Obubaka: 63-0818 Sawa Ecitani Azini Ecetaniri

• 25-0928 Sawa Ecitani Azini Ecetaniri
• 23-1126 Sawa Ecitani Azini Ecetaniri
• 22-0515 Sawa Ecitani Azini Ecetaniri

BranhamTabernacle.org

Amuro Ecizaru-tualu Leleturi,

Ma ayikorutu, azini asi’baza azi amboru ‘dileni be, ovuzu esele afa dria Munguni ‘ye o’du amaniri ma aleari ni ri si. Egata Munguni e’doriari ki di sawa ‘disi eceria yi paria ama miletia, azini ama eseleni ri ki.

Bibilia ma alesi ndulu, nabi ondriki ndra e’yo azini ‘yoki ndra a’duni mu pari ‘duni yari ra. Aziria e’yo ondriza ‘da emukini ndra yi ma paria ku eli turuturu vutivutiru, te saa sawa ma trerini ecazuri si, eri eca i ma paria ra; a’disikuni LE egata Munguni nzezaru trai Ima nabi vusiri ma ‘du pari ra.

Nabi Isaya ‘yo ndra, “aliria azi ni nga mva isu ra”. Aku Iburaniani driari ovuki ndra yi ma ezi wereruni be ngonde ovuzu odekua nde ‘di be. Yi jeki ndra afapaki boti pie, azini bongo nyiri pie, ani ecazu ngonde odekua emupi rini. A’bianzi aliki ra, te asizu E’yo Munguniri eca ndra i paria ra.

Zoria agupiamva odeniruria ma ndra tata osuria, Opi, ma ne E’yo Mini alia ra kini Mi enga sawa driasi ‘ba Miniriki eci Tualu E’yo Miniri ni ecazu I ma paria.  Mi eci ndra Mi anzi Iburanianiri ki tualu agu alu vusi, Musa i, ndra yi ma dri ecepi Aci Pirirurisi Angu Azizani vuri.

Mini ndra ecazu ruatisi ani oazu nyakua ‘diaria, Mi eci ndra Mi ‘ba Mini embale ‘diyi tualu. Mi co ndra yi ma esele engazu afa dria azini ‘ba dria pivusi E’yo Miniri ecezu yi dri. O’du Pentekostini si, Mi eji ndra Mi Kanisa tualu pale alu dika pari aluni alia, omi alu azini ‘yeza aluni alia dere Mi emuni nga yinii Mi Orindi Alatararuri fezu kuria.

Ma ega ndra, ‘da eco ovu ecozarura andrusi ngoniru Opi? Mi Amuroni erezaru wudrikurusi ara. Amuro driari ni nga emu Jeffersonvilia? Ma econi ‘da nezuku i ‘yeria Opi. Te Opi, Mi ojani Otita Miniri tua ku. Eri Azita Mini, geri azi yo eri atrizu. Mi nga eri ‘ye ngoniru?

DIZA…ANDRU, ama eco ne ama ngulupi pi ma milekisi ra, azini orodriru ndeni, OVUZU ESELE ERINI RI I: E’yo Munguni ‘Dani ‘daniri pari ‘duria. Ama ovukini MGBAMGBARU pari alu alia ku, ama erezaru Wudrikuru si ara, te Orindi Alatararuri ECI DI SAWA ‘DISI IMA AMURO NI ‘BO O’DUKO MUNGUNIRISI. ERI MA E’YO NZE AZINI ‘DUZARU TEPU PI MA DRIARI, Mungu ma Driariruri andruniri, ni ERI MA AMURO etraria azini ECIRIA TUALU… AZINI AFA AZI YO ECOPI ‘DA ATRIPI RA RI.

Munguni Ima Amuro eciria. Eri emuria tualu, engazu Andraleasi azini Ayiasi, azini Kala Uruleruriarisi azini Andraleruriarisi. Sawa ruecitaniri ci, ani ‘da sawa vaa ‘disi. Amuro ndeni rueci a’duni? ‘Duta Ururini. Amena!

Sawa ruecitaniri ni pari ‘duria SAWA ‘DISI!!!  A’duni ama eci tualuni? Orindi Alatararuri i Eri ma E’yo, Eri ma O’duko vusi. Ama rueci a’duni? ‘DUTU URURINI!!! Azini ama dria muria azini amani ‘ba ALU ku vule ku.

Mungu Oku nde ‘baria ngonde. Ee culu, rueciria! Amuro ndeni rueci a’du be? E’yo be!

E’yo ama o’duniri a’duni? O’DUKOTI ‘di’i, O’DUKO ERINIRI, O’duko Munguni Eri ma Amuroniri i. Ovuni agu azini ku. Ovuni agupiki ku.  Ovuni ongulumu azini ku. O’DUKO Munguni tepupi ma dria, ecezaru Aci Pirirurisiri.

“A’disikuni ‘bu driari ki nyaku pie nga ali ra, te E’yo Mani cani ndra ali ku.” Oku nde Ima ngulupi eci ‘Di Opi ‘Yoni be tro ‘dini cini kaniku ‘ba cini ‘yo ngoni yari ti.

