Gwempala Mpãpìgwe Kwa Kristi,

Abagìle bulebule yumo ukubīka amasyu gamumbili itolo u lugàno nu busangalufu ubu buli ni ndumbula syitu ukumanya u Busetuli bwabwanaloli bwa Lisyu Lyãke lya lisiku lyītu? Ukwinogona, uswe tukãli nakyo nakimo ukubõmba ni kyēne, lõli UMWẼNE, u Une Yo Une UNKULUMBA, ukwīsìla mu kusala Kwãke mwēne, ãtumanyile-ngãni USWE ukuyanakyo ikindu ikikulumba fiyo Umwẽne ãbagìle ukupa uswe, U BUSETULI BWA LISYU LYÃKE KULI ILISIKU LYĪTU.

Umwẽne ãgúlìle, mpaka ubwīsùsye bwa kabalilo bwãlísìle, ukutūya umūyi gwa būmi mwa uswe, ukuti uswe twabagile ukupilika Umwẽne ikuyoba kwa uswe nukuti:

Lilino une ngelile pabwangu ubununu-fiyo uku–uku–uku babūla umwe bãndu nu kibalongosya umwe ngati bãba ãbagìle ukulongosya abana bãke. Umwe mwe bãna bãngu, une mbapãpìle umwe kwa Kristi ukwīsìla mu Nongwainunu iyi iyi une ngulūmbilìla.Muketile? Kangi une–une–une ngulonda umwe ukukula mbwisule twãna utukule, pamo–pamo abana. Kangi une ngulonda ukutwala umwe kwa Kristi pa lisiku lila, bo lūlo Pauli ãyobìle “U mfunde umpēlelèsye.” Kikayapo ikindu nkisu-kya-pasi mu Lisyu lila lõli iki indumbula yako yisakukong’ondela “ameni” ku kyēne.

Kyāla, ikuyoba ukwīsìla mwa gwãndùmi Gwãke ugwamaka, yo ikutalula nu kutulongosya uswe, u Nsīngilìgwa gwa Yeso Kristi. Uswe yuswe batòne lõsa, mfunde mpēlélèsye, bana. Kangi ukwīsìla mu ipyana Lyãke iliswigisye, uswe nalõli tukukong’ondela i Lisyu lililyõsa uswe tukupilika na AMENI! Ulwēne lo lusanusyo ulupēlélèsye lwa Lisyu nu busisimikisye Bwamwakyala!

Linga i Lisyu-lya-pakanwa uswe tukupilika pa matepi lyo: u lusanusyo ulupēlélèsye lwa Lisyu, kyo kiliku ikīngi ngimba u Nsīngilìgwa gwa Yeso Kristi ikufumbwa?…NAKIMO!

Umwẽne atusalile USWE, Ikyake ikibugutila ikisosoligwa-ni-kiboko, ukuyanabo u Busetuli bwabwanaloli bwa Lisyu kuli ilisiku lyītu. Uswe twe bala Umwẽne ãsálìle ukuya pa kīsu, mu mibili gyamfu, ukukindamo mu fyinja elifu gwa bulagili bwa Fyinj’elifu.

Bīnàngu, unko uswe itolo twītúgalèpo pa ikyo i miniti.

Uswe twisa kuya nu mbili umwīmíkìgwe papapa apa pa kīsu. Uswe twisa kulyaga, ukunwa, ukuyenga inyumba, ukwītúgàla itolo mūmo tukubõmbèla lilino kuli ifyinja elifu yumo. Akene kisakuya bwitabwale bwītu kūko u Nsīngilìgwa (USWE) nu Nyãmbàla (Ntwa Yeso Kristi) twīsìle ukuya YUMO.

Uswe tukuketesya nu kugūlìla kuli akabalilo kalwīmìko aka i miniti yiliyõsa ya lisiku lililyõsa. Ukwēne ko kifuki fiyo ukwēne kuli kifuki ngati uswe tubagile ukupalamasya ikyēne. Une ngwītìka, ni ndumbula yangu yõsa, iki kyo iki kikubõmbìgwa kwa uswe umwīsyùgu:

O, bula ubõngàne bwamwambepo bwa Kristi ni Kipãnga Kyãke lilino, akabalilo kãko unyõfu gukuya Lisyu, kangi i Lisyu likuya nyõfu, liboneseligwe, lisisimikisigwe. Itolo iki i Bãngèli lyãyóbìle kyãbágìle ukubõmbìgwa mu lisiku ili, ikyēne kikubõmbigwa, lisiku pa lisiku. Fiki, ikyēne kikulūndikana nu bwengo fīyo pãnja pala, mu malangalanga gala, ni findu fikuboneka pa buyo, ifi une ngãbágìle nu kubagila ukūmílìsya ukufwanikisya nafyo. Uswe tuli kifuki ku Kwisa kwa Yeso, ukõngàna ni Kipãnga Kyãke, kūko i Lisyu likuya Lisyu.

Na kila Ndumi uswe tukupilika, bu bwingipo bwa Busetuli Umwẽne ikupa uswe. Ikyēne kikulūndikana nu bwengo fīyo uswe tukabagila nubukafu ukūmílìsya ukufwanikisania ni Kyēne. Uswe tukukēta i Lisyu likwisa ukuya Lisyu ngati nasiku pabutasi. Gukayapo mma unsyūngùlu gumo gwa kwilamwa kumo; ukwīsìla mu Busetuli, uswe TUMENYE katikati ywani uswe tuli.

Umwẽne ikubūngània u Nsīngilìgwa Gwãke itolo mūmo Umwẽne ãyobìle Umwẽne ãngàli ikubomba, kangi uswe tuli kiyabo Kya Ikyēne. Uswe tukukēta Ikyēne kikubõmbìgwa ni fisige fyītu fyène. Abãngi babagile ukuti batikukiketa Ikyēne pamo ukupilikisya Ikyēne. Ikyēne kikaya kyãbo mma. IKYENE KYĪTU, ABANA BAKE ABAPÃPÌGWE.

U Nsīngilìgwa ãli na malãlùsyo ukundàlùsya u nsololi.

Ngimba ikyēne kifwene ukupilikisya KWENE ku Lisyu-lya-pakanwa lya Kyāla pa matepi? Kyāla ãlyámwìle kangi alinkuti: ENA!!

Ngimba abana bitu bõpe babagile ukwaga fyõsa abēne bikufumbwa ukuya Nsīngilìgwa gwa Kristi itolo ukwīsìla mu kupilikisya a matepi: ENA!!

Kokuti, fyõsa u Nsīngilìgwa ãli nu kufumbwa nafyo fili PA MATEPI GALA.

Uswe nuswe tumenye Kyāla apèle injila nyingi fiyo kuli abana Bãke.

“Ni fulale Syake ugwe gwabumbulisigwe.” Lilino i Lisyu lyakwanda likuyoba lūlo, ikyo kibagile ukuya kwakufwana, lõli linga ugwe utikwitika ikyēne mu Lisyu, polelo filipo ifikūngilya mu Kipãnga, ngati abanyambàla aba bapūtílìgwe ukumanya akamanyisyilo ka ikyo, aba bisa kupela ikyēne kyapabwelu fiyo kwa ugwe, aba bo, nu lwītìko ukwītìka.

Uswe twe bãkupálìsya fīyo Kyāla apèle abanyambàla aba bapūtílìgwe ukumanya akamanyisyilo ka bubumbulusyo ni Lisyu Lyãke ukupela ikyēne kyapabwelu ku bangi, lõli u Nsīngilìgwa Gwãke ikulonda Iyake IMBELELESYE INYĪKUTISYE INJILA IMBĪGWE. Ikyēne kyo kyosa USWE TUKUFUMBWA.

Une ngulonda ukukubilikila ugwe ukwīsa ukwīlúngisània na Branham Tabernacle Pandungu ugu pa 12:00 PAMUSI, akabalilo ka Jeffersonville, bo uswe tukupilikisya: Malãlùsyo Na Mãmùlo #3 64-0830M
Bo bununu nki ukwēne kuli ukuya nu Busetuli bwa Lisyu Lyãke nu kumanya uswe tuli Lisyu lipeligwe nyõfu.

Nkundwe Yosefu Branham

Mwebapala Tungwasi,

Kūko u Mfīmba guliko, ko kūko u Nsīngilìgwa isa kutelengana palikimo. Kangi kwa uswe, buliko itolo ubuyo bumobwẽne ubupelelesye uswe tubagile ukwaga amapupwe a Manna kyakulya: ukwīsìla mu ku bīnda KUKINA nu kupilikisya i Lisyu-lya-pakanwa lya Kyāla pa matepi.

Yoba isya Manna MAPUPWE, ngimba uswe tubagile nu kwanda ukwinogona iki uswe tulinakyo mulamula mu nyobe syitu? Lilalila i Lisyu-lya-pakanwa lya Kyāla likuyoba ku Nsīngilìgwa Gwãke unganigwa pa tepi, kūko kukayako nakumo ukusakikisya, nakumo ukuswiga, nagamo amalãlùsyo, pamo ukwīlwa iki uswe tukupilika yo Kyāla, ikubõmbela imilomo gyabūndu, ukuyoba Isi Syo Ikuti U Ntwa ku Nsīngilìgwa Gwãke.

Ukwīsìla mu busetuli, uswe tukwītika Ikyēne bo buyo BWĒNE uswe tubagile ukubukako nu kutusya imyoyo fyītu ukuti a Masyu uswe tukupilikisya gakaya masyu ga mūndu, napamo lo lusanusyo lwãke pamo līnogono lyõngelígwèko ku Lyēne, lõli Ilyēne lyo lipelesye Lisyu lya Kyāla likuyoba kwa uswe Tungwasi, ikusetula i Lisyu Lyãke.

