Mesegi (O’dukoti): 65-0718m O’bizu Munguni Azi Azi Ngazu Dere Eri Ale Munguni KU

• 24-0721 O’bizu Munguni Azi Azi Ngazu Dere Eri Ale Munguni KU
• 23-0101 O’bizu Munguni Azi Azi Ngazu Dere Eri Ale Munguni KU
• 21-0509 O’bizu Munguni Azi Azi Ngazu Dere Eri Ale Munguni KU

BranhamTabernacle.org

E’yodri O’dukoti vuri

Kanisa O’duko Mungunini leleturi la,

Ama Eri ma Kanisa O’duko Munguni niri, Eri ma Amuro E’yoni aluzari’i, azini a ca’di mbaria teku afa Ata ni mu nze azini e’da amani Sabatu ‘di siri erizu.

Ama ovu O’duko Munguni idriruri be ci ama dri-anzi dria. Drimva lu amani elo alurisi ama ecoki Munguni eri e’yo nzeria ti ‘ba adanisi, E’yo idri ‘Dani ‘daniri vu riki. Drimva alusi Eri e’yo nze amani azini e’yo ozizaru dria ndra ovupi zizaru e’dozu wudukuru ma eti ‘bazasi riki e’da amani.  

Drimva alusi Eri zita cini amani ovuzu eyi pie ama asia riki omvi. Drimva alusi Eri amani afa cini amani le riki lu. Drimva alusi ama ecoki O’duko Munguni eri ra e’yo nzeria amani azini Tuta-oru ama Aitaniri fezu amani. Drimva alusi ama ecoki Munguni eri ra e’yo nzeria amani azini luzu amani, mi ati ‘bo. 

Ari’bo ka lu amani ama Mungu ma Amuro ku ‘dini, mi lu ‘ba azi e’yo nde te ‘dileni, drimva alusi ama avi (play) mi ecozu Atani erizu nzeria amani azini ama asi embazu, “MI ma Amuro peleri’i. A’ba dra mi drio denga wudukuru ma eti ovuni ‘bazaru ku.”

Akaki oa ele orindi amani alea azini ari’bo ka ama omi kalaa dria si, ama drimva alusi ama ecoki Eri erira ‘nzezu azini ‘yoria amani, “O’buti onyiruni Agipi la,” azini asianzuru Orindi Alatararuri ni kurujo ale efiria.

Akaki eri ARI’BO NI ‘YO mi lu ‘di agu azi ma vuti bi azini mi eri ipi amba mba, lu drimva alusi ama O’duko Munguni eri luria amani:

Lu ndra mani Aka ‘baki fe ma aizu ra ria. ‘Da ni e’da were ndu mani lezu ‘di ‘yozu kini, “Emi ma ai?” ‘Yo ‘di, Leta mi ma ai Munguni i ku?” Le me ma ai ‘da i. Mi ma ai Mungu i  azini mi ai Kristo i, azini mi ai Orindi Alatararu ru i. ‘Daa di mini ‘daki aizu dria ‘boria, Mungu le mi ma ai ma i.

Ari’bo ka le lu amani kini, “ovuni E’yo siza ni ku azini eri onzi emuzu ru etrazu tualu saa azi alea ‘dilu tepuki erizu,” lu drimva alusi ama O’duko Munguni eri lu amani:

Azini kanisa ‘dini, azini tepu oa’di pini, ‘ba tepu ‘diki avipi riki, azini ‘ba e’yipi suru ‘di ma kala azi ‘dia simusi ri pini, A le emi ma eri ‘di kilili, azini emi e’deku erizu.

Ari’bo ka ‘yo Adripi Branham ‘yo ndra emi oa E’yo be, ovuni tepu pie ku ‘dini, drimva alusi ama O’duko Munguni eri TRERIA ORU ‘yozu:

Ma ‘yo vini, Ru Yesu Kristoni si: mi o’bani afa azi aluni ku, mi ’du azini mi ‘ba egata miniki Alenia ku, mi ‘yo lu afa ovupi ‘yozaru tepu oa’da pima dria ri i, mi ‘yelu ko’bo afa Opi Munguni fe azita ru ‘yezaru ri I; mi o’ba Drinia ku!     

O’duko ‘da ni vini geri amani Eri andrizu E’yo siri lu amani ani a ‘ye onzi ku beni.

Emi afa towi ece kokori ki ‘da. Le lu ma ovu ‘da le

• Eri ma saa.
• Eri ma ewua.
• Agu ndra Eri ni pe ri i.
• Le ece koko ma emu nabi vu.
• Nabi ‘da ma ovu nabi azi ovupi e’dazaru ni. 

Ama Nabi Yesu Kristo i.

E’yo sa ‘dini e’dapi ‘bori i! E’yo ndra ovupi e’dazaru o’du Musa ni kisiri ndra Yesu i. E’yo ndra ovupi e’dazaru o’du Isaya ni si, Elia ni si, Yohana ni si, dria riki ndra Yesu i. Azini E’yo ovupi e’dazaru andru ri Yesu, alurile aje, andru azini ‘dani ‘dani i.

Drimva alusi ama ecoki avi (play) mizura ani Yesu Kristo Ma ngulupi erizu azini ecezu amani:

•  ‘Di saa ni i.
• ‘Di ewu ni i.
• ‘Di Agu Mani pe ri i.
• ‘Di ma nabi i.
• Nabi ‘di ovu ovu e’dazaru ‘bo angiri aga Ma nabi azi cini diyi pivuri dria. 

Andru, ama ovu lu Mungu Buniri be e’yo nzezu amani a’dule ku, te Eri ama alea, oaria, azini Idri Iniri oaria ama aleasi. Nde mi e’yo vaza ra.

Ama ma ‘baki ama gonde. Saa ‘di enyia. Ama near E’yo siza ki eca pari yenia o’du dria. O’dukoti ni la ko’bo e’yo-laza andru ri le:

“Saa e’yo valekuri niri, e’yo ewaru suru pi eselea, oyakuya pari kakau alea, miri ni noria, agupi pima asi ni e’de orivu.”

