tusobola okugamba nti “amiina” ku BULI KIGAMBO kye tuwulira. Lino ly’Ekkubo Katonda lye Yatuteerawo. Tetusobola kukola kintu kirala kyonna.

Njagala nnyo okukamala okuyita buli muntu okujja okutwegattako. Enkuŋŋaana tuli mu kuzikola bukozi ddala nga Ow’oluganda Branham bwe yazikolamu nga ali wano ku nsi. Newankubadde tali wano mu mubiri, ekikulu ky’ekyo Katonda kye Yagamba Omugole we ku ntambi.

Yayita ensi yonna okubeera ekitundu ku MUKUTU OGWEYUNGIBWAKO ogw’oku ssimu, naye ekyo baakikola bwe baaba nga BAAGADDE. Yabaleetera nga okukuŋŋaana buli we baali basobola okuwulira Eddoboozi lya Katonda nga Lyogera nabo bonna mu kiseera kye kimu. Ekyo nnabbi wa Katonda kye yakola mu kiseera ekyo, kale nange nfuba okukola ekyo kyennyini kye yakola ng’ekyokulabirako kyange.

Bwemutyo, muyitibwa okujja okutwegattako ku mukutu ogweyungibwako Sande ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), nga tuwuliriza omubaka wa Katonda nga atuleetera Obubaka : Katonda W’omulembe Guno Omubi 65-0801M. 

Owol. Joseph Branham

Ebyawandiikibwa by’olina okusoma nga tonnawulira Bubaka:

Omut. Matayo 24 essuula / 27:15-23
Omut. Lukka 17:30
Omut. Yokaana 1:1 / 14:12
Ebikolwa 10:47-48
1 Abakkolinso 4:1-5 / Essuula ey’ekkumi n’ennya
2 Abakkolinso 4:1-6
Abaggalatiya 1:1-4
Abeefeso 2:1-2 / 4:30
2 Abasessaloniika 2:2-4 / 2:11
Abebbulaniya essuula ey’omusanvu
1 Yokaana Essuula 1 / 3:10 / 4:4-5
Okubikkulirwa 3:14 / 13 :4 / Essuula 6-8 ne 11-12 / 18:1-5
Engero 3:5
Isaaya 14:12-14

Obubaka: 65-0725E Kiki Ekisikiriza Ku Lusozi?

• 24-0811 Kiki Ekisikiriza Ku Lusozi?
• 23-0122 Kiki Ekisikiriza Ku Lusozi?
• 21-0926 Kiki Ekisikiriza Ku Lusozi?
• 20-0419 Kiki Ekisikiriza Ku Lusozi?
• 18-1028 Kiki Ekisikiriza Ku Lusozi?
• 17-0122 Kiki Ekisikiriza Ku Lusozi?

BranhamTabernacle.org

Obubaka: 65-0725M Abafukeko Amafuta Mu Kiseera Eky’Enkomerero

PDF

• 24-0804 Abafukeko Amafuta Mu Kiseera Eky’Enkomerero
• 23-0115 Abafukeko Amafuta Mu Kiseera Eky’Enkomerero
• 21-0919 Abafukeko Amafuta Mu Kiseera Eky’Enkomerero
• 20-0405 Abafukeko Amafuta Mu Kiseera Eky’Enkomerero
• 18-1021 Abafukeko Amafuta Mu Kiseera Eky’Enkomerero
• 17-0115 Abafukeko Amafuta Mu Kiseera Eky’Enkomerero

BranhamTabernacle.org

Abali b’Emmaanu Eyakwekebwa Abaagalwa,

Katonda yatuma omubaka malayika we omusanvu okukulembera Omugole We ; so si musajja mulala, si kibinja kya bantu, wabula OMUSAJJA OMU, kubanga Obubaka n’omubaka we bye bimu. Ekigambo kya Katonda tekyetaaga kuvvuunula. YaKyogera eri Omugole we ng’Ayita mu mimwa gy’omuntu ow’oku nsi era tuKikkiriza ddala nga bwe YaKyogera.

