All posts by admin5

26-0125 Ibibazo n’Ibisubizo #1

Ubutumwa : Ibibazo n’Ibisubizo #1

Complete

BranhamTabernacle.org

Mukundwa Ngando ya Branham,

Ndamukije Umugeni wa Yesu Kristo hirya no hino ku isi, wizera ko Ingando ya Branham, Ijwi ry’Imana, ari itorero ryabo aho bagaburirwa Manu yahishwe mu buryo bw’umwuka iyo yahunitswe kandi ikabikirwa Umugeni wa Kristo.

Aha niho mu rugo; aha niho mfite ubuyobozi; aha niho dutuye. Noneho, ibyo mubifate mu mutwe icyaba cyose. Noneho niba muri abanyabwenge, muzabonamo ikintu. Icyaba cyose, aha niho buyobozi bwacu, aha nyine.

Abizera benshi igihe cyose bagiye basobanukirwa nabi cyangwa bakongeramo ibitekerezo byabo  cyangwa ubusobanuro kucyo umuhanuzi yavuze hano, “Niba uri umunyabwenge, hari icyo uribukuremo, Aha niho buyobozi bwacu bukuru, ahangaha !”

Ese ni iki yashakaga gusobanura kuri ibyo?

Igihe Mwene Data Branham yari hano, benshi bamusobanukiwe nabi kandi batekereje ko Umugeni agomba kujya muri Arizona maze bakamukurikira hariya, kugira ngo bajye mu Izamurwa. Mwene Data Branham yabasubije mu buryo bweruye: MUGUME HANO, AHA NIHO HANTU.

itsinda rinini ryose rifata iyo nzira, kandi bashakaga kunyura aha kandi bagakora ibyo, nyuma y’uko nababwiye kuguma aho. Mugume aho, mugume hano; aha niho hantu.

Abantu baturukaga impande zose muri Leta Zunze Ubumwe bakajya muri Arizona, ariko yababwiye mu buryo bweruye ngo, Mugume hano, aha niho hantu!

Mugume muri Jeffersonville? Icyo nicyo yavuze!

Ihishurirwa Ryanjye, ni uko yari Imana, ivugira mu muhanuzi Wayo kandi ikavugana n’abantu ngo, “MUGUMANE N’AMAKASETE.” Aha niho HANTU !

Yari ababaye cyane kandi aravuga ngo hari ikintu afite icyo gukorana n’abo bantu bose. Ese ni iki yari akwiriye gukora? Ni irihe torero yajyaga kuboherezamo? Ese nihe bagombaga kujya? Ese ni iki Mwene Data Branham yavuze ko yagombaga gukora?

Uko niko noneho, ngomba kugarura abana hano kugira ngo babone icyo barya. Bari hariya hepfo aho barimo kwicirwa n’inzara.

Ntabwo yavuze ko bari bakeneye kujya mu nsengero zo mu gace ngo barye utwo tuvungukira duto bajyaga kubagaburira. Yavuze ko agomba KUBAGARURA HANO kubwo kugira ngo babone icyo kurya, naho ubundi bajyaga kwicwa n’inzara kugeza bapfuye.

GUHISHURIRWA KWANJYE, NSHUTI.

Noneho, atari ukongera kumusobanukirwa nabi indi nshuro, cyangwa ngo tuvuge icyo atavuze, kubwo kuvuga ngo, “Mwene Data Branham yashakaga ko buri mwizera ajya I Jeffersonville kugira ngo abe Umugeni.” Mwene Data Branham yari azi abantu bose, na BURI  mwizera uturutse hiryo no hino ku isi, ntiyashoboraga kwimuka kandi ngo abe i Jeffersonville. Ibyo byari ibidashoboka. Nonese ni iki yashakaga kuvuga? Yarimo YUNGA Umugeni wa Kristo wo hirya no hino  ku MAKASETE ayo yafashwe maze agahunikwa kubw’Umugeni kugira ngo abe ariyo amutunga.

Ubu Butumwa, Iri Jwi, ni Ijambo ry’Imana rivuzwe kubw’uyu munsi kandi rizunga  ndetse ritunganye Umugeni wa Yesu Kristo.

umubiri ni iki? umubiri ni icyo ibizu birya. Noneho, ikizu muri Bibiliya gifatwa, nk’umuhanuzi. Umuhanuzi ni ikizu. Imana… Imana yiyita Ubwayo ikizu, kandi twe turi “ibizu bito” noneho, abizera. Murabona? Kandi uwo mubiri birya ni iki? Ni Ijambo. Aho Ijambo riri, imiterere nyakuri y’inyoni izigaragaza ubwayo.

Ni he hari ibitunganye, bihamirijwe, bitarimo urujijo, bikaba ari Ijambo  ry’Uku Niko Uwiteka Avuze kubw’uyu munsi? Hariho ahantu hamwe gusa, Ku Makasete.

Nakomeza kuvuga, umurongo ku wundi, ariko ubu Butumwa n’icyo Mwene Data Branham yavuze bizana Guhishurirwa kuvuye ku Mana. Tugomba gusoma hagati mu mirongo binyuze mu guhishurirwa, ariko muvuge gusa icyo yavuze. Kubera ko ni IJAMBO RITUNGANYE.

Ibibazo n’Ibisubizo kubw uyu munsi n’icyo NIZERA.

Uyu munsi, ababwiriza benshi baravuga ngo abantu kubwo kugira Ingo zabo Insengero Z’Amakasete bahabanye n’Ijambo kandi icyo Mwene Data Branham yavuze ko tugomba gukora. Bumva ko tugomba kujya mucyo bita kandi babara ko ari itorero.

Nyakuri hariho imirongo myinshi, imirongo myinshi aho Mwene Data Branham yavuze mu buryo bweruye kuri ibi.

Noneho, mugende mushake itorero rishyigikira Ubutumwa bwiza bwuzuye noneho ribe itorero ryanyu ryo mu rugo.”

Kandi nizera ibyo n’umutima wanjye wose, kubera ko ariko yavuze. Ariko nizera ko turimo tubikora kubwo KUGIRA INGO ZACU INSENGERO Z’AMAKASETE. Aho duherereye sicyo gifite umumaro ku Mwami. Ntabwo ari inyubako. Ahubwo inshingano zacu ku Mwami ni ukugumana n’Ijambo Ryayo, ATARI AHANTU CYANGWA INYUBAKO. Ahantu ntabwo hacungura kandi ngo hatunganye Umugeni, IJAMBO NIRYO RIBIKORA.

Niba njya mu nyubako y’urusengero, ariko bakaba baribagiwe IKINTU CY’INGENZI: aricyo kumva Ijwi ry’Imana kubwo Gukandaho Bikavuga, kandi bakaba barabisimbuje kumva GUSA ababwiriza babwiriza Ubutumwa, ese ibyo byagaburira kandi bikanyura ubugingo bwawe? ahari byanyura ubugingo bwawe, mwene Data cyangwa mushiki wacu, ariko ntibizigera binyura Umugeni.

Reka ngire icyo mvuga hano kandi mvuge ko hari ibihumbi by’abantu badafite inyubako z’insengero bashobora kujyamo. Ese barayobye? Niba badafite pasteri cyangwa itorero, ibyo bisobanuye ko badashobora kuba Umugeni? Niba uba mu birometero 160 uvuye ahari inyubako y’urusengero, ese ukwiriye kujya kuri urwo rusengero? Ariko niba ntuye kure, ubwo si ngombwa? Ese nkwiriye gukurikirira ku murongo umubwirizabutumwa, ariko nkaba ntakwiriye gukurikira amakasete? Ese inyubako ifatika nicyo kintu cy’ingenzi umuhanuzi avuga ko dukwiriye kujyamo?

Ese nihe umuhanuzi ashaka kugeza Umugeni?

 Niba udashobora kuza hano ku Ngando, ujye mu itorero ahantu runaka; uzarijyemo.

None se, aho yahisemo bwa mbere kohereza abantu ni he? Kuri Branham Tabernacle, Ijambo, amakasete. Icyo nicyo Imana yahaye Umugeni Wayo gukora muri ikigihe cyanyuma, kandi turabikora buri munsi NDETSE buri Cyumweru.

Rero ntabwo ari ukubyumva nabi. NTABWO NDIMO MVUGA KO mugomba gukurikira amakasete ku murongo hamwe n’Ingando ya Branham kugira ngo mube muri Umugeni. NTABWO NDIMO MVUGA ko utagomba kujya ku rusengero. NTABWO NDIMO MVUGA KO udashobora kumva ababwiriza. Niba ubyizeye utyo uhabanye n’Ijambo. Ndimo ndavuga ko kumva Ijwi ry’Imana ku makasete ari Ijwi ry’ingenzi TUGOMBA KUMVA, kandi nizera ko buri mupasteri agomba gucuranga Ijwi, amakasete, mu rusengero rwe. Ariko bashyizeho urwitwazo rw’IMPAMVU BADACURANGA AMAKASETE. Niba iryo ariryo torero ryawe, ntabwo urimo ugaburirwa Ijambo.

Icyo nicyo nyakuri atashakaga ko kibaho kandi nicyo abantu bakoraga..

Kandi mujye ku rusengero; ntimukagume mu rugo, ngo mujye kuroba, no guhiga, n’ibintu nk’ibyo Kucyumweru

Ntabwo twe tubikora. Duteranira hamwe ku kintu cyonyine kizunga Umugeni, Ubu Butumwa, Iri Jwi.

Nongere mbivuge, nizera mu kujya ku rusengero. Hariho insengero nyinshi hirya no hino ku isi zishyira amakasete ku mwanya wa mbere ku gicaniro cyabo, icyubahiro kibe icy’Uwiteka. Ese naba nizera ko mukwiye kuguma mu ngo zanyu cyangwa mukaba mutari Umugeni? OYA, OYA, OYA…  Ntabwo nigeze mbitekereza, ntabwo nigeze mbyizera. Ndashaka ko gusa MUKANDAHO BIKAVUGA  aho mwaba muri hose ntacyo bitwaye cyangwa itorero mwaba mujyamo.

Niba udafite Guhishurirwa kw”icyo arimo kuvuga, noneho ukwiriye kuvuga mu buryo bweruye ngo, “Ntabwo numva Mwene Data Branham habe no KWEMERANYA n’ibyo avuga byose. Ni nako yavuze, hariho abandi bantu benshi Imana yahamagaye.”

Muzajyeyo. Tubonye hano avuga ati, “Ese dukwiriye kujya mu itorero ritemeranya na we?” Nibyo, ntabwo ari njye kabuye konyine kari ku nkombe y’inyanja, murabizi. Hari… hari abandi bantu b’Imana ahantu hose; nibwira ko ndi umwe muri bo.

Ijwi ry’Imana ku makasete ni AKABUYENGE GATO, URUTARE RWANJYE. Ni Ijwi  nshaka kumva kandi ni Ijwi nshaka ko Branham Tabernacle yumva.

Niba mwifuza kwiyunga natwe, muhawe ikaze bikomeye, bene Data na Bashiki bacu. Mwiyunge natwe kuri Iki Cyumweru Saa Sita z’Amanywa ku isaha y’I Jeffersonvile, mu gihe twumva Ijwi ry’Imana rivuga kandi risubiza ibisuzo byinshi mushobora kuba mufite mu mitima yanyu. Kandi wiyumvire ubwawe niba ibintu navuze muri uru rwandiko bihabanye n’Ijambo kandi nkaba narumvishe nabi icyo Imana irimo kuvuga ku Mugeni Wayo.

Icyo yavuze ku makasete ni Uku Niko  Uwiteka Avuze. Ntabwo ari icyo ndimo mvuga ko yavuze, cyangwa icyo nizera ko yavuze, kandi Imana YONYINE niyo ishobora kuguha Guhishurirwa k’ukuri.

Mwene Data Joseph Branham

26-0111 N’Urugo Rw’Ahazaza Rw’Umukwe Wo Mu Ijuru N’Umugeni Wo Ku Isi

Ubutumwa : 64-0802 N’Urugo Rw’Ahazaza Rw’Umukwe Wo Mu Ijuru N’Umugeni Wo Ku Isi

PDF

Complete

BranhamTabernacle.org

Nshuti Yanjye Mukundwa Nkunda Cyane,

Ndagukunda cyane. Uri akara ko mu mara Yanjye, n’akagufa ko mu magufa Yanjye. Ndetse mbere y’uko ndema inyenyeri, ukwezi, isanzure Ryanjye ryose, Narakubonye hanyuma Ndagukunda. Namenye ko wari igice Cyanjye, Umukunzi wanjye umwe rukumbi. Wowe na Njye twari UMWE.

Umunsi nifuje cyane kandi nategereje guhera igihe Nakuboneye urashyize uragera. Noneho ndimo ndabahamagara kandi murimo kwiyunga muturutse iburasirazuba n’iburengerazuba, amajyaruguru n’amajyepfo, binyuze mu Ijwi Ryanjye. Muri ibitekerezo Byanjye, Ijambo Ryanjye, Umugeni Wanjye, ugaragajwe.