Ata o’baza ma ngulupi i luria amani andrusi, amani ne ria suru pini yi anzuria, nyakuni e’deria aa, drimvu ‘di sa ‘disi abi rua.

Ama Amuroni ne azini Eri ‘eyo ngo aleari ne. Ani anira, o’bazakisi, kini Kanisa ni ‘di i ecaria gonde muzu.  

DIZA, ama ecaria gonde muzu. Lu drimva alusi mi eco mi ‘bazu gonde ra. Ma mi ai ru ecizu ama’be Sabato ‘disi saa aro etualasi (2PM) Jeffersonvile saa si, o’dukoti: O’bizu Munguni Azi Azi Ngazu Dere Eri Ale Munguni KU 65-0718M ni erizu.

Adri Joseph Branham i

E’yo Siza La Riki

Azita Amviza 4:1-4 / 4:25-26

1 Suru Ma E’yo 13

1 Suru Ma E’yo 15:15

Zaburi 22

E’yo ‘Ba Marakoni 7:7

Yoweli 2:28

Amosi 3:7

Malakai 3

E’yo ‘Ba Matayoni 11:1-15

1 Koronito 13:1

Mesegi (O’dukoti): 65-0711 Drinzasi

BranhamTabernacle.org

E’yodri O’dukoti vuri

Branham Tabanakulu Leleturi la,

Ama ayikosi tu erini andra ama ‘bazu drio kanisa ‘yeke ri pezu aku amaniki ‘bazu alenia risi.

Aka ta kanisa azi pe ani, ma ta kanisa adaru, ti ‘baza kililiru ‘be, E’yo Ba pie Tre, Bibilia be nip e i, A kata aluni pe aku maniri ‘bazu alenia ria.   

Ama ayikosi tu luzu wudukuru dri ama ocepini a’di iari, azini kini ama lu e’yo ‘ye erile.

I ka kanisa ‘da ma adriza oneani, mi one ngalu ocepi ni sa weresi, ani mi abarini isu kini kanisa oada ni e’yo ‘ye ima ocepi le.

Ama awa’difo be tu adisikuni ama wudukuru kalaa ngoleru ari ma e’yo yo, Eri dri fu amabe ra

Azi andra emuzu drifuzu angu ci ‘ba iri kaniku na pini yi trazu tualiri alea. Adaru. ‘Da angu ‘ba aipi ra rini asi iniri ‘baria, eri E’yo Munguni ovupi e’dazaru Adaru ‘da ma dria. 

Ama awa’difo be tu ama aiki Eri ma Nabi ra, azini E’yo dria nzeriki.

I ka ma ai ovuzu Munguma nabini ra, mi eri e’yo mani nze mini bo riki. 

Eri ma nabi ni andra a’du e’yo oluya?

O’dukoti Kiliru ri i, dri gozu vule E’yo vu ri i.

 ‘Ba epe andra eri ma ti a’du ‘yezu?

 “Emu Amuro ‘da e’du!” ‘Da azi mini. ‘Da ‘di be e’yo mani ovuzu ‘dia aniri i. ‘Da ‘di be afa mani o’bi ‘yeri i, eri Amuro omvezu.

Te aka ‘di pa amaniri e’ba omveleru ria?

 ‘Da ‘di be afa ta mani le ‘yeri i, Amuro ‘da ‘bazu geri alea ‘yeke.

Ani sa ‘disi Ata ovudi ero alea I Amuroni a’du pie ya?

Ma dri go vule akua, e’yo andra mani e’da Mungu ma mile tia riki idri o’di, di vini e’dozu o’di beni. ‘Da ‘di bele afa amani otita ‘yezu eri ‘yezu beni ri i, ‘da ‘di bele afa Mani ovuzu ani diari i.

Opi ma ovu inzizaru, ama nga inzita amani ama ‘bazu odiru riki e’do sa ngosi ya? 

Ani ‘di, Opi Ka lera, Sabatu emupi ‘di ma o’butisi ama nga inzita e’dora. Ani emi dria eko ma aza Mungu zizu, adisikuni eri andra asi maniri ma aa o’bizi… Adisikuni ‘yoki, “Muke, ama eco ta mu Louisvilia ra kaniku ama eco ta mu andraleru New Albania ra”. Te tiecita ‘da ni andra ini mbaria oa Jeffersonvili ni. Ma nga mu Louisevilia azini New Albania, sa azi nduniki si, te azi ‘di ta mbaria leta ma adre dia Jeffersonvilia. 

Ama ngonde Ata. Aji miniri ki nga yi tra ra azini eri ra. A’duni mu i ‘ye sa ‘di alea ni ya?

 “….Ale aita angiri”. ‘Da di be afa mani oazu akua dia sa si ri eri ahweta od’iru aitani esuzu.

Opi ma ovu inzaru, ‘da vini afa amani leri i Ata, ahweta od’iru AITA ni. Anikira aita ni emu e’yo eritasi, eriza E’yoni ri i, azini E’yo miniri ni emu Nabi vu.

O’dukoti oadi i, Okpo Mungu Okpoberi niri, ire i wudukurua ara ‘bo, te sa ‘disi ‘di sa ‘bani ‘ba erezuri ni ‘di be pari iniri ‘duria. Munguni Amuro omveria, azini sitani ni kanisa omveria. Ama esele O’dukoti ‘Di niri, Eri ma E’yo i, Eri ma Amuro i!

Ama ovu asi’baza ‘yekeri be azini aniki ama e’yo nze a’du madria ari ra. Ama ovuni drinzasi ku O’dukoti azini Eri ma ‘ba o’dukoti ojipiri aizu risi, adisiku ki alurile. Ama ovuni drinzasi ku ‘yozu kini: “ama ai E’yo dria”. Ama ovuni drinzasi ku ‘yozu kini: “Ama tepu ‘diki avi ama kanisa aa”. Ama ovuni drinzasi ku ‘yozu kini: “Ama ‘ba Tepu Pini”.

