Category Archives: Uncategorized

22-0508 Kristoni E’yo Mungni Zizaru ‘Diyi Ma Ecetani

Erima Asini Lele Ambamba Leleturi,

Ma inzita amboru tu ni be wudukurua. Opi ni driwala fe mani Eri ngulupi ecezu emi dri, ani eco ani e’yo nze kpi emidri afajo Erini ndra pee denga wudukuru vuti ovuni ‘bazaruku Eri ma E’yo driari nzezu azini ecezu emidri ri vusi.

Ovuni lu agu azi Munguni ni’i ku, Eri Mungu ma Ngulupi’i, Aci Piriruri’i, Orindi Alatararu e’yo nzepi midre tivu bivu ri’i, azini ama ovu driwala azini inzita be Eri ma nabi peeri omvezu, AMA OCEPI i.

Ovuzu abazaru akaki di ‘di agu azi eriri siria, eri ma egata kia, eri ma omi kia, kaniku eri ma e’yo efi eceza E’yoni ri iya ‘dileri di yo. Eri Mungu ma Ngulupi i ‘DI OPI ‘YONI nzeria amani ri’i.

Ma ni ra ‘ba ki are ‘dasi are are, tea ma Eri mvu aa. A’disikuni Eri afa lu ci ecopi vico amani atipi azini apita fezu idri amani ri ni ra ri i. Eri E’yo Idri ‘Dani ‘dani ri ni ri i. Amani ria, Eri O’duko Munguni ri i. Eri O’dukoti sawa ni ri i. Ani, eri E’yo i, O’duko i, Tepu ki, KAADRI KU AFA AZI YO!

Ama ecizaru tualu Driceza aluni ma vutia ko’bo Israeli vu ndra oku ri le. Mungu alu, e’dazaru Aci Piriru si, azini Ima ngulupi eceria Eri ma nabi vusi E’yovu. Mungu aluri’i, Aci Piri aluri’i, geri aluri’i andrusi. Mungu cani Ima obi ojaku. Eri ma otita cani i oja engazu Eri ni e’dozuri vusi ku, a’disikuni Eri asiza kokoru azini Eri ma otitaki egata Erini ri pie dria kililiru. 

‘Da di be e’yo amani ovuzu asi ‘baza azi angiri nibe muzu afa Erini mu ece amadri Sabatusi ri erizu beni ri. Eri ‘yo ndra kini I elo eri ma ti emveleru riki, eri ma angu alialeruki amveleru pie dria ‘bo, azini ata e’da eri ra E’yo siza ki si tiaa ‘deree ‘dini, kpere aniki ra kini O’dukoti ‘di dria driaria E’yo Adani. Ozini azi yo.

Te Sabatusi, Orindi Alatararuri ni nga mu O’dukoti e’du azini Eri ‘ba angu Erini ovuzu sawa ‘disi ria. Eri nga Eri si kpi angu ndra Eri ni e’dozu ria, azini Eri sizu kpere sawa sawa ‘disiri alia.

Ama ma emvuki ngalu engazu afa Munguni mu lu azini ece amani Sabatusi ama ocepi vusi ri vu:   

Emi ‘ba asi mani ni lele ambamba ri ki, ‘ba ovupi tizaru Opi dri Orindi si azini E’yo Adaruri vusi riki. Ama lu zi azini a’i Opi ni tusu cozu emi dria azini emi ‘bazu sozaru enyia tualu baka ale Kristoni risi. 

Opi fe ma dri Nyaka tambazu emi dri; ribi ala azini e’datasi mulimuli ‘dileri kanisaa ‘di alia ‘dia. Azini andrusi, emi nga mu angiri ni esu tepu dria. Eri nga mu Yesu Kristoni ece emidri sawa amani oazu alenia ‘disi. O’dukoti ‘di ni nga emi tamba azini emi dri okpo fe. Eri nga emi dri okpo orindisi azi ngaza ovupi drile ‘daleri niri fe.

Ma ma lu nga emidri pale alu dika mani neria ra emi leki eri erizu ra risi: emi kalafe ovupi opezaru, ‘bale ndra drio ‘daki, ‘ba lu mupi eri eripi ra ri ki. Emi Amuro pele’bo ngapi mupi e’depiku te ngapi ru biipi E’yo ‘dabe ‘ba azi asipi wudukurua ‘di kaki tro e’yo ‘yo ruania ngole ti riki. Emi Amuro E’yoni ri i! 

Mungu ece e’yo zizaru amboru ‘di midri ni, ani ‘da Osita o’diruri’i. Sawa ‘disi Eri di emi eji tualu angu e’yo eceza ni ovuzu tiecita kililiruri alea ria. Munguni eri ecezu Eri ma E’yo vusi ‘yeta alualu riki si, afa ndra Erini ‘ye alualuri kisi, E’yo e’daria gboru midri.

Kirikiri mi avi di ku, Orindi Alatararuri, a’dule, ni Ecepi e’yo eceza Kristoni geri Munguni risi ri I, azini enga ovu ayi dria ma alia. Mi ma egara, ayi dria alia! E’yo Munguni emu ndra a’divu ya? Nabi vu, a’dule.

Ma amara kini ma e’yo nze ‘ba alifu dri tepu driasi, ama ovuki azi ngaza tepuni be wudukurusi ara. Azini eri e’da kini ama ecoku tepu ki e’de ‘dia pale mudri cika aga angu azia ri ra. Ma lu asi ‘ba kini agupi dria tepu ‘diki eripi ri, azini oku dria, ki nga e’yo nde vaa ra.

Sawa ‘disi e’yo ni di eyini kaki le tepu azi cini eri ria, te ma le ni emi ma eceki di erizu ku. Emi ‘ba tepu dria ‘diki; amve ase talaa ‘dale azini angu ci emini Eri erizuri alia, sawa emi eriki.

Ama ovupi tepu pie ci afa amani a’iri pi dria. Ama ovu tepu pie ci ruta kanisa aliari dria, geri amani andriza amaniki suzu kanisa Munguni alia ri, geri amani emuzu ‘dia tualu azini rizu tualu angu ‘Bualeru alia ri pie.

A’ba asi kini ma dria tepu dria ‘di vaaki ‘da ra. Mi ka vaa kuye, Mi ego dri ro tepu ‘divu dika. Ma nini ma nga ovu emi pie ezuru ngopi ari ku. Mi ma egara, ‘Di E’yo Adani, ‘OPI ‘YO ‘DI NI vuri. Eri E’yo Adani. Eri E’yo Sizani.

Dri niki Ruati ni be ecaki di afa aluru ‘bo. Eri Mungu I ovupi e’dazaru mi alia, Eri ma ‘baru ri’i. ‘Da di be asisile agupi pini ovuzu oku ini be iri ku ri; te ki alu. Mungu i azini Kanisa Erini ri ki alu, “Kristo mi alia,” Mungu ma e’yo eceza amboruri’i.  

Ovuni ma egatani ku; eri Okpo Erini ri i, eri E’yo Erini ri i. Azi ndra eri ra; eri di be ‘di. Eri ‘yo ndra eri ta nga ovu ‘dia ci, ani eri indi. Emi agupianzi Munguni ki. Ovuni emimu oa ‘dini ku; EMI SAWA ‘DISI!

Mi efi kopo amani Opi, ama enga eri ‘bua Opi, mi emu vico idri amaniri niri atizu. Mikati ‘Buni, mi fe ama dri nyaka, kpere erini cazu caca. Mi efi kopo amani, mi efi tre azini mi ‘ba ama ‘yeke.

What a time of revival we will be having around the world as we gather Sunday to hear Sawa ava engazani amani nga muzu ovuzu eribe wudukurusi ara Sabatu siri ngo’i amani: Kristoni E’yo Mungni Zizaru ‘Diyi Ma Ecetani 63-0728  eriria sawa azia etusi (12P.M) Jeffersonvilli Sawasi (Sawa Alu ondresi Ugandaa).

Adri. Joseph Branham i

E’yo Siza Lazaruri ki

E’yo Ba Matayoni 16:15-17

E’yo Ba Lukani Capter 24

E’yo Ba Yohanani 5:24 / 14:12

1 Korinito Capta 2

Efeso Capta 1

Kolossia Capta 1

E’yo Eceza 7:9-10

22-0501 Mungu Cani ‘Ba Azi Omvezu E’yo Lizani Dere Fe Nga Bilendu Liza Eridri Rakaka ‘Dini Ku

Sipiringi Werea sawani, sipiringi Kuluru sawani, Kani mi ngo’i yani ti leleturi:

Ama dria Ruati Kristoniri, ama angua, asianzu alia, o’biria azi onyiru ndeepi ni ri ‘yezu Eri dri. Afa kalaa ndunisi ama asikini ku, pe lu Eri ma E’yoni, O’dukoti oa’di’i.

Aleki l utu Mungu ma nabi ni erizu ‘yoria ama dri: “Afa azi lu ci emi ‘ba o’dile ‘di pie. Emi lu ‘ba azi nduru ‘dileni ki idri mani alia. Afa azi vini ci ani mani lezu drifuzu emi pie azini lu e’yo nzezu emi pie ri”. 

“Ma angu ndre ara azi ngaza mani e’yeri di ageyia; Yesu Kristo alurile aje, andru, azini ‘dani ‘dani, azini ma afa Eri ni ‘ye ri ne ra; amuti Amuroni ki omveria azini eciria tualu. Eri Pa omberu azi ‘duria engazu pa omberu vu”.

