Nalingi ete biso banso tomilengela mpo na molulu ya elambo ya litomba mingi na ba ndako na mpokwa libosó ya mbula ya sika, mwa Lomingo , mokolo ya nsánzá 31 nsánzá ya Zomi na mibale. Tokozala koyoka Liteya, 63- 0901E Kokóma na nsuka, epai wapi Ndeko Branham akoti na molulu ya elambo mpe kosukolana Makolo pene na nsuka ya bande.
Liteya likoyokama na Voice Radio (na Angelé kaka), mpe ekolanda molongó ya losambo lokola tosalaki mpo na milulu ya elambo na Ndako mbala ilékí, kati na yango mozíki ya piano ekozala kobeta ntango ya eteni ya losambo ya molúlú ya elambo, mpe Nzembo ya Nsango Malamu na ntango ya Kosukolana Makolo. Tokobanda losambo na ngonga ya 5:00 nsima ya nzángá, ntango ya Jeffersonville. Mpo na baye bazali ngámbo ya bibale minene, bomiyoka nsómi koyokisa bande mpe kosala elambo na ngonga ya mboka na bino na lolenge ete elambo éliama liboso na midí ya butú ya 2023.
Nakoki kokanisa te lolenge moko ya malamu koleka tokokaki kosukisa mbula oyo ya 2023, mpe kobanda mbula ya sika ya mosala epai ya Nkolo na 2024, koleka kozala na kimia liboso na Ye, kokóma na nsúka na koleka mpo na Ye, kolia Elambo na Ye, kobóndanela mpe kolimbisana, kosukola makolo ya basanto na Ye, mpe koyoka Liloba na Ye. Mpokwa godi nini oyo ekozala.
Na nsé awa ezali na bikanganeli ya eternet mpo na ndenge ya kozwa/kobongisa vinyo mpe lipa ya elambo.
Nazali na botondi mingi ete Nkolo apesi nzela mpo na biso kosangana elongo mpo na libaku ya bule boye. Nazali mpenza kozila kokutana na bino banso na Mesa na Ye.
Lomingo loye tokozala koyoka Liteya ya Noele: Mpo na nini Beteleme Moké 58-1228 na 12:00 nsima ya nzángá, ntango ya Jeffersonville.
Nzambe apambola bino,
Ndeko Joseph Branham
Lomingo ya mokolo mwa 24 nsánzá ya Zomi na mibale 2023
58-1228 Mpo na nini Beteleme Moké?
12:00 nsima ya nzángá, ntango ya Jeffersonville.
Lomingo ya mokolo mwa, 31 nsánzá ya Zómi na mibale 2023
63- 0901E Kokóma na nsúka/ Elambo na ndako & Kosukolana Makolo 5:00 nsima ya nzángá, ntango ya Jeffersonville
Malako mpo na Kotumba Lipa/ Kosala Vinyo
Malako mpo na Kozua Vinyo ya Elambo/ Bisaleli mpo na Kosukolana Makolo
Motema na ngai mozali kaka kopunjuapunjua ntango namoni bino banso koyangana zingazinga ya Mongóngó na Ngai, koyoka Liloba na Ngai, lokola nazali koloba na bino na nzela ya mwanje na Ngai.
Esepelisaka Ngai mingi koyeba ete ozali na Emoniseli ya oyo Naponaki kozala Mongóngó na Ngai epai na yo. Kondima Liloba nyonso oyo alobaki ezalaki liloba na ye te, kasi Liloba na Ngai epai na yo.
Ezalaki mpenza na litombá mingi mpo na Ngai, kino Natiaki Yango na bande mpe ebómbámáki mpo na yo, ete ókoka koyoka Yango mbala na mbala. Nalingaki Soki moké te óbósana oyo Nalobaki eútáki na motema na Ngai. Nayebaki ete Ekozala nzela se moko nakokaki kopesa yo Kondima wana Ebongi be oyo ozalaki na yango bosenga, ete tokoka kozala elongo.
Nasalelaka ntango nyonso moto moko koloba mpe komonisa Liloba na Ngai epai ya Mwasi na Ngai ya Libala. Kaka lokola nasalaki na Mose. Oyo abiangaki, yango nde azuaki, zambi alobaki kaka Maloba na Ngai. Nayebisaki kútu ye, Nakosala yo nzambe. Ózala nzambe, mpe Alona akozala mosakoli na yo. Nakozwa mongóngó na yo, mpe nakokela na yo. Nakoloba, mpe bato bakoki kowangana yango te. Oyo nyoso OLOBI, ekosalema.
Sikawa lokola ozwi Kondima Ebongi be kati na Liloba na Ngai, oyebi kaka te nani Natindaki epai na yo kozala Mongóngó na Ngai, kasi sikawa oyebi ete Liloba na Ngai lizali kobika mpe kofanda kati na YO, mpe lipesi yo KONDIMA EBONGI BE.
Oyebi soko ozali nani. Ofandi kati na Ngai, mpe Liloba na Ngai kati na yo. Sengá nini olingi; ekopesamela yo. Na Nkombo na Ngai okobengana milimo mabe; ezali te, Nako, OKO. Soko Olobi na ngomba oyo; ezali te Soko NALOBI, soko Olobi na ngomba oyo.
Monguna na yo azali lisusu na nguya te likoló na yo. Yo na Liloba na Ngai bozali MOKO. Soko ozali na bana to balingami oyo bazali te esika basengelaki kozala, séngá bango. Soko Esalaki likolo na yo, na nsima salelá KONDIMA na yo EBONGI BE na LILOBA na Ngai LIBONGI BE lifandi kati na yo, mpe okoki kozua oyo osengi.
Oo, Nazilaki ntango molaí mpo oyeba nani ozali. Mpo komona yo komilengela na boyókáká Liloba na Ngai. Nasepeli mingi ntango yango nsuka-suka ekómí.
Liloba wana Libongi be oyo Nalobaki mpe nabombaki mpo na yo ezali Elembo na Ngai mpo na mondimi nyonso lelo. Ezali Molimo Mosanto; makila te, oyo ekoki kosimbama, kasi Ezali Molimo Mosanto na Ngai, Liloba na Ngai, oyo ezali kobika mpe kofanda kati na yo.
Ngonga ya Elembo wana kotalisama ezali pene. Osengeli komema Elembo elongo na yo butu na moi; kaka na mokolo mwa Lomingo te, osengeli kofina Play ntango nyonso.
Ayebaka kaka E—Elembo. Yango nde Etíndá ya ngonga oyo! Yango nde Etindá ya lelo oyo! Yango nde Etindá ya ntango oyo! Na Nkombo ya Yesu Klisto, yamba Yango!
Ezali na bitindá ebele libanda kuna, kasi Mongóngó na Ngai ezali Etindá ya ngonga. Esengeli oyamba mpe ondima Liloba moko na moko. Esengeli épakolama na ntango ya mpokwa.
Bino na mokili mobimba, baoyo bozali koyoka na ba bande, elembo ya ngonga yango oyo. Ezali na Elembo moko esengeli kotiama, mpe ntango mosusu te ekokaki na yango koya….ozali kosimba Yango?
