Category Archives: Uncategorized

23-0813 A’buza Suzuri

Aji Anzi Leletu ‘Diyi,

O’duko Munguniri ni ama jiria angu oru azi amani drio engazu ku nia, E’yo erini ri eceria.  A’diki ti amani wereru riki Eri ma Opipi amboruri pi aa Erini ama jiria oru ‘buaa. Ama turia ara oru ‘bu iritiruri ma dria dria. Ama ecoki angu nezu re kpere ‘dani ‘dania ra. Eri dria ria E’yo Eceza azi o’diruni ama dri.  Erini ma jiria oru drile ria, Eri eca mgboru aga ra. Ama di tre: ANE ERI RA…ANE ERI RA.

‘Du di sawa ‘disi Ima opipi amboru riki, fe yi dri oyata azi amboruni ‘bo ani ‘yozu ama dri, “ENGAKI MANI WERERU ‘DIYI LA, ENGAKI.” Okoria ama andra orisi ambamba. Ari’boni andra omi amani riki efi abaza kaukauki si.  Ma econiku, ma econi lu ku. ‘Dini ama erikidi Eri treria azini garia-oviru ro amavu, “EMI ECO RA, EMI MA AJI ANZIKI, EMI E’DOLU OPIPI EMIKI GBA!!”

‘Daa, dria lu paale alu ama opipi wereruri e’doki lu yi gba yisi. Amani muzu drile drile Eri ma E’yo eriria amani asi okpo fezu ama a’diki yari si, azini ama ‘yeki a’duni yari si ria, ama opipi esuki okpo drile drile.  Pa, pa, pa, Avizuri Ekparia, Avizuri Ekparia, Avizuri Ekparia…’daa coti lu, ama ngaria. Ama Aji ki.

Ori azi wereruni ka obi efi ama omia, ama lu angu ne ara ani e’dozu Eri ma O’duko erizu. ‘Da Eri ‘da, ngaria lu ogogo amavu ama bizu akaki e’do e’deria. Ama amaki ra ama ovuki afa azi be orizaru ku, Aji Ata’i ci ogogo amabe.  Eri pa’duza ci amani ‘bari neria. Eri muni fe afa azini e’yezu amabe.

Driwala azini asi embaza azi amani drio nga amaku ‘dileni. Eri dro lu ‘yosi amani, emi Ma aji anziki. Emi afa mani andra ‘yo eminiri ruria azini ‘yeria oazu Ma O’duko mani andra ku eminiri be risi.

Eri nira I ka afa azi lu amani tepu pi ma dria, ama nga mu ‘ye ra, a’disikuni anikira Eri Erima E’yoni. Eri nga pa so kpi Eri ma ngukua. Ata Eri katro ovu sizaru Bibilia aa ku ti, Eri nga pa so Eri ngukua, kiri.

Aniki ra, ka ovu amve engazu ‘Da alesi, Eri nga Eri ece Ima Nabi vu.  Ama amara kini E’yo zizaru Munguni ‘diyi ovu nizaru Eri ma nabi vu, azini eri’i a’dule, ani afa ci amani le niri, Eri tepu ma dria.

Mi nze e’yo okpo E’yo Ecezani atita ajipiri ma dria. Aleki eri tre o’duko amani oru ndeni risi. Aleki wudrikuru ma nira, ma aji Tepuni ri’i!

Mungu ma egata ecaki o’bazaki sawa erini ovuzu nzezaruri si, E’yo si. ‘Da sawa Erini eri e’dazu mi-mi dri egataruri si, Eri ma egatani, ani eri ovu ecezaru mi dri.  ‘Daa di, eri kiri egatani kpere mini eri nzeria.  

Eri ovu ecezaru amadri ‘bo. Diza. Sawa ‘disi aleki di Eri nze. Ama Amuro Yesu Kristoni ri’i. Ni andra ma ra, ‘ba andra ma okoru de nga wudrikuru vuti ovuni ‘bazaruku. Ma Eri ma E’yo idriru ecapi ruatiru ri. Eri ‘yo andra mani MI ZI ani mi nga esu ra. Mi kpo, eri nga ovu nzizaru ra. Afa ci amani avatari. AMA ERI NZE.

‘Di Ayi Ajini ri azini ama Eri ma Aji Anziki. Ma ovuni nga dria ayikosi ndeni kaniku abizaru agara idri amani pi alia ku. Ori yo. Orataki yo.

Ma mi a’i emuzu ngazu angu oru o’diruni alia ama be Sabatusi sawa azia etusi (12pm), Jeffersonivili saa si (7pm Ugandaa), Mungu ma aji amborurini treria ama dri azini A’buza Suzuri 63-0321 ni eceria.

Adri. Joseph Branham i

E’yo Siza lazarᴜ ruoturia e’yo oluza A’buza Suzuri niri ki.
E’yo Ba Matayoni 4
E’yo Ba Lukani 24:49
E’yo Ba Yohanani 6:63
‘Yeta 2:38
E’yo Eceza 2:18-23, 6:7-8, 10:1-7, 12:13, 13:1-14, 16:12-16, 19:15-17
E’doza 1:1
Zaburi 16:8-11
2 Samueli 6:14
Yeremai 32
Yoweli 2:28
Amosi 3:7
Malaki 4

23-0730 A’buza Irizuri

Amuro Leleturi, 

Amuro abani nga O’dukoti ‘di ma e’yosi kaniku Eri ma ‘ba o’dukoti ojipi risi ku engazu 1993 si, saa andra Aci Piriru ni e’dazu Yi Ara Ohioni ri ma dria o’du ‘dasi risi. Aniki ra kini William Marrion Branham ni Mungu ma ‘ba o’dukoti ojipi malaika amboru 7 zu Eri ni andra ti epe nyakua Eri ma Amuro omvezu amve ri’i.

Engazu o’du ‘dasi, Mungu enga Ima Amuroni etra tualu Eri ma Emuta ni.  Ama asi’baza azi amboru ‘dileni ma aa; a’disikuni aniki ra eri lu mu ovu o’du azi cinisi sawa ‘disi.

Enga aita amani riki si kile nga driori le ku, luria amani, asi mba fezu amani dika, ama Eri ma Amuro aitaruri i. Aniki ra oazu Eri ma Nyaka-Tamba-ciri be risi, afa dria amani le ri ni INDI, TEPU PI DRIA.

Aniki ‘da ngoniru ovuzu ndi ndi ria?  E’yo ‘yo kini Mungu muni AFA AZI ‘YE KU kpere Erini Eri ecezu Ima ati’bo nabi pivu rakaka. ‘Dini anikira Mungu ka mu afa azi cini ece ra, kaniku afa azi cini ni ‘ye, amani Aita ‘duta ururiniri fezu, Eri mu Eri nze Ovigazaru trai ama nabi vusi, azini Eri ma nabi’i a’dule.

O’du abazuri deki di yi ‘bo. Amuro ‘ba di pasoza ‘bo. Afa azi orodriru cikani yo aga Munguni erizu e’yo nzezu Ima Amuroni Tepu pi driari si ri. Eri E’yo lu Mungu ma Ngulupini e’da ovuzu ‘Di Opi Ni ni riki.

