Category Archives: Uncategorized

Uncategorized

26-0208 Mibvunzo neMhinduro #3

Mharidzo: 64-0830M Mibvunzo neMhinduro #3

PDF

BranhamTabernacle.org

Vadiwa vakaBerekwa kuna Kristu,

Munhu angazviisa sei mumashoko emunhu anofa rudo nemufaro zviri mumwoyo yedu kuti tizive Chizaruro chechokwadi cheShoko Rake chezuva redu? Kuzvifunga kuti, takanga tisina chekuita nazvo, asi IYE NDIRI Mukuru, nekusarudza kwake, akatitemera kuti tive nechinhu chikurusa chaAizotipa, CHIZARUR0CHESHOKO RAKE MUZUVA REDU.

Akamirira, kusvikira kuzara kwenguva kwasvika, kufemera mweya weupenyu mukati medu, kuti tigomunzwa achitaura nesu achiti:

Zvino, ndakaedza nepandinogona napo ku—ku—kukuudzai vanhu nokukutungamirirai sezvinoita baba vanotungamirira vana vavo. Imi muri vana vangu; Ndakakuberekerai kuna Kristu kubudikidza nevhangeri iri randinoparidza. Maona? Uye ini—ini—ndinoda kuti muyaruke, vacheche vakakura zvakakwana, kana—kana kuti vana. Uye ndinoda kukuisai kuna Kristu zuva iroro, sezvakataurwa naPauro, “Mhandara yakachena.” Hapana chinhu chiri muShoko iroro asi chete icho mwoyo yenyu inobvumira ichiti “ameni” kwachiri.

Mwari, achitaura ari mungirozi yake ine simba, ari kutiratidza nekutitungamirira isu, Mwenga waJesu Kristu. Tiri vana Vake vabvazera, mhandara yakachena. Uye nenyasha dzake dzinoshamisa, tinodavira Shoko rose ratinonzwa ne AMEN! Ndiyo dudziro yakakwana yeShoko ine kusimbiswa kwedenga!

• Kana Inzwi ratinonzwa pamatepi riri: kududzirwa kweShoko kwakakwana, chii chimwe chinodiwa neMwenga waJesu Kristu?…HAPANA!

Akatisarudza ISU, boka Rake duku raakanhonga nemaoko, kuti tive neChizaruro chechokwadi cheShoko Rake rezuva redu. Tisu avo vaAkasarudza kuti tive panyika, mumitumbi yenyama, munguva yehutongi hwemakore ane chiuru paMirenium.

Shamwari dzangu, ngatimbomirai ipapo zvishoma.

Tichange tine mutumba wakabwinyiswa pano panyika. Tichange tichidya, tichinwa, tichivaka dzimba, tichirarama sezvatiri kuita zvino kwemakore ane chiuru. Ichange iri honeymoon yedu apo Mwenga (ISU) nechikomba (Ishe Jesu Kristu) tawe MUMWE.

Tiri kutarisa  nekumirira iyi nguva inobwinya miniti yega yega yezuva rega rega. Zvave pedyosa sekunge zvave kutobatika. Ndinotenda, nemoyo wangu wese, izvi ndizvo zviri kuitika kwatiri nhasi:

O, kubatana kwepamweya kwaKristu neKereke yake zvino, apo nyama yave kuva Shoko, uye Shoko ravekuva nyama, richiratidzwa, richisimbiswa. Izvo chaizvo zvakataurwa neBhaibheri kuti zvichaitika muzuva rino, zviri kuitika, zuva nezuva. Sei, zviri kuumbika nekukurumidza zvikuru kunze uko, kumarenje, nezvinhuzviri kuitika, zvekuti handichakwanisa kufambirana nazvo. Tave pedyo neKuuya kwaJesu, kuti tibatanidzwe neKereke yake, apo Shoko richava Shoko.

NeMharidzo yega yega yatinonzwa, ndokuwandawo kweChizaruro chaAnotipa. Zviri kuumbika nekukurumidza zvikuru, tave kutotadza kufambirana nazvo. Tiri kuona Shoko richiva Shoko zvisati zvakamboitika kumashure. Hapana kana mumvuri wekupokana mumwe chete; neChizaruro, TINOZIVA chaizvo kuti tiri vanaani.

Ari kubatanidza Mwenga Wake sezvaakataura kuti Achaita, uye isu tiri chikamu chawo. Tirikuona zvichiitika nemeso edu. Vamwe vangasazviona kana kuzvinzwisisa. Hazvisi zvavo, NDEZVEDU ISU, VANA VAKE VAKABEREKWA.

Mwenga aive nemibvunzo yekubvunza muprofita.

Zvakakwana here kuterera Inzwi raMwari pamatepi CHETE? Mwari vakapindura vakati HONGU!!

Vana vedu vanogonawo kuwana zvese zvavanoda here kuti vave Mwenga waKristu nekungoteerera matepi: HONGU!!

Saka, zvose zvinodiwa neMwenga ZVIRI PAMATEPI.

Tinoziva zvakare kuti Mwari vakapa dzimwe nzira dzakawanda kuvana Vavo.