Acaki di pari azi ani Eri ni ecazu di ama Bongo aje orurusi rile ria ‘bo. Ama sekidi ama ‘bo engazu afa ci ‘ba cini ni ‘yo ama iejipi Eri be kuri vusi ‘bo. Ama ndreki ni angu afa ‘ba ada ni esu kaniku ‘yo ri vu ku, ama angu ndre afa Munguni ‘yori vu azini afa Erini ndra azi kini I nga mu ‘ye o’du amani ki siri pi vu, ani ama Eri ndreria Eri ‘yeria.

Eri ma Oru-ndeni ni. Afa dria amani ovuri, afa dria amani ndra ovuri, afa dria amani asi ‘bazu muzu ovuzu ri, ovu ‘bazaru O’dukoti di ma dria. Eri aga idri ra amani ria.  

Nga driori le ku a’di wudukuruni alia, ama Munguni neria bilendu liza feria, ru oturia e’yo liza ni. Mbumbu enyata beri ovuki o’yizaru kiloru ‘bo, afa dria ni ovuria ‘bazaru gonde.   

Sawa ‘disi, ovuni lu ongulumu ‘bani wereruni ku, ko’bo ndra o’du Noani siri le, kaniku o’du Ibrahimuvu ri le; eri Munguni ‘bilendu liza fezu ‘ba wudukuru dria ri’i, e’yo nzeria Eri ma nabi vusi, ‘di mi bilendu liza asizuri’i.

Eri luria ama dri, “Denga ama feni di ma ‘ye’i ku, ama omveza asizuri ‘ye, lu ko’bo mani ndra ‘ye Sodomua ri le, emi efuki amve eri aliasi. Mi oa gonde. Afa azi ni mu pari nduria”. 

Wudukuruni i ati eyi ma afa ‘ye amboru onita sayancinisi ‘diki si; afa omuza dra ejipi a’bianzi nde pini ‘diki si. ‘Ba onduaru azini onita be ‘diki muria kalaa omi ayuzu’i ria leru:UN i, NATO i, Ti-ecita Surupini ‘diki. O’du alu alusi ama neria e’yo liza ni ecaria enyia enyia. Afa ndra nabi ni ndre ree ani ‘yozu amani eri nga mu i ‘ye ra oa’da, eri di pari ‘duria: Rassia, A’di, O’du, Vatikani, Yahudi, Mbumbu Enyatabe ‘diyi.  

‘Baza azi ‘dika yo osuzu a’duni mu pari ‘duni yari. Ama eri neria pari ‘duria o’du dria, azini ori wudukuru aliari ni e’yo adani azini eri di eceria angiri angiri o’du alu alu vusi.

Tel u ko’bo Eri ni ndra ‘ye o’du Hezekiani siri le, Munguni ndra e’yo nzeria Eri ma nabi vusi ani ‘ba pi ma bilendu lizu ria, ‘yozu, “Emi ovu gonde, a’disikuni e’yo liza ki gonde e’dezu”. Eri ma nabini ndra ‘baki ‘baria gonde sawa ndra emupi ‘dani.  

Noa ‘ba ndra ‘baki gonde sawa erini si. Eri ndra omveza asi ndrezani de nga e’yo liza emuni ku. Mungu ovu ndra geri feleri be ci, nabi ni eyi ma dri cezu.

Azini Eri sawa dria Eri ma E’yo mati epe Eri ma nabi vusi, kile Erini ndra ‘ye sawa Noani sirile. Eri ‘ye ndra afa aluri o’du Noani si. Odu Eli…Musani si, ama esu kini Eri ‘ye ndra afa aluri. Eri epe ndra eyini Eri ma nabi ma ti, ani eyi e’da ndra eyi engazu a’itaako vusi te. Sawa ‘disi, ‘da di bele o’bi ndra efupi amve riki. ‘Da di bele o’bi ndra Eri a’ipi ri ki.

Ama seki ama ‘bo engazu a’itaako driari vusi. Mungu ovu geri feeri be ci Eri ma Amuroni andrusi. Azi ndra amani Eri ma E’yo alia, “De nga e’yo liza ecaku, ma nga emini nabi azi ma ti epe Ma Kabilo wereru e’yereri ki trazu, azini ma nga ki fe ri kala alu dria, azini eyi nga ovu asi anzuru alia, e’yo liza azini apata nga emupi emu emu di tezu”.

Ama Kabilo wereru ‘daki. Ama ‘ba Ata ni leriki azini ama Eri ma Emuta peleru di teria asi ‘baza angirini be. Wudukuru ni di e’deria ndu ndu ama ageyia, te ama ava liza alia azini asianzuru alia.  

Aniki ra kini ama Eri ma ale kililiru alia. Ama tro wudukuru kalaa nguaria ti, Mungu e’de geri ‘bo amani ecozu ama trazu tualu Eri ma E’yo ma ageyia, Eri ma O’duko ma ageyia. Eri Mungu ma geriko feleri’i.

Azini nabi e’da ndra eyi ti Mungu ma geriko fele ri dri. Sawa ‘disi, ‘da geri Munguni e’yoki ‘yezu ri. Endre ra?

Mi emu e’yo liza emupi ri truzu ama’be azini mi eri: 63-0724 Mungu Cani ‘Ba Azi Omvezu E’yo Lizani Dere Fe Nga Bilendu Liza Eridri Rakaka ‘Dini Ku, Sabatu ‘disi sawa azia etu alasi (12PM), Jeffersonvili sa si (sawa Alu ondresi Ugandaa). Eri O’duko Munguni e’yo nzepi amani azini Eri ‘yoria amani: ‘Di Ma geri fele o’du andruri niri.    

   
Adri. Joseph Branham i

Isaya 38:1-5

Amosi Chapta 1

AMURO TI-ECIZA ALIA E’YO Nzepi I Leletu ‘Diyi,

‘Di sawa azi amborutu idri mani alia ‘dileni ma agyipi la! Ama E’yo Munguni neria ecaria pari eyi nia ama miletia aga nga drio ri ra. Eri drizaru tu amazu Eri A’di’i yari, ‘ba o’dukoti ojipi Eri ni ti epeeri a’di’i yari, azini di NIZU AMA A’DIKI YARI! Awa’difo Ata. A’bani ndra asi kini e’yo diki mu eyi ‘ye ‘dileyari ku, te eyi ‘di eyi ‘yeria ama mileti mbaria, ko’bo geri Mi nabi ni ndra ‘yi tepu driari le.   

Ma asi‘baza angirini alia nezu Eri ma Orindi Alatararu ni ama ese ria enyia Eri vu aga nga driori ki ra wiki Engatani ‘disi. Ma le di emi alu alu omve ti ecita ‘yezu ama be O’dukoti di ageyia, Eri ma Amuro wudukuru si ara ri be. 

 “Ani, afa azi werea ‘dileni ka eca ‘bo, mi e’yo ‘ye o’dekua le a’dusi? Le mi ma ovu agupi ni. Mi ma nze e’yo ‘ba di pini,” amena, “ani emu di drile!” Amena, Mi di be ‘da. “Mi ma wu ku. Mi nze E’yo!” Amena. Kiri kiri, Ale ‘da tu. Mi owu mavu a’dusi? Mi ma nze e’yo ‘ba di pini ani emu di drile azi mini le nga ri vu. Eri tro a’dunia ti, ka ovu azoni, kaniku tro a’dunia ti, ‘ba draza ki engazu, kani tro a’dunia ti, Mi nze e’yo! Ma e’da eri ‘bo. Mi ma nze e’yo ‘ba di pini. 

Drile’ba amani esu ‘dole atita fezu a’ita amani pini, ani ama eco vini E’YO nze ani indi ‘do ngoleni. Mi emu ru trazu Amuro be wiki Engatani si, amani ama oturia Efuza asizu ri ni. Le idri amani ma fudri ra E’yo ‘Ba risi, a’disikuni a’bianzi di eri Tota alia. TE asisile azi di yo SAWA ‘disi Eri ma Amuro ni owuzu, TE E’YO NZEZU I! Emu di drile azi mini le nga ri vu. Inzita ma ovu Opi vu!

Amani drio ‘ye wiki Engatani si rile, ama ma a’buki ama engazu wudukuru vuri si amani eco dria ri si foni ki anyuzu te risi kani ka lu ovu e’daki ‘duzu, Esele O’duni riki erizu, azini tepu ki avizu engazu Lifeline appua kaniku angu ‘bani ecozu eyi enzezu intanetia si ria. Ama ma feki wiki alatararu di pi Opi dri, azini a’bakini Engata di afa raru o’bipini ri ni ku, te idri ‘bazu alaru E’yo vu, aku amani pi alia. Ma le ta amani dria ama etravu otita andraleru ‘di pini, Sawa Eastern Daylight Time (EDT) ni risi, pe kani ojata azi ma ovu ci ria.

O’DU SU

Eri ndra O’du su ma inisi Opi Yesu ni ndra ovuzu Ondreta Asizu ri be Eri ma ‘ba vutini bipi ‘diyi pie ani omu Agaza-drilesi de nga anzi Israelini efuki nga amvekuri yuzu risi. Drile’ba ‘di ngoleni ti ecizu Opi be aku amani pi alia, de nga ama wiki alaru ri ecaku, ani Eri zizu tusu cozu ama dria azini ama aku pi dria, azini amani afa dria amani le aci amaniri niri fezu.  

