Category Archives: Uncategorized

25-0112 E’yo Eceza, Capta Su Esele III

‘Ba ‘Dani’dani Leletu ‘Diyi,

Eri sawa amani bongo driniri truzu ani egata mini orindisiri suzuri’i, a’disukuni Munguni ecaria gonde Ima Amuro dri E’yo Eceza Ima E’yoni angiri dikani fezu.

Eri nga mu amadri e’yo nileku vule ‘daleri piniri ki ece. Eri mu lu amadri a’duni mu pari ‘du dile ‘dile ni yari. Afa ‘ba azi dria Bibilia ma aari pini lu ndra ne kaniku eririki, Eri mu e’yo wereru wereru aliru dria Eri ma E’yoniri ece efi Eriniri be ama dri. 

Ama mu afa ecetaru Bibiliani ri ama efiki eri azini va; O’baza Idrururiki, Miri Mararuri, Kami ni, Koja ni, ‘Baadani, Aji ni, Ogunga Yikiniri, Asikariki, ‘Ba ‘Waraki, O’dukoki, Terioni pi, Zooni pie. 

Ama nga e’yo eri azini va asikari E’yo Okuriniri pi ma dria dria. Yuda: Asikari Kala Etuniefurialeruri’i; Efuremu: asikari Kala Etun’derialeruri’i; Rubeni: Asikari Kala Andraleruri’i; azini Dani: Asikari Kala Uruleruri’i.

Afa azi yo ndra ecopi emupi ogunga yikimiri ma ageia ara suru ‘da ki alikokoru ni yo.  Kamini, ondoa ‘baniri’i; Monioni: akanya-aziniri; Aji ni: Eri ma onguturi.

Geri ‘Buni, nyaku pi, afa aga ‘diari pie, azini dria arari pie, yini ndra ovuzu asikariruri kiri.  Azini uru eri ma driari ndra Aci Piriruri. Afa azi yo ndra ogunga yikiniri elopi suru ‘daki alikokoruri.

Sawa ‘disi asikari E’yo O’dirini: Matayo i, Marako i, Luka i azini Yohana i, ki muria kpi drile.   Kali tile etu ni efurialeruri ageini tezaru kami vusi, kali tile uruleruri ageini tezaru aji sapisasari vusi, Yohana ‘ba e’yo ba olupiriniri’i. ‘Dini ‘ba ojoruri kala ‘di ma dria, Luka i, ‘ba adani.

E’yo Ba su riki Asindriza Pentekotisiniri ama agei te E’yo Siza driasi afa ko’bori yini ‘yoriki atizu. Ani sawa ‘disi ‘Yeta ‘Ba Ojioruri piniri andrusi ece E’yo Ba surikisi kini Yesu Kristoni alurile aje, andru azini ‘dani ‘dani.

‘Ba odu osuza be Mungni adaruri ka e’yo nze, eri O’duko Munguniri’i! Ama di lu le tre, “Alatararu, alatararu, alatararu, Opi dri!”

Geriko azi lu yo luzu rue’dazu Erivusiri. Mgbaria, ama ecokini ama se Erivusi ku, a’disikuni Eri muni I se ama vusi ku. Ama a’buzaru kpere O’du ama onzetanirisi. Afa azi yo drile’dile, yo sawa ‘disi, e’yo ewaruki, abiri pie, yi vico pie, dra pie, kaniku AFA AZI YO, ecopi ama esele copi ale Munguni Kristo Yesu ma aliari be rari.

Dere wudrikuri ma vuti ovuni ndra o’bazaru nga ku ama ruki ndra sizaru Kabilomva ma Buku Idriniri ma dria DIZA ‘Di nezu, O’duko ‘Di aizu, O’dukoti ‘Di a’izu, Orindi Alatararu o’du amaniriniri aizu azini acizu Eri aa.  Kabilomvani ndra ovuzu ‘dizaruria, AMA RUKI ndra ‘bazaru Buku nde ma dria sawa alu Kabilomva ma Ru ni ndra ovuzu ‘bazaru ‘daa ria. DIZA!!

Ani, afa azi eco ama esele co engazu O’dukoti ‘divusi ku. Afa azi eco ama esele co engazu O’duko ‘davusi ku. Afa azi eco E’yo Eceza E’yo ‘Diniri ‘du engazu ama vusiku. Eri amani. Mungu omve ndra ama azini pe ndra ama azini ‘ba ndra ama okoru. Afa dria ki amani, Eri amani.

