Nsango: 63-1124M Nakosala Nini Na Yesu Oyo Abiangami Klisto?

• 24-0121 Nakosala Nini Na Yesu Oyo Abiangami Klisto?
• 22-0703 Nakosala Nini Na Yesu Oyo Abiangami Klisto?
• 20-0517 Nakosala Nini Na Yesu Oyo Abiangami Klisto?

BranhamTabernacle.org

Balingami Balingi Ya Bande,

Tolingi Etinda oyo na motema na biso mobimba. Ezali elengi ya kokó ya Nzambe. Ezali Liloba ya Nzambe Lindimisami kati na mobimba na yango, mpe likokisami mbala na mbala. Etinda oyo ezali eyano na Liloba ya Nzambe. Ezali Klisto yango moko apakolami, Liloba lipakolami mpo na mokolo na biso. 

Tozali na Liloba lindimisami ya Nzambe awa, kondimisa, kokokisa na nzela ya Molimo, ete Ayambi biso mpe Apesi biso Libatisa ya Molimo Mosanto. Tobatisami kati na Nkombo ya Yesu Klisto. Nsango Malamu yango moko, bilembo biango mei, bikamwa biango mei, lotómo lango mei, ata Likonzi ya Moto yango moko polele liboso na biso, kotalisa bilembo mpe bikamwiseli. Ekimelo ezali te, esika ata moko. 

Ezali ntango ya lisanga elongo na Nzambe mpe Mwasi na Ye ya libala. Mwasi na libala ya Klisto asili abiangami. Totiami elembo kati na Bokonzi na Nzambe. Mekaniki izali awa bobele kozila Dinamiki oyo ekomema biso longwa na mabele oyo kokota na Nkembo, kati na Konetolama.

Dinamiki yango ezali litóndi na Molimo Mosanto. Libanga ya motó likokita mpe likosangana na Nzóto. Na mbisa, wana ekosila motó mpe Nzoto kosangana elongo, litondi na nguya ya Molimo Mosanto likotombola BISO likolo mpe bakufi kati na Klisto bakosekwa kati na bozenga ya boyengebene na Ye mpe tokopumbwa na bitando ya likoló. 

Ngonga yango ezali kobelema noki. Ntango ekomi na nsuka. Mikano mia nsuka misengeli kozuama. Okosala nde nini na Liloba lipakolami ya mokolo  na biso? Otelemi wapi na Etindá ya ngonga oyo?

Okoloba kaka ete: “Nandimi Etindá. Nandimi Nzambe Atindaki mosakoli.” 

Yaka kaka te mosika kino awa, koloba: “Nandimi Etinda.”  Tósá nde motindiami. 

Soko osengeli KOTÓSÁ motindami: TALA, alobaki tósá motindami. Na bongo boni ezali na litomba kondima mpe koyoka Liloba moko na moko motindami yango alobaki? 

Okoloba: “Na bongo, nandimi Liloba moko na moko olobi, Ndeko Branham.” Ezali malamu, kasi yango ezali kaka-ezali kaka ete ozali na makokí ya kotanga.

Mpo na nini bato bakoki kosepela na ba bande te?

Moto nyoso akoki kozala mosakoli te. Ezali na mosakoli bobele moko, mpe Liloba likoyaka epai na mosakoli yango. 

Lingómba lisalaki malamu kino babandaki kobete Yango ntembe; to balingaki mingóngó mikeseni miyebisa bango, mpe milimbwela bango, oyo mosakoli yango alobaki. Balingaki Kola mpe Datana ya mikolo oyo. 

Bomoni, ebandaki na bobébisi bobele moké ya Liloba, mpe, eloko yango moko, ezali kosuka na lolenge yango moko.

Soko ebandaki na, mpe ekosuka na, bobele bobebisi moke ya Liloba, sóló mpenza oyebi boni OSENGELI kotikala na ba bande. Solo mpenza omoni mpo na nini Nzambe Alingaki ete Etinda oyo etiama na ba bande mpe ebonbama mpo na Mwasi na libala.

Nazali koloba makambo maye te mpo na kokitisa babateli na bino, to koloba ete oyoka mobateli na yo te, TE, kasi kotalisa yo litomba ya bofini Play mpe boyoki Etinda oyo likolo ya bande. 

Boni Lingómba lisengeli kotalatala yango lisusu, mpe lisusu, mpe lisusu, mpe lisusu! Tozali kozila Boyei na Ye. Tozali kotambola, tozali kozila kolongwa.  Epusi malamu na biso kotalataka yango na Liloba,  te na oyo moto soko nani alobaki. Ndimisama ete oyebi, yo moko, lokola likambo obiki mpenza elongo na Klisto. Talatala yango lisusu, mpe lisusu, mpe lisusu. 

ALOBAKI nini? Tosengeli totala-tala yango na Liloba lisusu, mpe lisusu, mpe lisusu. Okotala-tala yango na Liloba boni? Liloba ya lelo nde nini? Yango moko oyo ezalaki longwa na ebandeli, Biblia. 

Nzambe alobi ete nani nde molimboli ya Liloba na Ye? Ngai? Mobateli na yo? TE. Mosakoli andimisami ya Nzambe ya ngonga oyo nde molimboli bobele moko ya Liloba. Na boye, osengeli kotala-tala Lilloba moko na moko moto ata nani alobi lisusu, mpe lisusu, mpe lisusu na BA BANDE!

Soko Liloba yango ezali solo, mpe ondimi ete eloko bobele moko ya litomba koleka oyo moto ata nani, to mobateli ata nani akoki kosala, ezali KOFINA PLAY. 

Na bongo mpo na nini ko ezali mpasi mpo na moto ata nani oyo alobaka  ete andimi Etinda koloba yango? Zambi bandimi na bango Yango kaka te.

Mokano na YO ya nsuka ezali nini? Mpo na ngai mpe ndako na ngai, tokotikala elongo na Etindá oyo mpe motindami ya Nzambe, BA BANDE. Tondimi ezali na eloko mosusu te ya litomba koleka boyoki ya Mongóngó ya Nzambe likolo na ba bande.

• Ezali na Mongóngó bobele MOKO Yango Elobi Nkolo.
• Ezali na Mongónogó bobele MOKO Likonzi ya Móto yango lindimisami.
• Ezali na bobele MOKO mwanje na nsambo motindami. 
• Ezali na bobele MOKO Mongóngó Mwasi na libala akoki koyokana likolo na yango.
• Ezali na bobele MOKO Mongóngó na Nzambe epai na libota oyo.

Soko ozali na Emoniseli yango moko, yaka komibakisa na ngai mpe liboké moke ya bandimi na mokili mobimba baoyo bandimi eloko yango moko, mwa Lomingo na 12:00 nsima ya nzanga, ntango ya Jeffersonville, lokola tozali koyoka mpe kozua mokano mwa biso mwa nsuka: Nakosala Nini Na Yesu Oyo Abiangami Klisto? 63-1124M.

Ndeko Joseph Branham

Nsango: 63-1110E Ye Oyo Azali Kati Na Bino

• 24-0114 Ye Oyo Azali Kati Na Bino
• 22-0626 Ye Oyo Azali Kati Na Bino
• 17-0730 Ye Oyo Azali Kati Na Bino

BranhamTabernacle.org

Balingami Bandimi Ya Kondima Ebongi Be, 

Mokolo moko na moko mitema mia biso mibetaka na lúkulúku ya likolo koleka. Tozali kozila ngonga ékoma ya Boyei na Ye ya noki. Nsómo nyoso elongwi. Komituna-tuna lisusu te, “Tozali nde Mwasi na Ye ya libala”? Etiamá lóngo kati na mitema mia biso lokola liboso naino te, TOZALI MWASI NA YE YA LIBALA. 

