All posts by admin5

24-0901 Uye Vasingazvizive

Mharidzo: 65-0815 Uye Vasingazvizive

PDF

BranhamTabernacle.org

Vadiwa Hama Ne Hanzvadzi,

Garai pedyo na Kristo. Regai ndikuyambirei zvino, semushumiri we Ivangeri, ye izvi. Regai kutora hupenzi. Regai kufungidzira chinhu. Garai ipapo kusvikira umu mukati memukati manyatso batirira pa Shoko, kuti uri muna Kristo chaimo, nokuti ndicho chinhu choga chicha… Nokuti, tiri muchizvarwa chinonyengera kupfuura zvose zvatakambogara mazviri. “Chinotonyengera Vasanangurwa chaivo deno zvaigoneka”, nokuti vane chizoro, vanogona kuita chinhu chose se vamwe vose.

Baba, Makati yambira kuti tiri kurarama muchizvarwa chinonyengera kupfuura nguva dzose. Mweya miviri iri munyika ichange iri pedyo nepedyo zvikuru, igonyengera vasanangurwa chaivo, deno zvaigoneka. Asi kurumbidzwa ngakupihwe Ishe, hazvigoneki kuti nyengera isu, Mwenga Wenyu; tichagara ne Shoko Renyu.

Tiri Chisikwa Chenyu Chitsva, uye hatigoni kunyengerwa. Tichagara ne ‘Nzwi Renyu. Ticharitaura sezva riri ne kuzembera pa Shoko rega rega, zvisinei zvinotaurwa naani. Hapana imwe nzira kunze kwe Nzira Yenyu yamakapa. Zvanzi na Jehovah pama tepi.

Muporofita Wenyu paakange ari pano panyika, aiziva kuti zvakakosha sei kuti Mwenga unzwe Shoko rose rakataurwa, saka aka batanidza Mwenga Wenyu nenzira ye runhare. Wakatiunza pamwe chete pa Shoko Inzwi Renyu Rakataurwa rakasimbiswa.  

Aiziva kuti hakuna chimwe chizoro chikuru kupfuura Inzwi Renyu.

Kunze uko pamasaisai erunhare urwu, dai Mweya M’tsvene mukuru, wapinda muungano yega yega. Dai Chiyedza Chitsvene chimwe chete chatinotarisa imo muno mukereke, dai chawira pane mumwe namumwe.

Zvose zvingadikanwa ne Mwenga Wenyu kuitira Kuuya Kwenyu zvakataurwa, zvakachengetwa uye nekuzarurwa ku Mwenga wenyu ne ngirozi Yenyu; ndiro Shoko Renyu. Makatiudza kuti kana tine mibvunzo, endai kuma tepi. Makatiudza kuti William Branham ndiye Inzwi renyu kwatiri. Pangava nemubvunzo seiko mupfungwa ye Mwenga wenyu panyaya yekuisa Inzwi Renyu se Inzwi rakakoshesesa ra Anofanira kunzwa? Hapana Ishe, ku Mwenga Wenyu.

Muporofita wenyu akatiudza pamusoro pehope yaakarota achiti, “Ndichatasva muhwezva uyu zvakare” Hatizivi zvazvinoreva, asi zvirokwazvo Ishe, Inzwi Renyu riri kutasva muhwezva wemasaisai zvakare nhasi, richitaura, uye nekudana Mwenga wenyu kubva pasi rose.

Munokokwa kuuya kuzobatana nesu, Branham Tabernacle, musi we Svondo na 12:00 masikati, nguva ye Jeffersonville, patichanzwa pamasaisai Inzwi ra Mwari richitiunzira Mharidzo: 65-0815 – “Uye Vasi Ngazvizive”

Hama Joseph Branham

Magwaro ekuverenga:

Zvakazarurwa 3:14-19

Vakorose 1:9-20

24-0825 Zviitiko Zvichijekeswa NeChiporofita

Mharidzo: 65-0801E Zviitiko Zvichijekeswa NeChiporofita

PDF

BranhamTabernacle.org

VadikanwaZvapungu,
 
Pane mutumbi, zvapungu zviri kuunganaipapo. Inguva yemadekwana, uye chiporofita chiri kuzadzikiswa pamberi pemeso edu. Moyo yedu iri kupisa mukati medu sezvo tamukoka muma chechi edu, mudzimba dzedu, nemudzimba dzedudzedhaga kunze uko mumasango. Achataura kwatiri uye nekuzarura Shoko Rake. Tine nzara ne nyota ya Mwari wakawanda.
 
