Mesegi (O’dukoti): ###

• 23-1231 Asivezaki
• 22-0612 Asivezaki
• 19-0901 Asivezaki
• 17-0903 Asivezaki

BranhamTabernacle.org

Mungu Ma ‘Ba Ari-alia, Eceta-alia, Azizani Leletu ‘Diyi.

Mi ma ega lu ra, Ama ovuki Eva i ku, ama ovukini ‘ba abaza ‘yepi aje eyini esipi Satanini ri pi ma azi ku. Ama ovu a’ita isepiku ri be E’yo ‘di ma alia! Ama ama e’bi E’yo Munguni alu alu Erini sii azini nze tepu pi ma dria pi rua. Fe ama dri A’ITA KILILIRU ri ‘bo. 

Andaki ni a’ita amboru ‘dile leta ama ovuki eribe ama aa ‘dileri ku.

Ovuni ama ‘di o’bi ovu onyiru agara ‘dile ku; acakini nga ovu onyiru agara ku, ama nga sawa dria e’dera. ‘Da ovuni afa Erini ‘yo ama ma ovuki a’ita be alenia ri’i ku. ‘Yo andra mi ovu a’ita be azini mi a’i E’YO DRIA Erini ‘yo ri ovuzu ‘Di Opi ‘Yoni ni. AMA ‘YE ‘DALE azini Fe ama dri A’ITA KILILIRU ri ‘bo ERI MA E’YO ALIA.

Ama ma feki nga bi afa Orindi Alatararu ni enga olu azini luu Atani ama dria ri ni. 

“Ma o’bi azita mini pi ma vuti ‘bo. Ma onda angu ra ani ma esu onglulumu ‘bapini wereru niki erezaru wudukuru si ara. Ma pe anzi tepuni ri pi ma ti eyi ma aku pi alia ani aviki tepu aziki ‘dale ra. Eyini andra tepu ki eriria ‘bo, eyi a’iki andra E’yo dria ri. Sawa ‘disi eyi ojaki’di aku eyini riki kanisa ru O’dukoti ‘di aizu beni. Eyi Mi Aji andra pezaru okoru eyi trapi E’yo Mini ri erizu riki.  

A’yo andra eyini kini dria ngapi emupi Eceta, O’dukoti sawani ri ma palaa, nga ovu pazaru. A’yo andra eyini eyi ta nga eca Alu Mi be azini E’yo Mini be. Ka andra azi nga eyini ra, ecekini ma ayu di Eceta ‘da anzi eyini ri pini. Ma ayu ki Eri eyi ma ‘ba leletu ‘diyini azini eyi ejizu Eceta ‘da ma palaa ani ma ovuki pazaru indi beni.   

Ma ‘yo andra tepu eri’ba ‘diyi pini: ma ri ki Munguni. Eyi a’iki andra Eri ra mani ‘da ‘yoria, asi eyini si dria azini idri eyini si dria. Eyi ‘ba mani ki, ‘ba mani lee ‘diyi tepu ki eripi riki. 

A’yo andra eyini ma neki nga afa emupi A’buza Aziri ri pi ma vutia ri: ‘ba ki ecizu tualu ri’i, eceta ecizaru tualu ri’i, aci ekaru ie’bipi o’du asizu ‘diyi ma alia ri, elizaru afa alu di ma alia, Eceta i.”

Kirikiri, Kanisa, mi enga mi ya mi ngulupo indi! Mi ndi mi egata, mi enga mi o’duarisi, sawa ‘di ma alia! Le ama ma ovu asiveza be, kaniku ama drija! Afa azi ni emuria ‘dole engazu Opi vu! Anira eri ‘DI OPI ‘YONI ni. Afa azi ni emuria ‘dole, cikani le ama ma ovuki asiveza be. Eri Idri pima eselia dra be. Eri nga alia ma ageyi si ani acaki nga eri neku.

Aniki ra afa azini i oturia pari ‘duzu. Emuta Opini ri ni drozi ovu muta rugbu, zizaru ri. Ama ecaki di asiveza be ‘bo. Sawa di enyia ogogo. Ama amaki Eceta o’du amaniri niri ‘bo azini Eri ovu di ayuzaru ‘bo. 

Ama mu eceta Agaza’ba drilesi ri vuri ‘du Sabatu ‘disi, ovu andra ‘duzaru arizazu, sawa asivezani ri alia. Ama ama tra wudukurusi ara, Erima E’yo ma ageyia.

Mi emu ovuzu esele ‘yeza amboru ‘di vuri Sabatu si Sawa Mudri ondresi (4PM), Jeffersonvili Sawa si, amani ama traria E’yo erizu: 63-0901E – Asivezaki.

Adri. Joseph Branham i
    

Efuza 12:11

Yeremia 29:10-14

E’yo Ba Lukani 16:16

E’yo Ba Yohanani 14:23

Galatia 5:6

Yakobo Alatararuri 5:16

Amuro A’ita Kililirini Leleturi,

Pale alu dika, ma eri esu ewa ewa e’yo nzeza ‘bazu O’dukoti, Mungu ma ngulupi ma waraga Aleniru ‘di, ovupi sizaru Ari Erinisi, nzezaru O’duko Erinisi ‘di, ma efi amani ngopi yari. Afa dria nduni ma efi yo. Aleki Eri engazu ele asi amania azini Eri fe amadri Ale Kililiru Erini ri ‘bo. Afa azi ecopi ama sepi engazu E’yo ‘da vusi ni yo. Apita azi idri amani ma alia nduni yo aga Eri erizu o’yoria amabe kile Agyi azi agyi azi be rile.  

Ovuni ata ama’i ku, eri Eri’i oapi ama alia ri, Ima ngulupi omvepi ri’i. Eri aliru ni aliru azi omvezu ri’i. Ayiko adaru play ekpazuri azini Munguni erizu o’duko ‘ba adani ayuzu luzu amani, ama Eri ma ‘ba pele’bo ‘diyi ki. Luzu amani Eri le andra ama denga wudukuru vuti ovuni o’bazaru ku; a’disiku Eri ni andra ra kini ama nga mu Eri le ra ama ngulupi si dria, azini ama nga oa adaru Erivu azini E’yo Erini vu.

Afa dria amani lele ‘diyi, Eri feki ama dri ‘bo. Afa azi ecepini yo. Fe andra Eri ma E’yo ma ovu sizaru waraga le azini mba di andra tani eli alifu alifu ani eri eco di ale dria andra ovupi Eri ma asia amaniri lu amani beni.

Ani di ale Eriniri eca’di ata angiri amani kile Erini andra ‘yo amani rile kini: “Ma nga emu ruati alia dika e’yo nzezu tia bivu emini ani vata-ako ma ovu yo, abaza ma ovu yo, e’yo nde ma efi eceza ma ovu yo beni. Ma nga sawa mani ‘du Ale Mani ecezu emini beni, azini emi nga eri erira dika azini dika azini dika. Ma le mima ni kini, Atani Ma alia, Ma emi alia, emi Ma alia, ama ALU. Za emini ri Za maniri, fala emini ri Fala maniri, orindi emini ri Orindi maniri.

