21-0110 Mungu Akijificha Kwa Urahisi, Halafu Akijifunua Kwa Jinsi Hiyo

UJUMBE: 63-0317M Mungu Akijificha Kwa Urahisi, Halafu Akijifunua Kwa Jinsi Hiyo

PDF

BranhamTabernacle.org

Tai wanakusanyika Pamoja.

9.1.2021

Wapendwa Wakipekee,

Sisi ni tofauti na mwenendo wa ustaharabu wa kisasa. Tumekuwa wasio wa kawaida, wa ajabu, na hata wa juu zaidi kati ya ndugu na dada zetu.

Sisi ni watu wa pekee, ukuhani wa kiroho, taifa la kifalme, tunatoa sadaka za kiroho kwa Mungu, na tunda la midomo yetu, tukilisifu Jina Lake kwa kusema tunaamini kila Neno Alilolinena kupitia Malaika_Mjumbe wake wa saba. Tunaitwa Wakipekee: Watu Wa Kanda, na tunafurahi sana kuitwa MMOJA WAO.

Kwa nini tunaamini namna hii? Tumeamriwa na Malaika_Mjumbe wa 7 aliyethibitishwa na Mungu kufanya hivyo.

Kwa hiyo, sasa, sikiliza kila Neno. Lipate hilo. Na — na ikiwa unalichukua kwenye kanda, au kitu chochote kile, basi kaa sawa sawa na Mafundisho ya hizo kanda. Usiseme chochote isipokuwa kile kanda inachosema. Sema tu haswa kile kanda inachosema. Unaona? Sasa, kwa sababu, baadhi ya mambo hayo, tutaelewa mengi kabisa kuhusu hili sasa, kwa nini halieleweki. Unaona? Na uwe na hakika, sema tu yale ambayo kanda inachosema. Usiseme kitu kingine chochote. Unaona? Maana, sisemi Hilo mwenyewe. Ni Yeye anayesema hilo, unaona. Na mara nyingi sana, kuchanganyikiwa, watu huinuka na kusema, “Vema, fulani-na Fulani-alisema Ilimaanisha hivi-na-hivi.” Hebu-liache tu jinsi lilivyo. Tazama, ndivyo tunavyoitaka Biblia. Jinsi tu Biblia inavyolisema, ndivyo tunavyolitaka, tu — kama hivyo tu. Usiweke tafsiri yako mwenyewe. Imetafsiriwa tayari, unaona.

Ni pumziko jinsi gani, ni amani iliyoje Bibi-arusi aliyo nayo. Imefunuliwa kuwa kuna njia moja tu pekee ya kutochanganyikiwa kwa hili na lile wanalosema kuwa inamaanisha hivi. Kuna njia moja tu pekee ya kusema haswa kile Kanda zinachosema, BONYEZA PLAY, kwani haiitaji tafsiri.

Tumeamini Ujumbe huu wakati wote, lakini sasa kuna kitu cha tofauti, kuna badiliko Linalofanyika ndani ya Bibi-arusi Wake. Tumekuwa tukikaa katika uwepo wa Mwana na tunaiva. Ni njia pekee ambayo Bibi-arusi anaweza kujifanya tayari kwa mavuno, KUBONYEZA PLAY NA KUTII.

Itatokea tu kama tulivyosema. Watu wa Mungu wanafanywa tayari kwa Neno la Kweli kutoka kwa mjumbe hadi wakati huu. Ndani yake kutakuwa na utimilifu wa Pentekoste kwa kuwa Roho atawarudisha watu pale pale walipokuwa hapo mwanzo. Hiyo ni “Bwana asema hivi.”

Hiyo inasisimua tu roho zetu. Tunataka kupiga kelele na kupaaza sauti. Hatupaswi kushangaa, au kukisia, au hata kutumaini tuko katika Mapenzi yake makamilifu tuna “Bwana Asema Hivi”. Tunafanywa tayari kwa Neno la kweli kwa KUBONYEZA PLAY.

Hata wakati hasa wa kusikia zile Nyakati Saba za Kanisa umekuwa mkamilifu. Tumeona unabii ukitimizwa hivi leo.

  • Tumekuwa na rais mmoja Mkatoliki na bila shaka tutakuwa na mwingine

Leo, wakati tunasikiliza Ujumbe huu, unabii huu ulitimizwa.

Tumeona matukio ya ulimwengu yakijipanga kikamilifu na Neno.

  • Kanisa na serikali, dini na siasa zinaungana pamoja.
  • Laodikia, “haki za watu,” au “haki ya watu.”
  • Mataifa yote yanainuka na kudai usawa, kijamii na kifedha.
  • Kahaba ataharibu mfumo wa sasa wa pesa

Inathibitisha kwetu kwamba wakati wa Mungu ni mkamilifu kila wakati.