Tulina okwegendereza ennyo leero eddoboozi ki eritukulembera, na ki kye litugamba. Enkomekkerero yaffe mu butaggwawo yennyini esinziira ku kusalawo okwo kwennyini; kale tulina okusalawo eddoboozi ki erisinga obukulu lye tulina okuwulira. Eddoboozi ki eryakakasibwa Katonda obutalekaawo kabuuza? Eddoboozi ki eririna Bw’Atyo Bw’Ayogera Mukama? Teriyinza kuba ddoboozi lyange, bigambo byange, enjigiriza yange, naye Liteekwa okuba nga lye Kigambo, kale tulina okugenda mu Kigambo okulaba kye Kitugamba.

Kitugamba nti Ajja kuyimusaawo obuweereza obw’emirundi etaano butukulembere ku nkomerero? Tusobola okulaba butangaavu ddala mu Kigambo nti balina ekifo kyabwe; ebifo ebikulu ennyo, naye Ekigambo kirina we Kigamba WONNA nti be baliba ab’okuba n’amaloboozi agasinga obukulu ge TUTEEKEDDWA okuwulira okubeera Omugole?

Nabbi yatugamba nti wajja kubaawo abasajja bangi nnyo abagenda okuyimukawo mu nnaku ez’enkomerero abagenda okugezaako okuweereza Katonda nga Katonda si bw’Ayagala. Ajja kuwa omukisa obuweereza bwabwe, naye si y’engeri ye etuukiridde ey’okukulembera Omugole we. Yagamba nti Okwagala kwe okutuukiridde kwe, era bulijjo kubadde nga, okuwulira n’okukkiriza Eddoboozi lya nnabbi We eyakakasibwa obutalekawo kabuuza. Kubanga Lyo, era Lyokka, ly’eririna Bw’Atyo Bw’Ayogera Mukama. Eno y’ensonga lwaki Yatuma malayika We; lwaki Yamulonda; lwaki Yasiima Likwatibwa ku lutambi. Y’Emmere Ey’Omwoyo Mu Ntuuko Zaayo, Emmaanu Eyakwekebwa, eri Omugole We.

Okumala emirembe musanvu ku ginnaagyo, sirina kirala kye ndabye okuleka abantu okussa ekitiibwa mu kigambo kyabwe okukigulumiza waggulu w’ekyaNge. Kale ku nkomerero y’omulembe guno mbasesema mmwe okuva mu kamwa kange. Byonna biwedde. Ŋenda kwogera bulungi. Weewaawo, ndi wano wakati mu Kkanisa. Oyo Amiina wa Katonda, omwesigwa era ow’amazima ajja kwebikkula era ajja KUBA NABBI WANGE .” Oh weewaawo, ekyo bwe kiri.    

Emirembe musanvu ku ginnaagyo, abantu bassa ekitiibwa mu ekigambo kyabwe okukigulumiza waggulu w’ekyaNge. Olina okwebuuza, kino tekigenda mu maaso mu masekkati gaffe mu kiseera kino? “Temuzannya ntambi mu kkanisa, wabula muteekwa okuwulira omusumba wammwe, entambi muzizannyire mu maka gammwe”. Tebateeka Eddoboozi Lye ku lutambi ng’Eddoboozi erisinga obukulu, wabula eddoboozi lyabwe.

Basonga abantu eri bo bennyini, n’obukulu bw’obuweereza BWABWE, okuyitibwa KWABWE okuleeta Ekigambo, okukulembera Omugole; naye Omugole tayinza kukyeyimirira. Tebajja kukikkiriza. Tebajja kukikola. Tebajja kwekkiriranya ku Kyo; Ddoboozi lya Katonda gwe mulamwa so mpaawo kirala kyonna. Ekyo Ekigambo kye kyogera.

Ekibuuzo ekiri mu birowoozo by’abantu leero kiri nti: Ani Katonda gwe Yalonda okukulembera Omugole we, entambi oba obuweereza obw’emirundi etaano? Obuweereza bunaatuukiriza Omugole? Obuweereza bunaaluŋŋamya Omugole? Okusinziira ku Kigambo kya Katonda, eyo tebangako ngeri ye.

Waliwo abasajja bangi nnyo ennaku zino abagamba nti bagoberedde era bakkirizza Obubaka buno okumala emyaka n’emyaka, naye nga kati bateeka obuweereza BWABWE ng’eddoboozi erisinga obukulu ly’olina okuwulira.