Geri lu alu ‘di isuzu driari. Le mi ma ovu ojizaru yi E’yoniri si. Le mi ma eri E’yo nde raka mi ecozi fizu ‘Daa ndo. Azini geri lu alu mini ecozu emuzu Munguvuri, ‘da A’itasi. Azini A’ita ni emu eritasi, E’yo Munguni, engapi ovupi egbizaru engazu Pari Alatara Alatararuniri alia efizu ‘ba o’dukoti ojipi ayi ndeniri alia ri erilerisi.

Ani, ‘dia malaika ayi kanisa ndeniri ni i egbiria yi ‘da ma alia Agu ‘di aa ‘dia A’di’i yari, Eri ma yiki egbiria, E’yo Erini pie, e’yo liza Erini pie, Eri ma Ru be.  Driari ni egbizaru aa ‘dia angu mini ovuzu esele cozaru Eri a’izurisiri ma alia. Evaki ra ya?

Emi soki pa tepupi ma eritasi ku, emi oaki lu Eri be. Emi onda Eri E’yo sizasi ani nezu Eri ada yari. Eri Mungu ma Geri fe andruni ri’i.

Emi muki ruecizu amabe sawa Egbeni ‘disi amani rueciria tualu engazu wudrikurusi ara ani O’duko Munguniri erizu Ima E’yo ecezu Ima Amuro kile nga driori le ku. Odu osu azi angiri tu aga avizuri ekpazu azini Eri ma O’duko erizurira ni yo.

Engazu aliru asi mani alia, Ma eco ‘yo: Ma ayikosi tu ma eco ‘yo ra ma Yi ma Azi emi ma alu aluri pie risi.

Adri. Joseph Branham i

O’dukoti: 61-0108 – “E’yo Eceza, Capta Su Esele III”

Sawa: sawa azia etusi (12PM), Jeffersonvili saa si (8PM Ugandaa).

24-1208 Ayi Kanisa Lodikeaniri

‘Ba Opezaru Leletu ‘Diyi,

Mi ne, ma pa so jotile kpozᴜ; ‘ba azini ka o’duko mani eri, ka jotile zi, ma nga fi eri vᴜ, ama nga nyaka nya eri be, azini eri’i ma be.

Azingaza e’yo oluzani la, mi nzi jotile miniriki malaika Munguni rini dere ovuni nga vutivutiru ku. Emi ‘baki O’duko Munguniri vule alitara emini pi ma dria tepuki avizurisi. Eri O’duko Munguni lu alu o’du amanirini E’yo enzolipikuri be ri’i. Eri O’duko lu alu ‘Di Opi ‘Yoni beri’i. Eri O’duko lu Amuro driari ni ecozu AMENA ‘yozu erinira ri’i. 

Eri ayi amborutu driari pini ri’i. Yesuni amani e’yo ece Ima ngulupi ma dria o’du Eri ma yiki niri pini yi deria.  Sawa eca’di asiza ama alia ‘bo. Eri ece Ima obi mbgariki amani ‘bo ayi asizu ‘di ma alia. Eri fe amani Ima Oaza Munguru dizaru azini ururi nezu paale asizurisi ‘bo. Ayi ‘dini onidri e’yo eceza Eri ma Ngulupiniri’i.

Mungu emu ndra ayi Lodikeani ‘di ma aa azini nze ndra e’yo ruati ‘ba adani vusi. Eri ma O’duko ovu ‘duzaru azini tambazaru Ima Amuro ma dri cezu azini ‘bazu kililiru. O’duko azi lu nduni ‘yo ecopi Eri ma Amuroni ‘bapi kililiruri te Eri ma Ngulupi ma O’dukoni.

Ayi asizu ‘di ma aa, Eri ma O’duko tepu ma driari enga ovu ‘bazaru kalaa; ‘duzaru amve kanisa pi ma aasi. Yi aviki lu tepu ki ku. Ani Mungu ‘yo di, “Ma emuria emi rua dria onzi. Ma nga emi wi amve Ma tiliarisi. ‘Di asiza ni.”