Uswe tukulilanila ukusyūngutìla i Lisyu. Uswe tukubala i Lisyu Lyãke mu Mabãngèli gītu. Uswe tukupilika nukupilika abanyambàla abasayiligwa kangi ababilikigwe na Kyāla bīsusìgwe Mbepo Mwīkèmo Gwãke, bikwãndisya nu kulūmbilìla i Lisyu lya Kyāla, lõli mu lisiku lyītu, Kyāla apele u buyo kūko uswe tubagile ukupilikisya i Lyãke ILIPELELESYE ILISYU ILIYOBIGWE, ukwīsìla mu kubīnda KUKINA.

Tata alinkupa nukupa u Nsīngilìgwa Gwãke u lusako ukulãlùsya amalãlùsyo aga gãli pa ndumbula yītu ukuti uswe tuyege ni lyãmùlo ilipelelesye:

• *Ngimba Sētàno abagile ukubõmbela ikikūngilwa kya ndimi mwa mūndu uyu ali Mbepo Mwīkèmo?
• *Ngimba Yeso ãsanusyaga fiki mwa Matai 12, ilinandi 32?
• *Twalamba līngània Gwakwanda Bakorinti 13:8-12.
• *Ngimba abakikulu bikwītikisigwa ukúmbomb’imbombo sya bwīkolanie bwa filūndilo akabalilo kãko abēne bali nu nyãmbàla unkafu na bana?
• *Ngimba ikyēne kisobi kuli u nkīkùlu ukusololosya inywili syake?

Kyāla apele injila nyingi ukusaya nu kukasya u Nsīngilìgwa Gwãke, lõli bulipo ubuyo bumobwẽne Umwẽne apèle kūko u Nsīngilìgwa Gwãke abagile ukuya lusubilo lwa mia-pa-mia iki abēne bikupilikisya lyo LISYU LYÃKE ILIPELELESYE. I Nyībùko yimoyene ya Misi Mumi kūko u Tungwasi tubagile ukunwãko kūko kukayako ububagililo bwa lufubo lulilosa. BINDA KINA.

Une ngubabilikila umwe ukwīsa kukunwa ukufuma ku Nyībùko yila Pandungu ugu pa 12:00 PAMUSI, akabalilo ka Jeffersonville, kūko uswe twisakupilikaga 64-0823E “Malãlùsyo Na Mãmùlo #2.”

Nkundwe Yosefu Branham

Gwempala Kipanga kya Branham,

Mbonio ku Nsingiligwa ya Yeso Kristi ukufuma ukusyungutila ikisu-kya-pasi, aba bikwitika i Kipanga kya Branham, i Lisyu-lya-pakanwa lya Kyala, lyo kipanga kyabo kya kukaaya kuko abene bikuswiligwa mwambepo na Mana amafisigwe aga gabikigwe-mu-ndamba nu kukyungigwa kuli u Nsingiligwa gwa Kristi.

Aka ko kaya kangu kalwalo; ili lyo likulumba lyangu; kuno ko kuko uswe tubambikigwe. Lilino, kolelela ikyo mu linogono kali kyo fiki kikuboneka pa buyo. Lilino, linga ugwe gwe gwamahala, ugwe kwisa kukola ikindukimo. Kali kyo fiki kikuboneka pabuyo, ili lyo likulumba lyitu, papapa apa!

Bingi abitiki bwila batoligw’ukupilikisya pamo babikile ilinogono lyabo pamo ubulinganio ku iki u nsololi aayobile apa, loli umwene ikumbula u Nsingiligwa nukutalula, “linga umwe mwe bamahala, umwe mwisa kukola ikindukimo, ili lyo likulumba lyitu, papapa apa!

Ngimba umwene aasanusyaga fiki na iki?

Akabalilo kako Nkundwe Branham aali apa, bingi batoligw’ukupilikisya umwene kangi balinkwinogona u Nsingiligwa aafimbilisigwaga ukubuka ku Arizona nu kunkonga umwene kula, ukuya mu Bunyakiligwo. Nkundwe Branham aalyamwile abene pabwelu, SYALA KUNO, UBU BO BUYO BULA.

I kibugutila kyosa ikinywamu kya bene kili nkusokapo injila yila, kangi abene balondaga ukubuka iki nu kubomba kila, ukufuma papo une nababulile abene ukusyala kula. Syala kula, syala papapa apa; ubu bo buyo bula.

Abandu balinkusumuka ukusokapo ukufuma kulikosa ukusyungutila United States ukubuka ku Arizona, loli umwene pabwelu aababulile abene: Syala papapa apa, ubu bo buyo bula!

Syala mu Jeffersonville? Ikyo kyo iki umwene aayobile!

Ubwangu u Busetuli bobwakuti, ikyene aali Kyala, ikkuyoba ukwisila mu nsololi Gwake nu kubabula abandu, “SYALA NA MATEPI.” Bula bo BUYO BULA!

Umwene aasulumenie fiyo kangi aayobile umwene afimbilisigwaga ukubomba ikindukimo na bandu bosa bala. Ngimba ikufimbilisigwaga ukubomba fiki? Kyo kipanga nki umwene angali ukubatumako? Kokugu abene babagile ukubuka? Ngimba Nkundwe Branham aayobile fiki umwene aafimbilisigwaga ukubomba?

Popapo lilino, une ngufimbilisigwa ukubatwala abana bala ukugomokela apa kuli ikindukimo ukulya. Abene bali ukusuluka kula mu lulangalanga bikususilwa.

Umwene akaayobile abene angali bikufumbwa ukubuka ku kapanga kamo akankaya nu kwegako utu utupooso utunini abene baabagile ukuswiligwapo. Umwene aayobile umwene aafimbilisigwaga ukutwala abene UKUGOMOKELA APA kuli ikindukimo ukulya, kisita-ikyo abene angali BIKUSUSILWA KU BUFWE.

UBWANGU U BUSETULI, BINANGU

Lilino, kisita kamokene kangi ukusita-kupilikisya, pamo ukuyoba ikindukimo umwene akaayobile mma, ukwisila mu kuyoba, “Nkundwe Branham aalondaga umwitiki aligwesa ukusamila ku Jeffersonville ukuya Nsingiligwa.” Nkundwe Branhama aamenye bosa abandu bala, kangi umwitiki ALIGWESA ukufuma ukusyungutila i kisu-kya-pasi, akabagile ukusamila nu kwitugala mu Jeffersonville. Ikyo angali kya kusitakubagila. Popapo umwene aasanusyaga fiki? Umwene ONGANIAGA u Nsingiligwa gwa Kristi ukusyungutila a MATEPI aga galyegeleligwe nu kubikigwa-mu-ndamba kuli u Nsingiligwa ukuswiligwapo.

Iyi i Ndumi, Ili i Lisyu, lyo Lisyu Iliyobigwe lya Kyala kuli umwisyugu kangi Ilyene lisa koongania nu kupelelesya u Nsingiligwa gwa Yeso Kristi.

U mfimba kyo iki i ngwasi sikuswiligwapo. Lilino, i ngwasi yikwinogoneligwa mu i Baangeli, u nsololi. U nsololi yo ngwasi. Kyala—Kyala ikwibilikila Mwene i Ngwasi yimo, kangi uswe yuswe “utungwasi” polelo, a—a bitiki. Umwe muketile? Kangi u mfimba go fiki ugu abene bikuswiligwapo? Lyo Lisyu. Kulikosa i Lisyu liliko, ikipeligwa kyanaloli kya njuni kisa kunangisya kyene.

Kokugu liliko ilipelelesye, ilisisimikisigwe, ilisita kusitakupilisya, i Lisyu lya Isi Syo Ikuti U Ntwa kuli umwisyugu? Bulipo ubuyo bumobwene, A MATEPI.

Une naabagile ukukindilila nu kukindilila, kyandisyo pa kyandisyo, loli i Ndumi iyi na iki Nkundwe Branhama aayobile fikwega u Busetuli ukufuma kwa Kyala. Uswe tukufimbilisigwa ukubala pakati pa mabung’wale ukwisila mu busetuli, loli ukuyoba iki umwene aayobile. Kabuno Ilyene lyo LISYU ILIPELELESYE.

Laalusyo na Maamulo kuli umwisyugu na iki une NGWITIKA

Umwisyugu, abalumbilili bingi bikuyoba ku bandu ukuti ukwisila mu kuya ni Kipanga Kyakukaaya Kyatepi uswe tuli panja pa Lisyu na iki Nkundwe Branhama aayobile ukuti tubombe. Abene bikwipilika uswe tubagile ukubuka ku iki abene bikukolela kangi bikwinogonela ukuya kipanga.

Galipo mbwanaloli mingi, mingi amaandisyo kuko u Nkundwe Branham ikuyoba iki.

Lilino, ugwe buka ki kimo ikinunu ikipanga kya Nongwainunu Inyisusye kangi iyegela ugwe ikipanga kimo kyakukaaya.

Kangi une gwitika ikyo ni ndumbula yangu yosa, panongwa yakuti umwene aayobile lulo. Loli une gwitika uswe tukubomba ikyo mu KUYA NI KIPANGA KYATEPI KYAKUKAAYA. Ubuyo bwitu bukaya bo ubu bupala kwa Ntwa mma. Ikyo kyo kiyumba itolo. Loli akabombo kiitu ku Ntwa ko kusyala ni Lisyu Lyake, KOMMA U BUYO PAMO IKIYUMBA. U buyo butikupoka nu kupelelesya u Nsingiligwa, I LISYU LIKUBOMBA.

