All posts by admin5

23-1224 Betelemu Wereruri’i A’dusi?

Amuro Eceta Ayupi’bo Leleturi,

Ma le ta amani dria ama ngulupi ki otuzu inzita azi nduru Omuopini Akuarini Ondre Asizu dere Eli O’diri eca ngaku risi, Sabatusi, Mba Mudrini Iri 31si.  O’dukoti amani mu eriri, 63- 0901E Avataza Angiri Riki, Adripi Branham ni muzu alia pere inzita Omuopini azini Pa Ojizaniria tepu nde ni i deria leruri’i. 

O’dukoti nde ni nga mu ovu avizaru Voice Radio (lu Mundutisi), azini otita inzitani amani enga ‘ye inzita Omuopini Akua alipi’bo ‘diyi ma alia ‘diyi pile, o’di piano vuri pie elese inzitani Omuopini vuri alia, azini Ongo Kanisa ‘diyi sawa Pa Ojitani risi.  Ama nga inzita nde e’do Sawa Mudrini Alu (5pm) Jeffersonvili saa si (1am Ugandaa). Emi ‘ba miri ma kala ‘daleruri pini ria, ka eco ra si emi ama emi driwala be tepu nde avizu azini ovuzu Omuopini be sawa emini akua ‘dale risi ani ecozu Omuopini ‘duzu 2023si dere saa inini azia fini ngaku risi.

Ma econi geri azi cika amani ta ecozu eli 2023 ‘divuri dezu, azini eli o’diru inzita Opiniri alia 2024 si egaku, aga ovuzu ciri Eri ma drilea, ecazu asiavabe tu Erini, Omuopini Eriniri ‘duzu, e’yo zizu azini ama truzu ama eselia, pa Eri ma ‘ba alatararu ‘diyi piniri ki ojizu, azini Eri ma E’yo erizuri. Ondre azi onyiru tu mupi ovupi ‘di ni mu ovu ngo’i ya.

Otizaru ele ‘diyi geri ti emini wino azini mukati Omu Opini ni ri isuzu/edezu ri’i.

Ma ayikosi tu Opi ni geri amani ani ruecizu tualu omu azi alatararu ‘dileri niri fezu risi. Ma adadaru angu ne drile drifuzu emi pie dria Eri ma Mesa tia.

Sabatu ‘disi, ama nga mu ama o’dukoti Ositaniri eri: Betelemu Wereruri’i A’dusi? 58-1228 sawa azia etusi (12PM), Jeffersonvili saa si (8PM Ugandaa).

Mungu ma fe midri asindriza,

Adripi Joseph Branham i

Sabatu, Mba Mudrini iri 24, 2023

58-1228 Betelemu Wereruri’i A’dusi?

sawa azia etusi (12PM), Jeffersonvili saa si (8PM Ugandaa).

Sabatu, Mba Mudrini iri 31, 2023

63- 0901E Avataza Angiri Riki/ Omuopini Akuari & Pa Ojita

Sawa Mudrini Alu (5pm) Jeffersonvili saa si (1am Ugandaa).

Embata Mukati O’bezu / Wino Edezu ri vuri

Embata geri Wino Omuopini / Bafu Pa Ojizuri isuzuri vuri

23-1217 Alama Nderi

Sermão: 63-0901M Alama Nderi

BranhamTabernacle.org

Asialuza Mani Leleturi,

Asi Mani ni lu ombu tuletule Mani emi neria ru traria tualu O’duko mani ma ageyia, Ma E’yo eriria, mani e’yo nzeria emi dri trai Ma Malaika vusi.

Eri Ma ‘ba ayikosi tu nizu ra kini emi ovuki E’yo Eceza ‘ba Mani ti pe ovuzu Ma O’duko emi driruri be ci risi. Aizu kini E’yo dria erini andra nzeri ovuzu eri ma e’yoki ku, te Ma E’yo emi dri riki ri.

Eri andra Ma dri orodriru tu, Ma fe andra Eri ma o’duko ma ovu ‘duzaru azini tambazaru emidri, ani emi ecoki ta Eri eri ani dika azini dika beni. Ma le andra emi ma avikiku kini afa Amani andra nzeri ni engazu asi Mania ri. Ma ni andra ra kini Eri ta lu mu ovu geri alu ci emi ta ovuzu Aita Kililiru emini leri beri, ani ama ecoki ta ovu ani tualu beni.

Ma enga drio agupi alu ayu e’yo nzezu azini Ma E’yo ecezu Ma Amuro dri. Lu kile Ma ni andra ye Musa be ri le. Afa andra erini omveri, ‘da afa andra erini isuri’i, a’disiku eri nze lu andra Ma E’yo ki. Ma ‘yo andra vini eri dri, Ma nga mi ‘ba mungu azi ni.  Mi ovu mungu azini, azini Aroni ni nga ovu mi nabi ni. Ma nga o’duko mini ‘du, azini Ma nga afa o’ba mi be. Ma nga e’yo nze, azini ‘ba nganiki ni nga eri gaaku. Afa ci EMINI ‘YO ri, ni nga i ‘ye ra.

