Hebritɔwo, Ta Adrẽ #1
57-0915E

Ne medoa go kple nyɔnuwo gbesiagbe, hegbɔ va, gblɔ na srɔ̃nye be melɔ̃e la, enya be menye alakpatɔ aɖe. Nye nuwɔnawo le nu ƒom sesĩe tsɔwu nye nyawo. Kakaɖedzitɔe. Meɖo kpe edzi nɛ bena nyemelɔ̃e o, elabena nyemeɖi anukware nɛ o.

Ne egblɔ be yelɔ̃m, ke ɣesiaɣi ko la adzo, adzo yi kple ame bubua ɖe la, esia afia bena melɔ̃m o. Esɔ gbe. Eƒe wɔnawo ɖo kpe edzi. Nyemetsɔ le eme alesi gbegbe wòle egblɔ nam o, “Bill, melɔ̃ wò, eye ame bubua ɖeke megale xexeame negbe wò ko,” Manya be enye alakpatɔ.

Eye ne miele agbagba dzem be miagblɔ be, “Aƒetɔ, melɔ̃ Wò,” eye miele xexemenuwo wɔm la, Mawu nya be mienye alakpatɔ, tsɔ dze egɔme. Ekema nukaŋutie? Viɖe kae le eŋu be woaxɔ numetoto afãkplafã xoxoea ɖe, alo nusi alo ekemɛ nenema, esime Dziƒo ƒe dziŋgɔli gã la yɔ kple nu vavã mahã? Nukata miadi be mianye amesi yɔa eɖokui be Kristotɔ, nublanuitɔ, emeʋula, afãkplafã, mabimabii? Esime, miate ŋu anye Mawu ƒe vi si wogbugbɔ gadzi vavã, si ƒe dzi me Dziƒo ƒe dzidzɔ gawo le ɖiɖim le, si anɔ dzidzɔ kpɔm, anɔ Mawu kafum, anɔ dziɖuɖu ƒe agbe to Yesu Kristo me.

Menye be ànɔ agbagba dzem be nàwɔe le ɖokuiwò si o, elabena nàkpɔ gege, tsɔ dze egɔme. Gake axɔ Eyama, Eyae nye Eƒe Nya la, eye adzudzɔ ɖe nusi Wògblɔ be enye Nyateƒe la dzi. Eye nàxɔ Edzi se, alɔ̃ Eyama, eye Wòana nusianu nawɔ dɔ nyuie ɖe teƒe na wò. Nenemae. Susu lae nye ma.

Gbesiagbebolo

Ame dahe, si fɔɖiɖi mele eƒe zɔzɔme ŋu o la, nyo wu kesinɔtɔ, si zɔa mɔ gɔglɔ̃ dzi.
Lododowo 28:6