Mensahe ng Biyaya 61-0827

Kaya kinailangang magkatawang-tao ang Diyos, at namatay Siya sa laman ng tao, sa anyo ng isang taong tinatawag na “Jesus Cristo,” at iyon ang ipinangakong Mesiyas na nagdala ng biyaya. Doon mo makikita na ang Diyos at si Cristo ay iisang Persona, ang Diyos na nananahan kay Cristo. “Ako at ang Aking Ama ay Iisa, ang Aking Ama ay nananahan sa Akin; hindi Ako na nagsasalita ng Salita, kundi ang Aking Ama na nananahan sa Akin.” Diyos kay Cristo! Sigurado.

Ang biyaya ay ipinangako sa hardin ng Eden, at dumating ang biyaya, biyaya kina Adan at Eba. Walang patutunguhan, walang daan na babaling ngunit ang biyaya ay nagbigay ng daan!

Hayaan mong sabihin ko ito, aking kaibigang makasalanan. Maaaring narito ka ngayong umaga bilang isang patutot, maaaring narito ka ngayong umaga bilang isang humahabol sa babae, maaaring narito ka bilang isang lasenggo o sugarol, o isang mamamatay-tao. Maaaring narito ka bilang isang maruming asawa, isang maruming asawa. Maaaring ikaw ang pinakamasamang makasalanan. Sinasabi mo, “Nalampasan ko na ang yugtong iyon ng pagtubos.” Hindi, hindi ka pa, o hindi ka sana makakapunta sa simbahan ngayong umaga. Ang biyaya ang magbibigay ng daan para sa iyo sa madilim na oras na ito kung tatanggapin mo lang ito. Kinailangang maging handa si Adan na tanggapin ito, gayundin ikaw. Tanggapin mo ito.

Tinapay sa Araw-araw

Sapagkat ang kasalanan ay hindi magkakaroon ng kapangyarihan sa inyo: sapagkat wala kayo sa ilalim ng kautusan, kundi sa ilalim ng biyaya.
Mga Taga-Roma 6:14