All posts by admin5

24-0811 Afa ‘Ba Asi Esepi ‘Be Driari A’duni

Mesegi (O’dukoti): 65-0725E Afa ‘Ba Asi Esepi ‘Be Driari A’duni

BranhamTabernacle.org

Rua Alu Leleturi,

Ama asi’baza azini asi’bata azi amboru ‘dileni pi ma aa; Ama ecoki eri ama ra, afa azi ni mu pari ‘duria. Ama ecizaru tualu O’duko Miniri erizu; afa ci azini afa dria Mini ‘yo ri isuzu. Aleki Eri’i. Aleki ovu Eri ma eseleni. Ama aiki E’yo driari ra.

A’duni i ‘ye ni? Munguni adi ederia. Munguni feria e’yo ondriza ma ece pari iniria. Eri enga sawa driasi asi eseta azi fe. Eri ‘ba e’yo enzotani dria, roko O’dukoti amani andra eri Sabatu ajerisini riki eji, te eri vini Eri ma Aji ki eji tualu.  A’disikuni angu Za o’diruni ovuzuria, Ajiki nga yi etra.

Eri omvita nabi ma e’yo ondrizani, mi dre, Ma emidri nabi Eliya ma ti epe ri’i. Munguni Ima nabini ece ria. Eri Mungu i feria e’yo ondriza ma ece pari iniria. Munguni adi ederia, feria E’yo ini ma ece pari iniria. Eri Eseta Nazuri’i eceria pari iniria.

Anira eri e’da kile afa dria mani ‘yeri ni ruerizuku drice’ba kanisani driari pie, azini e’da kile ma afa dria yini ‘yeri ki tre rile, te ma a’ira

ama ongulumu azi ‘ba andra ovupi ‘bazaru drioru Avizuri Ekpazu azini O’dukoti ‘da, O’duko ‘da erizu azini Eri vuti bizu riki.

Afeki asi o’bi pivu ku. Afeki asi e’yo onzota ‘ba a’ipikurini ri vu ku. Ama ovuki agata pie yi be ku. Ama ovuki afa alunibe ‘yezaru, ‘da Eri ma ci amani ecorari a’izu azini isuzu; Eri ofizu aa kile Maria andra ripi Yesu ma palaa rile.

Ama ava afa azi ci nduni ma aa ku. Alekini afa azi ci ndunini ku. Ama a’ikira kini afa dria amani le eriri ni tepu pi ma dria. Mungu ma E’yo leni e’yo efi eceza ku.
    

Aziza nde eca ima paria ‘bo. Sawa si ya, culu, azini afa ‘ba asi esepi ‘di a’duni? Mungu’i E’yo Iniri ejiria i paria! Eri alurile aje, andru azini ‘dani ‘dani.

Afa ‘ba asi esepi ‘di a’duni? Mungu i, pale alu dika, E’yo Iniri ejiria i paria, Ima ‘baki etraria tualu kanisa pi alia, angu motuka ni odu ‘bazuri pi aa, aku pi aa, etrazazu jeleko werewereni pi ageia suru nde si ara, cazu pere Miriti Kala Etuni ‘Dezuria, uru ‘be Arizonani ri pi ma dria, andra angu sere Teksasini ria, cazu pere Miriti Kala Etuni Efuzuria;  suru ndesi ara azini wudrikurusi ara. 

Ama esele coza sawasi ri re, te Opi, ama tualu rua aluru, ‘ba a’i’baru ‘diyi, Emuta Mesianiri teria.  Ma o’bi afa Mi nabini ndra ‘ye Amuro Mini ecizu alu sawa ndra erini ovuzu ‘diarisi ma vuti bi azini lu ‘ye. Afa ndra erini ‘yeri ni ma ecetani.

Ama ovuni rumu be ‘ba dria erizu Branham Tabanakulua ku, ani ama di lu yi dri E’yo nde idri geri fonini si, erini ndra ‘ye ‘dasiri le. Ama rutra ‘dia, Jeffersonvilia, kanisa amani akua ri pi aa, Emuta Opivuri teria.

Mi lu nga lu amani o’diru kini ‘ba kakauki nga emu ra o’du asizu ‘diyi ma alia mupi o’bipi azi azi ngapi Midri isu dere eri Mi ma ale kililiruri i kuri. ‘Ba kakau ngapi ovupi odu osu Orindi Alatararu adarini ri be, te ngapi ovupi embapi enzoru ‘diyi. Opi geri lu ci alu OVUZU NDINDIRI ni oazu E’yo be, oazu embata tepuniri be, oazu Mi O’duko ovupi ecezarurari be ri’i.

Ama a’ikira ama Mi Ori ‘ba okoru ecopi afa nduni ‘yepiku te Eri ma vuti bizu ri i; Eri ma efi Idri ma drilea amaniria. Mi ‘du ama idriki, te mi ma ‘du ‘Da ku.

A’duni mu pari ‘du Sabatu ‘disi ni? Munguni nga E’yo Iniri eji i paria. Amve suru ndesi, trai geri foninisi, ‘ba turuturu ki nga dri ‘yiniriki oti yi ma dria yi ma eselea suru ndesi ara, engazu miriti aluvu cazu aziri vu, engazu Uruleru cazu Andraleru, Etu ni efuria cazu Etu ni ‘deria.

Ata engazu suru azi amveleru wudrikurusi ara ‘diyi ma aa, ama nga ovu dri amani pie otizaru ama dria ama eselea. Mi ‘yo ndra amadri, “alekini karatasi zizani rikiku, leni ku amani emuzu layini alesi, afa lu amani leri A’ITA ni.”

Ama nga dri amaniki engara ani ‘yo, “Ma a’i’bani.” A’duni mu pari ‘du ni?

Sitani, mi ndezaru. Mi enzo’bani. Azini, ati’bo Munguniri ru, azini ati’bo pi ru, ama ‘yo kini Ru Yesu Kristoni si, mi ma ru E’yo Munguniri, ani mi mu amve engazu ‘ba pivusi, a’dikisuni eri sizaru, “Ru Manisi yi nga orindi-onzi ki odro.” 

Mungu leleturi. Mi Mungu ‘buni ndra, o’du asi eseta ‘Be Kalivarini ma dria ‘dasi, azo dria azini suza azini azi dria sitanini riki ndepi ri. Mi Mungu’i. Azini ‘baki atizaru cota Miniri kisi. Yi truzaru. Ru Yesu Kristoni risi. Amena.

Munguni NGA E’yo Iniri eji i paria ra!

Ma le ta emi ai emuzu erizu ama, esele Eri ma Amuroru ri pie, amani O’dukoti ‘di eriria: 65-0725E Afa ‘Ba Asi Esepi ‘Be Driari A’duni?  Ama nga ovu etrazazu Sabatusi sawa etusi (12PM) Jeffersonvili saa si (7pm Ugandaa).

‘Ba azi ecoki ama kini ama dini azi ni emuzu tualu, O’dukoti aluri erizu sawa aluri alia risi, te Ma a’ira Adripi  Branham ka ta ovu ‘dia ci, eri ta afa ko’bo amani mu ‘yeri ‘ye, Amuroni etraria tualu, engazu wudrikurusi ara, eriria sawa aluri alia EMI ERI ERI’I vu.

