Mesegi (O’dukoti): 65-0221E Melekizedeki ‘Di A’di I?
Amuro Kristoni Leleturi, ama ma emuki tualu Sabatusi sawa etualasi (12PM) Jeffersonvili saa si (7pm Ugandaa), 65-0221E Melekizedeki ‘Di A’di’i? ni eriria.
Adri. Joseph Branham I
Mesegi (O’dukoti): 65-0221M Ru ‘Duzu Azini Ru Erezuri
Amuro E’yoni Ondikokoru Leleturi,
Ama Eri ma Oku wereru alebe ri’i; ondikokoru, elozaruku agu azi cini ma amutisi, embata cini ‘ba ada niri vusi. Ama Amuro E’yoni alaru, ondikokoru ri’i! Ama Mungu ma zi mvabe aari’i.
Ama Eri ma anzi E’yo Nzezaruri ni riki, ovupi Eri ma E’yo andra okoruri’i! Ezata Mungu ma alia yo, ‘dinile ezata ama aa yo, amani ovuzu Eri ma Ngulupi ma wuraki risi. Ama ecoki andra e’de ngoniru? Eri eco’iku….ECO’IKU! Ama Eri ma eseleni, Eri ma E’YO ADARU OKORU RI’I.
Ama ecoki ‘di ni abaza azi kokoru ngoniru? E’YO ECEZA. Bibilia driari, O’dukoti ‘di’i, E’yo Munguni, eri dria E’yo Ecezani. ‘Da geri amani e’yo adari nizu O’duko ‘di ma eselea o’duko azi ‘diyi pie driari’i, eri E’yo Ecezani. Azini ama E’yo Eceza oti lu i E’yo be, ovuni ndu E’yo vusi ku.
“Ani oni ‘di ma dria” (e’yo eceza orindisi E’yoni a’duni yari) “Ma nga Kanisa Mani ri si; azini kali tile pari ‘ba drijazaniri cani nga Eri oya vaa ku.” Eri ma Oku muni nga ovu obezaru agupi azi nduni pivusi ku. “Ma nga kanisa mani si, azini Pari ‘ba drazaniri ma kalitile ngani eco Eri ndezarᴜ kᴜ.”
Ama nga ovu adaru azini aitasi Eri ma E’yo vu azini Eri ma O’duko vu, a’dule. Acaki ni mu ovu ezazaru agu azi vusi ku azini ali o’bazuku. Ama nga awi Eri ma Amuro E’yoruri. Acaki ni nga angu ne, eri azini ruazi e’yo azi nduni be ku.
Eri ele asi amani pi alia. Ama eco ta ovu agupi azi be ku, te ama AGUPI ALURI’I, Yesu Kristo’i, Agu aluni, Mungu’i, Immaueli’i. Eri ma Okuni nga ovu alifu ma paale alifu alifu. ‘Da ni e’da kini Amuro ni emu engazu wudrikurusi. “Opi Yesu aluni, azini Eri ma Amuro’i kakau, omveza aluru.”
Le ama ma egaki azini vaki ra ‘di ovuni ‘ba driani ku, lu ongulumu nabini rini A’DULE. ‘Ba eri ngulupi vuti bipiri ki. O’dukoti ‘di lu yini, kabilo wereru Orindi Alatararuri ni fe eri dri ocezaruri ki.
Mungu ni nga mu eri ne i afa erini lu amani ri ki si, azini Mungu ni nga mu ama, ‘ba erini oja engazu angu drisi ara ‘diyi, ‘ba erini dri ce Kristo vu ‘diyi, ne i Eri ma E’yo dria a’izu azini enza o’bazu aluni ku.
Eri onyiru tu amani rizu azini Eri eriria luria ama dri ama Eri ma ‘Ba peleri ki ngoni yari ngole ya. Geri andra Eri ma Amuro okorini, Amuro irizuri be Eri e’dezu ri’i; te ama, Eri ma Amuro sawa-asizaniri ngani ERI E’DE ALUNI KU. Ama nga awi Eri ma Amuro E’yo aliriaru, adaru, a’itabe ri’i pere asiria.
Ama A’ita Eri ma E’yo aliari ni zo amboru o’du dria. Ama ama ngulupi ‘ba ngonde Eri ma E’yo erizu azini ruzu o’du driari, Eri ma O’duko eriria e’yo nzeria amani, ama Bibiliaki lazu, Eri zizu azini inzizu o’dusi zu risi.
Aniki ra Eri emuria mbeleru. Minati cinisi sawa ‘disi. Kile Noa le, ama asi ‘baria Eri ta emu aji; eco ovu drusi o’bitisi, sawa aziasi, ondresi, te amani niri Eri emuria. Mungu ma nabi azini Eri ma E’yo nzoki ni ku, ERI EMURIA. Ama ama ra eri o’du 7 ri, azini ama ecoki iriti ki ne ra ru o’baria azini o’deta ozooni amboruri ki o’deria; sawa eca di ‘bo.
