All posts by admin5

24-1222 Onyankopɔn Akyɛdeɛ a Wakyekyere Ho

Nkransɛm: 60-1225 Onyankopɔn Akyɛdeɛ a Wakyekyere Ho

BranhamTabernacle.org

Ɔdɔfoɔ Owurayere YESU,

Oh Nyame Adwamaa, Wo ne Onyankopɔn Akyɛdeɛ kɛseɛ a wakyekyere de ama ɛwiase. Woama yɛn Akyɛdeɛ mu kɛseɛ a wɔde ama pɛn, Wo-ankasa wo ho. Ansa na Wobɔɔ nsoromma a ɛdi kan no, ansa na wobɔɔ asase, bosome, owia nhyehyɛeɛ no, na Wonim yɛn na Wo yii yɛn sɛ yɛnyɛ W’ayeforo. 

Saaberɛ no a Wohunuu yɛn no, Wodɔɔ yɛn. Na yɛyɛ Wo honam mu honam, Wo dompe mu dompe; na yɛyɛ Wo fã bi. Sɛnea Wodɔɔ yɛn na wopɛɛ sɛ Wo ne yɛn bɛbɔ fekuo.  Wopɛɛ sɛ wo ne yɛn kyɛ Wo Daa Nkwa. Na yɛnim saa berɛ no, sɛ yɛbɛyɛ Wo Owurayere YESU.

Wohunuu sɛ yɛbɛdi ntwo, ɛnti na ɛsɛ sɛ Woma ɔkwan bi a wobɛfa so asan de yɛn aba. Na yayera a na yɛnni anidasoɔ. Na ɔkwan baako pɛ na na ɛwɔ hɔ, Na ɛsɛ sɛ wobɛyɛ “Abɔdeɛ Foforɔ”. Na ɛsɛ sɛ Onyankopɔn ne onipa bɛyɛ Baako. Na ɛsɛ sɛ wobɛyɛ yɛn, sɛnea ɛbɛyɛ a yɛbɛtumi abɛyɛ Wo. Enti, Wo hyɛɛ Wo nhyehyɛeɛ kɛseɛ no ase mfie mpempem a atwam wɔ Eden turo mu.  

Ayɛ Wo pɛ paa sɛ wobɛka yɛn ho, W’asɛm a ɛwie pɛyɛ Ayeforɔ, nanso na wonim sɛ ɛsɛ sɛ wo dikan san de yɛn kɔ deɛ na ayera wɔ mfitiaseɛ no nyinaa mu.  Wotwɛneɛ na wotwɛneɛ na wotwɛneɛ de besii ɛnnɛ da yi sɛ wobɛwie Wo nhyehyɛeɛ no. 

Ɛda no aduru. Saa ɛkuo ketewa a Wohunuu no mfitiaseɛ no wɔ ha.  W’akoma mu tɔfe a ɔdɔ Wo ne W’asɛm kyɛn biribiara.

Na,, ɛberɛ aso sɛ Wobabɛda Wo ho adi wɔ onipa honam mu sɛnea Wo ne Abrahamyɛɛeɛ no, ɛne sɛnea Woyɛɛeɛ ɛberɛ a Wobɛyɛɛ Abɔdeɛ foforɔ no.  Sɛdeɛ Wo kɔn asi adɔ saa da yi sɛdeɛ ɛbɛyɛ a wobɛtumi ada W’ahintasɛm akɛseɛ a wɔde asie firi ɛwiase fapem no nyinaa adi akyerɛ yɛn. 

Wode W’Ayeforɔ hoahoa wo ho paa. Sɛnea W’ani gye ho sɛ wode No bɛkyerɛ na woaka akyerɛ Satan sɛ, “Ɛmfa ho ne nea wobɛbɔ mmɔden biaaa sɛ wobɛyɛ ɔɔmo no, ɔɔmo nhinhim; ɔɔmo ngo ɔɔmo mmudie mu wɔ M’asɛm, Me Nne mu.  Wɔyɛ M’ASƐM A ƐWIE PƐYƐ AYEFORƆ” Ɔɔmo ho yɛ Me fɛ yie. Hwɛ ɔɔmo kɛkɛ! Wɔ ɔɔmo nsɔhwɛ ne sɔhwɛ nyinaa mu no, wɔkɔ so gyina nokorɛ mu wɔ M’asɛm so.  Mɛma ɔɔmo akyɛdeɛ afebɔɔ. Deɛ meyɛ nyinaa, mede ma wɔn. YƐBƐYƐ BAAKO.

Dodoɔ a yɛbetumi aka aaa ne sɛ: “YESU, YƐDƆ WO. Ma yɛnma Wo akwaaba mmra yɛn fie. Ma yɛnsra Wo na yɛmfa yɛn nisuo nhohoro na yɛnfe Wo nan ho. Ma yɛnka sɛnea yɛdɔ Wo no nkyerɛ Wo.”

Nea yɛyɛ nyinaa, yɛde ma Wo YESU. Ɛno ne yɛ’akyɛdeɛ ma Wo YESU. Yɛdɔ Wo. Yɛtontom Wo. Yɛsom Wo. 

Meto nsa frɛ mo mu biaaa sɛ ɔmmɛka yɛn ho Kwasiada prɛmtoberɛ, wɔ Jeffersonville berɛ mu, na momma YESU akwaaba mmra mo fie, mo-asɔre mu, mo kar mu, baabi-biara a mobɛtena, na monnye Akyɛdeɛ kɛseɛ a wɔde ama onipa pɛn; Onyankopɔn ankasa  a Ɔne wo ɛɛkasa na ɔne wo ɛɛbɔ fekuo.

Onua Barima Joseph Branham.

60-1225 Onyankopɔn Akyɛdeɛ a Wakyekyere Ho.

NKAEBƆ A ƐSOMBOƆ

Ayeforɔ Dɔfoɔ, .

Awurade de ato m’akoma so sɛ mɛnya Nkransɛm ne Awurade Adidie Som soronko bio wɔ anadwo a yɛde bɛwura afe foforɔ no mu no. Adekɛseɛ paa bɛn na yɛbɛtumi ayɛ nanfonom a ɛkyɛn sɛ yɛbɛtie Onyankopɔn Ɛnne kasa kyerɛyɛn, sɛ yɛnya yɛkyɛfa wɔ Awurade Adidie no mu, na yɛasan ate yɛn abrabɔ ho ama Ne som wɔ Afe Foforo a yɛrebɛwura mu no. Koronkron berɛ paa a ɛbɛyɛ sɛ yɛbɛyi wiase afiri yɛn adwene mu, na yɛne Ayeforɔ no aka abɔ mu ama saa nhyiamu Titire yi wɔ Asɛm no mu, sɛdeɛ yɛfiri y’ɛakoma mu ka no, “Awurade, fa mfomsoɔ a yɛayɛ wɔ afe mu no nyinaa kyɛ yɛn; afei yɛrebɛn Wo, ɛrebisa sɛ Wobɛsɔ yɛn nsa na woakyerɛ yɛn kwan wɔ afe a ɛreba yi mu. Ma yɛnsom Wo dodoɔ nkyɛn deɛ abɛsene kɔ no, na sɛ ɛyɛ Wo Nyameyɔ Apɛdeɛ mu a, ma ɛnyɛ Ohwim kɛseɛ afe a ɛrebɛsie no. Awurade, yɛpɛ sɛ yɛkɔ Fie kɛkɛ na yɛne Wo atena Onniawieɛ mu.” Mentumi ntwɛn sɛ mɛhyiam atwa N’ahenwa ho ahyia wɔ saa atuhoahyɛ-bio som soronko yi, yi Awurade ayɛ.

Agyidifoɔ a mowɔ Jeffersonville mpɔtam no, mɛpɛ sɛ mɛhyɛ tape no ase anadwo nnɔnson wɔ yɛn mpɔtam ha berɛ no mu. Nkransɛm mua no ɛne Awurade Adidie som no bɛba Voice Radio so saa berɛ no, sɛnea yɛayɛ no wɔ ɛberɛ a atwam mu no. Yɛbɛma Communion wine no ayɛ krado wɔ Wukuada, Ɔpɛnima bosome no ne da a ɛtɔ so du nwɔtwe, firi awia dɔnko kɔsi anwumerɛ nɔn-num, ama wo akɔfa wɔ YFYC dan no mu.

Mo a mote Jeffersonville mpɔtam akyi no, anidie mu, monyɛ saa ɔsom soronko yi wɔ ɛberɛ a ɛyɛ ma mo. Ɛnkyɛ koraa yɛbɛnya link a yɛbɛtumi adownload Nkransɛm no ɛne Awurade Adidie Som no.

Ɛberɛ a yɛrebɛn Buronya Afoofidie no, mepɛ sɛ mema mo ne mo abusua NWANWASOƆ ne AHOBANBƆ afoofidie berɛ, ɛne Anigyeɛ Kristosom, a Awurade Yesu a wasɔreɛ… Asɛm no ahyɛ mu ma.

Nyame nhyira mo,

Onua Barima Joseph

Faako a ɛfiri : https://branhamtabernacle.org/en/bt/F6/110067

24-1215 Nnyegyeɛ A Ɛnsi Pi No

Adɔfoɔ Efie Asɔre Ayeforɔ, momma yɛnyinaa nhyia mmom na yɛntie Nkransɛm a ɔkaa no Ɔpɛnima bosome no ne da a ɛtɔ so du nwɔtwe wɔ afe apem ahankoron aduosia mu Nnyegyeɛ A Ɛnsi Pi No, Kwasiada wei prɛmtoberɛ wɔ Jeffersonville berɛ mu.