Adri. Joseph Branham i

E’yo Sizaki:

E’yo Ba Matayoni 21:1-4

Zekaria 9:9/14:4-9

Isaya 29:6

E’yo Eceza 16:9

Malaki 3:1/4 Zuri

E’yo Ba Yohanani 14:12/15:1-8

E’yo Ba Lukani 17:22-30

24-0804 Ba Oduosuzabe Sawa Asizani Alia Riki

Mesegi (O’dukoti): 65-0725M Ba Oduosuzabe Sawa Asizani Alia Riki

BranhamTabernacle.org

‘Ba Mana Zizaruri Nya’ba Leletu ‘Diyi,

Mungu epe Eri ma ‘ba o’dukoti ojipi malaika aziri zuri mati Amuro Ini dricezu;  ovuni agupi azi nduni i ku, ovuni ongulumu azi agupini niki ku, te AGUPI ALUNI, a’dikisuni O’dukoti ‘ba o’dukoti ojipiri be yi alu. Mungu ma E’yo leni e’yo efi eceza ku. Eri nze Eri Ima Amuro dri tile ‘ba adani vusi ani ama a’iki Eri lu geri Erini Eri ‘yozuri si.

Le ama ma ovuki andru milesi o’duko ngo ni ama driceni ya risi, azini eri ama dri a’du lu yari si. Ama asiza ‘dani ‘daniri ati’i peta nde o’da ma dria; ani le di ama ma peki o’duko ngoni o’duko orodriru ndeni le ama ma eriki ri i ri. O’duko engapi ovupi e’dazaru Mungu vusi ra ri ngo’i?  O’duko ovupi ‘Di Opi ‘Yoni beri  ngo’i? Eri econi ovu ma o’dukoni. ma e’yoki, ma embata ki ku, te le Ma ovu E’yo’i, ani le di ama ma muki E’yo vu ani nezu Eri ama ni a’du lu yari.

Eri lu amani kini Eri nga azingaza geri-towisiri ki enga ama dricezu sawa asizani si i ya?  Ama ecoki ne nditiriru ra yi ovuki pari yini pie ci E’yo ma alia; pari amboruti ‘diyi, te E’yo ‘yo ANGUCINIA kini yi nga ovu o’duko orodrirutu LE ama ma eriki ani ovuzu Amuro’i beni riki ra ya?  

Nabi lu andra amani kini agupi kakauki nga emu ra o’du asizu ‘diyi ma alia mupi o’bipi azi azi ngapi Munguni isu dere eri Eri ma aleni kuri ki. Eri nga yi ma azingazani asindriza fe ra, te eri ovuni Eri ma geri kililiru Ima Amuro dricezu ri’i ku. Eri ‘yo kini Ima Ale kililiruri, azini sawa dria engapi ovupirisiri, ni O’duko Eri ma nabi ovupi ecezarurari niri erizu azini a’izuri’i. A’disikuni Eri, azini Eri’i a’dule, ovu ‘Di Opi ‘Yoni be ni. ‘Da di asisile Erini Ima Malaika mati epezaru ri’i; Eri pe eri’i a’dusi yari; Eri fe o’dukoni ‘duzuci a’dusi yari i. Eri Nyaka orindisi sawa ma alia ri, Mana zizaru, Ima Amuro dri ri’i.

Ayi aziri engazu aziri ‘diyi ma aa, Ma ndreni afa azini ni ku te ‘di lu ‘ba e’yo yini riki ‘bapi amboru Mavuri ma drilia ‘diyi. Ani di ayi ‘di ma asitasi Ma nga emi wi amve Ma tiliarisi ra. Eri di dria dezaru’bo. Ma mu e’yo nze muke. Ee, Ma Kanisa ma eselea ‘dia ci. Amena Munguvu ri’i, a’itabe azini ada i nga Ima ngulupi ece ra azini eri nga OVU MA NABI VUSI.” O Ee, ‘da ada.    

Ayi aziri engazu aziri ‘diyi ma aa ‘baki e’yo yini ‘ba amboru Mavuri ma drilia. Le mi zi nga mi ngulupi kini, ‘di ni i ‘yeria ama esele sawa vaa ‘disi ku ro? “Emi aviki tepuki kanisaa ku, te le mi ma eriki emi ocepi ni’i, emi ma aviki lu tepu ki aku emini pi alia.” .  Yi ‘duki Eri ma O’duko tepu driari ovuzu O’duko orodriru ndeniri ru ku, te yi ma o’dukoni.

Yi ‘baki e’da yi ma ngulupi pi vu, azini orodri YI MA azingazaniri vu, YI MA omveta E’yo ejizu, Amuro ma dri cezuri vu; te Amuro cani mu paso erini ku. Yi mukini eri a’iku. Yi mukini eri ‘ye ku. Yi mukini enza ‘ba Eri ma driaku; Eri O’duko Munguniri azini afa azi nduni yo. ‘Da afa E’yoni ‘yo ri’i.

Zita ‘ba pi ma omia andruri: Mungu pe andra a’di’i Ima Amuro ma dri cezu, tepuki kani azingaza geri-towisiri i?  Azingaza nde ni nga Amuroni ‘ba kililirura ya? Azingaza nde ni nga Amuroni oce ra ya? E’yo Mungunisiria, ‘da enga nga drio ovu geri Eriniri’i ku.

Agupi ki kakau andrusi ‘yopi kini yi engaki O’dukoti ‘di ma vuti bi azini a’i eli kakau kakau di, te yi di sawa ‘disi azingaza NDE ‘ba di o’duko orodriru ndeni le emi ma eriki rikiru.

Azingaza di emini nga mu vutini biri di ngo’i? Azinigaza emini muzu emi asiza ‘dani ‘daniri ‘bazu drinia ri ngo’i? Yi dria ‘yo yi omvezaru Munguvusi O’dukoti oluzu. Ma gani kaniku zini ‘da ku, te olu’ba azi ‘ba esupi ndeni ‘diyi ma azi azingaza geri-towisiri aliariki ‘yo, ‘Eri ovuni O’duko Munguniri’i ku, eri lu o’duko William Branham vuri i”. Azi ‘diyi ‘yo, “o’du O’dukoti agu-aluniri aliki ‘bo” , kaniku “O’dukoti ‘di ka ovu ni E’yo Driariruri i ku”.  ‘Da di ‘ba midri cepiri’i?

Agupi e’yo olupi okuza turu turu ma aa ‘bo ‘dileriki; drileka amboru azingaza geri-towisirini riki, SAWA ‘DISI O’dukoti gasi ani ‘YO, “O’dukoti ‘di enzoru”.

Azingaza driari ma abari ki ‘yo andrusi, “emi ma eriki O’duko Munguniri ma malaikani kanisaaku, lu aku emini pi alia.” “Adripi Branham ‘yoni tepuki avizu kanisaa tuaku ye.”

‘Da di a’izaruri ma drilea.  Ma cani a’iku adripi kaniku amvipi azi ‘yopi kini yi a’iki O’dukoti ‘di ra, kini Adripi Branham ni Mungu ma ‘ba o’dukoti ojipi malaika azirizuri ri, Mvi ‘Bani i e’yo nzeria ri, ni ta e’dezu e’yo nzeza azi oletaru ‘daleni ni rari. Le ta ma fe emi ma ale ma susu. Mi ka ovu Amuroni, ERI NGA ‘YE RA.