“Nemavanga Ake makaporeswa.” Zvino, chokutanga Shoko rinotaura kudaro, zvinofanira kukwana izvozvo, asi kana usingazvitendi muShoko, zvino pane zvipo muChechi, zvakaita sevarume vakafemerwa kuziva madzidzisiro iwayo, zvinozojekesa kwauri, saizvozvo, uye nekutenda kwekuti utende.

Tinotenda Mwari akatipa varume vakafemerwa vanozivakudzidzisa kuporeswa uye nekujekesa Shoko Rake kune vamwe, asi Mwenga wake unoda NZIRA YAKE YAKAKAKWANA YAKAPIWA. Ndizvo zvogaZVATINODA.

Ndinoda kukukokai kuti muuye kuzobatana neBranham Tabernacle musi uno weSvondo na12:00 masikati,nguva yeJeffersonville, patichanzwa: Mibvunzo Nemhinduro #3 64-0830M.

Zvinofadza sei kuva neChizaruro cheShoko Rake uye nokuziva kuti tiri Shoko rakaitwa nyama.

Hama Joseph Branham

Uncategorized

26-0201 Mibvunzo neMhinduro #2

Mharidzo: 64-0823E Mibvunzo neMhinduro #2

PDF

BranhamTabernacle.org

Vadiwa Vana veZvapungu
 
Pane Mutumbi, ndipo panoungana Mwenga pamwe chete. Uye kwatiri, pane nzvimbo imwe chete yakakwana yatinokwanisa kuwana nyama ichangoburwa yeManna: kubudikidza nekudzvanya nokuridza nekunzwa Inzwi raMwari pamatepi.
 
Taura nezve Manna ichangoburwa, tingatanga here kufunga nezvatinazvo pamavoko edu? Inzwi chairo raMwari richitaura kuMwenga wake waanoda pamatepi, pasina kufembera, pasina kushamisika, pasina mibvunzo kana kupokana kuti zvatiri kunzwa ndiMwari, achishandisa inzwi remunhu, kutaura Zvanzi naJehovahkuMwenga wake.
 
Nechizaruro, tinotenda kuti Ndiyo CHETE nzvimbo yatinogona kuenda nekuzorodza mweya yedu kuti Mashoko atiri kunzwa haazi shoko remunhu, kana kududzira kwake kana pfungwa yake yakawedzerwakwaRiri, asi IShoko rakachena raMwari rinotaura kwatiri vana vezvapungu, richizarura Shoko Rake.
 
Tinoyanana paShoko. Tinoverenga Shoko rakemumaBhaibheri edu. Tinotonzwa kuti Mwari vakagadza nokudana varume vakazadzwa neMweya Mutsvene wake, vachidoma zvitaurwa nekuparidza Shoko raMwari, asi muzuva redu, Mwari akatipa nzvimbo yatinogona kunzwa SHOKO RAKE RAKAKWANA RAKATAURWA, kubudikidza neKudzvanya Nokuridza.
 
Baba vanotopa Mwenga wavo mukana wekubvunza mibvunzo yaive pamwoyo yedu kuti tive nemhinduro yakakwana:

  • Satani angashandisa chipo chendimi kana chiporofita mumunhu ane Mweya Mutsvene here?
  • Jesu airevei pana Mateo 12, ndima 32?
  • Ndapota tsanangurai Vakorinde 13:8-12.
  • Vakadzi vanotenderwa kushanda mumabasa eHurumende here kana vaine murume wakasimba nevana?
  • Zvakaipa here kuti mukadzi amoneredze bvudzi rake?

Mwari vakapa nzira dzakawanda dzekuropafadza nekusimbisa Mwenga wake, asi pane nzvimbo imwe chete yaakapa iyo Mwenga wake anogona kuva nekugutsikana kuzere kuti zvavari kunzwa iSHOKO RAKE RAKAKWANA. Tsime Rimwe reMvura Inoyererauko vana vezvapungu vanogona kunwa kubva pasina mukana wekusvibiswa kupi zvako. KUDZWANYA NOKURIDZA.
 
Ndinokukokai kuti muuye kuzonwa kubva paTsime iroro musi uno weSvondo na12:00 masikati, nguvayeJeffersonville, apo tichanzwa 64-0823E “Mibvunzo Nemhinduro #2.”
 
Hama Joseph Branham

Uncategorized

26-0125 Mibvunzo neMhinduro #1

Mharidzo: 64-0823M Mibvunzo neMhinduro #1

PDF

BranhamTabernacle.org

Mudiwa Branham Tabernacle,

Kwaziso kuMwenga waJesu Kristu kubva pasi rose, vanotenda kuti Branham Tabernacle, Inzwi raMwari, ndiyo kereke yavo yepamba pavari kudyiswa pamweya neManna yakavanzwa yakachengeterwa Mwenga waKristu.

Uyu ndiwo musha wangu; uyu ndiwo muzinda wangu; apa ndipo patakarongedza zvose. Saka, Chengeta izvozvo mupfungwa zvisinei kuti chii chingaitika. Zvino, kana wakachenjera, uchabata chimwe chinhu. Hazvinei kuti chii chinoitika, uno ndiyo muzinda wedu, ipo pano!