Ama tambazaru azini muke Maburu alia, teria asi’baza angiri ni pie. Mi emu ruecizu ama be amani O’duko Munguniri eriria ama asi ambiria Sabatu ‘disi sawa azia etusi (12pm), Jeffersonivili saa si (7pm Ugandaa), amani: Ru ‘Duzu Azini Ru Erezuri 65-0221M ni eriria.
Adri. Joseph Branham i
E’yo Siza lazarᴜ de nga O’dukoti nde ovu erizaruku ki:
E’yo Ba Matayoni 5:31-32 / 16:18 / 19:1-8 / 28:19
‘Yeta 2:38
Rumi 9:14-23
Timoteo Okori 2:9-15
Koronito Okori 7:10-15 /14:34
Iburania 11:4
E’yo Eceza 10:7
E’doza Capta 3 zuri
‘Ba Levini 21:7
Yobu 14:1-2
Isaya 53
Ezekieli 44:22
Mesegi (O’dukoti): 65-0220 Mungu Ma Pari Pe Inzitani Ri
Ataza Yesu Kristo Leleturi,
Ama ka ta zita azi zi afa azi cini ma dria idri amani alia, le omvita azi adaruni ma ovu ci. Afa azi eco ovu erivu enyia ra, te le omvita azi adaruni ma aa ci, omvita kpi zita alualuvu ri. Ani di, zita alu alu emupi idri amanipi alea ri, le omvita azi adaru, ‘yeke ni ma aa ci.
Ama ka ovu zita azi Bibiliani ni be, le di ma ovu Omvita Bibiliari be ci. Ama lekini ku erini emuzu engazu ongulumu azi agupi pini ni ma aa, engazu tiecita azi ci ‘dini alea, kaniku engazu ‘ba azi onitabe ni vu, kaniku engazu dini azi vu. Aleki ma emu kpi engazu E’yo Siza vu. Le ama ma niki ra: Mungu ma pari adaru azini ‘yeke Eri inzizuri a’duni?
Mungu pe andra drifuzu ‘ba be; ovuni andra kanisa azi aa ku, ovuni dini azi aa ku, ovuni a’iza azi aa ku, te Kristo alia. ‘Da lu angu alu ci Mungu muzu drifuzu ‘ba azi be ra ri’i, azini erini ecozu Munguni inzizura ri’i, eri Kristo alia. ‘Da lu angu alu ci ri’i. Mi ka tro ovu Metodistoni, Baptisini, Catolicani, Purutandi, mi tro a’duni yari ti, angu lu alu mini ecozu Munguni inzizu ‘yekeri, ‘da Kristo alia.
Mungu pari lu ‘yeke azini pezaru Eri inzizuri ni Yesu Kristo alia; ‘da Geri Erini alu lu fe ri’i.
Bibilia azi andra amani Aji azi ra Malaki 4 alia; Aci Piriru azi amani ta vutini biri. Eri nga e’da kanisa abaza aliari dri Eri Ebrania 13:8 i, Yesu Kristo alurile aje, andru azini ‘dani ‘dani. Ovu vini azizaru amani Luka 17:30 aa kini Mvi ‘Bani i (Aji i) nga Ima ngulupi ece Ima Amuro dri.
E’yo Eceza 4:7 alia, eri lu amadri kini Nguru ki su, okori ni kami ni. Nguru vutiniari monioni. ‘Daa, vutinia emupi ri andra agupini; agupi ‘da andra ‘ba e’dopi e’yo ‘yekeri ki ogopi vuleri ki, ‘ba ada ma onitani, embata diniri, azini azi ‘diyi pie.
Te Bibilia ‘yo kini sawa ondreni risi, Nguru asizu andra mupi emupiri andra Aji saapi sasari. Munguni ta mu Ima Amuro saa asizaniari ni Aji azi fe; Mvi ‘bani ma Ngulupi’i, Ima ngulupi eceria ruati alia Ima Amuro ma dri cezu.
Bibilia ‘yo vini afa dria okuru, E’yo Okuri alia ‘diyi, ki andra endrilendri afa emupiri pivu ri’i. Endrilendri ‘dani ecaria enyia, afa endrikaruri ni di ovu kizaru afa ada adari alia. Afa andra pari ‘dupi sawa ‘dasiri ni endrilendri afa ta pari ‘dupi andruri ni.
