Gwempala Gwanaloli kangi Nsīngiligwa Gwabūmi.

Bo Yeso, i Lisyu Lyēne, ãlīsile pa kīsu-kya-pãsi ifyīnja 2000 ifi fikīndilèpo, Umwẽne ãlīsile mūmo Umwēne ãyobīle Umwẽne ãbagīle ukwīsìla, ngati Nsololi. Lisyu Lyãke likufumusya, ukuti bo akãli Umwẽne ukwīsa kangi, ububoneke-pabwelo bõsa bwa Mūndu gwa Yeso Kristi bwisa kuboneka-pabwelu mu mbili kangi, mu nsololi yumo. U nsololi yula īsìle, ingamu yake yo William Marrion Branham.

Ngimba abagìle bulebule gwēsa ukusita ukusyãgania ukuti ukupilikisya i Lisyu-lya-pakanwa lya Kyāla likuyoba nukutalula pa matepi bo Bwīgàne ubupelelesye bwa Kyāla? Uswe tumenye i Lisyu akabalilo kõsa likwisa ku nsololi Gwãke; Ilyēne likabagila ukwīsa injila yiliyosa iyingi. Ilyēne likufimbilisigwa ukwīsa ukwīsìla mu njila ya nkolofwa ya Kyāla iyi Umwēne ãyobìle-ngãni. Iyo yo njila yēne Ilyēne lisakwīsàmo siku. Kyāla ikwenda mu njila iyi Umwēne ãfīngìle Umwẽne ikubõmbàga ikyēne. Umwẽne atikutoligwamo siku ukubõmba ikyēne injila yilayila Umwẽne bwīla ãbómbìle.

Aligwēsa gwa bēne balīle ikindu kilakila, abēne bõsa bamogile mwa Mbepo, abēne bõsa bãli nafyo filifyõsa fyãbõsa; lõli akabalilo kãko akēne kakwisa ku kabalilo ka kupagulania, i Lisyu lilinkubõmba ukupãgulania. Momūmo kiyīlìle ikyēne umwīsyùgu! I Lisyu libõmbìle ukupãgulania! Akabalilo kãko akēne kakwisa kabalilo…

Uswe tukukēta akabalilo kala kakwega ubuyo lilino, i Lisyu likupãgulania. U Nsīngiligwa ikuleyeligwa isya kubīka fingi fīyo pa nsololi akabalilo kãko abēne bikuyoba, “balipo abãngi abaloligwa na Kyāla, abanyambàla abīsusìgwa na Mbepo Mwikemo ukulongosya u Nsīngiligwa umwīsyùgu. Ugwe kufumbwa ukukindapo itolo a matepi gēne. Kyāla abīkìle abanyambàla umwīsyùgu ukulongosya ikipãnga.

Kyāla nalõli ãlinabo abanyambàla abīsusìgwa na Mbepo Mwikemo ukulongosya u Nsīngiligwa Gwãke, balongosya abēne KU ISI SYO IKUTI U NTWA, U NSOLOLI NTUMIGWA. Namanga i Ndumi nu ntumigwa fyo kindu kimo. Iyo yo njila insitakwanukamo siku imbīgwe na Kyāla kuli umwīsyùgu, kangi bwīla.

Panongwa yakuti abēne bapilikisye ku busobi bumo. Akabalilo kãko Mõse, unsisimikisigww gwa Kyāla, kangi undongosi ukunángìsya abēne injila yila ku kīsu ikifīngìgwe, kangi abēne bãlīsile kubutali bo ubu kanunu itolo, lõli polelo abēne balinkutoligwa ukukīndilila nu mwēne…Lilino, abītìki babagile ukukibona Ikyēne, lõli a basitakwitika bakabagila ukukibona Kila kisisimikisigwe.

Kukãli itolo ukuti ugwe gwãsalìgwe ukwambilila u Busetuli ubukulumba ubu ubwakabalilo-kabumalikisyo kuli umwīsyùgu, lõli Kyāla, mu njila ya Kyakulya Kyãke ikya matepi ikipayigwe-mundamba, ikuyoba pakati pa ngindi-sya-masimbo ku Gwãke u Nsīngiligwa unyafu-ndumbula.

Polelo linga ugwe gwe mwanundumiana gwa Kyāla, pamo mwanundumiana gwa Kyāla, ugwe gwãli mwa Kyāla akabalilo kõsa. Lõli Umwẽne ãmènye kyo kitala nki na kabalilo aka ugwe gwãbagile ukubyãlìgwa. Polelo lilino ugwe upeligwe kipeligwa, u mwanundumiana gwa Kyāla, umboneke-pabwelu mwanundumiana pamo mwanundindwana ukwagana nu lusasanio lwa sala iyi ukusisimikisya ugwanaloli kangi Kyāla gwabūmi gwa sala iyi, i Ndumi iyi yikusõka pãnja mu kabalilo aka. Uko ko kutalisya! Ugwe gwamalisigwe kula ku lwalo lwa kīsu.

Yo kalata gwa lugano nki gwa pakati-pa-busimbo ku Nsīngiligwa Gwãke, LWIMIKO!!! Kukãli itolo ukuti Umwẽne ãtumènye uswe bo lukãli ulwalo lwa kīsu, lõli Umwẽne ãtusalìle bo lukãli ulwalo lwa kīsu, lõli muno Umwẽne ukutubula uswe Umwẽne ãtusalìle uswe ukuya ababonekele-pabwelu banabalumiana na banabalindwana kuli UMWĪSYÙGU. Umwẽne atubīkile uswe apa pa kīsu-kya-pãsi umwīsyùgu, pa mwanya pa bīkèmo abãngi ukufuma ku bwãndilo, panongwa yakuti Umwẽne ãmēnye uswe ãngàli tukufikapo pa lukanikano lwa sala iyi ukusisimikisya ugwanaloli kangi Kyāla ugwabumi gwa sala iyi, i Ndumi iyi yikusõka pãnja mu kabalilo aka.