Tro ‘BA CINI ‘yo ngoni yari ti, ama rueciria O’duko ‘Di Opi ‘Yoni o’du amanirini e’dazaru, ecezarura ri be. Ovuni ‘ba azi ma e’yo efi ecezani ku; ama eco ta ‘da ‘ye a’du e’yosi? ‘Dani i oja agu alu alu vusi, te O’duko Munguni tepu pi ma driari OJANI I TUAKU azini Eri enga ovu ekuzaru Aci Piriruri ma Ngulupi vusi ovuzu E’yo Munguni azini O’duko Munguniri i.

E’yo ewaru ri, ‘ba ada be ria, eri nini ima dricepini ku. Ee culu. Yi nga yi ra dini azi ma ageyia, yi nga yi tra bisopu azi kani agu azi ma ageyia, te yi muni yi tra Dricepi, Orindi Alatararuri E’yo ma aleari ma ageyia ku. Enera? Yi ‘yo, “O, muke, ma orisi ma mu eca were azazarura; ma orisi ma nga mu fu kala onzi ma dria ra.” Oooo, emi di be ‘da!

‘Di angu ‘ba onzotaniri pini e’da yi ma ongolumu pini ri’i ani ‘yo kini, “Mi ndre, yi agu azi engaria uru, Adripi  Branham i.   Yi a’i’ba ‘ba mungururi ma alia ‘diyi azini yi yi traria eri, agupi nde i ri ma ageyia, ovuni Orindi Alatararuri i ku.” 

Azani, ama RUCIRIA ara O’DUKO MUNGUNI E’DAZARURA E’YO NZEPI AGU ‘DAVUSI RI MA AGEYIA. Emi egara, kini ‘di agu Munguni pe ovuzu Ima O’dukoru Ima Amuro ni omvezu amve azini drini cezu o’du ‘di ma alia ri’i. ‘Da O’duko LU ecezarura Mungu ma Ngulupi vusiri.

Te di ndururia, YI rueciria AGUPI pi ma ageyia. Yi muki ni KU O’duko Munguni tepu pi ma driari avi yi ma kanisa pi alia. Mi eco ‘da ega ra??? Olu’ba ‘yopi kini i a’i O’dukoti ‘di ovuzu O’dukoti sawaniri ru, ‘Di Opi ‘Yoni ru, te e’yo rutruzuni esupi ani O’duko nde avizu yi ma kanisa pi alia KU, te olu ‘ba pi dri kini LE yi ma eri yi’i azini olu’ba azi ‘diyiki E’yo oluria i ri…ani yi ‘di ‘yo kini ama agu azi ma vuti bi!!! 

Ama eri nga lu Sabatu ajerisi afa Munguni ‘ye agupi nde ‘ba pivu ri!!

Ama ecaria ngonde Oku biza azini. Ama ecaria Alu Eri be. E’yo ni eca mi’i, azini mi eca E’yo i. Yesu ‘yo, “O’du ‘dasi emi nga ni ra. Dria Atani ovuri, Ma’i; azini dria Mani ovuzuri, emi i; azini dria emi ovuzuri, Ma’i. O’du ‘dasi emi nga nira kini Ma Ata ma alia, Atani Ma alia, Ma emi alia, azini emi Ma alia.”

Awa’difo Mini Opi E’yo Eceza Mi Ngulupini risi, azini ama ngulupi pisi, o’du amani alia. Amuro miniri ni Ima ngulupi ‘baria ngonde E’yo Mini Nzezaruri si. Anikira ama ale Mini Kililiruri alia oazu E’yo Mini o’duko ‘duzaruri be risi.

Ma wudrikuru ni ai O’duko Munguni lu ovupi ecezarura o’du amaniri niri erizu Sabatu ‘disi. Emi aizaru ruecizu amabe Sabatusi sawa azia etusi, Jeffersonvili saa si, amani ‘di eriria: 63-0818, Sawa Ruecitaniri Ecata Niri Be Mi ka eco e’i simusi ani erizu amabe ku yani, mi e’du tepu azi, TEPU CINI; yi dria ‘Di Opi ‘Yoni ni, ani mi eri Mungu ma E’yo kililiru mini ri ani mi ‘ba mi ngulupi ngonde Eri ma emuta mbeleru rini.

Adri. Joseph Branham i

Zaburi 86:1-11
E’yo Ba Matayoni 16:1-3

Oku nde ni Ima ngulupi eceria. Eri ecaria ngonde. A’dusi? Oku nde ni Amuro’i. ‘Da ada. Oku nde ni Ima ngulupi eceria Ima Izio be, enera, azini Izio nde E’yo’i.  “Okokelesi ndra E’yo’i, E’yo nde ndra Mungu be, E’yo nde ndra Mungu i. Ani E’yo nde ofu ndra ruatiru azini oa ndra ama eselea.”