Vatendi vazhinji vanogara vasinganzwisisi kana kuisa pfungwa dzavo kana dudziro kune zvakataurwa nemuporofita pano, asi ari kuudza Mwenga zvakananga, “kana wakachenjera, uchabata chimwe chinhu, uno ndiwo muzinda wedu, ipo pano!”

Airevei nemashoko iwayo?

Hama Branham pavakange vari pano, vazhinji havana kuvanzwisisa vakafunga kuti Mwenga waifanira kuenda kuArizona kunomutevera ikoko, kuti vapinde muKubvutwa. Hama Branham vakavapindura zvakajeka: garai PANO, IYI NDIYO NZVIMBO YACHO.

Boka guru revanhu rakasimuka nenzira iyo, uye vaida kuenda uko kana kuita izvi kana izvo, mushure mekunge ndavaudza kuti vagare ipapo. Garai ipapo, garai pano; iyi ndiyo nzvimbo yacho.

Vanhu vakabva kwese kwese muUnited States vachienda kuArizona, asi akavaudza zvakajeka kuti: Garai pano chaipo, iyi ndiyo nzvimbo yacho!

Kugara muJeffersonville? Ndizvo zvaakataura!

Chizaruro changu ndechokuti, akanga ari Mwari, achitaura kubudikidza nomuprofita Wake achiudza vanhu, “GARAI NEMATEPI.” Ndiyo NZVIMBO yacho!

Akakanganisika uye akati aifanira kuita chimwe chinhu nevanhu vose ivavo. Chii chaanofanira kuita? Aizovaendesa kuchechi ipi? Vanofanira kuenda kupi? Hama Branham vakati chii chavanofanira kuita?

Saka zvino, ndinofanira kudzosa vana ava kuno kuti vawane chokudya. Vari zasi uko kurenje vachiziya nenzara.

Haana kutaura kuti vaifanira kuenda kune dzimwe chechi dzemunharaunda vachiwanawo zvimedu zvishoma zvavaigona kudya. Vakati vanofanira KUVADZOSA KUNO kuti vawane chokudya, kuti varege KUFA NENZARA.

CHIZARURO CHANGU, SHAMWARI.

Zvino, kuti tirege kusavanzwisisa zvakare, kana kutaura zvavasina kutaura, vachiti, “Hama Branham vaida kuti mutendi wose aende kuJeffersonville kuti ave Mwenga.” Hama Branham vaiziva vanhu vose ava, uye mutendi WESE kubva pasi rose, haaikwanisa kufamba kuti agare muJeffersonville. Izvozvo zvakange zvisingaite. Saka airevei? Akange ACHIBATANIDZA Mwenga waKristu PAMATEPI akange akarekodhwaakachengeterwa Mwenga kuti adye paari.

Shoko reNguva iri, Inzwi Iri, iShoko raMwari rakataurwa ranhasi uye Richabatanidza nekukwanisa Mwenga waJesu Kristu.

Mutumbi ndicho chikafu chezvapungu. Zvino, chapungu muBhaibheri, ndiye muporofita. Muporofita chapungu. Mwari—Mwari anozvitora seChapungu, uye isu tiri “zvapungu zvidiki” zvino, va—vatendi. Maona? Uye mutumbi wavari kudya chii? IShoko. Pose pane Shoko, hunhu hwechokwadi hweshiri hunoonekwa ipapo.

Ririkupi Shoko reZvanzi naJehovah ranhasi rakachena, rakasimbiswa, risina mibvunzo? Pane nzvimbo imwe chete, Matepi.

Ndinogona kuramba ndichienderera mberi, chitaurwa nechitaurwa, asi Shoko reNguva iri nezvakataurwa neHama Branham zvinotora Chizaruro kubva kuna Mwari. Tinofanira kuverenga pakati pemitsetse nechizaruro, asi taura zvaakataura. Nokuti ISHOKO RAKACHENA.

Mibvunzo neMhinduro zvanhasi uye zvaNDINOTENDA.

Nhasi uno, vashumiri vazhinji vari kutaura kuvanhu kuti nekuteerera matepi Mudzimba tabuda muShoko uye nekubva pane zvakataurwa nehama Branham kuti tiite. Vanonzwa kuti tinofanira kuenda kune yavanodaidza uye yavanofunga kuti ndiyo kereke.

Chokwadi inzvimbo dzakawanda, apo hama Branham vanotaura zvakajeka vachiti.

Zvino, enda hako kuchechi yakanaka yeFull Gospel wozviwanira yaunoti chechi yako.

Uye ndinozvitenda izvozvo nomwoyo wangu wose, nokuti vakadaro. Asi ndinotenda kuti tiri kuita izvozvoneKUTEERERA MATEPI TIRI MUDZIMBA. Nzvimbo yacho sandicho chinokosha kuna Ishe. Iyo chingori chivakwa. Asi basa redu kuna Jehovha nderekugara neShoko ravo, KWETE NZVIMBO KANA CHIVAKWA. Nzvimbo haiponesi kana kunatsa Mwenga, SHOKO NDIRO RINOITA IZVOZVO.

