Ubutumwa: 65-0418M Ni Uguseruka Kw Izuba
Ibimenyeshejwe Ibimenyeshejwe ku bijanye n’ugusobanura mu zindi ndimi bikorerwa muri Branham Tabernacle
Mukunzi Shengero ry’Inkomezi
Umuntu yamye yipfuza mu mutima wiwe kuba nka Aburahamu igihe yari muhira iwe umuhingamo umwe nk’isaha zitanu. Yunamuye amaso maze abona abagabo batatu baje bamugana bafise umukungugu ku myambaro yabo. Yarirutse ningoga abagana maze avuga ati, « Mutungwa. » Yari Melekisedeki Ahambaye Ahagaze imbere yiwe, mu mubiri w’umuntu Avuga.
Kuri uyu w’iyinga, ico cipfuzo kiri mu mitima yacu kizoba kuri umwe wese muri twebwe. Tuzoba dukoraniye hamwe kw’isi yose, twumviriza Urya Melikisedeki Ahambaye nyene Avugana NATWE. Umuntu Atagira se, nta nyina, nta tanguriro ry’iminsi canke iherezo ry’ubuzima, Imana, Yihinduye, Ivugana natwe biciye mu kanwa k’umuntu, neza nk’uko Yakoze urya munsi kuri Aburahamu.
Nta bundi buryo bwo kwumva rirya Jwi kiretse UFYONZE UKAVUZA. Ntihari bwigere haba igihe muri kahise aho Umugeni Yahurijwe hamwe kw’isi yose no kwumviriza Ijwi rya Melikisedeki Rivuga mu mwanya umwe neza na neza. Imana Iriko Irahuriza hamwe Umugeni WaYo na Rirya Jwi.
Twararonse Ijambo Ry’Imana, imyaka myinshi. Ubu dufise Imana y’Ijambo, murabona, kandi ng’aha nyene tugendera Ijambo RyaYo. Rero ni ukuri, kimwe mu bimenyetso vya nyuma bihambaye vyasezeraniwe Ishengero imbere y’Ukuza kw’Umwami.
Uyu w’iyinga, Umugeni Agiye kuronka Ubutumwa bwa Pasika muri kigarama ; kandi mbega Ubutumwa tugiye kwumviriza.
Ibikorwa vy’ubwenge bw’umuntu, Inkomezi, Ubushobozi butanga ubuzima, Kristo Yazutse, Abana b’Imana Bagaragajwe. Iyo mpwemu nyene yaba muri Kristo iba muri twebwe. Ubwo Buzima nyene, inkomezi zimwe, benevyo nyene, Yari Afise, turabifise. Icemezo ntasubirwamwo c’itongo. Urubuto rwa mbere Rweze Rwazungagijwe imbere y’abantu. Ubu turi ubura bw’ubura bwaYo, igufa ry’igufa ryaYo; Ubuzima bw’Ubuzima bwaYo, Inkomezi z’Inkomezi zaYo ! Turi Yo!
Yesu Kristo Yazutse; Melekisedeki UbwiWe, Azosemerera maze ATUbwire Ati, “Mfise Ijwi RyaNje Ryafashwe mu majwi kandi Ryashizwe kw’ibande ku buryo Noshobora kubakwegera kuri Jewe, kandi Noshobora kuvugana namwe nk’uko Navuganye na Aburahamu. Nshaka ko muNyumviriza bidaciye ku ruhande.
Muri Ishengero RyaNje Ryatoranijwe, Ryagenywe mbere! Imibiri yanyu ni urusengero rw’Inkomezi, kuko kuva mbere na mbere mwari igice c’ibikorwa vy’ubwenge bw’umuntu.
Ukwo ni kurya guhishura kuvuye ku Mana kw’Ijambo Ryihaye umubiri. Namba Ryari umubiri muri kirya gihe mu Mwana, Umukwe, Ni umubiri uno munsi mu Mugeni. Murabona ?
Izo Nkomezi Zizana Ubuzima, zibayeho muri twebwe. Ntidutegerezwa gutinya NA KIMWE. Uwo Mpwemu Umwe Yari muri We, ubu Ari muri twebwe kandi Agira muzima umubiri wacu upfa. Ntituvyizigiye, TURABIZI. Twamaze kubikora, Yarabidukoreye.
Rero, mu guheraheza umuhingamo, Melikisedeki Azovuga, Avuge rindi rimwe kandi Avuge ;
Aba bantu, abenegihugu b’Ubwami, bene Ubushobozi buzana ubuzima, Bugire buzima kuri bo, Mwami, ubu nyene. Kandi ese Mpwemu Yova ku nkukuma Ija ku nkukuma, Yova kw’Ijambo Ija kw’Ijambo, gushika aho ukunengesera kwa Yesu Kristo kugaragara mu mibiri yose, mu vy’umubiri, vya mpwemu, canke ico bakeneye cose, mu gihe turambikanyeko ibiganza. Mw’Izina Rya Yesu Kristo.
Kuva ku nkukuma uja ku nkukuma, Ijambo kw’Ijambo, ukunengesera kwa Yesu Kristo kuzogaragazwa mu mibiri yacu yose. IMANA ISHIMWE !
Ibi gusa bishobora gushika mu GUFYONDA UKUVUZA, rero muze mufatanye natwe kandi dusangire muri yubire y’ugufungura ku Mfungurwa Zabitswe, mu gihe tuzokwumviriza Rirya Jwi, kuw’iyinga isaha zitandatu ku muhingamo, kw’isaha ya Jeffersonville, (isaha imwe mw’ijoro mu Burundi) Rizotuzanira Ubutumwa, Ni Uguseruka kw’Izuba, Bwavuzwe kw’igenekerezo rya 18 ndamukiza mu gitondo umwaka wa 1965.
MweneData Joseph Branham
Ivyanditswe vyo gusoma :
Abalewi 23:9-11
Matayo 27:51
Matayo 28:18
Mariko 16:1-2
Luka 17:30
Luka 24:49
Yohana 5:24
Yohana 14:12
Ivyakozwe n’Intumwa 10:49
Ivyakozwe n’Intumwa 19:2
Abaroma 8:11
1 Abatesaloniki 4:16
Abaheburayo 13:8