“Ayi aziri engazu aziri ‘diyi ma aa, Ma ndreni afa azini ni ku te ‘di lu ‘ba e’yo yini riki ‘bapi amboru Mavuri ma drilia ‘diyi. Ani di ayi ‘di ma asitasi Ma nga emi wi amve Ma tiliarisi ra. Eri di dria dezaru’bo. Ma mu e’yo nze muke. Ee, Ma Kanisa ma eselea ‘dia ci. Amena Munguvu ri’i, a’itabe azini ada i nga Ima ngulupi ece ra azini eri nga OVU MA NABI VUSI.”

Kile erini engazu alipi’bori le, yi nzuria adaru rusizu kile yi ma abipika o’du Ahabunisi ri pile.  Yi ndra ‘ba turu su azini yi ndra dria ti eciza ma alia; aziini yini dria afa aluri ‘yozurisi, yi oleki ndra ‘baki ra. Te nabi ALUNI, LU ALU, ni ndra ‘yeke azini asipiriki ndra dria enzoru a’disiku Mungu fe ndra e’yo eceza nde LU ‘BA ALU VU.

‘Di ovuni ‘yoria azingaza azi ‘diyi dria enzoru azini ‘baki eci ‘dini ku. Ma ‘yoni vini kini ‘ba ovupi omvezaru e’yo oluzuri eco e’yo olu kani emba ku ‘dinini ku.  Ma ‘yoria kini azingaza geri-towisiri ADARURI ni nga TEPU, Mungu ma O’duko Amuro driri, KI ‘ba O’duko orodriru ndeni LE emi ma ERIKI riru.  O’duko tepu pi ma driari O’duko LU engapi ovupi e’dazarura Mungu ma Ngulup vusi ovuzu ‘Di Opi Ni ni ri.

Emi te emi agei nabi inzorᴜ ‘diyisi, a’disikuni yi ‘balau adrarᴜri ki.

Mi nga adaru geri ‘yeke andruniri ni ngoni ru? Awata a’i’ba pi ma eselea tu. Ongulumu aluri ni ‘yo azingaza geri-towisiri ni nga Amuro ni ‘ba kililiruni, isu aziri ni ‘yo mi Ekpa lu Avizuri’i. Le ama ma ovuki awazaruku; Le ama ma eci ama AMURO ALURU. Omvitani ‘yekeri ngo’i?

Ama ma nziki ama asi amaniki tualu ani afa Munguni ‘yo trai Ima nabi vusi Amuroniri erizu. A’disiku ama dria a’i tualu ra, Adripi Branham ni ‘ba o’dukoti ojipi Malaika azirizuri’i.

Lu nga ini adriza ‘ba adani risi a’dule, ‘ba cini ni ra kini angu ‘ba kakauni ‘ba pini ovuzuria egata awazaruni ki vini indi e’yo werewereru embata kulu yini bi tualuri pi ma alia. Te di a’dini nga mu ovu okpo onzi ‘yepiku ngapi mupu ovupi ogozaru ro ayi asizu ‘di aliari be ni, a’disikuni ayi asizu ‘di ni muria vule e’data Amuro E’yo Kililiruri vu? ‘Da ma efi kini ama nga ovu E’yo be pale alu dika ekile erini ndra ovuzu fezaru kililiru, azini vazaru kililiru o’du Pauloni kisi rile. Ma nga lu mi dri a’dini nga ovu eri’beni yari ra. Eri nga ovu nabi azi ovupi e’daru ada adaru ra ‘dile ni, kaniku ata ovupi e’dazru ndindi aga nabi azi ci nini ra ayi dria pi aa engazu Enoka vu kpere o’du ‘disi, a’disikuni angu ‘di ni nga ovu azi ngaza nabiru okuru ovupi lezaru ra ni me, azini Munguni nga eri e’da ra. Leni erini ku e’yo nzezu ima ngulupi ma dria, Munguni nga e’yo nze erini ni O’duko ovupi e’dazaru ra risi. Amena.

Ani, O’dukoti nzezaru Eri ma ‘ba o’dukoti ojipiri vusi ‘di ni ndra kililiru fezaru, azini eri kililiru vazaru.

Afa azi dika Munguni ndra ‘yo Ima ‘ba o’dukoti ojipi malaika azirizuri ma dria eri ma O’dukoti beri a’duni?

Eri nga lu e’yo eri engazu Mungu vu.