Yaka kotia Elembo na Ngai na bomoi na yo elongo na Mwasi na Ngai ya libala Lomingo loye na 12:00 nsima ya nzángá, ntango ya Jeffersonville, lokola tozali koyoka Liteya na Ngai epai ya Mwasi ya Libala: Elembo 63-0901M.
Kondima ya biso eyaka na boyóki, boyóki ya Liloba. Liloba liyáka epai ya mosakoli.
Mosakoli azali:
Liloba likómi mosuni! Aleluya! Liloba kosala kati na nzoto ya moto, na nzela ya bilembo bikomónanaka, bilembo bikoki kosimbama, bilembo ya Makomi, na bobongi be, komemela bino Kondima Ebongi be mpo ya Konetolama Ebongi be.
Tozali kosala mpenza kaka oyo Liloba lilobi mpo na biso tósála na boyókáká Mongóngó ya Nzambe bobele moko mondimisami koloba mpe komonisa Liloba na Ye na nzela ya mosuni ya moto kopesa biso Kondima Ebongi be.
Ozali na…matòi ma yo makufi na eloko mosusu ata nini kasi oyo Molimo alobi. Bomoni? “Epai na ye oyo azali na litói (oyo ayókaka), bomoni oyo Molimo alobi na mangómbá”; ye nani azali na eyókeli, oyo asimbi yango Molimo alobi na mangomba. Bomoni?
Tozali eyokelo ya Ye oyo tozali kosimba mpe kondima Liloba moko na moko. Ntango apesaka biso mitindo: “Boloba kaka oyo ezali likolo ya ba bande. NAZALI MONGÓNGÓ YA NZAMBE epai na bino. Bobiangaka ngai mobateli na bino, mpe bolobi malamu mpo Nazali bongo.” Tokokisaka yango. Nyoso elobi ye, ezali na ntembe ata ndambo esika moko te; tokóbí libosó na mobembo. Eloko sé eloko Nkolo alobi na nzela ya mosakoli na Ye, ezali na moto moko te kati na mokili oyo akokoka koloba na biso tóbima na yango, tokendeke liboso kaka lolenge moko.
Sasaipi bozali koya kati na Kondima Ebongi be, bobongi bé bobongí kwa bokokí kokwea te. Kondima wana ekweaka soki moké te.
Tozali sikawa na Kondima Ebongi bé kati na Liloba na Ye. Tozali komitala te. Tozali kobanga eloko te, lokola YOBO. Tozali na nsómo te kotala mbóngé minene mpe kozinda kati ya mai lokola Petelo. Mikolo miangó misili.
Sikawa tozali kotala na Liloba wana Libongi bé lizali kobika mpe kofanda kati na biso. Tozali kokóta kati na litongi ya Mwasi ya libala. Tozali kokóma kati na motindo ya Konetolama.
Ntango tobondelaka, tondimaka ete tozui yango eséngí biso, mpe tokozua yango; ekopesamela biso. Ntango, etando, eloko mosusu ata nini ekobongola yango te ata boni. Toyebi esili. Esili kosúka. Toyebi ko boni? Mpo ete ezali Liloba ya biso te, kasi LILOBA YA YE, oyo Alobaki mpe Apesaki biso. Tozali na NGUYA MPE KONDIMA EBONGI BE KOLOBA YANGO.
Kaka lokola esalaki Yesu mpo na Ye moko, Tozali koyeba etemelo na biso; soko tozali banani. Eloko bobele moko tosengeli kosala na bongo, ezali kozala na kondima na oyo ezali biso. Kozala na kondima na oyo LILOBA lilobi tozali! Na nsima Liloba ya Nzambe liyei kati na biso mpe limimonisi Yango mpenza; zambi tozali mondimi. Mpe mondimi nde “kondima ya Nzambe oyo ezali kosala kati na biso.”
Mpe sikawa, tokómí bapakolami na Molimo yango moko; ba masiya bapakólámí, ba masiya ya mokolo ya nsuka, kongengisa lisekwa ya Yesu Klisto; kotalisa ete Akufi te, kasi na lolenge ya Molimo Mosanto, Azali kati na bato na Ye; kotambola kati na Mwasi na Ye ya libala, na likambo ya bolingo epai na Ye, kosopa kati na Ye, Ye moko. Bazali kokóma moko mpo ya Lipati ya libala; mpe bilembo yango moko, bilakamí na Nzambe yango moko, kati na Liloba yango moko, Azali kosala mamónisami yango moko.
Eloko ezali te oyo etikali mpo na biso kosala kasi kondima Yango; mpe na bondimaká Ezali eloko oyo ekelaka Kondima Ebongí be. Boyoka yango lisusu, NA BONDIMÁKÁ EZALI ELOKO OYO EKELAKA KONDIMA EBONGI BE.
Ezali nde na mosisá moko na nzóto na yo oyo ebétaka ntembe na Liloba moko: TE
Ondimaka Liloba nyoso: Iyo
Apesaki nde yo Emoniseli ya Etindá oyo: Iyo
Mwasi na libala kaka nde akozala na Emoniseli ya solo: Iyo
Boyebi ete bozali Mwasi na Ye ya libala: Iyo
Alobaki nde ete na bondimáká Liloba nyoso ekopesa bino Kondima Ebongi be: Iyo
NA BONGO BOZALI MWASI LILOBA KONDIMA EBONGI BE!!
Oo Nkolo bongisa biso lokola liboso naino te lokola ezali biso koyangana elongo Mokolo mwa Lomingo koyoka Liloba na Yo.
Sungá biso ete tómitala lisusu te ata mbala moko biso moko, kasi bobele kondima Liloba na Yo Olobaki mpo na biso. Tomoni Bobéndami ya Misato na mosala mpe toyebi ezali kofanda kati na biso. Tosengeli tózala koloba mpe kondima Liloba na Yo.
Toyebi Ozali koya noki mpo ya Mwasi Liloba na Yo abongi bé.
Ézala nini tosengeli na yango Tata, ÉZALA NINI TOSENGELI NA YANGO, toyebi Tokozua Yango.
Zambi Ezali Liloba na Yo lisilaki Yo koloba mpo ya biso.
Eloko ya kosala ezali te kasi kaka KONDIMA YANGO. Tondimi Tata, tondimi. Sikawa tika ete tosala likolo na LILOBA NA YO.
Toyamboli kokwea na biso nyoso, masumu mpe mabe na biso. Tala biso na nzela ya Makila ya Mwana na Yo epai wapi tolongisami na nzela ya Ngolu mpe mawa na Yo.
Tika ete mbóngwáná ezala kati na Mwasi na Yo ya Libala lokola liboso naino te. Tika ete Ósopela biso Molimo na Yo mpe Ópesa biso nyoso tozali na yango bosenga.
Mokoni akobika na mpasi nyoso. Mozóngi nsima akozongela Liloba. Mwasi na libala na Yo na mokili mobimba akomona nzela na Yo epesami mpo ya lelo mpe ya kondima.
Soko ozali na moto te oyo akotiela yo maboko…mitiela maboko yo moko…ozali mondimi. Okómáki Liloba; okómi Liloba, wana eyambi yo Liloba.
Yaka Nkolo Yesu, Mwasi na Yo ya Libala azali komilengela na bomitiáká na bozali ya Liloba na Yo, kotela. Tolingi komikembisa mpe kolatisama na Liloba na Yo.
