Uthenga: 63-0317E Cholekanitsa Pakati Pa Mibadwo Isanu Ndi Iwiri Ya Mpingo Ndi Zisindikizo Zisanu Ndi Ziwiri

PDF

• 25-0309 Cholekanitsa Pakati Pa Mibadwo Isanu Ndi Iwiri Ya Mpingo Ndi Zisindikizo Zisanu Ndi Ziwiri
• 23-0716 Cholekanitsa Pakati Pa Mibadwo Isanu Ndi Iwiri Ya Mpingo Ndi Zisindikizo Zisanu Ndi Ziwiri
• 22-0123 Cholekanitsa Pakati Pa Mibadwo Isanu Ndi Iwiri Ya Mpingo Ndi Zisindikizo Zisanu Ndi Ziwiri
• 21-0117 Cholekanitsa Pakati Pa Mibadwo Isanu Ndi Iwiri Ya Mpingo Ndi Zisindikizo Zisanu Ndi Ziwiri
• 19-0324 Cholekanitsa Pakati Pa Mibadwo Isanu Ndi Iwiri Ya Mpingo Ndi Zisindikizo Zisanu Ndi Ziwiri
• 17-0319 Cholekanitsa Pakati Pa Mibadwo Isanu Ndi Iwiri Ya Mpingo Ndi Zisindikizo Zisanu Ndi Ziwiri

BranhamTabernacle.org

Okondedwa Iwo Obwezeretsedwa,

Ine Sinditopa kumva Liwu la Mulungu likutiuza kuti ndife ndani, komwe timachokera, komwe tikupita, zomwe tili.
wolandira cholowa, ndi momwe amatikondera ife.

unsembe wauzimu, fuko lachifumu, kupereka nsembe zauzimu kwa Mulungu, zipatso za milomo yawo, kupereka mayamiko kwa Dzina Lake.” Ndi a—ndi anthu otani! Iye ali nawo iwo.

Chitonthozo chathu chokha ndi mtendere zimadza pakumva Liwu la Mulungu likulankhula kwa ife, ndiye kulankhula mobwezera kwa Atate mwa kupereka nsembe zauzimu mwa zipatso za milomo yathu, kupereka matamando ku Dzina Lake.

Dziko lonseli likubuula. Chirengedwe chikubuula. Ife tikubuula ndi kuyembekezera kudza kwa Ambuye. Dzikoli lilibe kanthu kwa ife. Ife tiri okonzeka kuti tichoke ndi kupita ku Mgonero wathu wa Chikwati ndi Kwathu Kwamtsogolo limodzi ndi Iye ndi onse amene ali Kumeneko, basi kupyola katani ya nthawi, akutiyembekezera ife.

Tiyeni tidzuke tidzigwedeze tokha! Tsinani chikumbumtima chathu, tidzidzutse tokha ku zomwe zikuchitika pakali pano ndi zomwe zidzachitike mu mphindi ya kuphethira kwa diso.

Palibe mu mbiriyakale ya dziko zomwe zakhala zotheka kuti Mkwatibwi wa Khristu akhale wolumikizana kuchokera kuzungulira dziko, onse pa nthawi yofanana yomweyo, kuti amve Liwu la Mulungu likuyankhula ndi kuwulula Mawu Ake kwa Mkwatibwi Wake.

Okhulupirira, dzifunseni nokha, ndi liwu liti, mtumiki wuti, munthu uti, angalumikizitse ndi kubweretsa Mkwatibwi wa Khristu pamodzi? Ngati inu muli Mkwatibwi wa Khristu, inu mukudziwa kuti palibenso Liwu lina koma Liwu la Mulungu pa matepi.

Inde, Mzimu Woyera uli mwa aliyense wa ife, mu udindo uliwonse wa mpingo, koma Mulungu Mwiniwake anatiuza ife kuti Iye adzaweruza dziko ndi Mawu Ake. Mkwatibwi amadziwa kuti Mawu Ake amabwera kwa mneneri Wake. Mneneri wake ndi YEKHAYO wotanthauzira Wauzimu wa Mawu Ake. Zimene Iye analankhula sizingawonjezedwepo kapena kuchotsedwapo. Ndi Mawu,a pa matepi, amene ife tonse tidzaweruzidwa nawo, ndipo palibe mawu ena kapena kutanthauzira kwa Mawu amenewo.

