Mesegi (O’dukoti): 65-0815 Azini Niki Ndra Eri Ku

BranhamTabernacle.org

E’yodri O’dukoti vuri

Aji Ru Etrapi Tualu ‘Diyi La,

Kiri kiri, saa ngoleni ya, saa ngoleni ya! Afa azi ovupi ‘yezaru ku ni yo. Mungu ma Aji ki ru etraria Za o’diru ageyia. E’yo nabiruri ni pari ‘duria. Sa azi aluni yo Erini e’dezuri, azini Eri cani nga ku, a’disiku ama, ovupi ndra ‘bazaru drio Eri nezuri, ki Eri neria.

Engazu Ata ni I ma nabi ni ‘duzu akua ‘boria, Eri ma Amuro drio ovuni nga ecizaru Eri ma O’duko ageyia ko’bo andrusi ri le ku. Pe ndra geri Eri ma E’yo ngazu emuzuri ra, ani ‘da Eri ma nabi, ovupi ndra ‘bazaru drio azini okoru ‘diyi pivu si. Ama apizaru azini aizaru, kini ‘di Yesu Kristo i fe pi I ma ngulupi nipi, I ma ngulupi e’dapi e’yo nabi ruri si ri i.  

Geri ndra Eri ni anzi Israili ni pi ma dri cezu roko dria si, aci eyini aliari, ecetaru ‘ba ovupi omvezaru-amve’bo andrusi ri pini ri. Eri di ‘dia indi, e’yo oneza science ni si, ata fe I ma ngulupi nizu ra science ma drilea. Azini Eri ma e’yo ‘yeza alu aluri ki si azini Eri ma e’yo ondriza nabiru alu alu ri ki si, afa ndra ovupi ondrizaru kini Eri mu ‘ye o’du ‘di alea ri ki, fe pi I ma oa alurile aje, andru azini ‘dani ‘dani ri, ovu ‘yekeru ecezaru ‘bo. ‘Da cani ku ya fezu ama asini vezu ale amania?   

Ko’bo ‘ba ti opele o’du ndra ‘daki siri le, ama ovu ‘bazaru Idri alea ‘bo. Afa lu ci amani ‘yeri lu fezu Eri ma O’duko ma ovu nizaru ri i. Azini O’duko alu alu ‘da eri Mungu ma egata ovupi e’dazaru ri i. Ama aiki Eri ma dria ri ra. Le ni amani e’yo nde e’dazu geri science nisi ‘dini ku, kaniku Sadukai azi kaniku Farasai azi kaniku ‘ba azi cini zizu ani ‘dini ni ku. Eri ‘yo ndra Eri ra azini ama aiki Eri ra. Eri ma kabilo ki Eri ma O’duko eri, e’yo nzeria Eri ma nabi vu si.

O’dukoti oa’di eri O’duko Munguni tepu ma dria ri i. Eri E’yo Eceza dria Yesu Kristo ma dria ri i, E’yo Oku ki O’di ri be ‘bazaru tualu. E’yo zizaru dria ri ki, ovu ki ecezaru ‘bo. Ama o’bani dri nia ku kaniku ‘duni Erivu si ku. Ama lu ‘ye Eri ndra yo ama ma ‘yeki ri le, EMI OA E’YO BE. 

Di be ‘da. Eri agu aaleru ri i. Aa E’yo ma ti ape pi, i iipi E’yo be ri i, ka tro ovu a’duni.

Ondri ndra nabiru’bo azini lu ndra amani kini ‘da ni nga pari ini ‘du ra. Wudukuru dria ni nga ovu etrazaru aza alea, azini eri nga eca onzi azini onzi azini onzi, kpere ki nga eca aza’ba azi kakau ni ki.

Eri ‘yo ndra kini sa ‘di enyia akaki ‘di e’do afa ‘di ki ne eyi ‘yeria, afa azi ni nga I ‘ye ra. Azini O’dukoti o’diki dria ndra eti ‘baza ni azini eyi ndra eti ‘baza ‘ba O’dukoti wereru, mbele mbele ngapi suru dria oyapi ri ni. Ma aira kini ama di afa nde ki neria pari eyini ‘duria sa ‘disi.

Azini ani ra kini, mani muzu nyakua ‘diarisi ‘boria, tepu oa’diki azini buku ‘di pie nga oa idriru, azini emi oderu ‘di ma kakau ki nga isu o’du ngapi emupi ri ki si, kini oa’di ri ko’bo e’yo Adani, adisiku Ma eri nze Ru Opinirisi.

Ama ma eriki azini fe ki asi enyia e’yo dria orobiru nabi ni ndra olu ama ni ri ki vu. Geri ndra eyini eri nezu pa soria oni azi e’dopi engazu etuni efuria kpere etuni ‘deria ri dria ‘da i, oni ‘da ndra dri mbiliru ko’bo afa piramidi ruri le. Geri ndra erini oazu akanya azi eyini drio ne idri eyini alea ku ‘dileri dria; akanya amboru emve ni, ovupi ‘biko dria emveru i e’yipi vua ni be.

Geri ndra iriti emveru ni esizu vua azini eri ‘bizu azini eri ‘duzu oru ‘da i. ‘Da ma vutia sa were si ovu di ‘bazaru dri mesa ni ria azini eri ndra emve sisili. Eri ndra pasozaru ‘daa azini nze ndra e’yo okpo be. Abaza azi ndra erisi yo. Agupi ‘da pi ma alu alu dria va ndra ko’bo afa erini ‘yo ri ra.  

“Ma nga nzu geri ‘di alesi pale alu dika!”

Ma aira ama ‘da neria pari ‘duria andrusi. O’dukoti oa’diki nzuria geri ‘da alesi pale alu dika. Mungu ni I ma Aji ki omveria tualu engazu wudukuru si ara. Ki eyi etraria Eri ma E’yo ageyia, Eri ma O’dukoni azini O’dukoti oa’di i.  

Wudukuru pililiru, ocokoru, anzuzaru, mile koko, azini niki eyi ‘dale ari ku. Te Amuro i suzaru E’yo si, dizaru Orindi alea, ayikoru Eri ma Yikii si, azini ama eco ne ra azini aniki ra kini ama: ERI MA AMURO I. 

‘Yo ndra amani eri ni nizu risi ria, neni ndra afa azi aluni ku Emuta Opi Yesuni ri atripi sa ‘di aleari, pelu Eri ma Kanisa ni ovuzu otuzaru ri i.  

Aji la, ama ma ‘baki ama gonde. Ma emi ai ru trazu amabe Za o’diruri ageyia Sabutusi saa aro etualsi (2PM) Jeffersonvili sa si, O’duko Munguni o’du amani ri niri erizu ama ‘bazu gonde ‘Duta oru emupi mbeleko cici ‘dini amani: 65-0815 Azini Niki Ndra Eri Ku ni erizu.

Adri Joseph Branham i.
    

E’yo Eceza 3:14-19

Kolossai 1:9-20

Mesegi (O’dukoti): 65-0801e E’yo ‘Yezaki Ovu E’dazaru Gboru E’yo Nabirurisi

BranhamTabernacle.org

E’yodri O’dukoti vuri

Kristo Ma Aliria Wereru, E’yo, Kabilo, Amuro La,

Ama Eri ma Amuro E’yoru ri i ama Izio E’yoruri azini Eri ma oaza anyu aa Eli alifu aluri teepiri ki. Ama nga lu O’duko alu eri i. “Ma kabilo niki Ma O’duko ci. Caki ni nga ani’bo vuti bi ku.” Eri ma O’duko a’duni?

 ‘Ba cini ma o’duko eri eri ma e’yoni. Ani ‘di di be i, Bibilia ni, e’yo azi aluni ma ovu o’bazaru Eri dira ku kaniku ‘duzu Eri vusi ku. Emi oa lu O’duko ‘daa be ogogo. “Caki ni nga ani’bo vuti bi ku,” dini azi ni.

O’duko ‘daa Eri ma O’dukoni, e’yo nzepi tepu ma dria ‘daa i trai lu ‘ba e’yo efi Eri ma E’yo niri ecepiri i, Eri ma nabi i, William Marrion Branham i. Eri Yesu Kristo i e’yo nzeria tile ‘ba ada nisi. Ama asiki ‘ba ma e’yo nzeri kisi ku, ‘ba ma egata kisi kaniku ‘ba ma e’yo efi ecerisi ku, ama lu asi O’duko ovupi edazaru’bo o’du amani ri si. Eri ‘DI OPI ‘YO NI NI.   