Linga une ngubuka ku kiyumba kya kipanga, loli abene biibibwe IKINDU IKINYWAMU: ukupilika i Lisyu-lya-pakanwa lya Kyala ukwisila mu Kubinda Kukina, kangi bapyanikisye ikyene ukwisila mu ITOLO ukupilika a balumbilili bikulumbilila i Ndumi, ngimba kila kisa kwiikutisya kimalisye nu kuswila u moyo gwako? Ikyene kibagile ukwiikutisya u moyo gwako, nkundwe gwangu na kalumbu, loli ikyene kitisa kwiikutisya u Nsingiligwa.

Unko une niingisyepo apa nu kuyoba ukuti balipo maelifu ga bandu aba bakaya nakyo ikiyumba kya kipanga ikyakubukako. Ngimba abene bayongile? Linga abene bakaya nayo u ntimi pamo ikipanga, ngimba ikyo kikusanusya abene bakabagila ukuya Nsingiligwa? Linga ugwe kwitugala nkati mwa mamailosi 100 ga kiyumba kya kipanga, ngimba ugwe kufimbilisigwa ukubuka ku kipanga kila? Loli linga une ngwitugala pabulali ukongelelapo, une ndikufimbilisigwa ukubomba? Une ngufimbilisigwa ukuketelela-pa-sinema u ndumbilili yula, loli une ngabagila ukuketelela-pa-sinema amatepi? I kiyumba ikipalamasigwe kyo iki u nsololi ikuyoba kyo kindu ikipala fiyo uswe tukufimbilisigwa ukubukako?

Kokugu u nsololi aalondaga ukutwalako u Nsingiligwa?

Linga ugwe ukabagila ukwisa kuno ku kipanga iki, aga kimo ikipanga kubuyobumo; buka ku kyene.

Kamokene kangi, kokugu kuliko ulusalo lwake ulwakwanda ukutuma abandu? Ku Branham Tabernacle, i Lisyu, a matepi. Ikyo kyo iki Kyala apele u Nsingiligwa Gwake ukubomba mu kabalilo-kakuusulo aka, kangi uswe tukubomba ikyene ilisiku lililyosa KANGI Pandungu guligosa.

Ukuti ndingayaga nsita-kupilikisigwa. UNE NDIKUYOBA ugwe kufimbilisigwa ukuketelela-pa-senema a matepi na ba Branham Tabernacle ukuya Nsingiligwa. Une NDIKUYOBA MMA ugwe ulingabukaga ku kipanga. Une NDIKUYOBA MMA ugwe ukabagila ukupilika abalumbilili. Linga ugwe kwitika ikyo, ugwe usokilepo pa Lisyu. Une nguti ukupilika i Lisyu-lya-pakanwa pa matepi lyo Lisyu-lya-pakanwa ilipala ukukinda UGWE KUFIMBILISIGWA UKUPILIKA, kangi une ngwitika u ntimi aligwesa ikufimbilisigwa ukukina i Lisyu-lya-pakanwa lila, a matepi, mu fipanga fyabo. Loli abene bapelile ululeyo lulilosa ulu luliko UKUSITA KUKINA A MATEPI. Linga kila kyo kipanga kyako, ugwe utukuswila pa Lisyu.

Iki kyo pabwelu iki umwene akaalondile mma ukuboneka kangi iki abandu baaboombaga.

Kangi ugwe buka ku kipanga; komma ukwitugasya ku kaya, ukubuka ku kulob’iswi, kangi ukufwima, ni fingu bo ifyo Pandungu.

Uswe tutikubomba ikyo mma. Uswe tukoongana ukusyungutila ikindu ki kilakila iki kisa koongana u Nsingiligwa, i Ndumi Iyi, i Lisyu-lya-pakanwa Ili.

Kamokene kangi, une naloli ngwitika mu kubuka ku kipanga. Filipo ifipanga fingi ukusyungutila i kisu-kya-pasi ifi fikubika a matepi ikyakwanda mu figemo fyabo, ntufye u Ntwa. Ngimba une ngwitika ugwe ubagile ukusyala ku kaaya kisita-ikyo ugwe ukaya Nsingiligwa? UMMA, UMMA, UMMA…Une nginogonamo siku ikyene, ngitikamo siku ikyene. Une itolo ngulonda u KUBINDA KUKINA kisita kupasya kuko ugwe uliko pamo kyo kipanga nki ugwe kubukako.

Linga ugwe ukaya nu Busetuli bwa iki umwene ikuyoba, polelo ugwe ubagile pabwelu ukuyoba, “Une ndikufimbilisigwa ukupilika kwa Nkundwe Branham pamo nu kufimbilisigwa u KWITIKISANIA na fyosa ifi umwene ikuyoba. Umwene aayobile nukuyoba lulo, balipo bingi fiyo abangi abanyambala abakoleligwe-na-Kyala.”

Kindililaga nkyeni. Uswe tukuketesya apa, kikuyoba, “Ngimba uswe tubagile ukubuka ku kipanga iki kitikwitikisania na ugwe?” Naloliloli, une ndinku…Une ngaya sangalabwe yene pa kiloboko, umwe mumenye. Balipo—balipo itolo abangi abanyambala abanyakyala kulikosa; une ngusubila une ne yumo gwa bene.

I Lisyu-lya-pakanwa lya Kyala pa matepi lyo SANGALABWE YANGU, LYALABWE LYANGU. Ilyene lyo Lisyu-lya-pakanwa une ngulonda ukupilika kangi i Lisyu-lya-pakanwa une ngulonda i Branham Tabernacle ukupilika.

Linga umwe mukulonda ukulungisania na uswe, umwe mwe bakukinda baambililigwe, bakundwe na bakalumba bangu. Lungisania na uswe pa 12:00 pamusi, akabalilo ka Jeffersonville, bo uswe tukupilika i Lisyu-lya-pakanwa lya Kyala likuyoba nu kwamula amalalusyo mingi ugwe ubagile ukuya nago pa ndumbula yako. Kangi pilika kuli gwimwene linga ifindu ifi une njobile mwa kalata uyu fyo panja pa Lisyu kangi une ngapilikisya iki Kyala ikuyoba ku Nsingiligwa Gwake.

Iki umwene ikuyoba pa matepi yo Isi Ikuyoba U Ntwa. Komma iki une nguyoba umwene ikuyoba, pamo iki une ngwitika umwene ikuyoba, kangi MWENE Kyala abagile ukupa ugwe u Busetuli bwabwanaloli.

Nkundwe Yosefu Branham

64-0823M – “Malalusyo Na Maamulo #1″

Gwempala Nsïngílìgwa gwa Kristi, unko uswe twïse palikimo Pandungu pa 12:00 PAMUSI, akabalilo ka Jeffersonville, ukupilika 64-0816 – Ukusisimikisya I Lisyu Lyãke.
Nkundwe Yosefu Branham

Gwangu Mpala Ndumbulanyafu

Une mbaganile umwe fiyo. Umwe mwe nyofu gwa nyofu Gwangu, kangi kifupa kya kifupa Kyangu. Napapo bo ngaali Une ukupela indondwa, u mwesi, umwanya Gwangu gwesa, Une nababwene umwe kangi Une naabaganile umwe akabalilo kala. Une naamenye umwe mwaali kiyabo kya Une, Gwangu yumo kangi ntiga ndumbulanyafu. Umwe na Une twaali YUMO.

I lisiku Une nisyukile kangi naagulileko ukufuma papo Une nababwene umwe akabalilo kala kubumalikisyo kafikile. Lilino Une ngubakolela umwe nu kubungania umwe ukufuma ku busookelo na ku bwingililo, kululu na kwitongo, ni Lisyu-lya-pakanwa Lyangu. Umwe mwe minogono Gangu, Lisyu Lyangu, Nsingiligwa Gwangu, apeligwe mbonekele-pabwelu.

Une nisyukile ukubabula umwe kilikyosa iki kili mu ndumbula Yangu, popapo Une naasimbile Ikyene ukwisila mu basololi Bangu kangi ngyungile Ikyene kiponesigwe kuli umwe kuli maelifu ga fyinja. Bingi babalile Ilyene, kangi balyitike Ilyene ukukindamo mosa mu bafyinja-mia, loli Une ngyungile ifindu fingi fyakubutitu mpaka UMWE MWALISILEPO. Umwe mwe bene BALA Une nisakubuula.

Abene balondisye ukumanya nu kupilika fyosa ifindu ifiswigisye Une ngyungile fifisigwe, loli Une naafingile umwe, Une nguulile kangi ngyungile ifyene fyakubutitu mpaka lilino, itolo kuli UMWE, GWANGU YUMO KANGI NTIGA.

Une ngubafingila umwe Une mbagile ukwisa nu kwisetula Nimwene kamokene kangi mu nyofu gwabundu, ukuti Une naabagile ukubabula Umwe, nu kusetula kwa umwe fyosa ifindu ifi. Une naalondaga umwe ukupilika I LISYU-LYA-PAKANWA LYANGU likuyoba kitalule kwa umwe.

Une mbakile bingi abangi na Mbepo Mwikemo Gwangu ukubabula umwe isya Lugano Lwangu, loli bomumo Une mboombile bwila, kangi Une ngabagilamo siku ukwanduka, Une naasalile u nyambala yumoywene: Gwangu ugwandumi, Gwangu nsololi, ukuya Lisyu-lya-pakanwa Lyangu ukuti Une naabagile ukuyoba Bo Ulu Ikuti U Ntwa kwa umwe.

