Hebritɔwo, Ta Eve #2
57-0825E

Nyagblɔɖila tsitsi, mosesẽtɔ ma, kpɔ nyɔnua ƒe ŋku me dũ. Egblɔ be, “Heyi, ɖawɔ tatali ɖeka nam gbã.” Sedede ka tɔgbee nye ma, ŋutsua ɖe nagblɔ na nyɔnu ahosi si yina dɔku ku ge, be nena ye yeaɖu gbã. Nuka wògblɔ? “Elabena ALE AƑETƆ GBLƆ ESI, wɔze la maɖi ƒuƒlu o, amigoe la hã maɖi gbɔlo o, vaseɖe esime Mawu adɔ tsidzadza ɖa le anyigba dzi.”

Mawu, gbã. Eyi ɖatɔ tatali sue ma, hetsɔe vɛ na nyagblɔɖila. Gatrɔ yi enumake ɖatɔ bubu ɖeka, eye bubu ɖeka, eye bubu, eye bubu. Eye wɔze la meɖi ƒuƒlu kpɔ o, alo amigoe la ɖi gbɔlo o, vaseɖe esi Mawu dɔ tsidzadza ɖe anyigba dzi. Eda Mawu ɖi doŋgɔ na viawo. Eda Mawu ɖi doŋgɔ na nu bubu ɖesiaɖe. Etsɔ Mawu ƒe Fiaɖuƒe la, gbã.

Ele be Mawu naxɔ teƒe gbãtɔ le wò dzi me, teƒe gbãtɔ le wò agbe me, teƒe gbãtɔ le nusianu si nàwɔ alo nusi nènye la me. Ele be Mawu nanye gbã. Medi be yeaxɔ teƒe evelia o. Teƒe evelia medze nɛ o. Edze na nyuitɔ kekeake, kple gbãtɔ la, kple nusianu si le mía si la. Edze nɛ. Woayra Eƒe Ŋkɔ kɔkɔe la!

Gbesiagbebolo

…Nalɔ̃ Aƒetɔ, wò Mawu, kple wò dzi blibo kple wò luʋɔ blibo kple wò ŋusẽ blibo kple wò tamesusu blibo…

Luka 10:27