Gwempala Nsīngilìgwa Gwa Būmi Bwãsyèpwa.

Lyo Lisyu-lya-pakanwa lya ywani ili likuyoba kwa uswe pa matepi?

Uswe tubagile itolo ukumanya ilyãmùlo ku lilãlùsyo lila ukwīsìla mu Busetuli ukufuma kwa Kyāla. Mwẽne u Nsīngilìgwa Gwãke unsūnguligwa-ngani isa kuya nu Busetuli bula. Kokuti, uswe tukufīmbilisigwa ukulondesya i Lisyu Lyãke uyu Umwẽne ãyobìle Umwẽne ãli: Yu mwēne unsanusi gwa Lisyu Lyãke. Ywani ãbagile ukulepula nu kwīgùla i Fūngìlo Ihano-na-ibili? Ywani ãbagïle ikusetula fyõsa ifyakusofu ififisigwe fya i Bãngèli? Ywani isakubilikila pãnja nu kulõngòsya u Nsīngilìgwa Gwãke? Ywani isakuya ni Lisyu-lya-pakanwa lya kusitakutoligwa?

Ukufwana ni Lisyu, ikyēne yo nayumo uyūngi ukukinda Melekisedeki, Mwēne. U Nyãmbàla kisita baba pamo yūba, Uyu ãli kisita bwãndìlo pamo ubumalikisyo bwa masiku. Kyāla, Uyu alinkuya nyõfu nu kulya inyama nu nkate gwa filombe, alinkunwa ulupyu lwa kyãmbo, kangi alinkuyoba kwa Abraham. Umwẽne ãli Mūndu nu būndu, ukwītúgàla mu nyõfu gwãbùndu.

Lilala i Lisyu lila lyãyóbìle ukuti Melekisedeki, u Mūndu yula, u būndu bula, ãbagìle ukwītúgàla nu kwīsetùla Mwēne kangi mu nyõfu gwãbùndu itolo bomūmo Umwẽne ãbómbìle kwa Abraham, polelo kamokene kãngi mwa Yeso Kristi; lõli umwīsyùgu, mwa ntumigwa gwãndùmi Gwãke gwakihano-na-kibili gwa Busetuli 10:7.

Umbepo Gwãke ãngàli gukumila kila ikitembe kya mfu ukuti Umwẽne ãbagìle ukuyoba nu kwīsetùla Mwēne ku Nsīngilìgwa Gwãke. Kyāla Mwēne ikwītúgàla nu kuyoba mu nyõfu gwãbùndu. Iyake iyãkwànda i Mbeyu imbyanikisigwe yãlísìle ku bukyano ubumalisye. U lubatiko ubumalisye lwa Kyāla lwãtalìle lwãfikìle; Kyāla nu mūndu bãli Yumo. Kyāla ãyobàga mulomo ku mbulukutu ku Nsīngilìgwa Gwãke bomūmo ãbómbìle kwa Abraham.

Umwẽne ãlísìle nkati nu kwītúgàla mu kila, mu Mūndu gwa Melekisedeki, polelo pánkyèni uswe twapilikemo nasimo isingi isya Melekisedeki, pakuti Umwẽne ãlinkuya Yeso Kristi, lilino, umwe mukīsènie ikyo, panongwa yakuti mu bubumbe bula Umwẽne ãmènye ifīndu fyõsa, kangi umwe mukabagilamo siku ukumanya ikyo nalino.

NALINO…!! Polelo ywani uswe tuli ngimba?

Ifisige fyītu, ubukusi bwītu, kyofiki uswe twãli, uswe twãli mu bwīnogonelo Bwãke ku bwãndìlo. Bo kukãli nukuyako siku u Gwãndùmi yumo, u lutondwa, Kerubi, pamo kalikõsa akãngi. Umwẽne ãlínogwìne ikyēne, Umwẽne ãyobìle ikyēne, kangi apa tulipo.

Ikyo kyo kisitampaka. Uswe tukabagila ukupilikisya ikyēne mu mīnogonèlo gītu, lõli uyo yo Kyāla. Kyāla, nsitampaka!

Panongwa yakuti uswe twãli mwa Umwẽne mbwãndìlo, kyofiki kikubonekaga kwa uswe ukufuma pãpo ubumi bwakufwa ubu apa pa kīsu bumalike?

Akabalilo kãko u nselekesye ugu gwa nyõfu gusatusìgwe, guliko umbili gwakipeligwa, thiofani, u mbili ugu gukapeligwa na maboko, napamo ukupãpigwa nu nkīkùlu, ugu uswe tukubūkako. Polelo umbili gula gukomokela kunyumba nu kupīmba mmwanya u mbili umwīmíkìgwe.

Fyo findu finunu nki ifi fipayilìgwe mu ndãmba kuli u Nsīngilìgwa Gwãke. Keta ifi fikuboneka pabuyo lululu lilino bo Umwẽne ikusetula i Lisyu Lyãke kwa uswe ngati nasiku pabutasi. Yoba isya Kalata gwalugano ku Nsīngilìgwa Gwãke! Lyo lisiku nki uswe tukwītúgalàmo.

Uswe tuli nu Busetuli kangi tumenye ikyēne yo Melekisedeki, i Lisyu-lya-pakanwa lya Kyāla, likuyoba kwa uswe pa matepi. Uswe tuli nu Busetuli ikyēne bo bwa Kyāla ubupīgwe kangi bwīgàne ubupelelesye kuli umwīsyùgu. Kokuti, uswe USWE TUMENYE YWANI UMWẼNE ALI KANGI USWE YUSWE NSĪNGILÌGWA GWÃKE.

U Busetuli Bula bikwisa ukuya bukulumbapo kangi bukulumbapo ilisiku lililyõsa. Kila lisiku ili likukisania likututwàlìla uswe ubusangalufu bwingipo, u Busetuli bwingipo. U Nsīngilìgwa ikwipela Mwēne gwakwīyéndekèsya ukwīsìla mu kwitúgàsya mu buyepo bwa Lisyu-lya-pakanwa Lyãke, bo Umwẽne ikutubula Uswe yo ywãni Uswe tuli, bo bwinginki Umwẽne atuganile Uswe, mūmo Umwẽne akabagila ikugūlìla ukuya na Uswe!!!

Ugweisa, ipela gwimwēne ukuya mwīténdekèsye pa 12:00 PAMUSI, akabalilo ka Jeffersonville, kuli iki kikwīténdekèsya lukuboneka pabuyo, bo uswe tukupilikisya ku Lisyu-lya-pakanwa lya Melekisedeki.

Nkundwe Yõsèfu Branham

Ndumi: 65-0221E “Ngimba Yo Ywãni Melekisédèki Uyu?”

Amasimbo ga kubala:
Bwãndìlo Untu gwa18
Kusõka 33:12-23
Mwīkèmo Yõhàni 1:1
Baroma 8:1
2 Bakorinti 5:1
1 Batesaloniki 4:13-18
Gwãkwànda Timoti 3:16 / 6:15
Bahiburi 7:1-3 /13:8
Busetuli 10:1-7 / 21:16

Gwempala Nsīngilìgwa u Nsaligwa, Nsunguligwa, kangi Mmanyigwa-ngãni:

U ngukumbuka ukuya ntubwa ngukula, ngugela ukusala itepi iyakupilikisya. Bo ngubala imitu une bwila nīnoginàga, une ndisa kupilikisya Ubwegi nu Kusõka, kabuno kila kikaya nakimo ikyakubomba na une; itolo abãndu abēgi.

Polelo ilisiku limo, bo ngupilikisya Bwēgi nu Kusõka, Tãta ãlímbèle une u Busetuli bwa Ndumi yila. Ubupake Bwãke bulinkwisa mkati mu ndumbula yangu. Umwẽne ikuyoba kwa une. I Ndumi iyi YA une. Umwẽne IKUmbula une Umwẽne ãlīnsálìle une bo lukãli ulwãlo lwa kīsu. Ulu lo lunyago lwa bwēgi bwangu. Une ngulonda nayumo lõli Umwẽne. Une ndi gwãnalòli kangi nsubiligwa ku Mwēne, ni Lisyu Lyãke, ni Lisyu-lya-pakanwa Lyãke, LYĒNE. Uswe tuli YUMO.

Mbwanaloli i Ndumi iyi yãli ku ba bīngi abakundwe na bakalumbu aba balyègigwe kangi lilino basõsìgwe, kangi Umwẽne ukubabūla abène iki abēne babágìle ukubõmba; lõli yãlìpo isanusyo IMALISYE KANGI NYWAMUPO iyapabutalipo ukukinda, ingulumbapo nywamu-fiyo, fiyo mbwingi yamakapo.

Pala ãlìpo u Ndume yumoywēne, kangi Umwẽne ãbilikílàga nu kuyoba ku Gwãke mwīngi, u Nsīngilìgwa unsaligwa. I LISYU-LYA-PAKANWA LYA KYĀLA LYÃBILIKILAGA PÃNJA KU GWÃKE UMPĒLELÈSYE, UNSITAKUBWAPULIGWA, NSĪNGILÌGWA MFUNDE GWA LISYU. Yumo uyu akapalamásìgwa pamo ukubwapuligwa nu nyãmbàla. Yumo uyu yo gwãnalòli kangi nsubiligwa ku Mwēne ni Lisyu Lyãke lyēne. Yumo uyu ãli lõsa mwīkutisìgwe na Umwẽne ni Lisyu-lya-pakanwa Lyãke.

