All posts by admin5

24-0929 Fungua Jotileni Ri

Mesegi (O’dukoti): 62-1007 Fungua Jotileni Ri

BranhamTabernacle.org

‘Ba Fungua A’itani Bipi Leletu ‘Diyi,

 “Ma Jotile kabilo ma liconi ri’i. Ma Geri ni, Geri lu ciri’i, E’yo Adani, azini Idrini, azini ‘ba azi emuni Ata vu ku pe lu Ma vusi. Ma Jotile afa dria pivu ri’i, azini a’itani fungua Jotile nde nzipi ani mini fizi aa beni ri’i.”

Dri lu alu ecopi fungua ‘di bipi rari, ani ‘da dri A’ITA ni ri’i. A’ITA ni fungua lu alu azi dria Munguni ‘diyi nzipiri’i.   A’ITA Eri ma azi ovupi ndezaru’bori ma aari ni jotile dria nzi afa lonyiru dria ovupi Suru Munguniri ma aari pivu. A’ITA ni Mungu ma Fungua amboru fungua azi ‘diyi pini ovuzu dria edezaru erivusi JOTILE DRIA ERI MA AMURONI nzupiri’i azini ama Fungua nde ‘da biria DRI A’ITANI si.

That faith key is in our hearts, and we say, “It’s God’s Word; It’s God’s promises for us, and we hold the key”.  Ani di, a’ita ma dria amani ovuzu eri be risi, afa azi wereani abariaku, ama jotile dria pa sopi ma drileari ama esekelea azizi Munguni ovuzu amani eriberi ki nzi.  Eri adra aciniri a’yu ra. Eri atita ma ti nzi ‘ba azoruri pini. Eri ama pata ma ti nzi. We have come to the Door and whatever we do in word or deed, we do it all in His Name, knowing that we have the key of faith; and it is a Scripture-made key.

Ama asikini afa ‘ba azini cinini egarisi ku, afa lu alu ndindiri: Mungu omve AMA, ‘ba ndra AMA okoru, Ece ndra Ima E’yo amani, lu ndra amani ama a’diki yari i, azini ama eji asi’bo Eri ma E’yo ma vuti bizu, a’disikuni Eri omve ama ovuzu Ima Amuroru.

Ata bi ndra Ima ‘bi’bio aziri riki, Ima ‘ba o’dukoti ojipiriki, ayi aziri Eri ma dri aliari pivu. Eri yi bi dri Erini aa, ani yi ecizaru okpo Eriniri be. ‘Da afa dri nde ni eceri’i. Eri okpo Munguniri ece! Azini okpo-dricezani Munguniri’i.

Ama E’yo Eriniri bi dri amani A’itaniri alia, eceria kini okpo azini okpo-dricezani Munguniri ni DRI AMANI pi alia azini Eri fe ama dri FUNGUA nde ‘bo jotile dria afa amani avatari piniri niri ‘bo. Eri Fungua Opiru ngapi JOTILE DRIARI nzipiri’i.

Now I know why God give us 5 fingers in each hand; not 4, not 6, but 5, so each time we look at our hands we’ll remember, we have THE FAITH to unlock every door.

It is an everlasting sign to the human race so we’ll never forget; always remember and take courage, that we hold that FAITH in our hands. Eri nga ama a’ita kalatusi efipiri enga azini ama ERI MA A’ITA AMBORU ERI MA E’YO E’DEPIKU-TUA, ‘DANI’DANI ECOPI E’DEPIKURI ALIA!!! 

Ama ecoki ama driki enga uru ‘Buvu ra, drianzi amani 5 dri alu alu ma aariki erezu azini ‘yozu Eri vu, “Ata, ama a’iki azini ovuki A’ITA be E’yo dria Mini ndra nziri pi alia.  Eri Mi azizani, Mi E’yo ni, azini Mi nga amani A’ITA AMANI LERI fe ra akaki lu a’ira ria….azini ama A’IKIRA.”  

Amani ovuria ma Inzita Omuopiniri be ku pere Sabatu ma ondresi, ma le ta emi ai O’dukoti azi pezu erizaru Kanisa, aku eminiri be, kanisiku ‘ba aluri, Sabatu ma obitisi, sawa ‘yeke emini risi.  There is truly no better way to evaluate our Faith than by hearing the Word; for FAITH cometh by hearing, the hearing of the Word, and the Word came to the prophet.

Ama ma etraki dria ama tualu sawa Mudrini-alu ondresi -5pm (sawa mini akuarisi) O’dukoti ‘di erizu, 62-1007 Fungua Jotileni Ri. Mani ndra azile’bo rile, Ma le te di ‘ba Inzita Nduru Omuopiniri’i, mupi ovupi avizaru Voice Radioa sawa 5pm (Jeffersonvili saa siri). Emi eco inzita Mundutisi azini ti azi ‘diyisiri ki enze mizu ‘diarisi: MI MI ‘DIA.