Une naalondaga ukubabula umwe, umwe mukapokigwa pa lisiku limo. Umwe mwe bwila mwapokigwe. Une itolo nisile ukubatabula umwe ukugomokesya. Umwe mwapokigwa ukufuma ku bwandilo panongwa yakuti umwe mwali nu Bumi Bwasyepwa ukwanda itolo. Kokuti, mu fisige Fyangu, syosa imbibe syinu sikabagila nu kuketigwa na Une, i kindu kyene Une ngupilika lyo lisyu-lya-pakanwa lyinu. Une nguketa itolo ikimilili kyinu.

Mumo Une nisyuukile ukubabula umwe ifindu fingi fiyo. Yangu indumbula yikuyefuka nu bunyenyemusyo. Mumo Une naalisyuukile kuli ugwitu Umugonelo Gwabwegi, ugwitu gwa fyinja-elifu Fyinj’elifu palikimo. Ukubabula umwe mu busolofu fyosa ifya Kukaya Kwitu Kwankyeni palikimo; Mumo Une ndendekisye kilikyosa kuli umwe, na kilikyosa ku bwigane bwinu.

Gwangu ndumbulanyafu, linga ugwe kwinogona ikyene kyo kinunu lilino ukupilikisya ku Lisyu-lya-pakanwa lyangu likuyoba kwa umwe, itolo guulila, ugu go nsyungulu itolo ugwa iki ikyene kisa kuyaga ngati akabalilo kako uswe tukwitugala mu Kaya kala palikimo. U nsololi gwinu isa nu kwitugala kifigo ikipalamani kwa umwe; umwene isa kuya mpalamani gwinu.

Uswe twisa kwenda ukufyuka ingindi sila isya golidi nu kunwa ukufuma ku nyibuko palikimo. Uswe twisa kwenda ukwingila mu baparadiso ba Kyala na Bandumi bikwelela pa kisu, bikwimba a baantemu…Lyo Lisiku nki lila lisa kuya!

Une mmenye u nsebwe gukufwana gwamagengelemia, kangi utubalilo-tumo ikyene kikuya kikafu fiyo kuli umwe, loli ikyene kisa kuya kinini fiyo, kinini fiyo, akabalilo kako Uswe tuli na yumo nu nnine.

Kuli lilino, Une nguyaga kamokene kangi pakubungania umwe nu kuyoba kwa umwe Pandungu ugu pa 12:00 PAMUSI, akabalilo ka Jeffersonville, nu kubabula umwe fyosa ukufwana na “A Kaya Kankyeni Ka Ndume Gwakumwanya Nu Nsingiligwa Gwapakisu-kya-pasi.” Une ngabagila ukuguulila ukonganisigwa na umwe akabalilo kala.

Kumbuka, kangi mungiibwaga ngamo siku, Une mbaganile umwe fiyo.

Mbuyo bwa Umwene,

Nkundwe Yosefu Branham

Amasimbo:
Mwikemo Matai 19:28
Mwikemo Yohani 14: 1-3
Baefesi 1:10
Gwakibili Peteri 2:5-6 / Untu gwa3
Busetuli 2:7 / 6:14 / 21:1-14
Banyalevi 23:36
Yesaya Untu gwa4 / 28:10 / 65:17-25
Malaki 3:6

Sermon: 64-0726E Amapĩpa Amalēndemùke

PDF

• 26-0104 Amapĩpa Amalēndemùke
• 24-0407 Amapĩpa Amalēndemùke

BranhamTabernacle.org

Mwebapala Banwa Pa Kisiba Kya Nyībuko,

Yo Kirismasi ni Kinj’Ikipya uswe tufumile pakuya nafyo. Uswe twītikìsye kangi twīgwìle ifyãbùpi fya Kyāla Umwẽne atumile ku Nsīngilìgwa Gwãke. Ikyabupi kyītu ikyãkwànda kyãli Kyãbùpi Kya Kirismasi iki kyafungiligwemo siku. Kyāla Mwēne afungilile u Būndu Bwãke Mwēne mu nyõfu gwa bundu kangi alinkutuma ikifūngiligwa kila ku kīsu. Ikyēne kyãli Kyãbùpi Kyãke ikikulumba-fiyo ikyãkwànda ukupyanikisya u Nsīngilìgwa Gwãke.

Polelo Kyāla alinkutuma ikifūngiligwa ikīngi ikikulumba ku Nsīngilìgwa Gwãke. Umwẽne ãtuganìle uswe fīyo mpaka Umwẽne ãlísìle nu kwīsetùla Mwēne mu nyõfu kamokene kãngi ukuti Umwẽne ãbagìle ukuyoba kwa uswe umulomo ku mbulukutu. Umwẽne alõndaga Mwēne nu Nsīngilìgwa Gwãke ukuya Yumo.

Kãngi lilino bīnàngu, komma ukumbilikisya une mbusobi. Ndiyoba une iki nu lugīndiko mu ndumlbula yangu, mmenye ukuti une ne mūndu gwakubuka-Kwãsyèpwa uyu isakwisa pankyēni pa Bulongi ilisiku limo: Maelifu ga bandu bikupondwa ikyãbùpi kyãbo. Muketile? Abẽne bakabagila ukupilikisya ikyēne. Kangi abẽne bikuketa, kangi bikuyoba, “O, umwẽne yo nyãmbàla itolo,” ikyo kyãbwãnálòli. Ngimba ãli Kyāla pamo Mõse uyu abãngìle abãndu. Ikyēne ãli Kyāla mwa Mõse. Muketile? Abẽne bãkútìle kuli umbangi. Kangi akabalilo kãko Kyāla ãtumìle umbangi ku bēne, abēne bãtolìgwe ukukēta ikyēne, panongwa yakuti ikyēne kyãli ukwīsìla mu nyãmbàla yumo, lõli ikyēne kikãli u nyãmbàla yula mma, ikyēne ãli Kyāla mu nyãmbala.

Umwīsyùgu, kamokene kangi, maelifu bikupondwa ikyãbùpi kyãbo kangi bikuyoba, “ugwe utikufumbwa ukupilika matepi, balipo lilino bīngi abanyambàla abapakigwe,” iki kyo kyãbwãnálòli, lõli abēne bikutoligwa ukukyagania Ilyēne lyo Lisyu-lya-pakanwa LYĒNE lisisimikisigwe na Kyāla, likuyoba Isi Syo Ikuti U Ntwa ukukindamo mu nyãmbàla yula. I Lisyu-lya-pakanwa lila lyo Urim na Thumim gwa Kyāla, u Kimalisye Gwãke kuli umwīsyùgu.

Akabalilo kãko uswe tukupilika i Lisyu-lya-pakanwa Lyãke pa matepi uswe twe mbwanaloli tukunwa ukufuma ku Kisiba kya Kyāla Ikinyibuke, iki kitikufumbwa nu kufiga nakumo, ukukwaba nakumo, ukwingisania nakumo, nakumo ukukapa; uswe twe itolo tukwitika nu kutusya pa Lisyu lililyõsa ili Liyobigwe.

Ukwīsìla mu kupilikisya ku Lisyu-lya-pakanwa pa matepi, ukufwana na Yeso Mwēne, uswe tuli nu buketi bwabwanaloli bwa Mbepo Mwīkèmo mu lisiku lyītu.

Polelo pala bulipo ubuketi bwabwanaloli bwa Mbepo Mwīkèmo! Umwẽne akãmbúlàmo une siku kalikõsa akasobi mpaka nalino. Ukuti, “Ubwēne bo buketi bwa Mbepo Mwīkèmo, yo umwẽne uyu abagìle ukwītìka i Lisyu.” Ugwe ubagīle ukwambilila Ikyēne.

Kyāla atupele uswe i Nyībùko yimo uswe tubagile ukunwãko iminiti yiliyõsa lya lisiku lililyõsa. Iyēne yo bwīla mbūpwe. Komma kimo ikindukimo ikilūlàle, Iyēne yo Yãke insitakumalika, Nyībùko iyakwītùla-yēne; ugwe itolo kufimbilisigwa u Kubinda Kuba.

Ukuyoba isya i KYÃBÙPI ukufuma kwa Kyāla, ngimba ugwe ubagīle ukwīnogónèla bo BUNYWAMU bulebule i Kyãbùpi iki kyãbwãnálòli bule? Ukwīsìla mu Kubinda Kuba nu kupilikisya ku LISYU-LYA-PAKANWA LYENE mu kīsu ugwe utikufumbwa isefa, ikisujilo, pamo akandu kalikõsa. Ugwe itolo kupilikisya, kwītika, nukuyoba ameni ku Lisyu lililyõsa.

Kyāla Mwēne yo apele injila iyi, INJILA YAKE NTIGA, ukwambilila u būmi bwãsyèpwa, kangi ikipala fiyopo, UKUYA NSĪNGILÌGWA GWÃKE. Uswe tubagile itolo ukulambala pa kipambaga Kyãke nu kunwa amaka gitu ukufuma ku kupilikisya ku Nyībùko Yãke, i Lisyu-lya-pakanwa Lyãke, El Shaddai ikuyoba ku Nsīngilìgwa Gwãke.

Ikyinja iki kili yaga kyīnja Umwẽne ikwīsa kuli uswe, u Nsīngilìgwa Gwãke unganigwa. Uswe tukukètèsya kangi tukugūlìla nu lugūlìlo ulukulumba. Ilisiku lililyõsa lilino uswe twisakubabona aba twīsyúkìle ukukēta bikuboneka. Uswe twīsakwágània, mu kabalilo ka kukupisya ikisige, uswe twisakuyaga pãnja pa apa, tubilikigwe ku Mugonelo gwa Bwēgi.