Kana ndikaenda kuchivakwa chechechi, asi vakanganwa CHINHU CHIKURU: kunzwa Inzwi raMwari kubudikidza noKudzwanya nokuRidza, uye varitsiva nekungonzwa vashumiri vachiparidza Mharidzo, izvozvozvinonyatsogutsa nekugutisa mweya wako here? Zvinogona kugutsa mweya wako, hama nehanzvadzi, yangu asi hazvigutsi Mwenga.

Rega ndipinze chimwe chinhu pano nditi kune zviuru nezviuru zvevanhu vasina chivakwa chechechi chekuenda. Vakarasika here? Kana vasina mufundisi kana chechi, zvinoreva here kuti havangave Mwenga? Kana ndichigara mukati mema maira100 kubva pachivakwa chechechi, ndinofanira kuenda kuchechi iyoyo here? Asi kana ndichigara kure kupfuura ipapo, handifanire kuenda ikoko? Ndinofanira kuteerera muparidzi pa internet, asi handifaniri kuteerera matepipa internet? Saka chivakwa chenyama ndicho chiri kutaurwa nemuporofita kuti ndicho chinhu chakakosha chatinofanira kuenda kwachiri?

Muprofita aida kuunza Mwenga kupi?

Kana usingakwanise kuuya pano patabhenakeri, enda kune imwe chehchi kune imwe nzvimbo; enda ikoko.

Zvakare, ndokupi kwavaida kuendesa vanhu kupfuura kumwe kwese? KuBranham Tabernacle, kuShoko, kumatepi. Ndizvo izvo Mwari akapa Mwenga wake kuti aite munguva ino yekupedzisira, uye tiri kuzviita mazuva ese Svondo yega yega.

Saka kuti mundinzwisise zvakanaka. HANDISI KUTI Munofanira kuteerera matepi pa internet pamwe chete neBranham Tabhenakeri kuti muve Mwenga. Handisi KUTI hamufanirwe kuenda kuchechi. Handisi KUTI hamufaniri kuteerera kuvashumiri. Kana uchitenda izvozvo, wabva paShoko. Ndiri kuti kunzwa Inzwi raMwari pamatepi ndiro Inzwi rakakoshesesa RAMUNOFANIRA KUNZWA, uye ndinotenda kuti mufundisi wese anofanira kuridza Inzwi iroro, matepi, mumachechi avo. Asi vakapa zvikonzero zvose zviripo KUSARIDZA MATEPI. Kana iriyo chechi yako, hausi kudya paShoko.

Zviri pachena kuti izvi ndizvo zvaakange asingadi kuti zviitike uye vanhu vachizviita.

Iwe enda kuchechi; usagara pamba, kana kunoredza, kunovhima, nezvimwe zvakadaro musi weSvondo.

Hatisi kudaro. Tiri kubatana pachinhu chimwe chete chichabatanidza Mwenga, Shoko reNguva iri, Inzwi Iri.

Nditaure zvakare, ndinotenda mukuenda kuchechi. Kune makereke mazhinji pasi rose ari kupa matepi nzvimbo yekutanga pama purupiti avo, Ishe ngavakudzwe. Ndinotenda kuti unofanira kugara kumba here kana ukasadaro toti hausi Mwenga? KWETE, KWETE, KWETE…. handina kumbofunga izvozvo, handina kumbotenda izvozvo. Ini ndinongoda kuti UTEERERE MATEPI zvisinei kuti urikupi kana kuti urikuenda ku chechi kupi.

Kana usina Chizaruro chezvaari kutaura, zvino unogona kutaura pachena uchiti, “Handifanire kuteerera kuHama Branham kana kuKUBVUMIRANA nezvose zvavanotaura. Ivo vakatozvitaurawo, kune vamwe vazhinji vanhu vakadanwa naMwari”

Enderera mberi. Tinoona pano, anoti, “Toenda here kune imwe chechi isingabvumirani nemi?” Hongu, handisi…ini handisi ndoga hurungudo pamhenderekedzo yegungwa, munoziva. Pane—kune vamwe vanhu vanotya Mwari kwose kwose; Ndinovimba ndiri mumwe wavo.

Inzwi raMwari pamatepi ndiyo HURUKUNGUDOYANGU, DOMBO RANGU. Inzwi randinoda kunzwa uye Inzwi randinoda kuti Branham Tabernacle inzwe.

Kana uchida kabatana nesu, tinokugamuchirai nomufaro hama nehanzwadzi dzangu. Sanganai nesu musi uno weSvondo na 12:00 masikati, nguva yeJeffersonville, apo tichanzwa Inzwi raMwari richitaura nokupindura mibvunzo yakawanda yamungadaro munayo pamwoyo yenyu. Uye zvinzwirei pachenyu kana zvinhu zvandataura mutsamba iyi zviri kunze kweShoko uye kana ndisina kunzwisisa zviri kutaurwa naMwari kuMwenga wake.