Mungu ojani Ima omi E’yo Iniri ma dria ku. Eri nga drio agu aluni pe i Ima ‘ba pi ma dricezu. Azi ‘diyi ovuki pari yini pie ci, te le yi ma ceki ‘ba pima dri ‘ba Erini pe ‘bapi ma dricezuri vu. Mi engaaki ‘ba di. Emi eriki nga afa olu’ba ‘di pini lu emini ri. Esele elaza yini ayu yi ma azingaza ‘bazu nabi vuri ma drilea riki. ‘Ba azi ma azingaza eco di ovu orodriru nde aga Mungu ma O’dukoti ecezaru ovupi e’dazaru azini ecezaru ra ovuzu ‘Di Opi ‘Yoni i ri ra ngoni ru? 

Eri lu amani azini lu amani ‘bo kini, agupi adaru ovu odu osuzabe, Orindi Alatararu adaru be yi ma driari, ecoki ovu enzoru ra.   GERI lu ALU ovuzu ndindiri, OAZU E’YO OKORURI BERI’I, a’disikuni O’dukoti ‘dini ‘ba o’dukoti ojipiri be alu.  O’duko Munguni pe Ovuzu ‘Di Opi ‘Yoniruri lu alu…ALU.

Azingaza adari ni nga lu midri kini AFAAZI YO orodriru ndeni aga E’yo Munguni engazu O’duko Munguni tepu ma driari vuri. Yi eco e’yo olu, emba, kaniku afa ci yini ovuzu omvezaru ‘yezuri ‘ye ra, TE LE YI MA ‘BAKI O’DUKO MUNGUNIRI OKO; TE YI ‘YEKI ERI KU, TE YI MA AZINGAZA ‘BARIA OKO. Yi ma ‘yetaki afa yini a’iri e’da.

Yi omvita zita O’duko Munguniri niri ‘bazu yi ma pari e’yo oluzuriari tru ‘yozu kini, Adripi Joseph a’ini olu’ba ki ku risi.  Eri a’ini e’yo muzu kanisari ma dria ku.  Yi ‘ba ada azi inzi. Yi Joseph ma embata ma vuti bi.  Eri dini ede tepu aluriki avizu azini erizu risi. Yi lu ‘ba pi ma dri atri zita kuluri vusi. Yi ma ‘yetani afa yini a’iri e’da afa yini emba yi ma ‘bapini risi, AZINGAZA YINIRI OKO.

Yi ‘yo, fezu ‘bapini tepu aluri erizu sawa aluri aliari ni dini azini ni. Eri ovuni ko’bo afa Adripi Branham ni andra ‘ye erini ovuzu ‘diarisi; ‘baki e’izu fonisi O’dukoti aluri erizu dria ani sawa aluri ma alia ri’i ku?

Mi zi nga mi ngulupi, Adripi Branham ka ta ovu ‘dia andru ruatia ci, muni ta fe Amuroni dria ovuzu E’IZARU eri erizu sawa aluri ma alia ku? Eri mu ta di o’bi Amuroni ejizu tualu IMA AZINGAZA ageyia kile ndra erini ‘ye dere Mungu ‘duni nga eri akua ku ria ku?

Ma ma isu nga afa azi ‘dia. ‘Ba e’yo onzopiri ki nga ‘yo, mi ne, eri di mu ‘da, ambamba agu nde ma dria; yi agupi azi ma vuti bi, William Marrion Branham i!!  Ama ma nedi lu nga afa E’yoni ‘yo ‘da ma driari vini:

O’du ‘ba o’dukoti ojipi azirizurini ‘diyisi, o’du Ayi Lodikeani ‘diyisi, eri ma ‘ba o’dukoti ojipiri nga e’yo zizaru Munguni riki ece kile ndra ecezaru Pauloni rile. Eri nga e’yo nze ra ani ‘ba nabi ‘da aipi eri ma ngulupi ma rusiri ki nga orodri efikaza nabi ‘da ma azingazaniri isu ra.

‘Di ni mu awoko fe sitani dri aga ‘ba azi ra, azini eri nga mu angu egba muvuleru dika tu di, te ‘ba di, cikani emi andriki ‘di E’yosi.  Ovuni agbari ma ‘yo eri ma’i si ku, yo, ecekini ma ta di ovu agu azi cini le, te eziki asi emini ki omi pie ani eri andrizu E’yo si. Ovuni afa azi agu azi cini ni ‘yo kaniku efini ece emi driri i ku, te afa Mungu ma nabini ‘yo ri’i.

Waraga ‘di ma vutia yi nga mu emini esele elaza fe esele elaza vutia esele elaza vutia, ani Ma AMENA ‘yo esele elaza driarini, TE DI NGA AFA MBGARI I RIA?  Yi esele elaza nde ki ayu luzu emi dri afa emini ‘yeri ma ovu nabini erizu ri’i, kani AZINGAZA YINIRI?  Yi kaki ‘yo O’dukotini, nabi i, ani di mi lu di yi dri O’duko ‘da ‘bazu OKO mi ma kanisaa.

Lu nga ini adriza ‘ba adani risi a’dule, ‘ba cini ni ra kini angu ‘ba kakauni ‘ba pini ovuzuria egata awazaruni ki vini indi e’yo werewereru embata kulu yini bi tualuri pi ma alia.

Eri ‘da’i. Esele elaza alu ‘dini lu mini eri cani, azini eri MUNI NGA KU OVUZU, ongulumu agupi piniri. Eri ovuni azingaza nde’i ku mupi ‘baki ecipiri a’disikuni adriza ‘ba adanisi a’dule, yi awazaru e’yo were were embata amboruriniri pi ma dria, yi ecokini dria a’i tulau ku, ani di le mi ma mu vule E’YO NDRA OKORI vu.

Te di a’dini nga mu ovu okpo onzi ‘yepiku ngapi mupu ovupi ogozaru ro ayi asizu ‘di aliari be ni, a’disikuni ayi asizu ‘di ni muria vule e’data Amuro E’yo Kililiruri vu.

A’dini nga ama dri ceni? O’DUKO ALU okpo onze ‘yepikuriniri beri le ma ci Amuro ma dri ni.

‘Da ma efi kini ama nga ovu E’yo be pale alu dika ekile erini ndra ovuzu fezaru kililiru, azini vazaru kililiru o’du Pauloni kisi rile.

Diza…Eri fezaru kililiru, azini vazaru kililiru. Eri leni efinieciza ku, Erini andra ovuzu fezaru kililiruri si, azini ama, Amuro’i, kililiru vaki azini a’iki E’yo driari ra.  

Eri ‘da’i. Eri nabi azi ovupi ecezarura ni ti eperia.

Eri nabi azi ma ti eperia ogogoni eli alifu iri ma vutia.

Eri ‘ba azi ovupi retu engazu amuti vusi, onita vusi, azini wudrikuru diniri vusiri ma ti epe ani kile andra Yohana Batista azini Elia okuri vu rile,

Eri nga lu e’yo eri engazu Mungu vu.

Eri nga ovu “di Opi ‘yoni be” azini e’yo nze Munguni.

Eri nga ovu tile Munguniri’i

ERI, KILE ERINI OVUZU AZIZARU MALAKI 4:6 RILE, NGA ASI ANZI PINIRI KI OJA VULE ATAPIKA PI VU.

Eri nga ‘ba opezaru o’du asizuri niri ki eji ro azini yi nga nabi ovupi ecezarurari eri e’yo ada mgbari fe kile erini andra ovuzu Paulo be rile.

Eri nga e’yo adari ma dri ogo kile yini andra ovuzu eribe rile.

