Abapakígwe Bala Ku Bumalĩkísyo Bwa Kabalílo 65-0725M

PDF

• 26-0517 Abapakigwe Bala Ku Kabalilo Kabumalikisyo

BranhamTabernacle.org

Mwebapala Ngwasi Syakutelengana,

U ntu pagwēne gwa Ndumi ya ndungu ugu gukusetula ubwãganio bwa luko bwa Mbepo Mwīkèmo ku Nsīngilìgwa. Ukwīnógòna bisakuyapo abanyambala abapakigwe mbwanaloli bikutupuka nu lisiku ili, nu bupakigwe ubwabwanaloli bwa Mbepo Mwīkèmo yulayula uyu ãli pa nsololi gwītu, lõli ukuya basyòbi.

I Lisyu likutubula uswe abēne bisa kubõmba ifimanyilo ni fiswigo, bikwãmbililàga ifula yilayila, isayo silasila bo yu nsololi ugwanaloli. Abãndu ãngàli bikusyūmbutùka ukufuma ku lyanaloli i Lisyu ilisisimikisigwe lya lisiku ili ukubuka ku finyonywo fyãbo bēne, bikulūndìka kuli bēne abamanyisi, balinasyo imbulukutu inyēgèle. Ikyēne kisa kuya kifuki fīyo ku Lisyu ilyãnalòli mpaka ikyēne kisa kusyoba kifuki a Basaligwa.

Kyo kifuki itolo bulebule bula ubupakigwe bwisa kuyaga? Ngimba ikyēne kisa kuyaga kipepe ukumanyila-ngãni iki kyo kyãnaloli na iki kyo kisyobi? U nsololi ãtubúlìle uswe ukuti u Mwalafyale David, u nyãmbàla ukufuma ku ndumbula ya Kyāla yēne, nu bupakigwe pa mwēne, ãli nu busetuli ubwanaloli; lõli ubwēne bwãli busobi.

FIKI!! Unko ikyo kīngìle nkati kuli akabalilo akanini. Mwalafyale unsaligwa na Kyāla ãli nu bupakigwe ubwabwanaloli nu busetuli ubwabwanaloli, lõli umwẽne ãli nsobi! Utwakang’osi twa Kyāla twisa kufīmbilisigwàga ukuya bamaso fīyo ukumanya iki abēne bikupilikisya kyo bupakigwe ubwabwanaloli pamo ubusyobi; kabuno ubufikilo bwãsyèpwa bukwīgémekèsya pa salo isi.

Uswe tumenye Kyāla abīkìle-mbuyo bīngi ababõmbi ukutila ukulõngosya nu kukyunga u Nsīngilìgwa Gwãke mu Lisyu. Lisyu Lyake likuyoba lūlo, kangi uswe tukupãlisya kwa Ntwa kuli kila yumo gwa bumo. Abẽne babilikigwe ukuya batimang’osi pamwanya pa mitimo gyãbo. Abẽne bo bakukyunga abēne mu Lisyu. Mu kubõmba lūlo, abēne balingasulwa ukutoligwa ukukina LYĒNE ilisisimikisigwe i Lisyu-lya-pakanwa lya Kyāla ku mitimo gyãbo.

Bomūmo uswe itolo tupilike mūmo unyãmbala aligwēsa abagìle ukubuka mbusobi, na bu bupakigwe ubwabwanaloli nu busetuli ubwabwanaloli. Lõli u Nsīngilìgwa abagìle ukwīgémekèsya īsisimikìsye, panongwa yakuti Kyala apēle injila imbelelesye iyi abēne babágìle akabalilo kõsa ukupilika U BUPAKIGWE BWABWANALOLI, U BUSETULI BWABWANALOLI, UGWANALOLI ISI SYO IKUTI U NTWA; ITOLO BINDA KINA.

Kūko u Mfimba guliko,” a Manna gali, i Lisyu lili, “kula i ngwasi sisa kutelengana.”

Kūko u Mfimba guli, kula ko kuko uswe Ngwasi twisa kubūnganisìgwa. Kūko i Nyama imbupwe yiliko, i Lisyu lya kabalilo-kãke, i Ndumi ya sala iyi. Kangi bukayako ubuyo ubupupwanopo ukulya a Manna gala ukukinda ukupilika i Lisyu-lya-pakanwa lya Kyāla Mwēne.

Ilyo lyo Lisyu Lyãke. “Mūndu atisa kuya mūmi nu nkate gwene mma, lõli ni Lisyu lililyõsa.” Muketile? Abasunguligwe-ngãni bamenye iki. “I lisyu ilihēsya, i lisyu-lya-pakanwa ilihēsya, abēne batisa kukōnga.”

I nongwa uswe tutisa mma, kangi tukabagila ukusyóbìgwa, yo nongwa yakuti uswe yuswe Lisyu nu Busetuli ubu. Uswe tukabagila ukuya nakimo ikīngi. Uswe tukabagila ukupilika nakimo ikīngi. Uswe tukamanya nakimo ikīngi.

“UNE YÕNE!” Komma, “Une nãli, pamo nisa kuya.” “UNE YÕNE!” itensi yalilino, i Lisyu lilino. Komma i Lisyu ili lyãli, i Lisyu ili lisa kwisa; i Lisyu ilyo lyo lilino. Muketile? Umwe mukupilisya ikyēne? “UNE YÕNE!” “UNE YÕNE” yo Lisyu lila. “Mu bwãndìlo lyãli Lisyu, kangi i Lisyu lyãli na Kyāla.” Ngimba ikyo kyo kutalusya? “UNE YÕNE.” “Kyāla ãlīndúmìle une ukuya nsololi Gwãke, ukusisimikisya iki ukuya kyãbwãnalòli. Une ne lyãmulo ku Lisyu ili, ãlīmbúlìle une ukwīsa ukusuluka kuno nu kubomba iki.”

Kangi akabalilo kãko umwẽne ãbómbìle ikyēne, Farao alinkuti, “Ena, uswe tulinabo mwalomwalo gwa balumiana mu kubugutila kyītu babágìle ukubõmba ikyo, bõpe,” bēgélèli.

Yeso ãyobìle, “Lilino, ikyo kisa kuyaga pakwandisya kangi mu masiku gabumalikisyo,” muketile, ukwīyobèla ikindu kilakila.

Ntufye u Ntwa. Yoba isya ubusisimikisyo kuli u Nsīngilìgwa. Akabalilo kãko ugwe uli nu Busetuli ubu, polelo ugwe kwisa kumanya ugwe gwe nsaligwa Gwãke, nsūngulìgwe-ngãni, Nsīngilìgwa ndumbula-nyafu.

Ukwīsìla mu kupilikisya i Lisyu-lya-pakanwa lya Kyāla pamatepi, uswe tukupilikisya u Mwanundumiana gwa Mūndu, uyu yo Kristi. Umwẽne yo Yula uswe tukuswīlígwàpo. Uswe tutikuswīlígwàpo pa mundu yumo; u mūndu, amasyu gãke gisa kutoligwa. Lõli uswe tukuswīlígwàpo pa unsitakutoligwa Lisyu-Mbili lya Mwanundumiana gwa Mūndu.

Linga ugwe ikulonda ukuya mia-pa-mia nsisimikisye ugwe kupilikisya ku Isi Syo Ikuti U Ntwa, isaga lūngìsània ni kiyabo kya Nsīngilìgwa yula Pandungu ugu pa 12:00 PAMUSI, akabalilo ka Jeffersonville, bo uswe tukupilika i Lisyu-lya-pakanwa lya Kyāla likusetula kwa uswe twesa isyakufwana na bapakigwe bala mu kabalilo akabumalikisyo.
Nkundwe Yõsèfu Branham.