Olwo buweereza ki bw’onoogoberera? Buweereza ki bw’oneesigamizaako ekifo gy’ogenda okukomekkereza mu butaggwawo? Bonna bagamba nti bayitiddwa Katonda okubuulira Obubaka. Ekyo sikigaana wadde okukibuusabuusa, naye abamu ku baweereza abasinga obwatiikirivu mu nnyiriri z’obuweereza obw’emirundi etaano bagamba nti, “Eryo si Ddoboozi lya Katonda, ddoboozi lya William Branham lyokka”. Abalala bagamba nti, “ennaku z’Obubaka bw’omuntu omu zaggwako”, oba “Obubaka buno si ye Abusoluuti”. Oyo y’akukulembedde?

Abasajja ababuulidde mu bikumi n’ebikumi by’enkuŋŋaana zaabwe; abakulembeze abakulu ab’obuweereza obw’emirundi etaano, KATI beegaana Obubaka ne BAGAMBA nti, “Obubaka buno bwa bulimba”.

Obuweereza obusinga obungi leero bugamba nti, “temusaanidde kuwuliriza malayika wa Ddobozi lya Katonda mu kkanisa, wabula mu maka gammwe mwokka.” “Ow’oluganda Branham tagambangako kuzannya ntambi mu kkanisa.”

Ekyo kisukka awakkirizika. Siyinza kukkiriza nti  muganda waffe oba mwannyinaffe agamba nti akkiriza Obubaka buno, nti Ow’oluganda Branham ye mubaka malayika wa Katonda ow’omusanvu, Omwana w’Omuntu oli ng’Ayogera, ayinza okuwugulazibwa enjatula ey’obulimba ng’eyo. Eba erina okukulwaza mu lubuto. Bw’oba oli Mugole, EBA EJJA KUKUKOLA ETYO.

Katonda tAkyusa ndowooza Ye ku Kigambo Kye. Bulijjo Alonzenga omusajja omu okukulembera abantu Be. Abalala balina ekifo kyabwe, naye balina okukulembera abantu eri oyo YE gwe Yalonda okukulembera abantu. Muzuukuke, abantu. Muwulirize abaweereza bano byebabagamba. Okunokola kwe bakozesa okuteeka obuweereza bwabwe mu maaso g’obuweereza bwa nnabbi. Obuweereza bw’omuntu yenna buyinza butya okuba obukulu eenyo okuwulira okusinga Eddoboozi lya Katonda eryakakasibwa obutaleekaawo kabuuza Lye Yakakasa era Lye Yakakasa obutalekaawo kabuuza nti Liri Bw’Atyo Bw’Ayogera Mukama?

Atubuulidde n’Atubuulira, nti kisoboka okubaawo n’abasajja abaafukibwako amafuta mu mazima, nga balina Omwoyo Omutukuvu ow’amazima ku bo, nga ba bulimba. Waliwo ENGERI EMU yokka ey’okubaamu omukakafu, SIGALA N’EKIGAMBO NNAKABALA, kubanga Obubaka buno n’omubaka bye bimu. Waliwo Eddoboozi limu lyokka Katonda lye Yalonda Okubeera Bw’Atyo Bw’Ayogera Mukama…LIMU.

Obuweereza obw’amazima bujja kukugamba nti MPAAWO KIRALA kikulu nnyo okusinga okuwulira Ekigambo kya Katonda ekiva mu Ddoboozi lya Katonda ku lutambi. Basobola okubuulira, okuyigiriza, oba kyonna kye bayitiddwa okukola, NAYE BALINA OKUKULEMBEZA EDDOBOOZI LYA KATONDA; NAYE TEBALI MU KIKOLA, WABULA BALI MU KUKULEMBEZA BUWEEREZA BWABWE. Ebikolwa byabwe byennyini bikakasa ekyo kye bakkiririzaamu.

Beewala okuddamu ekibuuzo ekikwata ku kuteeka Eddoboozi lya Katonda mu bituuti byabwe nga bakozesa enjogera nti, Ow’oluganda Yusuufu takkiririza mu baweereza. Takkiririza mu kugenda mu kkanisa. Abo basinza muntu. Bagoberera njigiriza eyo eya Yusuufu. Ali mu kukola kibiina kya ddiini ng’ayita mu kuzannya n’okuwuliriza entambi ze zimu. Kusasamaza busasamaza bantu okubajja kibuuzo ekikulu. Ekikolwa kyabwe kikakasa bye bakkiriza nga bayita mu ebyo bye bayigiriza abantu baabwe, OBUWEEREZA BWABWE NGA BUKULEMBEZEDDWA.