Ni Līpyàna Lyãke ni Kisa, umwīsyùgu uswe tubagile ukuyoba, kisita unsyūngùlu gumo gwa bwīlamwe, USWE YUSWE GWÃKE NSĪNGILÌGWA MFUNDE GWA LISYU. LWĪMÌKO!!

Umwẽne ãlóndàga ukusisimikisya pala ãngàli patikuyapo nasimo īsulo inyãbùke akabalilo kãko ikyēne kikwisa ku kubilikila u Nsīngilìgwa Gwãke, popãpo ãlísìle Mwēne kangi alinkwītúgàla mu nyõfu gwãbùndu ikusetula i Lisyu Lyãke nu kubilikila u Nsīngilìgwa Gwãke ku Mwēne. Umwẽne ãli Eliesara uyu ãngàli ikusala u Nsīngilìgwa Gwãke mwēne.

Ukusisimikisya pala pakãlìpo injila nayimo uswe ãngàli tukufuluganikana ywãni ãtuhahaga uswe, Umwẽne Mwēne ãsisimikìsye ikisaligwe ikibõmbèlo Kyãke ukwīsìla mu kuyoba ku mwēne ukufuma mu kafulafumbi ītúlìke mu mpiki. Polelo alinkuyoba pabwelu ku mwēne ukusuluka pa Kisoko Ohio pankyeni pa maelifu.

Umwẽne alinkuya nu kuya ni kipikichala kyēgigwe nu mwēne ukunãngìsya nu kukibùla i kīsu-kya-pãsi, UNE NÃBABÚLÌLE UMWE UNE NISA KWISA KÃNGI NU KWĪTÚGÀLA MU NYÕFU. UMWẼNE YO YÜYO UNE NÃSALÌLE UKWĪTÚGALÀMO, UKUBABILIKILA UMWE UKUYA NSĪNGILÌGWA GWÃNGU. IKYĒNE AKAYA UMWẼNE MMA; IKYĒNE YO UNE NGUYOBA UKWĪSÌLA MWA UMWẼNE. UNE ITOLO NGUBŌMBELA I LISYU-LYA-PAKANWA LYÃKE UKUYA LISYU-LYA-PAKANWA LYÃNGU KWA UMWE. UNE YO UNE UYU ÃKUBILIKÌLE UGWE PÃNJA KANGI IKUKUPELELESYA UGWE UKUYA NSĪNGILÌGWA GWÃNGU UMPELELESYE.

U Busetuli bwa Ndumi Iyi, i Lisyu Lyãke, Lisyu-lya-pakanwa Lyãke, kangi lilino ywani USWE TULI ko kukīnda amasyu gãbùndu ukugela ukulīngània. Une mmenye umwe mumenye katikati iki une nguyoba. Ulwitiko Lyakunyakiligwa lukuboneka pabuyo. U Nsīngilìgwa ikwipela Mwēne mwītendekesye ukwīsìla mu kwitúgàsya mu kuyapo kwa Kyala Mwēne, ukuya mpelelesigwe.

Lo lusako nki ikisu kili nalo ukupilika i Lisyu-lya-pakanwa lya Kyāla likuyoba ku bēne; ukwitūgàsya nu kupilikisya i Lisyu pa Lisyu bo Umwẽne ikuyoba nu kusetula i Lisyu Lyãke nukutubula uswe ywani uswe tuli. Kikayapo nakimo ngati ukwitūgàsya mu Buyepo Bwãke, polelo isaga nukwīlúngìsya na uswe Pandungu pa 12:00 PAMUSI, akabalilo ka Jeffersonville, bo uswe tukupilika Umwẽne ikuyoba ku Nsīngilìgwa Gwãke, i Ndumi, “Bwēgi Nu Kusõka”65-0221M.

Nkundwe Yõsèfu Branham

Amasimbo ukubala bo mukãli ukupilika i Ndumi:

Mwīkèmo Matai 5:31-32 / 16:18 / 19:1-8 / 28:19
Imbombo 2:38
Baroma 9:14-23
Gwãkwànda Timoti 2:9-15
Gwãkwànda Bakorinti 7:10-15 / 14:34
Bahiburi 11:4
Busetuli 10:7
Bwãndìlo Untu gwa 3
Banyalevi 21:7
Yobu 14:1-2
Yesaya 53
Esekieli 44:22 

Sermon: 65-0220 Ubusũngulìgwe Na Kyala U Buyo Bwa Kwĩputilámo

PDF

• 26-0315 Ubusũngulìgwe Na Kyala U Buyo Bwa Kwĩputilámo
• 24-0616 Ubusũngulìgwe Na Kyala U Buyo Bwa Kwĩputilámo

BranhamTabernacle.org

Gwempala Nka Yeso Kristi,

Ili lyo lisiku. Aka ko kabalilo. Kyāla ãtumìle ingwasi Yãke iyamaka ku kīsu ukubilikila pãnja u Gwãke Nka Yeso Kristi, ukuyoba nu kumbula Umwẽne, “Ugwe gwe Yūyo Une nãsálìle. Ugwe gwe Yūyo Une nguganile. Ugwe gwe Gwãngu Nsīngilìgwa umfunde gwa Lisyu Lipelelesye. Uswe tuli YUMO.”

Itolo ukupilika amasyu gala, indumbula syītu sikunyela kuli ubuhobofu. Ukwinogona, mu kīsu-kya-pãsi kyõsa, na gãke amaelifu-elifu kangi amaelifu-elifu ga bãndu, alipo mwēne YUMOYWENE Nka Yeso Kristi, kangi Ugwe gwe Umwẽne, Yūyo Umwẽne ikwisila.

Bulipo BUMOBWẼNE ubuyo ntiga bwa bwīputi. Yilipo YIMOYĒNE imbelelesye i Ndumi ntiga insaligwa. Alipo u NSĪNGILÌGWA UMPELELESYE ntiga…KANGI USWE YUSWE IYENE!!

Tata ali nu buyo BUMOBWẼNE ubusaligwe bwa bwīputi, u Ntwa Yeso Kristi; Umwẽne yo Lisyu. Umwīsyùgu, bulipo u buyo BUMOBWẼNE ntiga kūko ubufwe bwamwambepo bukabagila ukutika: i Lisyu. Bufwe bukabagila ukutika i Lisyu, panongwa Ilyēne lyo Lisyu Lyabumi lya Kyāla.

U Busetuli ubumalisye bwa Lisyu Lyabumi lila busetuigwe kwene kwa Nka Yeso Kristi. Bulipo u buyo BUMOBWẼNE ntiga ubusaligwe kūko Nka Yeso Kristi ãbagìle ukubukako nu kupilika i LISYU ILIYOBIGWE ILIPELELESYE. Alipo unsololi YUMOYWENE ntiga ubusaligwe ukuya Lisyu-lya-pakanwa lya Kyāla. Bulipo ubuyo BUMOBWẼNE ntiga u Nka Yeso ãbagìle ukubukako nu kupilika ISI SYO IKUTI U NTWA: BINDA KINA.

Ukwēne kwisa kuyaga Bwelu ukufwana na kabalilo ka namayolo. O, kyo fiki i Ndumi iyi yisileko, ngimba kyo fiki Umwẽne ikuyaga pakubomba? Kangi mu lisiku ili ukwēne kwisa kuya ko u Bwelu ku kabalilo ka namayolo, kangi (fiki?) ukwambilila abana Bãke ukugomokela kukãya ku Kīsu ikifingigwe, ukwīsìla mu kimanyilo kilakila Kya Mbanda ya Moto iyi yãbalõngolile abana ba Israeli ukukindamo mu lulangalanga.

Yo gwakupãkisya bulebule u Nsīngilìgwa Gwãke ikufimbilisigwa ukuya ukukõnga nu kupilika i Lisyu-lya-pakanwa lya Ndume Gwãke likuyoba ku Mwēne. Buliko ubuyo BUMOBWẼNE ntiga uswe tubagile ukubukako nu kuya mia-pa-mia basisimikisye. Lilipo i Lisyu-lya-pakanwa LIMOLYĒNE ntiga uswe tubikilepo ubufikilo bwitu Bwãsyèpwa.

Nka Yeso Kristi ikwitika ukuti a Masyu Umwẽne ukupilika pa matepi go Masyu ga Ndume Gwãke. Umwẽne ikwitika i Lisyu Lyãke litikufumbwa u lusanusyo nalumo. Kokuti, Umwẽne ikwitika bulipo ubuyo BUMOBWẼNE ntiga ubupīgwe Umwẽne abagile ukubukako nu kuyoba AMENI ku Lisyu lililyõsa, Lisyu-lya-pakanwa lya Ndume Gwãke pa matepi.

Kamokene kãngi, Nka Yeso Kristi, ukufuma ukusyūngutìla i kīsu-kya-pãsi, ãbagìle ukuyoba, “Ilisiku ili i Lisyu iliyobigwe, lyo likufwanikisigwa”

Gwempala Kyāla, kubutali ukusuluka ukukilania amalulangalanga kuli mu Tucson, kubutali ukukilania mu California, mmwanya mu Nevada na Idaho, kubutali ukukilania mu Busokelo nu kusyūngutìla, ukusuluka mu Texas, bo ububilikilo ubu bupīgwe, abãndu bitūgèsye mu–mu tupãnga utunini, mbunwesyela mafuta, utwaya, bikupilikisya nuswe.