Mungu oji ndra ama nabi ma driki. Mungu oji ndra eri ma miliki e’yo nezapi alea. Econi ndra afa azi e’yo ku pelu eri ndra ne riki. Econi ndra afa azi nze ku, a’disikuni eri ma idre, erim ma driki ki ndra dria Mungu ma dria, afa eri ma rua riki ndra dria aci Mungu ‘be. ‘Ba osu niku Bibilia ni ‘yozu kini Eri ma nabi ki ndra munguki risi; ki ndra Mungu ma esele ki! Eri ndra Mungu ma E’yo ovupi e’dazaru o’du amaniri aleari.     

Bibilia oadini e’yo lu drioru, e’yo nabirurisi, o’du azini saa amani oazu alenia ri. E’yo ta mupi pari yini ‘dopiri ki ngokiari. Eri ki olu drioru lu ko’bo nukutani pi vu, azini awini nga ece ayi aluni ma aa ku. ‘Ba ovupi ndra drio ‘bazaru nezu riki nga Eri nera. Eri E’yo i ru ecipi E’yo be ri.

Ayi dria alea, ‘baki fe agu pini eyima e’yo efi eceza yini riki ‘ba E’yo oada dria, azini eri fe eyi ma mile ma ovu o’buzaru e’yo ‘yeza e’yepiri nezu. Afa alu alu erini ndra ‘ye Farasai pini Sadukai pie ri.

‘Yoki ndra ‘ba pini, “Ama ‘ba odu osuza ‘be Mungu niri ki. I leki ama ra E’yo ‘yo ngoniari luzu emini. I leki ama ra Eri ma e’yo efi ecezu emini.”

Kile erini ndra ovuzu o’du ‘da siri le eri vini andru. Afa di ‘ba olepiri eyi ni ovuzu odu osuza Orindi Alari niri be ci risi. Ovuki omveta be engazu Mungu vu E’yo bari oluzu. Ki ta mbaria olu ‘ba pini nabi ‘yo ngonia ri, te eyi ma kakauki E’YO EFI ECEZA YINI NIKI ‘BA ERI ALEA eyi ni fezu eyi ma azi ngza ma ovu orodriru ndeni aga O’duko Munguni mbari ra risi.

Ene nga geri eyi ni lezu ‘baki etrazu eyi ma azi ngaza ma ageyia ri, eyi ma e’yo efi eceza Mungu ma nabi ‘yo ndra ngoniari ma ageyia, te ewakokoru caki ni ‘ye ku.

Ki yi ozi vule azini ‘ba pini ori fezu ani ma aviki tepuki kanisa eyinia ku beni, eyini ‘yozu kini, “’Ba ‘daki agu ‘da ma e’yo epi amba mba azini ki eri inzi i Yesu Kristoni inzizuri ma paria. Eri dini ni o’dukoti azi erizu dria tualu sa alu alea engazu pari alunia. Adripi Branham ‘yoni ndra kini tepu ma ovuki avizaru kanisa aari ku ye”, ‘daa ki di asisile mba ‘da tru te, leki lu mbaria tepuki avi kanisa eyi pi ma alea ku. Eyi ma azi ngaza, eyi ma e’yo vaza, eyi ma omveta eri omboru ndeni aga tepuku erizu kanisa eyini alea riki ra. Caki ni nga ECO I KURI ‘yo gbo ku, te eyi ma a’yo ‘yezaki e’yo nze eyi ma paria ni.

Oluba ci adaru, ‘yopi kini i ai kini ‘di O’dukoti adaru sa asiza nisi, ovupi O’duko Munguni o’du amaniri i ri, cakini nga eyi truzu tepuki avizu kanisa eyini alea ku ‘dini ku. MI ANDRI NGA E’YO NZEZA OA ‘DAA AMURO E’YORURI RISI. 

A ‘yoni nga kini ‘ba dria ma eriki sa aro etualasi, Jeffersonvili sa si, ka adreku mi Amuroni ku ‘dini ri kuye, TWAYO. Ma inzini nga agupi azi ku. Eri Yesu Kristo i diza dria esupiri. Ma Mungu agu ‘da aleari inzi i E’YO ni ‘yo ama ma ‘yeki rile. Ki enzoru azini mili koko ngole ya. Mi la lu E’yo siza i ma adripi, eri ‘daa ogogo.

Sitani NIRA kini olu’ba cini, kaniku ongulumu olu’ba pini niki, cakini nga Amuru egizu tualu KU; ata eciki vini ti azi ni’be ku. Ko’bo lu Methodisti pile, Baputisti pile, Pirisbiteria pie azini Pentekostali pie ri le, eyi ma cini kaniku amuti eyini ecoki Amuro etra tualu ngoni ngoni… ECO BE LU INI I KU 

AFA LU CI ECOPI AMURO ECIPI TUALU RI O’DUKO MUNGUNI TEPU MA DRIARI I…AZINI ERI ERI ‘YERIA!

Ari’bo ngu ‘da onzi, ani eri ‘di o’bi eri anzu, te econi nga i ku ‘yezu ‘da le….DIZA!

Ko’bo driorile, ki sa dria, ayi ni i ‘deria, ovu abaza azi alea eyi ma embapi dini ni azini eyi ma atalo pivusi kpere eri sa dria oa abazaru. Sa dria eyi ma e’yo efi eceza enzoru, sa azi alu ni yo eyi ni e’dezu ovuzu enzoru kuri. Azini sa azi alu ni yo Mungu ma E’yo ni drio e’dezu oazu adaru te ri.      

Geri lu ewakokoru erini ovuzu nizaruri, mi ni oazu E’yo beri i, O’duko Munguni tepu pima dria ri. Mi la Bibilia mini, eri nga lu mini e’yo ta mupi pari ‘dupi o’du ‘di ma aleari ngo ki ari ‘beni. Eri nga mini e’yo nze Ima malaika amboru ngapi emupi o’du ‘di aleari ma dria. Eri nga lu mini kini mi ma oa O’duko Oa’da be, mi oa ‘ba o’dukoti ojipi     Erini pe’bo ri be.

Sitani ka Buku azi ngu onzi Bibilia aa ra ani, eri buku E’yo Ecezani ri. Ovu ndra sizaru Kristoma Ngulupisi. Ani orindi ‘da ni yorisi, Kristo ma Ngulupi le ma ‘ba ndra e’yo nzeza Eri ma malaika 7 zuri dria amba mba.

Azini e’yo ‘diyi ma vutia Ma ndre ndra malaika nduni emuria vaa engazu ‘bua, okpo amboru be; azini nyaku ovu ndra dizaru erima diza si.   

Kristo ma Ngulupi yo ndra kini nyaku ma dria ri ESU NDRA DIZA RA ERI MA DIZA SI. ‘Yoni ndra kini ovu dizaru “MA DIZASI” ‘dini ku. Ani mi vatasi, mi di ‘di Kristo ma Ngulupi ni to Eri ni e’yo ipizu amba mba Ima ‘ba o’dukoti ojipi malaikaru 7 zuri ma dria ri si.   

‘Ba o’dukoti ojipi ovupi nyakua ‘da ni ndra enyia ogogo Kristo ma Ngulupi be, Yohana obi ndra eri dri inzita fe, PALE IRI, te ‘yo “YO!, mi inzi Mungu i.” ‘Da di lu ko’bo afa ama ni ye ri i, Munguni inzizuri i. Ama ipini e’yo amba mba angu ‘da ma dria ku, ama lu e’yo KRISTO E’YO I NI ‘YORI ‘yo i….”nyaku ovu ndra dizaru eri ma diza si”. ‘Dani amani Atita fe E’yo Eceza si.

Munguni Ima Ngulupi ma peta peni, ovuzu ‘bazaru ndra oko risi, pe ndra nabi ki ayi dria pini. Mi ne eri. Eri nabi ‘da ma obi ‘ba oazu ayi ‘da alea beni. E nera, Eri eri ma e’yo ‘yeza ‘ba, afa dria erini ‘yeriki. Eri eri ‘ba ka tro oa onita’bea kani onita koko ti. Eri fetaki .’ba, geri eri ni muzu e’yo oluzuri pie, feta eri ni mu ovuzuri pie. Azini O’dukoti sa ‘da ni ri ni, Mungu ‘ba ndra drio’bo kini afa azi ni mu i ‘ye azini afa azi nduni mu pi ‘da ma pari ‘dupi ni yo.  