Sizingatheke kuti liwu lina lirilonse ligwirizanitse Mkwatibwi. Ndi Liwu la Mulungu lokha pa matepi lingakhoze kugwirizanitsa Mkwatibwi Wake. Ndi Mawu okhawo omwe Mkwatibwi angagwirizane nawo. Ndi Liwu lokhalo limene Mulungu Mwiniwake anatsimikizira kukhala Liwu Lake kwa Mkwatibwi Wake. Mkwatibwi Wake ayenera kukhala mu Malingaliro Amodzi ndi Chigwirizano Chimodzi kuti akhale ndi Iye.

Ma tumiki akhoza kutumikira, aphunzitsi akhoza kuphunzitsa, azibusa akhoza kuchitira ubusa, koma Liwu la Mulungu pa matepi liyenera kukhala Liwu lofunika kwambiri lomwe iwo ayenera kuliyika pamaso pa anthu. Iwo ndiwo Mtheradi wa Mkwatibwi.

Ngati muli ndi Vumbulutso la izo, ndiye ichi ndi chimene chiti chichitike.

Mawu amatiuza ife kuti Adamu anataya cholowa chake, dziko lapansi. Tsopano, ilo linachoka mdzanja lake kupita kwa iye amene anamugulitsa, Satana. Iye anagulitsa chikhulupiriro chake mwa Mulungu, kwa malingaliro a Satana. ndipo iye analanditsa chidutswa chirichonse kwa manja a Satana. Iye anachipereka icho kuchokera mdzanja lake kupita kwa Satana.

Mulungu ndi Mulungu wa chilengedwe chonse, kulikonse, koma Mwana Wake, Adamu, anali ndi dziko lapansi ili pansi pa ulamuliro wake. Iye amakhoza kuyankhula, iye amakhoza kutcha dzina, iye amakhoza kunena, iye amakhoza kuimitsa chirengedwe, iye ankakhoza kuchita chirichonse chimene iye ankafuna kutero. Iye anali ndi ulamuliro wathunthu, wapamwamba kwambiri padziko lapansi.

Adamu anataya zonse, koma ulemerero kwa Mulungu, zonse zomwe iye anataya ndi kulandidwa zidawomboledwa ndi Muomboli wathu Wachibale, palibe wina koma Mulungu Wamphamvuzonse, amene anakhala Emanuele, mmodzi wa ife. TSOPANO, NDI ZATHU.

Ndife ana Ake aamuna ndi aakazi amene ati adzalamulire ndi kukhala mafumu ndi ansembe limodzi ndi Iye. Tili ndi moyo wosatha ndi Iye ndi onse amene timawakonda. Sipadzakhalanso matenda, sipadzakhalanso chisoni, sipadzakhalanso imfa, umuyaya basi zonse palimodzi.

Tikaganizira zimenezi, tingalole bwanji kuti mdierekezi atigwetse pansi? Ndi ATHU, ndikomwe tikupita posachedwa. Iye watipatsa ife chinthu chachikulu kwambiri chimene angatipatse ife. Masiku ochepa awa a mayeso ndi mayesero padziko lapansi amizidwa mwachangu ndi KUGONJETSA KWATHU KWAKUKULU MASIKU CHABE OMWE ALI PA TSOGOLO PATHU.

CHIKHULUPIRIRO chathu sichinakhale chokulirapo. Chisangalalo chathu sichinakhalepo chachikulu. Timadziwa kuti ndife ndani komanso komwe tikupita. Tikudziwa kuti tili mu chifuniro Chake changwiro pa kukhala ndi Mawu Ake. Chomwe ife tikusowa kuti tichite ndi kukhala nawo matepi ndi kukhulupirira Mawu aliwonse; osati kuvetsa zonse, KOMA KUKHULUPILIRA MAWU ONSE…ndipo TIMAWACHITA!

Chikhulupiriro chimadza pakumva, kumva Mawu. Mawu amadza kwa mneneri. Mulungu analankhula Izo. Mulungu anazijambula Izo. Mulungu anaulula Izo. Ife tikuzimva Izo. Ife timakhulupirira IZO.

Inu mukhoza kupeza Vumbulutso ili kokha pa kumva Liwu la Mulungu pa matepi.

Zonse izo zimene Khristu ati adzachite pa matsiriziro zidzaululidwa kwa ife sabata ino, mu Zisindikizo Zisanu ndi ziwiri, ngati Mulungu angatilole ife. Mwaona? Chabwino. Izo zidzaululidwa. Ndi kuululidwa, pamene Zisindikizo zikutsegulidwa ndi kuperekedwa kwa ife, ndiye ife tikhoza kuona chimene dongosolo lopambana la chiombolo ili liri, ndipo liti ndi momwe chiti chidzachitike. Zonsezo ndi zobisika mu Bukhu ili la chinsinsi pano. Ndi losindikizidwa, liri ndi Zisindikizo Zisanu ndi ziwiri, ndipo kotero Mwanawankhosa ndi yekhayo Mmodzi Amene angamatule izo.

