Category Archives: Uncategorized

25-0413 Chisimbiso Chechishanu

Mharidzo: 63-0322 Chisimbiso Chechishanu

PDF

BranhamTabernacle.org

Vadiwa Avo Vaka Zorora.  
 
Tave pano. Tasvika. Kusimbiswa kweShoko kwakaratidza kuti Chizaruro chedu cheShoko reNguva Iri chinobva kuna Mwari. Tiri MUKUDA KWAKE KWAKAKWANA kubikidza nekugara ne’Nzwi raMwari riri pamatepi.
 
Zvakakosha sei kuDzwanya nokuRidza? Mashoko atiri kunzwa pamatepi akakoshachaizvo, anoyera zvikuru, zvekuti Mwari Pachake haaigona kuzviisa mumawoko kunyangwe eNgirozi… kunyange kune imwe yeNgirosi yake yeKudenga. Zvaifanira ku zarurwa nekuunzwa kuMwenga Wake kubudikidza ne muporofita Wake, nokuti ndiye uko kunouya Shoko raMwari, muporofita Wake, CHETE.
 
Mwari akabvarura Zvisimbiso, akazvipa kumutumwa wake wepanyika wechinomwe, ndokuzarura Bhuku rose raZvakazarurwa kwaari. Zvino, Mwari akataura nemutumwa wake wepanyika uye ndokuzarura ZVINHU ZVOSE kuMwenga Wake.
 
Hudonongodzwa hwese hwakataurwa uye huka zarurwa kwatiri. Mwari akava nehanya nesu zvokuti haana kungotiudza zvakaitika panyika kubva pakutangakwenguva, asi akataura achishandisa ngirozi yake akatiudza zviri kuitika munzvimbo yakaita separadhiso iye zvino.
 
Akange asingadi kuti tinetsekane, kana kusagadzikana nezveramangwana redu patichabuda mutebhenekeri iyi yepanyika. Saka, Mwari Pachake akatora mutumwa wake mukuru wechinomwe seri kwechidzitiro chenguva, kuti Azvione, Azvinzwe, kunyange nokutaura navo Ikoko. Chakange chisiri chiratidzo, aitovePO.
 
Mwari akamutora ikoko kuitira kuti azodzoka achitiudza: “Ndakange ndiriko, ndakazviona. Zviri kutoitika IZVEZVI… Vanaamai vedu, vanababa vedu, hama, hanzvadzi, vanakomana, vanasikana, vakadzi, varume, madzisekuru, Mosesi, Eria, VATSVENE VOSE vakaenda ikoko vakapfeka Nguo Chena, vakazorora uye vakamirira paTiri”.
 
Hatichazochema zvakare, nokuti Uchange uri mufaro chete. Hatichazosuwi zvakare, nokuti Uchange uri mufaro chete. Hatisikuzofa, nokuti Hupenyu chete. Hatigone kuchembera, nokuti tose tichange tave vadiki nekusingaperi.  
 
Kwakanakisisa…nokunakisisa….nokunakisisa…, uye tiri kuenda ikoko!! Uye saMosesi, hatisikuzosiya kana hwanda, TOSE TIRI KUENDA… MHURI DZEDU DZOSE.

Zvinokosha sei KUMUDA iye mutumwa ane simba wechinomwe uyu?

Inzwi rakadanidzira, rikati, “Vose vawakamboda…” mubairo webasa rangu. Handidi hangu zvemubairo. Akati, “Vose vawakamboda, navose vakambokuda, Mwari vakupa.”

Ngativerengei izvozvo zvakare ndapota: Akati kudini?….Mwari vakupa IWE!!

Uye isu tichabatana navo uye tichidanidzira, “Taka Batirira Ipapo”

Chii chataka batirira ramangwana redu risingaperi pachiri? SHOKO ROSE RAKATAURWA PAMATEPI. Ndinotenda Ishe zvikuru kuti vakatipa Chizaruro Chechokwadi chekuti Kudzvanya nokuRidza ndicho chinhu CHINOKOSHESESA chinofanira kuitwa neMwenga.
 
Ungada kuzorora nesu here ipapo? Huya ubatane nesu musi uno weSvondo na12:00 masikati, nguva yeJeffersonville, patichanzwa zvose pamusoro pezvineramangwana kwatiri uye kuti tinoenda sei ikoko, patichanzwa Inzwi raMwari richitaura nokuzarura: Chisimbiso CheChishanu 63-0322.
 
Hama Joseph Branham
 
Magwaro ekuverenga tisati tanzwa Mharidzo:
Dhanieri 9:20-27 Mabasa 15:13-14 VaRoma 11:25-26 Zvakazarurwa 6:9-11 / 11:7-8 / 22:8-9

25-0406 Chisimbiso Chechina

Mharidzo: 63-0321 Chisimbiso Chechina

PDF

BranhamTabernacle.org

Vadiwa Vatsvene Vakazvarwa Kubva kuDenga,
 
Baba vari kutiunganidza pamwe chete neShoko Ravo, uye kusimbiswa kweChizarurwa ichocho kuri kutipa manyavi. Akatisarudza nyika isati yavambwa, nokuti Aiziva kuti taizovimbika kuShoko raKe nekusarudza kwedu pachedu.
 
Regai ndizvitaure zvakare kuti zvinyatsonyura. Akatarisa munguva yose, kusvikira kumagumo kwenguva yose, AKATIONA ISU…munozvinzwa here izvozvo? AKAKUONA IWE, AKANDIONA INI, uye akatida, nokuti nokuda kwekusarudza kwedu, taizoGARA NESHOKO RAKE.  
 
Ipapo, Anofanira kunge akadana ngirozi Dzake dzose namakerubhi pamwe chete ndookunongedza kwatiri achiti: “NDIYE UYO,” “NDIYE MWENGA WANGU,” “NDIVO VANDANGA NDAKAMIRIRA!”
 
SaJohane, ndicho chikonzero tiri kuita ruzha rwose urwu nokudanidzira kwose uku, nokurumbidza Ishe, tirikutekenyedzwa neWaini Itsva uye tinoziva, ZVISINA MUBVUNZO, TIRI Mwenga Wake.
 
Zvakafanana nemvura yese nemabhanan’ana zvatange tinazvo muno muJeffersonville svondo rino…Nesuwo tave kutumira YAMBIRO kupasi rose.
 
Mwenga uri mukati mwemabhanan’ana eCHIZARURO, UYE ZVIRI KUUNZA MAFASHAMA ECHIZARURO. MWENGA WAZVIGADZIRIRA UYE WAVE KUZIVA KUTI IYE NDIANI. PINDA MUKUCHENGETEKA NOKUKURUMIDZA. DZWANYA RIDZA KUTI UREGE KUPARADZWA.
 
Hatisi kurarama muZera reShumba, kana Zera reNzombe, kana Zera reMunhu; tiri kurarama muZera reCHAPUNGU, uye Mwari akatitumira chapungu chine simba, Maraki 4, kuzodana nokutungamirira Mwenga Wake.
 
Zvichange zvakafanira sei musi uno weSvondo, apo tichange takabatana pamwe chete tichiteerera Chisimbiso cheChina. Richange riri zuva reKuberekwa kwechapungu chine simba muporofita waMwari.
 