Yaka kopakola biso lokola naino libosó te Lomingo loye na 12:00 nsima ya nzángá, ntango ya Jeffersonville, lokola eteni moko ya Mwasi na Yo ya libala azali koyangana koyoka Yo koloba mpe komonisa biso lolenge ya kozua: Kondima Ebongi be 63-0825E.
Boni mitema na biso mipumbwaki na esengo mokolo mwa Lomingo ntango toyokaki Nkolo na biso koloba mpe koyebisa biso nini ezali kosalema sikawa. Tozali kosangana elongo na Liloba mpe kokóma Moko elongo na Ye. Noki mpenza tokosangana na basanto baoyo bakendeki liboso na biso kozala Moko elongo na bango. Nsima tokozala biso nyoso elongo tosangani na Klisto lokola Moko mpo na Lipati ya Libala ya Mwana Mpate.
Esengo nini etondisaki bomoto na biso ntango Ayebisaki biso kokanisa ete nsima ya mwa ntango, na kobweta líso, mokili mokoyeba kútu te nini ezali koleka; kasi na pwasa mbala moko, tokomona libosó na miso na biso balingami na biso baoyo bakendeki liboso, mpe tokosangana na bango lisusu.
Bozili nini oyo na etingia etondisi mitema na biso kokanisa ete nsima ya ntáka moké ya ntango, tokomona kotelema liboso na miso na biso, ba tata na biso, ba mama, bandeko mibali, bandeko basi, mibali, basi, bana, kútu ata mosakoli na biso. TOKOMONA BANGO KATI NA NZOTO!!
Tokoyeba ndèle wana mpenza, yango Oyo; ntango ekoki, tokómi, ESILI.
Bosili boyóká kolamukisa na nzela ya Emoniseli!! Bobele kokanisa mpe kosolola na ntina na yango sasaipi, Nakoki koyoka bino kogánga, NKEMBO, ALELUYA, MASANZOLI NA NKOMBO NA NKOLO.
Ntango nini oyo tozali na yango, kosala lipati likolo na mikanda oyo ya bolingo mitikamelaki biso. Mikanda ya bolingo tokoki kobimisa ntango sé ntango tolingi mpe kotanga yango lisusu na lisusu mpe lisusu.
Kaka yango te, KASI kútu MONENE KOLEKA, tokoki KOYOKA Nkolo na biso Ye moko koloba na nzela ya bibebú ya moto mpe koyebisa biso: “Nabombaki mikanda miye mia bolingo bobele mpo ya bino, Molingami na ngai ya motema. Nayebaki ntango ekoya wapi bolingaki kosengela koyoka ngai koyebisa bino boni Nalingi bino mpe ete bozali baoyo ya Ngai.”
“Nalingaki koyebisa bino mokolo na mokolo ntango monguna abundisaka bino, ntango bozali koleka kati na momekano mpe bitumba na bino nyoso, BOZALI BAOYO YA NGAI. Nasili Nafuti motuya. Nasili kolonga ézala nini…oyokaki Ngai wa motema?
ÉZALA NINI ozali na Yango bosenga, Nasilaki kolonga mpo na yo, mpo ete Nalingi yo”.
“Nayebaki yo liboso kútu mokili mózala. Ozalaki eteni na NGAI NDÈLE. Ozali kokanisa yango sasaipi te, kasi Nazali kosala yango. Kobosana te oyo Nayebisaki yo, ozali Mosuni ya Mosuni ya Ngai, Molimo ya Molimo na Ngai, Mokuwa ya Mokuwa ya Ngai”.
“Ntango ekómi sikawa oyo Nazalaki koyebisa yo mpo na yango. Malózi makozala lisusu te, mimekano mpe bitumba lisusu te; mikolo miangó mileki. Sikawa ezali kaka biso nyoso elongo kati na Sekó na Sekó”.
“Yiká mpiko. Kóbá kopúsa. Kotána ya mokolo yango ebelemi. Bwálé nyoso ozali koleka na yango mokolo na mokolo ezali bobele kobelemisa yo na Ngai koleka”.
“Wana eloko ata nini eyei likolo na yo, mpe okómi na esiká ete okití na nsé koleka, olembi mpe olémwi na motema, mpe emonani lokola ete okoki kokóba libosó te, osengeli kobosana soki moke te, Nazali kaka wana mpenza elongó na yo. Liloba na Ngai lizali kobika kati na Yo. Ozali Liloba na Ngai.”
“Nalobaki na yo, loba Liloba. Elóko se elóko ozali na yango bosenga, ntango ozali kobondela, ndimá ete okozwa Yango mpe okozala na Yango. Ekopesamela yo. Nasili Nalongaki yango mpo na yo”.
Maloba maye malingi koloba nini epai na biso. Mazali kobatela biso mokolo na mokolo.
Etómbolaka Milimo ya biso mpe etiaka biso kati na bisika ya Likoló elongo na Ye. Tozali bobele kobika mpo ya Nzambe mpe Liloba na Ye. Tozali na ntina moko, nde Yesu Klisto. Libanda na yango, eloko mosusu ezali na ntina te.
Tosimbi Emononeli.
Ezipelo ezongisami nsima mpe tozali komóna Ye, Liloba na Ye likómí mosuni, koloba na biso na nzela ya bibebu ya moto. Tozali na bolingo na Liloba oyo, Etindá oyo, Mongóngó wana.
Yaka komibikisa na biso mwa Lomingo na 12:00 nsima ya nzángá, ntango ya Jeffersonville mpe óbika likambo monene koleka na bomoi na yo. Óyoka boni okokí kolonga etumba moko na moko Satana azali kobwaka na nzela na yo. Tóndisá motema na yo na esengo mpe bosepeli koyeba ete ozali Mwasi na Libala ya Yesu Klisto.
Molingami Mosuni ya Mosuni na Ye, Liloba ya Liloba na Ye, Bomoi ya Bomoi na Ye, Molimo ya Molimo na Ye,
Baoyo ya ngai ya motuya Bandeko mibali mpe basi, botanga kaka liloba wana lisusu mpe lisusu. Botanga naino kaka oyo Nzambe Ye moko abiangi bino. Boni nde moto ata nani akokaki kokoma na maloba pamba ya moto ndimbola na yango epai na biso. Ekokoka te kolimbola. Soko tokokaki mpenza kosolola mpe kotia yango na mosala, na mitema ya biso nyoso, makanisi mpe milimo, nandimi mpenza solo ete Konetolama elingaki kosila kosalema.
Likambo nini ezali ya kobanga? Likambo nini ezali ya komitungisa mpo na yango? Satana azali kobundisa biso, kobwakela biso makono, abundisaka mabanza na biso na ndenge nyoso ya makanisi mabe, kasi eloko moko ezali te oyo ekoki koyokisa biso mpasi. Eloko moko ekokaki nde koyokisa Yesu mpasi? Te. Na bongo eloko te ekokoka koyokisa biso mpasi. Aútaki kaka koloba: TOZALI MOSUNI NA YE, Liloba na Ye, Bomoi na Ye, Molimo na Ye.