Ani ‘ba opezaru eri be o’du ‘da ma aliari nga ovu ‘ba adaru Opi ni e’dapi azini ovupi Ruati Erini azini ovupi O’duko Erini azini azi Erini ngapiri ki. Haleluya! Eneki eri ra?   

Ama Eri ne Ama Eri a’i. Ama ava liria ERI ma dria.

Emi a’izaru emuzu ruecizu ama be amani tile Munguni, O’duko mupi Amuro Yesu Kristoniri ecipi, Eri ma nabi ecezarurari eriria, erini amani e’yo ada mbgari feria, sawa azia etusi (12pm), Jeffersonvili saa si (7pm Ugandaa).

Adri. Joseph Branham i  65-0725M — ‘Ba Odu Osuzabe Sawa Asizanisi Riki

 

24-0728 Nyaka Orindisi Sawa ‘Yekeri Alia Ri’i

Mesegi (O’dukoti): 65-0718E Nyaka Orindisi Sawa ‘Yekeri Alia Ri’i

BranhamTabernacle.org

Amuro Kristoni Leleturi, ama ma emuki tualu Sabatusi sawa Azia etusi Jeffersonvili saa si (7pm Ugandaa), 65-0718E Nyaka Orindisi Sawa ‘Yekeri Ma Aliari erizu.

Adri. Joseph Branham I

24-0721 O’bizu Munguni Azi Azi Ngazu Dere Eri Ale Munguni KU

Mesegi (O’dukoti): 65-0718m O’bizu Munguni Azi Azi Ngazu Dere Eri Ale Munguni KU

BranhamTabernacle.org

Amuro Kristoni Leleturi, ama ma emuki tualu Sabatusi sawa azia etusi, Jeffersonvili saa si (7pm Ugandaa), 65-0718M O’bizu Munguni Azi Azi Ngazu Dere Eri Ale Munguni Ku ni erizu.

Adri. Joseph Branham i.

24-0714 Drinzasi

Amuro Drinzasiku Leleturi,

Sawa azi kaniku ‘ba azi engaki nga drio ovu andru ri le ku. Ama Eri ma aa, karimvaki afa Dria Eri ni je amani ri pini. Eri Ima alatara ale amabe, kpere Eri ma aa, ama ecaki di alatara Munguniri ma mgbari’i.

Eri ni andra ama okoru aziza Mungururi si, kini ama nga ta ovu Eri ma Amuroni. Eri pe andra ama’i, apekini andra Eri ama’i ku. Ama emukini andra ama cenisiku, eri andra Eri ma peta ni. Sawa ‘disi Eri ‘ba di asi azini idri amani pi aa E’yo Eceza treru Eri ma E’yoni ri.

O’du vusi o’du vusi, Eri Ima E’yo eceria ama dri, Ima Orindi osuria ama dria, Ima idri mgbari e’deria ama aa. Drio nga yo Eri ma Amuroni ovuzu ‘izaru asi yini pi ma aa niria ra kini eyi Eri ma ale kililiruri ma aa, azini Eri ma otita aa, oazu Eri ma E’yo be, Eri ma O’duko eririari si.

Ale Munguni azini O’dukoti ‘dini ama asi ki efi kpere eri di e’buria e’bue’bu. Afa azi nduni yo ama le eri, e’yo nze drinia, ticita ‘yezu ageinia, kaniku lu eseleni wereru amani nga lu eri ri alezu azini Opi ni inzizuri.

Ama ekile Musa le rokodri ma ngukua. Ama aciki andreti andreti Mungu Okpo-ei be ‘bo, azini andreki O’duko ndeni e’yo nzeria ma dri ‘bo; lu ko’bo otizaru E’yo be azini aziza sawaniri be. Eri ‘ye afa azi ama dri ‘bo. Ama ovukini drinzasi Erisi ku. Aleki tu Eri ekuzu wudrikuru dri. Ama a’ikira Opi Yesuni O’dukoti sawaniri’i azini ama ERI MA AMURO’I.

Eri ce ama agei Ima E’yosi. Endrilendri azi abazani ni yo, ‘di Mungu ma geri fe ri’i. Mungu ojani Ima omi E’yo Iniri ma dria ku. Eri pe andra Ima malaika azirizuri Ima Amuroni omvezu, azini di Oku nde ma ta mbazu laini alia E’yo Erini be.

Afa azi yo idri ‘di ma alea te lu Eri’i azini Eri ma E’yoni. Acakini Eri esu cara ‘dini ku. Eri idri ma drilea amaniria. E’yo ba azini Okpo Mungu Okpo-einiri eri di i wudrikurusi ara kile nga driori le ku. E’yo ni di sawa ‘disi dri azini bile Amuroniri pi aa. Sawa eselecozaniri ni di pari ‘duria, Mungu ni Amuro azi omveria, azini Sitani kanisa omveria.

Aleki M azini E’yo Mini tu, Opi. Acakini isu cara ‘dini ku. Ama riria indikindi Mi E’yoni ri alia o’du dria, niria, ecaria ngonde Mi Emuta mbaleruri ni. Ata, le di ma ovu enyia tu. Ama ecoki eri ama ra, Opi. Ama teria asi’bata azi amboruni si.

Ata, mi fe ama ma oaki asi adarusi agara azini a’baki ama oyoki o’diru. Anikira ama A’ita E’yo Mini aleari ni veria asi amani alia. Mi ‘du ama abataki dria ‘bo. Afa azi ‘daa yo pe lu E’yo Miniri’i. Ama ndindi, azini ama ovukini drinzasiku luzu wudrikuru dri, ama Mi Amuro Tepunirikiri. 

Ma le wudrikuruni a’i emuzu erizu amabe Sabatu ‘disi sawa azia etusi (12pm), Jeffersonivili saa si (7pm Ugandaa), amani O’dukoti ‘di eriria: Drinzasi 65-0711.

Adri. Joseph Branham i

E’yo Ba Marakoni 8:34-38

24-0707 Munguni Drio Omi Iniri Oja Erima E’yosi Ra Ya?

BranhamTabernacle.org

Amuro Ale Kililirurini Leleturi,

O’du ‘di vutivutiru azini Emuta Opiniri ogogo. Jotile ni ovu opizaru azini sawa ni di i deria, eri ka nga i de ku ria. Eri vutivutiru ambamba abazu ara; ovuzu ozu oyazarᴜ olirikasi rile; ovuzu bile fopi fo ri pie. Eri sawa peta pkiri pezu ri’i. Ma ma ‘ye a’duni ovuzu Eri ma Amuroni?

Munguni Ima Omi Oja Ima E’yo ma dria ra ya? TUA YO.  Ani di le ama ma o’biki o’du dria, asi azini idri amani driari si ovuzu ERI MA ALE KILILIRURI ma aa.  Le ama ma owiki ama ngulupi ki Ale Erini vu azini E’yo Erini vu. Mi ma zi Eri zitasi tuaku, mi a’i lu Eri azini ai Eri’i.  Mi o’bi geri esu Eri truzu ara ku. Mi ‘dulu Eri geri Erini ovuzu rile.

Nabini lu amani O’dukoti ‘di ma aa kini asisile erini driari ni e’dazu amani kini le Mungu ma mba Ima E’yo ma ta ra ovu Mungu’i beni, ‘ba kakau leki mu Eri ma ageyinisi ara, ani muzu geri azi nduni si.  Yi kaki ‘yera, yi yi ma ngulupi isu muria drile, azini Munguni mu tusu co yi dria ra, te yi azi ngaria Eri ma Ale singirisi ri alea, ani ovuni Eri Ale kililiru, geri Mungunisi ri alea ku.