Mesegi (O’dukoti): 63-0707M E’yo Liza

• 25-0921 E’yo Liza
• 23-1015 E’yo Liza & Omu Opini
• 22-0416 E’yo Liza
• 22-0414 Efuza Nazuri

BranhamTabernacle.org

‘Ba Isu Tozaruku Leletu ‘Diyi,

Sawa ‘disi, ‘daa, “eyi,” adrini eza’ba i ku. “Eyi,” ‘da, kanisa o’du ‘da ma alea ri’i, eyi esu ndra e’yo onzi Agu ndra ovupi E’yo’i ri ma rua. ‘Da ada ya? Eyi esu ndra e’yo onzi Agu ndra ovupi E’yo’i ri ma rua. Sawa ‘disi eyi e’yo esu E’yo Munguni azi ngapi agupi nde ma alea risi ma rua.

E’dozu e’doria wudrikuru ga Eri si, ga Eri si, ga aa’zu E’yo Erini be si geri yini e’yo a’bini ‘diyi ma ta mbazu, a’iza yini pie, egata yini pieri kisi. Eyi ece sawa driasi otita Munguniri ra; Mungu’i, ekile ‘Ba ru, andra E’yo’i ri, dika curu’do di E’yo azi ngapi ‘ba nde ma aleasi ri.

Te o’du amani ma alia, Eri ‘yo kini, ”Ma nga ovu ongulumu were be, kalafe were pezaru ‘diyi. Eyi ndra ma alea e’dozu e’doria. Yi nga Ma a’i azini E’yo Mani a’i azini agu mani pele E’yo mani ecezuri be. Eri nga ovu Ma O’dukoni yi dri.”

”Yi ngani drinza esu O’duko mani oluzuri si ku. Eyi ngani drinza esu ‘yozu wudrikuru dri kini Ma emu dika ra azini Ma e’da Ma ma ngulupi geri rua ‘banisi ra kile mani ndra ’yo ma ta ’yerilera ri si ku. Sawa ‘disi, eyi ngani mu agu ‘da inzi ku, te eyi nga Ma, E’yo ngapi e’yo nzepi agu nde vusir, inzi. Eyi nga Ma le ra dika eyi nga Ma olu e’yo eyi ma edri ni ‘diyi si dria.”

”Ka’dini, Ma fe yi dri afa dria yini le ecazu Ma Amuro’i ri ’bo. Ma ce yi abisi’bo E’yo Mani risi; a’dusikuni eyi E’YO MANI ‘bazaru ruati ru ‘diyi. Eyi ka atita le, eyi E’yo Mani nze. Eyi kaki e’yo azi ecopi eyi atripi ra ‘diyi esu, eyi E’yo Mani nze. Yi ka ovu mva azi nzopi kalasi ra ni be, yi E’yo Ma nze. E’yo dria yini leleri, yi E’yo Mani nze, a’disiku yi Ma E’yo ovupi ‘bazaru rua ru yi ma alia ‘diyi.”

”Eyi ni eyi a’diki yari ra, a’dusikuni Ma e’da ma ngulupi eyidri ‘bo. Eyi aa’ki adaru azini a’itaru e’yo Mani ri vu ’bo azini eyi rueciria O’duko Mani ma ageyia ara. A’disiku yi O’duko Mani, E’yo Mani, Orindi Alatararu Maniri ra. Yi niki ra kini, angu E’yoni ovuzuria Aji yi nga yi tra ’daa.”

Eri ma nabi ni E’yo Erini nzeria azini ‘ba ewu ‘disi ‘diyi toria Yesu Kristo dizu pati dria pale irizurisi ria azini aziria yi drijazaru’bo ria, Amuro ni nga ovu ayiko zuria. A’disiku ama nira kini AMA Eri ma Amuro E’yo Erini a’ipi’bo azini esupi’bo riki. Ama wu engazu asi amani alia azini ‘yo kini:

Ma mini, Opi. Ma ma ngulupi la alitara ‘di ma dria, owita be ekile ma ni ma ngulupi owizura ri le. Mi o’du wudrikuru mavu risi ra, Opi. Mi o’du ma vu afa ecopi i ezapi ra ‘diyi ra; mi fe ma dri afa ecopi i ezapi ku ‘diyi, e’yo Munguniri’i. Ma ma eco ra aazu E’yo ‘da vu enyia tu, kpere E’yo ndeni ngazu oazu ma alea, azini ma E’yo nde alea. Efe eri fo, Opi. Ma ma oja ma Eri vurisi ku.

Idri ci azini dra ci. Geri kililiruri ci azini onziri ci. E’yo ada ci azini enzo ci. O’dukoti ‘diri, O’duko ‘diri, ni geri Munguni fele kililiru o’du ‘dini ri’i. Emi emu emi eci Mungu ma Amurua okporu ri ma esele be amani ama traria E’yo Erini ecezaruri ma ageyia azini O’duko ’di erizu: E’yo Liza 63-0707M.

Adri. Joseph Branham i

Mesegi (O’dukoti): 63-0630E Idri Miniri Fudrira E’yo Barini Ya?