Ngatipembererei zuva iri rakanaka uye titende Jehovha nekutitumira chapungu mutumwa wake, waakatuma kuzotidana kuti tibude nekuzarura Shoko Rake.  
 
Hama Joseph Branham
 
Mharidzo: Chisimbiso cheChina 63-0321
Nguva: 12:00 masikati, nguva yeJeffersonville
Magwaro okuverenga mukugadzirira.
 
 
St. Mateo 4
Ruka 24:49
Johane 6:63
Mabasa 2:38
Zvakazarurwa 2:18-23, 6:7-8, 10:1-7, 12:13, 13:1-14, 16:12-16, 19:15-17
Genesisi 1:1
Mapisarema 16:8-11
2 Samueri 6:14
Jeremiya 32
Joere 2:28
Amosi 3:7
Maraki 4

25-0330 Chisimbiso Chechitatu

Mharidzo: 63-0320 Chisimbiso Chechitatu

PDF

BranhamTabernacle.org

Mudiwa Eva weMweya,
 
Regai nditange tsamba yangu nhasi nebhomba raMwari reatomic; kwete pfuti .22 rifle, asi BHOMBA reATOMICreMwenga waJesu Kristu.

Zvino, kana muchida kuanyora pasi; hongu, imi mose munoaziva: Jesu, Johane 14:12; naJoere, Joere 2:38; Pauro, Timotio wechipiri 3; Maraki, chitsauko chechina; naJohane muzaruri, Zvakazarurwa 10:17, 1-17. Maona, chaizvo zvaizoitika zvino!

Chiziviso neyambiro: Chitaurwa chinotevera hachisi chako kana uchitenda.
 
“Tinopfuurira kutaura pamusoro pemuporofita waMwari.” “Haungave Mwenga kana uchingoteerera muprofitachete.” “Kuridza matepi muchechi kwakaipa.” “Tochi yapfuudzwa kuenda kune mumwe; chinhu chinonyanya kukosha nhasi kuteerera hushumiri.” “Kubzvanya nokuridza panguva imwe chete rave sangano.”

Kukereke, Chii?  Shoko mumunhu rakaitwa nyama pakati pevanhu Vake zvakare! Maona?

KABOOM…Saka nokudzvanya nokuridza, tinogona kunzwa Shoko mumunhu rakaitwa nyama, richitaura muromo kunzeve kwatiri apo Anozarura Shoko Rake.  
 
Uye mumwe munhu anogona kuti Hariziro Inzwi RAKAKOSHESESA RAUNOGONA KUNZWA?  Ichi chikamu chechitaurwa ndechako.

Uye havangozvitendi.

Kuwanda kwechizarura uko She vanotipa kwe Shoko Rake, uye nekuti tiri vanaani, ndiko kuenda kure kunoita munhu wese ari kunze kweChizaruro ichocho.

Regai nditaure izvozvo, chaizvo, kuti u…zvinyurepakadzika. Ndinoda kuti izvi uzvibate. Ndiro dambudzikonewe nhasi, waona, hauzive Shoko! Waona?

Mwari vakazodza vanhu kuparidza Shoko iri, asi pane Mhedziso imwe chete: Shoko.  Ukanzwa mushumiri, kana ani zvake achitaura, unofanira kuva nokutenda kuti utende kuti zvaari kutaura ndizvo chaizvo zvakataurwa nemuporofita waMwari. Shoko ravo, chizaruro chavo, dudziro yavo inogona kukundikana; Inzwi raMwari pamatepi HARIFI RAKAKUNDIKA.
 
Taura nezvaMwari muhunyoro kubudikidza nokungodzvanya nokuridza…Anozvitaura ZVAKARE.

Vano mupotsa IYE, Shoko Benyu rakaratidzwa munyama, neShoko rakavimbiswa. Shoko rakavimbisa kuita zvinhu izvi. Vimbiso yakaitwa, kuti zvichava saizvezvi mumazuva ekupedzisira.

Teerera Mutinhiro Wake. Mutinhiro iInzwi raMwari. William Marrion Branham ndiro Inzwi raMwari kuchizvarwa chino.

Mwe-Mwenga hausati wave nerumutsiriro. Maona? Hapasati pave nerumutsiriro ipapo, hapana kuratidzwa kwaMwari kuti amutsurudze Mwenga. Maona? Tichiri kuzvitsvaga ikozvino. Zvichatora Mitinhiro minomwe kumashure uko isati yave kuzivikana, kuMumutsa zvakare, maona. Ehe. Achaitumira. Akazvivimbisa. Zvino tarisai.

Unogona kuzvimonyorodza kana uchida, asi Mitinhiro Minomwe ichapa Mwenga kutekenyedzwa kunouya neChizaruro nekutenda kwekubvutwa, kunouya chete kubidikidza noMweya Mutsvene uchitaura arimumuporofita waMwari. Zviri kuitika IKO ZVINO pasi rose.  Mwari Vari kutekenyedzwa Mwenga Wavo neShoko ravo.
 
Kwete izvozvo zvoga, asi akatoudza muvengi wedu zvokuita.

Iwe bvisa maoko ako pavari. Vanoziva kwavari kuenda, nokuti vakazodzwa neMafuta Angu. Uye nokuzodzwa neMafuta Angu, vane waini yomufaro, nokuti vanoziva Shoko Rangu revimbiso, ‘Ndichavamutsa zvakare.’ Usavakuvadze! Usaedze kuvakanganisa.

Akaudza muvengi wedu kuti abvise maoko ake akaipa patiri.  Asi hurwere huchiri kugona kutirwisa here? Hongu. Tichine matambudziko here? Hongu. Asi akatiudzawo zvekuita.
 
Zvakadzika.  Zviverenge zvishoma nezvishoma uye uchidzokororazve.

Risati rave Shoko, yaive pfungwa. Uye pfungwa inofanira kusikwa. Zvakanaka. Saka, pfungwa dzaMwari dzinova chisikwa kana dzataurwa, neShoko. Ndipo paAnozviunza kwa-kwauri sepfungwa, pfungwa Yake, zvozozarurwa kwauri. Zvadaro, inoramba iri pfungwa kusvikira wazvitaura.

Pfungwa dzake dzakave chisikwa padzakataurwa. Zvino, pfungwa dzake dzakaunzwa nekuzarurwa kwatiri seShoko. Zvino dzinoramba dziri pfungwa kwatirikusvikira taZvitaura. SAKA TINOZVITAURA… UYE TINOZVITENDA.
 
Ndiri Mbeu yeHumambo yaAbrahama. Ndiri Mwenga waKristu. Ndakasarudzwa uye ndakatemerwa nyika isati yavambwa kuti ndive Mwenga Wake, uye hapana chinogona kushandura izvozvo. Vimbiso yese iri muBhaibheri ndeyangu. IShoko Rake kwandiri. Ndiri mugari wenhaka kuVimbiso chaiyo. Ndiye Jehovha Mwari anoporesa zvirwere zvangu zvose. Chero zvandinoda ndezvangu, Mwari vakadaro.
 
Mwari muHunyoro: Kutenda kunouya nokunzwa, kunzwa Shoko. Shoko rinouya kumuporofita.
 