Nifuje cyane kukubwira buri kintu cyose kiri mu mutima Wanjye, nicyo cyatumye mbyandika nkoresheje abahanuzi Banjye kandi nkaba narabikurindiye imyaka ibihumbi. Benshi barabisomye, kandi barabyizera mu binyejana byinshi, ariko hari ibintu byinshi nakomeje kugira ibanga kugeza IGIHE UHAGEZE. Niwowe WENYINE Nzabibwira.

Bifuje kumenya no kumva ibyo bintu byose bitangaje Nakomeje guhisha, ariko nkuko Nabigusezeranije, Narategereje kandi Mbigira ibanga kugeza ubu, kubwawe gusa, ni WOWE WANJYE WENYINE.
Nagusezeranije ko Nzaza kandi Nkihishura Ubwanjye indi nshuro mu mubiri w’Umuntu, kugira ngo mbashe kukuvugisha, no kuguhishurira ibi bintu byose. Nashakaga ko wumva IJWI RYANJYE rivugana nawe mu buryo butaziguye.

Nujuje Umwuka Wanjye abandi benshi kugira ngo bakubwire urukundo Rwanjye, ariko nkuko nagiye mbikora igihe cyose, kandi ntabwo nshobora guhinduka, Natoranije umuntu umwe: marayika Wanjye, umuhanuzi Wanjye, kugira ngo abe Ijwi Ryanjye bityo kugira ngo mbashe kukubwira Uku Niko Uwiteka Avuze.

Nifuzaga kukubwira ko, utakijijwe umunsi runaka. Wari ukijijwe igihe cyose. Naraje gusa kugira ngo gucungure nkugarure. Wari ukijijwe guhera mu itangira kubera ko wari ufite Ubugingo Buhoraho guhera na mbere. Kubw’ibyo, mu maso Yanjye, ibyaha byawe nta nubwo Nshobora kubibona, ikintu cyonyine numva ni ijwi ryawe. Ndeba gusa uguhagarariye.

Mbega uburyo Nifuje cyane kukubwira ibintu byinshi. Umutima wanjye wuzuye umunezero hamwe no gutangara. Mbega uburyo nkumbuye Ibirori byacu by’Ubukwe, Ingoma Yacu y’Imyaka igihumbi turi hamwe. Kugira ngo nkubwire mu magambo arambuye kubijyanye n’Urugo Rwacu rw’ejo hazaza turi hamwe; mbega uburyo nateguye buri kintu kubwawe, buri kintu cyose ni mu buryo bukunogeye.

Mukunzi Wanjye, niba utekereza ko ari ibintu bitangaje kumva Ijwi Ryanjye rivugana nawe, tegereza gato, iki ni agacu gusa k’uburyo bizaba bimeze igihe tuzaba turihamwe muri uriya Mugi. Umuhanuzi wawe azaba atuye hafi y’iwawe; azaba ari umuturanyi wawe.

Tuzagendana muri iyo mihanda y’izahabu ndetse tunywe ku isoko hamwe. Tuzagendana muri paradizo y’Imana hamwe n’Abamarayika tugenda hejuru y’isi, turirimba indirimo z’icyubahiro… Mbega ukuntu uzaba ari Umunsi mwiza!
Ndabizi ko inzira isa n’igoye, kandi rimwe na rimwe ijya ikomera kurushaho kuri wowe,ariko izoroha, kandi irusheho koroha, igihe Turi hamwe.

Kuri ubu, Ngiye kubahuriza hamwe indi nshuro maze mvugane namwe kuri iki Cyumweru I Saa Sita z’Amanywa. Ku isaha y’I Jeffersonville, maze mbabwire byose kubijyanye “N’Urugo Rw’Ahazaza Rw’Umukwe Wo Mu Ijuru N’Umugeni Wo Ku Isi”. Nkumbuye cyane icyo gihe tuziyunga hamwe.

Mwibuke, kandi ntimukabyibagirwe, Ndabakunda cyane.

Mu Izina Rye,

Mwene Data Joseph Branham

Ibyanditswe:

Matayo 19:28
Yesu arabasubiza ati “Ndababwira ukuri yuko mwebwe abankurikiye, mu gihe cyo guhindura byose ngo bibe bishya, ubwo Umwana w’umuntu azicara ku ntebe y’icyubahiro cye, namwe muzicara ku ntebe cumi n’ebyiri, mucire imiryango cumi n’ibiri y’Abisirayeli imanza.

Yohana 14:1–3
Ntimuhagarike imitima yanyu, mwizere Imana nanjye munyizere.
Mu rugo rwa Data harimo amazu menshi: iyaba adahari mba mbabwiye, kuko ngiye kubategurira ahanyu.
Kandi ubwo ngiye kubategurira ahanyu, nzagaruka mbajyane iwanjye, ngo aho ndi namwe muzabeyo.

Abefeso 1:10
kugira ngo ibihe nibisohora ibone uko iteraniriza ibintu byose muri Kristo, ari ibiri mu ijuru cyangwa ibiri mu isi.

2 Petero 2:5–6
kandi ubwo itababariye isi ya kera, ahubwo ikarokorana Nowa umubwiriza wo gukiranuka n’abandi barindwi gusa, ubwo yatezaga isi y’abatubaha Imana umwuzure,
kandi ubwo yaciriye ho iteka imidugudu y’i Sodomu n’i Gomora iyitwitse ikayigira ivu, ikayishyiraho kuba akabarore k’abazagenda batubaha Imana,

2 Petero Igice cya 3
Bakundwa, uru ni rwo rwandiko rwa kabiri mbandikiye. Muri izo zombi imigambi yanjye yari iyo gukangura imitima yanyu itarimo uburiganya, mbibutsa
kugira ngo mwibuke amagambo yavuzwe kera n’abahanuzi bera, mwibuke n’itegeko ry’Umwami ari we Mukiza mwabwiwe n’intumwa zabatumweho.
Mubanze kumenya iki, yuko mu minsi y’imperuka hazaza abakobanyi bakobana, bakurikiza irari ryabo,
babaza bati “Isezerano ryo kuza kwe riri he? Ko uhereye aho ba sogokuruza basinziririye, byose bihora uko byahoze, uhereye ku kuremwa kw’isi.”
Nuko biyibagiza nkana yuko ijuru ryahozeho uhereye kera kose, n’isi yakuwe mu mazi ikazengurukwa na yo ku bw’ijambo ry’Imana,
ari byo byatumye isi ya kera irengwaho n’amazi ikarimbuka.
Ariko ijuru n’isi bya none, iryo jambo ni ryo na none ryabibikiye umuriro uzatera ku munsi w’amateka, urimbure abatubaha Imana.
Ariko bakundwa, iri jambo rimwe ntirikabasobe, yuko ku Mwami Imana umunsi umwe ari nk’imyaka igihumbi, n’imyaka igihumbi ari nk’umunsi umwe.
Umwami Imana ntitinza isezerano ryayo, nk’uko bamwe batekereza yuko iritinza. Ahubwo itwihanganira idashaka ko hagira n’umwe urimbuka, ahubwo ishaka ko bose bihana.
Ariko umunsi w’Umwami wacu uzaza nk’umujura, ubwo ijuru rizavaho hakaba n’umuriri ukomeye, maze iby’ishingiro, ibyo byose biremeshwa bikayengeshwa no gushya cyane, isi n’imirimo iyirimo bigashirīra.
Nuko ubwo ibyo byose bizayenga bityo, yemwe uko dukwiriye kuba abantu bera, kandi twubaha Imana mu ngeso zacu,
twebwe abategereza tugatebutsa umunsi w’Imana uzatuma ijuru rigurumana rikayenga, kandi iby’ishingiro, ibyo byose biremeshwa bigashongeshwa no gushya cyane!
Kandi nk’uko yasezeranije dutegereje ijuru rishya n’isi nshya, ibyo gukiranuka kuzabamo.
Ni cyo gituma bakundwa, ubwo mutegereje ibyo, mukwiriye kugira umwete wo kuzasangwa mu mahoro, mutagira ikizinga, mutariho umugayo mu maso ye.
Mumenye yuko kwihangana k’Umwami wacu ari agakiza, nk’uko mwene Data ukundwa Pawulo yabandikiye abwirijwe n’ubwenge yahawe,
ndetse no mu nzandiko ze zose yavuze ibyerekeye ibyo. Icyakora zirimo bimwe biruhije gusobanukirwa, ibyo abaswa bahindagurika bagoreka, nk’uko bagira ibyanditswe bindi bakizanira kurimbuka.
Nuko rero bakundwa, ubwo muburiwe hakiri kare, mwirinde mutayobywa n’uburiganya bw’abanyabyaha mukareka gushikama kwanyu.
Ahubwo mukurire mu buntu bw’Imana no kumenya Yesu Kristo Umwami wacu n’Umukiza. Icyubahiro kibe icye none n’iteka ryose. Amen.

Ibyahishuwe 2:7
Ufite ugutwi niyumve ibyo Umwuka abwira amatorero. Unesha nzamuha kurya ku mbuto z’igiti cy’ubugingo kiri muri Paradiso y’Imana.

Ibyahishuwe 6:14
Umuntu wese muri bo ahabwa igishura cyera, babwirwa kumara n’ikindi gihe gito baruhuka, kugeza aho umubare w’imbata bagenzi babo na bene Se bagiye kwicwa nka bo uzuzurira.

Ibyahishuwe 21:1–14
Mbona ijuru rishya n’isi nshya, kuko ijuru rya mbere n’isi ya mbere byari byashize, n’inyanja yari itakiriho.
Mbona ururembo rwera Yerusalemu nshya rumanuka ruva mu ijuru ku Mana, rwiteguwe nk’uko umugeni arimbishirizwa umugabo we.
Numva ijwi rirenga rivuye kuri ya ntebe rivuga riti “Dore ihema ry’Imana riri hamwe n’abantu kandi izaturana na bo, na bo bazaba abantu bayo kandi Imana ubwayo izabana na bo ibe Imana yabo.
Izahanagura amarira yose ku maso yabo kandi urupfu ntiruzabaho ukundi, kandi umuborogo cyangwa gutaka cyangwa kuribwa ntibizabaho ukundi kuko ibya mbere bishize.”
Iyicara kuri ya ntebe iravuga iti “Dore byose ndabihindura bishya.” Kandi iti “Andika kuko ayo magambo ari ayo kwizerwa n’ay’ukuri.”
Kandi iti “Birarangiye. Ni jye Alufa na Omega, itangiriro n’iherezo. Ufite inyota nzamuhera ubuntu kunywa ku isoko y’amazi y’ubugingo.
Unesha azaragwa byose, nanjye nzaba Imana ye na we abe umwana wanjye.
Ariko abanyabwoba n’abatizera, n’abakora ibizira n’abicanyi, n’abasambanyi n’abarozi n’abasenga ibishushanyo n’abanyabinyoma bose, umugabane wabo uzaba mu nyanja yaka umuriro n’amazuku ari yo rupfu rwa kabiri.”
Haza umwe wo muri ba bamarayika barindwi bari bafite za nzabya ndwi zuzuye ibyago birindwi by’imperuka, avugana nanjye arambwira ati “Ngwino nkwereke umugeni, umugore w’Umwana w’Intama.”
Anjyana ku musozi munini kandi muremure ndi mu Mwuka, anyereka ururembo rwera Yerusalemu rumanuka ruva mu ijuru ku Mana,
rufite ubwiza bw’Imana. Kurabagirana kwarwo gusa n’ukw’ibuye ry’igiciro cyinshi cyane nk’ibuye ryitwa yasipi, ribonerana nk’isarabwayi.
Rufite inkike nini kandi ndende n’amarembo cumi n’abiri, no ku marembo hariho abamarayika cumi na babiri, kandi handitsweho amazina y’imiryango cumi n’ibiri y’abana ba Isirayeli.
Iburasirazuba hariho amarembo atatu, ikasikazi hariho amarembo atatu, ikusi hariho amarembo atatu, n’iburengerazuba hariho amarembo atatu.
Inkike z’urwo rurembo zifite imfatiro cumi n’ebyiri, zanditsweho amazina cumi n’abiri y’intumwa cumi n’ebyiri z’Umwana w’Intama.

Abalewi 23:36
Mumare iminsi irindwi mujya mutambira Uwiteka ibitambo bikongorwa n’umuriro, uwa munani ujye ubabera uwo guterana kwera, muwutambireho Uwiteka ibitambo bikongorwa n’umuriro, ube uwo guterana mwitonze. Ntimukagire umurimo w’ubugaragu muwukoraho.