• 25-0914 Idri Miniri Fudrira E’yo Barini Ya?
• 23-1008 Idri Miniri Fudrira E’yo Barini Ya?
• 22-0415 Idri Miniri Fudrira E’yo Barini Ya?
• 22-0414 Efuza Nazuri

BranhamTabernacle.org

Adripika & Amvipika Leletu ‘Diyi,

Ma le Opi i, E’yo Munguniri, O’dukoti ‘Di i, O’duko Eriniri, Nabi Eriniri, Amuro Eriniri, angiri aga idri ma ngulupi ra. Yi dria ALU MANIRIA. Ma leni ku aparaka ‘bazu nukuta alunisi, ndumba nyuru alunisi, kani E’YO Mungu ALU sizaru Eri ma E’yoa kaniku trai Eri ma nabi vusi risi tuaku. Mani ria, Eri dria ‘Di Opi ‘Yonini.

Mungu ega Eri ra, ‘daa nze di Eri Ima nabi pini, ani yi siki di E’yo Erini ri. ‘Daa Eri epe Ima malaika amboru, William Marrion Branham, ma ti nyakua o’du amani alea ani Eri eco ta Ima ngulupi ece za ‘ba a’dani aa pale alu dika beni, kile Erini ndra ‘ye Iburahimu be ri le. ‘Daa Eri nze di e’yo Ima nabi vusi ovuzu O’duko Munguniriru wudrikuru dri, e’yo driari nileku engapi ovupi zizaru engazu wudrikuru ma vuti ‘bazasiri ki ecezu azini efini ki ecezu Eri ma Amuro ndra ‘bazaru okoruri ni.

Sawa ‘disi, Eri Amuro’i, MI i, di ecaria E’yo ‘bazazu ruati ruri; Alu Eri be, Eri ma Amuro E’yo driogozaru vule ‘bori i.

Ma ni ra ma ovu vazaru onzi afa mani ‘yo azini si ri pi ma alia. Ma eco rutabe ‘yo kile ama nabi ni ndra ‘yoleri, Ma onita kokoru azini ma ni ra ma econiku afa sizu kaniku e’yo nzezu kililiru mani ama ma asia ri le ku. Ma aira eri e’da kile ma afa oka tu niki osi sawa-azikisi. Ma ka ‘yi yani, eri ovuni inzita-ako e’dazu, kaniku ovuzu egata onziri be kaniku ‘ba azi ma e’yo lizu ‘dini ni ku, te ‘da ma kala aziri’i. Ma eri ‘ye ale ma asia E’yo Munguniri niri si.

Ma le ‘ba dria ama ai azini a’i O’dukoti Munguni ti epe Ima Amuro omvezu amve ‘di i. Ma amani nga drio asi kaniku omi mania kini ati’bo ma oluki e’yo di dika tuaku ‘dileri ku; eri ta oa ovuzu E’yo Munguniri ma rua onzi. Ma lu avaru tu O’duko Munguni tepu pi ma driari si. Ma a’ira eri O’duko orodriru ndeni le ATI’BO DRIA ma ‘baki OKO ‘ba pi ma drileari i. ‘Di na efi kini yi ecoki e’yo olu ku ‘dinini ku, Ma le lu yi oru tepu avizu yi ma kanisa pi ma alia sawa ‘ba pini yi etrazu odu osu ‘da ma vutia risi ria.

Ee, Ma leta ra wudrikuru nduluri ni O’dukoti aluri erizu sawa aluri alia wudrikurusi ara. Ovuniku agbari “Ma” ‘yo nisi, kaniku agbari “Ma” pe tepu nde erizaruri si, te ma ndindi ama kini Amuro ni nga ta geri Munguni geri azi e’dezu o’dini i ‘yezu ani beni o’du amani aari ne ra.

Akaki ta ovu o’duko ‘duza Yesu vuri be e’yo nzeria tepu ma dria andrusi, ovuni Matayo, Marako, Luka kaniku Yohana ma afa si Yesuni ‘yori ki ku (a’disikuni yi ‘yoki eri dria were ndu), te ka ta eco Yesu ma O’duko erira, Eri ma obi ‘baruri, Eri ma hain’t ki, toti pie azini fetchi pie ama ngulupi ma bi kisi, azingaza ati’ba piniri ni ta ‘yo andrusi yi ma kanisa dri, “Amukini o’duko ‘duza Yesuni riki avi ama kanisaa ku. Ma omvezaru azini odu osuzaru eri Oluzu azini Eri esele lazu. Le emi eriki lu eri emini muzu akua ‘boria.” ‘Baki ta ‘da a’i ra? Candisi ‘yozu, te ‘da ko’boru afa yini ‘ye andruri’i. ESELE COZA YO, yi tro o’bi eri gba emve ngoni yari ti.