Saa ‘di vuti vuti ru azini ama ecoki nzi ari’bo amaniri ma ava vuzani ombani ama ageyia ara ri ama ra.   A’di ki di otizaru azini Sitani ni epiria kala driari si, te inzita ma ovu Mungu vu ama ovuki Nyaka Orindisi ri be ci, ani ama rizaru Ombo ma Mesa tia o’duki ini be, nyaria engazu Mana Zizaruri vu. Eri mu drile angiri angiri ni ecezu ama dri o’du dria Eri ni luria amani, “E’yo dria muke asialuza la. Ma emi be. Ma ‘yo andra emini Ma cani nga emi ku kaniku a’di ku. Emu drile emi mizu. Emi ofu orindi onziki amve. Ma fe emi dri Ma mbumbu enyataberi ‘bo, Ma E’yo ni, emi ayuki Eri. Ma ora andra Eri ra. Ani Eri ovu di andra Sizaru, ani sawa ‘disi, o’du emini aa, Ma nze Eri ‘bo ani emi ecoki MA erizu ra luzu EMI dri, ‘Di Opi ‘Yoni, Emi ma Amuro’i. Emi E’yo ovupi ‘bazaru za be ri’i.”

Mungu nze e’yo ‘bo tile ‘ba adani si ani fe amani Ima E’yo ‘bo; ama ovuki afa azi be orizaru ku. Ovuni E’yo amaniki, ama egataki, ama orataki ku, Eri Mungu ma E’yo Erini fe AMA vuri’i. Ama AITA ni E’yo Erini aa azini Eri ma E’yo cani E’DE KU!

Sawa ‘disi, amani eriria A’buza ‘di pini ru nziria, Orindi Alataruri pale alu dika e’yo nzeria amani azini ama ecoki ru amaniri ki ne ra sizaru Kabilomva ma Buku Idriniri aa. Ama ecoki mgbaria ama ‘ba okunazaru ku…Ee, eri ma ru ni sizaru ‘daa ri. Eri e’yo nze MA dria.

Mi emu ru ecizu amabe Sabatu ‘disi sawa azia etusi, Jeffersonvili saa si, ani A’buza Irizuri 63-0319 erizu, O’duko Munguniri ni luria emi dri emi ru ovuki sizaru Kabilomva ma Buku Idriniri aa ria.

Adri. Joseph Branham i

E’yo siza lazaru O’dukoti nde ma drilia riki:

E’yo Ba Matayoni 4:8 / 11:25-26 / 24:6
E’yo Ba Marakoni 16:16
E’yo Ba Yohanani 14:12
2 Tesalonika 2:3
Ebrania 4:12
E’yo Eceza 2:6 / 6:3-4 / 17th Chapter / 19:11-16
Yoweli 2:25
Amosi 3:6-7

23-0716 A’befe Ayi Kanisani Aziri Ri Pi Eselia E’yo A’buza Aziri Ri Pie Ri erizuri.

Mawa Wereru A’buleni Leletu ‘Diyi,  

Ama emiki ama ngulupiki amve yi oritekururi ma driasi ani ama opipiki ajazu mgboru ‘bo. Ama bi wereruri efuki di ra ani amadi sawa ‘disi Ojo A’buleniri ma e’data e’daria. Ama owiki ama idriki dria dria Munguvu azini E’yo Erinirini ‘bo.

Ama sawa-asizani alia azini emuria engazu Etuni Efuria azini ‘Deria, Oruleru azini Andraleru, ecaria ngonde ‘Duta Ururi ni. Ama ama ngulupi biria kirikri siri nga minati azi wereruni kisi kpere baka alu alu ma ovu efizaru Orindi Alatararurisi. Ama ecaria ngonde MUZU URU.

O’du nde eca di ‘bo. Eri ‘ba Ini riki omveria tualu Ima ngulupivu alu a’daru Eri ma ngulupibe ri si. Eri Yesu Kristo’i oaria Orindi Eriniri be za amaniri alia, afa andra Erini ‘ye alu aluriki ‘yezu eceta azi ru wudrikuru dri.

Afa onyiru ndeni E’yo Siza aliari ni di pari ‘duria o’du amaniri alia. ‘Yeza azi, ata Malaika azi, afa azi, ni eco ‘yeku ‘dileni, lu Kabilomva’i. Eri emu buku ‘du ‘ba ripi Ogᴜŋa driari ma dri ndiria risi, zi Eri ra, onyo A’buzani ki, ani Eri ti epezu vaa nyakua, Eri ma malaika azirizu ri vu, Eri ecezu AMA, Eri ma Amuroru ni.

Afa pari ‘dupi; E’yo Erini ece amani o’du alu alusi ri, eri e’yo nzeza pi drilia. Ama o’duko amaniri ki enga ani trezu azini otrezu, Haleluya! Odu osuza. okpo, diza, e’data, E’yo Eceza Eri ma E’yoni ri eri angiri tu aga Erini drio ovuzu engazu sawa ma e’dozasi ri ra.

Afa dria Munguni o’bale ‘diyi ‘buari pie, nyakuari pie, nyaku etiari pie, miri driari pie, afa dria ovᴜpi afa ‘diyi ma alia ‘diyi pie dria ‘diyisi, ama tre: Asi ndriza pi, inzita pie, diza pie, okpo opiniri pie ma ovᴜ ‘Ba ripi ogᴜŋa driari vᴜ, azini Kabilomva vᴜ ‘dani ‘dani, amena! Amena, azini amena!

Afa o’baza dria, ‘ba dria e’dozu sawa ma e’dozasiri teki andra o’du ‘dini ecazu. Ata Mungu ma Ngulupi te kpere Ima malaika peleri ni ecaria nyaku dria de nga Imu ni nga Buku nde ‘duzu, Eri nzizu mgbo azini e’yo dria zizaru Eriniri ki ecezu Eri ma Amuro peleri dri ku.

Aniki di sawa ‘disi afa ‘ba azi nyaku ma dria, engazu sawa ma e’dozasi, ni ta oku drio nikuri ki di ra. Afa dria andra ovupi avizaru e’deta alia ‘diyiki. Afa dria engapi ovupi zizaru Eri E’yo aa ‘diyiki. Afa dria Amuroni le ‘diyi ovuki ‘duzaru ci azini ‘bazaru Mungu ma erojo wereru ri alia.

E’da amani pari a’buza sawaniri ama drilia ‘daleruri ‘bo ani ama ama ne Eri be kala azi ‘da ma dria. Amuro ‘ba ‘di Ima ngulupi ngonde ‘bo E’yo erizuri si.

Ama engaki ovu embata alia. Asuki di afa ombani Munguni ‘diyi dria ‘bo. Afa azi oya ama ku. Afa azi feni amadri ori ku. Afa azi ama idrapini yo. Afa azi fepi amani enza o’bazu E’yo alu ma dria ‘dileni yo. AMA E’YO NDE I.

Ama Eri teria mawa amani oku-bizaniri be ama dria. Sawa ni di lu enyia. Sawa okururi ni aciria. Ama akanya pi ma pa yi gbapi ri eri ria azini cinyakini i liria gari pa pi ma rua. Gari okururi ni di ‘ye paso.

Ka nga eca’bo ama nga mbu engazu wudrikuru okuru ‘divurisi Eri ma Dripi alia.  Eri nga ama bi ani ‘yo, “Ma enga muzaru pari azi otuzu emini, te Eri di sawa ‘disi dria ‘dezaru ‘bo, anyu la”.

Eri ma Emuta ni enyia. Ama asi’baza azi ta oku nga drio ri le kuni alia. Ama ayikosi tu Erini lezu ama ma eriki A’buza Aziririki pale alu dika risi. Aniki ra ama nga mu E’yo Eceza angiri tu ni esuria, a’disikuni O’dukoti alu alu amani eri ri ni kile ama erini nga eri Eri drioku ri le.