Zvavanotaura pamatepi iZvanzi naJehovha. Kwete zvandinotaura kuti ari kutaura, kana zvandinotenda kuti ari kutaura, uye Mwari CHETE ndiye anogona kukupa Chizaruro chechokwadi.

Hama Joseph Branham

Zuva reTepi: 64-0823M Mibvunzo NeMhinduro #1

Uncategorized

25-1228 Kucherechedza Zuva Rako NeMharidzo Yaro

Mharidzo: 64-0726M Kucherechedza Zuva Rako NeMharidzo Yaro

PDF

BranhamTabernacle.org

Mudiwa Mwenga Wakatemwa,
 
Nhasi, kereke yakanganwa muporofita wayo. Havachamudi kuti aparidze mumakereke avo. Vanoti vane vafundisi vavo vanovaparidzira nekudoma zvitaurwa nekududzira Shoko. Kuparidza kwakakosha kudarika kuteerera Inzwi raMwari pamatepi mumakereke avo.
 
Asi Mwari aiziva kuti aifanira kuva nemuporofita wake; ndiyo nzira yaAkagara achidana achitungamirira Mwenga waKe. Akatitema kubva kundudzi dzose noMunondo waKe unocheka kwose, Mweya waKe Mutsvene, Inzwi raKe rakataurwa nemuporofita waKe.
 
Akatitema neInzwi iroro. Ndicho chikonzero Akaita kuti Shoko rirekodhwe nokuiswa pamatepi. NeChizarurotinoona kuti Gwaro rakakwana sei! Mwenga haugone kuibva kunze kwekunge waibviswa neMwanakomana.

Hazvina mhosva kuti unoparidza zvakadini, chero chaunoita, haugoni kuibviswa, haugoni kuratidzwa, haugoni kusimbiswa; asi chete naiye Akati, “Ndini Chiedza chenyika,” Shoko.

Shoko rakatiudza kuti Mweya Mutsvene pachaKe achauya agotiibvisa, agotisimbisa, kuzviratidza uye kutiIye aratidzwe. Chiedza chemadekwana chasvika. Mwari achizviratidza munyama kuti adane Mwenga wake.

Ndiye akakudanai neMweya Mutsvene waKe, Shoko raKe, Inzwi raKe. Ndiye Akakusarudzai. Ndiye anokudzidzisai IMI. Ndiye ari kukutungamirirai IMI. Nei? NeMweya Mutsvene wake, Inzwi raKe richitaura ZVAKANANGA KWAURI.
 
Asi kwavari vanoti ndezvechinyakare muzuva rino. Vanoti nguva yekuteerera matepi mumakereke avoyakapfuura. Havazvi cherechedzi. Ndicho chikonzero vari muchimiro chavari. Asi kwamuri, Zvakazarurwa kuti ndiyo nzira yakapiwa naMwari, IZVANZI NAJEHOVHA KWAMURI.

Saka panofanira kuuya si- si- Simba, Mweya Mutsvene pachaKe, kuibvisa, kana kusimbisa, kana kuratidza, kana kuratidza izvo zvaAkafanotaura kuti zvichaitika muzuva rino. Chiedza chemadekwana chinoberekaizvozvo. Inguva yakadini!

Tiri Shoko Mwenga waMwari wakakwana akaonekwa nemuporofita wake muchiratidzo. Tisu vaAkatuma muporofita waKe kuzodana neShoko raKe, uye zvino tavane RUMUTSIRIRO, nokuti zvino tava kuziva kuti tiri vanaani.

Kumutsurudza, hezvo, ndiro izwi rimwe chete rakashandiswa kumwe kunhu, ndakaritarisa, rinoreva, “rumutsiriro.” “Achatimutsurudza mushure memazuva maviri.” Zvichireva kuti, “Nezuva retatu Achatimutsurudza zvakare, mushure mokunge Atiparadzira, nokutipofamadza, uye nekutibvarura.

Baba vakatuma muporofita wavo kuti atarise Mwenga wake kuti arege kubuda mumutsetse. Rangarira, ichi chaiva chiratidzo!

Mwenga akapfuura aripanzvimbo imwe chete yaAkange ari pakutanga. Asi ndakange ndakamutarisa achibuda mumutsara, ndichiedza kumudzosera mugwara.

Asi “iye” angamudzorera sei nhasi? “Iye”, munhu wacho, haasisipo panyika. NESHOKO! Chii Shoko CHETE rakasimbiswa nhasi? Inzwi raMwari pamatepi.

Vashumiri vanodanwa kuti vaparidze Shoko nekutaura chaizvo zvakataurwa nemuporofita. Maringe nezvakataurwa nomuprofita pachake, havafaniri kuvedzera chimwe chinhu.
 
Zvirokwazvo, vakadanwa kudzidzisa nokuparidza Shoko iroro. Asi pane IZWI RIMWE CHETE RINOSIMBISWANAMWARI PACHAKE KUTI IZVANZI NAJEHOVHA.