Maniria, Adripi Branham fe ndra amani eceta azi ra. Eri le ndra tu sawa kanisa dria pini, aku pie, kaniku angu ndra ci yini ovuzu ria, yi ma ovuki e’izaru simua ani yi ecoki ndra O’dukoti nde eri dria sawa aluri alia beni. Eri ni ndra ra yi ecoki ta, azini ki ta mu, tepu nde ki isu azini eri ndo ra, te eri le ndra yi ma ovu ecizaru azini O’dukoti eriria dria sawa aluri alia….MANIRIA ‘DA NDRA MUNGU’I E’DARIA IMA AMURO DRI A’DUNI TA MU PARI ‘DU O’DU MANIRI ALIA NI AZINI AFA ‘YEZARURI A’DUNI YARI.

Ati’bo dria adaru O’dukoti a’ipi rari ni nga ai ra kini afa azi angiri agara aga rizu odu osu O’duko Munguni, engapi ovupi o’duko ‘duzaru azini ‘bazaru tepu pi ma dria ri ra ni yo. Amuro ni mu a’i ra, azini ovu E’yo Eceza be, kini O’dukoti ‘di ni E’yo Munguni andruni ri’i. Ma eco lu e’yo li E’yo vusi, te ‘ba ci ta ‘yopi kini O’dukoti ‘di ovuni yi ma Driariruri i kuri ovu E’yo Eceza E’yo andruniri be ku, ani, yi ecoki di ovu Eri ma Amuro’i ngoniru?

Eri ovuni lu eri ma esele elazani, eri oluta kaniku embata ni ku, te eri erizu tepu pi ma driari ni ANGU LU ecozu ‘yozu ma a’i E’yo ma dria rari’i. O’dukoti ‘dini ‘Di Opi ‘Yonini. Afa mani olu kani embari ovuni ‘Di Opi ‘Yonini ku, te ERI afa O’duko Munguniri ni ‘yo tepu pi ma dria ri’i…eri O’duko LU ovupi ecezarura Aci Piriruri vusi ri’i.

Ma nira kini adripika aziki amvipika pie ‘yo azini ama, “Mi ka O’dukoti Branham Tabanakulu ni eferi ki eri ku, waraga Aji Pini Yi Trazuriki la ku, azini eri emi akua sawa aluri ma alia ku mi ovuni Amuro’i ku,” kaniku, “Eri onzi muzu kanisaa, le emi ma oaki emi akua ‘dini.” ‘DA ENZORU AMBAMBA. Ma egani nga DRIO ‘da, ‘yoni nga ‘da, kaniku a’ini ‘da ku. ‘Da fe ata di esele coza driledrile, amata ewaruri pie, azini ticita-ako Amuro ma eselea azini ari’bo ni ‘da ayu ‘ba pi ma esele cozu.

Ma leni drioku Amuro ma esele cozu, ma le Amuroni eci tualu kile E’yo ni ‘yo LE AMA MA OVUKI TIECIZARU ALU. Le ama ovu awaria ama alu alu be ku, te afa azi lu yo ecopi ama ecipira ri te O’duko Munguni tepu pi ma driari.

Le ama ma ovuki agata garia azini luria ‘bapini LE yi ma ‘YEKI a’duni kaniku yi ovukini Amuro i ku ‘dini ku, mi ‘ye lu geri OPI NI MIDRI CEZU risi. Yi kiri ama adripika azini amvipika ki. Le ama leki azini ruki ama ama eselea indi.

Sawa ‘disi, emi awa ku. Enera? Awoko ni awoko eji. Afa ako mini niri, mi fe candi Orindi Alatararuri drozu engazu mivusi ‘bo, mi mu e’do awa vule. ‘Daa Orindi Alatararuri ni nga ra. Awoko ni awoko eji.

Afa nabini ‘yo ‘dia risi, Ma leni tuaku Orindi Alatararuri candi fezu. Ma leni ku awazu. Ama eco e’yo ale nya tualu ale ma aa ra, te ovuni awazu ku. Ma ka afa azi cini ‘ba cini supirari ‘yo afa mani si kani ‘yori ma alea ra, kirikiri mi tru ma ra, eri ovuni ndra ma asisileni ku.

Mani drio ece ‘bo rile, ma ama omveta azi ma idria engazu Opi vu ‘ba ki e’dazu O’duko Munguni andruniri vu. Ati’bo azi ‘diyi ovupi omveta azi ‘diyi pie azini yi ‘do afaki ne geri ndusi, Inzita ma ovu Opi vu, yi afa YINI ama dricezaru Orindi Alatararuri vusi ‘yezaruri ‘yeria. Azingaza mani ri lu luzu Amuro dri, “AVIZURI EKPAZU” azini “O’duko Munguni tepu pi ma dria ri ni O’duko orodriru ndeni mini eco eri ri’i.” “Ma a’ira kini azingaza ma avi O’duko Munguni tepu pi ma driari yi ma kanisa pi alia.”