Eri ewa ewa vazu kini ‘ba ai’ba cini, kaniku olu’ba e’yo towiri aleari, ‘bapi kini i ai O’dukoti oadi rari azini ‘yopi kini Adripi Branham I Munguma ‘ba o’dukoti ojipi nabiruri, ‘daa eri ‘di vini ai azini olu ‘ba pini kini eri onzi azini e’yo sizasi ovuni ‘yekeku O’duko Munguni I e’dapi ‘bo ‘di avizu kanisa eyiniri ma aa. 

Le ama ma olᴜ e’yo, mi ma olᴜ ‘dani ewu ‘bani lele raria azini ewu ‘bani lele kᴜria ti, mi ma ece e’yo adari, mi ma ega ‘ba dria, mi ma omi ‘ba asi, asi teza pisi imbata be dria.

Te ewu yini ngazᴜ imbata alarᴜri a’izᴜ kᴜri nga eca ra, te yi ma bileni ngale fole forisi yi nga yi dri ‘ba yi imbapi ‘diyi okᴜ yini lelerile,

yi nga yi oja e’yo ‘yoza toko toko o’dᴜkorᴜ ‘diyi erizᴜ.

Ka di eca E’yo Munguvu ada ada, ondi kokori ma alea, Munguni eceniri, O’duko Munguni ovupi e’dazaru ‘bo ‘da i, Eri e’da kini eri drinza fe ongulumu azi ‘da pini. Kini oa drinzasi Erisi azini ki ai kini eri ovuzu E’yo ma rua onziri ovuzu Kanisa Tepu ni. 

Te amani ria, Eri e’yo adani, Ama drinzasi ku. Akaki andra mu E’yo Eceaza ‘Da esu’bo, Afa azi andra ci lu ri pi ama asia kidi ‘dileni, ani sa ‘disi afa azi ‘di ndu niyo capi pari ‘dupiri. Ama ayikosi ovuzu omvezaru epima azini, Kanisa Tepu niri, Ongulumu Tepuni, ‘Ba Tepu niriki.  

Ama mi ai emuzu erizu Branham Tabanakulu be Azingaza Munguni Tepuua siri erizu, Sabatusi sa aro etu alasi (2pm) Jeffersonvile ma sa si, amani ama traria asi’baza angiriruri ‘be; oyo amni so eriniriki ‘bazu o’diru, azini e’yo dria e’dozu o’diru O’dukoti: Drinzasi 65-0711 ni erizu.

Adri Joseph Branham i.

E’yo siza La riki:

E’yo ‘Ba Marakoni 8:34-38

Mesegi (O’dukoti): 65-0429e Amuro Azi Pezuri’i

BranhamTabernacle.org

E’yodri O’dukoti vuri

Mungu ma Amuro Pele’bo leleturi la,

Ata pe ndra Ima Amuro de nga wudukuru ma eti ovuni ‘bazaru ku. Le dra Amuro azi ecopi Ima adriza e’dapi ko’bo ‘dileni. Le dra Amuro ecopi Ima asi esepi erini Ima E’yo ta mbazurisi ri i.

Amuro azi i ozipi pi Erini azini Erima E’yo azirini ni, kpere Omi alu Erima aleari ma ovu vini eyi ma alea. Ki ta ani oa Erima za alu aluri i, foloko alu aluri i, Orindi alu aluri i, afa dria alu aluri i, lu ovuzu sizaru ko’bo kpere eyima iri ‘diki ma ecaki ani Aluru. 

Le ndra Ima adriza si eyi alea, adisiku le Eri (okururi) ma eca lu ko’bo Eri (Agupiruri) le. Enga te e’dozu ndra Erini Erima Adamu azini Eva okoriki ‘bazu nyakua ‘bo ria Ima Amuro ogozu vule. Enga rizu dri nia au vurile, Eri ojozu Erima e’daza driari vu; adisikuni ki nga ovu Erima Amuro E’yo Nzeza siri i. 

Kamu Eri ne ‘bo, Ovu dra ayikosi tu, Ovu’di asizu ndra Amuro azi ecopi inza o’baa E’yoma alusi kuni be. Amuro azi ecopi ata abapi Erisi wereku  ‘dileni, te eri Eri ‘du dria lu ko’bo erini ovurile. Ecoki ‘yozura wudukuruni kini Leni e’yo ma efi eceza azi ku, adisikuni Eri O’duko Munguni Kililiruri i. 

Ne ima Okuni wereru aluzaruri ra, Ovu dra afusi Erisi, Ani le ‘di ndra ra lazimasi Erini Eri e’dazu amve ra. Ani omve ‘di erima malaika okporu 7 zuri, ani mane Eri (Amuro i) beni. Le ndra ma ne Eri, azini Eri e’dazu, ani ma nze ani Eri ndra ndrinzaru tu ngole ari beni. Ani Erini ndra okpo fezu Erima asi dri azini fezu Erini nizu kini Eri (Agupiruri) ni Eri (Okururi) a’di iari ra.   

Ani ‘du ‘di Ima malaika azini ‘ba ‘di eri angu oruni alea erini ecozu Eri nezura beni. Erini neria, Orinidi Munguvuri nze ndra e’yo erini ‘yozu kini, “Amuroni ‘di ‘daa.” Ne ‘di angu ra, ne ‘di ndra MI ‘daa ci. Erima asi dra ayikosi tu.

EMI alu alu ovuki ndra suzaru emi bongo emi suru emini engazu alenea ri kisi: Switzalandia, Germania, wudukuru si ara, suru dria alea. Dri’bi adaru ezuru ovupi edezaru vule ‘doleru muke ni pie, bongo wuki, sikati pei dria ele onyiru. Ani EMI dra dria aci ongo “Drile, Asikari Kristayoruri ni muria adia” di be. Erini ne ria, Ama e’do’di ndra mu kpi iritia; Ama ndra E’yoni. 

Awania Mivu Ata. ‘Da ni ama asini okpo fe tu andrusi. Ale Mi azini E’yo Mini ra afa ama alea risi dria. Ama aiki E’yo ma driari ra. O’dukoti ‘di su i amani ko’bo afa suza dria ri le.  