Ama nga afa dria Asi Mani aliari nze dria dria. Ma nga eri ‘ba gboru ani emi mu ni abaza kokoru, E’yo Mani sile’bo azini nzele ‘bo ‘diki emi ni, azini eyi cakini nga e’de ku. 

Ma nga A’ita Kililiruri fe emini, azini Eri nga ovu Drile e’yo driani ri’i. Ari’bo ka tro ‘yo ngonia ri ti, Eri nga Drini cera emini ovuria A’ita Kililiruri be E’yo Manini ‘yo emi ‘dale ri ma alia ria. Ari’bo ka tro o’bi luzu emini ngole yari ti, emi eriki ata eriku. Emi bile ovuki azuzaru ci afa azi ci ndunini pe lu afa Orindi Manini ‘yo emini ‘bo ri vu. Ovu ‘izaru asi emini pi alia, ani afa azi yo ngapi capi fepi emini muzu ‘Erivu ri si ri.”

A’ita Kililiru amani ovuzu eribe O’dukoti ‘di nizuri si oa’da ni ‘Di Opi ‘Yoni ni, ama A’ITA KILILIRU alu alu ‘da ayu aziza dria Erini ‘yo E’yo Erini alia eri amani ri ni. Am aka ovu azoru ani atita lezu, eri amani. Akaki afa azi cini le yani, ama ecoki ovu eri be ra, a’disikuni ama ecaki di odu-osuza be ‘bo Orindi Erini risi. Ama eri ma messia ondu-osuzabe o’du asizu si riki, engata Yesu Kristoni ri e’dazu.

Eri e’yo aleni ni Erini Erima ngulupi osuria ama alia. Ama ecaria Alu Eri be Ondreta Okubiza amboru ‘da ni. Eri ma Orindi ni ‘dia indi amabe azini ama alia. Ama ovu lu afa ‘yeza aluni be, ‘da lu Eri a’izu, Eri aizu.

Ama ovuni Mungu ma ‘Ba O’dukoti-ojipi malaika 7 zu ri’i ku, te ama Eri ma agyi anzi azini ezo anzi ki. Dri amaniki Eri ma Driki. Ama a’iki afa ovupi nzezaru tepu dria ri ovuzu ‘Di Opi ‘Yoni ni. Eri E’yo idriru ri.

Eri ma nabi ni ama ocepi i. Amani E’yo o’duko ‘duri eriria, ama a’ira Eri Mungu i e’yo nzepi kpi amani ri’i. Ama ovu A’ita Kililiru be ‘da a’izu.  

Amani ama traria wudukurusi ara Munguni erizu e’yo nzeria amani geri Eri ma nabi vurisi, a’ita amaniki ovu engazaru oru azini oru Munguni Eri ma Amuro ejiria tualu E’yo Erini ovupi e’dazaru ‘bori ma ageyia.

Drusi ovuni nga o’du azi ‘diyi pile ku. Ama nga ama A’ita Kililiru Erini fe amadri ‘bo ‘du azini ama nga Eri ayu afa dria amani avata ‘diyi pini, azini ama eri ai Aci Piriru rini e’yo nzeria Eri ma ‘ba o’dukoti-ojipi ri vusi ani luria amani: 

Mi ni afa mani ‘ye mi be ri ra? Emi omveki ma, “emi ocepi i”; azini emi ‘yoki ‘yeke, a’disiku ma ‘dale ada. Ma ka, emi ocepi ru, ovu e’dazaru Yesu Krsito be ra, ma ni Eri ma azi ‘yezu risi, mi a’i di E’yo mani ri. ‘Yeta A’itani ‘di ‘yezu ‘dile, dri tizu emi dria risi, ma to azo azini suza emi dri candi fepi ‘diki ‘bo. Emi a’iki ‘da, ani emi nga ovu afa emi ni ziri be, eri ka tro ovu a’dunia ti, a’disikuni afa dria eco’i ra ‘ba a’ipi rari pini. Ani emi ka e’yo zi, emi a’iki kini emi esu afa emini zi riki ‘bo. Azini ma a’i adaru ra kini ma esu eri ‘bo, azini asi mani alia ma ai emi alu alu ama atita ra, ma ai eri ra, kini ovu ‘yezaru ‘bo dini. Ma a’i eri ra, Ma a’i eri ra ma ngulupisi dria.    

Ama a’iki ma ngulupi si dria, O’dukoti ‘dini ovuzu O’duko Munguni nzezaru, o’duko ‘duzaru, e’dazaru azini tambazaru o’du ‘dini ri i. ama a’iki ra afa ci amani zi riki, ama nga eyi esu ra, a’disikuni Eri ‘DI OPI ‘YONI NI ERI AMANI.

Mi emu ru ecizu amabe Sabatusi sawa azia etusi (12PM), Jeffersonvili sawa si (Sawa Alu ondresi Ugandaa), afa ci amani le riki esuzu amani Mungu m nabi ni eriria luria amami geri: A’ita Kililiru 63-0825Eesuzu ngonia ri.

Adri. Joseph Branham i

E’yo Siza lazaru riki:

E’yo Ba Marakoni 11:22-26 / 16:15-18

E’yo Ba Yohanani 14:12 / 15:7

Ebrania 11:1 / 4:14

Yakobo 5:14

1 Yohana 3:21

‘Ba Ti-ecipi Tualu Leletu ‘Diyi,

Sawa pi ‘Dani ‘dani be nga efi afa alu ru ewu Mungu ni ‘ba Erini ri pie efizu afa alu ru si risi.

Ma mi ai emuzu ruefizu afa alu ru Amuro Munguni be tualu ani O’dukoti 63-0825M Ma Nga Agaza Esu Ngoni Ngoni Ya? ni erizu Sabatu ‘disi Sawa Azia etusi (12PM), Jeffersonvili Sawa si (Sawa Alu ondresi Ugandaa).

Adripi Joseph Branham i

E’yo siza lazaru de nga inzita e’doni ku ri:

E’yo Eceza 3:21-22

Amuro Okpobe Tu Leleturi,

Amani ndra riria tualu angu ‘Buari pi alia wudukurusi ara ndra Sabatusi, ama ndra O’duko Munguni lu a’dule ovupi e’dazaru ra ri eriria e’yo nzeria amadri. Sawa dria rile, ama ndra asi’baza angirini ma alia afa ndra Erini mu ‘yo mani ri erizu. Afa Orindi Alatararuri ni mu ece amadri andruri a’duni?

Ama ecoki do Eri ma E’yoki eri pale kakau drio ra, te aniki andra ra kini o’du ‘da ni mu ovu ndu. Ama ta mu afa azi amani ta oku eri drio ku ‘dileni eri. Ama ta vini E’yo Eceza angiri aga amani ta eco ega ‘dileri esu. Eri ta ama asiki nzi, ama omi pie azini ama idri pie, azini afa azi di ovupi SAWA ‘DISI sawa ‘yeke ri alia ecezu ‘dileri ece.

Ani ‘ye’i ra. E’yo amboru ndeepini Izio ni ta eco ‘yo azini ece Erima Amuro dri ri, “Mi e’yo dria gapi Mungu ma alia treri’i ruatisi, okpo ‘da’i. Afa ndra drio Ma aliari, Ma da eri Kristo alia; Kristo ma dria, Ma ‘daa’bo EMI alia. EMI ma Amuro E’yoru kililiru pele’bori’i.”