Waraga mani si wiki alu alusiri ni esele Amuroni amapi kini yi esele Branham Tabanakuluni ri pini. Ma ni ra ‘ba azi kakauki yi la ra, te ovupi lu ma ombea ‘yezaruri mani ma ama dricezaru kanisa amaniri niri’i. Kanisa alu alu okpo ini be; yi ma ‘yiki afa yini ama dricezaru Opi vu ‘yezaruri’i, ‘da 100% E’yo’i. Ma ovuni yi ma rua onzi ku, ama a’i lu tualu ku ni’i. Maniria azini Branham Tabanakulu ni ria, ale lu O’duko Munguni tepu pi driari eri i.
Ma wudrikuru ni ai ruecizu ama be wiki alu alusi. Ma yi oru yi kaki eco rueci ama be ku, mi e’du tepu, tepu cini, ani mi ekpa avizuri. Yi nga ovu odu osu be kile nda driori le ku. ‘Dini, ma emi ai wiki ‘disi ruecizu amabe Sabatusi sawa azia etusi (12pm), Jeffersonvili saa si (7pm Ugandaa), amani ama etrari tualu ani ‘di erizu, 63-0630E Idri Miniri Fudri E’yo Barini Ra Ya?

Adri Joseph Branham i

Mesegi (O’dukoti): 63-0630M Efuza Nazuri

• 25-0907 Efuza Nazuri
• 23-1001 Efuza Nazuri
• 22-0414 Efuza Nazuri

BranhamTabernacle.org

Amuro Efuza Nazurini Leleturi,

Mika ovu mile orindini be ku, mi vani eri ku.  Te mile orindisi ri ni Okpo Munguniri ne ra aciria a’disikuni Eri ko’boru e’yo Munguniri be. Eri E’yo’i azini Mungu ma E’yo oja i tuaku. E’yo erini ‘yele okori, Eri curu’do e’yo aluri ‘yeria azini mile orindisi ‘diyi Eri ndre, Eri a’i azini ERI ERI.
    

Wudrikuru eco nga a’i ma be ku e’yo mani a’i ovuzu Mungu ma geri fe andruniri ma dria: O’duko orodriru ndeni le eyi ma eri ri ni O’duko Munguni tepu pi ma driari i ri.  Le emi ma avi tepuki emi kanisa eyi ma alea,  te EKA adaru O’dukoti ‘di a’ira, mi econi afa Mungu ma nabi ni ‘yori a’iku ku.

Sabato ‘disi ama nga ama oku tualu ekile anzi Ebraniani ‘diyi ni ndra ‘ye mana ‘bani fele yi dri ini alia, yini yi ma ta mbazu kpere o’du drusirisi isuzuri le. Ama nga ama oku ama Mana Orindisi ngapi ama dri okpo fepi ama Efuza amboru emupi mbeleruri ni.

Geri azi muke ndeni yo aga fezu O’duko Munguniri dri e’yo nzezu I ma ngulupisi, e’yo nzezu I ma dria, azini O’dukoti amani nga eri ‘di TRE!  

Mungu ‘du ndra agu alu angu rokodriari ma alia, imba eri ra.  ‘Ba eji eri vile, ‘du e’yo nde ra, ani eji ‘ba nde yi amve.  Ene afa mani ‘yori ma efi ra? Eri econi otita I vile ‘diyi oja ku.  Eri Mungu’i.

Ka’dini ‘dia Eri ‘yo ama dri kililiru kini I oja Ima otitaki ku.  E’yo Erini ‘ye e’dozu e’doria ri, Eri nga eri ‘ye dika asizaa, Erini azilerile.  Ka’dini le ama ma ni ra sawa ‘disi Otita Erini ndra ‘dasi ri Eri nga ovu Otita aluri le sawa ‘disi ri.

Eri ngani azi nga ongulumu eyi pie ku. Awini drio ‘ye ku. Eri e’yo ‘ye ‘ba alu alu be;  Eri ‘ye ndra ra, dika Eri nga kiri ‘ye ra. Eri azi ra, ata Malachi 4a, Eri nga eri ‘ye ra.

Eri ngani azi ongulumu eyi pie ku. Ka’dini, Eri azi o’du amani alia kini I nga ‘ba Alu ma ti pe, Malakai 4 i, ‘Di Opi ‘Yoni be.

‘Da ada. Ka’dini aziza Eriniri ci, Eri ndra a’dunni yari; azi afa ndra Erini ‘yo I ta mu ‘ye ri ra, ani ama di ‘di’i.  Le ama ma ovuki ‘ba ayikoru ni ku ngole; yi dri eceta nde feria, Eri ma eceta E’yo azizaruri vusi, E’yo azizaruri’i. Eri azi ndra ra I ta mu ‘ye ra.

Geri ndra Muguni pe Ima Amuro ma di cezu vule ‘daleri ngole?

Mungu pe, o’du efuzu ‘diyi alia, Eri omve ongulumu azi amve ra. Azini amuti ‘da ma aleasi, ale emi ma ndreki e’yo azi ra, Eri ovu lu ‘ba iri be mupi angu azizania ra ‘diyi. Afa Erini pe yi ‘duzu amve ri ngo’i? 

Eri ‘di’i. E’yo ‘di orodriru tu omi orindisiri ni vazu. Mungu pe ndra Amuro ma dri cezu azini jizu Angu Azizania ngoniru? 