Sawa ‘disi emi isuki di Aita Kililiruri Ma E’yo alia ‘bo, emi amaki lu ‘ba Mani ti epe emivuri ovuzu Ma O’dukoru a’dule ku, te sawa ‘disi emi amaki ra kini Ma E’yo ni oa idriru azini oa EMI aa, azini fe emi dri AITA KILILIRU ‘bo.

Emi niki emi a’diki yari ra. Emi oa Ma aa, azini Ma E’yoni oa emi aa. Emi zi afa ci emi leri; eri nga ovu fezaru emi dri ra. Ru Mani risi EMI nga orindi-onziki odro; ovuni, Ma nga ku, EMI NGA.  EMI ka ‘yo ‘be ‘di dri; ovuni Ma ka ‘yo ‘dini ku, EMI ka ‘yo ‘be ‘di dri.

Ari’bo emi ovuni okpo be emi dria ku. Emi E’yo Mani be ki ALU. Emi ka ovu anzi be kaniku ‘ba lele ‘diyi be nga ovupi pari ta yini ovuzuria ku ‘diyi ki, mi ri eyi.  Eri ka azi nga mi rua ra, ece kini mi ma ayu AITA KILILIRU E’YO KILILIRU Mani ria oapi emi aari, ani emi nga ovu afa emi zi ri be ra.

Kirikiri, Ma enga te izuru tu emini amazu emi a’diki yari. Emi nezu emi ‘ba ria ngonde E’yo Maniri erizuri si. Ayiko fu ma tu sawa ndeni asizi ecazu’bo risi.

E’yo Kililiru mani nze’bo azini ta mba emi driri Ma Alama a’i’ba dria pini andruri i. Eri Orindi Alatararuri’i; ovuni ari azi ni ku, kemistri azi ni ku, te Eri Ma Orindi Alatararuri’i, Ma E’yo’i, oapi idriru azini oapi emi aa ri’i.

Sawa Alama ‘dani ovuzu izaruri di ogogo. Le mi ma ‘du Alama nde mi be etusi azini inisi; ovuni lu Sabatusi a’dule ku, emi ma Ekpa Avizuri sawa dria si.

Eri lu Alama nde—nde ma i. ‘Da O’dukoti sawani ri’i! ‘Da O’dukoti o’du ‘dini ri’i! ‘Da O’dukoti sawa ‘dini ri’i! Ru Yesu Kristoni risi, emi ai Eri!

O’dukoti ki amve ‘dale kakau, te Ma O’duko eri O’dukoti Sawani ri’i. Le emi ma aiki azini a’iki E’yo driari. Le ma ovu ayuzaru sawa ondreni risi.

Emi wudrikurusi ara, tepuki eripi ‘diyi, eceta sawaniri eri ‘di. Alama azi ci le ma ayu’i ra ri, azini sawa azi nduni si ku Erini ta ecozu emuzu ra ri….emi Eri varia ya?

Emi emu ani Ma Alama ayuzu Amuro Maniri be Sabatu ‘disi sawa azi etusi, Jeffersonvili saa si (Saa Iri ondresi Ugandaa) amani Ma O’dukoti Amurovuri eriria: Alama Nderi 63-0901M.

Adri. Joseph Branham i

E’yo Siza lazarᴜ de nga O’dukoti nde ovu erizaruku ki:

E’doza 4:10
Efuza capta 12 zuri
Yosua capta 12 zuri
‘Yeta 16:31/19:1-7
Rumi 8:1
1 Korinto 12:13
Efeso 2:12/4:30
Ebrania 6:4 / 9:11-14 / 10:26-29 / 11:37 / 12:24 / 13:8, 10-20
E’yo Ba Yohanani 14:12

23-1115 Mungu Omveni Agu Azi E’yo Liza Aliaku De Nga Fe Eridri Bilendu Liza Oko Kuria

Sipiringi Wereru, Sipiringi Amboru, ‘Ba Amvuni & Oku-akua Leletu ‘Diyi,

Afa ci Munguni ovuzu mini eribe ‘yezaru ri, mi ovu ‘da be tambazaru.  Le mi ma fe omvita ra Mungu dri eri si. Ari’bo eco tro lu midri mi azikokoru ngole yari ti, mi orodriru tu Mungu dri pere Eri ma sawa amboruri econi aci mikokoru ku. 