Esengo mpe kosepela ya motindo nini oyo tozali na yango na mitema na biso wana tobandaka kobanza likolo na oyo azalaki koyebisa biso. Bimoniseli Nzambe azalaki komonisa epai na biso bande etóndi má, nsima ya bande etóndi má, nsima ya bande etóndi má. Molimo Mosanto azali kopunjwa-punjwa na kati na biso lokola Liziba monene ya Mai Peto.
Tobongisamaki koyoka mpe komona Yango. Tokokwea te mpe tokokoka kokwea te to kobungisama nzela. Tozali na nzela na biso kokutana na Motó na biso, Mosikoli na biso, Mobali na biso, Mokonzi na biso, Nkolo na biso, molingi na biso, Mobikisi na biso kati na Esika ya bokutani epesami!
Boyoka naino oyo lisusu: Litondi mobimba ya Bonzambe kati na nzóto efandi kati na BISO, Lingomba na Ye, bozali na bisika ya liboso. Nyoso Nzambe azalaki, Asopaki kati na Klisto; mpe nyoso Klisto Azalaki esopamaki kati na Lingomba; Biso, Mwasi na Ye ya libala. Ezali te eloko moko oyo ekosalema mokolo moko boye, ALOBAKI ETE EZALI KOSALEMA SIKAWA MPENZA.
Okoki nde kobanza, útá na ebandeli mpenza ya ntango, Nzambe Atikalá kopesasekelé ya Libombami na Ye monene na moto moko te, kino lelo. Mpo na nini ko nde Asalaki bongo? Mpo ete Azalaki kozila koyebisa yango epai na BISO na mikolo oyo ya nsuka lokola Alakaki. Azalaki kozila BISO. Ayebaki ete bobele bison de Baoyo bakokaki, mpe balingaki, KOSOSOLA YANGO MOBIMBA…NKEMBO!!!
Aponaki biso kozala Mwasi na Ye ya Libala zambi Ayebaki ete tolingaki kokwea te. Tolingaki kotingama na Liloba yango ézala ata nini nyoso na bango basengelaki koloba na ntina na Yango. Tolingaki kotingama na Liloba yango mpe KAKA LILOBA yango! Tobongisamaki kotelema wana. Tozali bana baoyo totiami na bokonzi ya bana na nzela na Yesu Klisto.
Ezali kútu na mingi koleka. Boyoka na bokéngi…bomifina. Motó (Nzambe) mpe Nzóto (Biso) tokómí eloko moko. Ezali Nzambe komimónisa kati na BISO.
Nzambe na Lingomba na Ye bazali moko: “ Klisto kati na YO.”
Tozali Emoniseli Monene ya Nzambe.
Tozali kútu komema Nkómbo na Ye; Nkombo na Ye ezali Yesu, Mopakolami.
Tozali Nzóto ya Klisto epakolami. Tozali komonisa Nzambe lokola Nzóto wana esalaki.
Tozali Mwasi na Ye ya libala, tomemi zémi na Molimo na Ye.
Lingomba, kobota bana, bazui zémi; naMolimo na Ye komema Nkombo na Ye; komema Bomoi na Ye. Tozali na eyano ya Satana. Motó ezali awa. Klisto, Nkolo oyo asékwi, Azali awa na Nguya yango moko ya lisekwa na Ye oyo azaláká ndèle na yango, komimonisa Ye mpenza kati na biso, Mwasi na Ye ya libala Liloba lilobami.
Nzambe azali sasaipi kosangisa Mwasi na Ye ya libala elongo. Azali kosangisa bango útá na mokili mobimba na nzela ya Liloba na Ye, eloko sé yoko ekoyéisa Mwasi ya libala elongó. Molimo Mosanto azali kokamba mpe koyanganisaMwasi na Ye ya libala. Kati na eleko moko na moko, mosakoli azalaki Molimo Mosanto mpo na mokolo na bango.
Bokanisa oyo. Wana ekolobaka bato ete totiaka lokumu mingi likolo na mwanje ya nsambo, motindami, bokanisa ete Nzambe Ye moko apesaki mokumba YA BA SEKELÉ NA YE NYOSO Azalaki na yango kati na Likanisi na Ye liboso kútu mokili mózala, epai ya motindami na Ye, mwanje ya nsambo. Nzambe Ye mpenza atieláki mobali oyo motema na 100%, na motindo ete atiaki Mwango na Ye monene ya ntango ya nsuka na maboko na ye. Apesi ye…BOYOKA, APESI YE Emoniseli ya ba sekelé na Ye nyoso epai ya mobali yango. Apesi na mobali yango Emoniseli ya makambo makomamáki kútu te. Alobaki ete eloko sé eloko ekoloba ye awa na mabelé ezalaki mpenza na litomba na lolenge ete eyokamáki na Lóla.
Ntembe ezali te ete Nzambe atindaki mibali minene batondaki na Molimo Mosanto kati na mokili. Kasi moko na moko ya mibali yango, atá ko batondaki na Molimo Mosanto, bakoki kozala na libunga. Nzambe andimisá soki moké te oyo elobaki bango kozala Yango Elobi Nkolo, mpe ayebisaki yo óndima Liloba moko na moko.Ezalaki bobele na Moto moko oyo azalaki na bokonzi yango koúta na Nzambe, mwanje na Ye ya nsambo, motindami.
Bokoki, mpe bosengelaki kozala na mobateli. Kasi soko mobateli yango azali koyebisa bino te ete MONGÓNGÓ YA NZAMBE likolo ya bande nde MONGÓNGÓ YA LITOMBA KOYOKA KOLEKA, mpe kotia yango LIBOSO na bino na boyokáká bande elongo na bino, bobele te ye koyebisa bino ete oyo nde mosakoli alobaki, bozali na mobateli moko mabe.
Ézala ata nani azali kokamba bino, ata nde bokobeta tólo koloba ete ezali Molimo Mosanto, ekozala malamu koleka ézala kosangisa bino na Etindá oyo, Mongóngó wana, lokola Ezali Mongóngó Bobele moko oyo ekokaki koloba: “NAZALI MONGÓNGÓ YA NZAMBE EPAI NA BINO”.
Tozali komona bikólo koyangana, tozali komona mokili kosangana, tozali komona mangomba kosangana. Tozali komona Mwasi ya libala kosangana, kosangana elongo na Liloba. Mpo na nini? Liloba nde Nzambe. Mpe lokola Liloba…Lokola Mobali ya libala (ezali Ye Liloba), mpe Mwasi ya libala (wana ezali ye moyoki ya Liloba), bayei elongo kati na Lisangá moko. Basangani lokola bolongani. Bomoni, bazali komilengele mpo ya makwéla, mpe ba—bakómí Moko. Liloba likómí yo, yo okomí Liloba. Yesu alobaki: “Na mokolo yango bokoyeba yango. Nyoso oyo Tata azali, Nazali, mpe nyoso ezali Ngai, bozali; mpe nyoso ezali bino Nazali. Na mokolo yango bokoyeba ete Nazali kati na Tata, Tata kati na Ngai, Ngai kati na bino, mpe bino kati na Ngai.”
