Adɔfoɔ A Wɔwɔ Ahomegyeɛ Mu, 

Nokorɛ nie Awɔ berɛ papapaa a ɛwɔ yɛabrabɔ mu nie. Awurade mmae no abɛn pɛɛ. Wɔde Honhom Kronkron no asɔ y’ɛano; Onyankopɔn nsɔano a yɛagye atom sɛ biribibiara a Kristo wuuieɛ maaeɛ no yɛ yɛn dea. 

Seesei yɛwɔ yɛagyapadeɛ no ho ahotɔsoɔ, Honhom Kronkron no. Ɛno ne ahotɔsoɔ no, ntoaseɛ sika-tua no, sɛ wɔagye yɛn ahyɛ Kristo mu no. Yɛregye yɛn ahome  wɔ Onyankopɔn bɔhyɛ nom mu, a yɛreda N’awia hann mu ɛreka yɛn ho hye; N’asɛm a wɔasi so dua, ɛretie Ne nne.  

Ɛyɛ yɛn nkwagyeɛ no mu ahotɔsoɔ. Yɛnni ɔhaw sɛ yɛrekɔ hɔ anaasɛ daabi, YƐREKƆ! Ɛyɛdɛn na yɛhunu saa? Onyankopɔn na Ɔkaa saa! Onyankopɔn hyɛɛ ɛho bɔ na yɛanya ahotɔsoɔ no. Yɛnsa anya aka na Kristo agye yɛn atom.

Ɔkwan biara nni hɔ a yɛnam so bɛtwe yɛn ho afiri Ɛho…nokorɛ nie, yɛwɔ hɔ! Deɛ ɛsɛ sɛ yɛyɛ ara ne sɛ yɛbɛtwɛn kɛkɛ; Wasiane a Ɔreyɛ Busuani -Gyefoɔ adwuma no mprempren yi. Yɛwɔ Ɛho ahotɔsoɔ mprempren yi. Yɛretwɛn ɛberɛ a ɔbɛsan aba abɛfa yɛn kɛkɛ. Afei, ɛberɛtia bi mu, anibɔtɛtɛso no, yɛn nyinaa bɛkɔ ayeforɔhyia anwumme-duane apontoɔ no ase.

Wo deɛ dwene deɛ ɛda yɛn anim ma yɛn no nyinaa ho. Ne nyinaa ntumi nkɔ yɛn adwene mu. Da biara da Ɔreda N’asɛm no pii adi, Ɔrema yɛn ahotɔsoɔ sɛ saa bɔhyɛ akɛseɛ weinom nyinaa yɛ yɛn dea.

Ɛwiase ɛregye gu; ogyahyehyeɛ nom, asaasewosoɔ nom, ɛne basabasayɛ wɔ baabiara, nanso wɔgye di sɛ wɔwɔ Agyenkwa foforɔ a ɔbɛgye ɛwiase nkwa, na ɔde wɔn yieyɔ mfirinhyia no bɛba. Yɛagye yɛn Agyenkwa no dada na yɛte yɛn yieyɔ mfirinhyia mu. 

Seesei Ɔresiesie yɛn ama Adiyie bebiree mpo ɛberɛ a yɛrebɛwura adiyisɛm ɛtire a ɛto so num no mu no. Ɔresiesie beaeɛ wɔ ɛha ama Nsoano Nson no anobue. Sɛnea Ɔyɛeɛ wɔ Adiyisɛm ɛtire baako no mu no, ɛrebue kwan ama Asafo Mfirinhyia Nson no.