Ama oaza driari mbu ndra oru ayikosi. Ata ‘yo ndra amadri, ama Eri ma Amuro’i. Ama ‘ba Erini leeri ki. E’yo Eriniri ti mva ama alia ‘bo, LU E’yo Erini ri’i. Ama okpojo ovu di opizaru ci afa azi cini ni. Te ma azini taa ama ava mba…AMA’I!!.

Azini ini ngoni yari ra? Awini ndra ‘ba azi nduni ma ti epe E’yo ‘diki luzu amadri ni ku, Emu dra azini oa dra ‘ba ada alai pale alu dika, ani Eri eco ndra beni o’yozi kpi, tia bivu, ani luzu ama dri: “Ale mi to, ma Amuro aluzaruri.”  

Ama leki ra ongo ngozu, Ama leki ti-ecita ra, Ama leki ama trazu ‘ba a’i’ba ‘diyi be ra, tea fa amani le agape dria ndeni ri O’duko Munguni erizuri’i; ‘Di Opi ‘Yoni ni e’yo nzezu kpi amani ri’i. O’dukoti alu aluri ni waraga aleni AMA MA alu aluni ri’i. Eri ‘ba ndra E’yo dria Erini ndra le lu amadri ri ki tepu o’duko ‘duzuri ma dria ani ama ecoki eyi eri ama ngulupi ni be.  

Eri mu amani a’du nze azini ece Sabatu ‘disi amani ama tra ria? Sawa ‘di ngo’i?  

Isaya nze ndra azini ‘yo kini, “Aliria ni nga mva esu ra azini agimva ti ra”, te eri ndra eli 700 nde nga sawa ‘dani i ‘yezuri ece nga ku. Opi Daudi ‘yo ndra, “Eyi esoki ma ma driki azini ma paki.” Nze ndra e’yo ekile eri ndra eri ma driki azini paki rile, te Eri ndra nga sawa ni ku ‘dani pari ‘duzu a’disikuni eri ndra nga eli 1000.  

Mungu nze ndra e’yo ra ama nabi ama o’duniri vusi azini ‘yo ndra e’yo kakau ecoki ni ndra pari ‘du ku pere andu ka. Ama neria suruki azini wudukuruki eyi eciria tualu ko’bo nga driori le ku. Ama egaki ndra komunisimu ni ini afa azi ndra alipi ‘bo azini ovupi anzuzaru ‘bo ‘dileni ki, tea ma eri neria idri be tu azini eri nyafeni dri Munguniri pi alia, eri ni ndra ondri azini lu amani ri le.

Wudukuru ega ndra a’di ori gbatasi azini tisi ri de’i ‘bo ‘dini, azini ori gbaza a’di osu enyatabe siri ki di yo ‘dini. Te andru, ori gbaza a’di osu enyatabe siri eca ‘di e’yo adaru. Afa dria ovu lu otizaru lu ko’bo eri ni ndra ‘yo eri mu ovu rile. Sawa ni ‘di ‘dia indi.  

Sabatusi, Eri nga mu E’YO NZE AMA DRI KPI dika, tia bivu, ani ama nga waraga aleni ri ma azi ndra ovupi nzezaru azini tambazaru lu amani erizu beni ri eri dika. Eri nga mu a’du nze azini ece ama dri? Sawa ‘di ngo’i? A’duni pari ‘duni?     

Munguni Eri ma Amuro eciria tualu. Eri emuria tualu, engazu Etuni efuria azini ‘deria azini Oruleru azini Andraleru. Sawa azi ci ru ecizu tualu, ani eri sawa vaa ‘disi. Eri i eciria tualu a’duni? ‘Duta ‘Buari ni.

Ani O’dukoti ‘di ni di ‘adu ‘yeria amani O’duko Munguniri eriria wudukuru ageyisi ara? Amuroni eciria tualu E’yo be. E’yo ‘di Mungu’i. Izio ni E’yo’i. Amuroni ‘ba E’yo ‘da eripi ri’i, azini ama emuria tualu Eciza azi alia. Ama ecaria ngonde Okubiza azi amani ecaria Alu E’yo beri ni. 

Afa dria Ata ru ri, Ma’i; azini ma ma dria ri, emi’i; azini emi dria ri, Ma’i. O’du ‘da alia emi nga nira kini Ma Ata ma alia, Atani Ma alia, Ma emi aa azini emi Ma aa” Eni ra? “o’du ‘dasi” O’du ngo’i? O’du ‘di’i! Ama esu kini e’yo amboru zizaru Munguni ri ni ovu ecezaru. Kirikiri, geri mani ‘da lezu ri!

Sawa ni sawa ‘disi. Ayi ni sawa ‘disi. Amuro ede di i ngonde be Izio dri. Ama eriria amani awu sawa inini aziavu ri eriria ‘yozu “Mi ndre, Izio emu’bo!” Ama kpi sawa asizani vu.  

Mi emu ruecizu amabe E’yo ma ageyia, Sabatusi sawa azia etusi (12PM), Jeffersonvili saa si (saa alu ondresi Ugandaa), amani O’duko Munguni eriria ‘yoria amadri eri: Sawa Ecitani Azini Ecetaniri 63-0818

Adri. Joseph Branham i

E’yo Siza lazaru riki

Zaburi 86:1-11

E’yo Ba Matayoni 16:1-3

Erima Asini Lele Ambamba Leleturi,

Ma inzita amboru tu ni be wudukurua. Opi ni driwala fe mani Eri ngulupi ecezu emi dri, ani eco ani e’yo nze kpi emidri afajo Erini ndra pee denga wudukuru vuti ovuni ‘bazaruku Eri ma E’yo driari nzezu azini ecezu emidri ri vusi.

Ovuni lu agu azi Munguni ni’i ku, Eri Mungu ma Ngulupi’i, Aci Piriruri’i, Orindi Alatararu e’yo nzepi midre tivu bivu ri’i, azini ama ovu driwala azini inzita be Eri ma nabi peeri omvezu, AMA OCEPI i.

Ovuzu abazaru akaki di ‘di agu azi eriri siria, eri ma egata kia, eri ma omi kia, kaniku eri ma e’yo efi eceza E’yoni ri iya ‘dileri di yo. Eri Mungu ma Ngulupi i ‘DI OPI ‘YONI nzeria amani ri’i.

Ma ni ra ‘ba ki are ‘dasi are are, tea ma Eri mvu aa. A’disikuni Eri afa lu ci ecopi vico amani atipi azini apita fezu idri amani ri ni ra ri i. Eri E’yo Idri ‘Dani ‘dani ri ni ri i. Amani ria, Eri O’duko Munguni ri i. Eri O’dukoti sawa ni ri i. Ani, eri E’yo i, O’duko i, Tepu ki, KAADRI KU AFA AZI YO!

Ama ecizaru tualu Driceza aluni ma vutia ko’bo Israeli vu ndra oku ri le. Mungu alu, e’dazaru Aci Piriru si, azini Ima ngulupi eceria Eri ma nabi vusi E’yovu. Mungu aluri’i, Aci Piri aluri’i, geri aluri’i andrusi. Mungu cani Ima obi ojaku. Eri ma otita cani i oja engazu Eri ni e’dozuri vusi ku, a’disikuni Eri asiza kokoru azini Eri ma otitaki egata Erini ri pie dria kililiru. 

