Sheba Hemmaa 61-0119E

…sɛ bobe no mman a ɛdi kan no ɛwoo Pentekose asɔre a, mman ankasa biara a ɛfiri saa bobe no mu no bɛwo Pentekose asɔre foforɔ. Nanso yɛwɔ mman a wɔapae de ahyɛ mu pii, na wɔso sɛnea wɔn su teɛ. Yɛwɔ Methodist mman a wɔapae de ahyɛ mu, Baptist mman, Pentekose mman, mman foforɔ biara. Ɛso ɔno ankasa aba.
Wobɛtumi afa ankaa dua na wode grapefruit ahyɛ mu. Ɛnam saa dua no mu nkwa no so bɛtena ase, nanso ɛbɛso grapefruit. Fa lemon bi hyɛ mu wɔ hɔ, ɛbɛso lemon, ɛnyɛ ankaa, nanso nkwa a ɛwɔ ankaa mu na ɛma no te aseɛ. Hwɛ, citrus aduaba biara…
Asɔre biara a ɛrekyerɛ sɛ ɔyɛ Kristoni no nam Kristo ayeyie nom ne animuonyam so ɛnya nkɔsoɔ. Nanso ɛntumi nso aba no. Ɛnso Kristo Nkwa no kɔsi sɛ Kristo Ankasa bɛso saa mman no. Afei ɛbɛyɛ—ɛbɛtwerɛ Asomafoɔ Nnwuma Nwoma foforɔ wɔ n’akyi (saa na ɛteɛ), ɛfiri sɛ ɛyɛ Honhom Kronkron no dwumadie wɔ asɔre no mu. Moahu? Saa na ɛteɛ anadwo yi, Yesu Kristo te sɛdeɛ Ɔteɛ nnora, ɛnnɛ, ɛne daapem.

Dabiara Paanoo
Na afei wɔayi mo afiri bɔne mu na mosom Onyankopɔn yi, mowɔ aba a ɛde kɔ ahoteɛ mu na n’awieɛ ne daa nkwa.
Romafoɔ 6:22