Onua Barima Joseph Branham.

24-1208 Laodikea Asafo Mfirinhyia No

Nkransɛm: 60-1211E Laodikea Asafo Mfirinhyia No

BranhamTabernacle.org

Adɔfoɔ a Wɔayi Wɔn,

Hwɛ, megyina ɔpono no ano na mebɔ mu, sɛ obi te Me nne na obue ɔpono no a, mɛba ne nkyɛn na me ne no adidi, na ɔne Me nso adidi.

Ɔsom dwumadie, bue w’apono ma Onyankopɔn bɔfoɔ ansa na aka akyiri dodo. Mo nsane mo akyi mfa Onyankopɔn Nne no nsan hyɛ mo asɛnkadua no mu ɛnam tape bɔ so. Ɛyɛ Onyankopɔn Nne koro pɛ a wɔabu no bem ama yɛn da yi a ɛwɔ Nsɛm a mfomsoɔ biara nni ho. Ɛyɛ Ɛnne koro pɛ a ɛwɔ Sɛnea Awurade Seɛ Nie. Ɛno nko ara ne Ɛnne a Ayeforo no nyinaa bɛtumi aka  AMEN wɔ soɔ.  

Ɛyɛ aberɛ nyinaa mu mfirinhyia kɛseɛ paa. Yesu de Ne ho nkyerɛkyerɛmu ɛrema yɛn ɛberɛ a N’adom nna no ɛrekɔ n’awieɛ. Ɛberɛ adu awieɛ. Wada Ne su pɔtee ankasa adi akyerɛ yɛn wɔ saa mfirinhyia a ɛtwa toɔ yi mu. Wama yɛn adehwɛ a ɛtwa toɔ wɔ Ɔno ankasa adom ɛne Ne Nyame pɔn no ho. Saa mfirinhyia yi ne Ɔno ankasa ho adiyie tiboɔ.

Onyankopɔn baa Laodikea berɛ yi mu na Ɔbɛfaa onipa honam so kasaaeɛ. Wɔatwe Ne Nne agu ahoma so na wɔde asie sɛ ɛbɛdi N’asɛm Ayeforo anim na ama n’awie pɛyɛ. Tiawa mu no, Ɛnne foforo biara nni hɔ a ɛbɛtumi ama N’ayeforo awie pɛyɛ gyesɛ Ɔno ankasa Nne.

Ɛwɔ saa berɛ a ɛtwa toɔ yi mu no, wɔde Ne Nne a ɛwɔ Tape nom so no ato nkyɛn; wɔayi afiri nsɔrensɔre no mu. Wɔremmɔ Tape nom no kɛkɛ. Enti Onyankopɔn see, “Meekɔ atia mo nyinaa. Mɛfe mo afiri M’ano mu. Awieɛ no nie.” 

“Nson mu mfirinhyia nson, menhunuu hwee sɛ nnipa a wɔbu wɔn ankasa asɛm sene Me deɛ. Enti saa mfirinhyia yi awieɛ no merebɛfe mo afiri M’ano mu. Ne nyinaa aba awieɛ. Ɛyɛ Merebɛkasa. Aane, mewɔ ha wɔ Asafo no ntam. Onyankopɔn Amen no, ɔnokwafo ne deɛ yɛgye no die no bɛda Ne ho adi na ƐBƐNAM ME DIYIFOƆ SO.”

Sɛnea na ɛteɛ kane no, wɔreyɛ wɔn ntotoeɛ sɛdeɛ yɛnim sɛ wɔbɛyɛ no te sɛ deɛ wɔn agyanom yɛɛeɛ wɔ Ahab nna no mu no. Na’ wɔn dodoɔ yɛ ahannan na wɔn nyinaa yɛɛ adwene korɔ; na ɛnam sɛ wɔn nyinaa ɛreka asɛm korɔ no, wɔmaa nkurɔfoɔ no yɛɛ nkwasampafoɔ. Nanso odiyifoɔ BAAKO, BAAKO PƐ, na na ɔyɛ nokorɛ na nkaeɛ no nyinaa ati ɛfiri sɛ na Onyankopɔn de adiyie no ahyɛ ƆBAAKO NKUTOO nsa.

Wei ɛnkyerɛ sɛ ɔsom nwuma nyinaa yɛ atorɔ na ɛredaadaa nkurɔfoɔ no. Saa ara nso na menka sɛ ɔbɛɛma a ɔwɔ ɔfrɛ sɛ ɔnyɛ ɔsom adwuma ntumi nka asɛm anaa ɔnkyerɛkyerɛ.  Mereka sɛ NOKWARE som nwuma nnum no de TAPES NO, Onyankopɔn Nne ma Ayeforɔ no, bɛsi hɔ sɛ Ɛnne a ɛho hia paa a ƐSƐ SƐ WOTIE. Ɛnne no a ɛwɔ  tape nom so no ne Ɛnne NKUTOO a Onyankopɔn ankasa agye atom sɛ ɛyɛ Sɛnea Awurade Seɛ.

Monhwɛ yie wɔ atorɔ adiyifoɔ ho, ɛfiri sɛ wɔyɛ mpataku bɔne.

Wobɛyɛ dɛn ahu ɛnnɛ da yi mu ahotɔsoɔ kwan a ɛyɛ  nokorɛ? Mpaapaemu a ɛte saa wɔ agyidifoɔ ntɛm. Nnipa kuo baako see ɔsom nwuma num no bɛma Ayeforo no awie pɛyɛ, ɛna ɔfoforo no ka sɛ Press Play kɛkɛ. Ɛnni sɛ yɛn mu paepae; ɛsɛ sɛ yɛka bom sɛ AYEFORƆ BAAKO. Mmuaeɛ a ɛyɛ nokorɛ ɛne deɛn?

Momma yɛnmom mmue yɛakoma mu na yɛntie deɛ Onyankopɔn nam Ne diyifoɔ so ɛreka akyerɛ Ayeforo no. Ɛfiri sɛ yɛn nyinaa gye tom sɛ, Onua Barima Branham yɛ N’ebɔfo-somafoɔ a ɔtɔ so nson.

Sɛ wo gyina nnipa nneyɔeɛ nkoaa mpo so a, obibiara nim sɛ, baabi a nnipa dodoɔ wɔ no, adwene nkyekyɛ mu wɔ asɛm kumaa bi a ɛfa nkyerɛkyerɛ kɛseɛ a wɔn nyinaa kura mu. Ɛnneɛ na hwan na ɔbɛnya tumi a ɛho ntoo kyema a ɛyɛ sɛ yɛ sane de bɛsi hɔ wɔ mfirihyia a ɛtwa toɔ yi mu, efiri sɛ awieɛ mfirihyia yi bɛbu nkɔmpɔ akɔ n’akyi akɔda asɛm  korɔgyenn ayeforɔ no adi? Ɛno kyerɛ sɛ yɛbɛnya asɛm no prɛkopɛ bio sɛdeɛ wɔde maa korɔgyeenn maa wɔnyaa nteaseɛ korɔgyenn wɔ Paulo nna mu no. Mɛka onii ko a ɔbɛnya akyerɛ wo. Ɛbɛyɛ odiyifoɔ a wɔabu no bem turodoo anaa mpo sɛ wɔabu no bem akyɛn mfirinhyia no nyinaa mu adiyifoɔ firi Enock berɛ so bɛsi ɛnnɛ, ɛfiri sɛ ɛbɛhia sɛ saa barima yi bɛnya nkɔmhyɛsom dwumadie no tiboɔ, na Onyankopɔn bɛma no so akyerɛ. Ɛnhia sɛ ɔbɛkasa ama ne ho, Onyankopɔn bɛfa ɛnne nsɛnkyerenne so akasa ama no. Amen.

Enti, saa Nkransɛm yi a Ne somafoɔ no kaeɛ no, wɔde maaeɛ frenkyemm, na wɔtee aseɛ frenkyemm.

Ɛdeɛn bio na Onyankopɔn ka faa Ne bɔfo somafo a ɔto so nson ne ne Nkrasɛm no ho? 

  • Ɔbɛtie afiri Onyankopɔn nkutoo hɔ. 
  • Ɔbɛnya “sɛnea  Awurade seɛ” na wakasa ama Onyankopɔn. 
  • Ɔbɛyɛ Onyankopɔn kasamafo. 
  • ƆNO, SƐNEA WƆAKA WƆ MALAKI 4:6 NO, BƐDANE MMƆFRA NO AKOMA ASAN AKƆ AGYANOM NO SO. 
  • Ɔde wɔn a wɔayi wɔn no wɔ ɛnna a ɛtwatoɔ no mu no bɛsane aba na wɔbɛtie odiyofoɔ a wɔabu no bem  sɛ ɔma nokorɛ pɔtee  te sɛdeɛ na Paulo deɛ teɛ no.
  • Ɔde nokorɛ no bɛsi nananmu te sɛdeɛ wɔnyaaeɛ no.

Na afei ɛdeɛn na ɔka faa yɛn ho?