Politiki si? Amuti si? Eri pe ndra nabi azi, eceta okpo-uruleru Aci Piriruri ni ri be, ani ‘ba eyini ecozu abazuku beni. E’yo nabi ni ‘yo ri ndra E’yo Adani. Ani Mungu emu va, Aci Piriruri ma alia, azini e’da Ima Ngulupi ra, e’da I ma E’yo ra. ‘Da ada? ‘Da afa Erini eji ri’I, Eri ma efuza oko ri’i. Eri ma efuza irizuri…

Ani, lezu nezu ra kini ‘ba ngaki ni e’yo onzi ‘ye ku, Eri epe yini nabi azi ma ti eceta okpo-uruleru Aci Piriruri ni ri be yi ma efuza amborurini.

‘Ba kakau ki nga ai ra ‘yozu kini, ee, Eri epe nabi ma ti Amuro omve amve, te sawa ‘disi Orindi Alatararuri ni nga Amuro ma dri ce azingaza vusi ‘dini;  te Eri awini ndra ‘yo ‘dale ku…ama ma muki nga lu drile lazu.

Mi ne Aci Piriruri ndra ki omve amve ri, ce yi ma dri angu azizania, nabi odu osuzabe ri ma palaa. Aci Piriruri yini ndra eco ne rari, ce yi ma dri angu azizania, nabi odu osuzabe ri ma palaa.  Ani yi sawa driasi gaki eri si. ‘Da ada? Ada.

Eri Aci Piriruri alu ‘dini ‘ba pi ma dri ceria dika angu azizania, angu nyaza Eli Alifu aluri’i.

Aci Piriruri, driceza Munguniri palaa…Munguni ndra Aci nde i, azini Aci Piriruri osu lu ndra odu nabi nde ma dria. Aci Piriruri ni ndra pa sozu sadini ‘Buariru kini Musa ni ndra omvezaru amve.

Sawa ‘disi, emi ega ra, Musa ni ndra Aci Piriruri i ku. Eri ndra dricepi odu osuza beri, Aci Piriruri ma palaa, azini Aci Piriruri ni ndra lu eri ma O’dukoti ece i eceta kisi azini osuta pie.

Onzi azi yo, agyipi la. Eri ovuni afa Mani ‘yori i ku; Ma lu emi adripi ni. Te, eri afa Munguni e’da emidri ri’i, afa Eri ‘ba pi E’yo adaruri i ri. Aci Piriruri alu alu Erini ndra ayu azi iri ‘dapi niri, Eri eji Eri emi eselea andrusi, azini waa Eri ra geri sayansinisi.

Mungu ojani Ima otitaki aluni ku. Mungu ovu geri azi be fezaru Ima Amuro dri andrusi ci; Aci Piriruri’i, driceza Munguniri palaa…Munguni ndra Aci nde i, azini Aci Piriruri osu lu ndra odu nabi nde ma dria.   

O’duko lu alu, nabi alu, ovupi ‘Di Opi ‘Yoni beri, William Marrion Branham i. Eri Aci Piriruri i ku, te eri dricepi odu osuza be Aci Piriruri ma palaari i.

Aleki dria ovu Mungu ma ALE KILILIRU alia. Eri ma E’yo NI Eri ma Ale Kililiruri’i. E’yo ecezaru ra o’du amaniri niri ni O’dukoti ‘di i. Eri ma nabi ma ti ndra epezaru Ima Amuro ma dri cezu. Mi ka ‘da ai ku yani, mi econi ku ovuzu Eri ma Amuro’i.

Emi emu ani ruotuzu ama Efuza amborurini Mungu ma E’yo Kililiruri erizu risi amabe Sabatusi sawa azia etusi Jeffersonvili saasi (7pm Ugandaa), amani ‘di eri ria: Efuza Nazuri 63-0630M

Adri. Joseph Branham i

Mesegi (O’dukoti): 65-1204 Duta Oruri

• 25-0727 Duta Oruri
• 21-1204 Duta ‘Buari

BranhamTabernacle.org

Amuro A’yota Kokoru Leleturi,

Opi fe amani sa’wa onyiru ‘dileni okuzaa sabiti ajerisi Erini Ima E’yo ecezu amadri ria. Eri e’da ra, E’yo Inisi, kini ama Driadriariru ni: Ima E’yoni, O’dukoti ‘Di’i, O’duko Munguniri tepu pi ma dria ri’i; yi dria alurile, Yesu Kristo alurile aje, andru azini ‘dani ‘dani.

Ama eriki ndra geri sitani ni o’bizu O’dukoti ma esele cozu ‘ba o’dukoti ojipiri be ri ra, te inzita ma ovu Opi Yesu vu, Mungu Ima ngulupisi nze ndra e’yo Ima malaika amboruri vusi ani luzu amadri:

Ama esu kini agu azi ka emu, tiepezaru engazu Mungu vu, Mungu ka ‘baa ni, ‘DI OPI ‘YONI adaru ri be, o’dukoti ki ‘ba o’dukoti ojipi ri be ki oa alu azini alurile. A’disikuni ovu ti epezaru pasozu ‘DI OPI ‘YONI ru, E’yo vusi E’yo vusi, ani eri i o’dukti eriniri be ki alu.