Ntwa, bo uswe tukukēta ikigemo ikikulumba kila kibãlulìgwe kubutali kula kuli u mugonelo gula, amamailosi maelifu mbutali, tukukēta yumo ku nnine ukukilania i kigemo, abafuma-kubwite abafikoko fyakubwite, amãsòsi ga buhofu gikusululuka pãsi pa Masaya gitu…U Mwalafyale ikusoka pãnja mu bumogi Bwãke, ubwikemo, ikwenda ukusuluka pa kigemo nu kwega amaboko Gake Mwēne nu kupuputa amãsòsi ukufuma mu fisige fyītu, ikuyoba, “Komma ukulila kangi mma, ikyēne kimalike lõsa. Ingila mu mabuhofu ga Ntwa.” Isukuliko sya nsebwe sisakiboneka ngati nakimo akabalilo kala, Tãta, akabalilo kãko uswe tukufika ku bumalikisyo bwa njila.

Isaga kangi inwa, kangi inwa, kangi inwa ku Nyībùko imbīgwe na Kyāla kuli umwīsyùgu na uswe Pandungu ugu pa 12:00 PAMUSI, akabalilo ka Jeffersonville. Ubwēne bo buyo BWENE ugwe ubagīle lõsa ukwiyēkela nu kuyoba AMENI ku Lisyu lililyõsa ugwe kupilika. Ikyēne kyo Kyãke i Kisiba Kyãke ipīgwe kuli u Nsīngilìgwa Gwãke ukunwãko.

Nkundwe Yosefu Branham

Ndumi: 64-0726E Amapīpa Amalēndémùke
Masimbo agakubala bo kukãli ukupilikisya i Ndumi:

Masalimo 36:9
Yeremiya 2:12-13
Mwīkèmo Yõhàni 3:16
Busetuli Untu gwa13

Gwempala Nsīngilìgwa Mbūtìgwe-Lõsa,

Umwīsyùgu, i kipãnga kībìbwe unsololi gwãbo. Abẽne btikumfūmbwa umwẽne kangi mma ukulūmbilìla mu fipãnga fyãbo. Abẽne bikwīyóbèla abẽne bali na batimi bãbo ukulūmbilìla ku bēne nu kwãndìsya nu kulīngània i Lisyu. Ukulūmbilìla ko kupala ukukinda ukupilikisya i Lisyu-lya-pakanwa lya Kyāla pa matepi mu fipãnga fyãbo.

Lõli Kyāla ãmēnye Umwẽne afīmbilisìgwe ukuya nu nsololi Gwãke; umo momumo Umwẽne bwīla abilikile pãnja nu kulõngòsya u Nsīngilìgwa Gwãke. Umwẽne ikubūta uswe pãnja ukufuma ku ifisyale fya fikolo nu Lūbo Lwãke ulwa lwembe-kubili, Mbepo Gwãke Mwīkèmo, i Lisyu-lya-pakanwa Lyãke liyobīgwe nu nsololi Gwãke.

Umwẽne abūtìle uswe ni Lisyu-lya-pakanwa lila. Fyobene Umwẽne ãli na Ilyēne lisīmbìgwe nu kubĩkigwa pa tepi. Nu Busetuli uswe tukukēta lyo lipelelesye i Lisīmbo lili! U Nsīngilìgwa akabagila ukutona penepapo u Mwanundumiana ikutonesya ikyēne.

Kali ugwe kulūmbilìla bwingi bulebule, kilikyõsa iki ugwe kubõmba, ikyēne kikabagila ukutona, ikyēne kikabagila ukuboneseligwa, ikyēne kikabagila ukusisimikisigwa; Mwēne ukwīsìla mwa Umwẽne Yuyo ãyobìle, “Une me Bwēlu bwa kīsu,” i Lisyu.

I Lisyu lyãtubúlìle uswe u Mbepo Mwīkèmo Mwēne isa kwisa pãnja nu kututonesya uswe, ukutubiki’ubuketi, ukusisimikisya nu kupela Mwēne abonekelege. Ubwelu bwa kunamayolo bwīsìle. Kyāla ikwibonesya Mwēne mu nyõfu ikubilikila pãnja u Nsīngilìgwa Gwãke.

Umwẽne yo Yumo uyu abilikìle UGWE pãnja na Mbepo Gwãke Mwīkèmo, Lisyu Lyãke, Lisyu-lya-pakanwa Lyãke. Umwẽne yo Yumo uyu ãsálìle UGWE. Umwẽne yo Yumo uyu ikumanyisya UGWE. Umwẽne yo Yumo ikulõngosya UGWE. Ukwīsìla mu fiki? Mbepo Mwīkèmo Gwãke, Lisyu-lya-pakanwa Lyãke likuyoba NUKUTALULA KWA UGWE.

Lõli Ilyēne lyo lya kayilo-kaiyolo fiyo ku bēne mu lisiku ili. Abẽne bakisenie pa kukuba amatepi mu fipãnga fyãbo. Abẽne batikulyãgania Ilyēne. Fyobene bali nkayilo abēne balimo. Lõli kwa ugwe, Ilyēne lisetuligwe ukuya njila imbīgwe-na-Kyala, ILYĒNE LYO ISI SYO IKUTI U NTWA KWA UGWE.

Popãpo pabagile ukwīsa pãnja a–a–a Maka, u Mbepo Mwīkèmo Mwēne, ukutonesya, pamo ukusisimikisya, pamo ukusisimikisya, pamo ukupela kiboneke kila kikyo Umwẽne ãkūngulwìke kyãbágìle ukuboneka mu lisiku ili. Ko kabalilo nki!

Uswe yūswe Nsīngilìgwa gwa Lisyu gwa Kyāla umpēlelèsye u nsololi Gwãke ãkétìle mu mboniboni yila. Uswe twe bãbo Umwẽne ãtumile u nsololi Gwãke ukubilika pãnja ni Lisyu Lyãke, kãngi lilino tukuya nu LUYIGO, kabuno uswe lilino tumenye ywani uswe tuli.

Yiga, pala, lilipo i lisyu lilalila libõmbelìgwe kulikosa ukungi, une itolo nãkētésìsye ilyene mu dikishonale, likusanusya, “uluyigo.” Umwẽne isakuyiga uswe ukufuma pa masiku mabili.” Ikyo kisakuya, “Mu lisiku lyabutatu Umwẽne isakuyiga uswe kangi, ukufuma pãpo Umwẽne ãtubálènie uswe, nu kutukupilila uswe, nu kututãfulánia.”

Tãta ãtumìle u nsololi ukukētelela u Nsīngilìgwa Gwãke ukuti uswe tukasõkilepo panja likato. Kumbukilaga, iyi yãli mboniboni.”

U Nsīngilìgwa ãkisaniaga mu buyo bulabula ubu Umwẽne ãli akabalilo kãko Umwẽne ãli ku bwãndìlo. Lõli une nanketesyaga Umwẽne ikwīsa pãnja pa likato, kangi ikugela ukunkwaba Umwẽne ukugomokela.

Lõli ãbagìle bulebule “umwẽne” ukukwaba umwẽne ukugomokela umwīsyùgu? “Umwẽne”, unyãmbala, akaya apa pa kīsu. UKWĪSÌLA MU LISYU! Ngimba lyo Lisyu LYENE nki ili lisisimikisigwe kuli umwīsyùgu? I Lisyu-lya-pakanwa lya Kyāla pa matepi.

Ababõmbi babilikigwe ukulumbilila i Lisyu ukwīsìla mu kwandisya katikati iki u nsololi ãyobìle. Ukufwana nu nsololi mwēne, abēne bo bãkuyoba nakimo ikyakõngelelapo.

Mbwanaloli, abēne babilikigwe ikumanyisya nu kulumbilila i Lisyu lila. Lõli lilipo LYENE I LISYU-LYA-PAKANWA LIMOLYENE ILI LISISIMIKISIGWE NA KYALA MWĒNE UKUYA ISI SYO IKUTI U NTWA.

Momumo nguyobela une, mu Ngamu ya Yeso Kristi: Komma umwe ukõngelèla ikindu kimokyēne, komma ukwegako, ukubīka inyīnogòno syako gwīmwène mu Lyēne, ugwe yoba itolo iki kiyobigwe pa matepi gala, ugwe itolo bomba katikati u Ntwa Kyāla alagile ukubõmba; komma ukõngelélàko ku Lyēne!

Linga ugwe kuyoba “ameni” ku lisyu lililyõsa untimi gwãko pamo undumbilili ikuyoba, ugwe uyõngìle. Lõli linga ugwe kuyoba “AMENI” KU LISYU KYALA ÃYOBÌLE UKUKINDAMO MWA NSOLOLI GWÃKE PA MATEPI, UGWE GWE NSĪNGILÌGWA KANGI UGWE KWISA KUYA NU BŪMI BWÃSYÈPWA.

U nsololi gwa Kyāla ãli nyãmbàla Kyala ãsálìle ukuyobelamo. Ukwēne kwãli KUSALA KWA KYĀLA ukubõmbèla umwẽne ukuyoba i Lisyu Lyãke nu kubika Ilyēne paatepi ukuti u Nsīngilìgwa ãbagìle AKABALILO KÕSA UKUYA NA ISI SYO IKUTI U NTWA UKUPILIKISYA.