Ata ‘buari, ama awa’difosi ‘di si, sawa azi dika ru etrazu tualu, ‘dani ‘dani ma kala ‘doleru ria. Azini ama o’buti ‘disi okpo idriza ndru engazu Mivu, amani ava fezu aci nga ovupi ama drilia ‘di ni. Ama tra ama ‘doa ko’bo anzi Ebraniani pini ndra ‘ye o’buti drio drio rile, nyaka manaru ndra ovupi fezaru eyi dri ini alia ‘da esuzu ria, ani eyi ta mbazu o’du emupi ‘dani beni. Ama ama tra tualu Mana orindisi rini, o’buti ‘dosi, okpo fezu ama dri aci nde ni. 

Ama ma e’doki sa Mudrini iri (6PM) sawa amavu akua ‘doleruri si, ani ama ma eriki Eri luria ama dri kini ama di Efuza asizuria, amani ama traria Ogunga Erini ma ageyia O’dukoti ‘di erizu: Efuza Nazuri 63-0630M.

O’dukoti nde vutia, ama nga ama tra aku amani pie aku amania ani Omu Opini aizu beni.

Ama ‘ye sawa were vutia ovu angu intanetia ‘bani cazu ani tepu anzini inzita Kumunyo vuri ki esuzu alia ri be, kaniku, eri nga ovu ‘bazaru otita inzita pini ri alia redio The Voice Radio ru, esule Lifeline appua di alia.

O’DU TOWI

Ama ma fiki Mungu ziza alia aku amani pie san a obutisi (9AM), azini dika sa azia si (12PM), Opi ni omvezu tezu amabe azini Eri ma Amuro be wudukuru si ara wiki ama deta ndu ‘di alia; azini aku amani ki efizu Eri ma Orindi Alatararu si amani ama ngulupi owiria inzita fezu Eri ni ria. 

Ka ecora ama ma omi ma mu vule o’du ndra Kalivaria eli 2000 ma drilia alipi’bo da vu, ani ama ma neki ama Papi’i izaru pati alaza si, ani ama ma owi di vini ama ngulupi ‘dale indi afa Ata ni ayiko feepiri ki ‘yezu:

Mi ne de di sawa ‘disi, Eri ni ndra emuria wudukurua, esu ndra sawa ‘dasi a’itaako ovu ndra angiri tu wudukurua sa ‘da alia, te awini ndra Eri atri aluni ku. Eri mu ndra drile e’yo oluzu alurile, ‘ba ki atizu alurile. ‘Da feni ndra Erini asi oyata ku ye. ‘Ba e’yo onzopi ‘diyi ndra ci. Agu ‘da ndra onzozaru e’dozu Odekua ru kpere Eri ni draria pati alaza sia. ‘Da atri ndra Eri ra? Yo, culu. Afa ndra Eri ni leeri a’duni? “Sawa dria afa Ata ndra sii ri ‘yezu. Sawa dria afa Eri ni ayiko feepi ri ‘yezu.”  

Vutinia sawa azia nusu (12:30PM) ama ma egaki e’yo zita azi orodrirutu idri amani ma alia ‘dileni ma dria, amani ama traria Ogunga Erini ma ageyia O’dukoti ‘di erizu: IMi Idri Fudri E’yo Bari Si Ra Ya? 63-0630E.

Vutinia ama ma eci ama dika tualu ziza alia sa oroni etusi (3PM) Opi ni dizu pati alaza sia ri ma e’yo egazu.

O’DU AZIA

Ama ma etra ama dika ziza alia sawa na o’butisi (9AM) azini azia si (12PM), azini ama otu ama asiki afa angiri kulukulu Erini mu ‘ye ama eselia ri pi ni,

 “Tota ‘di ejizu ma–ma ageyika olu’baru amve ‘dale ru pini ‘bo ri vutia, ani e’yo kongoloko ‘diki ‘yoria ‘boria, te, Opi, ma ‘ye ‘dale avavuza Mini so. Ma amara kini Mi ‘yo mani ‘yo ‘dale ri ni. Sawa ‘disi eri di ‘duzaru engazu ma opi driarisi ‘bo Opi. Ma–ma awa’difo si eri di ma dria ku. Eyi ma ‘yeki di afa eyi ni le ‘yeri eri si, Ata. Ma zi kini ma aiki eri ra. Ma zi Mini ‘ba dria pazu, Opi. Ava engaza azi ma e’do di kiri kiri, ani Okpo amboruni ma emu Kanisa ma alia de nga mu ni ku. Ma…Ovuni ewaewa ‘da zizu ku a’disikuni Mi azi ndra eri ra. Azini ama di angu one, Opi, eseta nazu amani ni ra kini eri nga mu afa amboru ki ‘ye ama eselia ‘davu”     

Vutinia sawa azia nusu (12:30PM), ama nga dria emu tualu E’YO erivu: Tota 63-0707M. O’DU NUKUTA EKARU SI mu pi ovupi Eri ma Amuroni wudukurusi arari ni mu ovu ngole. 

Vutinia ama ma eci ama dika tualu ziza alia sa oroni etusi (3PM) Opi ni dizu pati alaza sia ri ma e’yo egazu.

SABATU

O’du amboru wuzu dika ku ‘do ngoi ya, te E’YO NZEZU! O’buti engatani ‘do ngoleni ya! Ama ma engaki drioru ko’bo Adripi Branham ni ndra ‘ye o’buti eri ma agyi wereru, aria robini ru ‘da ni eri enga sawa mudrini alu o’butisi (5AM) ri le. Ama fe lu awa’difo Opi dri Yesu ni engazu dra aliasi risi:

Sawa mudrini alu o’buti ‘disi, ma agyi wereru agate be ikaruri esa ta mavu dirisaa ma engazu. E’data ko’bo eri ma asi wereru ‘da ni mu ahwete rile, eri ni ‘yo ria “Enga’bo.”

Sawa na o’butisi (9AM) ama etra ama asi alusi pale alu dika ziza amani ri ti idrizu, e’yo zizu ama alu alu ni azini amani ama oturia O’duko Munguni eriria.

Sawa aziasi etusi (12:30PM) ama nga emu tualu O’duti amani Engatani ri erizu: Mi Wu A’dusi? Mi Nze E’yo! 63-0714M.

Inzita ‘di ma vutia, ama ma etraki ama dika e’yo ziza alia, awa’difo fezu Eri dri WIKI MA DETA ONYIRU ERINI FE AMA NI I’BE AZINI AMURO ERINI WUDUKURUSI ARA RI BE ri si.

Eminiria ma adripi azini amvupi miri kala ‘daleruria ri pini, ma le emi ai indi ruecizu ama’be e’yo pari ‘dupi Jeffersonvili sawa si ‘di alia, sawa Mungu zizani otita di pi alia dria azini tepu mu avi Sabatu o’butisi ‘da si. Ma ama ra kini, Tepuki avizu O’du Susi, Towisi azini Aziasi etualasi sa Jeffersonvilinisi ri ki nga ovu ewa ewa emi abari pini, ani mi driwala ci O’dukoti ‘daki avizu sawa mi ama eri mini ‘yeki o’du nde alia ri alia. Te, ama le ta, amani dria ru ecizu tualu Sabatu si sawa azia nusu (12:30PM), Jeffersonvili sawa si O’dukoti Sabatuni ri erizu tualu.  

Ma le ta vini emi azini emi anzi ki ai tezu Creations ma karatasi azini embata pi ma eseleru indi, azini YF ma zita, emi aku ni eco ta ‘ye dria tualuri ki ‘yezu. Amani egarisi emi nga eyi lera eyini dria ovuzu engazu dria E’YO amani mu eri wiki ma te da siri ma aa risi. 

Otita wiki ma detani rini, e’yo otuta inzita Kumunyo niri ma dria pini ri pie, afa ngapi ovupi lezaru azi ngaza Creations niri pie, Engata ma Zitaki pie, azini e’yo azi oniza ndundu ‘diyi pie, mi ma ndre angu andraleru ‘di’i.  

Eri inzita amboruni ma dri emi azini aku emini ki aizu emuzu tualu Amuro be wudukurusi ara wiki ma deta ngapi tre INZITA SI, RU ECUZA SI AZINI ATITA SI ri. Ma a’ira eri adaru wiki ma teda azi mupi mi idri ojaapi drile aluru ni.

Adripi Joseph Branham i

22-0414 Efuza Nazuri

AMURO TI-ECIZA ALIA E’YO Nzepi I Leletu ‘Diyi,

‘Di sawa azi amborutu idri mani alia ‘dileni ma agyipi la! Ama E’yo Munguni neria ecaria pari eyi nia ama miletia aga nga drio ri ra. Eri drizaru tu amazu Eri A’di’i yari, ‘ba o’dukoti ojipi Eri ni ti epeeri a’di’i yari, azini di NIZU AMA A’DIKI YARI! Awa’difo Ata. A’bani ndra asi kini e’yo diki mu eyi ‘ye ‘dileyari ku, te eyi ‘di eyi ‘yeria ama mileti mbaria, ko’bo geri Mi nabi ni ndra ‘yi tepu driari le.   

Ma asi‘baza angirini alia nezu Eri ma Orindi Alatararu ni ama ese ria enyia Eri vu aga nga driori ki ra wiki Engatani ‘disi. Ma le di emi alu alu omve ti ecita ‘yezu ama be O’dukoti di ageyia, Eri ma Amuro wudukuru si ara ri be. 

 “Ani, afa azi werea ‘dileni ka eca ‘bo, mi e’yo ‘ye o’dekua le a’dusi? Le mi ma ovu agupi ni. Mi ma nze e’yo ‘ba di pini,” amena, “ani emu di drile!” Amena, Mi di be ‘da. “Mi ma wu ku. Mi nze E’yo!” Amena. Kiri kiri, Ale ‘da tu. Mi owu mavu a’dusi? Mi ma nze e’yo ‘ba di pini ani emu di drile azi mini le nga ri vu. Eri tro a’dunia ti, ka ovu azoni, kaniku tro a’dunia ti, ‘ba draza ki engazu, kani tro a’dunia ti, Mi nze e’yo! Ma e’da eri ‘bo. Mi ma nze e’yo ‘ba di pini. 