Ndumi: Abapakigwe Bala Ku Kabalilo Kabumalikisyo 65-0725M

Masimbo:
Mwīkèmo Matai 5:44-45 / 7:21 / 24:15-28
Mwīkèmo Luka 17:30 / 18:1-8
Mwīkèmo Yõhàni 14:12
Baefesi 1:5
II Timoti 3:1-8
Bahiburi 6:1-8 / 11:4
Busetuli 10:1-7 / 16:13-14
Malaki 4:5
I Banyafyale 22:1-28
Yeremia: Mitu 27 & 28

Sermon: 59-0510M Lisìku lya Yũba

PDF

• 26-0510 Lisìku lya Yũba

BranhamTabernacle.org

Gwempala Nsīngilìgwa,

Lilino, une ngwīnogona ukuti lukayako ulugīndìko lwakufwana ulu uswe twãbagìle ukupa kwa yūba.

U Yūba gwītu yo gwãkwànda na uswe, kangi apīgwe ubumeleligwe ubukulumba bwa uswe twisa kuyaga ni njila uswe tubagile ukwenda. Umwẽne apīgwe ulufimbilisyo ukufuma kwa Kyāla ikutubula Uswe pa nsebwe untalusye. Fyõbène abãyūba balinako akapasima, akapalamasyo akanini kapīgwe ku bēne ukufuma kwa Kyāla.

Lo lusayo lwapasina nki luli mu ndãmba kuli uswe Pandungu ugu, bo uswe tukupa ulutufyo ku bõsa a Bãyùba, akabalilo kãko uswe tukupilika u gwãndùmi gwakihano-na-kibili ikuyoba u lugano nu lugīndìko abãyūba balinalo mu ndumbula syītu.

Uswe tumenye ilisiku lililyõsa lyo Lisiku Lya Yuba, lõli Pandungu ugu uswe twisa kuhomba ulutufyo lwapasima ku bõsa Bãyùba bo uswe tukupilikisya u nsololi gwītu ikupa ulugīndìko ku bēne bo umwẽne ãyobìle ifyinja 67 ifi fikindilepo pa lisiku lila lilalila, Meyi 10, 1959.

Nkundwe Yõsèfu Branham

Ndumi: Lisiku Lya Yūba 59-0510M
Kabalilo:12:00 PAMUSI akabalilo ka Jeffersonville.

Masimbo: Gwãkwànda Bakorinti 15:1-4

Sermon: 65-0718E Ikyãkùlya Kyãmwambèpo Nkabalilo Kãke

PDF

• 26-0503 Ikyãkùlya Kyãmwambèpo Nkabalilo Kãke

BranhamTabernacle.org

Gwempala Nsīngilìgwa,

I Lisyu-lya-pakanwa uswe twesa tukugana ukupilika lisa kuyoba Pandungu ugu, nu kututwálìla uswe i Ndumi Ya Kalata Gwa Lugano Yapasima, itolo kuli u Nsīngilìgwa gwa Yeso Kristi.

Lila i Lisyu-lya-pakanwa liyobile itolo ku kīsu-kya-pãsi nu kubasoka abēne, “Komma ukugela ukumbombela Une ububombelo bumo kisita ikyēne ukuya bwīgàne Bwangu. Une ndinayo imbelelesye injila imbīgwe Une mbelile kuli ugwe, Nsīngilìgwa Gwãngu. Kumbuka a Masyu Gãngu, ugwe itolo yoba iki Une njobile pa matepi Gãngu, kabuno ugwe kwīngila mu bulongi. Kisa kifumile pakufuyuligwa. Lõli sangalukaga, kangi yaga gwakupãlìsya, kabuno Une mbele kangi ngupele ugwe i Kyãkùlya Ikifisigwe, Ikyãkùlya Kyãmwambepo, ukuti ugwe ubagīle ukuya mūmi pa bununu ni kisa kya Busetuli bwa Yeso Kristi.

Luliko u lulangalanga lilino nkisu kuli ukupilika i Lisyu-lya-pakanwa LYÃNGU. Abẽne batikubapilikisya umwe panongwa yakuti umwe mukuyoba umwe mwe bãndu ba Tepi, kangi mukulonda itolo ukupilika i Lisyu-lya-pakanwa Lyãngu pa Matepi; lõli une mbabilikile umwe pãnja kangi nsetwile kwa umwe i Yangu imbelelesye injila imbīgwe kuli umwīsyùgu.

Umwe mukalilanila Mwibēne na basitakwitika ukukindamo mu lulangalanga. Une mbapele umwe i Lisyu-lya-pakanwa Lyãngu ukubakyunga umwe. Ukwīsìla mu kukina i Lisyu-lya-pakanwa Lyãngu, ikilundu kyīnu kitisa kubukamo siku lisitakandu, napamo akapake kinu nasiku ukuya kūmu, mpaka ilisiku Une ngwisa nu kwega umwe ukuya Nsīngilìgwa Gwãngu.

Iyo yo nongwa yilayila Une nãli ni Lisyu-lya-pakanwa Lyãngu lyēgelelìgwe, ukuti umwe mwãbagile ukuyanabo ubuyo ubupelelesye ubupīgwe ubwakubukako, kuko kukayako nabumo ubusobi, nakumo ukufumbwa kuli ubulinganio, itolo i Lisyu-lya-pakanwa Ilipēlelesye Lya Kyāla. U buyo umwe mubagīle ukubukako ukuti umwe mubagīle ukupilika katikati iki Une njobile: Isi Syo Ikuti U Ntwa.

Une nguyaga pakuyoba mwapabwelo fiyo Pandungu. Une ngulonda umwe ukwibwamo nasiku iki Une nguyaga pakuyoba kwa umwe. Amatepi aga go kyīnu Kyãkùlya Kyãmwámbèpo mu Kabalilo aka. Ikyēne kikafu fīyo ku bamo ba bēne; abēne bakabagila itolo ukulya Ikyēne. Ikyēne kikasetuligwa ku bēne, lõli Une mbasalile UMWE, kangi mbapele umwe u Busetuli ubwa Yangu injila imbīgwe imbelelesye.

Kwa umwe, Ikyēne kyo Kyákùla Ikifisigwe, kūko umwe mukuswiligwa pa bununu ni kisa kya Lisyu Lyabumi.

Akabalilo kãko Une nītúgalàga mu nyõfu mu Mwanundumiana Gwãngu, abēne balinkusita itolo ukwitikisya ywãni Une nãli; Kyāla nu mūndu. Polelo Une nãfíngìle Une ãngàli kugomokela kangi mu masiku agabumalikisyo nu kwītúgàla mu nyõfu gwãbùndu kamokene kangi bomūmo Une nãbómbìle bo akãli Abraham, kangi Une ãngàli ngusuluka pãsi nu kuya-mundu Nīmwène mu nyõfu gwãbùndu bomūmo Une nãbómbìle akabalilo kala.


