Mharidzo: 65-0718M Kuedza Kuitira Mwari Basa Ikwo Kusiri Kuda KwaMwari
Mudiwa Mwenga wa Kristu, ngativunganei pamwe chete musi we Svondo na 12:00 masikati, nguva ye Jeffersonville, kuzonzwa: 65-0781M Kuitira Mwari Basa Kusiri Kuda kwa Mwari
Hama Joseph Branham
Mharidzo: 65-0711 Kunyara
Mudiwa Mwenga Usinganyare,
Hakuna kumbowanika nguva kana vanhu sevaripo nhasi. Tiri maAri, vagari venhaka pane zvose zvaakatitengera. Ari kugoverana hutsvene hwake nesu, kusvikira maari, tave kururama kwaMwari chaiko.
Akafanotiziva nokutemera kwoMweya. kuti taizova Mwenga wake. Wakatisarudza, isu hatina kumusarudza kwete. Hatina kuuya nokuda kwedu, kwaive kusarudza kwake. Zvino waisa mumoyo yedu ne mu munhu wemukati wedu Chizaruro chakazara che Shoko Rake.
Zuva nezuva Ari kuzarura Shoko Rake kwatiri, achidurura Mweya Wake pamusoro pedu, achiratidza hupenyu hwake chaihwo matiri. Hakuna imwe nguva apo Mwenga wakanyatso dzikamiswa mumoyo, uchiziva kuti uri mukuda kwake kwakakwana, uye tiri muhurongwa hwake, nokugara ne Shoko Rake, nekunzwa Inzwi Rake.
Rudo rwaMwari uye Shoko iri zvino zadza moyo yedu kusvikira pakupfachukira. Hapana chimwe zve chatichada kunzwa, kutaura nezvacho, kuyanana nazvacho, kana kungogoverana chitaurwa chatichangonzwa neku rumbidza Mwari.
Takafanana na Mosesi kuseri kwerenje. Tafamba kutarisana chiso nechiso naMwari Samasimba, uye tinoona Inzwi richitaura nesu; maringe neShoko uye nevimbiso yenguva. Zvine chazvaita kwatiri. Hatinyari nazvo.Tinofara kuzvishambadzira pasi rose. Tinotenda kuti Ishe Jesu ndiro Shoko re nguva uye isu TIRI MWENGA WAKE.
Iye wakati dzivirira ne Shoko Rake. Hapana kana mumvuri wekupokana, iyi ndiyo nzira yakapiwa naMwari. Mwari haafi akashanduri pfungwa yake pamusoro pe Shoko rake. Wakasarudza Mutumwa wake we Chinomwe kudana Mwenga wake, uye kuuchengeta mugwara re Shoko Rake.
Hapana chimwe muhupenyu huno kunze kwake Iye ne Shoko Rake. Rinototi itira shoma. Zvino pfuurira hupenyu kwatiri. Ivangeri uye neSimba ra Mwari wemaSimba ose zvapararira pasi rose zvisati zvakamboitika kare. Shoko zvino rave mumawoko ne munzeve dzeMwenga. Nguva yekupatsaniswa yave kuitika iye zvino, apo Mwari ave kudana Mwenga, satani achidana kereke.
Tinokudai Imi uye ne Shoko renyu Ishe. Rino tiitira shoma. Tigere muhupo hwe Shoko Renyu zuva nezuva, tichiibva, nekugadzirira kuuya kwenyu uko kwave pedyo.
Baba, kunofanira kunge kwatove pedyo pedyo. Tave kutozvinzwa, Ishe. Takamirira ne taririsiro hombe. Baba, ngatipererei zvakavedzerwa uye tivandudze mhiko dzedu zvakare.Tinoziva Kutenda kwedu Mu Shoko Renyu kuri kubvira mumoyo yedu. Makabvisa kupokana kwose. Hapasina chimwe ipapo kunze kwe Shoko Renyu. Tine chokwadi, uye hatinyari kuudza pasi rose, tiri Mwenga Wenyu we ma Tepi. Ndinoda kukoka pasi rose kuuya kuzo teerera nesu musi uno we Svondo na 12:00 masikati, nguva ye Jeffersonville, patichanzwa Mharidzo Kunyara 65-0711
Hama Joseph Branham
Mharidzo: 65-0418E Ko Mwari Vanomboshandura Pfungwa YaVo Here Pamusoro PeShoko RaVo?
Mudiwa Mwenga Kuda KwaMwari Kwakakwana,
Zuva rave kunyura uye Kuuya kwaShe kwave pedyo. Suvo rave kuvharwa uye nguva yave kupera, pamwe yakatopera kare. Yaperesesa nguva kunge tichiri kudzungaira; kufanana nerutsanga runo pepereswa ne mhepo; kuva nenzeve dzino swinyira zwakawanda. Inguva yekuita sarudzo yakakwana. Ndoitei kuti ndiwe Mwenga wake?
Mwari anoshandura Pfungwa Yake here pamusoro pe Shoko Rake? HAZVIITE. Saka tinofanira kushingaira zuva nezuva, ne moyo yedu yose ne munhu wemukati wedu wose kunge tiri MUKUDA KWAKE KWAKAKWANA. Tinofanira kuzviisa pasi pekuda Kwake ne Shoko Rake.Tisingari bvunzurudze, asi kungoritenda nekuri gamuchira. Rega kutsvaga nzira yekurinyenyeredza. Ingo ritora sezvariri.