Drile’ba amani esu ‘dole atita fezu a’ita amani pini, ani ama eco vini E’YO nze ani indi ‘do ngoleni. Mi emu ru trazu Amuro be wiki Engatani si, amani ama oturia Efuza asizu ri ni. Le idri amani ma fudri ra E’yo ‘Ba risi, a’disikuni a’bianzi di eri Tota alia. TE asisile azi di yo SAWA ‘disi Eri ma Amuro ni owuzu, TE E’YO NZEZU I! Emu di drile azi mini le nga ri vu. Inzita ma ovu Opi vu!

Amani drio ‘ye wiki Engatani si rile, ama ma a’buki ama engazu wudukuru vuri si amani eco dria ri si foni ki anyuzu te risi kani ka lu ovu e’daki ‘duzu, Esele O’duni riki erizu, azini tepu ki avizu engazu Lifeline appua kaniku angu ‘bani ecozu eyi enzezu intanetia si ria. Ama ma feki wiki alatararu di pi Opi dri, azini a’bakini Engata di afa raru o’bipini ri ni ku, te idri ‘bazu alaru E’yo vu, aku amani pi alia. Ma le ta amani dria ama etravu otita andraleru ‘di pini, Sawa Eastern Daylight Time (EDT) ni risi, pe kani ojata azi ma ovu ci ria.

O’DU SU

Eri ndra O’du su ma inisi Opi Yesu ni ndra ovuzu Ondreta Asizu ri be Eri ma ‘ba vutini bipi ‘diyi pie ani omu Agaza-drilesi de nga anzi Israelini efuki nga amvekuri yuzu risi. Drile’ba ‘di ngoleni ti ecizu Opi be aku amani pi alia, de nga ama wiki alaru ri ecaku, ani Eri zizu tusu cozu ama dria azini ama aku pi dria, azini amani afa dria amani le aci amaniri niri fezu.  

Ata ‘buari, ama awa’difosi ‘di si, sawa azi dika ru etrazu tualu, ‘dani ‘dani ma kala ‘doleru ria. Azini ama o’buti ‘disi okpo idriza ndru engazu Mivu, amani ava fezu aci nga ovupi ama drilia ‘di ni. Ama tra ama ‘doa ko’bo anzi Ebraniani pini ndra ‘ye o’buti drio drio rile, nyaka manaru ndra ovupi fezaru eyi dri ini alia ‘da esuzu ria, ani eyi ta mbazu o’du emupi ‘dani beni. Ama ama tra tualu Mana orindisi rini, o’buti ‘dosi, okpo fezu ama dri aci nde ni. 

Ama ma e’doki sa Mudrini iri (6PM) sawa amavu akua ‘doleruri si, ani ama ma eriki Eri luria ama dri kini ama di Efuza asizuria, amani ama traria Ogunga Erini ma ageyia O’dukoti ‘di erizu: Efuza Nazuri 63-0630M.

O’dukoti nde vutia, ama nga ama tra aku amani pie aku amania ani Omu Opini aizu beni.

Ama ‘ye sawa were vutia ovu angu intanetia ‘bani cazu ani tepu anzini inzita Kumunyo vuri ki esuzu alia ri be, kaniku, eri nga ovu ‘bazaru otita inzita pini ri alia redio The Voice Radio ru, esule Lifeline appua di alia.

O’DU TOWI

Ama ma fiki Mungu ziza alia aku amani pie san a obutisi (9AM), azini dika sa azia si (12PM), Opi ni omvezu tezu amabe azini Eri ma Amuro be wudukuru si ara wiki ama deta ndu ‘di alia; azini aku amani ki efizu Eri ma Orindi Alatararu si amani ama ngulupi owiria inzita fezu Eri ni ria. 

Ka ecora ama ma omi ma mu vule o’du ndra Kalivaria eli 2000 ma drilia alipi’bo da vu, ani ama ma neki ama Papi’i izaru pati alaza si, ani ama ma owi di vini ama ngulupi ‘dale indi afa Ata ni ayiko feepiri ki ‘yezu:

Mi ne de di sawa ‘disi, Eri ni ndra emuria wudukurua, esu ndra sawa ‘dasi a’itaako ovu ndra angiri tu wudukurua sa ‘da alia, te awini ndra Eri atri aluni ku. Eri mu ndra drile e’yo oluzu alurile, ‘ba ki atizu alurile. ‘Da feni ndra Erini asi oyata ku ye. ‘Ba e’yo onzopi ‘diyi ndra ci. Agu ‘da ndra onzozaru e’dozu Odekua ru kpere Eri ni draria pati alaza sia. ‘Da atri ndra Eri ra? Yo, culu. Afa ndra Eri ni leeri a’duni? “Sawa dria afa Ata ndra sii ri ‘yezu. Sawa dria afa Eri ni ayiko feepi ri ‘yezu.”  

Vutinia sawa azia nusu (12:30PM) ama ma egaki e’yo zita azi orodrirutu idri amani ma alia ‘dileni ma dria, amani ama traria Ogunga Erini ma ageyia O’dukoti ‘di erizu: IMi Idri Fudri E’yo Bari Si Ra Ya? 63-0630E.

Vutinia ama ma eci ama dika tualu ziza alia sa oroni etusi (3PM) Opi ni dizu pati alaza sia ri ma e’yo egazu.

O’DU AZIA

Ama ma etra ama dika ziza alia sawa na o’butisi (9AM) azini azia si (12PM), azini ama otu ama asiki afa angiri kulukulu Erini mu ‘ye ama eselia ri pi ni,

 “Tota ‘di ejizu ma–ma ageyika olu’baru amve ‘dale ru pini ‘bo ri vutia, ani e’yo kongoloko ‘diki ‘yoria ‘boria, te, Opi, ma ‘ye ‘dale avavuza Mini so. Ma amara kini Mi ‘yo mani ‘yo ‘dale ri ni. Sawa ‘disi eri di ‘duzaru engazu ma opi driarisi ‘bo Opi. Ma–ma awa’difo si eri di ma dria ku. Eyi ma ‘yeki di afa eyi ni le ‘yeri eri si, Ata. Ma zi kini ma aiki eri ra. Ma zi Mini ‘ba dria pazu, Opi. Ava engaza azi ma e’do di kiri kiri, ani Okpo amboruni ma emu Kanisa ma alia de nga mu ni ku. Ma…Ovuni ewaewa ‘da zizu ku a’disikuni Mi azi ndra eri ra. Azini ama di angu one, Opi, eseta nazu amani ni ra kini eri nga mu afa amboru ki ‘ye ama eselia ‘davu”     

Vutinia sawa azia nusu (12:30PM), ama nga dria emu tualu E’YO erivu: Tota 63-0707M. O’DU NUKUTA EKARU SI mu pi ovupi Eri ma Amuroni wudukurusi arari ni mu ovu ngole. 

Vutinia ama ma eci ama dika tualu ziza alia sa oroni etusi (3PM) Opi ni dizu pati alaza sia ri ma e’yo egazu.

SABATU

O’du amboru wuzu dika ku ‘do ngoi ya, te E’YO NZEZU! O’buti engatani ‘do ngoleni ya! Ama ma engaki drioru ko’bo Adripi Branham ni ndra ‘ye o’buti eri ma agyi wereru, aria robini ru ‘da ni eri enga sawa mudrini alu o’butisi (5AM) ri le. Ama fe lu awa’difo Opi dri Yesu ni engazu dra aliasi risi:

Sawa mudrini alu o’buti ‘disi, ma agyi wereru agate be ikaruri esa ta mavu dirisaa ma engazu. E’data ko’bo eri ma asi wereru ‘da ni mu ahwete rile, eri ni ‘yo ria “Enga’bo.”

Sawa na o’butisi (9AM) ama etra ama asi alusi pale alu dika ziza amani ri ti idrizu, e’yo zizu ama alu alu ni azini amani ama oturia O’duko Munguni eriria.

Sawa aziasi etusi (12:30PM) ama nga emu tualu O’duti amani Engatani ri erizu: Mi Wu A’dusi? Mi Nze E’yo! 63-0714M.

Inzita ‘di ma vutia, ama ma etraki ama dika e’yo ziza alia, awa’difo fezu Eri dri WIKI MA DETA ONYIRU ERINI FE AMA NI I’BE AZINI AMURO ERINI WUDUKURUSI ARA RI BE ri si.

Eminiria ma adripi azini amvupi miri kala ‘daleruria ri pini, ma le emi ai indi ruecizu ama’be e’yo pari ‘dupi Jeffersonvili sawa si ‘di alia, sawa Mungu zizani otita di pi alia dria azini tepu mu avi Sabatu o’butisi ‘da si. Ma ama ra kini, Tepuki avizu O’du Susi, Towisi azini Aziasi etualasi sa Jeffersonvilinisi ri ki nga ovu ewa ewa emi abari pini, ani mi driwala ci O’dukoti ‘daki avizu sawa mi ama eri mini ‘yeki o’du nde alia ri alia. Te, ama le ta, amani dria ru ecizu tualu Sabatu si sawa azia nusu (12:30PM), Jeffersonvili sawa si O’dukoti Sabatuni ri erizu tualu.  