Oazu andrusi azini O’dukoti ‘di erizuri ni ata amboru tu aga sawa Eri ni andra ovu ‘duzaruria risi ri ra. Eri di sawa ‘disi angiri tu ni eceria ama dri. A’du ecota pari ‘du ni?

Mi emu rutrazu ama be sawa azia etusi (12Pm) Jeffersonvili sawa si (7Pm Ugandaa), ani mi etumu ayiko: 63-0317E A’befe Ayi Kanisani Aziri Ri Pi Eselia E’yo A’buza Aziri Ri Pie Ri erizuri. Eri Nyaka Tambazaruci Opi ni otu Amuro dri nyazaru ri.

Adri. Joseph Branham i

E’yo siza lazaru ru oturia O’dukoti nde eriria riki:

‘Ba Levini 25:47-55
Yeremia 32:1-15
Zekaria 3:8-9 / 4:10
Rumi 8:22-23
Efeso 1:13-14 / 4:30
E’yo Eceza 1:12-18 / Capta 5 zuri / 10:1-7 / 11:18

23-0709 Munguni Ima Ngulpi Zuzi Geri Mazaru Fu Risi, Di Vini Ima Ngulupi Ecezu Geri Aluri Siri

‘Ba Nduru, Yisi, Ani’boru, Kuhani Orindisiruri, Suru Opiniriru Leletu ‘Diyi,

Sawa dizaru Erini enga fe Ima Amuro dri ri ngo’i ya, E’yo Iniri ecezu ko’bo nga driori le ku ri. O’dukoti alu alu amani eri ri ni e’da kile ama eriki Eri nga drioku rile. Ama asiki azini idriki ayikosi tre amani nyaria engazu Mana O’diru engapi ‘Buari vu. Eri i ama kile e’data okoru ama Ondreta Oku’bizani ‘yepi emupi mbeleru ri le Erini fezu amani E’yo Eceza nyazu E’yo Eceza vutisi ria.

Ama edeta edeza orindisiri ede Mungu dri, efi kaza ama tileni risi, inzita fezu Ru Erini ri dri.   A’duki pari amaniri ‘bo ko’bo ‘bi’bio ‘buniri pi le.

Eci ama tualu pari ‘bualeruri pi alia, Orindi Alatararu Iniri edaria ama dria, ama ‘bazu ngonde Eri ma Emuta emupi mbeleru ‘dini.  Eri afa dria amani ecozu e’yo egazu driniara ri i. Eri afa dria amani ama omi suzu drinia ri i. Afa lu dria ci amani le ‘yeri eri E’YO ERIZU ri i. Eri luria amani dika azini dika ama Eri ma Amuro i. ‘Di Eri ma Ale Kililiruri’i oazu Eri ma Geri feleri beri’i. 

Ama asikari ki Eri ma Kala Azingaza Tepuni ri ma aa, ani ama ayikosi tu ‘dasi. Eri baji inzitaniri’i. Aleki trezu mgboru azini luzu wudrikuru dri, EE, AMA YI MA AZI.

Eri fe amani Nyaka tambazaruci ri amani nyazu beni. Mana adaru Munguma Ngulupini e’yo nzezu Amuro Iniri dri, fezu amani nizu ama Eri ma asikaria ri i.

Ama ama traria endrika amboru ‘buniri ma vutia tiecita aa, Orindi Alatararuri ni memba alu alu ‘bazu Ruati nde aa kpere fezu atita idri pini ruati be iritro ma ‘ye ani i kakau beni.

Ama E’yo Munguri ‘du azini ari’boni ndezu okpo erini ri be. Ama eri oga baka baka ru E’yo ‘dasi. Ama Asikiari Ambo lu andra amani: “Ama E’yo i. Mi ovu orisi ku. Mi mu kpi ari’bo vu ani ‘yozu, ‘OVU SIZARU.'”

Pe ama ‘bo ovuzu Eri ma asikari ki. Ama enga ovu embata alia, cezaru okpobe E’yo Erini si. Ama ovudi sawa ‘disi osuzaru’bo azini ngonde afu fuzu. Ama Asikari Ambo Onibe 5 ri azi amadri ‘yezu ‘dale ni: Mi oa embata Tepuni ri be.

Azini mi ovu ndindi, mi ‘yo lu afa tepuni ‘yori i. Mi ‘yoni afa azi nduni ni ku. Enera? A’disikuni, Ma ‘yoni ‘da ma ngulupi si ku. Eri Eri’i Eri ‘yopi ri i, enera. Ani sawa kakau, abaza, ‘baki enga azini e’do ‘yo, “Muke, a’dia a’dia kini Eri ma efi a’diani a’diani.” Mi—mi ku lu Eri Erini ovuri le.

Eri ovuni afa William Branhamni lu amani tepu pi dria ri’i ku, Eri afa Munguni lu Eri ma Amuro dri tepu pi driari i. ‘Diki Eri ma AZITAKI. Geriko lu azita engazu mi Asikari ma Ambo Onibe 5 ri vuri obizu azini Eri kuzu Erini ovu rileri lu alu, MI EKPA AVIZURI. 

Ama Mungu ma asikari alia, ani le ama ma ruki azita amani riki E’yo vu E’yo vu. Ama muria drile. Ama ‘ba okporu ‘diyi, ‘ba aitani ‘diyi, ‘ba okponi ‘diyi, ‘ba vatani ‘diyi, ‘ba E’yo Ecezani ‘diyi.

Ama ecaria tiecita kiliruri alia Ata be dika, pa soria ‘bule aliru ma kalaa ‘daleruria, ezata ama ruari ma egata kokoru. Eri ma Adamu ogo ro’bo ru i.

Eri Mungu’i geri mazaru furisi pale alu dika. Eri ovuni ‘ba dria ni ku, lu Eri ma Amuro ni, azini ama Eri ne mgboru azini nditiri ru.

Ma asi’baza angirini ma aa A’buza Aziriki erizu pale alu dika. Eri nga mu E’yo Erini ri ece ama dri ko’bo nga driori le ku. Ama nga mu E’yo Eceza Eri ma E’yoni angirini isu. 

Te kpere o’du ‘disi angiri ni ecezu amani. Afa dria amani leri ovu ‘duzaru ci azini eri ci amani erizaru lu elota drimva aluni si.

O’dukoti ‘dini Ovigaza Aziri ngapi Amuro sipi kililiru ‘daki; a’disikuni E’YO DRIA ZIZARU MUNGUNI ‘DIYI NGA OVU ECEZARU AMURO DRI AMA ‘BA O’DUKOTI OJIPI MALAIKA 7 ZU RI VUSI.

‘Di sawa dizaru ndeni adi wudrikuruniri ma aa ri’i. Ama enyia Eri ma Emuta Ima Amuroni ri vu ri vu. Wudrikuru ni asi ‘ba afa dria ovupi nzezaru E’yo siza ma aa ‘diki nezu; ko’bo etuni ‘dezu o’du ma agandua ri azini afa obi ndu ndu mupu yi ‘yepi ‘diyiki. Te ali ‘bo, ani yi awiki andra nii kuye.

Mi ega ra, eri a’buzaru Ovigaza nileku Aziri ‘daki si. Enera?

Afa amboruki nga mu pari ‘du amani ama traria pale alu dika Mungu eriria garia Oviru ani A’buza Aziri riki ecezu angiri dika Ima Amuro dri.

Ma mi a’i emuzu ruecizu amabe sawa Azia etusi (12PM) Jeffersonvili saa si (Saa Alu ondresi Ugandaa), amani e’yo oluza tiaa amburori e’doria O’dukoti ‘disi: 63-0317M Munguni Ima Ngulpi Zuzi Geri Mazaru Fu Risi, Di Vini Ima Ngulupi Ecezu Geri Aluri Siri.  