Yesaya Igice cya 4
Uwo munsi abagore barindwi bazajya ku mugabo umwe bamubwire bati “Tuzitungirwa n’ibyokurya byacu kandi tuzajya twiyambika ubwacu, ariko uduhe kwitirirwa izina ryawe udukize urubwa rw’abantu.”
Uwo munsi ishami ry’Uwiteka rizaba ryiza rifite icyubahiro. Abisirayeli bazarokoka, imyaka yo mu gihugu izabaryohera cyane ibabere myiza.
Maze uzasigara i Siyoni n’i Yerusalemu wese, yanditswe mu bazima b’i Yerusalemu, azitwe uwera.
Ubwo ngubwo Uwiteka azaba yuhagiye imyanda y’abakobwa b’i Siyoni ayimazeho, kandi azaba amaze amaraso muri Yerusalemu, ayamarishijemo umwuka ukiranuka n’umwuka wotsa.
Kandi hejuru y’ubuturo bwose bwo ku musozi wa Siyoni no ku materaniro yaho, Uwiteka azaharemeraho igicu n’umwotsi ku manywa n’umuriro waka ukamurika nijoro. Maze hejuru y’ibyubahwa byose hazabeho igitwikirizo.
Kandi ku manywa hazabaho ihema ryo kuzana igicucu ku bw’icyokere, ribe ubuhungiro n’ubwugamo bw’ishuheri n’imvura.

Yesaya 28:10
Kuko ibye ari ugutoza itegeko rikurikirwa n’irindi, itegeko ku itegeko, umurongo ku murongo, n’umurongo ku murongo, aha bikeya, hariya bikeya.

Yesaya 65:17–25
Dore ndarema ijuru rishya n’isi nshya, ibya kera ntibizibukwa kandi ntibizatekerezwa.
Ahubwo nimunezerwe mujye mwishimira ibyo ndema, kuko ndema i Yerusalemu ngo mpagire ibyishimo, nkarema abantu baho bakaba umunezero.
Nzanezererwa i Yerusalemu nishimire abantu banjye, kandi ijwi ryo kurira n’imiborogo ntibizahumvikana ukundi.
Ntihazongera kubamo umwana umaze iminsi mike, cyangwa umusaza udashyikije imyaka ye, kuko umwana azapfa amaze imyaka ijana, ariko umunyabyaha azavumwa, apfe atamaze imyaka ijana.
Bazubaka amazu bayabemo, kandi bazatera inzabibu barye imbuto zazo.
Ntibazubaka amazu ngo abandi bayabemo, ntibazatera inzabibu ngo ziribwe n’abandi, kuko bazamara imyaka nk’ibiti, kandi abatoni banjye bazashyira kera bishimira imirimo y’intoki zabo.
Ntibazaruhira ubusa kandi ntibazabyara abana bo kubona amakuba, kuko bazaba ari urubyaro rw’abahawe umugisha n’Uwiteka, hamwe n’abazabakomokaho.
Maze ubwo bazaba batarantabaza nzabatabara, kandi bakivuga nzumva.
Isega n’umwana w’intama bizarishanya, intare zizarisha ubwatsi nk’inka, umukungugu ni wo uzaba ibyokurya by’inzoka. Ntibizaryana kandi ntibizarimbura hose ku musozi wanjye wera. Ni ko Uwiteka avuga.

Malaki 3:6
Kuko jyewe Uwiteka ntabwo mpinduka, ni cyo gituma abahungu ba Yakobo mutamarwaho.

26-0104 Ibitega Bitobotse

Pesan: 64-0726E Ibitega Bitobotse

PDF

BranhamTabernacle.org

Bakundwa Abanywa Ku Isoko Y’Amazi Adudubiza

Mbega Noheri n’Umwaka Mushya twagize. Twakiriye kandi dufungura impano z’Imana yoherereje Umugeni Wayo. Impano yacu ya mbere yari impano ya Noheri ikomeye cyane yaba yarigeze ipfunyikwa. Imana Ubwayo yapfunyitse kubaho Kwayo Ubwayo mu mubiri w’umuntu maze yoherereza iyo paki isi. Niyo yari Impano Yayo ya mbere ikomeye yo kugarura Umugeni Wayo.

Hanyuma Imana yohereza indi paki ikomeye ku Mugeni Wayo. Yaradukunze cyane kuburyo Yaje maze Yihishura Ubwayo mu mubiri indi nshuro bityo kugira ngo Ibashe kuvugana natwe umunwa ku gutwi. Yashakaga ko Yo Ubwayo n’Umugeni Wayo bahinduka Umwe.

Kandi noneho, nshuti, ntimunyumve nabi. Reka mvuge ibi hamwe no kubaha mu mutima wanjye, kubwo kumenya ko ndi umuntu ufitanye isano n’Iteka nkaba nzahagarara imbere y’Urubanza umunsi umwe: Abantu ibihumbi babura impano yabo. Murabona? Ntibashobora kubisobanukirwa. Kandi barabireba, maze bakavuga ngo, “Oh, we ni umuntu.” Uko ni ukuri. Ese yari Imana cyangwa yari Mose watangaga imbaraga? Yari Imana muri Mose. Murabona? Batatse basaba umucunguzi. Kandi igihe Imana yohereje umucunguzi kuri bo, bananirwa kubibona, kubera ko byari binyuze mu muntu, ariko ntabwo yari umuntu, yari Imana mu muntu.

Uyu munsi, indi nshuro, ibihumbi by’abantu barimo baratakaza impano yabo maze bakavuga ngo, “Ntabwo ari ngombwa kumva amakasete, hariho abandi bagabo ubu basizwe,” ibyo ni ukuri, ariko bananirwa kumenya ko ari ryo Jwi RYONYINE ryahamirjwe n’Imana, rivuga Uku Niko Uwiteka Avuze binyuze muri uwo muntu. Ririya Jwi ni Urim na Tumimu y’Imana, Ikidakuka Cyayo kubw’uyu munsi.

Igihe turi kumva Ijwi Ryayo ku makasete tuba nyakuri turimo kunywa ku Isoko Y’Amazi Adudubiza Y’Imana, iyo idakeneye guhatwa, nta gukurura, nta kwiyungaho, nta kwifashisha; turizeye gusa kandi turuhukiye kuri buri Jambo Rivuzwe.

Kubwo kumva iryo Jwi riri ku makasete, nkuko Yesu Ubwe yabivuze, dufite igihamya cy’ukuri cy’Umwuka Wera mu gihe cyacu.

Noneho rero, ngicyo igihamya nyacyo cyuko ufite umwuka wera, Ntiyari yigera na rimwe Imbwira ikintu na kimwe ngo kibe atari ukuri. Ibyo, “Ni igihamya cy’Umwuka Wera, ni kuri wawundi ushobora kwizera ijambo;” Mushobora kuwakira.

Imana yaduhaye Isoko dushobora kunywaho buri munota wa buri munsi. Igihe cyose iba ifutse. Atari mwene ibyo bintu byaretse ahantu, ni isoko idakama, Isoko idakeneye ubufasha; icyo ukeneye gusa ni Ugundaho Bikavuga.

Mu kuvuga ku MPANO yavuye ku Mana, ese mwashobora kwibaza nyakuri ukuntu Iyi Mpano IKOMEYE? Binyuze mu Gukundaho gusa Bikavuga maze ukumva Ijwi Ryayo ku makasete, niryo ryonyine… IJWI RYONYINE mu isi ridakeneye agapimisho, akayunguruzo cyangwa ikindi kindi. Icyo ukeneye gusa ni ukumva, ukizera maze ukavuga amena kuri buri Jambo.

Imana Ubwayo yatanze iyi nzira, INZIRA YAYO YONYINE, kugira ngo wakire ubugingo buhoraho, ndetse ni ingenzi cyane, KUGIRA NGO UBE UMUGENI WAYO. Dushobora kuryama mu gituza Cye maze tukonka imbaraga ziturutse mu gutega amatwi Isoko Ye, Ijwi Rye, Eli Shaddai arimo avugana n’Umugeni We.

Reka uyu mwaka ube umwaka Azaza kuri twe, Umugeni We ukundwa. Turi maso kandi tumutegerezanyije amatsiko akomeye. Umunsi uwo ariwo wose tuzabona abo twifuje kubona bahingutse. Tuzabona ko, mu kanya gato nk’ako guhumbya kw’ijisho, tuzaba dusohotse hano, duhamagawe kujya mu birori byacu by’Ubukwe.

Mwami, mu gihe tubona ameza manini atewe hariya kubw’iryo funguro ry’umugoroba, ku birometero ibihumbi n’ibihumbi, tuzengurutse ameza umwe ku wundi, abarwanyi bafite inkovu z’urugamba, n’amarira y’umunezero atemba ku matama yacu… Umwami asohoka mu bwiza bwe, no kwera, amanuka aho ku meza maze Agafata ibiganza by’Abe nuko akabahanagura amarira ku maso yabo, avuga ngo, “Ntimwongere kurira, byose byarangiye. Injira mu munezero wa Shobuja.” Imiruho y’urugendo izaba ntacyo iricyo icyo gihe, Data, igihe tuzaba tugeze ku iherezo ry’inzira.

Ngwino maze unywe, kandi unywe, ndetse unywe ku Isoko y’Imana yatanze kubw’uyu munsi hamwe natwe kuri iki Cyumweru I Saa Sita z’amanywa., ku Isaha y’Jeffersonville. Niho hantu HONYINE ushobora kuruhuka maze ukavuga AMENA kuri buri Jambo mwumva. Niyo Soko Yayo y’Amazi Adudubiza yatanze kubw’Umugeni Wayo kugira ngo anyweho.

Mwene Data Joseph Branham

Ubutumwa : 64-0726E Ibitega Bitobotse
Ibyanditswe byo gusoma mbere yo kumva Ubutumwa:

Zaburi 36:9

Kuko aho uri ari ho hari isōko y’ubugingo, Mu mucyo wawe ni ho tuzabonera umucyo.

Yeremiya 2:12-13

Wumirwe ku bw’ibyo wa juru we, ufatwe n’ubwoba bukabije wihebe cyane. Ni ko Uwiteka avuga.
Kuko abantu banjye bakoze ibyaha bibiri: baranyimūye kandi ari jye sōko y’amazi y’ubugingo, kandi bikorogoshoreye ibitega mu rutare, ndetse ni ibitega bitobotse bitabasha gukomeza amazi.

Yohana 3:16

Kuko Imana yakunze abari mu isi cyane, byatumye itanga Umwana wayo w’ikinege kugira ngo umwizera wese atarimbuka, ahubwo ahabwe ubugingo buhoraho.

Ibyahishuwe igice cya 13

Ngihagarara ku musenyi wo ku nyanja, ngiye kubona mbona inyamaswa iva mu nyanja ifite amahembe cumi n’imitwe irindwi. Ku mahembe yayo hariho ibisingo cumi, no ku mitwe yayo hariho amazina yo gutuka Imana.
Iyo nyamaswa nabonye yasaga n’ingwe, amajanja yayo yasaga n’aya aruko, akanwa kayo kasaga n’ak’intare. Cya kiyoka kiyiha imbaraga zacyo n’intebe yacyo y’ubwami, n’ubutware bukomeye.
Nuko mbona umwe mu mitwe yayo usa n’ukomeretse uruguma rwica, ariko urwo ruguma rwawishe rurakira. Abari mu isi yose bakurikira iyo nyamaswa bayitangarira.
Baramya icyo kiyoka kuko cyahaye iyo nyamaswa ubutware bwacyo, baramya n’iyo nyamaswa bati “Ni nde uhwanye n’iyi nyamaswa, kandi ni nde ubasha kuyirwanya?”
Ihabwa akanwa kavuga ibikomeye n’ibyo gutuka Imana, ihabwa no kurama ngo imare amezi mirongo ine n’abiri.
Ibumburira akanwa kayo gutuka Imana, no gutuka izina ryayo n’ihema ryayo n’ababa mu ijuru.
Ihabwa kurwanya abera no kubanesha, ihabwa no gutwara imiryango yose n’amoko yose, n’indimi zose n’amahanga yose.
Abari mu isi bose bazayiramya, umuntu wese izina rye ritanditswe mu gitabo cy’ubugingo cy’Umwana w’Intama, watambwe uhereye ku kuremwa kw’isi.
Ufite ugutwi niyumve.
Nihagira ujyana abandi ho iminyago na we ubwe azajyanwa ho umunyago, kandi uwicisha abandi inkota na we akwiriye kwicishwa inkota. Aho ni ho kwihangana kw’abera kuri no kwizera kwabo.
Nuko mbona indi nyamaswa izamuka iva mu butaka. Iyo yo yari ifite amahembe abiri nk’ay’umwana w’intama, ivuga nk’ikiyoka.
Itegekesha ububasha bwose bwa ya nyamaswa ya mbere mu maso yayo, ihata isi n’abayirimo ngo baramye ya nyamaswa ya mbere yakize uruguma rwayishe,
kandi ikora ibimenyetso bikomeye, imanura umuriro uva mu ijuru ugwa mu isi mu maso y’abantu.
Iyobesha abari mu isi ibyo bimenyetso yahawe gukorera imbere ya ya nyamaswa, ibabwira kurema igishushanyo cya ya nyamaswa yari ikomerekejwe n’inkota ikabaho.
Ihabwa guha icyo gishushanyo cy’inyamaswa guhumeka, ngo kivuge kandi cyicishe abatakiramya bose.
Itera bose aboroheje n’abakomeye, n’abatunzi n’abakene, n’ab’umudendezo n’ab’imbata, gushyirwaho ikimenyetso ku kiganza cy’iburyo cyangwa mu ruhanga,
kugira ngo hatagira umuntu wemererwa kugura cyangwa gutunda, keretse afite icyo kimenyetso cyangwa izina rya ya nyamaswa, cyangwa umubare w’izina ryayo.
Aha ni ho ubwenge buri: ufite ubwenge abare umubare w’iyo nyamaswa kuko ari umubare w’umuntu, kandi umubare we ni magana atandatu na mirongo itandatu n’itandatu.

