UJUMBE: 64-0816 Kuthibitisha Neno Lake
- 26-0118 Kuthibitisha Neno Lake
- 24-0421 Kuthibitisha Neno Lake
- 22-0925 Kuthibitisha Neno Lake
- 21-0509 Kuthibitisha Neno Lake
- 17-1029 Kuthibitisha Neno Lake
Tai wanakusanyika Pamoja.
08.05.2021, TNI BARUA KUTOKA MASKANI YA BRANHAM KWA NDUGU JOSEPH BRANHAM.
Mpendwa Neno,
Bibi-arusi anajiandaa kuwa na uamsho mwingine tena katika nafsi zetu. Roho Mtakatifu atatuunganisha tena kusikia Neno kututhibitishia: sisi ni akina nani, tunatoka wapi na wapi tunaelekea .
yeye huthibitisha Neno lake lote, Neno Lake lote. wazia hilo tu, Neno lake lote! Nawe ulikuwa Neno Lake. Yeye alikuwa Neno, nawe ulikuwa sehemu ya Neno Lake. Na, hiyo ndiyo sababu umetumwa hapa, kuhakikisha mahali pako maishani.
Sisi ni Neno Lake. Sisi ni sifa yake. Alituwaza na kutujua kabla ya kuwekwa misingi ya ulimwengu. Tulikuwa katika Mawazo Yake. Tunao uwakilisho Mbinguni kwa kuchaguliwa kabla ya kuwekwa misingi ya ulimwengu. Ametupa Ufunuo Wake mwenyewe, jana, leo na hata milele.
Sikiliza kwa makini, kwa kuwa tumefika mwisho. Mungu amelazimisha suala hilo. Wakati umefika wa kuchukua hatua, lazima ufanye uamuzi. Mwana wa Adamu amekuja na kutimiza Maandiko yote yaliyonenwa kumhusu yeye. Amethibitisha kwa Neno. Unasimama wapi?
Swali ambalo unapaswa kujiuliza leo ni: Ni nani alikuwa malaika_mjumbe wa 7 ambaye Mungu alitabiri atamtuma? Je! Yeye, au hakuwa na maneno ya kutokukosea kama vile alivyosema alikuwa nayo? Je! Alitimiza Maandiko yote yaliyonenwa kumhusu yeye? Je! Ujumbe aliounena ulikuwa na makosa?
Je! Imeandikwa katika Neno kwamba tunahitaji zaidi ya kile kilichonenwa na malaika_mjumbe wa 7 wa Mungu? Je! Alisema atatuma mtu kufasiri kile mjumbe wake alisema? Je! Neno linasema atatuma kundi la watu kuongoza na kuunganisha Bibi-arusi Wake? Je! Anasema sio lazima uamini kila Neno?
Ukidai unaamini: Huu ndio ujumbe wa saa. William Marrion Branham alikuwa malaika wa 7 ambaye Mungu alimtuma kufunua siri zote. Ni Mwana wa Adamu akijifunua mwenyewe. Hebu tuone sasa kile malaika_mjumbe huyu kuhusu alisema alikuwa NANI
Sasa, kumbuka, huyo hakuwa Yesu akinena na Ibrahimu pale, ambaye angeyatambua mawazo rohoni mwa Sara nyuma Yake. Huyo hakuwa Yesu, hakuwa amezaliwa bado. Lakini alikuwa Mtu katika mwili, ambaye Ibrahimu alimwita “Elohim, yule Mkuu Mwenyezi ” ikionyesha… Na Yesu alisema, “Kama ilivyokuwa katika siku za Sodoma,” sasa tazama kwa makini, “katika siku za Sodoma, ndivyo itakavyokuwa wakati wa kuja kwake Mwana wa Adamu, wakati Mwana wa Adamu atakapofunuliwa. ” Si tena kama kanisa, unaona, si tena; Bibi-arusi amekwisha kuitwa, mnaona. “katika siku hiyo Mwana wa Adamu atafunuliwa.” Nini? Kuliunganisha Kanisa kwa kile Kichwa, kuliunganisha, Arusi ya Bibi-arusi. wito wa Bwana Arusi utakuja hapa, wakati Mwana wa Adamu atakaposhuka aje katika mwili wa mwanadamu kuunganisha hivyo viwili pamoja.
Wakati NANI atakuja na kuunganisha Bibi-arusi? Kundi la watu? Huduma? Mwana wa Adamu atashuka aje katika mwili wa mwanadamu kuunganisha hivyo wiwili pamoja. Je! Huyu Mwana wa Adamu, mtu aliye katika mwili wa mwanadamu atafanya nini? Ataunganisha Kanisa kwa kile Kichwa, kuunganisha, Arusi ya Bibi-arusi.
Tunajua Mwana wa Adamu ndiye Neno la leo. Lakini mtu huyo alikuwa NANI aliye katika mwili wa mwanadamu ambaye Mwana wa Adamu alijifunua kupitia yeye? Ilibidi awe Nabii; kwa maana Neno humjia Nabii TU na Nabii ndiye mfasiri PEKEE wa Neno LA kiungu la Mungu.
Kanisa halina budi kuwa Neno, Yeye ni Neno, na hivyo viwili vitaungana pamoja, na kufanya hivyo, itachukua dhihirisho la kufunuliwa kwa Mwana wa Adamu. Si kasisi.