Mi avi tepu azi, tepu cini, Sabatu ‘disi, afa azi cani Eri ma pari ‘duku. Mi ka le mi eci Branham Tabanakulu be ra amani tepu azi eriria, mi ovu aizaru azini mi aizaru mi ecizu ama’be Sabtatu ‘disi saa aro Etualsu (2PM), Jeffersonvili saa si ama ni E’yo ‘Yezaki Ovu E’dazaru Gboru E’yo Nabirurisi 65-0801E ni eriria.

Adri Joseph Branham i

E’yo Siza ki

Edoza: 22:17-18

Zaburi: 16:10 / Chapter 22 / 35:11 / 41:9

Zakaria 11:12 / 13:7

Isaya: 9:6 / 40: 3-5 / 50:6 / 53:7-12

Malakai: 3:1 / 4th chapter

E’yo Ba Yohanani 15:26

E’yo Ba Lukani: 17:30 / 24:12-35

Rumi: 8:5-13

Ebrania: 1:1 / 13:8

E’yo Eceza: 1:1-3 / Chapter 10

Mesegi (O’dukoti): 65-0801m Mungu Ayi Onzi ‘Di Vuri

BranhamTabernacle.org

Amuro Atipi E’yo Ecezasiri La

A’duni ndra i ‘ye wudukurusi ara wiki ma deta alipi ‘bo ‘di alea ni ya? A’du ri pari ‘duni? Kelele da ndra a’du dria? Amuro engazu wudukuru si ndulu ki ndra ecizaru tualu, ‘be amboru e’dezu simiti si, odri si, cinya si azini kalika ki si. Rutraria aci yuza ageyia, ongo inzitani azini ru ecutani ‘diki ngozu Opi dri. ‘Ba odeki dezari pie alurile, bongo satiru eyini su ri agetia ‘yo kini Atita Eyo Ecezasiri. Ki ndra engazu angu Micigania pere Floridaa, engazu Maine pere Kalifonia, engazu suru Amerika ma kale oruria pere kale andra Amerika ni ria, Mundu anguasi, Afrikaa si, Asiaa si, Australiaa si, angu dria nyaku vuri alea. Ki ndra eriria simu eyini ki si aku yi nia, eriria O’duko Munguni ni e’yo nzeria eyi pie kpi.  

Afa ndra ‘ba asi esepi ri adu? Ori fi Munguni ‘ba drio ‘bo afa azi nduni ma vuti bizu ku te lu O’dukoti sa niri bizuri, E’yo dria tile Munguniri ni ndra nze ‘bori aipi rari, traki ndra yi tualu ru ecuza alea, inzita alea and ayiko zuza alea e’yo ‘yeza ndra amboru pari ‘dupi o’du amani alea ‘Be Sunset ni ma dria.

Eri ndra Mungu i  I ma E’yo e’dapiri. Kalele ‘di di be e’yo ndesi. Ine nga, eri Mungu i I ma E’yo aziri feria pari ini ‘duzu dika, Eyo Eceza 10:1 pere 7 ni ‘da i, Te o’du, O’duko malaika aziririnisi, erini ‘O’dukoti vuria, e’yo zizaru Munguniri de i ra. 

Eri ndra Mungu i adi e’deria. Munguni ndra e’yo ondriza fe pari ini ‘du. Eri ndra ovita nabi ma e’yo ondri ri niri. Azini aleki ndra oa ‘daa ci afa ci Erini ndra ‘ye I ma nabi vusi riki esuzu azini erizu.

Afe asi amani e’yo nze ama rua onzi engazu ‘ba aibaku azini aiba nusururi pivu ku. Aga agata eyi pie ku. Ama ovu afa ‘yezaru aluni be, ‘da lu aizu azini e’yo dria amani eco birari ki bizu. Ama ama tra tualu wiki alu alu si ‘ba aluru O’duko Munguni erizu, amani Emuta Messiani teria.   

Saa amani oazu alenia amboru ‘do ngo i. Ne ria E’yo siza pini pari ‘duria idri amani mbari alea. Te li ama bile ra E’yo Erini alea kini odu osuza enjoruriki nga ovu ejizaru, eco ta ra ‘ba opeza Munguni riki olezu KATA i ecoraria. Te rukuza ma ovu Mungu vu, cani mu ovu ecozaruku Amuri Erini olezu, adisiku ki nga oa O’duko Munguni oko, I e’dapi’bo azini ru ecepi ‘bo daa be azini cakini e’yo wereru kaniku ndumba aluni ojaku. Cakini nga e’yo eyi ma omi ni o’ba Alenia ku, te lu E’YO DRIA ai i.  

Ama oadi milisi ngole ya afa nde ka oa ENYIA ‘DALE. Ama osu, eri nga ovu kanisa dini diyi ya? Ki e’da re ambamba azini oakini enyia ku. Eyi nga ovu a’diki?

Saa ‘disi, lu kanisa ambiza, tozaru, avakoko diyiki, azini pie, agupi pima e’yo edeni dini drai diyi pie, ‘da cakini; ‘Ba Pele’bori feni asi ini e’yo da riaku. Te eri oru ‘daa adani ko’bo afa mbari le. Lu e’yo E’yoni aluni kuzu amveri belu afa mini eco ‘yeri i.  

 ‘Yoni ndra kini Eva fulu ndra muzu amve azini ‘yozu ale inisi kini i ai Munguniku ‘dini ku. Eri ndra enzoni erini airi. Sitani ai ndra ra kini Eri ndra E’yo Munguni, te e’yo  ndra ewaruri ndra erini i ma e’yo vaza ini ‘bazu Eri aleniari i azini fe’di oku da ni e’yo aizu ani ovu’di ndra tozaru. 

Ngukuni ovu’di nzizaru ‘bo. Piramid ovu’di nzizaru’bo. E’yo siza ovuki ti nzizaru’bo. E’yo Eceza ovu fezaru ‘di Amuro dri’bo. Eri Yesu Kristo alurile aje, andru azini ‘dani ‘dani ri i. 

‘Dani fe Sitani ma asi ve amani tu. Nira kini i nga mu emu asiza inia ra. Eri le aziki ama ama a’diki ari. Ama mu obeta pi aleasi azini o’bita kongolo aga amani drio alizu aleaniasi drio riki ra. Aziria ama osu, ‘diki dria yi ‘ye amabe a’dusiya? 

Asisile niri, eri Eri o’bizu, Eri ma Amuro i. Eri… Ka I e’dabo, ovu o’bizaru’bo, ovu e’dazaru ‘bo, e’dai’bo Sitanini.

Dizaa!!! Ama obetaki o’bita pie ki lu Eri I eceria Sitanini kini AMA ERI MA AMURO E’DAPI’BORI I.

Ama isu sa si, ayi onzi oa’diri e’dazu Sitanini, Ovuni (Amuro) Eva le ku, Ovuni oku azi ‘daleni i ku. Eri nga ovu o’bizaru E’yo Erinisi, Amuro i, ko’bo Adamu ma amuroni ndra ovuzu o’bizaru E’yosi rile. Ani Adam ma amuro ai ndra E’yo ma alu alu ra, dria, te aba ndra aziza alusi. 

Te acani nga aba E’yo ma e’yo alusiku kaniku muzu eyi ma a’bi vutisi, kani eyi ma e’yo eceza E’yo dria ri si, ama nga oa E’YO OKO ‘YEKERI ‘BE.

A kaki ovu afa tepu avipiri ‘be ci, ama nga ongulumu ‘ba pinini ki etra tualu eri avizu, azini erizu enyia, lu erini ndra ‘yo ama ma ‘yeki rile.

Lu ko’bo ama adriza azini e’data pini ovuzu efezaru emivu geri emi ata ni tizurisile, vini ‘dale indi Orindi Munguni, ndra ovupi ‘bazaru denga wudukuru vuti ovuni ‘bazaru kuri.     

Ama awa’difosi tu Orindi Munguni, amani ovuzu tizaru ri, ovu ndra ‘bazaru ‘bo denga wudkuru vuti ovuni ‘bazaru kuria ovuzu E’yo Eceza Adaru O’dukoti ‘Diniribe.

Mio vu aizaru emuzu atita E’yo Ecezasiri esuzu ama’be Sabatusi sa aro etualasi (2PM), Jeffersonvili sa si, amani: 650801M Mungu Ayi Onzi ‘Di Vuri eriria.