1 Samueli 8 alia, E’yo Okurini lu amani Mungu fe andra Samueli nabini ‘ba pi ma dri cezu. ‘Ba emuki andra erivu azini ‘yoki erini yi leki andra opi azi ni. Samueli isu andra avaaku kpere eri ma asi le di andra e’de.
Mungu enga adra Ima ‘ba pi ma dri ce nabi ovupi owizaru azini E’yo Sizani e’dara ‘di vusi ani eri ama di andra i ovu di gazaru si ‘dini. Eri etra di andra ‘baki tualu ani matu o’bazu yini ruojazu engazu Mungu andra yi e’dupi kile anzinyiri le, azini yi ezupi azini asindriza fepi yi dri ri vusi ku. Te yi siki andra lu drile.
Yi ‘yoki andra Samueli dri, “Mi enga nga ini ovu onzi ku driceza mini alia. Mi enga drio ini ovu lokirisi ku mi azi ngaza sende beri alia. Mi ‘yi mi ngulupisi driari ‘bo ama ‘bazi layinia E’yo Opini ri be. Ama awa’difosi tali, ondoa, feta azini tambaza Munguni rikisi. Ama a’iki eri ra. Aleki eri ra. Azini dika alekini ovu eri kokoruku. Eri ‘di lu amani opi azi lezu ama dricezu a’dia ri’i.
Sawa ‘disi nile’borile akaki mu a’dia eri kiri ale amani ri’i ovuzu atalau pie muzu drile azini Yuda ni di ‘diria vutinia, ani ama di nga ama gukaki vu azini otre azini ongo ngo. Alekini ‘da ma cini atri ku. TE ALEKI OPI AZI OVUPI ‘BA AMA DRI CEPI RI’I.”
‘Di ovuni andra ‘ba dini ni o’du ‘dasiri ki ku. ‘Di mbgaria ‘ba andra ‘yopi kini ERI ANDRA adaru Mungu ma nabi andra Munguni pe yi ma dri cezu ri ki.
“Ee, mi nabi ni. Ama a’iki O’dukoti nde ra. Munguni Ima E’yo ece mi ni, azini aleki Eri tu, azini alekini ovu Eri kokoruku, te aleki ‘ba azi nduni MI kuzu kalasi ama dri cezu; ama ngulupi pini ri’i. Aleki kiri ‘yo kini ama a’iki O’dukoti mini eji amani ri ra. Eri E’yo i. Mi nabi’i, te mi ovuni O’duko lu azini orodriru ndeni ri i ku.”
‘Ba onyiru niki ci wudrikurua andrusi, kanisa onyiru ni ki. Te Ataza Yesu Kristo ni lu alu, azini ama Oku nde’i, ‘ba Erini emuzu eriniri i; Eri ma Amuro E’yo aliria ondikokoru ngapi oapi Mungu ma O’DUKO OVUPI E’DAZARU AZINI ECEZARU OVUZU LU ‘DI OPI ‘YONI NIRI pie ri’i.
Mi ka le rueci amabe Sabatu disi sawa azia etusi (12PM), Jeffersonvili saa si (7PM Ugandaa) ra yani,
ama nga kiri mu ovu geri erizu e’izaru fonisi wudrikurusi arari be. ‘Di afa pari ‘dupiri’i.
Mi mu ma adripika, amvipika, ma agyipika, ‘dia pari ‘di ma aari pi ma dria ondre ‘disi azini amve arasi geri foni nisi riki. Suru kakau ndunduki eriria, engazu Miriti Kala Etuni efuria kpere Etu ni ‘deria. Ma zi Mungu leleturi, andra nyamuko ma alesi Tuksonia, re Kalifonia, uru Nevadaa azini Idahoa, re Etu ni efuria azini ara, andra Tekisia; aita ‘di ni ovuzu fezaruria, ‘baki rizaru kanisa wereruni pi—pi alia, pari mutuka pini odu mvuzuria, aku pi aasi, eriria. Mungu la, agu, kaniku oku, agupiamva kaniku zamva avizaru ‘da sawa ‘di ma alia, ma emu Mi vu fo. Mi fe ma ye’i sawa ‘disi fo. Aziki eri Ru Yesuni si, ani yi ma isuki pari tambazaniri sawani nga ovuria ci.
Sawa ‘disi, Opi, agati-otita ‘di ecadi’bo, ani Sitani’i, ‘ba ambo toko ‘da’i, eri ovu driwala be ku mva Munguniri bizu. Eri oata azi ovupi ndezaru’bo ni. Yesu Kristo, angu lu alu inzitani, Ru lu alu adaruri, nde andra eri ‘bo Kalivaria. Azini ama Eri ma Ari ai sawa ‘disi, kini Eri nde andra azo dria, suza driari ki ‘bo.