Nabini ama ji vule E’yo vu azini eri ama dri ecetaki fe nezaru, onizaru, azini ama egazu, MUNGU OJANI Ima Omi kaniku Ima geri KU, Eri Mungu’i azini ojani i KU.

Sawa ‘disi, ama ne kini ‘diki andra agupi orindi be ‘dileriki, iritro andra nabiki, iritro andra omvezaru ra. Azini Musa i, kpi layini azini ria, Aci Piriruri azi O’diruni be eri ma drilea o’du dria, Orindi Munguniri eri ma dria, layini azini ri alia. Ati’bo azi Munguni azini ni indi, omvezaru Mungu vusi, pezaru Mungu vusi, nabi azi E’yo Munguni ni emuzu vunia ‘dile ni. ‘Di di angu onziri. ‘Ba azi yo andra ecopi agata gapi ra agu ‘dani ovuzu Munguni—Munguni ku ri, a’disikuni Bibilia ‘yo kini Orindi Munguniri nze andra e’yo eri be ra, azini eri andra nabi azini.

Opi, ‘da enyia tu ngole? Ma eco ni ngoni ru, isu IRITRO ki andra nabi ki? Yi iritro andra agupi ifizaru-orindisi Munguni omveni, pezaru Mungu vusi riki; nabi Munguni E’yo Munguniri ni emuzu yivu riki. Iritro ‘yoria Orindi Alatararuri ni yi ma driceria.

Ama ma laki azini oniki nga esele elaza azi were niki tia afa Mungu ma ‘ba o’dukoti ojipi malaika azirizuri ni ‘yori ki. Aleki afa Erini ‘yo ri i; ovuni afa kanisani ‘yo ri i ku, afa Dokta Jones ni ‘yori i ku, kaniku afa ‘ba azini ‘yori i ku. Aleki afa ‘DI OPI ‘YONI ni ‘yo Eri ma nabi vusi ri i.

Musa’i, pezaru nabiru E’yo Opiniri be, e’dazaru kini eri andra pezaru ovuzu yi ma dricepi sawa ndeniri ru, azini Iburahimu azi andra afa nde ki dria ra,…

‘Ba azi econi andra pari Musaniri ‘du ku. Kora ki tro emu kalafe ngopisi yari ti, kaniku Datani ki tro ovu ngopi yari ti; eri andra Musa i, Munguni andra ove ri’i, tro a’duni ti.

Musa ni andra ‘ba Mungu andra pe ‘bapi ma dricezu ri’i. Agupi azi engaki andra ra ani yi ‘yoki andra yi agupi odu osube, gazaru Orindi Alatararurisi ra niki vini indi.  Mungu omve andra yi vini ra dricezani. Te Musa ni andra dricere Mungu ma Ale Kililirurini oko yi ma dricezu ri’i.

Te, azini ‘ba kaki aci Eri ma Ale kililiruri ma alea ku, Eri ovu Ale singirisi ri be ci Erini fezu mi ma aci aleniasi ri. Mine, Eri mu eri fe ra, muke, te Eri mu fe erini azi ngazu diza Ini ri dri, Eri ma ale kililiruri alia. Sawa ‘disi mi ka ta…

‘Ba azi lepi ovupi Mungu ma ale ti tatari aliani yo. Amuro adari le ovu Eri ma ale kililiruri alia, sawa driasi, ajeni ka tro ovu a’duni yari ti.

Eritaako ki kakau, egata pie, abaza pie, omi pie, orodri tepuki avizuri ma dria.

Aniki dria ra kini ‘dini e’yo mbga di be fepi a’i’ba Mesejiniri pini esele cozu andrusi ri i.  Aniki ra LE Amuro ma OVU AZINI NGA OVU, ruecizaru tualu; ‘da E’yo i.

Agupi gapi-orindisi, Mungu-omveni ni ki ci kanisaa andrusi. Yi agupi odu osube Munguni omveni O’dukoti ‘di olupi ni ki. Te adaru yi ma azi aluni yo amani ecozu a’izu rari’i.

Yi ecoki di ovu ‘ba Amuroni ecipi ki ngoni ru? Ama eco ovu ecizaru yi ma azingaza alia ra ya? Adaru yi omvezaru yi ma kabilo pi ma dricezu, te yi dricezu vule Mungu ma OTITA OKORI vu. ERI MA DRICEPI VU. ERI MA NABI I.  Ovuni yi ma azingaza ni ku.

Yi kaki emba emini kini O’duko tepupi ma driari le emi MA obi vutini i ri ku, azini emi ma a’i Eri O’duko orodriru ndeni le emi ma eri ri i ri ku yani, yi di lu ini Eri ma Ale singirisisiri alia.

Yi kaki lu emini eri O’duko orodriru ndeniri, azini yi kaki adaru ‘da a’i ra, ani di yi ecoki di avi sawa dria emini ovuzu tualu risi ku a’dusi?

Mi ka le ovu ndi ndi, NDI NDI, kini mi Eri ma ale kililiruri alea, GERI ADARURI lu alu. Eri Mungu ma o’duko e’dazaru ra tepu pi ma driari erizuri’i. 

Afa oko mini niri, tepu ni ca yi ma joaa . ‘Da ovu’di eri be ‘bo. Eri ka ovu kabilo ni, eri nga emu kpi eri be. Ka ovu indri ni, eri nga tepu nde tu amve.

Le ma ma ovu NDI NDIRU. Ma cani, azini ngani mu, jegejege azi wereruni ‘be ma asiza ‘Dani’danirisi ku. ANIRA O’duko tepu pi ma driari ni O’duko Munguni Amuroni ri’i. ANIRA Eri onzi azi kokoru. ANIRA Eru e’dazaru Aci Pirirurisi. ANIRA Eri Afa Munguni pe Ima Amuro dricezu ri’i. ANIRA kini O’duko ‘da ni O’duko lu ecopi azini ngapi Amuroni ecipi tuala ri’i. ANIRA eri nga mu ovu O’duko ‘da’i mani nga eri ‘yoria  

“Mi ndre, Kabilomva Munguni” ri’i.

LE MA MA EKPA AVIZURI ani O’duko ‘da eri zu beni. Emi a’izaru emuzu ruecizu ma be Sabatu ‘disi sawa azia etusi (12pm), Jeffersonvili saa si (7pm Ugandaa), amani 65-0418E Munguni Drio Omi Iniri Oja Erima E’yosi Ra Ya? ni eriria.

Adri. Joseph Branham i

Ama nga mu O’dukoti nde e’do esele 61 aa.

E’yo Siza lazarᴜ de nga O’dukoti nde ovu erizaruku ki:

Efuza capta 19 zuri
Kalafe 22:31
E’yo Ba Matayoni 28:19
Luka 17:30
E’yo Eceza capta 17 zuri

24-0623 Ru ‘Duzu Azini Ru Erezuri

Mesegi (O’dukoti): 65-0221M Ru ‘Duzu Azini Ru Erezuri

BranhamTabernacle.org

Amuro E’yoni Ondikokoru Leleturi,

Ama Eri ma Oku wereru alebe ri’i; ondikokoru, elozaruku agu azi cini ma amutisi, embata cini ‘ba ada niri vusi. Ama Amuro E’yoni alaru, ondikokoru ri’i! Ama Mungu ma zi mvabe aari’i.