Apa kilipo iki abēne bãpóndìlwe, lula kangi lilino, lõli Une ngulonda umwe ukwibwamo nasiku. Ikyãkùlya Ikikyūngìgwe iki Une ngubalyesya umwe, nu ntumigwa, fyo kimo. Ugwe ukabagila ukupãgulania ifyẽne. I Ndumi nu ntumigwa fyo kimo. Une mbabūlìle umwe mu Lisyu Lyãngu iki Une Nisa kubomba mu Lisiku ili. Fyõbène ubwene bo bwīgàne Bwangu ukubīka i Lisyu-lya-pakanwa Lyãngu mu fipãnga, ntwaya twīnu, kulikosa umwe mukubuka; kabuno Ilyēne lyo Lisyu-lya-pakanwa ilipala fiyo ili umwe mubagīle ukupilikisya. Ilyēne lyo LYĒNE Lisyu-lya-pakanwa ilisisimikisigwe ili likuyoba Isi Syo Ikuti U Ntwa.

Kisa kifumile pakufuyuligwa. Umwe lilino mukuswiligwa pa Lisyu Lyãngu. Une mbapele umwe u Busetuli bwa ywãni Une ndi kangi ywãni UMWE MULI. Palingayaga nagumo unsyūngùlu gwa kwilamwa mu ndumbula syīnu na mīnogonèlo. Umwe mwe  Basaligwa Bãngu, Basunguligwa, Nsīngilìgwa Ummanyigwe-ngãni. Umwe mwe Lisyu Lyãngu Iliyobigwe ili lyãli mwa Une m’bwãndìlo.

Umwe mulinabo ubufikilo ku Kyãkùlya, Kyãkùlya Kyãmwámbèpo, ikyo i kīsu-kya-pãsi kikamanyapo nakimo.

Umwe mulinabo ubufikilo ku lubumbulusyo lwa mibili akabalilo kãko abaganga batoligwe; Ikyēne kyo kimo mwa Fyákùlya Une nãfíngìle kangi mbapele mu masiku agabumalikisyo.

Une nãfíngìle ukusetula ifyakusofu fya ndumbula syīnu nu kubomba ifindu ifi. Une ndi mwa umwe. Umwe mwe kiyabo kya Une, kangi Une me kiyabo kya umwe. Ifimanyilo ifi fisa ukukõnga bala bãbo bikwitika.

Pandungu ugu Une nisa kõngánàga u Nsīngilìgwa Gwãngu ukufuma ukusyūngutìla i kīsu-kya-pãsi ni Lisyu-lya-pakanwa Lyãngu. Une nisa kubabula umwe ukwala amaboko gīnu pa yumo nu nníne. Komma ukwiyiputila gwimwēne, iputa kuli yumo yuyo ugwe ulinafyo ifiboko fyako pamwanya, kabuno abēne bikukwīpútìla ugwe. Uswe twisa kwīpùta palikimo, kangi patisa kuyapo umundu yumo umonywa kulikosa ukusyūngutìla i kīsu-kya-pãsi linga umwe mwisa kwītika.

Linga umwe mukwitika, kangi mulinabo nabumo ubwilamwe mu ndumbula yinu, Une nisa kufumusya:

Sētàno, ugwe uponjololigwe! Yeso Kristi akupõnjwìle ugwe! Umwẽne ãsyúkìle ukufuma ku bafwe kangi ikwīsa pakati pa uswe ikilo iki, ikusisimikisya i Ndumi iyi iya masiku gabumalikisyo. Sõka pãnja pa bãndu aba! Baleka abēne, mu Ngamu ya Yeso Kristi! “Mu Ngamu Yangu abēne Bisa kukagila pãnja imisyētáno,” kangi ugwe ukagigwe pãnja. Mu Ngamu ya Yeso Kristi, sõkamo mu kilundilo!

Pisa kuyapo ulubumbulusyo lukuboneka pabuyo ukusyūngutìla i kīsu-kya-pãsi ngati nasiku pabutasi.

Nongwa yafiki uswe tubagile ukugūlìla kalipo kalikõsa, gwãngu mpala nkundwe, kalumbu, apa Ikyēne kilipo, u Mbepo Mwīkèmo, Kyāla, papapa apa, i Kīndu kilakila uswe tuyobilepo.”

Une ngubilikila i kīsu-kya-pãsi ukwīsa ukulungisania na uswe Pandungu ugu pa 12:00 PAMUSI, akabalilo ka Jeffersonville, nu kupilika i Ndumi nu ntumigwa Gwãke ukutwalila uswe Ikyãkùlya Kyãmwambèpo Mu Kabalilo Kãke, Ikyãkùlya Ikifisigwe kuli u Nsīngilìgwa.

Nkundwe Yõsèfu Branham

Ndumi: Ikyãkùlya Kyãmwambèpo Mu Kabalilo Kãke 65-0718E

Ntumigwa: Rev. William Marrion Branham

Masimbo: 1 Banyafyale 17:1-7/ Amosi 3:7/ Yoeli 2:28
Malaki 4:4/ Luka 17:30/ Mwīkèmo Yõhàni 14:12

Gwempala Nsīngilìgwa Gwabukundwe,

I sala yīlìle. Akabalilo kali kifuki. I līnogòno libagile ukutendekigwa. Kyāla ikusoka abana Bãke. U Ntwa Kyāla gwītu afúmwìsye kangi ãsisimikìsye kwa uswe iki u Bwãnalòli Bwãke buli ukwīsìla mu Lisyu Lyãke, kangi ukwīsìla mwa Mbepo Gwãke. Komma na Maka, komma nu bubagili, lõli na Mbepo Gwãngu, kangi i Lisyu Lyako lyo Bwãnalòli.

Umwẽne yo lõsa ãsisimikìsye ku Nsīngilìgwa umwīsyùgu ukuti Yeso Kristi yo yulayula mmayolo, umwīsyùgu, na bwilanabwila. Umwẽne anãngìsye nu kusetula kwa uswe i Ndumi nu ntumigwa gwa sala fyo kimokwene.

Umwẽne asetwile kwa uswe fyõsa ifyakusofu Fyake ifi fyafisigwe mu Lisyu. Umwẽne ãsisimikìsye Ikyēne kwa uswe na Mbepo Mwīkèmo. Likayapo ililãlùsyo mu mīnogonèlo, ndumbula pamo myõyo gyītu. Lisyu-lya-pakanwa Lyãke pa matepi lyo ISI SYO IKUTI U NTWA KU NSĪNGILÌGWA GWÃKE.

Kyāla bwila ikwitikisya injila nyingi ukwīsa ku Mwēne. Umwẽne ikupela u bwīgàne Bwãke bwalupubisyo ukwīsa mu bwīgàne Bwake Ubupelelesye.

Umwẽne kangi apēle U BWĪGANE UBUPELELESYE NI NJILA IMBELELESYE KULI A BANA BÃKE. Bīngi bikugela ukwīsa injila iyingi ukwīsìla mu kubombela Kyāla ububombelo bumo kisita ikyēne ukuya bwīgàne Bwãke ubupelelesye. Ikyēne kibagile ukuboneka nu kupiligwa ngati u bwīgàne Bwãke ubupelelesye, lõli ikyēne kikaya kyakufwana ni Lisyu Lyãke.

Yope nu nyãmbàla unkulumba, apakigwe nubupūpwano, ikwīsa ukufuma kulakula ku Kuyapo kwa Kyāla, alinabo u busetuli ukubõmba ikindukimo kimo kuli Kyāla, kangi ãlõndàga ukubõmba ikyēne kuli Kyāla; lõli u busetuli umwẽne ãlinàbo bwãli busobi.