Adri Joseph Branham i

E’yo siza la riki:

E’yo Ba Matayoni chapter 24/27:15-23

E’yo Ba Lukani 17:30

E’yo Ba Yohanani 1:1 / 14:12

‘Yeta 10:49

1 Koronito 4:1-5 / chapter 14 

2 Koronito 4:1-6

Galatia 1:1-4

Efeso 2:1-2 / 4:30

2 Tessalonika 2:2-4 / 2:11

Ebrania 7 

1 Yohana Chapter 1 / 3:10 / 4:4-5

E’yo Eceza 3:14 / 13:4 / Chapter 6-8 and 11-12 / 18:1-5

E’yo Obeza 3:5

Isaya 14:12-14

Mesegi (O’dukoti): 65-0725m Ba Odu Osuza Be Saa Asizani Siri Ki

BranhamTabernacle.org

E’yodri O’dukoti vuri

Amuro Pele’bo leleturi,

Asisile Yesuni ndra ‘yo ‘Ba opezaruri pini cazu ovuzu olezaru kuri, eri adisiku, ki E’yo ‘da i. Cakini ovu afa azi nduni ni ku. Cakini afa azi nduni ni eri ku. Nikini afa azi nduni ni ku.

Afa azi idri alea ovupi angiri ndeni aga nizu kini Mungu pe ndra I ma nabi ni E’yo ‘diki nzezu denga wudukuru ma eti ovuni ‘bazaru kuri ni yo. ‘Daa ani, fe di Eri ma O’duko ma ovu ‘duzaru, ani ama, Eri ma Amuro ‘bazaru drio’bori ru, ecoki di luzu vule ra O’duko Erini ndra ovupi ‘duzaru azini ta mbazaruri erizu, a’disiku Eri le ndra ama ma niki:

• Ama E’yo i
• Acakini ovu olezaru ku
• Acakini ovu afa azi nduni ni ku
• Acakini afa azi nduni eri ku
• Anikini afa azi ndunini ku

Ni ndra ra kini ama nga ava engata le andrusi tu ovupi nga o’du a’diniri ma aa kuri. A’dini ‘di ‘daa nga ovu angiri aga drio ri ra. Eri ma Amuro ni nga ovu ‘bazaru o’bita alea ra. Te Eri ka ta eco Eri ma Amuroni egazu ki a’diki aria ra, ecoki ta ayiko zura asi yi nia, nizu ra kini yi ki Eri ma ‘ba aluza ovupi Eri ma ale ‘yekeri alea ri ki.

Afa dria sitani ni e’be amavu ri ki, afa dria amani muzu alizu ale nia ri ki, saa ‘disi aniki ra kini, Eri Amuro Azi Peria, azini ama Amuro ‘da i. Ama ovuni Drinzasi ama E’yo-vaza E’yo ni ri siku. Acakini mu O’bi Azi Azi Ngazu Mungudri Dere Ovuni Ale Munguni Ri Ku ‘Dini Ku. Amani ria, eri Nyaka Orindini Saa ‘Yekesiri. Ama amaki ra kini ‘Ba Odu Osuza Be Saa Asizanisiri ki nga ovu ra, te ama nga OA E’YO BE.

I kata ‘di asi baza alu alu ‘di le ra, mi emu mi ecizu amabe Sabatu ‘disi sa aro Etu alasi (2PM), Jeffersonvili saa si (Saa na inisi Ugandaa) emuzu: 65-0725M ‘Ba Odu Osuza Be Saa Asizani Siri Ki erizu.

Adri Joseph Branham i

E’yo ba Matayoni 5:44-45 / 7:21 / 24:15-28

E’yo ba Lukani 17:30 / 18:1-8

E’yo ba Yohanani 14:12

Efeso 1:5

II Timitoyo 3:1-8 

Ebrania 6:1-8 / 11:4

E’yo Eceza 10:1-7 / 16:13-14

Malakai 4:5

I Opi 22:1-28

Yeremia: Capta 27 & 28

Mesegi (O’dukoti): 65-0718e Nyaka Orindini Saa ‘Yekesiri

BranhamTabernacle.org

E’yodri O’dukoti vuri

Kabilo Munguma Kabilo ma Joa leletu ‘diyi,

O’du ndra ama Opi Yesu ni oazu nyakua ‘dia ruati aa risi, ‘ba aibaku azini omi ejipi ku ‘diyi ‘yoki ndra Erini:

Mi nga ama ‘ba abaza alea pere ngopi? I ka oa Kristo i, mi lu amanni gboru. 

Pale alu diki, Eri mu e’yo nze ama’be gboru azini luzu ‘ba Eri e’depiri pini azini Eri ma Amuroni, “Ma agu azi engapi Munguvu ni, Munguni ti epe ni ni, Munguni ‘ba ni ni, ‘Di OPI ‘YONI adaru ri be ri. Ma enga oa indikindi Erini alea saa ezu, Ma mu ‘eyo nze emini kobo Mungu ma Ngulupi le. 

Aleni abaza ma oa ku, azini mini iazu, Ma mini ria Munguma ‘ba o’dukoti ojipi ri i. O’dukoti mani oluri i, azini ‘ba o’dukoti ojipiri ki afa aluni. Ama alu azini alurile. Epe ma ti emivu pasozu ‘Di OPI ‘YONI be, E’yo alu alu be tia.

Mi egara kini, Mungu ma E’yo ‘yo kini I cani nga afa azi ‘yeku kpere Ini ecezu mani rakaka. Agupi leki yi ma efi eceza yini riki ‘ba e’yo mani ‘yori dria, te E’yo mani lu emini ‘di lekini efi eceza azi ku. Mi ‘yo LU afa Mani ‘yori i.

Ale vini enikira kini E’yo alu alu mani lu eminiri, ni vini oa idriru ama alea. Mi ovu okpo Mungu idriruri niri be mi ma alea. Mi Kanisa Amuroru idribe ri i. 

Mani muzu ‘boria, te denga yi liki e’doku, Mungu fe midri angu azi zizaru mini mi zizu denga e’yo liza eca nga nyakua ku. Mi nga ovu daa teria, Nyaka zizaru Erini nga ku mini di nyaria. Mi nga oa onyi azini yiki E’yo eceza Yesu Kristoni si Erini I ma ngulupi e’daria mi dri o’du dria.

Mini ria, Eri nga oa Nyaka orindini saa ‘yekesiri. Eco fe azi ‘diyi ma ovuki azuru ale yinia ra. Ma nga ovu amabamba eyini. Tee mi ni, Eri ma Kabiloru, Eri nga oa Mikati Idriniri, Yesu Kristo alurile aje, andru azini ‘dani ‘dani.   

Mi aviku, Ma nga mi dri ta fe “DAA”; oani angu azi ndunia ku, “DAA”. ‘Ba ki nga mi gu azini ‘yo mi azazaru, te afa eyini omve azazaru azini efikokori, Munguni nga omve Ambo.”

‘Yo ndra amani kini azingaza amboru Munguni fe I dri ri ndra eceta ‘yeke saa Elia niri niri i. Saa yi akoniri ka di mu eca ru’deria, omve eri amve eri jizu andre awizi azi ma AKUA kpere yi liki ni e’deria.

‘Yo ndra kini awizi daa ecini ndra i ‘ba ai’baku diyi pie ku ye kaniku ‘du ni ndra ala nguruniri kuye saa yi liki nisi, ani Mungu omve di Elia ni oku ‘da tambazu. Eri ndra ngonde drazu erini ndra awizu lu mikati wereru alu berisi, afa alu wereru ci erini ndra acezu eri beri.

Elia ‘yo oku ndeni, “Mi fe ‘daa madri raka, adisiku ‘DI OPI ‘YONI, afajo ‘daa cani nga eca gboruku vini afajo oduniri cani nga nzuku, kpere o’du nga Opi Munguni ozo ti epezu nyakua ri si.” 

‘Ba di ndra be Munguni oko. Aidi ndra azini bi ndra be E’yo dria ‘ba o’dukoti ojipi oada ni ‘yo riki. Ni ndra ra kini ‘ba o’dukoti ojipiri ki O’dukoti erini ri be afa aluki. E’yo ndra erini ‘yo erini riki ndra di be ece pari yi nia ra, adisiku eri ndra ‘Di Opi ‘Yoni ni.  

Vini eri ‘dale andru, kini Mikati Idrini anzi pini nyari ni, O’dukoti Munguni ma vuti be, eyi mata mbazu saa yi liki nisi.   

E’yo alu alu daa emu amavu ‘bo azini eri ama alea azini ama di Afa Munguni zizaru ovupi zizaru engazu wudukuru vusi diki nyaria. Ece amani ‘bo kini O’dukoti ki ‘ba o’dukoti ojiri be alu. Nyaka orindisi ri gonde, azini Eri saa ini ‘yekeri alea saa di si.