Totombwami kati na mokili ya Likoló, koyoka lotómo ya Yesu Klisto, lomisali nzoto kati na Lingómba na Ye. Etindá oyo endimisami mpenza na mobimba na yango na nzela na Liloba na Nzambe, na motindo ete ekokaki kozala moto te, esengelaki kozala Nzambe kosolola mbebu na litói na Mwasi na Ye ya libala.

Tondimi ezali moto te nde azali koloba na biso likolo na bande iye, Ezali Nzambe.

Oyo nazali komeka koloba: “Meká soki moko te kobungisa kondima na yo.” Tika te Satana ayebisa yo mabe na ntina na ngai; zambi, ezali na mingi. Kasi óbatela kondima wana; mpamba te, soko osali yango te, ekosalema te. Kotala ngai te, lokola moto; nazali moto, natondi na míko. Kasi botala oyo nazali koloba na ntina na Ye. Ezali Ye. Ezali nde Ye.

 Osengeli ótia motema mpe óndima kati na oyo ALOBI, TO EKOSALEMA TE. Totalaka mosakoli na Nzambe lokola moto te, lokola ebelé bakanisaka ete tosalaka yango. Tozali nsima na ezipelo ya mosuni ya moto, mpe nyoso ekomonaka mpe ekoyokaka biso ezali Nzambe koloba na kati na bibebu ya moto, MPE KOTIA MOTEMA MPE KONDIMA LILOBA MOKO NA MOKO.

Yango nde Emoniseli ya Yesu Klisto mpo na lelo. Kondima ete ezali Nzambe, moto te, koloba likolo na ba bande. Soko ozangi yango, moninga na ngai, osili kozanga Etindá ya ngonga mpe okoki kozala Mwasi ya libala te.

Satana atiaka ndimbola na ye likolo na yango, mpe mbala 99% atangaka maloba ya Etindá kaka lokola asalaki epai na Ewa, kasi ye Ewa apesamaki motindo kotikala na Liloba; oyo Adama alobaki na ye ezali oyo Nzambe alobaki, ezali te oyo moto ata nani mosusu alobaki ete elingaki koloba. Asengelaki atikala na Mongóngó ya Nzambe. 

Oyo nde mokolo monene koleka mokili motikálá ndèle koyeba. Bomoi ya Yesu Klisto, oyo abikaki mpe Amimonisaki Ye mpenza kati na bomoi ya mosakoli na ye, ezali sikawa kobika na mosuni kati na BISO, Mwasi na Ye na libala.

Tozali kosala mpenza kaka oyo Apesaki biso motindo tosala: kotikala na Liloba na botikáláká na Mongóngó ya Nzambe likolo ya ba bande. Ezali lotómo mpe manáka ma Nzambe ya bande mpo ya lelo.

Soko mpenza ondimaka ete William Marrion Branham azalaki mwanje ya nsambo motindami aponamaki na Nzambe, ye oyo nzambe aponaki koloba mpe komonisa sekelé nyoso ibombamaki kati na Liloba, Mongóngó ya Nzambe epai na libota oyo, moto oyo azalaki na kondima lokola moto moko mosusu te, ye oyo mwanje na Nkolo alobaki na Ye “soko omemi bato kondima YO, eloko moko te ekotelema liboso ya mabondeli ma yo”, na bongo Lomingo loye lokozala mokolo ya bendabika lokola mosusu te.

Ezali na ELOKO MOKO TE ekokoka ndéle kolongola Emóniseli ya Etindá oyo longwá na biso, ELOKO TE. Tokoki SOKI MOKE TE kobete Yango ntembe. Soko alobaki Yango, tondimi Yango.Tokoki ntango mosusu kososola Yango nyoso te, kasi tondimi Yango atako bongo.

Yesu Ye moko ayebisaki biso “Ye Oyo azali kati na bino Azali monene koleka ye oyo azali kati na mokili.” Tika ete yango ézinda kati na mitema na biso. Molimo na Ye ezali kobika kati na biso. Tokoki nde kososola yango? Sasaipi mpenza, awa ezali yo kotanga mokanda moye, Molimo Mosanto, Nzambe Ye moko, Likonzi ya Móto, azali kobika mpe kofanda kati na biso? Toyebi boni ete ezali solo? NZAMBE ALOBAKI BONGO!!

Satana azili ntango nyoso koyebisa biso ete tozali nsuka mpenza ya kokweya. Mpe alobi solo, tozali bongo. Akaniselaka biso, ete tozali te epai wapi tosengelaki kozala kati na Liloba. Solo lisusu, tozali wana te. Tosalaka makambo toyebi tosengelaki kosala te. Limbisa biso, Nkolo, azali na elonga. 

Kasi atako na mabunga ma biso manso, bolembu na biso nyoso, kokweya na biso nyoso, ebongolaka likambo te, TOZALI MWASI YA LIBALA. TONDIMI LILOBA MOKO NA MOKO!

Tozali komitala biso mpenza te to eloko nini tokoki kosala, tozali nde libebi. Toyebi na biso kaka ete Aponi biso mpe Apesi biso Emóniseli ya Liloba na Ye mpe eloko moko te ekoki kolongola Emóniseli wana na biso. Emwangisami kati na motema mpe bomoto na biso.

Ayebisaki biso tosengeli kozala na KONDIMA EBONGI BE. Tosengeli na yango Nkolo, KONDIMA EBONGI BE kati na Liloba na Yo. Tozali na kondima kati na oyo mosakoli na Yo alobaki ete ezali Yango Elobi Nkolo. Ezali Liloba na ye te, kasi Liloba na Yo mpo na biso.

Mosakoli na Yo alobaki na biso ete nyoso ezali biso na yango bosenga, soko kaka tondimi, mpe tozali na kondima kati na Liloba na Yo, tokoki kozua eloko sé eloko tozali na yango bosenga. TONDIMI. 

Nkolo, nazali na bosenga. Nazali koya liboso na Yo na kondima nyoso nazali na yango kati na Liloba na Yo, mpo Ekoki kokweya te. Kasi lelo, Nkolo, nazali koya liboso na Yo kaka te na kondima na ngai, kasi na kondima opesaki na motindami na Yo ya nguya mwanje na nsambo.

E Nkolo Nzambe, nasengi na Yo oyokela biso mawa. Mpe tika ete mobali nyoso mpe mwasi nyoso azali kofanda awa sikawa, oyo azali na lolenge ata nini ya bokono to mpasi; mpe lokola Mose amibwakaki ye mpenza na katikati, mpo na bato, na mpokwa oyo nabimisi motema na ngai liboso na Yo, Nkolo. Mpe na kondima nyoso oyo nazali na yango, oyo ezali kati na yo, oyo Opesaki na ngai, napesi na bango.

Mpe nalobi boye: oyo nazali na yango, napesi yango na eyánganelo oyo! Na Nkombo na Yesu Klisto na Nasaléte, bóya bokono na yo, zambi ye oyo azali kati na yo Azali monene koleka zabolo oyo azali komeka kolongola bomoi na yo. Bozali bana na Nzambe. Bozali basikolami. 

Esili. Liloba na Ye likoki kokweya te. Eloko sé eloko tozali na yango bosenga, tokoki kozua. 

Yaka komibakisa na biso mokolo mwa Lomingo na 12:00 nsima ya nzángá, ntango ya Jeffersonville, koyamba lipamboli monene mpe kopakolama útá na Nzambe lokola etini ya Mwasi ya libala akoyangana longwa na mokili mobimba koyoka Mongóngó ya Nzambe kotia KONDIMA na Ye elongo na KONDIMA na biso.

