Litéya: 65-0718E Bilei Ya Molimo Na Ntango Elongobani
- 26-0503 Bilei Ya Molimo Na Ntango Elongobani
- 24-0728 Bilei Ya Molimo Na Ntango Elongobani
- 23-0108 Bilei Ya Molimo Na Ntango Elongobani
- 21-0912 Bilei Ya Molimo Na Ntango Elongobani
- 20-0329 Bilei Ya Molimo Na Ntango Elongobani
- 18-1014 Bilei Ya Molimo Na Ntango Elongobani
- 16-1221 Bilei Ya Molimo Na Ntango Elongobani
Molingami Mwasi Ya Libála,
Mongóngó bisó nyoso tolingaka koyóka ekoloba Lomíngo oyo, mpe ekomemela bisó Litéya moko Mokandá ya Bolingo ya godi, káka mpo ya Mwasi ya libála ya Yesu Klisto.
Mongóngó yango eútí káka koloba na mokili mpe ekébísí yango, “Meká te kosálela Ngai mosálá ézánga kozala mokáno na Ngai. NAzali na nzela ebongí be epésámí Nabongisá mpo ya bino, Mwasi na Ngai ya libála. Bókanisa Maloba na Ngai, bóloba bobélé oyo Nalobákí likoló ya ba bánde na Ngai, zambí bozali kokóta kati ya kosámbisa. Mawa etiólami. Kasi bósepela, mpe bótónda na matóndí, zambí Nabongiseli mpe Napesí bino Biléi bibómbámí, Biléi ya Molimó, mpo bókoka kobíka likoló ya bobóto mpe mawa ya Emóniseli ya Yesu Klisto.
Ngángé ezalí sikawa kati na mbóka mpo ya boyóki Mongóngó na Ngai. Bazali kosósola bino te mpámbate bozali koloba ete bozali bato ya ba bánde, mpe bolingaka káka koyóka Mongóngó na Ngai likoló ya ba bánde; kasi NABIÁNGÁKÍ bino kobima mpe Namónisí bino nzela na Ngai ebongí be mpo ya lelo.
Bomíyanganisi na bazangi Kondima te na ntango ya ngángé. Napesákí bino Mongóngó ya Ngai mpo ya kobátela bino na bomoi. Na boyókáká Mongóngó na Ngai, mbeki ya bino ekotikala pámba soki moké te, sokí te ete molangi ya bino ekokaoka, kino mokolo Nakoya mpe kokamata bino lokola Mwasi na Ngai ya libála.
Nde ntina mpenza Nasálákí ete Mongóngó na Ngai étiama na masíni, na ntina ete bózala na esiká ebongí be epésámí mpo bókende Kúná, epai wapi libúngá ezali te, boséngá ya ndimbola te, bobele Mongongo Peto ya Nzambe. Esiká bokokí kokende na ntina ete bókoka koyóka mpenza kaka oyo elobákí Ngai: Yango Elobí Nkoló.
Nakoloba na bino polélé mpenzá mokolo ya Lomíngo. Nalingí ete bóbósana soki moké te oyo Nakoloba na bino. Ba bánde oyo nde Biléi na bino ya Molimó na ntango ekokí. Etóndí na vitamíne koleka mpo ya basúsu na bango, bakokí na bango káka te kozua Yango.Emónísámeli bango te, kasi Naponákí BINÓ, mpe Napésákí bino Emóniseli ya nzela na Ngai ebongí be epésámí.
Epai na bino, Ezali Biléi bibómbámí, wapi bozali kobika likoló ya bobóto mpe mawa ya Liloba ya Bomoi.
Ntango Nazalaki kobika kati ya mosuni kati ya Mwana na Ngai, bakokaki na bango káka te kondima nani nde Nazalaki: Nzambe mpe moto. Nsima Nalakákí ete Nakozonga lisúsu kati na mikolo ya nsúka mpe kobika kati ya mosuni ya moto mbala moko lisúsu lokola Nasalaki libosó ya Abalayama, mpe Nakokita mpe Nakomíkótisa Ngai moko kati ya mosuni ya moto lokola Nasalaki ndéle.