Aleki oa Mi Amuro Kililiru E’yo niri i. Anikini geriko azi nduni ku telu oazu E’yo miniri be, nyaka Manaru Mini fe ovupi tambazaru Mi Amuro Ma e’de ani I gonde aniri i.    

Ama ne ra kini saa ‘di ogogo. Nyakuni oya ama vutia Oyakuya kisi. Mi malaika ndindiaru riki angu dria. Wudukuru ovu di ojazaru julualaru ‘bo. Adiki, aco pie, o’dita pie, azo suruti ndundu pie angu dria. Ari’bo ni di anyaria pasozakokoru, o’bizu Mi Amuro dri candi fezu, te Mi Okuni aluzaru pele’bori nilu ‘DANI i i’biria E’yo Mini rua.  

Eko ama aza Ata pa ‘bazu amveleru ku. Efe ama mile ma ovuki suzaru Midria azini ama ma biki dri mini i oajapikuri. Mi indri AITA amani, efe amani afa amani ava tariki. Mi emu tezu Amuro Mini be Sabatu ‘disi, Saa aro etualasi (2PM) Jefersonvili saa si, amani ama traria O’duko Mini andruniri ageyia azini eriria Mini: Amuro Azi Pezuri 65-0429E ni nzeria.  

Ama ziza ‘dini Ata:

Mungu ‘buniri la, mi ovu yikisi wudukuru ezataru azini ‘ba ezataru ‘doyi ma dria, Opi, amani ovuria ondre ‘dosi. Mungu, ma o’bi pasozu agadua yiki Alaruri aizu, ani Mi nga e’yo nze ongulumu ‘di dri ondre ‘disi dika Mi Amuro ma asi ejizu, Opi, acizuku eceta aiza azi cininisi, te lu o’duko E’yo ‘ba Opi Yesu Kristoniri si. Efe ma ‘ye i ‘ye ‘ye, Mungula la. Ma ovu nizaru ini ‘disi, kini Mi Mungu i, azini E’yo Miniri Adani. Asi alusi, oaria ‘ba ‘di pima drilea, ama eyi omve asi fezu E’yo minivu. 

Adri Joseph Branham i

E’yo siza la riki….

E’doza 24:12-14

12 Eri nga ‘yo ra, Yehova, Mungu opi mani Iburahimuniri, mi fe mama isu drileba andru. Mi ece asi ndriza opi mani Iburahimuni fo!

13 Mi ndre, ma so pa yi a’di ma tia, de ezoanzi ‘ba akua ‘diyini yi efu yi kozu efu efu.

14 Mi fe eri ma ovu ‘dini, zamva mani ngazu e’yo ‘yozu tinia, mi ‘ba imvu mini va, ma zi mi tia, ma ma mvu ani; te eri nga ‘yo ra, Mi mvu, te ma nga vini yi eko ngamia mini dri indiri, mi fe zamva nde ma ovu zamva mini pele ati’bo mini Isaka dri ‘bori’i. Geri ‘disi ma nda ni kini mi ece asi ndreza opi mani dri ‘bo beni. 

E’yo Eceza 21:9

9 Malaika aziri ovᴜpi okele aziri inzata aziri vile asizᴜ ‘diyini gazᴜ yi ma alia tre ‘diyi be ‘diyi ma azi alᴜ nga emu e’yo ‘yo ma be kini, Mi emu ‘dole, ma nga mi dri amurᴜoᴜ, okᴜ Kabilomvaniri ece.

 ‘Da de ‘di waraga aji pini yi trazu tualu engazu adripi Joseph Branham vu pari Branham Tabanakulua ria ri i, kpere sa vule risi. Opi ka lera amanga mu amatra wudukuru ageyisi ara saa aro (2PM) Jeffersonvile ma saa si Sabatusi. Mba aro 22, 2021 si.

Mesegi (O’dukoti): 65-0429b Ori-fi Cani Nga Oa Karimvaru Jorovu Oriniri ‘Beku

BranhamTabernacle.org

E’yodri O’dukoti vuri

Za Erima Zavu Leletu ‘diyila,

Ma ayikosi tu e’yo Munguni Ima omi ojazu Ima E’yosi ku ri si. Eri alurile aje, andru azini ‘dani ‘dani. Geri Erini e’yoki ‘yezu dra okokele siri, Eri ‘ye andrusi alurile. Mungu i, Ima ngulupisi, e’dazaru rua ‘ba adani alea, ari Yesu Kristoni si, idri azi ‘bazu alaru ani Erini Ima ngulupi i’gbizu alenia si.

Ama ‘ba o’dukoti ojipi andrusiri ovu e’dazaru ima ngulupisi E’yo sizasi ama eselia ‘bo. Eri Orindi Alatararuri i, I ngulupusi, Ima E’yo efi eceria. Ovu di lezaruku muzu engazu ‘dovu cazu azi ‘davu e’yo adaruri esuzu kaniku e’yo nde ma efe eceza esuzu; Orindi Alatararuri fe Kanisa Ini ri dri Efeso 4 i, dria agu alu alea, Eri ma nabi ecezaruri i.

‘Ba ti peleri: ‘Ba ti peleri eri “’ba ‘bani ti pe pe ri”, kaniku ‘ba mupi e’yo olupi angu ziri alea ri.” Ma ‘ba mupi e’yo olupi angu ziri alea ni.

Nabi: Emi ai ma ovuzu Munguma nabiru raya?

‘Ba E’yo bari olupiri:

“Mima nga azi ‘Ba E’yo bari olupiri vuri. Mima ‘ye azi yini fele mivuri dria. Adisiku ewu yini ngazu embata adaru aizukuri nga ecara.

Ocepi: Emi ma omve “emi ocepi i”, ani emi ‘yo ada ada, ma eri i.

Embapi: Ale andru e’yo je E’yo dria kaniku Kanisa Sabatuni di emba embata E’yo alea Alama di dria.

Eri driaria = Ani emi ra, ama adripika ki, emi ma ne geri azisi ovuzu emi e’yo driariru a’du ni… aka lu mani Mungu mavuti biria, kobo Pauloni ‘yo E’yo siza aleari le, Ebiki mavuti, mani Yesu vuti biria.”