Ndeko Joseph Branham

63-1110E Ye Oyo Azali Kati Na Bino

NSANGO: 63-1110M Milimo Oyo Ezali Na Boloko Sikawa

PDF

• 24-0107 Milimo Oyo Ezali Na Boloko Sikawa
• 22-0619 Milimo Oyo Ezali Na Boloko Sikawa
• 17-0813 Milimo Oyo Ezali Na Boloko Sikawa

BranhamTabernacle.org

Balingami Baoyo bakabwani,

 Nzambe ayaki na mokolo na biso mpe amimonisaki na mosuni ya moto, kati na moto moko na nkombo William Marrion Branham, mpo Akoka kokokisa Liloba na Ye.  Yango nde Emoniseli ya Yesu Klisto na mokolo ya biso.

 Koyoka Mongóngó wana mpe kondima Liloba moko na moko ezali Nzela sé moko Nzambe apesi mpo ya lelo.  Atindaki na mokili bato mingi bapakolamaki na Molimo Mosanto na Ye, kasi Atindaki mpe alobaki kaka na nzela ya moto moko komonisa Liloba na Ye mpe kokamba Mwasi na Ye ya libala.

 Abongolaka Manáka na Ye to Lolenge na Ye ya kosala makambo ata moke te.  Ndenge Asalaki yango mbala ya liboso, Asalaka yango mbala nyonso.  Akambaka bato na Ye Ye moko, na Likonzí ya Móto.

 Kobosana ata moke te, OZALI Mwasi ya libala moponami Nzambe aponaki mpe ezali na eloko moko te zabolo akoki kosala to koloba oyo ekoki kolongola yango epai na yo, ELOKO MOKO TE!  Abongisaki yo liboso ya kozalisama ya mokili.  Ayebaki yo ndèle, mpe ozalaki elongo na Ye.  Ayebaki nkombo na yo.  Ayebaki makambo nyonso na ntina na yo.  Ayebaki matá mpe kitá na yo.  Ayebaki kokwea na yo, mabungá na yo, mpe Alingaki yo kaka mpe aponaki yo kozalaki eteni na Ye.

 Bomoto na yo bokoki kolia kaka Liloba na Ye.  Eloko moko te ekoki kosepelisa yo bobele Liloba na Ye.  Olingaka kotanga Liloba na Ye mpe kobánza-banza likolò na Ye, kosambela útá na bozondó ya motema na yo.  Ntango oyoki Mongóngó na Ye koloba mbala moko na yo, etombolaka yo likolo koleka ezipelo ya ntango.  Mpo oyebi ete ofandi elongo na Ye na bisika ya Likolo lokola Alobaka na yo mbebu na litoi, komónisa yo Liloba na Ye, kokundwela yo, OZALI MWASI NA NGAI YA LIBALA.

 Zabolo akoki kotúta yo mpe kotúta mpe kotúta.  Okoki kokita mpenza na nse ntango mosusu mpe koyoka ete ozali nsuka ya kokwea;  oyoki lokola ozángeli Ye lokola moto moko mosusu te.  Ozali mabe mingi koleka mabe, kasi esika moko boye, na nsé na bozindó ya bomoto na yo, oyoki Mongóngó  Moke wana ya Kimia koyebisa yo: “Eloko moko te ekoki kokabola yo na NGAI, OZALI LILOBA NA NGAI.  Natiaki nkombo na yo na Buku Ya Bomoi ya Mwana na Mpate na Ngai, Ngai moko.”

 Nakoki koloba nini mpo na koyikisa yo mpiko lelo?

 Tikala kaka kati ya Liloba.  FINÁ PLAY mokolo nyoso mpe yoka Mongóngó ya Nzambe koloba Oyo Elobi Nkolo mpe koyebisa yo;  Nazali kosangisa yo nzinganzinga ya Liloba na Ngai.  Okoki kolonga LIKAMBO ATÁ NINI, mpo Liloba na Ngai lizali kobika mpe kofanda kati na yo.  Natalisaki yo, ozali na KONDIMA EBONGÍ BE.  Otii Elembo, mpe Ekómisi yo na Nsuka.  Nakotelema nsima ya Liloba na Ngai.  Nakosala oyo nalobaki nakosala.

 Maloba ma Ye mazali Bikamwá boni yango elobéli Ye biso Likoló na ba bande.  Toyebi Ezali moto moko boye te, moto ya mosuni oyo azali kati na biso.  Ezali Nzambe ya Seko na Seko koloba na biso, Mwasi na Ye ya Libala.

 Obiangámi komibakisa na Mwasi ya libala Lomingo loye  na 12:00 nsima ya nzángá, ntango ya Jeffersonville, lokola tozali koyangana koyoka Mongóngó wana  Moke ya Kimia : 63-1110M Milimo Miye Mizali Na Bolɔkɔ Sasaipi.

 Ndeko Joseph Branham

 Makomi ma kotánga liboso ya losambo:

 Genese 15:16

 St. Matai 23:27-34

 St. Yoane 4:23-24 / 6:49 / 14:12

 1 Petelo 3:18-22

 2 Petelo 2:4-5

 Yuda 1:5-6

Nsango: 63-0901E BOKOMI NA NSUKA

• 23-1231 63-0901E BOKOMI NA NSUKA
• 22-0612 63-0901E BOKOMI NA NSUKA
• 19-0901 63-0901E BOKOMI NA NSUKA
• 17-0903 63-0901E BOKOMI NA NSUKA

BranhamTabernacle.org

Tata Molingami,

 Tosakáni ntango molai mingi. Tokei na losambo mpo na ntango molaí mingi. Bandá boyóki ya Liteya, Elembo, epúsí Mwasi na Yo ya libala na nsúka.

Toyebi ete eloko moko ebelemi kosalema. Ntango ebelemi. Tolingi Óya mpo Ólongola biso na mokili oyo. Tolingi kozala elongo na Yo. Toyoki ete tokómi na nsúka na bozindó mpenza ya bomoto na biso.

 Tokozala kaka nde kosolola na ntina na yango? Tokómí mpenza na nsúka lolenge esengelaki? Tozali mpenza kolela epai na Yo ndenge tosengelaki mói na butú?

 Oo, Lingomba, télémá mpe míningánísá! Finá motema na yo, mílamúsá, na ngonga oyo! Tosengeli tokóma na nsuka, to tókúfa! Eloko moko ezali koya koúta na Nkolo! Nayebi yango lokola OYO ELOBI NKOLO. Eloko moko ezali koya, mpe epusi malamu tókóma na nsúka. Ezali kati na Bomoi mpe kufa. Ekoleka kati na biso mpe tokomóna yango te.

 Toyebi esengeli na bokómi na nsúka koyeisa Yo na mosala. Tosengeli kozala na Yango sikawa to tókúfa. Nkolo, tika ete tókóma na nsúka lokola naino liboso Soki moké te, bongo Okokóta na mosálá mpe koya kozua Mwasi na Yo ya libala oyo azali kozila.

 Sungá biso Tata ete tomípúsa na kati na Yango. Bobele te kotambola kati na Yango, na petee, kasi tópúsama na kati.

Ezali kaka te kosolola na ntina na Yango mpe kokóba na bomoi na biso ya mokolo na mokolo. Tolingi Koluka Yo na mitema na biso nyoso, na bomoto na biso nyoso mpe na likanisi na biso nyoso.

Nkolo, nsungá biso.

 Toyebi ete tozángeli Yo mbala mingi, Nkolo, kasi Oyebisaki biso ete soko tokwéi ; ezali na likambo moko kati na yango te; mpo na kobanda tozali bakwéi, kasi tozali na Yo Otélemi wana na loboko lokási mpe Okoki kosembola yango na nsé mpe kotómbola biso likolo ya mái.