Kila yumo gwa uswe ikufimbilisigwa ukwãga i Yãke imbelelesye injila imbīgwe. Ngimba uswe twe bãkumanya bulebule uswe tuli mu bwīgàne Bwãke ubupelelesye linga yumo uyu yo naloliloli apakigwe, ikwīsa nubupūpwano ukufuma ku Buyepo bulabula bwa Kyāla, nu busetuli bumo, ali mu bwīgàne ubupelelesye bwa Kyāla?

Yilipo INJILA YIMOYĒNE NTIGA UKUMANYA KULI UBUSISIMIKISYO, kangi Kyāla apèle injila yila kuli u Nsīngilìgwa Gwãke.

I Lisyu-lya-pakanwa lya Kyāla Mwēne abúlìle ikipãnga iki, na mwesa umwe bandu pa matepi, na bandu pa bulungisanio ukukilania ifiyabo ifingi fya kīsu, akabalilo kala kangi LILINO. Umwẽne ãtubúlìle uswe ukupilikisya ku iki umwẽne ãyóbàga naloli kifuki, kangi kuli uswe KOMMA UKUTOLOGWA.

Momūmo nguyobela une, mu Ngamu ya Yeso Kristi: Komma ugwe ukõngelàko ikindu kimo, komma ukwega, ukubika amīnogónèlo gako gwimwēne mu Lyēne, ugwe yoba itolo iki kiyóbìgwe pa matepi gala, ugwe itolo bõmba katikati iki u Ntwa Kyāla alagile ukubõmba, komma ukõngelélàko ku Lyēne!

Umwẽne akãyóbìle, kangi kangi ikyēne kitikusanusya, ukuti abalūmbilìli bakabagila ukulūmbilìla i Lisyu, abamanyisi bakabagila ikumanyisya i Lisyu, pamo abatimi pamo abasololi ukubõmba iki uswe tubilikigwe ukubõmba; abene bikufimbilisigwa, une ngufīmbilisigwa. Uswe tubilikigwe kangi tusayiligwe ukubõmba lūlo. Uswe tukufīmbilisigwa ukusõsòla nu kwãndìsya i Ndumi nu ntumigwa uyu ku bandu, kabuno Ilyēne lyo Lisyu kuli ilisiku lyitu.

Lõli Umwẽne pabwelu ikutubula uswe ukuti uswe tubagile twesa ukuya bapakigwe, nu bupakigwe ubwabwanaloli, twīsúsìgwe na Mbepo Mwīkèmo Gwãke, nu busetuli nubupūpwano, kangi nukuya pãnja pa bwīgàne Bwãke. Mu lisiku lyītu, Umwẽne apèle INJILA IMBELELESYE ukumanya kuli ubusisimikisyo ugwe kupilika i Lisyu-lya-pakanwa lya Kyāla, ukufuma kwa Kyāla Yūyo. Iyēne yo YĒNE njila imbelelesye.

Ububõmbi butikufimbilisigwa itolo ukwandisya nu kulumbilila i Ndumi iyi, uswe tukufīmbilisigwa ukukuba i Lisyu-lya-pakanwa lya Kyāla pa matepi ku bandu.Kukayapo u BUPAKIGWE UBUKULUMBAPO ukukinda ukupilika i Lisyu-lya-pakanwa lya Kyāla. Yikayapo injila iyingi ukumanya kisita unsyūngùlu gwa bwīlàmwe iki uswe tukupilika kyo KATIKATI iki Kyāla ãyobìle.

Mu lisiku ili, ngati nalimo ilingi mu syambukulu sya kīsu-kya-pãsi, Kyāla apèle injila iyi tikupela ikyēne kisitakubombigwa ukupondwa Iyēne, linga ugwe gwe Gwãke Nsīngilìgwa Ummanyigwe-ngãni. Iyēne yisisimikisigwe kangi yisetuligwe ni Mbanda ya Moto ukuya Lisyu-lya-pakanwa lya Kyāla Yūyo ikuyoba mbutalule ku Kipãnga Kyãke.

Ukukīndamo a bafyinj’elifu, abana ba Kyāla bisyūkìle nu kūmilwa ukupilika i Lisyu-lya-pakanwa lya Kyāla kuli bēne. Mūmo abēne bãnyónyìlwe abēne babágìle ukuya kula ilisiku lila akabalilo kãko Yeso ãlūmbílìle ku maelifu pa kyãmba. Ukupilika mūmo Umwẽne ãyobìle i Lisyu Lyãke nu lugano ni kibabīlìsi. Ukupilika mūmo Umwẽne ãbīkílèpo ubutitimikisyo pa kila Lisyu. Mūmo ilyene lyãbagìle ukuyoba nu kukasya indumbula syãbo.

Uswe tuli būmi lilino kangi tuli mu Buyepo bwa Kyāla tukupilika I Lisyu-lya-pakanwa lya Kyāla.

Ilisiku limo lululu ulu uswe tutisa kugomokela ku luko lwa būmi ubu kangi. Uswe twisa kugomokela ngati kīndu ikisitakufwa. Ubutulwanongwa bwisa kuya bumalisigwe. Sētàno isa kuya apinyigwe kuli ifyīnja elifu yumo kangi twisa kwītúgàla pa kīsu iki iki u Ntwa Kyāla gwītu apèle kwa uswe.

Uswe tuli mia-pa-mia bamalisye. Uswe tukayamo siku basangalukepo pamo ukukinda basitakwīlámwìgwa mu myūmi gyītu. Uswe tuli Yumo nu Mwēne ni Lisyu Lyãke. Uswe tuli Lisyu Lyãke. Uswe TULI MU BWĪGÀNE BWAKE UBUPELELESYE UKWĪSÌLA MU KUSYALA NI LISYU LYÃKE, LISYU LYA KYĀLA. Umwẽne isa kugomokelaga ilisiku lililyõsa lilino ukwega uswe ukusõkapo nu Mwēne.

Ndaga Ugwe Ntwa Yeso!

U Ntwa u Kyāla gwīnu afūmwìsye kwa umwe iki kyo Bwãnalòli. U Ntwa Kyāla gwīnu ãsisimikìsye kwa umwe iki kyo Bwãnalòli, ukwīsìla mu Lisyu Lyãke kangi ukwīsìla mwa Mbepo Gwãke. “Komma na maka, komma nu bubagili, lõli mwa Mbepo Gwãngu.” Kangi, u Mbepo, “Kyāla ukulõndèsya bala bãbo bikummwiputa Umwẽne mwa Mbepo kangi mu Bwãnalòli.” “Lisyu Lyako lyo Bwãnalòli.” Kangi Umwẽne yo lõsa ãsisimikìsye ukuti Yeso yo yulayula mmayolo, umwīsyùgu, na bwilanabwila. Umwẽne anãngìsye i Mbeyu sya kunamayolo kwa umwe. Umwe asetwile Ikyēne kwa umwe, mu Lisyu. Umwẽne ãsisimikìsye Ikyēne kwa umwe, ukwīsìla mwa Mbepo.