Wakasarudza nzira ichauya nayo Shoko Rake kwatiri; ne Muporofita Wake, Waakatemera nokufanogadza. Wakasarudza William Marrion Branham kuti ave munhuwenguva ino kubata vanhu Vake vakasanangurwa venguva ino, ISU, Mwenga Wake.
 
Hakuna mumwe munhu anogona kutora nzvimbo yake. Tinofara nematauriro aanoita; hain’t, tote, carry, fetch, ndi MwariAri kutaura munzeve dzedu. MwariArikutaura nemuromo wemunhu, achiitachaizvo zvaakataura kuti achaita. Nyaya yapera!
 
Mwari Waifambisa mavoko nemaziso akemuzviratidzo. Haaigona kutaura zvimwe kunze kweizvo zvaakange akatarisa.Mwari Ndiye Akange Ane hutongihwakazara parurimi rwake, chigunwe, kunyange mitezo yose yemuviri wake yakange iri mukufambiswa kuzere na Mwari. Iye akange ari muromo chaiwo waMwari.
 
Mwari Wakafano ziva kuti muchizvarwa chino kereke yaizo vhiringidzwa. Naizvozvo, Akafano gadzirira muporofitaWake kuchizwarwa chedu, kudananekutungamira Mwenga Wake wakasanangurwa ne Shoko Rake rakasimbiswa.
 
Muhurongwa Hwake hukuru, Akazivavokuti Aizo tora muporofita Wake KumushaIye Asati Adzoka, saka Akaita kuti InzwiRake riiswe pamatepi nekuchengetwa, kuti Mwenga Wake wakasanangurwa uwane Zvanzi na Jehovah pamawoko awo. Ipapo havazovi nemubvunzo. Hapana dudziro inodikanwa, Shoko chete rakachena risina kusvibiswa ravanogona kunzwa nguva dzose.
 
Akaziva kuti pachazove nemanzwi mazhinji uye nenyonganyonga yakawanda muma zuva ekupedzisira.

Mavhiki matatu apera, wakataura nesu achigadza nguva yatiri kurarama, Akatiudza nezve vaporofita venhema vaizosimuka uye nekunyengera vasanangurwa, dai zvaigoneka.
 
Kutisei mwari wechizvarwa chino aka pofomadza moyo yevanhu. Uye kutiMwari Amene Wakataura kubudikidzanezviporofita kuti zvinhu izvi zvichaitika muchizvarwa chino che Raodikia. Akatiudza kuti hapana chakasiiwa chisina kuitwa.
 
Akazviratidza kwatiri nezvinhu zvakaporofitwa pamusoro pake kuti achazviita muzuva rino. Maiitiro Ake akaratidza kwatiri kuti Ndiye mumwe chete zuro, nhasi, nekusingaperi. Inzwi ra Mwari, riri kutaura, uye nekurarama, mu Mwenga Wake.
 
Unotenda here kuti Shoko iri ndiro Vaheberu 13:8? Ishoko benyu here? Mwanakomana we Munhu here ari kuzviratidza munyama? Saka chiporofita chichaitika musi we Svondo uno kana ukatenda nekuteerera

Pane chichaitika pasi rose chisina kumbogoneka kumashure munhoroondo yepasi rose. Mwari achange achitaura ne muromo we munhu, achitaura ku Mwenga wake pasi rose zvose panguva imwe chete. Achaita kuti titurikane mavoko, nekunamatirana iye paachange achitinamatira tose.

Imi muri kunze uko parunhare, kana makatenda nemoyo wenyu wose, vashumiri pavachange vachikuturikai mavoko, vadikanwa venyu vachikuturikaivo mavoko, kana ukatenda nemoyo wako wose kuti zvapera, zvapera.