Uswe twãli mwa Kyāla, i jīni yimo, i lisyu limo, ikyakubagilila kimo ukufuma ku bwãndilo, lõli LILINO uswe twitūgesye mu mabuyo Gammwanya mwa Kristi Yeso, ukulya nu Mwēne ukwīsìla mu Lisyu Lyãke, ukukindamo mu Lisyu Lyãke; namanga uswe TWE LISYU LYÃKE, kangi Ilyene likuswila imyoyo gyītu.

Uswe tukabagila, kangi tutisa, ukwingisyamo kalikosa mu myumi gyītu, lõli ilisitakubwapuligwa i Lisyu lya Kyāla. Uswe tukulyagania nu kwitika Iyene yo yēne injila imbīgwe na Kyāla kuli umwīsyùgu.

Uswe tubagile ukukigana ugwe ukulūngisania na uswe Pandungu ugu pa 12:00 PAMUSI, akabalilo ka Jeffersonville, bo uswe tukupilikisya i LISYU-LYA-PAKANWA LYĒNE, i Lisyu-lya-pakanwa lya Kyāla pa matepi, ugwe ubagīle ukuyobako AMENI, i Lisyu lililyõsa ugwe kupilika.

Nkundwe Yosefu Branham

Mwebapala Fyakubagilila Fya Kyāla,

Lililyõsa i Lisyu ili lyãyobigwe mu Ndumi iyi yo kalata gwa lugano ku Nsīngiligwa Gwãke. Ukwīnogona ukuti Tãta gwitu ku Mwanya atuganile uswe fiyo, mpaka akalondaga uswe itolo Umwẽne ukubala i Lisyu Lyãke, lõli Umwẽne alõndàga uswe ukupilika i Lisyu-lya-pakanwa Lyãke likuyoba ku ndumbula syītu ukuti Umwẽne ãbagìle ukutubula uswe: “Umwe mwe buyobela-ngani Bwãngu bwabumi, fyakubagilila Fyãngu fyabumi, ifi une mbagīle ukunángìsya ku kīsu-kya-pãsi.

Polelo ukwīnogona ukuti ukufuma pa amabwiyipe gõsa aga Umwẽne ãbómbìle apa pa kīsu-kya-pãsi, u būmi ubu Umwẽne ãlītúgèle, a kayila aka Umwẽne ãlyéndìle, Umwẽne alãlúsìsye ikindu kimokyēne ntiga:

“Ukuti kūko Une ndiko, abēne babagile ukuyako bõpe.” Umwẽne āsūmile kuli ubulilanisi bwītu, ikyo kindu kyēne Umwẽne ãsūmìle Tãta mu lwīpùto, ubwinake bwako kwa bwilanabwila.

Kūko Une ndiko, “Lisyu Lyãke,” uswe tubagile ukuyako nuswe, ukwambilila ubulilanisi Bwãke, ubwinake Bwãke, kwa bwilanabwila. Polelo, uswe tukufimbilisigwa ikwitūgala ni Lisyu lililyõsa Umwẽne ãyobìle kwa uswe pa matepi ukuya Nsīngiligwa Gwãke Gwalisyu Ilifunde, iki kikutupela uswe kiyabo kya Nyãmbàla.

Ubo bo BUSETULI bwa Yeso Kristi mu sala iyi. Komma iki Umwẽne ãli mu sala iyingi, uyu Umwẽne ali LILINO. I Lisyu kuli umwīsyùgu. Kūko Kyāla ãliko umwīsyùgu. Ubo bo busetuli kuli umwīsyùgu. Ubwēne bo lilino bukukula mu Nsīngiligwa, bukutupela uswe ukuya bukule ibufikepo bwa banabalumiana na banabalindwana abapelelesye.

Uswe tukwiketa twibene mu Lisyu Lyãke. Uswe tumenye uyu uswe tuli. Uswe tumenye uswe tuli mu lubatiko Lwãke. Iyi yo Njila impīgwe na Kyāla kuli umwīsyùgu. Uswe tumenye u Bunyakiligwo buli ku kiboko. Lululu abaganigwa bītu bisa kuboneka. Polelo uswe twisa kumanya: Uswe tufikile. Uswe twesa tukubuka ku Mwanya…ena, Kumwanya, u buyo ubu bo bwãnaloli bo ubu.

Uswe tukubuka ku buyo ubwabwanaloli kūko uswe tukuyaga pakubomba ifĩndu, kūko uswe tukuyaga pakwitūgala. Uswe tukuyaga pakubomba imbombo. Uswe tukuyaga pakwinoga. Uswe tukuyaga pakwitūgala. Uswe tukubuka ku Būmi, ku Būmi Bwãsyèpwa ubwabwanaloli. Uswe tukubuka Kumwanya, u paradiso yumo. Itolo bomūmo Adamu na Eva bãbõmbìle, kangi balitūgèle, bãlìle, kangi balikyēlìle, mu Ngunda gwa Edeni bo ubutulwanongwa bukãli ukwīsamo, uswe tuli pa nsebwe ukugomokela kulakula kangi, kulakula, kulakula ukugomokela. U Adamu gwakwanda, ukwīsìla mu butulwanongwa, atwegile uswe pãnja. U Adamu Gwakibili, ukwīsìla mu bugolofu, ikututwala uswe ukugomokela nkati kangi, ikutwitikisya uswe nu kututwala uswe ukugomokela nkati.