Munhu wese anoda kushandisa “ZVITAURWA” kuratidza pfungwa dzavo, zvavanofunga, neshoko ravo.Ipapo vari raiti, neniwo ndinodaro, ndicho chikonzero zvose zvandinokupai zvitaurwa kukuudzai kuti: Garai neMatepi. Teerera kuInzwi iroro. Inzwi iroro Inzwi raMwari. Unofanira kutenda Shoko rose riri paMatepi, kwete zvinotaurwa nemumwe munhu. Inzwi Iroro ndiroInzwi RAKAKOSHESESA RAUNOFANIRA KUNZWA.
 
Vamwe vanoshandisa zvitaurwa kukuunzai kushumiro dzavo, kukereke dzavo, kududziro dzavo, chizaruro chavo. “Gara nemufundisi wako.” (Zvakanaka, neniwo ndinochifarira chitaurwa ichocho, nokuti ndizvo zvatinoitawo, kungoti inyaya yemufundisi wakasiyana.) “Haasi iye oga hurungudo pamhenderekedzo yegungwa.” “Haana kumboti ridzai matepi muchechi.”

Usaise dudziro yako wega kwaZviri. Anoda mudzimaiwakachena, asina kusvibiswa, asingaite zvechiramu.Handingadi kuti mukadzi wangu atambetambe nevamwe varume. Uye paunoenda kundoterera kunjere dzakasiyana siyana, kupfuura Izvi, urikuterera, urikutamba chiramu naSatani. Ameni! Hazvikupinzi mumweya here? Mwari vanoda kuti ugare usinakusvibiswa. Gara ipapo neShoko iroro. Gara Naro. Zvakanaka. 

Kana ndirini neimba yangu, tichadzwanya nokuridza tichitevera Shoko raMwari Munyama richitaura kubudikidza nemutumwa Wake wechinomwe. Hatisikuzo wedzera dudziro yedu pachedu kwaRiri; hatizikuzotamba chiramu kana kuteerera dzimwe njere.TichaGARA NESHOKO IRORO SEZVO RAKATAURWA PAMATEPI. NdiMwari Muhunyoro.
 
 
Inguva inobwinya sei yatichava nayo musi uno weSvondo na12:00 masikati, nguva yeJeffersonville, patichanzwa: Chisimbiso Chechitatu 63-0320. Ndinoda kukukokai kuti mubatane nesu apo tiri kubatana muShoko ranhasi.
 
Hama Joseph Branham
 
Magwaro ekuverenga tisati tanzwa Mharidzo:
Mateo 25:3-4
Johane 1:1, 1:14, 14:12, 17:17
Mabasa Chitsauko chechipiri
1 Timotio 3:16
VaHebheru 4:12; 13:8
1 Johane 5:7
Revhitiko 8:12
Jeremiya 32nd Chitsauko
Joere 2:28
Zekaria 4:12

Regai nditore mukana uno kuti ndijekese zvakare. Handipesani nehushumiri hwakapetwa kashanu. Ndinotenda muhushumiri hwakapetwa kashanu. Handioni chiri chiro chakaipa kuteerera mushumiri. Ndinotenda kuti unofanira kuteerera mufundisi wako kwawakaiswa naMwari. Pfungwa yangu ndeyekuti, ndinotenda kuti Mwari vakatumira muporofita muzuva redu. Mwari akazarura Shoko Rake kumuporofita wake. Ndinogona kukanganisa, mufundisi wenyu anogona kukanganisa, asi TINOFANIRA kubvumirana (kana tichiti tinotenda kuti SHOKO RENGUVA IRI ndicho chokwadi uye kuti Hama Branham muporofita waMwari) zvinotaurwa pamatepi iZvanzi naJehovah. Kana usingatendi izvozvo, saka hautendi SHOKO IRI. Naizvozvo, ndinotenda kuti ndiro IZWI RAKAKOSHESESA RAUNOFANIRA KUNZWA. Haufaniri kunzwa ini, haufaniri kunzwa mumwe munhu, asi UNOFANIRA KUNZWA INZWI IRORO PAMATEPI.

25-0323 Chisimbiso Chechipiri

Mharidzo: 63-0319 Chisimbiso Chechipiri

PDF

BranhamTabernacle.org

Vadiwa Vateereri veMatepi,
 
Mubvunzo: Tiri muKuda Kwake kwakakwana here nekuteerera Matepi?
Mhinduro:   HONGU
 
Mubvunzo: Mwenga unoda zvinopfuura zvinotaurwa paMatepi here?
Mhinduro: KWETE.
 
Mubvunzo: Tiri kurasikirwa nechimwe chinhu here nekungo teerera Matepi CHETE?
Mhinduro: KWETE.
 
Mubvunzo: Tingava Mwenga here nekungoteerera Matepi CHETE?
Mhinduro:  HONGU, CHAIYO YAKASIMBA!

Zvino rangarirai, “Hapana chingazarurwa: Mwari haana chaanoita, zvachose, kusvikira chekutanga azvizarura kuvaranda vake, vaporofita.”

Saka, ZVOSE zvatinoda zvakataurwa uye zviri pamatepi; kana kuti, mutumwa wake wechinomwe paachadzoka panyika, ACHATIUDZA ipapo.
 
Haiwa Mwenga, ngationei mupfungwa dzedu zviri kuitika neMwenga waKristu pasi rose. Baba vari kuunganidza Mwenga Wavo pamwe chete neInzwi Ravo uye vari Kutinhira vachiti, “ZVANZI NAJEHOVHA.
 
Rangarirai, akatiudza kuti Mitinhiro chaive chiii: “ruzha rukuru rweKutinhira ndiro Inzwi raMwari”. Uye Inzwi raMwari chii kuMwenga? Ngirozi, mutumwa waMwari wechinomwe, William Marrion Branham.
 
Akati kuchauya mitinhiro minomwe isinganzwisisike isina kana kunyorwa zvachose. Uye kuti kubudikidza neMitinhiro Minomwe iyoyo, ichaunganidza Mwenga pamwe kuitira kutenda kwekubvutwa.
 
Shoko raJehova rinouya kuvaporofita Vake. Deno Aiva nehurongwa huri nani, Angadai akahushandisa. Akasarudza hurongwa hwakanakisisa pakutanga uye haakwanisi, uye haasikuzohushandura.
 
Naizvozvo, Inzwi raMwari, richitaura kubudikidza nengirozi yake yechinomwe, riri kuunganidza Mwenga Wake uye richitipa Kutenda kweKubvutwa.
 
Kereke haina kushamisika kubva muna 1933, uko parwizi zuva riya, kuti William Marrion Branham ndiye Inzwi raMwari, riri Kutinhira, “ZVANZI NAJEHOVHA,” uye kuti akatumwa kuzodana, kuunganidza, uye kuzotungamirira Mwenga.
 
Ndinoda kukukokai kuti muuye kuzoteerera nesu musi uno weSvondo na 12:00 masikai, nguva yeJeffersonville, Ishe wedu Jesu paachazarura Bhuku, achibvarura Chisimbiso, nokuRitumira pasi panyika, kumutumwa Wake wechinomwe, kuti arizarure KWATIRI!
 