Chose chatinoda, Mwari vachatipa kana chete tikatenda…UYE TINOTENDA KUTI TIRI MWENGA WAKE WAKATENDEKA. Zvinotoitika. Shongwe ye Gore reMotoichange iri pose patakaungana uye igopamumwe nemumwe wedu chose chaanoda, I ZVANZI NA JEHOVAH.

 Dai Chiedza Chitsvene chimwe chete chatinotarisa imo muno mukereke, dai chawira pane mumwe namumwe, uye dai vakaporeswa panguva ino. Tinotsiura muvengi, dhiabhorosi, muhupo hwa Kristu; tinoti kumuvengi, kuti wakundwa ne – nekutambura kwake pamusana pedu, rufu rwa Tenzi Jesu uye kumuka kwake nesimba ne zuva retatu; uye nehuchapupu hwakaratidzwa kuti ari pakati pedu manheru ano, mupenyu, shure kwemakore mazana anegumi nepfumbamwe. Mweya wa Mwari mupenyu ngauzadze moyo wese nekutenda nesimba, nesimba rekupodza rinobva kuna Jesu wakamuka kuvakafa, Arikuratidzwa zvino ne Chiedza chikuru ichi chiri kukomberedza kereke, Muhupo Hwake. Muzita ra Jesu Kristo, gamuchidzai kuitira kubwinya kwa Mwari.

Uri Mwenga Wake. Hapana chinozvibvisa kwauri, HAPANA. Satani wakundwa. Ungangonzwa kuti Mwari waunaye anongo zadza chipunu chete, asi ndozvoga zvaunongoda, ZVINOTOBATIKA. NDIYE. IWE URI WAKE. SHOKO RAKE HARIKUNDIKE.
 
Ritende, rigamuchire, batirira kwariri, harikundike. Hauna simba asi une kodzero. Taura uchiti, “Ndino tora Ishe, ndezvangu, makazvipa kwandiri uye handitenderi kuti Satani azvitore.
 
Inguva yakadii yatichava nayo. Hapana imwe nzvimbo yandingada kuva pairi. Mweya M’tsvene uchange wakatipoteredza. Tichipiwa Chizaruro chakawedzerwa. Moyo yakaputsika ichibatanidzwa. Munhu wese achipodzwa. Tingatadza sei kutaura tichiti, “Moyo yedu haina kutswa here mukati medu, uye haisi kutswa here iko zvino, kuziva kuti ikozvino tave muHupo hwa Jesu Kristo akamutswa kuvafi, kwaari ngakuve nekubwinya neku rumbidzwa nekusingaperi.
 
Hama Joseph Branham.
 
Tinokoka pasi rose kubatana nesunenguva dza 12:00 masikati, nguva ye Jeffersonville
Mharidzo: 65-0801E   Zviitiko Zvichijekeswa Ne Chiporofita
 
 
 
Magwaro ekuverenga musati manzwa Mharidzo:
Genesisi 22:17-18
Mapisarema 16:10
Mapisarema Chitsauko 22
Mapisarema 35:11
Mapisarema 41:9
Zakaria 11:12
Zakaria 13:7
Isaya 9:6
Isaya 40: 3-5
Isaya 50:6
Isaya 53:7-12
Maraki 3:1
Maraki Chitsauko 4
Johane 15:26
Ruka 17:30
Ruka 24:12-35
Varoma 8:5-13
Vahebheru 1:1
Vahebheru 13:8
Zvakazarurwa 1:1-3
Zvakazarurwa Chitsauko 10


 
 
Dai Chiedza Chitsvene chimwe chete chatinotarisa imo muno mukereke, dai chawira pane mumwe namumwe, uye dai vakaporeswa panguva ino. Tinotsiura muvengi, dhiabhorosi, muhupo hwa Kristu; tinoti kumuvengi, kuti wakundwa ne – nekutambura kwake pamusana pedu, rufu rwa Tenzi Jesu uye kumuka kwake nesimba ne zuva retatu; uye nehuchapupu hwakaratidzwa kuti ari pakati pedu manheru ano, mupenyu, shure kwemakore mazana anegumi nepfumbamwe. Mweya wa Mwari mupenyu ngauzadze moyo wese nekutenda nesimba, nesimba rekupodza rinobva kuna Jesu wakamuka kuvakafa, Arikuratidzwa zvino ne Chiedza chikuru ichi chiri kukomberedza kereke, Muhupo Hwake. Muzita ra Jesu Kristo, gamuchidzai kuitira kubwinya kwa Mwari.
 