Eri omve andra mi, pe andra mi, ‘ba andra mi okoru, azini fe andra mi dri E’yo Eceza azi Eri ma O’dukoti amboru sawa asizaniri niri. Eri ovu asi’baza be 100% mi aa. Mi Amuro Yesu Kristoni mgbari’i, Eri ma Leleturi’i, azini Eri le mi ambamba.

Eri enga drio bilendu liza fe ‘ba pi dri suru pi aliasi ara, “Emi Ojaasi, kani, ejadri”, “Emi go dri ro E’yovu”, “Emi ovu ngonde, afa azi ni mu pari ‘duria.” Sawa ‘da eca di asizu ‘bo. Munguni emuria Amuro Iniri vu, lu kile Eri andra azi Eri mu ‘yera rile. Eri omve Ima Pa omberu engazu pa omberu vusi ‘bo.

‘Ba kakau e’deki engazu Mungu ma O’dukoti sawa asizani andruni amboruri vusi ‘bo, ‘yoria, “afa andra erini ‘yo eri mu e’yeri, ‘yeni i kuye. Afa driaki alurile.” Eri andra a’bianzi kakauki alipi dere e’yo ondriza Mungu ma nabi pini ri ecaki yi ma paria ngaku riki. Te eri kiriti ‘ye andra i ra, lu ko’bo yini andra ‘yori le, E’yovu E’yovu. 

Eri ma Bibiliani lu amani kini:”E’yoni i ‘yele ewu Noanisirile, eri nga i ‘ye trotro o’du Mvi ‘bani vileria”. De nga Mungu epeni andra e’yo liza ma ti wudrikuru andra ayi amboru ozoni nga dizuku ‘da alia risi, Mungu epe andra nabi azi ma ti wudrikurua ra. Nabi ‘da ‘ye andra a’duni?

Eri otu andra ‘baki ngonde sawa nde ni. Noa ‘ba andra ‘baki ngonde, ani eri andra omvezaru asindrizani e’yo liza ma driliea.

Noa ‘ba andra ‘baki ngonde de nga e’yo liza ecani ku eri li andra yi ma bilendu ra. Eri andra Mungu ma Geriko feleri’i o’du ‘da ni. 

Mungu ma nabi ‘yo andra amani kini Mungu ojani Ima otitaki ku. Afa andra Erini ‘ye ‘dasiri, Eri ‘ye alurile andrusi. Ama nga lu AWI MUNGU MA OTITA ANDRUNI RI BE AZINI AVIZURI EKPA.

Kile ‘dasiri le, ‘ba ki ‘yo ama e’yo epi ambamba Mungu ma nabi ma dria; Eri Orindi Alatararuri’i, ovuni William Branham i ku. Ama ‘yo, AMENA, ama erikini agu nde’i ku, ama lu afa ERINI ‘YORI eri’i. 

Orindi Alatararuri ni Nabi sawani ri i; Eri i E’yo Ini e’daria, Eri eceria. Orindi Alatararuri ni andra Nabi sawa Musanisi ri i. Orindi Alatararuri ni andra Nabi sawa Micaiani siri i. Orindi Alatararu, andra E’yo sipi ri, ni emu pasozu E’yo vutia.

Te Adripi Branham lu ngu lu emi dri wiki ajerisi;

Sawa ‘disi, mi ne, Ma enga sawa driasi lu emi ni emi ovuki milesi afa emini eri risi. Enera? Kala ‘ba vuleruri eri ma alia ambamba.

Ma ‘yoni kini Opi luni ma dri ‘da niri ku. “Ma” a’ira, enera. Azini Ma a’ira kini eri ma ovu ‘yezaru ku.

Maniria azini jo mani rini, Ma nga afa Mungu ma ‘ba o’dukoti ojipi malaika azirizuri ni A’I, EGA KANIKU ATA AMARI ‘du’i aga olu’ba azi, bishopu azi kaniku agupi azi vuri. 

Mungu epe drio a’di ma ti emuzu afa Eri ma nabi ni a’i, ama kaniku ata ega eri avavuza be ya kani yo yari ma e’yo lizu?…Ma ma lu nga emini Mani egasi a’di’i yari.

Mi ne nga Kora’i, o’du Munguni andra Musa ma ti epezu o’dukoti beri kisi, ani Kora ki Datani be egaki, emuki Musa vu, ani ‘yozu, “Sawa ‘disi, lu minati nga lu, mi akpa midria ambamba! Mi ega mi lu oparafia alu yitia ri’i; mbata yidria ri’i, mi lu ‘dule ‘dini. Ma nga fe mi dri nira kini ‘ba aziki vini ci alatararu, indi!”