Ugwe kubilikigwa ukwīsìla ukupilika mula na Branham Tabernacle pa 12:00 PAMUSI, akabalilo ka Jeffersonville, bo uswe tukupilika Kyāla ikuyoba ku Gwãke u Nsīngilìgwa unsaligwe, i Ndumi, “Ubusũngulìgwe Na Kyala U Buyo Bwa Kwĩputilámo” 65-0220.

Nkundwe Yõsèfu Branham.

Amasimbo ga lubala
Kukumbusya Indagilo 16:+13

Sermon: 65-0219 Ilisíku Ili I Lisímbo Ili Lisisimikisígwe

PDF

• 26-0308 Ilisíku Ili I Lisímbo Ili Lisisimikisígwe
• 24-0609 Ilisíku Ili I Lisímbo Ili Lisisimikisígwe

BranhamTabernacle.org

Gwempala Kyalyoto Luyungu Lwabunyafyale,

Akabalilo uswe twagulilaga nulusubilo nu kwisyukila kali apa. Uswe tufikile. Uswe tukuketa akene kakubaluligwa pankyeni pa maso gitu. Kila lisiku ubusololi bukufwanikisigwa, kangi uswe tubagile ukuyoba; ILISIKU ILI ILISIMBO ILI LIFWANIKISIGWE PANKYENI PA FISIGE FYITU.

Bo bunyenyemusye nki ukwisila mu Busetuli bukuboneka pa buyo nu Nsingiligwa. Na kila Ndumi uswe tukupilika, uswe tukwipilika mu ndumbula syitu ni myoyo, “Ngimba ikyene kibagile ukuya kikulumbapo kangi kinunupo bulebule, Ntwa?” Polelo Umwene ikwisa pakati pa uswe kamokene kangi nu kutupaka uswe bo uswe tukupilika i Lisyu-lya-pakanwa Lyake likukolela panja kwa uswe nu kuyoba, “Ugwe gwe Ndumbulanyafu Gwangu. Une naakusalile Ugwe ukuya Nsingiligwa Gwangu. Bomumo Une naafingile kwa Ugwe, Une ngwisa kuli Ugwe. Une ndi mu njila Yangu. Lululu Uswe twisa kuya palikimo kuli Syepwa.”

Uswe tukulata panja ukufuma ukusyungutila i kisu-kya-pasi, tukuywegela Kumwanya na bahaleluya, balwimiko, indufyo, nu kummwiputa Umwene. Setano aponjoligwe. Tata asosisyepo ifyakwilamwa fyitu fyosa, fyosa ifisitakusisimikisigwa, kosa ukwinogonela ukusosyapo. Uswe tubagile ukufumusya ni ndumbula nu moyo gwitu gosa, USWE YUSWE Kalyoto Luyungu Lwabunyafyale lwa Abraham. U Nsingiligwa Ugwabunyafyale ku Gwabunyafyale u Mwanundumiana umfingigwe.

U buyepo bwa Ntwa bufumile pakuya bununu fiyo bo Umwene ikusetula i Lisyu Lyake kwa uswe bomumo nasiku pabutasi. Umwene ongene u Nsingiligwa Gwake palikimo ni Lisyu Lyake, kangi abikile uswe mu Linogono limolyene kangi mbwitikisanio bumobwene ngati kilundiko kimokyene, tukupilika i Lisyu-lya-pakanwa lya Kyala likuyoba nu kutupelelesya ukwisila mu Lisyu Lyake.

Kila Ndumi uswe tukupilika yiliti bo ikisiba kyanyibuko kikunyibukila panja nkati mu moyo gwitu; yikooneka, yikuguta, kangi yikwibilusya mbupwano ukufuma ku Kikota kya Kyala. Uswe tukunwa kangi tukunwa kangi tukunwa, tukwipuupisya i myoyo gyitu.

Bangu Bakundwe na Bakalumbu, uswe yuswe kufwanikisigwa kwa Masimbo aga gikuyoba Umwene isa kuya nu Nsingiligwa gwa Lisyu umfunde. Uswe tuli: I lisiku ili i Lisimbo ili lifwanikisigwe.

Kyala Mwene aayobile ukufuma Kumwanya ku Gwake u gwandumi gwakihano-na-kibili kangi aayobile, “Bomumo Yohani u Moosi aatumigwe ukutalulila u Bwisa bwakwanda bwa Kristi, i Ndumi yako yisakutalulila u Bwake u Bwise bwakibili, ukwingila mu kisu-kya-pasi kyosa.” U Nsingiligwa abagile ukuyoba: I lisiku ili i Lisimbo ili lifwanikisigwe.

Ngimba uswe tubagile ukupilikisya ukuti i Lisyu-lya-pakanwa lilila lya Kyala liyobile mu lisiku lyitu ukwisila mu milomo gyabundu, lyegeleligwa, libikigwe-mundamba, kangi lipayigwe ukuti Umwene aabagile ukuyoba kwa kila gwa uswe, Isi Syo Ikuti U Ntwa? Umwene apelile ikyene kyakubagila ukuti uswe tukaya nu bufumbwe nabumo ubwa lisyu lya yumo, aminogono ga nayumo, ifundo sya nayumo, itolo ukwitugasya nu kupilika ku Lisyu-lya-pakanwa Lyake likuyoba nubutalule kwa uswe i Lisyu Lyake Ilipelelesye.

FYO FIKI FIKUBONEKA PA BUYO UMWISYUGU?

Kangi u Mwanundumiana yulayula gwa Kyala uyu isile ukufuma ku busokel’ilisuba nu kwisisimikisya Mwene ngati Kyala abonekile-pabwelu mu nyofu, yo yulayula Mwanundumiana gwa Kyala mu bubulunge-bwasinda bwa kubwingilil’ilisuba, uyu ikwilingania Mwene pakati pa kipanga ikilo iki, yulayula mmayolo, umwisyugu, kangi bwilanabwila. U bwanamayolo u Bwelu bwa Mwanundumiana bwisile. I lisiku ili i Lisimbo ili lifwanikisigwe pankyeni pa uswe.

NGIMBA USWE TULI MU BWIGANE UBUPELELESYE BWA KYALA UKWISILA MU KUYOBA NU KWITIKA: “UKUKINA AMATEPI YO NJILA IMBIGWE NA KYALA KULI U NSINGILIGWA GWAKE”?

NGIMBA KILIPO KILIKYOSA IKIKULUMBAPO UKUKINDA UKUPILIKA A MATEPI?

Bwila mu fitatu, bomumo une naayobile ikilo kyammayolo, Kyala ikwimililigwa. Balika a baSodomu, a baLoti, kangi baAbraham. Ubwene bo buyiilo bulabula ikilo iki, ikisu kitugesye itolo bo lula.

Ketesya, Yuuyo aasyele na Abraham aali Kyala Mwene. Abangi babili baali Bandumi batumigwa.

POLELO YWANI IKUYOBA KWA USWE PA MATEPI?

Unko une mbalalusye umwe ikindukimo. Keta ubwitugasyo ubu lilino. Abraham aabilikile u Nyambala uyu yuyo aayobaga ku mwene, “Elohim.” I lisyu lya kiHiburi Elohim likusanusya “u Mwikutisye Mosa Yula, Yula yuyo yo Gwasyepwa Yula,” Elohim, Kyala Mwene!

KYO KYAKULONDIGWA BULEBULE UKUBINDA KINA?

…“ilisiku limo u Mbepo Mwikemo isa kwisa nu kubomba ikindu kilakila, kangi ukuyoba ilisyu limolyene ukulwana ni Kyene kutisa kuhobokeligwamo siku.” Ilyo lyo lisiku ili, kuko i Lisyu lililyosa likufimbiligwa ukutulika palikimo. “Yoba ilisyu limolyene ukulwana ni Lyene, ikyene kitisa kuhobokeligwamo siku mu kisu iki kangi ikisu iki kikwisa.”

Abitu aba ndungu ugu gwakindaga abahaleluya nu kuntufya u Ntwa baali itolo ulwitendekesyo ukubika uswe biitendekesye kuli iki kikuyaga pakuboneka pa buyo Pandungu ugu, bo u Nsingiligwa kamokene kangi ikongana nu kupilika kwa KYALA ikutukasya uswe nu kusisimikisya uswe ukuti uswe yuswe basaligwa Baake Bala, kangi Umwene ikwisa lululu ukwegela uswe ku Lusekelo lwitu lwa Bwegi ulukulumba, ukufuma apo a Kaya kitu Akakunkyeni.

Ili lyo lisiku ili u Ntwa apelile; uswe twisa kusangaluka nu kuya bahoboke mu lyene.

Nkundwe Yosefu Branham

Ndumi: 65-0219- “I lisiku Ili I Lisimbo Ili Lifwanikisigwe.”
Amasimbo:
Mwikemo Yohani Unto gwa 16
Yesaya 61:1-2
Mwikemo Luka 4:16

Gwempala Nsīngilìgwa Mfunde Gwa Lisyu,

Une nitūgèsye apa ulubunju ulu ngwipilika ubupakigwe bo ubu bo une ngupilika, ngubala, kangi ngwifunda i Ndumi iyi u Nsīngilìgwa isa kupilikaga Pandungu ugu. Ubundu bwangu bõsa bupakigwe. Indumbula yangu yikubila nu buhobofu bo ubu mmenye ukuti, USWE TWESA TWISA KUKOMANA PALIKIMO UKUFUMA UKUSYŪNGUTÌLA I KĪSU-KYA-PÃSI NU BUPAKIGWE BUMOBWENE. Uswe twisa kusangalukaga, tukuntufya u Ntwa, twesa akabalilo kamokene, bo UMWẼNE ikuyoba kwa kila gwa uswe nu kusetula i Lisyu Lyãke.