Saka ndinotaura, muZita raJesu Kristu: Usawedzera chimwe chinhu, usabvise, kana kuisa pfungwa dzako paRiri, ingotaura zvinotaurwa pamatepi iwayo, ingoita chaizvo izvo Ishe Mwari vakaraira kuti zviitwe; usawedzera kwaZviri!

Kana uchiti “ameni” kushoko rega rega rinotaurwa nemufundisi wako kana mushumiri wako, wakarasika. Asi kana uchiti “AMEN” KUSHOKO ROSE RAKATAURWA NAMWARI KUBUDIKIDZA NOMUPOROFITA WAKE PAMATEPI, URI MWENGA UYE UCHAVA NEHUPENYU HUSINGAPERI.
 
Muprofita waMwari ndiye munhu akasarudzwa naMwari kuti ataure nemaari. Kwaive KUSARUDZA KWAMWARI kumushandisa kutaura Shoko raKe nekuRiisa pamatepi kuti Mwenga AGARE ANE ZVANZI NAJEHOVHA YEKUNZWA.
 
Haadi kuti Mwenga wake atsamire pane zvinotaurwa nevamwe vanhu, kana kududzira kwavo Shoko rake. Anoda kuti Mwenga wake anzwe kubva pamuromo kusvika munzeve dzavo. Haadi kuti Mwenga wake atsamire pane mumwe munhu kunze Kwake Iye.
 
Patinomuka mangwanani, tinoda kumunzwa achitiudza, “Mangwanani shamwari” Ndichataura nemi nhasi uye ndikuudzei kuti ndinokudai sei uye kuti imi neni tiri MUMWE.

Ndine vazhinji vandichapa hupenyu husingaperi kwavari, asi Imwi chete ndimi Mwenga wangu wandakasarudzwa nemaoko. Kunewe IWE chete Ndakapa Chizaruro nyika isati yavambwa.
 
Vamwe vazhinji vanoda kundinzwa, asi ini ndakakusarudza kuti uve Mwenga Wangu. Nokuti makandiziva uye makagara neShoko rangu. Hauna kurerutsa, hauna kuita zvekutamba, asi wakaramba uri pachokwadi neShoko Rangu.
 
Nguva yave pedyo. Ndirikuuya kwauri nokukurumidza.Chekutanga, uchaona vandinavo zvino. Oh, vanoshuva sei kukuonai uye nekuva newe. Musanetsekana vadiki, zvese zviri mugwara, rambai muchishingirira. “

Semushumiri we iVhangeri, handioni chimwe chinhu chasara kunze kwekuenda kweMwenga.

Hama Joseph Branham
 
Mharidzo: 64-0726M “Kucherechedza Zuva Rako Nemharidzo Yaro”
Nguva: 12:00 masikati, nguva yeJeffersonville
 
Magwaro ekuverenga tisati tanzwa Mharidzo:
Hosea: Chitsauko 6
Ezekieri: Chitsauko 37
Maraki: 3:1/ 4:5-6
2Timotio:3:1-9
Zvakazarurwa: Chitsauko 11

Uncategorized

25-1214 Mutambo weHwamanda

BranhamTabernacle.org

Mudiwa Mwenga Wakakwana  

Izvi hazvisi zvekuumbidzira, shamwari, Izvi iZVANZI NAJEHOVHA, Rugwaro.

Mukristu wese anoda kuva Mwenga, asi tinoziva kuti Mwenga wake vachange vari vashoma vakasanangurwa. Tinoziva kuti Mwari Ane kuda kwekuregedzera, asi Mwenga Wake anofanira kunge ari mukuda Kwake kwakakwana. Saka, tinofanira kutsvaga Mwari muShoko Rake, uye neChizaruro, tichaziva kuda Kwake kwakakwana kuti tingava sei Mwenga Wake.
 
Tinofanira kunzvera Magwaro, nokuti tinoziva kuti Mwari HAASHANDURI pfungwa dzake pamusoro peShoko rake. Mwari haashanduri hurongwa Hwake. Haashanduri CHINHU. Nzira yaAkazviita nayo kekutanga yakakwana. ZvaAkaita nezuro achazviitawozvimwe chete nhasi.
 
Maponesero Aakaita munhu kubva pakutanga, Anofanira kuponesa munhu nhasi nenzira imwe cheteyo. Kupodza kwaakaita munhu wekutanga, Anofanira kuzviita nenzira imwe chete nhasi. Mwari kusarudza kwaakaita kudana nekutungamira Mwenga Wake, Achazviita nenzira imwe chete nhasi; nokuti ndiMwari uye haashanduki. Shoko rinotiudza kuti Jesu Kristu ndiye MUMWE CHETE zuro, nhasi, nokusingaperi.
 
Saka, patinoverenga Shoko rake, tinokwanisa kuona zvakajeka Masarudziro aakaita kudana nekutungamira Mwenga wake muzera rega rega.  Akasarudza MURUME MUMWE chete. Akati ivavo vaive Shoko renguva yavo. Muporofita akatiudza kuti HAANA kumbova neboka revanhu; vane nzira dzakasiyana, pfungwa dzakasiyana, uye zvinotonyanya kukosha, Akati, SHOKO RAMWARI HARIDI DUDZIRO.
 