Azini ma Sitani ni omve ongulumu ‘di kuzu. Ru Yesu Kristoni risi, mi efu amve ‘ba di pi ma aliasi, ani yi ma ovuki truzaru beni.
‘Ba dria atita yini ki aipi E’yo sizaruri ni lelerisiri, efeki e’yo-etinzeza emini ri pasozu pa emini dria risi azini ‘yozu, “Ma ai sawa ‘disi ma atita ra Ru Yesu Kristoni risi.” Esoki pa pa emini pi dria.
Inzita ma ovu Mungu vu! Emi di be ‘da. Emi ne kalaa ‘doa, acopie azini afa azi ‘diyiki pasoria uru. Inzita ma ovu Mungu vu! ‘Di be ‘da. Mi a’i lu. Eri ‘dia indi.
Adri. Joseph Branham i
Mungu Ma Pari Pe Inzitani Ri 65-0220
E’yo Siza lazarᴜ de nga O’dukoti nde ovu erizaruku ki:
Azita Amviza 16:1-3
Efuza 12:3-6
Malaki Capta 3 zu azini 4 zuri ki
Luka 17:30
Rumi 8:1
E’yo Eceza 4:7
Amuro Oriefi Opiruriru Orindisi Okpobe Leleturi,
Teta azi dika yo, abata azi dika yo, AMA ECAKI ‘BO! AMA Amuro Oriefi Opiruriru Orindisi Okpobe riki. Ori Orindisi Mvi Opiru Azizaruri i. Ovuni ongulumu azi drozi ‘dile ri ku; ovuni a’bianzi azi emu emuri ki ku; Ama aaria o’du asizuri alia, ama a’bianzi ngapi mupi Yesu Kristoni nepi driegoria nyakua riki.
O’du ‘Disi E’yo Siza ‘Di Eca I Ma Paria ‘Bo!
E’yo ba alu aluri, Okpo alu aliru, Mvi ‘Bani ALUALU ovupi ajeri, ni andrusi, azini nga ovu ‘dani ‘dani.
O’du ‘Disi E’yo Siza ‘Di Eca I Ma Paria ‘Bo!
Agyipika Arizonaa, Kalifonia, Tekisia, United Statesi ara azini WUDRIKURUSI ARA tepu ‘di eripi geriko i’izaru simuasi leletu ‘diyi la; S-o-n Munguni alu alu andra emupi kala etuni efurialeru ma aa andra Ima ngulupi ecepi Mungu ovupi ‘bazaru ruatisiri ruri, ni S-o-n alu alu kala etuni ‘derialeru ‘diari’i Ima ngulupi di e’daria kanisa pi alesi ovuzu alurile aje, andru azini ‘dani ‘daniri’i. Diza ondreni Mvi ni ri eca ‘bo.
O’du ‘Disi E’yo Siza ‘Di Eca I Ma Paria ‘Bo!
O’duko Mesiani andra pasopi azini e’yonzepi pari e’yo oluzuri ma aa o’du Inisi ‘da, Ima ngulupi e’daria E’yo azizani ayi ‘daniri beri, ni O’duko Mesiani alu alu e’yo nzepi Ima Amuro andrusi wudrikurusi ara tepu pi ma driasi ri’i, luria ama dri: Ma aluarile aje, andru azini ‘dani ‘dani. MA O’duko Munguniri’i emi ni. EMI MA ORI AMURORU OPIRU ORINDISI aapi E’yo Mani be riki.
O’du ‘Disi E’yo Siza ‘Di Eca I Ma Paria ‘Bo!
Ngiri ngiri azi ci ‘bapi ma eselea andrusi ani yi di ede E’yo Adaru Munguniri nezu te. Eri a’disikuni e’yo efi eceza E’yo Munguni rini ‘ba adani efieceni ri ki andra kakau. Mungu leni ‘ba azi ku Eri ma E’yo efi ecezu. Eri ‘ba Ima Ngulupi ma E’yo efi ecepi ri i. Epe andra Ima Amuro dri Ima o’du O’duko malaika nabiru E’yo Eceza 10:7 vuri ma ti Ima E’yo efiecezu. Eri DI OPI ‘YO NI.
O’du ‘Disi E’yo Siza ‘Di Eca I Ma Paria ‘Bo!
Mi di ‘yo, “Ma ka andra ovu ‘daa ci Yesuni andra oaria nyaku ma dria ‘dini, ma andru mu ‘ye ‘dini-‘dini.” Muke, ‘da ovuni andra ayi miniri i ku. Te. ayi miniri ‘di’i, ‘di sawa mini ri’i. O’duko ngo’i mini ‘yo eri O’dukoki
Mungu vuri? O’duko ovupi O’duko orodrirutu miniri ngo’i?
O’du ‘Disi E’yo Siza ‘Di Eca I Ma Paria ‘Bo!