Lamlungu lino pa 12:00 P.M., nthawi yaku Jeffersonville, gawo la Mkwatibwi kuchokera kuzungulira dziko lapansi adzakhala akumvetsera ku Liwu la Mulungu onse pa nthawi imodzi. Tidzakhala tikugunda mwamphavu kumwamba ndi mapemphero athu ndi kumulambira IYE. Ndikukuitanani Inu kuti mubwere kulumikizana nafe pamene tikumva: Cholekanitsa Pakati Pa Mibadwo Isanu Ndi lwiri Ya Mpingo Ndi Zisindikizo Zisanu Ndi Ziwiri 63-0317E.

Chonde musaiwale za kusintha kwa nthawi yaku Jeffersonville kumapeto a sabata ino.

M’bale. Joseph Branham

Uthenga: 63-0317M Mulungu Kudzibisa Yekha Mu Kuphweka, Ndiye Nkudziwulula Yekha Momwemo

PDF

• 25-0302 Mulungu Kudzibisa Yekha Mu Kuphweka, Ndiye Nkudziwulula Yekha Momwemo
• 23-0709 Mulungu Kudzibisa Yekha Mu Kuphweka, Ndiye Nkudziwulula Yekha Momwemo
• 22-0116 Mulungu Kudzibisa Yekha Mu Kuphweka, Ndiye Nkudziwulula Yekha Momwemo
• 21-0110 Mulungu Kudzibisa Yekha Mu Kuphweka, Ndiye Nkudziwulula Yekha Momwemo
• 19-0317 Mulungu Kudzibisa Yekha Mu Kuphweka, Ndiye Nkudziwulula Yekha Momwemo
• 17-0318 Mulungu Kudzibisa Yekha Mu Kuphweka, Ndiye Nkudziwulula Yekha Momwemo

BranhamTabernacle.org

Okondedwa Akakombo Apadziwe

Pa February 28, 1963, Kunagunda. Whii-Whii, Angelo Asanu ndi awiri anabwera kuchokera ku Umuyaya ndipo anawonekera kwa Mngelo Wachisanu ndi chiwiri wa Mngelo Mthenga wa Mulungu. Iye anakwatulidwira mmwamba mu piramidi ya kuwundana. Kenako, mtambo wauzimu unawonekera mu mlengalenga ku Arizona. Icho chinali chizindikiro, Mulungu anali kutumiza mngelo Wake wachisanu ndi chiwiri kubwerera ku Jeffersonville kuti adzatsegule Zisindikizo Zisanu ndi ziwiri.

February 28, 2025, mapulaneti asanu ndi awiri amayenda mlengalenga. Mkwatibwi akudzikonzekeretsa Yekha kuti kudzasonkhana ndi kumva Zisindikizo Zisanu ndi ziwiri.

Inu mukuitanidwa, ndi Ambuye Mwiniwake, kuti mudzasonkhane ndi Mkwatibwi kuchokera kuzungulira dziko, kuti mudzamve Liwu la Mulungu likuwulura Chivumbulutso cha Zisindikizo Zisanu ndi ziwiri.

Tsiku limene aneneri ndi anzeru ankalilakalaka ndi kuliyembekezera kuyambira pa chiyambi cha nthawi, likuchitika. Mngelo wamphamvu amene Mulungu ananena kuti adzatumiza padziko lapansi m’masiku otsiriza wabwera kudzatsegula ndi kuwulula zinsinsi zobisika za Mulungu, kuti Ambuye wathu Yesu abwere chifukwa cha Mkwatibwi wake wokhulupirika ndi kutitengera Ife ku Mgonero wathu wa Ukwati.

Ntchito yanga yoyamba, mmene ine ndimalowa mkachisi watsopano, ine ndimakwatitsa mnyamata ndi msungwana atayima mu ofesi. Icho chikhale choyimira, kuti ine ndidzakhala mtumiki wokhulupirika kwa Khristu, kuti ndipeze Mkwatibwi wokonzekera mwambo wa Tsiku limenelo.

Lero , Mawu awa akukwaniritsidwa. Mulungu akuyankhula kupyolera mwa mngelo Wake, kukonzekeretsa Mkwatibwi Wake ku mwambo wa Tsiku limenelo. Tikutsatira malangizo kudzera mu kalata. Mkwatibwi wadzikonzekeretsa Yekha pa KUKHALA NDI MAWU A MULUNGU PA MATEPI.