Ãbagìle bulebule aligwesa ukubikamo amasyu iki iki kikusanusya kwa uswe? U bwanaloli ukuti uswe tukubuka ku paradiso kūko uswe tukwitūgala ukukindamo mwa Syèpwa palikimo. Nabumo ubusulumanio kangi, ububabe pamo ubusulumanie, itolo bupelelesye pa bupelelesye.

Indumbula syītu sikusekela, imyoyo gyītu gili pa moto nkati mwa uswe. Sētàno ikubika ubwakongelelapo kangi ubwakongelelapo ubufyenyekesyo pa uswe ilisiku lililyõsa, lõli uswe põpe tukusekela. Nõngwa ya fiki:

• USWE TUMENYE, UYU USWE TULI.
• USWE TUMENYE, TUKAYA MMA, KANGI TUTISA, KUTOLIGWA KU MWENE.
• USWE TUMENYE, USWE TULI MU BWIGANE BWAKE UBUPELELESYE.
• USWE TUMENYE, UMWẼNE ATUPELE USWE U BUSETULI UBWABWANALOLI BWA LISYU LYÃKE.

Nkundwe Yosefu, ugwe kusimba IKINDU kilakila undungu guligõsa. LWIMIKO, une nisa kusimba ikyēne undungu guligõsa kabuno Umwẽne ikulonda ugwe ukumanya bo bwingi nki Umwẽne akuganile ugwe. Uyu ugwe guli. Kūgu ugwe kubuka. Ikyakusõsyako kikwisa ukuya kyakonganiako. Ugwe gwe Lisyu lila kikwisa ukuya Lisyu lila.

Gwempala kīsu-kya-pãsi, isaga lungisania na uswe Pandungu ugu pa 12:00 PAMUSI, akabalilo ka Jeffersonville, pa bulungisanio, komma ukuti “une” ngubilikile ugwe, lõli panongwa yakuti “UMWẼNE” ikukubilikila ugwe. Komma panongwa yakuti “une” nsalile i tepi, lõli ukupilika i Lisyu ni kiyabo kimo Kya Nsīngiligwa ukusyūngutìla i kīsu-kya-pãsi bõsa akabalilo kamokene.

Ngimba uswe tubagile ukusyãgania ukuti ikyēne kyakubagila kuli u Nsīngiligwa ukupilika i Lisyu-lya-pakanwa lya Kyāla ukusyūngutìla ikisu-kya-pasi, bõsa pa kabalilo kamokene katikati? Uyo abagìle ukuya Kyāla. Kyāla ayaga nu nsololi ukubõmba ikyēne akabalilo kõsa u gwãndùmi Gwãke ãli apa pa kīsu-kya-pãsi. Umwẽne asongelesyaga u Nsīngiligwa ukuya yumo mu lwīpùto, BÕSA PA KABALILO KAMOKENE KALAKALA KA JEFFERSONVILLE, 9:00, 12:00, 3:00, bo bukulumbapo buki ukwene kuli lilino, ukuti u Nsīngiligwa abagìle ukubungana ukuya YUMO ukupilikisya i Lisyu-lya-pakanwa lya Kyāla likuyoba ku bēne bõsa akabalilo kamokene?

Nkundwe Yosefu Branham

Ndumi: Ifindu Ifi Fikuyaga 65-1205

Masimbo:
Mwikemo Matai 22:1-14
Mwikemo Yohani 14:1-7
Bahiburi 7:1-10

Gwempala Kikolo kya Yeso Kristi,

Ikindukimo kikuboneka pabuyo ngati nasiku pabutasi nu Nsīngiligwa gwa Kristi ukusyūngutìla i kīsu-kya-pãsi. Ifĩndu ifi uswe tupilikepo kangi tulondile ukukēta lilino fikubonesigwa pankyēni pa mãso gitu.

U Mbepo Mwikemo ikubungania u Nsīngiligwa Gwãke bomūmo Umwẽne ãyobìle Umwẽne ikubõmbàga, ukwīsìla mu njila Yake Mwene imbīgwe kuli umwīsyùgu, i Lisyu-lya-pakanwa pa matepi.

Umwẽne ikusetula nu kusisimikisya i Lisyu Lyake ngati nasiku pabutasi. Ngati i kisiba kyanyībùko, u Busetuli bukutotofula mmwanya nkati mwa uswe.

Bula u bumobwẽne bwamwambepo bwa Kristi ni Kipãnga Kyãke lilino, akabalilo kãko i Lisyu likwisa ukuya mbili, libonesigwe, lisisimikisigwe. Itolo iki i Bãngèli lyãyobile syayaga pakuboneka mu lisiku ili, ikyēne kikuboneka, lisiku pa lisiku. Fiki, ikyēne kikulūndana mbibimbibi fiyo pãnja pala, mu malulangalanga gala, kangi ifĩndu fikuboneka pa buyo, iki une ngãbagìle nukufwanisya na Ikyēne.

Ilisiku lililyõsa Busetuli bwingipo kangi bwingipo bukusetuligwa nu kutendekigwa bubonesigwe kwa uswe. Bo yu nsololi, ifĩndu fikuboneka nu kwega ubuyo mbibimbibi fiyo, uswe tukabagila nukufwanisya na Ikyēne…LWIMIKO!!!

Akabalilo kitu kafikile. Lisimbo likufwanikisigwa akabalilo kãko u mbili gukuya Lisyu, kangi i Lisyu likuya mbili. Itolo iki u nsololi ãyo kyayaga pakuboneka pa buyo kyo lilino kikuboneka pabuyo.