Bagamba nti, okuleetera abantu okuwulira olutambi lumu mu kiseera kye kimu, kibiina kya ddiini. Ekyo si ky’ekyo kyennyini Ow’oluganda Branham kye yakola ng’ali wano; nga ayunga abantu ku mukutu okuwulira Obubaka bonna mu kiseera kye kimu?

Weebuuze, singa Ow’oluganda Branham abadde wano leero mu mubiri, teyandileetedde Mugole yenna kuyungibwa ku mukutu bonna okumuwulira mu kiseera kye kimu? Teyandigezezzaako okukuŋŋaanya Omugole awamu okwetooloola OBUWEEREZA BWE nga bwe yakola nga Katonda tannamutwala ka?

Ka nyingizeemu ekintu wano. Abavumirira bajja kugamba nti, laba, wuuyo awo, bayitiriza omuntu; bali mu kugoberera omuntu, William Marrion Branham!! Ka tulabe Ekigambo kye kyogera ku ekyo nakyo:

Mu nnaku z’omubaka ow’omusanvu, mu nnaku z’Omulembe gwa Laodikiya, omubaka waagwo ajja kubikkula ebyama bya Katonda nga bwe byabikkulirwa Pawulo. Ajja kwogera bifulume, era abo abasembeza nnabbi oyo mu linnya lye bajja kufuna omugano omulungi oguva mu buweereza bwa nnabbi oyo.

Kino kigenda kunyiiza sitaani nga ekirala kyonna bwekitamunyiizanga, era ajja kwongera okungobaganya n’okusinga bw’abadde, naye abantu, kirungi kino mukikebere n’Ekigambo. Si lwakuba nti nakyogera, nedda, olwo nandibadde ng’omusajja omulala yenna, wabula muggule emitima gyammwe n’ebirowoozo byammwe mukebere n’Ekigambo. Si ebyo omuntu omulala yenna by’akugamba oba by’akuvvuunulira, wabula ebyo nnabbi wa Katonda bye yayogera.

Oluvannyuma lw’ebbaluwa eno bajja kukuwa kunokola ku kunokola ku kunokola, era ŋŋamba AMIINA eri buli kunokola, NAYE ATE EBY’EKINTU EKISINGA OBUKULU BYO BIRI BITYA? Okunokola bali mu kukukozesa okukugamba nti okuwulira nabbi kyemulina okukola, oba BUWEEREZA BWABWE? Bwebaba bagamba Bubaka, nnabbi, olwo obagambe nti BAKULEMBEZE Eddoboozi eryo mu kkanisa yo.

Ku musingi ogw’enneeyisa ey’obuntu yokka, omuntu yenna akimanyi nti awali abantu abangi era wabaawo endowooza ezaawukana ku nsonga entonotono ez’enjigiriza enkulu bonna gye bakwata awamu.

Kiikyo awo. Okunokola okumu kuno kukugamba nti tekisobola kuba, era TEKIRISOBOKA KUBA , ekibinja ky’abasajja. Si buweereza bwe bugenda okugatta abantu kubanga nga tuzze ku nneeyisa obweyisa ey’abantu, bulijjo baba baawukana ku nsonga entonotono ez’enjigiriza ennene, tekiyinzika bonna okukkiriziganya, na bwegutyo olina okudda ku KIGAMBO NNAKABALA.

Olwo ani agenda okuba n’amaanyi ag’obwa nnantakola-nsobi ag’okuzzibwawo mu mulembe guno ogusembayo, kubanga omulembe guno ogusembayo gugenda kuddayo mu kwolesa Omugole w’Ekigambo Omulongoofu ?

ANI anaatukulembera? EDDOBOOZI LIMU eririna amaanyi ag’obwa nnantakola-nsobi lijja kuba lirina okukulembera Omugole.

Ekyo kitegeeza nti tujja kuddamu okufuna Ekigambo nga bwe kyaweebwanga butuukirivu ddala, . era nga bwe kyategeerebwanga butuukirivu ddala mu nnaku za Pawulo.

