All posts by admin5

24-1124 Obusingye Bw’Ekanisa Ya Filadelufiya

Mukyala Yesu Kristo Omukundwa,

Niki ekiraabe omu Sande egi ahabw’Omugore wa Yesu Kristo? Niki kyona Omwoyo Orikwera aratushuururire? Okumanya Okuhikirire. Nitukwetegereza hati omubwijwire ahabw’okushuururirwa, ekishushani kigerageranisibwe n’ekiriho n’emiringo n’ebirikukwatika kugerageranisibwa nekisinganyuma kyabyo. Yesu n’Omugaati gw’Amagara ogw’amazima. Yesu niwe byoona. Ni Ruhanga Omwe. Niwe Abaheburaayo 13:8. Niwe NBAHO.

Kristo, okureebwa omumubiri kandi akasheesha Eshagama Ye, ataire ebyokushisha byaitu hare ebiro byona ahabwokwehayo nk’ekitambo; n’ahabwekyo atuhindwire ABAHIKIRIRE. Amagara Ge omuri itwe. Eshagama Ye etwogize. Omwoyo We atwiijura. Emihiririzi Ye YAHERIZE kutukiza.

Ekigambo Kye kiri omumitima na akanwa kitu. Ni Kristo omumagara gitu kandi tihariho kindi, nk’oku buri kintu kyoona omumagara gitu kihweerera okwitsya obutamanywa, oyihireho We n’Ekigamvo Kye.

Emitima yaitu nekwijura amashemererwa yaba Natugambira n’ekiragiro ky’Obwaruhanga Bwe, akamanya kwenyini owu Omugore We araabe. Nk’oku yatutoorine. Akatweeta. Akatufeerera. Yatushashurira omutambo kandi turi Abe, kandi We wenka. Nagamba, kandi tumworobera, ahabwokuba n’okushemererwa kwaitu. Turi eitungo Rye kandi taine ondijo wena okwiyaho ITWE. Turi eitungo Rye eritahwaho.

Nakutuhamya kandi atumanyise n’Eiraka ry’Ekigambo Kye. Nakutushooborera kwenyini kandi ashuururire ku ari Orwigi rw’entama. Ni byombi Alufa na Omega. Ni Isheboona, ni Omwana, kandi ni Omwoyo Orikwera. Ari Omwe, kandi turi hamwe Omwe Nawe kandi omuri We.

Nakutwegyesa okugumisiriza, nk’okuyakozire Abrahamu, nashoborera nk’oku twiine kurinda n’okugumisiriza kandi tugumeho twaaba twenzire kutunga ebyaraganisibwe.

Naija kutworeka buzima eizooba ryenyini eri turikuturamu. Nk’oku okwegita kw’amakanisa nikikuhamwa omubyobufuzi, kandi biteho akiimato aha gavumenti ahabwaboona okumwegitaho okurabira omukwoorobera emitwarize eteirweho omumateka, kugira ngu tihabaho abantu boona abarareebwe nk’amakanisa okwitsya bakanyire omukigombe kyabo omuribo omukumanya n’obutamanya.

Nakushuurura nk’oku abiingi baragendane, barikutekateka nibaheereza Ruhanga omunda y’ekigombe. Kwonka Ruhanga natugambira, “Mutakagira obwooba, ahakuba Omugore tarabihwabihwe, nitukuguma n’Ekigambo Kye, Eiraka Rye.”

Nitugarukwamu amaani buzima kumuhurira natugambira: “Gumiza kimwe, hamira kimwe, mutakahanika, kwonka mujware eby’okurwanisa byona Ruhanga, buri kyakurwanisa, buri kiconco ekimuhirwe Nyowe nimukitunga ahi murikukyendera. Mutakahwamu amaani abakundwa, mureebe bureeba omumaiso n’okushemererwa ahabw’okuba ninkubataho ekirunga Nyowe, nyowe Omugabe w’Abagabe kandi Omukama w’Abakama, eibanyi.”

