All posts by admin5

25-0615 Ruecita Amuro Kristoni Ri Vu Nelekuri

Mesegi (O’dukoti): 65-0615 Ruecita Amuro Kristoni Ri Vu Nelekuri

BranhamTabernacle.org

Mungu Ma Oku Pezaru’bo Leleturi,

Geri azi eri ma ageyia ara yo, mi Ori Munguni Orindisiri’i, arakala obini egata Erini ni ‘diyi ecepiri, dika emi ndra Eri ma alia de nga wudrikuru e’doni ku.

Ama econi mu drile ku, ama lu ko’bo ori ndra mupi nyakua ‘da’i. Ama Yesu aluri’i, wura Amuroni alia, okpo aluri be, kanisa aluri be, E’yo aluri be idriru azini aaria ama ma alia isiria dri aziru, NGONDE ‘DUTA URURINI.

Eri ‘yo ndra amani kini ama esele ovu cozaru engazu ama ecita ndra okori vurisi ‘bo, dra orindisiri vusi, dika ‘di curu’do ama osi o’diru’bo, kani ovuki ‘duzaru dika, ama ti ecita o’diru Orindisi ri vu. Idri ama vile oku azini e’yo wudrikuru ni ‘diyi dika you, te Idri Ewulerini ri’i. Ori andra ama ma alia e’doria, ri isu ama ‘bo!

‘Da ma efi ngoni? Eri ma efi kini ama buku okuri mu ama aje okuri be ‘bo, ‘ba oja eri ra. Eri SAWA ‘DISI Mungu ma ꞌBuku Oꞌdiri” ma aliaku; adrini buku idriniri ma alia ku…yo,yo,yo…te Buku Idrini Kabilomvaniri alia. Afa Kabilomvani onze’bo ri. Eri ama kokobi ajeni angu ama Ori adaru Ewule Ewuleri ni ovuzu ri’i.

Emi ngonde? Eri emu ‘di. Le mi ma ndi mi ngulupi azini mi otu mi trezu azini zazu diza, aleluya, Opi ma ovu inzizaru, eri osuti irile irile egbizaru engazu ‘buari.

“Mi le ‘yo ma dri kini ma buku okuru ma e’yo onzi dria be, e’yo mani e’dezu ‘diyi pie dria…”
Mungu ‘ba eri yi miri Ima E’yo-avizaniri ma alia, azini mi ovu lu truzaru a’dule ku, te mi ꞌbazaru ‘bazaru alaru…Diza! “‘Bazaru alaru.”

Ani ‘da ma efi ngoni? Eri ma efi kini mi ‘yeni nga e’yo nde Mungu ma milea ku.
Mi pa tu kililiru Mungu ma drilea. DIZA! Yesu, E’yo i, ‘du mi ma pari ni. Eri eca mi ru, ani mi, ‘ba ezapi ondiruri, ni ecozu ecazu Eri i, E’YO I. Ama E’yo i.

E’yo ‘di fe ama eca Eri ma Ori werea ‘bani o’bale drioru e’dozu e’doria riki. Ama E’yo emupi E’yo ma dria, E’yo ma dria, E’yo ma dria, E’yo ma driari ki, azini ama emuria sita Kristoni treri ma alia, Erini ani emuzu ama ‘duzu ovuzu Ima Amuroru beni.

A’di afani pari ‘du SAWA ‘DISI ni?

Eri Ruecita Amuro Kristonirini ruetrapi tualu wudrikurusi ara engazu wudrikurusi ara ri’i.

E’yo ‘di mu kari ‘di ma alea ndulu. New Yorkia, sawa ‘disi eri di sawa towi minati kaliiri-drini-towi. Uru Philadelphia azini ara ‘daa dria, ‘ba alatararu ‘daki rizu ‘daa eriria, sa’wa ‘disi, kanisa pi ma ma alea ndulu. Uru ‘dale, kpere ele kari Mexico vu ara, kari Canada niri vu ara azini dria ara, ndulu. Mailo turu iri, pari ci angu America ma kala uruleruri ma alia, ‘dia, adanisi, angu ‘ba pini ovuzuria, eriria sawa ‘disi. Elifu pale alifuki, eriria.