Ɛdeɛn na ɛnna a aka wɔ awɔberɛ yi mu no wɔ ma Ayeforɔ no? Momma yɛnikan nhwɛ anim kakraa bi:

Seesei, menni berɛ. Me twerɛ too hɔ, nsɛm bi a ɛfa ho wɔ ha, nanso yɛn nhyiamu a ɛdi hɔ no ansa na yɛbɛtumi akɔ wei mu…Ɛbia me firi m’akwamma mu ba a anaa ɛberɛ foforɔ bi mu no, mepɛ sɛ menya saa Daniel naawɔtwe aduɔson yi na mede bɔ mu wɔ ha pɛɛ,  na mekyerɛ no baabi a ɛde kɔ Pentecose  ahosɛpɛ afahyɛ no, na ɛde no san ba saa nson pla-… nsɔano nson a wɔbɛbue ano wɔ ha ansa na yɛakɔ, na akyerɛ sɛ aduru awieɛ, weinom…

Ɛberɛ nwanwasoɔ paa ara a Awurade de ato hɔ ama N’Ayeforɔ. Ɔreyi Ne ho adi wɔ N’asɛm mu akyerɛ yɛn sɛdeɛ ɛbi nsii da. Ɔrehyɛ yɛn nkuran sɛ yɛyɛ wɔn a Wayi wɔn no a Ɔreba abɛfa wɔn no. Ɔreka kyerɛ yɛn sɛ yɛwɔ Ne pɛ a ɛwie pɛyɛ no mu ɛnam sɛ yɛne Ne Nne ɛretena, ɛne N’asɛm.

Ɛdeɛn na yɛreyɛ? Ɛnyɛ adeɛ baako, ahomegyeɛ ara kɛkɛ! Yɛretwɛn! Adwumaden biara nni hɔ bio, biribi a ɛha adwene biara nni hɔ bio, YƐREGYE YƐN AHOME WƆ ƐSO!

Bra ɛne yɛn ɛmɛgye ahome wɔ  Kwasiada wei prɛmtoberɛ, Jeffersonville berɛ mu, ɛberɛ a yɛtie Onyankopɔn Nne a WASISODUA no de nkransɛm no a ɔkaa no Ayɛwohomumɔ bosome no ne da a ɛtɔ so du nwɔtwe wɔ afe apem ahankoron aduosia baako mu no: 

“Adiyisɛm, Ɛtire  Enum Ɔfa A Ɛtɔ So Mienu “.

Onuabarima Joseph Branham

Adɔfoɔ a Wɔagye Wɔn Abayɛ,

Awɔ Berɛ nwanwasoɔ bi a yɛwɔ mu ɛberɛ a Honhom Kronkron no ɛrema N’asɛm ahyerɛn ama Ayeforɔ no sɛdeɛ ɛbi nsii da. Nneɛma a ɛbia yɛate, akenkan na yɛasua yɛn abrabɔ nyinaa mu no, seesei wɔrepa ho ntoma  na wɔada no adi sɛnea ɛbi mmaa da. 

Onipa de mfie mpempem  mu na atwɛn saa ɛda pɔtee yi. Wɔn nyinaa kɔn dɔɔeɛ na wɔbɔɔ mpaeɛ sɛ wɔbɛte na wɔahu nneɛma a yɛhunu na yɛteɛ no.  Tete adiyifoɔ no mpo kɔn dɔɔ saa da yi.  Sɛdeɛ na wɔpɛ sɛ wɔhunu deɛ ɛhyɛma ne Awurade mmaeɛ no.

Yesu asuafoɔ mpo, Petro, Yakubu, ne Yohane, mmarima a wɔne No nanteeɛ na wɔne No kasaaeɛ, kɔn dɔɔ sɛ wɔbɛhunu na wɔatie deɛ na ahinta no nyinaa. Wɔbɔɔ mpaeɛ sɛ wɔbɛda no adi na wɔde akyerɛ wɔ wɔn nna mu, wɔ wɔn berɛ mu.

Wɔ Asafo Mfirinhyia Nson no nyinaa mu no, ɔsomafoɔ biara, Paul, Martin, ne Luther pɛɛ sɛ wɔhunu ahintansɛm a na wɔde asie no nyinaa. Na wɔn apɛdeɛ ne sɛ wɔbɛhunu Asɛm no sɛ ɛrehyɛma wɔ wɔn nkwa nna mu. Na wɔpɛ sɛ wɔhunu Awurade mmae no.