Trotro inzita azi Omuopinini Akua alipi’bo ‘diyipi le, tepu nde ma vutia Adripi Branhamni nga Munguzi mukati ma dria vino be. O’di pianoniri ni nga ovu avizaru minati kakaunisi ani emini esele inzita Omuopininiri dezu beni. ‘Daa, Adripi Branhamni nga E’yo Siza la e’yo pa ojizaniri ma dria, ani di Ongo Kanisani ‘diyi nga eri ma lata ma vuti bi minati kakauni kisi, ani emini esele inzita pa ojizani ri dezu beni.

Driwala amani ovuzu eri beri ngo’i Opi Yesuni aizu emuzu ta nyazu ama alu alu pie aku, kanisa amanipi alia, kaniku mi tro ngua yari yi tia. Mi zi mani indi mini e’yo nzeira Erini, mani vini ndindi ngaria ziria mini.

Mungu ma fe midri asindriza,

Adripi Joseph Branham i

INZITA OMUOPINI AZINI PAOJIZANIRI

Sizaru: O’du Alusi, Mba Oromi 23, 2024

Adripika azini Amvipika,

Ma le ta amabu ovuzu Inzita Omuopini azini Pa Ojizani azi be Sabatu ‘disi, Mba Oromi o’du 29 si, Opi ka lera ria. Amani ‘ye sawa alipi’bo ‘diyisi rile, Ma nga emi oru e’dozu saa mudrini-alu (5pm) sawa mini akua risi. Tro Adripi Branham ni ndra ‘yozu ojio ovuki ndra Omuopini be sawa dria yini dra emuzu tualuria rati, eri pe ndra ovuzu eri be sawa ondreni risi, azini omve ndra eri Ondre ta Opiniri’i.

O’dukoti azini Inzita Omuopiniri ni nga ovu Voice Radioa, azini geriti-oliasi fayili nde enzezuri mi foniari nga fezaru ra Sabatu ma o’bitisi ‘ba ecopi Voice Radio eri’baku ‘diyini.

A’i’ba ara Jeffersonvilia ‘diyini, ama nga dika ovu vino be ci ‘duzaru. E’yo aziza azi ni nga ovu mbeleru ra angu, o’du azini sawaniri azizu.

Ma adaadaru asi’bata alia amani aziza onyiru Opi ni ndra ama kuzu eri be ‘di ma e’yo egazu.  Drileba amani ama akuki otuzu azini asi amaniki nzizu Opi Opiniri ni emuzu azini ta nyazu amabe Eri ma Mesa tia ‘do ngo’i.

Mungu ma fe emi dri asindriza,

Adripi Joseph i

https://branhamtabernacle.org/en/bt/a9/109403/1f35

Embata Mukati O’bezu / Wino Edezu ri vuri
https://branhamtabernacle.org/en/articles/view/1212021_InstructionsForBakingBreadMakingWine

Embata geri Wino Omuopini / Bafu Pa Ojizuri isuzuri vuri
https://branhamtabernacle.org/en/articles/view/1212021_InstructionsToObtainCommunionWineFeetWashingBins

24-0922 Edeni Sitanini Ri I

Mesegi (O’dukoti): 65-0829 Edeni Sitanini Ri I

BranhamTabernacle.org

Arakala Obini Munguni Leleturi,

Ama arakala obini Ata amani ‘Buaniri niri ki; a’disiku ama ndra Eri ma aa okokelesi. Ama ecokini ega sawa ‘disi ku, te ama ndra ‘daa Eri be, azini Eri ni ndra ama ci.  Eri le ndra ama tu ani ‘ba ndra ama ruatiru, ani I ecota ecazu ama vu, e’yo nzezu ama be, ama lezu, ata vini ama dri zizu beni.

Te Sitani emu ra ani pi Mungu ma E’yo okori, Eri ma Suru azini Eri ma otita amani riki go’doru. Eri opi ndra agupiki oku pie azini agara wudrikuru amani oazu aleniari pizu go’doru azini eri ‘duzu. Eri ‘ba di nyaku nde i ma suru ru, eri ma amvu Edeniniri’i.

Eri sawa ecitaru azini enzoru ndeni drio engapi ovupi rari. Sitani o’ba di emba dria lokirisi erini eco riki ra; a’disikuni eri ‘ba ‘ba ecipi amboruri’i. Le di Kristiani ma emu di pa anzi iniri pi ma dria andru aga erini drio ovuzu ayi cini aliari ra.

Te sawa aluri alia, eri sawa dizaru ndeni ayi dria pini ri’i, a’disikuni ama drifuria Angu Nyaza Eli Alifu Alu amboruri be. Ama Amvu Edeniniri ni emuria mbeleru, angu drozi amani muzu ovuzu ale kililiru azini Mungu ma ale ma vata kililiruri be ri’i. Ama nga ovu idriru azini ri Eri be ama Edenia ‘Dani ‘danisi dria.