Muporofita anotiudza mu Mharidzo iyi kuti chinangwa chake chose ndeche kutiratidza kuti Mwari anofanira kuchengeta Shoko rake kuti arambe ari Mwari, asi vazhinji vanoda kuri nyenyeredza nekuwana imwe nzira. Kana vadaro, vanozviona vechifambira mberi, uye Mwari achivaropafadza, asi vari kushanda vari mukuda kwake kwekuregedzera, asi vasiri mukuda kwake kwakakwana, kuda kwaMwari.
Muporofita anotidzora kumashure kuShoko uye anotipa mifananidzo yekutarisa, nekunzwera, uye otiyeuchidza, Mwari haashandure pfungwa yake kana nzira Yake, Ndi Mwari uye Haashanduke.
Zvino, tinoona kuti vose vaviri ava vakange vari vanhu ve mweya, vose vakange vari va porofita, vose vakadanwa. Uye Moses, ari mugwara rebasa rake, ne Shongwe yeGore reMoto pamberi pake zuva nezuva, Mweya wa Mwari paari, mugwara rebasa. Hezvo pauya mumwe muranda wa Mwari, wakadanwa naMwari, wakagadzwa na Mwari, muporofita uyo kunouya Shoko raMwari. Heuno mutsara wenjodzi. Hakuna waigona kupikisa kuti munhu uyu ndewaMwari-waMwari, nokuti Baibheri rakati Mweya waMwari wakataura kwaari, uye wakange ari muporofita.
Ishe, zviri pedyo sei? Ndingaziva sei, ivo VAVIRI VOSE vari vaporofita? Vaviri vose varume vakazadzwa noMweya, vakadanwa naMwari, vakagadzwa naMwari; vaporofita vaMwari kuno uya Shoko raMwari. Vaviri vose vachiti Mweya M’tsvene uri kavatungamira.
Ngati verengei neku nzvera zvakanaka zvitaurwa zvishoma pamusoro pezvinotaurwa nengirozi yechinomwe mutumwa wa Mwari. Tinoda zvaanotaura; kwete zvinotaurwa ne kereke, zvinotaurwa na Doctor Jones, kana zvinotaurwa nemumwewo. Tinoda zvinotaurwa ne ZVANZI NA JEHOVAH kubudikidza nemuporofita wake.
Mosesi, ari muporofita wakagadzwa ne Shoko ra Jehovah, akasimbiswa kuti ndiye wakasarudzwa kuva mutungamiri wavo wenguva iyoyo, uye kuti Abrahama wakange avimbisa zvose izvi…..
Hakuna waigona kutora nzvimbo ya Mosesi. Zvisinei kuwanda kwavana Kora vaisimuka, uye kuwanda kwavana Datani; Moses ndiye, Mwari waakadana, zvakadaro.
Mosesi ndiye Mwari waakange adana kutungamira vanhu. Vamwe varume vakasimuka vachiti varume vakazodzwa neku zadwa no Mweya M’tsvene wo. Mwari akange avadanavo kutungamiravo. Asi Mosesi wakange ari mutungamiri we Kuda kwaMwari Kwakakwana kwepamavambo kuvatungamira.
Asi, uye kana vanhu vakasafamba mukuda kwake kwakakwana, Ane kuda kwekuregedzera kwaanokutendera kufamba makuri. Cherechedza, Ano zvitendera, ndizvoka, asi anoita kuti zvishande kubwinya kwake, mukuda kwake kwakakwana. Zvino kana uchida….
Hakuna anoda kunge ari mukuda kwake kwekuregedzera. Mwenga wechokwadi unoda kunge uri mukuda kwake kwakakwana, nguva dzose, zvisinei zvazvinotora.
Pane kusawirirana kuzhinji, pfungwa dzakawanda, nyonganyonga, nzira dzakasiyanasiyana, maringe nekukosha kwekuridza ma tepi.
Tose tinoziva kuti ndiyo nyaya chaiyo yaparadzanisa vatendi ve Shoko zuva ranhasi.Tinoziva kuti Mwenga UNOFANIRA, UYE UCHA, batanidzwa pamwe chete; iroro iShoko.
Kune varume vakazodzwa noMweya, vakadanwa naMwari muKereke nhasi. Vanhu vaMwari vakazodzwa, vaka danwa kuparidza Shoko iri. Asi hakuna mumwe wavo watinga bvumirana paari tose.
Vangava ivo sei vachabatanidza Mwenga? Tinga batana pa shumiro yavo here? Ichokwadi vakadanwa kutungamira mapoka avo, asi kuva tungamira kudzoka pa HURONGWA HWAMWARI HWEPAMAVAMBO. MUTUNGAMIRI WAKE. MUPOROFITA WAKE. Kwete shumiro dzavo.
Kana vasikukudzidzisai kuti Inzwi riri pamatepi ndiro ramuno FANIRA kutevera, uye nokutenda kuti ndiro Inzwi rakakoshesesa ramunofanira kunzwa, vari mukuda kwake kwekuregedzera zvavo.
Kana vachikuudzai kuti ndiro Inzwi rakakoshesesa, uye vachinyatsotenda izvozvo, zvino vanorega sei kudzwanya nekuridza pose pamunenge muri pamwe chete?
Kana uchida kuva nechokwadi, NE CHOKWADI, kuti uri mukuda kwake kwakakwana, pane NZIRA YECHOKWADI imwe chete. Ndeye kunzwa Shoko ra Mwari rakasimbiswa pama tepi.
Chekutanga uno ziva, tepi ino pinda mumba mavo. Ipapo zvatoitika. Kana ari gwai, ano bva abatana nazvo. Kana ari mbudzi, anokavira tepi kunze.