Ni ndumbula yangu yõsa une ngubabilikila kila yumo gwa umwe ukwīsa ukulungisania ni kiyabo kya Nsīngilìgwa Gwãke bo uswe tukõngàna ukufuma ukusyūngutìla i kīsu-kya-pãsi pa 12:00 PAMUSI, akabalilo ka Jeffersonville, ukupilika i Lisyu-lya-pakanwa Lyãke likuyoba ukwīsìla mu Gwãke ugwakihano-na-kibili gwãndùmi ntumigwa nu kutwalila uswe i Ndumi: Ukugèla Ukubõmbela Kyāla U Bubõmbèlo Kisita Ukuya Bwīgàne Bwa Kyala 65-0718M

Nkundwe Yõsèfu Branham

Amasimbo gãkubala bo tukãli ukupilika i Ndumi:
Kukumbusya Indagilo 4:1-4 / 4:25-26
1 Isyambukulu 13
1 Isyambukulu 15:15
Masalimo 22
Mwīkèmo Mariko 7:7
Yoeli 2:28
Amosi 3:7
Malaki 3
Mwīkèmo Matai 11:1-15
1 Bakorinti 13:1

Sermon: 65-0429E Ukusála Kwa U Nsĩngilígwa

PDF

• 26-0419 U Kusala Kwa U Nsīngilìgwa

BranhamTabernacle.org

Gwempala Nsīngilìgwa Unsaligwe,

Bo uswe tukupilika i Ndumi, U Kusala Kwa U Nsīngilìgwa, bīngi bikwīnogona u nsololi ikuyoba itolo nu kufunda uswe isya kayīlo na kīmìlo u nyãmbàla ãbagìle ukulõndèsya akabalilo kãko umwẽne ikusala u nkīkùlu yula ukuya nkasi gwãke. Ikyo kyo kyãbwãnalòli, umwẽne ikubomba, lõli alipo ugwanaloli umfisigwe u kalata gwa lugano mu Masyu gãke. Iki Umwẽne ikusetula ku Nsīngilìgwa Gwãke kyo kubutali ukukindapo kipala. Kyāla ikuyoba nubutalule ku Mwēne, ukumbula Umwẽne iki Umwẽne ãlõndesyàga mu Mwēne kangi nongwa yafiki Umwẽne ãlínsálìle Umwẽne ukufuma ku bwãndìlo. Umwẽne ãlóndàga Umwẽne ukumanya ukuti Umwẽne ãnsálìle Umwẽne ukuya GWÃKE NSĪNGILÌGWA UNGANIGWA NYAFU-NDUMBULA, uyu Umwẽne ãlóndàga ukuyabana Syēpwa Gwãke nagwe.

Mu bwãndìlo, Kyāla ãlõndesyàga kuli u Nsīngilìgwa yumo uyu ãngàli ikuya na Kãke kalakala a Kayīlo. Gwãke yulayula u Mbepo ãngàli ikuboneka-pabwelu mu Mwēne. Umwẽne ãlóndàga u Nsīngilìgwa yumo uyu ãlyulisìgwe fīyo ku Mwēne, ni Lisyu Lyãke ilifingigwe, mpaka i Līnogonèlo lilalila ili Lyãli mu Mwēne ãngàli likuya mu Mwēne. Umwẽne abagile ukubūmbigwa ngati Umwẽne ayīlìle.

Umwẽne ãlóndàga Umwẽne ukuya Gwãke gulagula u nyõfu, filafila ififupa, yulayula Mbepo, kilakila kilikyõsa, itolo katikati ngati Umwẽne. Babili bala ba bene ãngàli bikwisa ukuya YUMO.

Umwẽne ãngàli atikuya nu lung’atulo lumo ulwandīsu mu kisige kyãke. Umwẽne ãngàli atikwendendeka ukusyūngutìla ni lisyu-lya-pakanwa lililyõsa ilingi. Umwẽne ãngàli ikuya gwãnalòli kangi nsubiligwa ku Mwēne, kisita kupasya iki aligwēsa ãbagìle ukuyoba. Umwẽne ãngàli ikummwega Umwẽne ku Lisyu Lyãke. Kilikyõsa Umwẽne ãyobìle, UMWẼNE ÃNGÀLI IKWITIKA I LISYU LILILYÕSA, kali bo butali nki ikyēne ãngali kikwega ukwīsa kukuyako, umwẽne ãngàli ikwitika Ikyēne. Umwẽne ãngàli ikusyala ni Lisyu Lyãke.

Umwẽne ãngàli ikungana Umwẽne, kangi Umwẽne popãpo. Umwẽne akafīmbilisigwaga ukumpa Umwẽne amabukabi amakulumba, umwẽne ãli nu Lwambo ulwa ntengo unkulumba, u Busetuli ubwabwanaloli bwa Umwẽne. Umwẽne ãngàli ikumanya, abēne bãli YUMO kangi bafwenefwene. Mbepo Gwãke ãngàli ikwītúgàla mu Mwēne. Kilikyõsa Umwẽne ãfúmbwàga, Umwẽne ãngàli ikupa ikyēne ku Mwēne; kyõsa Umwẽne ãbagìle ukubõmba ko kusuma nu ukwītìka, kãngi Umwẽne ãngàli ikubomba ikyēne.

Umwẽne ãmènye Umwẽne ãngàli ikusokapo kuli akabalilo katali ukwakunjengela Umwẽne i nyumba iyi ãngàli yikuya nakyo kilikyõsa itolo ku bwīkyèle nu bwīgánìlo Bwãke. Umwẽne ãyéngàga iyene itolo i njila Umwẽne ãngàli ikuyigana iyene. Umwẽne ãmènye ilisiku limo Umwẽne ãngàli ikugomokela ku Mwēne, bomūmo Umwẽne ãfíngìle, polelo abēne ãngàli bikuya nu Lusekelo lwa Bwēgi ulukulumba kuli ifyinja elifu yumo. Polelo, abēne ãngàli bikubuka palikimo ku Kãya kala akamogi Umwẽne ãfumile pakuyenga kuli Umwẽne ukwakwītugala Syēpwa.

Nakimo ikingi ãngàli kikuya ni mbombo ku Mwēne. Umwẽne ãngàli ikulonda nakimo ikingi. Umwẽne ãngàli ikwikutisigwa fiyo nu kufwana ukuya nu Busetuli ukumanya yoywani Umwẽne ali, kangi yoywani Umwẽne ali. Umwẽne ãngàli ikumanya Umwẽne ãngàli ikukyunga i Lisyu Lyãke. UMWENE ÃNGÀLI IKUYA MFWANIKISIGWE, IKUMANYA UMWẼNE ÃLI YUYO UMWENE ÃLĪNSÁLÌLE UMWẼNE UKUYA NSĪNGILÌGWA GWÃKE.

Bakundwe na bakalumbu bangu, u mwenemaka Kyāla gwa Kumwanya na pãsi ãkétìle ukukindamo-mosa mwa Syēpwa kãngi ASALILE UGWE… UGWE UKUYA GWÃKE UNSALIGWA NDUMBULA-NYAFU NSĪNGILÌGWA. Une ngubabilikila umwe ukwīsa nukwīlúngìsya na une ni kiyabo kimo kya Nsīngilìgwa Gwãke Pandungu ugu, bo Umwẽne ikuyoba ukwīsìla mu Gwãke ugwamaka u gwãndùmi kangi ikutubula Uswe yuswe Gwãke Nsīngilìgwa Unsaligwe.

Nkundwe Yõsèfu Branham

Ndumi: 65-0429E / U Kusala Kwa U Nsīngilìgwa
Kabalilo: 12:00 PAMUSI, akabalilo ka Jeffersonville

Amasimbo:
Bwãndìlo 24:12-14
Yesaya 53:2
Busetuli 21:9

Sermon: 65-0418E Ngimba Kyala Ikwãndulàmo Siku Amĩnogòno Gãke Ukufwãna Ni Lisyu Lyãke?