Ani ‘Da ma O’dukoti emi dri ri i, Kanisa, emi ovupi ecita azini ‘diki, ecita orindisi E’yo vusiri’i,

Eri ‘yo kini Eri ecita orindisi Kristo pi ni Ima Kanisa beri ‘i, dika Eri PARI ‘DURIA SAWA ‘DI MA ALIA. Rua ni ecaria E’yo ru azini E’yo ni ecaria rua ru. Ama e’dazaru, azinie ecezaru; e’yo Bibilia ni ‘yo eri ta nga pari ‘du o’du ‘di ma alia ri le, ani Eri i ‘yeria curu’do, o’du driasi ama alu alu ma alia.

Mungu ni mu aa Kanisa onyibe ni be. Eri ma Amuro adaru, a’itaru E’yoruri i. AMA OKU PEZARU ama Opi Yesu Kristoni ri i.

Sawa ‘di si, ‘ba ambo?

Ama esu e’yo eceza o’du asizu ‘diyi ma alia ra, O’dukoti Opi Munguniri ni Ima Amuro ni trazu tualu. Ba awini azi ayi azini ni ku ye. Eri azizaru ayi ‘di ma alia: Malakai 4, Luka 17:30, E’yo Ba Yohanani 14:12, Yoeli 2:38. Aziza ‘da ki ekile Yohana Baptista ni i ma ngulupi ece E’yo Siza ma aa ri le.

A’dini e’yo siza ‘diyi eji yi ma paria ni?

Eri ma malaika azirizu okporu, William Marion Branham i. Eri ri sawa driasi e’yo ‘ye otita ndesi. Eri ebi ‘ye sa’wa driasi otite ndesi. Eri eri ‘ye dika ama o’du ma alia, Ima Amuro onyiruri omveria amve azini traria o’du asizuri ma alia Ima nabi vusi.

Saa dizaru Amuroni ovuzu eri be ‘do ngo’i. Okuta alu alu ni eca uru azini uru tu azini aluzaru azini aluzaru tu. Sa’wa ‘dile ‘di ebi ovuni nga ku. Abaza dria aviki ‘bo.

Mi emu rueci ama be amani E’yo azizaru o’du amavileriniri eriria e’yo nzeria, azini luria ama dri ama a’diki azini a’duni i ‘ye o’du amani ma alia niri ma dria. Ru Ecita Ndreleku Amuro Kristoniri Nir’i 65-1125.

Adri. Joseph Branham i

E’yo Sizaki:
E’yo Ba Matayoni 24:24
E’yo Ba Lukani 17:30 / 23:27-31
E’yo Ba Yohanani 14:12
‘Yeta 2:38
Rumi 5:1 / 7:1-6
2 Timoteo 2:14
1 Yohana 2:15
E’doza 4:16-17 / 25-26
Danieli 5:12
Yoweli 2:28
Malaki 4

25-0601 Sita Agu Kililiruriniri

Afa Si Adiru Idriru Leletu ‘Diyi,

O’duko amani eri tepupi ma driari ni Mungu ma Urimu Tumimu Eri ma Amurodri ri’i. Eri eci curu’do Eri ma Amuroni tualu kililiru asi alu si azini ti ecita alu si ecazu kanisa a’daru Orindisi-tre riru, okpo Munguniri be tre, rizu tualu pari ‘Bualeru ‘diyi ma alia, edeta-edeza orindisi riki owizu,  Munguni inzizu, Orindi Alatararuri be aciria ma eselea.

Kristo epe ama dri Ima Orindi Alatararuri ma ti e’yo nzezu geri Ima malayika aziri vurisi ama sizu sita Yesu Kristoni ma alia, ama ma ovu ani jo-okponiri’i azini pari Orindi Alatararurini aazuri’i beni, E’yo rinirisi.

Ama awurosoni afa dria pini. Eri afa ama ma ngulupini ni, eri ama NI. Eri feta Munguniri’i ama dri, azini ‘ba azini econi eri ‘du ama vurisi ku. ERI AMANI.

“Afa ci emini Atani zizu Ma Rusi ri, ‘da Ma nga ‘ye ra.” A’di eco e’yo azi cini ga ‘daa si ni? “Ndi ndi, Ma ‘yo emi tia, mi ka ‘yo ‘be ‘dini, ‘Mi ovu muzaru,’ mi ka a’baku asi mini aa, te a’ira kini afa mini ‘yori ni nga pari ini ‘dura ‘dini, mi eco ovu afa ci mini ‘yori be ra. Aziza ‘doki ngo’i! Adrini lu atita esuzu a’duleku, te e’yo cirisi.