‘Da di be e’yo amani ovuzu asi ‘baza azi angiri nibe muzu afa Erini mu ece amadri Sabatusi ri erizu beni ri. Eri ‘yo ndra kini I elo eri ma ti emveleru riki, eri ma angu alialeruki amveleru pie dria ‘bo, azini ata e’da eri ra E’yo siza ki si tiaa ‘deree ‘dini, kpere aniki ra kini O’dukoti ‘di dria driaria E’yo Adani. Ozini azi yo.

Te Sabatusi, Orindi Alatararuri ni nga mu O’dukoti e’du azini Eri ‘ba angu Erini ovuzu sawa ‘disi ria. Eri nga Eri si kpi angu ndra Eri ni e’dozu ria, azini Eri sizu kpere sawa sawa ‘disiri alia.

Ama ma emvuki ngalu engazu afa Munguni mu lu azini ece amani Sabatusi ama ocepi vusi ri vu:   

Emi ‘ba asi mani ni lele ambamba ri ki, ‘ba ovupi tizaru Opi dri Orindi si azini E’yo Adaruri vusi riki. Ama lu zi azini a’i Opi ni tusu cozu emi dria azini emi ‘bazu sozaru enyia tualu baka ale Kristoni risi. 

Opi fe ma dri Nyaka tambazu emi dri; ribi ala azini e’datasi mulimuli ‘dileri kanisaa ‘di alia ‘dia. Azini andrusi, emi nga mu angiri ni esu tepu dria. Eri nga mu Yesu Kristoni ece emidri sawa amani oazu alenia ‘disi. O’dukoti ‘di ni nga emi tamba azini emi dri okpo fe. Eri nga emi dri okpo orindisi azi ngaza ovupi drile ‘daleri niri fe.

Ma ma lu nga emidri pale alu dika mani neria ra emi leki eri erizu ra risi: emi kalafe ovupi opezaru, ‘bale ndra drio ‘daki, ‘ba lu mupi eri eripi ra ri ki. Emi Amuro pele’bo ngapi mupi e’depiku te ngapi ru biipi E’yo ‘dabe ‘ba azi asipi wudukurua ‘di kaki tro e’yo ‘yo ruania ngole ti riki. Emi Amuro E’yoni ri i! 

Mungu ece e’yo zizaru amboru ‘di midri ni, ani ‘da Osita o’diruri’i. Sawa ‘disi Eri di emi eji tualu angu e’yo eceza ni ovuzu tiecita kililiruri alea ria. Munguni eri ecezu Eri ma E’yo vusi ‘yeta alualu riki si, afa ndra Erini ‘ye alualuri kisi, E’yo e’daria gboru midri.

Kirikiri mi avi di ku, Orindi Alatararuri, a’dule, ni Ecepi e’yo eceza Kristoni geri Munguni risi ri I, azini enga ovu ayi dria ma alia. Mi ma egara, ayi dria alia! E’yo Munguni emu ndra a’divu ya? Nabi vu, a’dule.

Ma amara kini ma e’yo nze ‘ba alifu dri tepu driasi, ama ovuki azi ngaza tepuni be wudukurusi ara. Azini eri e’da kini ama ecoku tepu ki e’de ‘dia pale mudri cika aga angu azia ri ra. Ma lu asi ‘ba kini agupi dria tepu ‘diki eripi ri, azini oku dria, ki nga e’yo nde vaa ra.

Sawa ‘disi e’yo ni di eyini kaki le tepu azi cini eri ria, te ma le ni emi ma eceki di erizu ku. Emi ‘ba tepu dria ‘diki; amve ase talaa ‘dale azini angu ci emini Eri erizuri alia, sawa emi eriki.

Ama ovupi tepu pie ci afa amani a’iri pi dria. Ama ovu tepu pie ci ruta kanisa aliari dria, geri amani andriza amaniki suzu kanisa Munguni alia ri, geri amani emuzu ‘dia tualu azini rizu tualu angu ‘Bualeru alia ri pie.

A’ba asi kini ma dria tepu dria ‘di vaaki ‘da ra. Mi ka vaa kuye, Mi ego dri ro tepu ‘divu dika. Ma nini ma nga ovu emi pie ezuru ngopi ari ku. Mi ma egara, ‘Di E’yo Adani, ‘OPI ‘YO ‘DI NI vuri. Eri E’yo Adani. Eri E’yo Sizani.

Dri niki Ruati ni be ecaki di afa aluru ‘bo. Eri Mungu I ovupi e’dazaru mi alia, Eri ma ‘baru ri’i. ‘Da di be asisile agupi pini ovuzu oku ini be iri ku ri; te ki alu. Mungu i azini Kanisa Erini ri ki alu, “Kristo mi alia,” Mungu ma e’yo eceza amboruri’i.  

Ovuni ma egatani ku; eri Okpo Erini ri i, eri E’yo Erini ri i. Azi ndra eri ra; eri di be ‘di. Eri ‘yo ndra eri ta nga ovu ‘dia ci, ani eri indi. Emi agupianzi Munguni ki. Ovuni emimu oa ‘dini ku; EMI SAWA ‘DISI!

Mi efi kopo amani Opi, ama enga eri ‘bua Opi, mi emu vico idri amaniri niri atizu. Mikati ‘Buni, mi fe ama dri nyaka, kpere erini cazu caca. Mi efi kopo amani, mi efi tre azini mi ‘ba ama ‘yeke.

What a time of revival we will be having around the world as we gather Sunday to hear Sawa ava engazani amani nga muzu ovuzu eribe wudukurusi ara Sabatu siri ngo’i amani: Kristoni E’yo Mungni Zizaru ‘Diyi Ma Ecetani 63-0728  eriria sawa azia etusi (12P.M) Jeffersonvilli Sawasi (Sawa Alu ondresi Ugandaa).

Adri. Joseph Branham i

E’yo Siza Lazaruri ki

E’yo Ba Matayoni 16:15-17

E’yo Ba Lukani Capter 24

E’yo Ba Yohanani 5:24 / 14:12

1 Korinito Capta 2

Efeso Capta 1

Kolossia Capta 1

E’yo Eceza 7:9-10

Sipiringi Werea sawani, sipiringi Kuluru sawani, Kani mi ngo’i yani ti leleturi:

Ama dria Ruati Kristoniri, ama angua, asianzu alia, o’biria azi onyiru ndeepi ni ri ‘yezu Eri dri. Afa kalaa ndunisi ama asikini ku, pe lu Eri ma E’yoni, O’dukoti oa’di’i.

Aleki l utu Mungu ma nabi ni erizu ‘yoria ama dri: “Afa azi lu ci emi ‘ba o’dile ‘di pie. Emi lu ‘ba azi nduru ‘dileni ki idri mani alia. Afa azi vini ci ani mani lezu drifuzu emi pie azini lu e’yo nzezu emi pie ri”. 

“Ma angu ndre ara azi ngaza mani e’yeri di ageyia; Yesu Kristo alurile aje, andru, azini ‘dani ‘dani, azini ma afa Eri ni ‘ye ri ne ra; amuti Amuroni ki omveria azini eciria tualu. Eri Pa omberu azi ‘duria engazu pa omberu vu”.