Nabiangi bino koya kosangana elongo na biso zingázingá ya Mongóngó ya Nzambe Lomingo loye na 12:00 nsima ya nzángá, ntango ya Jeffersonville, lokola tozali koyoka Ntango Mpe Elembo Ya Kosangana 63-0818
Bazali —baoyo babotameli Yo, na Molimo mpe na Liloba ya Solo. Mpe nabondeli ete Opambola bango, Nkolo, mpe obatela bango makasi elongo na bokangami ya bolingo ya Klisto.
Bomilengela, tokozala na mapamboli, Bipakweli mpe Emoniseli lokola naino libosó te. Tokoki koyoka yango na bomoto na biso, eloko moko ebelemi kosalema. Ntango ebelemi. Tozali na esengo mingi mpe na nse ya bozili na etingia monene. Mwasi ya libala longwa na mokili mobimba azali koyangana mpo na koyoka útá na kiti ya bokonzi ya Nzambe Liteya oyo ekomema biso na misándá ya sika, mpe ekotondisa, mpe etondisa, na nsima kotondisa biso lisusu na Molimo Mosanto na Ye.
Likomi likokokisama. Likebisi lipesami. Kosambisama ebelemi. Nkolo azali koya kobianga Mwasi na Ye ya Libala na Elambo na biso ya Libala. Kobianga ya nsuka ebimi. Boyei ya Nzambe bokómí. AKOYA MPO YA BISO.
Tozali Momboto na Ye mobongisamaki liboso oyo amoni Yango mpe andimi Yango. Masumu ma biso mapanzáni, malongwí. Mabwakámi na sabóni ya Makila ya Yesu Klisto, mpe masengeli kokanisama ata moke te. Nzambe abosani yango NYOSO. Totelemi lokola mwana mobali mpe mwana mwasi ya Nzambe, na Bozali ya Nzambe. Tozali SIKAWA…tokozala te; tozali SIKAWA bana mibali mpe bana basi ya Nzambe.
Mpe mbala moko, kaka mwa ntango eleki, ntango Otálisaki emononeli, mwa Eyanganelo awa, mpo ya kobomba Bilei, ete ntango ekoyá wapi nyonso oyo ekosengelama na yango… “Bomba Bilei oyo awa mpo na ntango .
Sikawa nde ntango. Oyo nde “bilei”. Biso nde bato yango. Tozali na Emoniseli.
Basusu bakoki kozanga komona litomba ya Lotómo ya bánde. Biso te. Ezali bomoi na biso, ezali nyoso mpo na biso. Ezali koleka bomoi epai na biso. Ntango tozali na motuna na likambo moko, tokendeke te kosenga moto alimbolela biso yango, to álukela biso yango. Tosalaka kaka ndenge mwanje ya Nzambe alakisaki biso tósala soko tozangi kososola to tozali na motuna.
Bosimbi yango? Soko bosimbi te, bozonga na bande oyo. Nayebi te ntango boni nakozala elongo na bino. Bomikundolela, oyo ezali Solo, OYO ELOBI NKOLO. Ezali Solo. Ezali Likomi.
Soko bokati ntina te, bozonga na bande.
Kosilika na biso te, ezali OYO ALOBAKI…BAKISA, oyo ezali SOLO YA YANGO ELOBI NKOLO. Alobaki te eteni na Yango, ndambo na Yango, to ntango moto moko alimboli oyo ezali to ezali te Liloba lipakólami. BA BANDE IZALI YANGO ELOBI NKOLO.
Okoki ntango mosusu kosimba Yango te, to kososola Yango te, to kozala na emoniseli na Yango epesameli naino yo te. Kasi epai na biso, oyo nde Azali koyebisa biso na nzela ya mosakoli na Ye.
Oyebi ndenge oyebisaka mwasi na yo makambo, oyebi, elengé mwasi okobála. Olingi ye mingi, oyebisaka ye kaka basekelé, mpe otelemisi ye pene na yo, mpe alingi yo mpe nyoso . Oyebi ndenge ezalaka.
Yango nde Nzambe, Klisto, azali kosala na Lingomba. Bomoni? Azali kotika Ye ayeba basekelé, kaka basekele. Balingi oyo ya lokutá te; Nalingi koloba Mwasi na Ye.
Mpe tozali kaka kokótisa Yango nyonso. Oo, boniboni Mwasi ya libala azalaka na esengo na bosepeli liboso kaka ya bolóngani na ye. Tokoki mpenza te kozala nye. Tozali kotanga minuti….ba sekónde. Azali kaka koyebisa biso mbala na mbala boniboni alingaka biso.
Satana azali kokoba kobundisa biso lokola abundísá liboso naino te, kasi oyo azangi komibongisa mpo na yango, ezali ete sikawa TOYEBI tozali banani. Ntembe ezali lisusu te, TOZALI LILOBA LILOBAMI. Tokoki, mpe tozali, koloba Liloba. Tozali na eyano ya Satana. Nzambe Amindimisaki. Nzambe amitálisaki. Tozali Liloba na Ye ya bomoi mpe tozali koloba na bokonzi nyonso oyo Apesi biso.
Mpe Ye oyo awa lelo, kati na Liloba na Ye, komonisa eloko yango moko Asalaki kuna. Mwasi yango akoki koyeba motó mosusu te. Te, mobali. Episkopo azali te, eloko mosusu te. Ayebi Motó moko, yango Klisto, mpe Klisto azali Liloba. Oo, oo! Whew! Nalingaka yango mingi. Uh! Iyo, mobali.
Tozali ya Bokonzi moko, mpe Bokonzi yango nde Liloba ya Nzambe oyo ekómi Molimo mpe Bomoi na bomoi na biso moko. Yango wana, tozali Liloba na Ye ya bomoi.
Oyo mpenza elobi yango polele baninga na ngai, SOKO OZALI NA EMONISELI YA SOLO KONDIMA YANGO.
Botala sikawa, toyangani elongo na nse ya Motó moko, na motindo yango moko, elilingi ya Yisalaele ya kala. Sikawa bozali kosimba yango? Lokola Yisalaele ya kala; Nzambe moko, andimisamaki na nzela ya Likonzí ya Móto, mpe amimonisaki na nzela ya mosakoli moko, kozala Liloba. Nzambe yango moko, Likonzí ya Móto yango moko, Lolenge yango moko; Akoki te kobongola nzela na Ye. Ebongi mpenza kwa …Kaka lokola ekoki kozala.
Mosakoli…tika ézinda na kati. Nzambe moko, andimisami na Likonzí ya Móto , na nzela ya mosakoli , kozala Liloba mpo na mokolo wana, mpe Akoki kobongwana te.
Nakokaki kokóba lisusu na lisusu, mpe tokokaki kosepela mpe kozala na bondeko likolo ya eteni ya Liloba nsima ya eteni ya Liloba; mpe tokosala yango, útá na mokili mobimba Lomingo loye na 12:00 nsima ya nzángá ntango ya Jeffersonville, lokola tozali koyoka: Klisto Azali Libombami Ya Nzambe Limonisami 63-0728.
Molingami lesólo ya moké, Lesólo ya Monene, Mosali bilanga & Mama ya ndako,
Nini oyo Nzambe azali na yango mpo na yo kosala, ozali na bokéngeli na yango. Osengeli koyanola epai na Nzambe mpo na yango. Ata soko monguna akoki koyebisa yo ete ozali na ntina te, ozali na litomba mingi mpo na Nzambe na motindo ete sáa na Ye monene ekoki kosala te soko na yo te.