Bilendu liza, e’yo liza ogogo. Emi go dri ro E’YO OKORI vu. Emi go dri ro O’duko Munguni o’du amanini ovupi e’dazaru’bo rivu. Ro Mungu ma nabi vu. O’dukoti ‘di’i, Eri ma O’duko i. Le ma ovu afa OKO azini orodriru ndeni midri ri’i. 

Abaza azi yo ‘ba aziri ovuki o’duko azi be indi, omveta azi be indi, O’dukoti ‘di oluzu azini embazu.  Te Tepuki, O’duko ‘da’i, le ma ovu O’duko orodriru ndeni emini eco eri aku emini pi alia, motoka emi pi alia ri’i, azini orodriru ndeni, kanisa emi pi alia ri’i, emi ka le ovu Mungu ma Amuroni ria.

Emi emu O’duko ‘da erizu ama be Sabatusi sawa azia etusi (12pm), Jeffersonivili saa si (8pm Ugandaa), Mungu ma nabi ni wudrikuru ma bilendu liria kini Emuta Opiniri ogogo.  Di eco ovu sawa asizuri’i ra.

Adri. Joseph Branham i

Mungu Omveni Agu Azi E’yo Liza Aliaku De Nga Fe Eridri Bilendu Liza Oko Kuria 63-0724

E’yo siza lazaru inzita ma drilia riki:

Isaya 38:1-5
Amosi Capta 1

23-1029 ARU AZI

‘Ba Aruru Leletu ‘Diyi,

Idri mini oa sawa ‘disiri ni nga idri mini ta oa alenia mi ka ta ovu o’du Noani kisi kaniku Musa kisiri e’da, adisikuni mi ovu orindi aluri be mi aa.  Orindi alu mi aa sawa ‘disiri ni andra ‘ba ‘da pima aa.

Mi ka andra oa o’du Noani kisi, kala andra mini mu pe ri ni andra ovu ngo’i? Mi andra mu fi o’bo aa Noa be a’iria ra kini eri andra ‘ba Munguni ‘baa maburu sizu azini ‘ba pima dricezu ri’i, kani mi ta mu ‘yo, “Ma eco vini maburu si indi ra. Ma vini ‘ba o’boti ojipi azini o’bo sipi onyiruni ‘i” dini ya?

Te mi ka andra oa o’du Musaniki si ria? Mi andra mu oa Musa be azini a’ira kini eri andra ‘ba Munguni pe ‘ba pima dricezu ri’i, kani mi ta mu mu Datani be azini Kora be yini andra ‘yoria, “Ama vini alatararu indi, ama ovu vini afa azi be ‘yozaru ci. Mungu pe drai ama indi.”?

Le ama alu alu ma peki, o’du ‘disi, dra pima eselea idri be.

Ma asini mi ‘yo mi kala ngo ma driari si ku. Afa mini ‘ye, o’du driari, ni e’da mi a’duni yari ni. Ama Avizuri Ekpa O’DU DRIASI.

Mi E’yo ma aa o’du driasi ya? Mi e’yo zi, Opi ma Ale kililiruri nda afa dria mini ‘yeri pi alia ra ya? Mi avizuri ekparia azini O’duko Munguni e’dazaru eriria o’du dria ya? Mi a’i eri driadriariru orodri Avizuri Ekpazu ya? Mi a’ira kini O’duko tepu pi ma dria da O’duko Munguniri andruniri’i ri ra ya?

Amaniria, omvitani ri EE. Ama luria wudrikuru dri kini ama Aruki E’yo Munguniri ni, Eri ma O’dukoti ni, Mungu ma O’duko ovupi ecezaru ra o’du amaniri ni ri. Ee, ama a’iki asi amani driarisi Avizuri Ekpazuri alia.  Ee, ama a’iki kini ‘ba o’dukoti ojipi ayi kanisan 7zuri niri ni omvezaru Amuro ma dri cezu. Ee, O’duko tepu pi ma dria ‘da ni O’duko orodriru ndeni erizaru ri’i.

Ale Munguni, Eri ma O’duko, O’dukoti ‘di i, osutaru ambamba, E’yo Eceza azi ‘dileri ama dri, ani ama ecoki ru edazuku Erivu risi. Ama ecaki Aruni Eri dri ‘bo.

Ama oziki afa dria nduniki ‘bo. ‘Ba azi nduni tro ‘yo ngoni yari ti, ama ovuki bizaru Eri dri ‘bo. Afa azi ci Eri dria ani ama ecoki lu ama eda Erivu risi ku. Eri ayiko idri amaniri pini ri’i. Ama econi ku oazu Erikokoru.

Ama ayikosi tu, awa’difosi tu, ofusi tu ovuzu Aruki Opi dri azini Eri ma O’dukoti dri; a’disiku yi afa alu aluri ki. Eri Idri ma drilea amaniria. O’du alu alusi eri eca mgbori agara azini adadaru agara kini Ama Eri Amuro’i ri. Ama eri ma Ale kililiruri alia. Ama ecoki E’yo nze ra, a’disiku ama E’yo ovupi ‘bazaru ruati aliari’i.