Uri Mwenga Wake. Hapana chinozvibvisa kwauri, HAPANA.

24-0818 Mwari WeZera Rino Rakaipa

Mharidzo: 65-0801M Mwari WeZera Rino Rakaipa

PDF

BranhamTabernacle.org

Vadikanwa Ivo Vakakwana,

Inzwi ratinonzwa pamatepi ndiro Inzwi rimwe chete rakadanidzira Shoko Rake mubindu re Edeni, pa Gomo re Sinai, uye paGomo rekuShandurwa. Riri kudanidzira nhasi nechi Zaruro chakakwana chekupedzisira cha Jesu Kristu. Riri kudana Mwenga, nekuugadzirira Kubvutwa. Mwenga uri kurinzwa, kurigamuchira, kurirarama, uye wazvigadzirira nenzira yekuritenda.

Hakuna munhu angaritora kubva kwatiri. Hupenyu hwedu haunga tambwi nahwo. Mweya Wake uri kupfuta nekupenya mukati medu. Wakatipa hupenyu Hwake, Mweya Wake, uye ari kuratidza hupenyu hwake matiri. Takavigwa munaMwari uye tirikupihwa zvekudya zveShoko Rake. Satani haagoni kutibata. Hatigoni kuzungunuswa. Hapana chinotishandura. Nechizaruro, tave Shoko Mwenga Wake.

Apo Satani anoedza kuti deredza, tinongo muyeuchidza mawoerwe atinoitwa na Mwari. Paano titarisira pasi, choga chaanoona Indarama YAKACHENA. Kururama kwedu kururama Kwake. Hunhu hwedu ndihwo hunhu hwake hunobwinya. Zvatiri zvinowanikwa maari. Zvaari, ndizvo zvatave kujekesa, Zvaanazvo, ZVINO TAVE KUZVIRATIDZA.

Anofarira kuudza Satani achiti, “Handioni chakaipa maAri; WAKAKWANA. Kwandiri, Mwenga Wangu, unobwinya mukati nokunze. Kubvira pakutanga kusvikira pakuguma, i Basa Rangu, uye mabasa angu ose akakwana. Chokwadi chaicho ndechokuti, maari ndimo munopedziswa nekuratidzwa hungwaru ne chinangwa changu cheZiendanakuenda”. Mwenga wangu wakaisvonaka ndakumuona akakodzera. Sendarama inobvuma kushandwa, nayewo akatsungirira kutambudzika nokuda kwangu. Haana kurerutsa, kugwadama, kana kutyoka, asi anoumbwa sechinhu chehunaku. Miyedzo yake nekuyedzwa kwehupenyu huno kwakamuita mudiwa wepamoyo Mwenga Wangu.

Handizvo zviri Ishe here? Anonyatsoziva nzira yekutisimbisa nayo. Anotiudza, “Regai kuwodzwa moyo, asi simbiswai”. Anoona mabasa edu erudo kwaari. Anoona zvatinofanira kupfuura nemazviri. Anoona hondo dzemazuva ose dzatinofanira kutsungiria. Paanotida tichipfuura neimwe naimwe yadzo.

Muma Ziso Ake takakwana. Wakatimirira kubva pakutanga kwenguva. Haatenderi kuti chinhu chiitike kwatiri kunze kwekunge zviri zvekuti zvitinakire. Anoziva kuti tichakunda zvidziviso zvose zvinoiswa na Satani pamberi pedu. Anofarira kuratidza kwaari kuti tiri Mwenga wake. Hatizungunuswe. Tisu ivo vaakange akamirira kubvira pakutanga. Hapana chingatiparadzanise kubva kwaari ne Shoko Rake.