Muri ekanisa Yange ey’amazima; hekaru yonyini ya Ruhanga ahabw’Omwoyo Orikwera arikutuura omuriimwe. Nimukuba empagi omu hekaru ensya; omusingi gwonyini ogurakwatirire ekyombeko ekyamahano. Ninkubatamu nk’abasinguzi n’entumwa n’banabi, ahabw’okushuururirwa okumbahiire kw’Ekigambo kyange, okurikugamba ahari Nyowe.

Nakutushuururira butunu nk’oku amaziina gaitu gakahandiikwa Omukitabo Kye Ekyamagara eky’Omwana gw’Entaama okuhangwa kw’ensi kutakabeireho. Nahabwekyo nitukutuura omumisho g’ekitebe Kye nyekiro na nyomushana okumuhereza omuhekaru Ye. Turi abarinzirwe ab’omutaano aba Mukama; turi Omugore We.

Nitukugira eizina risya tukutwaara eizina Rye. Nirikuba eizina erituheirwe ku aratutware Ahaari. Nitukuba mukyala Yesu Kristo We.

Yerusalemu ensya erikushuuma ahansi okuruga ahari Ruhanga omwiguru, Omugore ajwiire je ahabwa Eiba. Rufu teerabeho, esaasi, nangwa amarira. Nangwa obusaasi tiburabeho ahabwokuba eby’enyuma bihingwire. Ebyaraganisibwe byoona ebya Ruhanga eby’omutaano nibikuba byahikirira. Okuhinduka nikuba kwahwa. Entaama n’Omugore We ebiro byoona nibakutuura omukuhikirira kwa Ruhanga.

Mukyala Yesu Kristo Omukundwa, MUKIROTEHO. Nikikuba eky’omutaano buzima okukira enteekateka yaawe.

Nimbatangirira mwena okwija okutwegitaho Sande egi shaaha eibiri ey’omumwebazyo niyo shaaha mukaaga Jeffersonville, Eibanyi waitu, Yesu Kristo, nagamba akurabira omu mariika We owamushanju entumwa kandi atugambira ebi byoona.

Oweishemwe Joseph Branham

Obutumwa: Obusingye Bw’Ekanisa Ya Filadelufiya 60-1210

24-1117 Obusingye Bw’ekanisa Ya Saadi

Abahurikiza Entambi Abarungi,

Tushemerirwe buzima okuba nitwetwa“Abantu abe’Entambi”. Emitima yaitu nijiteera buri wiki turikumanya nitukuteerana game okuraba omunsi yoona turikuhurira Eiraka Rya Ruhanga niritugambira.

Nitumanya, tutari kubanganisa na kakye, Turin omukukunda kwa Euhanga okuhikirire Turi kuguma n’Ekigambo Kye; turi kuhurira Eiraka Rye okurabira omuri malaika We owamushanju owamani.

Omutumwa owu Yatoraine owobunaku bwaitu ni William Marrion Branham. N’etabaaza ya Ruhanga omunsi, arikumurisya ekyererezi kya Ruhanga. Nayeta Omugore We atorinwe Orikwera arikukozesa maraika We.

Turikushoma Ekigambo Kye n’okwegendesereza, Ruhanga atushuurire arikukozasa Omwoyo Orikwera We ngu William Marrion Branham ni maraika owu yatorine okuha Okushururirwa Kwe kandi n’Obwegyese bw’obunaku bwaitu.

Atuhaire Okushururirwa okwijwire Kwe. Omwoyo Orikwera arikutweyoreka arikurabira omumagara ga mariika We owamushamju omutumwa; mariika owu yatorine kuba amaisho Ge ahabwobunaku bwaitu.

Emitima yaitu neshashanuka omuritwe Arikutugambira omuri Butumwa ngu nokukunda Kwe okututwara ahari We; ngu turi Omugore We Ow’Ekigambo.