Ama ovuni icizaruku afa azi cini be te Kristo’i azini Eri ma O’dukoti sawani ri’i; ata ama ati’i, ama andri’i, ama adripi’i, ama amvi’i, ama agupi’i, ama oku’i, ‘ba cini’i ku. Ama lu icizaru Kristo be, azini Eri be a’dule. Ama icizaru azini o’izaru O’dukoti ‘di vu, O’duko ‘divu, a’disiku eri Mungu ma Geri fe o’du ‘dini ri’i, AZINI GERI AZI NDUNI YO.

Ama dika di aruki ama oaza ekpereruri pi vu ku, e’yo amani le ‘yeri pivu ku. Ama owiki ama ngulupi ki driadria azini ovuki o’izaru Eri dri ‘bo. Wudrikuru asipiri ka tro ega ngoni yari ti, wudrikuru asipiri katro a’du ‘ye, ama o’izaru baka aleniri kisi Eri vu azini Eri ma O’duko vu.

Ama awa’difosi ovuzu Aruki. Mi lu mani, Ata, a’du ‘yezu sekondi alu alu minati alu alu o’du alu aluniri vusi. Mi O’duko ma fe ama dri azita afa dria amani ‘ye, amani ‘yo, azini geri amani ‘yezurisi ri ni. Aleki ni afa azi nduni ku te Mi’i.

Mi emu ovuzu bizaru ama be E’yo Munguni vu azini Eri ma O’duko vu Sabatu ‘disi sawa azia Etusi (12PM) Jeffersonvili saa si (Saa Alu Ugandaa), amani ‘ba eca geri ngosi: ARU AZI 63-0717 yari eriria.

Adri. Joseph Branham i

E’yo siza lazaru riki

Filemoni 1:1

PS: Adripi Branham, ALEKI geri mini Filemoni ri omvezuri tu, eri KILILIRU Amuro dri.

23-1022 Mi Wu A’dusi?  Mi Nze E’yo!

Hekalu Munguni Leletu ‘Diyi,

Ma Eri ma Kanisani. Mi Eri ma Kanisani. Ama Hekalu Munguni oazu aliari’i. Ama Kanisa Mungu idriruri niri; Mungu idriruri oaria oaza amani pi alia. Ama ‘yeza ki ‘yeza Munguni riki. Diza!!

Ama dria rutratria tualu, angu were wereruni pi alia engazu wudrikurusi ara; dria emuria tualu ara O’duko Munguniri vu, Eri ma E’yo andru ni ri’i.

Eri onyiru tu. Afa azi ru ‘izu ruaniani yo, lu Yesu Kristo’i azini Eri ma E’yo’i. Lu da, ndumba. Ama riria tualu angu ‘Bualeruri pi alia ovuria ‘bazarᴜ kililiru O’duko Munguni mgbarisi.

Ama muria kpere asizania. Ama dria muria Angu Azizaniria. Ama alu aluki dria! Katro ovu oku akuari’i, oku azi azingapi joa wereruni, oku dezani, agu dezani kani karile, mi tro a’duni yari ti, ama dria muria. Ama azi ngapi mupi ovupi kuzaru vule ni yo. Ama alu alu ni muria, azini “amuki ni nga pa so afa azini aluni ku.”

Ama a’iki ra kini le ama ma ovuki dria tualu. Ongulumu amboru ecizaru tualu Ruati Yesu Kristoni alu, Emu dizaru ‘da tepi ri’i. Le ama ma ovuki awazaru ku, te ‘ba ada ku geri ovupi ‘bazaru kililiru imbata E’yo bariniri siri ra.

Le geri azi ma ovu ci adadaru e’dazu ngo ‘yeke azini ngo onzi ni yari ra. Geri lu mini muzu ‘da ‘yezuri, eri ovuni e’yo efi eceza cini ‘ba E’yo ma driari’i ku, mi la lu Eri geri Erini ovuzuri si azini a’i Eri geri ‘da si. ‘Ba alu aluni ima ngulupi ma e’yo efi eceza ‘ba, ani eri fe Erini afa nduni ‘yo’i. O’DUKO MUNGUNI AMURO DRI RI lu ALU.  MI EKPA AVIZURI!

Ma eri ‘yo tepu ‘di ma dria, azini ongulumu ‘dini, Ma ‘yo ‘di avavuza Orindi Alatararurini risi: A’dini kala Opivuria ni, ma emu E’yo ‘di ma palaa!