PDF

• 26-0412 Ngimba Kyala Ikwãndulàmo Siku Amĩnogòno Gãke Ukufwãna Ni Lisyu Lyãke?

BranhamTabernacle.org

Mwebapala Mwebanyenyemusigwe Bala,

Mumo indumbula syitu syabukile mmwanya ngati Ngwasi u bumalikisyo bwa ndungu gwa Paasa. Lisiku ukufuma lisiku, ubupake Bwake bulinkuya bukulumbapo kangi bukulumbapo. Mugonesyo, U Kubiikigwa-mwipumba, U Bupelelesye, polelo u bunoge ubunywamu-fiyo Umwene aatuyengile uswe losa kuli: Ukwene Ko Kupaanda Kwa Lisuba…LWIMIKO, UMWENE ASYUKILE kangi mumi mwa kila gwa uswe. Umwene aastetulaga i Lisyu Lyake kwa kila gwa uswe ngati uswe tukapilikamo siku pabutasi. U bupake bwalwiiswisye indumbula syitu, ubuyepo Bwake bwalwiiswisye imbepo; ikyene kyabonekaga ngati u Bunyakiligwo bwaali kifuki.

Umwene aatubulile uswe iki kyabonike pabuyo ifyinja 2000 ifi fikindilepo, kangi polelo iki kyabonekaga pabuyo lilino mu 2026. Yeso aali yo Kilombe kya Ngano Kyala kyakwanda iki kyaafyusigwe ukufuma ku bufwe. Umwẽne ãfumile pakusyūsìgwa ukufuma ku bafwe. Umwẽne ãfumile pakusyūsìgwa na Maka ga Kyāla gakunyenyemusya. Kyāla ãfumile pakunyenyemusya u būmi Bwãke, ukunsusya Umwẽne ukufuma ku bafwe, kangi Umwẽne ãli fipaso fya kulubukila fya bala bãgonil’utulo. Umwẽne ãli gwãkwànda yula uyu ãlísìle ku bukyano, Ikikose Kya Kyāla iki kyayuganìgwe ukuya kikūmbusyo Kya lupãlisyo kwa Kyāla, ukwītìka ukuti twe basyale ba uswe tubagile ukwīsa. Ikyēne kyãli kimanyilo.

POLELO UMWẼNE ÃSETWÌLE KWA USWE IKI KIBONIKE PA BUYO UMWĪSYÙGU. Ngati Umwẽne ayūganisìgwe ku Lisiku lya Pentekosti akabalilo kãko akõgo ukufuma ku Mwanya ngati unjuganie, umbelo ugwamaka ugwakubopabopa gwãyugènie pamwanya pa bandu. Ikyēne kyãyuganisigwaga kangi pánkyèni pa bãndu bomūmo Umwẽne ãfíngìle mwa Luka 17:30 na Malaki 4, bo u M-w-a-n-u-n-d-u-m-i-a-n-a gwa mūndu isakusetuligwa nu kuyuganisigwa kangi pamwanya pa bãndu.

Lilino, Yo ani yo Mwanundumiana gwa mūndu yula? “M’bwãndìlo ãliko Lisyu, kangi Lisyu ãli na Kyāla, kangi Lisyu ãli Kyāla. Kangi Lisyu ãlinkupeligwa nyõfu nu kwītúgàla pakati pa uswe.” Kangi linga ibumanyisi bõsa ubu uswe tulinabo, kangi ubusisimikisyo bwa Lisyu lya Kyāla; ukwīsìla mu Lisyu lya Kyāla, ni fimanyilo, ni fiswigo, ifi uswe tukukēta umwīsyùgu, ukuti mwa Buku gwa–gwa Luka apa, uyu bomūmo uswe tufumile itolo ukwandisya ukufuma, pamo u–u Luka untu gwa 17 kangi ilinandi lya 30; kangi Malaki 4, kangi a Masimbo amakīndàne aga uswe twīsibìle nago, ukuti i Lisyu lila liyuganisigwe pamwanya pa bãndu, ukuti inyiho imfwano sya mūndu syo sifwile, kangi u Mwanundumiana gwa Kyāla yo mūmi kangi nu losyo lwa Mbepo Mwīkèmo papapa apa pakati pa uswe, kangi ikutupapo uswe u Būmi.

U Mbepo Mwīkèmo itolo alinkūmilisya ukuyugania kangi ukuyugania pamwanya pa uswe, ukusetula kangi ukusetula i Lisyu Lyãke…Fyakwendendeka, fyaluyengo, Maka gakunyenyemusya…

Polelo, akabalilo kãko ikyēne kyabonekaga ngati Ikyēne kikãbágìle ukuya kikulumbapi, Umwẽne ãtubúlìle uswe:

Umwẽne ãlínyítikìsye une ukukēta pamwanya pa kikingo, kangi une mbabwene mwesa ba umwe ukukilania kula…Fyõsa ifi ugwe uganilemo, kangi fyõsa fikuganilemo ugwe, ifyene fipīgwe kwa ugwe.” Muketile? Une nãfibwene ifyene fyõsa ukukilania kula bo lula. Ngimba ikyēne kyãli fiki? Maka Gakunyenyemusya.

UMWẼNE ATUBWENE USWE KULA! Ukukīnda i kikingo kya kabalilo…uswe twãli KULA nu mwēne; bõsa abaganigwa bītu bala aba babūkìle pánkyèni pa uswe…bãtàta, bãyùba, bãna. Uswe twãli kula na bēne na bõsa bala uswe tukãganàmo siku: Mõse, Eliya, Peteri, Pauli…uswe twãli kula twesa palikimo.

Polelo, itolo bo yu nganigwa Mbepo Mwīkèmo Umwẽne ali, Umwẽne akãlóndìle ukutwibwa uswe twe tule babine, basulumanie kangi batikigwe lõsa, popãpo Umwẽne alinkwiyugania Mwēne pamwanya pa uswe kangi ukuti aligwēsa ãbagìle ukubumbulusigwa ukufuma ku kilikyõsa uswe twafūmbwaga.

Abãndu aba, aba bo benekaya binitu ba Kitangalala, u mponjoli gwa Maka gakunyenyemusya, nyenyemusya Ilyēne ku bēne, Ntwa, itolo lilino. Kangi u Mbepo ali buka ukufuma ku ngwasi ukubuka ku ngwasi, ukufuma ku Lisyu ukubuka ku Lisyu, mpaka u bwísùsye bwa Yeso bupeligwege bubonekela-pabwelu mwa kila gwa mibili, kuli ifipalamasigwe, ifyamwambepi, pamo ikyakufūmbwa kilikyõsa abēne bikufumbwa, bo uswe tukwala amaboko pa yumo nu nníne. Mu Ngamu ya Yeso Kristi.

Lila i Lisyu. Lila i Lisyu-lya-pakanwa. KILIKYÕSA uswe tukufumbwa kili pa matepi, Nsīngilìgwa. Kyāla atikwandula amīnogónèlo Gãke ukufwana ni Lisyu Lyãke. Komma akasimbo ntiga pamo akang’wale kãbágìle ukwanduligwa, popãpo Umwẽne ãpelìle i njila  yimo u Nsīngilìgwa Gwãke bãbagìle ukupilika ni mbulukutu syãbo bēne KATIKATI iki Umwẽne ãlóndàga ukuyoba ku bēne.