Mi ovu aizaru kiri O’DU AZI AMURONI NUKUTA-EKARU NDUNI ALEA. Ama nga ama afajo Odu be ri bira, azini eri nga ga tre. Ama nga vini anyafura endi afajonia ra, Eri nga ga tre kpere ti nia. Ama nga ri tualu angu Bualeru ria wudukuru si ara, ovuzu zizaru angu zizaru alea, aluza Mana zizaruri niri etumuria Munguni Ima ngulupi e’daria amadri.    

Mi emu ru trazu Kabilo ma joa ama be Sabatusi saa aro etulasi (2PM), Jeffersonvili saa si, amani eriria ‘ba Mungu ma o’dukoti ojipiri  ni O’dukoti: Nyaka Orindini Saa ‘Yekesiri 65-0718E ni ejiria.  

Ama dra sende dolla alu efi kali aro si mu kanisa jo si, ‘ba ka kau motoka e’edepiri ‘yoki ndra ‘da ni mu ovu angu eyini nga motoka e’dezuri i. Te eri nga kiri Kabilo jo Mungu ma Kabilo niri. 

Adri. Joseph Branham i

Scriptures to read

1 Opi 17:1-7

Amosi 3:7

Yoweli 2:28

Malakai 4:4

Luka 17:30

E’yo ba Yohanani 14:12

Mesegi (O’dukoti): 65-0718m O’bizu Munguni Azi Azi Ngazu Dere Eri Ale Munguni KU

BranhamTabernacle.org

E’yodri O’dukoti vuri

Kanisa O’duko Mungunini leleturi la,

Ama Eri ma Kanisa O’duko Munguni niri, Eri ma Amuro E’yoni aluzari’i, azini a ca’di mbaria teku afa Ata ni mu nze azini e’da amani Sabatu ‘di siri erizu.

Ama ovu O’duko Munguni idriruri be ci ama dri-anzi dria. Drimva lu amani elo alurisi ama ecoki Munguni eri e’yo nzeria ti ‘ba adanisi, E’yo idri ‘Dani ‘daniri vu riki. Drimva alusi Eri e’yo nze amani azini e’yo ozizaru dria ndra ovupi zizaru e’dozu wudukuru ma eti ‘bazasi riki e’da amani.  

Drimva alusi Eri zita cini amani ovuzu eyi pie ama asia riki omvi. Drimva alusi Eri amani afa cini amani le riki lu. Drimva alusi ama ecoki O’duko Munguni eri ra e’yo nzeria amani azini Tuta-oru ama Aitaniri fezu amani. Drimva alusi ama ecoki Munguni eri ra e’yo nzeria amani azini luzu amani, mi ati ‘bo. 

Ari’bo ka lu amani ama Mungu ma Amuro ku ‘dini, mi lu ‘ba azi e’yo nde te ‘dileni, drimva alusi ama avi (play) mi ecozu Atani erizu nzeria amani azini ama asi embazu, “MI ma Amuro peleri’i. A’ba dra mi drio denga wudukuru ma eti ovuni ‘bazaru ku.”

Akaki oa ele orindi amani alea azini ari’bo ka ama omi kalaa dria si, ama drimva alusi ama ecoki Eri erira ‘nzezu azini ‘yoria amani, “O’buti onyiruni Agipi la,” azini asianzuru Orindi Alatararuri ni kurujo ale efiria.

Akaki eri ARI’BO NI ‘YO mi lu ‘di agu azi ma vuti bi azini mi eri ipi amba mba, lu drimva alusi ama O’duko Munguni eri luria amani:

Lu ndra mani Aka ‘baki fe ma aizu ra ria. ‘Da ni e’da were ndu mani lezu ‘di ‘yozu kini, “Emi ma ai?” ‘Yo ‘di, Leta mi ma ai Munguni i ku?” Le me ma ai ‘da i. Mi ma ai Mungu i  azini mi ai Kristo i, azini mi ai Orindi Alatararu ru i. ‘Daa di mini ‘daki aizu dria ‘boria, Mungu le mi ma ai ma i.

Ari’bo ka le lu amani kini, “ovuni E’yo siza ni ku azini eri onzi emuzu ru etrazu tualu saa azi alea ‘dilu tepuki erizu,” lu drimva alusi ama O’duko Munguni eri lu amani:

Azini kanisa ‘dini, azini tepu oa’di pini, ‘ba tepu ‘diki avipi riki, azini ‘ba e’yipi suru ‘di ma kala azi ‘dia simusi ri pini, A le emi ma eri ‘di kilili, azini emi e’deku erizu.

Ari’bo ka ‘yo Adripi Branham ‘yo ndra emi oa E’yo be, ovuni tepu pie ku ‘dini, drimva alusi ama O’duko Munguni eri TRERIA ORU ‘yozu:

Ma ‘yo vini, Ru Yesu Kristoni si: mi o’bani afa azi aluni ku, mi ’du azini mi ‘ba egata miniki Alenia ku, mi ‘yo lu afa ovupi ‘yozaru tepu oa’da pima dria ri i, mi ‘yelu ko’bo afa Opi Munguni fe azita ru ‘yezaru ri I; mi o’ba Drinia ku!     

O’duko ‘da ni vini geri amani Eri andrizu E’yo siri lu amani ani a ‘ye onzi ku beni.

Emi afa towi ece kokori ki ‘da. Le lu ma ovu ‘da le

• Eri ma saa.
• Eri ma ewua.
• Agu ndra Eri ni pe ri i.
• Le ece koko ma emu nabi vu.
• Nabi ‘da ma ovu nabi azi ovupi e’dazaru ni. 

Ama Nabi Yesu Kristo i.

E’yo sa ‘dini e’dapi ‘bori i! E’yo ndra ovupi e’dazaru o’du Musa ni kisiri ndra Yesu i. E’yo ndra ovupi e’dazaru o’du Isaya ni si, Elia ni si, Yohana ni si, dria riki ndra Yesu i. Azini E’yo ovupi e’dazaru andru ri Yesu, alurile aje, andru azini ‘dani ‘dani i.

Drimva alusi ama ecoki avi (play) mizura ani Yesu Kristo Ma ngulupi erizu azini ecezu amani:

•  ‘Di saa ni i.
• ‘Di ewu ni i.
• ‘Di Agu Mani pe ri i.
• ‘Di ma nabi i.
• Nabi ‘di ovu ovu e’dazaru ‘bo angiri aga Ma nabi azi cini diyi pivuri dria. 

Andru, ama ovu lu Mungu Buniri be e’yo nzezu amani a’dule ku, te Eri ama alea, oaria, azini Idri Iniri oaria ama aleasi. Nde mi e’yo vaza ra.

Ama ma ‘baki ama gonde. Saa ‘di enyia. Ama near E’yo siza ki eca pari yenia o’du dria. O’dukoti ni la ko’bo e’yo-laza andru ri le:

“Saa e’yo valekuri niri, e’yo ewaru suru pi eselea, oyakuya pari kakau alea, miri ni noria, agupi pima asi ni e’de orivu.”

Ata o’baza ma ngulupi i luria amani andrusi, amani ne ria suru pini yi anzuria, nyakuni e’deria aa, drimvu ‘di sa ‘disi abi rua.

Ama Amuroni ne azini Eri ‘eyo ngo aleari ne. Ani anira, o’bazakisi, kini Kanisa ni ‘di i ecaria gonde muzu.  

DIZA, ama ecaria gonde muzu. Lu drimva alusi mi eco mi ‘bazu gonde ra. Ma mi ai ru ecizu ama’be Sabato ‘disi saa aro etualasi (2PM) Jeffersonvile saa si, o’dukoti: O’bizu Munguni Azi Azi Ngazu Dere Eri Ale Munguni KU 65-0718M ni erizu.

Adri Joseph Branham i

E’yo Siza La Riki

Azita Amviza 4:1-4 / 4:25-26

1 Suru Ma E’yo 13

1 Suru Ma E’yo 15:15

Zaburi 22

E’yo ‘Ba Marakoni 7:7

Yoweli 2:28

Amosi 3:7

Malakai 3

E’yo ‘Ba Matayoni 11:1-15

1 Koronito 13:1

Mesegi (O’dukoti): 65-0711 Drinzasi

BranhamTabernacle.org

E’yodri O’dukoti vuri

Branham Tabanakulu Leleturi la,

Ama ayikosi tu erini andra ama ‘bazu drio kanisa ‘yeke ri pezu aku amaniki ‘bazu alenia risi.