Acaki di pari azi ani Eri ni ecazu di ama Bongo aje orurusi rile ria ‘bo. Ama sekidi ama ‘bo engazu afa ci ‘ba cini ni ‘yo ama iejipi Eri be kuri vusi ‘bo. Ama ndreki ni angu afa ‘ba ada ni esu kaniku ‘yo ri vu ku, ama angu ndre afa Munguni ‘yori vu azini afa Erini ndra azi kini I nga mu ‘ye o’du amani ki siri pi vu, ani ama Eri ndreria Eri ‘yeria.

Eri ma Oru-ndeni ni. Afa dria amani ovuri, afa dria amani ndra ovuri, afa dria amani asi ‘bazu muzu ovuzu ri, ovu ‘bazaru O’dukoti di ma dria. Eri aga idri ra amani ria.  

Nga driori le ku a’di wudukuruni alia, ama Munguni neria bilendu liza feria, ru oturia e’yo liza ni. Mbumbu enyata beri ovuki o’yizaru kiloru ‘bo, afa dria ni ovuria ‘bazaru gonde.   

Sawa ‘disi, ovuni lu ongulumu ‘bani wereruni ku, ko’bo ndra o’du Noani siri le, kaniku o’du Ibrahimuvu ri le; eri Munguni ‘bilendu liza fezu ‘ba wudukuru dria ri’i, e’yo nzeria Eri ma nabi vusi, ‘di mi bilendu liza asizuri’i.

Eri luria ama dri, “Denga ama feni di ma ‘ye’i ku, ama omveza asizuri ‘ye, lu ko’bo mani ndra ‘ye Sodomua ri le, emi efuki amve eri aliasi. Mi oa gonde. Afa azi ni mu pari nduria”. 

Wudukuruni i ati eyi ma afa ‘ye amboru onita sayancinisi ‘diki si; afa omuza dra ejipi a’bianzi nde pini ‘diki si. ‘Ba onduaru azini onita be ‘diki muria kalaa omi ayuzu’i ria leru:UN i, NATO i, Ti-ecita Surupini ‘diki. O’du alu alusi ama neria e’yo liza ni ecaria enyia enyia. Afa ndra nabi ni ndre ree ani ‘yozu amani eri nga mu i ‘ye ra oa’da, eri di pari ‘duria: Rassia, A’di, O’du, Vatikani, Yahudi, Mbumbu Enyatabe ‘diyi.  

‘Baza azi ‘dika yo osuzu a’duni mu pari ‘duni yari. Ama eri neria pari ‘duria o’du dria, azini ori wudukuru aliari ni e’yo adani azini eri di eceria angiri angiri o’du alu alu vusi.

Tel u ko’bo Eri ni ndra ‘ye o’du Hezekiani siri le, Munguni ndra e’yo nzeria Eri ma nabi vusi ani ‘ba pi ma bilendu lizu ria, ‘yozu, “Emi ovu gonde, a’disikuni e’yo liza ki gonde e’dezu”. Eri ma nabini ndra ‘baki ‘baria gonde sawa ndra emupi ‘dani.  

Noa ‘ba ndra ‘baki gonde sawa erini si. Eri ndra omveza asi ndrezani de nga e’yo liza emuni ku. Mungu ovu ndra geri feleri be ci, nabi ni eyi ma dri cezu.

Azini Eri sawa dria Eri ma E’yo mati epe Eri ma nabi vusi, kile Erini ndra ‘ye sawa Noani sirile. Eri ‘ye ndra afa aluri o’du Noani si. Odu Eli…Musani si, ama esu kini Eri ‘ye ndra afa aluri. Eri epe ndra eyini Eri ma nabi ma ti, ani eyi e’da ndra eyi engazu a’itaako vusi te. Sawa ‘disi, ‘da di bele o’bi ndra efupi amve riki. ‘Da di bele o’bi ndra Eri a’ipi ri ki.

Ama seki ama ‘bo engazu a’itaako driari vusi. Mungu ovu geri feeri be ci Eri ma Amuroni andrusi. Azi ndra amani Eri ma E’yo alia, “De nga e’yo liza ecaku, ma nga emini nabi azi ma ti epe Ma Kabilo wereru e’yereri ki trazu, azini ma nga ki fe ri kala alu dria, azini eyi nga ovu asi anzuru alia, e’yo liza azini apata nga emupi emu emu di tezu”.

Ama Kabilo wereru ‘daki. Ama ‘ba Ata ni leriki azini ama Eri ma Emuta peleru di teria asi ‘baza angirini be. Wudukuru ni di e’deria ndu ndu ama ageyia, te ama ava liza alia azini asianzuru alia.  

Aniki ra kini ama Eri ma ale kililiru alia. Ama tro wudukuru kalaa nguaria ti, Mungu e’de geri ‘bo amani ecozu ama trazu tualu Eri ma E’yo ma ageyia, Eri ma O’duko ma ageyia. Eri Mungu ma geriko feleri’i.

Azini nabi e’da ndra eyi ti Mungu ma geriko fele ri dri. Sawa ‘disi, ‘da geri Munguni e’yoki ‘yezu ri. Endre ra?

Mi emu e’yo liza emupi ri truzu ama’be azini mi eri: 63-0724 Mungu Cani ‘Ba Azi Omvezu E’yo Lizani Dere Fe Nga Bilendu Liza Eridri Rakaka ‘Dini Ku, Sabatu ‘disi sawa azia etu alasi (12PM), Jeffersonvili sa si (sawa Alu ondresi Ugandaa). Eri O’duko Munguni e’yo nzepi amani azini Eri ‘yoria amani: ‘Di Ma geri fele o’du andruri niri.    

   
Adri. Joseph Branham i

Isaya 38:1-5

Amosi Chapta 1

AMURO TI-ECIZA ALIA E’YO Nzepi I Leletu ‘Diyi,

‘Di sawa azi amborutu idri mani alia ‘dileni ma agyipi la! Ama E’yo Munguni neria ecaria pari eyi nia ama miletia aga nga drio ri ra. Eri drizaru tu amazu Eri A’di’i yari, ‘ba o’dukoti ojipi Eri ni ti epeeri a’di’i yari, azini di NIZU AMA A’DIKI YARI! Awa’difo Ata. A’bani ndra asi kini e’yo diki mu eyi ‘ye ‘dileyari ku, te eyi ‘di eyi ‘yeria ama mileti mbaria, ko’bo geri Mi nabi ni ndra ‘yi tepu driari le.   

Ma asi‘baza angirini alia nezu Eri ma Orindi Alatararu ni ama ese ria enyia Eri vu aga nga driori ki ra wiki Engatani ‘disi. Ma le di emi alu alu omve ti ecita ‘yezu ama be O’dukoti di ageyia, Eri ma Amuro wudukuru si ara ri be. 