Yesu ‘yo ndra amani Matayo 24 alia le ama ovuki milesitu o’du ‘di alia ngoni yari ra. Eri li ndra ama bilendu kini eri ta nga ovu o’du ecitaru ndeni drio oapi rari, “ovu ejizaru ambamba kpere ecota ‘Ba opezaru Munguni riki olera ka ta i ecora ria”; a’disiku lokiri sitaniniri ni nga fe ‘ba ma a’iki kini yi Kristianiki ‘dini isu dere yi ovukini ku.

Te ayi ‘dini nga ta vini Eri ma Amuro E’yoru kililiru ta mupi ovupi, azini capi ovupi, olezarukuri ‘ya;  a’disikuni yi ta nga oa Eri ma E’yo okoribe. 

Kile Yosua le azini Kalebu le, ama Angu azizaniri ni emuria ovuzu nezaru kile yiniri ni ndra ‘yelerile. Ama nabi ‘yo ndra Yosua ma efi, “Yehova-‘Bapapi’i”. Eri ece ndra dricepi sawa-asizani ngapi emupi kanisa vuri, kile ndra Pauloni emuzu dricepi okorurile.

Kalebu ece ndra ‘ba oapi adaru Yosua be riki.  Kile anzi Israelini pi le, Mungu e’do ndra yi be efuria kile amuro azi le E’yo Iniri be; te yi leki ndra afa azi nduni’i. Ama nabi ‘yo ndra, “‘dinile indiri kanisa o’du-asizuri ni ‘di’i.” Ani, Mungu feni ndra Isiraelini muzu angu azizaniria kuye kpere Ima ngulupi ma sawa peleria.

‘Ba ‘baki ndra avatuta Yosua, yi ma dricepi Munguni feniri ma dria, ani ‘yozu, “Angu nde amani, ama ma muki eri ‘duzu.  Yosua, mi oko di ini ‘bo, e’da kile mi avi azi mi tipezuru ‘bo. Mi ovuni okpo mini adri ovuzu eriberi ku. Mi adri e’yo eri engazu Mungu vu azini ni adri ale Munguniri ra, azini adri e’yo ‘ye mbeleru.  Afa azi onzini mi be ci.”

Yosuani ndra nabi Munguni ti epenini, azini eri ni ndra aziza Munguni riki ci. Ama nabi lu ndra ama dri:

“Mungu ‘ba ndra driceza driari Yosua ma dria a’disikuni eri oa ndra E’yo be. Mungu api ndra Yosuasi ra, te ovuni ‘ba azi ‘diyi ku. ‘Dinile indi eri nga vini i amvi ra o’du-asizu ‘disi. Ocoko aluri’i, avatuta aluriki”.

Lu kile Munguni ndra ‘ye Yosua be rile, Eri ‘ba DRICEZA DRIARI dri Eri ma malaika nabiru, William Marrion Branham ma dria; a’disiku Eri ni ndra ra I eco api erisi ra, te ovuni ‘ba azi ‘diyi ku. O’duko enga ovu Alu, Dricepi Alu, E’yo asizu Alu, sawa ‘dasi, azini SAWA ‘DISI.

Ale geri nabini lu ama dri kini ‘ba alifu pale alifuni ki nga tepu ndeki eriniri tu. Eri ‘yo ndra kini tepuki AZINGAZANI. Ama azi ki nga ruenzo akupi alia azini kanisapi alia tepu azi be (eri ma azingaza) Ori Munguni ‘ba drioruriki ebizu.

Amani driegozu vule ‘bo ani di ‘yozu, Opi, ama obiki azita mini ki ra, azini ama isuki ndra ‘ba a’ipirariki sawa amani ndra tepuki avizurisi. Sawa ‘disi ama oluki di ‘da ‘bo, wudrikurusi ara, Mi nga e’yoni ega ra ya?

Eri nga ‘yo: “‘Da afa ndra Mani emi ti pizu ‘yezuri’i.”

Munguni nga e’yoni egara. Jo mini ngani mu ovu oyazaru vaaku. Sawa Munguni eceta fezu afa nde ma nduluri anzuzurisi, aku mini driari, afa mini driariki, nga ovu tambazuru ri jo minia. Mi eco paso ‘daa ra.  Lenita mini ku angu nezu amve dinisasi, Mi Ekpa lu Avizuri a’di ni muria drile.

E’yo mini ’yole ’diyi e’da yi ra, ma nya yi; e’yo nde ’diyi ovu ma dri ayikoru, fe ma asi ovu ayikosi tu; yini ma omvele ru minisirisi, Yehova Mungu asikari ongulumuruniri la!