Adripi Branhamni Branham Tananakulu owizu ‘ba nde pie o’diruria, ama ma owiki ama ngulupiki, aku amani pie, kanisa amani pie kaniku angu ci amani ama trazu alenia riki o’diru, Eri dri.

Adri. Joseph Branham i

1 Suru Ma E’yo 17:1-8
Isaya 35:8 / 40:1-5 / 53:1
Malaki Capta 3 zuri
E’yo Ba Matayoni 11:10, 11:25-26
E’yo Ba Yohanani 14:1-6
1 Korinito Capta 13 zuri
E’yo Eceza Capta 21 zuri

23-0702 A’di ‘Diza Drio ‘Dileri

Asikari Ndurukuluru Azi Ngaza Tepu vurini Leletu ‘Diyi.

Ama ma etraki ama tualu deta amboru embata ama ni engazu ovuzu wiki ma deta onyiru be ‘diniri vu, amani ama Asikari ma Ambo onibe towiri eriria e’yo nzeria Eri ma malaika pele nyakuari vusi Erini amani embata fezu geri amani a’di ‘dizu azini ndezu A’di ‘Diza Drio ‘Dileri 62-0311 ma aa.

Ngoa ya: Aku Amboa (Ongonga Munguniri vu)

Sawa ngosi: Azo etualasi (2pm), JEFFERSONVILI SAA SI (Sawa na onderisi Ugandaa)

Adri Joseph Branham I.

23-0611 Aliria Mudri, Azini Yahudi Alifu Turu Alu Kali Su-Drini Suri Ki

‘Ba Mana Lepi Leletu ‘Diyi

Ama ayikosi a’disikuni amani ecozu Nyaka ovupi foloko kaniku efi azi koko eri ma aari nyazu risi. Mukati esi vaa engazu ‘Bua, ‘ba omve “Mana ni”, angu dria a’buzu alizu ‘Buni risi.

E’yo Eceza Orindisi risi Eri ece amani kini angu lu amani ecozu Mana O’diru ori-eri koko ‘di esuzuri lu alu; O’duko Munguni Erini fe Ima Amuro dri ‘bo ri erizu risi.

Eri Eri ma matu ‘baza mburu azini siri ayi alu alusi kini kanisa ma eriki O’duko Opiniri i ri. Ayi asizu ‘di alia, Eri ma matu ‘baza ‘di oru aga ayi azi cinini risi ri ra; a’disikuni ‘di o’du Emuta Opini ri’i. Li ama bile, mbeleru driari si, kini le ama ma eriki Eri ma O’duko adaru, ovupi e’dazaru ra ri’i.

Kaka, o’duko ki kakau wudrikurua — e’yo ewaruki azini afa ‘ba ko yi azara riki tre; te o’duko azi muni ovu orodriru ambamba azini fudri ra e’yo erivuri ‘yezu o’duko Orindivu ri le ni yo.  Ani, “‘Ba ovupi bile be e’yo erizuri, ma eri e’yo Orindini ‘yole kanisa tiari.”

Eri ‘di be ‘da, Eri ma bile liza kanisa pini ri i, eri orodriru tu O’DUKO Orindi vuri erizu ngole yari’i. Ada adaru ‘da angu ari’bo ni omba ‘bazu ani ri’i, o’bizu orodri O’DUKO ‘DA erizuri vusri ‘bazu re ‘bapi vusi.

Eri lu amani kini O’DUKO KAKAU ki indi.  E’yo ewaruki azini afa ‘ba ko yi azara riki tre; te mi ma avini aluni ku, le mi ma eri ERI MA O’DUKO OVUPI E’DAZARU’BO RI RA.   

Ka mi su su ‘da ‘yozu yani, mi tru ma ra, te, Ma ama ra ‘dani mu ovu gazarusi, te Ma O’duko Munguniri i emini.

Omvitani ‘di be ‘da: MA O’DUKO MUNGUNI RI I EMINI.

Eri mgboru ambamba Eri ma Amuro dri.  Ovuni zizaru ku, Eri kpi ‘daa nezaru ra; ‘ba ci ri eco Eri la ra. Ovuni ‘di ma ‘ba pini afa azi erini awi ‘yoku ye ni olu ‘dini ku…ovuni ma ‘di eri si masi ‘dini ku. Eri lu amani mgboru afa orodriru ndeni le ama ma ‘yekiri a’duni yari. Ale Munguni kililiruri eri ERI MA O’DUKO ERIZU RI’I AZINI ERI MUNGU MA O’DUKO AMANI RI’I.

Adripika azini amvupika, ovuni ‘di ma ‘yo emi ma eriki emi ocepiki ku ‘dini ni ku.  Ovuni ‘di ma ‘yo yi enzoru kaniku onzi yi ka ki e’yo olu ‘dini risi ri ku. Mgboru Opi ‘ba ama ‘dia ovuzu azakomani Amuro dri azini emi e’dazu VULE E’yo andra okori vu; O’duko ‘da ‘bazu emi drilea afa orudriru ndeni emini eco erira ri i ri ru. Ama RO Mungu ma ALE KILILIRURI ALIA. Adamu ovupi ogozaru ro ri i, cezaru kuru E’yo vutia. Mungu nze andra e’yo Adam be tivu bivu Amvu aa, ani andrusi, Eri afa alu ri ‘ye.

Le ama ma soki pa a’befe aa ani ‘yozu, “ama adripika ki!” Ama ovukini awazaru ku, Ruati aluni ama Dria; asi’baza azini Embata Aluni, (Embata Bibiliani ri’i.)

Ama adripika ki. Ma ‘di o’bi kanisaki awa ‘dini ni ku, ma o’biria ama ejizu tualu afa LU ecopi Amuroni ejipi tualu ra ri si. Acakini dria a’i ‘BA AZI BE, KANIKU ONGULUMU OLU’BANI ni pie ku; yi dria ndu azini yi afa ndu ki ‘yo. ‘Ba o’dukoti ojipi malaikaru azirizuri lu ALU. O’duko Munguniri lu ALU. O’duko Munguni fe Amuro Iniri dri tepu ma dria ri’i.

Ma nga ovu kpi. Ma E’yo vaza eri: O’duko Munguni tepu ma driari erizuri NI ALE MUNGUNI KILILIRU RI I.

Kile o’du andra Samuelini riki si, andra ‘ba pini emuzu erivu ani ‘yozu yi leki opi azi ma ce yi ma dri ni rile.  Nyo andra eri ma asi tu. Mu ‘di andra Mungu vu ani Erini afa andra yini leri oluzu. Mungu ‘yo andra Samueli ni, yi gakini mi’i ku, Samueli, yi gaki Ma’i, ani Ma ma ce yi ma drini ‘dini ku.

Eri andra yi ma dri ce ngoni ru? ERI MA NABI, SAMUELI VUSI. ‘Da andra Eri ma ALE KILILIRU ri’i, ani yi gaki andra eri si. Ovuzu Eri ma Amoruni le mi ma go dri RO Mungu ma Ale Kililiruri alia. Mi cani ovu ALE KILILIRU 2 ni pie ku.

Ma le te tu Amuro driarini emuzu tualu engazu wudrikurusi ara O’duko Munguniri erizu dria sawa aluri alia ngole ya.  Ovuni a’bari “Ma” ‘yoria risi ku, te a’disikuni Munguni ERI ‘YERIA risi. Eri afa lu Eri ma Amuro ejipi tualu ra ri’i.