Sitani ni di aciria ko’bo nga driorileku omba’baria Eri ma Amuro be. Eco ‘do fe mini egazu kini mi ovu azo be kaniku azo ma obi azi be ci ‘dini, kaniku omba’ba aku miniri be. Aziria Munguni fe e’yoki di eca inicici kpere ata mi eco di angu ne uru ku, ara ku, kaniku angu cini ma aa ku. Ani ‘daa Eri di emu ra mini geriko edezu eri ma alesi, ani mi eco di ‘yo beni, Ma ovuni ori Hagarani ri’i ku, Ma ovuni ori Sarani ri’i ku, Ma ovuni ori Mariani ri’i ku, Ma Mungu ma Ori Iburahimuni Orindisi Opiru Okporuri’i. Ma Mungu ma E’yo azizaru mani ri ‘du i, Eri ‘Di Opi ‘Yoni ni. Ma cani nga ovu oyazaru ku. Eri katro e’da ngole yari ti, sitani katro a’du yari ti. Afa dria mani le rikisi, Ma nga Munguni ‘du E’yo Ini si.
O’du ‘Disi E’yo Siza ‘Di Eca I Ma Paria ‘Bo!
O’duko Munguniri nze e’yo ‘bo. Ma mba emi dri Nyaka Orindisi dria emini leleri ma ta ‘bo. Emi ‘yoki LU afa ovupi ‘yozaru tepu pi ma driari i. Ma Mungu ma O’duko emidri. Ma E’yo leni e’yo efi eceza ku. Emi aleni ti kani awakini ku, emi leki emi emi eselea, TE emi oaki E’YO MANI RI BE.
O’du ‘Disi E’yo Siza ‘Di Eca I Ma Paria ‘Bo!
Emi ma ovu ndezaru ku. Emi ma ovu avaaku ma alia ku. Efeki Sitani ma ra emi emi ma AYIKO si ku. Emi egaki emi A’DIKI yari, emi mu ngoa yari, eri mu ovu ngole Ondre ta Oku bizani amboru ‘da ma aa ri. Oaria Aku ambo drinzaru Eri ni si lu emini ‘da ma aa. Angu drozi emini muzu ovuzu ‘dani ‘dani ma driari ma aa Eri be azini ‘ba dria andra mupi drile ‘bori pie ri.
Azi di dika yo. Ocoko di dika yo. Dra di dika yo. A’di di dika yo. Lu idri ‘dani ‘dani ri i Eri be. Ani ama di nga ‘yo;
O’du ‘Disi E’yo Siza ‘Di Eca I Ma Paria ‘Bo!
Ama ma ovuki avakoko ku ani di ‘yozu, “Ma ande pari ‘disi ‘bo, ale di fu ‘dia risi te ri.” Ama ma ‘yoki eri o’dini: Eri emuria di minati cini ma aa sawa ‘disi, MA NI…DIZA! Ma econi te ku. Ma nga mu ‘ba mani lele ‘di ki ne dria ra. Yi nga mu e’da lu kpi ma ma drilea ‘dini, ani ‘da ma di nga ni ra, ERI DE DI I DRIA ‘BO, AMA ECAKI DI ‘BO.
Ani di ‘daa ata cani sawa wereni ma aa ku mileni i pe wereri le, ama di nga ovu dria kala azi ‘da ma dria.
Ama ma ovᴜ ayikosi azini zu ayiko, a’disikᴜ o’du Kabilomvani okᴜ bizᴜri eca ‘bo, azini Eri ma Amuro… Eri ma Amuro ede i ‘bo.
Mi ka le ayiko zu, azini ovu Oku biza Kabilomvani ri ma aa ama be ci yani, mi emu mi ngulupi ‘bazu ngonde Sabatu ‘disi sawa azia etusi (12pm), Jeffersonivili saa si (7pm Ugandaa), amani:
O’du ‘Disi E’yo Siza ‘Di Eca I Ma Paria ‘Bo 65-0219 ni eriria.
Adri. Joseph Branham i
E’yo siza lazaru riki:
E’yo Ba Yohanani Capta 16 zuri
Isaya 61:1-2
E’bo Ba Lukani 4:16
Amuro Aliria Alaruriru Leleturi,
Ma le tu emi dri ava fezu wiki alu alusi Avizuri Ekpazu azini O’duko Munguni o’du amaniri niri erizu. A’disiku ma ni ra Eri Mungu ma otita kililiru o’du amaniri niri’i.
Eri ovuni afa Joseph Branham ni ‘yo kaniku a’iri i ku. Eri afa Mungu ma O’duko ovupi e’dazaru ra ri ni lu amadri ri’i.
Ma Mungu ma O’duko emidri.