Nakunda kutugambira buri kanya nk’okuyatutorine omusingi gwensi gutakabaireho OMURI WE. Tukamanywa kandi twakundwa Ruhanga.

Nk’okuturikukunda kumuhurira nagamba arikutugambira tukajunwa ahaw’Eshagama Ye kandi TIKIKABASIKA okwija omurubanja. Titukaabasa kuba omurubanja, ahabwokuba ekibi tikikatwetaho.

Nitukushutama Nawe ku Arabe natwara ekitebe Kye ekyensi kya Daudi, kandi tutegyeke Nawe; nk’oku yakozire omw’iguru, n’amani kandi n’obushoborozi ahansi hoona. Okugezesibwa n’emirabana y’amagara aga tigararebeke.

kwonka Ruhanga aturabwire nk’oku twine kwegendesereza. Ngu okuruga eira amataagi abiri gakuririne heihi. Nk’oku omuzigu abaire heihi munonga; gakubeiha. Nk’oku Yuda akatoranwa Ruhanga, kandi ayebembirwe omumazima. Akatunga okumanya okw’ebisherekirwe. Akagira obuhereza bw’amani obwamuheirwe kandi yakiza abarwire kandi yabinga ba demoni omu Eizina rya Yesu. Kwonka tarahikira ahamuheru gw’orugendo.

Torikubaasa kugenda n’ekicweka ky’Ekigambo kyonka, oine kutwara Ekigambo KYONA. Hariho abantu abarikwetanira omubintu bya Ruhanga heihi eigana ahari eigana, kwonka tibari.

Akagira kikaba kitarikumara oku yakwatanise n’ekanisa yoona, nangwa n’obuhereza obutano obw’Abeefeso Eina. Akaturabura ngu omumurembe gwona ekanisa nebura, kandi ti abakurasi bonka kwonka nabebembezi – abariisa bashazire n’entaama.

Nahamwekyo okucwamu okumariire kwokukunda Kwe, Akeereta We omubusingye bwaitu nk’Omurisa Omukuru omubuhereza bwa marika We owamushanju okwebembera abantu Be okugaruka ahamazima n’amani agarikumara ag’amazima.

Ruhanga ari omumutumwa We kandi ogwe owu araabe nobwijwire bwa Ruhanga nakuratira entumwa egyo nk’oku omutumwa nakuratira Mukama akurabira Omukigambo Kye.

Ninyenda okuba nobwijwire bwa Ruhanga kandi nkuratire entumwa Ye. Nahabwekyo, ahari itwe, aba Branham Tabernacle,omuringo gwonka okukuratira omutumwa ogwo nk’oku akuratira Mukama kurabira omu Kigambo, ni OKWIMATA ZAANA kandi tukahurira Eiraka Tuku-tuku rya Ruhanga niritugambira ebigambo ebitaine kamogo.

Titwine kubanganisa nangwa okuchondooza ebiturikuhurira, twine Kwimata Zaana kyonka kandi twikirize buri Kigambo eki turikuhurira.

Nkahurira oweishemwe Branham nagamba ebinokwirwe ebirikukurata akasheshe kamwe aha Voice Radio. Kunakihurire Ekigambo, kikaija ahamutima gwagye ngu oku nikwo nyowe/itwe nituhurira nikigamba:

NITWIMATA ZAANA KANDI TUHURIRA ENTAMBI.

Kyahururika nk’ekigambo Ky’Okwikiriza kwitu ahari nyowe.

Niyo nshonga ninyikiriza omu Butumwa obu, ni ahabwokuba niburuga omu Kigambo kya Ruhanga. Kandi ekintu kyona aheeru y’Ekigambo kya Ruhanga, tindikukiririza. Nikibaasa kuba kityo, kwonka ninza kuguma n’eki Ruhanga yagambire, kandi mbe ahamire ngu nyikire. Hati, Ruhanga nabasa kukora eki ayenzire kukora. Ni Ruhanga. Kwonka kundagume n’Ekigambo Kye, aho nimanya ku byona butebekiine. Ninkikiriza. 

