• 24-0414 Aku Drozi IZio ‘Buari Pini Amuro Nyakuari Beri
• 23-0312 Aku Drozi IZio ‘Buari Pini Amuro Nyakuari Beri
• 22-0918 Aku Drozi IZio ‘Buari Pini Amuro Nyakuari Beri
• 21-0502 Aku Drozi IZio ‘Buari Pini Amuro Nyakuari Beri
• 19-1103 Aku Drozi IZio ‘Buari Pini Amuro Nyakuari Beri
• 17-0924 Aku Drozi IZio ‘Buari Pini Amuro Nyakuari Beri

BranhamTabernacle.org

Ai Nyakuni Leleturi,

Amuro leleturi la, sawa amani ovuzu eri be ‘do ngo’i ya, riria tualu pari ‘Bualeruripi alia, indikindi E’yoniri alia, mbaria, amaria ra ama a’diki yari, ama engaki ngoa yari, azini ama mu ngoa yari.

Nizu, engazu aliru asi amani pi ma aa, ama SAWA ‘DISI agupianzi azini ezopi Munguni ‘diyi. Ovuni ama nga ovu ‘diniku, ama SAWA ‘DISI.  Ama Mungu ma egata ma arakala obiki.

Sitani ka omba ‘ba ama be, azini o’bi ama onziki, ama e’yo vule ‘daleri ki azini ama e’deta tata riki e’da yani; eri ka obi ama nyo vaa omi azini orindi amani pi ma aa enzo erini riki si yani, ama lu eji ominia vule azini lu eri dri, “Mungu’i, engazu eti’baza wudrikuruni risi, ne andra ma okoru; ‘da ada Sitani, MA’I, azini Eri epe andra Yesu ma ti MA onze zu.” MGBAI!

“Sawa ‘disi Sitani, mi ku ma, a’disiku Ari Eri ma Mvini ri ni e’yo nzeria MA ni. Ma econi ezata ‘ye ku. Ma onziki, ee, ma onzi kaka riki, ata Mungu neni ki ku.  Afa lu Erini eri ri MA o’dukoni Eri inziria azini epiria, azini afa lu ci Erini neri ‘ba pasopi Ma pariari’i.”  

‘Ba pasopi ama pariari ni ama etraria engazu etuni efuria azini ‘deria, uruleru azini andraleru, ama eciria E’yo Erini fe Ima Amuro dri tepu ma driari ma vutia. Eri afa lu alu ci Erini nga inzita fezu ri’i; a’disiku Eri Eri ma Geri fe ri’i. 

Eri mu amani a’du lu azini eceya ‘di ma vutia?  Ama engaki Eri eri Eri ma nabi vusi pale kakau azini e’yo luria ama dri ama Aku o’diri ni drozi mu ovu ngole yari, te sawa ‘disi eri mu ovu kile ama eriki nga afa aluni Eri ma driaku rile.

‘Ba Sipi Mungurᴜri gba ‘di Ima Leleturini. Enera? Kaka, angu ‘da ni mu ovu ngoni, Oata Munguru, Sipi Mungururi ni gba arakala obini Mungururini engapi ovupi ‘bazaru okoru geri Mungunisi trai Mungu Mungururi vusi ovupi ‘Ba Idri ma eti e’dopi Mungururi i ri! Aku ambo ‘da ni mu e’da ngole! Mi ega e’yo drinia.

Ama ecoki mgbaria ama ‘ba okunazaru ku. Onzita mani ayikosiri ki asi’baza be di uru ndeni. Asi amani ki ongu nzu Munguni erizu e’yo nzeria kpi amani azini luria ama dri Eri di sawa ‘disi Aku amani o’diri ederia azini gbaria ani ama ecoki nga mu oa Eri be ‘Dani ‘danisi dria beni.

Afa azi nduni amani nga eri ri ‘aduni, azini a’duni nga ovu ecezaru amadri Sabatusi ni, Erini e’yo luria amani ‘Bata Okoruri pi ma dria Pasozu ‘ba pariari pie, Ayi pie, O’du Arozuri pie, ‘Be Alatararuri pie, Piramidi pie azini Okuta Alatararuri pie ria?