Ekitiibwa…Kiweebwa butuukivu ddala era… kitegeerebwa butuukivu ddala. Tekyetaaga kuvvuunula, anti kyamala dda okuweebwa butuukirivu ddala, era ffe, Omugole, tutegeera butuukivu ddala era ne tukkiriza buli Kigambo.

Tukiraba. Tukikkiriza. Tuwummulidde ku KYO.

Muyitibwa okujja okutwegattako nga bwe tuwulira akamwa ka Katonda, Eddoboozi erigenda okugatta Omugole wa Yesu Kristo, nnabbi we eyakakasibwa, nga bw’Atuwa amazima amapime obuteerevu ddala, ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda).

Owol. Yusuufu Branham

65-0725M — Abafukeko Amafuta Mu Kiseera Eky’Enkomerero

Obubaka: 65-0718E Emmere Ey’Omwoyo Mu Ntuuko Zaayo

PDF

• 24-0728 Emmere Ey’Omwoyo Mu Ntuuko Zaayo
• 23-0108 Emmere Ey’Omwoyo Mu Ntuuko Zaayo
• 21-0912 Emmere Ey’Omwoyo Mu Ntuuko Zaayo
• 20-0329 Emmere Ey’Omwoyo Mu Ntuuko Zaayo
• 18-1014 Emmere Ey’Omwoyo Mu Ntuuko Zaayo
• 16-1221 Emmere Ey’Omwoyo Mu Ntuuko Zaayo

BranhamTabernacle.org

Obubaka: 65-0718M Okugezaako Okuweereza Katonda Nga Katonda Si Bw’Ayagala

PDF

• 24-0721 Okugezaako Okuweereza Katonda Nga Katonda Si Bw’Ayagala
• 23-0101 Okugezaako Okuweereza Katonda Nga Katonda Si Bw’Ayagala
• 21-0905 Okugezaako Okuweereza Katonda Nga Katonda Si Bw’Ayagala

BranhamTabernacle.org

Omugole wa Kristo omwagalwa, ka tujje wamu Ssande ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), okuwulira

65-0718M – Okugezaako Okuweereza Katonda Nga Katonda Si Bw’Ayagala

Bro. Joseph Branham

Obubaka: 65-0711 OKUKWATIBWA ENSONYI

• 24-0714 OKUKWATIBWA ENSONYI
• 22-1225 OKUKWATIBWA ENSONYI
• 21-0829 Okukwatibwa Ensonyi

BranhamTabernacle.org

Omugole Atakwatiddwa Nsonyi Omwagalwa,

Tewabangawo kiseera oba abantu nga leero. Tuli mu Ye, abasika ba byonna bye Yatugulira. Ali mu kugabana naffe obutukuvu Bwe, okutuusa nga mu Ye, tufuuse obutuukirivu bwa Katonda bwennyini.

Yatumanyirawo edda ku bw’ekiragiro ky’Obwakatonda, nti tuliba Mugole We. Yatulonda, tetumulondangako. Si ffe abeereeta, kwali kweroboza Kwe. Kati Atadde mu mutima gwaffe ne mu mmeeme yaffe Okubikkulirwa okujjuvu okw’Ekigambo kye.

Olunaku ku lunaku, Atubikkulira Ekigambo kye, ng’Afuka Omwoyo gwe ku ffe, ng’Ayolesa obulamu bwe bwennyini mu ffe. Omugole We tasuulangako nnanga nywevu nnyo okusukka wano mu mitima gyabwe nga bamanyi nti bali mu kwagala Kwe okutuukiridde, ne mu nteekateeka Ye, ng’asigala n’Ekigambo Kye, ng’awulira Eddoboozi Lye.

Okwagala kwa Katonda n’Obubaka buno bujjuza emitima okutuusa we kituuka nga givulula buvuluzi. Tewali kirala kye twagala kuwulira, kwogerako, kussa kimu ku kyo, oba okumala gagabana okunokola kwe twaakawulira ne tutendereza Mukama.

Tulinga Musa emabega w’eddungu. Tutambudde ne tutuuka we twolekeganiza obwenyi ne Katonda Omuyinza w’Ebintu Byonna, era tulaba Eddoboozi nga Lyogera naffe; butereevu ddala n’Ekigambo n’ekisuubizo ky’essaawa. Kirina kye kitukozeeko. TetuKikwatibwa nsonyi. Twagala nnyo okuKilangirira eri ensi. Tukkiriza nti Mukama waffe Yesu ye Bubaka bw’ekiseera era TULI MUGOLE WE.