Na ɔne wɔn a wɔayi wɔn  saa da no bɛyɛ wɔn a wɔda Awurade adi ampa na wɔbɛyɛ Ne Nipadua na wɔayɛ Ne nne na wɔayɛ Ne nnwuma. Haleluia! Anyabiaa wohu anaa?

Sɛ wadwene da so yɛ wo naa a, srɛ Onyankopɔn ma Ɔnam Ne Honhom so nhyɛ wo ma, na Ɔnni w’anim ɛfiri sɛ Asɛm no ka sɛ, “ƐNTUMI ƐNNAADAA WƆN A WƆAYI WƆN PƆTEE NO”. Ɔbarima biara nni hɔ a ɔbɛtumi adaadaa wo sɛ woyɛ Ayeforo no a.

Ɛberɛ a Methodistfoɔ no dii ntwo no, Onyankopɔn pagyaa afoforɔ na saa na akɔ so wɔ mfie no mu kɔsi saa da a ɛtwa toɔ yi mu no, nnipa foforɔ wɔ asaase no so bio, a wɔ wɔ wɔn somafoɔ no nan aseɛ no wɔbɛyɛ ɛnne a ɛtwa toɔ ama mfirinhyia a ɛtwa toɔ no.

Yiw owura. Asɔre no nyɛ Onyankopɔn “kasamafoɔ” bio. Ɛyɛ ɔno ara ankasa kasamafoɔ. Enti Onyankopɔn ɛredane akɔ ne so. Ɔbɛnam odiyifoɔ no ne ayeforo no so ama no adwen-fra, ɛfirisɛ ne mu na yɛbɛnya Onyankopɔn nne. Yiw ɛte saa, ɛfirisɛ ɛka wɔ Adiyisɛm ɛtire a ɛtwatoɔ nkyekyɛmu du nson no sɛ, “Honhom no ne ayeforo no ka sɛ: Bra.” Prɛkopɛ bio ɛwiase no bɛtie afiri Onyankopɔn hɔ tɔɔnn te sɛ Pentekose; nanso nokware mu no, wɔbɛpo saa Asɛm-Ayeforo no sɛnea na ɛteɛ wɔ mfirinhyia a ɛdi kan no mu no.

Ayeforo no wɔ ɛnne, nanso ɛbɛka nea ɛwɔ tape nom so nkutoo. Ɛfirisɛ saa Ɛnne no FIRI ONYANKOPƆN HƆ TƆƆNN, ɛnti ɛnhia nkyerɛaseɛ biara sɛnea wɔde maa pɛpɛɛpɛ na wɔte aseɛ pɛpɛɛpɛ no.

Bra bɛka yɛn ho Kwasiada wei prɛmtoberɛ, ɛwɔ Jeffersonville berɛ mu, ɛberɛ a yɛtie saa Ɛnne no ɛda no adi kyerɛ yɛn: Laodikea Asafo Mfirinhyia No Ɔpɛnima bosome no ne da a ɛtɔ so du baako anwumerɛ wɔ afe apem ahankoron aduosia mu.

Onua Barima Joseph Branham.

24-1201 Mmabunu Du no, Ne Jewfoɔ Mpem Ɔha Ne Aduanan Nan

Nkransɛm: 60-1211M Mmabunu Du no, Ne Jewfoɔ Mpem Ɔha Ne Aduanan Nan

BranhamTabernacle.org

Me Ma Mo Akye Nnamfonom,

Ɛmmaa da wɔ wiase abakɔsɛm mu sɛ ɛberɛ bi aba a Kristo Ayeforɔ a ɛwɔ wiase afannaa nyinaa bɛtumi abɔ mu ayɛ baako wɔ adwene baako mu, ɛberɛ a ɛnne bi a ɛfiri Ɔsoro, Onyankopɔn Nne ankasa, bɛtumi de ahoɔden aba mu. 

Twerɛsɛm ɛrehyɛma. Ɛyɛ nkabon berɛ Aba nsɛnkyerɛnne. Kristo Ayeforo no nkabom a aniwa ɛnhunu no ɛrekɔ so ɛberɛ a yɛte Ɔba no anim, ɛrebere, ɛresiesie ne ho, ɛnam Onyankopɔn Nne ankasa a yɛretie no so. 

Yɛnam Ne som adwuma-num no so ɛrewie pɛyɛ.

Dodoɔ sɛn na wɔgye di sɛ akyɛdeɛ ne ɔfrɛ nni adwensakra? Bible kaa sɛ akyɛdeɛ nnum na ɛwɔ asafo no mu. Onyankopɔn de asi asafo no mu Asomafoɔ, anaa asɛmpatrɛfoɔ, asomafoɔ, adiyifoɔ, akyerɛkyerɛfoɔ, asɛmpakafoɔ, asɔfoɔ. 

• Ɔsɛnkafoɔ: Mɛkɔ abɔnten. Na obi bɛka sɛ, “Woyɛ ɔsɛnkafoɔ?” Na mɛka sɛ, “Yiw owura. Oh yiw, meyɛ ɔsɛnkafoɔ.” 

• Ɔkyerɛkyerɛfoɔ: Na afei nea enti a mamfa no asɛnka soɔ anɔpa yi, ɛne sɛ, mesusuu sɛ, wɔ adekyerɛ mu no, yɛbɛte aseɛ yie akyɛn sɛ yɛbɛfa twerɛsɛm bi na yɛahuru afa so kɛkɛ. Na yɛbɛkyerɛkyerɛ no ara kwa.

• Ɔsomafo: Asɛmfua “ɔsɛmpatrɛfoɔ” kyerɛ “nea wɔsoma no “Ɔsomafo” kyerɛ “nea wɔasoma no.” Ɔsɛmpatrɛfo yɛ ɔsomafoɔ. Me—me, (I am) meyɛ ɔsɛmpatrɛfo, sɛnea mo nim no, *meyɛ* asɛmpaka adwuma, asɛmpatrɛ adwuma, bɛyɛ mpɛn nson wɔ amannɔne, wɔ wiase nyinaa. 

• Odiyifo: Mogye di sɛ meyɛ Onyankopɔn diyifoɔ? Ɛneɛ kɔyɛ nea meka kyerɛ wo sɛ yɛ no. 

• Ɔsɔfoɔ: Moahunu deɛ mayɛ mo yi? Mofrɛ me mo sɔfo, na moka no yie, ɛfiri sɛ me yɛ. 

Na mehunuu saa ɔpepem pii no sɛ wɔgyina hɔ, mekaa sɛ, “Wɔn nyinaa yɛ Branham foɔ?” Ɔkaa sɛ, “Dabi.” Ɔkaa sɛ, “Wɔyɛ akra a wɔnam wo soɔ.” Na mekaa sɛ, me—mekaa sɛ, “Mepɛ sɛ mehu Yesu.”  Ɔkaa sɛ, “Ɛnnya nnuruu hɔ. Ɛbɛrɛ bi bɛso ansa na Ɔno aba ara. Nanso Ɔbɛba wo nkyɛn kane na wɔnam Asɛm a wokaeɛ no so bɛbu wo atɛn,

Afei yɛn nyinaa bɛma yɛn nsa so aka sɛ, “Yɛɛgye yɛahome wɔ ɛno so!” 

Biribiiibɛsi. Ɛdeɛn na ɛɛsie yi? Kristo mu awufoɔ no ahyɛaseɛ ɛresɔre atwa me ho ahyia. M’ate nka sɛ nsakraeɛ bi aba me nipadua mu. Me tiri mu dwene no nyinaa kɔ. Hwɛ m’anim… m’anim a atwintwam  no nyinaa ayera. Tu a ɛtutu me ne me yaw….Ɔɔmo KƆ. Adwenemuhaw a na mewɔ no ayera amonom hɔ ara. Wɔasesa me wɔ b ɛberɛ tiawa bi mu, wɔ anibɔtɛtɛ so.

Afei yebɛfiri aseɛ ahwɛ yɛn ho ahyia na yɛahu yɛn adɔfoɔ. Oh me, Maame ne Papa na wɔwɔ hɔ yi…..Animuonyam, me ba barima…me babaa. Nana barima, Nana baa, oh mafe mo mmienu nyinaa paa. Hey…me yɔnko brɛboɔ dadaa na ɔwɔ hɔ no. OH HWƐ, ɛyɛ Onua Barima Branham, yɛn diyifoɔ, Hallelujah!! Ɛwɔ ha. Ɛrekɔ so! 

Afei yɛbɛka abɔ mu, prɛko pɛ, ama yɛn so akɔ soro, asaase so ewiem baabi. Yɛbɛhyia Awurade sɛ Ɔnam Ne kwan so ɛresiane aba fɔm. Yɛne No bɛgyina hɔ wɔ asaase yi nkaawa so na yɛato ɔgyeɛ nnwom. Yɛbɛto nwom na yɛayi No ayɛ wɔ N’adom ɛgyeɛ a Ɔde ama yɛn no ho.

Deɛ ɔde asie nyinaa ama N’ayeforo no. Ɛberɛ paa yɛrebɛnya wɔ ɛnnie awieɛ mu ama yɛnho-yɛnho ɛne yɛn Awurade Yesu. Adasa nsɛmfua ntumi nkyerekyerɛ mu, Awurade, sɛdeɛ yɛte nka wɔ yɛn akoma mu.

Sɛ wopɛ sɛ wote sɛ Ɔfrɛ wo N’ayeforo, na ɔka sɛnea wo ne No bɛsi ayɛ kyerɛ wo a, bra bɛka yɛn ho Kwasida yi wɔ prɛmtoberɛ Jeffersonville berɛ mu, na wobɛyɛ nhyira aboro so.