Eri nga ovu “di Opi ‘yoni be” azini e’yo nze Munguni.

Eri nga ovu tile Munguniri’i.

ERI, KILE ERINI OVUZU AZIZARU MALAKI 4:6 RILE, NGA ASI ANZI PINIRI KI OJA VULE ATAPIKA PI VU.

Eri nga ‘ba opezaru o’du asizuri niri ki eji ro azini yi nga nabi ovupi ecezarurari eri e’yo ada mgbari fe kile erini andra ovuzu Paulo be rile.

Eri nga e’yo adari ma dri ogo kile yini andra ovuzu eribe rile.

  • Eri nga lu e’yo eri engazu Mungu vu.
  • Eri nga ovu “di Opi ‘yoni be” azini e’yo nze Munguni.
  • Eri nga ovu tile Munguniri’i.
  • ERI, KILE ERINI OVUZU AZIZARU MALAKI 4:6 RILE, NGA ASI ANZI PINIRI KI OJA VULE ATAPIKA PI VU.
  • Eri nga ‘ba opezaru o’du asizuri niri ki eji ro azini yi nga nabi ovupi ecezarurari eri e’yo ada mgbari fe kile erini andra ovuzu Paulo be rile.
  • Eri nga e’yo adari ma dri ogo kile yini andra ovuzu eribe rile.
  • Azini di Eri ‘yo ndra e’yo ama dria ngoni?

Ani ‘ba opezaru eri be o’du ‘da ma aliari nga ovu ‘ba adaru Opi ni e’dapi azini ovupi Ruati Erini azini ovupi O’duko Erini azini azi Erini ngapiri ki. Haleluya! Eneki eri ra?

Mi ka nga kiri ovu abaza azi cini alia, mi zi Munguni Orindi Eriniri si mi gazu azini mi dri cezu, a’disikuni E’yo ‘yo kini, “‘BA PEZARURI CAKINI NGA OVU OLEZARU KU”. ‘Ba azi yo ecopi mi olepi ra ri mi ka ovu Amuroni ria.

Metodist e’deki ra, Mungu enga ndra ‘ba azi ‘diyi ra ani di eri mu di drile ayi pi ma elesi kpere o’du asizu ‘di ma alea ‘ba azi ki di vini dika ci angu ma dria, mupi ovupi o’duko asizu ayi asizuri ni yi ma ‘ba o’dukoti ojipiri ma palaa ri’i.

Ee culu. Kanisa ovuni di dika ku “tile” Munguniri. Eri ima ngulupi ma tile ni. Ani Mungu ni di ruoja erivusi. Eri nga eri aba trai nabi vusi azini amuro vusi, a’disiku o’duko Mungu vuri ni nga ovu eri ma aa.  Ee eri ‘dini, a’disikuni eri ‘yo capta asizu E’yo Ecezani ria vasi 17ia, “Orindi pi amurᴜoᴜ be yi ‘yora, Mi emu.” Pale alu dika wudrikuru ni nga e’yo eri kpi engazu Mungu vu kile ndra Pentekotisitiari le; te nile’borile Amuro E’yoru ‘da ni nga ovu gazarusu kile ndra ayi okori vuri le.

Amuro ovu o’duko be ci, te eri nga lu afa ovupi tepu pi ma driari ‘yo. A’disikuni O’duko ‘da ni KPI ENGAZU MUNGU VU, ani eri leni e’yo efi eceza ku erini ovuzu ndra fezaru kililiru azini vazaru kililirurisi.

Mi emu ruecizu amabe Sabatu ‘disi sawa azia Etusi (12PM) Jeffersonvili saa si (Saa Iri Ugandaa), amani O’duko ‘da eriria amani: Ayi Kanisa Lodikeaniri 60-1211E eriria.