Ndinofanira kuva NE CHOKWADI. Handigoni, uye handisi kuzo, tora mukana kunyange mudikisa pa musoro pe ramangwana rangu re Ziyenda na Kuenda. NDINOZIVA kuti Inzwi riri pama tepi Inzwi raMwari ku Mwenga. NDINOZIVA harikanganise. NDINOZIVA kuti raka simbiswa ne Shongwe ye Gore re Moto. NDINOZIVA kuti ndiro iro Mwari vaka sarudza kutungamirira Mwenga wake. NDINOZIVA Shoko iroro, ndiro Inzwi chete rinogona uye richa batanidza Mwenga. NDINOZIVA richange riri iro Inzwi randichanzwa richiti “Tarirai, Gwaiyana ra Mwari.”
NDINOFANIRA KUDZWANYA NDORIDZA kuti ndinzwe Inzwi iroro. Munokokwa kuuya kuzobatana nesu musi we Svondo iwo uno nenguva dza 12:00 masikati, nguva ye Jeffersonville, patichanzwa: 65-0418E Mwari Anoshandura Pfungwa Dzake Here Pamusoro Peshoko Rake?
Hama Joseph Branham
Tichatanga Mharidzo pa paragraph 61.
Magwaro ekuverenga tisati tanzwa Mharidzo:
Eksodo 19 Chitsauko chose
Numeri 22:31
Mateu 28:19
Ruka 17:30
Zvakazarurwa 17 Chitsauko chose
Mharidzo: 65-0221E Merkisedheki Uyu Ndiani?
Mudiwa Mwenga wa Kristu, ngatiuyei pamwe chete musi we Svondo nenguva dza 12:00 masikati, nguva ye Jeffersonville, kuzonzwa 65-0221E – << Ndiani Merikizedeki Uyu? >>
Mharidzo: 65-0221M Kuroorana NeKurambana
Mudiwa Mwenga we Shoko wakachena usina kusvibiswa,
Tiri mukadzi wake wechidiki wakaisvonaka; usina kusvibiswa, usina kubatwa nesangano ripi zvaro revanhu, kana zvinyorwa zvakaitwa nevanhu. Tiri Mwenga we Shoko usina kusvibiswa zvachose. Tiri mwanasikana wa Mwari wakatozvitakura.
Tiri vana Vake ve Shoko Rakataurwa, rinova Shoko repamavambo! Muna Mwari hamuna chivi, naizvozvowo matiri hamuna chivi, sezvo tiri mumufananidzo Wake. Tinga punzika sei? Hazvigone….HAZVIGONE! Tiri chikamu chake, SHOKO Rake RAPAMAVAMBO.
Tinga ziva sei izvi pasina kupokana? CHIZARURO. Bhaibheri rose, Mharidzo iyi, Shoko ra Mwari, zvose chizaruro. Ndivo mazivire atinoita zvokwadi pakati pe Inzwi iri nemamwe manzwiwo, nokuti Chizaruro. Uye Chizaruro chedu nemo nemo ne Shoko, hachipesani ne Shoko.
Uye padombo iri (chizaruro chemweya kuti Shoko chii) “Ndichavaka kereke Yangu; uye masuvo egehena haafi akayi zungunusira pasi” Mudzimai wake haayedzwi nevamwe varume. “Ndichavaka Kereke Yangu, uye masuvo egehena haafi akayi zungunusa”
Ticharamba tiri vechokwadi uye takatendeka ku Shoko Rake uye ku Inzwi Rake, chete. Hatimbofa taka svibiswa nomumwewo murume nokuita hupombwe. Ticharamba tiri Mwenga Wake Mhandara Shoko. Hatizi kuzotarisa, kana kuteerera kana kutamba zvechiramu nerimwewo shoko.
Zviri pasi mumoyo yedu. Hazviite kuti tive nomumwe murume, asi wedu MURUME MUMWE, Jesu Kristu Murume mumwe, Mwari, Imanuweri. Mudzimai wake achange ari zviuru zvakapetwa nezviuru zvezviuru. Izvozvo zvinoratidza kuti Mwenga unofanira kubva mu Shoko. “Jesu Tenzi Mumwe, uye Mwenga wake vazhinji, asi mumwe.”
Tinofanira kucherechedza uye nekunzwisisa kuti izvi hazvisi zve munhu wese, ndezve boka re muporofita CHETE. Vateveri Vake iye. Shoko iri riri kwavari chete, boka duku iroMweya M’tsvene akamupa kuti atarire.
Mwari achaita kuti iye apindure pane zvaanotiudza, uye Mwari achaitawo kuti isu, vaakatendeutsa kubva kunzvimbo dzaksiyasiyana, ivo vaakatungamirira kuna Kristu, tipindurewo panyaya yekutenda Shoko racho rose tisingarerutsi.
Zvakanakisisa sei kwatiri kuti tigare uye nekuteerera kwaari achitiudza nyaya yekuti tiri vaSanangurwa vake sei. Kuti zvakafamba sei kuti Mwenga wake wekutanga, uye Mwenga wechipiri, vose vakamukundika sei; asi isu, Mwenga wake mukuru wenguva yekupezisira HAASIKUZO MUKUNDIKA.
Ticharamba tiri we chokwadi, wakatendeka, mhandara Shoko Mwenga kusvikira pakuguma.
Kutenda kwedu mu Shoko Rake kunokura zuva nezuva. Tiri kuzvigadzirira nokuteerera nokuita Shoko rose Rake, kunzwa Inzwi Rake richitaura kwatiri, tichiverenga ma Bhaibheri edu, kunamata nekumushumira zuva rose.