Kyāla ayobile ku Nsīngilìgwa Gwãke kangi asetwile KILIKYÕSA. Ikyēne kyēgelelìgwe. U Nsīngilìgwa abagìle ukwīsa ku Ndume; yila yo Njila Yãke imbīgwe imbelelesye iyi yitendekigwe kuli umwīsyùgu. Iyene yo ISI SYO ISI IKUTI U NTWA.

Ngimba Kyāla ikwandulamo siku Ilinogonelo Lyãke ukufwana ni Lisyu Lyãke? UMMA. Umwẽne ali bu BWIGANE UBUPUBISYE KANGI U BWĪGANE UBUPELELESYE. U Nsingiligwa Gwake abagile ukuya mu Bwake BWĪGANE UBUPELELESYE. Bukayako kangi mma u Bwīgàne ubupelelesye, pamo ubuyo ubupelelesye, ukukinda ukupilika i Lisyu-lya-pakanwa lya Kyāla ikutalula ukufuma ukufuma kwa Kyāla Mwēne.

Ulubilikilo lwãngu kwa kila gwa umwe ko kulūngosania na uswe Pandungu pa 12:00 PAMUSI, akabalilo ka Jeffersonville, ukupilika i Lisyu-lya-pakanwa lya Kyāla likututwàlìla uswe i Lisyu Ilipēlelesye. Nakumo ukusakisya kukulondigwa, itolo itugasya bwibwēgàme nu kuyoba AMENI KU LISYU LILILYÕSA…bukayako ubuyo ubungi ikyo kibagile ukubõmbìgwa, mwēne ukwīsìla mu UKUBINDA KINA.

Nkundwe Yõsèfu Branham.

Ndumi: 65-0418E — Ngimba Kyāla Ikwandulamo Siku Ilinogonelo Lyãke Ukufwana Ni Lisyu Lyãke?

Uswe twisa kwanda pa mete 61.

Amasimbo gakubala bo tukãli ukupilika i Ndumi:
Kusõka untu gwa 19
Mbalilo 22:31
Mwīkèmo Matai 28:19
Luka 17:30
Busetuli  untu gwa 17

Mwebapala Benekaya Biinitu Ba Kitangalala,

U Paasa uyu ikufinga ukuya Paasa nkulumba-fiyo u Nsingiligwa ayiilemo nagwe siku. Uswe tufumile pakwitugasya mu Buyepo bwa Mwanundumiana, tukutona, tukusyagania uyu uswe tuli. U bwisusye bwa Yeso Kristi bukupeligwa bwakubonekela-pabwelu mwa kila gwa uswe bo i Lisyu Lyake, i Lisyu-lya-pakanwa Lyake, likukoolela panja, Ngwasi ku ngwasi, ikukoolela uswe panja ku Fyakulya fyitu fwa Bwegi.

Kila kyinja pa kabalilo aka u Nsingiligwa ikuya pasi pa buguulile bwa kwisa kwa bumalikisyo-bwa-ndungu bwa Paasa. Akabalilo kako Umwene isakoongania uswe ukufuma ukusyungutila i kis-kya-pasi kuli amasiku mana agakukongana, tukumwiputa Umwene, tukumpalisya Umwene, tukuntufya Umwene; kabuno Umwene asyukile kangi ikwitugala mwa kila yumo gwa uswe. U Nyambala nu Nsingiligwa bikuya YUMO.

Umwene ikutupapo uswe akabalilo kapasima aka ukwigala fyosa ifindu fyankisu ukusyungutila uswe kangi itolo ukutaga akabalilo nu Mwene. Nafimo ifyakusofania fya kisu, bo uswe tukupela i kisu kyitu twibene nu Mwene. Igala ififigo fyitu, simisya fyosa ifiimbilo fyitu na kilikyosa iki kikusofania uswe ukufuma ku Mwene. Ikinyonywo ikikulumba-fiyo kila gwa uswe alinakyo kyo kuya kifukiko ku Mwene. Uswe tukulonda ukwitugala ubumi ubukemesigwe mbwingipo kuli Umwene; ukuya bwila mu bwigane Bwake ubupelelesye. Ukuya biitendekesye kuli u Kwisa Kwake. Kikayako nakimo m’kisu iki, pamo m’bumi bwitu, ukukinda ubulondigwe ukukinda iki.

Umwene atupele uswe akabalilo kapasima aka itolo ukutaga akabalilo nu Mwene, ukuyoba nu kwiputila pa Mwene. Ukufika mu buyepo Bwake nu kwigula indumbula syitu ku Mwene. IKYENE KISA KUYA KYAKWANDULA BUMI KULI U NSINGILIGWA GWAKE!

Umwene amenye ikyene kibagile ukuya kikafu kuli bamo mwa umwe na bana, bakikolo, ni fumbilisyo isingi uswe tulinasyo, loli linga uswe twisakubombela akabalilo kalikosa akaabuke uswe tulinako ukuyoba ku Mwene, ukwikwabila kifukiko ku Mwene, ukwigula indumbula syitu ku Mwene, pala pisakuyapo ulwanduko lwa luko ulunywamu mu bwendo bwitu nu Mwene, mpaka uswe tutisakuyamo siku lulalula.

Bomumo Umwene aaboombile mu lisiku lya Moose akabalilo kako Umwene aatwele abana Bake mu nyumba syabo, ililopa lyamyatikigwe kangi abene bapelaga bene biitendekesye kuli u Kusooka kwabo; momumo ubumalikisyo-bwa-ndungu bwa Paasa gwapasima ubu bubo Umwene atendekisye bwisakuyaga kuli kila gwa uswe.

KINA

Ilyene lyaali lya Kina nkilo ukuti u Ntwa Yeso aali ni Fyakulya Fyabumalikisyo na bafundigwa Bake, mu lukumbusyo lwa Paasa bokukali u kusooka kwa bana ba Israeli. Lo lusako nki uswe tulinalo ukulilanila nu Ntwa mu twayo twitu, pabutasi bwa bwitu bumalikisyo-bwa-ndungu ubukemesigwe, kangi uswe tukusuma Umwene ukutuswa uswe isya mbibi syitu, kangi ukutupa uswe twesa iki uswe tukufumbwa nakyo mu bwendo bwitu.

Gwakumwanya Tata, uswe tukupalisya kuli iki, akabalilo akangi ukuya babunganisigwe palikimo, ulubafu ulu lwa Syeepwa. Kangi uswe tukuketa ulubunju ulu kuli ubupupwe bwa maka ukufuma kwa Ugwe, ukutupa uswe ubukifu kuli u bwendo ubu buli pankyeni pa uswe. Uswe tubungene bomumo abana ba kiHiburi baboombile mu malubunju agakulabila, ukwakwega a manna aga gapiigwe kuli abene ukukisania nkilo kila, ukubakyunga abene ukukindamo ilisiku lyakwisa. Uswe tukubungana kuli a Manna gamwambepo, ulubunju ulu, ukutupa uswe amaka kuli u bwendo ubu.

Unko uswe twesa twande pa 6.00 NAMAYOLO pa kabalilo kitu aka mbuyo-bwitu ukupilika Mugonesyo 62-0204, kangi polelo u nsololi isa kwega uswe ukwingila mu Mugonesyo gwapasima nu Bubombelo bwa Kusukana Injayo pa bumalikisyo bwa tepi yila, iyi yisa kukubaga pa Lifeline app (mu Kingereza), pamo umwe mubagile ukwisya-pasi ubulumbilili mu Kingereza pamo injobelo isingi ukwisila mu kukong’onda pa bulungisanio pasi apa.