 
Hama Joseph Branham
 
 
Zuva: Svondo, Kurume 23, 2025
Mharidzo: Chisimbiso Chechipiri 63-0319
Nguva: 12:00 masikati, nguva yeJeffersonville
 
Magwaro ekuverenga tisati tanzwa Mharidzo:
 
Mateo 4:8 / 11:25-26 / 24:6
Mako. 16:16
Johane 14:12
2 VaTesaronika 2:3
VaHebheru 4:12
Zvakazarurwa 2:6 / 6:3-4 / 17th Chitsauko / 19:11-16
Joere 2:25
Amosi 3:6-7

25-0316 Chisimbiso Chekutanga

Mharidzo: 63-0318 Chisimbiso Chekutanga

PDF

BranhamTabernacle.org

Mudiwa Wangu Mambokadzi weKudenga,
 
Ndine zvizhinji zvandakakuchengetera musi uno weSvondo. Kutanga, muchanzwa kurira kweMutinhiro. Richange riri Inzwi Rangu, Inzwi raMwari richitaura kwamuri, Mwenga Wangu. Ndichange ndichikuzarurirai Shoko Rangu sezvisina kumboitika kare. Mucha Ndiona, Gwayana rine ropa rakabayiwa kubva pakuvambwa kwenyika, ndichitora nekuzarura Bhuku, kubvarura Zvisimbiso, nekuRitumira panyika, kumutumwa Wanguwechinomwe, William Marrion Branham, kuti azarure KWAMURI zvakavanzika zvakavanzwa kubva pakuvambwa kwenyika!
 
Pachave nekusheedzera, kudanidzira, uye mahareruya kubva kumativi ose enyikapandichataura kwamuri. Shumba ichange ichidzvova; muzodziwa, simba, kubwinya, kuratidzwa kuchapfuurira mashoko angataurwa. Iwe, Mambokadzi wangu, munonga mugere munzvimbo dzekudenga pandichange ndichitaura kwauri ndichikupa Kutenda kwekupinda muKubvutwa. Isu.
 
Rangarirai, munofanira kuva neKutenda kwakambopihwa kuvatsvene. Ndakakuudzai, munofanira kuteerera kumutumwa Wangu wandakatuma kwamuri.

Iye anofanira “kudzorera Kutenda kwevana kumadzibaba.” Kutenda kwepakutanga kweBhaibheri kunofanira kudzoreredzwa nemutumwa wechinomwe.

Shoko Rangu rinokuudza, nemazuva e’Nzwi remutumwa wechinomwe, pakuridza kwake, achiridza hwamanda yeEvhangeri; anofanira kupedzisa zvakavanzika zvose zvaMwari. Hapana chinhu chimwe chingawedzerwa uye hapana chinobviswa pane zvandakataura pamatepi; ingotaura zvandakataura kubudikidza nengirozi yangu mutumwa.  Ndosaka ndakaita kuti zvirekodwe, kuti ugokwanisa KUDZWANYA NOKURIDZA uye wonzwa chaizvo zvandakataura, uye nematauriro andakaita. Zvichakupa Kutenda kwekupinda Mukubvutwa.
 
Mudiwa Mambokadzi wangu, paMeso angu, hauna chivi zvachose, zvakakwana, pamberi Pangu. Usanetsekane, HAUPINDI munguva yekutambudzwa; nokuti wakagamuchira Ropa Rangu, Shoko Rangu, Mutumwa Wangu, Inzwi Rangu, nokudaro hauna chivi zvachose pamberi pangu.
 
Ndine zvinhu zvikuru zvandakakuchengetera. Munoona Shoko Rangu richibhedhenurwa pamberi pemeso enyu zuva rega rega. Ndanga ndichiisa zviratidzo mudenga kuti ndikuudzei kuti pane chiri kuda kuitika. Ndiri kuuya, gadzirirai. Isa Shoko Rangu, Izwi Rangu, sechinhu chekutanga muhupenyu hwako.
 
Isa zvimwe zvese padivi, hapana chakakosha kupfuura Shoko Rangu. Ndinoziva kuti muvengi ari kuedza kukurovera pasi, asi ndakakuvimbisa kuti ndichakusimudza. ndinemi, kunyange MAMURI. Iwe neni tave kuva Mumwe pandirikuzarura Shoko Rangu kwauri.
Iwe unoziva mumoyo mako; URI Mambokadzi Mwenga wangu. Unoziva ndakafanokutemera. Unoziva kuti ndinokuda. Iwe unoziva ndinewe nguva yega yega yezuva rega rega. Unoziva HANDIFE NDAKAKUSIYA.
 
Tichange tine nguva yakanakisisa apo pandichange ndichizarura zvakawanda kwamuri Svondo regarega, zuva rega rega, apo munoNdinzwa ndichitaura kubudikidza nengirozi Yangu kwamuri. Vamwe vangasanzwisisa kana kuona zvauri kuona, asi Zvakanyatso batirira mumoyo mako kuti iyi ndiyo Nzira Yangu yandakapa.
 
Hutiziro hwakadini hwandakakupai. Unogona kungoDzwanya Nokuridza chero nguva, masikati kana husiku, kuti undinzwe Ndichitaura kwauri. Ndichaunza nyaradzo kumunhu wako womukati pandinozarura Shoko Rangu uye nekukuudza kuti ndiwe ani. Mharidzo yega yega ndeyako, uye ndeyako iwe chete. Tinogona kuyanana nekushumira pamwe chete tose pose paunoda.
 
Musi uno we Svondo na12:00 masikati, nguva yeJeffersonville, chikamu cheMwenga chichaungana kubva pasi rose kuzonzwa zvakavanzika zvikuru izvi zvichizarurwa. Ndinokukokai kuti muuye kuzobatana nesu patichanzwa, 63-0318 – “Chisimbiso Chekutanga”.
 
Hama Joseph Branham
 
Magwaro ekuverenga mukugadzirira kwekunzwa Mharidzo:
Mateu 10:1 / 11:1-14 / 24:6 / 28:19
Johane 12:23-28
Mabasa 2:38
2 VaTesaronika 2:3-12
VaHebheru 4:12
Zvakazarurwa 6:1-2 / 10:1-7 / 12:7-9 /13:16 / 19:11-16
Maraki Chapter 3 ne chapter 4
Danieri 8:23-25 / 11:21 / Danieri 9:25-27

25-0309 Mukaha Pakati PeMazera Manomwe EKereke NeZvisimbiso Zvinomw

Mharidzo: 63-0317E Mukaha Pakati PeMazera Manomwe EKereke NeZvisimbiso Zvinomw

PDF

BranhamTabernacle.org

Vadiwa Vaka Dzoreredzwa.
 
Handifi ndakaneta kunzwa Inzwi raMwari richitiudza kuti tiri vanaani, kwatinobva, kwatiri kuenda, zvatiri vadyi venhaka kwazviri, uye kuti anotida zvikuru sei.

Huprista hwemweya, rudzi rwoumambo, vanobayira zvibayiro zvomweya kuna Mwari, zvibereko zvemiromo yavo, vachirumbidza Zita Rake.” Vanhu vaka – vanhu vakadini! Iye anavo.