Tinoziva achakurumidza kuuya. Nguva ipi zvayo zvino. Sa Nowa, aitarisira kuti achauya nezuro; dzimwe nguva mangwana mangwanani, masikati, madedekwana, asi tinoziva kuti Ari kuuya. Muporofita wa Mwari ne Shoko rake hazvikanganise, ARI KUUYA. Tinonzwa kuti rave zuva rechinomwe, uye tinoona makore achiumbika uye nemadonhwe makuru emvura achidonha; nguva yasvika.
Takachengeteka nekugadzikana mu Areka, takamirira ne kutarisira kukuru. Uya ubatane nesu patichanzwa Inzwi ra Mwari richiti nyaradza musi uno we Svondo na 12:00 masikati, nguva ye Jeffersonville, patichanzwa: Kuroorana neku Rambana 65-0221M.
Hama Joseph Branham
Magwaro ekuverenga usati wateerera Mharidzo:
Mateu 5:31 – 32
Mateu 16:18
Mateu 19:1 – 8
Mateu 28:19
Mabasa eva Postori 2:38
Varoma 9:14 – 23
I Timotio 2:9-15
I Vakorinde 7:10 – 15
I Vakorinde 14:34
Vaheberu 11:4
Zvakazarurwa 10:7
Genesisi 3 Chaputa yose
Revitico 21:7
Jobo 14:1 – 2
Isaya 53 Chaputa yose
Ezikieri 44:22
Mharidzo: 65-0220 Nzvimbo Yakasarudzwa NaMwari Yokunamatira
Mudiwa Mudzimai wa Jesu Kristu,
Kudai taibvunza mubvunzo pane chinhu chipi zvacho chemuhupenyu hwedu pano fanira kuwanika mhinduro yechokwadi. Panogona kuwanika chinhu chiripedyo, asi panofanira kunge paine mhinduro yechokwadi, yakananga kumubvunzo wega wega. Naizvozvo mubvumzo wega wega unouya muhupenyu hwedu, panofanira kuwanika mhinduro chaiyo, yechokwadi.
Kana tiine mubvunzo we Bhaibheri, pano fanira kuwanika mhinduro ye Bhaibheri. Hatidi kuti ibve pa boka revanhu, kana kuvungano ipi zvayo, kana kubva kune mumwewo mudzidzisi, kana kubva kusangano.Tinoda kuti ibve zvachose muma Gwaro. Tinofanira kuziva: ndeipi nzvimbo chaiyo yechokwadi yekuMushumira?
Mwari wakasarudza kusangana ne munhu; kwete muchechi, kwete musangano, kwete muchitendwa, asi muna Kristu. Ndiyo nzvimbo yoga iyo Mwari achasangana ne munhu, uye anogona kushumira Mwari, iri muna Kristu. Ndiyo nzvimbo yoga. Zvisinei uri mu Methodist, mu Baptist, mu Katorike, mu Protastant, zvisinei zvauri, pane nzvimbo imwe chete yaunogona kushumira Mwari zvakanaka, ndimo muna Kristu.
Nzvimbo chete ya Mwari chaiyo, uye yakasarudzwa yekumushumira iri muna Jesu Kristo, ndiyo Nzira Yake yoga yaakapa.
Bhaibheri rakativimbisa chapungu kuna Maraki 4; Shongwe ye Chiedza chatinofanira kutevera. Acharatidza kereke iri kukanganisa kuti iye ndi vaHeberu 13 :8, Jesu Kristu mumwe chete zuro, nhasi, nekusingaperi. Takavimbiswawo zvakare kuna Ruka 17:30 kuti Mwanakomana wo Munhu (Chapungu) achange achizvizarura kuMwenga wake.
Kuna Zvakazarurwa 4:7, inotiudza kuti kwaive ne zvisikwa zvina, naicho chekutanga chiri shumba, chisikwa chaitevera chaive nzombe, zvino chaizoteverazve kuuya chaive munhu, munhu uyu ndivo vavandutsi, fundo yemunhu, fundo ye Bhaibheri, nezvakadaro.
Asi Bhaibheri rakati nenguva yemadekwana, chisikwa chekupedzisira chaizouya, chaive chapungu chinobhururuka. Mwari aizopa Mwenga wake we nguva yekupedzisira chapungu; mwanakomana we munhu Amene achizvizarura munyama kutungamirira Mwenga wake. Bhaibheri rinotiwo zvakare zvose, muTestamente yakare, zvaive mimvuri ye zvichauya. Mumvuri uyu pauno swedera pedyo, mumvuri uno medzwa nechirikonzera mumvuri. Zvakaitika kare ndiwo mumvuri we zvichaitika nhasi.
Kuna I Samueri 8, Testamente yakare inotiudza kuti Mwari vakange vapa muporofita Samueri kuti atungamirire vanhu. Vanhu vakauya kwaari wakamuudza kuti vanoda mambo. Samueri akashungurudzika zvikuru, zvekutoda kutadza kufema.
Mwari vakange vari kutungamirira vanhu vake kubudikidza nemu porofita uyu wakange akazvipira, akasimbiswa nema Gwaro, saka akanzwa kuti arambwa. Akavunganidza vanhu akavagombedzera kuti varege kubva pana Mwari akange avatakura sevana, akaita kuti vabudirire uye akavaropafadza.
Asi vakarambira nenyaya yavo.