Umwẽne atikulonda u Nsīngilìgwa Gwãke ukusubila pa iki abanyambàla abãngi bikuyoba, pamo ulusanusyo lwãbo lwa Lisyu Lyãke. Umwẽne ikulonda u Nsīngilìgwa Gwãke ukupilika ukufuma ku milomo Gyãke ku mbulukutu syãbo. Umwẽne atikulonda u Nsīngilìgwa Gwãke ukusubila pa aligwēsa uyungi lõli Mwēne.

Akabalilo kãko uswe tukusumuka ndubunju, uswe tukugana Umwẽne ukutubula uswe, “Ulubunju ulununu bīnàngu. Une nguyaga pakuyoba kwa umwe umwīsyùgu nu kubabūla umwe bo bunywamu nki Une mbaganile umwe na mūmo umwe na Une tuli YUMO. Une ndinabo bīngi aba Une nisa kupako ubumi bwãsyèpwa, lõli UGWE gwīmwène gwe Nsīngilìgwa unsaligwepo. Gwīmwène UGWE mbeleko Une u Busetuli bula bo lukãli ulwãlo lwa kīsu.

Bīngi abãngi bikugana ukumbilika une, lõli Une nsalile ugwe ukuya Nsīngilìgwa Gwangu. Kabuno ugwe unyãgènie Une kangi gwīmìle ni Lisyu Lyangu. Ugwe ukapepusyako mma, ugwe ukēndendeka mma, lõli gwīmìle gwanaloli ni Lisyu Lyãngu.

Akabalilo kali kūsùlo. Une ngwisa kuli ugwe lululu ulu. Ikyãkwànda, umwe mwisa kuketa aba Bali na une lilino. O, mūmo abēne bīsyúkìle ukukēta Ugwe nu kuya na Ugwe. Komma ukupasya banini bala, kilikyõsa kyo nubupelelesye pa kabalilo, itolo umilisya ukuguta.”

Ngati mbombi gwa Nongwainunu, une ngabagila ukukēta ikindu kimokyēne kisyeleko lõli ukubuka kwa Nsīngilìgwa.

Nkundwe Yosefu Branham

Ndumi: 64-0726M “Ukwagania Ilisiku Lyãko Ni Ndumi Yãke”
Kabalilo: 12:00 PAMUSI, kabalilo ka Jeffersonville
Masimbo ukubala pabutasi bwa kupilikisya i Ndumi:

Osiya: Untu 6
Esekieli: Untu 37
Malaki: 3:1 / 4:5-6
Gwãkibìli Timoti: 3:1-9
Busetuli: Untu 11

Gwempala Nganigwa

Kyala atikwanduka. Lisyu Lyake litikwanduka. Ulubatiko Lwake lutikwanduka. Kangi u Nsingiligwa Gwake atikwanduka, uswe twisa kusyala ni Lisyu. Ilyene lyo ukukinda bumi kwa uswe; Ilyene lyo nyibuko ya Misi ga Bumi.

I kindu kyene uswe tulagililigwe ukubomba ko kupilika i Lisyu, ili lyo lisisimikisigwe Lisyu-lya-pakanwa lya Kyala ili lisimbigwe nu kubikigwa pa matepi. Ikindu kyene iki uswe tukuketa kyo kikaya kamanyisyo kamo, kamo ikibugutila kimo kya banyambala, uswe tukuketa nakimo ikingi loli Yeso, kangi Umwene yo Lisyu lipeligwe nyofu mu lisiku lyitu.

Kyala ali Bugonelo bwitu kangi uswe tuli pa nsebwe ku Lwimiko tukulongosigwa ni Mbanda ya Moto, iyi yo Kyala Mwene ikuyoba ukwisila mu Gwake unsololi unsisimikisigwe gwa Malaki 4. Uswe tukulya gala a Manna amafisigwe, a Misi ga Bumi aga mwene u Nsingiligwa abagile ukulya.

Kyala atikwandula injila Syake, kangi napamo u mohesi ikubomba isyake. Iki umwene abombile ifyinja 2000 ifi fikindile, umwene ikubomba ikindu kilakila umwisyugu, ukupagulako umwene afikilepo ukuya nkomupo.

Lilino, ukufuma pa fyinja bamia bana, Kyala alyendile palapala pakati pa bene ilisiku limo. Ukufwana ni Lisimbo, Umwene apeligwe nyofu nu kwitugala pakati pa bene. “Ingamu Yake yisakubilikigwa Mfundi, Nsoka gwa Lutengano, Kyala Gwamaka, Tata Unsitakumalika.” Kangi akabalilo kako Umwene alisile pakati pa bandu, abene balinkuti, “Uswe tutisa kuya nu Nyambala uyu ukulagila pamwanya pa uswe!…”

Ukufwana ni Lisimbo, u Mwanundumiana gwa Mundu aabagile ukwisa kamokene kangi nu kwitugala nu kwisetula Mwene mu nyofu gwa bundu, kangi Umwene aabombile, kangi abene bikuyoba ikindu kilakila, abene bikwandisya nu kulumbilila i Ndumi, loli abene batisa kuya nu nyambala yula ukulagila pamwanya pa bene.

Iki kyo katikati iki kikuboneka:

Kangi bomumo ikyene kyaali lulo, momumo ikyene kili lilino! I Bangeli lyayobile ikipanga kya Laodikiya angali kikumbika Umwene panja, kangi Umwene aakung’usyaga, ikugela ukwingila nkati. Kilipo ikindukimo kisobile pabuyobumo. Lilino, nongwa ya fiki? Abene bateendike u bugonelo bwabo bene.

U mundu abagile ukuyoba, “Une mmenye nu kwitika Nkundwe Branham aali nsololi yumo. Umwene aali gwandumi gwakihano-na-kibili. Umwene aali Eliya. Uswe tukwitika i Ndumi iyi. Polelo ukupela uluko lumo lwa kuleya, kiyege kilikyosa ikyene kili, kisita kukina lyo LYENE ilisisimikisigwe i Lisyu-lya-pakanwa lya Kyala mu kipanga kyabo… Kilipo ikindukimo kisobile pabuyobumo. Lilino, nongwa ya fiki? Abene bateendike u bugonelo bwabo bene.

Une nguyoba ifindu ifi komma ukutapulania i kipanga, i Lisyu lya Kyala likubomba ikyo. Une ngulonda uswe ukoongana palikimo, ukuya KIBUGUTILA KIMO na yumo nu nnine kangu nu Mwene, loli yilipo injila yimoyene ukubomba ikyo: ukusyungutila i Lisyu-lya-pakanwa lya Kyala pa matepi. Ikyo kyo MWENE ISI SYO IKUTI U NTWA gwa Kyala.

Kyala asetwile injila Yake imbelelesye kwa uswe. Iyene yo yalwimiko fiyo kangi loli mbembe fiyo. Yiliyosa i Ndumi uswe tukupilika Umwene ikutubula uswe, ukutusisimikisya uswe, ukutukasya uswe, ukuti USWE TWE NSINGILIGWA GWAKE. Uswe tuli mu bwigane Bwake ubupelelesye. Uswe twitendike twibene biitendekesye ukwisila mu KUPILIKA UMWE UMWENE.

I Ndumi iyi yo yalilino fiyo ukukinda inyuzi ya kilabo. Uswe tuli busololi bukufwanikisigwa. Uswe twe Lisyu libonesigwe. Kyala ikusisimikisya kwa uswe na kila Ndumi uswe tukupilika ukuti ilisiku ili, i Lisimbo ili likufwanikisigwa.

Babagile ukuyapo bamo ukukilania i fisu, ukusyungutila i kisu-kya-pasi, aba nit epi iyi yaabagile ukwagana nabo mu twaya twabo pamo mu fipanga fyabo. Uswe tubagile ukusuma, Ntwa, bo ububomelo bukukindilila, ku—ku…pamo i tepi bo yikukubigwa, pamo bo buyo buki uswe tubagile ukuyabo, pamo—pamo akayilo, u Kyala unkulumba gwa Kumwanya ali gindikaga ubwanaloli-ndumbula ubu ubwa ndumbula syitu ulubunju ulu, nu kubumbulusya abafumbwe, ukubapa abene iki abene bafumbilwe.

Gulila itolo i miniti…ngimba i Lisyu-lya-pakanwa lya Kayala ku kisu-kya-pasi lyasolwile itolo nu kuyoba?…abandu bisa kukubaga amatepi mu twaya twabo pamo ifipanga fyabo.

Loli uswe tukulondesigw’ubusobi kangi tukumaniligwa ukwisila mu kuyoba uswe TUKABAGILA ukuya ni Kipanga Kyatepi Kyankaya? Nkundwe Branham akaayobilemo siku kuba amatepi mu FIPANGA fyinu?

LWIMIKO KWA KYALA, PILIKA ILYENE, BALA ILYENE, ILYENE LYO ISI SYO IKUTI U NTWA. Kangi komma itolo ukuti UMWENE aayobile ikyene, loli ukwisila mu kukuba amatepi mu twaya twinu ni fipanga, u Kyala unkulumba gwa Kumwanya isa kugindika ubwanaloli-ndumbula bwa ndumbula syitu nu kubumbulusya abafumbwe nu kutupa uswe KILIKYOSA USWE TULINAKYO MU BUFUMBWE!!

I kyakwandisya kimokyene iki KIKUSISIMIKISYA abandu bikupilika ku batimi babo kangi BATIKUPILIKA MMA I LISYU, kisita ikyo abene angali bikutatika abene nu kusisimikisya ku bene ukwisila mu Lisyu uswe tuli mu BWIGANE BWAKE UBUPELELESYE, kangi ikyene kyo mu BWIGWANE BWAKE UBUPELELESYE UKUKUBA AMATEPI MU FIPANGA FYABO.