Ma mi ai emuzu erizu esele Amuroni ri be, Sabatusi sawa azia etusi, Jeffersonvili saa si (Saa Alu ondresi Ugandaa): Aliria Mudri, Azini Yahudi Alifu Turu Alu Kali Su-Drini Suri Ki 60-1211M erizu.

Mi ka eco rueci ama be ku, mi oru ocepi mini ri O’duko Munguniri erizu Sabatu ama o’butisi kanisa mini ri alia. Mi eco egara, Amuro’i wudrikurusi ra, kanisa alu alu alia, aku alu alua, kani mi tro ngwa yari ti, Mana O’diru a’buzaru dria dria aluza ‘Bunisi ri eriria ‘dini ri.

Adri. Joseph Branham i

23-0604 Eleko Na Lingomba Ya Filadelefi

Ataza Yesu Kristo Leleturi,

‘Da ekuni onyiru ambamba ku? Kabilomva ki Amuro Erini be ‘dani ‘dani rizaru kililiru Munguni dria ri pi alia.  Ama eco ‘da ece ngoni ru ro? Ama e’yo ega drinia. Orobi ni ama obi drinia. Ama E’yo ‘yo drinia ngoni yari la. Ama Eri ne Eri ma ngulupi ma Alatara ale AMA be. Eri ma aa, ama ecaki alatara Munguni mbga ri i. 

Ayiko erini eji ri ngo’i ya amani avizuri ekparia, ani Mungu ma ngulupi ni erizu e’yo nzeria amani trai Eri ma malaika amboruri vusi ani amani afa ‘diki luzu.

Afa azi yo idri ‘di alia, eri tro apita fe ngole yari, ala azini onyiru erini tro ta ovu ri le, te mi nga o’bata dria kililiruri niri esu Kristo alia. Afa dria ni afo orodri-ako alia Eri ma ageyia.

Eri ‘yo AMANI ama nga ovu ru o’dini be, Eri ma Ru ni. Eri ma Ru ni nga ovu fezaru amani saa nga Erini ama jizu Eri ma ngulupivu risi. Eri nga ovu onyiru ambamba aga amani drio egari ra. Ama nga mu angu dria Izio ni muzuria. Cani nga ama ku tuaku. Acakini nga Eje Erini ku tuaku. Ama nga ogunga Erini ri ale Eri be. Eri ma diza azini inzita ni nga ovu suzaru amani oku ru.

Azini Erini Ima ngulupi eceria wudrikuru dri, azini wudrikuru dria ni avuria pa Erini pi drilia, saa ‘dasi wudrikuru dria ni nga avu pa ‘ba alatararuri pi nia, e’dazu kini yi andra ‘yeke yi ma po soza Eri be ri si. Mungu ma ovu tusu cozaru ‘dani ‘dani!


Eri ni andra okoru azita Munguni risi kini ama nga ta ovu Eri ma Amuro ni. Pe andra AMA ni; apeki andra Eri ama’i ku. Omve andra AMA ni; ama emu ki andra ama ngulupisi ku. Dra andra AMANI. Oji andra AMA Ima ngulupi ma Ari aa. Ofe andra aje ni AMA ni ‘bo. Ama afa Erini, azini Erini a’dule. Ama dria dria owizaru Eri dri azini Eri ‘yeza nde ai. Eri AMA dri ni. Eri e’yo nze amani trai Eri ma malaika vusi azini ama ru ra, a’disikuni ‘da ama ayikoni.

Engazu e’doria kpere asiria, O’dukoti tepu pi driari dria MUNGU’i AMANI. Idri ‘da ma ovu AMA aa. Eri ma ovu Ari Eriniri’i AMA ojipi ri. Eri ma ovu Orindi Eriniri’i AMA efipi ri. Eri ma ovu E’yo Eriniri’i ama asia azini tilea. Eri ma ovu Nyi’biliko Eriniri’i AMA atipi ri. Ma ovu Yesu’i, azini Yesu’i a’dule. Ovuni azi alatararuni, amani ‘yeri ki si ku. Kristo ni ma idri ni. O’dukoti ‘di ni ama idri ni, a’disikuni Eri Kristo’i.

Kaka, o’duko ki kakau wudrikurua — e’yo ewaruki azini afa ‘ba ko yi azara riki tre; te o’duko azi muni ovu orodriru ambamba azini fudri ra e’yo erivuri ‘yezu o’duko Orindivu ri le ni yo. Ani, “‘Ba ovupi bile be e’yo erizuri, ma eri e’yo Orindini ‘yole kanisa tiari.”

Mungu ovu O’duko azi be ci o’du ‘dini. Enga ovu e’dazaru ra Aci Piriruri si ovuzu O’duko Munguniri’i. O’duko azi mupi ovupi ORODRIRU AMBAMBA AZINI FUDRI RA E’YO ERIVURI ‘YEZU ko’bo O’duko tepu ma dria adruni ‘dale ri ni yo.

Mi emu ruecizu amabe Sabatusi Sawa azia etusi (12PM), Jeffersonvili saa si (Saa Alu ondresi Ugandaa). Ama ovuki jurua Afa Sizani gapi tre Anyusi ni be. Ama nga eri ‘ba Oni nde ma dria, ovuni kanisa azi cini ma dria ku, Kristo Yesu i. Ani emi’i kabilo ki nga mu omberia. Mi nga adaru eca muke lu kpi coti. Candi dria ezataniri ki nga mu te saa mini Oni nde mbezu risi. ‘Da lu afa ci le mi ma ‘ye ri’i, mi emu O’duko Munguniri erizu amani e’yo ‘yozu: Ayi Kanisa Filadelefianiri 60-1210 ma dria.

Adri. Joseph Branham i

23-0521 Ayi Kanisa Tuatiraniri

‘Bi’bio Eri Ma Okuu AA Leletu ‘Diyi,

Emi zu ayiko Amuro la. Ama ecaria Alu Eri be.  O’duvusi, Eri amani E’yo Eceza angiri Ima ngulupi ma dria azini Ama driari niri fe.  Ama ecaria amaza angiri ri be Okpo Idrifepi oapi azini oapi idriru ama aa ‘da ni.

Ata ama ecokini e’do ece ama ama ama ngoni yari ma dria ku. Ama ovuki kizaru Orindi Erini risi. Eri ama egata mgbariki. Afa azi nduni amani asizu ani ni yo. Ama ne Eri ma E’yo ni ecaria E’yoni ama aa. Eri ama idri dri nyaka fe. Ama oa o’du dria Eri inzizu, Eri ma ru ekuzu, azini Erini awa’difo fezu amani ecozu Eri ma O’duko erizu e’yo nzezu amani risi.

Amani Buku Ayi Kanisaniri laria, ama cani mgbaria eri ‘ba vaa ku; ama asiki ‘di awheria. O’du alu alu ni E’yo Eceza angiri ni eji.  Aleki mbu oru azini trezu, nzuzu rumu aasi ara azini trezu oru: “Diza, Hallelujah, Opi ma ovu Inzizaru.” “Mi la ta ‘di ra?” “Ma tri afa siza amani andra tri’bori ama mifi dika, te drio, DRIO, ma lani nga eri ‘dale KU.” Eri Bibilia ma ndulu eceria engazu E’doza kpere E’yo Ecezaa amani, azini Ma AMA NGULUPI NI ERI MA E’YO AA.