25-1228 Kumenya Igihecyawe n’Ubutumwa Bwacyo

Ubutumwa : 64-0726M Kumenya Igihecyawe n’Ubutumwa Bwacyo

BranhamTabernacle.org

Mukundwa Mugeni Waconzwe,

Uyu munsi, Itorero ryibagiwe umuhanuzi waryo. Ntibagikeneye ko abwiriza mu matorero yabo. Bavuga ko bafite ba pasteri babo bo kubabwiriza no kubasubiriramo ndetse no kubasobanurira Ijambo. Ko kubwiriza ari ikintu cy’ingenzi kurusha kumva Ijwi ry’Imana riri ku makasete mu nsengero zabo.

Ariko Imana yari izi ko igomba gukoresha umuhanuzi Wayo; akaba aribwo buryo igihe cyose Yagiye ihamagara ndetse igasohora Umugeni Wayo. Yadukebye kuyandi mahanga yose Ikoresheje Inkota Yayo y’amugi abiri, Umwuka Wayo Wera, Ijwi Ryayo ryavuzwe n’umuhanuzi Wayo

Yaduconze ikoresheje ririya Jwi. Iyo niyo mpamvu Yatumye rifatwa amajwi maze rigashyirwa kuri kasete. Kubwo Guhishurirwa tubona uburyo Ibyanditswe bitunganye! Umugeni ntashobora kwera keretse Umwana amwejeje.

Uko wabwiriza kose, icyo wakora cyose, ntirushobora kuzera, ntirushobora kuzagaragazwa, Uwavuze ati: “Ni Njye Mucyo w’isi”, Jambo,

Ijambo ritubwira ko Umwuka Wera Ubwe azasohoka maze akatweza, guhamirizwa, kwemezwa no Kwigaragaza Ubwe. Umucyo wa nimugoroba waraje. Imana yiyerekana Ubwayo mu mubiri kugira ngo ihamagare Umugeni Wayo.

Niwe Wahamagaye MWEBWE ngo musohoke akoresheje Umwuka Wera, Ijambo Ryayo, Ijwi Ryayo. Ni We watoranije MWEBWE. Ni We wigisha MWEBWE. Ni We uyobora MWEBWE. Akoresheje iki? Umwuka Wera, Ijwi Rye rivugana NAMWE MUBURYO BUTAZIGUYE.

Ariko ni ibintu bya kera bitagezweho kuri bo muri iki gihe. Barenze ibyo gucuranga amakasete mu nsengero zabo. Ntabwo babiha agaciro. Iyo niyo mpamvu bari mu mirere nk’iyo barimo. Ariko kuri mwe, byarabahishuriwe ko ari inzira yatanzwe n’Imana, NI UKU NIKO UWITEKA AVUZE KURI MWE.

Rero, hagomba kuboneka Imbaraga, Umwuka Wera Ubwe, kugira ngo Yeze, cyangwa Ahamye, cyangwa Yerekane, cyangwa Agaragaze icyo Yavuze ko kigomba gusohora muri iki gihe. Ni Umucyo wa nimugoroba utanga ibyo. Mbega igihe turimo!

Turi Umugeni Jambo w’Imana utunganye uwo umuhanuzi Wayo yabonye mu iyerekwa. Nitwe Yoherereje umuhanuzi Wayo kugira ngo aduhamagare dusohoke akoreshe Ijambo Rye, kandi turimo turagira UBUBYUTSE ubu, kubera ko noneho tuzi abo turibo.

Gusubiza ubuzima; ni rya jambo rimwe rikoreshwa ahantu hose, maze kubisuzuma, risobanura “ububyutse”. “Azatubyutsa nyuma y’ iminsi ibiri.” Ibyo byaba ari ku: “Munsi wa gatatu, Azaduhagurutsa, nyuma yo kudutatanya, no kuduhuma, no kudushwanyaguza.”

Data yohereje umuhanuzi We kugira ngo arinde Umugeni We bityo kugira ngo tutava mu nzira. Mwibuke, iri ryari iyerekwa!

Umugeni yaratambutse, muri cya gihagararo, nk’uko Yari ari mu ntangiriro. Ariko narimo mureba Asohoka mu murongo, maze nkagerageza kumugarura. Dushobora kubivugaho byinshi, dushingiye ku gihe turimo!

Ariko se bishoboka bite ko “we” yamugarura uyu munsi? “Yo”, nk’umuntu, ntabwo iri hano ku isi. IKORESHA IJAMBO! Ni irihe Jambo RYONYINE ryahamirijwe muri iki gihe? Ijwi ry’Imana ku makasete.

Ababwiriza bahamagariwe kubwiriza Ijambo basubiramo neza neza icyo umuhanuzi yavuze. Nkuko umuhanuzi ubwe abivuga, ntibagomba kongeraho na kimwe.

Ni ukuri, bahamagariwe kwigisha no kubwiriza iryoJambo. Ariko hariho IJWI RIMWE RYONYINE RYAHAMIRIJWE N’IMANA UBWAYO KO ARI UKU NIKO UWITEKA AVUZE.

Uko niko mvuze nanjye, mu Izina rya Yesu Kristo. Ntukagire icyo wongeraho, ntukagire icyo ukuraho… ngo ushyiremo ibitekerezo byawe bwite muri byo. Ujye uvuga gusa ikivuzwe kuri aya makasete. Ukore gusa icyo Uwiteka Imana yawe yagutegetse gukora. Ntukagire icyo wongeraho

Iyo uvuze “amena” kuri buri jambo pasteri wawe cyangwa umubwiriza avuze, uba urimbutse. Ariko iyo uvuze “AMEN” KURI BURI JAMBO IMANA YAVUZE INYUZE MU MUHANUZI WAYO KU MAKASETE, URI UMUGENI KANDI UZABONA UBUGINGO BUHORAHO.

Umuhanuzi w’Imana yari umuntu Imana yatoranije kugira ngo imuvugiremo. Byari binyuze mu GUTORANYA KW’IMANA kugira ngo Imukoreshe avuge Ijambo Ryayo kandi arishyire ku makasete bityo kugira ngo Umugeni abashe IGIHE CYOSE KUGIRA UKU NIKO UWITEKA AVUZE YUMVA.

Ntabwo ishaka ko Umugeni Wayo yishingikiriza kucyo abandi bantu bavuga, cyangwa ubusobanuro bwabo ku Ijambo Ryayo. Ishaka ko Umugeni Wayo yumva ibivuye ku minwa Ye bijya ku matwi yabo. Ntabwo Ishaka ko Umugeni Wayo yishingikiriza ku muntu uwo ari we wese wundi uretse yo Ubwayo.

Igihe tubyutse mu gitondo, dukunda ko We atubwira ngo “Waramutse nshuti. Ngiye kuvugana nawe uyu munsi maze nkubwire uburyo Ngukunda n’uburyo wowe na njye turi UMWE. Mfite benshi nzaha ubugingo buhoraho, ariko ni WOWE wenyine Mugeni wanjye natoranije n’ikiganza. WOWE wenyine nahaye Guhishurirwa kwa mbere y’uko isi ishyirwaho urufatiro.

Abandi benshi bakunda kunyumva, ariko natoranije wowe kugira ngo ube Umugeni Wanjye. Kubera ko wamenye kandi ukagumana n’Ijambo Ryanjye. Ntabwo wigeze urigambanira, ntabwo wigeze ukururana n’abandi bagabo, ahubwo wagumye uri umunyakuri ku Ijambo Ryanjye.

Igihe kiregereje. Ndaje kubatwara vuba aha. Icya mbere, muzabona abari kumwe nanjye ubu. Oh, mbega uburyo bifuza cyane kubabona no kubana namwe. Ntimutinye bana bato, buri kintu cyose kiratunganye kuri iki gihe, mwe mukomeze mujye mbere gusa.”

Nk’umukozi w’Imana, simbona ikintu na gito cyaba gisigaye kuza, uretse kugenda k’Umugeni.

Mwene Data Joseph Branham.

Ubutumwa: 64-0726 M ” Kumenya Igihe cyawe n’Ubutumwa Bwacyo”

Isaha: 12:00 PM, ku isaha y’I Jeffersonville

Ibyanditswe Byo gusoma mbere yo kumva Ubutumwa:

Hoseya Igice cya 6
Nimuze tugarukire Uwiteka, kuko ari we wadukomerekeje kandi ni we uzadukiza, ni we wadukubise kandi ni we uzatwomora.
Azaduhembura tumaze kabiri, ku munsi wa gatatu azaduhagurutsa, kandi tuzabaho turi imbere ye.
Dushishikarire kumenya, tugire umwete wo kumenya Uwiteka: azatunguka nk’umuseke utambika nta kabuza, azatuzaho ameze nk’imvura, nk’imvura y’itumba isomya ubutaka.
Yewe Efurayimu we, nkugenze nte? Yewe Yuda we, nakugira nte? Kuko ineza yanyu ari nk’igicu cyo mu ruturuturu gitamuruka, kandi nk’ikime gitonyorotse hakiri kare.
Ni cyo gituma nabahanishije abahanuzi. Nabicishije amagambo y’akanwa kanjye, kandi imanza nabaciriye zimeze nk’umucyo ukwira hose.
Kuko icyo nshaka ari imbabazi si ibitambo, kandi kumenya Imana kubirutisha ibitambo byoswa.
Ariko bishe isezerano nka Adamu, ni ho bampemukiriye.
I Galeyadi ni umudugudu w’inkozi z’ibibi, hahindanijwe n’amaraso.
Uko ibitero by’abambuzi bicira umuntu igico, ni ko igitero cy’abatambyi cyicira abantu mu nzira igana i Shekemu. Ni ukuri bagira ubugambanyi.
Mu nzu ya Isirayeli nabonyemo ikintu gishishana: aho ni ho ubumaraya bwa Efurayimu bwagaragariye, ni ho Isirayeli yandurijwe.
Kandi nawe Yuda urindirijwe isarura, igihe nzagarura abajyanywe ari imbohe bo mu bwoko bwanjye.
Igihe nashakaga gukiza Isirayeli, gukiranirwa kwa Efurayimu kwahereyeko kurahishurwa, n’ubugome bw’i Samariya na bwo, kuko bakora iby’ibinyoma, umujura yinjira mu cyuho, kandi igitero cy’abambuzi kikamburira ku gasozi.