Abiangaki yo, aponaki yo, abongisaki yo liboso, mpe apesaki yo Emoniseli ya Etinda na Ye monene ya ntango ya nsuka. Atieli yo motema 100%. Ozali mpenza Mwasi ya libala ya Yesu Klisto, Molingami na Ye ya motema , mpe Alingi yo mingi.
Akebisi ntango nyonso bato libanda na kati ya mboka: “Boyambola, to bokufa”, “Bozonga na Liloba”, “Bomilengele, ezali na likambo moko ekokóma.” Nsukasuka ntango yango ekómi. Nzambe azali koya mpo na Mwasi na Ye ya Libala, kaka lokola alakaki biso ete akosala. Abiangi Eyíká na Ye kobima na eyíká.
Mingi bakwei mosika na Etindá monene ya Nzambe na ntango ya nsuka lelo, koloba: “oyo alobaki ete ekosalema, ekómi te. Makambo manso mazali ndenge moko.” Ezalaki na bikeke mingi bilekaki liboso ete masakoli mingi ya basakoli ya Nzambe mákokisama. Kasi esalemaki atako bongo, kaka mpenza lokola balobaki, Liloba na Liloba.
Biblia na ye eyebisi biso ete: “Lokola ezalaki na mikolo ya Noa, ekozala bongo na koya ya Mwana ya Moto”. Yambo Nzambe átinda kosambisama mpo na kobebisa mokili na eleko wana monene ya liboso ya mpela, Nzambe atindaki mosakoli moko na mokili. Mosakoli wana asalaki nini?
Abongisaki bato mpo na ntango wana. Noa abongisaki bato, mpe ezalaki ebiangeli ya ngolu liboso ya kosambisama.
Noa abongisaki bato liboso kosambisama éya akebisaki bango na ntina na yango. Ezalaki Nzela oyo Nzambe apesaki mpo na mokolo wana.
Mosakoli ya Nzambe ayebisaki biso ete Nzambe abongolaka manáka na Ye ata moke te. Oyo Asalaki na ntango wana, Asalaka ndenge moko lelo. Toko TIKALA kaka NA MANÁKA YA NZAMBE APESI MPO NA LELO MPE KOFINA PLAY.
Lokola na ntango wana, bato balobaka ete totiaka litomba mingi na mosakoli ya Nzambe; Ezali Molimo Mosanto, kasi William Branham te. Tolobi, AMEN, toyokaka moto te, toyokaka kaka oyo ALOBAKI.
Molimo Mosanto nde Mosakoli ya ngonga oyo; Ye kondimisa Liloba na Ye, kokokisa Yango. Molimo Mosanto azalaki Mosakoli ya ngonga ya Mose. Molimo Mosanto azalaki Mosakoli ya ngonga ya Mika. Molimo Mosanto, oyo akomaki Liloba, ayei kokokisa Liloba.
Kasi Ndeko Branham aúti bobele koyebisa bino póso eleki;
Sikawa, bomoni, nasengaka bino ntango nyonso bózala na bokebi na oyo bozali koyoka. Bomoni? Mingi na yango ezali kaka ngambo ya nzoto.
Mpo na ngai mpe ndako na ngai, nakozwa oyo motindami ya Nzambe mwanje ya nsambo ANDIMI, AKANISI TO KÚTU AYOKI koleka moteyi, episkopo to moto mosusu nyoso.
Nani nde Nzambe atindaki mpo na kosambisa oyo mosakoli na Ye andimi, ayokaka to kútu akanisi epémelámi to epémelami te?…Botika nayebisa bino nakanisi nani.
Botala Kola, na mikolo Nzambe atindaki Mose na Etindá , mpe Kola mpe Datana bakanisaki, koya epai ya Mose, mpe balobaki, “sikawa, zila bobele monúti moko, ozali komimóna mingi! Okanisi ete kaka yo nde libangá moké moko oyo ezali na libóngo; lisweswe moko na kati ya libeke, ozali kaka yo moko. Nakoyebisa yo ete ezali na bato basusu bazali basanto, mpe lokola!”
Likebisi, kosambisa ezali pene. Bozonga na LILOBA YA EBANDELI. Bozongela Mongóngó ya Nzambe mondimisami mpo na mokolo na biso. Kozongela mosakoli ya Nzambe.
Etindá Oyo, Mongóngó na Ye. Esengeli ézala LIBOSO mpe eloko ya motuya koleka mpo na yo.
Ntembe ezali te basusu bazali na Mongóngó, mpe ebiangeli, mpo na koteya mpe kolakisa Etindá oyo. Kasi ba Bande, Mongóngó wana, esengeli ézala Mongóngó ya motuya mingi oyo bokoki koyoka na bandako na bino, na mituka na bino, mpe ya motuya mingi, na lingombá na bino, soko bolingi kozala Mwasi ya libala ya Nzambe.
Yaka koyoka Mongóngó wana elongo na biso mwa Lomingo na ngonga ya 12:00 nsima ya nzángá., ntango ya Jeffersonville, lokola mosakoli ya Nzambe azali kokebisa mokili ete Boyei ya Nkolo ebelemi. Oyo ekoki kozala mbala ya nsuka.
Ndeko. Joseph Branham
Nzambe Abiangaka Moto Na Kosambisama Te Soko Akebisi Ye Liboso Te 63-0724
Tozali bato bapambolami koleka baoyo batambólá ndèle likolo ya mabelé. Tokoki naino nde kobanda kokanisa mwanje ya Nzambe motindami ya nsambo koyebisa biso maloba maye:
Nalingi bino. Oo, Nalingi bino lokola nde bozalaki bana na ngai kati ya Nsango Malamu. Nabótí bino epai ya Klisto, na nzela ya Nsango Malamu.
Nzambe azalaka mpenza na biso na motema na motindo ete atindelaki biso mosakoli na Ye andimisami na elembo yaLikonzí ya Móto koyebisa biso ete ezalaki te bobele motooyo kotambola elongo na biso, kasi ezalaki nde Nzambe likoló na ye. Ye nde Oyo azali kokamba nzela.
Mpo ete Amemi mikumba na biso, liboso kosambisama éya, abongisaki nzela ete tózala bansómi na kosambisama nyoso izali koya. Ekímelo yango ezali kaka mpo na biso, baponami. Biso nde baoyo toyambi mombóto oyo ya Bomoi. Biso nde tobongisamaki libosó komona Yango. Biso nde baoyo tozali na Emoniseli ya lotómo monene oyo ya bande.
Akufaki mpo na lotómo loye. Akufaki na ntina ete Molimo Mosanto ákoka kozala awa na mokolo oyo komónisa makambo maye. Azalaki mpo na bino. Azalaki na mokumba na motema komema Yango awa. Azalaki na mokumba na motema koloba likambo. Azalaki na yo na motema zambi alingaki yo. Azalaki mpenza na mokumba na motema kosalayango, kotinda Molimo Mosanto na oyo, kosala lotómo loye lelo.