 Mosakoli asangélaki biso ete Okokaki koleka likolo na biso bobele soko Omonaki Elembo etiamaki. Nkolo, tolandi Malako ma Yo mpe totii Elembo mpe tokómisi ba ndako na biso Lingomba ya bande, koyoka mpe kondima Liloba moko na moko.

 Ayebaka kaka E—Elembo. Nde Etindá ya ngonga! Nde Etinda ya lelo oyo! Nde Etinda ya ntango oyo! Na Nkombo na Yesu Klisto, boyamba Yango!

Tondimisami, mpe tondimi mpe totii eloko moko na moko Kokokana na oyo mosakoli ayebisaki biso.

 Tondimi makambo manso mazali kokóma na ntango na Yo ebongí be. Eloko ezangi te kozala na esika na yango. Tomónaki bilembo na Yo nyoso, mpe toyókaki mpe toyei na nsé ya elembetele ya Elembo.

Sasaipi awa ezali biso na nsé y’a elembetele ya Elembo, tokolia Elambo Lomingo loye kati na bokómi na nsuka. Zambí toyebi ete Obelemí kobeta na kosambisama.

 Tika ete tozua Yango Lokola elembetele ya Elekeli, wana ezuamaki Yango na lombángu, na ntango ya bokómi na nsúka. Tokómí na nsúka lisusu lelo Tata.

 Tozali na matondi, Nkolo, ete tokoki kotála nsima nambula oyo mpe komona nyoso Osaleli biso. Omonisaki Liloba na Yo epai na biso mpe Opesaki biso Emoniseli likolo ya Emoniseli lokola liboso naino soko moké te.

 Toyebi sikawa tozali bana na Yo mibali mpe basi. Tozali Mwasi Liloba na Yo abongí be Oúnelí kozila. Ezali Yo, kobika mpe kofanda kati na BISO. Oponaki biso, Obongisaki biso liboso, mpe sikawa Ozali koya mpo na biso.

 Nkolo, tika ete toluka Yo mói na butú. Tika ete tókóma mpenza na nsúka koleka epai na Yo. Tika ete tómipúsa kati na Yango lokola liboso naino te. Tika oyo ézala elánga ekoya Yo mpo na biso

Tolingi Yo Tata, mpe tolingi kozala kati ya Mokano mwa Yo mobongí be. Yaka kozala elongo na biso lokola tozali kosangana na 5:00 nsima ya nzángá, ntango ya Jeffersonville, zingázingá ya Mongóngó mwa Yo mpe koyoka Yo koyebisa biso boni boni koya na Bokómi na nsúka 63-0901E.

Na mbisa zalá elongo na biso lokola ezali biso kosangana na bokómi na nsúka kati na Elambo ya Nkolo.

Oyo nde mikolo minene koleka na bomoi na biso Tata. Zambi toyebi Ozali koya noki komema biso na EZALELO na biso ekoya elongo na Yo. Tozali kozila mokolo na mokolo kati na mitema lúkulúku babulami baoyo bakei liboso na biso. Toyebi ntango tomoní bango, ntango ya boyei na Yo ekómi….NKEMBO!!!

 Tozali na Bokómi na nsúka mpo ya mokolo yango, Tata.

 Ndeko Joseph Branham.

 Makomi ya kotanga liboso ya losambo:

Esode 12:11

Yilimia 29:10-14

St. Luka 16:16

St. Yoane 14:23

Bagalatia  5:6

St. Yakobo 5:16

Nsango: 58-1224 Mpo na nini Beteleme Moké?

• 23-1224 Mpo na nini Beteleme Moké?
• 18-1223 Mpo na nini Beteleme Moké?

BranhamTabernacle.org

Molingami Mwasi ya libala oyo atiami Elembo,

 Nalingi ete biso banso tomilengela mpo na molulu ya elambo ya litomba mingi na ba ndako na mpokwa libosó ya mbula ya sika, mwa Lomingo , mokolo ya nsánzá 31 nsánzá ya Zomi na mibale. Tokozala koyoka Liteya, 63- 0901E Kokóma na nsuka, epai wapi Ndeko Branham akoti na molulu ya  elambo mpe kosukolana Makolo pene na nsuka ya bande.

 Liteya likoyokama na Voice Radio (na Angelé kaka), mpe ekolanda molongó ya losambo lokola tosalaki mpo na milulu ya elambo na Ndako mbala ilékí, kati na yango mozíki ya piano ekozala kobeta ntango  ya eteni ya losambo ya molúlú ya elambo, mpe Nzembo ya Nsango Malamu na ntango ya Kosukolana Makolo.  Tokobanda losambo na ngonga ya 5:00 nsima ya nzángá, ntango ya Jeffersonville.  Mpo na baye bazali ngámbo ya bibale minene, bomiyoka nsómi  koyokisa bande mpe kosala elambo na ngonga ya mboka na bino na lolenge ete elambo éliama liboso na  midí ya butú ya 2023.

 Nakoki kokanisa te lolenge moko ya malamu koleka tokokaki kosukisa mbula oyo ya 2023, mpe kobanda mbula ya sika ya mosala epai ya Nkolo na 2024, koleka kozala na kimia liboso na Ye, kokóma na nsúka na koleka mpo na Ye, kolia Elambo na Ye, kobóndanela mpe kolimbisana, kosukola makolo ya basanto na Ye, mpe koyoka Liloba na Ye.  Mpokwa godi nini oyo ekozala.

 Na nsé awa ezali na bikanganeli ya eternet mpo na ndenge ya kozwa/kobongisa vinyo mpe lipa ya elambo.

 Nazali na botondi mingi ete Nkolo apesi nzela mpo na biso kosangana elongo mpo na libaku ya bule boye.  Nazali mpenza kozila kokutana na bino banso na Mesa na Ye.

Lomingo loye tokozala koyoka Liteya ya Noele: Mpo na nini Beteleme Moké  58-1228 na 12:00 nsima ya nzángá, ntango ya Jeffersonville.

 Nzambe apambola bino,

 Ndeko Joseph Branham

 Lomingo ya mokolo mwa 24 nsánzá ya Zomi na mibale 2023

 58-1228 Mpo na nini Beteleme Moké?

 12:00 nsima ya nzángá, ntango ya Jeffersonville. 

Lomingo ya mokolo mwa, 31 nsánzá ya Zómi na mibale 2023

 63- 0901E Kokóma na nsúka/ Elambo na ndako & Kosukolana Makolo 5:00 nsima ya nzángá, ntango ya Jeffersonville

Malako mpo na Kotumba Lipa/ Kosala Vinyo

Malako mpo na Kozua Vinyo ya Elambo/ Bisaleli mpo na Kosukolana Makolo

Nsango: 63-0825E KONDIMA EBONGI BE

• 23-1210 KONDIMA EBONGI BE
• 22-0529 KONDIMA EBONGI BE
• 19-0908 KONDIMA EBONGI BE

BranhamTabernacle.org

Molingami Mwasi ya libala Kondima Ebongi be,

Kondima ya biso eyaka na boyóki, boyóki ya Liloba. Liloba liyáka epai ya mosakoli.

 Mosakoli azali:

Liloba likómi mosuni! Aleluya! Liloba kosala kati na nzoto ya moto, na nzela ya bilembo bikomónanaka, bilembo bikoki kosimbama, bilembo ya Makomi, na bobongi be, komemela bino Kondima Ebongi be mpo ya Konetolama Ebongi be.