Vakati kuna Samueri, “Hauna kana kumbokanganisa mukutungamirira kwako. Hauna kumboshaya kutendeka munyaya dzako dze zvemari. Wakaita nepawaigonesesa kuti chengeta tiri mumutsetse ne Shoko ra Jehova. Tino yemura zvishamiso, huchenjeri, kupa nekuchengetedza kwa Mwari.Tinozvitenda. Tinozvida. Uye zvakare hatidi kunge tisina zvinhu izvi. Nyaya ndeye kuti tinongoda mambo kuti atitungamire muhondo.
Zvino zvakadaro, kana toenda kuhondo chido chedu ndichocho, chekuti vapirisita vedu vaende mberi, Juda achitevera, isu toridza hwamanda tichidanidzira nekuimba. Hatidi kurega kuita izvozvo. ASI TINODA MAMBO MUMWE WEDU KUTI ATITUNGAMIRE.”
Ava vakange vasiri vanhu vemasangano ve zuva iroro. Ava vakange vatori vanhu vaitenda nekutaura kuti Samueri zvirokwazvo wakange ari muporofita wa Mwari akasarudzwa na Mwari kuvatungamira.
“Hongu uri muporofita. Tino tenda Shoko. Mwari anozarura Shoko rake kwauri, uye tinorida, hatidi kunge tisina Shoko irero, asi tinoda mumwe asiri Iwe kutitungamira; mumwe pakati pedu. Tinoda kuramba tichiti tinotenda Shoko rawakatiunzira. Ishoko. Iwe ndiwe muporofita, asi hausi iwe woga kana Inzwi rakakoshesesa.”
Kune vanhu vakaisvonaka munyika nhasi, machechi akaisvonaka. Asi kune mumwe chete Mudzimai wa Jesu Kristo, uye isu tisu Iye, uyo waari kuuya kwaari. Shoko Mwenga mhandara yakachena inogara ne Shoko ra Mwari, ROGA RAKASIMBISWA UYE RAKARATIDZWA KUTI NDIRO ZVANZI NA JEHOVAH.
Kana uchida hako kubatana nesu iwo musi uno we Svondo na 12:00 MASIKATI nguva ye Jeffersonville, tinonga takabatana parunhare pasi rose tichiteerera. Izvi ndizvo zvichaitika.
Fambai pahama dzangu, hanzvadzi, shamwari dzangu, pano munzvimbo ino manheru ano, uye nekwose kunze uko nenzira yerunhare. Madunhu akawanda akasiyanasiyana arikuteerera, nzira yose kubva ku Mabvazuva kusvikira kuma Dokero. Ndinonamata, Mwari wepaMoyo, nzira yose kupfuura marenje uko kuTucson, nzira yose kusvika ku California, kumusoro ku Nevada neku Idaho, nzira yose kuMabvazuva nekwakapoteredza, zasi kuTexas; apo kokero iyi ichipiwa, vanhu vachipinda mudzichechi diki, pama filling stations, mudzimba, vachiteerera. Haiwa Mwari, dai murume uyu, kana mukadzi wakarasika, mukomana kana musikana, panguva ino, auya kwaMuri. Gamuchidzai iko zvino. Tinozvikumbira ne Zita ra Jesu, kuti vaone iyi nzvimbo yakachengeteka pachine nguva.
Zvino, Ishe, mangange aya tatarisana navo, kuti Satan, munyengeri mukuru, haana kodzero yekusunga mwana wa Mwari. Satan chisikwa chakakundwa. Jesu Kristo, nzvimbo yoga yeku shumira, zita roga rechokwadi, wakamukunda pa Calvari. Uye tino suma Ropa Rake iko zvino, kuti wakakunda zvirwere zvose, matenda ose.
Uye ndinodana kuti Satan abve pavungano ino. Mu Zita ra Jesu Kristu, buda muvanhu ava, uye kuti vasunungurwe.
Aninani anogamuchira kupodzwa kwake maringe nezvakanyorwa mushoko, gadzira chapupu chako nekusimuka netsoka dzako woti “Ndinogamuchira kupodzwa kwangu ne muZita ra Jesu Kristu.” Simuka ne tsoka dzako.
Rumbidzo kuna Mwari! Hezvoka. Tarisa uko, zvirema nezvakadaro zvichisimuka. Rumbidzo kuna Mwari! Ndizvozvo. Tenda chete. Ari pano.
Hama Joseph Branham
Nzvimbo Yakasarudzwa Ya Mwari Ye Kushumira 65-0220
Magwaro ekuverenga usati wateerera Mharidzo:
Dhuteronomi 16:1-3
Ekisodasi 12:3-6
Maraki 3 & 4
Ruka 17:30
Varoma 8:1
Zvakazarurwa 4:7
Mharidzo: 65-0219 Nhasi Uno Rugwaro Urwu Rwazadzikiswa
Vadikanwa Mbeu Mwenga ye Mweya ye Pamusorosoro ye Humambo
Hapachina zveku mirira, hapachina zveku shamisika, TASVIKA! Tisu Mbeu Mwenga ye Mweya ye Pamusorosoro ye Humambo. Mbeu ye Mweya ku Mwanakomana we Humamboakavimbiswa. Kwete rimwe boka pamberi apo; kwete chimwechizvarwa chichauya; tiri kurarama muzuva rekuguma, tisuchizvarwa chichaona Jesu Kristo achidzoka panyika.
Nhasi, Rugwaro Urwu Rwazadzikiswa!
Vangeri rimwe chete, Simba rimwe chete, MwanakomanaMUMWE CHETE akange ariko zuro, ariko nhasi, achange arikonekusingaperi.
Nhasi, Rugwaro Urwu Rwazadzikiswa!