Ma emi ai emuzu ruecizu ama be amani Mungu ma azingaza amboru, idriru, sawa-asizaniri nyaria, Sabatu ‘disi sawa azia etusi (12pm), Jeffersonivili saa si (7pm Ugandaa), amani e’yo divu driari eriria: Edeni Sitaniniri 65-0829. 

Ama ma oaki pere Emuta Opini ria fo, eri ka i ecoraria. Ama ma ‘yeki afa dria okpo amanipi alia, ale pie azini vata pieri ki fo, varia kini Munguni wudrikuru ondaria, andrusi, kabilo dria avizaruriki isuzu.  Azini ama ma ‘yoki yi be ziza aleni amborusi azini E’yo Munguni si, ani ama ecoki ‘ba asizuri isu beni, ani ama ecoki mu Akua beni, azini fuzu amve engazu Edeni Sitanini oku ‘di ma aleasi dia beni fo, Opi.

Adri. Joseph Branham i

E’yo Siza lazarᴜ de nga O’dukoti nde ovu erizaruku ki:

2 Timoteo 3:1-9
E’yo Eceza 3:14
2 Tesalonika 2:1-4
Isaya 14:12-14
Matayo 24:24

24-0915 Agu Egataberi Ma Keike

Mesegi (O’dukoti): 65-0822E Agu Egataberi Ma Keike

BranhamTabernacle.org

Ataza Yesu Kristo Leleturi,

Orindi Mungu idriruriniri, mi vu ava ama dria. Mi fe ama ma ‘duki Mi keike ani oazu Eri ma vutia Opi. Mi vu oli o’diru Orindi Alatararurini ri ama furufuru pi alia azini idri amani pi alia o’du alu alusi. Ama ecolu oa idriru E’yo Minisi; E’yo dria efupi engazu tile Mini ri alia ayi amani oazu alenia ‘dini ri’i.

A’biki afa Mini ‘Buniri ki ‘bo azini ovuki E’yo Mini pie asi amani pi ma aa.  Aneki ‘bo Mi E’yoni ovuria e’dazaru ama drilea, azini ama idri driari ni trazaru Eri ma aa.  Wudrikuru ‘di i, azini afa dria wudrikuruni riki drazaru amani.

Ama Mi E’yo idri oriruri ni ndra ovupi Mi ma aa engazu okokelesiri i, pasoria ‘dia, Idri Mi oriniri eseria.  Ori Mini ri ni asi amani pi alia Mi e’yo ni okorurisi. Mi ‘ba ndra ama okoru afa nduni esezuku, te E’yo Mini, O’duko Mini, tepu pi ma dria ri’i.

Ayi mileni ri eca’bo; afa azi nduni ovu kuzaruku te Emuta Mini Mi Amuroni ri’i. Ama keike ni E’yo Miniri’i, Malaki 4 i, ‘Di Opi ‘Yoni ni.

Mi fe ama ma saki E’yo Mini asi amanipi alia, azini ‘bazu kini amukini ama oja driadaa kani driejia ku, te oazu e’yo adasi Eri vu o’du idri amanirini driari ki si.  Ata, Mi epe Orindi Alatararu Idriniri ma ti vaa ama dria, azini Mi ‘ba E’yo Miniri idriru ama dri, ani ama ecoki Mi e’da beni.

Ava asi amaniri niri ovuzu mvi azini zi Mini adaru riki. Ama riria indikindi Mi O’dukoni ria, niria, ama ngulupiki ‘bazu ngonde ama Ondre ta Oku bizani Mi be enyia ‘di ni.

Suruki yi anzuria. Wudrikuruni e’deria kpekpe. Oyakuyaki Kalifoniani oyaria Mini ndra lu amadri eri ta rile. Aniki ra mbeleru eri ma kalanya azi mailo alifu alu turu townini; wala be mailo na kani su ni, nga e’de ra, eco ovu mailo kalisu ele a’bule ambo arasi nda ma aa.  Oyataniri nga angu ya kpere cazu suru Kentuckiniria, azini saa erini ‘yezu risi, eri nga wudrikuru ya okposi tu kpere afa dria eri ma driari ki nga ovu oyazau vaa.

Bilendu liza mini asizuri ni efuria. Wudrikuru ni di abaza driari alia, te sawa ‘dia Amuro Miniri ni avaliria Mi aa azini E’yo Mini aa, rizaru tualu angu ‘bualeruri pi alia Mini e’yo nzeria amadri, azini amani asi-omita feria gerisi ria.