 Tozali kosala mpenza kaka oyo Liloba lilobi mpo na biso tósála na boyókáká Mongóngó ya Nzambe bobele moko mondimisami koloba mpe komonisa Liloba na Ye na nzela ya mosuni ya moto kopesa biso Kondima Ebongi be.

 Ozali na…matòi ma yo makufi na eloko mosusu ata nini kasi oyo Molimo alobi. Bomoni? “Epai na ye oyo azali na litói (oyo ayókaka), bomoni oyo Molimo alobi na mangómbá”; ye nani azali na eyókeli, oyo asimbi yango Molimo alobi na mangomba. Bomoni?

 Tozali eyokelo ya Ye oyo tozali kosimba mpe kondima Liloba moko na moko. Ntango apesaka biso mitindo: “Boloba kaka oyo ezali likolo ya ba bande. NAZALI  MONGÓNGÓ YA NZAMBE epai na bino. Bobiangaka ngai mobateli na bino, mpe bolobi malamu mpo Nazali bongo.” Tokokisaka yango. Nyoso elobi ye, ezali na ntembe ata ndambo esika moko te; tokóbí libosó na mobembo. Eloko sé eloko Nkolo alobi na nzela ya mosakoli na Ye, ezali na moto moko te kati na mokili oyo akokoka koloba na biso tóbima na yango, tokendeke liboso kaka lolenge moko.

Sasaipi bozali koya kati na Kondima Ebongi be, bobongi bé bobongí kwa bokokí kokwea te. Kondima wana ekweaka soki moké te.

 Tozali sikawa na Kondima Ebongi bé kati na Liloba na Ye. Tozali komitala te. Tozali kobanga eloko te, lokola YOBO. Tozali na nsómo te kotala mbóngé minene mpe kozinda kati ya mai lokola Petelo. Mikolo miangó misili.

Sikawa tozali kotala na Liloba wana Libongi bé lizali kobika mpe kofanda kati na biso. Tozali kokóta kati na litongi ya Mwasi ya libala. Tozali kokóma kati na motindo ya Konetolama.

 Ntango tobondelaka, tondimaka ete tozui yango eséngí biso, mpe tokozua yango; ekopesamela biso. Ntango, etando, eloko mosusu ata nini ekobongola yango te ata boni. Toyebi esili. Esili kosúka. Toyebi ko boni? Mpo ete ezali Liloba ya biso te, kasi LILOBA YA YE, oyo Alobaki mpe Apesaki biso. Tozali na NGUYA MPE KONDIMA EBONGI BE KOLOBA YANGO.

 Kaka lokola esalaki Yesu mpo na Ye moko, Tozali koyeba etemelo na biso; soko tozali banani. Eloko bobele moko tosengeli kosala na bongo, ezali kozala na kondima na oyo ezali biso. Kozala na kondima na oyo LILOBA lilobi tozali! Na nsima Liloba ya Nzambe liyei kati na biso mpe limimonisi Yango mpenza; zambi tozali mondimi. Mpe mondimi nde “kondima ya Nzambe oyo ezali kosala kati na biso.” 

Mpe sikawa, tokómí bapakolami na Molimo yango moko; ba masiya bapakólámí, ba masiya ya mokolo ya nsuka, kongengisa lisekwa ya Yesu Klisto; kotalisa ete Akufi te, kasi na lolenge ya Molimo Mosanto, Azali kati na bato na Ye; kotambola kati na Mwasi na Ye ya libala, na likambo ya bolingo epai na Ye, kosopa kati na Ye, Ye moko. Bazali kokóma moko mpo ya Lipati ya libala; mpe bilembo yango moko, bilakamí na Nzambe yango moko, kati na Liloba yango moko, Azali kosala mamónisami yango moko.

 Eloko ezali te oyo etikali mpo na biso kosala kasi kondima Yango; mpe na bondimaká Ezali eloko oyo ekelaka Kondima Ebongí be. Boyoka yango lisusu, NA BONDIMÁKÁ EZALI ELOKO OYO EKELAKA KONDIMA EBONGI BE.

 Ezali nde na mosisá moko na nzóto na yo oyo ebétaka ntembe na Liloba moko: TE

Ondimaka Liloba nyoso: Iyo

Apesaki nde yo Emoniseli ya Etindá oyo: Iyo

Mwasi na libala kaka nde akozala na Emoniseli ya solo: Iyo

Boyebi ete bozali Mwasi na Ye ya libala: Iyo

Alobaki nde ete na bondimáká Liloba nyoso ekopesa bino Kondima Ebongi be: Iyo

NA BONGO BOZALI MWASI LILOBA KONDIMA EBONGI BE!!

 Oo Nkolo bongisa biso lokola liboso naino te lokola ezali biso koyangana elongo Mokolo mwa Lomingo koyoka Liloba na Yo.

Sungá biso ete tómitala lisusu te ata mbala moko biso moko, kasi bobele kondima Liloba na Yo Olobaki mpo na biso. Tomoni Bobéndami ya Misato na mosala mpe toyebi ezali kofanda kati na biso. Tosengeli tózala koloba mpe kondima Liloba na Yo.

 Toyebi Ozali koya noki mpo ya Mwasi Liloba na Yo abongi bé.

Ézala nini tosengeli na yango Tata, ÉZALA NINI TOSENGELI NA YANGO, toyebi Tokozua Yango.

Zambi Ezali Liloba na Yo lisilaki Yo koloba mpo ya biso.

Eloko ya kosala ezali te kasi kaka KONDIMA YANGO. Tondimi Tata, tondimi. Sikawa tika ete tosala likolo na LILOBA NA YO.

 Toyamboli kokwea na biso nyoso, masumu mpe mabe na biso. Tala biso na nzela ya Makila ya Mwana na Yo epai wapi tolongisami na nzela ya Ngolu mpe mawa na Yo.

Tika ete mbóngwáná ezala kati na Mwasi na Yo ya Libala lokola liboso naino te. Tika ete Ósopela biso Molimo na Yo mpe Ópesa biso nyoso tozali na yango bosenga.

 Mokoni akobika na mpasi nyoso. Mozóngi nsima akozongela Liloba. Mwasi na libala na Yo na mokili mobimba akomona nzela na Yo epesami mpo ya lelo mpe ya kondima.

 Soko ozali na moto te oyo akotiela yo maboko…mitiela maboko yo moko…ozali mondimi. Okómáki Liloba; okómi Liloba, wana eyambi yo Liloba.

 Yaka Nkolo Yesu, Mwasi na Yo ya Libala azali komilengela na bomitiáká na bozali ya Liloba na Yo, kotela. Tolingi komikembisa mpe kolatisama na Liloba na Yo.

 Yaka kopakola biso lokola naino libosó te Lomingo loye na 12:00 nsima ya nzángá, ntango ya Jeffersonville, lokola eteni moko ya Mwasi na Yo ya libala azali koyangana koyoka Yo koloba mpe komonisa biso lolenge ya kozua: Kondima Ebongi be 63-0825E.

Ndeko Joseph Branham

 Makomi ya kotanga libosó ya losambo:

St. Malako 11:22-26 / 16:15-18

St. Yoane 14: 12 / 15:7

Baebele 11:1 / 4:14
Yakobo 5:14

1Yoane 3:21

Nsango: 63-0825M NDENGE NINI NAKOKI KOLONGA?

BranhamTabernacle.org

Molingami Folólo ya Libeke,

 Boni mitema na biso mipumbwaki na esengo mokolo mwa Lomingo ntango toyokaki Nkolo na biso koloba mpe koyebisa biso nini ezali kosalema sikawa. Tozali kosangana elongo na Liloba mpe kokóma Moko elongo na Ye. Noki mpenza tokosangana na basanto baoyo bakendeki liboso na biso kozala Moko elongo na bango. Nsima tokozala biso nyoso elongo tosangani na Klisto lokola Moko mpo na Lipati ya Libala ya Mwana Mpate.