Ná Onyankopɔn wɔ nhyehyɛeɛ bi. Ná Onyankopɔn wɔ ɛberɛ bi. Na Onyankopɔn wɔ nnipa bi a na Ɔɔtwɛn wɔn…YƐN. Wɔ Mfirinhyia no nyinaa mu no, na wɔn nyinaa adi ntwo.  Nanso na Ɔnim, ɛnam Ne nimdeɛ a ɔdii kan nyaaeɛ so no, nkurɔfoɔ bi bɛba: N’animuonyam, Asɛm a ɛwie pɛyɛ Ayeforɔ. WƆN ƐMMA N’ENSA ƐNSI FƆM. Wɔn ɛngo wɔn mmudie mu wɔ ASƐM BAAKO HO.  Wɔbɛyɛ N’asɛm korɔgyenn Ayeforɔ baabunu.

Saaberɛ yi ɛne ɛberɛ no. Ɛmmerɛ no nie. Yɛn ne wɔn a wɔayi wɔn a Watwɛn firi ɛberɛ a Adam hwee aseɛ na ɔhweree deɛ ɛwɔ no no. YƐYƐ N’AYEFORƆ.

Onyankopɔn diikan kyerɛɛ Yohane deɛ na ɛbɛsie nyinaa, nanso na ɔnnim asekyerɛ no nyinaa. Ɛberɛ a wɔfrɛɛ no ​​kɔɔ soro no, ɔhunuu deɛ na ɔte ahenwa no so no nsa nifa mu nwoma bi a wɔatwerɛ mu, a wɔde nsɔano nson asɔ ano, nanso na ɔbiara nni hɔ a ɔfata sɛ ɔbue nwoma no mu.

Yohane teaa mu na osuu dendeenden ɛnam sɛ na adeɛbiara ayera, na anidasoɔ biara nni hɔ. Nanso yi Awurade ayɛ, mpanyinfoɔ no mu baako ka kyerɛɛ no ​​sɛ, “Nsu, ɛfiri sɛ hwɛ, Yuda abusuakuo mu Gyata no, David Ntini no, Wadi nkonim sɛ ɔbɛbue nwoma no mu, na watete ne nsɔano nson no”.

Na ɛno yɛ saa berɛ no. Ná ɛno ne ɛmerɛ no. Na ɔno ne ɔbarima a Onyankopɔn ayi no sɛ ɔntwerɛ deɛ ɔhunuiɛ nyinaa. Nanso ɛda so ara, Na yɛnnim Ne nyinaa nkyerɛaseɛ. 

Na Onyankopɔn ɛretwɛn na Ɔretwɛn sɛ Ne nipa a wayi no, N’ebɔfo  somafoɔ a ɔtɔ so nson, bɛba asase so, sɛdeɛ ɛbɛyɛ a Ɔbɛtumi de ne nne ayɛ Ne Nne,  ama N’ayeforɔ. Ná Ɔpɛ sɛ Ɔkasa ano gu aso mu sɛdeɛ ɛbɛyɛ a NTEASE A ƐMMU NNA HƆ biara ɛmma. Na Ɔno ankasa, pɛ sɛ Ɔkasa na ɔda N’ahintansɛm nyinaa adi kyerɛ Ne dɔfoɔ, a  wɔwie pɛyɛ, a wɔyii no too hɔ, akomamu tɔfe Ayeforɔ… YƐN!!

Sɛnea Ne kɔn adɔ sɛ Ɔbɛka saa nneɛma a ɛyɛ nwanwa yi nyinaa akyerɛ yɛn. Sɛnea ɔbarima ka kyerɛ ne yere sɛ ɔdɔ no mpɛn pii, na ɔmmrɛ da sɛ ɔbɛtie no, Ɔdɔ sɛ Ɔbɛka akyerɛ yɛn mpɛn pii sɛ Ɔdɔ yɛn, Ɔyii yɛn, Ɔtwɛɛn yɛn, na afei Ɔreba  abɛfa yɛn.