Diza ma ovᴜ Munguvu…AFA CI AMANI ZIRI!

Engazu sawa ma e’dozasi, o’baza Munguni nduluri ebi zu azini o’du ‘bani anzi Mungu ni dria ‘diyi e’dazu ri te asi driasi.  O’du ‘da eca di ‘bo. ‘Di o’du ‘da’i. ‘Di sawa ‘da’i. AMA agupianzi azini ezoanzi Munguni ovupi e’dazaru ‘daki.

AMA afa ayuzaru idiriru Munguni Erini acizu alenia, Erini angu nezu alenia, Erini o’yozu alenia, Erini azi ngazu alenia riki. Eri Mungu’i, aciria pa irir ma dria, AMA AA.

Ama Eri ma waraga sizaru ‘ba dria ni la ‘diyi. Eri ma agupianzi azini ezopi pezaru, ‘bazaru okoru, ‘bazaru anziru Erini di ede ‘ba idriruriru, wura idriruriru, siza ‘ba kililirurini riruri.

Ama ngulupiki ‘bazu ruta alia Mungu idriruri ma drilea, onyi azi idriruni, nita azi idriruni, asiteza azi idriruni, adriza Mungu inzizu azi idriruni, Okpo azi idriruni emupi engazu Mungu azi idriruni vuni, ‘ba idriruni ‘bazu wura idriruri’i sita Munguniri alia.   

Eri Kristo’i, ‘ba Orindi Alatararuri niri ma alia ama driari’i, baptizi adaru Eri ma Orindi Alatararuriniri be, Eri ma onyi driari pie a’buzaru ama alia. Mungu’i, oaria ama aa Tabanakulu omvele Jo’i ri ma alia. Hekalu idriruri, pari oatani Mungu idrirurini ri’i; Kanisa kililiruni, Onidri Kililiruri ni suzu ama dria.

Mungu epe nabi azi mati Amuro Erini omvezu amve azini drini cezu. Eri ndra Eri ma Adamu oko ogozaru ri’i, siza agu azi kililiruri niri’i o’du amaniri alia, Eri ma E’yo ecezu Eri ma Amuro dri.

Ma econi mu ‘da vusi ku. Afa azini econi ma oja ku. Ma asini ‘ba azini ni ‘yo ngoni yarisi ku; eri oya ma aluni ku. Ma nga ovu ‘daa. 

Ma nga te, te, te. Ejini eselecoza azi aluni ku. Eri oa kpi ‘daa. Vutinia, o’du alu, ma nga tre ‘ba alatararu azi ‘diyi pie dria tualu: “Ama avali asi ꞌbaza be Eꞌyo dria ma dria! Vutinia MI nga AMA e’da Eri vu.  ‘Daa ama di nga mu vule nyakua dika oazu ‘dani’dani.”

Ma azi Eri dri, o’biti ‘disi, asi mani driarisi, kini, azakoma Erinisi azini asindriza Erinisi, Ma zi kini ma nga ndaa o’du dria, asikokoru, kpere mani amaria afa dria le ma ma ‘yerari pini eraria sita okuru mani wereru di ma aa, kpere mani cozu ovuzu e’dazaru Kristo idriruri’i.

MANI RIA, Mungu ma O’duko tepu pi ma driari erizuri ni Mungu ma otita andruri’i. Eri E’yo idriru Yesu Kristoniri’i.  Eri ma E’yo Driariruri’i E’yo Mungu vusiria. Eri geri Munguni fele andruri’i.

Ka’dini, ale emi omve emuzu ma be Sabitusi sawa azi etusi (12pm) Jeffersonville saasi (7pm Ugandaa), mani William Marion Branham, mani a’ile ovuzu Mungu ma O’duko ama o’duni ri ruri ni eriria, embata feria Amuro Kristoniri ni ecazu: Sita Agu Kililiruriniri 62-1014M ru ngoni yari ma dria.