E’yo o’du amaniri niri ovu O’duko azi be. Ama nabini O’duko ‘da’i. O’duko ‘da ni E’yo idriru o’du amaniri niri. Ama andra ‘bazaru okoru O’duko ‘da erizu azini sawa ‘di nezu, azini afa azi yo ngapi ama atripi engazu O’duko ‘da erizuri siri.

A’ita amaniri ni Eri ne azini pe Eri erizu ‘ba azi ka tro ‘yo ngoni yari ti. Asuki ni ma mile vaa ani angu nezu angu azia ku. Ama afa amani afa epimazuri ‘ba aga biribiri E’yo ma dria azini ama bileki cozaru O’duko ‘da vu.

Asi edeza be Mi dri Opi, engazu asi amani pi alia Bi Miniri pivu, ‘di ziza amani asikaisiri.

Ani ama idri ama ojaki yi, e’dozu andru drile, kini ama nga ovu piri cika egata amani pi alia. Ama nga o’bi oa aluza azini e’yere ma alia, ani, a’iria ra kini aka Munguni zi, Mungu ni nga eri fe ama alu aluni ra. Azini amuki ni nga onzi zi ama alu aluni ku, kani ‘ba azi cini ni. Ama nga e’yo zi ama ari’bo pini azini yi le, ‘yezu onyiru ‘ba onzi ‘yepi amavuri pini. Mungu ‘Ba E’yo Lipi a’dini adaruni azini onzi ni yarini ri’i.

Ma mi ai emuzu azini mi A’ita odu osuza fezu O’duko Munguniri erizu risi amabe sabatusi, sawa azia etusi (12pm), Jeffersonivili saa si (7pm Ugandaa), amani: Mi Wu A’dusi?  Mi Nze E’yo! 63-0714M ni eriria.

Adri. Joseph Branham i

23-1015 E’yo Liza & Omu Opini

Mesegi (O’dukoti): 63-0707M E’yo Liza

BranhamTabernacle.org

Kanisa Amuroni Akua Leleturi, ama ma etraki ama tualu ani O’dukoti ‘di erizu, Tota 63-0707m, Sabatu ‘disi sawa Mudrini alu (5pm), Jeffersonvili saa si (Sawa azia inisi Ugandaa).

Ama ma otuki di ama ngulupi driwala rutaru Opi ma Ondre ta nyazu aku amani pi aa kpi O’dukoti nde ma vutia amani 63-0707e Omu Opini ni eriria. ‘Daa ama nga ovu inzita Omu Opini ni azini pa ojitani ri be vutinia. Kile Tota le, tepu Omu Opini ri ni nga mu ovu avizaru Voice Radio (lu Mundutisi), vutinia odi piano vuri, esele elaza azi fizu pa ojitaa, azini Ongo Kanisani ‘diyi, amani adri ‘ye inzita Omu Opini ni Akua ‘diyini ri le.

Otizaru ele ‘diyi geri ti emini wino azini mukati Omu Opini ni ri isuzu/edezu ri’i.

Ma ayikosi tu Opi ni geri amani ani Meleki melekiniri aizu aku amani alu aluri alia o’du azi ndulru ‘dilenini Eri be risi.  Ma adadaru angu ne drile drifuzu emi pie dria Eri ma Mesa tia.

Mungu ma fe midri asindriza,

Adripi Joseph Branham i

Instructions for Baking Bread / Making Wine

Instructions to obtain Communion Wine / Feet Washing Bins

23-1008 Idri Miniri Fudrira E’yo Barini Ya?

Mesegi (O’dukoti): 63-0630E Idri Miniri Fudrira E’yo Barini Ya?

BranhamTabernacle.org

Kabilo Mungu Ma Nabini Leletu ‘Diyi.

Azi ki e’yo.

Ata ‘Buari, ama awa’difosi sawa azi dika ruetrazaru tualu engazu wudrikurusi ara ‘Dani ‘dani ma kalaa ‘doleru risi ‘doni ya. Ovuzu omi alu azini azini egaza alu ma alia mi be; Mi O’duko erizu e’yo nzezu ama be. Ama luria pale alu dika okpo ma engazani emuzu engazu Mi vu, amani asi mba fezu okpo be aci nga ovupi ama drilia ‘dini.

Ama ama etraria tualu Mana ovupi fezaru amani’bori aizu.  Mana orindisi Mini ta mba ci amani ani okpo fezu aci ndeni ‘da’i. Eri afa LU ecopi ama sepiri ‘dapi o’du emupi ‘diyi ma aliasi ri’i. 

Mi ‘yo andra amani, de nga Mi ejini Mi Kanisa otita alia piri ku, Mi ta nga ama eji tualu, angu alu azini egata alu alia rakaka ‘dini.  ‘Daa Mi ta nga di Orindi Alatararuri Miniri ti epe amani dricezani; ovuni trata azi kanisa ndundu piniri i ku, ovuni ongulumu agupi pini ni ku, te Orindi Alatararuri Mini ri e’yo nze ama be tivu bivu.