Adri. Joseph Branham i

24-1201 Aliria Mudri, Azini Yahudi Alifu Turu Alu Kali Su-Drini Suri Ki

Mesegi (O’dukoti): 60-1211M Aliria Mudri, Azini Yahudi Alifu Turu Alu Kali Su-Drini Suri Ki

BranhamTabernacle.org

22-1124 Ayi Kanisa Filadelefianiri

Mesegi (O’dukoti): Ayi Kanisa Filadelefianiri 60-1210

BranhamTabernacle.org

Ataza Yesu Kristo Leleturi,

Sabatu ‘dini nga mu ovu a’dube Amuro Yesu Kristoniri ni? Afa dria Orindi Alatararuri ni mu ece amaniri a’duni? Vata Kililiruri’i. Ama nga sawa ‘disi treru va E’yo Ecezasi, e’yo aluri o’bizu aziri vurisi azini e’yo ecetaru endrikaru ‘diyipi vusi. Yesuni Mukati Idriniri adaruri’i. Eri Eri ma pi ri’i. Eri Mungu Aluni. Eri Ebrania 13:8 i. Eri MA INDI i.

Kristo’i, e’dazu ruati alia azini Ima ngulupi ma Ari ‘dazurisi, ‘ba ama ezataki te ‘bo pale alu azini dridriru Ima ngulupi owizurisi; ani Eri ‘ba di sawa ‘disi ama KILILIRU. Eri ma idri mgbari ama aa. Eri ma Ari oji ama ‘bo.  Eri ma Orindi ni ama ga tre. Cota Eriniri ati ama ‘BO.

Eri ma E’yo ni ama asia azini tilia. Eri Kristo’i idri amani pi alia azini afa azi ndunini ku, afa dria idri amaniriari pini afizu afa tokoru ma alia ria, Eri’i azini E’yo Erini kuzu kalasiria.

Asi amaniri ni nga ovu tre ayikosi Erini amani Eri ma azita Mungururi luria, Eri ni ndra ko’borura Ima Amuro ni ta mu ovu a’di’i yari. Geri erini ndra ama pezuri. Eri omve ama ni. Eri dria ndra amasi. Eri ofe ndra ajeni amani azini ama Erini azini Erini a’dule.  Eri e’yo nze, azini ama ru, a’disikuni eri ayiko amaniri’i. Ama afa Erini pi ni ki azini Eri ovu ‘ba azi ‘duni be ku te AMA’I. Eri ama Opi Opiniri’i azini ama Eri ma karini. Ama afa Erini ‘dani ‘dani’danini’i.

Eri nga amani okpo fe azini diza fe ama dri Eri ma E’yo O’dukorusi. Eri nga ndiriru e’da azini ece kini I Jotile kabilodri ri’i. Eri Alifa azini Omega iritro. Eri Ata’i, Eri Mvi’i, azini Eri Orindi Alatararuri’i. Eri alu, azini ama Alu Eri be azini Eri aa.

Eri nga amani asiteza emba, kile Erini ndra ‘ye Iburahimu dririle, geri le ama ma ovuki asitezasi azini ama taki tini akaki le azini cini isurarisi eceria.

Eri nga mu nditiriru o’du amani oazu aleniari e’da ra. Geri trata dininiri ni ngazu muzu okporu geri politikinisi, azini nga avatuza ‘ba gamete ma dria ;ba dria ni ruecizu eribe trai ayota azita suruniri vuti bizurisi, ani ‘ba azi muni ovu amazaru kanisaru ku pelu ruecizu kpi kaniku geri azisi dini yi ma tratani ri be ka.

Eri geri ‘ba kakau pini ngazu fizu afa nde alia, egaria kini yi azi ngaria Mungu dri

azita ni amuti diniru ‘da ma aaria. Te Eri luria amadri, “Emi ma ovu ori be ku, a’disiku Amuro muni nga ovu olezaruku, ama nga oa Eri ma E’yo be, Eri ma O’dukoni.”

Eri nga mu ovu avaru ngole ya Erini luria amadri: “Emi ovu kirikiri, etaki tini. Isudri ‘buaku, te isuki afa ombani Munguni ‘driari, nyafe driaki, feta dria Mani fe emi dri ri emini ayuzaru. Emi ma isuki avaakoku leleturi, emulu angu nezu drile ayiko be a’disikuni oku ni nga mu ovu suzaru emi dria Ma vusi, emi Meleki Melekini ri’i azni Opi Opiniri’i, emi Agupi’i.

Emi ma kanisa Adaruri’i: hekalu Munguniri ma mgba Orindi Alatararuri vusi oapi emi ma aari’i. Emi nga eca ediafeki hekalu o’diri alia;

iti ‘baza jo sile ururi bipiri ma mbgari’i. Ma nga emi ‘ba ‘ba agaza isupiriru ‘bati opele ‘diyi be azini nabi pie, a’disiku ma fe emi dri E’yo Eceza Ma E’yoniri ‘bo, Ma ngulupiniri.