Nõngwa ya fiki uswe?

Kikayapo ikwakufufumisya, nakamo akõgo akasitakusisimikisigwa, nabumo ubulīnganio bwa mūndu bukufumbwigwa pakati pa uswe. Uswe twe itolo tukupilikisya ku Lisyu Liswepano Lipelelesye ukufuma ku kanwa ka Kyāla bo Umwẽne ikuyoba kwa uswe mlomo ku mbulukutu.

Lilino uswe tukukēta lila lilalila i Lisyu ilifīngìgwe, ilya Luka, ilya Malaki, syõsa isi ifingo isingi ukufuma umwīsyùgu, sikutendekigwa mbili, sikwitūgala pakati pa uswe, isi uswe twãpílìke ni mbulukutu syītu (ni fisige fyītu) sikulingania i Lisyu Lyake Mwēne, uswe tutikufumbwa bulibõsa ubulinganio bwa mūndu.

Nsīngiligwa, ikyēne mbupepe kikãbagile ukuya kyapabwelupo ukukinda ikyo. Ikyēne yo Kyāla, ikwima pankyēni pa Nsīngiligwa Gwãke mu mbili gwa būndu, iki uswe tubagile ukukēta na mãso gitu twibene, ikuyoba nu kulingania i Lisyu Lyake Mwēne, nu kubika ikyēne pa tepi. I Lisyu Ilipelelesye iliyobigwe nu kusimbigwa na Kyāla Mwēne, kokuti ikyēne KITIKUFUMBWA ubulīnganio bulibõsa bwa mūndu.

• • Kyāla ikuyoba nukutalula ku Nsīngiligwa Gwãke pa matepi.
• • Kyāla ikulīngania i Lisyu Lyake Mwēne, pa matepi.
• • Kyāla ikwisetula Mwēne, pa matepi.
• • Kyāla ikumbula u Nsīngiligwa Gwãke, ugwe utikufumbwa bulibõsa ubulinganio bwa mūndu, Lisyu Lyangu pa matepi lyo lyosa u NSĪNGILIGWA GWANGU IKUFUMBWA.

Kumbuka, akabalilo kãko umwe mukusõkàpo apa, andako ukusõka pãnja pa ngupili lilino, umwe mukubuka nkati mu luseke, lõli lambalala mu Kuyapo kwa Mwanundumiana. Komma ukõngelelàko, iki une njobile; komma ukusõsyáko, iki une njobile. Panongwa yakuti, une nguyoba u Bwãnalòli bomūmo une mmanyile Ikyēne, bomūmo Tãta ambēlìle une. Muketile?

Kyāla apele i NJILA IMBELELESYE YENE-NTIGA kuli u Nsīngiligwa ukubõmba itolo bomūmo ãlagìle uswe ukubõmba. Nasiku iki kyayilemo kyakubombigwa, mpaka umwīsyùgu. Nalumo ulusakisyo, nakumo ukubunabuna, nakumo ukulãlusya kali kiliko kimo kilikyõsa kyongeligweko, kyegigweko, pamo kilinganisigwe. U Nsīngiligwa apēgigwe u Busetuli ubwabwanaloli: UKUKINA AMATEPI YO NJILA YA KYĀLA IMBELELESYE.

Itolo mu nõngwa, unko une njobe ikyēne kangi. Ubwangu u Busetuli bo bwakuti u Nsīngiligwa gwa Yeso Kristi, komma abãngi, U NSĪNGILIGWA, atikufumbwa NAKIMO IKINGI lõli i Lisyu-lya-pakanwa lya Kyāla pa matepi.

Lõli akabalilo kãko kamokene yula Mbepo Mwikemo nalõli…Lisyu lyalyanaloli likwisa mwa ugwe (i Lisyu, Yeso), polelo, nkundwe, i Ndumi yikaya yãkusofu mma kwa ugwe akabalilo kala; ugwe umenye Iyene, nkundwe, Iyene yo losa yimulikigwe pankyēni pa ugwe.

I Ndumi yikaya yãkusofu kwa une. Yeso yo yulayula mmayolo, umwīsyùgu na bwīlanabwīla. Mõsa kumwanya na pãsi ikukoleligwa Yeso. Yeso yo Lisyu.

Kangi i Ngamu yili mu Lisyu panongwa yakuti Umwẽne yo Lisyu lila. Ameni! Ngimba polelo Umwẽne yo fiki? I Lisyu lisanusigwe lyo bubonekesyo bwa Ngamu ya Kyāla.

Kyāla ikubūngania u Nsīngiligwa Gwãke ni Lisyu-lya-pakanwa Lyake, ili Umwẽne ãtalìle ãsímbìle nu kupaya losa kuli umwīsyùgu, ukuti Umwẽne ãbagìle ukutwala u Nsīngiligwa Gwãke palikimo ukuya Kikose Kimo. U Nsīngiligwa isakukēta ikyēne nukwagania Ikyēne ukuya NJILA YENE-NTIGA Umwẽne abagile ukutwalila u Nsīngiligwa Gwãke palikimo.

Umwẽne ãbómbìle ikyēne ukukinda ifyinja malongo ntãndàtu ifi fikindilepo ukutunãngisya uswe mūmo Umwẽne ãyaga pakubomba ikyēne umwīsyùgu. Uswe twe “kimo mwa fipãnga fyãke pa bulungisanio”

Linga une ndikwītìka ukubūka ku kipãnga, nõngwa ya fiki une ndinakyo i kipãnga? Uswe twãli nafyo mõsa ukukilania i kīsu, fyalunganisigwe mõsa, ikilo ikingi, ikibanja kya mamailosi mia yumo kilikyõsa kyãli nakyo kimo mwa fipãnga fyãngu.