Kodi tangomva zotani m’maloto ndi masomphenya? Chakudya, NDI ICHI APA, awa ndi malo. Liwu linati kwa iye, “Liwu linanena kwa ine, “Liwu linanena kwa ine, “Bweretsa mkati Chakudya. Uchisunge Icho mkati. Iyo ndi njira yokha yowasungira iwo pano, ndi kuwapatsa iwo Chakudya.”

Ambiri amakhulupirira kuti iye akungotanthauza, “ingokhalani ndi Mawu,” ndipo izo nzowonadi, iye akunena kuti; koma Mkwatibwi adzawerenganso pakati pa mizere pamene Mkwati akuyankhula kwa Mkwatibwi Wake.

Ngakhale masomphenya amene Mulungu amapereka pa malo ano, iwo ali osamvetsedwa kwambiri. Ndicho chifukwa inu mukundimva ine pa matepi, kuti, “Nenani zimene matepi akunena. Nenani zimene masomphenya akunena.” Tsopano, ngati inu muli maso kwambiri, inu muona chinthu china. Mwaona? Ine ndikuyembekeza kuti ine sindikusowa kuchigwira icho mdzanja langa ndi kukuonetsani inu.

Ngakhale masomphenyawo sanamvetsetsedwe, ngakhale kuti anali atatha kale kupereka matanthauzo kwa iwo. Ndi zomwe amatiuza, ngati simukufuna kusokonezedwa, kapena kusamvetsetsa, Dinani Sewerani kuti mumve ndendende zomwe Liwu la Mulungu likunena.

Ine ndikudziwa kuti Mawu ali ndi matanthauzo apawiri, koma uku ndi kumasulira kwanga: Maloto ndi masomphenya onse ananena chinthu chomwecho; khalani nawo matepi. Ngati inu muli ndi funso, pitani ku matepi. Matepiwo ndi Chakudya chosungidwa-cha Mulungu. Ingonenani zomwe zili pa matepi; musati muwonjezere kalikonse kwa Iwo. Matepi ali PAKUTI ATERO AMBUYE kwa Mkwatibwi. Mawu amadza kwa mneneri, yekha. Mneneri ndi YEKHA wotanthauzira Wauzimu wa Mawu. Mneneri anali woti ayitane ndi kutsogolera Mkwatibwi. Ine ndidzaweruzidwa ndi zomwe zinanenedwa pa MATEPI.

Chilichonse chimandilozera ine ku MATEPI.

Okondedwa anga Akakombo apadziwe, kwa ine, KUSINDIKIZA KUSEWERA NDI MULUNGU MU KUPEKWA KWA LERO.

Mlungu uliwonse ndimakhala osangalala kwambiri; ndi chiyani chiti chidzaululidwe lero pamene Mkwatibwi Wake adzasonkhana kuti amve Uthenga? Ine Ndikudziwa kuti Mzimu Woyera adzakhala akudzoza aliyense wa ife pamene akuwululira Mawu Ake kuposa kale. Ine ndikumverera, pa mphindi iliyonse, Iye adzabwera ndi kudzatitengera ife ku Mgonero wathu wa Chikwati.

Ife tiri, ana aamuna ndi aakazi a Mulungu. Ife Tili, mphukira zochokera kwa Mulungu. Ife ndicholowa cha dziko lapansi. Ife tikhoza kulamulira chilengedwe. Ife tikhoza kulankhula nkukhalapo. Ndife Mkwatibwi!

Tiyeni tidzipereke tokha mwatsopano ku ntchito, ndi kudzipatulira tokha kwa Khristu.

M’bale. Joseph Branham

Tsiku: Lamlungu, Marichi 2, 2025
Uthenga: Mulungu Kudzibisa Yekha Mu Kuphweka, Ndiye Nkudziwulula Yekha Momwemo
63-0317M
Nthawi: 12:00 PM, nthawi yaku Jeffersonville.

Uthenga: 62-1230E Kodi Ichi Ndi Chizindikiro Cha Mapeto, Bwana?

PDF

• 25-0223 Kodi Ichi Ndi Chizindikiro Cha Mapeto, Bwana?
• 23-0625 Kodi Ichi Ndi Chizindikiro Cha Mapeto, Bwana?
• 22-0109 Kodi Ichi Ndi Chizindikiro Cha Mapeto, Bwana?
• 18-1230 Kodi Ichi Ndi Chizindikiro Cha Mapeto, Bwana?
• 16-1218 Kodi Ichi Ndi Chizindikiro Cha Mapeto, Bwana?