Onua Barima Joseph Branham.

Ɔpɛnima bosome no ne da a ɛtɔ so du baako Anɔpa wɔ afe apem ahankoron aduosia mu. Nkransɛm a wato din

Mmabunu Du no, Ne Jewfoɔ Mpem Ɔha Ne Aduanan Nan.

22-1124 Philadelphia Asafo Mfirinhyia

M’adɔfoɔ Owurayerenom Yesu Kristo,

Ɛdeɛn na saa Kwasiada wei ɛbɛnya ama Yesu Kristo Ayeforɔ no? Ɛdeɛn na Honhom Koronkron no bɛda n’adie akyerɛ yɛn? Nhunumu a ɛwie pɛyɛ. Afei deɛ yɛnam adiyie so bɛnya nteaseɛ mua, adekann no a yɛde toto n’adaneɛ ho no ɛne ade pɔtee no a yɛde toto ne sunsum ho no. Yesu ne nokorɛ Nkwa paanoo no. Ne nyinaa ne Ɔno. Ɔyɛ Onyankopɔn Baako. Ɔyɛ Hebrews tire du mmiɛnsa nkyekyɛmu nwɔtwe. Ɔno ne Me ne nea Me ne.

Kristo, Ɔnam sɛ  Ɔreyi Ne ho adie wɔ honam so, na Ɔrehwie Ɔno ara Mogya, apepa yɛn bɔne nyinaa prɛkopɛ, ɛnam Ne ho a Ɔde bɔɔ afɔreɛ, ne saa nti no afei Wama yɛn awie PƐYƐ. Ne nkwa pɔtee no wɔ yɛn mu. Ne Mogya ate yɛn ho. Ne Honhom hyɛ yɛn ma. N’akyi ntampea asa yɛn yareɛ DADA. N’asɛm wɔ yɛn akoma mu ɛne yɛn anum. Ɛyɛ Kristo a Ɔwɔ yɛn abrabɔ mu na hwee nka ho, ɛberɛ a Ɔno ne N’asɛm akyi no, yɛn abrabɔ mu adeɛ nyinaa yera yɛ adegyengyan.

Anigyeɛ bɛhyɛ yɛn akoma mu ma ɛwɔ ɛberɛ a Ɔka kyerɛ yɛn sɛ ɛnam Ne Nyameyɔ ahyɛdeɛ so no, na Ɔnim nnipa pɔtee a wɔbɛyɛ N’ayeforɔ. Sɛnea  Ɔyii yɛn. Ɔferɛɛ yɛn. Ɔwuuieɛ maa yɛn. Ɔtuaa ɛka no maa yɛn na yɛ yɛ Ne dea, na Ɔno nkutoo. Ɔkasa na yɛ yɛ setie ɛfiri sɛ ɛyɛ yɛn anigyeɛ. Yɛ yɛ N’agyapadeɛ koro na Ɔnni foforɔ bi gyesɛ YƐN. Ɔyɛ yɛn Hene mu Ahene na yɛ yɛ N’aheman. Yɛ yɛ Ne daankwa ahonyadeɛ.

Ɔbɛhyɛ yɛn den na Ɔbɛnam Ne Nne Asɛm so ama yɛn ahyerɛn. Ɔbɛkyerɛkyerɛ mu pefee na wada n’adi sɛ Ɔno ne ɛnwan no Pono no. Ɔne ne Alpha ne Omega mmienu no nyinaa. Ɔyɛ Agya no, Ɔyɛ Ɔba no, na Ɔyɛ Honhom Koronkron no. Ɔyɛ Baako, na yɛne No yɛ Baako na yɛ wɔ Ne mu.

Ɔbɛkyerɛ yɛn boasetɔ, sɛnea Ɔyɛɛ Abraham, wɔ  nkyerɛkyerɛmu a ɛfa sɛnea ɛsɛsɛ yɛde ntoboaseɛ twɛn na yɛmia yɛani sɛ yɛ pɛ sɛ yɛnsa ka bɔhyɛ biara a.

Ɔbɛkyerɛ yɛn pefee ɛda pɔtee mu a yɛ wɔ yi. Sɛnea asafo nkabom kubaatan no bɛnya ahoɔden wɔ amanyɔsɛm  mu, na wɔde ɔhyɛ bɛto aman mpanyinfoɔ so sɛ obibiara ɛni nenhyehyɛeɛ a adane mmara so nkɔdɔm no, sɛdeɛ ɛbɛyɛ a yɛnye onipa biara nto mu sɛ nsɔre gyesɛ wɔn badwakuo no wɔ tumidie wɔ wɔn so anaa sɛ wɔnam biribi so nya tumidie wɔ wɔn so. Ɔbɛda nadi sɛnea dodoɔ no bɛgye ato mu, ɛberɛ a wɔredwene sɛ wɔresom Onyame ɛwɔ mmoanokuo no yɛbea no so. Nanso Ɔka kyerɛ yɛn sɛ, “ma ɛnsuro, ɛfirisɛ ɛnnyɛ adeɛ sɛ wɔbɛdaadaa Ayeforɔ no, yɛne N’asɛm no bɛtena,  Ne Nne.”

Sɛnea ɛbɛyɛ awerɛkyekyerɛ sɛ yɛbetie sɛ Ɔka kyerɛ yɛn: “Sɔ mu yie, mia w’ani tɔ kɔ so. Mpa aba, na mmom fa Onyankopɔn akodeɛ no nyinaa  hyɛ, akodeɛ biara, akyɛdeɛ biara a mede ama woɔ da yɛn abam. Ma ɛmma wabamu ɛmmu makoma mu dɔfoɔ, kɔso fa anigyeɛ hwɛ w’anim ɛfirisɛ merebɛbɔ wo abotire, wo Hene mu Ahene ne Awurade mu Awuranom, wo Kunu.

Wo ne me nokorɛ asafo no; Onyankopɔn asɔredan no ankasa ɛnam Me Honhom Koronkron no a Ɔte mo mu no. Mo bɛyɛ fadum wɔ asɔre foforɔ no mu; fapem no ankasa no a ɛbɛkura ɛdan no. Me de wo bɛsi hɔ sɛ nkunimdifoɔ aka asuafoɔ no ne adiyifoɔ no ho, ɛfirisɛ M’amo mo adiyie a ɛfa M’asɛm ho, Me ankasa Me ho.

Ɔbɛda nadi pefee akyerɛ yɛn sɛ na Watwerɛ yɛn din wɔ N’adwamaa Nkwa Nwoma no mu ansa na ɛwiase fapem. Ne saa nti no, yɛbɛtena N’ahenwa no anim adekyeɛ ne adesaeɛ na yɛasom no wɔ N’asɔrefie. Yɛn ne wɔn a Awurade ani ku wɔn ho no; yɛ yɛ N’ayeforɔ.

Yɛbɛnya edin foforɔ wɔ berɛ a yɛrefa Ne din. Ɛbɛyɛ edin a wɔde bɛma yɛn sɛ Ɔfa yɛn ma Ne ho a. Yɛbɛyɛ Ɔno Owurayerenom Yesu Kristo.

Jerusalem foforɔ no firi Onyame mu wɔ ɔsoro aheman mu ɛresiane ba fɔm, Ayeforɔ a wɔasiesie no ama ne kunu. Owuo, awerɛhoɔ, anaa osuu nni hɔ bio. Saa nso na yɛrennya yawdie bio ɛfirisɛ nnoɔma dadaa no nyinaa atwa mu. Onyankopɔn bɔhyɛ nwanwasoɔ no nyinaa bɛhyɛ ma. Nsakraeɛ no bɛwie du. Adwamaa no ne N’aYeforɔ bɛbɔ atenaseɛ wɔ Onyankopɔn pɛyɛ no nyinaa mu daa.

Madɔfoɔ Owurayerenom Yesu Kristo,  SO ƐHO DAEƐ. Ɛbɛyɛ nwanwa akyɛn sɛdeɛ wobɛtumi asusu ho da.

Me to nsa frɛ obibiara sɛ wɔmmɛka yɛn ho saa Kwasiada yi prɛmtoberɛ wɔ Jeffersonville berɛ mu, ɛberɛ a yɛ Kunu, Yesu Kristo, nam Ne bɔfoɔ hoɔdenfoɔ somafoɔ a ɔtɔ so nson no so kasa na Ɔka wei nom nyinaa kyerɛ yɛn.

Onuabarima Joseph Branham

Nkransɛm: Philadelphia Asafo Mfirinhyia No. Ɔpɛnima bosome no ne da a ɛtɔ so du afe apem ahankoron aduosia mu.

24-1117 Sardi Asafo Mfirinhyia

Nkratoɔ: 60-1209 Sardi Asafo Mfirinhyia

BranhamTabernacle.org

Madɔfoɔ Tape Nkorɔfoɔ,

Sɛnea ɛyɛ yɛn ahohoahoa sɛ yɛfrɛ yɛn “Tape Nkorɔfoɔ”. Yɛn akoma de anigyeɛ tu mmirika naawɔtwe biara ɛnam nim a yɛnim sɛ yɛbɛka yɛn ho abɔ mu wɔ ewiase afannaa nyinaa ɛnam sɛ yɛretie Onyankopɔn ɛnne sɛ Ɔkasa kyerɛ yɛn.