Esengo nini etondisaki bomoto na biso ntango Ayebisaki biso kokanisa ete nsima ya mwa ntango, na kobweta líso, mokili mokoyeba kútu te nini ezali koleka; kasi na pwasa mbala moko, tokomona libosó na miso na biso balingami na biso baoyo bakendeki liboso, mpe tokosangana na bango lisusu.

 Bozili nini oyo na etingia etondisi mitema na biso kokanisa ete nsima ya ntáka moké ya ntango, tokomona kotelema liboso na miso na biso, ba tata na biso, ba mama, bandeko mibali, bandeko basi, mibali, basi, bana, kútu ata mosakoli na biso. TOKOMONA BANGO KATI NA NZOTO!!

 Tokoyeba ndèle wana mpenza, yango Oyo; ntango ekoki, tokómi, ESILI.

Bosili boyóká kolamukisa na nzela ya Emoniseli!! Bobele kokanisa mpe kosolola na ntina na yango sasaipi, Nakoki koyoka bino kogánga, NKEMBO, ALELUYA, MASANZOLI NA NKOMBO NA NKOLO.

 Ntango nini oyo tozali na yango, kosala lipati likolo na mikanda oyo ya bolingo mitikamelaki biso. Mikanda ya bolingo tokoki kobimisa ntango sé ntango tolingi mpe kotanga yango lisusu na lisusu mpe lisusu.

Kaka yango te, KASI kútu MONENE KOLEKA, tokoki KOYOKA Nkolo na biso Ye moko koloba na nzela ya bibebú ya moto mpe koyebisa biso: “Nabombaki mikanda miye mia bolingo bobele mpo ya bino, Molingami na ngai ya motema. Nayebaki ntango ekoya wapi bolingaki kosengela koyoka ngai koyebisa bino boni Nalingi bino mpe ete bozali baoyo ya Ngai.”

 “Nalingaki koyebisa bino mokolo na mokolo ntango monguna abundisaka bino, ntango bozali koleka kati na momekano mpe bitumba na bino nyoso, BOZALI BAOYO YA NGAI. Nasili Nafuti motuya. Nasili kolonga ézala nini…oyokaki Ngai wa motema?

ÉZALA NINI ozali na Yango bosenga, Nasilaki kolonga mpo na yo, mpo ete Nalingi yo”.

 “Nayebaki yo liboso kútu mokili mózala. Ozalaki eteni na NGAI NDÈLE. Ozali kokanisa yango sasaipi te, kasi Nazali kosala yango. Kobosana te oyo Nayebisaki yo, ozali Mosuni ya Mosuni ya Ngai, Molimo ya Molimo na Ngai, Mokuwa ya Mokuwa ya Ngai”.

 “Ntango ekómi sikawa oyo Nazalaki koyebisa yo mpo na yango. Malózi makozala lisusu te, mimekano mpe bitumba lisusu te; mikolo miangó mileki. Sikawa ezali kaka biso nyoso elongo kati na Sekó na Sekó”.

 “Yiká mpiko. Kóbá kopúsa. Kotána ya mokolo yango ebelemi. Bwálé nyoso ozali koleka na yango mokolo na mokolo ezali bobele kobelemisa yo na Ngai koleka”.

 “Wana eloko ata nini eyei likolo na yo, mpe okómi na esiká ete okití na nsé koleka, olembi mpe olémwi na motema, mpe emonani lokola ete okoki kokóba libosó te, osengeli kobosana soki moke te, Nazali kaka wana mpenza elongó na yo. Liloba na Ngai lizali kobika kati na Yo. Ozali Liloba na Ngai.”

 “Nalobaki na yo, loba Liloba. Elóko se elóko ozali na yango bosenga, ntango ozali kobondela, ndimá ete okozwa Yango mpe okozala na Yango. Ekopesamela yo. Nasili Nalongaki yango mpo na yo”.

 Maloba maye malingi koloba nini epai na biso. Mazali kobatela biso mokolo na mokolo.

Etómbolaka Milimo ya biso mpe etiaka biso kati na bisika ya Likoló elongo na Ye. Tozali bobele kobika mpo ya Nzambe mpe Liloba na Ye. Tozali na ntina moko, nde Yesu Klisto. Libanda na yango, eloko mosusu ezali na ntina te.

 Tosimbi Emononeli.

Ezipelo ezongisami nsima mpe tozali komóna Ye, Liloba na Ye likómí mosuni, koloba na biso na nzela ya bibebu ya moto. Tozali na bolingo na Liloba oyo, Etindá oyo, Mongóngó wana.

 Yaka komibikisa na biso mwa Lomingo na 12:00 nsima ya nzángá, ntango ya Jeffersonville mpe óbika likambo monene koleka na bomoi na yo. Óyoka boni okokí kolonga etumba moko na moko Satana azali kobwaka na nzela na yo. Tóndisá motema na yo na esengo mpe bosepeli koyeba ete ozali Mwasi na Libala ya Yesu Klisto.

 Ndeko Joseph Branham

63-0825M Ndenge nini Nakoki kolonga?

Emoniseli 3: 21-22

NSANGO: 63-0818 Ntango Ya Kosangana Pe Elembo Na Yango

PDF

• 23-1126 Ntango Ya Kosangana Pe Elembo Na Yango
• 22-0515 Ntango Ya Kosangana Pe Elembo Na Yango
• 19-0811 Ntango Ya Kosangana Pe Elembo Na Yango
• 17-0702 Ntango Ya Kosangana Pe Elembo Na Yango
• 15-0909 Ntango Ya Kosangana Pe Elembo Na Yango

BranhamTabernacle.org

Molingami Mosuni ya Mosuni na Ye, Liloba ya Liloba na Ye, Bomoi ya Bomoi na Ye, Molimo ya Molimo na Ye,

Baoyo ya ngai ya motuya Bandeko mibali mpe basi, botanga kaka liloba wana lisusu mpe lisusu. Botanga naino kaka oyo Nzambe Ye moko abiangi bino. Boni nde moto ata nani akokaki kokoma na maloba pamba ya moto ndimbola na yango epai na biso. Ekokoka te kolimbola. Soko tokokaki mpenza kosolola mpe kotia yango na mosala, na mitema ya biso nyoso, makanisi mpe milimo, nandimi mpenza solo ete Konetolama elingaki kosila kosalema.

 Likambo nini ezali ya kobanga? Likambo nini ezali ya komitungisa mpo na yango? Satana azali kobundisa biso, kobwakela biso makono, abundisaka mabanza na biso na ndenge nyoso ya makanisi mabe, kasi eloko moko ezali te oyo ekoki koyokisa biso mpasi. Eloko moko ekokaki nde koyokisa Yesu mpasi? Te. Na bongo eloko te ekokoka koyokisa biso mpasi. Aútaki kaka koloba: TOZALI MOSUNI NA YE, Liloba na Ye, Bomoi na Ye, Molimo na Ye.

Esengo mpe kosepela ya motindo nini oyo tozali na yango na mitema na biso wana tobandaka kobanza likolo na oyo azalaki koyebisa biso. Bimoniseli Nzambe azalaki komonisa epai na biso bande etóndi má, nsima ya bande etóndi má, nsima ya bande etóndi má. Molimo Mosanto azali kopunjwa-punjwa na kati na biso lokola Liziba monene ya Mai Peto. 