Soko obongisámi na Bomoi ya Seko, okoyoka Yango mpe okosepela kati na Yango. Ezali libóndisi na yo. Ezali elokooluká bomoi na yo mobimba. Ezali Mayaka yango ya motuya monene. Tobóyi eloko mosusu nyoso mpo na Etindá oyo, Mongóngó oyo. Ezali Nkolo na biso Yesu Klisto koloba na biso. Moto moko te akosengela kobónda-bonda biso, TOZALI BANDIMI, ezali na eloko te oyo ekoki kolongola yango na biso. Etali biso te ata moto nani áloba nini, tondimi Liloba moko na moko.
Azali mpenza mpo na biso, na lolenge ete soko tosengeli na lobiko ya nzóto, tondimi kaka Liloba na Ye na bozindó yamotema na biso. Na bongo etali te soko mopesi toli ata nani, mokembisi ata nani, monganga ata nani, lopitalo ata nini,nkombo ya bokono ata nini bakolinga koloba, tondimi na biso kaka Liloba na Ye. Toyebi bobele Yango! Bosenga bozali te ya koloba likambo ata nini na ntina na Yango; toyebi Yango.
Azalaki mpenza mpo na biso ete Asalaki ete mosakoli na Ye ábomba Bilei mpo na Mwasi na Ye ya libala. Apesaki kútu lilako na mobateli moko na moko, motéi, mpe ebólo ya bato na mokili mobimba kolanda malako ma ye mpe koyokisa ba bande oyo kati na EYANGANELO to bibólo ya bango.
Soko bino bato bokokaki kaka kosala yango na ntóngo oyo, baoyo bokobóndamela, mpe bino bato baoyo bozali koyokabande oyo, kati na mokili mobimba, mpe nsima ya bande oyo koyokisama, mpe motéi to moto oyo akoyokisa yango kati na Eyanganelo, bibólo libándá kuna na ba zámba tobózala ata wapi, oyo bazali koyokisa yango, Bokoyeisa naino eyambweli na bino polele, na nsima boya na eloko soko moko te na motema na bino, kasi kondima, mpebóbóndamela, wana nde, Nkisi ekozua esika.
Nakanisaki ete baoyo balobaka na biso mabe balobaka ete mosakoli ALOBÁ SOKO MOKÉ TE ETE boyokisa ba bande kati na losambo? Alobaki kaka te kati na mangomba na bango, kasi kati na ba zámba to ESIKA SÉ ESIKA bozali…BOYOKA BA BANDE.
Soko bokotosa mpe bokosala mpenza oyo Nzambe alobaki na nzela ya motindami na Ye mwanje ya nsambo, na bongobino mpe bokoki kozuaKONDIMA monene koleka bokokaki ndèle kozala na yango.
Na, Na…ya liboso, mpe kobelema na oyo, bayoki basengeli bápakolama na kondima. O—o, soko ozali na kondima te,na bongo ezali—ezali na ntina kútu te koya kobóndamela, mpo ete ekosengela na kondima na yo mpe kondima ya ngai elongo; kondima na ngai kondima Ye, kondima na yo kondima Ye.
Tozali te kotatabana, to kobanzabanza, to kolikia bongo. Ba bande nde nzela epesami na Nzambe mpo ya lelo. Ezali temaloba ya moto moko oyo abiangami William MARRION Branham, ezali Maloba mamónisami ma Nkolo na biso Yesu Klisto. Ezali solo mpenza: “Amen!” Ezali Etémelo ya biso. Ezali Solo mpe eloko mosusu te bobele Solo.
Mpe ntango okúti Etémelo ya Nzambe, Liloba na Ye, elaká likolo ya eloko moko, esengeli óyeba liboso ete ezali Lilobaya Nzambe, ete likambo ozali komona kosalema ezali Nzambe. Ezali—ezali te—ezali te “ntango mosusu ezali bongo, ekokaki kozala, emonani lokola ekoki kozala.” “EzaliNzambe!” Na nsima ntango okómi na esika yango, na boye yango nde Mayaka ya motuya monene, osengeli kotangwa na eloko mosusu nyoso moto ata nani ayebisi yo kokesene na Yango. Osengeli te kotala oyo moto akokisi.
Tokozala nde na MAMA YA LIPATI YA BOLINGO Lomingo loye. Tokosala mpenza kaka oyo mwanje ya nsambo motindami ya Nzambe andimisami ayebisaki biso tosala: Kofina Play mpe kotosa.
ÉZALA ATA NINI tozali na yango bosenga, tokozua yango. Tokozua yango mpo ete tokotia kondima ya biso ELONGO NA KONDIMA YA YE kondima Ye. Nsima tokoloba biso nyoso:
Banda na ntango oyo, ezali na eloko moko kati na motema na ngai eyebisi ngai ete mpasi na ngai esili. Nazali—Nazali malamu, nakozala malamu”? Bondimi yango? Botombola maboko na bino: “Nandimi Yango!” Nzambe Ápambola bino.
Mpo ete Nzambe azali mpo na biso, nabiangi yo óya komibikisa na biso; to yikisa mobateli na bino mpiko, mokambi na bino, kolanda malako ya mosakoli, mpe koyoka mwanje ya nsambo ya Nzambe koloba Liloba ya Nzambe mpe ózua nyoso ozali na yango bosenga, Lomingo loye na 12:00 nsima ya nzángá, ntango ya Jeffersonville lokola tozali koyoka: 63-0721 Azali Mpo Na Yo, Ozali Mpo Na Ye?
Bomoi ozali kobika sikawa ekotalisa bomoi okokaki kobika soko bobikaki na mikolo ya Noa, to Mose, mpo ete ozali na molimo yango moko. Molimo moko ezali kati na yo sasaipi ezalaki kati na bato ndèle.
Soko obikaki na mikolo ya Noa, olingaki nde kozua ngambo ya nani ndèle? Olingaki kokóta kati ya bwato elongo na Noa kondima ete azalaki oyo Nzambe aponaki kotonga bwato mpe kokamba bato,to okokaki koloba: “Nakoki mpe kotonga bwato. Nazali kaka lokola kapiteni mpe nakoki kotonga bwato”?
Boni ko soko obikaki na mikolo ya Mose? Olingaki kotikala na Mose mpe kondima ete azalaki oyo Nzambe aponaki kokamba bato, to olingaki nde kokende elongo na Datana na Kola wana elobaki bango “Tozali bule mpe lokola, tozali mpe na eloko ya koloba. Nzambe aponaki mpe biso.”?
Moko na moko na biso asengeli kopona, lelo oyo, kati na kufa mpe bomoi.
Etali ngai te ngambo nini olobi ete ozali. Oyo ozali kosala, mokolo na mokolo, etalisi oyo ozali. Tofinaka Play MOKOLO NA MOKOLO.
Ozali kati na Liloba mokolo nyoso? Ozali kobondela koluka Mokano mwa Nzambe mobongi be kati na eloko nyoso osalaka? Ozali kofina Play mpe koyoka Mongóngó mwa Nzambe mondimisami mokolo nyoso? Ondimaka ete ezali mpenza na litomba monene Kofina Play? Ondimaka ete Mongóngó wana likolo na ba bande nde Mongóngó ya Nzambe mpo na lelo?