Na Ɔnim sɛdeɛ y’ɛani bɛgye ho sɛ yɛbɛte sɛ Ɔka si so bio, si so bio, ɛnti Ɔmaa wɔtwee Ne Nne guu ahoma so, ne saa no N’ayeforɔ no tumi ‘Press Play’ da mũ no nyinaa, da biara, na wɔtie sɛ N’asɛm ɛhyɛ wɔn akoma nom ma. 

N’Ayeforɔ kɔnɔfoɔ no nam N’asɛm adidie so asiesie Ne ho. Yɛntie biribi foforɔ biara nka ho, Ne Nne nkutoo kɛkɛ. Yɛbɛtumi adi N’asɛm Korɔgyenn a wɔde ama no nkutoo.

Yɛwɔ akwanhwɛ kɛseɛ mu. Yɛnya Ɛmu atenka wɔ yɛn kra nom mu. Ɔreba. Yɛte sɛ wɔrebɔ ayeforɔhyia nnwom no. Ayeforɔ no ɛresiesie ne ho sɛ ɔbɛnante ɔkwan a ɛda nkonwa ntam no so. Obiara sɔre gyina hɔ, Ayeforɔ no ɛreba abɛka n’Ayeforɔkunu no ho. Wɔasiesie adeɛ nyinaa. Ɛberɛ no adu.

Ɔdɔ yɛn sɛdeɛ ɛbi nni hɔ. Yɛdɔ No sɛdeɛ ɛbi nni hɔ. Yɛne No ɛrekɔyɛ Baako, ɛne wɔn a yɛdɔ wɔn nyinaa, daapem nyinaa. 

Yɛto nsa frɛ wo sɛ bra bɛka yɛn ho siesie wo ho  ma ayeforɔhyia no Kwasida prɛmtoberɛ, Jeffersonville berɛ mu, ɛberɛ a yɛtie  Onyankopɔn Nne ɛreda Adiyisɛm, Ɛtire Num Ɔfã A Ɛdikan adi. Nkrasɛm a ɔkaa no Ayɛwohomumɔ bosome no ne da a ɛtɔ so du baako wɔ afe apem ahankoron aduosia baako mu.

Onuabarima Joseph Branham. 

M’adɔfoɔ A Wɔnni Awieɛ,

Ɛberɛ aso sɛ yɛyi y’ɛakodeɛ ntakrakyɛ  to hɔ na wura wo honhom adwendwene mu, ’firi sɛ Onyankopɔn ɛresiesie Ne ho sɛ Ɔde N’Asɛm mu Adiyie pii bɛma N’Ayeforɔ.

Ɔbɛda ahintasɛm a atwam no nyinaa adi akyerɛ yɛn. Ɔbɛka deɛ ɛrebɛsi daakye nyinaa no akyerɛ yɛn. Deɛ afoforɔ a wɔwɔ Bible mu nyinaa hunuuiɛ anaa wɔteeɛ kɛkɛ no, Ɔbɛda N’asɛm ɛne ɛmu nkyerɛkyerɛmu nketenkete biara adi akyerɛ yɛn.  

Yɛrebɛtie na yɛanya Bible mu agyinahyɛdeɛ nom nteaseɛ: Ateasefoɔ, Ahwehwɛ Po, Gyata no, Nantwie ba no, Onipa no, Ɔkɔdeɛ no, Mmɔborɔhunu Adwa no, Awɛmfoɔ, Mpanyinifoɔ, Ɛnne, Aboa, Mmoa Yɛbea.

Yɛbɛte na yɛanya Apam Dadaa no mu awɛmfoɔ no nyinaa ho nteaseɛ. Yuda: Apueɛ fam ɔwɛmfoɔ no; Efraim: Atɔeɛ fam ɔwɛmfoɔ no; Rueben: Anaafoɔ fam ɔwɛmfoɔ no; ɛne Dan: Atifi fam ɔwɛmfoɔ no. 