KIHANO

Unko uswe tubuke ku lwiputo ni nyumba syitu pa 9:00 NDUBUNJU, kangi polelo kangi pa 12:00 PAMUSI, ukumbilikila u Ntwa ukuya na uswe nu kwisusya utwaya twitu na Mbepo Mwikemo bo uswe tukwipagulila twibene ku Mwene.

Aminogonelo gitu gali gomokelaga ku lisiku lila ku Kalivari, kifuki ifyinja 2000 ifi fikindilepo, nu kuketa u Mpoki gwitu atulikigwe pa kikohekano. Unko uswe tukumbuke untengo unkulumba Umwene aahoombile kuli uswe. Umwene aali yo nsitabonangi Mwanundumiana gwa Kyala, loli aafimbilisigwe ukukubilwa ngati nayumo u nyambala abagile ukukubilwa, panongwa yakuti imbibi syitu syalambalikigwe pa Mwene.

Umwene aafimbilisigwe ukuntuma Umwene ku gehena atobesigwe (Muketile?), panongwa yakuti Umwene aalyegile imbibi syitu. Kangi Kristi aafwile, komma ngolofu; Kristi aafwile ntulwanongwa. Muketile? Kristi akalyonengemo Mwene siku, loli Umwene aalyegile imbibi syitu pa Mwene.

Polelo pa 12:30 PAMUSI, unko uswe tulungisanie palikimo mu twaya twitu ukupilika: 57-0419 U Bupelelesye. Polelo unko uswe unko uswe tulungisania-kangi palikimo mu lwiputo mbimbibi ukufuma pa buumbilili, mu bukumbusyo bwa kukomeligwa kwa Ntwa

MPYAGILO

Unko uswe kamokene kangi twesa toongane mu lwiputo pa 9:00 NDUBUNJU na pa 1200 PAMUSI, nu kutendekesya indumbula syitu kuli ifindu ifikulumba Umwene isakubomba kuli uswe nkati pakati pitu.

Une mbagile ukupilika Umwene ikuyoba, “Setano, isa kuno!” Umwene yo Bwana lilino. Ukufikila ukukilania, ikukamata ifungulilo yila iya bufwe na gehena ukufuma mu lubafu lwake, alinkutulika iyene pa lubafu Lwake Mwene. “Une ngulonda ukupa ubulagano pa ugwe. Ugwe uyiile nsobekesi pabutali kafwene. Une ne mpapigwe-mu-mfunde Mwanundumiana gwa Kyala gwabumi. Ililopa Lyangu likali libisi pa kipingika kila, kangi ubumeleligwe bosa buhombigwe! Ugwe ukuya nu mabwabuke nagamo kangi mma. Ugwe ufuuligwe. Mbapo Umwe ifungulilo isyo!”

Polelo pa 12:30 PAMUSI, uswe twesa twisa kwisa palikimo ukupilika i LISYU: 57-0420 U Kubikigwa-mwipumba.

Lyo LISIKU LYA SOPELO-INGESEFU ili likuyaga pakuya kuli u Nsingiligwa Gwake ukusyungutila i kisu.

Polelo unko uswe tulungisanie-kangi palikimo mu lwiputo mbimbibi ukufuma pa bulumbilili ubu.

PANDUNGU

Unko uswe ikyakwanda tusumuke nukwandana ngati Nkundwe Branham aaboombile u lubunju lula akabalilo kako unnine unnini gwake, i mbeta, aalinsumwisye umwene pa 5:00 NDUBUNJU. Unko uswe itolo tumpalisye u Ntwa panongwa yakum’susya u Yeso ukufuma ku bafwe:

Isala ya buhano ulubunju ulu, umwinangu unnini ni kipambaga ikikesefu ankupululuka pamwanya pa dirisha nu kunsumusya une. Yafwanaga ngati indumbula yake innini angali yikipufuka, ikuyoba, “Umwene asyukile.”

Pa 9:00 NDUBUNJU, unko uswe tulungisanie mu bulungisanio bwitu, ukwiputilana yumo nu yungi nu kwitendekesya twibene ku kupilika i lisyu-lya-pakanwa lya Kyala.

Pa 9:30 NDUBUNJU, uswe twisa kwisa palikimo ukupilika i Ndumi yitu ya Paasa: 65-0418 Ukwene Ko Kupanda Kwa Lisuba.

Pa 12.00 PAMUSI uswe twisa kufyusya agiitu amasyu-ga-pakanwa mmwanya ku Mwene ukumpalisya Umwene kuli a Maka Gakusyusya.

Pa 3:00 PAMUSI, unko uswe kamokene kangi tongaane mu lwiputo, ukumpala Umwene kuli u UBUMALIKISYO-BWA-NDUNGU UBUSWIGISYE UMWENE ATUPELE USWE NU MWENE KANGI NU NSINGILIGWA GWAKE UKUSYUNGUTILA I KISU-KYA-PASI.

Ku bakundwe na bakalumbu bangu ukukilania-inyanja, ngati nkyinja kyakindaga, une ngulonda ukubabilikila umwe ukongana na uswe pa kabalilo ka Jeffersonville, kuli utubalilo tosa twa lwiputo pa lubatiko ulu. Une ngusyagania, loli, ukuti ukukuba a Matepi pa Kina, Kihano, na Pampyagilo pamusi pa kabalilo ka Jeffersonville kubagile ukuya kukafu fiyo kuli bingi ba umwe, popapo nalamba ipilikaga babuke ukukina i Ndumi isyo pa kabalilo aka kanunu kuli umwe.

Une ngunyonywa, loli, kuli uswe twesa ukulungisania palikimo Pandungu 9:30 NDUBUNJU, akabalilo ka Jefferesonville, ukupilika i Ndumi yitu ya Pandungu palikimo.

Une ngunyonywa kangi ukubilikila umwe na bana binu ukuya kiyabo kya maprojeketi ga Fyakwatakwata, amalipoti, nifakupiyapiya, ifi inyumba yako yosa yibagile ukwikyela palikimo. Uswe tukwinogona umwe mwisa kugana ifyene kabuno ifyene fyosa fyaaligwe pa LISYU uswe twisa kupilikaga ubumalikisyo-bwa-ndungu ugu.

Kuli u lubatiko lwa bumalikisyo-bwa-ndungu, inongwa pa katendekesyelo kuli ububombelo bwa Mugonesyo, ifindu ifi fisa kufumbigwa kuli amaprojekti ga Fyakwatakwata, ni nongwa isingi, keta indungisanio isi sili pasi.

Unko uswe tusimisye amafoni gitu kuli u bumalikisyo-bwa-ndungu bwa Paasa ukupagulako ku kwega ifipiicha, ukupilika Ilyandisyo Lya Lisiki Ili, kangi ukukina amatepi ukufuma ku Mesa app, i Lifeline app, pamo i lungisanio iyakwisyigwa-pasi.

Ulwene lo lugindiko ulunywamu kuli une ukubilikila umwe ni nyumba yinu ukwisa palikimo nu Nsingiligwa ukusyungutila i kisu-kya-pasi kuli ubumalikisyo-bwa-ndungu bwiswile nu BWIPUTI, LUTUFYO NU BUBUMBULUSYO. Une ngwitika ubwene bo naloliloli bumalikisyo-bwa-ndungu ubu bwisa kwandula ubumi bwako kwa bwilanabwila

Nkundwe Yosefu Branham