 “Ani, afa azi werea ‘dileni ka eca ‘bo, mi e’yo ‘ye o’dekua le a’dusi? Le mi ma ovu agupi ni. Mi ma nze e’yo ‘ba di pini,” amena, “ani emu di drile!” Amena, Mi di be ‘da. “Mi ma wu ku. Mi nze E’yo!” Amena. Kiri kiri, Ale ‘da tu. Mi owu mavu a’dusi? Mi ma nze e’yo ‘ba di pini ani emu di drile azi mini le nga ri vu. Eri tro a’dunia ti, ka ovu azoni, kaniku tro a’dunia ti, ‘ba draza ki engazu, kani tro a’dunia ti, Mi nze e’yo! Ma e’da eri ‘bo. Mi ma nze e’yo ‘ba di pini. 

Drile’ba amani esu ‘dole atita fezu a’ita amani pini, ani ama eco vini E’YO nze ani indi ‘do ngoleni. Mi emu ru trazu Amuro be wiki Engatani si, amani ama oturia Efuza asizu ri ni. Le idri amani ma fudri ra E’yo ‘Ba risi, a’disikuni a’bianzi di eri Tota alia. TE asisile azi di yo SAWA ‘disi Eri ma Amuro ni owuzu, TE E’YO NZEZU I! Emu di drile azi mini le nga ri vu. Inzita ma ovu Opi vu!

Amani drio ‘ye wiki Engatani si rile, ama ma a’buki ama engazu wudukuru vuri si amani eco dria ri si foni ki anyuzu te risi kani ka lu ovu e’daki ‘duzu, Esele O’duni riki erizu, azini tepu ki avizu engazu Lifeline appua kaniku angu ‘bani ecozu eyi enzezu intanetia si ria. Ama ma feki wiki alatararu di pi Opi dri, azini a’bakini Engata di afa raru o’bipini ri ni ku, te idri ‘bazu alaru E’yo vu, aku amani pi alia. Ma le ta amani dria ama etravu otita andraleru ‘di pini, Sawa Eastern Daylight Time (EDT) ni risi, pe kani ojata azi ma ovu ci ria.

O’DU SU

Eri ndra O’du su ma inisi Opi Yesu ni ndra ovuzu Ondreta Asizu ri be Eri ma ‘ba vutini bipi ‘diyi pie ani omu Agaza-drilesi de nga anzi Israelini efuki nga amvekuri yuzu risi. Drile’ba ‘di ngoleni ti ecizu Opi be aku amani pi alia, de nga ama wiki alaru ri ecaku, ani Eri zizu tusu cozu ama dria azini ama aku pi dria, azini amani afa dria amani le aci amaniri niri fezu.  

Ata ‘buari, ama awa’difosi ‘di si, sawa azi dika ru etrazu tualu, ‘dani ‘dani ma kala ‘doleru ria. Azini ama o’buti ‘disi okpo idriza ndru engazu Mivu, amani ava fezu aci nga ovupi ama drilia ‘di ni. Ama tra ama ‘doa ko’bo anzi Ebraniani pini ndra ‘ye o’buti drio drio rile, nyaka manaru ndra ovupi fezaru eyi dri ini alia ‘da esuzu ria, ani eyi ta mbazu o’du emupi ‘dani beni. Ama ama tra tualu Mana orindisi rini, o’buti ‘dosi, okpo fezu ama dri aci nde ni. 

Ama ma e’doki sa Mudrini iri (6PM) sawa amavu akua ‘doleruri si, ani ama ma eriki Eri luria ama dri kini ama di Efuza asizuria, amani ama traria Ogunga Erini ma ageyia O’dukoti ‘di erizu: Efuza Nazuri 63-0630M.

O’dukoti nde vutia, ama nga ama tra aku amani pie aku amania ani Omu Opini aizu beni.

Ama ‘ye sawa were vutia ovu angu intanetia ‘bani cazu ani tepu anzini inzita Kumunyo vuri ki esuzu alia ri be, kaniku, eri nga ovu ‘bazaru otita inzita pini ri alia redio The Voice Radio ru, esule Lifeline appua di alia.

O’DU TOWI

Ama ma fiki Mungu ziza alia aku amani pie san a obutisi (9AM), azini dika sa azia si (12PM), Opi ni omvezu tezu amabe azini Eri ma Amuro be wudukuru si ara wiki ama deta ndu ‘di alia; azini aku amani ki efizu Eri ma Orindi Alatararu si amani ama ngulupi owiria inzita fezu Eri ni ria. 

Ka ecora ama ma omi ma mu vule o’du ndra Kalivaria eli 2000 ma drilia alipi’bo da vu, ani ama ma neki ama Papi’i izaru pati alaza si, ani ama ma owi di vini ama ngulupi ‘dale indi afa Ata ni ayiko feepiri ki ‘yezu:

Mi ne de di sawa ‘disi, Eri ni ndra emuria wudukurua, esu ndra sawa ‘dasi a’itaako ovu ndra angiri tu wudukurua sa ‘da alia, te awini ndra Eri atri aluni ku. Eri mu ndra drile e’yo oluzu alurile, ‘ba ki atizu alurile. ‘Da feni ndra Erini asi oyata ku ye. ‘Ba e’yo onzopi ‘diyi ndra ci. Agu ‘da ndra onzozaru e’dozu Odekua ru kpere Eri ni draria pati alaza sia. ‘Da atri ndra Eri ra? Yo, culu. Afa ndra Eri ni leeri a’duni? “Sawa dria afa Ata ndra sii ri ‘yezu. Sawa dria afa Eri ni ayiko feepi ri ‘yezu.”  

Vutinia sawa azia nusu (12:30PM) ama ma egaki e’yo zita azi orodrirutu idri amani ma alia ‘dileni ma dria, amani ama traria Ogunga Erini ma ageyia O’dukoti ‘di erizu: IMi Idri Fudri E’yo Bari Si Ra Ya? 63-0630E.

Vutinia ama ma eci ama dika tualu ziza alia sa oroni etusi (3PM) Opi ni dizu pati alaza sia ri ma e’yo egazu.

O’DU AZIA

Ama ma etra ama dika ziza alia sawa na o’butisi (9AM) azini azia si (12PM), azini ama otu ama asiki afa angiri kulukulu Erini mu ‘ye ama eselia ri pi ni,

Vutinia sawa azia nusu (12:30PM), ama nga dria emu tualu E’YO erivu: Tota 63-0707M. O’DU NUKUTA EKARU SI mu pi ovupi Eri ma Amuroni wudukurusi arari ni mu ovu ngole. 

Vutinia ama ma eci ama dika tualu ziza alia sa oroni etusi (3PM) Opi ni dizu pati alaza sia ri ma e’yo egazu.

SABATU

O’du amboru wuzu dika ku ‘do ngoi ya, te E’YO NZEZU! O’buti engatani ‘do ngoleni ya! Ama ma engaki drioru ko’bo Adripi Branham ni ndra ‘ye o’buti eri ma agyi wereru, aria robini ru ‘da ni eri enga sawa mudrini alu o’butisi (5AM) ri le. Ama fe lu awa’difo Opi dri Yesu ni engazu dra aliasi risi:

Sawa mudrini alu o’buti ‘disi, ma agyi wereru agate be ikaruri esa ta mavu dirisaa ma engazu. E’data ko’bo eri ma asi wereru ‘da ni mu ahwete rile, eri ni ‘yo ria “Enga’bo.”

Sawa na o’butisi (9AM) ama etra ama asi alusi pale alu dika ziza amani ri ti idrizu, e’yo zizu ama alu alu ni azini amani ama oturia O’duko Munguni eriria.