Mi nze andra e’yo Mi malaika vusi ani ‘yozu amani:

“Ma le emi oaki emi ocepi be azini oaki Embata ovupi embazaru ‘dia ri be. Emi oak E’yo ‘di be, ekuki Eri ku! Emi oaki lu E’yo be a’du ka tro emu kaniku mu ni ti, emi oaki E’yo ‘da be!”

Ata ama E’yo Miniri ruria azini ama oaria ama ocepi be. Eri O’duko Munguni andruniri’i lu E’yo Mini kililiru ovupi e’daza azini ecezaru’bo o’du amani rini nzepiri’i.

Mi ‘yo ekile o’du andra Sodomuni kisi rile, eri nga vini ovu ‘dale indi Mvi ‘banini emuria, sawa Mvi ‘bani ni ngazu muzu ovuzu ecezaru risi. kini ama nga ta ovu afa iri be ama dricezu, azini ‘ba azi asipi wudrikurua ‘diyi ta vini ovu afa iri be. Afa yini iri riki andra olu’ba iri riki.

Te Kanisa Mini orindisi, Mi ‘ba ‘bale okoru, Amuro pezaruri ni, ama afa iri ri ki ta ovu Mi’i, e’dazaru ruati ‘ba adani aa, ama dri ceria Aci Piriruri si.

Oli ma gaki lulu ‘dia. Akuku ma oyaki yi ‘dia. Ama tambaza ri, ‘dani ‘dani. Ama ava liria kpi ‘daa E’yo mini ma dria.  Saa ni ‘di. Efuza orindisiri eca’bo. Ama aciria azini o’yoria Mi be o’du dria, O’duko Miniri eriria. Ama ticita rudepikuni ma aa Mi be.

Aleki ovu Dri Miniki, Mile Miniki, Andre Miniri’i. Mi zabibu pati ni, ama Mi arakala ki. Mi afe amadri okpo, Ata, efi Mini ri ka zu. Afa taza amani ci ri eri idri azi drifupira E’yo ba Minisi ri oazu.

Mi ebgi mi ama aasi, Ata, muzu drile azi Miniri be azini E’yo Mini azizaru ma eca Ima paria. Ava taza amaniri eri ovu Mi ‘ba o’dukoti ojipiri ki andruni, e’yo kililiruri ‘yezu dria.

Aleki eriria Mini ‘yoria ama dri:

Ziza mani ri, ‘ba redioa kaniku…tepu angua ‘diyini, azini ‘ba ovupi ‘dia indi ‘di pini. Mungu asindriza driani, ‘Buniri, ma di Orindi Alatararuri Ini tusu cozaruri ama dria dria, ani ma, engazu ini ‘disi, muzu drile, ecoki idri azi Munguni ta ecozu ‘yozu ani ra, “Ma ovu ani ayikosi. Emi fiki ayiko ‘Dani ‘dani ovᴜpi edezarᴜ ngonde emi dri engazᴜ nyaku eti ‘bazᴜrisiri ri ma aa” oazu beni. Mungu ‘Buniri ma epe Ima tusu coza ma ti emi dria dria.

DIZA…’da ama’i Ata, Mi Amuro Angu Tepunia ri’i.  Adaru, Mi tusu coza Mini ma ti epe ama dria azini E’yo Mini eceria ama dri, luria ama dri O’dukoti alu alu amani eriri si, Mi ayikosi tu, AMA MI AMURO’I.

Mi ka le ama ocepi, Mungu ma ocepi wudrikuru dri Erini ti epe Ima Amuro omvezu amve azini drini cezuri eri ra, mi emu ruecizu amabe Sabatu ‘disi sawa azia etusi (12pm), Jeffersonivili saa si (7pm Ugandaa), eri erizu E’yo Idri ‘Dani ‘daniri niri nzeria, erini amani O’dukoti ‘di ejiria engazu Mungu vu: Idri Miniri Fudrira E’yo Barini Ya?   63-0630E.

Adri. Joseph Branham i

E’yo Aziza ndururi: Opi ka leraria, ama nga mu ovu Inzita Kumunyoni/Pa Ojizani ri be Sabatu vule ri ma ini si, Mba Mudri 15si.

23-1001 Efuza Nazuri

Mesegi (O’dukoti): 63-0630M Efuza Nazuri

BranhamTabernacle.org

Amuro Efuzani Leleturi,

Afa amani ne pari ‘dupi andru ‘diki eco ki andra pari ‘du eli kali iri, kaniku kali su vule ‘dale ku; eri lu andrusi erini pari ‘duzu ri’i. Sawa ni ‘di’i! Saa ni ‘di’i! Sawa ‘disi eri di saa Erini ecazu ima paria ri’i. Mungu azi andra Eri ni, ANI ERI DI ‘DI’I.