Ma le ta vini emi azini emi anzi ki ai tezu Creations ma karatasi azini embata pi ma eseleru indi, azini YF ma zita, emi aku ni eco ta ‘ye dria tualuri ki ‘yezu. Amani egarisi emi nga eyi lera eyini dria ovuzu engazu dria E’YO amani mu eri wiki ma te da siri ma aa risi. 

Otita wiki ma detani rini, e’yo otuta inzita Kumunyo niri ma dria pini ri pie, afa ngapi ovupi lezaru azi ngaza Creations niri pie, Engata ma Zitaki pie, azini e’yo azi oniza ndundu ‘diyi pie, mi ma ndre angu andraleru ‘di’i.  

Eri inzita amboruni ma dri emi azini aku emini ki aizu emuzu tualu Amuro be wudukurusi ara wiki ma deta ngapi tre INZITA SI, RU ECUZA SI AZINI ATITA SI ri. Ma a’ira eri adaru wiki ma teda azi mupi mi idri ojaapi drile aluru ni.

Adripi Joseph Branham i

22-0410 Ti-ojipi Azi

Kabilo Anzi Ti-jizaru Leleturi,

A’di asizuri eri enyia. Ama muria vule angu amani ndra ovuzuria vule. Ama muria roko dria si, ani ama geri ama nia muria angu azia, ani acakini mu dri le Ti-ojipi kokoro ku. Emi ru ku kabiloanzi wereru ri la, Mungu fe amani Ti-ojipi azini ra ama dri cezu.

Ti-ojipi ‘di ni mu afa ki ece ama dri, ani Eri nga mu afa Erini eri riki alu; Eri eco ra ama e’yo ki amvizu ro vule ra ani e’yo amani ‘yo riki ‘yozu. Le ama ma bi Ti-ojipi ‘di ma vuti, a’disiku Eri ‘Ba lu geri nde niipi ra ri’i.

Yesu ni ndra oaria nyakua, Eri lu ndra ‘ba Eri ma vuti biipiri pi pini kini I ovu ndra e’yo kakau pie nzezaru azini ecezaru amani, ani Eri ndra mu Orindi e’yo adaniri efe amani, ani ama dri cezu e’yo ada dria rivu beni. Eri ‘yo ndra I ma Amuro ni nga Eri amara Eri ni muzu Eri ma Ngulupi ecezu azini e’dazu lu ko’bo Eri ni ndra ‘ye paale oko Eri ni emuzu ruatia ri le ra.

Eri nga egata dria ama asi ‘diyiki niira. Eri naga ni ama a’diki azini a ‘yeki a’duniari ra. Eri nga e’yo ama driari ki ni dria. Eri Ti-ojipi Munguni ni, Orindi Alatararuri ri oaria azini Ima ngulupi eceria ruati ‘bani aasi.

Lu ko’bo Yesu ma Ngulupi ni ndra ‘yo ri le, “Eri ma’i ku azi ‘diyi ‘yepi ri; te Ata ovᴜpi ma alia ‘daniri eri ‘yeta ini ‘yeni. Ma ‘yo emi tia ndi ndi, Mvi econi afa alᴜni ‘yezarᴜ i drisi kᴜ, te kiri afa erini ndrele Atani ‘yeleri’i; te afa dria erini ‘yele ‘diyi, Mvini ‘ye alᴜ indi. Ma Atini azi nga kpere curu’do, ma azi nga alᴜ indi.”

Ani Eri ma malaika cani mu e’yo nze i ngulupi dria ku, te afa ci eri ni nga eri ri, eri nga ‘da nze’i. Eri nga afa ‘diki esu dria engazu Ata vu, ani eri di nga eyi ece amani. Eri nga e’yo dria zizarᴜ E’yo alia ‘diyiki ece.

Ata ‘yo ndra ama dri kini Eri nga mu ovu ‘BA AZI be tezu i ma paria nyakua ‘dia ci, Ti-ojipi azi ni, ani kini Eri ma Amuro ki nga Eri ama gboru azini vutini bi ra.

Eri nga lu diza fe Mungu dri. Eri nga gboru ‘yo, ovuni eri’i, malaika aziri zu ri’i ku, ‘Da ri e’data Mvi ‘bani vu ri’i. Eri e’yo zizaru Munguni ovupi nzizaru ri’i. Ovuni ‘ba ada ni ku, Eri Mungu i. I ovuni Mvi ‘bani i ku; i ‘ba o’dukoti ojipi engazu Mvi ‘bani vu ri’i. Mvi ‘bani i Kristo i, eri Eri’i amani nyaka nyazu vunia ri’i.

‘Ba kakau ki nga ‘yo kini e’yi ‘ba ovupi opezaru Amuro ma dri cezu ri ki, te Mungu le ni mi ma ‘ba asi mi e’yo vaza pi dria kaniku mi egata pi ma dria, kaniku ‘eyo egaza azi ci engapi ‘ba a’da vu ‘di leni ma dria ku. Munguni Ti-ojipi azi ma ti epe, ani Mungu le mi ma ega ra kini ‘da Eri ma Ti-ojipi pele pe ri’i.

Ama Ti-ojipi muni ma alu ni jizu ‘dile ru, azini azi ri jizu kala ‘dale ru ‘dini ani ‘yozu: emi ma eri olu’ba ‘di’i, vutinia emi eri olu’ba ‘da’i ‘dini ri ku; eci ki ti a’izu alu eyi ma eselia ata aluni ku. ‘Da ni di nga mi ma kililiru ngoni ngoni?

E’yo KILILIRU RI lu ALU nga pi ama ejipi tualu azini ama tamba pi tualu ri’i, Eri ma E’YO E’DAZARU’BO KILILIRU O’DUKO RU TEPU DRIA RI’I.

Eyi ‘yoria andrusi kini Orindi Alatararu ri ni ama dri ceria ‘ba ndu ndu ru, eri ‘yeke ‘dale. Ani di mi di nga ovu olu’ba be a’dusi Orindi Alatararu ri ka mi dri ceni ria? Mi eri ma mi ngulupi: cikani ma ma ovu olu’ba azi be ma dri cezu i azini ma embazu ani ma ovu Mungu ma nabi ovupi e’dazaru’bo ri i ku ‘dini? Eri cika mani eri ma e’yo efi eceza erizu i aga e’yo erizu kpi engazu O’duko Mungu ma Ngulupi ni ri vu ri a’disikuni eri e’yo nde ki ece cika ‘dini?

Ma ‘di azi ngaza ‘diki to ‘dini ku, kaniku ‘yoria eyi enzoru, kaniku ama ma eri e’yo engazu azi ngaza eyini vu ‘dini ku. Kiri kiri mi tru ma ra ma ka ‘da ‘yo kililiru ku ria. Ma lu ‘di ‘yoria kini eyi cani ovu mi oru ndeni i, e’yo asizu ri’i, dika mi Ti-ojipi i ku. ‘Ba ada ecoki nga ti eci ku. ‘Ba alu alu ovu i ma egata be, driceza nduni be. ‘Da eco di Amuro ‘ba kililiru ngoni ngoni? Mi ka e’yo eri eyi ma tia dria, azini mi ka ni ra kini a’ikini e’yo eyi ni ‘yo kini eri E’yo Munguni kililiru ri dria alu ‘dini ku, ani ‘da eco di Amuro ‘ba kililiru ngoni ngoni? ‘Da eco ovu mi Ti-ojipi i ngoni ngoni?

Akaki ta lu fe Orindi Alataruri ma mba ama ta tualu E’yo Eri ni si, ama ta ovu asi alu alia, omi alu alia, ‘yeta alu alia, Orindi alu si; Orindi Alatararu ri’i, Ti-ojipi Munguni ngapi ama ti ji pi E’yo ada dria ri vu ri’i. Te le mi ma bi mi Ti-ojipi ma vuti.

Mi ma gani mi Ti-ojipi ma E’yo alu ni ku. Mi bi Eri vuti. Mi ka ‘ye ku, mi eca avizaru. Ani mi ma egara kini, mi ka Eri ku b’o, mi di misi, ani ale di ovuzu enyia Ti-ojipi vu.

Orindi Alatararu ri ni ma dri ceria Ti-ojipi Erini ri ma vuti bizu, ‘dari Orindi Alatararu e’yo nzepi Eri ma ‘ba o’dukoti ojipi azirizu ri’i. Ovu E’yo ‘ba adani ku, Eri O’duko Munguni Eri ma Amuro dri ri’i azini Eri AFA LU CAPI AMURO ‘BAZU KILILIRU RA RI’I.

Mi emu ru ecizu ama be Sabatu sis aa azia etusi (12PM), Jeffersonvili saa si (Saa alu Ugandaa), amani ama wiki Engatani ri e’doria Ti-ojipi ama erizu ri si. Eri mu ma ti ji angu drio ama ni nga engazuku riasi.

62-1014E Ti-ojipi Azi

Adri. Joseph Branham i

E’yo Siza lazaru inzita ma drilia ri ki:

E’yo Ba Marakoni 16:15-18
E’yo Ba Yohanani 1:1 / 16:7-15
‘Yeta 2:38
Efeso 4:11-13 / 4: 30
Ebrania 4:12
2 Petero 1:21
Efuza 13:21

22-0327 Pa Sozu Angu Efizu

‘Ba A’itaru Leletu ‘Diyi,

Wiki alipi ‘bo ‘diyi enga ki ovu sa dizaru ndepi ni idri ama ni ri ma aliari. Enga ovu e’yo andrita kalauru ovuzu ecizaru Eri ma Amoru be wudukuru si ara, Munguni erizu A’buza Aziri ‘daki eceria ri’i.