Wakatitumira Ngirozi Mutumwa wake une simba kuti agone kutaura muromo kunzeve kwatiri. Wakaita kuti zviiswe pamatepi kuti parege kuva nemibvunzo pane zvaakataura. Akaita kuti zvichengetwe kuti Mwenga uwane zvekudya kusvikira auya kuzotitora.

Hazvine mhoswa vamwe havatinzvisise kana kutitambudza nenyaya yokutaura kuti tiri “Vanhu vemaTepi”, tinofara, nokuti ndizvo zvaakazarura kwatiri kuti tiite. Vamwe ngavaite zvanonzwa kutungamirirwa kuita, asi kana tirisu, tinofanira kubatana pamwe chete pasi pe Inzwi rimwe chete, Inzwi raMwari rakasimbiswa pama tepi.

Hapana chimwe chatinga wedzera kufunga. Hapana chimwezve chatinganzwisia. Hapana chimwezve chatinga GAMUCHIRA.

Hatirwisani nezvinonzwa vamwe vatendi kutungamirwa na She kuita, asi izvi ndizvo Mwari ZVAATITUNGAMIRIRA kuita, uye ipapa ndipo paticharamba TIGERE. Takagutsikana. Tirikupihwa chikafu ne Inzwi ra Mwari. Tinogona kuti Ameni ku SHOKO ROSE ratinonzwa. Iyi ndiyo nzira yatakapihwa na Mwari. Hapana chimwe chatingaite.

Ndinongoda kukoka munhu wese kuuya kuzobatana nesu. Tiri kungoita ma services nenzira yaitwa ne Hama Branham pavakange vari panyika.

Kunyange vasiri pano panyama, chikuru ndeizvo Mwari zvavakataura kuMwenga Wake pama tepi. Vaikoka nyika kuti ive chikamu chevari kubatana parunhare, ndokunge ivo VACHITODAVO. Aita kuti vaungane kwavaigona kuti vanzwe Inzwi ra Mwari richitaura kwavari vose panguva imwe chete. Ndizvo zvakaitwa ne muporofita wa Mwari nguva iyoyo, saka ndiri kuedza kuita zvaakaita semuenzaniso wangu.

Naizvozvo, munokokwa kuuya kuzobatana nesu parunhare musi we Shondo na 12:00 masikati, nguva ye Jeffersonville, patichateerera mutumwa waMwari achiunza kwatiri Mharidzo: Mwari We Chizwarwa Chino Chakaipa 65-0801M

Hama Joseph Branham

Magwaro ekuverenga musati manzwa Mharidzo:

:

Mateo 24/27:15-23

Ruka 17:30

Johane 1:1/14:12

Mabasa Eva Positori 10:47-48

1 Vakorinde 4:1-5/14

2 Vakorinde 4:1-6

Vagaratiya 1:1-4

Vaefeso 2:1-2/4:30

2 Vatesaronike 2:2-4/2:11

Vaheberu 7

1 Jahane 1/3:10/4:4-5

Zvakazarurwa 3:14/13:4/6-8/11-12/18:1-5

Zvirevo 3:5

Isaya 14:12-14

24-0721 Kuedza Kuitira Mwari Basa Ikwo Kusiri Kuda KwaMwari

Mharidzo: 65-0718M Kuedza Kuitira Mwari Basa Ikwo Kusiri Kuda KwaMwari

PDF

BranhamTabernacle.org

Mudiwa Mwenga wa Kristu, ngativunganei pamwe chete musi we Svondo na 12:00 masikati, nguva ye Jeffersonville, kuzonzwa: 65-0781M Kuitira Mwari Basa Kusiri Kuda kwa Mwari

Hama Joseph Branham

24-0714 Kunyara

Mharidzo: 65-0711 Kunyara

PDF

BranhamTabernacle.org

Mudiwa Mwenga Usinganyare,

Hakuna kumbowanika nguva kana vanhu sevaripo nhasi. Tiri maAri, vagari venhaka pane zvose zvaakatitengera. Ari kugoverana hutsvene hwake nesu, kusvikira maari, tave kururama kwaMwari chaiko.