U bupake bwisa kuya bukulumba fiyo mpaka kwisa kuyako ukuywega nu kulata, “haleluya, ameni, tufya i Ngamu ya Ntwa” mõsa ukusyūngutìla i kīsu-kya-pãsi pa kabalilo kamokene, bo uswe tukwisa-nu-mbelo Kumwanya ni ndufyo ni nyīpùto syitu.

Fyo fiki fisa kubonekaga? Kyāla isa kõngánàga nu kuyoba ku Nsīngilìgwa Gwãke. Uswe twisa kuya KILUNDIKO KIMOKYĒNE, mu līnogonèlo limolyēne nu bufwane bumobwẽne bo Umwẽne ikusetula nu kwinangisya Mwēne kwa uswe.

Bukayako ubuyo ubukulumbapo ugwe ubagīle ukubukako, nalimo i Lisyu-lya-pakanwa ilikulumbapo ugwe ubagīle ukupilika; buyakako ubupakigwe nabumo ubukulumbapo ukukinda i Lisyu-lya-pakanwa lya Kyāla likuyoba kwa ugwe kitalule pa matepi.

Kyāla aketesisye pa Lisyu Lyãke ukufuma ku bwãndìlo kangi apēle u buyo bõsa abana Bãke babagile ukubukako nu kupilika Umwẽne ikuyoba nu kusanusya i Lisyu Lyãke Mwēne. U buyo kūko kukayako nakumo ukusakisya, nakumo ukusūbila, nakumo ukuswiga; Ikyēne bo buyo ubupigwe bwa Kyāla ukupilika ISI SYO IKUTI U NTWA.

Akabalilo kãko ikyēne kisetuligwe kwa ugwe, ikyēne kili ngati u bwelu ubukulumba ubu bwasyìgwe mu ndumbula nu moyo gwako…ugwe kuywega, “iki kyo ikyēne. Une ngukibona ikyēne. UNE NDI YUMO NI LISYU. UNE NE LISYU. UNE NE NSĪNGILÌGWA. UNE MFIKILE.

Ikyene kikubombigwa, kangi abene batikumanya ikyene. Muketile, ikyo kyo ikyēne. Muketile? Ena, nkulumba. “Kabuno kūko u Mfimba guliko, kula ingwasi sisa kutelengana,” itolo nubusisimikisyo bo i kīsu-kya-pãsi. Muketile? Ikyo kyo iki Ilyēne lyãyóbìle. Ngimba u Mfimba fyo fiki? I Lisyu. Umwẽne yo Lisyu, u Mfimba, Kristi! “Kristi mwa ugwe,” yulayula mmayolo, umwīsyùgu, na bwilanabwila. Lyo lyabwanaloli bule Ilyēne!

Bo uswe tukubūngàna ukupilika i Lisyu, syõsa imbasyo syitu, syõsa ingamandanio syitu, syõsa indamio syitu, itolo sikusãta. Uswe tukuhoboka bo uswe tukusyagania uswe tukaya nakimo ikya kupasya, uswe yuswe Nsīngilìgwa Gwãke. Umwẽne akaya itolo na uswe, LOLI UMWẼNE ALI MWA USWE. USWE TWE NSĪNGILÌGWA GWA LISYU LUYUNGU. Kilikyõsa kyo kipelelesye. Akapimilo ka kabalilo kãke kapelelesye. Uswe tuli bapelelesye.

Uswe twikutisigwe fīyo kangi bãkupálìsya fīyo ukuyoba ukuti uswe yuswe Lyãke i Lisyu ilipãpìgwe-mu-mfunde lipeligwe lyababwelu; Yeso Kristi yulayula mmayolo, umwīsyùgu, na bwilanabwila, ukwītúgàla nu kusyala mwa uswe. Haleluya!

Uswe tukabagila ukupepusyako pa LISYU LIMOLYĒNE. Uswe tubagile ukupilika I Lisyu-lya-pakanwa lya Kyāla pa matepi.

Ngimba umwe muketilemo siku ingwasi yikupepusyako? Umma, nkulumba. Kukayako ukupepusyako mwa Umwẽne. Napamo u Nkristi ugwanaloli atikubomba mma. Umwẽne akaya ntofu. Umwẽne isa kufwima mpaka umwẽne ikukyaga ikyēne. Ameni. Ena, nkulumba. Umwẽne isa kwaga i Nyama yake. Umwẽne ikulonda a Manna agalululu. Umwẽne isa kusuluka pãsi pala nu kukumba mpaka umwẽne ikukyaga ikyēne. Umwẽne isa kubeluka mwanyapo kangi mwanyapo. Linga kikayako nakimo mu kikoga iki, umwẽne isa kufyuka panini mwanyapo. Mmwanyapo ugwe kubūka, mo fyo fingipo ugwe ubagīle ukukēta. Popãpo akēne ko kabalilo ka ngwasi sya lisiku ili ukubuka ku kupululuka mmwanyapo, ukukumba nkati mu fingo sya Kyāla, komma ukutuugalila i kyakulya fya nõmbo iki kyãgogìgwe ifyinja ifi fikindilepo; sõkapo ukufuma ku kyēne.

Yaga mwīténdekèsye Nsīngilìgwa, uswe twisa kulyaga a Manna agalululu gala, ukwitugasya pãsi pa bupake ubukulumba ukukinda-bosa ubu buliko, Pandungu ugu pa 12:00 PAMUSI, akabalilo ka Jeffersonville, bo uswe tukupilika: 65-0218 U Luyùngu Lutisa Kwingil’ikilingo Ni Ngupili.

Uswe tukubilikila u Nsīngilìgwa ukufuma ukusyūngutìla i kīsu-kya-pãsi ukulungisania na uswe ukuswila pa ya Kyāla imbelelesye i Njila imbīgwe kuli umwīsyùgu. U buyo bwēne kūko u NSĪNGILÌGWA ãbagìle ukuyoba ameni ku Lisyu lililyõsa. Kūko ubupake bwapamwanya bwa Mbepo Mwīkèmo bukuyoba nu kupelelesya u Nsīngilìgwa Gwãke ukwīsìla mu Kubinda Kukina nu kupilika nu kwãmbilìla i Lisyu Lyãke.

Nkundwe Yõsèfu Branham

Amasimbo
Mwīkèmo Matai 24:24
Mwīkèmo Luka 17:30
Mwīkèmo Yõhàni 5:24 / 14:12
Baroma 8:1
Bagalatiya 4: 27-31
Bahiburi 13:8
Gwãkwànda Yõhàni 5:7
Busetuli 10
Malaki 4

Mwetupala Tung’osi,

Lo lugīndiko nu lusako luki ikyēne kili ukuyoba,”Uswe tuli tung’osi twa Kyāla, bãbo Umwẽne abãtumìle ugwãndùmi ntumigwa Gwãke gwakihano-na-kibili ukubilikila pãnja nu kulyesya a Gãke amabīkìgwe-mu-ndamba kangi Manna amafisigwe.”

Uswe tuli bakwīkutisìgwa kangi tukwitika i Ndumi iyi yo Lisyu-lya-pakanwa lya Kyāla ili litumigwe ukupelelesya u Nsīngilìgwa Gwãke. Uswe tukwītika i ngupili yikukwaba ukusõkàpo ukufuma ku ngano, kangi lilino u Nsīngilìgwa Gwãke alambalele mu Buyepo bwa Mwanundumiana, UKUBINDA KINA ukuti atone.

Kangi ikyo kyo iki uswe twīsìle apa, mwīnàngu, ukusyãla mu Buyepo bwa Mwanundumiana mpaka akabugitila kītu akanini ka bãndu apa, mpaka akēne kakwisa ukuya katone fiyo kwa Kyāla, akēne kakuya nkate ku mesa Yãke. Ikyo kyo iki une ngulonda akēne ukubõmba.

Aligwēsa uyu atikwītìka ukuti UKUBINDA KINA nu kupilikisya i Lisyu-lya-pakanwa lya Kyāla ilisisimikisigwe lyo Lisyu-lya-pakanwa ililondigwe fīyo ugwe kufimbilisigwa ukupilika, yo mūndu ikubopa ukufuma ku buyepo bwa Ntwa

Ugwe kufimbilisigwa ukuketana ni kyēne, pamo ukubõmba ikindukimo ukufwana ni kyēne. Ugwe uli nu kumeleligwa kumo, aligwēsa alinako, kangi ugwe kufimbilisigwa ukuketana ni findu ifi.

Kyo kyanaloli kangi kipala bulebule ikyãkwándìsya iki kuli umwīsyùgu. Lulipo ulutapukano lwingi fiyo pakati pa bakokeligwe pãnja ba Kyāla. Ngimba ikyēne kyakukondigwa fiyopo ukukina amatepi mu fipãnga ukupilika i Lisyu-lya-pakanwa lya Kyāla, pamo lilino ikyēne lilino kyakukondigwa fiyopo kuli ubutumigwe ukulumbilila i Lisyu?

Kyāla abilikìle nu kibika-mbuyo ubutumigwe kuno ukukyunga i Lisyu pankyēni pa bãndu. Abẽne bo Batimang’osi. I Lisyu likumanyisya iki. Abẽne bo bakugindikigwa nu bakugīndìgwa ukuya banyambala bãbo Kyāla ãkólìle nu kubíka-mbuyo.

