Anodikanwa Munyu Wenyika,
O Mwenga Unodikanwa, inguva yakadini yatinayo, takagara pamwe chete munzvimbo dzeKudenga, muhupo hweShoko, tichikura, tichiziva kuti tisu vanaani , kwatakabva, uye nekwatiri kuenda.
Kuziva, kubva mukati memoyo yedu, ZVINO tave vanakomana nevanasikana vaMwari. Kwete tichava, tave ZVINO. Isu tiri zvibereko hwepfungwa dzaMwari.
Apo Satani anotirwisa, uye achiedza kutiratidza kukanganisa kwedu, zvekare, nekukundikana kwedu kwezuva nezuva; paanoedza kutiparadza mupfungwa nomumweya nenhema dzake, tinongomuyeuchidza nokumuudza kuti, “Mwari, kubvira pakuvambwa kwenyika, akandiona; ndizvozvo Satani, INI, uye Akatuma Jesu kuzondidzikinura.” Tomurova!
“Zvino Satani, ndisiye, nokuti Ropa reMwanakomana waKe rinotaura neZVANGU. Handigoni kutadza. Kukanganisa kwangu, hongu, kukanganisa kwangu kuzhinji, hakugone kuonekwa naMwari. Chinhu chimwe chete chaAnonzwa inzwi RANGU ndichimunamata nokuMurumbidza, uye chinhu chimwe chete chaAnoona HUMIRIRI HWANGU.”
Mumiriri wedu ari kutiunganidza kubva kumabvazuva nekumadokero, kuchamhembe nekumaodzanyemba, achitibatanidza pasi peShoko raakapa Mwenga wake patepi. Ndizvo chete zvaAchakudza; nokuti iNzira yaKe yaakapa.
Chii chaAchazotiudza nekutizivisa kwatiri chinotevera? Takamunzwa achitaura kubudikidza nemuporofita wake kakawanda uye achitiudza nezve zvichange zvakaita Musha wedu mutsva, asi rwendo rwuno zvichaita sekuti hatina kumbonzwa chero chinhu pamusoro pawo kumashure.
Mugadziri aneHumwari akagadzirira izvi Mudiwa Wake. Maona? Oo, inofanira kuva nzvimbo yakadini, apo, Hunhu HweHumwari, Mugadziri anehuMwari akaigadzirira hunhu HweHumwari hwakatemerwa neHumwari naMwari Uyo—Uyo ari Muvambi weHupenyu HweHumwari ! Guta iroro richaratidzika sei! Funga nezvazvo.
Hatikwanise kuzvidzora. Mufaro wedu uye kutarisira zviri pamusorosoro. Mwoyo yedu inomhanyidzana kuti tinzwe Mwari achitaura zvakananga kwatiri uye achititaurira kuti Iye zvino Ari kugadzira nekuronga Imba yedu itsva kuti tigogara nekusingaperi pamwechete Naye.
Chii chimwe chatichanzwa, uye chii chichazarurwa kwatiri Svondo, sezvaAnotitaurira zvose pamusoro peKufanotemerwa, Kumiririrwa, Chizvarwa,Zuva Rechisere, Gomo Dzvene, Mapiramidhi, uye Kokorodzano Tsvene?
Tingaputira pfungwa dzedu pane zviri kuitika iye zvino? Mwari ari kuunganidza Mwenga wake kubva pasi rose kuti atiudze zvichange zvakaita Musha wedu mutsva. Iye achatiudza zvese kusvika pauudonongodzwa hwezvose zvishoma zvakadzama. Tichava nenguva ine mbiri sei.
Kune rimwewo divi,hondo dzedu hadzina kumbooma kusvika pakadai.Satani ari kutirova zvisina kumboitika kumashure. Kurwisa kwake hakumboratidzi kureruka kana kupera.
Asi Mwari ngaakudzwe, KUTENDA kwedu muShoko rake hakusati kumbokwirira kusvika pakadai..
KUTENDA kwedu mukuziva kuti tiri ani kwakadzika midzi muMweya wedu, zvekuti hatingazununguswi.
Hatina chatinotya; HAPANA chekushushikana nacho. Baba ndivo varikutitungamirira zvizere. Vanotitungamirira uye nokuraira Tsoka Dzedu Dzose.Vanotibata
muchanza cheRuoko Rwavo. Satani anongova munhu asina maturo ane mugumo wava pedyo, uye anozviziva. Ndiye ari kutya, anoziva kuti ari kushanda neMwenga weShoko Rakataurwa raMwari uye anokundwa nguva dzose.
TIRI SHOKO. Takanga tiri maari kubva pakutanga. Hatisi kuzove rimwe zuva, TIRI ZVINO. Kana tiri Shoko, saka tinogona KUTAURA SHOKO, KANA TIKATENDA CHETE…UYE TIKATENDA. Uri mutendi (SHOKO) kana kuti unopokana (HAUSI SHOKO). Hapana kana chikamu chimwechete mumuviri wedu chisingatendi Shoko rimwe chete. Hezvo iwe! Tangoratidza Satani: tiri Shoko. Tinogona kunge tiri ganda repasi petsoka, ASI TINORAMBA TIRI CHIKAMU CHEMUTUMBI!!!
Saka kana murevi wenhema uyu otevera mumwe memumwe wedu, Mwenga unouya pamwechete kubva pasi rose uye tomurova uye TOMUROVA neShoko.
Kana hurwere hukauya pane mumwe wedu, tinobatana pamwe chete uye tomurova! Kana mumwe wedu akanzwa kuderera uye akaderera, tose tinoita sei? TINOMUROVA !
Tiri kuenda Kumusha, Mwenga. Nguva yakwana. Mwenga azvigadzirira. Tiri muAreka. Avhara mukova uye takachengeta zvakanaka tiri mukati.
Tavakunzwa mimhanzi yekuti Mwenga auye achifamba munzira kuti abatanidzwe neChikomba.
Tichange tiri kuhoneymoon yedu kwemakore 1000, zvino tozoenda tose naYe kuMusha wedu Weramangwana.
Musazvipotsa shamwari. Pane nzira imwe chete yakapihwa nekusimbiswa naMwari: MATEPI. IShongwe yeMoto irikutaura ichitungamirira Mwenga wake. Chero chaunoita, isa Inzwi iri pamberi pako nemhuri yako musiwe Svondo ino. Kutenda kunouya nokunzwa, kunzwa Shoko, uye Shoko rinouya kumuporofita. Mweya Mutsvene ndiye Muporofita wenguva yedu achitaura kuMwenga wake neMatepi.
Makasununguka kubatana nesu Svondo rino na 12:00 P.M., nguva yeJeffersonville, sechikamu cheMwenga tichibatanidzwa pamwe chete tichiteerera, zvose panguva imwe chete, kuna Mwari achitaura kubudikidza nemutumwa wake mukuru uye atiudze zvose pamusoro pe: Musha weRamangwana weChikomba cheKudenga neMwenga Wepanyika 64-0802.
HamaJoseph Branham