BranhamTabernacle.org

Okondedwa Mabwana,

Ichi ndi Chizindikiro. Iyi ndi nthawi. Uwu ndi, Uthenga. Awa ndi Mawu. Ili ndilo, Liwu la Mulungu. Uyu ndi Mwana wa Munthu. Iyi ndiyo, njira yoperekedwa ndi Mulungu. Awa ndiwo mapeto a nthawi.

Palibe m’neneri, palibe mtumwi, palibe, mu nthawi iliyonse, anayamba wakhalapo mu nthawi yotero yomwe ife tikukhalamo tsopano. Zalembedwa m’miyamba. Zalembedwa pa nkhope ya dziko lapansi. Zalembedwa m’nyuzipepala iliyonse. Awa ndiwo mapeto, ngati mungathe kuwerenga zolembedwa.

Iye amene ali nalo khutu, muloleni iye amve zomwe Mulungu anayankhula, ndi kuchita rekodi, kotero iwo sakanakhala mawu anga, maganizo anga, lingaliro langa, koma Liwu lomwe la Mulungu likulangiza Mkwatibwi Wake chimene chiri njira Yake YOKHA yangwiro yoperekedwa kwa lero.

Bwerani ndi kumvetsera pamene Iye akutiuza ndi kuwulula kwa ife mwa malembo, mwa masomphenya, mwa kutanthauzira kwa maloto, kuti tikhale ndi Uthenga, kuti tikhale ndi matepi. Muzinena ZOKHAZO zomwe zili pa matepi.

Palibe njira yabwino, kapena njira yotsimikizika, yoposa kumva Liwu la Mulungu kuchokera kwa Mulungu Mwiniwake. Mulungu analamulira Mkwatibwi Wake polankhula kupyolera mwa mneneri Wake ndi kutiuza ife, KUSINDIKIZA KUSEWERA, munyengo.

Lankhulani Ilo, lilalikireni ilo, chitirani umboni za ilo, ndi kuliwuza dziko lapansi za ilo, koma Iye amatiuza ife kuti pali njira imodzi yokha yangwiro yoperekedwa kuti afikitse Mkwatibwi ungwiro: kumvetsera kwa Liwu la Mulungu pa matepi. Ngati chinachake chikukudodometsani inu, sewerani tepiyo. Iyenera kukhala YOYAMBA, ndipo ndilo Liwu lofunika kwambiri lomwe muyenera kulimva. Ndi Mawu Ake angwiro amene anawayika pa tepi.

Tsopano fanizirani ngakhale ilo ndi enawo, maloto. Awa anali masomphenya. Chakudya, ndi Ichi apa. Awa ndiwo malowo.

Mvetserani, mwa maloto ndi masomphenya, Chakudya cha Mkwatibwi chiri kuti? Malowo ali kuti? Uthenga wa Mkwatibwi uli pa matepi.

Ndipo pano ndimamverera ngati kwathu, kwa ine. Malo ake ndi ano. Ndipo ngati inu mungazindikire, maloto anayankhula chinthu chomwecho, onani, kumene Chakudya.

Kuti atsimikizire kuti ife tiri nacho Icho, iye akutiuza ife kamodzinso, matepiwo ali Chakudya cha Mkwatibwi.

“Palibenso nthawi.” Ngati iyo ili, tiyeni tidzikonzekere tokha, abwenzi, kukakomana naye Mulungu wathu.

Inde, Ambuye, ndicho chokhumba cha mtima wathu, kukonzekera kukumana nanu, kuti ife tikhale Mkwatibwi Wanu. Tichite chiyani Ife Ambuye? Njira Yanu yoperekedwa ndi yotani? Dongolo lanu ndilotani? Njira Yanu yangwiro ndi iti? Inu munatitumizira ife mneneri yemwe Inu mudakhoza kuyankhula naye kuti atiuze ife. Chonde tilangizeni.

Pakhala pali Chakudya chochuluka chimene chayikidwa muno tsopano. Tiyeni tichigwiritse ntchito Icho. Tiyeni tichigwiritse ntchito Icho tsopano.

Kodi munthu angakhale wakhungu bwanji? Iye Amatiuza choti tichite: pa matepi pali chakudya chambiri chosungidwa; chigwiritseni ntchito TSOPANO. Ili ndi langizo la Mulungu kwa Mkwatibwi Wake.