Odukoti oadi ni ama E’yo driari, ani ama erima vuti bi arini Kristo vuti biria.

Agani e’yo kini ‘ba Munguni omveni Efeso 4 ni riki kakau ci ‘dini niku, ovupi ‘bazaru azini Munguni omve azi ngazu ‘daa riki; Erima YIKI si, Ma eyi azi. Te ama wereriki, Munguma malaika nabiru 7 zuri ni ANGIRI ri i.

‘Ba dria wudukurusi ara  “Branham Tabanakulu” omvepi eyi “kanisa akuariru” diyi pini: ama ocepi, ama azi ngaza idriruri, ama E’yo driari, ama Efeso 4 ni dria Tepu ma dria. Ama aira kini Eri azi ngaza andra oko Erini ovuzu eri be sa Erini dra ovuzu nyakua diari siri.

Asianzuru ngoi ya, ava liza ngoi ya, le ni ama ma oraki ku kaniku ama ‘ba asi e’yo eyazuku amani E’yo eriria. Eri E’yo Munguni e’dazaru ‘bo,  ecezaru ‘bori i, nyaka manaru o’diru sa dria amani eri eriria ani afa dilu amani ‘yeri lu rizu vaa e’yere, aluza ni amaria ama asini diria ama ma alea Erini E’yo nzeria amani gerisiria.

“‘Ba dria ma Atani fe madri riki nga emura. Kabilo Maniki, Abalao Maniki, o’duko Mani eri. Cakini nga anibo ma vuti bi ku.” Azini di, O’duko Munguniri a’duni ya? Eri E’yo Munguniri. ‘Ba cini ma o’duko a’duni ya ka adre erima e’yoni kuria? Eri E’yo Mungu niri; ki nga E’yo Mungu niri eri.

Ecekini ovu nga kiri ANGIRI nibe Erima Kanisa ni. Oani lu o’du di azini o’dukoti erivu, E’yo o’du andruri vuri amazu ‘dini niku, te ayiko oru ndeni drio ovupi fezaru ‘ba adaniri asizu ‘do di pari ini ‘bo. AMA Erima Orindi ma esele ni, Erima Rua ma esele ni, Za Erima Zavuri, foloko Erima foloko vuri, E’yo Erima E’yo vuri, Idri Erima Idri vuri, AMA Amuro Kristo vuri i.

Dizaa!! Opima Ru ma ovu Inzizaru!! Erima Amuro ama i adi iari ‘bo ani Eri i otu ngonde Erima E’yoni.

‘Da dibe afa Kanisani ‘ye andruri, adisiku Yesuni E’yo i azini Eri Izio i, Amuroni Izio ma eseleni. Ani E’yo Ima pari ‘dupi ta andruri ni esele alu alu dra pari ‘dupi o’du Erini siri i, ani eri E’yo aluri i, dri fuza aluri i, Idri aluri i.

Mi emu drifuza esu E’yo alu ri be, drifuza alu ri i, Idri aluri i Sabatu ‘disi sa aro etulasi (2PM), Jeffersonvili ma sa si, emuzu: Ori-fi Cani Nga Oa Karimvaru Jorovu Oriniri ‘Beku 65-0429B ni erizu.

Adri Joseph Branham i

E’yo-siza La riki:

Matayo 1:18-20/24:24

Luka 17:30

E’yo ‘ba Yohanani 5:24

Galatia 4:27-31

E’doza 2:15

Isaya 9:6

Malakai 4

Mesegi (O’dukoti): 65-0427 Munguni Ima Omi Ojara ya?

BranhamTabernacle.org

E’yodri O’dukoti vuri

Amuro ale ‘Yekeri Alea Leletu ‘Diyila,

Mungu leleturi la, ale kini oa mi ale ama singiri siri aleaku, ata. Ife ama ma aci mi ale ‘yeke ri alea. Ife a’duki lu-lu e’yo alu ‘doa azini ‘daa ku, fezu ma ati eyima embataki, kani aizaki kani afa azi ‘daleni. Ama ma ‘do E’yo  ma dria erini ovurile, E’yo bari aizu dria, afa dria Yesu ni emba amani ‘yezaruri ki.

‘Da ama avataza angiri dika aliruri i, ovuzu Mungu ma ale kililiruri alea. Ale kini Eridri e’yo erini lekuri ‘yeku, te e’yo Erini leri ‘yezu afa dria amani ‘yo azini ‘ye risi. Aleki oa Eri ma agupianzi azini ezoanzi ovupi ‘bazaru dika eyi e’dapi’bori ki.

Ama ama ‘di Eri ma ale kililiruri alea azini e’yo Erini leri ki ‘yezuri esu ngwa? Le ama ma muki E’yo Eriniri vu, adisiku anikira Eri ma E’yo e’yo adani azini idrini. Eri ma E’yo sa dria alurile, Eri ma otitaki sa dria alurile, adisiku Ojani i ku.

E’yo ni lu amani, geriko ndre Erini e’yoki ‘yezu paale okosirisi, Eri nga sa dria ‘ye alurile. Le ma awi ‘dani ‘dani alurile. Eri ma asisile enga ovu sa dria alurile. Eri ma e’yo ‘yezaki engaki ovu sa dria alurile. Geri Erini e’yoki ‘yezuri, geri Erini ‘baki atizuri, geri Erini ‘ba Ini ma dri cezuri, Eringa sa dria awi alurile.

Bibilia ‘yo amani Eri ma ‘E’yo i ojapikuri alea kini E’yo o’da ni lu emu Eri ma nabi pivu a’dule. Cani Eri ece atalo azini ‘ba sukulu dinini lapi ‘di pivu ku, te lu Eri ma nabi pini. ‘Yo vini kini I ‘yeni e’yo azi ‘yeku pere Ini nga e’daria oko Ima nabi pini rakaka.