Mi ka ovu e’yo eceza azi ciani be ci ya ani, esele nzeza wereru alu ‘da ni ta ovu kingi ma drilea mini luzu ‘ba dria mini drifuzu yi be rini; a’i’ba dria, emi luki emi kanisa pi dri, kini O’duko ‘da ni O’duko orodriru ndeni LE emi ma ERIRA ri’i.
Egazu, E’yo alu alu amani eri amani Avizuri Ekpazuriarisi ni O’duko Munguni e’yo nzepi kpi ama be ri’i ri. Ata fe andra eri ma o’duko ma ovu ‘duzaru azini tambazaru ani ama ecoki ta ani Avizuri Ekpazu sekondi alu alu o’du drianirisi beni; ani ama ecoki ta Eri eri amani ava fezu, asindrinza fezu amani, odu osuzu ama dria azini ori driaki abaza pie drozu re, dria lu Avizuri Ekpazurisi.
Afa ci amani avatariki ‘da kpi, Mi Ekpa Avizuri, ani eri oa indi. Eri ‘dia ejizu vule ama omia AMA E’YO’I. Eri ama be, ama ageia, AMA AA. Sitani ni ‘ba ‘baki ecipi enzosi ‘dileni. Eri ovu ndezaru ‘bo. Afa azi eco E’yo ‘da ‘du engazu amavusi ku. Mungu fe andra Eri ama dri Eri ma e’yo ni okorurisi, niria ra kini ama Eri ma Amuro’i. Ama andra Eri be egazu okokelesi.
O’duko ta amani eco eri ta mupi ovupi angiri aga O’duko lu engapi ovupi e’dazaru Aci Piriruri vusi ovuzu O’duko Munguni’i ri rari ngo’i?
O’duko azi nduni ‘yo.
O’duko ‘da lu andra amani ngoni wiki aje risi?
Ma sawa dria emi ri, azini ‘da i kile ma adripiru azini amvi ru. Emi ma anziki; Ma—Ma emi atani E’yo bari alia, ovuni ata kile ta ovuzu atalau leri’i ku, Ma—Ma emi ata E’yo bari alia kile Pauloni ‘yo ‘daa ri le. Ma ti emi Kristo dri, azini sawa ‘disi, Ma—Ma emi di emi Kristo dri; ‘da mi azizu Kristo dri aliria alarurileri. Emi feki ma dri drinza ku! Emi feki ma dri drinza ku! Emi awiki aliria alaruri’i.
Le ama ma awiki aliriaa alaruri’i E’yo vu, O’duko ‘da vu. Amaniria, GERI lu ALU ovu ndindi ama ‘da ‘yeri: MI EKPA AVIZURI.
Emi ka ma a’ira ovuzu afa emini ‘yoriru, Mungu ma ati’boni, nabini yani, emi eriki afa mani lu emi dri ri. Enera? Emi eco ‘do eco eri vazu ku ra, azini mi ka ‘yeku yani, ece kini mi ma ‘ye di lu afa mani lu mini ‘yeri’i.
Ee, agupi azi Orindi Alatararurini odu osu yi driarani ki indi, azini yiki azini asindriza Munguni si, Ma zi kini ama ma ovu agupi nde pi ma azi. Ma a’ira ma ovu omvezaru Eri vusi E’yo Eriniri ‘bazu emi drilea azini emi e’dazu O’duko ‘di vu, Mungu ma E’yoni, O’duko ‘da’i.
Peteroni ‘yo ri le, ma nga ovᴜ ci ngonde ‘dani fezᴜ emini e’yo ‘diyi egazᴜ kini O’DUKO Munguni omve Ima E’yo ecezu erivu ri LU ALU. O’duko alu Munguni andra e’darari’i. O’duko alu Munguni andra ‘yo, “Emi Eriki Eri’i” ri. O’duko alu Munguni andra ‘yo, “Ma Mungu ma O’duko emidri ri’i.”
Emi egaki ‘di asi emini driari si: Emi oaki E’yo ‘da be! Emi ma ku ki E’yo ‘da ku! Afa ci ndu Erivusi ri, emi ku ki eri a’dule, eri tro a’duni yari ti. ‘Daa emi di nira Eri adaru.
Ma va adaada ra ma ovu vazaru onzi azini ‘ba aziki ama kini ma olu’ba dria pi ma rua onzi a’dusi ra; kini ma a’i ‘ba azi ma olu e’yo ku risi. “Mi ka olu’ba azi eri Adripi Branham vu kalasi yani, mi ovuni Amuro’i ku.” Mani ‘yo ‘bo paale kakau rile, Ma ‘yoni nga drio ‘da ku kani a’i ‘da ku.