Ama Amuro Adaru oapi E’yo be ayipi alisi dria azini andra ovupi olezaru Sitani ama enzo amborurisi ku ri ne ria. Le andra ovu inzizaru kile Mungu le. Te sawa dria alia AMURO ADARU ‘da andra ci, oaria a’itasi Eri ma E’yovu. Ongulumu wereru pele’bo andra awipi oapi Eri ma ‘ba o’dukoti ojipiri be ri i. Lu kile ama le, ecokini, azini cakini andra enza o’bazu erisi ku. Yi niki andra ra kini GERI LU ALU ovuzu ndindi ri: oazu Eri ma Geri fe ri be, Eri ma E’yo, Eri ma malaika be ri i.  

Sitani enga ovu enzo’bani sawa si dria ngole ya. Ofa ima geri Ayi Kanisani ndundu ‘diyi alasi kpere afa erini leri ma ‘ye’i ri ‘yeria. Eri ecadi sawa ‘disi enyia ‘BA KILILIRURI BE  ani kpere eco di ta ‘ba opezaru mgbariki olezura ka ta i ecora ria…te inzita ma ovu Mungu vu, ERI ECONI I RA ‘DINI KU, AMA OVUKI NI OLEZARU KU. A’dusi? AMA OAKI O’DUKO MUNGUNI RI BE, ERI MA E’YO OVUPI ‘BAZARU RUATISI RI I.

Geri azi eri ageyia arani yo. O’duko Munguniri ni Eri ma Geri fe andruni ri i. Ama ebiki muzu drile Eri ma aziki ngazu a’itasi kpere asiria. Okpo ovu fezaru ama dri suru pi ma dria, azini ama dricere okporu, ecopira, ecopi ovupi agbozaru ku, ecopi ruotipi ra okpo driasi oata ciri be ri ki. Ata ama ari’bo ovupi avabe ndeni ri ovu anzuzaru ‘bo. Ama e’data dricezani, Eri ma Okposi ri, eri ko’bo Mvi nde vu mgbari le.

Kiri kiri, ama ka ta eco eri ece e’yo amani amari ki si ra ‘dini. O’du alu ama nga ‘ye ra agyipi la. Ama nga oa ‘Dani ‘Dania ama Opi be, Eri ma malaika be, azini ama ama alu alu pie.

Ko’bo oku iniru engazu Memphisia rile, aniki andra ra Eri Eri’i amani andra Eri erizu risi. A’dusi?  Kiri kiri, ama YI MA AZI KI.

Mile ta Orindi Alatararurini e’yo nzezu mini ani luzu mi a’di’i yari ra?  Mi emu indikindi Opi ni ri etumuzu amabe Sabatu ‘disi sawa azia Etusi (12PM) Jeffersonvili saa si (Saa Alu Ugandaa), amani: Ayi Kanisa Tuatiraniri 60-1208 eriria. Eri nga idri miniri oja ra.

Adri. Joseph Branham i

23-0514 Ayi Peregamoni Ri

Anzi Nabini Leletu ‘Diyi,

Ama E’yo ovupi e’dazaru ra, ovupi okpo isuria Orindi vusi, O’duko Munguniri eriria, Eri ni aziria amadri, ama ERI MA AMURO KI ri ki.

Ata fe Ima Kanisa dri feta Orindini OROMI riki, azini azinga olu’ba pini geri-TOWI si riki ra, te Yesu ‘yo: Ayi dria alia Ma nga Ma ngulupi ma e’yo nze LU ‘ba ALU vu. Lu ‘ba o’dukoti ojipi ALUNI ayi alu aluniri nga ale a’du ‘yo ayi ‘dani ri yari esu ni. ‘BA O’DUKOTI OJIPI ALU ‘da ni ‘ba o’dukoti ojipi Kanisa adaru rini ri i.

Eri e’yo nze Mungu ma paria e’yo ecezasi. O’dukoti nde di ovu erezaru ‘ba dria vu, te eri lu aizaru ongulumu azi drifupi ra wereruni pivusi geri azini si. Te ‘ba alu alu ongulumu ‘da ma aari eri ‘ba ecopi bile copi afa Orindini ‘yo geri ‘ba o’dukoti ojipiri vusi ri erizu ra ri i. ‘Ba eripi ‘diyi ovukini yi yima e’yo eceza yini yisi ni esu ‘dini ku, ovuni vini ongulumu azi ni e’yo eceza esu ongulumuru tualu ‘dini ku, TE ‘BA ALU ALUNI AFA ‘BA O’DUKOTI OJIPIRI NI ISU ENGAZU MUNGUVU’BO RI ERI I AZINI AI’I.

Geri le ama ma ovuki milesi O’duko ALU erizuri ngole, a’disikuni Orindi nde ovu lu O’duko alu be Ovupi O’duko Munguniri’i ri.

O’DUKO MUNGUNIRI lu alu azini leni ma ovu e’yo lizaru ko’bo OROMI ri pile, kaniku ovuzu yazaru ko’bo TOWI ri pile ‘dini ku; LU O’DUKO E’YONI ALU KILILIRURI I!!

Ama ecoki olu’ba azi ‘diyi eri ra? Ee, te afa kuluri LU afa nabi ni andra ‘yo ‘bori ‘yozu’i ri i. Azi ‘diyi ecoki ra, azini ma, oruki, embaki azini oluki e’yo; te Mungu ‘ba geri azi andrusi ama ni ko’bo O’DU AZINISI RI LE KU. Ama ecoki piri eri ra afa Munguni ‘yo kanisa dri ri.

Eri ‘yo andra amani ovuzu milesi ambamba. ERI ‘YO ANDRA AMANI, OVUNI  MA-I KU, kini yi ‘ba ‘dia, kaniku ‘du amve ‘daa, ani mbeleru o’dukoti nde ovudi aluru kililiru ku. Tepuki eri ria, Eri E’yo vusi E’yo vusi, ‘Di Opi ‘Yoni ni.

Eceta Orindini oaria aaci ri ni afa Mungu ma nabini fe ayi erini ri dri kanisa ‘bazu padria ri a’izu azini VUTI BIZU ri i.

‘Di asisile amani VUTINI BIZU, azini ‘yozu, ama ocepini malaika ‘ba o’dukoti ojipiriru azirizu ri i azini aleki lu afa erini ‘yori eri i ri i. Amani ria, Eri Mana Zizaru ri i.

E’yo Eceza nde ovu andra osuzaru ama ‘ba o’dukoti ojipi malaikaruri ma dria. E’yo Eceza E’yoni ri andra fezaru azini ‘yozaru ERI dri ayi amani ri ni. Eri ovu E’yo Eceza azi were amboni be Kristoni a’di yari dria; omveta azi were oru ndeni ni be, aga azi ‘diyi dria. Akaki eco ovu angiri ndeni aga ama ocepi’i ra ku, ecekini aleki di Willaim Marrion Branham ni ovuzu ama ocepi ru. 

Aniki ra azi ‘diyi caki ni afa amani neri neeku, azini amani a’iri a’iku, te yi kiri ama adripika azini amvipika ki, azini ama ovu ‘dani ‘dania yi pie. Te le ama ma ovuki adaru afa amani a’ira kini eri geri Munguni e’da amani Eri inzizu azini vuti bizu ri i.

Eri ewakoko azi ‘diyini ‘yozu kini ama odro amba mba ‘ba o’dukoti ojipiri ma dria, te mgbaria, ama lu afa andra erini ‘yori yo. Le mi ma oti mi ‘da be ra Opi be. A’disikuni eri O’duko Munguniri’i afa ‘diki nzepi ri i.