Ama Eri ma anzi E’yo Nzezaruri ni riki, ovupi Eri ma E’yo andra okoruri’i! Ezata Mungu ma alia yo, ‘dinile ezata ama aa yo, amani ovuzu Eri ma Ngulupi ma wuraki risi. Ama ecoki andra e’de ngoniru? Eri eco’iku….ECO’IKU! Ama Eri ma eseleni, Eri ma E’YO ADARU OKORU RI’I.

Ama ecoki ‘di ni abaza azi kokoru ngoniru? E’YO ECEZA. Bibilia driari, O’dukoti ‘di’i, E’yo Munguni, eri dria E’yo Ecezani. ‘Da geri amani e’yo adari nizu O’duko ‘di ma eselea o’duko azi ‘diyi pie driari’i, eri E’yo Ecezani. Azini ama E’yo Eceza oti lu i E’yo be, ovuni ndu E’yo vusi ku.

“Ani oni ‘di ma dria” (e’yo eceza orindisi E’yoni a’duni yari) “Ma nga Kanisa Mani ri si; azini kali tile pari ‘ba drijazaniri cani nga Eri oya vaa ku.” Eri ma Oku muni nga ovu obezaru agupi azi nduni pivusi ku. “Ma nga kanisa mani si, azini Pari ‘ba drazaniri ma kalitile ngani eco Eri ndezarᴜ kᴜ.”

Ama nga ovu adaru azini aitasi Eri ma E’yo vu azini Eri ma O’duko vu, a’dule.  Acaki ni mu ovu ezazaru agu azi vusi ku azini ali o’bazuku. Ama nga awi Eri ma Amuro E’yoruri. Acaki ni nga angu ne, eri azini ruazi e’yo azi nduni be ku.

Eri ele asi amani pi alia. Ama eco ta ovu agupi azi be ku, te ama AGUPI ALURI’I, Yesu Kristo’i, Agu aluni, Mungu’i, Immaueli’i. Eri ma Okuni nga ovu alifu ma paale alifu alifu. ‘Da ni e’da kini Amuro ni emu engazu wudrikurusi. “Opi Yesu aluni, azini Eri ma Amuro’i kakau, omveza aluru.”

Le ama ma egaki azini vaki ra ‘di ovuni ‘ba driani ku, lu ongulumu nabini rini A’DULE. ‘Ba eri ngulupi vuti bipiri ki. O’dukoti ‘di lu yini, kabilo wereru Orindi Alatararuri ni fe eri dri ocezaruri ki.

Mungu ni nga mu eri ne i afa erini lu amani ri ki si, azini Mungu ni nga mu ama, ‘ba erini oja engazu angu drisi ara ‘diyi, ‘ba erini dri ce Kristo vu ‘diyi, ne i Eri ma E’yo dria a’izu azini enza o’bazu aluni ku. 

Eri onyiru tu amani rizu azini Eri eriria luria ama dri ama Eri ma ‘Ba peleri ki ngoni yari ngole ya. Geri andra Eri ma Amuro okorini, Amuro irizuri be Eri e’dezu ri’i; te ama, Eri ma Amuro sawa-asizaniri ngani ERI E’DE ALUNI KU. Ama nga awi Eri ma Amuro E’yo aliriaru, adaru, a’itabe ri’i pere asiria.

Ama A’ita Eri ma E’yo aliari ni zo amboru o’du dria. Ama ama ngulupi ‘ba ngonde Eri ma E’yo erizu azini ruzu o’du driari, Eri ma O’duko eriria e’yo nzeria amani, ama Bibiliaki lazu, Eri zizu azini inzizu o’dusi zu risi.

Aniki ra Eri emuria mbeleru. Minati cinisi sawa ‘disi. Kile Noa le, ama asi ‘baria Eri ta emu aji; eco ovu drusi o’bitisi, sawa aziasi, ondresi, te amani niri Eri emuria. Mungu ma nabi azini Eri ma E’yo nzoki ni ku, ERI EMURIA. Ama ama ra eri o’du 7 ri, azini ama ecoki iriti ki ne ra ru o’baria azini o’deta ozooni amboruri ki o’deria; sawa eca di ‘bo.

Ama tambazaru azini muke Maburu alia, teria asi’baza angiri ni pie. Mi emu ruecizu ama be amani O’duko Munguniri eriria ama asi ambiria Sabatu ‘disi sawa azia etusi (12pm), Jeffersonivili saa si (7pm Ugandaa), amani: Ru ‘Duzu Azini Ru Erezuri 65-0221M ni eriria.

Adri. Joseph Branham i

E’yo Siza lazarᴜ de nga O’dukoti nde ovu erizaruku ki:

E’yo Ba Matayoni 5:31-32 / 16:18 / 19:1-8 / 28:19
‘Yeta 2:38
Rumi 9:14-23
Timoteo Okori 2:9-15
Koronito Okori 7:10-15 /14:34
Iburania 11:4
E’yo Eceza 10:7
E’doza Capta 3 zuri
‘Ba Levini 21:7
Yobu 14:1-2
Isaya 53
Ezekieli 44:22

24-0416 Mungu Ma Pari Pe Inzitani Ri

Mesegi (O’dukoti): 65-0220 Mungu Ma Pari Pe Inzitani Ri

BranhamTabernacle.org

Ataza Yesu Kristo Leleturi,

Ama ka ta zita azi zi afa azi cini ma dria idri amani alia, le omvita azi adaruni ma ovu ci. Afa azi eco ovu erivu enyia ra, te le omvita azi adaruni ma aa ci, omvita kpi zita alualuvu ri. Ani di, zita alu alu emupi idri amanipi alea ri, le omvita azi adaru, ‘yeke ni ma aa ci.

Ama ka ovu zita azi Bibiliani ni be, le di ma ovu Omvita Bibiliari be ci. Ama lekini ku erini emuzu engazu ongulumu azi agupi pini ni ma aa, engazu tiecita azi ci ‘dini alea, kaniku engazu ‘ba azi onitabe ni vu, kaniku engazu dini azi vu. Aleki ma emu kpi engazu E’yo Siza vu. Le ama ma niki ra: Mungu ma pari adaru azini ‘yeke Eri inzizuri a’duni?  

Mungu pe andra drifuzu ‘ba be; ovuni andra kanisa azi aa ku, ovuni dini azi aa ku, ovuni a’iza azi aa ku, te Kristo alia. ‘Da lu angu alu ci Mungu muzu drifuzu ‘ba azi be ra ri’i, azini erini ecozu Munguni inzizura ri’i, eri Kristo alia. ‘Da lu angu alu ci ri’i. Mi ka tro ovu Metodistoni, Baptisini, Catolicani, Purutandi, mi tro a’duni yari ti, angu lu alu mini ecozu Munguni inzizu ‘yekeri, ‘da Kristo alia.

Mungu pari lu ‘yeke azini pezaru Eri inzizuri ni Yesu Kristo alia; ‘da Geri Erini alu lu fe ri’i.

Bibilia azi andra amani Aji azi ra Malaki 4 alia; Aci Piriru azi amani ta vutini biri. Eri nga e’da kanisa abaza aliari dri Eri Ebrania 13:8 i, Yesu Kristo alurile aje, andru azini ‘dani ‘dani. Ovu vini azizaru amani Luka 17:30 aa kini Mvi ‘Bani i (Aji i) nga Ima ngulupi ece Ima Amuro dri.