Eri nga mgboru ece amadri kini ama ruki ndra sizaru Eri ma Kabilomva ma Buku Idriniri alia nde nga wudrikuru ma vuti ovuni o’bazaruku. Ama ani di ovu Eri ma onunga ma drilea etusi azini inisi azi ngazu Eri dri Eri ma hekalua. Ama tambaza nduru Opini ‘diyi; Ama Eri ma Amuro’i.

Ama nga ovu ru o’dini be Eri ma ru ‘duzu risi. Eri nga ovu ru fezaru ama dri sawa Erini nga ama ‘duzu Ima ngulupivu risi. Ama nga ovu Eri ma Ataza. Yesu Kristo’i.

Yerusalemu o’diri ni emuria vaa engazu Mungu ‘buarisi, Amuro osule onyiafasi ima Agupiniri’i. Dra muni nga ovu dika ku, candi pie, awu wuza pie.  Rua suza indi ngani ovᴜ dika kᴜ ; e’yo oko ‘diyi aga ‘bo. Mungu ma aziza dria onyiru ‘diyi nga pari ‘du. Ojata ni nga pari ‘du dria.  Kabilomva ki amuro Erini be ‘dani ‘dani ni nga ovu ‘bazaru kilili Munguni driari ma alia.

Ataza Yesu Kristo Leleturi, OROBI MA OBI MI DRINIA. Eri nga ovu onyiru tu aga mini dria egari ra.

Ma mi a’i emuzu ruecizu amabe Sabatu ‘disi sawa azia etusi (12pm), Jeffersonivili saa si (8pm Ugandaa), ama Agupi, Yesu Kristoni e’yo nzeria trai Ima ‘ba o’dukoti ojipi malaika amboru azirizuri vusi ani ama dri afa ‘diki dria oluria.

Adri. Joseph Branham i

O’dukoti: Ayi Kanisa Filadelefianiri 60-1210

24-1110 Ayi Kanisa Tuatiraniri

Mesegi (O’dukoti): 60-1208 Ayi Kanisa Tuatiraniri

BranhamTabernacle.org

Amuro Dizabe’bo Leleturi,

Geri Opini ecezu amadri kini ayi dria pi alesi ongulumu azi wereru tuni engaki sawa dria oa Eri ma E’yo be niri. Yi awiki ndra e’de onga oletani ari’boniria ku ye, te awiki ndra adaru azini a’itaru E’yo o’du yiniri niri vu.

Te sawa azi nga drio yo, kaniku ongulumu ‘ba pininiki, Opini engazu ovuzu yisi afusi tu, kani ovuzu apitabe tu, aga ama ra ni yo. Ama Eri ma Oku Amuroru Pele’bo ngapi mupi, ata vini tuni, CAPI NGA KU, ovuzu olezaruri; a’disikuni ama Ocepi ma O’duko eri azini Eri ma vuti bi.

Eri e’da amani kini ayi pi ma alesi dria ongulumu ‘bani ma obi enga ovu iri, iritro ‘yoria yi ma e’yo eceza enga Mungu vu azini yi Mungu be enyia. Te Eri lu ndra ama dri, Opi ni ‘ba Iniri ki ra. Eri yi ma egata pi ma vutiki bi.  Eri ni afa yi ma asiari ci. Eri azi amaniki ne oazu Nabi be azini Eri ma E’yo be risi, ovupi afa adaru afa ama aari a’duni yari ecepiri’i. Afa ama omiariki, asisile amani pie ki nizaru Eri dri ci Erini ama ‘yeta driariki neria. 

Eri luria amadri kini aziza dria Erini fe ayi alu aluniri, ki AMANI. Eri ama mupi drile Eri ma azi nga’ba a’itasi ‘diyi neria kpere asiria.  Eri FE AMADRI okpo ‘bo suru pima dria.  Eri lu ama dri ama drice’ba okporu, ecopira, aguzaruku ecopi ruotipi ra okpo driasi oata ciri beri ki.  Ata ari’bo ovupi avabe ndeni ri  nga ovu anzuzaru ka ovu lezarura ria.. Ama e’data dricezani Eri ma Okposi ri nga ovu ko’bo Mvi nde vu mgbari le. DIZA!!