Uswe tukabagila, kangi tulingabombaga, siku ukuyoba abēne bakaya Nsīngilìgwa. Ikyo kyo KISOBI kangi kikaya kyakufwana na iki u nsololi ãtumanyisye uswe. Une mbilike abãndu bikuyoba, “Linga abēne batikukina amatepi mu fipãnga fyãbo, abẽne bo balwana-ni-Lisyu.” Umwe mulingayobaga ngamo siku ikindu kya luko ulo bo ikyo. Ikyo kikunangisya une ugwe uli ni mbepo insobi.

Une mbilike abãngi bayobile, “Abēne bõsa babagile ukuti bapilikege-palikimo na Branham Tabernacle kisita-ikyo abẽne bãli pãnja pa bwīgàne bwa Kyāla.” Umwe mulingasulwa ukuyoba ikindu ikya luko ulo bo ikyo. Mwẽne Kyāla ãménye uyu ali kangi uyu akaya Nsīngilìgwa. Uyo akaya Mbepo gwa Nsīngilìgwa mma ukuyoba ikindu kya luko ngati ulo.

Bope bamo ba bandu aba bikupilikisya-palikimo na Branham Tabernacle bikuyoba, “linga ugwe kubūka ku kipãnga ukwa kupilika amatepi kangi utikupulika-palikimo mu nyumba yako ugwe uli nsobi!” Uko kukaya kutalusya bakundwe na bakalumbu. Linga ugwe kuyoba ikyo, LEKA, ugwe uli nsobi. Aligwēsa ãbagìle ukubõmba bomūmo ABẼNE BIKWĪPILÌKA BALONGOSÌGWE NA NTWA UKUBÕMBA.

Abalumbilili bingi bikwīpilìka ukulumbilila yo njila ya Kyāla imbīgwe kuli umwīsyùgu. Uswe itolo tukukēta ifindu mbukindane, ikyo kili kanunu. To tubalilo twingi tuinga u Nkundwe Branham atēndìke ubufwanikisanio bububu? Uswe tukupilika itolo mu Malãlùsyo Na Mãmùlo, akabalilo kãko abãndu bayobaga isya Nkundwe Jackson ukuti ãli nsobi, umwẽne ãbakémìle abẽne ukuyoba kalikõsa akakulwana nu mwēne ni kipãnga kyãke.

Une ne itolo ngulumbilila ukwīsìla mu njila ya Kalata uyu iki une ngwītìka yo njila imbīgwe ya Kyāla kuli i Branham Tabernacle. Abẽne bo bakundwe na bakalumbu bītu. Abẽne bikungana u Ntwa ni Ndumi iyi. Umo momūmo abēne bikwipilikila u Ntwa ikubalongosya abēne. Ntufye u Ntwa.

Abẽne bikukikēta ikyēne injila yimoyene kangi uswe tukukikēta ikyēne iyingi, ikyo kili kanunu. Une ngãbágìla ukukikēta ikyēne injila yabo kangi abẽne bakabagila ukukikēta ikyēne iyangu. Kwa une, silipo injila nyingi Kyāla apèle, lõli yilipo ntiga YIMOYENE INJILA IMBELELESYE, KANGI KWA UNE, UKO KO KUBINDA KUKINA.

Une ngusuma une nsikupilikisigwa-mbusobi mma apa. Ukwãla pamwanya nu kwiputila abãndu ko mia-pa-mia ukufwana ni Lisyu. Ukupaka na mafuta nu kwiputila ababine lyo Lisyu lya Kyāla ukufwana ni Lisīmbo. Nkundwe Branham ãlūmbílìle kangi ãmanyìsye fyõsa-fibili kwa uswe ukuya Lisyu. Lõli une ngulonda INJILA IMBELELESYE YA KYĀLA UMWENE APÈLE…ITOLO ITIKA PANONGWA YAKUTI KYĀLA ÃYOBÌLE LULO. Ikyo kyo iki une ngwīyùla ukubõmba.

Lõli lilino kuli ububumbulusyo, ikyēne kyo kisa kya Kyāla itolo ukuti Umwẽne, “Ni fulale Syãke umwe mwabūmbúlusìgwe.” Lilino, ikyãkwànda i Lisyu likuyoba lūlo, ikyo kibagile ukuya kyakwīkutisya, lõli linga ugwe utikwitika ikyēne mu Lisyu, polelo filipo ifikūngilwa mu Kipãnga, bo banyambala aba bapūtílìgwe ukumanya akamanyisyilo ka ikyo, aba bisakutendeka ikyēne ukuya kyapabwelu fīyo kwa umwe, ikyo kyo, nu lwītìko ukwītìka.

Une ngwitika mu butumigwe ubupetekigwe-pahano. Une ngwitika mu banyambala ababilikigwa na Kyāla ukulumbilila nu ikumanyisya i Lisyu. Lõli, une ngwitika ukupilikisya i Lisyu-lya-pakanwa lya Kyāla pa matepi yo ya Kyāla INJILA IMBELELESYE KWA UNE.

Mu kupilika a matepi, une ndikufimbilisigwa nukufimbilisigwa ukupilikisya. ITOLO ITIKA I LISYU LILILYÕSA UNE NGUPILIKA. Akayapo u mūndu nayumo untimi nayumo, ubuyo ubungi nabumo une mbagile ukubukako kūko une ngwitika ILISYU LILILYÕSA nu kubika ubufikilo bwangu Bwãsyèpwa, lõli a matepi.

Nasiku pabutasi ukufuma ku bwãndìlo bwa kabalilo u Kyāla apèle abãndu Bãke u lusako nu bubagili ukupilika pa bēne i Lisyu-lya-pakanwa Lyãke likuyoba mulomo ku mbulukutu. Ikyakubutitu kilikyõsa kisetuligwe mu matepi. Ililalusyo lililyõsa lyãmulìgwe pa matepi. Kilikyõsa u Nsīngilìgwa ikufumbwa ukuya mpēlélèsye kili pa matepi.

Lililyõsa i Lisyu ili liyobigwe pa matepi lyo Lisyu lya Kyāla. Une lumo ngãbágìla ukupilikisya pamo ukuya mbagili ukulingania kilikyõsa, lõli une ndikufimbilisigwa mma ukubõmba. Umwẽne ikulonda itolo une ukuyoba AMENI KU LISYU LILILYÕSA, kangi a MATEPI bo buyo BWĒNE une mbagile ukubõmba ikyo.

Lõli akabalilo kãko–akabalilo kãko ugwe kufimbilisigwa ukubõmba ikindukimo ikikīndàne, akabalilo kãko ugwe kufimbilisigwa ukwima ku butumulilo bwako bwa iki ugwe umenye ukuya Bwãnalòli bula, pala po pãpo ikiyabo ikikafu, ikyo kyo kigūse kukwisa, palapala pala.

Une ngwitika na fyõsa fili mwa une, uswe tuli mu Bwīgàne ubupelelesye bwa Kyāla kangi pa sitima ukubuka ku Nineveh. Une nisa kugana kuli i kīsu-kya-pãsi ukwīsa nu kwelela pa sitima yītu na uswe Pandungu ugu pa 12:00 PAMUSI, akabalilo ka Jeffersonville, bo uswe tukupilika Kyāla ikuyoba ku Tung’osi Twãke.

Nkundwe Yõsèfu Branham

Ndumi: 65-0217 “U Nyãmbàla Ukubopa Ukufuma Ku Buyepo Bwa Ntwa.”

Amasimbo agakubala
Yona 1:1-3
Malaki 4
Mwīkèmo Yõhàni 14:12
Luka 17:30

Mwebapala Kikolo Kyabunyafyale,

Bulipo bwene ubuyo BUMOBWENE ubusisimikisigwe kuko ugwe ubagile ukubuka ukupilika u Ntwa ikuyoba ukwisila mu gwandumi Gwake nu kukubula ugwe, “Akabalilo kumbukilaga, umwe mwe bana ba Kyala, i Kikolo Kyabunyafyale kili ni Lilopa Lyabunyafyale. Likayapo I Lilopa ilinunupo nkisu ukukinda ilinu. Umwe mwe bana bangu, mubalanisigwe panja ukukilania i kisu, aba une mpapile kwa Kristi.”

Uswe yuswe Kikolo Kyaabunyafyale kya Kyala tuli ni Lilopa Lyabunyafyale likubopa ukukindamo mu ndepa. Abana aba bapapigwe kwa Kristi ukwisila mu Lisyu-lya-pakanwa lya Kyala likuyoba ukwisila mu Gwake unsololi gwamaka. Ikyene kikabagila ukuya kinunupo ukukinda ikyo biinangu.

Nkundwe Branham, ngimba u Nsingiligwa isa kufumbwa ukusamila ku Jeffersonville pamo Arizona ukuya mu Bunyakiligwo?

“Bisa kuyamo babili nkitala, Une nisa kwega yumo nu kundeka yumo; kangi babili mu ngunda gumo, kangi Une nisa kwega yumo nu kundeka yumo.” Muketile? Popapo abene lumo…Ukukilania i kisu, abene batisa kubunganisigwa mu buyo bumobwene mma ukuya ni findu mwaligwesa. Loli utubugutila utunini twa bene twisa kuya tubalanisigwe mosa ukukilania kisu.

Popapo mumbili, uswe tutisa kuya mu buyo bumobwene pa kabalilo kamokene. Loli lwimiko kwa Kyala, Umwe aali nukuya nu lubatiko ulukulumbapo ukutwala u Nsingiligwa Gwake palikimo.