Sawa aziasi etusi (12:30PM) ama nga emu tualu O’duti amani Engatani ri erizu: Mi Wu A’dusi? Mi Nze E’yo! 63-0714M.

Inzita ‘di ma vutia, ama ma etraki ama dika e’yo ziza alia, awa’difo fezu Eri dri WIKI MA DETA ONYIRU ERINI FE AMA NI I’BE AZINI AMURO ERINI WUDUKURUSI ARA RI BE ri si.

Eminiria ma adripi azini amvupi miri kala ‘daleruria ri pini, ma le emi ai indi ruecizu ama’be e’yo pari ‘dupi Jeffersonvili sawa si ‘di alia, sawa Mungu zizani otita di pi alia dria azini tepu mu avi Sabatu o’butisi ‘da si. Ma ama ra kini, Tepuki avizu O’du Susi, Towisi azini Aziasi etualasi sa Jeffersonvilinisi ri ki nga ovu ewa ewa emi abari pini, ani mi driwala ci O’dukoti ‘daki avizu sawa mi ama eri mini ‘yeki o’du nde alia ri alia. Te, ama le ta, amani dria ru ecizu tualu Sabatu si sawa azia nusu (12:30PM), Jeffersonvili sawa si O’dukoti Sabatuni ri erizu tualu.  

Ma le ta vini emi azini emi anzi ki ai tezu Creations ma karatasi azini embata pi ma eseleru indi, azini YF ma zita, emi aku ni eco ta ‘ye dria tualuri ki ‘yezu. Amani egarisi emi nga eyi lera eyini dria ovuzu engazu dria E’YO amani mu eri wiki ma te da siri ma aa risi. 

Otita wiki ma detani rini, e’yo otuta inzita Kumunyo niri ma dria pini ri pie, afa ngapi ovupi lezaru azi ngaza Creations niri pie, Engata ma Zitaki pie, azini e’yo azi oniza ndundu ‘diyi pie, mi ma ndre angu andraleru ‘di’i.  

Eri inzita amboruni ma dri emi azini aku emini ki aizu emuzu tualu Amuro be wudukurusi ara wiki ma deta ngapi tre INZITA SI, RU ECUZA SI AZINI ATITA SI ri. Ma a’ira eri adaru wiki ma teda azi mupi mi idri ojaapi drile aluru ni.

Adripi Joseph Branham i

AMURO TI-ECIZA ALIA E’YO Nzepi I Leletu ‘Diyi,

‘Di sawa azi amborutu idri mani alia ‘dileni ma agyipi la! Ama E’yo Munguni neria ecaria pari eyi nia ama miletia aga nga drio ri ra. Eri drizaru tu amazu Eri A’di’i yari, ‘ba o’dukoti ojipi Eri ni ti epeeri a’di’i yari, azini di NIZU AMA A’DIKI YARI! Awa’difo Ata. A’bani ndra asi kini e’yo diki mu eyi ‘ye ‘dileyari ku, te eyi ‘di eyi ‘yeria ama mileti mbaria, ko’bo geri Mi nabi ni ndra ‘yi tepu driari le.   

Ma asi‘baza angirini alia nezu Eri ma Orindi Alatararu ni ama ese ria enyia Eri vu aga nga driori ki ra wiki Engatani ‘disi. Ma le di emi alu alu omve ti ecita ‘yezu ama be O’dukoti di ageyia, Eri ma Amuro wudukuru si ara ri be. 

 “Ani, afa azi werea ‘dileni ka eca ‘bo, mi e’yo ‘ye o’dekua le a’dusi? Le mi ma ovu agupi ni. Mi ma nze e’yo ‘ba di pini,” amena, “ani emu di drile!” Amena, Mi di be ‘da. “Mi ma wu ku. Mi nze E’yo!” Amena. Kiri kiri, Ale ‘da tu. Mi owu mavu a’dusi? Mi ma nze e’yo ‘ba di pini ani emu di drile azi mini le nga ri vu. Eri tro a’dunia ti, ka ovu azoni, kaniku tro a’dunia ti, ‘ba draza ki engazu, kani tro a’dunia ti, Mi nze e’yo! Ma e’da eri ‘bo. Mi ma nze e’yo ‘ba di pini. 

Drile’ba amani esu ‘dole atita fezu a’ita amani pini, ani ama eco vini E’YO nze ani indi ‘do ngoleni. Mi emu ru trazu Amuro be wiki Engatani si, amani ama oturia Efuza asizu ri ni. Le idri amani ma fudri ra E’yo ‘Ba risi, a’disikuni a’bianzi di eri Tota alia. TE asisile azi di yo SAWA ‘disi Eri ma Amuro ni owuzu, TE E’YO NZEZU I! Emu di drile azi mini le nga ri vu. Inzita ma ovu Opi vu!

Amani drio ‘ye wiki Engatani si rile, ama ma a’buki ama engazu wudukuru vuri si amani eco dria ri si foni ki anyuzu te risi kani ka lu ovu e’daki ‘duzu, Esele O’duni riki erizu, azini tepu ki avizu engazu Lifeline appua kaniku angu ‘bani ecozu eyi enzezu intanetia si ria. Ama ma feki wiki alatararu di pi Opi dri, azini a’bakini Engata di afa raru o’bipini ri ni ku, te idri ‘bazu alaru E’yo vu, aku amani pi alia. Ma le ta amani dria ama etravu otita andraleru ‘di pini, Sawa Eastern Daylight Time (EDT) ni risi, pe kani ojata azi ma ovu ci ria.

O’DU SU

Eri ndra O’du su ma inisi Opi Yesu ni ndra ovuzu Ondreta Asizu ri be Eri ma ‘ba vutini bipi ‘diyi pie ani omu Agaza-drilesi de nga anzi Israelini efuki nga amvekuri yuzu risi. Drile’ba ‘di ngoleni ti ecizu Opi be aku amani pi alia, de nga ama wiki alaru ri ecaku, ani Eri zizu tusu cozu ama dria azini ama aku pi dria, azini amani afa dria amani le aci amaniri niri fezu.  

Ata ‘buari, ama awa’difosi ‘di si, sawa azi dika ru etrazu tualu, ‘dani ‘dani ma kala ‘doleru ria. Azini ama o’buti ‘disi okpo idriza ndru engazu Mivu, amani ava fezu aci nga ovupi ama drilia ‘di ni. Ama tra ama ‘doa ko’bo anzi Ebraniani pini ndra ‘ye o’buti drio drio rile, nyaka manaru ndra ovupi fezaru eyi dri ini alia ‘da esuzu ria, ani eyi ta mbazu o’du emupi ‘dani beni. Ama ama tra tualu Mana orindisi rini, o’buti ‘dosi, okpo fezu ama dri aci nde ni. 

Ama ma e’doki sa Mudrini iri (6PM) sawa amavu akua ‘doleruri si, ani ama ma eriki Eri luria ama dri kini ama di Efuza asizuria, amani ama traria Ogunga Erini ma ageyia O’dukoti ‘di erizu: Efuza Nazuri 63-0630M.

O’dukoti nde vutia, ama nga ama tra aku amani pie aku amania ani Omu Opini aizu beni.