Kunyaradzwa kwedu chete nerugare zvinouya nekunzwa Inzwi raMwari richitaura kwatiri, zvino totaura tichipindura kuna Baba nekupa zvibayiro zvemweya kubudikidza nezvibereko zvemiromo yedu, tichipa rumbidzo kuZita Rake.
 
Nyika ino yose iri kugomera. Zvisikwa zviri kugomera. Tiri kugomera uye takamirira kuuya kwaShe. Nyika ino haina chedu. Tagadzirira kuenda uye nekuenda kuMabiko edu emuMuchato neKumusha wedu unouya Naye navose Vatoriko kare, uko kuseri kwechidzitiro chenguva, vakatimirira.
 
Ngatisimukei tizvizunze! Titswinye hana dzedu, tibengenuke kune zviri kuitika izvezvi uye nekune zvichaitika muchinguva chekubwaira kweziso.
 
Hazvisati zvakamboitika munhoroondo yepasi rose kuti Mwenga waKristu ubatane kubva pasi rose, vose panguva imwe cheteyo, kunzwa Inzwi raMwari richitaura nekuzarura Shoko Rake kuMwenga Wake.
 
Vatendi, zvibvunzei imi, inzwi ripi, mushumiri upi, munhu upi, anogona kubatanidza Mwenga waKristu pamwe chete?  Kana uri Mwenga waKristu, unoziva kuti hapana rimwe Inzwi kunze kweInzwi raMwari pamatepi.
 
Hongu, Mweya Mutsvene uri mukati memumwe nemumwe wedu, muhofisi yega yega yekereke, asi Mwari paChake akatiudza kuti Achatonga nyika neShoko rake. Mwenga unoziva kuti Shoko Rakerinouya kumuporofita Wake. Muporofita wake ndiye CHETE mududziri wemweya weShoko rake. Zvaakataura hazvingawedzerwi kana kutapudzwapazviri. IShoko, riri pamatepi, ratichatongwa naro tose, uye hakuna rimwe shoko kana dudziro yeShoko iroro.
 
Hazvikwanisike kuti rimwe inzwi ribatanidze Mwenga. Inzwi raMwari chete pamatepi ndiro rinogona kubatanidza Mwenga Wake. Ndiro chete Shoko Mwenga raanogona kubvumirana pariri. Ndiro chete Inzwi rakasimbiswa naMwari paChake kuti Inzwi Rake kuMwenga wake. Mwenga wake unofanira kunge une Mafungiro Mamwe uye nemuKubvumirana Kumwe kuti tive Naye
 
Shumiro dzinogona kushumira, vadzidzisi vanogona kudzidzisa, vafudzi vanogona kufudza, asi Inzwi raMwari pamatepi rinofanira kunge riri Inzwi rakakoshesesa ravanofanira kuisa pamberi pevanhu. Ndiro Pazvinoperera kuMwenga.
 
 
Kana une Chizarurwa chaizvozvo, saka izvi ndizvo zvichaitika.
 
Shoko rinotiudza kuti Adhamu akarasikirwa nenhaka yake, nyika. Yakabva paruoko rwake kuenda kune waakatengesera, Satani. Akatengesa kutenda kwake muna Mwari, kunjere dzaSatani. Akarasikirwa nezvose zvikaenda mumavoko aSatani. Akazvipfuudza kubva muruoko rwake kuenda kuna Satani.
 
Mwari ndiMwari we husikwa hwese, kwese kwese, asi Mwanakomana Wake, Adhama, ndiye aitonga pasi rinoratinogara rinonzi (earth). Aigona kutaura, aigona kutumidza zita, aigona kureva, aigona kumisa musikirwo wezvinhu, aigona kuita chero chaaida. Aiva nehutongi huzere hwepasi rino.


 
Adhamu akarasikirwa nazvo zvose, asi mbiri kuna Mwari, zvese zvaakarasikirwa nazvo zvakadzikinurwa neMudzikinuri wedu weHama, hapana mumwe kunze kwaMwari Wemasimbaose, akazove Emanueri, mumwe wedu. ZVINO, YAVE YEDU.
 
Tiri vanakomana nevanasikana Vake vachatonga uye vachava madzimambo nevaprisita pamwe chete Naye. Tine hupenyu husingaperi naye uye navose vatinoda. Hapasisina hurwere, hapasisina kusuwa, hapasisina rufu, rangove zienda –nakuenda tiri pamwe chete.
 
Patinofunga nezvazvo, tingarega sei dhiyabhorosi achitiwodza mwoyo? NdeYEDU, ndiko kwatakananga nekukurumidza. Akatipa chinhu chikurusa chaaigona kutipa. Aya mazuva mashomanene emiedzo nekuedzwapasi pano anokurumidza kumedzwa nekuKUNDA KWEDU KUKURU UKO KUNGORI MAZUVA MASHOMANENE MBERI KWEDU.
 
KUTENDA kwedu hakuna kumbokura kudai. Mufaro wedu hauna kumbokwirira kudai. Tinoziva kuti tiri vanaani uye nekwatiri kuenda. Tinoziva kuti tiri muKuda kwake kwakakwana nekugara neShoko rake.

Chatinofanira kuita kugara nematepi nekutenda Shoko rose; kwete kunzwisisa zvose, ASI KUTENDA SHOKO ROSE…uye TINODARO!
 
Kutenda kunouya nokunzwa, kunzwa Shoko. Shokorinouya kumuporofita. Mwari vakaritaura. Mwari vakariisa pamatepi. Mwari vakaRizarura. TinoRinzwa. Tino Ritenda.
 
Unogona chete kuwana Chizaruro ichi nekunzwa Inzwi raMwari pamatepi.

Zvose zvichaitwa naKristu pamagumo zvichazarurwakwatiri svondo rino, muZvisimbiso Zvinomwe, kana Mwari vakatitendera. Maona? Zvakanaka. Zvichazarurwa. Uye zvichizarurwa, apo Zvisimbiso zvichimedurwa uye zvichisunungurwa kwatiri, zvino tinogona kuona kuti hurongwa hukuru uhu hwekudzikinurwa chii, uye kuti riini uye kuti zvichaitwa sei. Zvose zvakavigwa muBhuku iri pano rezvakavanzika. Rakanamwa, rine Zvisimbiso Zvinomwe, nokudaro Gwayana ndiro Roga rinogona kuzvizarura.

Musi uno weSvondo na12:00 masikati, nguva yeJeffersonville, chikamu cheMwenga kubva pasi rose chichange chichiteerera Inzwi raMwari panguva imwe chete. Tichange tichibvarura denga neminamato yedu uye nekushumira. Ndinokukokai kuti muuye kuzobatana nesu patichange tichinzwa: Mukaha Pakati PeZvizvarwa Zvinomwe zvema Kereke NeZvisimbiso Zvinomwe 63-0317E.
 
Ndapota musakanganwe nezve shanduko yenguva muJeffersonville vhiki rino.
 