Ama awa’difosi ngule ya, Ata, kini ama ecoki lu “Avizuri Ekpazu” ani Mi O’duko erizu e’yo nzeria amadri, amani asi-opko fezu azini luzu ama dri:

Emi ru ku Kabilo wereru ‘diyi. Afa dria Mani ovuri, emi awurosoniru indi. Ma okpo driari emini. Ma okpo-driari ni emini Mani pasoria emi eselea. Ma emuni ori ejizu e’detabe ku, te aleni azini avani azini ecozurari’i. Okpo driari fezaru Ma dri azini eri emini ayuzaru. Emi ma nze E’yo nde’i ani ma nga eri ‘yera. ‘Da Ma azizani azini eri econi e’de tuaku.”

Ata la, ama ovu AFA AZIBE KU orizaru. Mi fe ama dri Mima ale, ava azini ecozurari’i.  E’yo Miniri ama aa ayuzaru sawa amani Eri lezuri si. Ama Eri nze, azini Mi nga Eri ‘ye ra.  Eri aziza Miniri’i, azini Eri cani E’DE TUAKU.

E’yo ‘ba drapirari piniri econi ama ama ama ngoni yari eceku, Ata, te anikira Mi asi amani ki ne idri pie ra; a’disiku ama Mi eseleni.

Ama awa’difosi geri Mini fe wudrikuru dri O’duko Miniri erizu sawa-asizani ‘di alia ‘doni ya. Wiki alu alusi, Mi wudrikuruni ai emuzu ruecizu Mi ‘ba o’dukoti ojipi malaikaruri eriria Mini ama dri Nyaka Kabiloni ovupi tambazuru ama mizu kpere Mini dri egoria amaniri feria nyazu.

Aleki Mi Tu Ata.

Adri. Joseph Branham i

O’dukoti: 65-0822E Agu Egataberi Ma Keike


Sawa: 12:00pm Jeffersonvili saa si (7pm Ugandaa)

E’yo Sizaki: Kalafe 19:9/ Efeso 5:22-26

24-0908 Kristoni Ovu Ecezaru Eri Ma Ngulupi ma E’yo Aa

Mesegi (O’dukoti): 65-0822M Kristoni Ovu Ecezaru Eri Ma Ngulupi ma E’yo Aa 65-0822M

BranhamTabernacle.org

Branham Tabanakulu Leleturi,

Ama mile ki drilebarᴜ ‘doni ya; a’disukuni yi afa ne ra. Ama bi ki drilebarᴜ ‘doni ya; a’disikuni yi e’yo erira. Nabi kakaᴜ ‘ba kililirᴜ ‘diyi be le ndra afa emini ndreleri azini erileri ndre azini eri avasi, te yi ‘yeni kᴜ ye. O’DUKO MUNGUNIRI a NEKI AZINI ERIKI ERI ‘bo.

Mungu Ima Ngulupisi pe ndra Ima Bibilia sizu Ima Nabi pivusi. Mungu ma Ngulupi pe vini ndra Ima siriki ece sawa asizani ‘di ma aa Ima Amuro dri Ima nabi vusi. Eri Eri ma arakala obiniri’i, Eri ma E’yo eceri’i, fezu Erini ovuzu dria Eri ma eseleni.

Sawa ama ayi ni ecazurisi, Eri fe ndra Ima nabi ma eca sawa aluri alia. Eri vu ndra ava drinia azini nze ndra e’yo erizusi. Eri ndra Eri ma geri ‘ba okoru azini pe eri ‘yezu ri’i. Kile Bibilia le, Eri E’yo Munguniri’i, azini ovuni e’yo ‘ba adaniri’i ku.

Le ama ma ovuki Driariruri be ci, afa asizu ruatizu driniari be; E’yo asizuri’i. Agupi azi ‘diyi ‘yo kini Bibilia ni yi ma Drariruri’i, ovuni afa ovupi ‘yozaru tepu pi ma driari i ku; ekile yi afa ndunduki ‘yo rile. Eri onyiru tu geri Munguni E’yo Eceza adaru Ima E’yoniri zizu ci ‘ba kakau pivusi ri, te ece Eri azini ‘ba Eri nditiriru Ima Amuroni ra.  Azi ‘diyi ecoki lu eri ma azako ku, yi ma mile a’buzaru azini ovukini E’yo Eceza dria Mungu ma E’yo ecezaruri niri be ku.

Mungu nze ndra e’yo Ima E’yo (Bibilia) alia Ima nabi vusi ani lu amani, “Mungu, ndra e’yo ndᴜ ndᴜ ‘yopi drio geri ndᴜsi ndᴜsi ama a’bipi ma tia geri nabi vᴜrisiri”. ‘Dinile, Mungu ma nabi siki ndra Bibilia ni. Eri ovuni ndra yi i ku, te Mungu i ndra e’yo nzeria yi vu si.

Eri ‘yo ndra o’du amani alia Eri ta mu Ima Orindi e’yo adaniri ma ti epe amadri cezu e’yo ada driari alia. Eri nze nga e’yo ima ngulupi ma driaku; te afa ci erini nga eri ri, eri nga nze i: azini eri nga ama dri afa mupi emupi riki e’da.