Aka ta kanisa azi pe ani, ma ta kanisa adaru, ti ‘baza kililiru ‘be, E’yo Ba pie Tre, Bibilia be nip e i, A kata aluni pe aku maniri ‘bazu alenia ria.   

Ama ayikosi tu luzu wudukuru dri ama ocepini a’di iari, azini kini ama lu e’yo ‘ye erile.

I ka kanisa ‘da ma adriza oneani, mi one ngalu ocepi ni sa weresi, ani mi abarini isu kini kanisa oada ni e’yo ‘ye ima ocepi le.

Ama awa’difo be tu adisikuni ama wudukuru kalaa ngoleru ari ma e’yo yo, Eri dri fu amabe ra

Azi andra emuzu drifuzu angu ci ‘ba iri kaniku na pini yi trazu tualiri alea. Adaru. ‘Da angu ‘ba aipi ra rini asi iniri ‘baria, eri E’yo Munguni ovupi e’dazaru Adaru ‘da ma dria. 

Ama awa’difo be tu ama aiki Eri ma Nabi ra, azini E’yo dria nzeriki.

I ka ma ai ovuzu Munguma nabini ra, mi eri e’yo mani nze mini bo riki. 

Eri ma nabi ni andra a’du e’yo oluya?

O’dukoti Kiliru ri i, dri gozu vule E’yo vu ri i.

 ‘Ba epe andra eri ma ti a’du ‘yezu?

 “Emu Amuro ‘da e’du!” ‘Da azi mini. ‘Da ‘di be e’yo mani ovuzu ‘dia aniri i. ‘Da ‘di be afa mani o’bi ‘yeri i, eri Amuro omvezu.

Te aka ‘di pa amaniri e’ba omveleru ria?

 ‘Da ‘di be afa ta mani le ‘yeri i, Amuro ‘da ‘bazu geri alea ‘yeke.

Ani sa ‘disi Ata ovudi ero alea I Amuroni a’du pie ya?

Ma dri go vule akua, e’yo andra mani e’da Mungu ma mile tia riki idri o’di, di vini e’dozu o’di beni. ‘Da ‘di bele afa amani otita ‘yezu eri ‘yezu beni ri i, ‘da ‘di bele afa Mani ovuzu ani diari i.

Opi ma ovu inzizaru, ama nga inzita amani ama ‘bazu odiru riki e’do sa ngosi ya? 

Ani ‘di, Opi Ka lera, Sabatu emupi ‘di ma o’butisi ama nga inzita e’dora. Ani emi dria eko ma aza Mungu zizu, adisikuni eri andra asi maniri ma aa o’bizi… Adisikuni ‘yoki, “Muke, ama eco ta mu Louisvilia ra kaniku ama eco ta mu andraleru New Albania ra”. Te tiecita ‘da ni andra ini mbaria oa Jeffersonvili ni. Ma nga mu Louisevilia azini New Albania, sa azi nduniki si, te azi ‘di ta mbaria leta ma adre dia Jeffersonvilia. 

Ama ngonde Ata. Aji miniri ki nga yi tra ra azini eri ra. A’duni mu i ‘ye sa ‘di alea ni ya?

 “….Ale aita angiri”. ‘Da di be afa mani oazu akua dia sa si ri eri ahweta od’iru aitani esuzu.

Opi ma ovu inzaru, ‘da vini afa amani leri i Ata, ahweta od’iru AITA ni. Anikira aita ni emu e’yo eritasi, eriza E’yoni ri i, azini E’yo miniri ni emu Nabi vu.

O’dukoti oadi i, Okpo Mungu Okpoberi niri, ire i wudukurua ara ‘bo, te sa ‘disi ‘di sa ‘bani ‘ba erezuri ni ‘di be pari iniri ‘duria. Munguni Amuro omveria, azini sitani ni kanisa omveria. Ama esele O’dukoti ‘Di niri, Eri ma E’yo i, Eri ma Amuro i!

Ama ovu asi’baza ‘yekeri be azini aniki ama e’yo nze a’du madria ari ra. Ama ovuni drinzasi ku O’dukoti azini Eri ma ‘ba o’dukoti ojipiri aizu risi, adisiku ki alurile. Ama ovuni drinzasi ku ‘yozu kini: “ama ai E’yo dria”. Ama ovuni drinzasi ku ‘yozu kini: “Ama tepu ‘diki avi ama kanisa aa”. Ama ovuni drinzasi ku ‘yozu kini: “Ama ‘ba Tepu Pini”.

Eri ewa ewa vazu kini ‘ba ai’ba cini, kaniku olu’ba e’yo towiri aleari, ‘bapi kini i ai O’dukoti oadi rari azini ‘yopi kini Adripi Branham I Munguma ‘ba o’dukoti ojipi nabiruri, ‘daa eri ‘di vini ai azini olu ‘ba pini kini eri onzi azini e’yo sizasi ovuni ‘yekeku O’duko Munguni I e’dapi ‘bo ‘di avizu kanisa eyiniri ma aa. 

Le ama ma olᴜ e’yo, mi ma olᴜ ‘dani ewu ‘bani lele raria azini ewu ‘bani lele kᴜria ti, mi ma ece e’yo adari, mi ma ega ‘ba dria, mi ma omi ‘ba asi, asi teza pisi imbata be dria.

Te ewu yini ngazᴜ imbata alarᴜri a’izᴜ kᴜri nga eca ra, te yi ma bileni ngale fole forisi yi nga yi dri ‘ba yi imbapi ‘diyi okᴜ yini lelerile,

yi nga yi oja e’yo ‘yoza toko toko o’dᴜkorᴜ ‘diyi erizᴜ.

Ka di eca E’yo Munguvu ada ada, ondi kokori ma alea, Munguni eceniri, O’duko Munguni ovupi e’dazaru ‘bo ‘da i, Eri e’da kini eri drinza fe ongulumu azi ‘da pini. Kini oa drinzasi Erisi azini ki ai kini eri ovuzu E’yo ma rua onziri ovuzu Kanisa Tepu ni. 

Te amani ria, Eri e’yo adani, Ama drinzasi ku. Akaki andra mu E’yo Eceaza ‘Da esu’bo, Afa azi andra ci lu ri pi ama asia kidi ‘dileni, ani sa ‘disi afa azi ‘di ndu niyo capi pari ‘dupiri. Ama ayikosi ovuzu omvezaru epima azini, Kanisa Tepu niri, Ongulumu Tepuni, ‘Ba Tepu niriki.  

Ama mi ai emuzu erizu Branham Tabanakulu be Azingaza Munguni Tepuua siri erizu, Sabatusi sa aro etu alasi (2pm) Jeffersonvile ma sa si, amani ama traria asi’baza angiriruri ‘be; oyo amni so eriniriki ‘bazu o’diru, azini e’yo dria e’dozu o’diru O’dukoti: Drinzasi 65-0711 ni erizu.

Adri Joseph Branham i.

E’yo siza La riki:

E’yo ‘Ba Marakoni 8:34-38

Mesegi (O’dukoti): 65-0429e Amuro Azi Pezuri’i

BranhamTabernacle.org

E’yodri O’dukoti vuri

Mungu ma Amuro Pele’bo leleturi la,

Ata pe ndra Ima Amuro de nga wudukuru ma eti ovuni ‘bazaru ku. Le dra Amuro azi ecopi Ima adriza e’dapi ko’bo ‘dileni. Le dra Amuro ecopi Ima asi esepi erini Ima E’yo ta mbazurisi ri i.

Amuro azi i ozipi pi Erini azini Erima E’yo azirini ni, kpere Omi alu Erima aleari ma ovu vini eyi ma alea. Ki ta ani oa Erima za alu aluri i, foloko alu aluri i, Orindi alu aluri i, afa dria alu aluri i, lu ovuzu sizaru ko’bo kpere eyima iri ‘diki ma ecaki ani Aluru. 

Le ndra Ima adriza si eyi alea, adisiku le Eri (okururi) ma eca lu ko’bo Eri (Agupiruri) le. Enga te e’dozu ndra Erini Erima Adamu azini Eva okoriki ‘bazu nyakua ‘bo ria Ima Amuro ogozu vule. Enga rizu dri nia au vurile, Eri ojozu Erima e’daza driari vu; adisikuni ki nga ovu Erima Amuro E’yo Nzeza siri i. 

Kamu Eri ne ‘bo, Ovu dra ayikosi tu, Ovu’di asizu ndra Amuro azi ecopi inza o’baa E’yoma alusi kuni be. Amuro azi ecopi ata abapi Erisi wereku  ‘dileni, te eri Eri ‘du dria lu ko’bo erini ovurile. Ecoki ‘yozura wudukuruni kini Leni e’yo ma efi eceza azi ku, adisikuni Eri O’duko Munguni Kililiruri i. 