Ama ‘ye sawa were vutia ovu angu intanetia ‘bani cazu ani tepu anzini inzita Kumunyo vuri ki esuzu alia ri be, kaniku, eri nga ovu ‘bazaru otita inzita pini ri alia redio The Voice Radio ru, esule Lifeline appua di alia.

O’DU TOWI

Ama ma fiki Mungu ziza alia aku amani pie san a obutisi (9AM), azini dika sa azia si (12PM), Opi ni omvezu tezu amabe azini Eri ma Amuro be wudukuru si ara wiki ama deta ndu ‘di alia; azini aku amani ki efizu Eri ma Orindi Alatararu si amani ama ngulupi owiria inzita fezu Eri ni ria. 

Ka ecora ama ma omi ma mu vule o’du ndra Kalivaria eli 2000 ma drilia alipi’bo da vu, ani ama ma neki ama Papi’i izaru pati alaza si, ani ama ma owi di vini ama ngulupi ‘dale indi afa Ata ni ayiko feepiri ki ‘yezu:

Mi ne de di sawa ‘disi, Eri ni ndra emuria wudukurua, esu ndra sawa ‘dasi a’itaako ovu ndra angiri tu wudukurua sa ‘da alia, te awini ndra Eri atri aluni ku. Eri mu ndra drile e’yo oluzu alurile, ‘ba ki atizu alurile. ‘Da feni ndra Erini asi oyata ku ye. ‘Ba e’yo onzopi ‘diyi ndra ci. Agu ‘da ndra onzozaru e’dozu Odekua ru kpere Eri ni draria pati alaza sia. ‘Da atri ndra Eri ra? Yo, culu. Afa ndra Eri ni leeri a’duni? “Sawa dria afa Ata ndra sii ri ‘yezu. Sawa dria afa Eri ni ayiko feepi ri ‘yezu.”  

Vutinia sawa azia nusu (12:30PM) ama ma egaki e’yo zita azi orodrirutu idri amani ma alia ‘dileni ma dria, amani ama traria Ogunga Erini ma ageyia O’dukoti ‘di erizu: IMi Idri Fudri E’yo Bari Si Ra Ya? 63-0630E.

Vutinia ama ma eci ama dika tualu ziza alia sa oroni etusi (3PM) Opi ni dizu pati alaza sia ri ma e’yo egazu.

O’DU AZIA

Ama ma etra ama dika ziza alia sawa na o’butisi (9AM) azini azia si (12PM), azini ama otu ama asiki afa angiri kulukulu Erini mu ‘ye ama eselia ri pi ni,

 “Tota ‘di ejizu ma–ma ageyika olu’baru amve ‘dale ru pini ‘bo ri vutia, ani e’yo kongoloko ‘diki ‘yoria ‘boria, te, Opi, ma ‘ye ‘dale avavuza Mini so. Ma amara kini Mi ‘yo mani ‘yo ‘dale ri ni. Sawa ‘disi eri di ‘duzaru engazu ma opi driarisi ‘bo Opi. Ma–ma awa’difo si eri di ma dria ku. Eyi ma ‘yeki di afa eyi ni le ‘yeri eri si, Ata. Ma zi kini ma aiki eri ra. Ma zi Mini ‘ba dria pazu, Opi. Ava engaza azi ma e’do di kiri kiri, ani Okpo amboruni ma emu Kanisa ma alia de nga mu ni ku. Ma…Ovuni ewaewa ‘da zizu ku a’disikuni Mi azi ndra eri ra. Azini ama di angu one, Opi, eseta nazu amani ni ra kini eri nga mu afa amboru ki ‘ye ama eselia ‘davu”     

Vutinia sawa azia nusu (12:30PM), ama nga dria emu tualu E’YO erivu: Tota 63-0707M. O’DU NUKUTA EKARU SI mu pi ovupi Eri ma Amuroni wudukurusi arari ni mu ovu ngole. 

Vutinia ama ma eci ama dika tualu ziza alia sa oroni etusi (3PM) Opi ni dizu pati alaza sia ri ma e’yo egazu.

SABATU

O’du amboru wuzu dika ku ‘do ngoi ya, te E’YO NZEZU! O’buti engatani ‘do ngoleni ya! Ama ma engaki drioru ko’bo Adripi Branham ni ndra ‘ye o’buti eri ma agyi wereru, aria robini ru ‘da ni eri enga sawa mudrini alu o’butisi (5AM) ri le. Ama fe lu awa’difo Opi dri Yesu ni engazu dra aliasi risi:

Sawa mudrini alu o’buti ‘disi, ma agyi wereru agate be ikaruri esa ta mavu dirisaa ma engazu. E’data ko’bo eri ma asi wereru ‘da ni mu ahwete rile, eri ni ‘yo ria “Enga’bo.”

Sawa na o’butisi (9AM) ama etra ama asi alusi pale alu dika ziza amani ri ti idrizu, e’yo zizu ama alu alu ni azini amani ama oturia O’duko Munguni eriria.

Sawa aziasi etusi (12:30PM) ama nga emu tualu O’duti amani Engatani ri erizu: Mi Wu A’dusi? Mi Nze E’yo! 63-0714M.

Inzita ‘di ma vutia, ama ma etraki ama dika e’yo ziza alia, awa’difo fezu Eri dri WIKI MA DETA ONYIRU ERINI FE AMA NI I’BE AZINI AMURO ERINI WUDUKURUSI ARA RI BE ri si.

Eminiria ma adripi azini amvupi miri kala ‘daleruria ri pini, ma le emi ai indi ruecizu ama’be e’yo pari ‘dupi Jeffersonvili sawa si ‘di alia, sawa Mungu zizani otita di pi alia dria azini tepu mu avi Sabatu o’butisi ‘da si. Ma ama ra kini, Tepuki avizu O’du Susi, Towisi azini Aziasi etualasi sa Jeffersonvilinisi ri ki nga ovu ewa ewa emi abari pini, ani mi driwala ci O’dukoti ‘daki avizu sawa mi ama eri mini ‘yeki o’du nde alia ri alia. Te, ama le ta, amani dria ru ecizu tualu Sabatu si sawa azia nusu (12:30PM), Jeffersonvili sawa si O’dukoti Sabatuni ri erizu tualu.  

Ma le ta vini emi azini emi anzi ki ai tezu Creations ma karatasi azini embata pi ma eseleru indi, azini YF ma zita, emi aku ni eco ta ‘ye dria tualuri ki ‘yezu. Amani egarisi emi nga eyi lera eyini dria ovuzu engazu dria E’YO amani mu eri wiki ma te da siri ma aa risi. 

Otita wiki ma detani rini, e’yo otuta inzita Kumunyo niri ma dria pini ri pie, afa ngapi ovupi lezaru azi ngaza Creations niri pie, Engata ma Zitaki pie, azini e’yo azi oniza ndundu ‘diyi pie, mi ma ndre angu andraleru ‘di’i.  

Eri inzita amboruni ma dri emi azini aku emini ki aizu emuzu tualu Amuro be wudukurusi ara wiki ma deta ngapi tre INZITA SI, RU ECUZA SI AZINI ATITA SI ri. Ma a’ira eri adaru wiki ma teda azi mupi mi idri ojaapi drile aluru ni.

Adripi Joseph Branham i