Biribibiara ntumi mma saa mmɔborɔhunu adwa no ho baabi a ɔntwa mu wɔ saa mmusuakuo no ho. Gyata no, ɔnipa nyansa no; Nantwibedeɛ: adwuma pɔnkɔ; Ɔkɔdeɛ: N’ahoɔhare. 

Sɛnea Ɔsoro, asase no, wɔ ntam, ɛne deɛ atwa ho ahyia nyinaa, na wɔyɛ awɛmfoɔ. Na n’atifi no yɛ Ogya Fadum no. Biribiara anka saa mmɔborɔhunu adwa no a, antra saa  mmusuakuo no.

Afei Apam Foforɔ no wɔ awɛmfoɔ: Mateo, Marko, Luka ɛne Yohane, a wɔrekɔ wɔn anim tẽẽ. Gyata na ɔwɛn apueɛ pono no, Ɔkɔdeɛ a ɔtuo no na ɔwɛn atifi pono, Yohane, ɔsɛmpakafoɔ no. Afei ɔduruyɛfoɔ a ɔwɔ ɔfã wei, ɔbarima Luka, no. 

Nsɛmpa nan no de Twerɛnsɛm biara wɛn Pentekoste Nhyira no de gyina deɛ wɔkaaeɛ no so pɛpɛɛpɛ. Na afei ɛnnɛ yi, asomafoɔ no Nnwuma no de Nsɛmpa nan no di adanseɛ sɛ Yesu Kristo te sɛ deɛ Ɔteɛ ɛnora ɛnɛ, ne daa. 

Sɛ deɛ Onyankopɔn asra no kann no kasa a, Ɛyɛ Onyankopɔn Nne! Yɛpɛ sɛ yɛteam kɛkɛ sɛ, “Kronkron, kronkron, kronkron, ma Awurade!”

Ɔkwan biaa nni hɔ a wobɛfa so atwe wo ho afiri Ɛno ho. Nokorɛ nie, yɛntumi ntwe yɛn ho mfiri Ɛno ho, ɛfiri sɛ ɛntwe Ne ho ɛmfiri yɛn ho. Wɔasɔ y’ɛano akɔsi yɛn gyeɛ Da. Biribiara nni hɔ daakye, biribiara nni hɔ mprenpren yi, amanenya,  ɔkɔm, sukɔm, owuo, anaa BIBIARA, a ɛbɛtumi atete yɛn afiri Onyankopɔn dɔ a ɛwɔ Kristo Yesu mu no ho. 

Ansa na ɛwiase fapem no, wɔde yɛn din hyɛɛ Adwammaa Nkwa Nwoma no mu sɛ yɛbɛhunu Saa Hann YI, sɛ yɛbɛgye Saa Ɛnne yi, sɛ yɛbɛgye  Saa Nkrasɛm yi adi, sɛ yɛn nsa bɛka Honhom Kronkron a Ɛwɔ hɔ ma yɛn da no na yɛanante mu. Ɛberɛ a wɔkumm Adwammaa no, wɔde YƐN DIN hyɛɛ Nwoma no mu ɛberɛ korɔ no ara a wɔde Adwammaa no Din hyɛɛ mu no. ANIMUONYAM!!

Enti no, biribiara ntumi ntente yɛn mfiri saa Nkrasɛm yi ho. Biribiara ntumi ntete yɛn mfiri saa Ɛnne no ho. Biribiara ntumi ɛnye Asɛm yi mu Adiyie no mfiri yɛn nsam. Ɛyɛ yɛn dea. Onyankopɔn frɛɛ yɛn na Ɔyii yɛn na ɔde yɛn too hɔ. Adeɛ biara yɛ yɛn dea, Ɛyɛ yɛn dea. 

