- 24-0421 Ima E’yo E’daria
- 22-0925 E’yo Erini E’dazuri
- 22-0925 Ima E’yo E’daria
- 21-0509 Ima E’yo E’daria
- 17-1029 Ima E’yo E’daria
Amuro-Kanisa Leleturi,
Mvi ‘Bani emu ra azini ece Ima ngulupi ruati ‘ba adani aasi Ima Amuro ni ‘bo. Eri ‘yo Eri ‘bo, ama a’iki Eri ra, azini Eri ece Eri ra. Ama Eri ma Kanisa-Amuroru eyi ma ngulupi ‘bapi ngonde E’yo dria efupi engazu Eri ma tileari eripi azini a’ipi risi ri i.
Engata ‘ba drazaniri nga ovu indi. Eri nga eri e’da ra. Kanisa ma ‘dutu ururini nga ovu indi. Eri nga eri e’da ra. Angu nyata eli alifu aluri ni nga ovu indi. Eri nga eri e’da ra. ‘Bu o’diru azini nyaku o’dirini nga ovu indi. Eri nga eri e’dara, a’disiku Eri ma E’yo ‘yo ni.
Ama nga ovu ‘ba ngapi ovupi ‘daa riki. Eri nga eri e’da ra. Ama ‘ba engapi ovupi ‘bazaru esele E’yo ‘diniriru riki. Eri ‘ba andra AMA okoru ovuzu ‘Daa. ‘Dutu Ururini nga ovu ci Eri ma e’yo ni okorurisi azini afa azi yo mupi ‘da atripi ri’i, ama nga mu ovu ‘daa ci!
Sitani o’bira sawa ezu fezu ‘bapini E’yo lu alu ovupi nzezaruri abazu. Mi ma ‘ye ‘da ku. Mi a’i lu E’yo driari. Le mi ma a’i E’yo driari ovuzu ‘Daa beni. Eri ovuni nabi ma e’yo ni ku, Eri Mungu ma E’yo o’duko ‘duzaru azini tambazaru Tepu pi ma dria ri’i.
Kuhani ambori, bishopu i, kadinol i, ocepi i? “Mungu i! E’yo dria efupi engazu tile Munguni ri alia ri.” Ama ni ngoniru eri E’yo Munguniri i? Eri ‘yo ‘dale ni, Eri di vini Eri e’da. Eri Ima E’yo e’da.
Le mi MA a’i E’yo dria efupi engazu tile Munguni ri alia ri.” Eri e’da ‘bo kini Eri E’yo Iniri’i Tepu ma dria riki. Eri e’da bo kini William Marrion Branhamni Ima ‘ba o’dukoti ojipi malaika azirizuri’i: O’duko Munguni o’du amanirini ri’i. ‘Ba dria O’dukoti a’ipi ‘ba o’dukoti ojipiri be kuri ni nga dri ja ra.
Sawa ‘disi, ovuni di ma lu e’yo nze ongulumu ‘dini ‘dini ku. ‘Di ma o’dukoni ‘duzaru, emi nera, azini Eri mu wudrikurusi dria. Emi vaki ra, ‘ba wudrikuruni, E’yo alu ‘da, E’yo alu, ovuni e’yo were ezuru aluni ku, ovuni e’yo oti ayi nyiriruri aluni ku, E’yo aluni, ‘da afa dria andra Eva ni abaari’i.
Eri E’yo i, azini ama andra Eri ma E’yo ma eseleni. ‘Daa asisile amani ovuzu ‘daari’i, pari amani idri aliari ma ti apezu. E’yo Driari a’izu. Oazu E’yo be. Amuro e’dazu E’yo dria ovupi Tepu ma dria ri vu.
O’du amani alia, Mvi ‘Bani ovu ecezaru ‘bo. Eri eci Kanisa di Dri vu ‘BO; eci di jeta Amuroniri ‘bo. Omveta Izio vuri emu ‘bo. Mvi ‘Bani emu ruati ‘ba adani ma aa iri ‘diki eci tualu ‘bo. Eri E’yo i. Ama Eri ma E’yo i, azini iiri ‘di ecikidi yi tualu ‘bo.
Eri nga e’deta eceta Mvi ‘Baniniri ‘du i…Ovuni atalau ki ku…Yesu Kristo, ni nga emu vaa ruati ‘bani alia ama eselea, azini Ima E’yo ‘ba adaru kpere eri nga Kanisa eci Eri be aluru, Amuro’i, ani ‘di muzu Akua Ondre ta Oku bizani ria. Amena.
E’data E’yoniri ni nga Amuroni eci tualu ni. Eri Mvi ‘Bani i e’da dika, ovuni ‘ba kanisani dini ma e’yo onipi ‘diyi ku. Mvi ‘Bani i! E’yo ki Kanisa be eca alu. Afa dria andra Mvi ‘Bani ni ‘yeri andra E’yo ni. Ama, Eri ma Amuro’i, nga afa aluri ‘ye.
Ama ecizaru Orindi Alatararurisi, Eri ma E’yo i, Eri ma O’duko ni, azini ru oturia muzu Ondre ta Oku bizani ria. E’yo eci ama tualu ‘bo, azini di iri ‘di ecaki di ALU.
Ama ‘yo TEPUKI, TEPUKI, TEPUKI. Le emi ma aviki Tepu ki aku emini pi alia, emi kanisa pi alia. Ama ovu onzozaru e’yo ‘bazu Tepu pi ma avita ma driari si. Ama ‘dinileri ‘yo a’dusi ya? A’dini e’yo nze AMA dri Tepupi ma dria ni?
Sawa ‘disi, mi ma ega, ‘da andra Yesu’i ku o’yopi Iburahimu be ‘daa, andra ecopi e’yo zizaru egatani Sara Eri ma ngukua ri ma omiari ni pi ra ri. ‘Da andra Yesu’i ku, Eri andra nga osizaru ‘dasi ku. Te eri andra Agu azi ruatu ‘ba adani aani, andra Iburahimu ni omve “Elohimu, Okpo-ei amboruri i ri.”
Mi ka a’ira kini Mvi ‘Bani i ovu ecezaru o’du amaniri alia ra; Munguni e’yo nzeria tile ‘ba adani vusi, ‘ba azi cini eco orodri O’duko ‘da ‘bazu O’DUKO ORODRIRU NDENI LE EMI MA ERIKIRI nezu ku ngoni ru?
Ovuni ma ‘ba azi afa amani a’iri nepi azini a’ipikuri ki onzozu ku; yi ama adripika azini amvipika ki, te ma API TU, TRE TU, ASI’BAZA TU ‘di Mungu ma geri fe Ima Amuro dri ri’i. Ma econi nduni ‘ye ku. Mani azini jo mani ni, Avizuri Ekpazuri ni GERI LU ALURI’I.
Ma paale alu wudrikuru ai emuzu azini ruecizu ama be Sabatusi sawa azia etusi (12pm), Jeffersonivili saa si (7pm Ugandaa), amani: Ima E’yo E’daria 64-0816 ni eriria.
Adri. Joseph Branham i
E’yo siza lazaru inzita ma drilia riki:
E’yo Ba Matayoni 24:24
E’yo Ba Marakoni 5:21-43/16:15
E’yo Ba Lukani 17:30 / 24:49
E’yo Ba Yohanani 1:1 / 5:19 / 14:12
Rumi 4:20-22
I Tesalonika 5:21
Ebrania 4:12-16 / 6:4-6 /13:8
I Opi 10:1-3
Yoweli 2:28
Isaya 9:6
Malaki 4