Ekitinisa, yakigamba OMUBUHIKIRIRE bizima. Obuhereza obundi bwona nibubaasa kuba, ahabwokuba Ruhanga nabasa kikora eki ayenda, n’owu ayenda kukozesa, ari Ruhanga. Kwonka naaba ninguma n’Ekigambo Kye, Eiraka Rye, Entambi, aho nimanya byona bitebekiine. Ekyo ninkikiriza.

Nimanya abingi nibashoma ebaruha zange kandi babura kwetegereza eki ngamba kandi ekindikwikiriza okuba okukunda kwa Mukama ahabwe ekanisa yaitu. Reka ngamba obundi omubucureezi nk’oku nabi yagambire: “Ebaruha ezi nez’ekanisa yange yonka. Abari kukunda okweta Branham Tabernacle ekanisa yaabo. Abarikwenda kweyoreka kandi baketwa abantu ab’entambi”.

Waba nohakanisa eki ngamba kandi nyikiriza, kiri eigana ahri eigana kirungi oweishemwe na oweishemwe-kazi. Ebaruha zange tizihandikirwe ahabwanyu nangwa zibarwanise namakanisa kanyu. Ekanisa zanyu nizicwaho kandi mwine kutwaza nk’oku mwebembirwe kutwaza, kwonka nk’Ekigambo kigamba, nikwo nitwe, kandi ekyo nikyo twikiriza n’Omuhanda okuteirweho Ruhanga ahabwitu.

Boona nitubaakira omukuteerana naitwe buri Sande esha emwe omwabazyo, nizo shaaha mukaaga Jeffersonville.  Wiki egi, Engazi ya Ruhanga omumurembe ogu, William Marrion Branham, naija kuba naturetera Obutumwa, 60-1209 Obusingye Bw’ekanisa Ya Saadi.

 Oweishemwe Joseph Branham

24-0714 Okushwaara

Obutumwa: 24-0714 Okushwaara

BranhamTabernacle.org

Muntu We Omugore Atagira Enshoni,

Tihakabahoga akaire nangwa abantu nka hati Turi omuri We, abasika ba byaoona ebi yatuguriire Natuha obwokwikiirira Bwe naitwe

Akatumanya aha Bwaruhanga obwaragiirwe, ngu tube Omugore We. Akatutoorana itwe, tituramutoorine We. Tituraizire ahabwitwe, kukaba okutoorana Kwe. Hati We omumitima yaitu n’omumwoyo Okushuuruurirwa kw’Ekigambo Kye.

Eizooba ahari eizooba, natushuururira Ekigambo Kye, natushukaho Omwoyo We, nayeyoreka amagara ge omuri itwe.  Tikikabahoga Omugore We kuba asimbirwe omumitima yabo barikumanya bari omukukunda Kwe okuhikiriire, bari omuntekateka Ye, bari Kuguma n’Ekigambo Kye, bakuhyriira Eiraka Rye.

Okukunda kwa Ruhanga n’Obutumwa obu nibwiijuza emitima yeitu okuhitsya nikutogota hoona. Titurikwenda kuhuriira ekindi kyona, kukigambaho, okuteeraniraho, nangwa omubukye okugabana ekinokwirwe ekituhuriire kandi tukahimbisa Mukama.

Turi nka Musa enyuma y’irungu. Tubugabuganire Rukira boona Rihanga, kandi twareeba Eiraka Rye niritugambira; buzima kwenyini n’Ekigambo n’ekiraganiso ky’eshaaha. Hariho ekikitukozire itwe. Titurikushwaara ahari kyo. Nitukunda kukirangirira omunsi. Nitwikiriza Mukama Yesu n’Obutumwa bw’eshaaha egi kandi TURI OMUGORE WE.