O’dukoti tepu ma driari ki Mungu ma e’yo ada ecezaru riki. Leni efini eceza azi ku. Eri Mungu i E’yo Iniri efi eceria I ngulupisi Erini eri nzeria tepu pi ma dria.

E’yo ti eseza drile afa ‘ba azi nduri pini ‘yori ma aa yo, lu afa Munguni nzeri’i. Afa ovupi ‘yozaru tepu pi ma driari ni O’duko lu ngapi i OJAPI TUAKU ri’i. ‘Baki yi oja ra, egata yi oja ra, e’yo efi ecezaki yi oja ra; Mungu ma E’yo oja i tuaku. Eri Amuro ma Driariruri’i.

Nabi fe ama dri eceta ‘ba mupira vupiri vuri ni ovuzu ‘ba driariruri’i avita mupirani aliari i ri. Eri ma e’yo ni afa asizuri’i. Mi cani eri zi zitasi ku. Eri ka eri ‘yo ‘bo, be ‘da, deru’bo. Sawa ‘disi ‘ba mupira vupiri ovu buku azi azitani le ma ayu ni be ci. Eri lu erini angu ngo’i mupira vuri ni kani golo vuri ni, sawa mini ovuzu andaa ri ngoni azini ovaaruri ngo i rini; azita mupira ndeniriki ngoni yari niri.

Eri buku nde ‘da la azini oni ani eri ka e’yo nze, azini e’yo li yani, ‘da azita nde’i, ‘da e’yo asizuri’i. Le mi ma oa afa erini ‘yori be, zita yo, agata yo, afa ci erini ‘yori, ‘da geri le ma ovu ani ri i azini cani ovu ojazaru ku. Diza.

Adripi Branham awini ndra ‘yo mi ma olu e’yo kaniku emba ‘ba ku ‘diniri ku ye; ndu ‘davusiria, eri ‘yo ndra e’yo oluzu, azini ocepi miniri erizu, te le O’duko Munguni tepu pi ma driari ma ovu mi ma Driariruri’i. 

Le idiafe azi ma ovu ci; geri azini si, afa asizuri’i. Le ‘ba dria ma ovu afa asizu ‘da be. Eri e’yo asizuri’i. Mungu fe angu lu alu ‘da isuzu, O’duko Munguni tepu pi ma driari. Eri e’yo efi eceza E’yo Mungunirini geri mungururisiri’i. Eri E’YO ASIZURI’I, AMENA I, ‘DI OPI ‘YONI I.

Yesu ma Ngulupi omve yi “munguki,” ‘ba ndra Eri ma E’yo nzepiri ki ria; ani yi ndra munguki. Eri ‘yo sawa nabi pini ndra ovuzu odu osu alia Orindi Mungunirisi risi, yi ejiki ndra E’yo Munguniri lu ko’bo. Eri ndra E’yo Munguniri i e’yo nzeria yi vusi.

‘Da asisile ama nabi ni andra ovuzu orikoko ri’i. Eri ndra tijizaru Orindi Alatararuri vusi E’yo Munguni enzokokori nzezu. Mungu pe ndra eri’i ayi amaniri ni. Eri pe ndra O’dukoti erini ta mu nzeri, ata obi ama nabini ri pie azini afa ta mupi i ‘yepi ayi amaniri aliari pie.

E’yo ndra erini nzeri ki, geri erini ndra e’yo ‘yezuri, a’bu azi ‘diyi ma mile ci, te zi azi ‘diyi mile ra. Eri osu vini eri bogo ma obi erini ndra surisi ni. Eri ma obi, afa ominiari, afa driaki geri lu erini ndra ovuzuri si. Eri ndra kililiru pezaru ama, Amuro Munguniri ni.

‘Da asisile, sawa AMANI EMUZU TUALU ‘BO RISI, Eri O’duko nde’i aleki ‘ba OKO erizuri i ri. Ama a’ikira ama E’yo nzezaru Kililiru engazu Mungu ma ‘ba o’dukoti ojipi pele azini perivuri eriria.

Anikira azi ‘diyi cakini ‘da ne kani va ku, te eri ‘yo ndra i eri nzeria ima ongulumu pini a’dule.  Afa Munguni fe azi ‘diyi pivu ocezaruri ovuki ndra eri ma opidria ku; afa ndra eri ma opidria ri lu Nyaka obi erini fe amaniri ngoleri yari i.

‘Da asisile amani ‘yozu ama Branham Tabanakulu i ri i, a’dikisu eri ‘yo ndra O’dukoti nde lu ‘ba ini Tabanakuluaru ri pini, kabilo wereru ndra lepi tepu nde isupi azini eripi riki. Eri ndra e’yo nze afa Munguni ndra fe i dri dricezuri pini.