Ɔkwan baako pɛ na ɛwɔ hɔ a wobɛfa so anya weinom nyinaa. Ɛsɛ sɛ wode Asɛm no nsuo hohoro wo ho. Ɛsɛ sɛ wote Asɛm no ansa na woatumi awura mu wɔ Ɛhɔ. Na ɔkwan baako pɛ na wobɛfa so akɔ Onyankopɔn nkyɛn, ɛno ne Gyidie. Na Gyidie nam ɔteɛ so na ɛba, Onyankopɔn Asɛm tie, a ɛda adi firi kronkron mu Kronkronbea no mu kɔ mfirinhyia no mu somafoɔ no hɔ.

Enti, ɛha no, asafo mfirinhyia no mu bɔfoɔ no ɛrekyerɛ wɔ saa nsuo  no mu Ɔnii ko a ɔwɔ mu ha a ɔreda N’ahummɔborɔ, N’asɛm, N’atɛmmuo, Ne Din adi. Ne nyinaa da adi wɔ ɛhanom a woate wo ho ɛnam sɛ wo gye Ɛno die. Wo te aseɛ?

Ma ɛnyae Tape nom tie no, ɛne Ɛno ntena kɛkɛ. Hwehwɛ mu wɔ Asɛm no mu na hwɛ sɛ Ɛyɛ ampa a. Ɛyɛ Onyankopɔn Kwan a ɛwɔ hɔ ma ɛnnɛ yi. 

Bra bɛka yɛn ho wɔ Awɔ Berɛ yi mu ɛberɛ a yɛka yɛn ho abɔ mu firi ɛwiase afannaa nyinaa na yɛtie Onyankopɔn Nne ɛda N’asɛm adi akyerɛ N’Ayeforo sɛdeɛ ɛbi nsii da. Ngosra biara nni hɔ a ɛsõ kyɛn sɛ wobɛmia play na woatie Ne Nne.

Ɛfiri m’akoma mu tɔnn, mɛtumi aka sɛ: M’ani agye yie sɛ mɛtumi aka sɛ me ne mo mu biaa yɛ Wɔn Mu Baako. 

Ɔnuabarima Joseph Branham.

Nkrasɛm a ɔkaa no Ɔpɛpɔn bosome no ne da a ɛtɔ so nwɔtwe wɔ afe apem ahankoron aduosia baako mu- “Adiyisɛm, Etire Nan Ɔfa Ɛtɔ So Miɛnsa”.

Prɛmtoberɛ: Jeffersonville berɛ mu.

M’adɔfoɔ Efie Asɔre Ayeforɔ,

Momma yɛn nyinaa mmoa yɛn ano na yɛntie Nkransɛm no a, ɔkaa no Ɔpɛpɔn bosome no ne da a ɛdi kan wɔ afe apem ahankoron aduosia baako mu Adiyisɛm Etire Ɛnan Ɛfa A Ɛtɔso Mienu Kwasiada wei prɛmtoberɛ, ɛwɔ Jeffersonville berɛ mu.

Onua Barima Joseph Branham

Adɔfoɔ Ahotefoɔ a Wɔhyɛ Ntade-Fitaa,

Sɛ yɛte Onyankopɔn Nne sɛ ɛkasa kyerɛ yɛn a, biribi si wɔ yɛn kra mu tɔnn.  Yɛn nipadua mu no nyinaa sakyera na ɛte sɛ deɛ ɛwiase a atwa yɛn ho ahyia no ɛtwa mu akɔ. 

Ɔkwan bɛn so na obi bɛtumi akyerɛkyerɛ mu afa deɛ ɛrekɔ so wɔ yɛn akoma mu, yɛn adwene mu, ɛne yɛkra mu, ɛwɔ ɛberɛ a Onyankopɔn Nne ɛda N’asɛm adie wɔ Nkransɛm biara a yɛtie no?