Ngati inu mukuti inu mumakhulupirira Uthenga uwu, khulupirirani William Marrion Branham ndi mneneri wamthenga wa Mulungu wotumidwa kudzayitana Mkwatibwi; moyo wake umakwaniritsa malembo Onse omwe ananena za iye; khulupirirani ilo kuti ndi Liwu la Mulungu la tsiku lino, Kotero IYE; Mulungu, akuyankhula kupyolera mwa mneneri Wake, amamuuza Mkwatibwi mu Chichewa chomveka bwino choti achite.

Ngakhale kuti ife timasekedwa, kuzunzidwa, ndi kunyozedwa chifukwa choti ife timangomvetsera ku matepi, ife tikuchita ndendende zomwe Iye anatiuza ife kuti tichite. Zikomo Ambuye chifukwa cha Vumbulutso.

Ndikufuna kuitana dziko kuti mulumikizane nafe Lamlungu lino nthawi ya 12:00 p.m., nthawi ya ku Jeffersonville, monga tikumva: 62-1230e, “Kodi Ichi Ndi Chizindikiro Cha Mapeto, Bwana?” Tidzakhala tikumva zonse za izo :

Mabingu, Zisindikizo Zisanu ndi ziwiri, Thanthwe la Piramidi, Chakudya Chauzimu, Muyaya, Kuwundana kwa Angelo, Likulu Langa, Masomphenya, Maloto, Uneneri, Zinsinsi Zobisika, Lemba pambuyo pa Lemba.

Palibe chinthu china chachikulu m’moyo uno kuposa kumva ndi kumvera Liwu la Mulungu.

M’bale. Joseph Branham

Malemba:
Malaki Chaputala 4
— Mateyu 13:3-50
Aroma 9:33; 11:25; 16:25
1 Akorinto 14:8/15 Mutu
Agalatiya 2:20
Aefeso 3:1-11 / 6:19/ 5:28-32
Akolose 4:3
1 Atesalonika 4:14-17
1 Timoteo 3:16
Ahebri 13:8
2 Petulo 2:6
Chivumbulutso 1:20 / 3:14 / 5:1 / 6:1 / 10:1-7 / 17th Chapter

Uthenga: 61-0806 Sabata La Makumi Asanu Ndi Chiwiri La Daniele

PDF

• 25-0216 Sabata La Makumi Asanu Ndi Chiwiri La Daniele
• 16-1126 Sabata La Makumi Asanu Ndi Chiwiri La Daniele

BranhamTabernacle.org

Okondedwa Iwo Akuyang’anira Ndinso Akuyembekenzera,

Pali chisangalalo pakati pa Mkwatibwi kuposa kale. Tili pa kuyembekezera kwakukulu; Chaka chathu chachisangalalo chikukonzekera kuti chichitike. Mkwatibwi wayembekezera motalika kwambiri kuti tsiku ili lifike. Mapeto a nyengo ya m’badwo wa Amitundu yafika ndipo chiyambi cha muyaya ndi Ambuye wathu chiyamba posachedwapa.

Ife tikumvetsa nthawi yomwe tikukhalamo pa kumva Mawu. Nthawi yatha. Nthawi ya Mkwatulo yayandikira. Tafika. Mzimu Woyera wabwera ndi kuwulula kwa Mkwatibwi Wake zinthu zonse zazikulu, zakuya, zinthu za zinsisi.

Ife tiri mu kusimidwa, kufunafuna Mulungu; kudzikonzekeretsa tokha. Tataya zinthu zonse za dziko lino. Zosamalira za moyo uno sizitanthauza kanthu kwa ife. Chikhulupiriro chathu chafika patali kwambiri kuposa kale lonse. Mzimu Woyera ukumupatsa Dona Wake wosankhidwa Chikhulupiriro chokwatulitsa, kotero Iye akhoze kubwera ndi kumuchotsa Iye.

191 Masabata sikisite naini awa analondolera mwangwiro; kupita kwina kwa Ayuda kumalondolera mwangwiro; m’badwo wa mpingo umalondolera mwangwiro. Ife tiri pa mapeto a nthawi, nthawi yotsiriza, m’badwo wa mpingo wa Laodikaya, kutha kwa iwo. Atumiki nyenyezi onse alalikira uthenga wawo. Iwo wapita kunja. Ife tikungogubuduka.

Ndi nthawi yodabwitsa bwanji yomwe Ife tikukhalamo. Ndi nthawi yovuta kwambiri pamene m’dani akulimbana ndi aliyense kuposa kale. Iye akuponya zonse zimene ali nazo kwa ife. Iye ali mu kusimidwa, chifukwa akudziwa kuti nthawi yake yafika kumapeto.

Koma panthawi yomweyomweyo, Ife sitinakhalepo osangalala kwambiri mmiyoyo yathu.