Atwetoolozza olugo olw’Ekigambo kye. Tewali kisiikirize kya kubuusabuusa, lino lye kkubo lya Katonda ly’Ataddewo. Katonda mpaawo lw’Akyusa ndowooza Ye ku Kigambo Kye. Yalonda malayika We ow’omusanvu okukoowoolayo Omugole we, n’oluvannyuma okumukuumira mu buteerevu n’Ekigambo kye.

Tewali kintu kyonna mu bulamu buno okuggyako Ye n’Ekigambo kye. Tetusobola kuKikoowa. Kitusingira obulamu. Enjiri n’Amaanyi ga Katonda Omuyinza w’Ebintu Byonna bisaasaanidde mu nsi yonna nga bwe kitabangawo. Ekigambo kati kiri mu mikono ne mu matu g’Omugole. Ekiseera ky’okwawukana kati kigenda mu maaso, Katonda mw’Ali mu kuyitira Omugole, nga sitaani ayita ekkanisa.

TuKwagala Ggwe n’Ekigambo Kyo, Mukama. Tetusobola kufuna kimala. Tutuula mu maaso g’Ekigambo Kyo buli lunaku, nga twengera, nga twetegekera Okujja Kwo okw’amangu. Kitaffe, kirina okuba nga kiri kumpi nnyo. Tusobola okukiwulira, Mukama waffe. Tulindirira n’okusuubira okungi.

Kitaffe, tufuule abeesimbu okusingawo era tuzze buggya ebirayiro byaffe nate. Tukimanyi nti Okukkiriza kwaffe mu Kigambo Kwo kubumbujjira mu mutima gwaffe. Oggyeemu okubuusabuusa kwonna. Tewali kintu kyonna kisigaddemu awo okuggyako Ekigambo Kyo. Tukakasa, era tetukwatibwa nsonyi kugamba nsi nti, tuli Mugole Wo ow’Olutambi.

Njagala okuyita ensi okujja okuwuliriza wamu naffe Ssande eno ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), nga tuwulira Obubaka: Okukwatibwa Ensonyi 65-0711.

Owol. Joseph Branham

Omut. Makko 8:34-38

34 N’ayita ebibiina n’abayigirizwa be, n’abagamba nti Omuntu bw’ayagala okungoberera, yeefiirize yekka, yeetikke omusalaba gwe, angoberere.

35 Kubanga buli ayagala okulokola obulamu bwe alibubuza; na buli alibuza obulamu bwe ku lwange n’olw’enjiri alibulokola.

36 Kubanga kimugasa ki omuntu okulya ensi zonna, n’okufiirwa obulamu bwe?

37 Kubanga omuntu yandiwaddeyo ki okununula obulamu bwe?

38 Kubanga buli ankwatirwa ensonyi nze n’ebigambo byange mu mirembe gino egy’obwenzi era emibi, n’Omwana w’omuntu alimukwatirwa ensonyi oyo lw’alijjira mu kitiibwa kya Kitaawe ne bamalayika abatukuvu.

Obubaka: 65-0418E KATONDA WABAAWOKKO LW’AKYUSA ENDOWOOZA YE KU KIGAMBO KYE?

PDF

• 24-0707 KATONDA WABAAWOKKO LW’AKYUSA ENDOWOOZA YE KU KIGAMBO KYE?
• 22-1218 KATONDA WABAAWOKKO LW’AKYUSA ENDOWOOZA YE KU KIGAMBO KYE?

BranhamTabernacle.org

Omugole Ow’Okwagala Okutuukiridde Omwagalwa,

Olunaku lwa kikeerezi n’Okujja kwa Mukama kuli kumpi. Oluggi luli mu kuggalwa era obudde bugenda buggwaako, bwe buba nga tebunnaggwaako. Obudde bukeereye nnyo okudda awo okwewuunya; okubeera ng’olumuli olunyeenyezebwa n’empewo; okubeera n’amatu agasiiwa. Kye kiseera okukola okusalawo nga ensalosalo zaakwo ntangaavu bulungi. Kiki kye nnina okukola okusobola okubeera Omugole We?