Vadiwa shamwari ku Arizona, California, Texas, kwese kunyikaye United States uye PASI ROSE vari kuteerera ku tepi iyi pa runhare; M-W-A-N-A-K-O-M-A-N-A waMwari mumwe cheteakauya kumabvazuva akazviratidza sa Mwari achiratidzwamunyama, ndiye mumwe chete M-W-A-N-A-K-O-M-A-N-A wa Mwari kuchidimbu chenyika kuno kumadokero, arikuzviratidza pakati pekereke manheru ano, mumwe chetezuro, nhasi nekusingaperi. Chiedza chemanheru cheMwanakomana chauya.
Nhasi, Rugwaro Urwu Rwazadzikiswa!
Inzwi ra Mesiya, rakange rakamira richitaura pa platform mu zuva Rake, Achizvibatanidza ne Shoko re vimbiso re chizvarwaichocho, ndiro Inzwi rimwe chete ra Mesiya, riri kutaura kuMwenga Wake nhasi pasi rose pama tepi, richitiudza: Ndinimumwe chete zuro, nhasi nekusingaperi. NDINI Inzwi ra Mwarikwa Muri. Ndimi Mbeu Mwenga ye Mweya ye Humamboyangu yagara ne Shoko Rangu.
Nhasi, Rugwaro Urwu Rwazadzikiswa!
Pane kutenderera misoro pakati pevanhu nhasi zvekutivanotadza kuona Zvokwadi ya Mwari. Chikonzero ndechekutipane dudziro dzakawanda dzevanhu pamsoro pe Shoko raMwari. Mwari haadi munhu kududzira Shoko Rake. Iye ndiyeMuduzdiri. Wakatumira Mwenga wake Zvakazarurwa 10.7 wake mazuva Enzwi ngirosi muporofita kududzira Shoko Rake. I ZVANZI NA JEHOVAH.
Nhasi, Rugwaro Urwu Rwazadzikiswa!
Iwe unoti, “Deno ndakange ndiripo apo Jesu akange ari panyika, dingadai ndakaita ichi-ne-chocho” Ndizvozvoka, rakange risirizera rako. Asi, rino ndiro zera rako, ino ndiyo nguva yako.Nderipi Izwi raurikuti ndiro Inzwi ra Mwari? Nderipi Inzwirinokosheshesa kwauri?
Nhasi, Rugwaro Urwu Rwazadzikiswa!
Diabhorosi ariku fambafamba achirwisa Mwenga zvaasinakumboita kare. Anogona kuti ufunge kuti une chirwere kana imwe mhando ye urwere kana kurwisa mhuri yako. Dzimwenguva Mwari anotendera kuti zvinhu zviipisise kusvikirausisaone kumusoro, kana pakaku poteredza, kana kumwe kwese. Ipapo ndipo paanouya kuzokugadzirira nzira yekupfuura nayo, kuti iwe ugone kuzoti, “Handizi mbeu ya Hagari, Handizi mbeuya Sara, Handizi kana mbeu ya Maria, Ndiri Mbeu yaMwari ye Mweya ye Pamusorosoro ye Humambo ya Abrahama. NdinotoraShoko raMwari randaka vimbiswa, kuti I Zvanzi na Jehovah. Handizungunuzwe. Zvisinei maratidzikire azvo, zvinotaurwa nadiabhorosi. Pane zvose zvandinoda, ndichatora Mwari pa Shoko Rake
Nhasi, Rugwaro Urwu Rwazadzikiswa!
Inzwi ra Mwari rataura. Ndakaisa mudura Chifafu Chomweyachose chaunoda. Taura CHETE izvo zviri pama tepi. NdiniInzwi ra Mwari kwauri. Shoko rangu haridi dudziro. Musanetsane kana kurwa, dananai, ASI garai ne NE SHOKO RANGU.
Nhasi, Rugwaro Urwu Rwazadzikiswa!
Musa derera. Musa wodzwa moyo. Musa tendera satan kutiakubirei mufaro wenyu. Rangarirai kuti muri vana ANI, kwamuri kuenda, uye zvazvichange zviri pa Mabiko makuru e Muchato. Uchigara mu Guta rakaisvo naka raakavakira iwechete. Uko kwauchange uri zienda nakuenda na Iye na avo vosevakaenda mberi kwedu.
Hakusisina urwere. Hakusisina kusuwa. Hakusisina rufu. Hakusisina hondo. Asi hupenyu Husingaperi Naye. Ipapotichati:
Nhasi, Rugwaro Urwu Rwazadzikiswa!
Ngatirege kukwindimara tichiti, ‘Ndaneta nepano, ndave kudakubva. Ngatitaure tichiti: Anogona kusvika nguva ipi zvayozvino, ACHIVINGA INI……KUBWINYA! Handichatogonikumirira. Ndiri kuenda kundoona vadikanwa vangu vese. Ndichavaona vamire pamberi pangu, ipapo ndichaziva, ZVAPAERA, TASVIKA.
Ipapo, ziso risati rapedza kubwaira, tinonga tatove pamwe chetekune rimwe divi.
Ngatifarei tifarisise, nokuti Muchato we Gwaiyana wasvika, uyeMwenga wake….Mwenga wake wazvigadzirira.