• Sitinakhalepo pafupi ndi Ambuye.
• Mzimu Woyera amadzaza mum’tsempha uliwonse wa thupi lathu.
• Chikondi chathu pa Mau ake sichinakhale chokulirapo.
• Vumbulutso lathu la Mau ake limadzaza moyo wathu.
• Tikugonjetsa mdani aliyense ndi Mau.

NDIPO, sitinakhalepo otsimikiza kwambiri kuti ndife ndani:

• OKONZEDWERATU
• OSANKHIDWA
• OSANKHIDWA
• Mbewu Yachifumu
• OKOMA APA MTIMA
• AMUYAYA, IWO OVALA MWINJIRO WOYERA, MAYI JÉZU, OMVETSERA KU MATEPI, OWUNIKILIKIDWA, NAMWALI WOLANGIDWA, WODZAZIDWA NDI MZIMU, WOSAGONJETSEDWA, WOKHAZIKITSIDWA KWAUZIMU, WOSAIPITSIDWA, MKWATIBWI WA MAWU NAMWALI.

Mchiyani Chikubwera chotsatira ? Mwala ukubwera. Tikuyang’ana, kuyembekenzera ndi kupemphera mphindi iliyonse tsiku lililonse. Palibenso china chilichonse chovuta koma kudzikonzekeretsa tokha pa kubwera kwake.

Sikuti, “Tikuyembekeza choncho”, TIKUDZIWA. Kulibenso zokaikitsa zochuruka zina zilizonse. Mu M’kamphindi, m’kuthwanima kwa diso kudzakhala kuti kwatha, ndipo tidzakhala kuti tili kumbali inayo ndi okondedwa athu onse ndi IYE pa Mgonero wathu wa Ukwati.

NDIPO ICHO NDI CHIYAMBI CHABE …NDIPO KULIBE MAPETO!!

Bwerani mudzakonzekere Mgonero wa Chikwati uwu nafe Lamlungu lino pa 12:00 P.M., nthawi ya ku Jeffersonville, pamene Mulungu akuyankhula kupyolera mwa mngelo Wake wamphamvu, yemwe Iye anamutuma kuti adzatsogolere Mkwatibwi Wake, monga iye akuuzira, ndi kuwulula, zinsinsi zonse za Mulungu.

M’bale. Joseph Branham

Uthenga: 61-0806 – Sabata La Makumi Asanu Ndi Awiri La Daniele

Uthenga: 61-0730E Cholinga Chofutukuka Pasanu Ndi Kamodzi Cha Gabrieli Kudzacheza Kwa Daniele

PDF

• 25-0209 Cholinga Chofutukuka Pasanu Ndi Kamodzi Cha Gabrieli Kudzacheza Kwa Daniele
• 16-1125 Cholinga Chofutukuka Pasanu Ndi Kamodzi Cha Gabrieli Kudzacheza Kwa Daniele

BranhamTabernacle.org

Wokondedwa Mkwatibwi Wa kukondwera,

Tayang’ana nkhope zathu Kumwamba m’mapemphero ndi mapembedzero kuti tipeze tsiku ndi ola lomwe tikukhalamo.

Monga sizinachitikepo kale lonse, ife tikukhala pamodzi mu malo amwambamwamba, kuchokera kuzungulira dziko, kumva Mulungu akulankhula ndi kuwulula Mawu Ake kwa ife kupyolera mwa mngelo Wake wamphamvu wamthenga. Mngelo wapadziko lapansi wamthenga yemwe Atate anamutumiza kwa Mkwatibwi Wake mu tsiku lotsiriza ili kuti awulule Mawu Ake.

Gabrieli ndi mngelo wa anthu osankhidwa a Mulungu, Ayuda. Koma kwa Mkwatibwi Wake wa Amitundu, Melkizedeki Iyemwini anabwera ndipo anayankhula kupyolera mu thupi la munthu mwa mngelo wapadziko lapansi wotchedwa William Marrion Branham, kotero kuti Iye akhoze kulankhula ndi kuwulula Mawu Ake ONSE kwa Mkwatibwi Wake wokondedwa wapamtima.

Iye anali nalo ilo likujambulidwa, kusungidwa, ndi kusamaliridwa, kotero kuti Mkwatibwi akakhale ndi Chakudya Chake chauzimu, Manna obisika, mmanja mwawo miniti iliyonse ya tsiku lirilonse mpaka mapeto a nthawi.