Ne ima Okuni wereru aluzaruri ra, Ovu dra afusi Erisi, Ani le ‘di ndra ra lazimasi Erini Eri e’dazu amve ra. Ani omve ‘di erima malaika okporu 7 zuri, ani mane Eri (Amuro i) beni. Le ndra ma ne Eri, azini Eri e’dazu, ani ma nze ani Eri ndra ndrinzaru tu ngole ari beni. Ani Erini ndra okpo fezu Erima asi dri azini fezu Erini nizu kini Eri (Agupiruri) ni Eri (Okururi) a’di iari ra.   

Ani ‘du ‘di Ima malaika azini ‘ba ‘di eri angu oruni alea erini ecozu Eri nezura beni. Erini neria, Orinidi Munguvuri nze ndra e’yo erini ‘yozu kini, “Amuroni ‘di ‘daa.” Ne ‘di angu ra, ne ‘di ndra MI ‘daa ci. Erima asi dra ayikosi tu.

EMI alu alu ovuki ndra suzaru emi bongo emi suru emini engazu alenea ri kisi: Switzalandia, Germania, wudukuru si ara, suru dria alea. Dri’bi adaru ezuru ovupi edezaru vule ‘doleru muke ni pie, bongo wuki, sikati pei dria ele onyiru. Ani EMI dra dria aci ongo “Drile, Asikari Kristayoruri ni muria adia” di be. Erini ne ria, Ama e’do’di ndra mu kpi iritia; Ama ndra E’yoni. 

Awania Mivu Ata. ‘Da ni ama asini okpo fe tu andrusi. Ale Mi azini E’yo Mini ra afa ama alea risi dria. Ama aiki E’yo ma driari ra. O’dukoti ‘di su i amani ko’bo afa suza dria ri le.  

Aleki oa Mi Amuro Kililiru E’yo niri i. Anikini geriko azi nduni ku telu oazu E’yo miniri be, nyaka Manaru Mini fe ovupi tambazaru Mi Amuro Ma e’de ani I gonde aniri i.    

Ama ne ra kini saa ‘di ogogo. Nyakuni oya ama vutia Oyakuya kisi. Mi malaika ndindiaru riki angu dria. Wudukuru ovu di ojazaru julualaru ‘bo. Adiki, aco pie, o’dita pie, azo suruti ndundu pie angu dria. Ari’bo ni di anyaria pasozakokoru, o’bizu Mi Amuro dri candi fezu, te Mi Okuni aluzaru pele’bori nilu ‘DANI i i’biria E’yo Mini rua.  

Eko ama aza Ata pa ‘bazu amveleru ku. Efe ama mile ma ovuki suzaru Midria azini ama ma biki dri mini i oajapikuri. Mi indri AITA amani, efe amani afa amani ava tariki. Mi emu tezu Amuro Mini be Sabatu ‘disi, Saa aro etualasi (2PM) Jefersonvili saa si, amani ama traria O’duko Mini andruniri ageyia azini eriria Mini: Amuro Azi Pezuri 65-0429E ni nzeria.  

Ama ziza ‘dini Ata:

Mungu ‘buniri la, mi ovu yikisi wudukuru ezataru azini ‘ba ezataru ‘doyi ma dria, Opi, amani ovuria ondre ‘dosi. Mungu, ma o’bi pasozu agadua yiki Alaruri aizu, ani Mi nga e’yo nze ongulumu ‘di dri ondre ‘disi dika Mi Amuro ma asi ejizu, Opi, acizuku eceta aiza azi cininisi, te lu o’duko E’yo ‘ba Opi Yesu Kristoniri si. Efe ma ‘ye i ‘ye ‘ye, Mungula la. Ma ovu nizaru ini ‘disi, kini Mi Mungu i, azini E’yo Miniri Adani. Asi alusi, oaria ‘ba ‘di pima drilea, ama eyi omve asi fezu E’yo minivu. 

Adri Joseph Branham i

E’yo siza la riki….

E’doza 24:12-14

12 Eri nga ‘yo ra, Yehova, Mungu opi mani Iburahimuniri, mi fe mama isu drileba andru. Mi ece asi ndriza opi mani Iburahimuni fo!

13 Mi ndre, ma so pa yi a’di ma tia, de ezoanzi ‘ba akua ‘diyini yi efu yi kozu efu efu.

14 Mi fe eri ma ovu ‘dini, zamva mani ngazu e’yo ‘yozu tinia, mi ‘ba imvu mini va, ma zi mi tia, ma ma mvu ani; te eri nga ‘yo ra, Mi mvu, te ma nga vini yi eko ngamia mini dri indiri, mi fe zamva nde ma ovu zamva mini pele ati’bo mini Isaka dri ‘bori’i. Geri ‘disi ma nda ni kini mi ece asi ndreza opi mani dri ‘bo beni. 

E’yo Eceza 21:9

9 Malaika aziri ovᴜpi okele aziri inzata aziri vile asizᴜ ‘diyini gazᴜ yi ma alia tre ‘diyi be ‘diyi ma azi alᴜ nga emu e’yo ‘yo ma be kini, Mi emu ‘dole, ma nga mi dri amurᴜoᴜ, okᴜ Kabilomvaniri ece.

 ‘Da de ‘di waraga aji pini yi trazu tualu engazu adripi Joseph Branham vu pari Branham Tabanakulua ria ri i, kpere sa vule risi. Opi ka lera amanga mu amatra wudukuru ageyisi ara saa aro (2PM) Jeffersonvile ma saa si Sabatusi. Mba aro 22, 2021 si.

Mesegi (O’dukoti): 65-0429b Ori-fi Cani Nga Oa Karimvaru Jorovu Oriniri ‘Beku

BranhamTabernacle.org

E’yodri O’dukoti vuri

Za Erima Zavu Leletu ‘diyila,

Ma ayikosi tu e’yo Munguni Ima omi ojazu Ima E’yosi ku ri si. Eri alurile aje, andru azini ‘dani ‘dani. Geri Erini e’yoki ‘yezu dra okokele siri, Eri ‘ye andrusi alurile. Mungu i, Ima ngulupisi, e’dazaru rua ‘ba adani alea, ari Yesu Kristoni si, idri azi ‘bazu alaru ani Erini Ima ngulupi i’gbizu alenia si.

Ama ‘ba o’dukoti ojipi andrusiri ovu e’dazaru ima ngulupisi E’yo sizasi ama eselia ‘bo. Eri Orindi Alatararuri i, I ngulupusi, Ima E’yo efi eceria. Ovu di lezaruku muzu engazu ‘dovu cazu azi ‘davu e’yo adaruri esuzu kaniku e’yo nde ma efe eceza esuzu; Orindi Alatararuri fe Kanisa Ini ri dri Efeso 4 i, dria agu alu alea, Eri ma nabi ecezaruri i.

‘Ba ti peleri: ‘Ba ti peleri eri “’ba ‘bani ti pe pe ri”, kaniku ‘ba mupi e’yo olupi angu ziri alea ri.” Ma ‘ba mupi e’yo olupi angu ziri alea ni.

Nabi: Emi ai ma ovuzu Munguma nabiru raya?

‘Ba E’yo bari olupiri:

“Mima nga azi ‘Ba E’yo bari olupiri vuri. Mima ‘ye azi yini fele mivuri dria. Adisiku ewu yini ngazu embata adaru aizukuri nga ecara.

Ocepi: Emi ma omve “emi ocepi i”, ani emi ‘yo ada ada, ma eri i.

Embapi: Ale andru e’yo je E’yo dria kaniku Kanisa Sabatuni di emba embata E’yo alea Alama di dria.

Eri driaria = Ani emi ra, ama adripika ki, emi ma ne geri azisi ovuzu emi e’yo driariru a’du ni… aka lu mani Mungu mavuti biria, kobo Pauloni ‘yo E’yo siza aleari le, Ebiki mavuti, mani Yesu vuti biria.”

Odukoti oadi ni ama E’yo driari, ani ama erima vuti bi arini Kristo vuti biria.

Agani e’yo kini ‘ba Munguni omveni Efeso 4 ni riki kakau ci ‘dini niku, ovupi ‘bazaru azini Munguni omve azi ngazu ‘daa riki; Erima YIKI si, Ma eyi azi. Te ama wereriki, Munguma malaika nabiru 7 zuri ni ANGIRI ri i.