Nabi ece andra eri kililiru wiki ajeria ko’bo mani ama rile azini afa mani a’iri’i.
Kanisa Mesejiniri ki andra wereari na angu Jeffersonviliniri alia sawa Adripi Branham ni andra ovuzu ‘dia risi. Inzita Sabatu ajeri vuria, eri ‘yo kini ocepi ogogori ki andra yo inzita ondreniri alia. Yi ovuki andra yi ma inzita ondreni yisiri pie. Ani, yi amaki andra yi emuzu Adripi Branhamni erizu inzita ondresiri alia ku, te ovuzu inzita pie yi ma kanisa pi alia. ‘Da andra yi ma peta ni azini afa yini ama yi ovuki dricezaru ‘yezuri’i, azini Adripi Branham a’i andra ra.
Andru kanisa ki nga kiri kakau angu Jeffersonviliniri alia. Yi indi ma ovuki dricezaru Opi vusi ‘yezu. Yi kaki yi ama tepuki avi ku, inzita ma ovu Opi vu, yi afa yini ovuzu dricezaru ‘yezuri ‘ye, ani le ‘da ma oa afa yini ‘yeri’i. Yi kiri ama adripika azini amvipika ki azini leki O’dukoti ‘di tu. Te le ama ma ‘yeki afa amani ovuzu dricezaru ‘yezuri’i: Mi Ekpa Avizuri. Aleki nabini eri’i.
Lu kile Adripi Branhamni andra ‘ye Mba Aro 30, 1964 siri le, Ma emi ai emuzu ruecizu amabe sawa azia etusi (12pm), Jeffersonivili saa si (7pm Ugandaa), amani paale alu dika nabi ni eriria amani O’dukoti: 64-0830M Zitaki Azini Omvitaki #3ri ejiria. Adri. Joseph Branham i
Amuro E’yoru Kililirurini Leleturi,
Ama lu emuta Opini ri teria. Ama tala bakaki kuzu otruzaru, efizaru tre Odu si, E’yo ecezaru’bori eriria etusi azini inisi. Mungu ziria, sawa dria alia; ovuni o’dudria si ku, sawa driasi. Ama ma ngulupi pi ma ta mba gonde oazu aa, azini E’YO DRIARI a’iria.
Ama oneria, sawa dria alia, ‘ba o’dukopi elifura nyakuniri ma alia ‘diyini ovuzu engazaru ko. Sawa wereni alia, ama nga yi ne ra; baba ki, mama pie, agupi, oku pie, adripi pie azini amvipi pie. Yi ‘da i, pa soria kpi ama drilia. Ama nga nira sawa ‘da ma alia, ama ecaki ‘bo, sawa eca’di ‘bo. A’ita ‘Duta Uruniri ni nga ama idriki efi, omi pie azini ruati pie. Ruati mapi ra ‘diki di nga afa mapikuri su Asindriza ‘duta ururini Opiniri alia.
Azini ama ‘di nga e’do emu tualu. Ama ovupi idriru azini nga awipiri ki nga ovu ojazaru. Ruati drapi ra ‘di nekini nga dra ku. Drialu Mbeleko cici, afa azi ni nga ovu kile wetale ama ruasi ‘dini…ama nga ovu ojazaru. Engazu agu dezaru ecazu karile ru, engazu oku dezaru ecazu zamva ru.
Sawa wereni vutia, ama nga e’do aci kile egata le ‘ba ovupi engazaru ‘bo ‘da pie. ‘Daadi…DIZA …ama nga ovᴜ o’duzarᴜ yi be tualᴜ dri fuzᴜ Opi be oli alia.
Sawa azi emupi amani ‘da ngo’i. Ari’bo ni O’BI ama ‘ba cuzaru vaa, korekokoru, azini avakokoru, te diza Mungu vu, eri econiku. Ama ovuki E’yo Eceza Eri A’di’i Yariniri ma dria; Eri epe a’di ma ti ama omvezu amve yari; ama a’diki yari, ovuni ama nga ovu a’diki yari ‘dini ku, AMA A’DIKI YARI ma driari be ‘bo. SAWA ‘DISI eri di izaru IDRI, OMI AZINI ORINDI amanipi alia, azini afa azi yo mupi ‘da ‘dupi engazu amavusi ri. Aniki ngoni ru? Mungu ‘yo ni!
‘Di ovuni aku amaniri’i ku, eri dria mini Sitani, mi eco ovu eri be ra. Alekini eri ma esele azi ku azini alekini eri ma cini ku. Ama ovuki ama Aku Droziri be ovuzaru sizaru amani ‘bo. Azini di nga lu vini, Sitani, ama ovuku e’yo aziza be ci, ERI NGONDE. Eri ma sita ovu dezaru’bo. Eri ma azi were were asipiri ki di dria dezaru’bo. Azini ama ovuki eli azi dika ni pie ci mini, MBELERU, Eri emuria ama ‘duzu ani ama ecoki ani ovu eli 1000 Anyuni driezazakokoru ri ma alia Eri be beni, azini mi ovu aizaruku, azini mi ngani ovᴜ ‘daa ku.