Ama ma nzi ki ama asiki omi pie ani afa Orindini ‘yo ama ni Eri ma malaika vusi ri lazu beni:

Emuria wudrikuru mbeleru, malaika Dizani amboru ngapi emupi amavu ri’i, ngapi ama dri cepi amve ri’i, Orindi Alatararuri amboruri’i, emuria okpo alia, azini nga ama dri ce Opi Yesu Kristo vu. Eco ‘do ata niku ra, te eri nga ovu ‘dia o’du ‘diyi ma azisi. Eri nga eri fe…Munguni nga eri fe ovu nizaru. Leni erini nga fezu ima ngulupi nizi ni ‘dini ku, Munguni nga fe eri ni ni. Munguni nga Ima ngulupivu ri ece ra. ‘Da afa andra Erini ‘yo denga Yesu ni ‘diaci ri i ani yi e’deki andra te Eri nizu, enera. ‘Yo andra, “Ma ka azi Ma Ativu riki ‘ye ku, ecekini emi a’i ‘di Ma ku; te Ma ka Na Ati ma Aziki ‘ye, ani emi a’iki Ma ku yani, emi a’i ‘di azi ndeki i.” ‘Da ada ya?

Eri Ima ngulupi omve malaika dizani amboru o’du ‘dini ri’i ku ya? Aniki ra Eri Orindi Alatararu eri ma aa ri i, te ‘yo kini: Eco ‘do ata niku ra, te eri nga ovu ‘dia o’du ‘diyi ma azisi. Orindi Alatararuri muni ni I a’di-i yari ku ‘dini? Leni erini nga fezu ima ngulupi nizi ni ‘dini ku, Munguni nga fe eri ni ni.

Ani eri ‘yoria, nabi o’du amaniri niri ni malaika amboru dizani ngapi ama dri cepi amve azini Yesu Kristovu geri Orindi Alatararuri vusi trai erivusi ri i. E’yo Eceza o’du amaniri niri ‘di be ‘da.

A’dini mu Amuroni e’da Opi ni ni? AMA OCEPI I.

Te nabi ‘di ni nga emu ra, azini kile ‘ba e’yo azipi okoru emuta andra okuri vuri ni wuria, “Emi dre Kabilomva Munguni, ezata wudrikuruvu riki ndupiri i,” rile, ‘dale indi eri nga vini wu ra, “Emi dre Kabilomva Munguniri, emuria diza alia.” Eri nga ‘di ‘ye ra, a’disikuni kile Yohanani andra ovuzu ‘ba e’yo adari ma o’dukoti ojipi ‘ba opezaruri pivu rile, ‘ba o’dukoti ojipi asizu ‘ba opele’bo azini Amuro Osipi-E’yovusi ‘diyipini ‘di ni nga vini ovu ‘dale.

E’yo ada ‘diki nizu risi, ovuzu E’yo Eceza Eri ma dria o’du ‘di aa TRE risi, ama ecaki di Eri ma Amuro osipi-Orindisi, efizaru-Orindisi riki.

EMI ZU AYIKO AMURO LA, ‘DI AMA A’DIKI YARI I!

Agu azi osipi-Orindisi, efizaru-Orindisi ra aita aa ‘dileri ka E’yo ‘da ‘du asi inia azini Eri ‘ba tile inia, a’dusi ‘daa lu kile Mungni e’yo ‘yooni ri le. Le ‘be dria ma mu ra. Sitani cani paso agu ‘da ma drilea ku.

Sawa ‘disi oaza alu adaruri ni Izio pi eselia ama, Eri ma Amuro be.  E’da amani Ima E’yo idrini ri ‘bo, azini ama aiki Eri ‘bo. Acakini nga Eri aba aluni ku. Ani, afa azi cani ama idra ku, ata drani.

EMI ZU AYIKO AMURO LA, ‘DI AMA A’DIKI YARI I!

E’yo ni Amuro alia (kile andra Maria ma aa rile). Amuro ovu omi Kristoni ri be a’disikuni eri ni afa Erini le ma ovu ‘yezaru E’yo ndesi ri ra. Eri azita E’yoni ri ‘ye Ru Erini risi a’disikuni ovu “‘di Opi ‘yoni be.” ‘Daa E’yo nde ni di idri isu Orindi vusi ani pari ‘duzu. Ko’bo ori ovupi sazaru azini yi osuzu driniari le, eri eca efikaza treri vu, azi iniri ngazu.

Ama ecaki di efikaza treri vu ‘bo ani di azi Erini ri nga. Ama ecoki lu Ale Eriniri ‘ye’i. ‘Ba azi cani fe amani ‘ye ndu ku. Ama ovuki “‘Di Opi ‘Yoni,” be kaniku ama ovu ciri. Anikira kini eri Mungu i ama aa, azi ndeki ‘yeria, fezu Ima ngulupi ma E’yo ma ‘du pari beni.

Ama ayiko zu a’disikuni nabi ne andra ama o’buza sawaniri ma drilea ‘daleru amani ama o’duko engaria azini treria tecita alu alia, “Ama avali ‘da ma dria!”

Mi emu rutrazu amabe Sabatu si sawa azia etusi (12PM), Jeffersonvili saa si (7pm Ugandaa), amani O’duko Munguniri eriria e’yo nileku: Ayi Peregamoni Ri 60-1207 ri ejiria.

Adri. Joseph Branham i
    

Kalafe 23:8-9
E’yo Eceza 2:12-17, 17:1-5, 17:15

23-0507 Ayi Kanisa Simurinani Ri

A’i’ba Adaru Leletu ‘Diyi,

Ama ko’bo anzi Isiraelini andra efupi amve engazu Misiriasi ani pasozu enyia ogogo Angu Azileri vu ri pi le. Ama enga dria ovu aci aa tualu. Aneki dria tali Munguni alu aluri ki ‘bo; aleki dria mana azini yi engazu Oni gbaleri vu alu aluri. A’yoki dria kini ama Aci Piriru ‘da ma vuti bi ‘dini. Te LU IRI caki andra Angu Azileri ma aa ni andra ‘dasi. A’dusi? LU IRI KI ANDRA A’I’BA ADARU KANIKU MGBA RI KI NI. Esele coza andra ‘dasiri pivu sawa ‘disi ri be ri a’duni?  A’i’ba adaru ri awiki andra oa E’yo be.

Ongulumu azi nduru ‘bapini ecopi afa Orindi ni ‘yori eripi ra ri lu alu. Ongulumu azi nduru aluni’i E’yo Eceza adaruri aipi ri. Ongulumu ‘da ni Munguni. Yi afa Orindi ni ‘yori eri azini Eri ai.

Ama ongulumu nduru ovupi Orindi Mungunirini ri be ri’i. Ama ‘ba osipi Munguvusi riki. Ama ‘ba fipi ruati Opi Yesu Kristoni ma aa baptizisi trai Eri ma Orindisi ri ki.

Sadini adaruri eri afa Orindini ‘yori ERIZURI i. Orindini e’yo ‘yoria. Orindi ni embaria. ‘Da lu ko’bo afa Yesu ni andra ‘yo Eri ta ‘ye sawa Erini andra emuzuri siri i. Yohana 14:26, “Eri nga emini afa driaki emba, azini afa driaki eji egata eminiri pi alia, afa dria Mani ‘yo emini ‘diki.”