 Tobongisamaki koyoka mpe komona Yango. Tokokwea te mpe tokokoka kokwea te to kobungisama nzela. Tozali na nzela na biso kokutana na Motó na biso, Mosikoli na biso, Mobali na biso, Mokonzi na biso, Nkolo na biso, molingi na biso, Mobikisi na biso kati na Esika ya bokutani epesami!

Boyoka naino oyo lisusu: Litondi mobimba ya Bonzambe kati na nzóto efandi kati na BISO, Lingomba na Ye, bozali na bisika ya liboso. Nyoso Nzambe azalaki, Asopaki kati na Klisto; mpe nyoso Klisto Azalaki esopamaki kati na Lingomba; Biso, Mwasi na Ye ya libala. Ezali te eloko moko oyo ekosalema mokolo moko boye, ALOBAKI ETE EZALI  KOSALEMA SIKAWA MPENZA. 

 Okoki nde kobanza, útá na ebandeli mpenza ya ntango, Nzambe Atikalá kopesasekelé ya Libombami na Ye monene na moto moko te, kino lelo. Mpo na nini ko nde Asalaki bongo? Mpo ete Azalaki kozila koyebisa yango epai na BISO na mikolo oyo ya nsuka lokola Alakaki.  Azalaki kozila BISO. Ayebaki ete bobele bison de Baoyo bakokaki, mpe balingaki, KOSOSOLA YANGO MOBIMBA…NKEMBO!!!

 Aponaki biso kozala Mwasi na Ye ya Libala zambi Ayebaki ete tolingaki kokwea te. Tolingaki kotingama na Liloba yango ézala ata nini nyoso na bango basengelaki koloba na ntina na Yango. Tolingaki kotingama na Liloba yango mpe KAKA LILOBA yango! Tobongisamaki kotelema wana. Tozali bana baoyo totiami na bokonzi ya bana na nzela na Yesu Klisto.

Ezali kútu na mingi koleka. Boyoka na bokéngi…bomifina. Motó (Nzambe) mpe Nzóto (Biso) tokómí eloko moko. Ezali Nzambe komimónisa kati na BISO.

• Nzambe na Lingomba na Ye bazali moko: “ Klisto kati na YO.”
• Tozali Emoniseli Monene ya Nzambe.
• Tozali kútu komema Nkómbo na Ye; Nkombo na Ye ezali Yesu, Mopakolami.
• Tozali Nzóto ya Klisto epakolami. Tozali komonisa Nzambe lokola Nzóto wana esalaki.
• Tozali Mwasi na Ye ya libala, tomemi zémi na Molimo na Ye.

Lingomba, kobota bana, bazui zémi; naMolimo na Ye komema Nkombo na Ye; komema Bomoi na Ye. Tozali na eyano ya Satana. Motó ezali awa. Klisto, Nkolo oyo asékwi, Azali awa na Nguya yango moko ya lisekwa na Ye oyo azaláká ndèle na yango, komimonisa Ye mpenza kati na biso, Mwasi na Ye ya libala Liloba lilobami.

 Nzambe azali sasaipi kosangisa Mwasi na Ye ya libala elongo. Azali kosangisa bango útá na mokili mobimba na nzela ya Liloba na Ye, eloko sé yoko ekoyéisa Mwasi ya libala elongó. Molimo Mosanto azali kokamba mpe koyanganisaMwasi na Ye ya libala. Kati na eleko moko na moko, mosakoli azalaki Molimo Mosanto mpo na mokolo na bango.

Bokanisa oyo. Wana ekolobaka bato ete totiaka lokumu mingi likolo na mwanje ya nsambo, motindami, bokanisa ete Nzambe Ye moko apesaki mokumba YA BA SEKELÉ NA YE NYOSO Azalaki na yango kati na Likanisi na Ye liboso kútu mokili mózala, epai ya motindami na Ye, mwanje ya nsambo. Nzambe Ye mpenza atieláki mobali oyo motema na 100%, na motindo ete atiaki Mwango na Ye monene ya ntango ya nsuka na maboko na ye. Apesi ye…BOYOKA, APESI YE Emoniseli ya ba sekelé na Ye nyoso epai ya mobali yango. Apesi na mobali yango Emoniseli ya makambo makomamáki kútu te. Alobaki ete eloko sé eloko ekoloba ye awa na mabelé ezalaki mpenza na litomba na lolenge ete eyokamáki na Lóla.

 Ntembe ezali te ete Nzambe atindaki mibali minene batondaki na Molimo Mosanto kati na mokili. Kasi moko na moko ya mibali yango, atá ko batondaki na Molimo Mosanto, bakoki kozala na libunga. Nzambe andimisá soki moké te oyo elobaki bango kozala Yango Elobi Nkolo, mpe ayebisaki yo óndima Liloba moko na moko.Ezalaki bobele na Moto moko oyo azalaki na bokonzi yango koúta na Nzambe, mwanje na Ye ya nsambo, motindami.

 Bokoki, mpe bosengelaki kozala na mobateli. Kasi soko mobateli yango azali koyebisa bino te ete MONGÓNGÓ YA NZAMBE likolo ya bande nde MONGÓNGÓ YA LITOMBA KOYOKA KOLEKA, mpe kotia yango LIBOSO na bino na boyokáká bande elongo na bino, bobele te ye koyebisa bino ete oyo nde mosakoli alobaki, bozali na mobateli moko mabe.

 Ézala ata nani azali kokamba bino, ata nde bokobeta tólo koloba ete ezali Molimo Mosanto, ekozala malamu koleka ézala kosangisa bino na Etindá oyo,  Mongóngó wana, lokola Ezali Mongóngó Bobele moko oyo ekokaki koloba: “NAZALI MONGÓNGÓ  YA NZAMBE EPAI NA BINO”.

Soko obongisamaki komona Yango, okomona Yango. Soko bongo te, okomona Yango soki moke te; obongisamaki te komona yango.

Tozali komona bikólo koyangana, tozali komona mokili kosangana, tozali komona mangomba kosangana. Tozali komona Mwasi ya libala kosangana, kosangana elongo na Liloba. Mpo na nini? Liloba nde Nzambe. Mpe lokola Liloba…Lokola Mobali ya libala (ezali Ye Liloba), mpe Mwasi ya libala (wana ezali ye moyoki ya Liloba), bayei elongo kati na Lisangá moko. Basangani lokola bolongani. Bomoni, bazali komilengele mpo ya makwéla, mpe ba—bakómí Moko. Liloba likómí yo, yo okomí Liloba. Yesu alobaki: “Na mokolo yango bokoyeba yango. Nyoso oyo Tata azali, Nazali, mpe nyoso ezali Ngai, bozali; mpe nyoso ezali bino Nazali. Na mokolo yango bokoyeba ete Nazali kati na Tata, Tata kati na Ngai, Ngai kati na bino, mpe bino kati na Ngai.”

 Nabiangi bino koya kosangana elongo na biso zingázingá ya Mongóngó ya Nzambe Lomingo loye na 12:00 nsima ya nzángá, ntango ya Jeffersonville, lokola tozali koyoka Ntango Mpe Elembo Ya Kosangana 63-0818

Ndeko Joseph Branham

 Makomi ya kotanga liboso ya losambo:

Njembo 86: 1-11

St. Matai 16: 1-3

Nsango: 63-0728 Klisto Azali Libombami Ya Nzambe Limonisami

• 23-1119 Klisto Azali Libombami Ya Nzambe Limonisami
• 22-0508 Klisto Azali Libombami Ya Nzambe Limonisami
• 20-0705 Klisto Azali Libombami Ya Nzambe Limonisami
• 19-0728 Klisto Azali Libombami Ya Nzambe Limonisami
• 17-0723 Klisto Azali Libombami Ya Nzambe Limonisami

BranhamTabernacle.org

Molingami Mbuma Ya Motema Ya Mosakoli,

 Bazali —baoyo babotameli Yo, na Molimo mpe na Liloba ya Solo.  Mpe nabondeli ete Opambola bango, Nkolo, mpe obatela bango makasi elongo na bokangami ya bolingo ya Klisto.