Ama ecoki omi amaniki tra afa sawa ‘disi pari ‘dupiri pi ma dria ra ya? Munguni Amuro Iniri etraria engazu wudrikurusi ara ani eco ama Aku o’diri ni mu ovu ngole yaru lu ani. Eri mu lu amani tia kpere deria. Sawa dizaruri ngoi ya amani muzu ovuzu eri be ri.

Kalaa aziri ma dria, a’di amaniri engaki nga drio ovu kongolokoru agara ku. Sitani ni ama osi aga nga driori ra. Eri ma omba e’daki ovu esizaru kaniku ‘duzaru te ku.

Te DIZA Mungu vu, ama A’ITA Eri ma E’yo aliari enga nga ovu uru ndeni agara ku. Ama A’ITA nizu ama a’diki yari ni ‘izaru aliru asi amani ma alia, kpere ama ecokini ovu oyazaru ku.

AFAZI YO amani ovuzu orisi ri; AFAZI YO orata ejipi ri. Ata ‘du ama tambaza alia teketeke. Eri PA ‘DUZA DRIA amaniri pi ma ti ji azini oce ni. Eri ama bi driale Eri ma Driniri ma aa. Sitani ni lu ‘ba azi pa gbapi eri ma asizuni ni ovuzu enyia azini eri ci daleri’i. Eri ‘ba ori ni ndeeri’i, eri ni ci kini i e’yo ‘ye Mungu ma Amuro engazu E’yo Nzezaruri vuri be azini eri ovu ndezaru sawa dria ma aliari ra. 

Ama E’YO’I. Ama andra Eri ma aa egazu okokelesi. Ovuni ama mu ovu o’du azisi ‘dini ku, AMA SAWA ‘DISI. Ama kaki ovu E’yo i, ecekini ama eco E’YO NDE NZE RA, AKAKI LU A’IRARIA…AZINI AMA A’IKI RA.

Mi kaniku a’ibani (E’YO’I) kaniku mi abapini (OVUNI E’YO’I KU). Isu azi ama rua aluni yo E’yo aluni abapi ri. Emi di be ‘da! Ama e’da nga lu Sitani dri: ama E’yo’i. Ama eco ovu enyiriko paalea eleri i ra, TE AMA KIRI ESELE RUATI NDENI RI’I!!!

Ani enzo’ba ‘da ka di emu ama ma aluni ma vutisi yani, Amuro ni emu tualu engazu wudrikurusi ara ani ERI MGBAZU AZINI ERI MGBAZU E’yo si.

Azo ka emu ama aluni ma dria yani, ama ama eci tualu ani ERI MGBAZU! Ama aluni ka ovu amata be ele azini vaa, ama dria a’du ‘ye? ERI MGBA!

Ama muria Aku, Amuro. Saa ni eca di ‘bo. Amuro ‘ba ‘di Ima ngulupi ngonde ‘bo. Ama di Maburu alia. Eri opi di jotile ‘bo azini ama pazaru alia. Ama ecoki o’di Amuroni emuzu alitara dria ovuzu ecizaru Izio beri niri eri ra.

Ama nga ovu ama anyu alia eli 1000, ‘daa di muzu tualu ama eselea Eri be Aku amani Droziri alia.

Emi ma eceki eri ku fo, agyipi la. Geri lu alu Mungu ni fe azini ece ra ri’i: TEPU Ki. Eri Aci Piriruri’i e’yo nzeria azini Ima Amuro ma dri ceria ri.

Afa ci mini ‘yeri, mi ma ‘ba O’duko ‘da mi drilia azini aku miniri ma drilia Sabatu ‘disi.  A’ita ni emu eritasi, E’yo erilerisi, azini E’yo nde ni emu nabi vu. Orindi Alatararuri ni Nabi o’du amaniri niri’i e’yo nzeria Ima Amuro dri Tepu pi vusi.

Mi aizaru ruecizu amabe Sabatu ‘disi Sawa azia etusi (12pm), Jeffersonvili saa si, (7pm Ugandaa), Esele Amuroni ni ni nga ru etraria tualu, erizu dria sawa aluri alia, Munguni e’yo nzeria Ima malaika amboruri vusi ani e’yo dria luzu ama dri: Aku Drozi IZio ‘Buari Pini Amuro Nyakuari Beri 64-0802 ma dria.

Adri. Joseph Branham i