Yɛnim, a akyingyeɛ baako nni ho, yɛwɔ Onyankopɔn Pɛ a ɛwie pɛyɛ mu ɛnam sɛ yɛretena N’asem mu; ɛretie Ne nne ɛnam Ne bɔfo somafoɔ ahoɔdenfoɔ a ɔtɔ so nson no so.

Ɔsomafoɔ no a ɔyiieɛ maa yɛn da yi yɛ William Marrion Branham. Ɔyɛ Onyankopɔn kanea ma ɛwiase, ɛɛkyerɛ Onyankopɔn hann. Ɔreferɛ N’asɛm korɔgyenn ayeforɔ a ɔnam Ne bɔfoɔ so ayi wɔn.

Ɛnam ahwɛyie wɔ N’asɛm adesua mu no, Ɔnam Ne Honhom Koronkron no so ada no adi ama yɛn sɛ William Marrion Branham ne ɔbɔfoɔ a Ɔyiieɛ de N’adiyie ɛne ɔsɔm adwuma a ɛwɔ yɛn nna yi mu no hyɛɛ nensa. Yɛhu Ne bɔfoɔ, YƐN NSONOMA, ɛwɔ Nensa nifa mu sɛ Ɔde Ne tumi ɛrehyɛ nensa sɛ ɔna N’asɛm adi na ɔnferɛ N’aYeforɔ mmra.

Wama yɛn Ne ho Adiyie mua. Honhom Koronkron no ɛreyi Ne ho adi akyerɛ yɛn ɛnam Ne bɔfo somafoɔ a ɔtɔ so nson no abrabɔ so; ɔbɔfoɔ no a Ɔyiieɛ sɛ ɔnyɛ N’ani ɛmma yɛn da yi.

Sɛnea yɛn akoma ɛhyehye wɔ yɛn mu ɛwɔ berɛ a Ɔnam Nkransɛm baako biara so ka kyerɛ yɛn sɛ ɛyɛ Ne botaeɛ sɛ Ɔde yɛn bɛba Nenkyɛn; ɛnam sɛ yɛ yɛ N’asɛm Ayeforɔ.

Ɔdɔ sɛ Ɔkakyerɛ yɛn bɔso bio , bɔso bio sɛnea Ɔyii yɛn ansa na ewiase fapem ɛwɔ Ne MU. Sɛnea na Ɔnim yɛn dada na Ɔdɔɔ yɛn.

Sɛnea yɛdɔ sɛ yɛte sɛ Ɔkasa na Ɔka kyerɛ yɛn sɛ Ɔnam Ne mogya so na Ɔgyee yɛn na yɛntumi mma afɔbuo mu da. Yɛntumi nyina atɛnmmuo mu, ɛfirisɛ bɔne nni yɛn so nkontabuo.

Sɛnea yɛne No bɛtena wɔ ɛberɛ a Ɔbɛfa N’asaase so David ahennie no, na yɛne No adi adeɛ; te sɛdeɛ Ɔyɛɛeɛ no wɔ ɔsoro aheman mu no, de ahoɔden ne tumi wɔ asaase nyinaa so. Abrabɔ wei mu sɔhwɛ ne nsɔhwɛ bɛyɛ sɛ adehunu bi saa berɛ no.

Nanso, Wabɔ yɛn kɔkɔ wɔ ahwɛyie a ɛsɛsɛ yɛyɛ. Na mfirinhyianom no mu no, bobe mmienu no nyinii afa ne afa. Sɛnea aberɛbiara ɔtamfo no abɛn paa no; nnaadaa paa. Mpo Onyankopɔn na Ɔyii Judas, ɔkyerɛkyerɛɛ no wɔ nokware mu. Ɔnyaa ahintasɛm mu nimdeɛ kyɛfa. Ɔmaa no nyaa ɔsom dwuma mu tumi na ɔsaa ayarefoɔ yareɛ tutuu ahonhom mmɔne wɔ Yesu din mu. Nanso wantumi ankɔduru.

Wontumi mfa Asɛm no fa kɛkɛ nkɔ, ɛwɔ sɛ wo fa Asɛm no NYINAA. Ɛnkorɔfoɔ bi wɔ hɔ a akɔyɛ sɛ wɔde wɔn ho awura Onyame mu adeɛ bɛyɛ sɛ ɔha mu abupɛn ɔha nanso wɔnnyɛ.

Ɔkaa sɛ ɛnnyɛ deɛ ɛwie du ne sɛ Ɔde Ne ho adɔm asafo no nyinaa, anaasɛ mpo ɔsom nwuma nnum no a ɛwɔ Efiso tire nan no. Ɔbɔɔ yɛn kɔkɔ sɛ asafo mfirinhyia koro biara mu no, asafo no mane firi kwan so, na ɛnnyɛ asafomma no nkutoo na mmom asɔfokuo- nwanhwɛfoɔ no ti saa ara nso na nwan no.

Saa nti no, ɛnam Ne tirimbɔ afotuo a ɛfiri ɔno ara ne pɛ mu no, Ɔno ara de Ne ho baaeɛ wɔ yɛn mfirinhyia no mu sɛ Ɔkandini Odwanhwɛfoɔ no wɔ Ne bɔfo-somafoɔ a ɔtɔ so nson no som dwumadie mu sɛ ɔni Nenkrɔfoɔ anim nsan mmra nokorɛ mu ɛne tumi bebiree no a ɛwɔ saa nokorɛ no mu no.

Ɔwɔ Ne somafoɔ mu, na obi a ɔwɔ Onyankopɔn mayɛ no bɛdi ɔsomafoɔ no akyi sɛdeɛ ɔsomafoɔ no nam N’Asɛm so yɛ Awurade akyi di ni.

Mepɛ sɛ menya Onyankopɔn mayɛ na medi Ne somafoɔ akyi. Ɛne sɛ, yɛn, Branham Tabernacle afam no, ɛkwan baako pɛ a ɛde di ɔsomafoɔ no akyi sɛnea ɔnam N’Asɛm so di Awurade akyi ne PRESS PLAY na tie Onyankopɔn Ɛnne Korɔgyenn sɛ Ɔka nsɛm no a mfomsoɔ nni ho no kyerɛ yɛn.

Ɛnsɛ sɛ yɛde yɛn adwene susu anaa yɛ hwehwɛ deɛ yɛretie no mu, deɛ ɛwɔ sɛ yɛ yɛ ne sɛ yɛbɛ Press Play na yeagye Asɛm biara a yɛretie adi.

Me tee sɛ Onuabarima Branham ɛka anumnsɛm a ɛtoasoɔ yi anɔpa hemaa bi wɔ Voice radio so. Ɛberɛ a meteeɛ no, ɛbɛtɔɔ m’akoma so sɛ wei ne atenka pɛpɛɛpɛ a me anaa yɛnya ɛfa sɛ yɛreka sɛ:

YƐ PRESS PLAY KƐKƐ NA YƐTIE TAPE NOM.

Ɛgyegyee te sɛ yɛn gyedie anodisɛm ma me.

Ɛno no deɛ nti a megye saa Nkransɛm yi die, ɛne sɛ ɛfiri Onyankopɔn Asɛm no mu. Na adebiara a ɛwɔ Onyankopɔn Asɛm akyi no, mennyɛ nni. Ɛbɛtumi ayɛ sɛɛ, nanso mɛdaso ne deɛ Onyankopɔn aka no atena, na afei manya ahotɔsoɔ sɛ mennyɛɛ mfomsoɔ. Afei Onyankopɔn bɛtumi ayɛ deɛ Ɔpɛ sɛ Ɔyɛ. Ɔyɛ Onyankopɔn. Nanso ɛnnahene a me ne N’Asɛm tena no, ɛnneɛ na menim sɛ ɛno ara yɛ. Megye ɛno di.

Animuonyam, ɔkaa no PƐPƐƐPƐ. Ɔsom nwuma foforɔ no nyinaa bɛtumi awɔ hɔ, ɛfirisɛ Onyankopɔn bɛtumi ayɛ deɛ Ɔpɛ sɛ Ɔyɛ, afa onipa a Ɔpɛ sɛ Ɔnam ne so, Ɔyɛ Onyankopɔn. Nanso ɛnnahene a me ne N’Asɛm teɛ no, Ne Nne, Tape nom no, ɛneɛ na menim sɛ ɛyɛ. Megyedi.

Menim sɛ dodoɔ na wɔkenkan me nkrataa na wɔnte deɛ meka ase ɛne deɛ megye die sɛ ɛyɛ Awurade pɛ ma yɛn asafo no. Ahobraseɛ mu, ma me nti deɛ yɛn diyioɔ no kaaeɛ no mu prɛkopɛ bio:”Saa nkrataa yi wɔ hɔ ma m’asɔre nkutoo. Wɔn a wɔ wɔ ɔpɛ sɛ wɔbɛfrɛ Branham Tabernacle sɛ wɔn asɔre. WƆN A WƆPƐ SƐ WƆDA WƆN HO ADIE NA YƐFERƐ WƆN TAPE NKORƆFOƆ “.