E’yo Eceza 4:7 alia, eri lu amadri kini Nguru ki su, okori ni kami ni. Nguru vutiniari monioni.  ‘Daa, vutinia emupi ri andra agupini;  agupi ‘da andra ‘ba e’dopi e’yo ‘yekeri ki ogopi vuleri ki, ‘ba ada ma onitani, embata diniri, azini azi ‘diyi pie.

Te Bibilia ‘yo kini sawa ondreni risi, Nguru asizu andra mupi emupiri andra Aji saapi sasari. Munguni ta mu Ima Amuro saa asizaniari ni Aji azi fe; Mvi ‘bani ma Ngulupi’i, Ima ngulupi eceria ruati alia Ima Amuro ma dri cezu.

Bibilia ‘yo vini afa dria okuru, E’yo Okuri alia ‘diyi, ki andra endrilendri afa emupiri pivu ri’i. Endrilendri ‘dani ecaria enyia, afa endrikaruri ni di ovu kizaru afa ada adari alia. Afa andra pari ‘dupi sawa ‘dasiri ni endrilendri afa ta pari ‘dupi andruri ni.

1 Samueli 8 alia, E’yo Okurini lu amani Mungu fe andra Samueli nabini ‘ba pi ma dri cezu. ‘Ba emuki andra erivu azini ‘yoki erini yi leki andra opi azi ni.  Samueli isu andra avaaku kpere eri ma asi le di andra e’de.

Mungu enga adra Ima ‘ba pi ma dri ce nabi ovupi owizaru azini E’yo Sizani e’dara ‘di vusi ani eri ama di andra i ovu di gazaru si ‘dini. Eri etra di andra ‘baki tualu ani matu o’bazu yini ruojazu engazu Mungu andra yi e’dupi kile anzinyiri le, azini yi ezupi azini asindriza fepi yi dri ri vusi ku. Te yi siki andra lu drile.

Yi ‘yoki andra Samueli dri, “Mi enga nga ini ovu onzi ku driceza mini alia. Mi enga drio ini ovu lokirisi ku mi azi ngaza sende beri alia. Mi ‘yi mi ngulupisi driari ‘bo ama ‘bazi layinia E’yo Opini ri be. Ama awa’difosi tali, ondoa, feta azini tambaza Munguni rikisi. Ama a’iki eri ra. Aleki eri ra. Azini dika alekini ovu eri kokoruku. Eri ‘di lu amani opi azi lezu ama dricezu a’dia ri’i.

Sawa ‘disi nile’borile akaki mu a’dia eri kiri ale amani ri’i ovuzu atalau pie muzu drile azini Yuda ni di ‘diria vutinia, ani ama di nga ama gukaki vu azini otre azini ongo ngo. Alekini ‘da ma cini atri ku. TE ALEKI OPI AZI OVUPI ‘BA AMA DRI CEPI RI’I.”

‘Di ovuni andra ‘ba dini ni o’du ‘dasiri ki ku. ‘Di mbgaria ‘ba andra ‘yopi kini ERI ANDRA adaru Mungu ma nabi andra Munguni pe yi ma dri cezu ri ki.

“Ee, mi nabi ni. Ama a’iki O’dukoti nde ra. Munguni Ima E’yo ece mi ni, azini aleki Eri tu, azini alekini ovu Eri kokoruku, te aleki ‘ba azi nduni MI kuzu kalasi ama dri cezu;  ama ngulupi pini ri’i. Aleki kiri ‘yo kini ama a’iki O’dukoti mini eji amani ri ra. Eri E’yo i. Mi nabi’i, te mi ovuni O’duko lu azini orodriru ndeni ri i ku.”

‘Ba onyiru niki ci wudrikurua andrusi, kanisa onyiru ni ki. Te Ataza Yesu Kristo ni lu alu, azini ama Oku nde’i, ‘ba Erini emuzu eriniri i; Eri ma Amuro E’yo aliria ondikokoru ngapi oapi Mungu ma O’DUKO OVUPI E’DAZARU AZINI ECEZARU OVUZU LU ‘DI OPI ‘YONI NIRI pie ri’i.

Mi ka le rueci amabe Sabatu disi sawa azia etusi (12PM), Jeffersonvili saa si (7PM Ugandaa) ra yani,

ama nga kiri mu ovu geri erizu e’izaru fonisi wudrikurusi arari be.  ‘Di afa pari ‘dupiri’i.

Mi mu ma adripika, amvipika, ma agyipika, ‘dia pari ‘di ma aari pi ma dria ondre ‘disi azini amve arasi geri foni nisi riki.  Suru kakau ndunduki eriria, engazu Miriti Kala Etuni efuria kpere Etu ni ‘deria. Ma zi Mungu leleturi, andra nyamuko ma alesi Tuksonia, re Kalifonia, uru Nevadaa azini Idahoa, re Etu ni efuria azini ara, andra Tekisia; aita ‘di ni ovuzu fezaruria, ‘baki rizaru kanisa wereruni pi—pi alia, pari mutuka pini odu mvuzuria, aku pi aasi, eriria. Mungu la, agu, kaniku oku, agupiamva kaniku zamva avizaru ‘da sawa ‘di ma alia, ma emu Mi vu fo. Mi fe ma ye’i sawa ‘disi fo. Aziki eri Ru Yesuni si, ani yi ma isuki pari tambazaniri sawani nga ovuria ci.

 Sawa ‘disi, Opi, agati-otita ‘di ecadi’bo, ani Sitani’i, ‘ba ambo toko ‘da’i, eri ovu driwala be ku mva Munguniri bizu.  Eri oata azi ovupi ndezaru’bo ni. Yesu Kristo, angu lu alu inzitani, Ru lu alu adaruri, nde andra eri ‘bo Kalivaria. Azini ama Eri ma Ari ai sawa ‘disi, kini Eri nde andra azo dria, suza driari ki ‘bo.

Azini ma Sitani ni omve ongulumu ‘di kuzu. Ru Yesu Kristoni risi, mi efu amve ‘ba di pi ma aliasi, ani yi ma ovuki truzaru beni.

‘Ba dria atita yini ki aipi E’yo sizaruri ni lelerisiri, efeki e’yo-etinzeza emini ri pasozu pa emini dria risi azini ‘yozu, “Ma ai sawa ‘disi ma atita ra Ru Yesu Kristoni risi.” Esoki pa pa emini pi dria.

Inzita ma ovu Mungu vu! Emi di be ‘da. Emi ne kalaa ‘doa, acopie azini afa azi ‘diyiki pasoria uru. Inzita ma ovu Mungu vu! ‘Di be ‘da. Mi a’i lu. Eri ‘dia indi.

Adri. Joseph Branham i

Mungu Ma Pari Pe Inzitani Ri 65-0220

E’yo Siza lazarᴜ de nga O’dukoti nde ovu erizaruku ki:

Azita Amviza 16:1-3
Efuza 12:3-6
Malaki Capta 3 zu azini 4 zuri ki
Luka 17:30
Rumi 8:1
E’yo Eceza 4:7

24-0609 O’du ‘Disi E’yo Siza ‘Di Ece Ima Paria’bo Ri

BranhamTabernacle.org

Amuro Oriefi Opiruriru Orindisi Okpobe Leleturi, 

Teta azi dika yo, abata azi dika yo, AMA ECAKI ‘BO! AMA Amuro Oriefi Opiruriru Orindisi Okpobe riki. Ori Orindisi Mvi Opiru Azizaruri i. Ovuni ongulumu azi drozi ‘dile ri ku; ovuni a’bianzi azi emu emuri ki ku; Ama aaria o’du asizuri alia, ama a’bianzi ngapi mupi Yesu Kristoni nepi driegoria nyakua riki.