Atukumiire omukibungo ky’Ekigambo Kye. Tihariho kisinganyuma ky’okubusabusa, oku n’Omuhanda ogutairweho gwa Ruhanga. Ruhangatahindura nangwa Ebiteekateko Bye aha Kigambo Kye. Akatoorana omutumwa owe owamushanju okweeta Omugore, kandi bwanyima amurindire omumusitaari gw’Ekigambo Kye.

Tihariho kintu omumagara aga okwiyaho We n’Ekigambo Kye. Titukamarwa Ekigambo. Nikikiza amagara aharitwe. Engiri n’Amaani ga Ruhanga Rukira-boona gashukirwe omusi yoona tinka obundi. Ekigambo kiri Omungaro n’omumatu g’Omugore. Akaire kokutaanisa nikabaho hati, obu Ruhanga naayeta Omugore, kandi n’omubi nayeta ekanisa.

Nitukukunga Iwe kandi N’Ekigambo Kyawe, Mukama. Titukamarwa. Tushutami omukubaho kw’Ekigambo Kyawe buriijo, tukutsya, nitwetebeekanisa ahabwo okwiija kwaawe kwahihi. Isheitwe, kiine kuba heihi munonga. Nitubaasa kukihurira, Mukama. Turinzire n’ekihika kyamani.

Isheitwe, reka tube abamazima kandi tugarure butsya ekirahiro kyeitu omurundi ogundi. Nitumanya Okwikyiriza kwitu Omukigambo Kyawe nikyotsya omumitima yaitu. Otwiire obutiikiriza bwoona. Teine ekiriho kureka Ekigambo Kyawe. Tuhamire buzima, kandi titwiine enshoni okugambira ensi, turi Omugore Wawe Oworutambi. 

Ninyenda kweta ensi okwiija bahurire naitwe Sande egi aha shaaha mukaaga ez’omwihangwe, shaaha ya Jeffersonville, niyo shaaha emwe auganda, turikuhuriraOmutumwa: Okushwaara 65-0711.

Owishemwe Joseph Branham

Mako orikweera 8:34-38

24-0623 Obushwere n’Okushenda

BranhamTabernacle.org

Muntu We Omushugaane Omugore Ow’Ekigambo,

Turi Omukyala We Omukye omukundwa; omushugane, atakwatsirwe n’ekigombe kyeddini ky’omuntu, enyegesa yoona y’omuntu. Turi buzima abashugaane, Omugore w’Ekigambo! Turi omuhara oin’enda owa Ruhanga.

Turi abaana Be ab’Ekigambo Ekyagambirwe!, n’Ekigambo Kye ekyabandize! Tihariho ekibi omuri Ruhanga, nahabwekyo tihariho ekibi omur’itwe, nkokuturi omukishushani Kye. Nitubaasa tuta kugwa? Tikikabaasika…OBUTABAASIKA! Turi ekicweka ahari We, EKIGAMBO Kye EKYABANDIZE.

Nitubaasa kumanya tuta ebi n’obutabaanganisa? OKUSHUURUURWA. Baibuli yoona, Obutumwa obu, Ekigambo Kya Ruhanga, byona n’Okushuuruurwa. Nikwo kuturi kumanya amazima ahaagati y’Eiraka eri n’amaraka goona, ahabwokuba n’Okushuuruurwa. Okushuuruurwa kwaitu kuri kwenyini n’Ekigambo, tikikukontana n’Ekigambo.

Aha Rukiri oru” (Okushuuruurwa kw’Omwoyo eki Ekigambo kiri) “Nyowe ndyayombeka Ekanisa yange; n’amarembo g’okuzimu tigarigitengeesa ahansi.” Mukyara We tarabeihwabeihwe n’abashaija abandi. “Ndyayombeka Ekanisa yange, n’amarembo g’okuzimu tigarigitengeesa.”