Adri. Joseph Branham i

E’yo Siza lazarᴜ O’dukoti nde ma drileari ki:

E’yo ba Matayoni 5:48
E’yo Ba Lukani 6:19
E’yo Ba Yohanani 1:1 / 3:3 / 3:16 / 5:14 / 14:12
‘Yeta 2:38 / 7:44–49 / Chapta 10zuri / 19:11 / 28:19
Efeso 4:11-13
Kolosai Chaputa 3 zuri
Ebrania 10:5 / 11:1 / 11:32-40
Yakobo 5;14
2 Petero 1-7
Isaya 28;19

25-0406 A’buza Suzuri

Mesegi (O’dukoti): A’buza Suzuri 63-0321

BranhamTabernacle.org

‘Ba Osi’ba-‘Bua Alatararu Leletu ‘Diyi,

Atani ama etraria tualu Eri ma E’yosi, azini e’data E’yo Eceza ‘daniri ni amani atita fe. Eri pe ndra ama ‘denga wudukuru ma vuti ovuni ‘bazaru ku, a’disikuni Eri ni ndra ra ama ta nga ovu aitasi E’yo Erini vu ama ngulupi ma pezasi.

Ma ma ‘yo nga ‘da dika ani ama fi aliru ti beni. Eri ndre ndra angu saa ama alesi, pere sawa driari ma asiza mgbari vu, ani NDRE NDRA AMA RA…ama eriki ‘da ra ya? ERI NDRE NDRA MI’I, ERI NDRE NDRA MA’I, azini le andra ama ra, a’disikuni ama ngulupi ma pezasi, ama ta nga OA ERI MA E’YO BE.

‘Dasi ria, Eri omve ndra ‘do Ima malaika driari ki azini kerubi pie tualu ani ama e’dazu azini ‘yozu: “ERI ‘DA’I,”  “‘DA MA AMURO’I,” “‘DA ‘BA MANI ENGA TERI KI!”

Kile Yohana le, ‘da asisile amani otreta azini ozanga ‘diki dria ‘yezu, azini Opini inzu ri’i, ama atizaru Vino O’dirusi azini niki ra, KILILIRU, AMA Eri ma Amuro’i.

Eri kile ozoo dria akuku ovi pie amani engazu ovuzu yi pie Jeffersonvilia ‘dia wiki ‘disi riki…ama vini BILENDU LIZA feria wudrikuru dri.

Amuroni ovuria AKUKU AVIRU E’YO ECEZANI RI BE, AZINI ERI ETATA YI E’YO ECEZANI EJI RIA. AMURO ‘BA ‘DI IMA NGULUPI NGONDE ‘BO AZINI AMAKI ‘BO YI A’DIKI YARI. EMUKI ANGU OAZU RIRI ALIA MBELERU. MI EKPA AVIZURI KANIKU EMI DRI NI OVU JAZARU.

Ama ovuni oaria Ayi Kaminiria, kani Ayi Monioniria ku, vini Ayi Aguniria ku; ama oaria AYI AJINIRIA, azini Mungu epe ama dri aji okporu, Malaki 4 mati ra, Eri ma Amuro omvezu amve azini drinicezu.

Eri nga mu ovu ‘yeke ngoni ya Sabatu ‘disi, amani nga ovuria etrazaru tualu Eceta Suzuri eriria.   Eri nga ovu o’du ositani Mungu ma nabiru aji amborurini ri’i.

Ama ma zuki ayiko o’du onyiru ‘disi azini afeki Opi dri awa’difo amani Ima ‘ba o’dukoti ojipi ajiru, Erini ndra tini epe ama omvezu amve azini Ima E’yo ecezuri ma ti epe risi.

Adri. Joseph Branham i

O’dukoti: Eceta Suzuri 63-0321
Sawa: 12:00pm Jeffersonvili saa si (7pm Ugandaa)

E’yo siza lazaru ruoturia riki.


E’yo Ba Matayoni 4
E’yo Ba Lukani 24:49
E’yo Ba Yohanani 6:63
‘Yeta 2:38
E’yo Eceza 2:18-23, 6:7-8, 10:1-7, 12:13, 13:1-14, 16:12-16, 19:15-17
E’doza 1:1
Zaburi 16:8-11
2 Samueli 6:14
Yeremai 32
Yoweli 2:28
Amosi 3:7
Malaki 4