Une ndi kusoba-ukubika pamo ukusoba-ukwandisya i Lisyu ngati mumo bingi fiyo bikuyoba une ngubomba. Pilika Ilyene kangi bala Ilyene pa gwimwene.

Ikye kyo kipepe fiyo kangi kipelelesye fiyo, itolo BINDA KUBA kangi pilika i Lisyu-lya-pakanwa lya Kyala likuyoba kwa ugwe. Yoba “Ameni” ku Lisyu lililyosa ugwe kupilika. Ugwe utikulondigwa nu kupilikisya Ilyene, ugwe itolo kufimbilisisigwa ukwitika Ilyene.

“Une ngulonda ukubuka panja pa bugonelo. Kali ikyene kikweegela fiki une, une nisa kwega ikipingika kyangu nu kupimba ikyene ilisiku lililyosa. Une nisa kubuka ukukinda ubugonelo bula. Kali abandu bikuyoba fiki isya une, une ngulonda ukukongesya Umwene panja pa bugonelo. Une niitendekisye ukubuka.”

Isaga kangi buka ukukinda umpaka gwa kogo ukwingila mu Lisyu lya Kyala na uswe Pandungu ugu pa 12:00 PAMUSI, akabalilo ka Jeffersonville. Ikyene kyo kisitampaka iki Kyala abagile ukubomba kangi isakubomba nu mundu uyu iitendekisye ukubuka ukukinda pa bugonelo bwa mundu.

Nkundwe Yosefu Branham

Ndumi: 64-0719E Ukubuka Ukukinda U Bugonelo

Masimbo: Bahiburi 13:10-14/ Matai 17:4-8

Gwempala Nsīngilìgwa Umpēlelèsye

Iki kikaya itolo kyakusyobekesya, bīnàngu. Iki kyo ISI SYO IKUTI UNTWA, i Lisimbo.

U Nkristi ikulonda ukuya Nsīngilìgwa, lõli uswe tumenye u Nsīngilìgwa Gwãke isakuya itolo u nnandi unsaligwa banandi. Uswe tumenye Umwẽne ali nu bwīgàne ubwabupubisigwe, lõli u Nsīngilìgwa Gwãke abagile ukuya mu bwīgàne ubupelelesye. Popãpo, we tukufīmbilisìgwa ukulondesya Kyāla mu Lisyu Lyãke, kangi nu Busetuli, uswe twisakumanya u bwīgàne Bwake ubupelelesye mūmo tubagile ukuya Nsīngilìgwa Gwãke.

Uswe tukufīmbilisìgwa ukulondesya i Lisīmbo, kabuno uswe tumenye Kyāla atikwandukamo NASIKU ilīnogonèlo Lyãke ukufwana ni Lisyu Lyãke. Kyāla atikwandulamo ulubãtìko Lwãke. Umwẽne atikwandulamo siku KALIKÕSA. Injila Umwẽne ãbómbìle ikyēne akabalilo kakwanda yo mbelelesye. Iki Umwẽne ãbómbìle mmayolo Umwẽne isakubõmbàga umwīsyùgu.

Muno Umwẽne ãpokìle u mūndu ukufuma ku bwãndìlo, Umwẽne abagìle ukupoka u mūndu injila yilayila. Muno Umwẽne ãbūmbulwìsye u mūndu ugwakwanda, Umwẽne ikufīmbilisìgwa ukubõmba ikyēne injila yilayila umwīsyùgu. Muno Kyāla ãsálìle akakõlelèlo na kalõngolèle ka Nsīngilìgwa Gwãke, Umwẽne isakubõmbàga ikyēne injila yilayila umwīsyùgu, kabuno Umwẽne yo Kyāla kangi akabagila ukwanduka. I Lisyu likutubula uswe ukuti Yeso Kristi yo YULAYULA mmayolo, umwīsyùgu na bwīlanabwīla.

Popãpo, akabalilo kãko uswe tukubala i Lisyu Lyãke, uswe tubagile ukukēta pabwēlu Mūno Umwẽne ãsálìle ukukõlèla nu kulõngólèla u Nsīngilìgwa Gwãke kila ngulilo. Umwẽne ãsálìle u NYÃMBÀLA YUMOYWENE. Umwẽne ãyobìle abēne bãli Lisyu kuli ilisiku lyãbo. U nsololi ãtubúlìle uswe Umwẽne NASIKU ãli ni kibugutila kya banyambala; abēne bãli ni njila ingīndàne, inyīnogòno ingīndàne, kangi ikyakulõndìgwa fiyo, Umwẽne ãyobìle, ILISYU LYA KYĀLA LIKUFUMBWA UBULINGANIO NABUMO.

Kokuti, iki kila nsololi ãyobìle mu kila ngulilo kikabagila ukõngelélìgwako pamo ukusõsigwàko. Ikyēne kibagile ukuya Lisyu pa Lisyu iki UMWẼNE ÃYOBÌLE. Kipepe fiyo linga umwe mukundãlùsya une yiliku injila imbīgwe na Kyāla…SYALA NU NSOLOLI.

Lilino, uswe tutikumanya itolo katikati iki injila imbīgwe na Kyāla ukufuma ku bwãndìlo yifumile pakuya, u Ntwa yõpe isakuyoba ukwīsìla mu gwãndùmi Gwãke nu kutubula uswe iki Umwẽne isakubõmbàga ku nkyēni, itolo ukusisimikisya kamokene kangi, KYALA AYIKWANDULAMO U LUBATIKO LWÃKE.

Ukufuma pãpo u Nsīngilìgwa Gwãke (uswe) asõkílèpo pa kīsu iki kangi bikukoleligwa ku Mugonelo Gwabwegi, ngimba bo bulebule u Kyāla ikuyaga pakubilikila bala 144,000 abasaligwa a baYuda? Ikibugutila kya banyambala?

Lilino, mbimbibi bo i Kipãnga iki (u Nsīngilìgwa) akwabīgwe palikimo, Umwẽne ēgìgwe mmwanya; kangi kila ikyãkubutìtu kya Fūngìlo Yabuhano-na-bubili, ikyãkubutìtu kya kubūka. Kangi a baYuda ikukõlelìgwa ukwīsìla mu kyambutitu kya Ngangabwite Ihano-na-ibili, Eliya na Mõse, kangi abẽne bikwisa ukugomokela.

Popãpo mbimbibi bo u Nsīngilìgwa akwabīgwe palikimo, uswe twisakwegigwa mmwanya. Uswe tumenye kilipo ikindu kimokyēne iki kibagile ukukwaba u Nsīngilìgwa palikimo, Mbepo Mwīkèmo, kangi u Mbepo Mwīkèmo yo Lisyu Lyãke, kangi i Lisyu Lyãke kuli umwīsyùgu lyo Lisyu-lya-pakanwa lya Kyāla, kangi i Lisyu-lya-pakanwa lya Kyāla lyo…

Linga une ngusulumanisye ugwe mukuyoba ikyo, nswaga une, lõli, une nīpilìke kila kyãbágìle ukubengigwa, lõli une ne Lisyu-lya-pakanwa lya Kyāla kwa ugwe. Muketile? Une nguyoba ikyo kangi, akabalilo kala kyãli pãsi pa bupūtílìgwe, umwe muketile.

Une ndi ingisyapo papapa apa mukuyoba, itolo IKYAKWÃNDÌSYA KIMOKYĒNE iki ukufuma nsisimikisigwe gwãndùmi ntumigwa kibagile ukuya kifwene kuli bõsa abīyobele bo-lūlo bītìki mu Ndumi iya kabalilo-ka-bumalikisyo iyi ikufīmbilisìgwa untimi gwãbo UKUBINDA NU KUKINA mu fipãnga fyãbo pamo basõkèpo ukuti abẽne babagile ukusala untimi yumo gwa BUSETULI BWÃNALOLI UKUFUMA KWA KYĀLA.

Polelo, i Ngangabwite yãkubìle kangi abasololi babili bala bikuboneka kabuno Umwẽne akabagila ukuya na gwãndùmi Gwãke gwakihano-na-kibili nu Nsīngilìgwa Gwãke apa pa kīsu pa kabalilo kamokene abēne bikwisa. Polelo ngimba Umwẽne ikubilikila bulebule abaYuda? Injila yilayila Umwẽne ãbilikìle u Nsīngilìgwa Gwãke Gwãpànja.

Kangi abaYuda ikukõlelìgwa ni kyambutitu kya Ngangabwite Yabuhano-na-bubili, iki kyo basololi babili…

U Nsīngilìgwa ikufīmbilisìgwa ukusema pãnja pa njila, ukubuka mmwanya; ukuti ababombi babili bala, ababombi babili ba Kyāla, mu Busetuli, abasololi babili, babagile ukuboneka pa buyo, ukukuba i Ngangabwite Yabuhano-na-bubili ku bēne, ukupela abēne amanyigwe ku bēne u Kristi.

Lyapabwelu kanunu, Kyāla atikwandula u lubatiko Lwãke. Umwẽne ãtumìle a basololi Bãke. Kokuti, u Nsīngilìgwa Gwãke isakusyala ni njila Yãke imbīgwe, u nsololi gwãndùmi Gwãke, i Lisyu-lya-pakanwa lya Kyāla pa matepi.