Ezekiyeli Igice cya 3
Ukuboko k’Uwiteka kwangezeho ansohora ndi mu Mwuka, aramanura angeza mu kibaya cyari cyuzuyemo amagufwa.
Anzengurukana aho yayakikije hose, maze mbona ari menshi cyane muri icyo kibaya, kandi yari yarumye rwose.
Maze arambaza ati “Mwana w’umuntu, mbese aya magufwa yabasha gusubira kubaho?” Ndamusubiza nti “Mwami Uwiteka, ni wowe ubizi.”
Arongera arambwira ati “Hanurira aya magufwa maze uyabwire uti ‘Yemwe mwa magufwa yumye mwe, nimwumve ijambo ry’Uwiteka.
Uku ni ko Umwami Uwiteka abwira aya magufwa ngo: Dore ngiye kubashyiramo umwuka ngo mubeho.
Ngiye kubateraho imitsi, mbakwizeho inyama kandi mbatwikirize uruhu, mbashyiremo umwuka mubone kubaho, mumenye yuko ndi Uwiteka.'”
Nuko mpanura uko nategetswe. Ngihanura habaho guhinda, mbona isi itigita, amagufwa araterana igufwa risanga irindi ryaryo.
Nuko nitegereje mbona imitsi iyafasheho, maze inyama ziyameraho byoroswa uruhu, ariko nta mwuka wari ubirimo.
Maze arambwira ati “Hanurira umuyaga, uhanure mwana w’umuntu, maze ubwire umuyaga uti ‘Uku ni ko Umwami Uwiteka avuga ngo: Uturuke mu birere bine wa mwuka we, uhuhe muri iyo mirambo kugira ngo ibeho.'”
Nuko mpanura uko yantegetse maze umwuka uyinjiramo. Nuko ibaho ihagarara ku maguru yayo, yiremamo inteko nyinshi cyane.
Maze arambwira ati “Mwana w’umuntu, ayo magufwa ni ay’ab’inzu ya Isirayeli yose. Dore baravuga bati ‘Amagufwa yacu arumye kandi ibyiringiro byacu biraheze, twaciwe burundu.’
Nuko rero hanura ubabwire uti ‘Uku ni ko Umwami Uwiteka avuga ngo: Dore ngiye gukingura ibituro byanyu, mbibakuremo mwa bwoko bwanjye mwe, nzabagarura mu gihugu cya Isirayeli.
Muzamenya yuko ndi Uwiteka igihe nzaba maze gukingura ibituro byanyu, nkabibakuramo mwa bwoko bwanjye mwe.
Kandi nzabashyiramo umwuka wanjye mubone kubaho, nzabashyira mu gihugu cyanyu bwite, mumenye yuko ari jye Uwiteka wabivuze kandi mbikomeje.'” Ni ko Uwiteka avuga.
Ijambo ry’Uwiteka ryongeye kunzaho riti
Nuko mwana w’umuntu, wishakire inkoni maze uyandikeho uti ‘Ni iya Yuda, n’iy’Abisirayeli bagenzi be.’Maze ushake indi nkoni uyandikeho uti ‘Ni iya Yosefu, inkoni ya Efurayimu n’iy’inzu y’Abisirayeli bose bagenzi be.’
Maze uzihambiranyemo inkoni imwe, kugira ngo zihinduke imwe mu kuboko kwawe.
Maze igihe abantu b’ubwoko bwawe bazagusobanuza bati ‘Mbese ntiwadusobanurira impamvu z’ibyo?’
Uzababwire uti ‘Uku ni ko Umwami Uwiteka avuga ngo: Dore ngiye kwenda inkoni ya Yosefu iri mu kuboko kwa Efurayimu, n’imiryango y’Abisirayeli bagenzi be, maze mbashyire hamwe n’inkoni ya Yuda mbagire inkoni imwe, babe umwe mu kuboko kwanjye.’
Kandi inkoni wanditseho zizaba ziri mu kuboko kwawe, uri imbere yabo.
Maze ubabwire uti ‘Uku ni ko Umwami Uwiteka avuga ngo: Dore ngiye kuvana Abisirayeli mu mahanga bagiyemo, mbateranirize hamwe baturutse impande zose, maze mbazane mu gihugu cyabo bwite.
Nzabagira ubwoko bumwe mu gihugu ku misozi ya Isirayeli, kandi umwami umwe ni we uzaba umwami ubategeka bose. Ntabwo bazongera kuba amoko abiri ukundi, kandi ntabwo bazongera gutandukanywa ngo babe ibihugu bibiri ukundi,
ntabwo bazongera kwiyandurisha ibigirwamana byabo, cyangwa ibizira byabo cyangwa ibicumuro byabo byose, ahubwo nzabarokorera mu buturo bwabo bwose, ubwo bakoreyemo ibyaha, maze mbeze na bo bazabe ubwoko bwanjye nanjye mbe Imana yabo.
‘Kandi umugaragu wanjye Dawidi azaba umwami wabo, bose bazaba bafite umwungeri umwe. Bazagendera no mu mategeko yanjye, bakomeze amateka yanjye kandi bayakurikize.
Bazaba mu gihugu nahaye umugaragu wanjye Yakobo, icyo ba sogokuruza bahozemo. Ni cyo bazabamo bo n’abana babo n’abuzukuru babo iteka ryose, kandi Dawidi umugaragu wanjye azaba umwami wabo iteka ryose.
Maze kandi nzasezerana na bo isezerano ry’amahoro ribabere isezerano ry’iteka ryose, kandi nzabatuza mbagwize, ubuturo bwanjye bwera nzabushyira hagati yabo buhabe iteka ryose.
Ihema ryanjye ni ryo rizaba hamwe na bo, kandi nzaba Imana yabo na bo babe ubwoko bwanjye.
Amahanga yose azamenya yuko ari jye Uwiteka weza Isirayeli, igihe ubuturo bwanjye bwera buzaba muri bo hagati iteka ryose.’

Malaki 3:1
Dore nzatuma integuza yanjye, izambanziriza intunganyirize inzira. Umwami mushaka azāduka mu rusengero rwe, kandi intumwa y’isezerano mwishimana dore iraje. Ni ko Uwiteka Nyiringabo avuga.

Malaki 4:5–6
Dore nzaboherereza umuhanuzi Eliya, umunsi w’Uwiteka ukomeye kandi uteye ubwoba utaragera.
Uwo ni we uzasanganya imitima ya ba se ku bana n’imitima y’abana ku ya ba se, kugira ngo ntazaza kurimbuza isi umuvumo.

2 Timoteyo 3:1–9
Umenye yuko mu minsi y’imperuka hazaza ibihe birushya,
kuko abantu bazaba bikunda, bakunda impiya, birarīra, bibona, batukana, batumvira ababyeyi babo, indashima, batari abera,
badakunda n’ababo, batūzura, babeshyerana, batirinda, bagira urugomo, badakunda ibyiza,
bagambana, ibyigenge, bikakaza, bakunda ibibanezeza aho gukunda Imana,
bafite ishusho yo kwera ariko bahakana imbaraga zako. Abameze batyo ujye ubatera umugongo.
Kuko muri bo harimo abagabo bomboka mu mazu bakanyaga abagore batagira umutima, baremerewe n’ibyaha, batwarwa n’irari ry’uburyo bwinshi,
bahora biga ariko ntabwo babasha kugira ubwo bamenya ukuri.
Nk’uko Yane na Yambure barwanije Mose, ni ko n’abo bagabo barwanya ukuri. Abo ni abononekaye ubwenge badashimwa ku byo kwizera.
Ariko ntibazabasha kurengaho kuko ubupfu bwabo buzagaragarira abantu bose, nk’uko ubwa ba bandi na bwo bwagaragaye.

Ibyahishuwe: Igice cya 11
Bampa urubingo rusa n’inkoni bati “Haguruka ugere urusengero rw’Imana n’igicaniro n’abasengeramo,
ariko urugo rw’urusengero urureke nturugere kuko rwahawe abanyamahanga, kandi umudugudu wera bazamara amezi mirongo ine n’abiri bawukandagira.
Abahamya banjye babiri nzabaha guhanura, bahanure iminsi igihumbi na magana abiri na mirongo itandatu bambaye ibigunira.”
Abo bahamya ni bo biti bya elayo bibiri n’ibitereko by’amatabaza bibiri, bihagarara imbere y’Umwami w’isi.
Kandi iyo umuntu ashatse kubagirira nabi umuriro ubava mu kanwa ukotsa abanzi babo, kandi nihagira umuntu ushaka kubagirira nabi, uko ni ko akwiriye kwicwa.
Bafite ubushobozi bwo gukinga ijuru ngo imvura itagwa mu minsi yo guhanura kwabo, kandi bafite ubushobozi bwo guhindura amazi amaraso no guteza isi ibyago byose uko bashatse.
Kandi nibarangiza guhamya kwabo, inyamaswa izazamuka ivuye ikuzimu irwane na bo, ibaneshe ibīce.
Intumbi zabo zizarambarara mu nzira nyabagendwa yo mu mudugudu munini, ari wo witwa i Sodomu no muri Egiputa mu mvugo y’umwuka, ari na ho Umwami wabo yabambwe.
Nuko abo mu moko n’imiryango n’indimi n’amahanga, bazamara iminsi itatu n’igice bareba intumbi zabo, ntibazazikundira guhambwa mu mva.
Abari mu isi bazazīshima hejuru bazikina ku mubyimba banezerwe, bohererezanye impano kuko abo bahanuzi bombi bababazaga abari mu isi.
Iyo minsi itatu n’igice ishize, umwuka w’ubugingo uva ku Mana winjira muri bo baherako barahaguruka, ubwoba bwinshi butera ababibonye.
Bumva ijwi rirenga rivugira mu ijuru ribabwira riti “Nimuzamuke muze hano.” Nuko bazamukira mu gicu bajya mu ijuru abanzi babo babireba.
Uwo mwanya habaho igishyitsi cyinshi, kimwe cya cumi cya wa mudugudu kiragwa, icyo gishyitsi cyica abantu ibihumbi birindwi, abasigaye baterwa n’ubwoba bahimbaza Imana nyir’ijuru.
Ishyano rya kabiri rirashize, dore irya gatatu riraza vuba.
Marayika wa karindwi avuza impanda. Mu ijuru havuga amajwi arenga ngo “Ubwami bw’isi bubaye ubw’Umwami wacu n’ubwa Kristo we, kandi azahora ku ngoma iteka ryose.”
Ba bakuru makumyabiri na bane bicara ku ntebe zabo imbere y’Imana, bikubita hasi bubamye baramya Imana bati
Turagushimye Mwami Imana Ishoborabyose, iriho kandi yahozeho kandi izahoraho, kuko wenze ubushobozi bwawe bukomeye ukīma.
Amahanga yararakaye nuko umujinya wawe uraza, igihe cyo guciriramo abapfuye iteka kirasohora, n’icyo kugororereramo abagaragu b’imbata bawe ari ni bo bahanuzi, no kugororera abera n’abubaha izina ryawe, aboroheje n’abakomeye, kandi n’igihe cyo kurimburiramo abarimbura isi.
Urusengero rw’Imana rwo mu ijuru rurakingurwa, mu rusengero rwayo habonekamo isanduku y’isezerano ryayo, habaho imirabyo n’amajwi no guhinda kw’inkuba, n’igishyitsi n’urubura rwinshi.

25-1221 Kujya Hanze Y’Inkambi

Ubutumwa : 64-0719E Kujya Hanze Y’Inkambi

BranhamTabernacle.org

Nshuti Bakundwa,

Imana ntihinduka. Ijambo ryayo ntirihinduka. Gahunda yayo ntabwo ihinduka. Kandi n’Umugeni Wayo ntabwo ahinduka, tuzagumana n’Ijambo. Ni ibiruta ubuzima kuri twe; ni isoko y’Amazi y’Ubugingo.

Ikintu rukumbi twahawe nk’inshingano gukora ni ukumva Ijambo, ariryo Jwi ry’Imana rihamirijwe ryafashwe kandi rigashyirwa ku makasete. Nicyo kintu cyonyine tubona ko atari umuhango, atari itsinda ry’abantu, nta kindi tubona uretse Yesu, ndetse We ni Ijambo ryambaye umubiri mu minsi yacu.

Imana iri mu kambi yacu kandi turi mu nzira igana mu Bwiza kubwo kuba tuyobowe n’Inkingi y’Umuriro, ariyo Mana Ubwayo ivuga inyuriye mu muhanuzi Wayo wa Malaki 4 wahamirijwe. Turimo turarya ya Manu yahishwe, Amazi y’Ubugingo ibyo Umugeni ashobora kurya byonyine.

Imana ntihindura inzira Zayo, ndetse na satani ntabwo ajya ahindura ize. Icyo yakoze mu myaka 2000 ishize, nicyo kintu kimwe arimo gukora uyu munsi, usibye ko yarushijeho kuba inyaryenge.

Noneho, nyuma y’imyaka maganane Imana yagendeye hagati muri bo umunsi umwe. Ukurikije Ibyanditswe Yagombaga kwambara umubiri kandi agatura hagati muri bo. “Izina Rye ryagombaga kuba Umujyanama, Igikomangoma cy’Amahoro, Imana Ikomeye, Data Uhoraho.” Kandi igihe Yaje mu bantu be, baravuze bati, “Ntabwo twakwemera ko uyu muntu atuyobora.

Dukurikije Ibyanditswe, Umwana w’Umuntu agomba kongera kugaruka indi nshuro maze akabaho kandi akihishura Ubwe mu mubiri w’Umuntu, ndetse Yamaze kubikora, kandi nabo nicyo bavuga. Ni ukuri, basubiramo kandi bakabwiriza Ubutumwa, ariko ntabwo bazemera uwo muntu ko abategeka.

Ibyo nibyo neza birimo kubaho

Kandi nkuko byari bimeze noneho, niko bimeze ubu. Bibiliya yaravuze ngo itorero rya Lawodokiya rizamushyira hanze, kandi Yarimo akomanga agerageza kongera kwinjira. Hari ahantu hari ikintu kitagenda.None se, ni ukubera iki? Bari barakoze iyabo nkambi.