Ɛte sɛ yɛn diyifoɔ no, yɛte nka sɛ wɔama yɛn so akɔ ɔsoro a ɛtɔ so mmiɛnsa na ɛte sɛ deɛ yɛn honhom ɛfiri nipadua a ɛwuo yi mu. Nsɛmfua biara nni hɔ a yɛde bɛkyerɛ dea yɛteɛ wɔ yɛn mu ɛberɛ a Onyankopɔn da N’asɛm adi kyerɛ yɛn ɛsene ɛberɛ biara. 

Wɔde Yohane too Patmo supɔ so na wɔka kyerɛɛ no ​​sɛ ɔntwerɛ deɛ ɔhunuiɛ no na ɔmfa nhyɛ nwoma bi a wɔfrɛ no Adiyisɛm mu, sɛnea ɛbɛyɛ a ɛbɛkɔ mfirinhyia no mu. Wɔde saa ahinta nsɛm no asie kɔsii sɛ Ɔnam Ne bɔfo-somafoɔ a ɔtɔ so nson a wayi no no so daa no adi kyerɛɛ yɛn.  

Afei Yohane tee saa Ɛnne korɔ no ara wɔ ne soro na wɔmaa no so kɔɔ soro a ɛtɔ so mmiɛnsa. Saa Ɛnne no kyerɛɛ no ​​asafo mfirinhyia no, Jewfoɔ mmaeɛ no, ɔhaw nom a wɔhwie guuieɛ no, Ohwim no, Mmaeɛ bio no, Mfirinhyia Apem no, ɛne Daa Fipam ma wɔn a Wagye wɔn no. Ɔmaa no so kɔɔ soro ɛna ɔsan yɛɛ ahoboaboa no nyinaa kyerɛɛ Yohane sɛdeɛ Ɔkaa sɛ Ɔbɛyɛ no. 

Nanso hwan na Yohane hunuuiɛ ɛberɛ a ɔhunuu ahoboaboa no?  Ɔbiara nnim ankasa de bɛsi nnɛ.  

Adeɛ a ɛdi kan a ɔhunuuiɛ wɔ mmaeɛ no mu ne Mose. Ɔgyinaa hɔ maa Ahotefoɔ a wɔawuwuo a wɔbɛnyane wɔn; mfirinhyia nsia a wɔdaaeɛ no nyinaa.

Nanso na ɛnyɛ Mose nkutoo na na ɔgyina hɔ, na mmom na Elia nso wɔ hɔ bi. 

Hwan ne saa Elia a na ɔgyina hɔ no? 

Nanso na Elia wɔ hɔ; ɔsomafoɔ a ɔwɔ hɔ ma ɛda a ɛdi akyiri no, ɔne ne dɔm, wɔn a wɔasakyera, Ohwimfoɔ no.

ANIMUONYAM…HALELUYA…hwan na Yohane hunuuiɛ sɛ ɔgyina hɔ? 

Ɛnyɛ ɔbiara sɛ Onyankopɔn  bɔfo-somafoɔ a ɔtɔ so nson, William Marrion Branham, ne NE DƆM A WƆASAKYERA, OHWIMFOƆ…YƐN MU BIARA!!

Elia gyinaa hɔ maa ɛkuo a ɔɔmo nipadua sesaaeɛ no. Kae sɛ Mose na ɔdii kan, na afei Elia. Na ɛsɛ sɛ Elia yɛ somafoɔ wɔ ɛda a ɛdi akyiri no, sɛ ɔne ne kuo no bɛba owusɔreɛ…ɛbɛba…wiɛ, mekyerɛ ɛbɛba Ohwim no. Mose de owusɔreɛ no baeɛ ɛna Elia nso de Ohwim dɔm no baaeɛ. Na, ɛhɔ no, ɔɔmo mienu ɛgyina maaeɛ.

Kasa fa deɛ wo yi ɛso nkatasoɔ, woreda no adie, ne Adiyisɛm. 