Sɛ wo ne me nnyɛ adwene wɔ deɛ meka ne deɛ megyedi a, ɛyɛ kama ɔha mu abupɛn ɔha me nua mmarima ne mmaa. Me nkrataa no nni hɔ mma mo anaa sɛ ɛntia mo anaa monsɔre. W’asɔre de ne ho na ɛsɛ sɛ wo yɛ deɛ atenka di w’anim sɛ yɛ, nanso sɛdeɛ Asɛm no seɛ, saa ara nso na yɛdeɛ ɛteɛ, na wei na yɛgyedi sɛ ɛyɛ Onyankopɔn kwan a wayie ama yɛn.

Yɛma obibiara akwaaba sɛ ɔne yɛn nka mmɔ mu Kwasiada biara prɛmtoberɛ wɔ Jeffersonville berɛ mu. Naawɔtwe wei, Onyankopɔn Nsonoma ma yɛn mfirinhyia, William Marrion Branham, de Nkransɛm a ɔkaa no Ɔpɛnima bosome no ne da ɛtɔ so nkoron wɔ afe apem ahankoron aduosia mu Sardi Asafo Mfirinhyia ɛberɛ yɛn.

Onuabarima Joseph Branham.

24-1110 Tiatira Asafo Mfirinhyia

M’adɔfoɔ Ayeforɔ a Mo hyerɛn,

Sɛnea Awurade ɛreda nadi kyerɛ yɛn sɛ mfirinhyia no nyinaa mu no aberɛbiara ɛkuo kumaa bi na ɛne N’asɛm no tenaeɛ. Wɔn ante antɔ ɔtanfo no nnaadaa afidie no mu, na mmom wɔde nokorɛ ne akomamuteɛ tenaa Asɛm a na ɛwɔ wɔn ɛnna mu.

Nanso ɛberɛbiara nni hɔ anaa nnipakuo biara nni hɔ a ayɛ Awurade ahohoahoa dodoɔ anaa sɛ Ɔnyaa awerɛhyɛmu dodoɔ wɔ wɔn mu kyɛn yɛn. Yɛn ne N’ayeforɔ Awuraba a wayie a ɛmma sɛ na ne titiriw mpo no ƐNTUMI mma sɛ yɛbɛdaadaa yɛn; ɛfirisɛ yɛte odwanhwɛfoɔ no nne na yɛdi N’akyi.

Ɔrekyerɛ yɛn sɛ mfirinhyia no nyinaa mu no, yɛnyaa nnipa-kuo mmienu, baanu no nyinaa ɛrebɔ wɔn adiyie a ɛfiri Onyankopɔn hɔ ɛne wɔn ne Nyankopɔn ntɛm ayɔnkofa ho dawuro. Nanso Ɔka kyerɛɛ yɛn, Awurade nim wɔn a wɔyɛ Ne dea. Ɔdi yɛn nsusueɛ akyi. Ɔnim deɛ ɛwɔ yɛn akoma mu. Ɔhunu yɛn nnwuma ɛnam sɛ yɛne ɔdiyifoɔ no ɛne N’asɛm  ɛretena, ɛreda deɛ ɛwɔ yɛn mu pɔtee adi. Ɔnim yɛn trimubɔ ne yɛn botaeɛ ɛnam sɛ Ɔhwɛ yɛn nneyɔeɛ biara.

Ɔka kyerɛ yɛn sɛ bɔhyɛnom nyinaa a Ɔmaa no mfirinhyia no nyinaa mu no yɛ YƐDEA. Ɔhunu yɛn a yɛkɔso de nokorɛdie yɛ Ne nwumma kɔsi awieɛ no. ƆNO AMA YƐN tumi wɔ amanaman so. Ɔkakyerɛ yɛn sɛ yɛyɛ asodifoɔ frenkyemm, yɛ ho yɛ den, tumiyɛ wɔ yɛn mu a yɛbɛtumi atena ahoɔden mu wɔ asetena biara mu. Ɛmpo ɔtamfo a n’ani abre paa no bɛ bubu sɛ ɛho hia a. Ne tumi a yɛbada no adie wɔ amammuo mu no bɛyɛ sɛ Ɔba no deɛ. ANIMUONYAM!!

Yɛanya Onyankopɔn mu no a ɛdɔ tɔɔnn no mu osuahunu ɛwɔ yɛn asetena mu. Ɛyɛ ankorankora biara suahunu a ɛwɔ Onyankopɔn honhom a ɛte yɛn mu. Yɛn adwene mu ayɛ hann ɛnam nyansa ne Nyame mu nimdeɛ a ɛfiri N’asɛm mu.

Yɛkɔ baabiara a Ayeforɔ kunu no wɔ. Ɔnnya yɛn hɔ da. Yɛnfiri Nenkyɛn da. Yɛne No bɛkyɛ ahenwa no. Wɔde N’animuonyam ɛne nidie abɔtire no bɛbɔ yɛn.

Wada nadi akyerɛ yɛn nnaadaa a ɔtamfo no ayɛ wɔ mfirinhyia biara mu ɛne hia a ɛhia sɛ WO NE N’ASƐM A ƐDIKAN NO BƐTENA. Asɛmfua baako mpo ntumi nsesa. Mfirinhyia biara de bi kaa ho, yii bi firii mu, de wɔn ankasa nkyerɛase too mfitiaseɛ Asɛm no so; ɛnam saa deɛ no yɛ nti no, wɔn ahwere daa-nkwa.

Tiatira Asafo Mfirinhyia mu no, saa nnaada honhom no kasa faa Rome foɔ Pope no mu na ɔsesaa N’asɛm. Ɔyɛɛ no “ntamgyinafoɔ baako na ɔda Onyankopɔn ne onipa ntam (nyɛ nnipa)”. Ɛnti afei ɔno na ɔyɛ ntamgyina adwuma wɔ ntamgyinafoɔ no ne nnipa ntam. Ne saa no, ɛsesaa Onyankopɔn nhyehyɛeɛ no nyinaa; ɛnnyɛ sɛ ɔresesa asɛmfua, na mmom ɛnam sɛ ɔresesa ATWERƐDEƐ BAAKO. Na ɔbonsam asesa “E” adane no “A”.

Ɔnam Ne mfitiaseɛ Asɛm biara a  Ɔkaa no wɔ tape nom so no bɛbu Asɛmfua biara atɛn. Ne saa nti no, ƐSƐSƐ N’aYeforɔ no ne tape nom no tena. Ɛberɛ a ɔtamfo no bɔ mmɔden sɛ ɔbɛbu nkorɔfoɔ no abamu no sɛ ɔde nhyehyɛeɛ foforɔ ɛrema wɔn no, nsusueɛ foforɔ, atwerɛdeɛ foforɔ,  Ayeforɔ no ne MFITIASEƐ ASƐM NO BƐTENA.

Mfirinhyia biara mu no, Yesu nam saa mfirinhyia no mu somafoɔ no so da Ne ho adi. Wɔgye firi Ne nkyɛn wɔn mfirinhyia no mu Asɛm no adiyie. Asɛm no adiyie wei, yi wɔn a Onyankopɔn ayi wɔn no firi ɛwiase de wɔn bɛbɔ Yesu Kristo nkabɔmu mua no.

Waferɛ na wahyɛ mmarima bebiree sɛ wɔnyɛ nhyira ma asafo  no, nanso Ɔwɔ ƆSOMAFOƆ BAAKO PƐ a  Ɔferɛɛ sɛ ɔnam ne Honhom Koronkron so nni N’asafo anim. ƐNNE BAAKO a ɛwɔ Sɛnea Awurade Seɛ  na ɛwɔ hɔ. ƐNNE BAAKO na Ɔse Ɔde bɛbu yɛn atɛn. ƐNNE BAAKO so na N’aYeforɔ de wɔn daankwa awieɛ ɛsie. SAA ƐNNE NO NE ONYANKOPƆN ƐNNE A ƐWƆ TAPE SO NO.

Ayeforɔ, Onyankopɔn apɛdeɛ ma yɛn ne deɛ ɛwie pɛyɛ, na N’ani so no, YE WIE PƐYƐ. Na saa deɛ ɛwie pɛyɛ no yɛ abotare, woretwɛn Nyame anim….ɛne woretwɛn Onyankopɔn.  Ɔka kyerɛ yɛn, ɛyɛ ɛkwan a ɛma mpuntuo ba yɛ suban mu. Ɛbia yɛbɛnya nsɔhwɛ bebiree, sɔhwɛ nom ɛne amanehununom, nanso wo nokorɛdie ma N’asɛm no ɛreyɛ boasetɔ ho adwuma wɔ yɛn mu, ama yɛn awie pɛyɛ ɛne ɛmu no nyinaa, a biribiara nni hɔ a yɛnnie.

Yɛwerɛ ɛmfiri dabiara da, GYEDIE firi otie so na ɛba, Asɛm no tie mu, na Asɛm no ba ɔdiyifoɔ no hɔ.

Bra na bɛsɔ wabrabɔ mu anigyeɛ kɛseɛ paa hwɛ ɛberɛ a wo ne yɛn ɛbɔ mu atena ɔsoro hɔnom berɛ a yɛtie Onyankopɔn Ɛnne de Asɛm ɛfa Tiatira Asafo Mfirinhyia (Nkransɛm a ɔkaa no Ɔpɛnima bosome no, ne da a ɛtɔ so nwɔtwe afe apem ahankoron aduosia mu) no ɛberɛ yɛn prɛmtoberɛ wɔ Jeffersonville berɛ mu.

Onua Bɛɛma Joseph Branham.