Umuntu ashobora kuvuga ngo, “Ndabizi kandi ndabyizera ko Mwene Data Branham yari Umuhanuzi. Yari marayika wa karindwi. Yari Eliya. Twizera ubu Butumwa. Nuko ibyo bakabitanga nk’urwitwazo, ariko uko biri kose, ntibacurange Ijwi ry’Imana RYONYINE ryahamirijwe mu matorero yabo… Hariho ikintu kitagenda ahantu runaka. None se ni kuki? Bubatse nkambi yabo bwite.

Ndavuga ibi bintu atari ukugira ngo ntandukanye itorero, Ijambo ry’Imana rirabikora. Ndashako twiyunga hamwe, tukaba ITSINDA RIMWE umwe ku wundi no hagati yacu na We, ariko hariho inzira imwe yo gukora ibyo; ni ukuzenguruka Ijwi ry’Imana riri ku makasete. Iryo niryo UKU NIKO UWITEKA AVUZE YONYINE Y’Imana.

Imana yahishuye inzira Yayo itunganye kuri twe. Ni inzira y’ubwiza butangaje kandi nyamara iroroheje. Muri buri Butumwa twumva We atubwira, akaduhariza, akadutera umwete, ko TURI UMUGENI WE. Turi mu bushake Bwe butunganye. Twariteguye ubwacu binyuze muri MUMWUMVIRE.

Ubu Butumwa buri kugihe kurenza amakuru azasohoka ejo mu kinyamakuru. Turi ubuhanuzi burimo burasohora. Turi Ijambo rigaragajwe. Imana iraduhamiriza muri buri Butumwa twumva ko uyu munsi, iki Cyanditswe kirimo kirasohora.

Byashoboka ko haba abantu mu bihugu bitandukanye, hose mu isi, bazagerwaho n’iyi bande mu ngo zabo cyangwa mu nsengero zabo. Turasenga, Mwami, ngo mugihe amateraniro akomeje, mu-mu… cyangwa mu gihe bazaba bacuranga iyi bande, cyangwa uko twaba duhagaze cyangwa-cyangwa uko twaba turi kose, Imana ikomeye yo mu Ijuru yubahirize ubunyakuri bw’imitima yacu muri iki gitondo, maze Ikize abafite ibibazo, Ibahe ibyo bakeneye.

Ba utegereje gato… Ni iki Ijwi ry’Imana ku isi ryahanuye kandi rikavuga?… Abantu bazaba bacuranga amakasete mu ngo zabo no munsengero zabo.

Ariko turanengwa kandi tugacyahwa kubwo kuvuga ngo NTIBYASHOBOKA KO twagira Itorero rya Kasete ryo Murugo? Ese Mwene Data Branham ntiyigeze avuga ngo mucurange amakasete mu NSENGERO zanyu?

ICYUBAHIRO KIBE ICY’IMANA, MUYUMVE, MUYASOME, NI UKU NIKO UWITEKA AVUZE. Kandi ntabwo ari ukubera ko gusa Yo yabize, ahubwo kubwo gucuranga amakasete mu ngo zanyu no munsegero, Imana ikomeye yo mu Ijuru izubaha ubunyakuri bw’imitima yanyu maze ikize ababaye kandi ibahe ICYO MUKENEYE CYOSE!!

Uyu murongo umwe UHAMYA KO abantu bumva abapastori babo ariko bakaba BATUMVA IJAMBO, cyangwa urabahinyuza kandi ukabemeza binyuze mu IJAMBO ko turi MU BUSHAKE BWAYO BUTUNGANYE, kandi biri MU BUSHAKE BWAYO BUTUNGANYE GUCURANGA AMAKASETE MU NSENGERO ZABO.

Ntabwo ndimo nshyira Ijambo mu mwanya utari uwaryo cyangwa ngo ndivuge uko ritari nkuko benshi bajya bavuga ko mbikora. Mubyumve kandi mubyisomere ubwanyu.

Ni ibintu byoroheje kandi bitunganye, ni UGUKANDAHO BIKAVUGA gusa maze mukumva Ijwi ry’Imana rivugana na mwe. Muvuge “Amen” kuri buri Jambo mwumva. Nta nubwo ari ngombwa gusobanukirwa, icyo musabwa gusa ni ukubyizera.

Ndashaka gusohoka mu rugo. Ntitaye kucyo bizansaba cyose, nzafata umusaraba wanjye maze nywikorere iminsi yose. Nzasohoka mu rugo. Ntitaye ku cyo abantu bazamvugaho, ndashaka kumukurikira hanze y’urugo. Niteguye kugenda.

Ngwino maze tujye hakurya y’urukuta rw’amajwi aho mu Ijambo ry’Imana hamwe natwe kuri iki Cyumweru I Saa Sita z’Amanywa ku Isaha y’I Jeffersonville. Ni ibitagira umupaka ibyo Imana ibasha gukora kandi izakorana n’umuntu witeguye kujya hakurya y’inkambi y’umuntu.

Mwene Data Joseph Branham

Ubutumwa: 64-0719E Kujya Hakurya y’Inkambi

Ibyanditswe:

Abaheburayo 13: 10-14
Dufite igicaniro, icyo abakora umurimo wa rya hema badahawe uburenganzira bwo kuriraho.
Kuko intumbi z’amatungo, izo umutambyi mukuru ajyana amaraso yazo Ahera kuba impongano y’ibyaha, zitwikirwa inyuma y’urugo.
Ni cyo cyatumye na Yesu ababarizwa inyuma y’irembo, kugira ngo yejeshe abantu amaraso ye.
Nuko dusohoke, tumusange inyuma y’urugo twemeye gutukwa ku bwe,
kuko hano tudafite umudugudu uhoraho, ahubwo dushaka uzaza.

Matayo 17: 4-8
Petero abwira Yesu ati “Mwami, ni byiza ubwo turi hano. Nushaka ndaca ingando eshatu hano, imwe yawe, indi ya Mose, indi ya Eliya.”
Akibivuga igicu kirabakingiriza, ijwi rikivugiramo riti “Nguyu Umwana wanjye nkunda nkamwishimira, mumwumvire.”
Abigishwa babyumvise bikubita hasi bubamye, baratinya cyane.
Yesu arabegera abakoraho arababwira ati “Nimuhaguruke mwitinya.”
Bubura amaso ntibagira undi babona, keretse Yesu wenyine.

25-1214 Umunsi Mukuru w’Impanda

Ubutumwa : 64-0719M Umunsi Mukuru w’Impanda

BranhamTabernacle.org

Mukundwa Mugeni Utunganye,

Ibi ntabwo ari ibihimbano biraho gusa ncuti zanjye. Ni UKU NIKO UWITEKA AVUZE, Ibyanditswe.

Buri Mukristo ashaka kuba Umugeni, ariko tuziko Umugeni Wayo azaba ari bake gusa batoranijwe. Turabizi ko Igira ubushake buhaswe, ariko Umugeni Wayo agomba kuba mu bushake Bwayo butunganye. Rero, tugomba gushaka Imana mu Ijambo Ryayo, ndetse no mu Guhishurirwa, tuzamenya ubushake Bwayo butunganye uburyo duhinduka Umugeni Wayo.

Tugomba gushaka mu Byanditswe, kubera ko tuziko Imana NTIYIGERA NA RIMWE ihindura ibitekerezo Byayo ku byerekeye Ijambo Ryayo. Imana ntabwo yigera ihindura gahunda Yayo. Ntiyigera igira NA KIMWE ihindura. Uburyo yabikoze inshuro ya mbere buratunganye. Icyo Yakoze ejo hashize Izongera igikore mu buryo bumwe uyu munsi.

Uburyo yakoresheje icungura umuntu mu itangira nibwo buryo bumwe Izakoresha icungura umuntu uyu munsi. Uburyo yakijije uburwayi umuntu wa mbere, Igomba kubikora mu buryo bumwe uyu munsi. Uburyo Imana yahisemo guhamagara no kuyobora Umugeni Wayo, nibwo buryo bumwe izakoresha uyu munsi, kubera ko ni Imana kandi ntabwo ishobora guhinduka. Ijambo ritubwira ko Yesu Kristo yari UKO YARI ejo hashize, uyu munsi ndetse n’iteka.

Rero, igihe dusomye Ijambo Ryayo, dushobora kubona mu buryo bweruye uburyo Yahisemo guhamagara no kuyobora Umugeni Wayo muri buri gisekuru. Yatoranije UMUNTU UMWE. Yavuze ko bari Ijambo ry’igihe cyabo. Umuhanuzi yatubwiye ko ITIGEZE NA RIMWE igira itsinda ry’abantu; bagira inzira zitandukanye, ibitekerezo bitandukanye, kandi ikiruseho, Yaravuze ngo IJAMBO RY’IMANA NTA BUSOBANURO RIKENEYE.

Kubw’ibyo, icyo buri muhanuzi yavuze muri buri gisekuru ntigishobora kugira icyongerwaho cyangwa ngo hagire igikurwaho. Bigomba kuba ari Ijambo ku Ijambo icyo YO YAVUZE. Biroroshye cyane uramutse umbajije inzira yateguwe n’Imana…GUMANA N’UMUHANUZI.

Noneho, ntabwo ari gusa kuba tuzi neza inzira yateguwe n’Imana icyo iricyo guhera mu itangira, Umwami azanavugira muri marayika Wayo maze atubwire icyo Azakora mu gihe kirimbere, gusa kugira ngo yongere kuduhamiriza ko, IMANA ITAJYA IHINDURA GAHUNDA YAYO.

Nyuma y’uko Umugeni Wayo(twebwe) avuye ku isi maze akaba ahamagawe kujya mu Birori by’Ubukwe, mbega ni buryo ki Imana igiye guhamagara abatowe bo mu Bayahudi 144 000 ? Ese ni itsinda ry’abantu?

Noneho, iryo Torero (Umugeni) rikimara kwiteraniriza hamwe, Rirazamurwa; kandi ubwo bwiru bw’Ikimenyetso cya karindwi, cyangwa ikimenyetso cya Karindwi, ubwiru bwo kugenda. Abayuda, bo, bahamagawe n’ubwiru bw’Impanda ya Karindwi; ni abahanuzi babiri, Eliya na Mose, kandi bongera kugaruka .

Rero Umugeni akimara kwihuriza hamwe, tuzazamurwa. Turabizi ko hari ikintu kimwe cyonyine gishobora gukururira Umugeni hamwe, Umwuka Wera, kandi Umwuka Wera ni Ijambo ry’Imana, kandi Ijambo Ryayo kubw’uyu munsi ni Ijwi ry’Imana, kandi Ijwi ry’Imana ni…

Niba mbacumuje kubwo kuvuga ibyo, mumbabarire, ariko, niyumvishemo ko bishobora kwakirwa nabi, ariko, njye ndi ijwi ry’Imana kuri mwe. Murabona? Nongeye kubivuga indi nshuro, kiriya gihe byari munsi yo gusigwa, murabona.

Reka ngire icyo mvuga hano kandi mvuge ko, ari IMVUGO IMWE gusa iturutse ku ntumwa marayika w’Imana wahamirijwe ikwiye kuba ihagije kuri abo bose biyita ko ari abizera muri ubu Butumwa bw’igihe cya nyuma kugira ngo basabe aba pasteri babo kugira ngo BAKANDEHO BIVUGE mu nsengero zabo cyangwa baveho hatorwe umupastori ufite GUHISHURIRWA K’UKURI KUVUYE KU MANA.

Rero, Impanda imaze kuvuga nuko abahanuzi babiri barahinguka kuko Idashobora kugira marayika Wayo wa karindwi n’Umugeni Wayo hano ku isi muri icyo gihe bazamo. Noneho ni gute Ihamagara Abayahudi? Mu buryo bumwe Yahamagaye Umugeni Wayo w’Umunyamahanga.

Abayuda, bo, bahamagawe n’ubwiru bw’Impanda ya Karindwi; ni abahanuzi babiri…

Umugeni agomba kuva mu nzira, agomba kuzamuka none aha; kugira ngo abo bagaragu bombi, abagaragu babiri b’Imana, bo mu byahishuwe, abo bahanuzi bombi babashe kwinjira mu murimo, kugira ngo bavugirize bariya Impanda, babamyeshe Kristo.

Birasobanutse, Imana ntabwo yigera ihindura gahunda Yayo. Yohereje umuhanuzi Wayo. Rero, Umugeni Wayo azagumana n’inzira Yayo yateguye, marayika Wayo muhanuzi, Ijwi ry’Imana ku makasete.

Noneho mu kongera kubiragaza neza mu buryo bweruye, Imana indi nshuro yaravuze maze ibwira Umugeni Wayo: Warankiranukiye Njye n’inzira nateguye, none inzira Yanjye nateguye kubw’igihe cyawe izakubwira ngo:

Malayika wa karindwi, intumwa, azavuga ati: “Nguyu Umwana w’intama w’Imana ukiza icyaha cy’abari mu isi!”