Kana uchida kufara, nekunge uri pamuchato we Gwaiyana nesu, uya ugadzirire iwo musi we Shondo uno na 12:00 Masikai, nguva ye Jeffersonville, patinenge tichinzwa:
Nhasi, Rugwaro Urwu Rwazadzikiswa! 65-0219
Hama Joseph Branham
Magwaro ekuverenga:
Johane Chitsauko 16
Isaya 61: 1 – 2
Ruka 4:16
Mharidzo: 65-0218 Mbeu Haidye Nhaka Pamwe Chete NeChikwande
Mharidzo: 65-0217 Munhu Ari Kutiza Kubva MuHupo HwaShe
Baba, apo pane mutumbi wenyu, Zvapungu Zvenyu zviri kuungana pamwe chete. Muri kutipa zvekudya zve Mana Yenyu Yekudenga. Ipayi kumunhu wedu wemukati izvo zvatinonyatsoda. Tine nyota yekukudai, Baba. Tiri mumawoko enyu.
Tigere muhupo hwenyu, tichiibviswa nekunzwa Shoko renyu. Mwenga unofanira kufungisisa uye wotarisana nazvo. Nyaya ndeyekuti ndizvo kana kuti sandizvo. Kunzwa Shoko renyu rakasimbiswa, ndicho chinhu chinokoshesesa here chinofanirwa kuitwa ne Mwenga kana kuti kwete? Kana zvirizvo, ngatizviitei. Chirega kumbomira, tsvaga iko zvino icho chechokwadi, neicho chakarurama, uye wogara naichocho. Tinoziva kuti Ichokwadi, tinoziva kuti ndiyo nzira Yenyu yamakapa kuzuva rino.
Ndinofanira kudanidzira “Shumba yawomba, ndiani angarega kutya? Mwari wataura, ndiani unga rega ku porofita?” Tinozviona mu Shoko. Makazvivimbisa. Ndiani ungaramba akanyarara asingataure?
Hatidi pfungwa yoruzhinji. Tinoda Zvokwadi. Uye hatidi, isu (tinoda) hatidi ku – hatidi kutarisana nechimwe asi chete izvo zvakanzi na Mwari ndicho Chokwadi.
Nguva yasvika yekuti usarudze ngarava yaunoda kupinda mairi. Urikudya here pa Shoko rakaturwa richibva ku Mwanakomana wo Munhu amene, kana zvimwewo? Pane mumwe here arikukuudza kuti unofanira kunzwa mamwe manzwi kuti uwe Mwenga wake? Kuridza matepi mudzimba dzenyu kana muma chechi enyu hachizi chinhu chakakoshesesa chingaitwa no Mwenga?
Uri kuteerera inzwi raani? Inzwi iroro ririkukuudza kuti chii? Nderipi inzwi rauri kuisa mhuri yako neramangwana rezienda nakuenda remhuri yako mumawoko aro?
Handizi ini, akange asiri mutumwa wechinomwe, aiwa, kwete, Kwaive kuratidzwa kwe Mwanakomana we Munhu. Akange asiri mutumwa, shoko rake, chaive chakavanzika icho Mwari akabhedhenura. Haazi munhu; Ndi Mwari. Mutumwa akange asisiri Mwanakomana wo Munhu; akange ari nhume kubva ku Mwanakomana we Munhu; Mwanakomana wo Munhu ndiKristo; Ndiye Uyo wamuri kudya paari. Hamuzi kudya pamunhu; munhu, mashoko ake anokundika. Asi muri kudya paMutumbi-Shoko risinga kundike re Mwanakomana we Munhu.
Rega kuteerera ku inzwi ripi zvaro risingaisi Inzwi, Mutumbi–Shoko risingakundiki re Mwanakomana we Munhu, pamberi pako KUTANGA. Vanogona kuparidza, kudzidzisa, kana kuita zvose izvo Mwari akavadanira kuita, asi HAVAZI inzwi rinokoshesesa rauno FANIRA KUNZWA.
Kana vachitenda izvozvo, zvino vanofanira kuridza Inzwi iroropamunoungana pamwe chete vokuudza kuti “Inzwi iri
riri pamatepi, ndiro Inzwi rakakoshesesa kunzwa. Iroro, uye IRORO roga ndiro, ZVANZI NA JEHOVAH”
Nderipi Inzwi raunodisa? Seiko chikonzero akatapa inzwi rake pamatepi nekuri chengeta? Nderipi Inzwi iro Mwari akasarudza kutaura Shoko rake muzuva redu.
Nemuporofita waakapa, uyo waakagadza kuenda uko uye kunodanidzira shoko, zvino, zvakaita sekunge aigona kunge akatuma mumwe muporofita, asi akagadza Jona, uye kunyange Eria haigona kuzviita, Jeremia haigona kuita, Mosesi haigona kuita, akange ari Jona ndiye aifanira kuenda ku Ninivhe. Ndozvose zvazvakange zviri. Wakamutuma akamuudza kuti aende. Uye kana ati “Enda uko, Jona, enda ku Ninivhe” hakuna mumweba anogona kundozviita kunze kwa Jona.
Mwari wakatitemera kuhupenyu uhu. Inzwi Iri rinotaura ma Shoko Ehupenyu Husinga peri kwatiri. Kwatiri, ndiyo nzira yakapiwa na Mwari. Ndiyo ngarava yedu. Kana uri mungarava inoenda Tashishi buda imomo nguva isati yapera.
Kana wanga uri kunetsekana, kana uine mibvunzo pamoyo wako kuti woenda kupi kana kuti woitei, uya ubatane nesu. Pinda mungarava nesu. Tiri kuenda ku Ninivhe, kuno danidzira. Tiri kuregedza ngarava ye Tashishi ichinyura kana vachida kudaro. Tine basa pamberi pa Mwari, ndiro Shoko ratinebasa naro.