Hama Joseph Branham

25-0302 Mwari Vachizvivanza PachaVo Muhunyoro, NekuzoZvizarura PachaVo Mune Zvimwe Chetezvo

Mharidzo: 63-0317M Mwari Vachizvivanza PachaVo Muhunyoro, NekuzoZvizarura PachaVo Mune Zvimwe Chetezvo

PDF

BranhamTabernacle.org

Vadiwa Maruva emuMvura
 
Musi waKukadzi 28, 1963, Kwakatinhira. Whii-hwii, Ngirozi nomwe dzakauya kubva kuzienda-nakuendadzikazviratidza kuMutumwa wechinomwe waMwari. Akatorwa akakwidzwa kupinda mupiramidhi ye boka rengirosi. Ipapo, gore rinoshamisa rakaonekwa muchadenga pamusoro peArizona. Chaive chiratidzo, Mwari akange achituma mutumwa wake wechinomwe kuJeffersonville kuzozarura Zvisimbiso Zvinomwe.
 
Kukadzi 28, 2025, ma planets manomwe anonangana muchadenga. Mwenga uri Kuzvigadzirira kuzoungana nokunzwa Zvisimbiso Zvinomwe.
 
Unokokwa, naShe paChake, kuzoungana neMwenga kubva pasi rose, kuti unzwe Inzwi raMwari richizaruraChizaruro cheZvisimbiso Zvinomwe.
 
Zuva iro vaporofita nevachenjeri vakashuvira uye vakamirira kubva pakutanga kwenguva, rave kuitika. Ngirozi ine simba iyo Mwari akati achatumira panyika mumazuva ekupedzisira yauya kuzozarura nekuzivisa zvakavanzika zvaMwari zvakavigwa, kuitira kuti Ishe wedu Jesu adzoke kuzotora Mwenga wake wakatendeka uye nekutitora kuenda kuMabiko edu eMuchato.

Basa rangu rekutanga, pandapinda muchechi itsva, ndaroodza jaya nemhandara vakamira muhofisi. Dai izvozvo wave mufananidzo, kuti Ini ndive mushumiri wakatendeka kuna Kristu, kuti ndiwane Mwenga wakagadzirira mhemberero yeZuva iroro.

Nhasi, Shoko iri riri kuzadzikiswa. Mwari ari kutaura kubudikidza nengirozi yake, achigadzirira Mwenga Wake kumutambo weZuva iroro. Tiri kutevera kuraira kwake pane zvose. Mwenga wazvigadzirira neKUGARA NE’ZWI RAMWARI RIRI PAMATEPI.
 
Chii chatanzwa panyaya yezviroto nezviratidzo? Chikafu, HECHINO ICHI, iyi ndiyo nzvimbo. Inzwi rakati kwaari, “Unza Zvekudya. Zvichengetei mukati. Ndiyo nzira chete yekuvachengeta pano, kuvapa Chikafu.”
 
Vazhinji vanotenda kuti anongoreva kuti, “gara neShoko,” uye ICHOKWADI ICHOCHO, ari kutaura izvozvo; asi Mwenga achaverengawo pakati pemitsetseapo Chikomba chiri kutaura neMwenga wake.

Kunyangwe zviratidzo zvinopihwa naMwari pano panzvimbo, vanhu hava zvinzwisisi. Ndicho chikonzero muchindinzwa pamatepi, ndichiti, “Taura zvinotaurwa nematepi. Taura zvinotaurwa nezviratidzo. Zvino, kana makasvinura, muchaona chimwe chinhu. Maona? Ndinovimba handifanire kuzvibata muruoko rwangu kutindikuratidzei.

Kunyange zviratidzo hazvina kunzwisiswa, kunyange mushure mokunge avapa dudziro dzacho. Ndizvo zvaaitiudza, kana usingade kuvhiringika, kana kusanzwisisa, Dzwanya Ridza wonyatsonzwa chaizvo zvinotaura Izwi raMwari.  
 
Ndinoziva kuti Shoko rinoreva zvakawanda, asi heyo dudziro yangu: Zviroto nezviratidzo zvose zvairevachinhu chimwe; garai nematepi. Kana uine mubvunzo, enda kumatepi. Matepi ndicho Chikafu chaMwari chakachengetwa. Ingotaura zviri pamatepi; usawedzera chimwe chinhu kwaZviri. Matepi i Zvanzi naJehovha kuMwenga. Shoko rinouya kumuporofita, oga. Muporofita ndiye CHETE mududziri pamweya weShoko.
Muporofita akavepo kudana nekutungamira Mwenga. Ndichatongwa nezvinotaurwa paMATEPI.
 
Zvese zvinondinongedzera kuMATEPI.
 
Vadiwa Maruva emuMvura, kwandiri, KUDZWANYA NOKURIDZA NDI MWARI MUHUNYORO KUZUVA RANHASI.

Vhiki rega rega ndinoramba ndichitekenyedzwa; chii chichazozarurwa nhasi apo Mwenga uchaungana kuzonzwa Shoko?  Ndinoziva Mweya Mutsvene achange achizodza mumwe nemumwe wedu apo paaChazarura Shoko Rake zvaasati akamboita kare. Ndirikunzwa, kuti nguva ipi zvayo, Achauya kuzotitora kuenda kuMabiko edu eMuchato.
 
Tiri, vanakomana nevanasikana vaMwari. Tiri vana vaMwari. Isu tiri, nhaka yenyika. Tichatonga musikirwo hwe zvinhu. Tichataura kuti zvinhu zvivepo. Tiri Mwenga!

Ngatizvipire isu patsva kubasa, uye tizvipire kuna Kristu.

Hama Joseph Branham
 
Zuva racho: Svondo, Kurume 2, 2025
Mharidzo: Mwari Anozvivanza Muhunyoro, Achizvizarura Nenzira Imwe Cheteyo     63-0317M
Nguva yacho: 12:00 Masikati, nguva yeJeffersonville.

25-0223 Ichi Ndicho Here Chiratidzo Chekuguma, Changamire?

Mharidzo: 62-1230E Ichi Ndicho Here Chiratidzo Chekuguma, Changamire?

PDF

BranhamTabernacle.org

Vadiwa Madzichangamire,
 
Ichi ndicho, Chiratidzo. Iyi ndiyo, nguva. Iri ndiro, Shoko reNguva. Iri, iShoko. Iri, Inzwi raMwari. Uyu ndiye Mwanakomana woMunhu. Iyi ndiyo nzira yakapiwa naMwari. Uku ndiko, kuguma kwenguva.  
 
Hakuna muporofita, kana muapostora, hapana, chero nguva ipi zvayo, akamborarama munguva yakadai yatiri kurarama zvino. Zvakanyorwa mumatenga. Zvakanyorwa pamusoro penyika. Zvakanyorwa mumapepanhau ose. Aya ndiwo magumo, kana uchikwanisa kuverenga zvinyorwa.
 
Uyo ane nzeve, ngaanzwe zvakataurwa naMwari, zvikarekodwa, saka harizovi shoko rangu, pfungwa dzangu, kafungiro kangu, asi Inzwi chairo raMwari richiraira Mwenga Wake iyo inzira Yake CHETE yakakwana yaakapa kuzuva ranhasi.  
 
Huyai muteerere apo Anotaura nekuzarura kwatiri nemagwaro, nezviratidzo, nekududzirwa kwezviroto, kuti tigare neShoko reNguva, nekugara nematepi. Ingotaura zviri pamatepiCHETE.  
 