Afa ndra amani ovuzu dria ecizaru tualu eri ri a’duni?

“Afa piramidi ru ‘di alia, oni emveru afa ni ovuzu sizaru drinia ku ri indi.” ‘Da asisile mani muzu kala etuni ‘deria ‘doleru ri, ru ecizu Malaika ‘da pima O’dukoti pie, dri egozu ro vule ‘dia Eri ecezu kanisa dri beni. 

Le ndra ma mu kala etuni ‘deria ‘doleru ra ru ecizu Malaika 7 ‘da pie, dri egozu ro vule amani afa ndra ovupi sizaru ku ri ecezu; te sa ‘disi, E’yo Eceza si, ovu ‘di ecezaru amani ‘bo azini eri ama dri A’ita ‘Duta Oruri ni ri feria. 

Mi enga O’dukoti ‘diki eri idri amani ki si dria, te sa ‘disi eyi di ovuria ecezaru ko’bo nga drio ri le ku; sawa ‘di di o’duni ri, sawa ‘di di sa ri. Ama di afa ndra Eri ni ‘yo kini eyi nga pa ‘du ra, wudukurua azini O’dukoti ma alia ‘diki neria azini eri ria, azini eri di sa ‘disi ovu e’dazaru ama mileti mbaria.

Ama ‘ba o’dukoti ojipi malaika 7 zuri ni ndra lu nabi azi ni ko’bo nabi oku ‘diyi pi le ya? Yo, eri ovu ndra omvezaru azi ngaza oruleru ni alia aga nabi ndra eri ma dri lia ‘diyi ki ra. A’disikuni Eri ndra Mvi ‘Bani i Ima ngulupi eceria ruati ‘ba ada nisi ko’bo Eri ni ndra ‘ye eli 2000 vule ‘dale ri le. Ama nabi ni ndra omvezaru AMURO MA DRI CEZU kpere ama Aku o’diria, ani eri nda ama e’da Opi dri beni.    

Eri ‘yo ndra amani kini ima azi ngaza ece ndra idri Musani ri lu ko’bo. Musa ni ndra ovuria aci ini alia Aci Piriruri ma vuti biria, agupi engaki ra eri adrizu. Agupi oa’di ovuki ndra omvezaru amve ra azini eyi ndra geri eyi nia angu azizani alia. Gbaki andra agbatara Musa be eyi ni ‘yozu kini eri ‘ba ndra ima e’yo tu risi ri si; eri ndra lu ‘ba ‘daa alatararu a’dule ri’i ku, eyi ndra vini alatararu indi ani eyi le ndra vini e’yo azi oluu indi.

Eri ‘yo nda kini eyi ndra ‘ba alatararu ki, azini eyi ovu ndra adaru afa azi be ‘yezaru ci, te Mungu ovu ndra ERI’I, MUSA’I, AGU ALU NI, ‘ba pi ma dri cezu.

Eyi ovu ndra pari eyini be ci. Eyi ndra odu osuza be. Eyi ndra afa eyi ni ovuzu omvezaru azini o’bazaru ‘yezuri ‘yeria luria ‘ba pi ni, “emi eri Musa ni’i”, te eyi le ndra AFA AZI ‘yo ‘DA DRILIA, KANIKU AFA AZI NDRA MUSA NI ‘YONI ECE. Eyi api ni ndra ku lu ‘ba ki e’dazu Musa ni erizu i ri si. Eyi le ndra ‘ba pi ma dri ce. Eyi le ndra afa azi ‘ye ‘da drilia, kaniku ndu, aga afa ndra fezaru eyi dri aziru ‘yezuri ra. 

Mi ka drio aba omi mini ri alia nabi ni a’di’iari si ra, kaniku ovu ndra omvezaru a’du ‘yezuari ra, ma mi ai muzu kalaa etuni ‘deria ‘be azi ma dri Mungu ma ngulupi ni ede ovuzu eceta nyakua ‘dani ‘dani ri ru, Eri ni nabi ma ru, B-R-A-N-H-A-M di ‘bazu ‘be nde ma dria ‘da nezu. 

Mi Amuro Kristoni. Eri pe ndra azini ‘ba ndra mi drio ni. Eri ma E’yo ni oaria azini ovuria mi aa. Mi E’yo idriru ovupi ‘bazaru ruati si ri. Eri fe ndra mi dri E’yo Eceza Eri ma E’yo ni ri ra. Sitani ma okpo azi ‘yo mi ma dria. A’ita ‘Duta ‘Buari ni ‘da ni oaria azini ovuria mi aa.

Orindi Alatararuri ni Eri ma Amuro ma dri ceria lu geri Eri ni fe andru ni ri si. Eri ma E’yo nze nze Eri ma malaika nabi ru 7 ri vu si. Nabi ni ama ocepi’i.

Ama ocepi azi ndra amani kini tepu azi o’diru o’dukoti ni ri ni ta okoria enga Erojoa, kpere Opi ni ‘da ojaria. A’disiku ‘da angu tepu ovupi ‘bazaru eroa ‘di pini ovuzu edezaru ri’i.

Eri fe vini ndra e’yo azitaru eri ma ocepi ma endru Adripi Nevili vu, azini sa ‘disi Eri ma Asindriza si, ma ngulupi ni, afa lezaru amani ‘yezaru kanisaa ri’i. 

Ma zi kini Mi ta ama ocepi leletu, Adripi Nevili ma aza ko. Mi ‘ba eri, Opi, asindriza be tre azini okpo be tre, azini e’yo vaza be, ani ma ‘du Nyaka ovupi mi tambazaru ‘di kabilo Munguni ri pi dri nyaka fezu beni.
    

Tepu ‘diki ‘ba nabi ni ndra ovuzu omvezaru oazu eyi ma ocepi ru pini. Mi ka le ‘DI OPI ‘YONI ri eri ra, mi emu eri ama be Sabatu si sa azia etusi (12PM), Jeffersonvili saa si (7PM Ugandaa) o’dukoti: Pa Sozu Angu Efizu 63-0623M i, ama ni Nyaka ero alia ovupi fezaru Amuro dri ‘di eriria.   

Ama nga O’dukoti nde e’do esele 27 alia ‘daa.

Adri. Joseph Branham i

22-0320 A’buza Azirizu

Amuro A’itaru Leleturi,

Eri ka a’buza aziriri zi ra, angᴜ ‘buari nga ovᴜ ndi ekile sawa alᴜ ma ali pile.

  • ‘Di ki Ovi-gaza Aziri kpi ri ki, otizaru kpi: alu, iri, na, su, towi, azia, aziri, ‘da kalafe kiliruni. Ovi gaza Aziri kpi otizaru ri, nzeki, ku…’bazu lu–lu alu, iri, na, su, towi, azia, aziri, kpi. Ani, Bu ecoki di ‘Da si vua ku. Bu ecokini e’yo ni Eri dria ku, afa azi yo, a’disiku afa azi pari ‘dupi e’dapi ci ni yo. Eri ndra sa avalizu ri. Eri ndra amboru tu, kpere, Eri ovu ndra zizaru ci engazu Malaika pi vu si.
  • Angu liza aziri ‘diyi ka li ‘bo, ma ‘ye e’yoni si si:…
    Afa azi ndra ‘yozaruni ‘da ci. Ovuni ndra lu yikiyi azi ni ku. Afa azi ovu ndra ‘yozaru. Eri ‘ye ndra e’yoni si si.
    … te ma eri o’duko engazu ‘bua ‘yozu ma ni kini,…
    Mi ne nga o’duko ‘daki ndra ngua ari, Angu Liza ki. Ovuni ‘Bua ku; nyakua! Angu Liza li ki ndra engazu ‘bua ku. Eyi ndra lizaru engazu nyakua.
  • Aziri, Mungu ma kalafe kiliru ri. Aziri lu kpi otizaru andra ‘dale. Angu Liza Aziri li ki kpi tu alu, kile ki ndra afa azi ma nukuta olaria ri le.

Ava taza asi amani ri ni ri eri ovuzu mva kaniku zamva Munguni adaru ri’i; ovuzu gonde Eri ma ‘Duta Oru emupi mbeleru ‘dini. Ani le ama ma zi Opini: “A’duni nga Amuro dri ‘Duta oru A’ita ma alia eri ni le ri feni”?

  • Ma a’i kini, Ovi-gaza Aziri ‘dapi vusi, eri nga ovu ecezaru o’du asizu ‘diyi pi alia Amuro ejizu tualu a’ita ‘duta oru ri esuzu beni.
  • Ani Ovi-gaza Aziri ri ki, ‘dia e’yo eceza Yesu Kristoni alia ‘dia, Eri e’yo azi zizaru ni. Bibilia ‘yoni kini ‘Di ri “E’yo eceza Yesu Kristo niri” dini ku ya? A’dusi, afa azi zizaruni ‘daa ci, ani, Eri’i ‘di. Hwi! Eri a’duni? Ovi-gaza Aziriri ovuki Eri be. A’disikuni, Yohana ‘ye ndra e’yoni si si, ani O’duko azi engazu ‘Bua ni ‘yo kini, “Mi si Eri ku. Te mi a’bu Eri ci. Mi a’bi Eri ci. Mi ‘ba Eri Buku ma ngukua.” Le ma ovu ecezaru ra. Eri e’yo zizaru ri ki.   

Orindi Alatararuri ni ‘di mu azi ngaza vusi, E’yo Eceza Ovi-gaza Aziri ri pini ri ece Eri ma Amuro dri ani eyini ‘Duta Oru eyima a’ita ni ri fezu ‘dini? 