24-1103 Pɛgamɔ Asafo Mfirinhyia No

M’adɔfoɔ Ayeforɔ Baabunu a Ɛnkekaeɛ Nni  Mo Ho,

Anyabiaa, worenya anigyeɛ wɔ Asafo Mfirinhyia Nson no mu? Onyankopɔn ɛrema N’aYeforɔ nkenyan te sɛ deɛ ɛbi nsii da. Ɔrema yɛn Adiyie bebiree, Gyedie bebiree, ne ahotɔsoɔ bebiree ɛnam sɛ Ɔnim nnipasuo a yɛyɛ, ɛne deɛ yɛreyɛ sɛ yɛne Asɛm no ɛretena, Ne kwan a Ɔde ato hɔ ama ɛnnɛ da yi so.

Afei Ɔka kyerɛ yɛn: “Ɛfiri Kwasiada som no so ɛrekorɔ, wura wo honhom adwendwene mu. Ma Honhom Koronkron no mfɔ no wɔ wo mu na ma wonsa nka honhom mu nteaseɛ wɔ deɛ merebɛyɛ no nyinaa mu. Ɛyɛ M’asɛm Honhom a anyane a Me diyifoɔ a ne ho asɛm wɔ Malaki tri nan no kaaeɛ.

Ma yɛnkenkan na yɛnya Ne Nsɛm no kakra na yɛmfa nkɔ yɛn honhom nteaseɛ fa mu.

Onyankopɔn siesiee Ne kandini a Ɔde Ne Honhom ahyɛ no ma maa Ne Nnipakuo a Ɔde Ne Honhom ahyɛ wɔn ma; Ne bɔfoɔ; na Ɛde edin nsɔano too no so, nanso ɛnsɛ sɛ ɔda nadie. Ɛsɛsɛ ɔma no ka ne tirim, wahu. “Onipa biara nnim gyesɛ ɔno”.

Enti no Onyankopɔn de ɔkandini a honhom ahyɛ no ma maa N’aYeforɔ, kuo a Honhom ahyɛ wɔn ma. ƆKANDINI,  ƐNYƐ AKANDIFOƆ ma Ne kuo a Honhom ahyɛ wɔn ma.

Ɛnkyɛre koraa, ɛhan bɔfoɔ kɛseɛ no a ɔbɛba yɛn hɔ no ɛreba wiase, a ɔbɛdi yɛn anim de yɛn akɔ. Honhom Koronkron kɛseɛ, ɛba wɔ tumi mu, na ɛbɛdi yɛn anim de yɛn akɔ Awurade Yesu Kristo hɔ.

Ɛhan bɔfoɔ kɛseɛ.  Hwan ne Ɛhan bɔfoɔ kɛseɛ ma saa mfirinhyia a ɛtwatoɔ yi? William Marrion Branham. Ɛnnyɛ Honhom Koronkron no ho asɛm no na Ɔreka. Waba dada na ɔse, a ɔbɛba.

Deɛ ƆBƐDI Y’ƐANIM DE YƐN AKƆ. Yɛnim na yɛgyedi wɔ nokorɛ mu ɛyɛ Honhom Koronkron na ɛredi yɛn anim, nanso Ɔyɛ no pefee sɛ Ɔka Ne bɔfoɔ no ɛne Honhom Koronkron no bɔ mu na Ɔka sɛ Ɔno (Ne Honhom Koronkron) bɛdi yɛn anim (ƐNAM) Ne Han bɔfoɔ kɛseɛ no so.

Ɔtoa so ka wɔn bɔ mu berɛ a Ɔreka sɛ:

Ɛbɛtumi aba sɛ ɔnhunu,

Ɛnnyɛ sɛ Ɔreka sɛ Honhom Koronkron no ɛnhunu ɔno a ɔyɛ, na mmom N’asaase so bɔfo-somafoɔ no a Ɔno ayi no sɛ ƆNI YƐANIM NKƆ no.

Nanso ɔbɛduru ha ɛnna yi mu bi. Ɔbɛyɛ… Onyankopɔn bɛda no adi. Ɛnhia sɛ ɔno ara bɛda ne ho adi, Onyankopɔn bɛda no adi. Onyankopɔn bɛsi Ne Deɛ so gyina.

Bio, ɛnnyɛ sɛ Ɔreka sɛ Honhom Koronkron no bɛba ha ƐNNA YI MU BI, mmom Ne Han bɔfoɔ kɛseɛ a ɔbɛdi N’aYeforɔ anim. Ɛnhia sɛ ɔbɛda Ne ho adie, Onyankopɔn No ara ankasa nam ADIYIE so bɛda Ne kandini kɛseɛ no adi akyerɛ N’aYeforɔ.

Anyabiaa, worenya honhom fa mu nteaseɛ no? Wo hunu deɛ ɔyɛ Ɛhan bɔfoɔ no a Onyankopɔn yii sɛ ɔni N’aYeforɔ anim no? Anyabiaa ɛka no wɔ ha sɛ ɔde batɔn no ama akandifoɔ foforɔ?

Wontumi ntena nkorɔn mmoro wo sɔfo so. Wodeɛ kae wei, hwɛ.

Ɛberɛ a afoforɔnom ɛnte yɛn aseɛ na wɔn tweetwee yɛn no, sɛnea yɛn ani agyeɛ ne aseda turodoo a yɛwɔ ma Adiyie a ɛma yɛka sɛ, William Marrion Branham ƐNE YƐ SƆFOƆ.

Afei ɛnam sɛ nkransɛm yi mu biara kɔma “ɔbɔfoɔ”- (onipa somafoɔ) ne kyɛfa yɛ asodie kɛseɛ ne akwanya nwanwasoɔ.

Ɔde Nkransɛm no kɔmaa Ne bɔfoɔ no, ɛna Ne bɔfoɔ no de ma Ayeforɔ no; ɛnnyɛ sɛ ɔsom dwuma no kɛkɛ, na mmom N’AYEFORƆ NO NYINAA na ɛwɔ Tape so ma ɔbiaa ntie. Wontumi mfa bi nka ho na wontumi nnyi bi mfiri mu, na ƐNHIA NKYERƐKYERƐMU BIARA.

“Ɛnkyɛ koraa Ɔɔba, na sɛ Ɔba a, ɔbɛba wo hɔ kane, na Ɔbɛgyina Asɛmpa no a waka no so na abu watɛn, na yɛbɛyɛ wo nkorɔfoɔ”. Me kaa sɛ, “Wokyerɛ sɛ wɔn nyinaa yɛ masodie?” Ɔkaa sɛ, “wɔn mu biara. Wɔwoo ɔkandini.”

Sɛ atɛmuda kɛseɛ no ba a, Ɔreba Ne Han bɔfoɔ hɔ kane na Ɔbɛgyina asɛmpa no a ɔkaaeɛ no so abu n’atɛn kane. Yɛyɛ NE NKORƆFOƆ. Yɛn mu biara asodie da no so ɛnam sɛ ɔno na na ɔyɛ Onyankopɔn kandini a wayi no.

Fa wo honhom nteaseɛ to ɛno so. Deɛ Onyankopɔn bɔfoɔ kaaeɛ so na wɔbɛgyina de abu yɛn atɛn. Ne saa nti no, wopɛ sɛ wo de wo daa nkwa to atoprɛ wɔ deɛ obi se ƆKAAEƐ wɔ mmerɛ a wobɛtumi atie afiri ƆNO ara hɔ?

Ɛbɛyɛdɛn na obi agye adi sɛ ƆSOM DWUMA BI HO WƆ MFASOƆ DODOƆ KYƐN DEƐ ƐWƆ TAPE SO NO. Sɛ wogye saa adeɛ no di, anaa sɛ wonam adwene mu nsusueɛ bi so apene agye ato mu a, ɛbɛyɛ ama wo sɛ wo bɛsane w’akyi akɔ MFITIASEƐ ASƐM no so; ɛfirisɛ nsɛm a ɛwɔ tape nom so na ɛrebɛbu watɛn. Ɛne Asɛm no ntena sɛdeɛ ɔkaa No no.

Nanso saa ɔdiifoɔ yi bɛba na sɛdeɛ animkandifoɔ ma mmaeɛ a ɛdikan no teaa mu, “Hwɛ Onyame Adwamaa a ɔde wiase bɔne korɔ no,” saa mpo na akyingyeɛ biaa nni hɔ sɛ ɔbɛtea mu sɛ, “Hwɛ Onyame Adwamaa a, Ɔnam animuonyam mu ɛreba.” Ɔbɛyɛ wei, ɛfirisɛ  mpo sɛdeɛ na Yohane yɛ  nokorɛ somafoɔ ma wɔn a wayi wɔn no, saa ara nso na wei nso yɛ somafoɔ a ɔtwatoɔ ma wɔn a wayi wɔn ɛne ayeforɔ a, Asɛm awo wɔn no.

Hwan na ɔbɛyi yɛn akyerɛ Awurade Yesu? Ne Han bɔfoɔ kɛseɛ no, WILLIAM MARRION BRANHAM.

Bra, ɛne yɛn mmɛyɛ Ayeforɔ Baabunu a Ɛnkekaeɛ Nni ho, berɛ a yɛtie Ne bɔfoɔ somafoɔ kɛseɛ no sɛ ɔbrɛ yɛn Adiyie bebiree, Kwasiada prɛmtoberɛ wɔ Jeffersonville berɛ mu, berɛ a yɛtie Nkransɛm a ɔkaa no wɔ Ɔpɛnima bosome no ne da a ɛtɔ so nson wɔ afe apem ahankoron aduosia mu. 60-12-07 – “Pɛgamɔ Asafo Mfirinhyia No”.