Mbega uburyo IRYO JWI ari ijwi ry’ingenzi; IJWI RY’IMANA rivuga rinyuriye muri marayika Wayo wa karindwi ku makasete. Imana igiye gukoresha IRYO JWI, IJWI RYA MARAYIKA WAYO WA KARINDWI. ATARI ITSINDA… ATARI NJYE… ATARI PASTERI WANYU… IJWI RYA MARAYIKA WAYO WA KARINDWI kugira ngo Atwibwire Ubwe, Umwami wacu Yesu Kristo.

Rero, twe TUZIKO:

  • TURI UMUGENI WAYO
  • TURI MU BUSHAKE BWAYO BUTUNGANYE.
  • DUKURIKIYE GAHUNDA YAYO KUBW’UYU MUNSI KUBWO GUKANDAHO BIKAVUGA.

Igice cy’Umugeni Wayo kiraza kuba giteraniye hamwe kuri iki Cyumweru I Saa Sita z’Amanywa. Ku isaha y’I Jeffersonville, twumva pasteri wacu, marayika w’Imana intumwa, William Marrion Branham, kandi araza kuba arimo kuvugana natwe kandi aduhishurira ko nta rindi torero, nta rindi tsinda ry’abantu kuva isi yaremwe, ryigeze rigira amahirwe nk’ayo dufite yo kwiyunga hamwe bakumva Imana ivugana nabo mu buryo butaziguye.

Mbega ubwoko buhawe umugisha turi bwo. Turanezerewe. Turashima cyane. Umugeni arimo arahinduka UMWE hamwe n’Umukwe.

Mwene Data Joseph Branham

Umunsi Mukuru w’Impanda 64-0719M.

Ibyanditswe byo gusoma mbere yo kumva Ubutumwa:

Abalewi 23:23–27
Uwiteka abwira Mose ati
Bwira Abisirayeli uti: Mu kwezi kwa karindwi ku munsi wako wa mbere, hajye hababeraho umunsi wo kuruhuka, ube uwo kubibukisha, muwurangishe kuvuza amahembe, muwuteraneho guterana kwera.
Ntimukagire umurimo w’ubugaragu muwukoraho, kandi mujye muwutambiraho Uwiteka igitambo gikongorwa n’umuriro.
Uwiteka abwira Mose ati
Ariko umunsi wa cumi w’uko kwezi kwa karindwi ni wo munsi w’impongano, ujye ubabera uwo guterana kwera, mujye muwibabazaho imitima, muwutambireho Uwiteka igitambo gikongorwa n’umuriro.

Yesaya 18:1–3
Dore re! Dore igihugu gihindisha amababa kiri hakurya y’imigezi ya Etiyopiya,
cyatumye intumwa zinyura mu nyanja zigenda ku mazi ku bihare by’inkorogoto kiti “Nimugende mwa ntumwa mwe z’impayamaguru, musange ishyanga ry’abantu barebare b’umubiri urembekereye, ryahoze ritera ubwoba na bugingo n’ubu, ishyanga risenya rigasiribanga igihugu cyaryo kigabanywa n’imigezi.”
Yemwe baturage bo ku isi mwese, yemwe abatura ku isi, ibendera nirishingwa ku misozi miremire mujye mureba, kandi ikondera nirivuga mujye mwumva.

Yesaya 27:12–13
Uwo munsi Uwiteka azakubita imbuto ze ngo ziragarike, uhereye ku Ruzi ukageza ku kagezi ka Egiputa. Nuko muzatoragurwa umwe umwe, mwa Bisirayeli mwe.
Uwo munsi ikondera rinini rizavuga, abari bagiye kurimbukira mu gihugu cya Ashuri n’abaciriwe mu gihugu cya Egiputa, bazaza basengere Uwiteka ku musozi wera i Yerusalemu.

Ibyahishuwe 10:1–7
Mbona marayika wundi ukomeye amanuka ava mu ijuru yambaye igicu, umukororombya uri ku mutwe we, mu maso he hasa n’izuba, ibirenge bye bisa n’inkingi z’umuriro.
Mu intoki ze yari afite agatabo kabumbutse. Nuko ashyira ikirenge cye cy’iburyo ku nyanja, n’icy’ibumoso agishyira ku butaka.
Arangurura ijwi rirenga nk’uko intare yivuga, avuze iryo jwi rirenga guhinda kurindwi kw’inkuba kuvuga amajwi yako.
Kandi guhinda kurindwi kw’inkuba kumaze kuvuga, nari ngiye kwandika nuko numva ijwi rivugira mu ijuru rimbwira riti “Iby’uko guhinda kurindwi kw’inkuba kuvuze ubizigame, bibe ubwiru ntubyandike.”
Marayika nabonye ahagaze ku nyanja no ku butaka amanika ukuboko kwe kw’iburyo, agutunga mu ijuru
arahira Ihoraho iteka ryose yaremye ijuru n’ibirimo, n’isi n’ibiyirimo n’inyanja n’ibiyirimo ati “Ntihazabaho igihe ukundi,
ahubwo mu minsi y’ijwi rya marayika wa karindwi ubwo azatangira kuvuza impanda, ni ho ubwiru bw’Imana buzaba busohoye nk’uko yabwiye imbata zayo ari zo bahanuzi.”

Ibyahishuwe 9:13–14
Marayika wa gatandatu avuza impanda, numva ijwi riva ku mahembe ane y’igicaniro cy’izahabu kiri imbere y’Imana,
ribwira marayika wa gatandatu ufite impanda riti “Bohora abamarayika bane baboheye ku ruzi runini Ufurate.”

Ibyahishuwe 17:8
Iyo nyamaswa ubonye yahozeho nyamara ntikiriho, kandi igiye kuzamuka ive ikuzimu ijye kurimbuka. Abari mu isi amazina yabo atanditswe mu gitabo cy’ubugingo, uhereye ku kuremwa kw’isi, bazatangara babonye iyo nyamaswa yahozeho ikaba itakiriho, kandi ikazongera kubaho.

25-1207 Nuko Yesu Araza Maze Arahamagara

Pesan: 64-0213 Nuko Yesu Araza Maze Arahamagara

PDF

BranhamTabernacle.org

Mukundwa Mugeni Jambo,

Turi kubaho mu gihe cyijimye cyane, ariko NTA BWOBA DUFITE, Umwigisha yaraje. Yaje kugira ngo asohoze Ijambo Rye mu minsi yanyuma. Icyo Yaricyo ikindi gihe, nicyo Aricyo uyu munsi. Ukwigaragaza kwe n’ibimuranga yari afite icyo gihe, nibyo aribyo uyu munsi. Aracyari Ijambo Ry’Imana, yigaragaza Ubwe mu mubiri w’umuntu muri marayika We wa karindwi kandi yaratwihishuriye, turi Umugeni We w’Ijambo Rizima.

Nta mwanya dufite wo kujya impaka cyangwa guhangana; icyo gihe twarakirenze; turakomeje imbere, tugomba kugera hariya, Umwuka Wera yaje muri twe. Umwami Yesu mu ishusho y’Umwuka yarihishuye kandi ariyerekana Ubwe binyuze mu muhanuzi We y’uko We ari Ijwi ry’Imana ku Mugeni Wayo.

Yavuze ko Azaza. Yavuze ko Azakora ibi. Yavuze ko Azahaguruka Akinjira mu murimo mu minsi yanyuma kandi agakora ibi bintu nkuko Yabikoze mu mubiri mu gihe cya mbere, kandi nguyu hano arimo arabikora. Ese ni iki kibateye ubwoba? NTA NA KIMWE!!!

Turi mu nzira tugana mu Bwiza! Nta kintu gihari gishobora kuduhagarika. Imana igiye guhamiriza Ijambo Ryayo. Ntabwo nitaye kubirimo kubaho. Igihe cyo gushyira mu bikorwa kirageze. Igihe kirageze kugira ngo wizere cyangwa ureke kwizera. Umurongo utandukanya ugomba kuza kuri buri mugabo na buri mugore warageze.

Mwavutse kubera impamvu. Igihe Umucyo ubamuritseho, ukuraho umwijima wose kuri mwe. Igihe mwumvise Ijwi Rye rivugana namwe ku makasete, hariho ikintu kibaho. Rivugana n’ubugingo bwanyu. Rikavuga ngo, “Umwigisha yaje kandi arimo arabahamagara. Ntimucike intege, ntimutinye, nabahamagaye. Muri umugeni Wanye.”

Yemwe bantu, mugenzure neza! Ntimugafate amahirwe atuzuye kuri byo. Imana ifite gahunda; Ijambo Ryayo Yarifashe ku makasete. Umwigisha yaje kandi araguhamagara. Ngwino mu nzira Imana yateguye.

Umwigisha agiye kongera indi nshuro kunga Umugeni We hirya no hino ku isi hamwe n’Ijwi Rye. Agiye kudutera umwete, aduhamiriza, adukiza uburwayi, akatwinjiza mu Bwiza Bwe bukomeye maze akatubwira ngo:

Umwigisha Yaje kandi Araguhamagara. Oh ! wowe munyabyaha, oh ! wowe urwaye, ntubona ko Umwigisha yigaragaje mu biremwa-muntu, mu bizera ? Yaje guhamagarira abana Be kwizera ubuzima buzira umuze. Yaje guhamagara abanyabyaha ngo bihane. Wowe waguye, wowe muyoboke w’itorero, Umwigisha Yaje, kandi araguhamagara.

Mbega gucunshumurwa k’Umwuka We Wera Umugeni azaba arimo guhabwa kuri iki Cyumweru mu gihe Imana iteraniriza hamwe abana Bayo indi nshuro kandi ikinjira mu ngo zacu, mu nsengero zacu, aho duteraniye, kandi akaduhamagara kandi akavuga ngo , “Umwigisha yaje kandi arimo araguhamagara. Icyo ukeneye cyose, ni icyawe.”

Reka ayo magambo acengere mu ndiba z’imitima yanyu, bene Data na bashiki bacu. ICYO MWABA MUKENEYE CYOSE, UMWIGISHA YAJE KANDI ARAKIBAHA.

Data wo mw’ijuru, O Mwami, twemerere ibyo byongere bibe. Ibyo bintu byose navuze : « Yesu yaraje maze araguhamagara. » Mbese iyo Aje akora iki ? Arahamagara. Twemerere ibyo byongere bibe Mwami. Reka Umwuka Wera aze mu bantu kuri uyu mugoroba Mwami Yesu mw’ishusho y’Umwuka. Reka Aze Yihishure kandi Yigaragaze.

Mwene Data Joseph Branham

Ubutumwa: 64-0213 Nuko Yesu Araza maze Arahamagara
Igihe: Saa Sita z’amanywa ku isaha y’I Jeffersonville

Ibyanditswe:

Yohana 11:18-28
I Betaniya hari bugufi bw’i Yerusalemu, nka sitadiyo cumi n’eshanu.
Nuko Abayuda benshi bari baje kwa Marita na Mariya kubahumuriza, kuko musaza wabo yari yapfuye.
Marita yumvise ko Yesu aje ajya kumusanganira, ariko Mariya asigara yicaye mu nzu.
Marita abwira Yesu ati “Databuja, iyaba wari hano musaza wanjye ntaba yarapfuye.
Kandi n’ubu nzi yuko ibyo usabye Imana byose, Imana izabiguha.”
Yesu aramubwira ati”Musaza wawe azazuka.”
Marita aramubwira ati “Nzi yuko azazuka mu muzuko wo ku munsi w’imperuka.”
Yesu aramubwira ati “Ni jye kuzuka n’ubugingo, unyizera naho yaba yarapfuye azabaho,
kandi umuntu wese ukiriho unyizera ntazapfa iteka ryose. Mbese wizeye ibyo?”
Aramusubiza ati “Yee, Databuja, nizeye yuko uri Kristo Umwana w’Imana ukwiriye kuza mu isi.”
Amaze kuvuga ibyo aragenda, ahamagara mwene se Mariya rwihishwa aramubwira ati “Umwigisha yaje araguhamagara.”

25-1130 Umurimo Uhambaye

Ubutumwa : 64-0705 Umurimo Uhambaye

X

BranhamTabernacle.org

Mukundwa Murimo w’Imana Uhambaye

Ubuzima bwose bwari mu ruti, imisatsi, n’ibishishwa, ubu burimo burihuriza hamwe muri twe, Imbuto ya Cyami y’Imana, Imirimo Ihambaye y’Imana, kandi barimo barategurirwa umuzuko, biteguye isarura. Alpha yahindutse Omega. Uwa mbere yahindutse uwanyuma, kandi uwanyuma ubu ni uwambere. Twanyuze muri urwo rugendo kandi twahindutse Imirimo Ye Ihambaye, igice Cye cyakubitswe.

Umugeni n’Umukwe ni Umwe!