Bīngi abalumbilili bikubūla ifipãnga fyãbo ukuya pa “bulungisanio” pamo “senema-ya-palapala”, “ukupilikisya ku Ndumi yilayila pa kabalilo kamokene”, kukaya kubuka ku kipanga. UMWẼNE ITOLO AYOBILE IKYĒNE KILI! Abēne itolo pamo batikulimanya i Lisyu pamo bakabagila ukubala u kalata gwa lugano mūmo u Nsīngiligwa abagīle.

Ngimba i Kipãnga kyo fiki? Unko uswe tukete iki Nkundwe Branham ãyobìle kyãli kipãnga.

Fingi, fingi ifibugutila filinakyo iki ikibikigwa bomūmo umwe mwesa mwalinakyo kuno ukufuma ku kitẽmbe kila. Ikyēne kyo mõsa kilunganisigwe mu Phoenix, kūko kulikõsa amabubombelo galiko, ikyēne kikwisa mulamula mu i…Kangi abēne bikubūngàna mu fipãnga kangi mu twaya, ni fīndu bo ifyo, ukwīsìla mu liyiga ilitine fīyo.

Nkundwe Branham pabwelu ikuyoba abãndu mu “twaya” twãbo ni “fīndu bo fila” fyãli kimo mwa fipãnga fyãke pa bulungisanio. Kokuti utwaya, mbunwesyela mafuta ga magali, ifiyumba, fikolo ifi fyabūngánàga palikimo pa bulūngisanio bwãke fyãténdìke kipãnga kimo.

Unko uswe tubale panini ukongelelapo u KALATA GWALUGANO.

Uswe tukwiputila fyõsa ifipãnga ni filundilo ifi fibūngène ukusyūngutìla u–u–u u tunini utumikrofoni pãnja ukukilania, ukufuma ku kīsu, injila yosa ukubūka ku Kiloboko Kyakubwingililo, mwanya ukwīngìla mu fyamba fya Arizona, ukusuluka mu mu filukubo fya Texas, kubutali ukwīngìla mu Kiloboko Kyakubusõkèlo, mõsa ukukilania i kīsu, Ntwa, kūko abēne babūngène. Isala sinyingi ukupagukana, uswe tuli mu kabalilo, lõli, Ntwa, uswe tuli palikimo ikilo iki ukuya kikose kimo, bītiki, bikugūlìla u Kwisa kwa Mesiya.

Polelo ukuya pa Bulunganisigwe-Mõsa, ukupilikisya Nkundwe Branham BOSA AKABALILO KAMOKENE; abēne bãli palikimo ukuya kikose kimo, bītìki, bikugūlìla u Kwisa kwa Mesiya.

Lõli ugwe kuyoba linga ugwe kubomba ikyo umwīsyùgu, ikyo kikaya kubuka ku Kipãnga, ikyēne kyo kisobi, ikyēne kikaya kubūngàna palikimo namumbwingi bo uswe tukukēta i lisiku likusegelela, ikyēne kikaya kubuka ku kipãnga?

Unko une mbalãlusye umwe ililãlùsyo kangi amula ikilūndìlo kyinu. Linga u Nkundwe Branham ãli apa umwīsyùgu, mu mbili, kangi umwe mwabagīle ukupilika-palapala pamo ukulungisania-lõsa ukumpilika umwẽne Pandungu guligõsa ndubunju, bõsa akabalilo kamokene nu Nsīngiligwa ukusyūngutìla ikisu-kya-pasi, batīmi, umwe ngimba ãngàli MUKULUNGISANIA-LOSA nu kumpilika Nkundwe Branham pamo ãngàli umwe mukulūmbílìla?

Nkundwe Branham pabwelu ikuyoba ubumeleligwe bwako bo kipãnga kyãko. Linga ugwe gwãli apa ifyīnja 60 ifi fikīndilèpo kangi Nkundwe Branham ayaga nu bulumbilili, lõli i kipãnga kyīnu kikãyaga pakuyapo lõli abēne bayaga nu bulumbilili bwãbo bene (iki abalūmbilili bīngi bãbómbìle kunyuma kula), ugwe ngimba ãngàli kubuka ku “kipãnga kyãko”, pamo ugwe ngimba ãngàli kubuka ku “Kitẽmbe kya Branham” ukwakumpilika u Nkundwe Branham?

Une ngwisa kubapaga umwe ilyamulo lyãngu. Une ãngàli ngwima pa kifigo mu fula, matalala pamo umbelo-gwa-matalala ukuti mfike nkati mu Kitẽmbe ukupilika u nsololi gwa Kyāla. Linga une NÃLI gwabūkaga ku kipãnga ikingi, une ãngàli ngwandula ifipãnga ikilo kila.

Lõli u nkīkùlu yula, umwẽne akãmenye kali amaka gãlãmbálèle mu ngili pamo mma, lõli umwẽne ãmènye Kyāla ãli mwa Eliya. Uko ko kūko Kyāla ãliko: mu nsololi Gwãke. Umwẽne alinkuti, “Bomūmo u Ntwa gwabūmi kangi u moyo gwako gwabūmi, une ndisakukuleka ugwe mma.”

Une ngubilikila umwe ukwīngila na uswe nu kuya kimo mwa fipãnga fya Nkundwe Branham pa bulungisanio Pandungu 12:00 PAMUSI, akabalilo ka Jeffersonville, bo uswe tukupilikisya i Lisyu-lya-pakanwa lya Kyāla likutwalila uswe i Ndumi: Ubuyo Bwene-Ntiga Bwakwiputilamo Ubupigwe Na Kyāla 65-1128M.