O’du ‘Disi E’yo Siza ‘Di Eca I Ma Paria ‘Bo!

E’yo ba alu aluri, Okpo alu aliru, Mvi ‘Bani ALUALU ovupi ajeri, ni andrusi, azini nga ovu ‘dani ‘dani. 

O’du ‘Disi E’yo Siza ‘Di Eca I Ma Paria ‘Bo!

Agyipika Arizonaa, Kalifonia, Tekisia, United Statesi ara azini WUDRIKURUSI ARA tepu ‘di eripi geriko i’izaru simuasi leletu ‘diyi la;   S-o-n Munguni alu alu andra emupi kala etuni efurialeru ma aa andra Ima ngulupi ecepi Mungu ovupi ‘bazaru ruatisiri ruri, ni S-o-n alu alu kala etuni ‘derialeru ‘diari’i Ima ngulupi di e’daria kanisa pi alesi ovuzu alurile aje, andru azini ‘dani ‘daniri’i. Diza ondreni Mvi ni ri eca ‘bo.

O’du ‘Disi E’yo Siza ‘Di Eca I Ma Paria ‘Bo!

O’duko Mesiani andra pasopi azini e’yonzepi pari e’yo oluzuri ma aa o’du Inisi ‘da, Ima ngulupi e’daria E’yo azizani ayi ‘daniri beri, ni O’duko Mesiani alu alu e’yo nzepi Ima Amuro andrusi wudrikurusi ara tepu pi ma driasi ri’i, luria ama dri: Ma aluarile aje, andru azini ‘dani ‘dani.  MA O’duko Munguniri’i emi ni. EMI MA ORI AMURORU OPIRU ORINDISI aapi E’yo Mani be riki. 

O’du ‘Disi E’yo Siza ‘Di Eca I Ma Paria ‘Bo!

Ngiri ngiri azi ci ‘bapi ma eselea andrusi ani yi di ede E’yo Adaru Munguniri nezu te. Eri a’disikuni e’yo efi eceza E’yo Munguni rini ‘ba adani efieceni ri ki andra kakau. Mungu leni ‘ba azi ku Eri ma E’yo efi ecezu. Eri ‘ba Ima Ngulupi ma E’yo efi ecepi ri i. Epe andra Ima Amuro dri Ima o’du O’duko malaika nabiru E’yo Eceza 10:7 vuri ma ti Ima E’yo efiecezu. Eri DI OPI ‘YO NI.

O’du ‘Disi E’yo Siza ‘Di Eca I Ma Paria ‘Bo!

Mi di ‘yo, “Ma ka andra ovu ‘daa ci Yesuni andra oaria nyaku ma dria ‘dini, ma andru mu ‘ye ‘dini-‘dini.”  Muke, ‘da ovuni andra ayi miniri i ku. Te. ayi miniri ‘di’i, ‘di sawa mini ri’i. O’duko ngo’i mini ‘yo eri O’dukoki
Mungu vuri? O’duko ovupi O’duko orodrirutu miniri ngo’i?  

O’du ‘Disi E’yo Siza ‘Di Eca I Ma Paria ‘Bo!

Sitani ni di aciria ko’bo nga driorileku omba’baria Eri ma Amuro be. Eco ‘do fe mini egazu kini mi ovu azo be kaniku azo ma obi azi be ci ‘dini, kaniku omba’ba aku miniri be.  Aziria Munguni fe e’yoki di eca inicici kpere ata mi eco di angu ne uru ku, ara ku, kaniku angu cini ma aa ku.   Ani ‘daa Eri di emu ra mini geriko edezu eri ma alesi, ani mi eco di ‘yo beni, Ma ovuni ori Hagarani ri’i ku, Ma ovuni ori Sarani ri’i ku, Ma ovuni ori Mariani ri’i ku, Ma Mungu ma Ori Iburahimuni Orindisi Opiru Okporuri’i.   Ma Mungu ma E’yo azizaru mani ri ‘du i, Eri ‘Di Opi ‘Yoni ni. Ma cani nga ovu oyazaru ku. Eri katro e’da ngole yari ti, sitani katro a’du yari ti. Afa dria mani le rikisi, Ma nga Munguni ‘du E’yo Ini si.

O’du ‘Disi E’yo Siza ‘Di Eca I Ma Paria ‘Bo!

O’duko Munguniri nze e’yo ‘bo. Ma mba emi dri Nyaka Orindisi dria emini leleri ma ta ‘bo. Emi ‘yoki LU afa ovupi ‘yozaru tepu pi ma driari i. Ma Mungu ma O’duko emidri. Ma E’yo leni e’yo efi eceza ku. Emi aleni ti kani awakini ku, emi leki emi emi eselea, TE emi oaki E’YO MANI RI BE.  

O’du ‘Disi E’yo Siza ‘Di Eca I Ma Paria ‘Bo!

Emi ma ovu ndezaru ku. Emi ma ovu avaaku ma alia ku. Efeki Sitani ma ra emi emi ma AYIKO si ku. Emi egaki emi A’DIKI yari, emi mu ngoa yari, eri mu ovu ngole Ondre ta Oku bizani amboru ‘da ma aa ri. Oaria Aku ambo drinzaru Eri ni si lu emini ‘da ma aa. Angu drozi emini muzu ovuzu ‘dani ‘dani ma driari ma aa Eri be azini ‘ba dria andra mupi drile ‘bori pie ri.

Azi di dika yo. Ocoko di dika yo. Dra di dika yo. A’di di dika yo. Lu idri ‘dani ‘dani ri i Eri be. Ani ama di nga ‘yo;

O’du ‘Disi E’yo Siza ‘Di Eca I Ma Paria ‘Bo!

Ama ma ovuki avakoko ku ani di ‘yozu, “Ma ande pari ‘disi ‘bo, ale di fu ‘dia risi te ri.” Ama ma ‘yoki eri o’dini: Eri emuria di minati cini ma aa sawa ‘disi, MA NI…DIZA!   Ma econi te ku. Ma nga mu ‘ba mani lele ‘di ki ne dria ra. Yi nga mu e’da lu kpi ma ma drilea ‘dini, ani ‘da ma di nga ni ra, ERI DE DI I DRIA ‘BO, AMA ECAKI DI ‘BO.

Ani di ‘daa ata cani sawa wereni ma aa ku mileni i pe wereri le, ama di nga ovu dria kala azi ‘da ma dria.

Ama ma ovᴜ ayikosi azini zu ayiko, a’disikᴜ o’du Kabilomvani okᴜ bizᴜri eca ‘bo, azini Eri ma Amuro… Eri ma Amuro ede i ‘bo.

Mi ka le ayiko zu, azini ovu Oku biza Kabilomvani ri ma aa ama be ci yani, mi emu mi ngulupi ‘bazu ngonde Sabatu ‘disi sawa azia etusi (12pm), Jeffersonivili saa si (7pm Ugandaa), amani: 

O’du ‘Disi E’yo Siza ‘Di Eca I Ma Paria ‘Bo 65-0219 ni eriria.

Adri. Joseph Branham i

E’yo siza lazaru riki:

E’yo Ba Yohanani  Capta 16 zuri
Isaya 61:1-2
E’bo Ba Lukani 4:16