Imana yeretse umuhanuzi Wayo igaragaza mbere(preview) rya buri umwe wese muri twe, Imirimo Ye Ihambaye, mu iyerekwa. Mu gihe yari ahagaze aho hamwe n’Umwami yitegereza Umugeni atambuka imbere ye,
Yabonye buri umwe wese muri twe. Twebwe TWESE amaso yacu yari atumbiriye AHO NEZA KURI WE. Yavuze ko twagaragaraga turi beza kurusha undi wese yaba yarigeze abona mu buzima bwe. Hari ikirere kuri twe. Twari beza cyane kuri we.

Mwibuke, iri ryari IYEREKWA ry’Umugeni; uko Azaba asa, kandi mu gihe atubwira icyo neza neza yarimo akora. Mwumve neza.

Azaturuka mu mahanga yose, bizakora Umugeni. Bose bari bafite imisatsi miremire, ari nta marange bisize, n’abakobwa beza cyane. Kandi bose bari bampanze amaso. Ibyo byashushanyaga Umugeni uzaturuka mu mahanga yose. Murabona? We, buri wese yari ahagarariye igihugu, mu gihe bagendaga, bagendera mu Ijambo neza.

Umugeni, reka nongere mbivuge indi nshuro, UMUGENI, uturutse muri buri gihugu ese bari bahanze amaso pasiteri wabo, ni itsinda ry’abantu se … OYA, icyo ntabwo aricyo yavuze. Bari bahanze amaso yabo KU MUHANUZI, bamwitegereza.

Igihe cyose bari bahanze amaso yabo umuhanuzi, bagendaga mumurongo muburyo butunganye. Ariko nyuma yaratuburiye, hariho ikintu cyabayeho. Bamwe bakuye amaso yabo kuri we nuko batangira guhanga amaso ikindi kintu aribyo byabakururiye mu kajagari.

Kandi, rero, ngomba kushyiraho jisho. Azava mu nzira z’Ijambo niba ntamubereye maso, mu gihe Arimo atambuka aho, naramuka abikoze. Ahari azaba ari igihe cyanjye, ubwo nzaba ntagihari, murabona, igihe nzaba narasoje, cyangwa ikindi kintu.

Yagomba kumubera amaso, naho ubundi We yajyaga kuva mu nzira mu gihe yatambukaga. Ariko noneho yaravuze ngo ahari byaba aricyo gihe cyanjye, igihe nzaba nshoje, igihe nzaba ntari hano, bashobora kuzava mu nzira kubwo kudakomeza guhanga amaso kuri we.

Yarimo aburira UMUGENI mu buryo bweruye, mugomba kugumisha amaso Yanyu ku Ijwi ry’Imana riri ku makasete. Iyo niyo nzira yateguwe n’Imana kubw’uyu munsi. Iryo niryo Jwi rizunga kandi rigatunganya Umugeni. Nimuramuka mukuye amaso Yanyu n’amatwi kuri iryo Jwi, Muzata umurongo kandi muzajya mu kajagari.

Buri Butumwa bugenda burushaho gusobanuka. Ni Imana ikomeye irimo iratwikururwa imbere yacu, igaburira Umugeni Wayo hamwe na Manu ihishwe ariyo yonyine dushobora kurya. Irakungahaye cyane kuri abo bandi bose, ariko ni Ibyo kurya Bihishwe by’Umugeni.

Mbega ibihe by’amashimwe Umugeni arimo kugira, asangira ku Ijambo, mu gihe ahinduka Umugeni Jambo Umurimo Wayo uhambaye utunganye.

Yari wenyine, nk’Umukwe, “yanzwe n’abantu, arasuzugurwa kandi yanzwe n’amadini”. Umugeni ni uko ahagaze. Ni ibiki? Ni Umurimo uhebuje We, murabona, ni Ijambo, Ashobora gukoreramo, ni Ryo Ashobora kugaragaza. Ukwangwa!

Ngwino wifatanye natwe kuri iki Cyumweru I Saa Sita z’Amanywa ku isaha y’I Jeffersonville, mu gihe Imana ivuga inyuriye muri marayika Wayo ukomeye, maze ikadukata kandi ikadutunganya kugira ngo duhinduke Umurimo Uhambaye w’Imana.

Mwene Data Joseph Branham

Ibyanditswe byo gusoma mbere y’amateraniro:

Yesaya 53:1–12
Ni nde wizeye ibyo twumvise, kandi ukuboko k’Uwiteka kwahishuriwe nde?
Kuko yakuriye imbere ye nk’ikigejigeji, nk’igishyitsi cyumburira mu butaka bwumye, ntiyari afite ishusho nziza cyangwa igikundiro, kandi ubwo twamubonaga ntiyari afite ubwiza bwatuma tumwifuza.
Yarasuzugurwaga akangwa n’abantu, yari umunyamibabaro wamenyereye intimba, yasuzugurwaga nk’umuntu abandi bima amaso natwe ntitumwubahe.
Ni ukuri intimba zacu ni zo yishyizeho, imibabaro yacu ni yo yikoreye, ariko twebweho twamutekereje nk’uwakubiswe n’Imana agacumitwa na yo, agahetamishwa n’imibabaro.
Nyamara ibicumuro byacu ni byo yacumitiwe, yashenjaguriwe gukiranirwa kwacu, igihano kiduhesha amahoro cyari kuri we, kandi imibyimba ye ni yo adukirisha.
Twese twayobye nk’intama zizimiye, twese twabaye intatane, Uwiteka amushyiraho gukiranirwa kwacu twese.
Yararenganye ariko yicisha bugufi, ntiyabumbura akanwa ke amera nk’umwana w’intama bajyana kubaga, cyangwa nk’uko intama icecekera imbere y’abayikemura, ni ko atabumbuye akanwa ke.
Guhemurwa no gucirwa ho iteka ni byo byamukujeho. Mu b’igihe cye ni nde witayeho ko yakuwe mu isi y’abazima, akaba yarakubitiwe ibicumuro by’ubwoko bwe?
Bategetse ko ahambanwa n’abanyabyaha, yari kumwe n’umutunzi mu rupfu rwe nubwo atagiraga urugomo, kandi ntagire uburyarya mu kanwa ke.
Ariko Uwiteka yashimye kumushenjagura, yaramubabaje. Ubwo ubugingo bwe buzitamba ho igitambo cyo gukuraho ibyaha, azabona urubyaro, azarama, ibyo Uwiteka ashaka bizasohozwa neza n’ukuboko kwe.
Azabona ibituruka mu bise by’ubugingo bwe bimwishimishe, bimuhaze. Umugaragu wanjye ukiranuka azatuma benshi baheshwa gukiranuka no kumenya, kandi azīshyiraho gukiranirwa kwabo.
Ni cyo gituma nzamugabanya umugabane n’abakomeye, azagabana iminyago n’abanyamaboko, kuko yasutse ubugingo bwe akageza ku gupfa akabaranwa n’abagome, ariko ubwe yishyizeho ibyaha bya benshi kandi asabira abagome.

Malaki 3:6
Kuko jyewe Uwiteka ntabwo mpinduka, ni cyo gituma abahungu ba Yakobo mutamarwaho.

Matayo 24:24
Kuko abiyita Kristo n’abahanuzi b’ibinyoma bazaduka bakora ibimenyetso bikomeye n’ibitangaza, kugira ngo babone uko bayobya n’intore niba bishoboka.

Mariko 9:7
Maze igicu kiraza kirabakingiriza, ijwi rikivugiramo riti “Nguyu Umwana wanjye nkunda mumwumvire.”

Yohana 12:24
Ni ukuri, ni ukuri, ndababwira yuko iyo akabuto k’ishaka kataguye hasi ngo gapfe kagumaho konyine, ariko iyo gapfuye kera imbuto nyinshi.

Yohana 14:19
Hasigaye umwanya muto ab’isi ntibabe bakimbona, ariko mwebweho muzambona, kuko ndiho namwe muzabaho.

25-1123 Imana Ikomeye Ihishuye Imbere yacu

Pesan: 64-0629 Imana Ikomeye Ihishuye Imbere yacu

PDF

BranhamTabernacle.org

Mukundwa Ngando ya Branham

Mbega ibihe bidasanzwe turimo turagira. Ijambo n’Umugeni ni Umwe kandi ni kimwe. Turi kuba inyuma y’igitwikirizo mu kugaragara k’Ubwiza bwa Shekina. Tubona Imana yihishe Ubwayo inyuma y’uruhu mu ntumwa marayika Wayo wa karindwi. Imana, indi nshuro, yihishe Ubwayo inyuma y’uruhu rw’umuntu muri buri umwe wese muri twe. Nta kibazo kigihari. Nta gushidikanya ukundi, TURI intore Ze, abagenwe mbere, Ijambo ryambaye umubiri, Umugeni Jambo utunganye.

Mu gihe twiyunga hamwe duturutse hirya no hino ku isi, turimo turumva Ijwi rivugana natwe kandi riduhishurira mu buryo bwuzuye Ijambo Ryayo ni Uguhishurirwa kuzuye ko Yesu Kristo ari uko yari ejo hashize, uyu munsi ndetse n’iteka. Kugaragara kw’Ijambo, Elohim, Imana mu mubiri ivugana n’Umugeni Wayo. Imana mu mubiri iriho kandi igatura muri buri wese muri twe. Gahunda ya nyuma y’Imana ubu irimo irasohozwa mu buryo bwuzuye kandi igaragazwa muri buri umwe wese muri twe.

Turishimye cyane kandi turashimira Uwiteka kubwo kuba twitwa insuzugurwa ndetse n’amaburo afite inzira zisa nk’izitamenyerewe. Ariko tuzi Uwo inzira zacu zihura nawe, ndetse n’abo turibo: Umugeni w’Inzira z’Amakasete y’Imana; kandi arimo aradukururira kuri We Ubwe, turimo turagenda twomatana mu gihe duhinduka UMWE NA WE, Yesu Kristo uko yari ejo hashize, niko ari uyu munsi, ndetse n’iteka.

Twasatuye mu gitwikirizo maze twinjira mu Nkingi y’Umuriro kandi twasohokanye imigisha y’Imana ! Abantu ntibashobora kubibona. Ntibashobora kubisobanukirwa. Ariko kuri twe,ni ibigaragara, kubera ko turi mu mwuka umwe n’Umuhanzi wacu ndetse n’Umuyobozi. Ni Ijwi ry’Imana ku makasete riyobora Umugeni Wayo.

Turimo gutungwa n’Umugati wo Kumurikwa, Manu yatanzwe gusa kubw’ubwoko bwitandukanyije. Nicyo kintu cyonyine dushobora kurya. Nicyo kintu cyonyine twemerewe kurya. Kandi ni ibyagenewe gusa abantu bemewe, abagenwe mbere kandi bazi icyo biricyo.

Nkunda iyo We mwumva atubwira ABO TURIBO:

Uwo umwe wamanutse ku munsi wa Pantekote ni Umwuka Wera umwe urimo wigaragaza uyu munsi; tuva mu bwiza, tujya mu bundi bwiza, tujya mu bundi,maze tugasubira ku mbuto y’umubatizo w’Umwuka Wera, hamwe n’ibimenyetso bimwe, ibitangaza bimwe, umubatizo umwe, abantu bamwe bari gukora mu buryo bumwe, hamwe n’imbaraga zimwe, amarangamutima amwe. Ni ukuva mu bwiza tujya mu bundi.

Twagarutse ku Mbuto y’umwimerere hamwe n’umubatizo w’Umwuka Wera. Ibimenyetso bimwe, ibitangaza bimwe, umubatizo umwe, ubwoko bumwe bw’abantu, bakora mu buryo bumwe, hamwe n’imbaraga zimwe, no kwiyumvayumva kumwe.

TURI UGUTUNGANA KWE, ABAGARUWE BYUZUYE, UMUGENI JAMBO W’AMAKASETE!

Turi abarimo kunesha. Abasigaye. Abahagaze. Babeshejweho n’Ijambo Rye ritunganye ariryo ryagaruwe kubw’Umugeni We. Ridutunganya umunsi ku munsi. KWIZERA Kwacu kwageze ku rwego rwo hejuru kubwo kumenya ABO TURIBO, kandi ni:

Ibidakemangwa, Sibyo kwigwaho kandi ni hejuru ya byose, NI IBITAGIRA INSHINGANO.

Urashaka kuba uwishimye kurusha uko waba warigeze uba?
Urashaka kuba unyuzwe inshuro 1000% ko ibyo wumva ari Uku Niko Uwiteka Avuze? Urashaka gutunganywa n’Ijambo ry’Imana?

Noneho ndagutumira kuza kwiyunga natwe, Ingando ya Branham, kuri iki Cyumweru I Saa Sita z’Amanywa, ku isaha y’I Jeffersonville, mu gihe twumva Ijwi ry’Imana rivugana natwe ku Magambo y’Ubugingo Buhoraho: Imana Ikomeye Itwikuruwe Imbere Yacu 64-0629.

Mwene Data Joseph Branham