Onuabarima Joseph Branham.

24-1027 Smyrna Asafo Mfirinhyia No

M’adɔfoɔ Honhom-Ahyɛma Ayeforɔ,

Nipakuo baako pɛ na ɛwɔ hɔ; Nnipakuo sononko paa, a wɔn na wɔtumi te deɛ honhom no reka no wɔ saa mfirinhyia a ɛtwatoɔ yi mu. Ɛyɛ kuo sononko a wɔn nsa aka Adiyie no a ɛwɔ hɔ ma saa mfirinhyia wei. Saa kuo no firi Nyame. Ɛkuo no a wɔntumi nteɛ no, ɛmfiri Nyame.

Ɛkuo na ɛtumi na wɔtie deɛ Honhom no reka no, nsa ka Nokorɛ Adiyie no. Yɛn ne wɔn a wɔ wɔ Onyankopɔn Honhom no. Yɛn ne wɔn a Onyankopɔn awo yɛn no na Ɔde Honhom Koronkron no abɔ yɛn asu no. Yɛn ne N’aYeforɔ a Ne Honhom Ahyɛma a yɛnsa aka Adiyie no a ɛwɔ hɔ ma yɛmfirinhyia no.

Press Play no, asekyerɛ bɛn na ɛwɔ ma yɛn? ADIYIE! Ɛne sɛ wo retie, wo resɔ mu, ɛne sɛ wo retena Onyame Akwan a wayi ato hɔ ama ɛnnɛ da yi. Onyankopɔn Nne ankasa ɛrekasa ano gu N’aYeforɔ aso mu. Ɛyɛ Honhom Koronkron no ara ɔrekasa gu yɛn akoma ne yɛn kra nom so.

Yɛnim, Onyankopɔn fa mmarima a Ɔde Ne Honhom asra wɔn ngo so kasa, nanso beaeɛ biaa nni hɔ a, wo te Sɛnea Awurade Seɛ Nie gyesɛ ɛnam Pressing Play ɛnesɛ wo retie Ne bɔfoɔ a ɔtɔ so nson no, William Marrion Branham ƐNne. Ɛno ne Ɛnne nkutoo a Honhom Koronkron no ankasa asi so dua.  Ɔyɛ Onyankopɔn Nne, Onyankopɔn diyifoɔ, Onyankopɔn sɔfoɔ, ma yɛn ɛne wiase.

Sɛ ɔkasa a, yɛka AMEN wɔ Asɛmfua biara so; ɛfirisɛ ɛyɛ Onyankopɔn no ara ankasa na ɔrekasa kyerɛ yɛn. N’asɛm ne Asɛm nkutoo a ɛnhia nkyerɛkyerɛmu.  Ɛyɛ Onyankopɔn a ɔde ne nne ɛrekasa kyerɛ N’Ayeforɔ.

Ɛyɛ Onyankopɔn no ara ankass a ɔreka akyerɛ yɛn sɛ, “Me mmɔfra,  ɛnnyɛ mo na mo ayi me, na mmom me na mayi mo. Ansa na yɛ bɛnya nsoromma mu mfutuma,  ansa na mo bɛhunu me sɛ meyɛ mo Nyankopɔn no, na Me nim mo. Na mo wɔ M’adwene mu, na mo te ase wɔ Me nsusueɛ a ɛnni awieɛ mu. Mo ne Me Spoken Word Seed Ayeforɔ no ankasa.

Ɛwɔ mu sɛ na mo wɔ Me nsusueɛ a ɛnni awieɛ mu deɛ, maana mo adi kɔsii me berɛ a mahyɛ a mayi asi hɔ. Ɛfirisɛ na Menim sɛ Mo bɛyɛ Me kuo sononko a Mo ne M’Asɛm bɛtena. Nkaeɛfoɔ no nyinaa adi ntwo, nanso na Menim sɛ mo nni ntwo.

Menim sɛ wɔtaa mo na wɔtweetwee mo ɛnam sɛ mo ne Mediifoɔ atena, nanso mo ne Me Nokorɛ Bobe no a ɛnnyeraa kwan ɛmfiri M’asɛm ho, nanso mo nam nokorɛdie mu ampa ara  ne Mediifoɔ a Ɔka M’asɛm atena.

Afoforɔnom bebiree wɔ hɔ a wɔnam nokorɛ so akyerɛkyerɛ wɔn, nanso ɛnnyɛ aberɛbiara no wɔnsua ɛhia a ɛhia sɛ wɔbɛka deɛ Menam  Me somafoɔ so aka nkutoo”.

Sɛnea ɛsɛsɛ yɛ yɛ ahwɛyie sɛ yɛbɛtie ɛnne BAAKO, ɛfirisɛ Honhom no wɔ ɛnne baako a ɛyɛ Onyankopɔn nne.

Oh, sɛnea ɛhia sɛ yɛbɛtie Onyankopɔn nne ɛnam N’esomafoɔ so, na afei yɛka deɛ ɔde ama wɔn sɛ wɔnka nkyerɛ nsɔre no.

“M’asɛm aba Me diyifoɔ hɔ aberɛbiara, nanso ɛnnɛ da yi, Me maa ɔtwee Me nne guuTape so sɛdeɛ ɛbɛyɛ na mfomsoɔ biara ɛmma wɔ deɛ Me ka kyerɛɛ Ayeforɔ no. Ahoma a dadeɛ tua ɛtoɔ a ɛtene baako pɛ, abaa baako pɛ na ɛwɔ hɔ, na ɛno ne ASƐM a Menam Me bɔfoɔ so kaaeɛ. Sɛnea ɛwɔ mfirinhyia biara mu no, Me diyifoɔ ne Asɛm a ɛwɔ ɛda no mu. “

Tapes no, Ne Nne, ɛyɛ ɔdɔ krataa ma yɛn. Ɛberɛ a ɔtamfo no nam sɔhwɛ ne ahohiahia ne ahokyerɛ so ɛrema yɛaberɛ kɔsi sɛ yɛbɛpa aba no, Ɔsomaa Nebɔfo hoɔdenfoɔ sɛ Ɔnka nkyerɛ yɛn sɛ ɛnnyɛ hwee na mmom ɛyɛ Onyankopɔn nyitohɔ dɔ ma yɛn, ɛreda nadi sɛ, na wayi yɛn sɛ, yɛnntwe yɛn ho.

Ne botaeɛ kɛseɛ ne sɛ, yɛahunu amaneɛ wɔ mmeretia bi mu no akyiri no, Ɔbɛma yɛawie pɛyɛ, atintim ahyɛ yɛn den. Ɔkakyerɛɛ yɛn sɛ mpo yɛn Awurade Yesu nam N’amaneɛ mu na Ɔwiee pɛyɛ. Hwɛ nhyira a Ɔde agya yɛn. Ɛfirisɛ ɛnam yɛamanehunu mu no, Ɔdɛ yɛn bɛduru pɛyɛ mu nso.

Ɔnam yɛn nsɔhwɛ ne ahohiahia mu ɛretintim yɛn suban-su. Ɛfirisɛ yɛntumi nnya suban wɔ mmerekorɔ a amaneɛ nni mu. Kyerɛ sɛ, yɛn amanehunu no yɛ NKUNIMDIE  ma yɛn, na ɛnyɛ akyɛdeɛ.

Ɛbɛyɛ dɛn na yɛatumi ada yɛn dɔ adi akyerɛ no?

– Ɛnam ɛberɛ a yɛregye deɛ Ɔka die.

– Yɛne N’asɛm ɛɛtena.

– Yɛde anigyeɛ ɛretoto yɛn nneɛma wɔ yɛnsɔhwɛ ne ahohiahia a, Ɔnam Ne nyansa kɛseɛ mu, ma ho kwan ma ɛba.

Sɛnea Ɔma yɛn honhom so wɔ sɛ yɛretie N’asɛm.  Ne nne kyekyere yɛn kra werɛ. Sɛ yɛ Presse Play na yɛtie sɛ ɔkasa a, ɛma yɛb adesoa nyinaa so. Yɛntumi mpo nhyɛ aseɛ nsusu aboɔdenneɛ a ɔde agu hɔ ama yɛn ɛnam yɛn ahohiahia no nyinaa mu.

Oh, Yesu Kristo Ayeforɔ, sɛnea m’ani agye sɛ me yɛ wɔn mu baako ɛne mo mu baako biara. Anigyeɛ bɛn na ɛhyɛ m’akoma mu ma sɛ menim sɛ ɔde N’asɛm mu Adiyie ama yɛn. Sɛ Ɔkakyerɛ yɛn sɛ ɛbɛbɛn paa ara sɛ ɛbɛdaadaa wɔn a wayi wɔn ato hɔ pɔtee no sɛ anka ɛbɛtumi a, Wama yɛn NOKORƐ ADIYIE no.

Bra, ɛne yɛn mmɛwura Honhom no mu Kwasiada wei prɛmtoberɛ, Jeffersonville berɛ mu, ɛberɛ a yɛtie Asɛm a ɛwie pɛyɛ no:

60-12-06   – Smyrna Asafo Mfirinhyia No.

Onua Barima Joseph Branham