Uswe tukwiputa kuli fyosa i fipanga ni filundilo ifi fibungene ukusyungutila i—i—i fyakuyobelapo panja ukukilania, ukufuma i kisu, injila yosa ku Kiloboko Kyakubwingililo, ukufyuka mu fyamba fya Arizona, ukusuluka ukwingila mu malukubo ga Texas, kubutali ukwingila mu Kiloboko Kyakubusookelo, mosa ukukilania i kisu, Ntwa, kuko abene babungene. Isala nyingi ukukindana, uswe tuli nkabalilo, loli, Ntwa, uswe tuli palikimo ikilo iki ukuya kibugutila kimokyene, bitiki bikugulila kuli u Kwisa kwa Mesiya.

Umwisyugu, kukaya itolo ukuti Umwene ikubungania u Nsingiligwa Gwake ukufuma ku kisu iki, loli Umwene ikubungania USWE ukufuma ku fiyabo 7 fya kisu-kya-pasi. Ukufuma ku Africa mpaka Antarctica. Kululu kwa Amerika mpaka Kwitongo kwa Amerika, Asia, Australia na Europe. Umwene ikubungania kangi ikongana u Nsingiligwa Gwake ukuya KIBUGUTILA KIMO ukupilika i Lisyu-lya-pakanwa lya Kyala.

Umwene aatubulile uswe ukubuka ku kipanga; na kuko abene bikumanyisya sinda gwa Lisyu, MPAKA uswe tubagile ukwaga kuko abene bikumanyisya I LISYU LYOSA. Ulutufyo luyege kwa Kyala u Nsingiligwa lilino abwagile ubuyo bula, i Lisyu-lya-pakanwa lya Kyala pa Tepi lyo LISYU LYOSA.

Kali ugwe guli mu kyako ikipanga Kyatepi Kyapakaya, i kipanga kyako kuko ifikolo fingi fikubunganisigwa, pamo mu kasyenga mu matengele ga Amazon pamo Africa, kulikosa ugwe ubagila Ukubinda Ukukuba ukupilika i Lisyu-lya-pakanwa lya Kyala likuyoba mulomo ku mbulukutu, ugwe kwisa kuyaga mu KIPANGA KYA LISYU LYOSA.

Uswe tukyagile kila ikipanga kya Lisyu lyosa kangi tukukubilikilaugwe ukulungisania na uswe Pandungu ugu pa 12:00 PAMUSI, akabalilo ka Jeffersonville, bo uswe tukupilika: Malālùsyo Na Māmùlo #4 64-0830E

Nkundwe Yosefu Branham

Gwempala Mpãpìgwe Kwa Kristi,

Abagìle bulebule yumo ukubīka amasyu gamumbili itolo u lugàno nu busangalufu ubu buli ni ndumbula syitu ukumanya u Busetuli bwabwanaloli bwa Lisyu Lyãke lya lisiku lyītu? Ukwinogona, uswe tukãli nakyo nakimo ukubõmba ni kyēne, lõli UMWẼNE, u Une Yo Une UNKULUMBA, ukwīsìla mu kusala Kwãke mwēne, ãtumanyile-ngãni USWE ukuyanakyo ikindu ikikulumba fiyo Umwẽne ãbagìle ukupa uswe, U BUSETULI BWA LISYU LYÃKE KULI ILISIKU LYĪTU.

Umwẽne ãgúlìle, mpaka ubwīsùsye bwa kabalilo bwãlísìle, ukutūya umūyi gwa būmi mwa uswe, ukuti uswe twabagile ukupilika Umwẽne ikuyoba kwa uswe nukuti:

Lilino une ngelile pabwangu ubununu-fiyo uku–uku–uku babūla umwe bãndu nu kibalongosya umwe ngati bãba ãbagìle ukulongosya abana bãke. Umwe mwe bãna bãngu, une mbapãpìle umwe kwa Kristi ukwīsìla mu Nongwainunu iyi iyi une ngulūmbilìla.Muketile? Kangi une–une–une ngulonda umwe ukukula mbwisule twãna utukule, pamo–pamo abana. Kangi une ngulonda ukutwala umwe kwa Kristi pa lisiku lila, bo lūlo Pauli ãyobìle “U mfunde umpēlelèsye.” Kikayapo ikindu nkisu-kya-pasi mu Lisyu lila lõli iki indumbula yako yisakukong’ondela “ameni” ku kyēne.

Kyāla, ikuyoba ukwīsìla mwa gwãndùmi Gwãke ugwamaka, yo ikutalula nu kutulongosya uswe, u Nsīngilìgwa gwa Yeso Kristi. Uswe yuswe batòne lõsa, mfunde mpēlélèsye, bana. Kangi ukwīsìla mu ipyana Lyãke iliswigisye, uswe nalõli tukukong’ondela i Lisyu lililyõsa uswe tukupilika na AMENI! Ulwēne lo lusanusyo ulupēlélèsye lwa Lisyu nu busisimikisye Bwamwakyala!

Linga i Lisyu-lya-pakanwa uswe tukupilika pa matepi lyo: u lusanusyo ulupēlélèsye lwa Lisyu, kyo kiliku ikīngi ngimba u Nsīngilìgwa gwa Yeso Kristi ikufumbwa?…NAKIMO!

Umwẽne atusalile USWE, Ikyake ikibugutila ikisosoligwa-ni-kiboko, ukuyanabo u Busetuli bwabwanaloli bwa Lisyu kuli ilisiku lyītu. Uswe twe bala Umwẽne ãsálìle ukuya pa kīsu, mu mibili gyamfu, ukukindamo mu fyinja elifu gwa bulagili bwa Fyinj’elifu.

Bīnàngu, unko uswe itolo twītúgalèpo pa ikyo i miniti.

Uswe twisa kuya nu mbili umwīmíkìgwe papapa apa pa kīsu. Uswe twisa kulyaga, ukunwa, ukuyenga inyumba, ukwītúgàla itolo mūmo tukubõmbèla lilino kuli ifyinja elifu yumo. Akene kisakuya bwitabwale bwītu kūko u Nsīngilìgwa (USWE) nu Nyãmbàla (Ntwa Yeso Kristi) twīsìle ukuya YUMO.

Uswe tukuketesya nu kugūlìla kuli akabalilo kalwīmìko aka i miniti yiliyõsa ya lisiku lililyõsa. Ukwēne ko kifuki fiyo ukwēne kuli kifuki ngati uswe tubagile ukupalamasya ikyēne. Une ngwītìka, ni ndumbula yangu yõsa, iki kyo iki kikubõmbìgwa kwa uswe umwīsyùgu:

O, bula ubõngàne bwamwambepo bwa Kristi ni Kipãnga Kyãke lilino, akabalilo kãko unyõfu gukuya Lisyu, kangi i Lisyu likuya nyõfu, liboneseligwe, lisisimikisigwe. Itolo iki i Bãngèli lyãyóbìle kyãbágìle ukubõmbìgwa mu lisiku ili, ikyēne kikubõmbigwa, lisiku pa lisiku. Fiki, ikyēne kikulūndikana nu bwengo fīyo pãnja pala, mu malangalanga gala, ni findu fikuboneka pa buyo, ifi une ngãbágìle nu kubagila ukūmílìsya ukufwanikisya nafyo. Uswe tuli kifuki ku Kwisa kwa Yeso, ukõngàna ni Kipãnga Kyãke, kūko i Lisyu likuya Lisyu.

Na kila Ndumi uswe tukupilika, bu bwingipo bwa Busetuli Umwẽne ikupa uswe. Ikyēne kikulūndikana nu bwengo fīyo uswe tukabagila nubukafu ukūmílìsya ukufwanikisania ni Kyēne. Uswe tukukēta i Lisyu likwisa ukuya Lisyu ngati nasiku pabutasi. Gukayapo mma unsyūngùlu gumo gwa kwilamwa kumo; ukwīsìla mu Busetuli, uswe TUMENYE katikati ywani uswe tuli.

Umwẽne ikubūngània u Nsīngilìgwa Gwãke itolo mūmo Umwẽne ãyobìle Umwẽne ãngàli ikubomba, kangi uswe tuli kiyabo Kya Ikyēne. Uswe tukukēta Ikyēne kikubõmbìgwa ni fisige fyītu fyène. Abãngi babagile ukuti batikukiketa Ikyēne pamo ukupilikisya Ikyēne. Ikyēne kikaya kyãbo mma. IKYENE KYĪTU, ABANA BAKE ABAPÃPÌGWE.

U Nsīngilìgwa ãli na malãlùsyo ukundàlùsya u nsololi.

Ngimba ikyēne kifwene ukupilikisya KWENE ku Lisyu-lya-pakanwa lya Kyāla pa matepi? Kyāla ãlyámwìle kangi alinkuti: ENA!!

Ngimba abana bitu bõpe babagile ukwaga fyõsa abēne bikufumbwa ukuya Nsīngilìgwa gwa Kristi itolo ukwīsìla mu kupilikisya a matepi: ENA!!

Kokuti, fyõsa u Nsīngilìgwa ãli nu kufumbwa nafyo fili PA MATEPI GALA.

Uswe nuswe tumenye Kyāla apèle injila nyingi fiyo kuli abana Bãke.