Nkundwe Yosefu Branham

Gwempala Nsīngiligwa Undunganisigwe,

Umwīsyùgu, a Masyu aga Kyāla ãyobìle ukwīsìla mu Gwãke Ugwakihano-na-kibili Ugwandumi Ntumigwa GAKÃLI gikusisimikisigwa ukwīsìla mwa USWE, U NSĪNGILIGWA GWA YESO KRISTI.

Linga une ndikwītìka ukubūka ku kipãnga, nõngwa ya fiki une ndinakyo i kipãnga? Uswe twãli nafyo mõsa ukukilania i kīsu, fyalunganisigwe mõsa, ikilo ikingi, ikibanja kya mamailosi mia yumo kilikyõsa kyãli nakyo kimo mwa fipãnga fyãngu.

Abēne bãli mu fipãnga, mmanyumba, utuyumba utunini, kangi mope mu mbunwelo mafuta ga magali, bãbalanile ukukilania United States, bikupilikisya, bõsa pa kabalilo kala katikati i Lisyu lyabūkaga pãnja.

Kangi umwīsyùgu, uswe tukãli yo uswe KIMO MWA FIPÃNGA FYÃKE. Umwẽne yo AKÃLI NTIMI GWĪTU. Ilyake Ilisyu LIKÃLI LITIKUFUMBWA NABUMO UBULĪNGANIO, kangi uswe TUKÃLI tukubūngana ukusyūngutìla ikisu-kya-pasi, TULUNGANISIGWE-MÕSA, tukupilikisya I LISYU-LYA-PAKANWA lya Kyāla likupelelesya u Nsīngiligwa gwa Yeso Kristi.

Ilisiku ili, i Lisyu ili likãli likusisimikisigwa.

Nõngwa ya fiki abēne bãbõmbìle kila kunyuma kula? Nõngwa ya fiki abatimi bīgalaga ifipãnga fyãbo ukupilika i Ndumi palapala akabalilo kala? Abēne ãngàli itolo bagūlìle ukwēga amatepi, polelo ukulumbilila i Ndumi bēne ku bãndu bãbo pankyēni pake; kangi une nsisimikisye bīngi kisita Busetuli babõmbìle.”

Pamo lumo bamo babūlìle ifilūndilo fyãbo, “Lilino pilikisya, uswe tukwitika Nkundwe Branham yo nsololi gwa Kyāla, lõli umwẽne akãyobile mma uswe twafīmbilisigwàga ukupilika ku mwēne mu fipãnga fyītu. Une ngulūmbililàga Pandungu ugu, kangi Pandungu guligõsa; itolo ega amatepi nu kupilikisya agēne mu nyumba syīnu.”

U Nsīngiligwa akabalilo kala, itolo bo Nsīngiligwa lilino, ãli nu Busetuli, kangi ãlõndìle ukupilika i Lisyu-lya-pakanwa lya Kyāla kitalule bēne. Abēne balõndaga ukuya yumo nu Nsīngiligwa ukusyuūngutìla i kīsu ukupilikisya i Lisyu lya Kyāla bo ilyēne lilinkubuka pãnja. Abēne balõndaga ukulinganisigwa ukuya kimo mwa fipãnga fyãke, utwaya, pamo kulikõsa abēne bãli, ni Ndumi, i Lisyu-lya-pakanwa, kangi lilino, a matepi.

Ilisiku ili, i Lisyu ili likãli likusisimikisigwa.

Nõngwa ya fiki abēne/uswe tukukibona Ikyēne kangi abãngi batikubõmba? Nu bumanyigwe-ngãni, uswe twãsayilìgwe ukukēta Iki. Lõli umwe mwe mukãsayiligwe, mutisamo siku tukukibona Ikyēne. I ngano yikukibona Ikyēne kangi yãndìle ukwikwãbàko.

Ikyēne kitikusanusya ugwe uleke ukubūka ku Kipãnga kyãko. Napamo’mma ikyēne kikusanusya ukuti untimi gwako aleke ukulūmbilìla. Ikyēne mbupimba kikusanusya amabutumigwe mingi fiyo na batimi bībwībwe IKINDU IKINYWAMU, kangi batikubabula abãndu bãbo i LISYU-LYA-PAKANWA ILIPALA UKUKINDA ugwe kufīmbilisigwa ukupilika lyo LISYU-LYA-PAKANWA lya Kyāla pa matepi.

Ukubūka ku kipãnga ilisiku lililyõsa lya ndungu guligõsa kutikukupela ugwe Nsīngiligwa yula; uko kukaya kulõndigwa kwa Kyāla mma. A baFarisai na baSaduki bãli ni kimanyisyo ikyo ukusuluka akayila ako. Abēne bãmenye i sopelo yiliyõsa ya Lisyu lililyõsa, lõli i Lisyu Lyabūmi līmàga PALAPALA PALA mu mbili gwa būndu, lõli ngimba abēne bãbõmbìle fiki? IKINDU kilakila bīngi fīyo bikubõmba umwīsyùgu.

Abēne bisa kuyoba, “fila fyãli fipãnga-fipãgùke umwẽne ayobelaga ngapo. Abēne bakãbagìle ukumwītikìsya Nkundwe Branham ukulūmbilìla mu fipãnga fyãbo, lõli uswe tukulūmbilìla i Lisyu kangi tukuyoba itolo iki umwẽne ãyobìle.”