Itachukua kitu gani kuunganisha Bibi-arusi kwenye Neno? Si kasisi itachukua:
•Dhihirisho: Webster: Kufanyika mwili kwa kitu fulani au mtu fulani.
•KUFUNULIWA: Webster: Ufunuo wa mwisho wa habari ambayo Iliyohifadhiwa hapo awali.
… Kwa Mwana wa Adamu. Je! Mwana wa Adamu alijifunua kupitia nani? William Marrion Branham.
Je! Unaweza kuona ni kwanini adui anataka utilie shaka kuwa kila Neno lililonenwa si Bwana Asema Hivi? Je! Nukuu hii SIYO Bwana Asema Hivi na mawazo tu ya Ndugu Branham, au wazo lake, au ni Neno la Mungu?
Je! Utaamini kile mtu fulani anafafanua kuwa inamaanisha, au utaamini kile malaika_mjumbe wa 7 aliyethibitishwa na Mungu anachosema? Lazima ujiulize swali hilo.
Si-sijui, mimi… Mnaona lile ninalomaanisha? Mnaona, ni Mwana wa Adamu, Yesu Kristo, atakayeshuka katika mwili wa mwanadamu kati yetu, naye atafanya Neno Lake dhahiri sana hata litaunganisha kanisa pamoja naye kama mmoja, Bibi-arusi, kisha Ataenda Nyumbani kwenye Karamu ya Arusi.
Yesu Kristo, Mwana wa Adamu, akijifunua mwenyewe kupitia mjumbe Wake ataunganisha Kanisa Lake na Yeye mwenyewe kuwa MMOJA na tutaenda Nyumbani kwenye Karamu ya Arusi. Hilo hapo, kwa Kiingereza kilicho wazi.
Si mimi nisemaye hayo, si wazo langu au mawazo yangu, Lisikie mwenyewe. Ni Mungu anayesema na Bibi-arusi Wake kupitia malaika wake wa 7 kama alivyoahidi angefanya katika Neno Lake. Si mwanadamu, MUNGU.
Adui anakuambia, “wanaabudu mtu.” Ninakusahi Shetani, hatuabudu mwanadamu anayesema, Bali BWANA YESU KRISTO anayeongea kupitia yule ALIYECHAGUA kuzungumza kupitia huyo.
Amina. Tayari amekwisha kuunganishwa. unaona, tunaenda kwenye Karamu ya Arusi, si kwenye Arusi. “… jishibisheni… Wenyewe, na nyama zote za watu hodari sababu Arusi ya Mwana_kondoo imekuja.” Lakini, kule kunyakuliwa, ni kuenda kwenye Karamu ya Arusi. Wakati Neno hapa, liunganikapo na mtu, na hao wawili huwa mmoja. Ndiposa linafanya nini basi? Linamdhihirisha Mwana wa Adamu tena, si wanatheolojia wa kanisa. Mwana wa Adamu! Neno na Kanisa wanakuwa mmoja. Lolote afanyalo Mwana wa Adamu, Yeye alikuwa Neno, Kanisa linafanya jambo lile lile.
Hili hapa tena, Mungu akituambia Kile YEYE anachofanya sasa hivi, ANATUUNGANISHA NA NENO LAKE LILILONENWA KUPITIA MWANA WA ADAMU. Neno na Kanisa (SISI) wanakuwa kitu kimoja.
Lazima uamini kila Neno. Usimsikilize mwanadamu au mawazo ya mwanadamu.
Nanyi mnoketi papa hapa sasa, mkitaka nitaje majina yenu, imekuwa, Shetani amejaribu kwa muda mrefu kuwafanya mnishuku. Msifanye hivyo. Dada, ukifanya hivyo, vema, wewe… ama, si mimi, bali kutilia shaka tu. Amini tu hili Neno. Silazima uniamini mimi, bali uliamini Hili. Mnaona? Nikisema Neno hili, si langu, ni Lake. Mnaona? Neno langu ni tofauti, bali Hili ni Neno Lake.
Sio Neno la William Marrion Branham, ni Neno la Mungu, na Shetani anataka utilie shaka Neno moja tu.
Na kukiwapo neno linalotiliwa shaka, sharti lijaribiwe hata utakapotambua ukweli. Kisha utakapopata lililo kweli, lilisema, “Lishikilieni.” Kwa maneno mengine, “Likamateni Sana, msiliachilie. Lishikilie!” Kwa maneno mengine, “Lishikeni kwa dhati, Lisije likaponyoka.” Lishikeni lililo jema, baada ya kuthibitishwa kuwa “Kweli” Na lolote Lililothibitishwa kuwa “si Kweli,” basi Liachilie upesi uwezavyo, ikimbie.
Njoo uungane nasi Jumapili saa 8:00 mchana, saa za Jeffersonville,(Ni saa 3:00 usiku ya TZ) kumsikia Baba akinena kupitia mjumbe wake Aliyemchagua kutuunganisha kwa ajili ya Unyakuo kwani Yeye anatuambia Anathibitisha Neno Lake 64-0816.
Ndugu Joseph Branham
Maandiko ya kusoma kabla ya Ibada:
Marko 5: 21-43
I Wafalme 10: 1-3
I Wathesalonike 5:21
Waebrania 4:12