Eri ‘yo ndra, “‘ba kaki le nyaka omu afa azi amve ‘daleni pie ya ani, ma esuki e’yo eceza nde engazu Mungu vu ani ma ‘yeki afa Munguni ‘yo yini ma ‘ye ki ri. Ma nga afa trotrori ‘ye vini indi. Te O’dukoti ‘diki, tepu ma dria ‘diyi, ma kanisani a’dule.”

Geri ndra Erini adaru Eri ‘bazu ewakokoru Ima Amuroni O’duko Munguniri nezu azini erizu azini Ima aziza pi ma vuti bizu ri. 

Mi ka ta le rueci ama be O’duko ‘da erizura yani, ama nga mu eri eri dria sawa aluri alia Sabatu ‘disi sawa azia etusi (12pm), Jeffersonivili saa si (7pm Ugandaa),: 65-0822M – “Kristoni Ecezaru Ima Ngulupi Ma E’yo Aa” vu.

Mi ka eco rueci amabe ku, Ma mi oru O’dukoti ‘di erizu sawa ci mini ecozura ria.

Adri. Joseph Branham i

E’yo Siza lazarᴜ de nga O’dukoti nde ovu erizaruku ki:

Efuza 4:10-12
Isaya 53:1-5
Yeremia 1:4-9
Malaki 4:5
E’yo Ba Lukani 17:30
E’yo Ba Yohanani 1:1 / 1:14 / 7:1-3 / 14:12 / 15:24 / 16:13
Galatia 1:8
2 Timoteo 3:16-17
Ebrania 1:1-3 / 4:12 / 13:8
2 Petero 1:20-21
E’yo Eceza 1:1-3 / 10:1-7 / 22:18-19

24-0825 E’yo ‘Yezaki Ovu E’dazaru Gboru E’yo Nabirurisi

Mesegi (O’dukoti): 65-0801e E’yo ‘Yezaki Ovu E’dazaru Gboru E’yo Nabirurisi

BranhamTabernacle.org

24-0818 Mungu Ayi Onzi ‘Divu Ri

Mesegi (O’dukoti): 65-0801m Mungu Ayi Onzi ‘Divu Ri

BranhamTabernacle.org

‘Ba Killiliru Leletu ‘Diyi,

O’duko amani eri tepu pima dria ri ni O’duko alu alu ndra Eri ma E’yo ekupi Amvu Edenini aa, ‘Be Sinaini dria, azini ‘Be Ojataniri ma dria ri’i. Eri ekuria andrusi E’yo Eceza Yesu Kristoni driadriaru azini asizuri be. Eri Eri ma Amuro omve amve, Eri oturia ‘Duta Ururi ni. Amuro ni Eri eriria, Eri airia, oaria Erisi, azini ‘ba di Ima ngulupi ngonde ‘bo Eri a’izu risi.

‘Ba azi eco Eri ‘du amavusi ku. Ama idri ovukuni olazaru ani ku. Eri ma Orindini veria azini diria ama aa. Eri fe amani Ima Idri, Ima Orindi ‘bo, azini Eri Ima Idri e’daria ama aa. Ama zizaru Mungu ma aa azini ta nyaria E’yo Erini vusi. Sitani cani ama elo ku. Ama econi ovu oyazarᴜ ku. Afa azi eco ama oja ku. E’yo Ecezasi, ama ecaki di Eri ma AMURO E’YORURI i.

Sitani ka o’bi ama ese vaa, ama lu Munguni ama ne ngoni yari eji eri ma egataa. Eri ka angu ene ele ama dria, afa dria Erini neri ni mele KILILIRURI i. Alatara amani ri ni Eri ma Alatara ni. Ama arakala ki ERIMA ngulupi ma arakala dizaruri ki. Afa ‘bani ama nizu ni esuzaru Eri ma aa. Afa Erini ovuzuri, ama di sawa ‘disi egbiria. Afa Erini ovuzu eri be ri, ama SAWA ‘DISI E’DARIA.

Geri Eri ni lezu luzu Sitani, “Ma neni onzi azi Oku nde aliaku; Eri KILILIRU, Maniria, Eri Ma Amuro i, dizaru alealeru azini amveleru. Engazu e’doria cazu deria, Oku ndeni Azi Maniri’i, azini Azi Mani driari ki kililiru.  Mgbaria, Eri ma aa Ma ondoa azini asisile ‘dani ‘daniri trazaru dria azini e’dazaru” ri.

“Ma isu Ma Amuro leleturi fudrira. Kile meleni ecozu ovuzu agbozarura rile, Oku nde ta driciza ma ti Mani ra. Eri o’bani nga inza, aguzaru, kaniku anyozaru ku, te eri edezaru afa onyiniriru rile. Eri ma o’bita azini obeta idri ‘diniri ‘baki Eri Ma Amuro leleturi ru”.