‘Ba ada le o’du dria otita ‘ba adani e’deni riki, ovuzu dricezaru agupi pima ongulumu kisi. Te da ovuni drio Mungu ma geriniku, Eri sa dria dricere Munguni-omveniri ma ti pe i, nabi ovupi ‘bazaru ‘bo E’yo be Ima ‘ba pima dri cezuri-i. Nabi ‘da dra ecezaru azini eri ndra pezaru dricereru sa ‘dini.

Mungu pe ndra azini ba ndra dricereka azi kakau ovu efizaru Orindi Alatararuri niki ra; azini ovuki pari eyini pei ci, te fe bile-liza drileka ‘da pini kini, “emi oaki ziri Aci piriru ‘da vurisi.” Aci piriru ‘da ni a’du ‘ye………. ERI ‘BA PIMA DRI CE ETUSI AZINI INISI.

E’yo ni divini lu amani kini, ekile o’du ndra Sodomu alea ri pile, eri nga vini ovu trotro sa Mvi ‘banini i ecezurisiri le.” Eri ma E’yo Malakai 4 alea risi, azini E’yo siza cini alea, Eri mu dri ego vule Kanisa Erini alea ruati alea ada ada ru; ‘ba pima alea, ‘ba ada pima alea, geriko ovuzu nabirurisi.

Ama nga nabi ‘di ni ngoni ngoni? Eri nga ece eri adi i ari E’yo sizasi. Eri nga e’yo zisa asia mbariki nira. Eri nga E’yo ma driari ece ‘ba pini. Eri nga ovu e’dazaru Aci piriru risi Amuro ma dri cezu. Munguni nga vini fee Ima e’da ma ovu ‘duzaru Ima nabi be.

Azi ‘diyi nga ovu Yohana angu i lipi yi alea Patamoa rile, o’bizu eri dri inzita fezu, te eri nga ‘yo kini, emi ‘yeni ‘dini ku, adisiku ma ati’boni mile, nabi ma eseleni, emi fe inzita Mungudri.” Amuro muni eri inziku, ‘ba ada ‘da i, te Mungu ‘ba ada ‘da alea ri inzi i.

Eri nga nira kini i ‘ba Munguni pe niri i e’yo E’yo e’depikuri nzepiri i. Eri nga niri kini i ‘ba o’dukoti ojipi malaika 7 zu Munguni peni ‘da i. Wudukuru ni nga O’duko Munguni e’yo nzepi erivusiri nera azini eriza, azini ki nga ne Adamu oko ‘da ni ovuzu ejizaru vule.

Eri nga Amuro ma dri ce Aci Pirirurisi. Eri nga e’yo oniza ivuri esu engazu Idri ‘davu ani eri nga e’yo nde fe Amurovu eyini muria gerikoa angu azizaruri alea. Amuro ni nga oa E’yo-eceza be aznini eri nga nira kini oa’di Mungu ma ‘ba o’dukoti be ovupi efezaruri i. Oa’di Mungu ma geriko feri i. Oa’di Mungu ma ALE KILILI RI I.

Mi emu mi ecizu ama ‘be Sabatusi saa aro etualasi, Jeffersonville ma sa si emuzu: Munguni Ima Omi Ojara ya? 65-0427 ni erizu.

Adrip Joseph Branham i

 E’yo Siza la ri i.

Kalafe 22:31

Mesegi (O’dukoti): 65-0426 E’yo Erini E’dazuri i

E’yodri O’dukoti vuri

Oli Buni amani ndra rizu Sabatusi Amoru Kristoniru ru trazu tualu indikindi Orindi Alatararuni ri alea ‘da andra ngo i ya! Ama ecoki ndra amazura Erini idri feria ama rua drapira ‘diyi pini. 

Odu osuza azi tu niyo, oli azi tu ni yo, aga mini ‘Play’ emizu ani O’duko Munguniri erizu e’yo nzezu mivu rira. Mungu baa ma biki E’yo madria riki erizu azini aizu, adisiku eri nduniyo pelu Eli I, Elah i, Elohimu i, Agu i ma ngulupi siri I, Agu drifupi rari i, Agu okpo beri i, e’yo ,nzepi ama alu alu pini dika ecepi amani kini ama Eri ma agupianzi azini ezoanzi ru e’daba’bo ‘diyiki. 

Eri ndra okporutu ngole ya Ori Munguni ovupi andra ‘bazaru oko ‘diyiru, wudukuruasi ara, dri eyiniki ‘bazu eyi azi ma dria. Ama akuki kanisa pie ovuki dra ifizaru indikindi Orindi Alatararuri si. Ama aita ovu ndra sizaru bua ‘bo, a’disikuni ani ki ndra a’dini ndra e’yo nze amani niari ra. ‘Yo ‘di nivini ndra amani kini okpo idri fe piri eri AMA ALEA. Ama ai ndra asi amani si azini idri amanisi dria, a’disiku ‘Yo ndra ‘dale.  

‘Daa ‘Yo ‘di ama ma ‘yoki, “Opi Mungu, Ma aira asi manisi dria.” Ama amviki ndra E’yo dria aliru engazu asi amani alea. ‘Yo kini, “Azo cani oa ongulumu ‘dileri alea ku.” Ama orindi zuki ndra ayiko as ndra E’yo ‘diyi eriria, a’disiku aniki dra a’duni pari ‘duniari ci.  

‘Yo kini, “’Ba dria Orindi Alatararuri lepiri, emi enga drip eminiki oru, ANGU CI MINI OVUZURIA ‘ba lepi rari pini…Ma aira kini Munguni nga emi ma alu alu efi, SAA ‘DISI, Orindi Alatararusi.”

Saa ‘da aa coti, ama ovu dra efizaru, azini efizaru dika Orindi Alatararu O’duko Munguniri ni ‘yoni risi ra.   

Vini ‘ba ndra atita lepi rua eyini alea dipini, ‘Yo kini, “Ma fe azita emidri, Ru Yesu Kristonirisi, pa sozu pa eminiri pima dria atita emini aizu.”  Saa ‘da aa coti, ‘ba ai’baru wudukurusi kuru, ndra ovupi AITA be azini aipi ra ‘diyi ki ndra ATIZARU.