Akafanotiziva nokutemera kwoMweya. kuti taizova Mwenga wake. Wakatisarudza, isu hatina kumusarudza kwete. Hatina kuuya nokuda kwedu, kwaive kusarudza kwake. Zvino waisa mumoyo yedu ne mu munhu wemukati wedu Chizaruro chakazara che Shoko Rake.

Zuva nezuva Ari kuzarura Shoko Rake kwatiri, achidurura Mweya Wake pamusoro pedu, achiratidza hupenyu hwake chaihwo matiri. Hakuna imwe nguva apo Mwenga wakanyatso dzikamiswa mumoyo, uchiziva kuti uri mukuda kwake kwakakwana, uye tiri muhurongwa hwake, nokugara ne Shoko Rake, nekunzwa Inzwi Rake.

Rudo rwaMwari uye Shoko iri zvino zadza moyo yedu kusvikira pakupfachukira. Hapana chimwe zve chatichada kunzwa, kutaura nezvacho, kuyanana nazvacho, kana kungogoverana chitaurwa chatichangonzwa neku rumbidza Mwari.

Takafanana na Mosesi kuseri kwerenje. Tafamba kutarisana chiso nechiso naMwari Samasimba, uye tinoona Inzwi richitaura nesu; maringe neShoko uye nevimbiso yenguva. Zvine chazvaita kwatiri. Hatinyari nazvo.Tinofara kuzvishambadzira pasi rose. Tinotenda kuti Ishe Jesu ndiro Shoko re nguva uye isu TIRI MWENGA WAKE.

Iye wakati dzivirira ne Shoko Rake. Hapana kana mumvuri wekupokana, iyi ndiyo nzira yakapiwa naMwari. Mwari haafi akashanduri pfungwa yake pamusoro pe Shoko rake. Wakasarudza Mutumwa wake we Chinomwe kudana Mwenga wake, uye kuuchengeta mugwara re Shoko Rake.

Hapana chimwe muhupenyu huno kunze kwake Iye ne Shoko Rake. Rinototi itira shoma. Zvino pfuurira hupenyu kwatiri. Ivangeri uye neSimba ra Mwari wemaSimba ose zvapararira pasi rose zvisati zvakamboitika kare. Shoko zvino rave mumawoko ne munzeve dzeMwenga. Nguva yekupatsaniswa yave kuitika iye zvino, apo Mwari ave kudana Mwenga, satani achidana kereke.

Tinokudai Imi uye ne Shoko renyu Ishe. Rino tiitira shoma. Tigere muhupo hwe Shoko Renyu zuva nezuva, tichiibva, nekugadzirira kuuya kwenyu uko kwave pedyo.

Baba, kunofanira kunge kwatove pedyo pedyo. Tave kutozvinzwa, Ishe. Takamirira ne taririsiro hombe. Baba, ngatipererei zvakavedzerwa uye tivandudze mhiko dzedu zvakare.Tinoziva Kutenda kwedu Mu Shoko Renyu kuri kubvira mumoyo yedu. Makabvisa kupokana kwose. Hapasina chimwe ipapo kunze kwe Shoko Renyu. Tine chokwadi, uye hatinyari kuudza pasi rose, tiri Mwenga Wenyu we ma Tepi. Ndinoda kukoka pasi rose  kuuya kuzo teerera nesu musi uno we Svondo na 12:00 masikati, nguva ye Jeffersonville, patichanzwa Mharidzo Kunyara 65-0711

Hama Joseph Branham

24-0707 Ko Mwari Vanomboshandura Pfungwa YaVo Here Pamusoro PeShoko RaVo?

Mharidzo: 65-0418E Ko Mwari Vanomboshandura Pfungwa YaVo Here Pamusoro PeShoko RaVo?