Ikyo kyo kinunu. Ntufye u Ntwa. Ikyo kyo ugwe kulondigwa ukubõmba. Lõli polelo kuyoba, umwīsyùgu ikyēne kyo kikīndàne, ikyēne kyo kisobi ukukina amatepi ga Nkundwe Branham mu kipãnga kyãko. Ugwe ukakīndanapo na baFarisai na baSaduki, pamo i fipãnga-fipãgùke.

Ugwe gwe nsyobekesi.

Bomūmo ikyēne kyãli akabalilo kala, Ikyēne yo Yeso, imile pa kifigo ikukung’usya, ikugela ukwīngìla ukuyoba kitalule ku Kipãnga Kyãke, kangi abēne batisa kwīgùla mma ififigo fyãbo. “Umwẽne atikwisamo nkipangablyītu nu kulūmbilìla.”

Undugu ikuyaga pakuniongasya ikyo nu kologania ikyo mu buketelo bwingi fiyo namanga umwẽne AKUBENGILE ukukupuligwa, lõli palema iki, ikyēne kikupeligwa kibonekele pabwele pankyēni pa fisige fyītu fififi kangi bīngi bikwikwãbila ukusõka.

“Mu bwãndilo lyãli i” [Ikilūndìlo kikuyoba, “Lisyu,”–Nsimb.] “kangi i Lisyu lyãli na” [“Kyāla,”] “kangi u Lisyu ãli” [“Kyāla.”] “Kangi u Lisyu alinkupeligwa mbili kangi alinkwitūgàsya pakati pa uswe.” Ngimba ikyo kitalusye? Lilino uswe tukukēta lilalila lila i Lisyu ilifīngìgwe, lya Luka, lya Malaki 4, syõsa isi ifingo isingi ukufuma umwīsyùgu, sikupeligwa mbili, sikwitūgala mwa USWE, iki uswe tupilike ni mbulukutu syītu; lilino uswe tukumbona Umwẽne (na mãso gitu) ikulīngània i Lisyu Lyake Mwēne, uswe tutikufumbwa u bulīngànio bulibõsa bwa mūndu. O Kipãnga kya Kyāla gwabūmi, kuno na mafõni, sumuka mbibimbibi, bo kukãli ukwīla fīyo!

Igula indumbula syīnu kangi pilika iki Kyāla ãfumìle itolo pakuyoba kwa umwe, fyõsa ifipãnga fyãke. Lilino uswe tukumbona UMWENE, ni fisige fyītu, IKULĪNGÀNIA ILISYU LYAKE MWẼNE. Uswe tutikufumbwa mma bulibõsa ubulinganio bwa mūndu!! SUMUKA BO KUKÃLI UKWENE UKWĪLA FĪYO!!

Uswe tupilike ifya fīndu ifi amabumi gītu gõsa iki kyayaga pakuboneka pabuyo nkabalilo ka bumalikisyo. Lilino uswe tukukēta ni fisige fyītu ikyēne kikiboneka pabuyo.
Umwẽne ãtubúlìle uswe, yiliko NTIGA INJILA YIMOYENE IYI YO NJILA MBIGWE NA KYĀLA UMWẼNE ATĒNDÌKE KULI U NSĪNGILIGWA GWAKE. UGWE KUFĪMBILISIGWA UKUSYALA NU LISYU LYA KYĀLA PA MATEPI.

Une ngubilikila i kīsu-kya-pãsi ukulunganisania na uswe Pandungu pa 12:00 PAMUSI, akabalilo ka Jeffersonville, nu ukupilika injila imbīgwe na Kyāla kuli umwīsyùgu. Polelo ugwe nūgwe ubagīle ukuyoba, “Une mbilike isya Ugwe, lõli lilino une ngukēta Ugwe.

Nkundwe Yosefu Branham

Ndumi: 65-1127E Une Mbilike Lõli Lilino Une Ngukēta

Amasimbo
Bwãndilo 17
Kusõka 14:13-16
Yobu untu gwa 14 kangi 42:1-5
Amīsi 3:7
Malika 11:22-26 kangi 14:3-9
Luka17:28-30

Gwempala Nsīngiligwa gwa Kristi, unko uswe twīse palikimo Pandungu pa 12:00 pamusi, akabalilo ka Jeffersonville, ukupilika 65-1127B – Ukugela Uku Bombela Kyāla U Bubõmbèlo Bumo Kisita Ukuya U Bwīgàne Bwa Kyāla.

Nkundwe Yosefu Branham.

Gwempala Lisyu Utendekigwe Mbili,

Aleluya! U mfu gwakulelapo gwa ndumbula syitu gutendekesigwe ukwisila mukupilika kwa Lisyu kangi Ilyene lisetwituligwa kwa uswe, USWE Y’USWE u Nsingiligwa ugwalufimbilisyo gwa Kristi; umpala, ugwalufimbilisyo, nsitabonangi mwaundumiana gwa Kyala, imile ni liswepano, lisita-kubwapuligwa Lisyu-lya-Nsingiligwa, asukigwe na Misi ga Lilopa Lyake Mwene.

Uswe twisile ukuya Lisyu ilibonekele lipeligwe mbili, ukuti Yeso abagile ukutwega uswe, babo Umwene amanyile-ngani bo lukali u lwalo lwa kisu, mu kipambaga kya Tata.

I kisu kibagile ukuketa u buyobelo bwa Lwitiko lwitu pa njila yiyo uswe twabombelaga, kangi tukwiyobela ukuti uswe tulinabo u Busetuli bwabwanaloli ukufuma kwa Kyala gwa Lisyu Lyake ilisisimikisigwe, kangi uswe tuli basitalutende. Uswe tutikupasya iki i kisu kyosa kikuyoba pamo kikwitika…USWE TULI BASITALUTENDE. Bindikisya kina yo njila imbeegigwe ya Kyala kuli u Nsingiligwa gwa Yeso Kristi.