‘Di ‘du ndra pari ngwa? Trata azi ‘ba pini ni eyini eyi etrazu tualu angu aluni alea? Yo, eri ndra WUDUKURUSI ARA Amuroni riria tualu angu Bualeruri alea O’duko Munguni o’du amani niri eriria.

Eri ewa ewa agupi cini ni, kaniku ongulumu agupini nini Amuro ejizu tualu ‘dale. Lu Orindi Alatararuri eco ‘da ‘yeni trai e’yo nzeza  Eri ma ‘ba o’dukoti oji pi fele o’du ‘doni ri vusi. O’dukoti (Meseji) ‘di OPI ‘YO ‘DI NI NI.

Osuta azi yo, egata oratani ni yo, Mungu ece’bo kini oa’di i I ma geriko fele o’du andrusiri niri i.     

Avaliza azini asianzuru amani ovu yi pie ‘do ngo i ya! Le ama ma oraki kaniku ziki zita e’yo ovupi luzari amani ‘bo ‘diyi kisi ku. Le agonga dri vule E’yo ma alea eri andrizu ‘dini ku, adisiku ama Mungu ma E’yo o’du amanirini ovupi e’dazaru ‘bo ri eriria. Le lu ama riki va, anziki asi amani ki, omi amani pie azini idri amani pie, dilu ‘yozu AMENA, AMENA, AMENA ‘dini. 

Yo, afuni dri ku. Yo. Avakini e’yo driaki ‘dini ku. Te ama AIKI E’yo ma driari ra. ‘Yo dra kini ‘da eceta adaru kini mi ovu Orindi Alari ‘be ciri I, azini eri Lu Erima Amuro i capi E’yo madria aipira azini oapi E’yo nde beri. AMA AMURO ‘DA I….Haleluya!

Eri ali ‘ba amboruri pi ma drile si oru tu, ‘ba kini e’yo aliru egapi ‘diki, te eri eri ece anzinyiri ecopi e’yo onipirari pini.

Am ayikosi tu mani ovuzu mva wereru ecopi e’yo onipira risi.

Enga ece’bo eli turu turu aliasi Eri a’di ari ayi alu alu alea. E’da eri ra Erima nabi pivusi. E’da eri ra Erini emuzu ruatisi ria, ezata amaniki ‘duzu azini ovuzu dizaru pati alaza sia, ani enga dika azini epi ‘di Orindi Alari mati vule ‘doa.

Sa ‘disi E’dadi Eri ‘bo o’du amavu di ma alea Erini dri egozu vule I ma ngulupi ecezu ruati ‘ba adani ma alea dika Erini ndra azi E’yo Erini alea ri le. E’da ndra I ma ngulupi ovuzu Mvi ‘bani i ri ra, azingaza Yesu Kristo ma Ngulupini, ovupi zizaru ruati ‘ba adani am alea ri i.

Ani sa ‘disi, Eri ma esele asizuria, asisile alu alu otita angiri ‘divuri, emuzu amavu, Eri ma Amuro ovupi ejizaru vule ‘bo, e’dabi ‘bo, dika oapi E’yo be ‘di vu.

Mi eco ‘di le ra ya ndra ovuzu ‘be sia ‘daa indi o’du ndra Yesuni e’yo nzezu ‘ba 5000 da pidri? Emi eco ta le le raya Eri nezu Erini eceria Wudukuru dri I adi iari Erini mukati ‘daki feria e’bi ‘da pie ria? Emi eco ta le le raya rizu odu osuza ‘daa ma vutia, lu Eri ma O’duko erizu asi mini ambizu Eri ma E’yo Idri ‘dani ‘daniri kisi?

Mi ecora, i ka O’dukoti Oa’di ai asi minisi dria ria.

Mi emu rizu odu osuza ‘be dria ‘da ma vutia amabe Sabatu disi sa Aro etualasi (2pm), saa Jeffersonvile ni si (Sa Na inisi Ugandaa doa) emuzu erizu Munguni e’dazu wudukuru dri I a’di iari o’du amani alea. Luka 17:30 ni e’yo nzeria midri azini luria kini B-R-A-N-H-A-M ni Ma O’duko e’da’bo azini pele mi dri ri i. Mi emu eri eri: E’yo Erini E’dazuri i 65-0426.

Adri Joseph Branham i.  

E’yo siza la ‘diyi:

E’yo ba Matayoni 11:4-19 / 28:20

E’yo ba Marakoni 11:22-26

E’yo ba Lukani 8: 40-56 / 17:30

E’yo ba Yohanani 14:12

Ebrania 4:12-15 / 13:8

Malakai 4

Mesegi (O’dukoti): 65-0425 Mungu Ma Pari Fe Inzita Niri

BranhamTabernacle.org

E’yodri O’dukoti vuri

‘Ba leletu ovupi ‘bazaru idriru‘bo ‘diyi la,

Aleki tu ru itrazu tualu wiki driasi nyaka Orindisi Manaru Eri ni fe’bo I ma Amoruni ‘di nyazu. Eri amadri okpo amani le aci amaniri niri fe. Eri Idri Mesia vu alu ‘da i ovupi e’dazaru ri i, Kanisa Iniri e’depi gonde ‘Duta Buariniri.

Aci Piri ruri omve ama amve ‘bo, azini Eri ama dri ce Angu azizani alea, odu osuza Eri ma Nabi amboru William Marrion Branham ma ngukua.
Adripi Branham ovuni Aci Piri ru ri i ku. Eri dricere odu osuzabe, Aci Piriru ‘da ma vutia ri i. Aci Piriru ri ni lu eri ma O’dukoti ece eceta kisi azini e’yo osutaru ‘diyisi. Eri Eri ma Orindi Alatararu amboru ri ovupi e’dazaru ama eselia ri i azini eri pale alifu alifu ma drilea angiri aga nabia azi dra oko ‘diyi pivuri dria.