‘Da ovuni lu kile Opi le ku ya? Eri ni lu geri amani asimba fezuri ci. Eri lu amani, “Emi ma ovu avaako be ku, te emi ma isuki ava”.  Eri ama azi ngaza aleni Eri vuri ki ne ra. Eri ne le ama ma aliki a’du ma alesi yari ra. Eri a’di tata le ama ma taki tini ra ri ki ne ra. Erini ma leria ‘ba dria vusi ria.

Eri ma Milea ama kililiru. Eri enga ama te engazu sawa ma e’dota si. Eri muni fe afa azi ma ‘ye’i amabe ku pelu eri onyiru amani ‘dini ka. Eri ni ama mu kulumbu dria Sitanini ‘ba ama drilieari ki aga ngoni yari ra. Eri le tu e’dazu erini kini ama Ima Amuro’i. Ama econi ovu oyazarᴜ ku. Ama ‘Ba Erini enga te engazu okokelesi ri ki. Afa azi eco ama esele co engazu Erivusi azini Eri ma E’yo vusi ku.

Eri epe amani Ima ‘ba o’dukoti ojipi malaika ambori ani I ecota e’yo nze amani tivu bivu beni. Eri fe andra Eri ma o’duko ma ovu ‘duzaru ani zita muta ovu afa Erini ndra ‘yorisi ku beni. Eri fe ndra Eri ma ta ma ovu mbazaru ani Ima Amuro ni ta ovu afa azi be nyazaru pere Erini ecaria Oku ndeni ria. 

‘Ba aziri kaki tro vaa onzi azini ama enza ‘yozu kini ama “‘Ba Tepuni” riki ra ti, ama ayiko zu, a’disiku ‘di afa Erini ece amani ‘yezaru ri’i. Azi ‘diyi ma ‘yeki geri yini ama yi ma dri ovu cezaru ‘yezᴜrisi, te amaniria, le ama ma etraki ama O’duko alu, Mungu ma O’duko tepupi dria ovupi e’dazaru rari ma vutia.

Ama ecokini afa azi ci nduni egaku.  Ama ecokini afa azi ci nduni vaaku.  Ama ecokini afa azi ci nduni ‘yeku. Ama ecokini afa azi ci nduni AIKU. Ama ovukini afa a’i’ba azi ‘diyi ni ama dricezaru Opi vusi ‘yezuri ma rua onziku, te ‘di afa Munguni AMA DRICEZU ‘YEZU ri’i azini le ama ma OAKI ‘dia.

Ama apizaru. Ama ta nya O’duko Munguniri vusi. Ama ecoki “amena” ‘yo ra E’YO DRIA amani eriri ni. ‘Di Mungu ma Geri fe amani ri’i. Ama ecokini afa azi ci nduni ‘yeku.

Ma le lu tu ‘ba dria a’izu emuzu reecizu amabe.  Ama lu inzita ki ‘ye geri Adripi Branham ni andra yi ‘yezu erini ovuzu nyaku dria ‘dia rile. Tro erini ovuzu ‘dia ruatiasi yo ra ti, afa kulu ri ni afa Munguni ndra ‘yo Ima Amuro dri tepu pi ma dria riki.

Eri ai ndra wudrikuru ovuzu esele E’IZARU foni vusi ri ru, te yi kaki ndra lu LE RA RIA.  Eri fe andra yi ma traki yi angu ci yini andra ecoraria O’duko Munguniri erizu e’yo nzezu yini dria sawa aluri alia. ‘Da afa Mungu ma nabi ni ndra ‘ye ‘dasi ri’i, ani ma di lu o’bi lu afa ndra erini ‘yeri ‘ye ma ecetaru.

Ani, emi aizaru emuzu ruecizu ama be e’izaru fonisi Sabatusi sawa azia etusi (12pm), Jeffersonvili saa si (7pm Ugandaa), amani Mungu ma ‘ba o’dukoti ojipiri eriria amani O’dukoti ‘di ejiria: Mungu Ayi Onzi ‘Divu Ri 65-0801M. 

Adri. Joseph Branham i

E’yo Siza lazarᴜ de nga O’dukoti nde ovu erizaruku ki:

E’yo Ba Matayoni chaputa 24zuri/ 27:15-23
E’yo Ba Lukani 17:30
E’yo Ba Yohanani 1:1/14:12
‘Yeta 10:47-48
1 Korinto 4:1-5/ chaputa 14zuri
2 Korinto 4:1-6
Galatia 1:1-4
Efeso 2:1-2/4:30
2 Tesalonika 2:2-4/2:11
Ebrania chaputa 7zuri
1 Yohana chaputa 1/3:10/4:4-5
E’yo Eceza 3:14/13:4/chaputa 6-8 ki azini 11-12/18:1-5
E’yo O’beza 3:5
Isaya 14:12-14