Polelo ukupela ikyēne ukuya kyapabwelu kilãngàle, Kyāla kamokene kangi ikuyoba kangi ikumbula u Nsīngilìgwa Gwãke: Ugwe usyele Nsīngilìgwa kwa Une ni njila Yangu imbīgwe, polelo injila Yangu imbīgwe kuli iliku ili lisakuyoba kwa ugwe:

U gwãndùmi gwakihano-na-kibili, untumigwa, ikuyoba, “Kēta u Kyang’osi gwa Kyāla uyu ikwēga ukusosyàpo ubutulwanongwa bwa kīsu!”

Lyo lipala fiyo i LISYU-LYA-PAKANWA LIKA; I LISYU-LYA-PAKANWA LYA KYĀLA likuyoba ukwīsìla mu gwãndùmi Gwãke gwakihano-na-kibili pa matepi. Kyāla isakubombela i LISYU-LYA-PAKANWA LILA, I LISYU-LYA-PAKANWA LYA GWÃNDÙMI GWÃKE GWAKIHANO-NA-KIBILI. KOMMA IKIBUGUTILA…KOMMA UNE…KOMMA UNTIMI GWÃKO…I LISYU-LYA-PAKANWA LYA GWÃNDÙMI NTUMIGWA GWAKIHANO-NA-KIBILI ukututwala uswe ku Mwēne, ugwitu Ntwa Yeso Kristi.

Kokuti, uswe TUKUMANYA:

• USWE YUSWE NSĪNGILÌGWA GWÃKE
• USWE TULI MU BWĪGÀNE BWÃKE UBUPELELESYE
• USWE TUKUKONGA ULUBÃTÌKO LWÃKE KULI UMWĪSYÙGU UKWISILA MU BINDA KANGI KINA.

Akayabo ka Nsīngilìgwa Gwãke isakukomanaga Pandungu ugu pa 12:00 PAMUSI, akabalilo ka Jeffersonville, ukupilika ku ntimi gwītu, gwãndùmi ntumigwa gwa Kyāla, William Marrion Branham, kangi umwẽne isakuyobaga kangi isakusetulaga kwa uswe ukuti kikayako nakimo ikipãnga ikīngi, nakimo ikibugutila ikīngi Kya bãndu ukufuma ku lwalo lwa kīsu, iki kilimo siku nu lusako ulu uswe tuli nalo ukuya bõngàne palikimo ukupilika ku nsololi gwa Kyāla ikuyoba nukutalula ku bēne.

Bo bandu basayigwa baki uswe tuli. Uswe tuhobwike fiyo. Uswe twe bãkupálìsya fīyo. U Nsīngilìgwa ikuya YUMOYWENE bu Nyãmbàla.

Nkundwe Yosefu Branham

U Lusekelo Lwa Ngangabwite Sila 64-0419M.

Amasimbo ga kubala bo mukãli ukupilikisya i Ndumi:
Banyalevi 16
Banyalevi 23:23-27
Yesaya 18:1-3
Yesaya 27:12-13
Busetuli 10:1-7
Busetuli 9:13-14
Busetuli 17

Sermon: 64-0213 Polelo Yeso Alinkwisa Kangi Alinkukoolela

PDF

• 25-1207 Polelo Yeso Alinkwisa Kangi Alinkukoolela
• 15-1122E Polelo Yeso Alinkwisa Kangi Alinkukoolela

BranhamTabernacle.org

Gwempala Nsīngilìgwa gwa Lisyu,

Uswe tukwītúgàla mu sala isyangisi ukukinda syõsa, lõli uswe tukaya nu LUTENDE NALUMO, u Fundi īsìle. Umwẽne īsìle ukufwanikisya i Lisyu Lyãke mu lisiku lwabumalikisyo. Iki Umwẽne ãli akabalilo kala, Umwẽne ali umwīsyùgu. Iki ububonokesyo nu bulinganisigwe Bwãke bwãli akabalilo kala, ikyēne kili umwīsyùgu. Umwẽne akãli yo Lisyu lya Kyāla, ikwibonesya-pabwelu Mwēne mu nyõfu gwabūndu mu gwãndùmi Gwãke ugwamaka ugwakihano-na-kibili kangi asetwile kwa uswe, uswe yuswe Gwãke gwabumi Nsīngilìgwa gwa Lisyu.

Uswe tukaya na kabalilo akakutatikana pamo ukumana; uswe tukīndìle ilisiku lila; uswe tukubuka nkyēni, uswe tukulondigwa ukufika kula. U Mbepo Mwīkèmo īsìle pakati pa uswe. U Ntwa Yeso mu luko lwa Mbepo asetwile nu kwinãngisya Mwēne ukwīsìla mu nsololi Gwãke ukuti Umwẽne yo Lisyu-lya-pakanwa lya Kyāla ku Nsīngilìgwa Gwãke.

Umwẽne ãyobìle Umwẽne īsakwisàga. Umwẽne ãyobìle isakubõmbàga iki. Umwẽne ãyobìle Umwẽne isakutupukaga pa buyo mu masiku gabumalikisyo nu kubomba ifindu ifi bomūmo Umwẽne ãbómbìle akabalilo kãko Umwẽne ãbõmbìle akabalilo kãko Umwẽne ãlísìle mu nyõfu akabalilo kakwanda, kangi apa Umwẽne ikubomba ikyēne. Ngimba umwe mukutila fiki?
NAKIMO!!!

Uswe tuli pa nsebwe gwītu ku Lwīmìko! NAKIMO kisakutwīmìka uswe. Kyāla isakusisimikisya i Lisyu Lyãke. Une ndikupãsya iki kikubonekaga pabuyo. Akabalilo kīsìle kuli akabombo. Akabalilo kīsìle ukwītìka pamo komma ukwītìka. Lula ulukindi-lwakupãgulania ulu lukwisa ku nyãmbàla nu nkīkùlu aligwēsa lufikile.

Ugwe gwãpãpìgwe kuli ulubīngililo lumo. Akabalilo kãko u Lumuli lwakutikile ugwe, Ulwēne lwalyēgìle ubutītu bõsa ukufuma mwa ugwe. Akabalilo kãko gwãpilìke i Lisyu-lya-pakanwa Lyãke likuyoba kwa ugwe pa matepi, ikindukimo kilinkuboneka kwa ugwe. Ilyene lyãyóbìle ku moyo gwãko. Ilyēne lyãtìle, “U Fundi īsìle kangi ikubilikila ugwe. Komma ukuya nkatale, komma ukutìla, Une ngukubilikila Ugwe. Ugwe yugwe Nsīngilìgwa Gwangu.”

O bãndu, yaga basisimikisyi! Komma itolo ukwega ulusako lwa njila-ya-sinda lulilosa pa ikyēne. Kyāla ali nu lubatiko: Lisyu Lyãke Umwẽne ãsímbìle pa matepi. U Fundi īsìle kangi ikukõlèla kuli ugwe. Isaga injila imbīgwe na Kyāla.

U Fundi ikuyaga kamo kangi pakõngàna u Nsīngilìgwa Gwãke ukusyūngutìla ikīsu ni Lisyu-lya-pakanwa Lyãke. Umwẽne ikutukasyaga uswe, ukutusisimikisya uswe, ukumbusya uswe, ukututwala uswe mu Bwãke ubwamaka Ubuyepo nu kutubula uswe:

U Fundi īsìle kangi Umwẽne ikubilikila kuli ugwe. O, ntulwanongwa, o, mūndu mbine, ngimba ugwe utikumbona Fundi inãngìsye-pabwelu mu bãndu babūndu, pakati pa bītìki? Umwẽne īsìle ukukõlela abake abana abītìki ku bukafu. Umwẽne īsìle ukukõlèla abatulwanongwa ku bupīnduke. Ngomokelanyuma, mbakasya gwa kipãnga, u Fundi īsìle kangi ikukõlèla kuli ugwe.

Ko kõnelela nki kwa Mbepo Gwãke Mwīkèmo u Nsīngilìgwa isakuyaga nako Pandungu ugu bo Kyāla ikubungania abana Bãke palikimo kamokene kangi kangi ikwīngìla ntwaya twītu, ifipanga fyītu, ifibūnganio fyītu, kangi ikukõlèla pãnja kwa uswe kangi ikuyoba, “U Fundi īsìle kangi ikukõlèla. Kilikyõsa ugwe ufūmbilwe, ikyēne kyo kyãko.

Unko amasyu ago gībìle mu ndumbula syīnu, bakundwe na bãkalumbu. KILIKYÕSA UMWE MUFŪMBILWE, U FUNDI ĪSÌLE KANGI IKUPA IKYĒNE KWA UMWE.

Gwakumwanya Tãta, O Ntwa, unko ikyēne kiboneke kangi. Fyõsa ifindu ifi fifyo une njobile, “Yeso īsìle kangi ikukõlèla kuli umwe.” Ngimba Umwẽne ikubomba fiki akabalilo kãko Umwẽne ikwīsa? Umwẽne ikukõlèla. Kangi unko ikyēne kiboneke kangi, Ntwa. Unko u Mbepo Gwãko Mwīkèmo īse nkati mbandu ikilo iki, Ntwa Yeso mu luko lwa–lwa Mbepo. Unko Umwẽne īse ikilo iki nu kwīsetùla Mwēne, kangi polelo inãngisyege Mwēne.

Nkundwe Yosefu Branham

Ndumi: 64-0213 Polelo Yeso Alinkwisa Kangi Alinkukólèla
Kabalilo: 12:00 PAMUSI, akabalilo ka Jeffersonville
Masimbo: Mwīkèmo Yohani 11:18-28