  • Sa ‘disi ‘ba o’dukoti ojipi Malaki 4 ni azini E’yo Eceza 10:7 niri ni mu afa iri ki ‘ye. Alu: Malaki 4 si ria eri mu asi anzi pini ri oja atapika pi vu. Iri: Eri mu e’yo zizaru ovi-gaza aziri ‘da pi ni E’yo Eceza 10 alia    a’buza aziri ri ki bi pi ri ece.  
        
  • A’buza ‘da ki Buku ma ngukua. “Azini sa nga malaika aziriri ni ekuzu risi, ‘eyo zizaru ovupi sizaru Buku nde alia ‘di ki nga ovu dezaru.” Ani coti coti Buku ta ovupi nzizaru azini afa ni ovuzu sizaru alia di, ni di ovu opizaru. “E’yo zizaru Munguni ‘diyi de di eyi ‘bo.” Ani ‘diki e’yo zizaru Munguni ‘diyi: muta Kanisa ni ri, afa azi ‘diyi pie dria. “E’yo zizaru ‘diyi deki eyi ‘bo.” Malaika Azirizu ri ka wu ‘bo e’yo zizaru dria riki ovu dezaru. Agu ovupi ma ovu ‘di nga eri ni ecozu ri i, afa ci eri ni eco ovu ri. Mungu ma E’yo ca ni e’de ku.   

ERI EWA KOKORU ‘DI LE:

E’yo ziza ‘da ki nga Ovi-gaza Aziri ‘dapi vusi Amuro dri ‘Duta Oru A’ita alia ri fe. LU Mungu i, ngapi Eri ma ‘ba o’dukoti oji pi malaikaru Aziri ri vusi, OVI-GAZA AZIRI ‘daki ecepi Amuro dri ri’i.  

Mi ka le Ovi-gaza Aziri ma ovuki ecezaru mi dri ra, mi ni ‘Duta Oru A’ita alia ri fezu, geri azi ndu E’yo Eceza ‘da esuzu ni yo pelu Eri esuzu lu Mungu ma O’duko o’du amani ni ovupi e’dazaru ‘bo ri vusi; engazu mavu ku, engazu mi ocepi miniri vu ku, ‘be e’yo ojipi ri ku, kaniku embapi vu ku, te engazu Mungu ma ocepi wudukuru niri vu, PLAY EKPAZU ri si.

Mi emu e’yo zizaru dria ri ki eriria ovuria nzezaru; A’ita ‘Duta Oruri niri esuzu azini mi Tala efizu Odusi, Sabatusi sa azia etusi (12PM) Jeffersonvili sa si (7PM Ugandaa), ama ni Mungu ni eri ria azini Eri ma ngulupi eceria geri eleru si ani: A’buza Azirizu 63-0324E ri ejiria amani.

Adri. Joseph Branham i

E’yo siza lazaru de nga O’dukoti ovuni erizaru ku ri ki:

Azita Amviza 29:16-19
I Opi 12:25-30
Ezekieli 48:1-7, 23-29
Matayo 24:31-32
E’yo Eceza 7
E’yo Eceza 8:1
E’yo Eceza 10:1-7
E’yo Eceza 14

22-0313 Zita Azini Omvita A’buza Pi Dria Ri Ki

Amuro Avalipi Leleturi,

Andru, wudukuruni e’yo dri ki laria afa i ‘yepi wudukuru alai aje ri ki erizu: Ori, Oyata, Mbumbu, Mbumbu Enyata ru riki, Anzuta, Enzoki, Oleta, Politiki, Dra.

Te Amuro ni Play Ekparia, azini O’duko Munguniri eri ria e’yo nzeria Eyi ni ani ‘yo zu: Bongo Emveruki, ‘Bazu Alaru, Opezaru ndra Drio, Atita, E’yo Eceza, E’yo Ada, ‘Duta ‘Buari, Idri ‘Dani ‘Daniri. 

Mi ‘ye orisi ku aluzaru ri la, ma mi be ci, sa wereru dria o’du dria ni ri. ‘Di rid ria Ma otita amboru ma ni e’yoni luzu emi dri nia ‘bo ri. Sa ‘disi, mi ma ga oruleni nezu eri ni i ‘yezu mi mileti mbaria.   

Eyi: ‘Di ondu onzi ndepi idri amani pi alia ni ri ki; afa dria eco i de drusi.

Ama: ‘Di ondu onyiru ndepi idri amani pi alia ni ri ki; afa dria eco i de drusi.

Mungu ovu geri feeri be ci, ERI MA E’YONI. Epke ndra Eri ma malaika nabiru E’yo Eri ni be Eri ma Amoru omvezu amve ani eyi dri cezu eyi ma Aku O’diru Eri ni e’de epini ‘bo ri alia.    

Mi ka ta ‘di asiomiza, asianzuru, azini asi’baza o’diru alu alu amani ovuzu eri be ‘di le ra; mi ka ta ‘di le oa Aku Eri ni e’de Eri ma Amuroni ‘da alia ra; mi emu ru ecizu ama’be Sabatusi sa azia etusi (12PM), Jeffersonvili sa si (8PM Ugandaa), ani Mungu ma Geri fee andru niri erizu, ani Eri ma O’duko ovupi ecezaru ‘bori eri ria: Zita Azini Omvita A’buza Pi Dria Ri Ki 63-0324M ni garia oviru amani.    

E’yo oneza wereru e’yo dri emi ni mu eri Sabatusi ni ri.

A’du ni nga Amuro eci tualu ni: E’yo I.

E’yo ni emu a’di vu: Nabi Vu

A’di ni E’yo ma efi ece geri Munguniri sini: Nabi I 

Mungu ma O’duko mini ri a’di i: Nabi I

Ama e’yo ni nga ovu lizaru E’yo a’divu ri ki si: Mungu ma E’yo: NABI NI nzeri ki si.

Adri. Joseph Branham i

22-0306 A’buza Aziazuri

Kabilo Munguni Leleturi,

Afa amboru agaapi ra ri co ta oa a’du ni, ama eco ta oa ‘ba driwala be angiri tu ri ru ngopi, o’bizu ovuzu indikindi Meleki melekini, Opi opini ria ri be ria?

Ama Eri ma waraga aleni riki eri wiki dria vusi luria amani: “Ma Kabiloanzi aluzaru riki la, Ma fe Ma kabilo ma omveki ra. Indri niki ni Erik u, te emi amaki Eri ‘bo. Emi enga oa aitasi, a’disiku Ma kabilo niki ma ci azini cakini mu ani’bo ma vuti bi ku. Le ma ovu LU Ma O’duko orindisi ovupi ecezaru ra ri’i.”  

Emi o’ba nga agoika nduni ara kaniku ata ‘ba azi nduni nezu i ku; emi enga oa adaru O’duko Mani ri vu. Emi ‘ba mani enga tee ri ki. Ma nira kini emi enga ovu guzaru azini vazaruku, te ma ‘yo ndra emi kini Ma nga dri ego mi ni ra mi ka OA E’YO MANI BE ra ria, ani e ’yeki ‘dale ‘bo. SA ‘DISI MA ‘DI EMURIA MI NI amani ndra azi mini ma nga ri le. E’yo mini enga yi osuzu vutiniari ni di sa’disi emuria mi jizu Aku Amani O’diruri alia.

Azi ‘diyi ecoki ‘do ovu e’yo eceza amani ovuzu ri pie ku ra ani ‘yozu kini ama inzita e’da ‘ba ada ni; kaniku agu ‘da inziria i te ovuni amani Opi i ku ‘dini. Eyi mile kokoru ngole ya. ‘Da ka ovu adaru ‘dale, ece kini Amuro Kristoni a’buza saa niri ma ngukua ‘daki ndra vini onzi. 

Nabi ni ndra Amoru ndrezu enzuzu i vu azini ‘yoria “ama adripi onyiruri’i”, e’do ki ndra eri ani eri ‘bazu Angu Oruni ma dria. Ada…Amuro Kristoni ni ndra inzita ‘ba niri fe nabi ni eri ‘bazu Angu Oruni ma alia ri si? Mi ni ‘yo ma ‘ye ki ndra ‘dale ku ‘dini?  

Ani ‘da ma vutia, Amuro dria ni ndra pa sozaru ‘daa bongo eyini emveru ri be azini e’doki ndra otre, Mi ka ndra mu E’yo ‘Bari be ku, ama caki ni ndra ovu ‘dia ku.” Eri ka ndra mu ku eyi caki ni ndra ovu ‘daa ku?

‘Daa di O’duko azi engazu ‘bua ni ‘yo di ama ma e’yo ni nga ovu lizaru E’YO eri ni olu ama ni ri si, azini eri di nga ama e’da Eri vu. O’duko ‘da ‘yo ni kini ama e’yo ni nga ovu lizaru e’yo ‘ba azi ni nduni ni ‘yo risi kaniku e’yo azi ‘ba azini ece kini ‘yo ni risi ku, te e’yo erini ‘yo ri si. Ani eri di nga ama e’da Eri vu

Ka eco ra si ma ma ‘du nga driwala ‘di e’yo nzezu esele Amuroni E’yo Eceza alu alu amani ovuzu eri be ri pi ma paria, ani ‘yozu ama ama ama ngoniari. Ama e’yo ka mu OVU LIZARU, azini ama AZIZA ‘DANI ‘DANI RI ka ava li E’yo Munguni nze Eri ma nabi vusi ri ma dria, ece kini le di ama ma eri LU E’yo engapi O’duko Munguni o’du amani ni ri vu ‘da i. Ama ecoki ni ku, azini caki ni nga ku ava liza ama ni ‘dani ‘dani ri ‘ba afa azi ‘ba azi ni ece kaniku ‘yo ri ma dria, te afa ERI NI ‘YO ri i. AMA LU O’DUKO MUNGUNI ERI I, azini William Marrion Branham ni LU O’DUKO MUNGUNI RI I…MUNGU ‘YO ‘DALE NI.      