Yesu azi andra amani Eri ta nga mu oa ama alu alu pi alia. Eri ta mu ama dri ce, amani geri e’da azini ece ‘ba ndundu ru. Te eli 72 vule ‘dale andrusi, Mungu nze andra e’yo Ima malaika amboruri vusi ani ecezu mgboru wudrikuru dri, “Ma O’duko Munguni ri i emi dri”. Eri lu andra afa dria idiri pie ‘diyi ni “Ma’i, Orindi Alatararuri’i, ovu O’DUKO azi be ci Mani nga ayu e’yo nzezu emini azini ma e’yo siriru riki ecezu ri”. Eri enga andra nga drio ovu driwala be ku Ima O’dukoni ovuzu ‘duzaru ani ama ecoki ani Eri ma O’duko eri e’yo nzeria amani tivu bivu beni.

Eri ma O’duko erizu tepu pi ma dria risi leni di mini osuzu, asi ‘bazu, kaniku ata zizu kini afa mini eri ri ni e’yo adaruri i ya ‘dini ku. Afa lu ci ‘BA AZI ni le ‘yeri eri Avizuri Ekpazu, ani yi ecoki O’duko Munguniri eri ra aziria mgboru yi dri, “‘Di Opi ‘Yoni”.

Mi le atita ni: Mi Ekpa Avizuri. Lezu ovuzu ‘duzaru: Mi Ekpa Avizuri. Lezu ovuzu sazaru: Mi Ekpa Avizuri. Ovu zita azi be asi mini aa ci: Mi Ekpa Avizuri. Mi aliria afa azi alesi ani leta embata asi tezani ri esu: Mi Ekpa Avizuri. Mi ovu peta azi orodriru tu mini le peni be ci: Mi Ekpa Avizuri. Mi ni a’du ‘yezu yari ku idri mini risi: Mi Ekpa Avizuri ani O’duko Munguni, Orindi Alatararuri erizu, e’yo nzeria mi dri tivu bivu.

Orindi Alatararuri ni nabi o’du nde niri i. Eri lu andra wudrikuru dri kini, ‘di O’duko mani ‘ba okoru ‘bo ovuzu Ma O’duko emi ri i. Ma nga azi ‘diyi efi ma Orindi Alatararuri si, azini Ma pe yi ma ti ‘bo emi aza kozu, te Ma ovu lu O’duko alu Mani azi mgboru ra ovuzu MA O’DUKO ru ri be. Ata Ma ‘du vini ma e’da eri be ra ani ecezu wudrikuru dri kini, Emi Eri Eri-i.

Kirikiri evaki ma onzi ku. Ee, agupi odu osuza be efizaru Orindi Alatararuri si Munguni omve Ima anzi pi ma aza kozu riki ci. Ma zi kini ma ma ovu yi ma azi. Yi indi ecoki mini asi embata, asiomiza fe ra, azini mini geri e’dazu aci idriniri ma aasi ra. Mungu ‘ba ki ‘dia asisile azi si. Te asi embata, asiomiza azini geri e’data ORODRIRU ndeni mini eco esuri eri O’duko Munguniri’i e’yo nzeria mi dri Avizuri Ekpazu risi. Afa ci mani lu mini, kani ‘ba azi cini ni ri, le ma emu nga okoria engazu O’duko Munguni tepu pi ma driari vu.

Afa azi orodriru ndeni idri mini ri alia, aga O’duko Munguni e’yo nzepi mini ri erizuri ni yo. Mi zi nga mi ngulupi, afa azi wudrikuru ‘di ma aa AMBORU TU mani eco ‘ye ni ci, kaniku ovupi orodriru idri mani ri alia, aga Mungu ma O’DUKO e’dazaru ra ri erizu ri ra ri ci? Erizu engazu Adri. Joseph vu, YO. Agupi azi ndu cini eri zu, YO. Afa azi yo AMBORU TU AGA O’DUKO ‘DA RA RI.

‘Ba azi cini ka ovu E’yo Eceza azi cini ni be ci azini Orindi Alatararuri be yi ma aa leki ma ‘yo ki AMENA. Afa azi wudrikuru ‘di ma aa amboru nde aga Avizuri Ekpazu ri ni yo.

Le ama ma ovuki milesi sawa asizani ‘di aa oazu E’yo ‘da be ngole. Engazu e’yo nzeza papa ni, ‘yopi kini i di be ‘Ba Mungu ma paria mgbari i ri vusi, ‘dini kpere afa ovupi nzezaru’bo ri ma ndumba kaniku sere aluni ojazu ri vu. Mile Munguni alia, eri DRIA E’YO RUA ONZI RI I, KRISTO MA RUA ONZI RI I.

Ma leni ovu ko’bo ‘ba andra o’du Samuelini kisi ‘da pile ku.

Yini andra emuzu Samueli vu ani opi azi aizu ria. Samueli esu andra candi tu kpere eri ma asi le di andra e’de. Mungu enga andra Ima ‘bapi ma dri ce trai nabi e’dezaru, E’yo Sizani e’dani ‘di vusi ani ama di andra kini i ovu di gazaru si…

Ama awa’difosi tali, ondoa, feta azini tambata Munguni ‘diki si. Ama a’iki eri ma aa ra. Aleki eri ra. Azini o’bazaru ‘da dria alekini oa eri kokoru ku. Afa ‘diari di belu ini amani lezu opi azi ma ce ama dri a’dia ni ri i…

 “…ALEKI OPI AZI OVUPI AMA MA AZI NI I AMA DRI CEZU.”

Ani Mungu ‘yo di Samueli dri, “Mi ndre, yi gaki ni mi i ku, te yi gaki MA’I engazu ovuzu yi ma dricereru.”

Kalasi ndu, ama ama ama ko’bo Elisa le eri andra o’yoria Eliya be. Eliya ‘YO ANDRA ERI NI MGBORU, (andru eri mu ovu afa erini andra yo tepu ma dria ri i,) mi oa dia mani muria. Elisa eco andra ku, azini cani andra ku ‘da ‘yezu, ovu andra E’yo Eceza E’yoni o’du iniri niri be ci.

 Sawa ‘disi, ama yi neria yini aci ‘duria, emuki di sukulu vu. Ani ‘yo di, “Mi oa ‘dia sawa ‘disi. Mi oa ‘dia, ani mi ri di ‘dia ani ovuzu embapi azi e’yo dini ni embapi ala ‘dile ni, azini afa azi ‘diyi pie. Azini mi eco ‘do, o’du azini si, eca ambo sukulu ‘dini ri i ra. Te le ma ma mu andra leru nga were dika.”

57 Mi eco ega kini agu azi Munguni ‘dileri eco api ovuzu ambo sukulu azini ni ni si, esu dere Okpo Munguniri ci kpi angu erini pasozu ria ‘dile ri ra? Yo, culu. Eri ‘yo di, “Kile Yehovani ovule idri ri le azini orindi mivuri ni ovule idriru ri le, Ma cani nga mi ku ku. A le ‘da tu. Mi oa eri be, avaako ka tro emu, ata eri emu engazu mi ayia vu, mi ati vu, kaniku mi ocepi vu ngopi yari ti. Mi oa Eri be.

Kile Yehovani ovuzu idriru ri le, Ma nga oa O’duko Munguniri be Avizuri Ekpazu risi, a’disikuni Eri ‘Di Opi ‘Yoni ni mani.

Mi emu ruecizu ama kabilo be, Sabatu si sawa azia etusi (12PM), Jeffersonvili saa si (Sawa alu ondresi Ugandaa), amani ama traria Eri ma O’duko eriria E’yo nzezu amani ani amani E’yo Eceza: Ayi Kanisa Simurinani Ri 60-1206 ejiria.

Adri. Joseph Branham i

E’yo Eceza 2:8-11