Ama ovuki vata orindisiri be ci; azi onzi suru ‘diniri ga tre ‘bo. Sawa ni eca di ‘bo. Eri di saa muzu Angu azizani ‘da ma aari’i. Ovuni l muzu suru azinia ni ku, te ama Aku Drozi amani enga teri’i.

Emi ega nga lu e’yo eri dria, afa ama dri cepiri amborᴜ nabi agapi rarini.  Eri Mungu’i e’dazaru ruati alia ama esele, E’yo Erini be ecez ani ri’i. Nabi azi andra ‘yepi paale alifu alifu aga nabi azi cini ra ‘dileri. Eri Aci Piriruri’i ama dri ceria angu azizania, angu nyaza Eli Alifu aluri’i.

Eri e andra ama nabi i azini fe andra eri dri eceta okopo-uruni Aci Piriruriniri, ani eco andra ovu abazaru ku beni. Afa andra nabini ‘yori eri E’yo Munguni mgba riki. Eri ‘du andra ama nabi’i, fe eri dri embata ra, ani tini epezu vule amavu Aci Piriruri be, Ima ngulupi ecezu ama dri, azini amani E’yo Eceza teketeke Ima E’yo driariniri fezu.

Akaki le mu Angu azizani ‘da ma aa ra, le ama ma avikini ku, Mungu econi ku, azini Eri ngani ku, Ima otita ojazu. Eri Mungu’i, azini Eri cani ku. Eri ‘yo andra amani kini I cani nga azi nga ongulumu azi be ku.  Eri ‘yeni nga drio ku. Eri azi nga amabe ‘ba ndunduru.  Eri azi andra amani E’yo Eriniri’i alia amani Malaki 4 ma ti epezu ama dri cezu Angu ‘di alia, ani Eri ‘ye ra.

Te, mi ne ra Ahabu ovu andra otita azi erini andra ega eri Opini ri be ci. Eri ‘yo di, “Ma ovu turu su ni pie indi, onita be azini embazu kililiru ‘dile riki. Azini yi ‘yoki kini yi nabi Iburaniaruri ki ‘dini, kile grupu olu’ba piniri pini ‘ye andruri le.

‘Ba kakau le ki aiku, te Elia drio ‘da le, Mungu ma ‘ba o’dukoti ojipi malaika azirizuri, ama ocepi’i, ni ocepi wudrikuru dri Eri ma Amuro ma dri cepiri’i. 

Eri Malaki 4:5 i, azini E’yo Eceza 10:7 i. Eri E’yo Siza Bibiliani andra e’yo nzezu drinia andra okoruri ma emuza ima pariari’i. Eri O’dukoti ‘di’i, o’duko ‘di’i, ovupi O’duko Munguniri’i Eri ma Amuro omvezuri’i. Eri Mungu ma Otita-okoru andruni ri’i.

Eri Aci Piriruri aluri’i, otita odu osuzaru aluri si. Mungu aluri’i e’yo aluriki ‘yeria.

Sawa ‘disi E’yo ovu di ‘bazaru ruati alia azini oaria ama eselea ama ruatia, Eri ma Amuro’i.

Ama ma wuki Eri vu azini feki Erini awa’difo, Eri epizu, Eri inzizu, afa dria Erini ‘yeri ki si: Ama pazuri si, ama ‘bazu okoruri si, ama ‘ba zu alaruri si.

Afa Erini ‘ye amani sawa ‘disiri; amani E’yo Eceza fezu azini E’yo Eceza fezu, luria ama dri ama a’diki yari.  Azini afa dria Erini mu ‘ye amani riki… Emuzu ama ‘duzu Eri ma Amuroru azini ama jizu Aku amani Drozi Erini ede amaniri ma aa, azini ovuzu Eri be ‘Dani ‘danisi dria.

Afa dria amani le ri, emi wu Eri vu. ‘Da afa Erini le Ima anzi ma ‘yeki ri’i. Wuzu Erin vu kpere amani apiria azini afa amani leri esuria.

Mi emu ani ruecizu esele Eri ma Amuroniri be Sabatusi sawa azia etusi (12pm), Jeffersonivili saa si (7pm Ugandaa), ani Mungu ma ocepi wudrikuru dri, William Marrion Branhamni erivu, e’yo luria ama dri: Efuza Nazuri 63-0630M ma dria. 

Adri. Joseph Branham i

E’yo Siza lazarᴜ de nga O’dukoti nde ma drileari ki:

Efuza 3:1-12
E’doza chaputa 37 i.
E’doza chaputa 43 i.