Katonda akyusa Endowooza ye ku Kigambo kye? TALIKIKOLA. Olwo tulina okufuba buli lunaku, n’omutima gwaffe gwonna n’emmeeme yaffe yonna okubeera mu KWAGALA KWE OKUTUUKIRIDDE. Tulina okwewaayo eri by’ayagala n’Ekigambo kye. Tetukibuusabuusa nako, tuKikkirize bukkiriza era tuKisembeze. Tetugezaako okunoonya engeri ey’okukyebalamamu. Kitwale butwazi nga bwekiri.

Nabbi atugamba mu Bubaka buno nti ekigendererwa kye kyonna kwe kutulaga nti Katonda Alina okukuuma Ekigambo Kye okusobola okusigala nga Katonda, naye bangi nnyo baagala okuKyebalama, n’okufuna ekkubo eddala. Bwe bakikola, beesanga nga bagenda mu maaso, era nga Katonda Abawa omukisa, naye nga bakolera mu kwagala Kwe okw’ekyerekerezi so si mu kwagala Kwe okutuukiridde, okw’Obwakatonda.

Nabbi atuzzaayo mu Kigambo n’Atuwa ebyokulabirako bye tulina okutunuulira, okusoma, era n’Atujjukiza nti, Katonda TAKYUSA Ndowooza Ye oba ekkubo lye, Ye Katonda era TAjjulukuka.

Kati, twetegereza nti bombiriri bano baali basajja ba mwoyo, bombi baali bannabbi, bombi baali baayitibwa. Era Musa, nga ali ddala mu kukola mulimu gwe, ng’alina Empagi y’Omuliro ensu mu maaso ge buli lunaku, Omwoyo wa Katonda ku ye, nga ali mu kukola mulimu gwe. Ne wajjawo omuweereza wa Katonda omulala, eyayitibwa Katonda, eyayawulibwa Katonda, nnabbi ekigambo kya Katonda gwe Kituukirako. Wano we wali olugwanyu ensalosalo y’akabi. Tewali yali ayinza kuwakanya musajja oyo okuba nga wa Katonda — wa Katonda, kubanga Baibuli yagamba nti Omwoyo wa Katonda Yayogera naye, era yali nnabbi.

Mukama, ekyo nga kisembereganye kitya? Nnyinza ntya okumanya, nga BOMBI baali bannabbi? Bombi bantu abajjudde Omwoyo abaayitibwa Katonda, abaayawulibwa Katonda; bannabbi ba Katonda ekigambo kya Katonda be Kyatuukirangako. Bombi nga bagamba nti Omwoyo Omutukuvu y’Abakulembera.

Leka tusome era twekalirize okunokola okutonotono bwegendereza ddala ku ebyo omubaka wa Katonda ow’omusanvu by’ayogera. Twagala by’ayogera; si ekkanisa by’eyogera, Dokita Jones by’ayogera, oba omuntu omulala by’ayogera. Twagala ekyo BW’ATYO BW’AYOGERA MUKAMA ky’Ayogera nga tuyita mu nnabbi we.

Musa, nga bweyali nnabbi eyayawulibwa n’Ekigambo kya Mukama, ng’akakasiddwa obutalekaawo kabuuza nti yali alondeddwa okuba omukulembeze waabwe ow’omu kiseera ekyo , era nga Ibulayimu yali asuubizza ebintu bino byonna,…

Tewali n’omu yali asobola kutwala kifo kya Musa. Si nsonga ba Koola baali bameka abaayimukawo, ne ba Dasani bameka; yali Musa, Katonda gwe Yali ayise, awatali kwekuusa ku birala.

Musa ye Katonda gwe Yali Alonze okukulembera abantu. Abasajja abalala ne bagolokokawo ne bagamba nti nabo baali basajja abaafukibwako amafuta, abajjuzibwa Omwoyo Omutukuvu. Katonda nbao yali abayise okukulembera. Naye Musa ye yali omukulembeze wa Katonda ow’Okwagala Okutuukiridde nnakabala okubakulembera.