Saka, zvakataurwa nemuprofita wega wega muzera rega rega hazvigone kuwedzerwa kana kutapudzwapazviri. Rinofanira kuva Shoko neShoko ZVAAKATAURA. Nyore chaizvo, kana ukandibvunza kuti ndeipi nzira yakapihwa naMwari….GARA NEMUPOROFITA.
 
Zvino, hatingoziva chete nzira yakapihwa naMwari kubva pakutanga kuti yanga yakadini, Ishe vachataura kubudikidza nengirozi yavo uye votiudza Zvaachaitamune ramangwana, kungoratidza zvakare, MWARI HAASHANDURE HURONGWA HWAKE.
 
Mushure mekunge Mwenga wake (isu) tabva pasi pano uye tadanwa kuChirairo cheMuchato, Mwari achadana sei maJuda akasarudzwa 144 000?  Boka revarume?

Zvino, kana Chechi ino (Mwenga) yavunganidzwa pamwe chete, Anotorwa; uye chakavanzika cheChisimbiso cheChinomwe, kana Chisimbiso cheChinomwe, chakavanzika chekuenda. Uye maJuda anodaidzwa nechakavanzika cheHwamanda yeChinomwe, inova vaporofita vaviri, Eria naMosesi, uye vanodzoka.

Saka kana Mwenga avunganidzwa pamwe chete, tichatorwa kumusoro. Tinoziva kuti pane chinhu chimwe chete chinogona kukwevera Mwenga pamwe chete, Mweya Mutsvene, uye Mweya Mutsvene iShoko Rake,uye Shoko Rake ranhasi Inzwi raMwari, uye Inzwi raMwari ndiro…

Kana ndakugumbura nekutaura izvozvo, ndiregerere, asi, ndanzwa kuti izvozvo zvinogona kurambwa, asi, Ndiri Inzwi raMwari kwamuri. Maona? Ndinozvitaura zvakare, nguva iya kwange kuri kufemerwa, waona.

Regai ndigopindira pano ndichiti, ichocho CHITAURWA CHIMWE CHETE kubva kumutumwa waMwari akasimbiswa chinofanira kukwana kune vose vanozviti vatendi veShoko reNguva yekupedzisira kuti vamanikidze vafudzi vavo kuDzvanya noKuridza muma chechi avo, kana vasingadi voregedza basa racho vanhu vovhotera mufundisi ane CHIZARURO CHECHOKWADI KUBVA KUNA MWARI.
 
Saka, Hwamanda yakarira vaporofita vaviri voonekwa sezvo Asingakwanisi kuva nengirozi yake yechinomwe neMwenga wake pano panyika panguva imwe chete yavanouya. Saka anodaidza sei maJuda? Nenzira imwechete yaakadaidza nayo Mwenga wake weMarudzi.

MaJuda anodaidzwa nechakavanzika cheHwamanda yeChinomwe, inova vaporofita vaviri…
 
Mwenga anofanira kubva munzira, kuti akwire zvino; kuitira kuti varanda vaviri, varanda vaviri vaMwari, muna Zvakazarurwa, vaporofita vaviri, vagokwanisa kuoneka panzvimbo, kuridza Hwamanda yeChinomwe kwavari, vazivise kwavari Kristu.  

Zvakajeka izvo, Mwari haashandure hurongwa Hwake. Akatuma vaporofita Vake. Naizvozvo, Mwenga Wake uchagara nenzira Yake yaakapa, mutumwa Wakemuporofita, Inzwi raMwari pamatepi.

Zvino kuti zvinyatso jeka, Mwari vanotaura zvakare uye vanoudza Mwenga Wake: Wakaramba wakatendeka kwaNdiri nenzira Yangu yandakapa, saka nzira Yanguyandakapa yezuva rako ichati kwauri:

Mutumwa wechinomwe anoti, “Tarirai, Gwayana raMwari, rinobvisa zvivi zvenyika!”.

Rakakosha sei INZWI IRO; INZWI RAMWARI richitaura kubudikidza nemutumwa wake wechinomwe pamatepi. Mwari achashandisa INZWI IRORO, IZWI REMUTUMWA WAKE WECHINOMWE. KWETE BOKA…KWETE INI…KWETE MUFUNDISI WAKO…INZWI REMUTUMWA WAKE WECHINOMWE kuti atizivise Kwaari, Ishe wedu Jesu Kristu.
 
Naizvozvo, TINOZIVA:
● TIRI MWENGA WAKE.  
● TIRI MUKUDA KWAKE KWAKAKWANA.
● TIRI KUTEVERA HURONGWA HWAKE HWANHASI KUBUDIKIDZA NOKU DZWANYA NOKURIDZA.
 
Chikamu cheMwenga wake chichange chichiungana musi uno weSvondo na 12:00 masikati, nguva yeJeffersonville, tichiteerera mufundisi wedu, mutumwa ngirozi yaMwari, William Marrion Branham, uye Achange achitaura nekuzarura kwatiri kuti hakuna imwe kereke, hakuna rimwe boka revanhu kubva pakuvambwa kwenyika, rakambova nemukana watinawo wekubatanidzwa pamwe chete tichiteerera Mwari achitaura kwavari zvakananga.
 