Hapana nzira imwe irinani, kana imwe nzira yechokwadi, inopfuura kunzwa Inzwi raMwari kubva kuna Mwari paChake. Mwari vakaraira Mwenga wavo kubudikidza nekutaura ari mumuprofita wake achitiudza kuti, DZWANYA RIDZA, ndoo zvoga.  
 
Zvitaure, Zviparidze, Zvipupurire, uye uudze nyika pamusoro paZvo, asi Anotiudza kuti pane nzira imwe chete yakakwana yakapiwa yekukwanisa Mwenga: teerera kuInzwi raMwari pamatepi. Kana chimwe chinhu chiri kukunetsa, ridza tepi. Ndicho chinhu chinofanira KUTANGA, uye Inzwi rakakoshesesa raunofanira kunzwa. IShoko raKe rakakwana raAkaisa pamatepi. 

Zvino enzanisa kunyange izvozvo nezvimwe, zviroto. Ichi chaiva chiratidzo. Chikafu, hechinoichi. Iyi ndiyo nzvimbo.

Teerera, kubudikidza nezviroto nezviratidzo, Chikafu cheMwenga chirikupi? Nzvimbo yacho irikupi? Shoko reNguva reMwenga riri pamatepi.

Apa ndinonzwa kuti ndiri pamusha. Iyi ndiyo nzvimbo yacho. Uye kana ukacherechedza, zviroto zvacho zvaitaura zvimwe chete, maona, apo pane Chikafu.

Kuti tive nechokwadi chokuti tazvibata, anotiudza zvakare, matepi ndicho Chikafu cheMwenga.

“Nguva hapasisina.” Kana zviriizvo, ngatizvigadzirirei, shamwari, kusangana naMwari wedu.  

Hongu, Ishe, ndicho chishuwo chemwoyo yedu, kugadzirira kusangana nemi, kuva Mwenga Wenyu. Chii chatinofanira kuita Ishe? Ndeipi nzira Yenyu yamakapa? Chirongwa chenyundechipi? Ndeipi nzira Yenyu yakakwana? Makatitumira muprofita waMaikwanisa kutaura naye kuti atiudze. Ndapota tirairei.

Pave neChikafu chakawanda chakachengetwa zvino. Ngatichishandisei. Ngatichishandisei.zvino.

Munhu angava bofu sei? Iye anotiudza zvokuita: pane chikafu chakawanda chakachengetwa pamatepi; chishandisei ZVINO. Uku ndiko kuraira kwaMwari kuMwenga wake.  
 
Kana uchiti unotenda Shoko reNguva iri, tenda kuti William Marrion Branham ndiye muprofita nhume yaMwari yakatumwa kuzodana Mwenga; hupenyu hwake hunozadzisa magwaro ose akataurwa pamusoro pake; tenda kuti Inzwi raMwari ranhasi, zvino IYE; Mwari, achitaura kubudikidza nemuporofita wake, anoudza Mwenga neChirungu chakajeka zvekuita.  
 
 Kunyangwe tichisekwa, tichitambudzwa, uye tichitarisirwa pasi nekuti tinongoteerera kumatepi chete, tiri kuita chaizvo zvaAkatiudza kuti tiite. Ndinokutendai Ishe nokuda kweChizaruro.  
 
Ndinoda kukoka nyika kuti mubatane nesu musi uno we Svondo na12:00 masikati, nguva yeJeffersonville, patichanzwa “Ichi ndicho Chiratidzo Chekuguma here, Changamire? Tichange tichinzwa zvose pamusoro pe:  
 
Mitinhiro, Zvisimbiso Zvinomwe, Dombo rePiramidhi, Chikafu cheMweya, Zienda-naKuenda, Gungano reNgirozi, Muzinda Wangu, Chiratidzo, Zviroto, Chiporofita, Zvakavanzika Zvakavanzwa, Gwaro mushure mwerimwe Gwaro.
 
Hapana chikuru muhupenyu huno kupfuura kunzwa nekuteerera Inzwi raMwari.
 
 Hama Joseph Branham
 
Magwaro:
 
Maraki Chitsauko chechina
Mateu 13:3-50
VaRoma 9:33; 11:25; 16:25
1 VaKorinte 14:8/Chitsauko 15
VaGaratia 2:20
VaEfeso 3:1-11 / 6:19/ 5:28-32
VaKorose 4:3
1 VaTesaronika 4:14-17
1 Timotio 3:16
VaHebheru 13:8
2 Petro 2:6
Zvakazarurwa 1:20 / 3:14 / 5:1 / 6:1 / 10:1-7 / Chitsauko 17

25-0216 Vhiki Rechimakumi Manomwe RaDhanieri

Mharidzo: 61-0806 Vhiki Rechimakumi Manomwe RaDhanieri

PDF

BranhamTabernacle.org

Vadiwa Vakatarira neKumirira,
 
Pane mufaro pakati peMwenga usati hwakambovepo kare. Tiri pasi pekutarisira kukuru; gore redu rejubheri rave kuda kuitika. Mwenga wakamirira nguva yakarebakuti zuva iri risvike. Kuguma kwenguva yeve maRudzikwasvika uye kutanga kwezienda-nakuenda naIshe wedu kuchakurumidza kutanga.
 
Tiri kunzwisisa nguva yatiri kurarama mairi nekunzwa Shoko. Nguva yapera. Nguva yeKubvutwa yave pedyo. Tasvika. Mweya Mutsvene wakauya ukazarurakuMwenga wake zvinhu zvose zvikuru, zvakadzika, zvakavanzika.
 
Tiri mukuperera, tichitsvaga Mwari; tichizvigadzirira. Takarasa zviro zvese zvenyika ino. Zvinetswazvehupenyu huno hazvina zvazvichareva kwatiri. Kutenda kwedu kwakwirira zvikuru kudarika zvazvaive kare. Mweya Mutsvene ari kupa Mudzimai Wake wakasanagurwa Kutenda kwokubvutwa, kuti Agouya kuzoMutora.

Mavhiki 69 akananga; kuenda kwemaJudha kwakananga; zera rekereke rakananga. Tave panguva yekuguma, nguva yekuguma, zera rekereke yeRaodhikia, kuguma kwaro. Nyeredzi vatumwa vose vakaparidza shoko ravo. Rakaenda. Tave kufamba zviri nyore.

Inguva yakadii yemanenji yatiri kurarama mairi. Inguva dzakaoma zvikuru sezvo muvengi ari kurwisa munhu wese zvisina kumbobvira zvaitika. Ari kukanda zvose zvaanazvo kwatiri. Ari pakaoma, nokuti anoziva kuti nguva yake yapera.
 
Asi panguva imwe cheteyo iyoyo, hatisati takambofara kudai muupenyu hwedu.

  • Hatina kumbova pedyo naShe kudai.
  • Mweya Mutsvene anozadza tsinga dzose dzemuviri wedu.
  • Kuda kwedu Shoko rake hakuna kumbova kukurukudai.
  • Chizaruro chedu cheShoko rake chinozadza mweya yedu.
  • Tiri kukunda muvengi wese neShoko.