Mpo na biso eyano ezali IYO. Tozali koyebisa mokili ete tozali bakangami na Liloba ya Nzambe, Etindá na Ye, Mongóngó mwa Nzambe mondimisami mpo na mokolo mwa biso. Iyo, tondimaka na motema na biso mobimba kati na Kofina Play.
Iyo, tondimaka ete motindami mwanje ya eleko ya 7 ya lingomba abiangami kokamba Mwasi ya libala. Iyo, Mongóngó wana likolo ya ba bande nde Mongóngó ya litomba koyoka koleka.
Bolingo ya Nzambe, Mongóngó na Ye, Etindá oyo, ezali mpenza likambo monene, Emoniseli ya ndenge wana epai na biso, ete tokoki te kotangwa na Yango. Tokómi Mokangami na Yango.
Totekisi eloko mosusu nyoso. Ézala nini moto ata nani alobi, tokangani na Yango.
Ezali na eloko moko na ntina na Yango na motindo ete tokoki kaka te kotangwa na Yango. Nde esengo ya bomoi na biso. Tokoki kobika te soko na Yango te.
Totondi na esengo, na matondi koleka, na lipambu mingi kozala Mokangami mpo na Nkolo mpe Etindá na Ye; mpo ete bazali eloko moko. Ezali koleka bomoi mpo na biso. Mokolo na mokolo ezali kokóma polelé koleka mpe solo ete tozali Mwasi na Ye ya libala. Tozali kati na Mokano mwa Ye mobongi kwa. Tokoki koloba Liloba, zambi tozali Liloba likómi mosuni.
Tokangani na eloko moko te kasi Klisto mpe Etindá na Ye mpo ya ngonga; ata tata na biso, mama na biso, ndeko na biso mobali, ndeko na biso Mwasi, mobali na biso, mwasi na biso, moto ata nani.
Tomikangisi bobele na Klisto, mpe Ye kaka. Tomikangisi mpe tozali na ekanganeli na Etindá oyo, Mongóngó oyo, mpamba te ezali nzela Nzambe Apesi mpo na lelo oyo, MPE NZELA MOSUSU EZALI TE.
Tozali lisusu bakangami ya bozali na biso moko ya bopími te, na mpósá ya biso moko. Tomikabí mobimba mpe tokangamí na Ye. Ézala nini basusu kati na mokili bakanisaka, oyo basusu kati na mokili basalaka, tokangami na minyolólo ya bolingo epai na Ye mpe Mongóngó na Ye.
Tozali na matondi mingi kozala Bakangami. Yebisa ngai Tata, násala nini na sekonde nyoso ya monúti nyoso ya mokolo nyoso.
Tika ete Mongóngó mwa Yo mólakisa biso kati na eloko moko na moko tozalaka, tolobaka, mpe boni tobikaka. Tolingi koyeba eloko mosusu kasi Yo.
Yaka komikangisa elongo na biso na Liloba ya Nzambe mpe Mongóngó mwa Ye Lomingo loye na 12:00 nsima ya nzángá, ntango ya Jeffersonville, lokola tozali koyoka boniboni kokóma: Mokangami 63-0717.
Ndeko Joseph Branham
Makomi ya kotanga
Filemona 1:1
PS: Ndeko Branham, TOLINGI lolenge olobaka Filemona, EBONGI BE epai na Mwasi ya libala.
Nazali Lingomba na Ye. Bozali Lingomba na Ye.Tozali Mingombo oyo Nzambe azali kobika na kati. Tozali Lingomba ya Nzambe na bomoi; Nzambe na bomoi kobika kati ya bomoto na biso. Bikela ya biso nde bikela ya Nzambe. Nkembo!
Tozali biso nyoso koyangana elongo, kati na bisika mike longwa na mokili mobimba; koya nyoso elongo zingazingá na Mongóngó ya Nzambe, Liloba na Ye mpo ya lelo.
Ezali mpenza bikamwa.Kokangama na eloko moko te, bobele na Yesu Klisto mpe Liloba na Ye. Nde yango, mpútu. Tozali kofanda elongo na bisika ya Likolo wana ebongi biso kwa na nzela ya Mongóngó yango moko ya Nzambe.
Tozali kokende nzela mobimba. Tozali kokende biso nyoso na Mokili ya Elaka. Moko na moko na biso! Ózala mwasi ya libala, mosali mwasi moke, mpaka mwasi, mpaka mobali, to elengé mobali, ózala ata nani, tozali kokende biso nyoso. Ezali te na moko na biso akotikala. Moko na moko na biso azali kokende, mpe “tokotelema mpo na likambo moko te”.
Tondimi ete tosengelaki kozala banso elongo. Liboké moko monene lisangani ya Nzóto ya Yesu Klisto, kozila Boyei wana ya nkembo. Tosengelaki kokabwana te, kasi moto atangwi na nzela wana ebongisami ya malakisi ya Nsango Malamu.
Esengeli ézala na nzela moko ya kotalisa na solo nini ezali malamu mpe mabe. Mpe nzela bobele moko okosala ndèle yango, ezali te kotia ndimbola ata nini na Liloba, ndima Yango bobele lokola Ezali mpe ndima Yango bongo. Moto na moto azali kotia ndimbola naye mpenza, mpe ezali kolobisa Yango eloko ekeseni. Ezali kaka na MONGONGO MOKO EPAI NA MWASI YA LIBALA. KOFINA PLAY!
Nalobi yango likolo na bande oyo, mpe mpo na bayoki oyo, nalobi oyo nan se ya pemélá ya Molimo Mosanto: Ye nani azali na ngambo ya Nkolo, tika ete áya na nse ya Liloba oyo!
Liloba ya mokolo na biso ezali na Mongóngó. Mosakoli ya biso nde Mongóngó yango. Mongóngó yango nde Liloba ya bomoi mpo na mokolo ya biso. Tobongisamaki liboso koyoka Mongóngó yango mpe komona ngonga oyo, mpe ezali te na eloko ekopekisa biso koyoka Mongóngó yango.
Kondima na biso emoni Yango mpe eponi koyoka Yango etali te oyo moto ata nani alobi. Tokitisaka miso na biso te kotala nzela ekeseni. Tobateli bomoi na biso kati na Liloba nyoso mpe matói ma biso mafungwami na Mongóngó yango.
Na bobónzameli epai na Yo Nkolo, útá na mitema na biso kino na Matói ma Yo, oyo nde libondeli na biso ya bosembo.
Ete bomoi na biso ekobongwana, bandá lelo oyo, ete tokozala alimá na koleka kati na likanisi ya biso. Tokomeka kobika kati na elengi mpe komikitisa, ete, na bondimáká ete yango esengi biso epai na Nzambe, Nzambe akopesa na moko na mosusu. Mpe tokoloba mabe te moko na mosusu, to na moto te. Tokobondela mpo ya banguna na biso mpe kolinga bango, kosalela malamu baoyo bakosalelaka biso mabe. Nzambe azali mosambisi ya nani azali malamu mpe mabe.
Nabiangi yo ete óya kopakola Kondima na yon a boyokáká Mongóngó ya Nzambe elongo na biso Lomingo loye, na 12:00 nsima ya nzángá, ntango ya Jeffersonville, lokola tozali koyoka: Mpo na nini Kogánga? Loba! 63-0714M