Turyaba ab’amazima kandi abesigwa aha Kigambo Kye n’Eiraka Rye, byonka. Tituraeshishe nangwa n’omuntu nanka kandi tukashambana. Nitukuguma Omugore We Oshugaine. Titurareebe, Tuhuurire, nangwa okucundana n’Ekigambo Ky’ona.

Kiri ahansi omu mitima yaitu. Titukaabasa kuba na ibanyi ondiijo, kureka IBANYI waitu OMWE, Yesu Kristo, Omushaija omwe, Ruhanga, Emanueli. Omukyala We naijakuba emirundi enkumi n’enkumi y’enkumi. Ekyo Nikyoreka Ku Omugore aine kuruga Omu kigambo. “Mukama Yesu Omwe, kandi Omugore We baingi, omubumwe.”

Twiine kwijuka kandi twetegyereze eki tikyaburi omwe, kureka kampu ya nabi YONKA. Abakurasi be bonka. Obutumwa obu n’obwaabo, n’obusyo bukye Omwoyo Orikwera abuyamuhaire kubareeberera.

Ruhanga naija kumujunana ebi arikutugambira, kandi Ruhanga naija kutujunana itwe, abaahindukire kuruga omumyanya mingi, abu yayebembiire kuuza ahari Kristo, obujunanizibwa okwikiriza Ekigambo Kyayo kyona obutakihakanisa.

Ka nikirungi ahar’itwe okushutama kandi tukamuhurira We nko okuturi Abatorinwe Be. Nko oku Omugore We owabandize, kandi n’Omugore wakabiri, bamugwisize kubi; kwonka itwe, Omugore We owomutaano ow’aha bwire bw’emperu titukaabasa KUMUGWISA KUBI WE Turyaguma Omugore We owamazima, omwesigwa, omushugaane w’Ekigambo okuhitsya ahamuheru..

Okwikyiriza kwaitu omu Kigambo Kye nikukura burijo ekyomutaano nokukiraho. Nitwetebekanisa tukuhurira kandi tukworobera Ekigambo Kye Kyoona, okuhurura Eiraka Rye natugambira, tukushoma Baibuli zaitu, tukushaba kandi tumuramya We eizoba ryoona.

Nitukimanya naija juba. Akaire koona hati. Nka Noah, tubiire n’amatsiko ngu naija nyomwabazyo; ninga akasheshe ka nyenkyakare, omwihangwe, omwabazyo, kwonka nitukimanya naija We. Nabi wa Ruhanga n’Ekigambo Tibakora nshobi, NAIJA. Nituhurira n’eizoba, kandi nitubaasa kureba ebicuu nibyekoora kandi entondo mpaango y’enjura n’egwa, akaire kahika.

Turi je kandi tuhuumwire omuryaato, n’ekihika kyamaani. Ija otwegeiteho turikuhurira Eiraka rya Ruhanga natuhuumuza Sande egi shaaha emwe(7:00) eyomwazyo, eshaha ya Jeffersonville, turikuhurira Obushwere n’Okushenda 65-0221 akasheeshe.

Owishemwe Joseph Branham

Ebyahandikirwe ebyokushoma otakahurire Butumwa:
Matayo Orikwera 5:31-32 / 16:18 / 19:1-8 / 28:19
Ebyakozirwe 2:38
Abarooma 9:14-23
Timoseo Ey’okubanza 2:9-15
Abakorinso Ab’okubanza 7:10-15 / 14:34
Abaheburayo 11:4
Okushuuruurwa 10:7
Okutandika Eshuura 3
Abaleevi 21:7
Yobu 14:1-2
Isaaya 53
Ezekieli 44:22

24-0414 EKA Y’EBIRO BY’OMU MAISHO YA KISHWEERA W’OMU IGURU N’OMUGORE W’OMU NSI

Obutumwa: 64-0802 EKA Y’EBIRO BY’OMU MAISHO YA KISHWEERA W’OMU IGURU N’OMUGORE W’OMU NSI

BranhamTabernacle.org