Naye, era abantu bwe baba si ba kutambulira mu kwagala Kwe okutuukiridde, ddala Alinayo okwagala Kwe okw’ekyerekerezi kw’Ajja okukuleka okutambuliramu. Weetegereze, Akikkiriza kibe, bulungi, naye Ajja kukileetera okukomekkereza nga kigulumizzaamu Ye, mu Kwagala Kwe okutuukiridde. Kati bw’oba oyagala…

Teri ayagala kubeera mu kwagala kwa Katonda okw’ekyerekerezi. Omugole omutuufu ayagala okubeera mu Kwagala kwe okutuukiridde, buli kiseera, si nsonga kimuseeza kitya.

Waliwo obutakkaanya bungi nnyo, ebirowoozo, okutabulwa, eby’okulondako, ku bukulu bw’okuzannya entambi.

Ffenna tukimanyi eno ye nsonga yennyini ereetedde abakkiriza Obubaka okwawukanamu leero. Tukimanyi nti Omugole ATEEKWA, ERA AJJA KUBEERA, nga yeegasse wamu; ekyo kye Kigambo.

Waliwo abasajja abajjuzibwa Omwoyo, abaayitibwa Katonda mu Kkanisa leero. Be basajja ba Katonda abaafukibwako amafuta abaayitibwa okubuulira Obubaka buno. Naye mu ngeri ennyangungu, mpaawo n’omu ku bo gwe tusobola okukkiriziganyizaako ffenna.

Bayinza batya okuba nga be bagenda okugatta Omugole? Tusobola okwegatta nga twekuŋŋaanyirizza  ku buweereza bwabwe? Mazima bayitiddwa okukulembera ekisibo kyabwe, naye kubakulembera okuddayo mu NTEEKATEEKA ya Katonda NNAKABALA. OMUKULEMBEZE WE. NABBI WE. Si obuweereza bwabwe.

Bwe baba nga tebakuyigiriza nti Eddoboozi eriri ku ntambi ly’eryo ly’OLINA okugoberera, era ly’olina okukkiriza nti lye Ddoboozi erisinga obukulu ly’olina okuwulira, mu ngeri ennyangungu, baba bali mu kwagala kwe okw’ekyerekerezi.

Bwe baba nga ddala bakugamba nti lye Ddoboozi erisinga obukulu, era nga ekyo bakikkiriza mu mazima, olwo bayinza batya obutanyiga zannya buli lwe mubeera awamu?

Bw’oba oyagala okukakasa, OBUKAKAFU DDALA, nti oli mu kwagala Kwe okutuukiridde, waliwo ENGERI emu yokka ENKAKAFU. Kwe kuwulira Eddoboozi lya Katonda eryakakasibwa obutalekaawo kabuuza ku ntambi.

Oba okyali awo, olutambi nga lugwa mu nnyumba yaabwe. Abo baba balufunye, awo. Bw’aba ndiga, ajjira ddala nalwo. Bw’aba mbuzi, olutambi alusamba-ggere ppaka bweru.

Nnina okubeera MUKAKAFU. Sisobola, era sijja, kugezesa mikisa-kisa n’akasembayo obutono ku kifo kyange gyennaakomekkereza mu butaggwawo. NKIMANYI Eddoboozi eriri ku ntambi lye ddoboozi lya Katonda eri Omugole. NKIMANYI Terikola nsobi. NKIMANYI Lyakakasibwa Empagi y’Omuliro. NKIMANYI Ly’eryo Katonda Lye Yalonda okukulembera Omugole we. NKIMANYI Eddoboozi eryo lye ddoboozi lyokka eriyinza era erigenda okugatta Omugole. NKIMANYI liriba Eddoboozi eryo lyendiwulira nga Ligamba

“Laba, Omwana gw’Endiga wa Katonda”.

NTEEKEDDWA OKUNYIGA ZANNYA mpulire Eddoboozi eryo. Oyitibwa okujja okutwegattako Ssande eno ku ssaawa 6:00 (mukaaga) ez’omuttuntu, mu budde bw’ e Jeffersonville (y’essaawa emu ey’omu kawungeezi e Uganda), nga bwe tuwulira: 65-0418E Katonda Atera Okukyusa Endowooza Ye Ku Kigambo Kye?
    

Owol. Joseph Branham

Tujja kutandika Obubaka ku katundu 61.

Ebyawandiikibwa by’olina okusoma nga tonnawulira Bubaka:

Okuva 19
Okubala 22:31
Omut. Matayo 28:19
Lukka 17:30
Okubikkulirwa 17