PDF

BranhamTabernacle.org

Mudiwa Mwenga Kuda KwaMwari Kwakakwana,

Zuva rave kunyura uye Kuuya kwaShe kwave pedyo. Suvo rave kuvharwa uye nguva yave kupera, pamwe yakatopera kare. Yaperesesa nguva kunge tichiri kudzungaira; kufanana nerutsanga runo pepereswa ne mhepo; kuva nenzeve dzino swinyira zwakawanda. Inguva yekuita sarudzo yakakwana. Ndoitei kuti ndiwe Mwenga wake?

Mwari anoshandura Pfungwa Yake here pamusoro pe Shoko Rake? HAZVIITE. Saka tinofanira kushingaira zuva nezuva, ne moyo yedu yose ne munhu wemukati wedu wose kunge tiri MUKUDA KWAKE KWAKAKWANA. Tinofanira kuzviisa pasi pekuda Kwake ne Shoko Rake.Tisingari bvunzurudze, asi kungoritenda nekuri gamuchira. Rega kutsvaga nzira yekurinyenyeredza. Ingo ritora sezvariri.

Muporofita anotiudza mu Mharidzo iyi kuti chinangwa chake chose ndeche kutiratidza kuti Mwari anofanira kuchengeta Shoko rake kuti arambe ari Mwari, asi vazhinji vanoda kuri nyenyeredza nekuwana imwe nzira. Kana vadaro, vanozviona vechifambira mberi, uye Mwari achivaropafadza, asi vari kushanda vari mukuda kwake kwekuregedzera, asi vasiri mukuda kwake kwakakwana, kuda kwaMwari.

Muporofita anotidzora kumashure kuShoko uye anotipa mifananidzo yekutarisa, nekunzwera, uye otiyeuchidza, Mwari haashandure pfungwa yake kana nzira Yake, Ndi Mwari uye Haashanduke.

Zvino, tinoona kuti vose vaviri ava vakange vari vanhu ve mweya, vose vakange vari va porofita, vose vakadanwa. Uye Moses, ari mugwara rebasa rake, ne Shongwe yeGore reMoto pamberi pake zuva nezuva, Mweya wa Mwari paari, mugwara rebasa. Hezvo pauya mumwe muranda wa Mwari, wakadanwa naMwari, wakagadzwa na Mwari, muporofita uyo kunouya Shoko raMwari. Heuno mutsara wenjodzi. Hakuna waigona kupikisa kuti munhu uyu ndewaMwari-waMwari, nokuti Baibheri rakati Mweya waMwari wakataura kwaari, uye wakange ari muporofita.

Ishe, zviri pedyo sei? Ndingaziva sei, ivo VAVIRI VOSE vari vaporofita? Vaviri vose varume vakazadzwa noMweya, vakadanwa naMwari, vakagadzwa naMwari; vaporofita vaMwari kuno uya Shoko raMwari. Vaviri vose vachiti Mweya M’tsvene uri kavatungamira.

Ngati verengei neku nzvera zvakanaka zvitaurwa zvishoma pamusoro pezvinotaurwa nengirozi yechinomwe mutumwa wa Mwari. Tinoda zvaanotaura; kwete zvinotaurwa ne kereke, zvinotaurwa na Doctor Jones, kana zvinotaurwa nemumwewo. Tinoda zvinotaurwa ne ZVANZI NA JEHOVAH kubudikidza nemuporofita wake.

Mosesi, ari muporofita wakagadzwa ne Shoko ra Jehovah, akasimbiswa kuti ndiye wakasarudzwa kuva mutungamiri wavo wenguva iyoyo, uye kuti Abrahama wakange avimbisa zvose izvi…..

Hakuna waigona kutora nzvimbo ya Mosesi. Zvisinei kuwanda kwavana Kora vaisimuka, uye kuwanda kwavana Datani; Moses ndiye, Mwari waakadana, zvakadaro.

Mosesi ndiye Mwari waakange adana kutungamira vanhu. Vamwe varume vakasimuka vachiti varume vakazodzwa neku zadwa no Mweya M’tsvene wo. Mwari akange avadanavo kutungamiravo. Asi Mosesi wakange ari mutungamiri we Kuda kwaMwari Kwakakwana kwepamavambo kuvatungamira.