UYE, hatina kumbova nechokwadi kudai chekuti tiri vanaani:

  • VAKATEMERWA
  • VAKASANANGURWA
  • VAKASARUDZWA
  • MBEU YEHUMAMBOVEPAMOYO
  • ZIENDA-NAKUENDA, AKAPFEKA NHUVO CHENA, MUDZIMAI WA JESU, ANOTEERERA MATEPI, AKAJEKERWA, MHANDARA YAKACHENA, AKAZADZWA NOMWEYA, ASINGAKUNDWE, AKAGADZWA HUMWANA, ASINA KUSVIBISWA, MHANDARA MWENGA WESHOKO.

Chii chiri kutevera? Dombo riri kuuya. Takatarisa, takamirira uye nekunamata miniti yegayega yezuva regarega. Hapana chimwe chinhu chichine basa asi kuzvigadzirira kuuya Kwake.
 
Haisi nyaya yekuti, “Tinotarisira kudaro”, TINOZIVA. Hapasisina kupokana. Nechinguvana, mukubwaira kweziso zvinenge zvapera, uye tichange tiri kune rimwe divi nevadikanwa vedu vose naIYE paMabiko eMuchato.
 
UYE UKU NDIKO KUTANGA…UYE HAZVINA MAGUMO!!
 
Huyai mugadzirire Mabiko eMuchato nesu musi uno weSvondo na12:00 masikati, nguva yeJeffersonville, Mwari paanotaura kubudikidza nemutumwa Wakemukuru, uyo waaAkatuma kuzotungamirira Mwenga Wake, paachatiudza, nokuzarura, zvose zvakavanzika zvaMwari.
 
Hama Joseph Branham
 
Mharidzo: 61-0806 – Vhiki reMakumi Manomwe raDanieri

25-0209 Chinangwa Chakapetwa Katanhatu Chekushanya KwaGabrieri Kuna Dhanieri

Mharidzo: 61-0730E Chinangwa Chakapetwa Katanhatu Chekushanya KwaGabrieri Kuna Dhanieri

PDF

BranhamTabernacle.org

Mudiwa Mwenga Arikufara,
 
Takaringira zviso zvedu kuDenga mumunamato nemukukumbira kuti tiwane zuva nenguva chaiyo yatiri kurarama mairi.  
 
Sezvisina kumboitika kare, tigere pamwe chete munzvimbo dzekudenga, kubva pasi rose, tichinzwa Mwari achitaura uye achizarura Shoko Rake kwatiri kuburikidza nemutumwa Wake ane simba guru. Ngirozi mutumwa wepanyika uyo Baba vakatuma kuMwenga wake muzuva rino rekupedzisira kuzarura Shoko rake.
 
Gabrieri ndiye ngirozi kuvanhu vakasarudzwa vaMwari, maJuda. Asi kuMwenga wake wemaRudzi, Merikizedeki paChake akauya ndokutaura ari munyama ari mungirozi yepanyika yainzi William Marrion Branham, kuti Akwanise kutaura nekuzarura Shoko Rake ROSE kuMwenga wake waanoda wepamoyo.
 
Akaita kuti rirekodwe, richengetwe, uye nekuchengetedzwa, kuti Mwenga ave neChikafu Chake chepamweya, Manna yakavanzika, pamawoko akeminiti yega yega yezuva rega rega kusvikira pakuguma kwenguva.  
 
Munhu wedu wemukati ari kuzadzwa nechizoro chikuru apo tiri kunzwa Inzwi raMwari richizarura Shoko rake kwatiri. Kuti ano bhedhenura sei Shoko rake kwatiri kuti tinyatsoona uye nokunzwisisa zvarinoreva. Riri kuzarura nguva chaiyo yatiri kurarama mairi, richitiudza kuti tiri vanaani uye nezvichaitika nokukurumidza; Kubvutwa kwedu uko kwave pedyo.  
 
Ari kutozarura kuMwenga wake zvichange zvichiitika panyika apo tichange tinaye paMabiko emuMuchato. Uye kuti achazarura sei meso akapofomadzwa evasanangurwa vake; avo Iye akapofomadza nokuda kweMwenga wake wemaRudzi.
 
Shamwari dzangu, ndinozviziva kuti taneta sei nenyikaino uye tinoshuvira kuuya Kwake kuti atitore, asi ngatifarewo nekutenda pane zviri kuitika izvozvi pamberi pemeso edu.  
 
Ngatisimudzei maoko edu, mwoyo yedu, manzwi edu, uye tifare. Hatisi kungotarisira chete kune zvaAchazotiitira munguva pfupi iri kutevera, asi ngatifarei pamusoro pezvaari kuratidza uye kutiitira iye ZVINO.  
 
Ari kutiudza kuti tiri Mwenga Wake waakafanotemeratichibatana Naye neShoko Rake. Ari kutivimbisa nguva nenguva, tiri muKuda Kwake kwakakwana nokugara neInzwi Rake, Shoko Rake, ngirozi Yake. Akatipa KUTENDA mukuziva nokucherechedza zvatiri:  
SHOKO RAKE RIRI KURARAMA MUNYAMA.
 
Hatina chekutya; Hapana chekunetsekana nacho; Hapana chekusuwa nacho. Ndinoziva sei izvozvo? MWARI AKATAURA KUDARO!  SAKA NGATIPEMBEREI, TIFARE, TITENDE; SHOKO BENYU RINORARAMA UYE RINOGARA MUKATI MEDU. TIRI MBEU YAKE YEHUMAMBO YEPAMUSOROSORO.
 
Ndinotenda chaizvo kuti naivo Ishe varikufarawomukuziva kuti nguva yasvika uye kuti isi tagadzirira kubidikidza nokugara takavimbikana nokutendeka kuShoko Ravo.  
 
Sekamukomana kadiki kakatarisa mugirazi kekutanga, tiri kutarisa muShoko raKe, tichiona kuti TIRI VANAANI. Ishe…NDINI. Ndiri Mwenga weShoko renyu rinorarama. Ndini wamakasarudza. Ndiri maMuri, Imi muri mandiri, tiri Mumwe.  
 
Tingarega sei kupembera nekuva vanhu vanofarakupfuura vose vakambogara pamusoro penyika? Vatsvene vose nevaporofita vakatitangira vaida kurarama muzuva ranhasi vachiona zvipikirwa izvi zvichiitika. Asi neNYASHA dzaMwari, akatiisa pano ISU.
 
Tanonokerwa:

Brrrr! Ini zvangu! Whew! Nemamwe manzwi, kana muvengi abviswa, kuguma kwechivi kwasvika, kuunzwa kwekururama kusingaperi kwasvika, Satani avharirwa mugomba rakadzika-dzika, uye ruzivo rwaIshe ruchifukidza nyika sekufukidza kunoita mvura gungwa. Ameni! Mwari ngavakudzwe! Zviri kuuya, hama, zviri kuuya!

Chizoro chakadii chichaitika musi weSvondo na12:00 masikati, nguva yeJeffersonville, apo tichaungana pamwe chete kubva pasi rose kuti tinzwe mutumwa waMwari, Inzwi raMwari kuMwenga, richitiunzira Mharidzo: Chinangwa Chakapetwa Katanhatu Chekushanya kwaGabrieri Kuna Danieri 61-0730E.
 
Hama Joseph Branham