“Ni fulale Syake ugwe gwabumbulisigwe.” Lilino i Lisyu lyakwanda likuyoba lūlo, ikyo kibagile ukuya kwakufwana, lõli linga ugwe utikwitika ikyēne mu Lisyu, polelo filipo ifikūngilya mu Kipãnga, ngati abanyambàla aba bapūtílìgwe ukumanya akamanyisyilo ka ikyo, aba bisa kupela ikyēne kyapabwelu fiyo kwa ugwe, aba bo, nu lwītìko ukwītìka.

Uswe twe bãkupálìsya fīyo Kyāla apèle abanyambàla aba bapūtílìgwe ukumanya akamanyisyilo ka bubumbulusyo ni Lisyu Lyãke ukupela ikyēne kyapabwelu ku bangi, lõli u Nsīngilìgwa Gwãke ikulonda Iyake IMBELELESYE INYĪKUTISYE INJILA IMBĪGWE. Ikyēne kyo kyosa USWE TUKUFUMBWA.

Une ngulonda ukukubilikila ugwe ukwīsa ukwīlúngisània na Branham Tabernacle Pandungu ugu pa 12:00 PAMUSI, akabalilo ka Jeffersonville, bo uswe tukupilikisya: Malãlùsyo Na Mãmùlo #3 64-0830M
Bo bununu nki ukwēne kuli ukuya nu Busetuli bwa Lisyu Lyãke nu kumanya uswe tuli Lisyu lipeligwe nyõfu.

Nkundwe Yosefu Branham

Mwebapala Tungwasi,

Kūko u Mfīmba guliko, ko kūko u Nsīngilìgwa isa kutelengana palikimo. Kangi kwa uswe, buliko itolo ubuyo bumobwẽne ubupelelesye uswe tubagile ukwaga amapupwe a Manna kyakulya: ukwīsìla mu ku bīnda KUKINA nu kupilikisya i Lisyu-lya-pakanwa lya Kyāla pa matepi.

Yoba isya Manna MAPUPWE, ngimba uswe tubagile nu kwanda ukwinogona iki uswe tulinakyo mulamula mu nyobe syitu? Lilalila i Lisyu-lya-pakanwa lya Kyāla likuyoba ku Nsīngilìgwa Gwãke unganigwa pa tepi, kūko kukayako nakumo ukusakikisya, nakumo ukuswiga, nagamo amalãlùsyo, pamo ukwīlwa iki uswe tukupilika yo Kyāla, ikubõmbela imilomo gyabūndu, ukuyoba Isi Syo Ikuti U Ntwa ku Nsīngilìgwa Gwãke.

Ukwīsìla mu busetuli, uswe tukwītika Ikyēne bo buyo BWĒNE uswe tubagile ukubukako nu kutusya imyoyo fyītu ukuti a Masyu uswe tukupilikisya gakaya masyu ga mūndu, napamo lo lusanusyo lwãke pamo līnogono lyõngelígwèko ku Lyēne, lõli Ilyēne lyo lipelesye Lisyu lya Kyāla likuyoba kwa uswe Tungwasi, ikusetula i Lisyu Lyãke.

Uswe tukulilanila ukusyūngutìla i Lisyu. Uswe tukubala i Lisyu Lyãke mu Mabãngèli gītu. Uswe tukupilika nukupilika abanyambàla abasayiligwa kangi ababilikigwe na Kyāla bīsusìgwe Mbepo Mwīkèmo Gwãke, bikwãndisya nu kulūmbilìla i Lisyu lya Kyāla, lõli mu lisiku lyītu, Kyāla apele u buyo kūko uswe tubagile ukupilikisya i Lyãke ILIPELELESYE ILISYU ILIYOBIGWE, ukwīsìla mu kubīnda KUKINA.

Tata alinkupa nukupa u Nsīngilìgwa Gwãke u lusako ukulãlùsya amalãlùsyo aga gãli pa ndumbula yītu ukuti uswe tuyege ni lyãmùlo ilipelelesye:

• *Ngimba Sētàno abagile ukubõmbela ikikūngilwa kya ndimi mwa mūndu uyu ali Mbepo Mwīkèmo?
• *Ngimba Yeso ãsanusyaga fiki mwa Matai 12, ilinandi 32?
• *Twalamba līngània Gwakwanda Bakorinti 13:8-12.
• *Ngimba abakikulu bikwītikisigwa ukúmbomb’imbombo sya bwīkolanie bwa filūndilo akabalilo kãko abēne bali nu nyãmbàla unkafu na bana?
• *Ngimba ikyēne kisobi kuli u nkīkùlu ukusololosya inywili syake?

Kyāla apele injila nyingi ukusaya nu kukasya u Nsīngilìgwa Gwãke, lõli bulipo ubuyo bumobwẽne Umwẽne apèle kūko u Nsīngilìgwa Gwãke abagile ukuya lusubilo lwa mia-pa-mia iki abēne bikupilikisya lyo LISYU LYÃKE ILIPELELESYE. I Nyībùko yimoyene ya Misi Mumi kūko u Tungwasi tubagile ukunwãko kūko kukayako ububagililo bwa lufubo lulilosa. BINDA KINA.

Une ngubabilikila umwe ukwīsa kukunwa ukufuma ku Nyībùko yila Pandungu ugu pa 12:00 PAMUSI, akabalilo ka Jeffersonville, kūko uswe twisakupilikaga 64-0823E “Malãlùsyo Na Mãmùlo #2.”

Nkundwe Yosefu Branham

Gwempala Kipanga kya Branham,

Mbonio ku Nsingiligwa ya Yeso Kristi ukufuma ukusyungutila ikisu-kya-pasi, aba bikwitika i Kipanga kya Branham, i Lisyu-lya-pakanwa lya Kyala, lyo kipanga kyabo kya kukaaya kuko abene bikuswiligwa mwambepo na Mana amafisigwe aga gabikigwe-mu-ndamba nu kukyungigwa kuli u Nsingiligwa gwa Kristi.

Aka ko kaya kangu kalwalo; ili lyo likulumba lyangu; kuno ko kuko uswe tubambikigwe. Lilino, kolelela ikyo mu linogono kali kyo fiki kikuboneka pa buyo. Lilino, linga ugwe gwe gwamahala, ugwe kwisa kukola ikindukimo. Kali kyo fiki kikuboneka pabuyo, ili lyo likulumba lyitu, papapa apa!

Bingi abitiki bwila batoligw’ukupilikisya pamo babikile ilinogono lyabo pamo ubulinganio ku iki u nsololi aayobile apa, loli umwene ikumbula u Nsingiligwa nukutalula, “linga umwe mwe bamahala, umwe mwisa kukola ikindukimo, ili lyo likulumba lyitu, papapa apa!

Ngimba umwene aasanusyaga fiki na iki?

Akabalilo kako Nkundwe Branham aali apa, bingi batoligw’ukupilikisya umwene kangi balinkwinogona u Nsingiligwa aafimbilisigwaga ukubuka ku Arizona nu kunkonga umwene kula, ukuya mu Bunyakiligwo. Nkundwe Branham aalyamwile abene pabwelu, SYALA KUNO, UBU BO BUYO BULA.

I kibugutila kyosa ikinywamu kya bene kili nkusokapo injila yila, kangi abene balondaga ukubuka iki nu kubomba kila, ukufuma papo une nababulile abene ukusyala kula. Syala kula, syala papapa apa; ubu bo buyo bula.

Abandu balinkusumuka ukusokapo ukufuma kulikosa ukusyungutila United States ukubuka ku Arizona, loli umwene pabwelu aababulile abene: Syala papapa apa, ubu bo buyo bula!

Syala mu Jeffersonville? Ikyo kyo iki umwene aayobile!

Ubwangu u Busetuli bobwakuti, ikyene aali Kyala, ikkuyoba ukwisila mu nsololi Gwake nu kubabula abandu, “SYALA NA MATEPI.” Bula bo BUYO BULA!

Umwene aasulumenie fiyo kangi aayobile umwene afimbilisigwaga ukubomba ikindukimo na bandu bosa bala. Ngimba ikufimbilisigwaga ukubomba fiki? Kyo kipanga nki umwene angali ukubatumako? Kokugu abene babagile ukubuka? Ngimba Nkundwe Branham aayobile fiki umwene aafimbilisigwaga ukubomba?

Popapo lilino, une ngufimbilisigwa ukubatwala abana bala ukugomokela apa kuli ikindukimo ukulya. Abene bali ukusuluka kula mu lulangalanga bikususilwa.

Umwene akaayobile abene angali bikufumbwa ukubuka ku kapanga kamo akankaya nu kwegako utu utupooso utunini abene baabagile ukuswiligwapo. Umwene aayobile umwene aafimbilisigwaga ukutwala abene UKUGOMOKELA APA kuli ikindukimo ukulya, kisita-ikyo abene angali BIKUSUSILWA KU BUFWE.

UBWANGU U BUSETULI, BINANGU

Lilino, kisita kamokene kangi ukusita-kupilikisya, pamo ukuyoba ikindukimo umwene akaayobile mma, ukwisila mu kuyoba, “Nkundwe Branham aalondaga umwitiki aligwesa ukusamila ku Jeffersonville ukuya Nsingiligwa.” Nkundwe Branhama aamenye bosa abandu bala, kangi umwitiki ALIGWESA ukufuma ukusyungutila i kisu-kya-pasi, akabagile ukusamila nu kwitugala mu Jeffersonville. Ikyo angali kya kusitakubagila. Popapo umwene aasanusyaga fiki? Umwene ONGANIAGA u Nsingiligwa gwa Kristi ukusyungutila a MATEPI aga galyegeleligwe nu kubikigwa-mu-ndamba kuli u Nsingiligwa ukuswiligwapo.