Mkati mwathu ndimodzazidwa ndi kudzoza komweko pomwe tikunva Liwu la Mulungu kuwulula Mawu Ake kwa ife. Momwe Iye amavumbulutsira Mawu Ake kuti tithe kuwona bwino bwino ndi kumvetsetsa tanthauzo lake. Ilo likuwulula ola lomwe tikukhalamo, Limatiuza ife amene tiri ndi chimene chiti chichitike posachedwapa; Mkwatulo wathu ukubwera posachedwa.

Iye akuwululira kwa Mkwatibwi Wake zomwe ziti zichitike pano pa dziko lapansi pamene ife tiri naye Iye pa Mgonero wa Chikwati. Momwe Iye adzatsegula maso akhungu a osankhika ake; iwo amene Iye anawachititsa khungu chifukwa cha Mkwatibwi Wake wa Amitundu.

Abwenzi anga, ndikudziwa mmene tatopela ndi dziko lino ndipo tikulakalaka za kudza kwake kudzatichotsa, koma tiyeni tisangalale ndi kuyamikira zimene zikuchitika pakali pano pamaso pathu.

Tiyeni tikweze manja athu mmwamba, mitima yathu, mawu athu, ndi kukondwera. Osati kokha kuti tikuyembekezera zimene Iye ati atichitire posachedwapa, koma tiyeni tikondwere ndi zimene Iye akutiululira ndi kutichitira ife TSOPANO.

Iye akutiuza ife kuti ndife Mkwatibwi Wake wokonzedweratu akulumikizana limodzi ndi Iye ndi Mawu Ake. Iye akutitsimikizira mobwereza bwereza, ife tiri mu Chifuniro Chake changwiro pokhala ndi Liwu Lake, Mawu Ake, mngelo Wake. Iye Watipatsa ife CHIKHULUPIRIRO chodziwa ndi kuzindikira cha chomwe Ife tiri:
MAWU AKE OKHALA MTHUPI.

Tilibe kanthu koti tizikawopa; tilibe kanthu koti tizidandaula nako; tilibe kanthu koti kazitikwiyitsa. Kodi ndikudziwa bwanji zimenezo? MULUNGU ANANENA CHOMWECHO! CHONCHO TIYENI TIKONDWERE, KHALANI OSANGALALA, KHALANI OYAMIKILA; MAWU AMOYO AMAKHAKHALA NDI KUKHALA PAKATI PATHU. NDIFE MBEWU YAKE YAPAMWAMBA YAUFUMU.

Ine Zoonadi Ndikukhulupirira kuti Ambuye akuyeneranso kukhala wokondwa kudziwa kuti nthawi yafika ndipo tadzikonzekeretsa tokha pokhala wowona ndi mokhulupirika ku Mawu Ake.

Monga mnyamata wamng’ono yemwe anayang’ana pa kalilole kwa nthawi yake yoyamba, ife tikuyang’ana mu Mawu Ake, kuwona yemwe ife TILI. Ambuye…NDI INE. Ine ndine Mkwatibwi wa Mawu Anu amoyo. Ine Ndine amene munasankha. Ine ndiri mwa Inu, Inu muli mwa ine, ndife amodzi.

Kodi Ife sutingakondwerere bwanji ndi kukhala anthu osangalala kwambiri amene anakhalapo padziko lapansi? Oyera ndi aneneri onse tisanakhalepo ife ankafuna kukhala mu tsiku lino ndi kuwona malonjezo awa akukwanilitsidwa. Koma mwa CHISOMO cha Mulungu, Iye anatiika IFE kuno.

Sitingadikire:

Uuu, mai! [M’bale Branham akuwombetsa manja ake—Mkonzi.] Psyuu! Mwa kuyankhula kwina, pamene mdani akhala atachotsedwa, mapeto a tchimo abwera, kubweretsamo kwa chilungamo chosatha kutabwera, Satana akusindikizidwira mu dzenje lopandamalire, ndipo chidziwitso cha Ambuye chidzaphimba dziko lapansi monga madzi aphimbira nyanja. Ameni! Ulemerero kwa Mulungu! Izo zikubwera, m’bale, izo zikubwera!

Kodi ndi Kudzoza kotani kumene kudzakhala kukuchitika Lamlungu pa 12:00 P.M., nthawi yaku Jeffersonville, pamene ife tidzasonkhana palimodzi kuchokera kuzungulira dziko kuti tidzamve mngelo wa Mulungu, Liwu la Mulungu kwa Mkwatibwi, kutibweretsera ife Uthenga: Cholinga Chofutukuka Pasanu ndi Kamodzi Cha Gabrieli Kudzacheza Kwa Daniele 61-0730E.

M’bale. Joseph Branham