‘Ba dria wudukurusi ara  “Branham Tabanakulu” omvepi eyi “kanisa akuariru” diyi pini: ama ocepi, ama azi ngaza idriruri, ama E’yo driari, ama Efeso 4 ni dria Tepu ma dria. Ama aira kini Eri azi ngaza andra oko Erini ovuzu eri be sa Erini dra ovuzu nyakua diari siri.

Asianzuru ngoi ya, ava liza ngoi ya, le ni ama ma oraki ku kaniku ama ‘ba asi e’yo eyazuku amani E’yo eriria. Eri E’yo Munguni e’dazaru ‘bo,  ecezaru ‘bori i, nyaka manaru o’diru sa dria amani eri eriria ani afa dilu amani ‘yeri lu rizu vaa e’yere, aluza ni amaria ama asini diria ama ma alea Erini E’yo nzeria amani gerisiria.

“‘Ba dria ma Atani fe madri riki nga emura. Kabilo Maniki, Abalao Maniki, o’duko Mani eri. Cakini nga anibo ma vuti bi ku.” Azini di, O’duko Munguniri a’duni ya? Eri E’yo Munguniri. ‘Ba cini ma o’duko a’duni ya ka adre erima e’yoni kuria? Eri E’yo Mungu niri; ki nga E’yo Mungu niri eri.

Ecekini ovu nga kiri ANGIRI nibe Erima Kanisa ni. Oani lu o’du di azini o’dukoti erivu, E’yo o’du andruri vuri amazu ‘dini niku, te ayiko oru ndeni drio ovupi fezaru ‘ba adaniri asizu ‘do di pari ini ‘bo. AMA Erima Orindi ma esele ni, Erima Rua ma esele ni, Za Erima Zavuri, foloko Erima foloko vuri, E’yo Erima E’yo vuri, Idri Erima Idri vuri, AMA Amuro Kristo vuri i.

Dizaa!! Opima Ru ma ovu Inzizaru!! Erima Amuro ama i adi iari ‘bo ani Eri i otu ngonde Erima E’yoni.

‘Da dibe afa Kanisani ‘ye andruri, adisiku Yesuni E’yo i azini Eri Izio i, Amuroni Izio ma eseleni. Ani E’yo Ima pari ‘dupi ta andruri ni esele alu alu dra pari ‘dupi o’du Erini siri i, ani eri E’yo aluri i, dri fuza aluri i, Idri aluri i.

Mi emu drifuza esu E’yo alu ri be, drifuza alu ri i, Idri aluri i Sabatu ‘disi sa aro etulasi (2PM), Jeffersonvili ma sa si, emuzu: Ori-fi Cani Nga Oa Karimvaru Jorovu Oriniri ‘Beku 65-0429B ni erizu.

Adri Joseph Branham i

E’yo-siza La riki:

Matayo 1:18-20/24:24

Luka 17:30

E’yo ‘ba Yohanani 5:24

Galatia 4:27-31

E’doza 2:15

Isaya 9:6

Malakai 4

Mesegi (O’dukoti): 65-0427 Munguni Ima Omi Ojara ya?

BranhamTabernacle.org

E’yodri O’dukoti vuri

Amuro ale ‘Yekeri Alea Leletu ‘Diyila,

Mungu leleturi la, ale kini oa mi ale ama singiri siri aleaku, ata. Ife ama ma aci mi ale ‘yeke ri alea. Ife a’duki lu-lu e’yo alu ‘doa azini ‘daa ku, fezu ma ati eyima embataki, kani aizaki kani afa azi ‘daleni. Ama ma ‘do E’yo  ma dria erini ovurile, E’yo bari aizu dria, afa dria Yesu ni emba amani ‘yezaruri ki.

‘Da ama avataza angiri dika aliruri i, ovuzu Mungu ma ale kililiruri alea. Ale kini Eridri e’yo erini lekuri ‘yeku, te e’yo Erini leri ‘yezu afa dria amani ‘yo azini ‘ye risi. Aleki oa Eri ma agupianzi azini ezoanzi ovupi ‘bazaru dika eyi e’dapi’bori ki.

Ama ama ‘di Eri ma ale kililiruri alea azini e’yo Erini leri ki ‘yezuri esu ngwa? Le ama ma muki E’yo Eriniri vu, adisiku anikira Eri ma E’yo e’yo adani azini idrini. Eri ma E’yo sa dria alurile, Eri ma otitaki sa dria alurile, adisiku Ojani i ku.

E’yo ni lu amani, geriko ndre Erini e’yoki ‘yezu paale okosirisi, Eri nga sa dria ‘ye alurile. Le ma awi ‘dani ‘dani alurile. Eri ma asisile enga ovu sa dria alurile. Eri ma e’yo ‘yezaki engaki ovu sa dria alurile. Geri Erini e’yoki ‘yezuri, geri Erini ‘baki atizuri, geri Erini ‘ba Ini ma dri cezuri, Eringa sa dria awi alurile.

Bibilia ‘yo amani Eri ma ‘E’yo i ojapikuri alea kini E’yo o’da ni lu emu Eri ma nabi pivu a’dule. Cani Eri ece atalo azini ‘ba sukulu dinini lapi ‘di pivu ku, te lu Eri ma nabi pini. ‘Yo vini kini I ‘yeni e’yo azi ‘yeku pere Ini nga e’daria oko Ima nabi pini rakaka.

‘Ba ada le o’du dria otita ‘ba adani e’deni riki, ovuzu dricezaru agupi pima ongulumu kisi. Te da ovuni drio Mungu ma geriniku, Eri sa dria dricere Munguni-omveniri ma ti pe i, nabi ovupi ‘bazaru ‘bo E’yo be Ima ‘ba pima dri cezuri-i. Nabi ‘da dra ecezaru azini eri ndra pezaru dricereru sa ‘dini.

Mungu pe ndra azini ba ndra dricereka azi kakau ovu efizaru Orindi Alatararuri niki ra; azini ovuki pari eyini pei ci, te fe bile-liza drileka ‘da pini kini, “emi oaki ziri Aci piriru ‘da vurisi.” Aci piriru ‘da ni a’du ‘ye………. ERI ‘BA PIMA DRI CE ETUSI AZINI INISI.

E’yo ni divini lu amani kini, ekile o’du ndra Sodomu alea ri pile, eri nga vini ovu trotro sa Mvi ‘banini i ecezurisiri le.” Eri ma E’yo Malakai 4 alea risi, azini E’yo siza cini alea, Eri mu dri ego vule Kanisa Erini alea ruati alea ada ada ru; ‘ba pima alea, ‘ba ada pima alea, geriko ovuzu nabirurisi.

Ama nga nabi ‘di ni ngoni ngoni? Eri nga ece eri adi i ari E’yo sizasi. Eri nga e’yo zisa asia mbariki nira. Eri nga E’yo ma driari ece ‘ba pini. Eri nga ovu e’dazaru Aci piriru risi Amuro ma dri cezu. Munguni nga vini fee Ima e’da ma ovu ‘duzaru Ima nabi be.

Azi ‘diyi nga ovu Yohana angu i lipi yi alea Patamoa rile, o’bizu eri dri inzita fezu, te eri nga ‘yo kini, emi ‘yeni ‘dini ku, adisiku ma ati’boni mile, nabi ma eseleni, emi fe inzita Mungudri.” Amuro muni eri inziku, ‘ba ada ‘da i, te Mungu ‘ba ada ‘da alea ri inzi i.

Eri nga nira kini i ‘ba Munguni pe niri i e’yo E’yo e’depikuri nzepiri i. Eri nga niri kini i ‘ba o’dukoti ojipi malaika 7 zu Munguni peni ‘da i. Wudukuru ni nga O’duko Munguni e’yo nzepi erivusiri nera azini eriza, azini ki nga ne Adamu oko ‘da ni ovuzu ejizaru vule.

Eri nga Amuro ma dri ce Aci Pirirurisi. Eri nga e’yo oniza ivuri esu engazu Idri ‘davu ani eri nga e’yo nde fe Amurovu eyini muria gerikoa angu azizaruri alea. Amuro ni nga oa E’yo-eceza be aznini eri nga nira kini oa’di Mungu ma ‘ba o’dukoti be ovupi efezaruri i. Oa’di Mungu ma geriko feri i. Oa’di Mungu ma ALE KILILI RI I.

Mi emu mi ecizu ama ‘be Sabatusi saa aro etualasi, Jeffersonville ma sa si emuzu: Munguni Ima Omi Ojara ya? 65-0427 ni erizu.

Adrip Joseph Branham i

 E’yo Siza la ri i.

Kalafe 22:31