Tiri vanhu vakaropafadzwa sei. Tinofara zvikuru. Tinotenda zvikuru. Mwenga ari kuva MUMWE neChikomba.
 
Hama Joseph Branham
 
Mutambo weHwamanda 64-0719M.
 
Magwaro ekuverenga tisati tanzwa Mharidzo:
 
Revhitiko 16
Revhitiko 23:23-27
Isaya 18:1-3
Isaya 27:12-13
Zvakazarurwa 10:1-7
Zvakazarurwa 9:13-14
Zvakazarurwa 17:

Uncategorized

25-1207 Zvino Jesu Akauya Akadana

Mharidzo: 64-0213 Zvino Jesu Akauya Akadana

PDF

BranhamTabernacle.org

Mudiwa Mwenga Shoko,
 
Tiri kurarama munguva dzerima guru chaizvo, asiHATINA CHATINOTYA, Tenzi vauya. Vauya kuzozadzisaShoko ravo muzuva rokupedzisira. Zvavaiva ipapo, Ndizvo zvavari nhasi. Kuratidzwa Kwavo nekuziviswaKwavo ipapo, ndizvo zvazviri nhasi. Vachiri Shoko raMwari, vachiZviratidza munyama yemunhu mungiroziYavo yechinomwe ine simba uye vakazivisa kwatiri, kutitiri Mwenga Shoko Rake rinorarama.
 
Hatina nguva yekukakavadzana kana kunetsana; tapfuura zuva iroro; tiri kuenda mberi, tinofanira kusvikaikoko. Mweya Mutsvene wakauya pakati pedu. IsheJesu muchimiro cheMweya vakazvizivisa nekuzviratidzakubudikidza nemuprofita Wake kuti ndiye Inzwi raMwarikuMwenga wake.
 
Akati Achauya. Akati Achaita izvi. Akati Achasimukanemazuva okupedzisira oita zvinhu izvi sezvaAkaitapaAkauya munyama kekutanga, uye Heuno Ari kuzviita. Chii chauri kutya? HAPANA CHEKUTYA!!!
 
Tiri munzira yedu inoenda muKubwinya! Hapanachichatimisa. Mwari vachasimbisa Shoko ravo. Hazvineichichaitika. Yasvika nguva yekuita chimwe chinhu. Nguva yasvika yekutenda kana kusatenda. Mutsara uyawekuparadzanisa unouya kumunhu wese wasvika.
 
Wakabekerwa chinangwa. Chiedza pachakasvikakwauri, Chakabvisa rima rose kwauri. PawakanzwaInzwi Rake richitaura kwauri pamatepi, pane chinhuchakaitika. Rakataura kumunhu wako wemukati. Rikati, “Tenzi vauya vanokudana. Usaneta, usatya, ndinokudana. Uri Mwenga Wangu”.
 
O vanhu, ivai nechokwadi! Musatora mukana pazviri. Mwari ane hurongwa: Shoko rake Akariisa pamatepi. Tenzi auya uye anokudana. Huya nenzira yakapiwanaMwari.
 
Tenzi achabatanidza Mwenga wake zvakare pasi rose neInzwi Rake. Achatikurudzira, achatisimbisa, achatipodza, nekutiunza muHupo Hwake hune simbauye otiudza:

Tenzi vauya uye vanokudana. O, mutadzi, o iweunorwara, hauoni here Tenzi vachiratidzwa muvanhu, pakati pevatendi? Vauya kuzodaidza vana vakevanotenda kuhutano. Vauya kuzodana mutadzi kutiatendeuke. Iwe wakadzokera kumashure, iwe nhengoyechechi, Tenzi vauya uye vanokudana.

Kudururwa kwakadini kweMweya wake Mutsvenekuchange kuri muMwenga musi uno weSvondo apoMwari achaunganidza vana Vake pamwe chete zvakareuye achipinda mudzimba dzedu, makereke edu, unganodzedu, uye achidanidzira kwatiri achiti, “Tenzi vauya, vari kudana. Chose chaunoda, ndechako”
 
Mashoko iwayo ngaanyure mukati memoyo yenyu hamanehanzvadzi. CHESE CHAUNODA, TENZI VAUYA UYE VANOKUPA.

Baba veKudenga, O Ishe, ngazviitike zvakare. Zvinhuzvose izvi zvandakataura, “Jesu auya uye anokudana.” Chii chaAnoita kana Auya? Anodana. Uye ngazviitikezvakare, Ishe. Deno Mweya Wenyu Mutsvene wauyapakati pevanhu manheru ano, Ishe Jesu muchimiro che-cheMweya. Ngaauye manheru ano aZvizarure, uyeneku Zviratidza.

Hama Joseph Branham
 
Mharidzo: 64-0213 Ipapo Jesu Akauya Akadana
Nguva: 12:00 masikati, nguva ye Jeffersonville
Magwaro: Johane 11:18-28