Balipo bingi aba bikuyoba ukuti abene bikwitika i Ndumi ya kabalilo-kabumalikisyo iyi, abene bikwitika Kyala atumile u nsololi, abene bikwitika William Branham aali gwandumi-ntumigwa gwabuhano-na-babili, abene bikwitika umwene aayobile Isi Syo Ikuti U Ntwa, loli abene BATIKWITIKA ‘MMA ukuti i Lisyu-iliyobigwe lyo lisyu-iliyobigwe ilyakulondigwa-ukukinda ugwe kufimbilisigwa ukupilika. Abene batikwitika umwene aayobile a Masyu amasita-kutoligwa. Abene batikwitika mu kukina a matepi mu fipanga fyabo.

Ngimba ikyo kikusanusya fiki? IKYENE KIKUSANUSYA IKYENE KIKASETULIGWA KU BENE!

Ikyene kyo busetuli bumo. Umwene asetwile ikyene kwa ugwe ni lipyana Lyake. Ugwe ukaboombile ukwibikamo gwimwene mu lwitiko mma. Ugwe bwila uli nu lwitiko, ikyene kipigwe kwa ugwe ni lipyana lya Kyala. Kangi Kyala ikusetula ikyene kwa ugwe, polelo ulwitiko bo busetuli bumo.

Nu LWITIKO ikyene kisetuligwe kwa uswe ukuti i Ndumi iyi yo Lisyu-iliyobigwe lya Kyala pa matepi ili lisiimbigwe, kangi libikigwe-mu-ndamba, ukulyesya nu kupelelesya u Nsingiligwa gwa Yeso Kristi.

Ulwene lo lwanaloliloli, LWITIKO lusitakubwapuligwa mu iki Kyala aayobile ukuya Bwanaloli bula. Kangi Ulwene lungimisigwe mu syitu i ndumbula nu moyo kangi pakayapo nakimo kikuyaga pakusemesya Ulwene. Ulwene lwisakusyala palapala pala mpaka u nsololi Gwake isakututwalaga uswe kwa Ntwa gwitu.

Uswe tukabagila ukwikasya twibene. Umwene atendekisye uswe u kwambilila nu kwitika Kila bo lukaali ulwalo lwa kisu. Umwene aamenye uswe aangali tukwambilila i Lisyu-iliyobigwe Lyake mu ngulilo iyi. Umwene aatumanyile-ngaani uswe kangi aatusayilile uswe u kwambilila.

Polelo, i mbombo isi u Mbepo Mwikemo ikubomba umwisyugu, ukwisila mu mboniboni insita kutoligwamo siku, ifingo insita kutoligwamo siku, fyosa i fimanyilo fyabatumigwa fifingiligwe mu i Baangeli, ifya Malaki 4, kangi, u Busetuli 10:7, fyosa ifya ikyo fikuya fifyanikisiigwe; kangi fisisimikisiigwe ukwisila mu fyasayansi, injila yiliyosa iyingi. Kangi linga une ngababuula umwe u Bwanaloli bula, ifindu ifi angali fitikuboneka mma. Loli une mbabuulile umwe u Bwanaloli, ifyene fikupimb’ubuketi ukuti une mbabuulile umwe u Bwanaloli bula. Umwene yo akaali yulayula, mmayolo, mwisyugu na bwilanabwila, kangi u bubonesyo-pabwelu bwa Mbepo Gwake bukunyakila ukusoosyapo u Nsingiligwa. Unko u lwitiko lula, u busetuli figwe mu ndumbula yako, ukuti, “Iyi yo sala yila.”

Iyi yo sala yila. Iyi yo Ndumi yila. Ili lyo Lisyu-iliyobigwe likukoolela panja u Nsingiligwa gwa Yeso Kristi. O, Kipanga, u Ntwa ali teendekesya i mifu gyakutelapo gya ndumbula yinu ukuya nu Lwitiko nu kusetula kwa umwe ukuti ukupilika i Lisyu-iliyobigwe, pa matepi, kyo iki kisa kupelelesya nu kubuungania u Nsingiligwa gwa Yeso Kristi.

Une kamokene kangi ngubabilikila umwe ukwisa nu kwingila na uswe Pandungu pa 12.00 ilyapantu, akabalilo ka Jeffersonville, ukwega u LWITIKO lwinu mu fibanja ifyapamwanyapo, nu kwitugasya na uswe mu mabuyo gakumwanya bo uswe tukupilka i Lisyu-iliyobigwe lya Kyala likutupela uswe biiteendekesye kuli ukwisa Kwake kwalululu.

Nkundwe. Yosefu Branham

Nalamba yaga mu lwiiputo kuli uswe undungu ugu-gukwisa bo uswe tukwanda ubwitu u Bugonela-kuko bwa Misi Agakimyemye.

Message: Works Is Faith Expressed 65-1126
Ndumi: Imbombo Lo Lwitiko Luyobiigwe 65-1126

Amasimbo ga kubala:
Bwandilo 15:5-6, 22:1-12
Imbombo 2:17
Baroma 4: 1-8, 8:28-34
Baefesi 1:1-15
Yakobo 2:21-23
Mwikemo Yohani 1:26, 6:44-46

NSANGO: 65-1206 Makambo Ya Mikolo Oyo Emonisami Polele Na Nzela Ya Lisakoli

PDF

• 15-1207 Makambo Ya Mikolo Oyo Emonisami Polele Na Nzela Ya Lisakoli

BranhamTabernacle.org