Iyi i Ndumi, Ili i Lisyu, lyo Lisyu Iliyobigwe lya Kyala kuli umwisyugu kangi Ilyene lisa koongania nu kupelelesya u Nsingiligwa gwa Yeso Kristi.

U mfimba kyo iki i ngwasi sikuswiligwapo. Lilino, i ngwasi yikwinogoneligwa mu i Baangeli, u nsololi. U nsololi yo ngwasi. Kyala—Kyala ikwibilikila Mwene i Ngwasi yimo, kangi uswe yuswe “utungwasi” polelo, a—a bitiki. Umwe muketile? Kangi u mfimba go fiki ugu abene bikuswiligwapo? Lyo Lisyu. Kulikosa i Lisyu liliko, ikipeligwa kyanaloli kya njuni kisa kunangisya kyene.

Kokugu liliko ilipelelesye, ilisisimikisigwe, ilisita kusitakupilisya, i Lisyu lya Isi Syo Ikuti U Ntwa kuli umwisyugu? Bulipo ubuyo bumobwene, A MATEPI.

Une naabagile ukukindilila nu kukindilila, kyandisyo pa kyandisyo, loli i Ndumi iyi na iki Nkundwe Branhama aayobile fikwega u Busetuli ukufuma kwa Kyala. Uswe tukufimbilisigwa ukubala pakati pa mabung’wale ukwisila mu busetuli, loli ukuyoba iki umwene aayobile. Kabuno Ilyene lyo LISYU ILIPELELESYE.

Laalusyo na Maamulo kuli umwisyugu na iki une NGWITIKA

Umwisyugu, abalumbilili bingi bikuyoba ku bandu ukuti ukwisila mu kuya ni Kipanga Kyakukaaya Kyatepi uswe tuli panja pa Lisyu na iki Nkundwe Branhama aayobile ukuti tubombe. Abene bikwipilika uswe tubagile ukubuka ku iki abene bikukolela kangi bikwinogonela ukuya kipanga.

Galipo mbwanaloli mingi, mingi amaandisyo kuko u Nkundwe Branham ikuyoba iki.

Lilino, ugwe buka ki kimo ikinunu ikipanga kya Nongwainunu Inyisusye kangi iyegela ugwe ikipanga kimo kyakukaaya.

Kangi une gwitika ikyo ni ndumbula yangu yosa, panongwa yakuti umwene aayobile lulo. Loli une gwitika uswe tukubomba ikyo mu KUYA NI KIPANGA KYATEPI KYAKUKAAYA. Ubuyo bwitu bukaya bo ubu bupala kwa Ntwa mma. Ikyo kyo kiyumba itolo. Loli akabombo kiitu ku Ntwa ko kusyala ni Lisyu Lyake, KOMMA U BUYO PAMO IKIYUMBA. U buyo butikupoka nu kupelelesya u Nsingiligwa, I LISYU LIKUBOMBA.

Linga une ngubuka ku kiyumba kya kipanga, loli abene biibibwe IKINDU IKINYWAMU: ukupilika i Lisyu-lya-pakanwa lya Kyala ukwisila mu Kubinda Kukina, kangi bapyanikisye ikyene ukwisila mu ITOLO ukupilika a balumbilili bikulumbilila i Ndumi, ngimba kila kisa kwiikutisya kimalisye nu kuswila u moyo gwako? Ikyene kibagile ukwiikutisya u moyo gwako, nkundwe gwangu na kalumbu, loli ikyene kitisa kwiikutisya u Nsingiligwa.

Unko une niingisyepo apa nu kuyoba ukuti balipo maelifu ga bandu aba bakaya nakyo ikiyumba kya kipanga ikyakubukako. Ngimba abene bayongile? Linga abene bakaya nayo u ntimi pamo ikipanga, ngimba ikyo kikusanusya abene bakabagila ukuya Nsingiligwa? Linga ugwe kwitugala nkati mwa mamailosi 100 ga kiyumba kya kipanga, ngimba ugwe kufimbilisigwa ukubuka ku kipanga kila? Loli linga une ngwitugala pabulali ukongelelapo, une ndikufimbilisigwa ukubomba? Une ngufimbilisigwa ukuketelela-pa-sinema u ndumbilili yula, loli une ngabagila ukuketelela-pa-sinema amatepi? I kiyumba ikipalamasigwe kyo iki u nsololi ikuyoba kyo kindu ikipala fiyo uswe tukufimbilisigwa ukubukako?

Kokugu u nsololi aalondaga ukutwalako u Nsingiligwa?

Linga ugwe ukabagila ukwisa kuno ku kipanga iki, aga kimo ikipanga kubuyobumo; buka ku kyene.

Kamokene kangi, kokugu kuliko ulusalo lwake ulwakwanda ukutuma abandu? Ku Branham Tabernacle, i Lisyu, a matepi. Ikyo kyo iki Kyala apele u Nsingiligwa Gwake ukubomba mu kabalilo-kakuusulo aka, kangi uswe tukubomba ikyene ilisiku lililyosa KANGI Pandungu guligosa.

Ukuti ndingayaga nsita-kupilikisigwa. UNE NDIKUYOBA ugwe kufimbilisigwa ukuketelela-pa-senema a matepi na ba Branham Tabernacle ukuya Nsingiligwa. Une NDIKUYOBA MMA ugwe ulingabukaga ku kipanga. Une NDIKUYOBA MMA ugwe ukabagila ukupilika abalumbilili. Linga ugwe kwitika ikyo, ugwe usokilepo pa Lisyu. Une nguti ukupilika i Lisyu-lya-pakanwa pa matepi lyo Lisyu-lya-pakanwa ilipala ukukinda UGWE KUFIMBILISIGWA UKUPILIKA, kangi une ngwitika u ntimi aligwesa ikufimbilisigwa ukukina i Lisyu-lya-pakanwa lila, a matepi, mu fipanga fyabo. Loli abene bapelile ululeyo lulilosa ulu luliko UKUSITA KUKINA A MATEPI. Linga kila kyo kipanga kyako, ugwe utukuswila pa Lisyu.

Iki kyo pabwelu iki umwene akaalondile mma ukuboneka kangi iki abandu baaboombaga.

Kangi ugwe buka ku kipanga; komma ukwitugasya ku kaya, ukubuka ku kulob’iswi, kangi ukufwima, ni fingu bo ifyo Pandungu.

Uswe tutikubomba ikyo mma. Uswe tukoongana ukusyungutila ikindu ki kilakila iki kisa koongana u Nsingiligwa, i Ndumi Iyi, i Lisyu-lya-pakanwa Ili.

Kamokene kangi, une naloli ngwitika mu kubuka ku kipanga. Filipo ifipanga fingi ukusyungutila i kisu-kya-pasi ifi fikubika a matepi ikyakwanda mu figemo fyabo, ntufye u Ntwa. Ngimba une ngwitika ugwe ubagile ukusyala ku kaaya kisita-ikyo ugwe ukaya Nsingiligwa? UMMA, UMMA, UMMA…Une nginogonamo siku ikyene, ngitikamo siku ikyene. Une itolo ngulonda u KUBINDA KUKINA kisita kupasya kuko ugwe uliko pamo kyo kipanga nki ugwe kubukako.

Linga ugwe ukaya nu Busetuli bwa iki umwene ikuyoba, polelo ugwe ubagile pabwelu ukuyoba, “Une ndikufimbilisigwa ukupilika kwa Nkundwe Branham pamo nu kufimbilisigwa u KWITIKISANIA na fyosa ifi umwene ikuyoba. Umwene aayobile nukuyoba lulo, balipo bingi fiyo abangi abanyambala abakoleligwe-na-Kyala.”

Kindililaga nkyeni. Uswe tukuketesya apa, kikuyoba, “Ngimba uswe tubagile ukubuka ku kipanga iki kitikwitikisania na ugwe?” Naloliloli, une ndinku…Une ngaya sangalabwe yene pa kiloboko, umwe mumenye. Balipo—balipo itolo abangi abanyambala abanyakyala kulikosa; une ngusubila une ne yumo gwa bene.

I Lisyu-lya-pakanwa lya Kyala pa matepi lyo SANGALABWE YANGU, LYALABWE LYANGU. Ilyene lyo Lisyu-lya-pakanwa une ngulonda ukupilika kangi i Lisyu-lya-pakanwa une ngulonda i Branham Tabernacle ukupilika.

Linga umwe mukulonda ukulungisania na uswe, umwe mwe bakukinda baambililigwe, bakundwe na bakalumba bangu. Lungisania na uswe pa 12:00 pamusi, akabalilo ka Jeffersonville, bo uswe tukupilika i Lisyu-lya-pakanwa lya Kyala likuyoba nu kwamula amalalusyo mingi ugwe ubagile ukuya nago pa ndumbula yako. Kangi pilika kuli gwimwene linga ifindu ifi une njobile mwa kalata uyu fyo panja pa Lisyu kangi une ngapilikisya iki Kyala ikuyoba ku Nsingiligwa Gwake.

Iki umwene ikuyoba pa matepi yo Isi Ikuyoba U Ntwa. Komma iki une nguyoba umwene ikuyoba, pamo iki une ngwitika umwene ikuyoba, kangi MWENE Kyala abagile ukupa ugwe u Busetuli bwabwanaloli.

Nkundwe Yosefu Branham

64-0823M – “Malalusyo Na Maamulo #1″