Ɛno nie! Yɛnsa aka No yɛn ntam seesei, Honhom Kronkron, Yesu Kristo, Ɔte saa ɛnora, ɛnnɛ, ne daa. Woyɛ…Ɛyɛ asɛmpaka ma wo, Ɛyɛ adekyerɛ ma wo, Ɛrebɔ mmɔden sɛ ɛbɛma woahunu dea ɛtene ne dea ɛntene. Ɛyɛ Honhom Kronkron no ankasa a Ɔde nnipa ano  ɛrekasa, ɛreyɛ adwuma wɔ nnipa mu, Ɔrebɔ mmɔden sɛ Ɔbɛkyerɛ ahummɔborɔ ne adom.

Yɛn na yɛ yɛ Ahoteefoɔ a Wɔhyɛ Ntade-Fitaa a Ne bɔfoɔ hunuuiɛ sɛ wɔfiri asaase afannaa nyinaa so ɛba bɛdi  Nkwa Panoo no. Wabɔ yɛn kɔkɔɔkɔ na yɛne No aware na yɛanya N’asiwa mfeano wɔ y’ɛakoma mu. Yɛhyɛɛ yɛn ho bɔ maa No, ɛne Ne Nne nkutoo. Yɛnyɛɛeɛ, na yɛmfa ɛnne foforɔ biaa ngu yɛn ho fĩ.

Ayeforɔ no ɛresiesie ne ho akɔ soro te sɛ deɛ Yohane yɛɛeɛ no; akɔ Onyankopɔn Anim. Wɔbɛma yɛn so wɔ Ohwim Asafo no mu. Hwɛ sɛnea ɛno twa yɛn kra ho hyia kɛkɛ! 

Ɛdeɛn na ɛdi hɔ a Ɔrebɛda no adi akyerɛ yɛn? 

Atɛmmuo nom; bogyanamboɔ no, ɛne deɛ ɛgyina hɔ ma; ne fa mu dwuma a ɛdiiɛ. Ahwehwɛboɔ, ne aboɔ ahoroɔ no nyinaa. Ɔbɛfa weinom nyinaa asiane afa Hesekiel, akɔ akyiri  wɔ Genesis mu, asan akɔ Adiyisɛm, asiane aba Bible mfimfini, akyekyere saa aboɔ  ahoroɔ ne ahosuo no nyinaa abɔ mu.

Ɛyɛ Honhom Kronkron korɔ no ara, Onyankopɔn korɔ no ara, ɔrekyerɛ nsɛnkyerɛnneɛ korɔ no ara, anwanwadeɛ korɔ no ara, ɔɔyɛ ade korɔ no ara sɛdeɛ Ɔhyɛɛ bɔ no ara pɛ. Ɛyɛ Yesu Kristo Ayeforɔ a ɔnam Ne Nne tieɛ so ɛresiesie ne ho.

Yɛma mo akwaaba sɛ momɛka yɛn ho ɛberɛ a yɛwura ɔsoro mmeaeɛ wɔ prɛmtoberɛ, Jeffersonville berɛ mu, sɛ yɛbɛte sɛ Elia, Onyankopɔn somafoɔ ma mfirinhyia a ɛtwa toɔ yi mu, ɛda ahinta nsɛm a wɔde asuma wɔ mfirinhyia no mu adi.

Ɔnua Barima Joseph Branham

Nkransɛm a ɔkaa no Ɔpɛnima bosome no ne da a ɛtɔ so aduasa baako afe apem ahankoron aduosia mu Adiyisɛm Etire Nan Ɛfa a ɛdi kan.

Anidie mu, kae Y’ɛafe Foforɔ Nkransɛm, Ɛbenada anadwo: Akansie No  Nkransɛm a ɔkaa no Ɔpɛnima bosome no ne da a ɛtɔ so aduasa baako wɔ afe apem ahankoron aduosia mienu mu. Ɛkwan pa biara nni hɔ a wo de hyɛ Afe Foforɔ no ase.