Nde mi asia onzi ma ni ‘da ‘yozu risi, mi tru ma ra, te, ma ama ra kini ‘da eco ovu gazaru si ra, te, ma O’duko Munguni ni emi ni ri’i.
 

Ama ayikosi azini awa’difo si tu Op indri amani ‘yezu lu ko’bo Amuro ndra kala azi ‘da driari vuri le risi. Diza dria, Ruta pie azini Inzita pie ni mu ama OPI YESU KRISTO LU ALU ri vu.  Ko’bo nabi E’yo Eceza 22:9 ni lu ndra amani ri le, mi inzi Mungu i…AMA ‘YE ‘DALE azini le ki ERI tu.  

Saa ‘di vutivuti ru. E’yo siza ki pari eyi ni ‘duria mbele mbele aga ama ni eco eyi ‘ye ‘ba dria ri ki lazuri ra. Eri emuria Eri ma Amuro ni mbeleru. Nyaku ni ti eci ria. Amuro ni tie ci ria. Pari ni ‘di ovu e’dezaru ‘Duta ‘Buari ni.

Ama Opi ni inzi agupi E’yo olupi Mungu-omveni ru ‘di ki si, te oluba, emi ma ‘ba O’duko emi azini ‘ba emini pi ni drozi muzu ovuzu e’yo lizaruri oko. Emi tra emi kanisa emini pi alia ani emi eri ki O’duko Munguni ovupi e’dazaru ra ri e’yo nzeria beni. Mi Ekpa Play. 

Ama ‘ba dria ta lepi emu pi Maburu alia ani ovuzu pazaru ama be ri ki ai ama ni ama eci ria O’duko Munguni E’yo drozi ama e’yo ni muzu ovuzu lizaru ani ri erizu saa azia etusi (12PM), Jeffersonville sasi (8PM Ugandaa, ani A’buza Aziazuri 63-0323 erizu beni.

Eri Kabilo ma Nyaka Mungu ma Kabiloni ri i. Afa azi o’bazaru ni yo, afa azi ‘duzaru amve ni yo azini afa azi ecezaru ni yo, lu KABILO MA NYAKA ondikoko ri’i. 

Adri. Joseph Branham i.

Efuza 10:21-23
Isaya 13:6-11
Danieli 12:1-3
Matayo 24:1-30
Matayo 27:45
E’yo Ba Yohanani 10:27
E’yo Eceza 6
E’yo Eceza 11:3-6

22-0227 A’buza Towizu

Ruati Kristoni Amboru Alu Leleturi, 

A’du ni para ‘duria andru ni? E’yo Munguniri ni eceria i paria. O’du Amuroni drio enga teeri ni ‘di i e’daria ama mileti mbaria ‘di. O’du ndra Mungu ma nabi ni ama bile lizu kini ki nga emu ra ‘diyi, ecaki ‘di ‘bo. 

A’buza azi ovu nzizaru ‘bo. ‘Da a’duni? E’yo azi nile kuni ni ovu e’dazaru. Mi nera? Ani e’yo nile kuni ka ovu e’dazru, guka ni wu. Eri a’di e’do. Adra azi ni e’de azini ayi kanisani azini ni e’do.

  • Suru Russia
  • A’di
  • Amuti Komunisimu ni
  • Odu
  • Adra ki

Saa nga suru Russia ni muzu andre ‘da odu e’duzu risi, mi ma ovu mile be.

Suru Russia i, amuti Komunisimu ni, mu ni afa azi nde ku. Mungu ma E’yo cani e’deku. E’yo ‘Ba Rumini pi vu ri ni mu Wudukuru nde ra ria ni.

Malaika drijaza niri ni dri suru Russiani ri biria, mbumbu onzi ‘dile niki si; kpere Kanisani emuria tualu, azini Ruati Kristoni amboru alu ‘daru. “Ma cani afa azi ‘yezu ku kpere mi ni emu ria ‘doa” Kiri Kiri, ‘da ka ovu asi ‘baza azi cucu cozaru ni ku!

Kanisa i, Eri ma Amuro, ni emuria tualu engazu Wudukuru si ara Ruati Kristoni Amboru Alu ‘daru, Mungu ma e’yo nzeta azini Eri ma E’yo eceta erizu. Ama neria E’yo ni ovuria ejizaru pari ini ria wudukurua ama ageyi si ara, te ani ki vini ra kini E’yo ni ovuria ejizaru pari ini ria azini e’dazaru ama ma alia si.

Ama etita E’yo Ecezasiri esuria aga drio ri ki ra e’yo ondriza ‘di pi ni pari eyini ‘duria.

Wudukuruni oyata azini ori alia. Eyi teria, oneria azini osuria, a’duni ‘di mu i ‘ye ni? Drusi ovu o’du be? ‘Di ma efi dria ngoni? Suru Russia ni angu nya ni? Te ‘di ti ndata ria?

Esu, Amuroni ASIANZURU alia. AMA AVA LIRIA, ovuki ofizaru Eri ma Orindi Alatararurisi, e’yo erizu Eri vu Eri ma malaika amboru ri vusi Eri ni ‘yo ria: Emi oriki afa azini ku ma kabilo wereru ri, emi Ma asi aluzaru mani pe’bo ri’i. Emi:

‘Ba pezaru de nga wudukuru ma vuti ovuni o’bazaru ku ri ki. Amena! Azini eyi aita be E’yo vu. Amena! Hwuu!. A le ‘da tu. “Omvezaru, pezaru, de nga wudukuru ma vuti ovuni o’bazaru ku.” Azini ‘di aita be E’yo vu, eyi ma peta si, dria atizaru vino azini Odu o’diru si, lu nzuria drile ele, drifuzu eri be. Eyi niki ra kini Ovi gaza ki saa wereni alia nga e’yo ‘diyi eji amani ra.    

Ni ra kini ama aita be E’yo Eri ni vu. A’yeki ‘da peta ama ma ngulupi nisi. Saa ‘disi ama lu nzuria drile, niria ra kini Ovi gaza ki saa wereni alia nga e’yo ‘diyi eji amani ra, azini Eri nga emu azini ama ji Aku amani O’diria.   

Ata angiri tu eri ni le ama ma niri ki. Afa azi asi erini vepi eri ni ta le ama ma niki ri. Ca ni at ate ku eri ni nizu ra kini eri mu ama ni Atita fera risi. Yiki Mungu ni si, fen da Eri ma nabi ma ne ama, ‘ba erini riki, kala azi ‘da ma dria eri be. ‘Yo kini, “mani ndra emi neria, emi ndra dria BONGO EMVERU ki si.”

Ama ovu ndra trazaru eri be. A’du ndra eri oru azini ‘baki eri oru afa azi ombu oruni ma dria. A’yoki ndra erini kini, “nyakua, mi ‘ba ndra ama dri cepi ri’i”.

Ama ndra ‘ba million million nzupi erivu azini eri amvuzu azini eri omvepi “adripi” ‘diyi. Dria pale alu O’duko azi engazu oruni nze e’yo ‘yozu, “‘Ba ‘diki mini ndra oja avini dri ce riki. Mi e’yo ni nga ovu lizaru afa ndra mini ‘yo eyini risi”.  

Nabi nze ‘dasi e’yo, ‘yozu kini, “’Ba Paulo niri ka ki fi alia ra, mavu ri ki nga vini indi, a’disiku ma olu E’yo alu alu ri ko’bo i.” Ani a treki ‘di DRIA PALE ALU, O’DUKO ALUSI: 

“Ama ava liria ‘Da ma dria!”

Inzita ma ovu Ru Opini ri vu, ama ava liria E’yo dria Eri ni nze Eri ma nabi vusi ri ma dria. Ama ma e’yo ni nga ovu lizaru E’yo ‘da si. Ama ‘ba ndra nabi ni ri ki. Eri ma dricere ndra ama dri cepi Kristo vu ri’i. Ama ovuki ndra dria Bongo Emve be. Ama ndra ava liria afa azi ndra ‘ba azi ni ‘yo kini ‘yo ri ma dria, kaniku afa ‘ba azi ni ‘yo kini le ndra ‘yo ‘dini ri ma dria ku, ama ndra ava liria E’yo dria erini ‘yo ri dria.

O’du azini saa amani oazu alenia ‘do ngo’i, Amuro. Mi ka e’yo laza eri ndrasi, mi nga ni a’du ‘ye’i  aje ni ari ra. Mi Ekpa Play, ani mi nga eri a’duni mu i ‘ye drusi niari, azini o’du azi ‘da si, azini o’du azi ‘da si, azini o’du azi ‘da si.

Mi emu tualu Ruati Kristoni Amboru Alu ri be sa azia etulasi (12PM), Jeffersonvili sa si (8PM Ugandaa), amani: A’buza Towizu 63-0322 ni eri ria. Osu azi yo, asi’baza azi yo, te NIRIA ra kini mi ‘DI OPI ‘YO NI engazu O’duko Munguni o’du amaniri ni ri eriria.

Adri. Joseph Branham i

E’yo siza lazaru O’dukoti erita ma drilia ri ki:

Danieli 9:20-27
‘Yeta 15:13-14
Rumi 11:25-26
E’yo Eceza 6:9-11 / 11:7-8 / 22:8-9