“Wakati umekaribia.” Wakati haukuwa umekaribia hapo awali. Katika hekima na uchumi wa Mungu ufunuo huu wenye nguvu (ingawa ulijulikana kabisa na Mungu) haungeweza kutokea ila sasa. Kwa hivyo tunajifunza kanuni mara moja – ufunuo wa Mungu kwa kila kizazi unaweza kuja katika wakati huo uliokusudiwa tu, na kwa wakati maalum. Angalia historia ya Israeli. Ufunuo wa Mungu kwa Musa ulikuja tu wakati maalum wa historia, na haswa ulikuja wakati watu walipomlilia Mungu. Yesu, Mwenyewe, alikuja wakati Mkamilifu, Yeye ndiye Ufunuo kamili wa Uungu. Na katika wakati huu (Laodikia) ufunuo wa Mungu utakuja kwa wakati wake. Hautayumba, wala hautawahi . Fikiria juu ya hili na ulizingatie vizuri, kwani tuko katika wakati wa mwisho leo.

Kama nyinyi, nimebarikiwa sana wakati nikisikiliza na kusoma Zile Nyakati Saba za Kanisa, nikijua ni wakati muafaka wa Mungu.

Bwana ameweka moyoni mwangu kwa sisi kuendelea na kitabu cha Ufunuo wakati wote wa msimu wa baridi.

  • Laiti tungekuwa nayo wakati wote wa baridi tu, kwa hivyo tungeweza tu kuchukua Kitabu chote cha Ufunuo na kukipitia tu. “Ono La Patmo” na Ile Mihuri itafunguliwa katika kipindi hiki cha wakati wakanisa, na zile siri saba za Mungu zitafahamika,
  • Lo, ningependa kuiweka tu wakati wote wa baridi na kuupitia. “Wakati wa Kanisa la Efeso”
  • Ni mwisho wa wakati, na kila kitu kinaangukia hapa mahali pamoja, kwa hiyo ndipo tunapaswa kuwa na pumziko msimu wa baridi tu kutoa hili, lakini sisi… kuwa na Kitabu cha Ufunuo, kuona jinsi Inavyoungana pamoja . “Wanawali Kumi, na Wayahudi mia na Arobaini na Nne Elfu”
  • Halafu tunapomaliza na huo, kuinua huo juu, kuvuta huo mwingine chini kama hivi na kuanza juu ya hiyo, na kuufundisha. Loo, hiyo ingekuwa kama mbingu ndogo, sivyo? Kukaa tu majira ya baridi kikamilifu, kukaa tu na Bwana. “Ufunuo, Sura ya Nne # 2”

Siwezi kusubiri kukaa tu wakati kamili wa msimu wa baridi na Bwana anapotufunulia kitabu cha Ufunuo. Tutaona Neno likitimizwa na kudhihirishwa mbele ya macho yetu. Utakuwa wakati mtukufu sana kwa Bibi-arusi Wake.

Itahitaji utendaji wa Roho Mtakatifu kwa sababu haiwezi kufunuliwa kwa mtu yeyote isipokuwa jamii maalum ya watu. Itahitaji mmoja mwenye ufahamu wa kinabii. Itahitaji uwezo wa kusikia kutoka kwa Mungu. Itahitaji maagizo ya yakimbinguni .

Ninyi ni jamii hiyo ya watu. Una ufahamu huo wa kinabii. Una uwezo wa kusikia kutoka kwa Mungu. Unaamini kila Neno la maagizo ya yakimbinguni yako.

Njoo, uungane pamoja nasi kulizunguka Neno Lake, Jumapili, saa 2:00 Mchana, saa ya Jeffersonville( saa 22:00 usiku ya Tz), na usikie maagizo ya Mungu ya ngurumo ya Yakimbinguni , tunaposikiliza; 63-0317A – Mungu Akijificha katika Urahisi, Kisha Akijifunua mwenyewe kwa jinsi hiyo hiyo.

Ningependa tuanzie kwenye aya ya # 94, baada ya ibada ya kuweka wakfu. Ikiwa Bwana Akipenda , na bado tuko hapa, ningependa kucheza sehemu hiyo ya Ujumbe kwaajili ya ibada yetu ya kuweka wakfu baada ya ujenzi upya wa jengo letu .

Wakati Bwana aliweka moyoni mwangu kuendelea msimu huu wa baridi na kitabu cha Ufunuo, nilikwenda kwenye kalenda yangu ili kuona ni lini siku hizi zitaangukia. Tunaposikiliza Muhuri wa Saba, itakuwa wikendi ya mwisho ya msimu wa baridi na wikendi inayofuata ikiwa siku ya kwanza ya kuchipua, UTUKUFU !!

Ndugu. Joseph Branham

Maandiko ya kusoma kabla ya Ujumbe:

1 Mambo ya Nyakati 17: 1-8
Isaya 35: 8/40: 1-5 / 53: 1
Malaki Sura ya 3
Mathayo Mtakatifu 11:10, 11: 25-26
Yohana Mtakatifu 14: 1-6
1 Wakorintho Sura ya 13
Ufunuo Sura ya 21