Afa dizaru O’dukoti ‘di ni ece amani sawa alu alu amani Avizuri Ekpazuriari ki ‘doni. Mungu Ima ngulupisi emu vaa, azini nze e’yo tile ‘ba adani vusi ani Eri eco amani afa ‘diki lu beni. Eri pe andra ama azini fe amani E’yo Eceza adaru azini TRE Ima ngulupivu ri.
Eri andra E’yo ‘bazaru ruati alia ri’i, ovuni E’yo o’du Musanisi ri’i ku, Musa ni andra o’du ‘daasi, E’yo’i; ovuni E’yo o’du Noanisi ri’i ku, Noani andra E’yo o’du ‘daani ri’i; ovuni o’du…E’yo o’du Elianisi ri’i ku, Eliani andra E’yo o’du ‘daani ri’i; te Eri E’yo pari’dupi sawa ‘disini ri’i, ani yi andra oaria vutia ‘daleru.
Emi ngonde?….Eri emu ‘di’i. Eri osu ti be iri azini gapi osiefisi tre ‘dileni, azini aleki Eri tu!!
Afa alu aluri ni i amvi! ‘Da afa ecepi Orindi Alatararuri mi be ci ri’i, Mungu ka eri ece mi dri ra azini mi ka eri ne ra ria, ‘DI OPI YONI azini mi ai eri. Ovuni afa mini ovuzuri’i ku, mini andra ovuri’i ku, kani afa azi drinia yo, eri afa Munguni ‘ye mini ‘bo sawa ‘disi ri’i. ‘Dadi afa eri ecepi ci ri’i.
Haleluya, Eri pa musumari nde aa kilili. SAWA ‘DISI ama eriki di nga Eri Eri beria titi di.
Eri fe ama dri afa ecepi Orindi Alatararuri ciri ra, Yohana 14. Eri ‘yo, “Ma ovu afa kakau pie lizaru emi dri. Ma ovuni saa be ku eri ‘yezu, te Orindi Alatararuri ka emu ‘bo, Eri nga afa Mani lu emi dri ‘diki lu emi dri, ki ejizu egata emipi alia, azini nga afa nga mupi emu emuri ki e’da emi dri. Emi nekini ku ya? ‘Dadi afa eri ecepi ci ri’i. ‘Da luzu okoru azini ovuzu….ovuzu E’yo efi eceza E’yo sizarurini geri Mungunisiri i. Sawa ‘disi, ‘da ovuni di afa nabi azi ecepiri’i ku?
Orindi Alatararuri ni nabi ayi dria aliari’i. Eri nabi ama ayini ri’i. E’yo ni LU emu nabi ‘da vu. Eri Mungu’i e’yo nzepi azini Ima ngulupi ecepi Eri ma nabi vusi ri.i Eri E’yo o’duni ri’i. O’dukoti, TEPU DRIA ‘di’i, e’yo efi eceza kililiru E’yoni, eceta geri Mungunisi ri be ri’i.
“E’yo ecapi i paria tre ‘bori ka eca ra, e’yo eselerᴜri nga i de ra.” Ani afa wereru dria ombupi ‘bua azini vaa kile mvaa le ‘diki, o’biria e’yo nzeria andre ndundusi, azini afa azi ‘diki dria, sawa kililiru ‘dani….Azini ama ovuki andra ci, azakoma Munguni risi, e’yo efi eceza E’yoni eceta Mungururi be ci ri’i. ‘Dini di e’yo eselerᴜri nga i de ra. “Mani ndra ovᴜria mvarᴜ ma adri ndra e’yo ‘yo mvale, ma adri ndra e’yo ega mvale; te mani zoria agupirᴜ ‘boria ma kᴜ e’yo mvaniri ja.” Amena!
E’yo ecapi i paria tre ‘bori eca ra; E’yo efi eceza kililiru E’yoniri’i. MI EKPA AVIZURI. ‘Da afa dria Eri ma Amuroni avata ri’i azini afa dria Oku ndeni le ri’i.
Mi emu ani Avizuri Ekpazu ama be Sabatusi sawa azia etusi, Jeffersonvili saa si (7Pm Ugandaa), ani E’YO KILILIRU, EFI ECEZA KILILIRURI BE, ECETA GERI MUNGUNISI RI erizu amani:
Zitaki Azini Omvita Ki #2 64-0823E ni eriria.
Adri. Joseph Branham i