Bótála oyo bazangakí, ndéle mpe sikawa, kasi Nalingá ata moké te bóbósana. Biléi bibómbámí oyo Nazali koléisa bino, mpe motindami na Ngai, bazali eloko sé moko. Bokokí kokabola bango te. Etíndá na motindami bazali eloko yango moko. Nalobákí na bino kati na Liloba na Ngai yango ekosála Ngai lelo oyo. Nde ntina Ezali mokáno na Ngai kotia Mongóngó na Ngai kati ya masámbo na bino, kati ya ba ndako na bino, epai nyoso ekokende bino; zambí yango nde Mongóngó ya litómbá koleka bosengélí koyóka. Nde Mongóngó SÉ MOKO mondimísámí oyo ekolobaka Yango Elobí Nkoló.
Mawa etíólámí. Bozali sikawa kobika na Liloba na Ngai. Napésí bino Emóniseli ya Nani nde Nazali mpe ba nani nde BOZALI. Esengelákí ézala ata na elílíngí ya ntembe ata ndambo te kati na mitéma mpe makanisi na bino. Bozali Mwasi na Ngai ya libála baoyo botangolami na ba mosúsu, boponámí, Bobongísamákí libosó. Bozali Liloba na Ngai lilobámí oyo ezalaki kati na Ngai na ebandeli.
Bozali na mabóko na bino na Biléi, Biléi ya Molimó, oyo mokili eyebi eloko moko te na ntina na yango. Bozali na mabóko na bino likolo ya lobíko ya nzóto na bisó ntango minganga bakoki lisúsu te; Ezali moko ya Biléi Nalakákí mpe Napésí bino na mikolo ya nsúka.
Nalakákí komónisa ba sekelé ya mitéma na bino mpe kosála makambo oyo. Nazali kati na bino. Bozali eténi na Ngai, mpe Nazali eténi ya bino. Bilembo biye bikolanda bango bakondima.
Lomíngo oyo Nakozala kosangisa Mwasi na Ngai ya libála longwá na mokili mobimba na Mongóngó na Ngai. Nakoyebisa bino bótianela mabóko. Bóndélá te mpo na yo moko, bóndélá mpo ya moto otíéli mabóko, zambí azali kobóndela mpo na yo. Tokobóndela elongó, mpe ekozala na moto moko te ya bolembú esiká soko nini na mokili mobimba soko bokondima.
Soko ondimí, mpe ozali na ntembe te kati na motéma na yo, Nakosangela:
Satana, olóngámí! Yesu Klisto Alóngaki yo! Asékwakí longwá na bakúfi mpe atélémí kati na bisó na pókwa oyo, kondimisa Etíndá oyo ya mikolo ya nsúka. Bimá kati na bato oyo! Tíká bango, kati na Nkómbó na Yesu Klisto! “Na Nkómbó na Ngai bakobengana milímó mabé,” Mpe obengánámí. Kati na Nkombo na Yesu Klisto, tíká eyánganelo Oyo!
Kobikisama na nzóto ekozala Kati na mokili mobimba lokola libosó naino soko moké te.
Mpo ya nini tózila-Zila lisúsu, ndeko na Ngai mobali, ndeko mwasi, Yango oyo, Molimó Mosanto, Nzambe, awa mpenza, Likambo yango mpenza tosolólákí na ntina na yango.”
Nabiángí mokili koya komíbakisa na bisó Lomíngo oyo na 12:00 nsima ya nzángá, ntango ya Jeffersonville, mpe koyóka Etíndá mpe motindami na Ye komemela bisó Biléi ya Molimó na ntango ebongi, Biléi Bibómbámí mpo ya Mwasi ya libála.
Ndeko Joseph Branham
Litéya: Biléi ya Molimó Na Ntango Ebongí 65-0718E
Motíndami: Momemiami William Marrion Branham
Makomi: 1Mikonzi 17: 1-7 / Amos 3:7 / Yoele 2:28
Malaki 4:4 / Luka 17:30 / St. Yoane 14:12