 Bomilengela, tokozala na mapamboli, Bipakweli mpe Emoniseli lokola naino libosó te.  Tokoki koyoka yango na bomoto na biso, eloko moko ebelemi kosalema.  Ntango ebelemi.  Tozali na esengo mingi mpe na nse ya bozili na etingia monene.  Mwasi ya libala longwa na mokili mobimba azali koyangana mpo na koyoka útá na kiti ya bokonzi ya Nzambe Liteya oyo ekomema biso na misándá ya sika, mpe ekotondisa, mpe etondisa, na nsima kotondisa biso lisusu na Molimo Mosanto na Ye.

 Likomi likokokisama.  Likebisi lipesami.  Kosambisama ebelemi.  Nkolo azali koya kobianga Mwasi na Ye ya Libala na Elambo na biso ya Libala.  Kobianga ya nsuka ebimi.  Boyei ya Nzambe bokómí.  AKOYA MPO YA BISO.

 Tozali Momboto na Ye mobongisamaki liboso oyo amoni Yango mpe andimi Yango.  Masumu ma biso mapanzáni, malongwí.  Mabwakámi na sabóni ya Makila ya Yesu Klisto, mpe masengeli kokanisama ata moke te.  Nzambe abosani yango NYOSO.  Totelemi lokola mwana mobali mpe mwana mwasi ya Nzambe, na Bozali ya Nzambe.  Tozali SIKAWA…tokozala te;  tozali SIKAWA bana mibali mpe bana basi ya Nzambe.

 Toyebi eloko moko, LILOBA.  BA BANDE.  ETINDÁ OYO.  Bazali eloko moko.

 Mpe mbala moko, kaka mwa ntango eleki, ntango Otálisaki emononeli, mwa Eyanganelo awa, mpo ya kobomba Bilei, ete ntango ekoyá wapi nyonso oyo ekosengelama na yango… “Bomba Bilei oyo awa mpo na ntango  .

 Sikawa nde ntango.  Oyo nde “bilei”.  Biso nde bato yango.  Tozali na Emoniseli.

 Basusu bakoki kozanga komona litomba ya Lotómo ya bánde.  Biso te.  Ezali bomoi na biso, ezali nyoso mpo na biso.  Ezali koleka bomoi epai na biso.  Ntango tozali na motuna na likambo moko, tokendeke te kosenga moto alimbolela biso yango, to álukela biso yango.  Tosalaka kaka ndenge mwanje ya Nzambe alakisaki biso tósala soko tozangi kososola to tozali na motuna.

 Bosimbi yango?  Soko bosimbi te, bozonga na bande oyo.  Nayebi te ntango boni nakozala elongo na bino.  Bomikundolela, oyo ezali Solo,  OYO ELOBI NKOLO.  Ezali Solo.  Ezali Likomi.

 Soko bokati ntina te, bozonga na bande.

 Kosilika na biso te, ezali OYO ALOBAKI…BAKISA, oyo ezali SOLO YA YANGO ELOBI NKOLO.  Alobaki te eteni na Yango, ndambo na Yango, to ntango moto moko alimboli oyo ezali to ezali te Liloba lipakólami.  BA BANDE  IZALI YANGO ELOBI NKOLO.

 Okoki ntango mosusu kosimba Yango te, to kososola Yango te, to kozala na emoniseli na Yango epesameli naino yo te.  Kasi epai na biso, oyo nde  Azali koyebisa biso na nzela ya mosakoli na Ye.

 Oyebi ndenge oyebisaka mwasi na yo makambo, oyebi, elengé mwasi okobála.  Olingi ye mingi, oyebisaka ye kaka basekelé, mpe otelemisi ye pene na yo, mpe alingi yo mpe nyoso .  Oyebi ndenge ezalaka.

 Yango nde Nzambe, Klisto, azali kosala na Lingomba.  Bomoni?  Azali kotika Ye ayeba basekelé, kaka basekele.  Balingi oyo ya lokutá te;  Nalingi koloba Mwasi na Ye.

 Mpe tozali kaka kokótisa Yango nyonso. Oo, boniboni Mwasi ya libala azalaka na esengo na bosepeli liboso kaka ya bolóngani na ye.  Tokoki mpenza te kozala nye.  Tozali kotanga minuti….ba sekónde.  Azali kaka koyebisa biso mbala na mbala boniboni alingaka biso.

 Satana azali kokoba kobundisa biso lokola abundísá liboso naino te, kasi oyo azangi komibongisa mpo na yango, ezali ete sikawa TOYEBI tozali banani.  Ntembe ezali lisusu te, TOZALI LILOBA LILOBAMI.  Tokoki, mpe tozali, koloba Liloba.  Tozali na eyano ya Satana.  Nzambe Amindimisaki.  Nzambe amitálisaki.  Tozali Liloba na Ye ya bomoi mpe tozali koloba na bokonzi nyonso oyo  Apesi biso.

 Mpe Ye oyo awa lelo, kati na Liloba na Ye, komonisa eloko yango moko Asalaki kuna.  Mwasi yango akoki koyeba motó mosusu te.  Te, mobali.  Episkopo azali te, eloko mosusu te.  Ayebi Motó moko, yango Klisto, mpe Klisto azali Liloba.  Oo, oo!  Whew!  Nalingaka yango mingi.  Uh!  Iyo, mobali.

 Tozali ya Bokonzi moko, mpe Bokonzi yango nde Liloba ya Nzambe oyo ekómi Molimo mpe Bomoi na bomoi na biso moko.  Yango wana, tozali Liloba na Ye ya bomoi.

 Oyo mpenza elobi yango polele baninga na ngai, SOKO OZALI NA EMONISELI YA SOLO KONDIMA YANGO.

 Botala sikawa, toyangani elongo na nse ya Motó moko, na motindo yango moko, elilingi ya Yisalaele ya kala.  Sikawa bozali kosimba yango?  Lokola Yisalaele ya kala;  Nzambe moko, andimisamaki na nzela ya Likonzí ya Móto, mpe amimonisaki na nzela ya mosakoli moko, kozala Liloba.  Nzambe yango moko, Likonzí ya Móto yango moko, Lolenge yango moko;  Akoki te kobongola nzela na Ye.  Ebongi mpenza kwa …Kaka lokola ekoki kozala.

 Mosakoli…tika ézinda na kati. Nzambe moko, andimisami na Likonzí ya Móto , na nzela ya mosakoli , kozala Liloba mpo na mokolo wana, mpe Akoki kobongwana te.

 Nakokaki kokóba lisusu na lisusu, mpe tokokaki kosepela mpe kozala na bondeko likolo ya eteni ya Liloba nsima ya eteni ya Liloba;  mpe tokosala yango, útá na mokili mobimba Lomingo loye na 12:00 nsima ya nzángá ntango ya Jeffersonville, lokola tozali koyoka: Klisto Azali Libombami Ya Nzambe Limonisami 63-0728.

 Ndeko.  Joseph Branham.

 Makomi ya kotánga liboso ya Liteya :

 St. Matai 16:15-17

 St. Luka Mokapo mwa 24

 St. Yoane 5:24 / 14:12

 1 Bakolinti Mokapo ya 2

 Baefese Mokapo 1

 Bakolose Mokapo 1

 Emoniseli 7:9-10