Ama etumuki ali Munguniri idri amani alia ‘bo. Eri drifuta ngulupini Orindi Munguniri ni aozu ama aa ni’i.  Dizani emu omi amaniri pi ma aa Ondoa azini nita Mungunirisi trai Eri ma E’yo vusi. 

Ama mu angu ci Izio ni ovuzuria. Eri cani nga ama ku ku. Ama cani nga ije Erini ku tuaku. Ama nga ongunga ale tuala Eri be. Ama nga ovu suzaru dria oku Eri ma diza azini inzitaniri si.

Eri ece ama dri ‘bo geri ari’bo ni engazu ovuzu ecitaru ayi alu alu aa azini geri erini ovuzu orodriru tu OAZU E’YO DRA DRIORI BERI ‘bo. E’yo aluni cani ovu ojazaru ku. Ayi alu alu o’ba ndra azini ‘du ndra amve ra, yi ma e’yo efi eceza ‘bazu E’yo ndra okori ma dria;  ani yi ‘dani’daniniru avizaru ‘daleri ‘yezurisi.

Ayi Kanisa Tuatiraarinia, orindi ecitani ‘da nze ndra e’yo papa Romaniri vusi azini oja ndra Eri ma E’yo ra. Agu nde ‘ba di eri kini “‘ba ‘ba (ovupi ‘baki ‘dini ku) ecipi Mungu beri alu.” Ani sawa ‘disi eri di ‘baki eci ‘ba ‘baki ecipiri pi ma eselea ‘ba pie. Ani, otita Munguni nduluri ovu’di pizaru ra; ovuni e’yo alu ojazu risi ku, te NUKUTA ALU ojazu risi. Sitani oja “E” ecazu “A”.

E’yo dria ma e’yo ni nga ovu lizaru Eri ma E’yo ndra Okoru nze tepupi ma dria risi. Ani di, LE Eri ma Amuro ma oa tepu pie. Ari’boni obiria ‘bapini avaako feria yini otita nduni fezu, egata nduni pie, waraga ndu pie ria, Amuro ni nga OA E’YO NDRA OKORI BE.

Ayi alu alu alia Yesuni Ima ngulupi e’da ‘ba o’dukoti ojipi ayi ‘daniri be. Yi engazu Erivu e’yo eceza E’yoni ayi yiniri niri isu. E’yo Eceza E’yoni ‘dini ‘ba opezaru Munguniri ki eji amve engazu wudrikuruasi ani fizu ruecita tre Yesu Kristo beri alia. 

Eri omve azini ‘ba agupi kakauki ovuzu asindrizani kanisa dri, te Eri ovu LU ‘BA O’DUKOTI OJIPI ALU be Erini omve Ima Kanisa ma DRICEZU Ima Orindi Alatararuri vusiri. O’DUKO ‘Di Opi ‘Yoni beri ALU. O’DUKO Erini ‘yo I mu ama e’yo li aniri ALU. O’DUKO Eri ma Amuro ni yi ma asiza ‘dani ‘daniri ‘bazuri ALU. O’DUKO ‘DA O’DUKO MUNGUNI TEPU PI MA DRIARI’I.

Amuro la, Mungu ma ale amaniri ni ovuzu Kililiruri azini mile Erinia, ama KILILIRU.  Ani oaza kililiru ‘da asitezani, teria Mungu vu…azini Munguni teria. Eri lu ama dri kini eri adriza amaniri ma ezotani. Ama ecoki ovu obita kakau pie, obeta azini cani nyaza pie ra, te oanga emini a’itasi E’yo Erini vuri ni asiteza ‘ba ama alea ani ama ecoki ovu kililiru azini driaru ecezu e’yo alunisiku beni.

Amukini nga aviku kini A’ITA ni emu eritasi, E’yo erilerisi, azini E’yo nde ni emu nabi vu.

Mi emu ayiko idri minirini amboruri etumuzu mini riria amabe tualu pari ‘Buari pi alea amani O’duko Munguniri eriria amadri E’yo ejiria: Ayi Kanisa Tuatiraniri 60-1208 ma dria sawa azia Etusi (12PM) Jeffersonvili saa si (Saa Iri Ugandaa).

Adri. Joseph Branham i