Handizi kuti kana uchienda ku chechi kusingaridzwi matepi, ingarava inoenda ku Tashishi, asi kana paine UMWE asiri kuisa Inzwi ra Mwari pama tepi seinzwi rinokoshesesa rauno fanira kunzwa, nyatso tarisisa kuti ndiani arikutungamirira ngara yako uye kuti iri kuenda kupi.
Ndinokukokai kuti mubatane nesu musi we Shondo na 12:00 masikati nguva ye Jeffersonville, apo mutungamiriri we ngarava yedu achange achitaura uye achiunza kwatiri Mharidzo: Murume arikutiza kubva pamberi pa Jehovah 65-0217
Ngatitangei rumutsiriro urwu zvakanaka. Ndizvoka! Makamirirei? Tinotenda kuti kuuya kwa She kwave pedyo, vachava neMwenga, uye wakagadzirira. Uye hatidi ngarava dzinoenda ku Tashishi ipi zvayo. Tiri kuenda ku Ninivhe. Huh! Tiri kuenda mukuBwinya. Amen. Ndizvozvo. Tiri kuenda uko Mwari acharopafadza, uye ndizvo zvatinoda kuita.
Hama Joseph Branham Magwaro ekuverenga:
Jona 1:1 – 3
Maraki 4
Johani 14:12
Ruka 17:30
Vadikanwa Mhuri yema Tepi,
Ndinoreva imi, mhuri yangu, uye mhuri kunze uko munyika uko isu…uko ma tepi anoenda.
Tisu isu, mhuri yema tepi yemu porofita; vana vake vakapararira kunze uko pasi rose, avo vaaka bereka kuna Kristo. Ivo avo Baba vakapa chizaruro chavo kwavari muma zuva ano ekupedzisira.
Ndinoda kukuunganidzai pamwe chete rimwe remazuva, munoona, Baba vachadaro, uye ipapo ticha-tichawa ne Musha uko kwatisingazo famba famba zvakare.
NDINODA KUVAUNGANIDZA VOSE PAMWE CHETE. Zviri kutoitika iko zvino. Shoko iri, Shoko Rake, ma Tepi aya ndizvo zvaari kutoita chaizvo: kuunza Mwenga wose pamwe chete, kuti batanidza se CHINHU CHIMWE kubva pasi rose. Hakuna chimwe asi Inzwi Rake; Inzwi ra Mwari pama tepi, rinogona kuunza Mwenga pamwe chete.
Zvino iwe, kana wazadzwa no Mweya M’tsvene, hechi chimwe chezviratidzo chakanakisisa chandino ziva: unopinda murudo zvakanyanya na Kristo uye unotenda Shoko rimwe ne rimwe ra Ano taura kuti Ichokwadi. Unoona? Ndicho chiratidzo chekuti une Mweya M’tsvene. Uye upenyu hwako hwakazara nemufaro, uye–uye ini zvangu, zvese zvinochinja (unoona?) kubva pane zvazvakange zviri. Ndiwo Mweya M’tsvene.
Moyo yedu, pfungwa nemunhu wemukati medu zvakazara nemufaro, rudo uye Chizaruro, tototadza kuzvibata. Shoko rimwe na rimwe ratinonzwa rinounza Chizaruro chakawedzerwa. Tinoona kuti tiri vana ani uye nezvatiri kuita kuti tinge tiri mu Kuda Kwake Kwakakwana. Hapana chinga tibvisa pane zvakaiswa na Mwari mumoyo yedu. Kubaya ne Kuridza ndiyo Nzira yakapihwa na Mwari muzuva redu. Hapana zvekufembera, hapana zveku fungidzira, hapana zvekubvunza Mweya M’tsvene “Izvi zvandichangonzwa, Ishoko rechokwadi here?” “Ndinofanira kuzvinzvera ne Shoko here?”
Kwete isu. Zvatinonzwa pama tepi ISHOKO. Iro Shoko ratinonzwa pama tepi ndiro SHOKO CHETE rakasimbiswa na Mweya M’tsvene Amene, Shongwe Ye Gore Re Moto, kuti ndiyo Zvanzi na Jehovah ku Mwenga.
Kana mumwe akati kwatiri, “Pane zvakawanda zvakataurwa pama tepi zvekuti ndi hama Branham vaingotaura, risiri Shoko rakazodzwa. Uyo waingove munhu. Mweya M’tsene wakatitungamirira kune chiri Shoko uye kune zvaingo taurwa ne Hama Branham.”
Kwete kwatiri. Tinongotenda zvinyoronyoro izvo mu porofita akatiudza kuti tirege kukanganwa.
Ndinoda kuti murege kufa makakaganwa Shoko iroro. Zvakataurwa na Mosesi, Mwari wakazviremekedza, nokuti Shoko ra Mwari rakange riri muna Mosesi.
Hatife takakanganwa zvakataurwa ne muporofita, uye tinozvitenda; nokuti zvakanyorwa nesimba pamoyo yedu nechinyoreso chesimbi. Zvaakataura pama tepi, Mwari wakazviremekedza, uye tino zvitenda.
Hapana kuremekedzwa kukuru kunopfuura kagara ne kunzwa Izwi ra Mwari richitaura kwatiri. Achange achitaura ku Mwenga Wake musi we Svondo uno nenguva dza 12:00 masikati, nguva ye Jeffersonville, uye achipindura mibvunzo: 64-0830E Mibvunzo ne Mhinduro #4. Ndingada kukukokai kuti mubatane nesu. Isarudzo yausingambozo demba pamusoro payo.
Hama Joseph Branham