Emi ecoki Mvi ‘bani, Mvi ‘bani geri O’dukoti nabiru dri egopi vule Eri ma Kanisa alia, e’yo ondrizasi, Yesu Kristo ni ecezu kini Eri alurile aje, andru azini ‘dani ‘dani ‘di i ne kuya? Ovuni drio nga ‘yezaru ayi pima alea ku pelu sa vaa ‘disi.

Ama omi Orindisiri mva ‘da ‘bo. Ama Eri ne azini Eri ma E’yo driari ai. O’dukoti ‘di i, Tepu o’diki, ki Mungu ma geri fe ‘ba amve ‘daa ori ‘dini ovuzu rizaru ‘bori pima omi e’bizuri i. Ama eri O’duko ‘da’bo azini Aci ‘da elo ama’bo ani a’dukidi Idri ‘bo.

Fedi amani rizaru angu Buaria, SA ‘DISI. Ovuni ama nga ovu ‘diniku, ama sa ‘disi angu Buaria. Ama enga’bo, aya osuza ki aci alenia ri be ki ‘di azi ngaria ‘bo. ‘Ba’di ama idriru Mungu ma indikidia, angu Eri ma Orindini adrezuria. Ovuni afa mini nga oariku, te mi ‘di be saa ‘disi. Eri lu setani i le pi ama razu e’yo ndesi ri i.

Zita: Mi ovu idribe ‘bo ya?
Omvita: Ee

Zita: Kristo eca mini ada adariru ‘bo ya?
Omvita: Ee

Zita: Mungu ma okpo ovu i’dazaru ‘bo ya?
Omvita: Ee

Zita: Mi ‘di Kanisa ‘daa ovupi Kanisa Munguni fe niri alea ya?
Omvita: Ee

Zita: Mi eri ma alea ngoniru ya? Eni ngoni ngoni idri ovu fezaru midri ‘bo Kanisa nde alea?
Omvita: Ama egaza driaki, ama oaza dria pie ki Kristo ma alea. Kristo ni ama eselea, I ma ngulupi ecezu I idriru, ecezu kini I dia ci.

Ama za Eri ma zavuri, azini foloko Eri ma folokovuri, rua Eri ma ruavuri, ru Eri ma ruvuri, Eri ma Amuro i. Ama Eri ma alea. Ama Eri ma zaki eri ma foloko pie.

Aca ni dra ku, idri ovu fezaru amadri ‘bo. Okpo idri fepi amadri, ama engapi engazu idri ezatani ma alea, azini ama ojaapi ‘bori enga mbaria ama’bo Kristo Yesu alea, ani engata mba ‘da nidi ngalu fe amani ovuzu mbazaru kilili.

Ama ovu osizaru azini ofuzaru o’diru, ama esu vini baptizi Orindi Alatararuri fizu Yesu Kristo ma alea ‘bo. Idri ovu fezaru amadri ‘bo E’yo ma dria rini. Ama e’yo dria E’yo ma aleari ma ti ape “amena” si.

Amani ama traria Yesu Kristo ma alea, omi alu ma aa, ‘yeza alu ma aa, afa amani avata riki, akaki ovu AITA be azini akaki aira, Eri nga fe amadri ra. Le ama ma amaki ra kini Eri nga ovu ama ma alu alu pima akua, ama kanisa pi ma alea, kaniku anguci amani ama trazuri ma alea, a’disiku ama Eri ma agupianziki ezoanzi pei, Eri ma Kanisa Amuroru ‘di i.

Anira Eri ‘dia ci. Ani ambamba Eri ‘dia ci. Anira kini okpo ‘badri idri fepiri sa ‘disi ‘dia ci ambamba Kanisa ‘di ma alea ‘ba dria ripi ‘dia azoruri atizu.

Mi ai O’dukoti o’di i raya? Mi ai kini Eri Mungu ma Geri mini andrusiri iri raya? Mi ai kini eri Mvi ‘Bani i ovupi e’dazaru Ima ngulupisi ruati ‘ba adani ma aleari iri raya? Mi ai E’yo ma dria raya?

Ika atita ruatini le, atita orindini le, kaniku AFA CINI mini avatari, ani ma di mi oru O’dukoti Munguni odu osuzabe, vini ecepira o’du ‘diniri aizu:

Efe sa ‘di si okpo idri fepi o’da ma fe idri aita epinirini, Opi, afa epini ‘yeri pini. Dri ‘ba azi aipirani vuri ovu ‘ba aipira aziri ma dria, ruati alu ruati azirivu, okpo alu okpo azirivu. Ani eri okpo Munguvuri i, Mungu ma mvi azi vusi kaniku Mungu ma zi azi vusi, Mungu Mvi vusi. Kiri kiri Mungula, efe Setani ma ku ‘ba ‘diki ja! Ma ovuki atizaru etu ala ‘disi okpo idri fepi, engata ni Agu ima indikindi e’dapi’bo Yesu Kristo nirisi. Ru Yesu Kristo nisi, ma ovu ‘dale!

Mi emu efizu amabe e’yo: Mungu Ma Pari Fe Inzita Niri 65-0425 ma vutia azini mi ai atita miniri, mi ma esu odu osuza Orindi Alatararuri vuri, efe idri mini ma zu ayiko mini riria Angu Buari alea, Mvi ‘Bani ni erizu Sabatu o’disi sa Aro etualasi (2pm) Jeffersonvilia ria (Sa Na inisi (9pm) Ugandaa ria).

Adripi Joseph Branham i.

E’yo siza la O’dukoti erizuri ma dria ‘diyi:

Azita Amviza 16:1-6
Malakai 4:5
E’yo Ba Matayoni 1:23
E’yo Ba Marakoni 16:17
E’yo Ba Lukani 17:30
E’yo Ba Yohanani 4:23/ 10:1-7
Rumi 8:1-11
1 Koronito 12:13
Efeso 1:21
Tesalonika 4:16
Ebrania 13:8
E’yo Eceza 22:19

• 24-0421 Ima E’yo E’daria
• 22-0925 E’yo Erini E’dazuri
• 22-0925 Ima E’yo E’daria
• 21-0509 Ima E’yo E’daria
• 17-1029 Ima E’yo E’daria

BranhamTabernacle.org