Obubaka: 60-1211M Embeerera Ekkumi, N’Abayudaaya Emitwalo Ekkumi N’ena Mu Enkumi Nnya
Abaagazi b’Emmaanu Abaagalwa,
Tuli basanyufu kubanga tusobola okulya Emmere etaliimu ggumba oba ensigo mu Yo. Emigaati egikka okuva mu Ggulu, egiyitibwa “Emmaanu,” nga gisaabye obuwoomi bw’Eggulu gyonna.
Olw’okubikkulirwa okw’Omwoyo atubikkulidde nti waliwo ekifo kimu kyokka we tusobola okufunira Emmaanu eno Ensu nga temuli nsigo: nga tuwulira Eddoboozi lya Katonda ly’Awadde Omugole we.
Kwe kwegayirira kwe buli kiseera mu buli mulembe nti amakanisa gawulirize Eddoboozi lya Mukama. Mu mulembe guno ogusembayo, okwegayirira kwe kukkaatirivu n’okukira ku bwekyali mu mulembe omulala gwonna; kubanga luno lwe lunaku olw’okujja kwa Mukama. Atulabudde, n’obwangu bwonna, nti tulina okuwulira Eddoboozi lye erya nnamaddala, erykakasibwa.
Oh, waliwo amaloboozi mangi nnyo mu nsi — ebizibu bingi nnyo n’obwetaavu obutukaabira okubussaako omwoyo; naye tewajja kubaawo ddoboozi kkulu nnyo lityo era erisaanira okussibwako omwoyo ng’eddoboozi ly’Omwoyo. Kale, “Alina okutu okuwulira, leka awulire Omwoyo by’ayogera eri ekkanisa.”
Kukwo awo, okulabula kwe eri amakanisa, nga kikulu nnyo okuwulira EDDOBOZI ly’Omwoyo. Mazima awo omulabe w’anaalumbanga, ng’agezaako okukugira obukulu bw’okuwulira EDDOBOZI ERYO obutamanyibwa bantu.
Atugamba nti amaloboozi MANGI. Ebizibu n’ebyetaago bingi, ebitukaabira okubissaako omwoyo, naye tewerabira, olina okuwulira EDDOBOZI LYE ERYAKAKASIBWA.
Bwemba nga nkwesittazza mu kwogera ekyo, nsonyiwa, naye, mpulidde nga ekyo kyandibakaayira, naye, ndi DDOBOOZI LYA KATONDA GYEMULI.
Eky’okuddamu kikyo awo: NDI DDOBOOZI LYA KATONDA GYEMULI.
Kitegeerekeka bulungi nnyo eri Omugole We. Si kikusike, Kiri awo wennyini bwanjulukufu mu maaso gaabwe; omuntu yenna asobola okukisoma. Siri mu kubuulira bantu kintu ky’ataayogera…Siri mu kukigunjaawo. Atubuulira butangaavu ekintu ekisinga obukulu kye tulina okukola ky’ekiriwa. Okwagala kwa Katonda okutuukiridde kwe ku WULIRA EDDOBOZI LYE ATE YE LYE DDOBOZI LYA KATONDA ERI FFE.
Ab’oluganda ne bannyinaze, sigamba nti temukkirizibwa kuwulira basumba bammwe. Sigamba nti ba bulimba oba bakyamu singa baweereza. Kya lwatu nti Mukama atutadde wano tubeere ba kiyambi eri Omugole era akubasonga OKUDDAAYO ku Kigambo ekyasooka; okuteeka Eddoboozi eryo mu maaso gammwe ng’erisinga obukulu lyemusobola okuwulira. Tulina OKUDDA mu KWAGALA kwa Katonda OKUTUUKIRIDDE. Adamu azziddwawo mu bujjuvu, nga yeetooloddwa ekikomera nga ky’Ekigambo. Katonda yayogera buli lunaku kamwa ku kutu eri Adamu mu Lusuku, era leero, akola ekintu kye kimu.
Tusaanidde okuba nga tuyimiridde mu bbanga wakati nga tugamba nti, “Tuli baaluganda!” Tetuliimu njawukana, Ffenna Tuli Omubiri gumu; Tuli omu mu ssuubi n’Enjigiriza, (Enjigiriza ya Baibuli.)
Tuli baaluganda. Sigezaako kwawulamu Makanisa, ngezaako okutugatta awamu nga nkozesa ekintu KYOKKA ekiyinza okugatta Omugole. Ffenna tetusobola kukkiriziganya na MUNTU YENNA, OBA EKIBIINA KY’ABAWEEREZA; bonna ba njawulo, era boogera ebintu bya njawulo. Waliwo omubaka malayika ow’omusanvu OMU yekka. Waliwo Eddoboozi lya Katonda LIMU lyokka. Eddoboozi Katonda ly’Ataddewo ku lw’Omugole we ku lutambi.
Ka ntegeerekeke bulungi. Okubikkulirwa kwange kuli nti: Okuwuliriza Eddoboozi lya Katonda ku lutambi KWE KWAGALA KWA KATONDA OKUTUUKIRIDDE.
Nga bwe kyali mu biseera bya Samwiri, abantu bwe baamutuukirira ne bamugamba nti baagala kabaka abafuge. Kyanakuwaza omutima gwe. Yagenda eri Katonda n’amubuulira kye baagala. Katonda yagamba Samwiri nti, tebakugaanye, Samwiri, bagaanye Nze, nneme kubafuga.
Yali abafuga atya? KUYITA MU NABBI WE, SAMWIRI. Okwo kwe kwali OKWAGALA KWE OKUTUUKIRIDDE, era ne bamugaana. Okubeera Omugole we olina okuddayo mu kwagala kwa Katonda okutuukiridde. Tosobola kuba na KWAGALA KUTUUKIRIDDE KWA MIRUNDI EBIRI.
Nga nandyagadde nnyo Omugole yenna okujja awamu okuva mu nsi yonna okuwulira Eddoboozi lya Katonda ffenna mu kiseera kye kimu. Si lwakuba nti “nze” nkyogera, wabula lwakuba Katonda ALI MU KUKIKOLA. Kye kintu kyokka ekijja okugatta Omugole We.
Nkwaniriza okujja okuwuliriza wamu n’ekitundu ky’Omugole, Ssande ku ssaawa 6:00 (mukaaga) ez’omuttuntu, mu budde bwa Jeffersonville (y’essaawa emu eky’omukawungeezi), okuwulira : Embeerera Ekkumi, N’Abayudaaya Emitwalo Ekkumi N’ena Mu Enkumi Nnya 60-1211M .
Bwoba tosobola kutwegattako, kukubiriza omusumba wo awulirize Eddoboozi lya Katonda ku Ssande eno ku makya mu kkanisa yo. Osobola okukubamu akafaananyi, Omugole okwetoloola ensi yonna, mu buli kkanisa, buli maka, oba wonna w’oli, nga awulira Emmaanu Ensu esaabanye obuwoomi bw’Eggulu yonna.
Owol. Joseph Branham