Asi, uye kana vanhu vakasafamba mukuda kwake kwakakwana, Ane kuda kwekuregedzera kwaanokutendera kufamba makuri. Cherechedza, Ano zvitendera, ndizvoka, asi anoita kuti zvishande kubwinya kwake, mukuda kwake kwakakwana. Zvino kana uchida….

Hakuna anoda kunge ari mukuda kwake kwekuregedzera. Mwenga wechokwadi unoda kunge uri mukuda kwake kwakakwana, nguva dzose, zvisinei zvazvinotora.

Pane kusawirirana kuzhinji, pfungwa dzakawanda, nyonganyonga, nzira dzakasiyanasiyana, maringe nekukosha kwekuridza ma tepi.

Tose tinoziva kuti ndiyo nyaya chaiyo yaparadzanisa vatendi ve Shoko zuva ranhasi.Tinoziva kuti Mwenga UNOFANIRA, UYE UCHA, batanidzwa pamwe chete; iroro iShoko.

Kune varume vakazodzwa noMweya, vakadanwa naMwari muKereke nhasi. Vanhu vaMwari vakazodzwa, vaka danwa kuparidza Shoko iri. Asi hakuna mumwe wavo watinga bvumirana paari tose.  

Vangava ivo sei vachabatanidza Mwenga? Tinga batana pa shumiro yavo here? Ichokwadi vakadanwa kutungamira mapoka avo, asi kuva tungamira kudzoka pa HURONGWA HWAMWARI HWEPAMAVAMBO. MUTUNGAMIRI WAKE. MUPOROFITA WAKE. Kwete shumiro dzavo.

Kana vasikukudzidzisai kuti Inzwi riri pamatepi ndiro ramuno FANIRA kutevera, uye nokutenda kuti ndiro Inzwi rakakoshesesa ramunofanira kunzwa, vari mukuda kwake kwekuregedzera zvavo.

Kana vachikuudzai kuti ndiro Inzwi rakakoshesesa, uye vachinyatsotenda izvozvo, zvino vanorega sei kudzwanya nekuridza pose pamunenge muri pamwe chete?

Kana uchida kuva nechokwadi, NE CHOKWADI, kuti uri mukuda kwake kwakakwana, pane NZIRA YECHOKWADI imwe chete. Ndeye kunzwa Shoko ra Mwari rakasimbiswa pama tepi.

Chekutanga uno ziva, tepi ino pinda mumba mavo. Ipapo zvatoitika. Kana ari gwai, ano bva abatana nazvo. Kana ari mbudzi, anokavira tepi kunze.

Ndinofanira kuva NE CHOKWADI. Handigoni, uye handisi kuzo, tora mukana kunyange mudikisa pa musoro pe ramangwana rangu re Ziyenda na Kuenda. NDINOZIVA kuti Inzwi riri pama tepi Inzwi raMwari ku Mwenga. NDINOZIVA harikanganise. NDINOZIVA kuti raka simbiswa ne Shongwe ye Gore re Moto. NDINOZIVA kuti ndiro iro Mwari vaka sarudza kutungamirira Mwenga wake. NDINOZIVA Shoko iroro, ndiro Inzwi chete rinogona uye richa batanidza Mwenga. NDINOZIVA  richange riri iro Inzwi randichanzwa richiti “Tarirai, Gwaiyana ra Mwari.”

NDINOFANIRA KUDZWANYA NDORIDZA kuti ndinzwe Inzwi iroro. Munokokwa kuuya kuzobatana nesu musi we Svondo iwo uno nenguva dza 12:00 masikati, nguva ye Jeffersonville, patichanzwa: 65-0418E Mwari Anoshandura Pfungwa Dzake Here Pamusoro Peshoko Rake?

Hama Joseph Branham

Tichatanga Mharidzo pa paragraph 61.

Magwaro ekuverenga tisati tanzwa Mharidzo:

Eksodo 19 Chitsauko chose

Numeri 22:31

Mateu 28:19

Ruka 17:30

Zvakazarurwa 17 Chitsauko chose