Mi cani O’dukoti pi ma esele co ‘ba o’dukoti ojipiri be ku, yi alurile, ‘DI OPI ‘YONI. ‘Ba odu osuzabe enzoru ‘diyi tro a’du ‘yo yari ti, Mungu ‘yo ndra kini yi alurile azini cakini ovu esele cozaru ku.

Eri ‘yodi vini ndra amadri kini alekini bongo keikeruri ku o’bu cini ki o’bizu amani tepu ki eriria, a’disikuni o’buki kani o’bu suki O’dukoti ‘Di ma alia yo. Eri Eri ma Yi a’di sawa dria rapi alaru azini ondikokoruri’i. Sawa dria egburia, nzuni tuaku, lu muria drile ruemiria azini ruemiria, amadri E’yo Eceza angiri azini angiritu Eri ma E’yoniri eferia.

Eri eji ndra ama omia AVIZU TUAKU kini Ima aziza amabe ri Gatakokoru, Aje-nzetakokoru, te angiri tu driari, A’yotakokoru.

Eri tro aleni ya, atitani ya, kani dri-suza ururi i yani, afa azi ka ovu a’yota kokoru eri DRIADRIARI azini ovuni ‘bazaru a’yota azini azita cini ma palaa ku; eri nga i ‘ye ra tro afa azi nduni ‘ye tro i ni ti.

Eri le ndra musumari nde pa mgbi, ani Eri ‘yo ndra amadri o’du ‘disi Ima E’yo Sizaki ecaria pari yinia ama miletia.

Etu (s-u-n) alualu engapi kala etuni efuriari ni s-u-n alualu ‘depi kala etuni ‘deriari’i. Azini S-o-n Munguni alu alu andra emupi kala etuni efurialeru ma aa andra Ima ngulupi ecepi Mungu ovupi ‘bazaru ruatisiri ruri, ni S-o-n alu alu kala etuni ‘derialeru ‘diari’i Ima ngulupi di e’daria kanisa pi alesi ovuzu alurile aje, andru azini ‘dani ‘daniri’i. Diza ondreni Mvi ni ri eca ‘bo. O’du ‘disi E’yo Siza ‘di eca i ma paria ‘bo ama drilea.

Mvi ‘Bani emu dika ra ruati ‘ba adani alia o’du amani alia, lu kile ndra Erini azi Eri ta rile, Amuro omvezu amve. Eri Yesu Kristo’i e’yo nzepi kpi amadri ri’i, ani Eri leni agu azi ma e’yo efi eceza ku. Afa dria amani leri, afa dria amani leri, O’duko Munguni e’yo nzepi tepu ma dria emuria engazu Mungu ma Ngulupi vu ri’i.

Eri e’yo eceza e’data E’yoni ovupi ‘bazaru adaruri’i. Azini ama oaria o’du ‘da ma alia; inzita ma ovu Mungu vu; e’yo eceza e’yo zizaru Eri ma Ngulupini ri’i.

Saa dizaru Amuroni ovuzu eri be ‘do ngo’i, rularia indikindi Mvini ri ma alia, niria. Le nganu ma emu vule nganu ru ra, azini akufi azi ama eselea yo. Lu O’duko Munguni nditiri e’yo nzepi amadri ri’i, ama siria azini ama ‘baria e’da Kristoniri, E’yo alia.

Ama agianzi azini ezopi Munguni ki, Eri ma arakala obini Erini ndra pe okoru emuzu ayi ‘di, ayi amboru ndeni adi wudrikuruniri ma alia. Eri ni ndra ra ama cani ta e’de ku, ama cani ta aparaka o’ba ku, te ama ta mu ovu Eri ma Amuro E’yoru adaru azini a’itaruri’i, Eri ma Ori Iburahimuni Opiru Amboru ndra mupi emupi ri’i.

‘Duta-ururi ni ogogo. Sawa eca’di asiza ma alia ‘bo. Eri emuria Ima Amuro ima ngulupi ‘bapi ngonde ‘bo te ‘dilu rizaru Indikindi Mviniri alia, eriria Eri ma O’dukoni Ima Amuroni osuria rini. Mbeleru ama nga e’do ama ‘ba leletu mupi a’buza sawaniri ma drilea ‘daleru ‘bo, ‘ba tepi azini avataza be ama nezuri ki ne.

Tepuki Mungu ma geri fe Ima Amuroni ‘bazu kililiru ri’i. Tepu ‘di afa lu ngapi Eri ma Amuro ecipi tualuri’i. Tepu ‘diki O’duko Munguni Eri ma Amuro dri ri’i.

Ma mi ai emuzu erizu esele Amuroni ri be, Sabatusi sawa azia etusi, Jeffersonvili saa si (Saa Alu ondresi Ugandaa): amani e’yo driari eriria afa i otupi pari ‘dupi mbeleruri ma dria: ‘Duta Ururi 65-1204.

Adri. Joseph Branham i